[ПСРЛ. — Т. 1. Лаврентьевская летопись. — Л., 1928. — Стлб. 510-513.]


      Шрифт



Попередня     Зміст     Наступна





Варіанты. 1 святославъ К. Т. Ц. Б. С. 2 Соф. I инговерьскаго 3 Соф. I 10 4 храбрыхъ Т. Ц. Б. С. В. 5 Соф. I едва Соф. I рюриковичъ 7 Соф. I тагоньскую, таногоньскую К. Т. С., таногутьскую Ц. Б. 8 Соф. I всеволожь 9 ко князю Т. С. В. 10 въсть К. 11 Соф. I торопечьскаго.

510п

Примѣчанія. А Внукъ въ смыслѣ потомокъ. Б Какъ видно изъ послѣдующаго, рѣчь идетъ о Ладожскомъ озерѣ. В Слѣдуетъ читать Новогородцевъ. Г Имѣется въ виду Емь.

В лѣт̑ . ҂s҃ . ѱ҃ . л҃s . [6736 (1228)] Прїидоша Ѣмь Г воєвать . в Волотьскоє Б. ѡзеро . в лодках . и прииде вѣсть в Новъгород . Новогородци же всѣдше в насады . погребоша в Ладогү по кнз҃и Ӕрославѣ . Володислав же посаднїкъ Ладожьскїи с Ладожины не ждучи Новогородцивъ В. гонисѧ по нıх в лодьӕх . гдѣ ѡнї воюютъ постиже ѧ . и бїсѧ с ними . и быс̑ нощь . и ѿстүпиша въ ѡстровъ далече . а Ѣмь Г на березѣ с поло/л.235об./номъ . воєвали бо бѧхүт̑ ѡколо ѡзера на Исадѣх̑ . тоє же нощи просиша мира . и не даша мира . посадникъ Ладожьскии . и ѡнї иссѣкше полонъ весь . а сами побѣгоша на лѣсъ . пѣши лодки пометавши . много же их тү паде . лодкы их пожжегоша . новогородци стоӕша в Невѣ и нѣколико дн҃и . и сътвориша вѣче . и хотѣша оубити Сүдимира . и скры и кн҃зь в насадѣ оу себе и възратишасѧ . в Новъгород . а Ладожанъ не ждавше . послеже срѣтоша Ижьжерѧне их бѣгающа по лѣсомъ . тү их избиша много . а инїи разбѣгошасѧ . но и тѣхъ Корѣлѧне избїша . бѣ бо их пришло . ҂в҃ . или боле Бг҃ъ вѣсть ჻ Того же лѣта поиде из Новагорода кнѧзь Ӕрославъ

Варіанты. 1 Соф. I. ис чернигова 2 Соф. I осифа, иосифа К. 3 Соф. I выняся 4 нездила прокшича Ц. Б. и др. 5 Соф. I любне, любіе К. 6 Соф. I 17.000 7 Соф. I въ церковь 9 ленъ В.

511

Примѣчанія. А Ис Чернигова перешло въ иш-Чернигова, а это въ ич-Чернигова. Б то = тъ — тотъ. В и лишнее. Г Въ Новг. л. Мосальскомъ.

съ кнѧгинею к Переӕславлю . а в Новѣгородѣ ѡстави . в҃ . сн҃а кнѧзѧ Феѡдора и Александра . а съ ними ѡстави Феѡдора Даниловича . и Ӕкима тиоуна ჻

В лѣт̑ . ҂s҃ . ѱ҃ . л҃з .[6737 (1229)] Прїиде кнз҃ь Михаило ич-Чернѣгова 1 А. в Новъгород . и радї быша Новогородци . и целова кнѧзь крс̑тъ . что ходити по Ӕрославлимъ грамотамъ . а болѣ того не изневолитъ Новагорода . рече кнз҃ь /л.236/ Михаилъ . не лѣпо єсть семү градү быти безо влдкы . и избраша черньца дьӕкона ст҃го Єгорьиѧ . именемъ Спиридона . а инїи Иѡсифа 2 Володимерьскаго и Велыньскаго . а инїи Гречина . и ркоша кого намъ дасть ст҃ыи . митрополитъ . то Б намъ ѡц҃ь . и рече кнз҃ь Михаилъ . положимъ трї жребїи на прс̑тлѣ во имена их . кого намъ Бъ҃ дасть ст҃лѧ . и написавше и положиша и . и послаша кнѧжича Ростислава . и изволи Бъ҃ слүжителѧ собѣ . и пастүха словесных ѡвець . Новүгородү и всеи ѡбласти єго . и вьнѧсѧ 3 Спирїдонү . и послаша по нь в монастырь . и посадиша и въ дворѣ . дондеже поиде в Києвъ . ставїтисѧ ჻ Того же лѣта поиде кнѧзь Михаило в Чернїговъ кь братьи . а сн҃а своєго кнз҃ѧ Ростислава ѡстави в Новѣгородѣ . и рече даи Бъ҃ и правда Новогородцкаѧ исправити . тоже сн҃ъ мои ѿ васъ поӕти . и посла къ кнѧзю Ӕрославү Нездилү Прокшичю 4 Ивана . а ркүчи ѿстүписѧ Волока . то єс̑ Новогородскаѧ волость силою єси взѧл̑ за собе . и рече кнз҃ь Ӕрославъ того сѧ не ѿстүпаю . а вы собѣ . а ӕзъ собѣ . и держа /л.236об./ послы все лѣто ჻ Того же лѣта поиде Спїридонъ ставитисѧ в Києвъ ჻ Тоє же зимы прїидоша Литва повоєваша . Любие 5 Моревү и Сѣлегѣръ . и гонїшасѧ по нїхъ Новогородци . и оугонїша их и побиша . а полонъ весь ѿӕша ჻

В лѣт̑ . ҂s҃ . ѱ҃ . л҃и . [6738 (1230)] Трѧсесѧ землѧ и солн҃це померче ჻ Того же лѣта . быс̑ моръ въ Смоленьсцѣ . створша . д҃ . скүделнїци . въ двү положиша .҂s҃ı . 6

512

а въ третьєи . ҂з҃ . а въ четвертои .҂ѳ҃ . се же зло быс̑ по два лѣта ჻ Мс̑ца феврѧл̑ . к҃е . на памѧть ст҃го ѿц҃а Тарасиѧ . принесени быша мощи великаго ст҃лѧ чюдотворца єпс̑па Леѡнтиѧ . изь црк҃ви ст҃го Иѡана . а въ церькви 7 зборнүю ст҃ыѧ Бдца Ростовү ჻ Того же лѣта прїиде архиєпс̑пъ Спиридонъ в Новъгород . а поставленъ ѿ митрополита Кирїла ჻ На тү зїму поиде кнѧжичь Ростиславъ на Торжокъ ჻ Того же лѣта быс̑ моръ в Новѣгородѣ ѿ глада . инїи люди рѣзахү своєго брата и ӕдѧхү . а инїи мр҃твоє трүпьє ӕдѧхү . а дрүзїи конїнү и псинү . и кошки . инїи мохъ соснү . и листъ илемъ 8 и то все зло быс̑ за грѣхы на/л.237/ша . и бѣ тогда нїкомү никого погрести мертвых ѿ множества ჻ Того же лѣта престависѧ бг҃олюбивыи кнз҃ь велїкїи Мьстиславъ Дв҃довичь Смоленьскыи ჻

В лѣт̑ . ҂s҃ . ѱ҃ . л҃ѳ . [6739 (1231)] Ѿкры и В Бъ҃ мл҃рдиє своє на нас̑ грѣшных . створї млс̑ть свою въскорѣ . прїбѣгоша Нѣмци изъ заморїѧ . съ житомъ и с мүкою . и сътворїша много добра . а оуже бо бѧшеть прї кончинѣ град сїи . Того же лѣта ходї кнз҃ь Ӕрославъ ратью к Чернїговү на кн҃зѧ великого Мїхаила и пожже Шернескъ . и стоӕвъ под Можаискомъ Г. възвратисѧ въ своӕ сї без мїра . а города не взѧша ჻

В лѣт̑ . ҂s҃ . ѱ҃ . м҃ . [6740 (1232)] Престависѧ архїєпс̑пъ Новогородскыи Антонїи . и положенъ быс̑ оу ст҃ѣи Софїи . въ прїтворѣ ჻

В лѣт̑ . ҂s҃ . ѱ҃ . м҃а . [6741 (1233)] Престависѧ кнѧзь Феѡдоръ сн҃ъ Ӕрославль болшїи . и положенъ быс̑ в монастыри ст҃го Геѡрьгїѧ . и єще млад и кто не пожалүєтъ сего . свадба прїстроєна бѣ . меды посычены . невѣста прїведена . а кнз҃и позванї . и быс̑ в веселиѧ мѣсто плачь и сѣтованїє за грѣхи наша . но Ги҃ Цр҃ю нбс̑ныи слава тобѣ ჻ Того же лѣ/л.237об./та . престависѧ блж҃нныи митрополит̑ всеѧ Рүси Києвъскїи Кірилъ ჻

Варіанты. 1 Соф. I сѣде 2 и исакия Т. Ц. Б. С. 3 Соф. I въсточныя 4 Соф. I станом ту о нузѣ. Карамзинъ. Исторія, III, изд. 2, примѣчаніе 356 читаетъ на онузѣ 5 Соф. I и съѣхаша противу 6 Соф. I отъ нухлѣ.

513

Примѣчанія. А и лишнее. Б Мстиславичь исправляется на Владимировичь. См. Строева. Ключъ, росп. V, степ. 11. В на написано на полѣ. Г Исправляется по Новгородской лѣтописи Юрьи Ингворовъ, братъ Олегъ и Романъ Ингворовичи; ср. Карамзина. Исторія, т. III, изд. 2, прим. 356.

В лѣт̑ . ҂s҃ . ѱ҃ . м҃в . [6742 (1234)] Иде кн҃зь Ӕрославъ с Новогородци на Нѣмцї под Юрьєвь . и не дошед города сташа . и выидоша Нѣмци . из города изь Юрьєва . и изь Медвѣжьи Головы на сторожи . и бишасѧ до полкү . и кнѧзь Ӕрославъ с Новогородци . биша их до рѣкы Амовыжи . и на рецѣ ѡбломишасѧ Нѣмци . и потопе их много . а инїи ӕзвенї вбѣжаша в град . а дрүзии в Медвѣжью Головү . и ѡколо града много зла Нѣмцемъ оучинїша . и биша Нѣмци челом̑ . кнѧзю Ӕрославү . и смирївшесѧ ѿидоша . Того же лѣта изгониша Литва . Рүсү и до торгү . и сташа Рүшане . противү и выгнаша ис посада бьюще на поле . и оубїша много Лїтвы . а Рушанъ . д҃ . мүжи паде . а монастырь пограбиша и црк҃вь и иконы . и прс̑тлъ ст҃го Спаса и ѿстүпиша на Клинъ . кнѧзь Ӕрославъ с Новогородци . постиже Лїтвү на Дүбровнѣ . в Торопечьскои волости . и ѿӕша оу них . т҃ . конь . и с товаромъ их . а сами побѣгоша на лѣт̑ . пометавше ѡрүжиє и щїты . а инїи тү побьєни быша . /л.238/ много . а Новогородець тү оубиша . ı ҃. чл҃къ ჻

В лѣт̑ . ҂s҃ . ѱ҃ . м҃г . [6743 (1235)] Прїшед кн҃зь Изѧславъ Мстиславичь с Половци . а Михаилъ кн҃зь с Чернїговци . сн҃ъ Всеволожь . и взѧша Києвъ ჻ И кнѧзь Володимеръ Рюриковичь кнѧживъ тү . ı ҃. лѣт̑ . и имше Половци єго сведоша в землю свою . и ѿтолѣ взѧша искүпъ на немъ . и ѿпүстиша в Рүсь ჻ А Изѧславъ кнѧзь велїкїи и А Мстиславичь . Б сѣде на столѣ в Кїєвѣ ჻

В лѣт̑ . ҂s҃ . ѱ҃ . м҃д . [6744 (1236)] Сѣде на столѣ в Києвѣ кнѧзь велїкїи Ӕрославъ Всеволодїчь ჻ Того же лѣта погїбе слн҃це по всеи земли ჻ А в Новѣгородѣ сидѣ 1 на В столѣ . кнѧзь Александръ Ӕрославичь ჻ Того же лѣта прїшедше безбожнїи Татарове . попленїша всю землю Болгарьскүю . и град их Велїкыи взѧша . и иссѣкоша всѧ и жены и дѣти . а инїи в полонъ взѧша ჻











      Шрифт



Попередня     Зміст     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.