[Новгородская первая летопись старшего и младшего изводов. — М.-Л., 1950. — С. 488-509.]



Попередня     Головна     Наступна






УСТАВ ВЕЛИКОГО КНЯЗЯ ЯРОСЛАВА.


 А Написано на полях с выносным знаком тем же почерком и тема же чернилами.

Писано бо есть: проливаяи кровь человЂчьску за кровь оного да пролиется кровь его. Испытаите убо съ многою истинною виноватаго, но прежде оклеветающаго, како есть житие его. И аще благосъвЂтникъ и благовЂренъ обрящется, но тако не имЂте ему вЂры. Безаконно бо есть тако свЂдЂтельство, но да имать и инЂхъ свЂдЂтеля посрамны и единого нравы да пред двЂма или треми свЂдЂтели праведными станеть всякъ глаголъ. Речено есть: да не приимеши послушества лжа, но да не сядеши съ многыми уклонити правду. Подобаеть же судимаго испытати, како есть житие его и нравъ свЂдЂтельствуемое житие его. Аще не виноватъ и долго не дръжить гнЂва, или преподобенъ, или страннолюбець, и нищелюбець, и цЂломудръ, и святъ от лжа, и кромЂ всякыя лукавныя вещи; мужь бо, рече, не искусимъ и не ключимъ къ богу. Рече бо Соломонъ: послушаите, внушите /л.279./ вси судящии земли, яко от бога дасться вамъ власть и сила от вышняго. И пакы: горе оправдающему нечестиваго мьзды ради и от праваго правду отъемлющему. Давыи бо намъ богъ А власть истяжеть скоро ваша дЂла и помысли испытаеть; якоже бо служителе есте царствия, ти не судисте право, ни съхранисте закона божиа, ни въ повелЂнии его пребысте; страшно убо и скоро придеть на вы испытание, яко суд немилостивъ на обладающаго бываеть, ибо меншии достоини суть милости, силнии же испытани будуть. И рече бо господь: ему же дасться мало, и мало истяжють от него; а ему же много, то много истяжють от него. ТЂм же съ многымъ тръпЂниемъ уловивше правьду, сътворите истину, овии бо от \489\ человЂкъ за неразумие добрЂ истинны прелщаются, овии же хитростию прелщаются, друзии же златолюбия ради корчемьствують.





Правда Русьскаа.


 А Буква д над строкой: братучяд

 6 В рукописи лю любо

 В Здесь пропуск в списках Археографического вида (см. Правда Русская, азд. Академии Наук СССР, 1940 г., стр. 301). После слова дЂтчи написаны без перерыва слова въ дикую

Оже убиеть мужь мужа, то мьстити брату брата, любо отцю, любо сыну, любо братучяду А, /л.279об./ любо братню сынови; оже не будеть кто его мьстя, то положить за главу 80 гривенъ, аще ли будеть княжь мужь или тиунъ княжь; аще будеть горожанинъ, любо гридь, любо Б купець, или тиунъ боярескъ, или мечникъ, ли изгои, или словенинъ, то 40 гривенъ положити за нь.

По Яросла†же пакы събрашася сынови его: Изяславъ, Святославъ, Всеволод и мужи ихъ: Коснячьско, ПеренЂгъ, Никифоръ и отложишя убиение за голову, кунами ся выкупати; а ино все якоже Ярославъ судилъ, такоже и сынове его уставишя.

О убоиствЂ. Аще убиють княжа мужа въ разбои, а убоиника не ищють, то вервьную платити, в которои же верви голова лежить, то 80 гривенъ; пакы людинъ, то 40 гривенъ. Котораа ли вервь начнеть платити дикую виру, колико лЂтъ за то платять вину, занеже безъ головника имъ платити. Будет ли головникъ ихъ въ верви, то и зане к нимъ прикладыва/л.280./ють, того дЂля помагати имъ головнику, любо дикую вину; но сплатити имъ въбчи 40 гривенъ, а головничьство то самому головнику; а въ 40 гривенъ заплатити ему из дружины свою чясть. Аже будеть убилъ или свадилъ или въ пиру явленъ, то тако ему платити по верви нынЂ, иже ся прикладывають вирою.

Аще станеть въ разбои. Будеть ли стоялъ на разбои безъ всякоя свады, за разбоиника люди не платять, но выдадять и всего съ женою и съ дЂтми..." въ дикую вину и виру, тому людие не помогають, но самъ платить.

А се покони вирнии. А се покони вирнии были по ЯрославЂ: вирнику взяти 7 вЂдеръ солоду на неделю, оже овенъ, любо полоть, любо 2 ногатЂ; а в среду куна оже сыръ, а в пятницу тожде; а куровъ по двое ему на день, а хлЂбовъ по 7 на недЂлю, а пшена 7 уборковъ, а гороху 7 уборковъ, а соли 7 головаженъ; то ти вирнику съ отрокомъ; а конии 4, конемъ на во/л.280об./ротъ сути овесъ; вирнику 8 гривенъ, а 10 кунъ прикладнаа, а метелнику 12 вЂкши, а съсаднаа гривна.

А се о вирахъ. Оже будеть вира въ 80 гривенъ, то вирнику 16 гривенъ и кунъ, 12 векшЂ, а переди съсадъная гривна, а за голову 3 гривнЂ. \490\

О княжЂ отроцЂ. А се о княжи отроци, или о конюсЂ, или о поварЂ, то 40 гривенъ. И за тиунъ огнищныи и за конюшии 80 гривенъ А в сельскомъ тиунЂ княжи или в ратаинемъ, то 12 гривенъ. А за рядовичя 5 гривенъ. Такоже и боярескъ.

 А Здесь пропуск во всех списках Археографического вида, кроме CMV (см, Правда Русская, 1940 г., стр. 301). Написано без перерыва.

О ремественикЂ и о ремественицЂ . А за ремественика и за ремественицу, то 12 гривънЂ.. . А и за кормилицу, хотя снидеть холопъ или роба.

О клепнои вирЂ. Аще будеть на кого клепьнаа вира, то оже будеть 7 свЂдЂтелии, то ти имуть вЂру; пакы ли Варягъ или инъ кто, то 2. А на костехъ по мертвомъ не плакати верви, оже имени не вЂдати, ни знати его.

Свержеть виру. А се оже свержеть виру, то гривна сме/л.281./тная кунъ отроку; а кто клепалъ, а тому дати другаа гривна; а от виры помечного 9 кунъ. Искавъ же послуха, не налЂзеть, а истець начнеть головою клепати, тому правда желЂзо. Тако же и въ всЂхъ тяжахъ, и въ тадбЂ и въ поклепЂ. Оже не будеть истьця, тогда дати ему желЂзо из неволЂ до полугривнЂ золота; аже ли мЂне, то на воду, или до двою гривну; аще ли мЂне, то ротЂ ити ему по свои куны.

Аще ударить мечемъ. Аще кто ударить мечемъ, вынезъ его, или рукоятию, то 12 гривнЂ продажи за обиду. Оже ли вынемъ мечь, а не ударить, то гривна кунъ. Оже кто кого ударить батогомъ, или чяшею, или рогомъ, или тылеснию, то 12 гривенъ. Не тръпя ли противу тому ударить мечемъ, то вины ему в томъ нЂту. Аще ли утнеть руку, а отпадеть или усъхнеть, или нога, или око, или носъ утнеть, то полувирье 20 гривенъ, а тому за вЂкъ 10 гривенъ. Оже утнеть мечемъ кто любо, 3 гривны продажи, а самому гривна. /л.281об./

А се аще придеть кровавъ мужь. Аще придеть кровавъ мужь на дворъ или синь, то видока ему не искати, но платити ему продажа 3 гривнЂ; аще ли не будеть на немъ знамениа, то привести ему видокъ слово противу слова; кто ли будеть почялъ, тому платити 60 кунъ; аще ли кровавъ придеть, или будеть самъ почялъ, а вылЂзуть послусЂ, того ему платежь, оже и билъ. Аще ударить мечемъ, а не потнеть на смерть, то 3 гривны продажи, а самому гривна за рану оже лЂцебное; потнеть ли на смерть, а вира. Аще кто попьхнеть мужь мужа любо к собЂ, любо от себе, а любо по лицу ударить, а видока 2 выидуть, аще ли жердию ударить, то 3 гривнЂ продажи; аще будеть Варягъ или Колбяг, то полнаа видока вывести, идеть на роту.

О челяди. А челядинъ съкрыется, а закличю и на торгу, за три дни не выведуть его, а познають и въ третии день, то свои челядинъ поняти, а оному платити 3 гривны продажи. \491\

 А В рукописи тада

 Б Так в рукописи; в списках CMV и др.: клетныи (см. Правда Русская, 1940 г., стр. 303).

 В Так в рукописи; в других списках исцю итти

 Г Так в рукописи; следует свода

 Д Так в рукописи; по другим редакциям не знати

Всяде на чюжь конь /л.282./ Аще кто въсядеть на чюжь конь не прашявъ, то 3 гривны продажи. Аще кто конь погубить, или портъ, или оружие, а заповЂдь на торгу, а послЂди познають въ своемъ городЂ, свое ему лицемъ взяти, а за обиду ему платити 3 гривны. Аще кто познаеть что будеть погубилъ или украдено что у него, или конь, или портъ, или скотина, то не рци: се мое, но иди на сводъ, гдЂ есть взялъ; свЂдет ли ся, кто есть виноватъ, на кого татьба А сниде, тогда свое возметь и что будеть съ нимъ погибло, тоже ему начнеть платити. Аще будеть коневыи тать, вдати и князю на потокъ; пакы ли будеть клепныи Б тать, 3 гривнЂ платити ему.

О сводЂ. Аще будеть въ единомъ градЂ, то исца ту В до конца того свода; будет ли по землямъ сводъ, то ити ему до третьаго слова Г; а что будеть лице, то тому третьему платити за лице кунами, а с лицемъ ити до конца, или истьцу ждати прока; а гдЂ снидеть на конечнего, то тому все пла/л.282об./тити и продажи.

О тадбЂ. Пакы ли будеть татебно что купилъ на торгу, или конь, или портъ, или скотину, то вывести свободна мужа два или мытьника; аже начнеть знати Д у кого будеть купилъ, то ити по немъ тЂмъ видокомъ на роту, а истьцю свое лицемъ взяти; а что съ нимъ погибло, а того ему желЂти; а оному желЂти своихъ кунъ, зане не знаеть у кого купилъ; познаеть ли на долзЂ у кого купилъ, то свои ему куны, и сему платити что будеть у него погыбло, а князю продажю.

Аще познаеть челядинъ. Аще кто познаеть челядинъ свои украденъ, а поиметь и, то оному вести по кунамъ до третьяго свода; пояти же челядинъ въ челядина мЂсто, а оному дати лице, атъ идеть до конечнего свода, а то есть не скотъ, нелзЂ речи: не вЂдаю у кого есми купилъ, по языку ити до конца; а гдЂ будеть конечныи тать, опять воротити челядинъ, а свои поиметь, и проторю тому же платити, а князю продажа 12 гривьнЂ /л.283./ въ челядинЂ или украдено или уведъше.

О сводЂ же. А изъ своего города въ чюжю землю свода нЂсть, но такоже ему вывести послухы любо мытника, пред кым же купивше, то истьцу лице взяти, а прока ему желЂти, что с нимъ погыбло, а оному своихъ кунъ желЂти.

О тадбЂ. Аще кого убиють у клЂтЂ или у которои тадьбЂ, то убиють и въ пса мЂсто; оже ли додръжить свЂта, то вести и на княжь дворъ; оже ли убитыи, а ужь будуть люди видЂли связана, то платити \492\ въ немъ 12 гривны. Аще крадеть скотъ въ хлЂвЂ или клЂть, то аще будеть единъ, то платити ему 3 гривны и 30 кунъ; а будеть ихъ много, то всЂмъ по три гривны и по 30 кунъ платити.

О тадбЂ. Аще крадуть скотъ на полЂ, или овци, или козы, или свиньи, то 60 кунъ; будеть ли ихъ много, то всЂмъ по 60 кунъ. Аще крадеть гумно или животъ въ ямЂ, то колико ихъ будеть было, то всЂмъ по 3 гривнЂ /л.283об./ и по тридесяти кунъ; а у негоже погыбло, аже будеть лице, лицемъ възметь, а за лЂто по полугривнЂ възметь; пакы лиця не будеть, а будеть княжь конь, то платити за нь 3 гривнЂ, а за инЂхъ по д†гривънЂ.

А се урЂчи скотомъ. Аже за кобылу 60 кунъ, а за волъ гривна, за корову 40 кунъ, за третьякъ 30 кунъ, за лонъщину полъ гривны, за теля 5 кунъ, за боранъ ногата, за жеребець, аже будеть въсЂдано на нь, то гривна кунъ, а жеребя 6 ногатъ; уречи съмердамъ, оже платять княжю продажю.

Оже будут холопье тати. Аще будуть холопие тати любо княжи, любо боярьскыи, любо чернечьскыи, их же князь продаждею не казнить, зане суть не свободни, то двоици платити къ истьцу за обиду.

 АА В рукописи то купьцю то купцю причем первые два слова зачеркнуты киноварью.

 Б В рукописи покаажаи

Кунъ възыщеть. Аще кто кунъ възыщеть на друзЂ, онъ ся иметь запирати, то оже на нь послуховъ выведуть, то ти поидуть на роту, а онъ възметь куны свои; занеже /л.284./ не далъ ему за многа лЂта, то платити ему за обиду три гривны. Аще кто купець купцю дасть въ куплю куны или въ гостьбу, то А купцю А пред послухы кунъ не имати, послусЂ ему ненадобЂ, но ити ему самому ротЂ, оже ся иметь запирати.

О поклажаи Б. Иже кто поклажаи кладеть у кого любо, то ту послуха нЂсть, у кого лежалъ товаръ; то аще начнеть клепати болшимъ, тому ити ротЂ у кого лежало: како толко еси у мене положилъ, занеже ему бологодЂялъ и хранилъ.

О рЂзи. Аще кто куны даеть в рЂзъ, или наставъ медъ, или жито присопъ, то послухы ему ставити; како ся будеть съ нимъ рядилъ, тако ему имати.

О мЂсячном рЂзу. А мЂсяцьныи рЂзъ, оже за мало днии, имати; заидут ли ся куны до того же году, то дадять ему куны въ треть, а мЂсяцьныи рЂзъ погренути. Послухъ ли не будеть, а будеть кунъ 3 гривны, то ити ему по свои куны ротЂ; /л.284об./ будеть ли кунъ боле, то реци ему тако: промыловалъся еси, оже еси послуховъ не ставилъ. \493\





УСТАВ ВОЛОДИМЕРЬ ВСЕВОЛОДИЧЯ.



А се уставъ Володимерь Всеволодиця: по Святополци съзвавъ дружину свою на БерестовЂмь: Ратибора Киевьскаго тысячьского, Прокопия тысячьского БЂлогородского, Станислава Переяславьского тысячьского, Нажира, Мирослава, Иванка Чюдиновичя Олгова мужа, и устави до третьяго рЂзу, а еже емлеть куны въ треть; аще кто възметь 2 рЂза, того ему взяти исто; пакы ли возметь 3 рЂзы, то ему иста не взяти.

О рЂзи же. Иже кто по 10 кунъ от лЂта на гривну, то того не отмЂтати.

А се которыи купець истопится. Иже которыи купець, шед кде любо съ чюжими кунами, истопится любо рать возметь а любо огнь, то не насилити ему, ни продати его; но како начнеть мочи от лЂта платити, тако платить, занеже пагуба есть от бога, а не виноватъ есть. Оже ли пропь/л.285./ется или пробьеться, а въ безумии чюжь товаръ потравить, то какъ любо чии то куны, ждуть ли ему, своя имъ воля, продадять ли его.

 А В рукописи продаи

А се долзи. Аще кто многымъ долженъ будет, а пришедыи гость изъ иного города или чюжеземлець, а не вЂдаа запустить за нь товаръ, а опять начнеть не дати гостеви кунъ, а первии долъжници начнуть ему не дати, запирающе кунъ, то вести и на торгъ, продати А же и отдати же первое гостеви куны, а домачнимъ, что ся останеть кунъ, тЂм же ся подЂлять. Аще ли будуть княжи куны, то княжи куны первое взяти, а прокъ въ дЂлъ. Аще кто много рЂзъ ималъ, то тому не имать.

О закупЂ. Аще закупъ бЂжить от господы, то обель; идет ли искати кунъ, а явлено ходить, или къ князю или къ судиамъ бЂжить обиды дЂля своего господина, то про то не работять его, но дати ему правда.

А се о закупЂ. А иже у господина розныи закупы, а погубить воиньскыи конь, то не платити ему; но еже далъ /л.285об./ ему господинъ плугъ и борону, от него же копу емлеть, того погубившю ему, платити; аще ли господинъ его отшлеть на свое орудие, а погыбнеть и без него, того ему не платити.

О закупЂ. Аще изъ забоя выведуть, то закупу того не платити; но оже погубить на поли, или въ дворъ не вженеть и не затворить, гдЂ ему господинъ велить, или орудия своя дЂя, погубить, то ему платити. Аже господинъ приобидить закупа, а въведеть копу его или отарици, то то ему все воротити, а за обиду ему платити 60 кунъ. Аще ли прииметь на немъ кунъ, то опять ему воротити куны, что будеть принялъ, а за обиду платити 3 гривны продажи.

 А В рукописи пиеть

 Б В рукописи плати

 В В списках Пушкинского вида бортную (см. Правда Русская, 1940 г., стр. 288).  Г Здесь пропуск во всех списках Археографического вида, кроме CMV (см. Правда Русская, 1940 г., стр. 309); в рукописи писано без перерыва.  Д Буква д над строкой; можно читатъ накладЂ

Продасть ли господинъ \494\ обиль, то наимиту свобода въ всЂхъ кунахъ, а господину платити 12 гривнЂ продажи. Аще господинъ биеть А закупа про дЂло, то без вины есть; биеть ли не смысля, пиянъ, без вины, то якоже въ свободномъ платежь, такоже и в закупЂ.

О закупЂ же. /л.286./ Иже холопъ обилныи выведеть конь чии любо, то платити Б за нь 2 гривнЂ.

А се о холопЂ. Иже закупъ выведеть что, то господинъ въ немъ; иже и гдЂ налЂзуть, то преди заплатить господинъ его конь или что будеть взялъ, а ему холопъ обилныи. Пакы ли господинъ не хотЂти начнеть платити за нь, а продасть и и отдасть иже прежде за конь, или за волъ, или за товаръ, что будеть взялъ, а прокъ ему самому взяти собЂ.

Иже холопъ ударить. Иже холопъ ударить свободна мужа, а въбЂжить въ храмъ, а господинъ его не выдасть, то платити за нь господину 2 гривны; а за тымъ аще и налЂзеть ударенныи тои своего истьця, кто же и ударилъ, то Ярославъ былъ уставилъ убити и, а сынове его по отци уставишя на куны, а любо такоже 2 гривнЂ, а любо взяти гривна за соромъ,

А се о послушьствЂ. На послушество холопа не выкладывають; но оже не будеть свободнаго, то по нужи сложити на боярьскаго тиуна на дворьского, а на иныхъ не выклады/л.286об./вати; и въ малЂ тяжи по нужи сложити на закупа.

А кто порветь бороду, а выиметь знамение, а будуть людие то 12 гривнЂ продажи.

Аще выбьють зубъ, а кровь видять у во ртЂ у него, а люди выидуть, то 12 гривенъ продажи, а за зубъ гривна. А кто украдеть бобръ, 12 гривнЂ продажи. Аще будеть росЂчена земьля, или знамениемъ же ловлено, или сЂтью, то по верви искати к собЂ татя, а любо продажа платити.

Борть разломить. Аще кто борть рознамЂнаеть, то 12 гривнЂ продажи. Аще межю протнеть борть В или ролеиную межю разорет и дворнюю межю претынить, то 12 гривнЂ продажи. Аще дубъ подотнеть знаменныи Г . . .

А се наклад Д. А се накладЂ: 12 гривнЂ, отроку 2 гривнЂ и 20 кунъ, а самому Ђхати съ отрокомъ на двою коню, сути же овесъ на воротъ, \495\

 А В рукописи ногат причем т над строкой.

 Б Над словом олекотъ выносной знак, а на полях, повидимому, той же рукою, но другими чернилами написано под соответствующим знаком гнЂзда

 В В рукописи колколко

 Г В рукописи буд причем д над строкою.

а мяса дати овенъ или полоть, а инЂмъ кормомъ, что има чрево възметь; писцу 10 кунъ, перекладнаго 10 кун, /л.287./ а за мЂх 2 ногатЂ А.

А се о борти. Иже борть потнеть, 3 гривнЂ продажи, а за древо полъ гривнЂ. Оже пчелы выдереть, 3 гривны; а за пчелы, аже будуть не лажены пчелы, то 10 кунъ; будет ли олекотъ Б, то 5 кунъ. Не будет ли татя, то 5 кунъ; аще будеть слЂд или к селу или к товару, а не отсочять от себе слЂду, ни идуть на слЂд или отбиются, то тЂмъ платити и тадбу и продажю; а слЂдъ гнати съ чюжими людьми с послухы; аже погубять слЂд на гостиннице на велице, а села не будеть, или на пути, гдЂже не будеть ни села, ни людЂи, то не платити ни продажи, ни тадбы.

А се о смердЂ. Аще смердъ мучить смерда безъ княжя слова, то 3 гривны продажи, а за муку гривна кунъ; оже огнищянина мучи, то 12 гривны, а за муку гривна.

Аще лодию украдуть, то 60 кунъ продажи, а лодия лицемъ воротити; не будет ли лицемъ, то за заморьскую лодию 3 гривны, а за боиную 2 гривны, а за стругъ /л.287об./ гривна, а за челнъ 8 кунъ.

А се о перевЂсехъ. Аще кто посЂчеть верею въ перевЂсЂ, то 3 гривны продажи, а господину гривъна за верею. Аще кто украдеть чии песъ, или ястребъ, или соколъ, то 3 гривны продажи, а господину гривна; а за голубъ 9 кун, а за утовъ 30 кунъ, за гусь 30 кун; а въ сЂнЂ и въ дровЂхъ 9 кунъ, а господину колко В будеть Г возъ украдено, то имати ему за возъ по д†ногатЂ.

А се о гумнЂ. Иже зажжеть гумно, то на потокъ, на грабежь домъ его, прежде пагубу исплативше; а въ процЂ князю поточити и. Такоже кто дворъ зажжеть. А кто пакощами конь порЂжеть или скотину, то продажи 12 гривны, а за пагубу господину урокъ платити.

А тыи тяжи вси судять послухы свободными. Будет ли послухъ холопъ, то холопу на правду не вылазити. Но аще хощеть истець, или имат нарекати тако: по сего реци емлю тя, а не холопъ, и емлеть на желЂзо; аже обинить и, емлеть свое на немъ, не обинити его, /л.288./ а платити ему, за муку гривна, зане холопьею рЂчью ялъ и. А желЂзного 40 гривенъ, а мечнику пять кунъ, а полъ гривнЂ дЂцьского; то ти желЂзныи урокъ, кто си в чемъ емлеть. А еже емлеть на желЂзо по свободныхъ и людии рЂчи, любо ли зап на не будеть, любо прохождение нощное, или кымъ убо образомъ аще не ожжется, то про мукы не платити ему ни единого желЂзного, кто и будеть ялъ. \496\

О женЂ. Аще убиеть кто жену, то тЂм же судомъ судити, якоже и мужа. Аще будеть виновата, то полъ виры 20 гривенъ. А в холопЂ и в робЂ виръ нЂсть. Но оже будеть без вины убиенъ, то за холопъ урокъ платити или за робу; а князю 12 гривнЂ продажи.

Аще смердъ умреть безъ дЂтии, то задница князю. Аще дщери будуть у него дома, то даяти чясть на ня; аще будеть за мужемъ, то не дати имъ чясти.

 А Возможно другое чтение боярьстЂ и

 ББ Следует а дьвдери (ср. списки CMV и др.).

 В Буквы тр написаны на скобленном месте.

 Г В рукописи кмо

 Д В рукописи ляди

 Е Следует еи (ср. списки Пушкинского вида, см. Правда Русская, 1940 г., стр. 290).

О задници боярьстии и людьстии . Аще въ боярьстЂи А дружинЂ, /л.288об./ то за князя задниця не идеть; но аще не будеть сыновъ, а Б въ дьщери Б и възмуть. Аще кто умираа розрядить домъ дЂтемъ, на том же стояти; пакы ли без ряда умреть, то всЂмъ дЂтемъ, и на самого чясть души. Аще жена сядеть по мужи, то дати на ню чясть. Аще на ню что мужь възложилъ, тому же есть госпожа, а задниця еи мужня не надобЂ. Будуть ли дЂти, то что первое жены, то то възьмуть дЂти матери своеи; любо си на жену будеть възложилъ, обаче матери своеи възмуть. Аще будеть сестра в дому, то тои задниця не имати, но отдадять ю братьа за мужь, какъ си могуть,

А се уроци городнии. А се урочи городнику: закладаюче городня, куна взяти, а коньчявше ногата; а за кормъ и вологу, и за мяса, и за рыбы 7 кунъ на недЂлю, 7 хлЂбовъ, 7 уборковъ пшена, 7 луконъ овса на 4 кони; имати же ему донелЂже город срубять; а солоду единою дадять ему 10 луконъ.

У роци мостнии. /л.289./ А се уроци мостнику: помостивше мостъ, взяти от дЂла от 10 локотъ по ногатЂ; а починить мосту ветхаго, то толко городьниць починить, то взяти ему по кунЂ от городни; а мостнику самому другу Ђхати на двою коню съ отрокомъ; а овса 4 лукна на недЂлю; а ясти что мога.

А се о безадници. Аще будуть робьи дЂти мужа, то задници не имати имъ, но свобода имъ с материю В. А оже будуть у мужа въ дому дЂти малы, а не дужи ся сами собою печаловати, а мати имъ поидеть за мужь, то кто Г и имъ ближнии будуть, тому же дати на руцЂ с добыткомъ и с домомъ, донелЂже възъмогуть; а товаръ дати имъ пред людьми. А что срЂзить товаромъ тЂмь или пригостить, а прикупъ ему собЂ, а онъ кормилъ и печяловалъся. Аже челяди Д плод или от скота, то все поимати лицемъ; что ли будеть ростерялъ, то все ему платити дЂтемъ тЂмъ. Аще же отчимъ прииметь съ задницею дЂтеи и, то тако есть рядилъ. А дворъ бе/л.289об./з дЂлу отень всяко меньшему сыну.

О жене, аще ворчеться сЂдЂти . Аще жена ворчется сЂдЂти по мужи, а ростеряеть добытокъ, поидеть за мужь, то платити ему Е все \497\

 А В списках Пушкинского вида будуть лиси (см. Правда Русская, I, 1940 г., стр. 291).

 ББ Написано на полях с выносным знаком тем же почерком и теми же чернилами.

 ВВ В списках Пушкинского вида будеть (см. там же).

дЂтемь. Не хотЂти ли еи начнуть дЂти на дворЂ, а она начьнеть всяко хотЂти и сЂдЂти, то сътворити всяко еи, а дЂтемъ не дати волЂ; но что еи далъ мужь, с тЂмъ еи сЂдЂти или, свою часть въземши, сяде же; а матерня часть дЂтемъ не надобЂ, кому сию хощеть дати, тому дасть, дасть ли всЂмъ, и вси роздЂлять; без мужа ли умреть, то у кого ли на дворЂ была и кто ю кормилъ, то тому взяти. Аще будуть двою мужю дЂти, а единои матери, но онЂмь своего отца задниця, а онЂмь своего. Будет ли что потерялъ своего й отчима, а онЂхъ отця, а умреть, възворотити брату, на нь же людие вылЂзуть, что буде истерялъ отець его отчимля; а что ему своего отця, то держить. А матери которыи еи сынъ будеть добръ, перваго ли мужа, другаго ли, тому дасть свое. Аще ли и вси сынове/л.290./еи будуть А, а дщери можеть дати, которую кормить.

О задници же. Аще братья ростяжются пред княземъ о задници, которыи дЂлець дЂлить, тому взяти гривна кунъ.

А се уроци судебнии. А се уроци судебнии: от виры 9 кунъ, а метьнику 9 вЂхошь, а бортъное земли 30 кунъ, а метнику 12 вЂкши, а от ролЂинои земли такожде, а освободивше челядинъ 9 кунъ, а митнику 9 вЂхошь; а от иныхъ от всЂхъ тяжь, кому помогуть, по 4 куны, а метнику 6 вЂкошь.

А се уроци ротнии. А се уроци ротнии: от головы 30 кунъ, от бортънои землЂ 30 кунъ безъ треи кунъ, такоже и от ролеинои землЂ, а от свободы 30 кун.

А се о холопьствЂ. А холопьство обилное трое: еже къто купить хотя до полугривны, а послухы поставить, а не без него. А другое холопьство: поиметь робу без ряду; поимет ли с рядомъ, то како ся будеть срядилъ, на томже стоить.

А се третьее холопьство: тиунъство без ряду, с рядом ли, то како ся будеть срядилъ, на томже стоить. А в даче /л.290об./ не холопъ, ни хлЂбъ работять, ни по придатцЂ; но оже не ходить года, то ворочяти милость; отходит ли, не виноватъ есть. Аще холопъ бЂжить, заповЂсть и господинъ, аще слышавъ кто или Б знаа Б или вЂдаа, оже холопъ, а дасть ему хлЂба или укажеть ему путь, то платити ему за холопъ 5 гривенъ, а за робу 6 гривенъ. Аще кто переиметь чюжь холопъ или робу и дасть вЂсть господину его, то взяти ему гривна переима; не ублюдеть ли его, то платити ему 4 гривны, а холопия пятаа ему переемная; а за робу 5 гривенъ, а шестаа переемнаа ему. А кто самъ своего холопа досочится въ чиемъ любо храмЂ, а не В веде В, посадникъ не вЂдалъ его: \498\

 А Далее — пропуск во всех списках Археографического вида (см. Правда Русская, I, 1940 г., стр. 315); в тексте рукописи перерыва нет.

 ББ В рукописи не вЂдаа лъ

 В  В В рукописи творгъ

 Г Далее начинается текст Закона судного людем.

 Д В Софийской 1-й летописи казначЂемъ (ПСРЛ, т. V, 1925 г., стр. 105).

то, повЂдавше ему, взяти же у него отрокъ, шедше взяти и, и дати ему вязебную гривну А... собЂ ему пагуба; а платит в то никтоже, тЂм же переима нЂсть. Аще кто не вЂдая чюжь холопъ или усрящеть, или повЂсти дЂеть, или держить у себе, а отъидеть от него, то ити ему ротЂ, яко не вЂдалъ есмь, оже есть холопъ; а платежа /л.291./ в томъ. нЂсть. Аще гдЂ холопъ вылжеть куны, а онъ будеть не Б вЂдаа вдалъ Б, то господину выкупати, а не лишатися; вЂдаа ли будеть далъ, то кунъ лишену ему быти. Аще кто пустить холопъ в В торгъ В, а одолъжаеть, выкупати его господину, а лишитися нельзЂ. Аще кто купить чюжь холопъ не вЂдаа, то первому господину поняти холопъ, а оному куны имати, ходивше ротЂ, како не вЂдаа купилъ есмъ; вЂдаа ли будеть купилъ, то кунъ ему лишену быти. Аще холопъ бЂгаа добудеть товара, то господину же и долгъ, господину и товаръ, а не лишитися его. Аще кто бЂжа поиметь что сусЂдне или товаръ, господину платити урокъ, что будеть взялъ. Аще холопъ крадеть кого любо, то господину выкупати, с кымъ будеть кралъ, а женЂ не надобЂ, ни дЂтемъ; но будуть кралЂ съ нимъ и хоронилЂ, то всЂхъ выдати, пакы ли выкулаеть господинъ; аже будуть свободнии с нимъ кралЂ или хоронили, то князю в продажи.

А се бещестие. А за бещестную гривну золота, аще будеть баба /л.291об./ была в золотЂ и мати, взяти ему 50 гривенъ за гривну золота; аще будеть баба не была в золотЂ, а по матери ему не взяти золота, взяти ему гривна серебра; а за гривну сребра полъ осмЂ гривнЂ Г.

О бранехъ и суперничь да ся биют беспрестани. О супостатехъ. Исходящимъ къ супостатомъ на брань подобаеть хранитися от всякого слова неприязнина, и от жены, и къ богу едину мысль имЂти и молитву и свЂт святымъ; съ совЂтом же брани творять, помощь от бога дасться въ сердцихъ съвЂти творити; не съ многою брани творити, но от бога крЂпость, богу дающему побЂду; плЂна же шестаа чясть достоить взяти княземъ; прочее число все всЂмъ людемъ въ равну чясть дЂлятся от мала и до велика: доволЂеть бо княземъ. и казнь Д чясть княжа, а прибытокъ людемъ. Люди обрящются етерЂ, и от тЂхъ друговъ или къметищищь или простых людии подвигь и храборьство съдЂеть обрЂтаются; обрЂтаася князь или воевода в то время от урочена урока княжя да про/л.292./дается; якоже лЂпо есть, да подъемлеть я по чясти; иже обрЂтается на брани, да бываеть чясть, \499\ ниже остають на стану, да бываеть тако: тако бо глаголано есть и писано и предано от царя и пророка Давыда.

 А В рукописа тъ и знак " над строкой; можно читать тъи Б В Софийской 1-й летописи яко и (стр. 106).

А се иже муж от жены блудить с робою . ИмЂя жену свою блудить с робою, да ся биеть мужь тъ А; а робу ту достоить от князь земля тоя продати чресъ землю ту въ иную область и цЂну дати убогымъ; тоже блудящаго, по божию закону, достоить, да отдасться божиимъ рабомъ. Съблудяи съ чюжею робою, да ся биеть и да дасть 30 златниць господину рабЂ, якоже преже рекохомъ; аще ли нищь есть, да дасть и тъ А по силЂ своеи господину рабЂ.

Иже блудить с черницею. Блудящему с черницею, по закону людскому носа ему урЂзати.

Иже поиметь куму себЂженЂ. Иже поиметь куму свою женЂ, по закону людскому носа обЂма урЂзати и разлучити я. Аще ли дщерь свою поиметь от святого крещения, суд тот же по людскому, яко и кумомъ, якоже прежде рекохом.

Иже с мужатою женою. /л.292об./ Ижесъ мужатою женою обрЂтается, носа обЂма урЂзати, да биетася; иже самъ мужь заступить, да биеть а оба и Б пса уверзести.

А се о судияхъ и послусЂх. Надо всим же симъ достоить князь или судия съ въстязаниемъ и терпЂниемъ истязание творити, бес послуха не осудити, но въспросити послухы истовыя, боящася бога, не врЂждающя, ни мьсти съ нимъ имЂющя, на негоже глаголют, ни тяжа, ни пря никоеяже, но страха ради божиа и правды. Се же число послухомъ да есть: въ великыа пря от единого до 18, а не ниже сего; а в малыя пря, то до 7 и до 3, а не ниже. Власть же имать на судии, на негоже тожде глаголеть, и да облагаеть послухъ или прогы продажеи или туже казнь, аще когда въ кое время обличяются лжюще. Аще будуть 2 послуха, или будеть на единомъ измЂна какова, то и другыи не послухъ, яко оба лжюще, преступающе законъ божии, или зажитие имЂюще скотьское, или иже о себЂ невЂдимЂ /л.293./ нашею отъемлются.

Приложивыися дЂвици дЂвою. Приложивыися дЂвици дЂвою, а не въ волю рожешимъ ю, послЂжде симъ ощющьшемъ, аще възлюбить ю отрокъ пояти и въсхощета родителя его, тогда будеть съвадьба. Аще ли единъ ею не рачит, то отрокъ дасть дЂвици за срамъ златниць 72; аще имать, то полъ имЂния своего; аще ли нищь есть, то биють и судиа противу силЂ его и от земля тоя да отженеть я. Приложивыися дЂвици дЂвою пусту находившю людми, аще еи не будеть кто помога, да биется отрокъ или продатся, а имЂние его да дасться дЂвици все за сором. \500\

 А Вар.: судятъ (см. «Руська Правда», изд. С. Юшков, стр. 156).

 Б В Софийской 1-й летописи родители и дЂти (стр. 108).

О дЂвици же. Приложивыися дЂвици преже врЂмени 13 лЂт, да продасться отрокъ, дажь и все имЂние его, и да биется, и дасться имЂние его дЂвици.

О дЂвици же. Приложивыися дЂвици обрученЂ мужю, аще въ волю дЂвици, да урЂзается носа ему и да биется 107.

Иже в роду женятся. Кровь мЂсящеи въ свою кровь, свадьбу творящеи, да биются и ра/л.293об./злучаться.

А се имЂя 2 женЂ. ИмЂя 2 женЂ, да ся иженеть мЂньшиця и да ся биеть твердЂ, исъженятся съ дЂтьми своими.

А се о запалении. Аще за какую вражду или заграбления ради огнемъ зажигаеть храмы въ градЂ или вънЂ града или въ веси, или села, или хлЂбы, или гумно, или ино что волею токмо, и иже зажигаеть, мечемъ усЂкается.

О зажигании. Аще кто стеблие свое и ни†и терние, хотя посЂщи и възгнЂтити огнь, то тоже огнь проидеть и пожжеть чюжая нивы или виноград, достоить судии испытати, аще въ невЂдЂнии или въ благодЂть възгнЂщьшему огнь, то то бываеть безъ тщеты.

О запалении. Аще въ день или в нощь вьялица или вЂтръ възгрЂтить огнь, да не съхранилъ будеть лЂностию или умедлилъ, и пожьжеть огнь, да платить, да биется; аще ли съхранилъ будет, напрасно же духъ буренъ нападеть, сего ради огнь да проидеть да судя А. Аще от туча възгорится храмъ и пожжеть что етеро от /л.294./ своего ему рухла, проидеть огнь и пожжеть окрестныя съсуды и храмы, яко вънезапу бывъшю, да не судится.

Иже прибЂгаеть въ церковь. Никтоже прибЂгающаго въ церковь нужею да не извлечеть; бЂгыи бЂду свою да повЂдаеть попови, и попъ повЂдаеть бЂднаго, и по закону да изищется, испытается обида его. Аще кто покусится нудма прибЂгшяго въ церковь извлещи я, таковъ же биется 144 ранъ; тогда, яко подобаеть, да испытается обида его прибЂгшаго.

Иже имЂеть кто котору какову съ етером что . Всякъ имЂя съ етеромъ котору какову, сам ся стоя с нимъ и въземля от него, а не повЂдая владыкамъ, или по силЂ или насилию, да възвращается. Аще ли что взялъ, то владыцЂ земля тоя, да не владЂеть о себЂ, но да биется и да не строить никогоже.

А се о томъ, иже на ся что възглаголеть роди дЂти . Роди дЂтии Б, иже на ся что възглаголеть, да не имуть имъ вЂры ни по господни рабЂ, ни свободнику и от иноя /л.294об./ чяди; аще кто будеть, кому да имуть вЂру, но съ испытаниемъ, да будеть без грЂха. \501\

 А Буква д над строкой.

 Б В рукописи щая зя

 В В рукописи свЂдельствующе

 Г В Софийской 1-й летописи еже створить (см. ПСРЛ, V, 1925 г„ стр. 109).

А се иже купить плЂнника от рапотных. Иже купить от работныихъ плЂнника, свою цЂну дасть на немъ, то, вдавъ на собЂ тоже, да идеть въспять свопод, А да имать купли его дондеже израбоется; аще не имать что дати на себЂ юже съвЂщя, а мьздЂ ему на всяко лЂто наречется 3 щлязя Б пред послухомъ; тако коньчявшю ему цЂну, да отпущается на свободу.

А се иже работаеть из робы . Тако иже работаеть из робы, свЂщаеть цЂну его пред послухы, да отпущается.

А се о свЂдЂтелехъ. СвЂдЂтель послухъ не свЂдЂтельствуеть глаголюще, яко слышяхомъ от кого глаголюще сего должна сущя и сего причястника, или ино что свЂдетельствующе В духомъ слышавше; аще князи суть, иже се свЂдетельствують, да не послушяють ихъ, ни суть бо сами видЂли.

А се иже кто испросит конь, а онъ дасть . Аще кто испросить конь до речения мЂсту, /л.295./ ти умрет, да не платится; аще ли в зарокъ мЂстЂ томъ преидеть, ти да умреть, то и наставить.

Аще кто бес повелЂниа на чюжемь конЂ Ђздить . Аще кто бес повелЂния на чюжемъ конЂ Ђздить, да ся биеть по три утра, да ся продасть, яко и тать.

А се иже от работныхъ поганъ . Иже от работныихъ имуть поганаго, въ святую вЂру на нашю крестится въ христьяньскую и отвергутся, възвращающеся въ свою землю и град, да биется и въ церковь да продасться.

Аще чюжь скот затворит. Затворивыи чюжь скотъ и гладомъ уморивъ или инако убивъ, да биется въ сугубину, да продасться.

А се иже крадеть на воинЂ. Крадыи на воинЂ, аще есть оружие, да биется; аще ли конь, да биется и продасться.

Крадет рабъ господина. Крадущему рабу у господина, аще хощеть имЂти такого раба, окраденому да искупится; аще ли не хощеть имЂти раба того, то да биется и да продасться емуже крадя.

Аще заженет стадо чюже. Иже стадо чюже заженеть яко вождь, в первое се творя, да биется; /л.295об./ второе же от земля да ижженется; третие еже Г да продасться и да биется; но елико поставить все, елико его загнавъ.

Иже мертвеца съвлачит. Иже мертвеця въ гробЂ съвлачить, да продасться въ сугубину и да биется въ триста.

Аще влЂзъ въ олтарь взмет съсудъ. Влазяи въ олтарь или въ день или в нощь, или вземляи от святого съсуда или от платия \502\ и от всякоя вещи, да биется и да продасться; а еже внЂюду олтаря въ церкви възметь, да биется и острижется и от земля слется, яко нечистъ. Аще трижды украдеть въ церкви что, да ослЂпится и носъ да урЂжеть ему. А се иже свободнааго украдеть или продасть и, да поработся самъ, якоже онъ поработилъ есть свободнааго.

 А В рукописи тъ и знак `` над строкой.

 Б В Софийской 1-й летописи всякои винЂ (стр. 110).

 В В Софийской 1-й летописи иного закона (стр. 110).

Иже крыеть чюжего раба. Подмолвивы чюжего раба и крыя его, а не я†творя, повиненъ есть и тъи А господину тому, или иного купилъ или цЂну да дасть и да биется.

А се о мальжену. Неразлучно есть от бога житие малженома, творець нашь господь богъ учить нас премудростию: то бо въ /л.296./ бытии и не суща человЂка сътвори, персть вземъ от земля, създа и; и жену от мужьскааго ребра полу сътвори, да съшедшимся премудрости едино еста, а не д†лицЂ и плоти, въдани въ версту неразлучану.

О том же тЂмь же. Начнеши горкыи вкусъ и давъше мужеви того вкуса от лести нелриязнены и от того разлученЂ, пакы мужа божия заповЂди престулление и оружие сътвориши, женЂ разлученЂ за грЂхы, сласть задЂемЂ, а сверьсть неразлучима есть. Се мужеви убо явлену закону пакы еуангелие сътворшемуся.

О отпущенЂ женЂ. Въ оно время, егда въспросиша фарисеи господа бога нашего: аще достоить человЂку по всякои Б пустити жену свою, отвЂщя имъ Исусъ, яко богъ съчталъ, человЂкъ да не разлучяеть, развЂе словеси прелюбодЂинаго. ПослЂдующи имъ убо яко приснии ученици христа бога, не смЂемъ сего В узаконити. Но понеже от неприазни ненависть нападаеть, клеветы ради, плотьскыя похоти или единоя коея злобы, тЂмже /л.296об./ въ число нарицающе закономъ вещи ихъ ради разлучаетася малжена. Разлучаеть бо ся за сия грЂхы жена от своего мужа: блуда ради, аще обличится, и проказы дЂющи животу ему, свЂдущи иного мужа кромЂ своего, и мужь ощющь, не запрЂтить ему и женЂ своеи; и пакы, аще въ недугъ впадеть прокаженъ, да разлучится жена от мужа; аще проказу сътворить животу его, или иного чюя не исповЂсть еи, аще въ прокаженъ въпадеть, аще ключится единому ею умрети, въ злую язю въпадшу от тварии, тварнику всякому огнемъ да ся съжжет.

А се о судияхъ. А се вЂдати достоить княземъ и судьямъ, с послухы истязати, якоже предписахомъ суд божии, им же суть обещници людстии, въ весельи суть богу, от князь осуждати, да не сего ради недостоить обиновати никогоже, но все по вся дни въ божии законъ наставляти, уповающе от христа бога въ велии суд, блаженъ есть суд сии, услышять: грядЂте раби блажении, вЂрнии, въ мнозЂ устрою вы; /л.297./ вънидЂте въ радость богу своему, веселящеся съ ангелы въ вЂкы. Аминь. \503\

А се иже отець не уравняет дЂтеи . Аще отець не уравняеть дЂтеи, овому мало предасть, овому много, а другаго лишена створить за гнЂвъ нЂкакъ, да ся раздЂлить всЂмъ на чясти.

А се о шевци. Аще швець исказить свиту, не умЂя шити или гнЂвомъ, да ся биеть, а цЂны лишенъ.

А се о ключяри. Аще кто до ключаря ласкавъ възметь что любо от него, да ся биета оба, но ключярь болма.

А се о бЂгании. Аще людинъ бЂгаеть от князя, да ся биеть добрЂ.

Асе иже поп бЂжить. Аще попъ бЂжить от своего епископа къ иному епископу, да не поеть; аще ли простить свои епископъ, да поеть, но на своемь мЂстЂ.

А се о орудьи. Аще кто что орудье възметь, а не прошавъ у гослодина орудью, да ся биеть.

О волЂ. Аще кто волъ биеть оря, да ся биеть; аще ли и уразить, да наставить. Такоже и конь.

О глаголаньи. Аще кто велми глаголеть у господии, несмирено же, да ся биеть.

 А В рукописи вину

А се о волехъ. По коро†аще волове ходять, /л.297об./ то или спасеть ниву А или виноград да ся биеть господинъ коровЂ, да платить еже будеть испаслъ.

А се о пьсЂ. Песъ аще проказы дЂеть, аще подрывъ клЂть или продравъ стропъ, да побиеться; аще ли дверми влЂзеть, да ся не побиеть.

А се о похваленьи. Аще кто похвалится на кого, на негоже будеть хвалилъ, да ся что сътворить винограду, или нивЂ, или скоту, или самому, похвалникъ да ся биеться и продасться.

О скотЂ и о враждЂ. Аще кто сътворить, Моиси убо поручи, да идеть рука за руку, око за око, а главу за главу, да ся искупить, то от земля да отженется. Аще скотъ в нощи проламляеть плоты, ти дасть в нощи хода, да ся продасть господину двожды, а третьее да ся устрЂлить стрЂлою. Аще конь или говядо, аще ли свинъ бравъ проламляють плоты или подрываа нощию, да убиется: звЂрь бо то есть злонравенъ, да еже раздралъ, то ребры заплатити.

Аще речет человЂку: еретиче. Аще етеру человЂку речеть: еретиче, да ударит и ножемъ; аще ли пред /л.298./ судиа идеть, да подъиметь глаголавыи, еже есть было еретику подъяти, ся биеть твердо.

А се о ратаи. Иже ратаи не дооравъ врЂмене, а идеть прочь, да есть лишенъ орания. Такоже и пастырь, иже пасеть стадо.

О попЂ и епископЂ. Иже имуть попа или епископа съ чюжею женою, или диака уларнаго, да изъмутся сану своего. \504\

 А В рукописи пиють

О послушьст†попа. Попъ бываеть в послушест†за 12 мужа; а иже б«ють А попа, рука его да ся отсЂкаеть; аще ли да дасть 12 златниць.

О дву жену. Аще ли д†женЂ бЂсита блуда ради, лЂзучи на купъ, творящи иже мужь едина, а другое женою, да ся биють обЂ по сту.

А се о упоиствЂ. Аще друга своего упоить до руга, да ся биеть по двЂнадцать ранЂ.

А се о черньци и о черници. Аще имуть черньца съ черницею блуд дЂющя, то да окують и всадять въ темницу, дондеже умреть: отреклъся бо есть свЂта сего.

Аще о осляте. Аще имется мужь съ ослятемъ, да побиется; аще ли да биется, /л.298об./ да продасться в поганы, поганъ бо есть зЂло, и дати цЂну ту бЂднымъ.

А се о разбойницЂ и о клеветницЂ. Аще разбоиникъ имется мечеви, да предасться. Аще ся кто кленеть скупости ради, да биется. Аще кто оклевещеть друга, да ся биеть и да прииметь, еже было оному приати.

О мщати. Аще кто блуди съ мщатемъ, да побиется. Уставнии патриархомъ правилнии чести, яко не достоить имъ въсхыщяти области иному достоины на крещение и троение, но и въсхыщеныя по обЂдЂ вратити.

Иже аще два мужа сваритася. Иже аще два мужа сваритася, ти не ударить единъ подруга каменемь или пястию, да умреть, но сляжеть на ложи; аще ли въставъ мужь походить внЂ о жезлЂ, чистъ есть ударивыи его, точию не на дЂлания его да дасть и цЂлбу.

О рабЂхъ. Аще кто биеть раба своего или рабу свою жезломъ и умреть от руку его, судомъ да ся мьстить; аще ли пребудеть день /л.299./ или два, да не мьстится, свое бо есть имЂние.

О свари. Аще ся котораата два мужа и уразита жену непраздну и не изидеть младенець ея, обличенъ да дасть цЂну, елико задежеть мужь женЂ свободою; аще личенъ будеть, да дасть душю за душу, око въ ока мЂсто, рука въ рукы мЂсто, нога в ногы мЂсто, зубъ в зуба мЂсто, иждение въ ижжения мЂсто, вред въ вреда мЂсто, язву въ язвы мЂсто.

Иже ударить въ око или в зуб раба. Аще кто истокнеть око рабу своему или рабЂ своеи, свободь да отпустить я въ ока мЂсто; или зубъ рабу своему выбьеть или рабЂ своеи", свобод да отпустить я в зуба мЂсто.

А се о тадбЂ. Аще кто украдеть теля ли овьцу, 5 телятъ да дасть въ телца мЂсто, а въ овци мЂсто 4 овци да дасть за овчя.

О татЂ. Аще въ подъкопании застанеться тать и язвенъ умреть, нЂсть ему боя; аще възидетъ солнце за нь, повиненъ есть; аще и не имать, \505\ да и ся продасть в татбы /л.299об./ мЂсто; аще ли останеть в руцЂ татба, от осляти живу сугубо да дасться.

А се о поклажаи. Аще дасть подругу серебро или ино что съкрыти, украдеть е кто из дому его, и аще обрящется тать, да тяжить сугубь; аще ли не обрящется тать, да придеть господинъ дому пред бога и да ся кленеть, аще нЂсть самъ слуковалъ на все положение дружне: по всему словеси въ кривину, о всеи гибели суд обою; украдыи у бога да дасть сугубо другу.

 А В Софийской летописи не задежи роста (стр. 114).

 Б Здесь пропуск (см. Соф. 1-ую летопись).

 В Написано на полях, сверху, киноварью.

Иже брату даси. Аще брату нищу в заемъ даси, не буде тощь его ни зажи роста А.

Иже ризу заложить Б. Аще узриши осля брата своего падшеся с рухломъ, да не минеши его, но въздвигнеши и или ино что. Да не преврати си суд нищаго въ судЂ его, и всего слова криваго да отступиши; чиста и правдива не убьеши; не оправди нечестиваго мьзды ради, да не възмеши мьзды: мьзда бо ослЂпляеть очи видящиимъ и расыпаеть словеса правдиваа.

О сыну непокоривЂмь. /л.300./ Аще будеть кому сынъ непокорливъ, губитель, не слушаа рЂчи отца своего и матернЂ, ни кажють и ни послушяють, отець его и мати да изведета пред врата граднаа мЂста града того, да рекуть мужемъ града того, глаголюще: сынъ нашь непокоривъ есть и губитель, не послушяеть рЂчии нашихъ, вЂтуяи, пьяниця, да побиють и камениемъ мужи града того, да умреть, да измут злое сами от себе, да и друзЂи узрЂвше убояться.

Иже повЂсять на древЂ. Аще кто кымъ грЂхомъ судомъ смертьнымъ умреть, повЂсити и на древЂ, да не пребудеть тЂло его на древЂ, въ гробЂ погребуть и в тъ день.

О овчяте. Аще видиши овчя брата своего или ино что плавающе, по полю, не мини его, но обрати и къ брату своему; аще ли нЂсть братъ твои, поими его в домъ свои, дондеже възищеть его братъ твои, и даси ему, яко сътвори всякои гибели его, и обрящеши, не мини его, но възми, не мози потаити, да не съгрЂшиши богу. /л.300об./

О сварЂ В. Иже будеть пря межи человЂка и приидета на суд, и да оправдають праведнаго и осудять нечестиваго. Аще есть достоинъ раны нечестивыи, да поставиши пред судьами и бьють и пред судьями по бещестию его 40 ранъ, да не приложить паче сего, без лЂпоты есть. Аще сваритася человЂка съ братомъ своимъ, то пришедши жена единого ею, отъятъ мужа своего от руку убивающяго, и простерши руку иметь мужа за лоно, да усЂкъ ея и не пощадить ея око твое. \506\

 А В рукописи потиву

 Б В рукописи по го господищахъ

 В Вар.: да не («Руська Правда», изд. С. Юшкова, стр. 166).

 Г В рукописи стоити

О умирании. Се же повелЂваемъ: аще будеть умирааи повелЂлъ кому устроити имЂние, или съ дЂтми которенъ сыи ли съ женою, ти тому поручить устроити имЂние пред послухы, то да будеть ему нужда скончати все; но аще е устрои, не противяся суду, повеление умръшяго строящему, то глаголет противу А женЂ и дЂтемъ, да скончаеть волю умершаго. Аще ли есть поручникъ о собЂ, сам ся творя, приимъ строить умершаго домъ, то что погубить от имЂния /л.301./ женЂ и дЂтемъ, то да возмет на судищи казнь 70 ранъ, и дасть все сиротамъ и полъ того да приставить.

Призываем же и споручникы умершаго, и аще будуть почтени от работы въ свободу, на общение господищемъ, госпожии; и аще ли не будеть свобод, то да не оставять ихъ прити и по госпожи и по господищахъ Б, яко выше рекохомъ. Аще ли не правъ суд, то възидуть къ великому отместнику, егоже постави власть наша помагати сиротЂ и вдовицЂ въ правду, рекшу богу и пророкомъ: судите сиротЂ и оправдаите вдовицю; то да исправить великии судия, и обидяи сироту да прииметь суд противу дЂломъ.

ПовелЂваем же и поручныимъ имЂние подобно быти повелЂнию умершаго; да В будеть пьяница, нЂ которы имущя с тЂми, яже начнуть строити, ни пустошницЂ безаконни, но да будуть подобни ацЂм же есть лЂпо строити Г: 1, о задушьи, 2-е, о женЂ и о дЂтехъ.

О томже. Се же начинающе велимъ общая /л.301об./ боящаася казни, не минующаа ни великыихъ, ни малыихъ, устраяти имЂние, здравымъ ходяще и цЂлымъ умомъ, послухы подобны поставити, свЂдЂтельствова о добрЂ, да не будуть разбоиници, ни пьяници, ни татие, ни иноя ни коеяже злобы имущя, ни мене седми от того града, идеже живуть, или от веси или аще откуду пришли будуть, но подобно послушеству. Попущаем же о рабЂхъ свободою почтеных, да стають ити в послушьство, а непочтеных въ свободу бохма не велим.

О томже. Въ писания, иже о имЂнии своемь, первое да въпишеть вЂры своея образъ, иже и душу избавить. Аще же и душу избавити, аще же и бЂдно ю избавити и прежде житиемъ чистымъ не устроивше, ни рукъ простерше убогымъ, ни свобожьше. Обаче аще всего до коньця не получить, то аще и мука легчяиши будеть; глаголет бо: не лживъ бо есть рекыи: едина душя вящьши есть небеси и земли. Да аще самъ кто въ лестномъ семъ /л.302./ житии не достиглъ есть чимъ, ти отходящи оставять многа уста за ся, яже начнуть кричяти: помяни, яже ны могуть \507\ и по насъ вЂчному огню отяти. Предааи свое имЂние пред послухы да въпишеть первое что свобод, что ли дати убогымъ, что ли дЂтемъ, или сердоболЂ, или другомъ, или женЂ вЂчнЂи, или попомъ. Попущаеть суд нашь: аще хощеть дарити достоиною частью, еже на дому, даеть ему суд власть, а полъ человЂчьска вещь не дасть ему, должномъ сущемь отцемъ чяда своя кормити: тЂм бо ся родное множьство съдерьжить.

 А В рукописи тъ и знак `` над строкой.

 Б Должно быть доилици (?)

 В В рукописи утонша

 Г  Г Приписано на полях тем же почерком, но как будто другами чернилами.

О мачехахъ. Мачехам же и матеремъ велимъ крыющимъ имЂние у чюжеа чяди, еже не суть сердоболя, ти ся изъмЂнять крыемое, да ся изведуть на суд, и крывъшее въ нихъже есть съкровено, да ся лишить того, еже будеть крала; а онЂ приимуть, якоже и тати, казнь 70 ранъ, и дадять обчюю татбу скрывшюю мачехою, и да подЂлять дЂти особь пе/л.302об./рвыя жены с мачехыными дЂтми. Аще ли будеть кыи дЂтищь с мачехою вЂдалъ, тъ А дасть татбу съ нею, да ему не будеть чясти в томъ, яко и мачесЂ.

Иже кто изломить чюже копье. Иже изломить другу копие или щитъ или топоръ, да аще у себе начнеть хотЂти дръжати, то приати ино что у него; аще ли начнеть инЂмь чимъ ему заплатити пред чядию, иже начнеть вЂдати, колко будеть далъ на немь.

Аще дадять дЂтя въскормити должици, Б а само вразумЂеть лжицу взяти, прокорма 3 гривны.

Аще ся дасть человЂкъ или женщина у тошна В времени, дернъ ему ненадобЂ, а поидеть прочь, да дасть 3 гривны, а служилъ даромъ.

А за стогъ за тяжебныи гривна кунъ, а тяжа не надобЂ.




А СЕ УСТАВЪ ЯРОСЛАВА КНЯЗЯ О МОСТЂХЪ


Осменикомъ поплата. Въ Людинъ конець чересъ греблю к Добрыни улици в городная ворота до Пискупли улицЂ, с прусы до Бориса и ГлЂба мостити; /л.303./ а тигожанамъ до коломлянъ, а коломляномъ до Нередичьского мосту; нередичяномъ до вережанъ, а вережаномъ до пидьблян, а пидьбляномъ до Чюдинче†улицЂ, а Чюдинче†улицЂ с загородци до городьнихъ воротъ. А владыцЂ сквозЂ городнаа ворота съ изгои и съ другыми изгои до Острои городнЂ, 1-я Давыжа ста, 2 СлЂпчева ста, 3-я Бьвыкова ста, 4-я Олексина ста, 5-я Ратиборова ста, 6 Кондратова ста, 7 Романова ста, 8 Сидорова ста, 9 Гаврилова ста, 10 Княжа ста, 11 Княжа, 12 Ржевьскаа, 13 Бежичкаа, 14 Вочьскаа, 15 Обонискаа, 16 Лускаа, 17 Лопьскаа, 18 Поволховьскаа трои рилЂ, 19 Яжолвичьскаа двои рилЂ, до софьянъ, софьяномъ до тысячьского, тысячьскому до вощьникъ, от вощникъ посаднику до великого ряду, от Г великого ряду Г князю \508\ до НемЂцкого вымола, НЂмцемъ до Иваня вымола, Гтомъ до Алфердова вымола до озаднего, а от Алфердова вымола онищяномъ до Будятина вымола, ильинцамъ до МатфЂева /л.303об./ вымола, михаиловцамъ до Бардовы улицЂ, а виктовцамъ до Климятиныхъ сЂнеи.




А СЕ РУКОПИСАНИЕ КНЯЗЯ ВСЕВОЛОДА.


 А В рукописи великы и знак `` над строкой.

Се азъ князь великыи Гавриилъ, нареченыи Всеволод, самодержець Мстиславець, внукъ Володимеровъ, властвующе всею Рускою землею и властию Новгородскою, и божиимъ благоволениемъ поставилъ есмь церковь святыи Иванъ великыи на ПетрятинЂ дворищи; и устроилъ есмь иконами многоцЂнными и еуангелии многоцЂнными и всЂми книгами исполонь; и устроилъ есми попы, и диакона, и дияка къ съборнои великои церкве. А даю святому великому Ивану от своего великого имЂния на строение церкви и въ вЂхы: вЂсъ вощанои, а в Торшку даю пуд вощаныи, половина святому Спасу, а половина святому великому Ивану на Петрятино дворище; а оброкъ даю попомъ, и диякону, и диаку, и сторожамъ из вЂсу изъ вощаного имати попамъ по осми гривенъ сребра, диако/л.304./ну 4 гривны сребра, диаку 3 гривны сребра; а имати имъ тои оброкъ и в вЂкы, по моему данию князя великого Всеволода. А попомъ пЂти у святого великого Ивана вседЂннаа, у святого Захарии на полатЂх пЂти по недЂлямъ и в вЂкы; а дьякону пЂти у святого Ивана субота да недЂля изъ того оброка и в вЂхы. А язъ князь великыи А Всеволодъ поставилъ есмь святому Ивану 3 старосты от житьихъ людии и от черных тысячкого, а от купьцевъ 2 старостЂ, управливати имъ всякаа дЂла торговаа Иваньскаа и гостиннаа; а Мирославу посаднику в то не въступатися, ни инымъ посадникамъ въ Иваньское ни въ чтоже, ни бояромъ новгородскымъ. А кто хочеть въ купечество вложитися въ Иваньское, и дасть купцамъ пошлымъ людемъ вклада 50 гривенъ сребра, а тысячскому сукно ипьское; ино купцамъ положити въ святыи Иванъ полътретьятьцать гривенъ серебра; а не вложится въ купечьство, а не дасть пятиде/л.304об./сять гривенъ сребра, ино то не пошлыи купець; а пошлымъ купцамъ ити имъ пошлиною и вкладомъ и отчиною. А вЂсъ вЂсити въ притворЂ святого Ивана; гдЂ дано, ту его и дръжати; а вЂсити старостамъ иваньскыимъ двЂма, купцамъ пощлымъ, добрымъ людемъ; а непошлымъ купцамъ старощениа имъ не дръжати, ни вЂсу имъ не вЂсити Иваньского. А у гостя имати у низовьского от дву берковьсковъ от вощаных полъгривны сребра да гривенка перцю; а у полочкого и у смоленьского по д†гривны кунъ от берковьскаго от вощаного; а у новоторжанина полторы гривны кунъ от берковьска от вощаного; а у новгородьца 6 мордокъ от берковьска отъ вощянаго; а куны класти \509\ в домъ святого Ивана великаго, что вывЂсять по правому слову; а новоторжьцу в бологодЂть не вЂсити ни у которогоже гостя. А по моемъ животЂ великого князя Всеволода стояти за домъ святого Ивана великого брату /л.305./ моему князю великому всея Руси и владыцЂ новгородскому, и за вся церковникы святого Ивана. А взяти князю великому из вЂсу из вощаного полътретьятьцать сребра чрес год. А праздникъ рожество святого великого Ивана почесть творить и праздновати старостамъ иваньскымъ купцамъ; а пЂть въ праздникъ обЂдняа владыцЂ, а на завътрЂе архимандриту святого Георгия, а на 3 день игумену святЂи богородици изъ Онтонова манастыря. А взяти владыцЂ дару рубль; а князя великого намЂстникомъ дару по сукну ипьскому, а дати имъ 20 пудовъ меду на подсласту чистого пошлины; а дворечьскому сукно ипьское, а 10 пудовъ меду на подсласту чистого пошлины по старинЂ; а тиуну дару сукно тумаское, а дати ему 5 пудовъ меду на подъсласту чистого пошьлины по старинЂ; архимандриту взяти дару сукно ипьское; а игумену Онтоновьскому взяти дару полтина, а пошлины от него идеть 40 колачевъ /л.305об./ да сорокъ хлЂбовъ да капуста и уксусъ. А буевище Петрятино дворище от прежнихъ дверии святого Ивана до погреба, а от погреба до Кончяньскаго мосту; а с того буевища имать куны старостЂ Иваньскому и Поберескому, тыи куны къласти в домъ святого Ивана великаго. А поповъ, и дьякона, и дьяка, и сторожовъ святого Ивана призирати старостамъ Иваньскымъ, и старостамъ Паберескымъ, и пабережанамъ. А в дому святого Ивана великого не держати никому ничегоже, развЂе свЂчь и тЂмиана. А городу, ни владыкЂ, ни бояромъ вЂсу не отъимати у святого Ивана великого, ни продавати моего даниа князя великого Всеволода. А кто почнеть вЂсъ отъимати или продавати, или домъ обидити святого и великого Ивана и святого пророка Захарии, ино на того Спасъ и Пречистаа и святыи великии Иванъ и святыи пророкъ Захарии; и будеть имъ тма и огнь и съблазнъ и казни божия.









Див. також:

Серафим Юшков. Руська Правда (тексти на основі 7 списків та 5 редакцій). Київ, 1935.

Леонід Білецький. Руська Правда й історія її тексту. Вінніпег, 1993.


Переклад тексту Архівної комісії.











Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.