[Новгородская первая летопись старшего и младшего изводов. — М.-Л., 1950. — С. 481-488.]



Попередня     Головна     Наступна






А СЕ УСТАВЪ ЯРОСЛАВЛЬ. СУДЫ СВЯТИТЕЛЬСКЫА.


Се азъ князь великыи Ярославъ, сынъ Володимеровъ, по данию отца своего, съгадалъ есмь с митрополитомъ киевьскиимъ и всеа Руси Илариономъ, сложихомъ греческыи номоканонъ, еже не подобаеть сихъ тяжь судити князю, ни бо/л.269об./ляромъ его, ни судиямъ его; далъ есмь митрополиту и епископомъ: роспусты по всЂмъ городомъ, десятую недЂлю мыта къ церкви и къ митрополиту, а людемъ его не даяти мыту никдЂ, ни тамгы; и осмьничее далъ есмь.

Аще кто умчить дЂвку или понасилить, аще боярьская дщи будеть, за соромъ еи 5 Гривенъ золота, а митрополиту 5 гривенъ золота. Аще будеть мЂнших бояръ, еи гривна золота, а митрополиту гривна золота. Аже добрыихъ людеи будеть, д†гривнЂ серебра за соромъ, а митрополиту рубль, а на умычницЂх по 60 митрополиту, а князь ихъ казнить.

Аще кто пошибаеть боярьскую дщерь или боярьскую жену, за соромъ еи 5 гривенъ золота, а митрополиту такожде; а меншихъ бояръ гривна золота, а митрополиту гривна золота; а нарочитыхъ людии два рубля, а митрополиту два рубля; а простои чяди 12 гривнЂ кунъ, а митрополиту 12 гривнЂ кунъ, а князь казнить. /л.270./

Аще же пустить бояринъ жену великих бояръ, за соромъ еи 300 гривенъ, а митрополиту 5 гривенъ золота; менших бояръ гривна золота, а митрополиту гривна золота; нарочитых людии 2 рубля, а митрополиту 2 рубля; простои чяди 12 гривенъ, а митрополиту 12 гривенъ, а князь казнить.

Аще дЂвка блядеть или дЂтяти добудеть у отца и у матере, или вдовою, обличивши пояти ю въ домъ церковныи. Такоже и жена безъ своего мужа или при мужи дЂтяти добудеть и погубить, или въ свинии въкинеть, или утопит, обличивше пояти в домъ церковныи, а чимъ ю пакы род окупи А.

 А В сборнике Авраамки окупить (см. ПСРЛ, т. XVI, стр. 268).

Аще дЂвка засядеть великых бояръ, митрополиту 5 гривенъ злата; а менших бояръ митрополиту гривна золота; а нарочитыхъ людЂи митрополиту два рубля или 12 гривенъ; а простои чяди митрополиту гривна сребра или рубль.

Иже дЂвку кто умолвить к себЂ и дасть ю в толоку, а на умычницЂ митрополиту /л.270об./ гривна сребра, а на толочянЂхъ по 60, а князь казнить. \482\

Аще мужь от жены блядеть, мужь тои митрополиту въ винЂ, а князь казнить.

Аще мужь оженится иною женою, а съ старою не роспустився, мужь митрополиту въ винЂ, а молодую пояти в домъ церковныи, а съ старою ему жити.

Аще поидеть жена от своего мужа за иныи мужь или иметь блясти отъ мужа, ту жену пояти в домъ церковныи, а новожена въ продажЂ митрополиту.

Аще будеть женЂ лихии недугъ или слЂпота или долгаа болЂзнь, про то ея не пустити; такоже и женЂ нЂлзЂ пустити мужа.

Аще кумъ с кумою блуд сътворить, митрополиту 12 гривенъ, а про опитимию по закону указание от бога.

 А В рукописи низь

Аще кто зажьжеть гумно или дворъ или иное что, митрополиту 40 гривенъ, а опитимию подоимуть, а князь А казнить.

Аще кто съ сестрою блуд створить, митрополиту 40 гривенъ, а въ опитимьи указание по закону.

Аще ближнии родъ поимется, митрополиту 30 или 40 гривенъ, /л.271./ а ихъ разлучити, а опитимию да приимуть.

Аще кто иметь д†женЂ водить, митрополиту 20 гривенъ; а котораа подлегла, тую поняти в домъ церковныи, а первую жену дръжати и водити по закону; а иметь ю лихо водити и дръжати, казнию казнити его.

Аще мужь роспустится съ женою по своеи волЂ, а будеть ли вЂнчалнаа, и дадять митрополиту 12 гривенъ; а будуть ли не вЂнчялныи, митрополиту 6 гривен.

Аще ли жидовинъ или бесерменинъ будеть с рускою, или иноязычникъ, на иноязычницЂхъ митрополиту 50 гривен, а руску поняти въ домъ церковныи.

Аще кто съблудить съ черницею, митрополиту 40 гривенъ, а въ опитимию вложить.

Аще кто съ животиною блуд створить, митрополиту 12 гривенъ, а въ опитимью и въ казнь по закону.

Аще свекръ съ снохою съблудить, митрополиту 40 гривенъ, а опитимию приимуть по закону.

Аще кто съ двЂма сестрама въ блудъ впадеть, митрополиту 30 гривенъ. /л.271об./

Аще дЂверь съ падчерицею блудить, митрополиту 12 гривенъ.

Аще девЂрь съ ятровию въпадеть въ блуд, митрополиту 12 гривен.

Аще кто съ мачехою въпадеть въ блуд, митрополиту 12 гривен.

Аще два брата будуть съ единою женою, митрополиту 30 гривен, а жена поняти в домъ церковныи. \483\

Аще отець съ дщерию падется, митрополиту 40 гривенъ, а опитимию приимуть по закону.

Аще дЂвка не въсхощеть за мужь, то отець и мати силою дадуть, а что дЂвка учинить над собою, то отець и мати митрополиту въ винЂ, а исторъ има платити. Такоже и отрокъ.

Аще кто назоветь чюжую жену блядию, а будеть боярьскаа жена великыихъ бояръ, за срамъ еи 5 гривенъ злата, а митрополиту 5 гривенъ злата, а князь казнить; и будеть меншихъ бояръ, за срамъ еи 3 гривны золота, а митрополиту 3 гривны злата; а оже будеть городскыихъ людеи, за соромъ еи 3 гривны сребра или рубль, а митрополиту такоже; а сельскои женЂ 60 рЂзанъ, а митрополиту 3 гривны. /л.272./

Аще кто пострижеть кому главу или бороду, митрополиту 12 гривенъ, а князь казнить.

Аще мужь иметь красти коноплЂ или ленъ и всякое жито, или жена, митрополиту 3 гривнЂ.

Аще мужь крадеть бЂлыи порты и полотна и портищя, митрополиту 3 гривны. Такоже и жена.

 А В списке устава, находящегося в Соловецкой кормчей 1493 г.: сговорное (см. Е. Голубинский. Ист. русской церкви, т. I. М., 1901 г., стр. 635).

Аще кто иметь красти свадебное и сгородное А, все митрополиту. Аже про дЂвку сыръ краянъ будеть, за сыръ гривну, а за срамъ еи 3 гривны, а что потеряно, а то еи заплатити; а митрополиту 6 гривенъ, а князь казнить.

Аще жена у мужа крадеть, а обличить ю, митрополиту 3 гривны, а мужь казнить ю; а про то ихъ не разлучити. Аще клЂть покрадет, такоже сътворить еи. Аще сноха у свекра крадеть, такоже над нею да сътворять. Аще жена будеть чяродЂиница, или наузница, или волъхва, или зелеиниця, или мужь, доличивъ казнить ю, а не лишиться, митрополиту 6 гривенъ.

Аще мужа два биетася женьскы, любо одереть или укусить, митрополиту 12 гривен или гривна. /л.272об./

Аще жена мужа биеть, митрополиту 3 гривны.

Аще д†женЂ биються, митрополиту 60 рЂзанъ или 6 гривенъ на виноватои.

Аще которыи мужь бьеть чюжую жену, за срамъ еи по закону, а митрополиту 6 гривенъ.

Аще ли сынъ биеть отця или матерь, да казнять его властельскою казнию, а митрополиту въ винЂ, в домъ церковныи такыи отрокъ.

Иже чернець или черниця, или попъ или попадия, или вдова, или проскурниця или пономарь въпадуть въ блудъ, тЂхъ судити митрополиту оприсно мирянъ; а во что ихъ осудить, воленъ. \484\

Иже дЂвка въсхощеть за мужь, а отець и мати не дадять еи, а что створить над собою, отець и мати митрополиту въ винЂ. Тако и отрок.

Аще попъ или чернець или черниця упиется безъ времени, митрополиту въ винЂ.

Аще кто зажьжеть дворъ или гумно или ино что, митрополиту 40 гривенъ, а князь казнить.

Аще кто поганое ясть по своеи волЂ, или кобылину или медвЂжину, или иное что отреченное, митрополиту въ /л.273./ винЂ и въ казни.

 А В сборнике Авраамки предЂлЂ (стр. 270).

 Б В рукописи уздЂ

Иже попъ дЂти креститъ в чюжемъ переЂздЂ А у иного попа, развЂе нужда или при болЂзни, а что створить крещеньское не въ своемъ уЂздЂ Б, митрополиту въ винЂ будеть.

А съ некрещенымъ или иноязычьникомъ или от нашего языка некрещенъ будеть, ни ясти ни пити съ нимъ, дондеже крестится» а вЂдаа кто ясть и пиеть, да будеть митрополиту въ винЂ.

Аще кто съ отлучеными ясть и пиеть, да будеть самъ отлученъ.

Аще кто съ бесерменкою или съ жидовъкою блуд створить, а не лишится, от церкве да отлучиться и от християнъ; и митрополиту 12 гривенъ. Аще чернець или черниця рострижеться, митрополиту 40 гривенъ.


А сими винами разлучити мужа съ женою:

А се 1 вина: аще услишить жена от иныхъ людеи, что думають на царя или на князя, а того мужю своему не скажеть, а опослЂ обличится, разлучити ихъ.

А се 2 вина: аще мужь застанеть свою жену с любодЂемъ или учинить на ню добрыми послухы исправу, /л.273об./ разлучити а.

А се 3 вина: аще подумаеть жена на своего мужа зелиемъ или ивыми людьми, а она имет вЂдати, что мужа ея хотять убити или уморити, а мужю своему не скажеть, а напослЂдь обьявиться, разлучити.

А се 4 вина: аще жена безъ мужня слова иметь съ чюждиими людьми ходити или пити или ясти, или опроче дому своего спати, а потомъ увЂдаеть мужь, разлучити.

А се 5 вина: аще жена иметь, опроче мужа своего волЂ, ходити по игрищамъ или въ дни или в нощи, а мужь иметь съчивати, а она не послушает, разлучити ю.

А се 6 вина: аще жена на мужа наведеть тати, велить покрасти дворъ мужа своего, или сама покрадеть, или товаръ или церковь покрадши, а инЂмъ подаеть, про то ихъ разлучити.

А что ся дЂеть в манастырьскыхъ людехъ и въ церковных и въ самЂхъ манастырехъ, да не въступается князь ни волостель в то, да вЂдають ихъ митрополичи волостели, а безъзадщина ихъ поидеть къ /л.274./ волостелю митрополичю. \485\

Аще кто уставъ мои преступить и уставление мое порушаеть, или сынове мои, или внуци мои, или правънуци мои, или от рода моего кто, или от рода болярьскаго, бояръ моихъ бояре, а порушають моя ряды и въступять въ судъ митрополичь, что есмь далъ митрополиту и епископомъ церковныя суды по правиломъ святыхъ отець, судивше и казнити по закону тяжьцЂ; а кто иметь судити, станеть съ мною на страшнЂмъ судЂ прЂд богомъ, и да будеть на немъ клятва святыхъ отець 300 и 18, иже в Никеи, всЂхъ святыихъ. Аминь.



О ЖЕНИТВЂ.


ЕретицЂ хулять древнии святЂи мужи, не по закону женитву творящихъ.

 А В рукописи крив и далее, после буквы в бумага подскоблена.

 6 Так в рукописи.

Толкъ. Святи суть и праведни Авраамъ и Исаакъ, Иаковъ, Июда, и Лотъ, и Давыдъ, и Самсонъ; Иеффаи, дщерь убивъ, не отверъженъ есть; такоже и жены ихъ Авраамо†меншицЂ, ИаковлЂ и ИюдинЂ ФамарЂ тожде въ первомъ законЂ было. А въ благодатнЂмъ кто бы тако сътворилъ, проклятъ бы былъ. Да не помышляи никтоже нынЂ тако дЂя праведенъ /л.274об./ быти, не смотря разумомъ, криво А глаголати; и первыхъ хуля, да не въпадеши въ ересь.




УСТАВЪ ВЕЛИКОГО КНЯЗЯ ВСЕВОЛОДА О ЦЕРКОВНЫХЪ СУДЂХЪ, И О ЛЮДЂХЪ, И О МЂРИЛАХЪ ТОРГОВЫХ.


Се азъ князь великыи Всеволод, нареченныи въ святЂмь крещении Игθшь, правнукъ Игоревъ и блаженныя прабабы Олгы, нареченныя въ святЂмь крещении Елена, и матере Володимеровы, нареченнааго въ святЂмь крещении Василие, и ты Ђгда приялЂ святое крещение от греческыихъ цареи и от Фотия патриарха цареградскааго, взяшя перваго митрополита Михаила Киеву, иже крести всю Русьскую землю. Потом же, лЂтомъ многымъ минувшемь, мляся Б Спасу и пречистЂи его матери святЂи богородици приснодЂвЂи Марии, устроишя церковь святую Богородицу Десятинную, и дашя еи десятину въ всеи Русскои землЂ, и съ всихъ княжении въ съборную церковь святыя Богородица, иже въ КиевЂ, и святЂи Софии киевьскои, и святЂи Софии новгородскои, и митрополитомъ киевъскыимъ, и архиепископомъ новгородскыимъ, от всякого княжя суда /л.275./ десятую вЂкшу, а ис торгу десятую недЂлю, а из домовъ на всякое лЂто и от всякого стада и от всякого жита десятое, святому Спасу и пречистЂи его матере и премудрости божии святЂи Софии.

А се изъобрЂтохомъ въ греческомъ номоканонЂ, что сихъ судовъ и тяжь не судити князю, ни его дЂтемъ, ни его намЂстникомъ, ни его боляромъ, ни его тиуномъ, ни десятника не дръжати; и съзвалъ есмь \486\

 А В рукописи обокы

 Б В рукописи вЂньцЂ

 В В рукописи твероногою

 Г В сборнике Авраамки в церкви (стр. 273).

 Д В сборнике Авраамки тыи (стр. 273).

10 сочкихъ и старосту Болеслава, и бириця Мирошку, и старосту Иваньскаго Васяту, и погадалъ есмь съ владыкою и съ своею княгынею, и съ своими боляры, и съ десятию сочьскыми и съ старостами: далъ есмь суд и мЂрила, иже на торгу, святЂи Богородици въ Кие†и митрополиту; а в НовЂгородЂ святЂи Софии и епископу и старостЂ Иваньскому и всему Новугороду мЂрила торговаа, скалвы вощаныи, пуд медовыи, и гривенку рублевую, и локоть Еваньскыи, и свои оброкъ: кубець черницамъ, а попу Иваньскому рускаа пись с БорисоглЂбьскымъ наполъ, /л.275об./ а сторожю Иваньскому рускои порочици пятно да десять конюховъ соли. А не въступатися в тыи оброкы А моимъ дЂтемъ, ни моимъ намЂстникомъ, ни моимъ боляромъ на домъ святии Софии и святого Ивана; а домъ святЂи Софии владыкамъ строити съ сочьскыми, а старостамъ и торговьцамъ докладываа владыкы или кто будеть нашего рода князеи Новагорода строить домъ святого Ивана. А се приказываю своимъ намЂстникомъ и тиуномъ суда церковнаго не обидЂти, ни судити безъ владычня намЂстника. А се дахъ въ олтарь святЂи Софии и причту церковьному в седеньникъ сЂнаникъ вЂцьнЂ Б; что суды церковныя, то святЂи Софии. А кто нашего роду пограбить или отъиметь, того повелЂхомъ владыцЂ съборомъ въ синаницЂ проклинати.

А се суды церковныя: роспускы, смилное, заставание, умычка, пошибалное, промежи мужемъ и женою о животЂ и о бездЂтномъ животЂ, въ племени или въ сватовьст†поимутся, потворы, /л.276./ чяродЂяние, влъхвования, вЂдьство, зелеиничьство, зубоЂжа, урЂкания три: бляднею, зелии, еретичьсто; отца или матерь биеть сынъ или дщи, или сноха свекровь, братия или дЂти тяжются о задницЂ, церковнаа татба, мертвеци съвлачають, крестъ посЂкуть или и на стЂнахъ рЂжють, или два мужа имут ся бити и единого жена иметь за лоно другаго раздавить, или кого застануть съ четвероногою В, или кто молится под овиномъ или в рощении или у воды, или дЂвка дЂтя повержеть, скотъ или псы или поткы или ино что неподобно церкви Г подЂють. А тыи суды вси церкви даны суть епископу; а князю и боляромъ и судиямъ въ тыся Д суды не въступатися. А то далъ есмь по прьвыхъ царевъ уряжению и по вселеньскыихъ святыхъ 7 съборовъ великыхъ святитель. А посемъ не въступатися дЂтемъ моимъ, ни внучатамъ моимъ, ни всему роду моему до вЂка въ люди церковныи, ни въ вси суды ихъ; аже кто прЂоби/л.276об./дить нашь уставъ, таковымъ непрощеномъ быти от закона божиа, и горе себЂ наслЂдують, и мука вЂчнаа ждеть ихъ. \487\

 АА Написано на полях с выносным знаком тем же почерком и теми же чернилами.

А о всЂхъ, что преди писано, дръжахъ за своими боляры, аже они обидять гостеи, а гдЂ живуть, тымъ наровять, а княжю душю топять. И азъ въсмотрЂхъ въ ФотЂя патриарха цареградьскааго грамоты, что принеслъ на Русь князь великыи Владимеръ, нареченныи въ святЂмь крещении Василие, сынъ Святославль, а внукъ Игоревъ и преблаженныя княгыни прабабы Олгы, аже стоить въ грамотЂ: торговыя вся вЂсы, мЂрила и скалвы вощаныя, и пуд медовыи, и гривенка рублеваа и всякая извЂсть, иже на торгу промежи людьми, от бога тако исконЂ уставлено есть: епископу блюсти безъ пакости, ни А умаливати  А, ни умноживати, а на всякыи годъ извЂщивати; а скривится, а кому приказано, а того казнити близко смерти, а животъ его на трое: треть живота святЂи Софии, а другаа треть святому Ивану, а третьая треть сочьскымъ /л.277./ и Новугороду; а епископу, не управивъ того, за все то дати ему слово въ день великааго суда; а печяловатися ему о томъ управлении якоже и о душахъ человЂчьскыихъ; аще же управить епископъ сия управления нашя, блаженъ будеть и небесному царствию наслЂдникъ будеть; а не урядить, а мы то съ своеи души сводим.

А се церковныи люди: игуменъ, игумениа, попъ, дияконъ и дЂти ихъ, а кто въ крилосЂ, попадия, чернець, черница, проскурниця, паломникъ, свЂщегасъ, стороникъ, слЂпець, хромець, вдовиця, пущеникъ, задушьныи человЂкъ, изгои трои: поповъ сынъ грамоты не умЂеть, холопъ из холопьства выкупится, купЂць одолжаеть; а се четвертое изгоиство и себе приложимъ: аще князь осиротЂеть; манастыреве, болници, гостинници, странноприимъници, то люди церковныи богадЂлныи; или митрополитъ или епископъ тыи вЂдають между ими суд или обиду, или кому прикажють, яли которого /л.277об./ задниця, или будеть иному человЂку с тыми людьми рЂчь, ино обчии судъ. Своимъ тиуномъ приказываю суда церковнааго не обидЂти, а съ суду давати 9 чястеи князю, а десятую святЂи Софии за княжю душю. А кто приобидить суды церковныи, платити ему собою, а прЂд богомъ тому же отвЂщяти на страшнемъ судЂ пред тмами ангелъ, идЂже когождо дЂла не съкрыются, благаа же и злаа, идЂже не поможеть никто же никому же, но токмо правда избавить от вторыя смерти и от вЂчныя мукы и от огня негасимааго.

Якоже есмы управилЂ по святыхъ отець правиломъ и по первых цареи и князеи уряжению, а кто иметь преступати сия правила, или дЂти мои, или внучята, или правнучята, или въ коемъ городЂ намЂстникъ, или тиунъ, или судиа, или кто а пообидить суды церковныи, да будуть прокляти въ сии вЂкъ и въ будущии седмию съборы святыхъ отець вселеньскыихъ. \488\

А та вся дЂла приказахъ святЂи Со/л.278./фии и всему Новугороду моимъ мужамъ и 10-ти сочьскыимъ: вы блюдите; а не възблюдете, и вы сами за то отвЂтъ дадите въ день страшнаго суда пред лицемъ царя славы. Аминь.

А се изъискахъ: у третиеи женЂ и у четвертои дЂтемъ прелюбодЂинаа чясть въ животЂ. Аще будеть полнъ животомъ, ино дасть дЂтемъ третиеи женЂ и четвертои по уроку, занеже тЂи от закона отлученЂ; а человЂку ся получяеть по грЂхомъ, занеже прелюбодЂинии, а не благословении богомъ. И азъ самъ видЂхъ тяжю промежю первою женою и дЂтеи съ третьею женою и съ дЂтми, и съ четвертою женою и съ дЂтми; из велика живота дати урочнаа чясть по оскуду, а из мала живота како робичичю часть: конь да доспЂхъ и покрутъ, по расмотрению живота. А тое все приказахъ епископу управливати, а смотря въ маноканонъ, а мы съ своеи души сводимъ. /л.278об./











Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.