[Новгородская первая летопись старшего и младшего изводов. — М.-Л., 1950. — С. 510-530.]



Попередня     Головна     Наступна





ПРИЛОЖЕНИЕ ТРЕТЬЕ



ТРОИЦКИЙ СПИСОК НОВГОРОДСКОЙ ПЕРВОЙ ЛЕТОПИСИ




 1 Листы разлинованы. В каждом столбце — 24 строки. Поля непропорционально велики. Часть киноварных букв в рукописи написана смесью киновари и чернил.

Так называемый Троицкий список Новгородской первой летописи находится в рукописи, состоящей из 1÷76÷1 листов размером в лист (28 х 19). Рукопись хранится в Рукоп. отд. Библиотеки им. Ленина в Москве под № МДА 69. Текст списка и других памятников, входящих в состав рукописи, писан ок. 60-х годов XVI в. в два столбца полууставом, подражающим древнему уставу 1. Водяной знак — маленькая сфера, над сферой лилия, под сферой изображение сердца (Лихачев, № 3439—1564 г., Briguet, № 14029—1563 г.). На первом чистом листе (при переплете) написано: «№ 85» и карандашом: «для вар. Нест. № 23». На первом листе вверху, почерком XVII в.: «глава ...» (числовая буква неясна; частью заклеена при реставрации). Таким образом, возможно, что в XVII в. рукопись входила в состав обширного сборника и была извлечена из него поздяее. Далее почерком XIX в.: «№ 3010». Справа на полях почерком второй половины XVIII в. библиотекаря Троице-Сергиевой лавры: «лЂтописець Российского княжения по описи 1767 года № 1». Ниже, другими чернилами, почерком XVI I или начала XIX в.: «от Кия до убиения Святополком Бориса и ГлЂба... (несколько слов неразборчиво)... кзк видно продолжен был далЂе»; и вверху листа, в правом углу, теми же чернилами: «№ 57». Внизу листа на полях почерком начала XIX в.: «отъ Кия до убиения Святополкомъ Бориса и ГлЂба съ приобщениемъ привиллегии для ц. св. Ивана, что на ПетрятинЂ дворищЂ и родословия руских князей, оканчивающ. Дмитр. Донскимъ. ЛЂтопись оканчивается убиениемъ Святослава, слЂд. съ 854—1016».

Переплет кожаный, начала XIX в. (на переплетлых листах отчетливо видно изображение цифры «1800»).




СОСТАВ РУКОПИСИ


Л. 1—69. Фрагмент летописного текста, близкого по составу к Ком., Акад. и Толст. спискам Новгородской первой летописи, кончающийся похвалой Борису и Глебу и рассказом об убиении Святослава.

Нач. «ЛЂтописець Рускиа земля. Временникъ, еже нарицается лЂтописецъ князеи роуских и землямъ роускимъ»... Кон. на л. 69 «... и с младыми съвЂтникы, сяковыя даетъ богъ за грЂхы, а старыя отъемлетъ, якоже Исаия»... (фраза не дописана). Л. 69 об. чистый. \511\

Л. 70—73. Устав князя Всеволода. Нач. «Се азъ князь великии Гаврилъ...» Кон. «...боудЂтъ имъ тма и съблазнь и казнь божия».

Л. 73 об. чистый.

Л. 74. Родословие русских князей, Нач. «(Ас)е роды роускихъ (к)нязеи...» Кон. «тои бо Дмитрии съвЂщася самодръжцемъ, а Дмитреи роди Юрья».

Л. 74 об. чистый.

Л. 75—75 об. Слово Ефрема.

Л. 76. Объяснение числового значения букв.

Л. 76 об. чистый; запись нового времени: «въ рукописи 76 (семьдесят шесть) листовъ».

Как видно из записи библиотекаря Троице-Сергиевой лавры, рукопись принадлежала в XVIII в. Троице-Сергиевой лавре, но в опись 1795 г., повидимому, не попала, так как отсутствует соответствующая запись. В XVIII и XIX вв. рукопись находилась в библиотеке Троицкой семинарии. Как явствует из Предисловия к тексту Устава князя Всеволода, извлеченному из издаваемой рукописи и напечатанному в «Русских достопамятностях», ч. 1, М., 1815 г. 1, но подготовленного к печати до 1812 г., рукопись МДА 69 хранилась в то время в Троицкой семинарской библиотеке. После 1815 г. из этой рукописи были переписаны текст летописи, Устав Всеволода и Родословие для Н. П. Румянцева. Эта копия XIX в. описана А. Востоковым в «Описании русских и словенских рукописей Румяниевского Музеума», СПб., 1842 г., под № 247 и хранится в Рукоп. отд. Библиотеки им. Ленина в Москве. В начале XX в. рукопись (МДА 69) находилась в Археографической комиссии.

Летописный текст из рукописи МДА 69 до настоящего времени опубликован не был. Рукописью пользовался в своих исследованиях А. А. Шахматов (гм. «Разыскания о древних русских летописных сводах», 1908 г., стр. 195, 381; «Повесть временных лет», т. I, 1916 г., стр. 361—374) и оставил ее краткое описание (см. «Обозрение русских летописных сводов XIV—XVI вв.», стр. 173—175).

Летопись рукописи МДА 69 сохранила в ряде случаев более древние чтения по сравнению с КАТ. В тексте летописи МДА 69, с другой стороны, не мало искажений. В рассказе об убиении Бориса и Глеба текст Троицкого списка отступает от текста КАТ, местами приближаясь к «Повести временных лет». В тексте Троицкого списка полкостью отсутствуют статьи под 989 г. (6497 г.) «о княжении киевьстЂмъ», о новгородских князьях, о митрополитах, новгородских архиепископах, епископах и посадниках. Язык Троицкого списка ногит явственно выраженные новгородские черты. Текст Троицкого списка подготовлен к печати А. Н. Насоновым и А. А. Зиминым.







ЛЂТОПИСЂЦЬ РУСКИА ЗЕМЛЯ


 1 Вторично Устав Всеволода из той же рукописи был напечатан в Дополнении к А. И., т. I, под № 3.

 22 Здесь пропуск; текст испорчен; ср. Т

 3 В Т тако жъ

Временникъ, еже нарицается лЂтописець князеи руских и землямъ рускимъ, како избра богъ страну нашю на послЂднее время, и гради почаша бывати по мЂстомъ, преже Новгородцкая волость, потомъ Киевъская, и о статьи Киева, како въ имя его 2 град Римъ и Царьград прозвася во имя его 2, и паки Антиохия; и Селевокъ и бысть Селевкия; и паки Александръ, и бысть въ имя его Александрия; и по многим мЂстамъ како прозвани быша гради въ имена царевъ тЂх и князь тЂх: яко 3 в нашеи странЂ званъ бысть град великии Киевъ во имя Кия, \512\

 1 В рукописи быша; испр. по Т.

 2 Последние две буквы заклеены, но видны.

 3 Буквы ла заклеены, но видны.

 4 Буквы заклеены; последняя буква неясна.

 5 Последние три буквы заклеены.

 6 В Соф. 1-й: не ждяху (испр.: жадаху).

 7 В квадратных скобках— из Т

 8 Так в рукописи.

 9 В рукописи родо

 10 Так в рукописи; текст испорчен.

егоже нарицают древле перевозника бывша 1; инии же, яко ловы дЂяше около града своего. Великъ бо есть промыслъ божии, еже яви в послЂдняя времена: куда же древле погании жряху бЂсомъ на горахъ, туда же нынЂ святаа церькви златоверхие каменозданныя, и манастыреве исполнены черноризцы, /л.1об./ безпрестани славяще бога в молитвахъ, в бдЂниихъ, в посте, въ слЂзах, их же ради молитвъ миръ стоит. Аще бо къ святым сыи прибегнет церквамъ, тЂмъ велику полозу приимет души и тЂлу. Мы же на преднее възвратимся, о началЂ Руские земли и о князех, како откуду быша. Васъ молю, стадо христово, с любовию приклоните ушеса ваша разумно: како быша древнии князи и мужи ихъ, обороняху Рускии земли, и иные страны приимаху под ся; тыи бо князи не збираху многа имЂньа, ни творимых вЂръ 2, ни продажь възкладаху 3 на люди; но оже 4 будет правая вЂра 2, а ту възмя, даяше 2 дружине на оружье. 5 А дружина его кормяхуся воюючи инии страны и бьющеся: «братие, потягнемъ по своем князи и по Рускои земли». Женяху 6: «мало ми е князь же двусотъ гривен». Не кладяху на своя жены золотых обьручии, но хожаху жены их в серебре; и росплодили были землю Рускую. За наше несытовство навелъ богъ на ны поганыя; а и скоти наши и села наша и и/л.2./мЂнья за тЂми суть, а мы злобъ своихъ не останемся. Пишет бо ся: богатество, неправдою збираемо, извЂется. И паки: збираетъ [и не вЂсть, кому сбираетъ] 7 я, и паче: луче праведнику малое паче богатьства грЂшных многа. Да отселЂ, братие възлюбленная, останемся от несытъства своего, но доволни буд>т уроки вашими, яко Павелъ пишет: ему же данъ урок, то урохъ; никомуже насилиа творяще, милостынею оцвЂтуще. И все по ряду извЂсто, 8 да скажем, от Михаила царя до Олекси, Исакья.

В лЂта шесть тысящ триста шестьдесятъ втораго. Начало земли Рускои. Живяху кождо с родомъ 9 своимъ на своихъ странах, владЂюща когождо родомъ своимъ. Бяше три брата: единому имя Кии, второму имя Щекъ, третьему Хорив, лыбих 10 Лыбедь. И сЂдя Кии на горе, идЂже нынЂ увоз Боричевъ, и бЂ с родомъ своим; а братъ его Щокъ на другои горЂ, от него прозвася Щековича; а третеи Хорив, от негоже прозвася Хоривичи. И створша градокъ во имя брата своего старЂишаго, /л.2об./ нарекоша \513\ Киевъ. И бяше околъ ихъ лЂсъ, боръ великъ, и бяху ловища звЂрье. И бЂша мужии мудрии и смыслении, нарицахуся Поляне, от нихже суть Киеви ПолянЂ и до сего дни, бяху же погани, жруще озеромъ, колодяземъ, рощеньемъ, якоже прочии погании.

 1 В рукописи шедш, последние две буквы заклеены; край листа оборван.

 2 Так в рукописи.

 3 Последняя буква заклеена.

 4 Последние две буквы заклеены.

 5 В рукописи фотие; последняя буква заклеена, край листа оборван.

 6 Так в рукописи; текст испорчен.

 77 Так в рукописи.

 8 В рукописи работающ

 9 В К братии

В сЂ же времена бысть въ ГрЂцех царь, именемъ Михаилъ, и мати его ЕрЂна, иже проповЂдаетъ покланяние иконамъ в первую неделю поста. При семъ приидоша Русь на Царьградъ в кораблехъ, бе число корабль двестЂ; шедше 1 в судЂх, 2 много зла 3 створша ГрЂхомъ 3 и убииство велико 4 крестьяномъ. Царь же 3 с патриархом Фотием 5 молбу створи въ церкви святыя богородица Влахерне всю нощь; таци святЂи богородици ризу изнесоша в море, скудъ омочиша; тишинЂ сущи, абие буря въста, и потопляше корабля рускиа, изверже я на брегъ, и въ свояси възвращшися.

По сих лЂтЂх братья си изгибоша, и быша обидимы Древнями, инЂми околними. И наидоша я Козаре на горах сихъ сЂдяща /л.3./ в лЂсЂх, и рЂша: «плати намъ дань». Судама 6 вышедше Поляне, и даша от дыма мечь. И несоша Козаре къ князю своему и стареишинамъ своимъ. Князь съзва стареишины своя и рече им: «налЂзохомъ дань нову». ОнЂ же рЂша ему: «откуду». Он же рече: «в лЂсЂ на горахъ надъ рЂкою ДнЂпрьскою». Они же рЂша: «что суть дали». И показа имъ мечь. И рЂша старци козарчестии: «не добьра дань, княже; мы ся доискахомъ оружьемъ единоя страны, рекше саблями; а сих же оружье обоямо остро, рекоша мЂчи; си имуть на нас имати дань, и на иных странах». Се збысться все; не от своея воля рекше, от божиа повеленья. Яже при фароонЂ цари египетстем, егда привЂдоша МоисЂя, и рЂша старЂишины фараоня: «се 7 хощете смирити 7 власть египетскую»; яко и бысть: погибоша Египтяны от Моисия, а первЂе бЂша работающе 8 им: та и сЂ первЂе владЂюще, после же сами владЂша, якоже и бысть; владЂют бо Козары князи рускии и до нынешнего дне. Но мы на преднее възьвратимся. По сихъ же/л.3об./ по пратии 9 и то приидоста два Варяга, нарекостася князема: единому имя Асколодъ, а другому Диръ; и бЂста княжаща в Киеве, и владЂюща Полянами; и бЂша ратни с Древены и съ УглЂчи.

 1 Первые две буквы заклеены.

 2 В квадратных скобках — из К

3 В рукописи под двою

 44 Так в рукописи; в К и испыташа

Въ времена же Киева и Щека и Хорива новгородьстии людие, рекомии Словени и Кривичи, Мере, Словене свою волость имЂли, а Кривичи \514\ свою, а Мере свою; когождо своимъ родом владяще; а Чюдь своимъ родомъ; дань даяху Варягомъ от мужа по бЂлки и вЂверици; а иже бяху у нихъ, то насилье 1 дЂяху Словеномъ, Кривичемъ и Мерямъ и Чюди. И въсташа Словене и Кривичи и Меря и Чюдь на Варяги, изгнаша я за море, и начаша владЂти сами собЂ и городы ставити. И въсташа сами ся воевать, и бысть межю има рать велика и усобица, и всташа город на город, и бЂше в них неправды. И рЂша себЂ: «князя поищемъ, иже бы владЂл нами и рядил ны по праву». Идоша за море к Варягомъ [и ркоша]: 2 «земля наша велика и обилна»; и рЂша Вярягомъ /л.4./ «а наряда у насъ нЂт; да поидите к намъ княжити и владЂти нами». И събрашеся ихъ три брата с роды своими, и пояша с собою дружину многу и прииде к Новугороду. И сЂде старЂишеи в НовЂгороде, бЂ имя ему Рюрикъ; а другои сЂде на БЂлЂозере, СЂнеусъ; а третеи въ ИзборскЂ, имя ему Труворъ. И от тЂхъ Варяг, находникъ тЂхъ, прозвашася Русь, и от тЂхъ словетъ Руская Земля. И суть новгородстии людие до днешняго дни от рода Варяжска.

По двою 3 же лЂту умре Синеусъ и братъ его Труворъ, и приа власть едину Рюрикъ, обою брату, и нача владЂти единъ. И роди сынъ, нарече имя ему Игорь. И възьрастъшу же Игорю, и бысть храбръ и мудръ. И бысть у него воевода, именемъ Ольгъ, мужъ мудръ и храберъ. Начаста воевати, налЂзоста Днепръ реку и Смоленескъ город. И оттуда поидоста внизъ по ДнЂпру, и приидоста к горам Киевьскимъ, и узреста городъ Киевъ, сущь 4 спыталъ,  4 кто в немъ княжит; /л.4об./ и рЂша: «два брата, Асколъ и Диръ». Игорь же и Олгъ творящеся мимоидуща, потаистася в лодьяхъ, с малою дружиною излЂзоста на берегъ под Угорьскими, творящеся гостьми, и съзваста Асколда и Диря. СлЂзшима же има, выскакаша прочии воини из лодии, Игоревы, на берегъ. И рече Игорь ко Асколъду: «нЂста князя, ни роду княжа; но азъ есмь князь, и мнЂ достоит княжити». И убиша Асколда и Диря. И несоша на гору, погребоша Асколда на горе, еже ся нынЂ Угорьское нарицает, идеже есть дворъ Олома, на тои могилЂ постави Олома церковъ святого Николу; а ДирЂва могила за святою Ериною. И сЂде Игорь княжа в Киеве; и бЂша у него мужи Варяжи, Словени, и оттоле прочии прозвашася Русью. Се же Игоръ нача городы ставити, устави и дани Словеном и Варягом даяти, Кривичем и Мерямъ дань даати Варягомъ, а от Новагорода гривенъ триста на лЂто мира дЂля, еже не даютъ. И приведе /л.5./ жену от Пьскова, именемъ Олгу, и бЂ мудра и смыслена, от неяже родися сынъ Святославль. По сихъ же. \515\

 1 В слове буква с и знак `` над строкой.

 2 В рукописи описка; в К прЂ

 3 Так в рукописи.

В лЂта шесть тысящь четырЂста двадесят осьмаго. Посла вои на ГрЂки Игорь Рускии до десяти тысящь. Приплыша къ Царюграду, много зла створиша Русь: Судъ бо весь пожгоша огнемъ; а их же имъше плЂни, ових ростинаху, иныхъ же ко земле посекаху, другиа же поставляюще стрЂлами стрЂляху; елико же ратнии творят, изломяще опаки руки связающе, гвозды железны посреди головы вбивающа; многи церкви огневи предаша. Бысть же Романъ тогда царь. Посла Роман патракиа Феодора, Феофана с вои на Русь, и огненымъ строемъ пожже корабля Руския. Възвратишася из Руси въ своясы в томже лЂте препочиша и другое, на третьее идоша.

В лЂта шесть тысящь четырЂста двадесят девятого. Игорь и Олгъ присьстроиста воя многа, и Варягы и Поляны и СловенЂ /л.5об./ и Кривичи, и корабьля много бесчислении. 1

В лЂта шесть тысящь четырЂста тридесятого. ИдЂ Олгъ на ГрЂкы, прииде къ Царюградуки ГрЂци замкоша Судъ, а град затвориша. И влЂзъ, и повеле изврещи корабля на берегъ, и повоева около града; и многа убииства створиша ГрЂкомъ, и разбиша многы полаты и церкви. Повеле Олгъ воемъ своимъ колеса ставити, издЂлати и вставити корабля на колеса. И бывшю покосну вЂтру воспяша три, 2 и с поля идоша ко граду. И увидЂвше же, убояшася ГрЂци и рЂша, выславше ко Олгеви: «не погубляи града; имемся по дань, якоже хощеши». И устави Олгъ воя; и внесоша ему брашна и вино; и не приа его, бЂ устроено съ отравою И убояшася ГрЂци, и рЂша: «нЂсть се Олгъ, но святыи Дмитреи, посланъ от бога на ны». И заповЂда Олгъ дань даяти на сто корабль, по двенадЂсят гривны на человЂка, а в корабле по четырЂдесят мужь; сам же/л.6./ взя злато и паволоки, и възложи дань, юже дань дають и доселЂ княземъ рускимъ. И рече Олгъ: «шиите три 2 паволоци Руси, а СловЂном кропинны»; и бысть тако. ПовЂси же щитъ свои въ вратЂхъ, показаа побЂду; и поиде от Царяграда. И въспяша Русь поволоци тыя, а СловенЂ кропьнныя; и разьдра вЂтръ кропинныа. И рЂша Словени: «имемся своихъ толстинахъ; не даны суть Словеном». ПридЂ Олгь Киеву и ко Игорю, несыи злато и паволоки и вЂно и овощь. И прозваша Олга вЂщии; и бяху людие погани и невегласси. 3 ИдЂ Олгъ к Новугороду, и оттуда в Ладогу. Друзии же сказают, яко идуще ему за море, и уклюну змия в ногу, и с того умре; есть могила его в ЛадозЂ.

Игорь же сЂдяше в Кие†княжа, и воюа на Древяны и на Углечи. И бЂ у него воевода Свенелдъ, и премучи Углеци и възложи на нь дань, и вдасть Свенелду. И не вдадяшетца единъ град, именемъ Пресиченъ. \516\

 1 В К бъ; следует Бъгъ

 22 В рукописи ИндЂстръ

 3 В рукописи въ в

 4 В К опять

И седЂ околъ его три лЂта, едва взя. И бЂша сЂдяще Угличи /л.6об./ по Днепру внизъ, и посемъ приидоша бо 1 и 2 ДнЂстръ 2 и сЂдоша тамо. И дастъ же дань Деревьскую Свенелъду, имаше по черьне куне от дыма. И рЂша дружина Игореви: «се далъ еси единому мужеви много». Посемъ скажемъ в прикьлючившихся лЂтЂх сихъ.

В лЂта шесть тысящь четырЂста тридесять перваго.

В лЂта шесть тысящь четыреста тридЂсят втораго.

В лЂта шесть тысящь четыреста тридесят третьаго.

В лЂта шесть тысещь четыреста тридесятъ четвертаго.

В лЂта шесть тысящь четыреста тридесятъ пятого.

В лЂта шееть тысещь четырЂста тридесят шестаго. ,

В лЂта шесть тысящь четырЂста тридесят седьмаго.

В лЂта шесть тысещь четыреста тридЂсятъ осмаго.

В лЂта шесть тысящь четырЂста тридесят девятого.

В лЂта шесть тысящь четыреста четыредесятого.

В лЂта шесть тысящь четыреста четыредесятъ перваго.

В лЂта шесть тысящь четыреста четыредесятъ втораго.

В лЂта шесть тысящь четыреста четырЂдесятъ третьаго.

В лЂта шесть тысещь четырЂста четыредесят четвертаго.

В лЂта шесть тысящь четыреста четыредесятъ пятого.

В лЂта шесть тысящь четыреста четыредесятъ шестаго.

В лЂта шесть тысящь четыреста четыредесятъ седмаго.

В лЂта шесть тысящь четыреста четыредЂсятъ осмаго [940]. Въ 3 се лЂто яшася Угличи по дань Игорю, и Пересиченъ взятъ бысть. В се же лЂто дастъ дань на них Свенелду.

В лЂто шесть тысящь четыреста четыредесят девятого.

В лЂта шесть тысящь четыреста пятьдесятого. Вдасть дань Деревьскую Свенелду тому же.

В лЂта шесть тысящь четырЂста пяддесятъ перваго.

В лЂта шесть тысящь четырЂста пяддесятъ втораго.

В лЂта шесть тысещь четырЂста пяддесятъ третьаго. В то же лЂто рЂкоша дру/л.7об./жина ко Игореви: «отроци Свенелжи изодЂлися суть оружьем и порты, а мы нази; поиди, княже, с нами на дань: а ты добудеши, и мы». И послуша ихъ Игорь, идЂ в дани и насиляше имъ и мужи его; и возмя дань, и поиде в город свои. Идущю же ему въспять, росмысливъ, рече дружине своеи: «идЂте з данью домои, а азъ възвращюся и похожю еще». Пусти и дружину свою да с малою дружиною възвратися, желая болшаго имЂнья. Слыша Древлени, яко обятъ 4 идетъ, здумавши \517\

 1 В К не убиют

 2 В К поималъ еси

 3 В рукописи створиломъ

 44 Можно прочесть также утро (оутро)

 5 В К отпусти

 6 Так в рукописи. В К перегбехъ

 7 Так в рукописи.

ДревленЂ со князем своимъ Маломъ: «аще ся волкъ во овьци ввадит, то выноситъ все стадо, аще убиют 1 его; тако и сеи, аще его не убиемъ, то все ны погубит». И послаша к нему, глаголюще сице: «почто идЂши опять; поимавъ си 2 всю дань». И слыша Игорь, изыде из града скоро и шед Древлене противу, убиша Древлене Игоря и дружину его: бЂ бо ихъ мало. И погрЂбоша Игоря. Есть могила его у Коростиня града древнихъ /л.8./ и до сего дни. Олга же бяше в Киеве с сыномъ своимъ дЂтьскомъ Святославомъ; и кормилець его Асмудъ; и воевода бЂ Свенилдъ, тот же оче Мъстишенъ. РЂша же Древлене: «се князя убихомъ руского; поимемъ жену его Олгу за князь свои Малъ, и Святослава, створихомъ 3 ему, якоже хощеш» 7. И послаша Древлене лучшаа мужи, числомъ двадесятъ, в лодьи к Олзе; присташа под Биричемъ; бЂ тогда вода текущи подле горы Киевьскиа, на ПодолЂ не седяше людие, на горе. Град же бяше Киевъ, идЂже есть нынЂ Гродятинъ, Микифоровъ дворъ; а княжь бяше дворъ въ граде, идЂже есть нынЂ дворъ Воротиславль и Чюденъ; а первое бЂ вне града дворъ другыи, 6Ђ бо терем каменъ бо ту. И повЂдаша ОлзЂ, яко Древлене приидоша. И възва я Олга к собЂ; и рече к нимъ: «добре приидоша гостье». И рече Олга: «да глаголеть: что ради приидосте сЂмо.» И рЂша же Древлене: «посланнии 7 Деревская земля, ркуще сице: мужа твоего убихомъ бяше бо мужь твои аки /л.8об./ волкъ, въсхищая и грабя; а наши князи добри суть, расъплодили землю нашю, поиди за князя за нашего за Малъ: бЂ бо ему имя Малъ князю нашему». Рече же имъ Олга: «любима ми есть речь ваша. Уже мнЂ мужа своего не въскресити. Но хощю вы почтити наутриа пред людоми своими; а нынЂ идЂте в лодью свою, лязЂте в лодьи възвЂличающися; и азъ о 4 утро 4 пошлю по вы. И вы же рците: не идемъ, но понесите ны в лодьи; и възнесут ны в лодьи». И отпущю 5 я в лодьи. Олга же повеле ископати яму велику и глубоку на дворе теремстем вне града. И заутра Олга, сЂдяще в тереме, посла по гости. И пришед к нимъ, рекоша: «зоветь вы Олга на честь велику». Они же ркоша: «не едемъ на конехъ, ни на возЂхъ, но понесите ны в лодьи». РЂша же киены: «неволя намъ; князь наш убьен, а княгиня наша хощет за вашь князь». И несоша и в лодьи. Они же сЂдяху в погребех 6 великих гордящеся; несоша на день к ОлзЂ. И не/л.9./соша вринуша я вь яму с лодьею. И приникши Олга рече имъ: «добра ли вы честь». Они же рЂша: «пуще ны Игоревы сме ти». И повеле засыпати живыя; и посыпаша. И пославъ Олга ко Древеномъ, рече \518\ имъ: «аще мя право просите, то пришлите мужи нарочиты, да в велицеи чести поиду за вашь князь, егда не пустят мене людие киевскии».

 1 В К снемшимася

 2 В рукописи десни и над строкой знак `` . В К и по ДеснЂ

И се слышавше Древлене, избравъ лутшии мужи, иже дръжаше Деревъскую землю, и послаше по ню. Древленом же пришедшимъ, и повелЂ Олга мовъ створити: «измывшеся, придЂте ко мнЂ». Они же прежгоша избу; и влЂзоша Древлене мытися; и запроша и избу, и повелЂ о них зажещи от дверии, и ту изгорЂша вси. И посла ко Древленом рекущи: «сице уже иду к вамъ; да простре ми меды многи у града, идЂже убисте мужа моего, да плачюся над гробомъ его и сътворю трызну мужеви своему». Они же то слышавше, свезоша медъ многъ зЂло и свариша. Олга же, пои/л.9об./мше мало дружине и лЂхко идущи, придЂ ко гробу его, и плакася по мужии своемъ. И повеле мужемъ своимъ ссыпати могилу велику; и яко ссыпаша, и повеле трызну творити. И посемъ сЂдоша пити Древлене; и повелЂ Олга отрокомъ своимъ служити пред ними. И рЂша ДревленЂ ко ОлзЂ: «гдЂ суть дружина наша, их же послахомъ по тя». Она же рече имъ: «идуть по мнЂ з дружиною мужа моего». И яко упишася ДревленЂ, и повелЂ отрокомъ своимъ пити, наливати, а сама отъиде кромЂ, и повеле дружинЂ сЂчи Древлены, и ссЂкоша их шесть тысящ. А Олга възвратися в Киевъ, пристрои вои на прокъ ихъ.

Начало княженью Святославлю. В лЂта шесть тысещь четыреста пяддесятъ четвертаго. Олга с сыномъ своимъ Святославомъ събра вои многи и храбри, идЂ на Деревскую землю. Изыдоша Древлене противу. И снЂшамася 1 обЂма полкома на совокупъ, и суну ко/л.10./пъемъ Святославъ на Древлены, и копье летЂ сквозЂ уши коневи: бЂ бо велми дЂтескъ; И рече Свенелдъ и Аисмудъ «князь уже нашо потяглъ; потягнемъ дружина по князи». И побЂдиша Древлены, и възложиша на нь дань тяшку. две части дани Киеву идет, а третьяя Вышегороду ко ОлзЂ: бЂ бо Вышегородъ Олзинъ градъ. Иде Олга по Деревьстеи земли с сыномъ своимъ и з дружиною своею, уставьляюще уставы и уроки; и суть становища и ловища. И прииде в град свои в Киевъ с сыномъ своимъ съ Святославом, и пребываше лЂто едино.

В лЂта шесть тысещь четыреста пяддесят пятого. Иде Олга к Новугороду, и устави по МьстЂ погосты и дань. И ловища ея суть по всеи земли, и знаменье и мЂста по всеи земли, и погости; и сани ея стоятъ въ Пьскове и до сего дни, по Днепру перевесища и села и Десни, 2 есть село ея и до сего дни. Възвратися к сыну своему кь Киеву /л.10об./ и пребываше с ним в любви.

В лЂта шесть тысещь четыреста пятьдесят шестаго.

В лЂта шесть тысещь четыреста пяддесят седмаго. \519\

В лЂта шесть тысещь четыреста пятьдесятъ осмаго.

В лЂта шесть тысящь четыреста пятьдесят девятого.

В лЂта шесть тысещь четыреста шестьдесятого.

В лЂта шесть тысещь четыреста шестьдесятъ перваго.

В лЂта шесть тысещь четыреста шестьдесят втораго.

В лЂта шесть тысещь четыреста шестьдесят третьяго. Иде Олга въ ГрЂки и приде к Царюграду. И бЂ тогда царь именемъ Чемескъ. И прииде Олга ко царю. И видЂвъ ю добру сущу зило лицем и смыслену и удививься царь разуму ея, беседова к неи. И рекъ к неи: «подобна царствовати въ граде семъ с нами». Она же разумевши, рече къ царю: «азъ погана есмъ, да аще мя хощеши, то крести мя самъ». И крести ю царь с патриархом. ПросвЂщена же бывши и радо/л.11./вашеся душею и тЂломъ. Поучи ю патриархъ о верЂ, рече еи: «благословлена ты в женах рускихъ, яко остави тму, а свЂтъ възлюби; и благословити бо тя имуть сынове рустии последнеи род внукъ твоихъ». И заповЂда еи о церьковнемъ уставе и о молит†и о постЂ и о милостыни и о въздержаньи тЂла чиста. Она же, поклонивши главу, стояше, аки губа напаяемаа, внимающи ученью; и поклонивъшися патриарху, глаголюще: «молитвами схранена буду, владыко, от сЂти неприазнены». И бЂ имя еи наречено въ крещеньии Елена, яко древняя царица мати великого Костянтина. И благослови ю патриархъ и отпусти ю. И по крещеньи призва ю царь, и рече: «хощю тя пояти женою». И она же рече: «како хощеши мя поняти, крестив мя самъ, нарекии мя дщерь. А во крестьянЂхъ того нету закона, а ты самъ вЂси». И рече царь: «приклюкала мя Олга». И дасть си дары многы: /л.11об./ злато и сребро и паволоки, съсуды розличныа; и отпусти ю, нарекъ дщерь собЂ. Она же, хотящи домовъ, придЂ к патриарху, благословенья просящи на домъ. И рече ему: «людие мои погании сына моего, дабы мя богъ събьлюлъ от сети неприазнены и от всего зла». И рече патриархъ: «чадо вЂрное, въ христа крестилася еси и въ христа облечеся, христосъ имает схранити тя. Якоже съхрани Еноха в первыи род, и потомъ Ноа в ковчезЂ, Аврама от Авимелеха, Лота от содомлянъ, Моисея от фараона, Давыда от Саула, трии отроки от пещи, Данила от звереи, тако и тя избавит от неприазни и от сЂти его». Благослови патриархъ, иде с миром въ свою землю, и приде к Киеву. Се же бысть, яко при Соломоне: приде Ефиопъскаа царица к Соломону, слышати хотящи премудрости Соломоня многи мудрости и видЂ знаменьа; тако си блаженнаа Олга искаше добьрые мудрости божиа; но она человЂчцькаа, а се божиа. Ищю/л.12./ще премудрости обьрящет; премудрость на исходищихъ поется, на путЂх же дръзновение вводит, на краих же стЂнозабранныхъ проповЂдается, въ вратЂхъ градных дръзающи глаголетъ; елико убо лЂт незлобивии дръжатся по правду. И се бо от возраста блаженная Олга искаше мудростью всего в свЂте семъ, налезЂ бисеръ \520\ многоценныи, и еже есть христос.

 1 В квадратных скобках — из К

 2 В рукописи пришлю и над строкой. буква т

 3 Так в рукописи по описке. В К воскъ

 4 В рукописи сут, причем т над строкой.

Рече бо Соломонъ. но «желанье благовЂрныхъ наслажаетъ душю», и «приложиши сердце твое в разумъ»; «азъ любящаа любьлю; ищющаа мя обрящютъ». И рече господь: приходящаа ко мнЂ не изжену вон. Се же Олга, приде к Киеву, яже рекохомъ, посла к неи царь Чемскии глаголя: яко [«ты бо ми рекла еси тако:] 1 аще възвращюся в Русь, многи пришлю ти, 2 челядь, воискъ 3 и скору, вои в помощь». И отвЂщавши же Олга и рече к Соломону: «аще ты рци: како же постоиши у мене в Почаине, якоже азъ Суту 4, то тогда ти дамъ». И отпусти послы, рекши. Живяше Олга с сыномъ своимъ /л.12об./ Святославомъ, учаше его креститися мати, и небрежаше того ни во ушии влагаше но аще хто хотяше волею креститися, не браняху, но ругахуся тому; «невЂрънымъ бо вЂра крестьяньская уродоство есть; не смыслиша бо, ни разумЂша, въ тмЂ ходяще, не ведять славы господня; одебелеша бо сердца ихъ и ушима бо тяжко слышати и очима видЂти». Рече бо Соломанъ: «дЂлатель нечестивыхъ далече от разума; понеже звахъ вы, не послушасте; и прострохъ словеса, и не внимасте, но отмЂтасте моа съвЂты, и моих же облечении не внимасте: възненавидЂша бо премудрость, а страха божиа не изволиша, ни хотяху моихъ внимати совЂтъ, подражаху моя облеченья». И якоже Олга часто глаголаше: «и азъ, сыну мои, бога познах, радуюся; аще ты познаеши, радоватися начнеши». Онъ же не вънимаше, глаголя: «како азъ хощю инъ законъ приати един, а дружина смЂятися начнуть» /л.13./. Она же рече ему: «аще крестишися, всЂ имуть тоже творити». Онъ же не слушаше матери, но творяше нравы поганьские; не вЂдыи, аще кто матери не послушает, в беду впадаетъ, якоже рече: «аще кто отца не слушаетъ или матере, злу смерть приимет». Сеи же х тому гневашется на матерь. Соломон же рече: «кажа злыя прииметъ собЂ досажение, обличаи злых, да възненавидит тя». Обаче любляше Олга сына своего Святослава, ркущи: «воля божиа да будетъ. Аще хощетъ богъ помиловати роду моего и земли Рускои, да възложитъ имъ богъ на сердце обратитися к богу, якоже и мнЂ богъ дарова». И се рекши, моляшется за люди и за сына, повся дни и по вся нощи кормящи сына своего до мужества и до възраста его.

В лЂта шесть тысещь четыреста шестьдесятъ четвертаго.

В лЂта шесть тысещь четырЂста шестьдесятъ пятого.

В лЂта шесть тысещ четыреста шестьдесятъ шестаго. /л.13об./

В лЂта шесть тысящь четыреста шестьдесят седмаго.

В лЂта шесть тысещь четыреста шестьдесятъ осмаго.

В лЂта шесть тысещь четыреста шестьдесятъ девятого. \521\

 1 Так в рукописи по описке; в К потонку

 2 Буквы чи переделаны, как будто из недописанной буквы ш или щ

 3 В К вятицевъ

 4 В К собравшеся

 5 В К побреде

В лЂта шесть тысещь четыреста седмъдесятого.

В лЂта шесть тысящь четыреста седмъдесят перваго.

В лЂта шесть тысещь четыреста седмъдесятъ втораго. Князю Святославу възрастъшу и възмужавшю, нача вои совокупляти многи и храбри; и бЂ бо самъ храбръ и лЂхко ходя, акы пардусь, воины многи творя ходяше, возъ по собЂ не возяше, ни котла, ни мяса варя, но по тонану 1 мяса изрЂзавъ, конину или звЂрину, или грядину, на углЂхъ испекъ, ядяше; ни шатра имаше, но подклад постилаше, а седло под голову. Такоже и прочии вои вси бяху его. Послаша ко странамъ, глаголя: «хочию 2 на вы итти». ИдЂ на Оку реку и на Волгу, и налезЂ Вятичи; и рече Вятичамъ: «кому дань /л.14./ даете». Они же рЂша: «Козаром по щилягу от ралъ даемъ имъ».

В лЂта шесть тысещ четырЂста седмъдесят третьяго. ИдЂ Святославъ на Козары. Слышавше Козары, изыдоша противу съ княземъ своимъ каганомъ, и съступишася битися, и бысть брань; одолЂ Святославъ Козаров, и град ихъ БЂлу вежю взя, и Ясы побЂди и Касоги, приведе к Киеву.

В лЂта шесть тысящь четыреста седмъдесятъ четвертаго. Вятчи 3 побЂди Святославъ и дань на нь възложи.

В лЂта шесть тысещь четыреста седмъдесят пятого. ИдЂ Святославъ на Дунаи и на Болгары: и бившимся обоимъ, одоле Святославъ Болгары, и взя городов осмьдЂсятъ по Дунаю, и сЂде княжа ту в Переяславци и емля дань на Грецехъ.

В лЂта шесть тысещь четыреста седмъдесят шестаго. Приидоша Печенези на Рускую землю, а Святославъ бяше в Переяславци; затворися Олга въ градЂ съ внуки своими: Ярополком и Олгомъ и Володимеромъ /л.14об./ въ граде в Киеве. И оступиша Печенези в силЂ тяжце, бесчислЂное множество околъ града; не бЂ лзЂ из града вылЂсти, ни вЂсти послати; изьнемогаху людие гладомъ и жаждею. И брашеся 4 людие оноя страны Днепра в лодьяхъ, стояху об ону страну: не бЂ лзЂ внити в Киевъ ни единому ихъ, из града к нимъ. Встужиша людие въ граде и рЂша: «нЂсть ли кого, иже бЂ моглъ на ону страну доити; аще не приступите утро под град, предатися имамъ Печенегомъ». И рече имъ единъ отрокъ: «азъ преиду». Он же изыде изъ града съ уздою, рЂста сквозЂ Печенези, глаголя: «не видЂсте ли коня никтоже», бЂ бо умЂа Печенески; и мняху свои. Яко приближися к реце, свергя порты, сунувся в Днепръ, и попреди 5 же. ВидЂвше же Печенези, стремишася на нь, стреляще его, не могоша ему ничтоже зла створити. Они же видЂша со оноя страны, \522\ прихожаше в ло/л.15/дьи, и привезоша к дружине.

 1 Далее повторено: аще ли того не створимъ, погубит ны имает Святославъ. И заутра

 2 В квадратных скобках — из К

 3 Так в рукописи.

 4 В рукописи пль; испр. по К

Рече им: «аще не поступите заутра къ граду, предатися людие имут Печенегомъ». Рече же воевода ихъ именемъ Притичь: «поступимъ заутра в лодьяхъ, и попад же княгиню и княжици, умчимъ на сю страну людеи; аще ли того не створимъ, погубит ны имает Святославъ». И яко бысть заутра, вседше в лодьи, 1 противу [свЂту] 2 в лодьях въструбиша велми трубами, людие въ граде кликну. 3 Печенези же мниша князя пришедша, побЂгоша разно от града. Изыде Олга съ внуки и с людми. ВидЂвше се князь Печенежескъ, и възвратися единъ к воеводЂ Притичю, [рче: кто се прииде, и] 3 рече сему: «людие оноя страны». И рече князь Печенежскии: «а ты князь ли еси». Он же рече: «азъ есмъ мужь его, пришолъ есмъ въ стражахъ, а по мнЂ идут вои с княземъ бесчисла множество». Се же рече, грозя имъ. Рече князь Печенескии ко Притичю: «буди ми ты другъ». Он же рече: /л.15об./ «тако буди». И пода руку межи собою; и вда Печенескии князь Притичю конь, саблю, стрЂлы; он же дастъ ему щит и мечь. И отступиша Печенези от града: не бяше лзЂ коня напоити на Лыбеди Печенези. И послаша кыены къ Святославу послы, глаголюще: «ты, княже, чюжеи земли ищеши и блудиши, своеа ся охабивъ; мало бо нас не взяше Печенези, и матери твоеа и дЂтеи твоихъ. Аще не придЂши, не оборониши нас, да паки ны възмут. Аще ли ти не жаль отчины своея и матери, стары сущи, и дЂтеи сущи своих». То слышавъ Святославъ, вборзЂ сущи 3 всЂде на коня с дружиною своею, прииде к Киеву, и целова матерь свою и дЂти своя; сжалися о бывшемъ от Печенегъ; и збра вои, и прогна Печенеги во поле. 4 И бысть миръ.

В лЂта шесть тысящь четыреста седмъдесят седмаго. И рече Святославъ к матере своеи и к бояромъ своим: «не любо ми есть здЂ жити в КиевЂ, хочю жити в Переяславци и в Дунаи; яко то есть среда /л.16./ земли моеи, и яко ту вся благаа сходятца: от ГрЂкъ паволоки, злато, и вино, и овоще†различьнии, еще же из Угоръ сребро и кони, из Руси скора и воскъ и медъ и челядь». И рече ему Олга: «видиши ли мя болну сущу; камо хощеши от мене итти». БЂ бо разболяся уже; рече ему: «погрЂби мя, идЂ, яможе хощеши». И по трехъ днехъ умре Олга; и плакася по неи сынъ ея и внуци ея и людие и вои плачемъ великымъ; несоша и погрЂбоша ю на мЂсте. И бЂ заповЂдала Олга не творити трызъны над собою: бЂ бо имущи прозвутеры втаине, и тои похорони ю, блаженую Олгу.

 1 Здесь и в иных местах рукописи в слове крещение над буквами рщ буква с над строкой под дугой.

 2 В рукописи един сицею; испр. по К

 3 Так в рукописи.

 44 В К болгаре

Се бысть предтекущиа крестьяньстеи земли, аки денница пред солнцемъ, аки заря пред свЂтом; ибо сияше, аки луна в нощи: тако \523\ се бысть в невЂрныхъ человЂцехъ, свЂтяшеся, акы бисеръ в калЂ; калнЂ бо бЂша грЂхомъ, не омовени крещениемъ 1 святымъ. Си бо омыя копелью 3 святою и съвлечеся грЂховныя одежа ветхаго человЂка Адама /л.16об./ и в новои Адамъ обьлечеся, еже есть христосъ. Мы же речемъ к неи: радуися, руское познанье к богу; начатокъ примиренью быхомъ. СЂ первие вниде небесное царство от Руси; сию бо хвалят рустии сыновЂ, аки началницю: ибо по смерти молящеся богу за Русь. Праведныхъ душа не умирают, якоже рече Соломан: «похвала праведному, възвеселятся людие; безсмертна бо есть память его, яко от бога познавается и от человЂкъ». Се бо вси человЂци блажать, видяще лежащю в телеси за многа лЂта. Рече пророкъ: «прославлю прославляющая мя». О сяковех бо Давыдъ глаголеть: «в память вЂчную будет праведникъ, от слуха злаго не убоится, готово сердце его уповати на господа, утвердися сердце его, не подвижеться». Соломон рече: «праведници въ вЂкы живут, от господа мзда имъ и есть устроенье от вышняго; сего ради приимут царствие красоты, венець оть руки господня: яко десницею 2 покрыет я и мышцею заступитъ я». Защититель есть господь сию блаженную Олгу от про/л.17./тивника супостата дьявола.

В лЂта шесть тысящь четыреста седмъдесят осмаго. Святославъ посади Ярополха в Киеве, а Олга в Деревехъ. В се же время приидоша людие новгородстии, просяще князя собЂ: «аще не поидет к намъ, то мы налЂземъ собЂ князя». Рече имъ Святославъ: «а бы кто шол к вамъ». И отпроси 3 Ярополка и Олга. И рече Добрыня к новгородцамъ: «просите ВолодимЂра». Володимеръ бо бЂ от Малуши, ключьници ОлзинЂ, сестра же бЂ Добрыни, отець же 6Ђ има Малко Любчанинъ. И бЂ Добрыня уи Володимеру. И рЂша новгородци Святославу: «даи ны ВолодимЂра». Онъ же рече: «то вы вЂсте». 3 Пояша новгородци ВолодимЂра к собЂ; иде Володимеръ з Добрынею, уемъ своимъ, к Новугороду, а Святославъ в Переяславцю.

В лЂта шесть тысещь четыреста седмъдесятъ девятого. Прииде Святославъ к Переяславцю, и затворишися в 4 БолгарЂх 4 въ градЂ. И излЂзоша Болгари на сечю про/л.17об./тиву Святославу, и бысть сЂча велика, и одолеша Болгари. И рече Святославъ воемъ своимъ: «уже намъ здЂ пасти; потягнемъ мужески, братие и дружина». И к вечеру одоле Святославъ, и взя град копьемъ, и рече: «се град мои». И посла ко ГрЂкомъ, глаголя: «хочю на вы итти и взяти град вашь, яко и сеи.

 1 Так же и в А; в К под

 2 Так в рукописи.

 3 В рукописи моу

И рЂша ГрЂци: «мы недужи противу вамъ стояти, но възми дань на нас, и скажи \524\ дружину свою, колко васъ, и мы дамы по числу на главы наша». 2 И се рЂша ГрЂци, льстящеся по 1 Русью: суть бо ГрЂци льстивы и до сего дни. И рече Святославъ: «есть нас двадесят тысящь», только приложи десять тысящь; и бЂ бо Руси десять тысящ. И пристроиша ГрЂци сто тысящь на Святослава, и не даша дани. И поиде Святославъ на ГрЂки, изыдоша противу Руси. Видевше же Русь, убояшася зЂло множества. И рече имъ. Святославъ: «уже намъ некамо ся дЂти, волею и неволею стати противу; да не посрамимъ земли Ру/л.18./стЂи, но ляжемъ костью ту: мертвии бо срама не имать; 2 аще бо побЂгнемъ, то срамъ имамъ, и не имамъ убЂжати, но станемъ крЂпко, и азъ пред вами поиду; аще глава моя ляжетъ, то промыслите о собЂ». И рЂша воини: «гдЂ глава твоя, и ту главы наша сложимъ». Исполчишася Русь, и ГрЂци противу, сразистася полка, и оступиша Русь, и бысть сеча велика. И одоле Святославъ, бежаше ГрЂци. И поиде Святославъ к городу, воюя и гради розбиваа, иже стоятъ пусти и до нынЂшнего дни. И съзва царь в полату бояры своя, рече им: «что створимъ, яко не можемъ противу ему стати». И рЂша ему бояре: «пошли к нему дары, искусим ы: любезнивъ ли есть злату и паволокамъ». Послаша к нему злато и паволоки и мужа мудра, и рЂша ему: «глядаи взора его и лица его и смысла его». Он же, вземъ дары, к Святославу идЂ. И повЂдаше Святославу, яко приидоша ГрЂци с поклономъ. И рече: «приведЂте я /л.18об./ сЂмо». И приидоша, поклонишася ему, положиша пред ним злато и паволокы. И рече Святославъ, кромЂ зря, отроком: «схраните», Они же приидоша к царю. И съзва царь бояры; рЂша же посланнии, яко «приидоша к нему, и не презре на ны и повеле схранити». И рече единъ: «искуси единою еще; посли ему оружие». Они же послаша ему оружие, мечь и принесоша ему. Он же приимъ, нача любити и хвалити царя и целовати. И приидоша опять ко царю, повЂдаше вся бывшая. И рЂша бояре: «лютъ се муж 3 хощет быти, яко имЂнья небрежетъ, а оружье емлетъ; имися по дань». И посла царь, глаголя сице: «не ходи къ граду, возми на нас дань, еже хощеши»; за малым бЂ не дошли Царяграда. И даша ему дань; имашет на убьеныя, глаголя, яко «род его възмЂт», И взя же дары многы, и възвратися в Переяславльцю с похвалою великою. ВидЂв же мало дружины своея, и рече к собЂ: «да како прельстивше, избиютъ дружину мою /л.19./ и мене»; бЂша бо мнози избиени на полъку. И рече: «поиду в Русь и приведу дружину»; и поеде в лодьяхъ. Рече ему воевода отечень СвЂндЂлъ: «поидем, княже, около на конех стоят бо Печенези в порозехъ». И не послуша его, поедоша в лодьяхъ Послаша переяславци к Печенегомъ, глаголюще сице: «идЂть вы Святославъ в Русь, вземъ именья много у ГрЂк и полонъ бесчисленъ, с малою \525\ дружиною». Слышав же Печенези, се заступиша Печенези пороги. И придЂ Святославъ к порогамъ, и не бЂ лзЂ проити; и ста зимовати в БЂлобережьи; и бЂ глад великъ: по полугривне голова конячья. ВеснЂ же приспЂвши.

 1 Буква ю написана, как будто, на подскобленном месте,

 2 В квадратных скобках — из К

 3 В рукописи убо; испр. по К

 4 Так в рукописи; в К посла

 5 В рукописи вчерахъ; испр. по К

 6 В А Вручьяго

Княженье Ярополче. В лЂта шесть тысящь четыреста осмидЂсятого. Поиде Святославъ в порогы, и нападе Кура, князь Печенескыи; и убиша Святослава, и взяша главу его, во лбЂ его здЂлаша чашю 1 и пьяху в неи. СвендЂл же придЂ к Киеву къ Ярополку; Ярополкъ княжа в Киеве, и воевода у него бЂ Блуд. /л.19об./

В лЂта шесть тысящь четыреста осмидЂсят перваго.

В лЂта шесть тысящь четыреста осмидЂсят втораго.

В лЂта шесть тысящь четыреста осмидЂсятъ третьяго. Ловы дЂюще Свенделцю, именемъ Лутъ, ишед ис Киева, гна по звЂри в лЂсъ, и узрЂ Олгъ, и рЂша: «хто [се есть»; и рЂша:] 2 «СвенелдЂць». Изьеха, уби, 3 бЂ бо ловы дЂя Олгъ. И оттоле бысть межю има ненависть Ярополку на Олга, и молвяше всегда Ярополку на Олга СвЂнЂлдець: «поиде на брата своего и прияти власть его», хотя отмЂстити сыну своему.

В лЂта шесть тысящь четыреста осмидесятъ четвертаго. ПоидЂ Ярополкъ на Олга, брата своего, на Деревьскую землю; изыдЂ противу Олгъ ему, и вполчистася; и сразившамася полъкома, и побЂди Ярополкъ Олга. И побЂгшю Олгу с вои своими въ град, рекомыи Вручьи, и быша мостъ чрезъ грЂблю къ вратомъ граднымъ; и тЂсьняшеся, другъ друга спихаху с моста /л.20./ в греблю; и спЂхнуша Олга с мосту в дебрь. И падоша людие мнози на нь, и конни и человЂци. Вшед Ярополкъ въ град Олгов, и прия власть его; и поя 4 искать брата своего; искавше его, не обрЂтоша. И рече единъ человЂкъ Древленинъ: «азъ видЂхъ вчера, 5 яко пехнуша с моста». И посла Ярополкъ искать, и влачиша трупье из грЂбле от утра и до полудни; налЂзоша высподи Олга под трупьем, изресоша, и положиша на коврЂ. И придЂ Ярополкъ над него, и плакашеся, и рече Свенелду: «якоже се ты сего хотяше». ПогрЂбоша его на мЂстЂ у града Вручьяхъ, 6 есть могила его и до сего дни у Воручего. И приа власть его Ярополкъ. У Ярополка жена ГрЂкини бЂ, и бяше была преже черницею, юже бЂ привелъ отець его Святослав, и вда ю за Ярополка красоты ради лица ея. Слышав же се Володимеръ в НовегородЂ, яко уби Ярополкъ брата своего Олга, и, убоявся, побЂже за море. Ярополкъ посади посадники в НовЂгородЂ, и бЂ владея /л.20об./ единъ в Руси.

В лЂта шесть тысящь четыреста осмидЂсять пятого. \526\

 1 В рукописи к к

 2 Последняя буква частью заклеена.

3 В А хощу

 4 В К Турыи Турове

 5 В К тЂ

 6 В К бранию

В лЂта шесть тысящь четыреста осмидЂсят шестаго.

В лЂта шесть тысящь четыреста осмидЂсят седмаго.

В лЂта шесть тысящь четырЂста осмьдЂсят осмаго. Начало княженья Володимерова. ПридЂ ВолодимЂръ с Варяги к Новугороду, и рече к посадником Ярополчимъ: «идЂте къ брату моему и рците ему: идет Володимеръ на тя, пристроися противу битися». И сЂде в Новегороде, и посла к 1 Ровоголоду к Полоцку, глаголя: 2 «хочю пояти дщерь твою женЂ собЂ». Он же рече дщери своеи: «хощеши ли за ВолодимЂра». Она же рече: «не хощю розути робичича», но Ярополка хотя. 3 БЂ бо Рогъволодъ пришед из заморья, имяше власть свою в ПолоцкЂ, и Туровы, 4 от негоже Турича прозвашеся. И приидоша отроци Володимеровы, и повЂдаша всю речь РогънЂдины, дщери Рогволожи, князя Полотьцкого. Воло/л.21./димЂръ же събра воя многи, Варяги, Словени и Чюдь, Кривичи, и поиде на Роговолода. В се же время хотяху РогнЂду вЂсти за Ярополка. Иде Володимеръ на Полческъ и уби Роговолода и сына два, а дщерь его Рогнеду поя женЂ. И поидЂ на Ярополка. И придЂ Володимеръ к Киеву с вои многими. Не могиа стояти Ярополкъ противу Володимеру, затворися Ярополкъ в Киеве с людьми своими и съ Блудом. Стояше на Дорогожичи Володимеръ, обрывся межи Дорогожичимъ и Капчемъ; и есть ров и до сего дни. Володимеръ же посла ко Блуду воеводЂ Ярополчю, с лестью глаголя: «но прияи ми; аще убью брата своего, любити тя начну въ отца своего мЂсто и многу честь приимЂши от мене: не я почах братью бити, но онъ; аз же того убояхся и приидох на нь». И рече Блудъ к посламъ ВолодимЂровымъ: «азъ буду тобЂ в сердце и въ приязньство». О злая лЂсть человЂчцькая. Якоже Давыдъ глаголетъ: «ядыи хлЂбъ /л.21об./ мои възвЂличил есть на мя лесть». Сеи убо льстяще на князь свои лестью. И паки: «своимъ льстяху. Суди имъ, боже, да отпадутъ от мыслеи своихъ; по множеству нечестиа их изрини а, яко прогневаша тя, господи». И паки тои же Давыдъ глаголеть: «мужь кро†льстивъ не препловят днии своихъ». Се съвЂтъ зол свЂщают на кровопролитье, суть неистовЂ, иже приемше от князя и от господина честь или дары, тЂмъ 5 и мыслять о гла†князя своего на погубленье; горшии бЂсовъ таковии. Яко и Блудъ предасть князя своего, приимъ от него чести многи; сеи бо бысть повиненъ крови тои. Сеи бо Блуд затворися сь Ярополком, слаше к Володимеру, веля ему приступити къ граду братню, 6 самъ мысляи убити Ярополка; гражани же бЂ \527\ нелзЂ убити его.

 1 В К послуша

 2 В рукописи описка РодбнЂ. Далее идет повторяющийся ниже текст: и бЂ глад великъ в немъ, есть причта и до сего дни: акы в РоднЂ.

 3 В рукописи пропущено акы, но слово имеется в приведенном выше повторении отрывка.

 4 В квадратных скобках из К

 55 В К плодъ

 6 Так в рукописи.

Блуд же не възмогъ, како погубити бы, замысли лестою, веля ему не излазити на брань из града. И рече Блудъ Ярополку: «кияне шлются к ВолодимЂру, глаголюще: приступи къ граду, яко предадим тя Б /л.22./ Ярополка; и побЂгьни из града». И посла 1 его Ярополкъ; избЂгъ, пришед, затворися въ граде РоднЂ 2 на усть РосЂ, а Володимеръ вниде в Киевъ. И осЂдаху Ярополка в РоднЂ. И бЂ глад великъ в немъ; и есть притча си и до сего дни: «бЂда [акы] 3 в Родне». И рече Блуд Ярополку: «видиши ли, колко вои у брата у твоего; намъ ихъ не пребороти; твори миръ с братомъ своимъ»; льстя под нимъ се. [Рече] 4 Ярополкъ: «тако буди». И посла Блуд к Володимеру, сице глаголя, яко «збысться мысль твоя, яко приведу к тобЂ Ярополка, пристрои убити». Володимеръ, то слышав, в теремныи вшед дворъ отечень, о немже преже сказахомъ, седЂ ту с вои и зъ дружиною своею. И рече Блуд Ярополку: «поиди к брату своему [и рци ему], 4 что ми ни вдаси, то азъ прииму». И поиде Ярополкъ, и рече ему Варяшко: «не ходи, княже, убьют тя, и побегни в Печенеги, и приведЂши воя»; и не слуша и его. И приидЂ Ярополкъ к Володимеру; яко полЂзе въ двери, /л.22об./ подъяста два Варяга мечема под пазусЂ. Блуд же затвори двери и не дастъ по немъ итти своимъ. И тако убьенъ бысть Ярополъкъ. [Варяжько же, видЂвъ, яко убиенъ бысть Ярополкъ] 4 бЂжа з двора в Печенеги [и много воева с Печенигы] 4 на ВолодимЂра; едва привади, заходивъ ему ротЂ. Володимеръ же залЂзе жену братню Грекиню, и бЂ непразна, от неяже родися Святополкъ. От грЂховънаго бо коренЂ золъ и 5 лютъ 5 бывает, понеже была бЂ мати его черницею, а второе Володимеръ залезЂ ю не по браку, любодЂиц убо бысть; тЂмже отець его не любляше; бЂ бо от двою отцю, [от] 4 Ярополка и от ВолодимЂра. Посемъ Варязи рЂша ВолодимЂру: «се градъ нашь, и мы приахомъ и; да хощем имати окупъ на них, по д†гривне от человЂка». И рече имъ ВолодимЂръ: «пожьдЂте, с жилых 6 куны зберут за месец». И жьдаша за мЂсец, не дастъ им. И рЂша Варязи: «сольстил еси нами, да покажи ны путь в ГрЂки». Онъ же рече имъ: «идЂте». Избра от нихъ мужи добры и храбры и мудры, роздая им гради; и прочая же идоша к Царюграду /л.23./ в ГрЂки. И посла пред ними послы, глаголя сице къ царю: «се идут к тобЂ Варязи, не мози ихъ дръжати въ градЂ, или что створят ти зло въ граде, \528\ якоже и здЂ; но росточити я розно, а семо не пущаи ни единого».

 1 Так в рукописи.

 2 В рукописи по; испр. по К

 3 В рукописи невЂгласна, испр. по К

 4 В квадратных скобках — из К

И нача княжити Володимеръ в КиевЂ, и постави на холмЂ вне двора теремнаго Перуна древена, а главу серебрену, а усъ златъ, и Хорса и Дажебога и Стриба 1 и Сеимарекла, Мокош; и жряху имъ, нарицающи богъ, и привожаху сыны своя и дьщери своя, жряху бЂсомъ, и оскверьняху землю требами своими; и 2 осквернися кровьми земля Руская, холмъ тъ. Но преблагыи богъ, не хотя смерти грЂшникомъ, на томъ холмЂ церкви святого Василиа есть, якоже послЂди скажемъ. Мы же на преднее възвратимся. Володимеръ же посади Добрыню в Новегороде, уя своего. И пришед Добрыня к Новугороду, постави Перуна кумиру 1 над рекою Волхова, и жряху ему людие новгородьстии аки богу. БЂ же Володимеръ побеженъ похотою /л.23об./ женьскою, и бЂ жена ему Володимеру РогьнЂдь, юже посади на ЛыбЂди, идЂже есть нынЂ селище Преславно, от неяже родися четырЂ сыны: Изяслава, Мстислава, Ярослава, Всеволода, и д†дщери: от ГрЂкини Святополка, а от Чехине Вышеслава, а от другии Святослава, Мьстислава, а от БолгарынЂ Бориса и ГлЂба. И наложьниць бЂ у него триста в ВышегородЂ, триста в БелЂгороде, двесте на БЂрестовем селищи, еже зовут нынЂ Берестовое. И 6Ђ несытъ блуда, и приводи к собЂ мужески жены и дЂзици растляа. БЂ бо женолюбивъ. Яко у Соломона бЂ бо, рече, женъ семъсот, а наложниць триста. Мудръ же бЂ, а на конець погуби, се бЂ невЂглас, 3 а на конець обрете спасение. «Велии господь, велия крЂпость его; и разуму его нЂсть конца». Зло бо есть женьскаа прелесть, якоже рече Соломонъ, покаявся, о женах: «не внимаи злЂ женЂ, мед бо каплетъ от устъ ея, жены любодЂица въ вре/л.24./мя наслажаетъ твои гортань. ПослЂди горчае желчи обрящеши. И прилЂпляющимся еи смерътию въ ад. На пути бо животныа не находят, блудная же теченья, неблагоразумна». Се же рече Соломан о прелюбодЂяньи и прелюбодЂицах. И о добрых женах рече: «[дражьши есть]  4 камени многоцЂнна. Радуется о неи мужь ея. ДЂет бо мужеви своему благо все житие. ОбрЂт волну и ленъ, створитъ благопотребная рукама своима. И бысть, яко корабль, куплю дЂющю, издалЂча себЂ збирает богатьство. И въстает от нощи, и дает брашно дому и дЂла рабыням. [ВидЂвши] 4 си же тяжение, куповаше; от дЂлъ руку своею насадит тяжание. Препоясавши крЂпко чресла своя, и утверди мышци свои на дЂло. И вкуси, яко [добро есть] 4 дЂлати, и не угасаетъ свЂтильникъ ея всю нощь. Руце свои простирает на полЂзнаа, локти же [свои утвержаеть на вретено. РуцЂ] 4 своя отверзе убогому, плод же простре нищимъ.

 1 В квадратных скобках — из К.

 2 В рукописи Чернев; испр. по А

 3 В А ятьвягы

 4 В К вместо последних двух слов изъгниеть: не ядят бо

 5 В рукописи вдавы; испр. по К

Не печется о дому своемъ муж еа, егда гдЂ /л.24об./ будет \529\ [вси свои одЂни будут]. 1 Сугуба оденья и створи мужеви своему, очервлена и багрена себЂ одЂнья. Взоренъ бывает въ вратЂх муж еа, егда же аще сядЂт на сонмище съ старци с жители землям. Обоны створи, отдастъ в куплю. И усъта же своя отверзе смыслено, законно, в чинъ молъвит языкомъ своимъ. В крЂпость и в лепоту ся облече. Милостынею же еа въздвигша чада ея, и обогатЂша, муж еа похвалиша ю. Жена бо разумлива, благословена есть, боязнь же господню в сердци имЂетъ да тЂм похвалим. Дати еи от плода устну ея, да похвалит въ вратЂх мужь ея».

В лЂта шесть тысящь четырЂста осьмидесят девятого. ИдЂ ВолодимЂръ к Ляхомъ, и зая грады: Перемышль, Червень 2 и иныи грады, идЂже есть под Русью. В сем же лЂте и Вятчи побЂди, и възложи на нь дань от плуга, якоже отець его имаше.

В лЂта шесть тысящ четыреста девятьдесятого. /л.25./ Заратишася Вятчи; идЂ Володимеръ на ня и побЂди а второе.

В лЂта шесть тысящь четыреста девятьдесятъ перваго. ИдЂ Володимеръ на Вятьвягы, 3 и побЂди Вятвяги, 3 и взя землю ихъ. И придЂ к Киеву, и творяще требу кумиромъ с людьми своими. И рЂша старци боярЂ: «мечемъ жребьи о отрокЂ и о дЂвици; на негоже паде, того зарежемъ богом». Бяшет бо Варягъ единъ, и бЂ дворъ его, идЂже есть церкви святыя Богородица, юже създа Володимеръ, бЂ же Варяг тои пришелъ от ГрЂк, и дръжаше втаине вЂру крестьяньскую, и бЂ у него сынъ красенъ тЂлом и душею; и на сего падЂ жребии по зависти дьяволЂ. Не трьпяшет бо дьяволъ, власти имыи надо всЂми; а се сь бяшет аки терьнь в сердци. И тщашеся потребити оканныи, наусти люди. И рЂша, пришедше, посланнии к нему, яко «паде жребии на сынъ твои, изволиша бози и собЂ, да створим требу богомъ». И рече/л.25об./ Варягъ: «не суть бози, но древо; днЂсь есть, и утро иже есть, 4 бози ни пыот, ни молвят, но суть дЂлани руками в древе секирою и ножемъ; а богъ есть единъ, емуже служатъ ГрЂци и кланяются, иже сътворялъ небо и землю и звЂзды, слънъце и луну и человЂка, и далъ ему есть жити на земли. А ваши бози что здЂлаша; а сами дЂлани суть. Не дамъ сына своего бЂсомъ». Они же шедше, повЂдаша, людемъ. Вземше оружие, поидоша на нь и розяша дворъ около его. Онъ же стояше на сЂнЂхъ с сыномъ своимъ. И рЂша ему: «вдаи сына своего, да вдамы 5 богомъ». [Он же рече]; 1 «аще суть бози, то единого себЂ послютъ бога \530\ и поимуть сынъ мои, а вы чему требуете и имъ».

 1 Так в рукописи.

 2 В квадратных скобках из К

 3 Можно прочесть ихны

 4 В К заходиша

 5 В рукописи иже

 6 В К ны

Кликнувшимъ 1 и подсЂкоша сЂни под нима, и тако бо побиша [я]. 2 И бяху бо тогда человЂци невЂгласи, погании. И дьяволъ радовашеся тому, не вЂдЂ, яко близъ погибель хотяше быти ему. Тако бо преже тщашеся /л.26./ погубити родъ крестьяньскии, но прогонимъ бяше крестом честнымъ въ иных 3 страны; здЂ же мняше оканныи, яко «здЂ ми есть жилище, здЂ бо [не] 2 суть учители и апостоли, и пророки прорицаху», ни видЂ пророка глаголюща: и нареку и не люди моя и люди моя, и о апостолехъ рече: въ всю землю изыдоша вЂщанья ихъ; и в конца вселЂнныа глаголи ихъ. Аще бо тЂлом апостоли не суть были, но ученье их яко трубы гласят по вселЂннеи в церьквехъ, имже учениемъ побЂжаемъ противнаго врага, и попирающе под нозЂ, якоже попраста и сия истинника, приимша венець небесныи съ святыми мученики и с правЂдники.

В лЂта шесть тысящь четыреста деветьдесят втораго. ИдЂ Володимеръ на Родьмчи. И бЂ у него воевода Волъчии Хвостъ; и посла предъ собою ВолодимЂръ Волъчьа Хвоста; и срете и Радьмичи на реце ПещанЂ, и побЂди Волъчи Хвостъ Радимичи. ТЂм Русь корять [РадимичЂ], 2 глаголюще: пЂщамичи вольчьа /л.26об./ хвоста бЂгали. БЂша же Радьмичи от рода Ляховъ; [пришедше] 2 ту ся вселися и платять дань Руси, повозъ везут и до сего дни.

В лЂта шесть тысяшь четырЂста деветьдесят третьяго. ИдЂ Володимеръ на Болгары з Добьрынею. уемъ своим, в лодьях, а отроки бЂрегомъ приведе на конех: и тако побЂди Болгары. И рече Добрыня к Володимеру: «съглядах колодникъ, и суть вси в сапогахъ; симъ намъ дани не давати; поидеве искать лапотникъ». И створи миръ Володимеръ с Болгары и ротЂ захотЂша 4 межи собою. И рЂша Болъгари: «толЂ не будет мира межи нами, елЂ же 5 каменье начнетъ плавати, а хмЂль грязнути». И придЂ ВолодимЂръ к Киеву.











Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.