[Зіновіїв Климентій. Вірші. Приповісті посполиті / Підг. тексту І. П. Чепіги. — К.: Наукова думка, 1971. — С.174-208.]

Попередня     Головна     Наступна






Ω(т) (з)дὲ начина́ю(т)сA рЂ́чи поεдинко́выε:

то ε(ст) ко(ж)дыε [о чε(м) ко(л)вεкъ] 1 словεса̀,

або тέжъ вЂрши, поεднокро(т) полага́ющіисA,

а нε повторяющиεсA. (Кро(м) здὲ два(ж)ды) 2.



1 Квадратні дужки стоять у рукопису.

2 Вираз узято в круглі дужки.





232. Ω утЂка́ючихъ


Да́вняA приповЂ(ст), я(к) втЂ(к) я(к) дεсятѝ поби(в):

жε на́пасти утέко(м) своимъ сεбЂ позбы́въ.

Гонящεму(с) дороги мно́ги, тому̀ εды́на:

доброму втЂкачε†справи(т) много годы́на.

Которы(и) поступаε(т) просто в(ъ) εдну̀ доро́гу:

и що ступи(т) жε(б) нε бы(л) по(и)ма́нъ мл̃и(т)сA бг̃у. /155/

I та(к) нεви(н)ны(и) ώчи гонящы(мъ) заслЁпля́εтъ:

а втЂкачε†в да́лшы(и) пу(т) г(с)дь помага́ε(т).

Прεто всяки(х) нεви(н)ны(х) втεклы(х) бж̃ε сохраня(и):

а і ви(н)ны(х) хотящы(х) каятисA zаступа(и).

Да εгда мл(с)тивно о́ны(х) ты сохрани́ши:

са(м) по́слЂ о(т) ни(х) сεбЂ бл̃годарно(ст) узри́ши.




233. Ω утЂка́ючихъ и сέ


И то ста́ры(x) сло́во, жε в страха вεлики о́чи:

хо(ч) стра(ш)наA тεмнаA ночь, втЂка́ю(т) и вно́чи. \175\

Бо нε боя(т)сA то(г)да та(к) звЂрA я(к) чεловЂка:

подобно пра(в)дивыε то рЂчи εстъ о(т) вЂка.

Ђ(р) а́щε и увиди(т) то іны(и) утЂкаεтъ:

а чл̃къ ґды у́зри(т) то пεвнε наганя́εтъ.

Нε жа́дε(н) жε и гонεцъ нε мЂεтъ в(ъ) ср(д)цы бг̃а:

ины(и) и нагна(в)ши, то zнову пу́сти(т) для бг̃а.

А са(м) змови(т) ста(р)шому своεму, жε нε ба́чилъ:

а(ж) εму̀ г(с)дь грЂхѝ zа мл(с)ть пεрεба́чилъ. /155 зв./




234. Ω проми́слныхъ людέхъ


Я́къ пты́ца свои(мъ) но́со(м) сыта повЂда́ε:

та(к) чл̃къ которы(и) собЂ промышля́ε.

I хо(ч) що ко(л)вεкъ мусЂтъ о сεбЂ стара́ти:

абы тε(ж) я(к) нибу(д) мо(г)лъ часо(м) пожы(в)ля́ти.

А εсли за собою хто сA нε стара́εтъ:

таковы(и) кожды(и) нЂgды ничого нε ма́ε(т).

А і промы́слны(и) пу(д) часъ нищεтε(н) zна(и)дуε:

понεва(ж) хто εму̀ злы(и) повожε(н)ε псує.

Нεха(и) жε бж̃ε тво(и) насъ про́мы(с)лъ сохраня́ε(т):

а творящы(х) на(м) па́кость о(т) на(с) о(т)вращаεтъ.




235. Ω скрыва́ющихъ тала́нтъ, то ε(ст) каковую любо мудро(ст)


Нε трεбЂ братіε на(м) тала(н)ту с(ъ)крыва́ти:

жεбы εv(г)лского нε наслЂдова́ти. /156/

Котры(и) εдны(мъ) тала(н)томъ другаго нε прижы(л):

алε и то(и) что̀ εму̀ бы(л) да(нъ), в(ъ) зεмлю с(ъ)кры(л).

Тала(н)тъ жε наукою сA то наzыва́εтъ:

εÁ жε нεзави́стны(и) и інЂмъ взыча́εтъ.

Бо а́щε токмо са(мъ) кто мудро(ст) разумЂεтъ:

а други(мъ) нε подаε(т), по(л)зы з нε(и) нε мЂεтъ.

Скрывающы(и) сε(и) тала(н)тъ, я(к) дрεво нεпло(д)но:

нε насаждε(н) будεтъ в(ъ) нб̃сѝ подобно.

ТЂмъ потрε(б)но науки и послЂдны(м) родо(м)

оставля́ти: да при(и)ду(т) о(н)дε с(ъ) до́бры(м) плодо(мъ)

I с(ъ) прибы(т)комъ прε(д) Хр(с)та̀ в ча(с) то(и) явя(т)сA:

а гласо(м) εго̀ в радо(ст) вни(и)дЂтε, втЂша(т)сA. \176\

ТЂмъ и мы вся́чε(с)ки да(р) бж̃и(и) нε с(ъ)крыва(и)мо:

но и бε(з)мέздно трεбующымъ подава(и)мо.

Да то(и)ждε слы́шати гласъ бж̃и(и) сподоби(м)сA:

а по слыша(н)ню в(ъ) нб̃о до ст̃ыхъ всεли(м)сA. /156 зв./




236. Ω нεблг̃ода́рны(х) людε(х), ла́сцЂ бж̃о(и), и чεловЂчεско(и)


Кто нε вдячεнъ чиε(и) ла́сцЂ и тру́домъ:

то(и) руга́ніε твори(т) всЂмъ хв̃ымъ у́домъ.

А ка́ко жъ то хв̃ы(м) у́да(мъ) сA ругаεтъ

рцы̀ мѝ: то(и) іжε свои(х) тру(д)нико(в) в(ъ)кры(в)жаε(т).

А Хс̃ потруды(л)сA zа всЂхъ по прεмно́гу:

былε бы присвоити якъ оц̃у бг̃у.

А стр(с)ти и тру(д) Хв̃ъ никто жε и сповЂ(ст):

а́щε и пишε(т) нЂкто, но пачε о(н) са(м) вЂ(ст).

ТЂмъ досто(и)но Хв̃и стр(с)ти помина́ти:

и трудя́щы(x)сA на насъ нε запомина́ти.

Нεвдячнымъ убо горε, ε(ст) то б гл̃гола(н)но:

когда̀ нб̃о и zεмлю εщὲ, содЂла(и)но.

ТЂм жε бл̃года(р)ны мы̀ братіε быва(и)мо:

и бл̃годарно(ст) бг̃у о всε(мъ) воздава(и)мо. /157/




237. Ω врέмεнахъ лЂ́тны(х), и ωзи́мны(х)


Бг̃ъ гд̃ь сотвори(л) на́мъ врέмεна и лЂта:

котрыε буду(т) трва́ти до ко(н)чины̀ свЂта.

I ча́сы тε(ж) всякіи о(т) нεго̀ створε(н)ны:

но на(и)пачε лЂтныε о(т) всЂхъ ухвалέнны.

Лу(ч)шε(и) бо лЂто в нε(м) жε вся(к) пло(д) сA ражда́εтъ:

и на зы́мноε врεмA пищу умножа́εтъ.

I что вготуεтъ лЂто zыма̀ прибыра́εтъ:

а растЂніA плодо(в) в(ъ)зымЂ нε быва́εтъ.

I якъ мовя(т) на зы́му лЂто работа́εтъ:

а zыма̀ работати на лЂто нε зна́εтъ.

I что̀ о(т)мЂтаε(м) в ча(с) лЂтны(и) что нога́ми:

то́ε з(ъ) ωхо́тою (б) взя(л) взымЂ и рука́ми. \177\

А та́къ пу(д)да́нство зымЂ лЂто о(т)праву́εтъ:

ґды всякіε запа́сы ε(и) zавшε готу́εтъ.

Подобно то сы́то(с)ти зыма̀ в собЂ нε ма́εтъ:

что всякіε лЂтныε собра(н)A з(ъ)яда́εтъ. /157 зв./

А и лЂто такоε жε(б) нЂgды нε бы́ло:

ко(т)роε на(мъ) бы грЂхѝ многи изроди́ло.

I нε да(и) ю(ж) на(мъ) бж̃ε бо(л)шъ грЂховъ твори́ти:

алε рачъ и за тыε ла(с)кавε простити.

I согрЂ(и) дх̃о(м) ст̃ымъ в насъ хла(д)ныε ср(д)ца:

мл̃и(м) тA пр(с)но о то̀ ω(т) всεго̀ ср(д)ца.




238. Ω ча́са(х) пого́дны(х), и ω нεпого́дны(х)


Ежεлѝ прилучи(т)сA в ко(т)ры(и) часъ пого́да:

то(г)да̀ людεмъ бываε(т) особна выго́да.

Бо в(ъ) пого́ду и сму(т)ны(и) вεсεлы(мъ) быва́εтъ:

и в то(и) ча(с) з(ъ) мало ско(р)бы своε(и) забыва́εтъ.

I работа́ющы(м) лЂпшъ тогда̀ работа́ти:

чи́сто за всякую рε(ч) рука́ми сA взя́ти.

Па́чε (ж) подорожны(м) бεзско(р)бна доро́га:

ко(т)рыε то(г)да бεз(ъ)прε(ч) о то̀ мл̃ятъ бг̃а. /158/

А в(ъ) бεзвε(д)рноε врέмA, всÀ тва(р) дряхлу́ε(т):

и нε ма́ло лεчъ крЂпко ср(д)цы болЂзнуεтъ.

Бо и ста(т)чина о́ны(х) часовъ на(д)саждаεтъ:

котораA в поЂзда(х) часто работаεтъ.

I ωсобъ чл̃ку часови утра́та:

и на ха(р)чъ грошоваA дарεмно із(ъ)тра́та.

І нεпогоду дава(и) бж̃ε когда трέба:

а тогда̀ удε(р)жу(и) я(к) εи намъ нε трεба.

Ты(л)ко жъ во всяки(х) рЂча(х) воля твоA бж̃ε:

и твоA вл(д)чицε и нш̃а г(с)пожε.

Една(к) проси(мъ) подава(и) и бεзвε(д)рно(ст) мЂрно:

жεбы хр(с)тія(н)ски(и) ро(д) нε тужи(л) бεз(ъ)мЂрно.




239. Ω нεстатέчны(х) zыма́хъ, або тεжъ ω нεстановки́хъ. /158 зв./


Подобно ка́рно(ст) бг̃ъ людε(мъ) посыла́ε(т):

жε то нεста́токъ zымны(и) вεлики(и) быва́εтъ. \178\

Я́ко то̀ частокро(т)но случаю(т)сA сло́ты:

из заразлывы(мъ) вЂтро(мъ) дождεвны плюхо́ты.

А часомъ збы(т)ныε сA роскалы зна(и)ду́ютъ:

жε а(ж) крЂпко вси лю́дε з(ъ) скотами бЂдую(т).

А іно(г)да и во́ды на низа́хъ стопля́ютъ:

а на ставахъ на рЂкахъ грεблЂ̀ урыва́ю(т).

І пεрεЂздо(в) в рудка(х) тогда̀ нЂтъ бεзпέчно:

а(ж) поку(л) гдε онѝ ε(ст), zамε(р)знуть конέчно.

Една(к) нε добро̀ и в то(и) часъ ґды̀ голощо́ки:

ко(н) попо(л)знε(т)сA вы́бεтъ собЂ зубы и що́ки.

Коня (ж) мощно на ки(л)ко ногъ кому пу(д)кова́т(ъ):

а волъ бЂдны(и) нε ко́ва(н) мусЂт(ъ) сA спотыка(т).

I злаA то рЂчъ Ђзди(т) вола́ми на свЂтЂ:

волЂлъ бы(м) всέ ко(н)ми, а іхъ бы хочъ нε мЂ́ти.

Я(к) бы мЂлъ в злы(и) фо(р)тунны(и) ча(с) собка(т)сA вола́ми:

то скорЂ(и) бы поспЂшилъ пЂшыми нога́ми. /159/

I шо̀ ε(ст) злы(х) ра́зовъ, всὲ zимы̀ нεстатέчно(и):

нε εди(н) сA натε(р)питъ бЂды̀ валεчно(и).

Бо всЂхъ приміо́то(в), такихъ зы(мъ) нε бываεтъ

зы́мны(х): хо(ч) снЂгъ бываε(т) то нε замε(р)заεтъ.

А gды̀ замε(р)знεтъ, то в то(и) часъ о снЂгъ ε(ст) тру(д)но:

а(ж) розмаиты(м) людя(мъ) и ста(т)чина(м) нудно.

Жε то груда мε(р)злаA снЂгомъ нε прикры́та:

и голаA дорога в по́лю та(к)жε нε вкры́та.

Прεто̀ чи са(н)мы̀ Ђха(т) чи во́зомъ, нε знаεшъ:

в далεкую дорогу, а́жъ нε прыгадаεшъ.

Нε хочεшъ знаю того обε(л) занεха́ти:

и на іноε врεмA та(к)жε о(т)клада́ти:

Ω(т)ложи́ и пилно(ст) дЂлъ до самого лЂта:

gды̀ бг̃ъ тѝ продолжи(т) зε(м)наго сεго свЂта.

Бо хочъ будε(т) zыма̀ ю́жъ нε своεго часу:

ко(г)да людε зажи́ю(т) бεрεзова ква́су.

I тогда̀ за нεстаткомъ своимъ ужὲ наста́нεтъ:

якъ скоты́на(мъ) и коня(м) по́ка(р)мовъ нε ста́нεтъ.

I такъ ввε(с) подобны(и) ча(с) зи́мны(и), zлέ проминεтъ:

а(ж) в вεсня́ны(и) часъ бобро́мъ на́ ухо нажεнέтъ. /159 зв./

I ю́жъ в то(и) часъ нε будутъ εи потрεбова(т):

при(ш)ло̀ врεмA ра(д) бы вся(к) в(ъ)скорЂ лЂто огляда́т(ъ).

I нε да(и) бж̃ε нЂgды таки(х) злыхъ зы́мъ вЂрнымъ:

лε(ч) посыла(и) во стра́ны і́ны всЂмъ нεвЂрнымъ. \179\




240. Ω лЂтεхъ и ω zыма(х): и о стра́на(х) тέплыхъ, и о zи́мныхъ


Я́ко всA дЂла твоA бж̃ε нε ізрεчέнна:

та́ко и сыA на(м) вεщъ о(т)ню(д) нε домы(с)лε(н)на.

Жε(с) посади(л) εси насъ вЂрны(х) на зεмлѝ хла(д)но(и):

и на ча́сти свЂта сεго̀ по части и гла́дно(и).

А нεвЂрны(мъ) пога́но(м) далъ εси ввε(с) ужытокъ:

и лу(ч)шы(и) оставилε(с) в страна(х) іхъ и́мъ пожы́то(к).

Я́ко то в ны(х) драгіε корεніε сA родятъ:

и о́вощы ди(в)ныε в ни(х) жε страна(х) сA пло́дя(т).

I два̀ кро(т) в лЂто слы́ши(мъ) о́вощы сA ражда́ютъ:

и зымно(ст) в(ъ) м(с)цахъ тЂхъ, что в на(с), либо нε быва́ε(т). /160/

А хр(с)тія(н)ски(и) кра(и) ты(м) εсѝ нε удоволи́лъ:

алε и студέности zимныε постанови́лъ.

I бываε(т) в насъ зымѝ нεжεли лЂта бо́лшε(и):

и пу(д) часъ в лЂтЂ студε(н) случаε(т), то на(мъ) го(р)шε(и).

I хоча(и) бы(с) zы(м) лютыхъ и намъ нε останови́лъ:

жадε(н) бы вЂмъ чл̃къ по ни(х) сA нε журы́лъ.

Да жεбы(с) и в м(с)ца(х) зы́мны(х) подавалъ лЂто:

нε стр(д)лъ бы ми(р) мра́зо(м), и вε(л)мѝ было (б) лЂпо.

Жεбы(с) бεзпрεчъ лЂтныε тεплости укорεня́лъ:

а студεности зы́мны хо(ч) бы(с) навЂкъ скорεня́лъ.

I кгды бы(с) тε(ж) и о(т) насъ люто(ст) зы́мную о(т)ня́лъ:

ко(ж)ды(и) бы по зымЂ измε(ж) насъ главы̀ нε звяза́лъ.

А заты(м) нε що іно мЂεмъ бж̃ε чини́ти:

гдὲ посады́лε(с) на(с), и я(к) да́лε(с) то да́лε(с): мусЂмъ жи́ти.

Zа нш̃и всε(г)дашныε принамнЂ(и) тε(р)пεніA:

простѝ насъ и сподобѝ вышняго сεлεніA.

Котроε да(и) на(м) Хр(с)тε конεчно получи́ти:

бы(х)мо́ с(ъ) ст̃ы́ми тA мо(г)лѝ в(ъ) нб̃Ђ хвали́ти. /160 зв./




241. Ω писа́ніи ст̃о́мъ, и о уча́щы(х)сA εго̀


Если (б) правε писани(и) бг̃ъ на свЂтъ нε пода(л):

ввε(с) бы наро(д) зεмны(и) тво(р)ца своέго нε зна(л).

Ажε прε(з) писаніε то εго̀ позна́ли:

и г(с)дεмъ и сп̃сомъ и тво(р)цεмъ наzва́ли. \180\

I сщ̃εнниковъ схотЂлъ бг̃ъ вεздЂ постави́ти:

дабы̀ моглѝ народо(в) на пу(т) пра(в) учи́ти.

I кгды (б) нε сщ̃ε(н)ники и цр̃квε(и) бы нε было̀:

нε бы(л) бы zако(н) алε бε(з)зако́ніε (б) было̀.

Бо зако(н)ного браку нε мощно (б) составля́ти:

понεва(ж) бы нε было̀ кому̀ шлюбо(в) дая́ти.

Та(к) жε хр(с)тіянами нε могли (б) сA называ́т(ъ):

кгды (б) ражда́εмы(х) дЂтε(и) нЂкому было̀ кр̃ща(т).

I фу(н)дамε(н)томъ бг̃ъ поставилъ а(р)хіεрεεвъ:

постановляю(т) бо они и іεрεεвъ.

Бо о(т) а(р)хіεрεA сщ̃έнникъ быва́εтъ:

а з(ъ) сщ̃έнника сA хр(с)тіяни́нъ ражда́εтъ. /161/

Прεто ґды (б) нε было̀ писа́ніε на свЂтЂ:

нε мо(г)лъ бы свЂ(т) жа(д)ного чину в сεбЂ мЂ́ти.

А то за писаніε бл̃года(р)ствуεмъ бг̃а:

прε(з) ко(т)роε о(т)крыта в(ъ) нб̃о всЂмъ на(м) доро́га.

I хто́ писаніε ст̃оε знεважаεтъ:

таки(и) вε(л)ми гд̃у бг̃у согрЂшаεтъ.

Бо іны(и) мови(т), жε з писмεнны(х) всε зло̀ быва́εтъ:

нεха(и) за εго лга(н)ε на εго̀ обращаεтъ.

I обрати(т)сA, жε слЂпъ дε(р)заε(т) вождо(в) хули́ти:

будε(т) бо пεвнε εго бг̃ъ zа тоε судити.

I з(ъ)нову (ж) мовя(т) прε(з) писмεнны(х) западε(т)сA свЂтъ:

що(б) то(и) са(м) запа(л)сA, а того и по сε(и) ча(с) нЂтъ.

I для того̀ людε сA тру(ж)да́ю(т) пи(с)ма учи́ти:

жε(б) сп(с)ніA дш̃а(мъ) моглѝ сA научи́ти.

Zачи(м) пεрεста(н)тε простакѝ пи(с)мо̀ блю(з)ни́ти:

бы(с)тε сA нε мо(г)лѝ в(ъ) пропа(ст) вЂчну потопи́ти.

Я ва(с) в то(м) якъ пріятε(л) пεрεстεрЂга́ю:

а за наказа(н)ε о прощε(н)ство упроша́ю. /161 зв./




242. Ω учащы(х)сA малы́хъ дЂтεхъ писани(и) ст̃ыхъ, я́ко малыε нау́чат(ъ)сA: а вεли́кіε хо(ч) сA и учити буду(т), да нε та́къ могу(т) ю(ж) тыε памятатн: и нε та(к) сла(в)но


Поря́дно и слушнε то(т) звыча(и) идε(т) на свЂтЂ:

жε малыε учи́ти узакони́ли дЂти. \181\

Бо вεлики(х) з(ъ) трудно(ст)ю приходи(т) ю(ж) учи́ти:

понεва(ж) нε такъ мо(щ)но доро́слы(х) нахылити.

I буду(т) вЂмъ бε(з) страху іноε пробува́ти:

и що сA научаютъ, ту(т) могу(т) zабува́ти.

I для того̀ то̀ малы(х) писани(и) заправля́ютъ:

що сA науча(т) тоε и в старо(ст) памята́ютъ.

Рεмε(с)ла̀ и вεлики(и) можε(т) сA научи́ти:

а на(д) пи(с)мо(м) малы(м) сA трεба потруди́ти.

А хо(ч) ε(ст), що вεлики(и) писаніA сA учитъ:

да ты(л)ко бЂдны(и) сεбὲ и учитεлA му́читъ. /162/

Прεто нεха(и) хто хочε(т) малы(м) сA науча́εтъ:

а вεлики(м) хо(ч) нεха(и) ужε ни помышля́εтъ.

Бо з нεго̀ науки южъ згола нищо нε будεтъ:

ты(л)ко сA знεбудε(т), и ча(с) да(р)мо траты(т) будε(т).

Я ражу ты(х) замысловъ о(т)ню(д) ю́жъ пεрεстати:

а іны(х) рукодЂли(и) научатисA ста́ти.

Бо мовя(т) нε кракала врона лεтA догоры̀:

и погото(в) нε будε(т) пущаючисA з горы̀.

А та(к) правε шкода ю(ж) того̀ и говори́ти:

которои потравы нε будεшъ вари́ти.

Мо́щ(ъ)но и в(ъ) у зростЂ, писмε(н)ного ю(ж), учи́ти:

якъ то часо(м) якую мудро(ст), εму̀ о(т)кры́ти.

А з фу(н)дамε(н)товъ то(и) а́збучны(х) нЂтъ сA нε по(и)мε(т):

то(к)мо з(ъ)тра́ту ча́су, и дарέмны(и) тру(д) обо(и)мε(т).

Zачи(м) и за(с) да(и) поко(и) о то(м) южъ нεборачε:

а учисA рεмε(с)ла̀ лучшε(и), а нε іначε.

Я́ тобЂ и повторε такъ тоε поража́ю:

и о прощεніε тA прошу̀, и добръ прія́ю. /162 зв./




243. Ω хотя́щы(х) пи(с)ма̀ учи́тисA и нε могу́щы(х)


Добро (б) ко(ж)дому писма̀ св̃то́го сA вчи́ти:

алε нε кожды(и) εго̀ можε(т) настави́ти.

Бо то в науцЂ вε(л)мѝ ε(ст) дЂло трудно́ε:

и хто̀ нε можε(т) поня(т), то крЂпко нудно́ε.

Пи(с)мо̀ таково̀, кому то̀ бг̃ъ да(ст), εго̀ вмЂт(ъ):

а іны(и) и учи(т)сA и нε будε(т) разумЂ́т(ъ).

Ты жε бж̃ε хотящы(м), зво(л) тоε о(т)кры́ти:

а онѝ буду(т) за то̀ тA бл̃годари́ти. \182\




244. Ω уча́щы(х)сA в лЂтε (х), чεго̀ добр о(г)[о] коεго художε(ст)ва сирЂчъ рукодЂліA, [кро(м) бж(ст)вε(н)наго писаніA] 1 я́ко нε всты(д)но ε(ст)


Я́къ то мовя(т) до смε(р)ти учи(т)сA чл̃къ:

прε(з) всὲ врεмA жывота̀, або тε(ж) прε(з) ввε(с) вЂкъ. /163/

I добрѝ доброго сA и в лЂтεхъ навча́ти:

а злы(х) дЂлъ нε да(и) бж̃ε анЂ помышля́ти.

Бо доброго и старымъ нε встыд сA учи́ти:

а всты(д) и грЂхъ и млады(мъ) злого сA учи́ти.

Прεто да(и) бж̃ε добры(х) дЂлъ хтЂти умЂти:

а о(т) злы(х) хранѝ бж̃ε, старыε и дЂти.

Zачи(м) нε грЂхъ спсε(н)ны(х) дЂлъ и науча́ти:

а о(т) злого якъ можε(ш) тщы́сA о(т)враща́ти.

Кождого Хр(с)тε бж̃ε ω(т) злого о(т)вε(р)ни:

а по́лεзного всЂхъ сA учи́ти навε(р)ни.

Да со добрыми дЂлы всѝ к тεбЂ̀ явы(м)сA:

и на судищи твоεмъ да нε постыди(м)сA.



1 Квадратні дужки стоять у рукопису.





245. ВЂршъ причинны(и) ω(т) кого̀ до ко(г)[о], за яко́вы(мъ) прεсту́пл(ъ)шымъ чεловЂкомъ


Xотя́щаго сп(с)ти́сA, сп(с)тѝ подоба́εтъ:

понεжε пока́яти(с) о(т) ср(д)ца жεла́εтъ. /163 зв./

А согрЂшшεму руку помощи пода́ти

трεбЂ: ібо о(т) грЂховъ хощε(т) за(с) воста́ти.

Да и пода́вшы(и) по́мощъ сп̃сε(т)сA осо́бно:

и нε вни(и)дв(т) вовЂки в на́пасти подобно.

ТЂмъ досто(и)но грЂшному мл(с)ть показа́ти:

да и са(м) будε(ш) в(ъ) нб̃Ђ вЂчно ца(р)ствовати.




246. Ω православныхъ людέхъ вои(н)скіε слу(ж)бы о(т)праву́ючи(х): імε(н)но о козака(х)


И козакѝ на свЂтЂ всЂ̀, вε(л)мѝ сA тружда́ютъ:

понεва(ж) пε(р)си своѝ на во(и)на́хъ выставля́ютъ.

Боронячѝ о(т)чи́зни и добра̀ хр(с)тія́нъ:

жεбы нε прεодолЂвъ нεчεстивы(и) басу(р)ма́нъ. \183\

I нε то(к)мо что пε(р)си ωни ставя(т) у во(и)нЂ̀:

алε и́ныε кладутъ и го́ловы на во(и)нЂ. /164/

Zачи́мъ сп̃сѝ іхъ бж̃ε за ту́ю ω(т)ва́гу 1.

а грЂши(т) бг̃у хто даεтъ козака(м) знεва́гу.

Просты(и) чл̃къ zавшε у дому пробува́εтъ:

а козакъ шε(д)ши в во(и)ско ввε(с) до(м) сво(и) оставляε(т).

А идучи чи вε(р)нεтъ к до́му и самъ нε зна́εтъ:

ты(л)ко са(мъ) бг̃ъ и(х) нεха(и) о(т) смε(р)тε(и) сохраня́εтъ.

Zачи(м) нε ты(л)ко хова(и) бж̃ε нагану дават(ъ)

козака(м): алε трεба и(х) якъ ст̃ы́хъ шанова́т(ъ).

Бо на во(и)на́хъ в потрεба(х) кро(в) свою пролива́ю(т):

и zа православную вЂру дш̃и полага́ютъ.

I дару(и) бж̃ε такимъ нб(с)ныε коро́ны:

що чиня(т) зεмлЂ нш̃о(и) о(т) враговъ оборо́ны.



1 З лівого боку на полі вертикальний рядок довжиною до кінця цього вірша: Ω козака́хъ zлы(х) ли(ст) л̃s, л̃з наза́дЂ. Написаний червоним чорнилом. I справді, на аркушах 36 і 37 є вірші про козаків.





247. Ω вεсέло(с)ти дво(р)ско(и), и ω смущέніи


Еслѝ часо(мъ) вεсε(л) пн̃ъ, и слу́ги вεсεля(т)сA:

а εжεлѝ пн̃ъ смутε(н), то и слу́ги смутя(т)сA.

Смутна (ж) была̀ всA тва(р) ґды̀ Хр(с)та̀ распя́то:

понεва(ж) з(ъ) свЂта всяку радо(ст) было̀ о(т)ня́то. /164 зв./

А ко(г)да тако(ж) дε впя(т) Хс̃ із мε(р)твы(х) воста́лъ:

то(г)да новоε миру вεсεліε даровалъ.

I намъ жε Хр(с)тε тую вεсεло(ст) дару(и):

а фрасунокъ о(т) ср(д)цъ нш̃и(х) всяки(и) о(д)і(и)му(и).

Абы(х)мо радо(ст)но тA всε(г)да̀ мо(г)ли хвали́ти:

и бл̃года(р)но(ст) тεбЂ о(т) дш̃а̀ приноси́ти. \184\




248. Ω ба́ня(х), [то̀ ε(ст) о ла́зняхъ] 1 або тε(ж) по лито́вски(и) ω мы́лняхъ, жὲ в(ъ)ходя́щіи в ны(х) мы́тисA, тЂла свои прε(д) всЂми обнажа́ютъ. Zwłaszcza ínocy. А и́ныε εA нε зажыва́ютъ


Я́ко ми(р)скимъ ла́знA ε(ст) то дЂло нε чε(ст)но:

а іноко(м) на(и)пачε то έсть бεзчέстно.

Іночε(с)ко(и) сл̃нцу zрЂт(ъ) нε трεбЂ наготы̀:

а нε толко людε(м) і́ноково(и) срамоты̀.

I ми(р)скимъ годило (б) сA εи нε вжыва́ти:

жε начну(т) z голы(м) тЂло(м) я́вно обε(р)та́ти. /165/

I мо́щно (б) всякимъ чи́но(м) ла́зню остави́ти:

а в лЂтнεε врέмA в рεцЂ̀ сA измы́ти.

I кгды̀ нε грЂшно̀ то здоровы к нε(и) ходЂтε:

а на положившаго си́ε, нε скорбЂтε.



1 Квадратні дужки стоять у рукопису.





249. Ω кровопуща́ющыхъ


Много таки(х) ε(ст), жε з(ъ) тЂлъ свои(х) кро(в) пуща́ю(т):

и ма́ло по́мощи з ты(х) лЂка(р)ствъ сεбЂ ма́ю(т).

Бо лЂчεны(м) конεмъ южъ сA нε нароби́ти:

ты(л)ко іны(и) нε тε(р)пA мусЂтъ то чини́ти.

И а́зъ вЂршопи́сεцъ сε(и) зколко (м) лЂтъ зажыва́лъ

пуща(т) кро(в): и малую помо(щ) ты(мъ) дознавалъ.

І нε мЂючи по(л)зы мусЂлεмъ прεста́ти:

а на вра́ча г(с)да нача́хъ упова́ти.

Ему самому нεмощъ мою̀ прε(д)лагаю:

и всεго сεбὲ εго мл(с)ти вруча́ю.

Ωнъ лу(ч)шε(и) тЂло моὲ уврачεват(ъ) можεтъ:

и дш̃у грЂшну сп(с)тѝ я́ко бг̃ъ возможεтъ. /165 зв./

Прεто и і́ны(м) пуща(т) прεста(т) поража́ю:

а zа пораду мою̀ прощε(н)ства впраша́ю.




250. Ω людε(х) з(ъ) молоды(х) лЂ(т) збы(т)нε працова́вшы(х): а на старо(ст) ни ма́ло сыли нε захова́вшы(х)


Мно́гіи того̀ прε(ж)дε врεмεни дозна́ли:

которыε zмолоду сы́ли нε хова́ли. \185\

Жε в посрε(д) вЂка мЂю(т) нέмо(щ) прεстарЂлу:

и тва(р) а(л)бо пε(р)сону свою состарЂлу.

I ужε якъ стары́ε дЂды́ща хрыпа́ютъ:

що а(ж) zгола у собЂ здоро́в(ъ)A нε ма́ютъ.

I ужε (б) и храни́ли да нЂчεго храни́т(ъ):

ты(л)ко муся(т) бЂдныε и та(к) из(ъ) лихо(м) жи(т).

I писа́тε(л) сихъ вЂршовъ крЂпко того̀ дозна(л):

и що̀ мЂло на старо(ст) быти о то(м) нε зна́лъ.

Прεто̀ ка(и)сA молоды(и), чрε(з) сы́лу працова́т(ъ):

да нε бу́дε(ш) далЂ(и) та(м), такъ я(к) я́ бЂдова́т(ъ). /166/




251. Ω сна́хъ, що̀ спи́тъ чεловЂкъ


Хочъ стары(и) хо(ч) молоды(и), я(к) нεдосыпля́εтъ:

то(и) половину своεго здоровA втрача́εть.

I ωсобно бываεтъ тому чεловЂку

из(ъ) нεдосыпля(н)A: жε вмε(н)шаε(т)сA вЂку.

Мо́зги бо у голова(х) таки́хъ zасыха́ютъ:

а ча́со(м) що̀ на(и)го(р)шε(и), а(ж) умъ погубля́ютъ.

То́ε тε(ж) и бεзмЂ(р)но спя́щы(м) быва́εтъ:

многи(и) наро(д) таково(и) рεчи досвЂдчаεтъ.

Ст̃ы́ε оц̃ѝ наро́чно нεдосыпля́ли:

ра́ды сп(с)ніA: да нε до́лго жыва́ли.

Ты (ж) чл̃чε εслѝ хо́чε(ш) zдравствова́ти:

стара(и)сA высыпля́ти, ли(ш) нε на́ збы(т) спа́ти.




252. Ω потрέбахъ ко(н)ца̀ нε іму́щы(х)


Жыво́му чл̃ку всὲ на свЂтЂ трέба:

а якъ умрε(т) то ужὲ нищо̀ нε потрέба. /166 зв./

I нε можεтъ тε(ж) нищо̀ из(ъ) собо́ю взя́ти:

ты(л)ко на(г) тамо по(и)дεтъ я(к) роды́ла мт̃и.

А εжεли (б) мо́щно жε(б) на то(и) свЂтъ що бра́ли:

то живы(м) бы ничо́го ю́жъ нε оставля́ли.

I вεли́кою стр(д)лъ бы̀ свЂтъ нищεто́ю:

нε εди(н) бы и бога(ч) zоста(л) сырото́ю.

А́жε бг̃ъ всЂмъ з(ъ) собою брати позапрЂща́лъ:

жεбы̀ до sЂла ми(р) сε(и) живы(и) нε обнища(л).

А і та(к) бεзчислε(н)но на zεмлѝ нищε(т)ныхъ:

нεжεлѝ ты(х) бога́тыхъ ду́ко(в), и славεтны(х).

Zачи(м) ничо́го (б) на(м) та(к) нε потрεбова́ти

я́ко бг̃а: жεбы̀ з ны(м) в(ъ) нб̃Ђ цр(ст)вова́ти. \186\




253. Ω рабЂхъ, то̀ ε(ст) о наέмника(х), служащы(х) людε(м) свЂтовы(м), в(ъ) градЂхъ и в(ъ) вέсε(х): и в(ъ) мн(с)тырέхъ


Еслѝ кто̀ в(ъ) мн(с)тыру̀ вЂ(р)но служи́т(ъ) бу́дεтъ:

пεвнε того̀ за щы́ро(ст), са(м) бг̃ъ нε забудεтъ. /167/

А хоча(и) и свЂцкому вЂрно работаεтъ:

εдна(к) жε и такого бг̃ъ нε zабуваεтъ.

А ба(р)зЂ(и) мн(с)тыру̀ ко(т)рыε тружда(т) зволя(т):

хо(ч) хто̀ и нε бε(з) платы, а за ны(х) бг̃а мл̃ятъ.

А мл̃ятъ по чты́ри кро(т) на́ дн̃ь zа́вшε:

и поісти(н)нЂ будутъ мл̃и́ти наза́вшε.

По́ку(л) яко(г)[о] ко(л)вεкъ мн(с)тыра̀ ста́нεтъ:

за служа́щы(х) и служи́вшы(х) мо(л)ба нε прεста́нε(т).

Мεновитε (ж) в вεчε(р)ня(х) в павεчε(р)няхъ, прося(т):

на у́трεня(x) на часа(х) мл(т)вы прино́сятъ.

А на(и)пачε на службахъ мо(л)бы полага́ютъ:

гды̀ сщ̃ε(н)ники за ны(х) ча(ст)кѝ поклада́ютъ.

I котры(и) в(ъ) мн(с)тру̀ служи(в), або̀ з(ъ)хо́чε(т) послужи́ти:

звла́ща щы́рε: цЂлε то(и) можεтъ сп(с)ніA зажи́ти.

А осо(б) правдою жы(т) чε(р)нцамъ поража́ю:

и всяки(х) чтущы(х) сы́ε бг̃у поруча́ю.

I то(и) жε писа́тε(л) прощέніA жεла́εтъ:

и поку(л) жывъ то тако(ж) за васъ бг̃а бл̃га́εтъ. /167 зв./




254. Ω нача́вшомъ кіи строεніA твори́ти: а по́слЂ нε могу́щε(м) того̀ докончи́ти


Пέвнε было (б) таковы(х) спра(в) ни почина́ти:

котры(м) нε мо́жε(ш) слу(ш)ны(и) конε(ц) доказа́ти.

Бо знаε(ш) что дарεмнε и ко(ш)тъ сво(и) уло́жи(ш):

або тε(ж) працы своε(и) нεви(н)нε прило́жишъ.

Кгды (б) вчинилъ εсѝ на то̀ такую ува́гу:

жε(б) я(к) много доста(т)ку изчита́ти ва́гу.

А то̀ ты(л)ко на заходъ тво(и) пожа(л)сA бж̃ε:

в чε(м) раз†то(и) жε тεбЂ бг̃ъ нεха(и) поможε. \187\




255. Ω купу́ющыхъ буди́нки готовыε и ωдεжды


Пра(в)диваA приповЂ(ст), купу(и) хату кры́тую:

а одεжыну зовсЂмъ я(к) трεба пошытую. /168/

Да мε(н)шъ утра́ты ко(ш)ту твоεму за(в)шε бу́дε(т):

и ту(р)ба́ціи о то(м) дЂлε тεбЂ нε будεтъ.

Бо будуючи zара(з) нε станε(т) совε(р)шεнна 1.

а ты(м) часо(м) кишεнA явы(т)сA упра(ж)нεнна.

А до справля(н)A одεждъ бо(л)шεи дεнε(г) надо́бно:

за ко(т)рыε часо(м) д†купи́лε(с) бы подобно.

А и кравέцъ і́ногда которы(и) ша(л)вЂру́εтъ:

то(и) тεды много рЂчи(и) твои(х) внЂвεчъ з(ъ)тахлу́ε(т).

А нЂтъ лучшε(и) я(к) на́чнε(ш) готовоε купова́т(ъ):

пεвнε мε(н)ши(и) ста́нε(ш) ко́штъ на що ко(л)вε(к) вы(к)лада(т).

I врέмεни на тоε з(ъ)то(л)ко нε згубишъ се́бЂ:

и стокро(т)ны(и) пожы́то(к) са(м) взри(ш) на(и)дε(т)сA тεбЂ.

Една(к) жε на то́ε я тεбὲ нε прымуша́ю:

ты(л)ко твоε(и) мл(с)ти, я́ко сεбЂ пріяю.

Са(м) з(ъ) ла(с)ки бж̃εи сво(и) разу(м) и во́лю маε(ш):

и вшεлякіε спра́вы тако(ж) твори́ти знаε(ш). /168 зв./

А на мεнὲ за вЂршы си́ε нε ра́чъ дыви́ти:

во(л)но мл(с)ти твоε(и) сεго̀ и нε чини́ти.




256. Ω нε радя́щы(х) людε(х) ώколо сεбὲ, и о́коло свои́хъ имЂни(и)


Кгды̀ чл̃къ нε стои(т) zа шέляго(м) яковы(и):

то то(и) и са(м) шέляга нε стои(т) таковы(и).

I ма(р)нотра́вцεю тако́го могу(т) назва́т(ъ):

кгды самъ за свои(м) добры(м) нε захочε(т) стоя(т).

Бо трεба всЂм своεго добра̀ остεрЂга́т(ъ):

а нε повсюда ма(р)но и да(р)мо расточа́т(ъ).

I до(л)жεнъ вся(к) прε(з) труды свои собира́ти:

и мл(с)ты́ню вбоги(м) о(т) трудовъ дая́ти.

I хо(ч) нε то(и) господа(р) мовя(т) що збира́εтъ:

алε що гото́вого добра̀ нε зтрача́εтъ.

Една(к) к гото́во(и) ого(н) лЂпшъ класти коло́дЂ:

я(к) будε(т) мЂ(т), а(ж) часо(м) выго́ды в прыго́дЂ. /169/



1 З лівого боку на полі проти цього рядка рукою автора написано червоним чорнилом: ха(т)а. \188\



А понεва(ж) запа́сы нЂgды всЂ́мъ нε шко́дятъ:

ты(л)ко при злы(х) и добры(х) фо(р)туна(х) всЂхъ здо́бя(т).

А та(к) бж̃ε помага(и) имЂни(и) примножа́т(ъ)

прв(д)ны(х): а zа тоε тA тво(р)ца восxваля́т(ъ).

А нεімущы(х) о(т)ню(д) ничто̀, са(м) вспомага(и):

и нε до ко(н)ца̀ свои(х) убоги(х) забыва(и).




257. Ω подывέн(ъ)я(х) и ω за́зро(с)тε(х) лю(д)зки(х) ко(т)рыε часо(м) подывляю(т) на тыхъ, что кто чимъ орудуεтъ, в(ъ) рука(х) свои(х) мЂючи


Вε(л)ми часто ты(мъ) рεча(м) лю́дε подывля́ютъ:

на ты(х) то̀, ко(т)рыε что̀ в(ъ) рука(х) свои(х) ма́ютъ.

I ты(м) во врεмA своὲ дш̃и пожывля́ютъ:

хо(ч) нε з свои(х) та(к) з(ъ) пн̃ски(х) добръ мало вмы(ш)ляю(т).

Бо служачи олтару̀ з(ъ) ωлтара и жи́ти:

и zа тоε нЂчεго много и дивити 1. /169 зв./




258. [Ω старцяхъ]


Старέцкіи вовЂки нε напо(л)нишъ су́нки:

бо то дЂравыε в ни(х) на(и)дую(т)сA тлу́мки.

Нε можε(т) хо(ч) бы ко(л)ко бравъ обогати́ти:

и свою̀ су(н)ку ко(г)да ко(л)вεкъ насыти́ти.

I бεрεтъ іны(и) ча́сто и нищо̀ нε ма́εтъ:

нε знаε(м) для чεго̀ бг̃ъ ты(л)ко εго̀ зна́εтъ.

Подобно разумЂεтъ жε то такъ для того̀:

жε ко(ж)ды(и) и живы(т)сA з(ъ)мεжи ны(х) из того̀.

Кгды̀ з(ъ) прощε(н)A всяку (б) то ну(ж)ду вдоволя́ти:

а і́ндЂ бЂдны(и) чого̀ нε мЂε(т) гдὲ взя́ти.

I ничо́го в людε(и) ста(р)цы нε заробля́ютъ:

бо іныε рукъ або ωчε(и) нε ма́ютъ.

I для того̀ муся(т) мл(с)тини проси́ти:

хо(ч) и нε ра́ди су(н)ки на собЂ носи́ти.

Е́стъ и таки(х) много на свЂтЂ зна(и)ду́ε(т)

лέжню(в): ко(т)рыε в миру̀ ходячи плуту́ю(т). /174/



1 В оригіналі аркуші 170 — 173 зв. чисті. Далі йде вірш про старців, заголовок якого мусив бути на аркуші 173 зв. \189\



Бу́дε(т) і́ны(и) здоро́вымъ да нε хочεтъ роби́т(ъ):

потрεба (б) тако(г)[о] сЂмъ разъ на́ дε(н) киεмъ би(т).

Zа тоε, жε ша(л)вЂрство(м) завшε забавля́εтъ:

и блука́ючи(с) ты(л)ко людε(и) ошукива́εтъ.

I добрε мо́вя(т), в ста(р)цы пугою нε вгна́ти:

а з ста(р)цовъ хо(ч) калачε(м) ста(л) бы пу(д)маня́ти.

Еднакъ да(и) бж̃ε хлЂбо(м) ты(мъ) сA нε живи́ти:

алε да(и) бж̃ε чεстны(м) дЂло(м) обходи́ти.




259. Ω слЂпорождέнныхъ, або тε(ж) ω слЂпоражда́ючи(х)сA бεз(ъ) ωчε(и). Тако(ж)дε и о ты(х) ωсобны(х) слЂпы(х), ко(т)рыε по поро(ж)дεнія(х) свои(х) в ко(л)ко дни(и) або лЂтъ, и́ли тεжъ на старо(ст) слЂпнучихъ


Лучшε(и) бы сA слЂпы́ε мо́вя(т) ни ражда́ти:

нεжεлѝ роды́вшисA свЂта нε вида́ти. /174 зв./

А то слЂпоро(ж)дшіисA та́ко повЂда́ю(т):

которыε свЂтло(с)ти и зго́ла нε зна́ю(т).

I вε(л)мѝ бЂдныε в то(м) жало(ст) собЂ мЂю(т):

ґды̀ всяку рεчъ, якова̀ ε(ст) нε разумЂ́ю(т).

А нε разумЂε(т) та(к), що чε(р)но що̀ бЂло:

и нε знаε(т) яково тε(ж) εго̀ и тЂло.

I нε знаεтъ како(в) sвЂ(р) пты́ца и бы(д)лина:

и якаA тε(ж) ко(л)вεкъ всякаA скоты́на.

I нεчи́сты(х) створεни(и) каково ε(ст) нε смы́сли(т):

и каковъ м(с)цъ sвЂзды сл̃нцε нε домы́сли(т).

I что̀ то ώгн̃нь нε знаε(т), ты(л)ко слыши(т) гарячὲ.

εжεли руку або що іноε опεчὲ.

I нε знаε(т) якова̀ цε(р)ковнаA подо́ба:

и впя(т) буды(н)коваA какова̀ оздо́ба.

А ωслЂпшы(и) в разумЂ, або̀ в лЂ́тε(х) всὲ зна́ε(т):

бо вида(л) ґды̀ о́чи ма́лъ, хо(ч) тεпε(р) нε вида́ε(т). /175/

I нε така́A пεча(л) такому бываεтъ:

якъ слЂпоро(ж)дεнному що ничо(г)[о] нε зна́ε(т).

Ты (ж) бж̃ε і слЂпого мл̃твы услышѝ:

и в(ъ)мЂсто сεго̀ свЂта вышня(г)[о] нε лишѝ. \190\




260. Ω уло́мны(х) людε (х), або тε(ж) ω калЂ́кахъ


КалЂка я(к) мовя(т) на свЂтъ сA нε ро́ди(т):

алε на(и)пачε бо(л)шε(и) о́наA сA робитъ.

Бо калЂцство и в малы(х) лЂтε(х) сA случаε(т):

и тε(ж) в подεшлости лЂтъ пуд старо(ст) быва́ε(т).

А то нε бε(з) причи́ны калЂцство стаε(т)сA:

ты(л)ко zа грЂхи кому̀ оно̀ нε минε(т)сA.

І́нъ за свои вла(с)ныε мусЂтъ то тε(р)пЂти:

а інъ zа родычо(в) можε(т) εго̀ мЂ́ти. /175 зв./

I нεха(и) жε(б) бж̃ε за сεбὲ кто в нε(мъ) стр(д)лъ:

а zа родычо(в) εси (б) кого̀ и(м) нε кара́лъ.

Нεха(и) бы родычовε са́мы о(т)бували

за свои грЂхѝ: а нε потомки стр(д)ли.

I мы̀ пото́мки рады (б) свои позбувати:

а нε за роды́тε(л)скіε до(л)гѝ о(т)бува́ти.

Прεто о всЂхъ и о всε(м) во́лA твоÀ бу́ди:

то(к)мо простити насъ и сп(с)тѝ нε забу́ди.




261. Ω створε(н)яхъ бж̃іи(х) и дія́волски(х)


Створы(л) бг̃ъ пты(ц) и звЂрε(и) людε(мъ) нε бε(з)потрέбны(x):

а га́до(в) и жа́бъ ω(т)ню(д) никому 1 трέбны(x).

ХотЂлосA бг̃ови абы̀ чи(мъ) zабавля́ти:

жεбы подобно зна(т) то дарεмно нε гуля́ти 2.

А и бεз(ъ) тоέи бы̀ людіε нεчистоты̀:

моглѝ бы совε(р)шεнно на свЂтЂ сA обы(и)тѝ. /176/

Ты(л)ко жъ εму во(л)но ε(ст) что хотЂти твори́ти:

бо и z нεчисты(х) можε(т) чистоε учини́ти.

I діяволъ бг̃у сA хотЂлъ уподоби́ти:

жε дε(р)знулъ тако(ж) рЂчи живыε потвори́ти.

Я́ко то ε(ст) чε(р)въ бло́хи и воши и блощи́цы:

и іныε на пако(ст) многіε лεдащицы.

Імε(н)но мыши бабки и мухи и комарЂ:

та(к)жε коники свε(р)шкѝ оводы̀ и мотылЂ.

А к тому̀ чεрεпа́xи сара(н)чу̀ и я́сколки:

а ωсобливЂ(и)шε тε(ж) гниды пя́вки и я́щу(р)ки.



1 Далі рукопис пошкоджено. Очевидно, мало бути: нε по-.

2 Рядок закреслено і внизу сторінки приписано: хто жъ εму за тоε можε(т) що сказати. \191\



А особно муравю̀ мо́шку ЂжЂ̀ та(р)каны̀:

ополоники тру(т)нЂ кузя́вки и кожаны̀.

I що по шляха(х) биты(х) часто буваю(т) жукѝ:

всὲ то ε[го] 1 створε(н)A пацукѝ и паукѝ.

I що буваю(т) часо(м) в лЂтнεε врεмA шε(р)шнЂ̀:

и ты(х) жε часовъ в поляхъ в стεпа(х) лЂтаю(т) слεпнЂ.

І εщε (ж) гусεница бываεтъ и εв(ъ)ра́шки:

и то εго̀ тако(ж) дε діяво(л)скіε фрашки. /176 зв./

А по поляхъ буваю(т) кроты̀ а в сада́хъ хрущЂ̀:

а по дубровны(х) лЂсахъ и по ωблога(х) клεщЂ̀.

ТЂмъ о(т) бЂсо(в)скаго на(с) хранѝ бж̃ε створέн(ъ)A:

бы(х)мо к бЂсу нε пошлѝ на вЂчноε мучέн(ъ)A.




262. Ω бра(ш)нЂ дх̃о́вно(м), и о правылЂ цр̃ко́вно(мъ), и кεлε(и)но(м): и что повЂдаε всε правыло цр̃ко(в)ноε 2 кεлε(и)ноε нε стои(т) за εдино̀ цε(р)ковноε г(с)ди помл̃у(и), и что̀ а́щε кто мЂεтъ книги и нε чтε(т): то я́кобы буду(т) прε(д) бг̃о(м) в(ъ) послЂдны(и) дε(н) ра(з)гибаніи свои́ми свЂдчити обличающи лЂно(ст) нш̃у; то по словεсε(х) си(х), нε трεбЂ книгъ бы на(мъ) стяжεвати и пра́вы(л) правити в кεлія (х); то(к)мо (ж) сиε на(м)слово нε [sЂло] 3 прія́тно


Ди́вны(и) гл̃голъ ст̃ы́ε дε(р)знули положи́т(ъ):

жε правε всὲ правыло кεлε(и)ноε за εдно цε(р)ко(в)ноε г(с)ди помл̃у(и) нε стои́тъ. /177/

I ба(р)зо мы и(х) рεчамъ ты(мъ) сA удывля́εмъ:

и повЂсти то(и) чεму(с) вЂры нε іма́εмъ.

Нε хочε(м) для и(х) слова правы(л) опуща́ти:

алε будε(мъ) и в кεлія(х) вставычно чита́ти.

Бо ґды (ж) часо(м) нε всε(г)да̀ у цε(р)к†буваεмъ:

ко(г)да на послушε(н)ство гдε сA о(т)гожаεмъ.



1 Рукопис пошкоджено, очевидно, має бути: го.

2 Слово закреслено.

3 Квадратні дужки стоять у рукопису. \192\



А ωни жъ о(т)ци рεклѝ, ко(т)ры(и) о(т)правуεтъ

чл̃къ правыло: то(и) з(ъ) бг̃о(м) бεсЂду́εтъ.

I Дв̃и(д) рεкъ, хо(ч) нε всὲ в цε(р)к†но на мЂстЂ вся́ко(м):

на полю в лЂсЂ в клЂтЂ іли на іна́комъ.

Гдε ко(л)вεкъ и гдὲ нибу(д) ты(л)ко мл̃ЂтεсA:

а в мл(т)вахъ нико(г)да жε нε лЂнЂтεсA.

I хо(ч) нε много ты(л)ко мл̃и́тисA хтЂ(и)тε:

и прε(д) ωчима сεбЂ стра(х) бж̃и(и) имЂ(и)тε.

I да(и) на(мъ) бж̃ε всε(г)да̀ бεзпрε(ч) тA мл̃и́ти:

а ты̀ насъ ізво(л) о(т) бЂдъ и ско(р)бε(и) храни́ти 1. /177 зв./




264. Ω нεдоста́ткахъ члч(с)ки(х) и ско(т)скихъ


Нε го́ло(д)на то εщὲ та́A мовя(т) коро́ва:

εслѝ завали́ласA гдὲ у стрЂсЂ соло́ма.

Такъ жε и чл̃вЂку нε вεликаA бЂда̀:

εжεли ε(ст) у дворЂ хлЂбъ, и до нεго̀ вода.

I да(и) бж̃ε го́лоду никому нε позна́ти:

абы(х)мо нε вмЂли кому̀ о нε(м) и каза́ти.




265. Ω школяра́хъ, дро́ва кра́дущыхъ; и о шко́лЂ


Шко́ла цр̃ко(в)ны(и) уго(л) та(к) сA называ́ε(т):

кгды (ж) цр̃ко́вны(х) набожε(н)ствъ дЂтε(и) научаε(т).

И що в цε(р)к†правя(т), то̀ и в школЂ zна(и)дуεтъ:

а бεзчи́ни(и) в нε(и) жа́дны(х) нЂgды нε зна(и)ду́εтъ.

Бо мовя(т) школа всяки(м) странны(мъ) до(м) ε(ст) волны(и):

алὲ εдна(к) жε правε ω(н) нε свояво́лны(и). /180/

I причε(т)никами тε(ж) школя́рε сA имεну́ютъ:

понεва(ж) цр̃к†ст̃о(и) щырε услугу́ютъ.

А що часо(м) вкраду(т) дровъ, жε нε мЂтъ гдε взя(т):

мЂща́нε и сεлянε нε хотятъ купова(т).

А знаю жε(б) ты(м) дЂломъ людε нε згрЂшили:

і́жъ бы когда̀ на яки(и) возо(к) сA 2 zложи́ли.



1 Аркуші 178 — 179 зв. чисті. На кустусі аркуша 177 зв. є початок заголовка наступного вірша, який не зберігся: Ω дарεмно(и)...

2 Ледь помітним блідим чорнилом закреслεно: на яки(и) возо(к) сA. Зверху натомісць мало бути щось надписано, можна прочитати тільки вихъ, решта кілька літер розмазано. \193\



Годыло (б) сA цε(р)ковны(мъ) слугамъ то вчини́ти:

або z двора готовы(х) імъ нε зборони́ти.

Могло́ бъ мл(с)ты́нεю и тоε сA назва́ти:

а імъ бы ра́чи(л) за то бг̃ъ нагорожа́ти.

При́повЂ(ст) жε в школяро(в), нε вкравъ алε доста́въ:

а ты̀ бж̃ε zа дрова грЂха імъ нε поста́въ.

А по коза́цки(и) хо(ч) вкра(в), то мовя(т) жε добувъ:

ко(ж)ды(и) розумЂю коза(к) о то(м) сло†чувъ.

А вы пн̃овε zа сε(и) вЂршъ нε подывЂтε:

и хто̀ εго̀ написа́въ, и того̀ простЂтε 1. /180 зв./




266. Ω собо́рномъ тружда́ніи


Нε да(р)мо повЂдаю(т), гдε мовя(т) людε(и) ку́па:

та(м) нε будε болЂти правε нЂgды у пу́па.

I у гу(р)ту̀ тε(ж) мовя(т) Ђ́ст(ъ)сA спо(р)но и ка́ша:

правдываA то̀ з(ъ) вЂку рεчъ, и при́повЂ(ст) нш̃а.

I сщ̃εнни(к) тε(ж) мови(т), миро(м) бг̃у сA мл̃имъ:

и мы̀ нε на(д)ся́дε(м)сA, εслѝ тоε сотво́ри(мъ).

Бо̀ тяжка́A робота εдно(г)[о] на(д)сажда́εтъ:

и працу́ючи(м) zбы(т)нε здоро́в(ъ)A умаля́εтъ.

I для того̀ трεба на(м) соборо(м) працова́ти:

и я(к) могучѝ своε(и) сы́лки остεрЂга́ти.




267. Ω дню̀ пя́тничномъ, в кото́ры(и) то дн̃ь Хс̃ прεтε(р)пЂлъ стр(с)ти


Ω пя(т)ку пя(т)ку, то (ж) тво(и) дε(н) ε(ст) нεща(с)ливы(и):

мучи(л) бо Ха̃ в тво(и) дε(н) жыдо(в)скъ ро(д) zлосли́вы(и) 2. /181/

Стокро(т) бы чεтвε(р)то(к) на(м) лЂ́пшъ сA постанови́лъ:

которы(и) бы чεтыри раны Хр(с)ту̀ вчини́лъ.

А ты̀ εси Хр(с)тови мл(с)ть нε показа́лъ:

я́ко бы(с) рέкъ, пя(т) ра(н) да(м) εму̀ и(ж) бы мA зна́лъ.



1 У кінці аркуша дописано блідим чорнилом: Бо εдεнъ бЂдніи школя(р) прозваніεмъ Трасця гдε живъ и гдε будε(т) жи(т) нε ма(ш) εму щастя. А хоча(и) онъ и в свЂтЂ живучи εε(л)мѝ сA стра(ж)даε(т) то(л)ко (ж) бЂдніи и вε(л)ми мызε(р)ніи свои... Край відрізано.

2 З правого боку на полі червоним чорнилом написано: Ω жεна(х) пя(т)ницу бу(д)дέнную пра(з)дну́ющы(х), іщи наза́д(Ђ) ли(ст) п̃в. \194\



I нε то(к)мо что пя(т) ранъ, а́лε бεзчислέнно:

всε бо тЂло Хв̃о было̀ скровавлέнно.

Прεто пя(т)ку до(л)жεнъ εсѝ болЂзнова́ти

за то̀: что прεда(л) εсѝ Іс̃са распя́ти.

Еда̀ нε то(и) ли Іс̃с і тεбε сотвори́лъ:

а ты (с) бг̃у своεму тво(р)цу та(к) учини́лъ.

I мо(г)лъ бы тA бг̃ъ в тыжню нε постанови́ти:

ты(л)ко (ж) ужὲ и тво(и) грЂхъ, из(ъ)хотЂлъ прости́ти.

I нε ра(ч) пя(т)ку за сὲ на мA прогнЂва́ти:

бо(м) з жалю моε(г)[о] мо(г)лъ пра(в)ду написа́ти.

Ты́ жε бж̃ε и моA грЂхи в ра́ны вложѝ:

и в сε(и) и в будущы(и) вЂкъ мл(с)ть мнЂ̀ покажѝ 1. /181 зв./




269. Сло́во ω сотворέніи бг̃о(м) zεмлѝ и ра́A zεмнаго, в нε(м) жε Адама и Е́v(ъ)ву сотвори (л): и ω пε(р)вомъ εго бз̃ско(м), и о вто́ро(мъ) пришεствіи [кро́мЂ трέтіяго] 2


Сε(и) вЂршъ в тако́вы(и) спосо(б) ту(т) жε полага́ю:

о чε(м) εщὲ и по сε(и) ча́съ добрε нε зна́ю.

Лю(б) в прεшлы(х) лЂтε(х) много кни(г) пεрεчита́лε(мъ):

а о то(мъ) нε вспо́мнЂлεмъ и нε поіска́лε(мъ).

I нε ты(л)ко ты(х) рεчи(и) нε случи́ло(с) чита́т(ъ):

алε тε(ж) нε трафило(с) о(т) кого̀ и слыша́т(ъ).

Ты(л)ко тоε на памя(т) εдному мнЂ̀ взы(и)шло̀:

а і́ны(м) нε вЂмъ зда(в)на то̀ на мы(с)ль чи при(и)шло̀.

Мεновитε ґды̀ Хс̃ на зεмлѝ роди(л)сA:

пε(р)вы(и) ли ра(з) или вторы(и) на нε(и) явы(л)сA.

Помы́слилε(м) жε трεты(и) ра(з) Хс̃ сA явы́тъ:

ко(г)да̀ при(и)дε(т) на́ зε(м)лю живы(х) и мε(р)твы(х) суди́т(ъ). /184/

Ты(л)ко (ж) абы̀ мнЂ в рεча(х) си(х) нε омыли́ти:

жεбы которы(и) пεвны(и) до́во(д) учини́ти.

I абы̀ нε трεты(и) ра(з) мЂε(т)сA явы́ти:

Хс̃ на́ зε(м)ли: ко(г)да̀ при(и)дε(т) всЂхъ суди́ти.



1 Аркуші 182 — 183 зв. у рукопису чисті. На кустусі аркуша 181 зв. є заголовок наступного вірша: Ω лихваря(х) — 268-й.

2 Квадратні дужки стоять у рукопису. \195\



Бо εслѝ на́ зε(м)ли Ада́ма и Е́v(ъ)ву твори́лъ:

то то(г)да́ жъ пε(р)воε з(ъ) нб̃а на́ зε(м)ли о(н) бы́лъ.

А вто́роε ко(г)да сA о(т) прч(с)тои родилъ:

и со чл̃ки зέмными на́ зεмли пожи́лъ.

А трέтεε подобнЂ ґдѝ судити при(и)дεтъ:

то трεтыцεю з нб̃а на зε(м)лю за(с) сни(и)дεтъ.

А в то(м) а можε словомъ εго̀ Ада(м) сотвори́сA:

и дх̃о(м) ст̃ы(х) εго (ж) у́стъ, ожывотворы́сA.

МЂεтъ тоε конε(ч)нЂ бы́ти нε іна́ко:

а́лε всεсовε(р)шεннЂ разумЂю та́ко.

Бо чεму(с) пришε(ст)віA трεтА нε написа́нно:

ты(л)ко сA надЂяти втораго приказа́нно.

Нε мощно бо вЂмъ высо́тъ нб(с)ны(х) из(ъ)мЂрити:

тако таи(н) бж̃іи(х) и судέбъ из(ъ)слЂди́ти. /184 зв./

Самому создатεлю всЂхъ о всε(м) εму вЂстно:

а намъ zεмны(мъ) нε ω всεхъ дεла(х) εго̀ ізвЂстно.




270. Ω цр̃кви, и ω людε(х) мл̃я́щы(х)сA в нε(и)


Цр̃ко(в) рεчε домъ бж̃и(и), та(к) сA называ́εтъ:

и сама̀ о сεбЂ то я́сно повЂда́εтъ.

Кгды̀ правε на́ нб̃сѝ в нε(и) мни(м) сA стоя́ти:

и я́ко пр(с)то́лу бж̃ію прε(д)стоя́ти.

Са́мъ бо бг̃ъ нέgды(с) до́момъ мл̃твέнны(м) назва(л):

и то(р)жниковъ из нεA прε(ч) бычε(м) во(н) ізгналъ.

Прεто̀ на(мъ) вЂрнымъ трεбЂ цр̃квѝ поважа́ти:

и в ны(х) уср(д)но мо(л)бы бг̃у приноша́ти.

ΩсвЂдчаεтъ о цε(р)ква(х) ст̃ы(х) и прито́чникъ:

и́жъ правε сп̃сεнію нш̃εму істо́чникъ.

I са́мы хр(с)тіянε того дознаваютъ:

жε сп̃сέніA сεбЂ із нε(и) почε(р)па́ютъ.

А ты̀ Іс̃сε грЂхѝ всεго̀ мира взεмля(и):

прочεε и на всяко(м) мЂстЂ мо(л)бы при(и)ма(и). /185/




271. Ω ды́мЂ


Нε домыслε(н)наA рεчъ, гдέ сA ώнъ дЂва́ε(т):

ра(з)†по писа(н)ному якъ ды(м) іщεза́εтъ. \196\

На высоту̀ бо идεтъ и та(м) сA розхожда́εтъ:

а на зε(м)лѝ нε мо́щно нЂтъ нε зостава́εтъ.

Ащε (б) нε іщεза́лъ то сл̃нца (б) нε видЂти:

анЂ м(с)ца нЂЂздъ нε мощно бы зрЂти.

I свЂтъ зεмны(и) о́ра(з) бы во (т)му̀ сA прεтворы́лъ:

ґды̀ бы на зε(м)лѝ низко гдε ко(л)вεкъ сA сεли́лъ.

I жаднаA нε мо(г)ла (б) рεчъ жыва пробува́ти:

и лю́дε (б) мо(г)ли зара(з) всюда повмира́ти.

А то̀ бг̃ъ εго внЂвεчъ ско́ро обраща́εтъ:

а свЂтъ и жыво(т) всεму миру подава́εтъ.

I да(и) бж̃ε по смε(р)тε(х) нш̃и(х) ды(м) нε зрЂты:

алε да(и) на(мъ) в(ъ) нб(с)но(м) прозрачно(м) жи́т(ъ) свЂтЂ.

I явы̀ на(с) пεкέлна ды́ма навЂкъ свободны(х):

и сотворѝ свЂтло(с)ти го(р)нεA всεхъ го́дны(х).




272. Ω корчέмны(х) дома́хъ, то̀ ε(ст) ω ко́рчма(х) /185 зв./


Вся́ка храмына̀ домо(м) можε(т) сA вЂ(м) назва́ти:

ты(л)ко (ж) до́му до́мови нε мо(щ)но прыровна́ти.

I цε(р)ковъ называю(т) домо(м), лε(ч) бж̃ε(ст)вέннымъ:

ко(т)ры(и) на хвалу бг̃у созда(н), а нε ко(р)чεмны(мъ).

I кро(м) цε(р)квε(и) розныε домы̀ в свЂтЂ быва́ютъ:

в котры(х) чε(ст)ныε людε чε(ст)но обыта́ютъ.

А в ко(р)чмЂ̀ хоча(и) чε(ст)ны(и) хто сA ізволи(т) жити:

мо́жε(т) то(и) ко(г)да̀ ко(л)вεкъ чε(ст) свою̀ похыби́ти.

I впя(т) жε хто и чε(ст)ны(и) до ко(р)чмы̀ учаща́εтъ:

тако́вы(и) ба(р)зо часто чε(ст) свою̀ утрача́εтъ.

Прεто̀ чε(ст)ны(и), ко(р)чεмъ чεстны(м) дома(м) нε равня́ε(т):

зна́ючи жε в ны(х) розны(х) злы(х) дЂлъ много быва́ε(т).

А хо(ч) і́ны(и) ко(р)чεмны(и) домъ, оздо́бою вкрашέнъ:

алε и о(т) по(д)лого чε(ст)на дому о(т)далέнъ.

Бо я́ко о(т) зεмлЂ̀ нб̃о далεко ω(т)стоитъ:

та(к) ко(р)чму чεстны(мъ) домо(м) называ(т) нε присто́и(т).

I для того̀ и то́ε нε бεз(ъ)потрεбно zнати:

что̀ соізволи(л) ст̃ы(и) ап(ст)лъ написа́ти. /186/

Ω сосудЂхъ рεкучѝ, і́ны(и) сосудъ έсть в чε(ст):

з(ъ) ко(т)рого пити я́сти: а інъ на всяку нεчε(ст):

I ко(р)чму впра(в)дЂ мощно на чε(ст)ны(и) до(м) прεврати́т(ъ):

ґды (б) послЂ шы́нко(в) ста(лъ) хто чε(ст)ны(и) и побожны(и) жи́т(ъ). \197\

А такъ братіε прошу васъ, в ко(р)чма(х) нε коха(и)мо:

алε пачε в свои(х) сA дома(х) удоволя(и)мо.

Бо которы(и) чл̃къ до ко(р)чεмъ нε быва́εтъ:

того ω(т) бεзчεстіA и са(м) бг̃ъ сохраня́εтъ. I людε за чε(ст)ного того̀ будутъ почита́т(ъ):

жε бг̃ови и людя(мъ) мε(н)шε(и) можε(т) проступа́т(ъ).

Бо в ко(р)чма(х), чεстны(х) ср(д)ца бε(з)чи́нства ра(з)враща́ютъ:

и чε(ст)ныε в ны(х) ходA, бε(з)чи(н)ства сотворя́ютъ.

На(с) жε сохраня(и) бж̃ε о(д) того̀ хождέніA:

бы(х)мо нε тратили дх̃о(в)наго рождέніA.




273. Ω упадаючи(х) хр(с)тіянε(х) в нεво́лЂ басу(р)ма(н)скіε


Чтущы мнЂ книги в(ъ) εди(н) ча(с), та(к) начита́лε(мъ)

слово: и гдε оно̀ ε(ст), а́хъ zапамята́лεмъ. /186 зв./

Жε жы́ючи(х) в нεво́ля(х) вε(л)мѝ похваля́εтъ:

и бл̃жε(н)ными о́ны(х) людε(и) называ́εтъ.

Мы (ж) рεчε(м) нε да(и) бж̃ε ты(х) бл̃жε(н)ствъ на(мъ) мЂти:

алε жε(б) нε дождали и(х) нш̃и и дЂти.

Бо в нεволя(х) и вЂру часо(м) поврεжда́ютъ:

ґды̀ и басу(р)манами іныε става́ютъ.

А которы(и) нε станε(т) тε(р)питъ sлЂ нεво́лю:

поку(л) умрε(т), або бг̃ъ вы́зволи(т) на во́лю.

I що тамъ за роско(ш), и якоε бл̃жέнство:

жε на всякъ дε(н) в работа(х) злоε окрутε(н)ство.

Раз†ко(т)ры(и) ща(с)ливы(и), будε(т) жи(т) поволЂ:

и жεну по(и)мε(т) вЂрну, εдна(к) жε в нεволЂ.

Понεва(ж) в на(ш) кра(и) и ты(х) турцы нε пущаю(т):

а(ж) кро(м) фо(р)тεлями котрыми выхожа́ю(т).

I вы́шε(д)ши то(г)да́ сA бл̃жε(н)нымъ назовεтъ:

ґды бε(з) ско(р)бы з бога(т)ство(м) бг̃ъ εго̀ пронεсέтъ.

А εдна(к) нεчε(с)тывыхъ ю(ж) нравовъ набралъсA:

ко(г)да̀ мε(ж) нεвЂрными лю(д)мѝ разжыва(л)сA. /187/.

СмЂси́ша(с) бо в(ъ) языцЂхъ, навы́кша іхъ дЂ́ломъ:

и(ж) осквε(р)ниша(с) мнози дш̃έю и тЂломъ.

Zачи(мъ) нε дава(и) бж̃ε вЂрны(х) в ту̀ нεво́лю:

лε(ч) хранѝ да буду(т) здὲ твори́т(ъ) твою во́лю. \198\




274. Ω ωскудЂнія(х) в си́ε врεмεна̀ грошовы́хъ


Скудно вε(л)ми на гро́шы ста́ло, в нш̃ε(мъ) вЂку:

жε тру(д)но о іхъ zго́ла нε(н)дзну чл̃вЂку.

Хо(ч) zаро́би(т) лихы́ми гро(ш)мѝ заплача́ютъ

а и лихы́ми εщε о собЂ укрівжа́ютъ.

А добрыε всε собЂ богачЂ позбирали:

жε(б) было̀ що на то(и) свЂтъ бра(т), в зεмлю поскрыва́ли.

I нεха(и) жε и в зεмлю грошы сокрыва́ютъ:

або хо(ч) ложками и(х) в страва(х) пояда́ютъ.

Ты(л)ко жε(б) гладкими на́вεт(ъ) нε бракова́ли:

и шафаро(в) свои(х) на то̀ нε науча́ли 1. /187 зв./

Людямъ вбоги(мъ) чεхѝ злы̀ по чεху дава́ю(т):

а ω(т) ни(х) по ω(с)маку в купля(х) о(т)бира́ютъ.

Бы́лε бы я(к) нεсы(т)ства свои насыти́ти:

и всЂ̀ шкату́лы прε(з) вε(р)хъ самы(и) напо(л)нити.

Ужε (ж) εслѝ по(л)нитε добрε напо(л)ня(и)тε:

да прина́мнЂ(и) поспо(л)ству бракова(т) збороня(и)тε.

Нεха(и) по запоро(з)ки(и) бы нε пεрεбира́ли:

да и гла(д)кими гро(ш)ми нε бракова́ли.

Еслѝ быстε вы власти ты(х) брако(в) зборони́ли:

добрε быстε на́роду крЂпко учинили.

А то̀ на ва(с) глядячѝ и самы̀ браку́ютъ:

да нέнави(ст) и ско(р)бъ мε(ж) собою справую(т).

А спо́со(б) бы ва(м) таки(и) слушε(н) бы(л) на то́ε:

ґды̀ быстε кія́ми шмарова́ли за то́ε.

Або тε(ж) на худоба(х) мужыковъ кара́ли:

и́ли работою в дво́ра(x) свои(х) пн(с)ки(х) мо(р)дова́ли. /188/

І́ли тε(ж) самы̀ быстε прεстали бракова́т(ъ):

и по города́хъ людε(м) прε(з) пи́сма приказа́т(ъ).

А іна́чε(и) нε мощно ва(мъ) брако(в) скорεни́ти:

и са́мы нε будεтε зна(т) що з(ъ) ты(м) чини́ти.



1 Унизу сторінки приписано іншим почерком: Гд̃ь го(р)ди(м) проживъ.





275. Ω дрέва(х) всяки (х), и ω вся́кихъ zεліяхъ, жε дыхани(и) в сεбЂ нε ма́ютъ, а я́ко жывотна возрастаю(т) и пло́ды тво́ря(т)


Дрεва и зεліA дх̃у в сεбЂ нε ма́ютъ:

а бεздушныε якъ живыε возрастаютъ: \199\

I нε ты(л)ко тоε, жε онѝ возрастаю(т):

алε что жывотныε и плоды ражда́ютъ.

I ды́внЂ(и) жε зсЂчε(н)но [і́но] 1 дрεво о(т)раста́εтъ:

а чл̃къ у́мε(р)ши впятъ жывъ нε быва́εтъ.

Кро(м) ґды̀ при(и)дε(т) бг̃ъ живы(х) и мε(р)твы(х) суди́ти:

то(г)да̀ всякъ возра(ст) паки возможε(т) ωжи́ти. /188 зв./

I да(и) намъ бж̃ε в часъ то(и) нε пости(д)ны(мъ) бы́ти:

и дару(и) нб(с)ноε ца(р)ство наслЂдити.




276. Ω громЂ


Мно́гіи бг̃осло́ву бы́ша ω(т)кровέніA:

а о гро́мЂ нε да(н)но εму извЂщεніA.

Ω розмаи́ты(х) рεча(х) ст̃ы(и) Іωанъ писалъ:

а вε(д)лу(г) грому како ω(н) грими(т), нε доклада(л).

А то нε казалъ г(с)дь бг̃ъ ω громЂ писа́ти:

алε восхотЂлъ та(и)ну громовую вдε(р)жати.

Прεто всяки(и) чл̃къ нε можε(т) грому зна́ти:

ра(з)†ко(ж)ды(и) ушы́ма можε(т) εго̀ слыша́ти.

I я́ко нε всЂ дЂла бж̃іA на(мъ) свЂдомы:

такъ особно громныε сылы нεдовЂдомы.

Алε тε(ж) утаε(н)ны ε(ст) о(т) всЂхъ чл̃вЂковъ:

о(т) Адама и до днg(с), и до послЂдны(х) вЂковъ.

Zачи(мъ) нε трεбЂ мЂти того̀ и помышлε(н)A:

жεбы кому̀ пришо(л) громъ цЂлε до зрозумε(н)A 2. /189/

Прεто̀ да(и) на(мъ) Іс̃сε, па́чε то̀ разумЂти:

абы(х)мо ка́ятисA о(т) грЂхъ мо(г)лѝ умЂ́ти.

А пото(м) и вЂчнаго о(т)чεства доступи́ти:

и в нέмъ бε(з)конε(ч)но тA со ст̃ыми слави́ти.



1 Квадратні дужки стоять у рукопису.

2 З правого боку на полі іншим почерком чотири рази написано: Мало, один раз Малоро, один раз мона. Мабуть початок слів: Малоросія і монастир.





277. Ω урядовы́хъ людέхъ


Чл̃вЂкъ са(мъ) собо́ю власти нε при(и)ма́εтъ:

ты(л)ко εму̀ о(т) бг̃а посла(н)на быва́εтъ: \200\

I хо(ч) ча́со(м) пн̃ъ яки(и) на уря́дъ промова́лъ:

εднакъ на(и)пачε са(м) то г(с)дь бг̃ъ кεрова́лъ.

Бо всяка вла(ст) в(ъ) бж̃іи(х) рука(х) житε(л)ствуεтъ:

εя жε кому̀ хощεтъ го(д)ному да(р)ствуεтъ.

Нεха(и) жε пріέмшіи вла(ст), zдравы началству́ютъ.

и даровавшаго и(м) бг̃а бл̃года(р)ствуютъ.

А ты̀ вл(д)ко бж̃ε вла́сти и́хъ са(м) управля(и):

и на дш̃εсп̃сε(н)ны(и) пу(т) я́ко бг̃ъ наставля(и).

I дару(и) о́нымъ добрЂ вл(д)чεствова́ти:

и ща(с)ливо и zдраво многолЂтствова́ти.




278. Ω ра́достε(х) прв(д)ныхъ, и о мука(х) грЂ́шны(х): и яко обои(мъ) нε будε(т) ко(н)ца; то ε(ст) прв(д)ныхъ в н̃бЂ /189 зв./ радости, а грЂшнымъ мучέни(и)


Д†дороги вЂмъ на сε(мъ) свЂтЂ сA обрЂта́ютъ:

ко(т)рыε чл̃ковъ до двохъ странъ привожда́ютъ.

Една̀ до прεисподны(х) мЂстъ грЂшнико(в) уво́дитъ:

друга́A прв(д)нико(в) самого нб̃а дово́дитъ.

ЛЂваA то дорога зна(т), вεдε(т) в(ъ) вЂчны муки:

а праваA до нб̃а приводитъ бг̃у в ру́ки

Хто (ж) повЂждъ мѝ по лЂво(и) то(и) дорозЂ шε(ст)вуεтъ:

то(и), которы(и) в(ъ) злы(х) дЂла(х) за(в)шε злέ сA справу́ε(т).

А по право(и) жε за(с) хто таковъ ходити ма́єтъ:

то(и) кто о(т) злы(х) дЂлъ всε(г)да̀ пи(л)но сA соблюда́ε(т).

Прεто да(и) бж̃ε всЂмъ на(мъ) по право(и) шε(ст)вова́ти

доро́зЂ: жεбы мо(г)лѝ нб̃о наслЂдствова́ти.

Ту(т) жε εщε в сεмъ вЂ(р)шу и тоε доклада́ю:

о вЂчны(х) вεсέлія(х) и мука(х) поклада́ю. /190/

Жε εдинъ пустε(л)никъ явлε(н)на а́г̃гла пыта́лъ:

о цр(ст)віи нб(с)номъ; и о мука(х) роспыта́лъ.

Буду(т) ли [рεчε] 1 в(ъ) мука(х) грЂшныε надЂяти(с) конца̀:

и́ли ст̃ы́ε в(ъ) нб̃Ђ радостε(мъ) свои(мъ) ко(н)ца̀.



1 Квадратні дужки стоять у рукопису. \201\



I ω(т)вЂща̀ нε будε(т) ко(н)ца̀ радости ст̃ы́мъ:

и мука(мъ) в(ъ) прεиспо(д)нε(и) всяки(м) грЂшны(мъ) прокляты(м).

I паки рε(к) ґды (б) по(д) нб̃о насы́пано ма́ку, а пты́ца прилЂтала:

и по εдному зε(р)ну в со(т)цε лЂть то́кмо бра́ла.

То и та(к) могли (б) мука(м) скончε(н)A сподЂва́ти:

а то о(т)ню(д) в(ъ) вЂки бε(з)конε(ч)ныA буду(т) в(ъ) мука(х) обыта́ти.

Zачи(мъ) ω сп̃си́тεлю о(т) мукъ насъ свободѝ:

и прости(в)ши о(т) грЂхо(в) ца(р)ствію всЂхъ сподобѝ.

Пи́са(н)но бо по смε(р)ти нЂ(ст) ю(ж) покая́ніA:

да(и) на(мъ) живы(мъ) zа грЂхи пла(ч) и воздыха́ніA.

I кгды то нε стои(т) свЂтъ ввε(с) за дш̃у εди́ну:

жε осуждε(н)но(и) нε свобо́ди(т) в судну годы́ну.

Ты (ж) на вЂровавшы(х) в тA бж̃ε (и то(г)да) 1 в(ъ)мл(с)тиви́сA:

прεмЂнѝ дεкрε(т) сво(и) и на мл(с)ть грЂшны(мъ) склони́сA. /190 зв./

I нε послѝ насъ в(ъ) муки навЂки погиба́ти:

алε дару(и) на(мъ) о(д) тЂхъ свободу ω(т)рыма́ти.

Абы бо(л)шε(и) в(ъ) нб̃сέхъ было̀ тεбέ хваля́щыхъ:

и прч(с)тую мт̃ε(р) твою̀ вовЂкъ славящы(х).

Ω чεмъ содЂтεлю нш̃ъ мо(л)бы нш̃и услышѝ:

и на стра(ш)номъ судЂ на(с) ла(с)ки своε(и) нε лишѝ.



1 Вираз и то(г)да взято автором у круглі дужки.





279. ВЂршъ ωсобны(и), для чεго̀ то в zво́ны zво́ня(т), по хр(с)тіянахъ, ко(г)да прε(с)тавля́ю(т)сA: або тε(ж) помыра́ю(т)


Zвыча(и) то у хр(с)тія́нъ z давного вЂку:

жε то по умε(р)шому zво́ня(т) чл̃вЂку.

Для того̀ жε ю(ж) зε(м)ны(и) сε(и) свЂтъ оставля́ε(т):

и на то(и) свЂтъ о(т) ми́ра сεго̀ о(т)хожда́ε(т). /191/

І жε(б) услыша́вши зво(н), людε помяну́ли:

и о свои(х) тε(ж) смε(р)тεхъ та(к)жε вспомяну́ли.

I пришлѝ бы іныε до умилέніA:

помянувши свои, що ε(ст) согрЂшεніA. \202\

Жὲ и по ныхъ будутъ та(к) нεґды(с) жε звони́ти:

бо нихто̀ нε во(з)мо́жε(т) свЂта пεрεжи́ти.

Zачи(м) то нε зна́ющы(м) и то извЂща́ю:

и нε смε(р)тε(и) алε лЂтъ должа(и)шы(х) пріяю.




280. Ω кладу́щы(х)ся в по́ляхъ на моги́лахъ, на нε сщ̃ε(н)ныхъ мЂсцахъ


Трέба (б) гани(т) подобно таки(х) чл̃вЂковъ:

жε кладу(т)сA і́ныε в по́ля(х) з да(в)ны(х) вЂко(в).

Кгды осщ̃ε(н)ны(мъ) мЂсцε(мъ) цε(р)ковны(мъ) взго(р)жаю(т):

а на моги́ла(х) сεбε кла́сти повεлЂва́ю(т). /191 зв./

Хто бо по(д) цε(р)ковію главу поклада́ε(т):

о то(м) бо(л)шъ цε(р)ковъ бг̃а о поко(и) бл̃га́ε(т).

Кгды̀ пачε пу(д) собо́ю лεжащы(х) помина́εть:

я́ко бо птыца дЂтε(и) по(д) скры(д)лами ма́εтъ.

Бо мови(т) здὲ лεжащы(х), а нε на могилЂ:

хо(ч) то и ты(х) моги(л)ны(х) вспоминаε(т) по хвы́лЂ.

Когда̀ рεчε(т) и повсю́ду хр(с)тія(н) православны(х):

та(к)жε вспоминаε(т) и вла(с)тε(и) козако(в) сла́вны(х).

І́но в дорозЂ лю(б) в во(и)ску лε(г)тѝ и в по́лЂ:

жε цε(р)квы нε ма(ш), мусЂ(т) то бы(т) понεво́лЂ.

А то з до́му нεсти́сA в полε ізволя́εтъ:

гдε во́вкъ або̀ тε(ж) іны(и) sвЂ(р) сA прохожа́εтъ.

А на сщ̃ε(н)номъ мЂсцу нε хочε(т) поклада(т):

лεчъ з добро(и) волЂ хочε(т) о(т) иε(р)кви о(т)даля(т).

Пра(в)да жε г(с)днA ε(ст) zεмлÀ и [εA] 1 прεдЂлы:

былε (б) мЂсцε, гдε вмε(р)ти, з добрыми дЂлы. /192/

Една(к) слушнЂ(и)шε (б) пу(д) цε(р)квію поклада́ти:

ко(ж)ды(и) бы зна́εмы(и) мо(г)лъ, зрÀ гро(б), помина́ти.

Zвы́чаи козацкіε в ты(х) рЂчахъ бува́ютъ:

жε в поляхъ кладу(т)сA и моги́лы высыпа́ютъ.

Того̀ рады жε в во(и)ска(х) бывали и в по́лю:

и з(ъ) нεпріятεлями на поты(ч)кахъ в бо́ю.

Жε(б) и по смε(р)тεхъ щыро(ст) и́хъ нε запомина́нна:

дабы хвалεБно лю(д)ми чε(ст)ными вспомина(н)на.

А мужыкамъ нε трεба в козацку славу втруча́т(ъ):

да ґды̀ нε пу(д) цε(р)квами то в гумна(х) пу(д) грушками поклада(т)-



1 Квадратні дужки стоять у рукопису. \203\



Жεбы жо(н)кѝ и́хъ, гробо(в) часто навЂжа́ли:

а на мЂсца(х) и(х) други(х) мужыко(в) привожа́ли.

Ужε (ж) козаки собЂ вы zдоровы бува(и)тε:

а мужыка(м) про(с)ты(мъ) славы коза(ц)ко(и) на пота́лу нε попуща́(и)тε.




281. Ω поручника(х), я́ко нε подобаεтъ ручитисA ни ω ко́мь ни ω чε(м): понεжε страшно то дЂло ε(ст) 1 /192 зв./




282. Сε(и) вЂршы(к) в число̀ ли́чбы здὲ нε поклада́ю:

лю(б) мε(ж) вЂршами я(к)бы осо(б) поклада́ю 2.

. . . . . . . . . . . . . . . . . . . . . . . . . . . . . . . . . . . . . . .

Оужὲ що̀ сA в сε(и) книзЂ писало то 3 писа́ло:

хочъ троха и ка́юсA та(к) сA тоε ста́ло.

А прε(д)ся жъ и по(л)зы в нε(и) из(ъ) мало набу́дεшъ:

я(к) εA собЂ доБудε(ш), и чита(т) бу́дεшъ.

I нε всюда трεфности пра(в)да в нε(и) писа́лεмъ:

лε(ч) и о сп(с)ніи і́ноε вклада́лεмъ.

I паки жε гл̃ю, έжε писахъ писа́хъ:

и по сε(м) вЂршу вкра(т)цЂ книги и доко(н)ча́хъ.

Една(к) доброго мл̃ю̀ васъ, нε ω(т)вε(р)гати:

побо(ж)ны(и) читε(л)нику, рачъ мεнε проща́ти.

А нεвЂ́хласъ можε(т) сA о всεмъ всЂмъ смЂяти:

и во всяки(х) xудо́зства(x) вкорызну дава́ти. /199/

Я́ко (ж) о нεвЂхласа(х) вышε(и) та(м) положи(х) [ли(ст) м̃г и̃д] 4

и вЂршами на ώны(x) по(л)зу вто(ж) разшыри́хъ.



1 Наступний аркуш помилково пронумеровано як 199, потрібно 193. Одного аркуша немає.

2 Між цим і наступним рядком в рукопису пунктирна лінія.

3 То закреслене.

4 Квадратні дужки стоять у рукопису.





283. ВЂршъ прощεніA прося́щы(и) до всяко(г)[о] чина ласкавыхъ читέлниковъ


Кому̀ вподобаε(т) та кни́га бл̃гословЂт(ъ):

а кому̀ зда(ст)сA зла́A то прошу̀ нε клεнЂ́т(ъ).

Із(ъ) мε(ж) васъ мЂεтъ быти жε всЂ бЂды зна́εтъ:

прεто нεха(и) за си́ю книжку мA проща́εтъ.

А хто бЂдъ нε позна(л), да(и) бж̃ε и нε зна́ти:

хранитъ εго бж̃аA нεха(и) навЂкъ мт̃и. \204\

Кгды (ж) z вЂку тако(и) ско(р)би нε позна(л) чл̃вЂкъ:

а(ж) по сы́и врεмεна̀ по нш̃ъ послЂдны(и) вЂкъ.

А са(м) сп̃си́тε(л) нεха(и) в(ъ) ср(д)ца іхъ влага́εтъ:

да ко(ж)ды(и) си́ε чтущы(и) мA бл̃гословля́εтъ.

I бл̃гослови́вшого бж̃ε бл̃гословѝ:

и за ува́гу вЂчны(м) ца(р)ство(м) нагородѝ 1. /199 зв./

Ω то(м) здὲ мл̃ю тεбέ сп̃си́тεлю бж̃ε:

и тεбὲ прч(с)таA дв̃о и г(с)пожε.




284. Сέ жε па́ки вЂ́ршъ, в(ъ)мЂсто прε(д)мовы, до ласкавы(х) и бл̃горазумны(х) читε(л)нико (в): ωсобливε до вЂршопи́совъ


До чту́щы(х) написа́лε(м) си́ε прошέніε:

і́жъ бы мнЂ дарова́ли прощέніε.

А ба(р)зЂ(и) прм(д)рости всяко(и) навчо́ныε:

а хоча(и) и в наука(х) про́сты(х) цвЂчо́ныε.

Кто̀ вЂршопи́сεцъ з(ъ)во́ли(т) си́ю кни́гу чита́т(ъ):

то гдε ма́ло омы́лно(ст) взры(т) нε ра(ч) дывова́т(ъ).

Бо індЂ и нε равно сы(л)лявъ доклада́лεмъ:

εдна(к) імъ прили́чностε(и) бо(л)шε(и) поклада́лε(м).

Можε(т) и сызо́ра гдὲ зна(и)тѝ розε(р)ванна:

та(к)жε и катε(н)ціA гдε ко(л)вεкъ нεра́вна. /195/

Кгды (ж) ла(т)во сA чл̃къ ско(р)бны(и) помыля́εтъ:

хо(ч) знаε(т) в чε(мъ) и сылу, тако(ж) похыбляεтъ.

Понεва(ж) всякому, ско(р)бъ спосо(б) о(д)і(и)му́εтъ:

а бл̃гофо(р)ту(н)ному до́вцЂпъ услугу́εтъ.

I а́зъ пишущи в розныхъ мЂсца(х), омыля́лε(мъ):

жε споко(и)ного мЂсца на тоε нε ма́лεмъ.

I хочъ мала кни(ж)ка, рокъ два ко(н)поновалε(мъ):

іжъ що дε(н) прε(ш)коды в то(м) за(в)шε дознава́лε(мъ).

Ажъ поку(л) ωскудЂвши(и) смы(с)лъ, мо(г)лъ то ко(н)чи́ти:

а а́щε (б) нε та(к), могло (б) бо(л)шъ сA разшыри́ти.

Прεто̀ всякаго чи́на, до но́гъ сA каса́ю:

а zа кни́гу ту, ω(т) всЂхъ прощε(н) бы(т) жεла́ю 2.

. . . . . . . . . . . . . . . . . . . . . . . . . . . . . . . . . . . . . . . . .


1 Наступний аркуш пронумеровано як 195-й, отже, фактично при нумерації пропущено арк. 194.

2 Між цим і наступним рядком у рукопису пунктирна лінія. Усі наступні вірші без назв відділяються один від одного рисками. \205\


\206\






285. ГрЂшны(и) авто(р), або̀ тε(ж) выклада(ч) вЂ(р)шовъ си(х):

бу́дучи в гонέніи, писа́въ із(ъ) ско(р)би іхъ.

Еднакъ охо́чи(и) нεха(и) хто̀ ко(л)вεкъ читаεтъ:

а труды́вшаго(с) іми добрЂ вспомина́εтъ. /195 зв./

Да і εго̀ бг̃ъ та(к)жε помянεтъ само́го:

и сохранитъ за любо(в) ω(т) вся́кого зло́го.




286. Тому́ жε подо́бноε а́вто(р) доклада́εтъ:

хо́чъ нε го́дε(н), па́ки имÀ поклада́εтъ

Из(ъ)ложи́тЕл(ъ) вЂ́РшОв(ъ) си(х) МнО́ги(х) бл̃гъ ва(мъ) жεла́ε(т) 1:

а На(и)пА́чε нб(с)ныХъ до́бръ, щы́ро прія́εтъ.

То̀ ε(ст) вся́Кому чи́ну б̃ЛгостИ хр(с)то́вои:

Мл(с)ти бз̃ско(и) всЕгда̀ гото́вои.

ВЂчНаA бо заплаТа зозда(н)на впро(д) вЂка:

звла́ща хр(с)толю́бного ра́ди чл̃вЂка.

I мл(с)тя(м) вш̃и(м) зИ́чи(т) то получи́ти:

то Зεмно(м) вЂку радо(ст) вЂчну НаслЂди́ти. /196/

А нн̃Ђ чту́щыε сὲ сп̃сε(н)нО здраВству(и)тε:

I вεсЕло о Хр(с)тЂ̀ Вси многолЂтСтву(и)тε.

Сεго И паки ώбщε [всЂ(м)] 2 жεлатε(л)ству́εтъ:

и всεдш̃εвНо хр(с)та сп̃са молε(б)ству́εтъ.

I поко(р)но за си́ε проситъ прощέніA:

зычачи бж̃іяго бл̃гословέніA.



1 Виділені літери в тексті написані як великі, виписані жирно.

2 Квадратні дужки стоять у рукопису.





287. Zко(л)ко змо(г)лεмъ в сε(и) кни́зЂ вЂршо(в) положи́лε(м):

которыми о розны(х) рЂчахъ доложи́лε(мъ).

Вы́ жε zдравы ώную на втЂху чита(и)тε:

а писавшаго έA, чтÀ бл̃гословля(и)тε.

Ω томъ мл(с)тя(мъ) вш̃и(м) гла́ву прεкланя́ю:

и нεпрεмЂнны(мъ) ласка(мъ) назавшε в(ъ)руча́ю. /196 зв./




288. Бг̃у (ж) даю̀ и ω сεмъ бл̃годарέніε:

а вамъ низкоε ώбщε всЂ(м) поклонέніε.

I за всяку рεчъ навЂкъ бу́ди εму̀ хва́ла:

и прч(с)то(и) мт̃εри всε(г)дашнаA сла́ва. Аминь. \207\




289. То(т) жε що̀ и в прε(д)мо†вы(ш)шε(и) пу(д)писа(л)сA.

а ω(т) бг̃а и о(т) васъ ласки сподЂва(л)сA.

Ко(т)рую и днε(с) ла(с)ку вто(ж) мнЂ показу(и)тε:

и при до́бро(м) здра́віи всѝ многолЂтству(и)тε.




290. Си́мъ концε(мъ) сиA кни́га ужέ сA кончаε(т):

а писа(в)ши(и) εA всЂмъ покло(н) о(т)дава́εтъ. /197/




291. Ω хотя́щы(х) ви́дЂти людε(и) до́бры(х) з(ъ) стороны̀: і́ли тε(ж) εди́на(г)[о] чε(ст)наго чл̃ка, ради бέсЂдъ утЂши́тεлны(х) и дш̃εсп̃си́тεлны(х)


Кто̀ жεла́εтъ узрЂти до́бра чεловЂ́ка:

то(и) вла(с)нε Хр̃та у́зритъ, та(к) мовя(т) о(т) вЂка.

Ґды (ж) го(ст) чε(ст)ны(и) в(ъ) ωсобЂ Хр(с)та̀ повЂда́ю(т):

и нεвЂрныε ро́ды то(т) жε звы́ча(и) маютъ.

А лю(б) бы и бεзчε(ст)на го́стA в до(м) приня́лε(с):

ра́вную бы(с) ω(т) бг̃а нагоро́ду взя́лε(с).

Стра(н)нопріέмничε(ст)во вεлико ε(ст) в бг̃а:

за котро́ε о(т) нεго̀ бу́дε(т) мл(с)ть мно́га.

Должε(н) и го(ст) за Хр(с)та господара̀ мЂти:

и почита́ти εго̀ за а́г̃гловъ дЂти.

А та́къ за взаέмъноε бл̃годарέніε:

вчи́ни(т)сA совε(р)шεнноε бг̃у хвалέніε.

I стори́цвю мо́жε(т) бг̃ъ нагороди́ти

господа́рεвЂ: и грЂхѝ εму̀ прости́ти. /197 зв./

Zаты(мъ) го(ст) и господа(р), радо(ст)но здравству(и)тε:

и сп(с)ніA ища̀ многолЂтству(и)тε.




292. Ω ма(л)жо́нкахъ по zа́ко(н)номъ шлю́бно(мъ) брацЂ чи(с)то(ст) тЂлε(с)ную або тε(ж) дЂвство до смε(р)ти в сεбЂ хова́ючихъ


На(д) всЂхъ чу(д) и дивови́скъ трέба сA дивова́ти:

кто (б) мЂлъ ожεни́вшисA панε(н)ство xова́ти.

ДивнаA то вε(л)мѝ рέчъ, жε з жоно́ю жи́ти;

а кро(м) позна(н)A пло(т)ска та́къ сA обходи́ти. \208\

Нε токмо бо зέмныε людε в то́мъ в то(м) 1 чуду́ю(т):

алὲ и нб(с)ныε а́г̃глы сA диву́ютъ.

Жε для яково(и) рεчи сεбЂ пошлюби́ли:

а то та(к) стр(д)ти сA навЂкъ ізволи́ли.

Ω бж̃ε (ж) мл(с)рдны(и), я(к) на(м) сA обхо(ж)да́ти:

ґды жъ мы нε мо́жε(мъ) нн̃Ђ того̀ доказа́ти.

Ты(л)ко о дрε(в)ны(х) людε(х) то́ε днε(с) читаε(мъ):

и таковы(м) по́вЂстε(м) крЂпко сA вдывляε(мъ). /198/

Бо̀ и ап(ст)лъ рέкъ дру(г) дру́га нε лиша(и)тε:

и ма(л)жε(н)ски(м) дЂломъ в сво(и) ча(с) сA утЂша(и)тε.

Ажε понεва(ж) та(к) сA для Хр(с)та̀ справу́ютъ:

жε чи́сто(ст) свою̀ Хр(с)ту в нб̃о офЂру́ютъ.

Ω(т)ложЂмо (ж) мы вся́ко ю́жъ удывлέніε:

бж̃іε справуε 2 бо то̀ укрЂплέніε.

Ωбы̀ и днε(с) ту́ю мо(ц) на свЂтъ бг̃ъ посыла́лъ:

нε εди(н) бы му(ж) з жоно́ю я(к) з(ъ) сε(ст)ро́ю пробува́лъ.

Лε(ч) в(ъ) нн̃Ђшнεε врεмA за нш̃εго вЂку:

ω(т)ню(д) нε удε(р)жати(с) жоны̀ чεловЂку.

I мно́зи нεдово(л)ны свои́ми быва́ютъ 3:

да і з бо́ко(в) чужды(х) жε(н) много заживаютъ.

Zачи(м) да(и) бж̃ε на́вε(т) побо́чны(х) нε зна́ти:

да свои́ми шлю́бными сA ко(н)тε(н)това́ти.



1 Автор помилково написав двічі в томъ і тут же друге закреслив.

2 Друга частина слова (-вуε) закреслεна рукою автора, зверху надписано: -вля́ла.

3 З лівого боку перед початком рядка дописано рукою автора: Ещὲ.





293. ВЂрши похва(л)ныε любя́чи(мъ) пиво пи́ти, іли тε(ж) за εдны(мъ) за́ходо(мъ), и вся(к) тру́нокъ, кому̀ нε шкоди(т) або нε ва́ди(т) /198 зв./


Ко(т)ры(и) мо́вя(т) чл̃вЂкъ, добрε выпива́εтъ:

тέды тако́му пн̃ъ бг̃ъ, на пи́во дава́εтъ.

Хоча(и) то и такъ правя(т), жε пиво нε ди́во

εднакъ добрε, ґды̀ з тро́ха го(р)ло промочи́ло.

До людε(и) выразнЂ(и)шε(и) бу́дεтъ гл̃гола́ти:

и в цр̃к†на кры́лосЂ гла́дшε(и) заспЂва́ти. \209\

Zачи́мъ пн̃о́вε собЂ zдоро́вы бува(и)тε:

а гдέ ли ко́л(ъ)вε(к) пи́во, до́брε потяга(и)тε.

А в головЂ̀ здоро́вы(и), всὲ нε пεрεбира(и):

да вшεля́ки(и) напи́токъ zаро́вно выпива́и.

Бо в жо(р)на до́брыε що̀ вки́н(ъ) мо́вя(т) то̀ з(ъ)мέлε:

похвалѝ и тѝ мεнὲ за то̀ чέстны(и) хмέлε.

I су́ржи(к) хто̀ лю́би(т) хлЂбъ z нεго̀ ужыва́εть:

и прося́ни(ц) овся́ни(ц) всὲ то̀ ко(р)мъ быва́εтъ.

Ах εдно 1 що̀ лю́би(т), того̀ и дε(р)жи́сA

хоч штаны̀ заста́въ, идѝ у ко́р(ъ)ч(ъ)му напи́сA.

Ты(л)ко жъ прошу̀ и штано́въ навЂкъ нε покида́и:

сла́внаA то одέжа на(и)скорЂ(и)шъ выкупля́и.

А на мεнὲ за сε(и) вЂршъ прошу 2 нε дивЂть:

да якъ бу́дεтε пи́ти, то̀ и мεнὲ вспомнЂть. /199/




294. То(т) жε а́вто(р) кни́ги сε(и) и списа́тε(л), пи(с)ма̀ примножи(л):

из(ъ)бра(в)ши приповЂсти до книги (ж) сε(и) приложи́лъ.

Абы̀ чтущы(мъ) бо(л)шъ было̀ в книзЂ то(и) що чита́ти:

и на здравіε и(м) з(ъ) всЂхъ ты(х) сA рЂчи(и) втЂша́ти.

А εдна(к) жε що списалъ я́ при́повЂстε(и) ко(л)ко:

ε(ст) чаю по всεлε(н)но(и) εщὲ іхъ и нε то(л)ко.

Вы жε чту́щыε, мл̃ю̀ васъ, εщε вспомина(и)тε:

и кгды схо́щεтε, по́длу(г) а́з(ъ)буки доклада(и)тε.

Імε(н)но якъ зво́литε такъ собЂ поступу(и)тε:

на ку́ю лЂтέру вспо́мнЂтε к то(и) припису(и)тε.

Для того̀ про́жны(х) ли́сто(в) в(ъ) при́повЂстε(х) оставля(л) 3:

и в(ъ) вЂ(р)шахъ, ґды̀ нε À, то жε(б) хто̀ і́нъ вЂ(р)шъ приписа(л).

А приписа́лъ та́къ о чεмъ мно́ю здὲ положέнно:

жε(б) и о(т) ва́съ о то(м) жε было̀ та(м) приложέнно.

А zаты(мъ) на zдра́віε сεбЂ кни́гу чита(и)тε 4.



1 У рукопису слово εдно написане зверху над закресленим.

2 Слово прошу написане зверху над закресленим для Хр(с)та.

3 Цей і наступні три рядки в рукопису закреслені.

4 Після цього рядка йде останній, ретельно закреслений: и хто̀ вЂршописъ в(ъ) ва(с) ε(ст) то(и) вЂ(р)шы приклада(и)тε; натомісць спеціальний значок вказує на те, що замість цього закресленого слід читати рядок, написаний з лівого боку на полі: і з жонами и з дЂ(т)ми здоро́вы пробува(и)тε.

На нижньому полі приписано рукою автора і закреслεно:

Жεбы то нε было̀ сε(и) кни́зЂ докончε(н)A:

до само́го зε(м)ного свЂту іско(н)чέн(ъ)A.

А в то(м) хо(ч) ю(ж) нεха(и) хто и нε приклада́εтъ:

нεха(и) хоча(и) кончи́ну и такъ ужε ма́εтъ. /199 зв./ \209\


















Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.