Головна




Іван ВИШЕНСЬКИЙ



Книжка

Послання до Домнікії

Послання Іову Княгиницькому







ПОСЛАННЯ ДО ДОМНІКИ.

ЧЕСТНОЙ И БЛАГОГОВЂЙНОИ СТАРИЦЫ ДОМНИКИИ 1 ИОАНН СТРАННИК О ГОСПОДЂ РАДОВАТИСЯ ЖЕЛАЕТ И СПАСЕНИЯ ПРАГНЕТ


Пишет до мене пан Юрко 2, яко от диявола пострадах, зане до Унева отидох 3; вину же глаголет народную ползу в лучшем от добрых предразсуждающе; таже Христа приводит, яко милосердовав о народЂ и яко изводил их в пустыню не ради пустыннолюбия, но ради мучителныя и завистные власти, да свободнЂ сЂмя слова о животЂ вЂчном посЂет; нынЂ же во градЂ, глаголет, проповЂдь не возбраняется, которую не отбЂгати, але множити потреба и прочая; показующе образ, и нас влечет в подобие, и если глаголу не послЂдуем, многа зла о нас: человЂцы вознепщуют, поносят, оклевещут и в соблазн отчаятелный впадут; и яко пустыня единому ходатайствует спасение, проповЂдь же многим. До здЂ оглавление сих словес и прочая. На сие глаголы, аще бы мы и отвЂщевати не потреба ни мало, свою совЂсть вЂдуще, да не приразимся богу, а не человЂком угодим, — обаче покеже друголюбнЂ глаголет, друголюбнЂ и отвЂщаю, не любопрением словес красящеся, но истину поискав и на среду принес в явление, невЂдущим разумЂти сим творяще.

И первое убо чудуюся сему, яко пан Юрко, ведяще естество человЂческое немощно суще, страстно, грЂшно и всЂми узами аерных духов злобы звязано, — без испытания, искуса, наказания, очищения, просвЂщения и свершения, по Дионисию Ареопагиту, не в чину недужных, але зараз во здравых, очищенных, просвЂщеных и свершенных — человЂка творит и разумЂет. Их же другий ни в снЂ искусом проити не помечтав, сего пан Юрко на мЂсцы Христо†прежде исцЂления страсти, садит и Христову честь отдает, глаголющи: «Христос тако чинил, и ты тако твори», и в то страстных принуждает и привлачит, дабы лживую славу носили и не от бога дЂло начинали, але человЂческому угодию (пекущиеся освобожденю грЂха) догождали.

В том пан Юрко сопротивляется слЂдови законному святых отец, — и есть то великая ересь, — которые, яко сами на дЂла духа святого, властию отправуючиеся, не наскаковали, так и по себЂ будучим степенЂ до того благодатного дару починили и границу закопали, то есть яким способом имЂет боголюбец предспЂти до истинного розума и которыми образы, дЂлы, труды и подвиги, и которые знамения послЂдовати имЂют в совлечение вЂтхого человЂка приходящему изобразили, и гдЂ есть конец, то есть достигшому в предЂл безстрастия, ознаймили, таже, достигши оного безстрастного пристанища, ожидати повеления от бога на дЂло службы его, а не самому без помощи божия выскаковати на герц, остерегли. Бо если бы хто что начинати хотЂл албо и начинал, а без бога, глаголят святыи, таковый не толко ничтожь не успЂет, але еще в прелесть и ересь самозаконную впадет. Видиши ли, госпоже Домникие, як пан Юрко не вЂсть нашего слЂда, по чину и степени к богу приводящего, але зараз на верховный Христов степень вскочил и в гордость мнЂния (ползовати других себЂ неополЂровавшим и страстей мирских несовлекшим повелЂвает) впал.

Присмотрися, госпоже, что пользуют их чернилом хитрости (а не духа святого словесы) воспитанные школные казнодЂи, которые, з латинской ереси себЂ способ ухвативши, зараз школы, бают, проповЂдают и учат, а полЂровного и безстрастного жития не хочют и тот слЂд, изображенный святыми (по отпра†школноЂ науки), отвергли. Первое, церковному послЂдованию в славословию, благодарению и молит†непотребны суть, ни бо умЂют у церкви ни читати ани пЂти, только, яко и простЂйшие, без помощи церковной нуждЂ богохваления стоят. С которого цвиченя и заживаня способом тым хитростным латинских наук не вижду ни куса: ни попа, ни диякона ани протчого священнического чина служителя, только если тые байки риторские 4 знают, но тЂжь к басням досконалшим, родителем сих, то есть до латини, паки возвращаются и отходят: свойственное к своему духу влечется и прилепляет. Але бым я радил нашим фундатором благочестия во ЛьвовЂ: в первых, церковного послЂдования, славословия и благочестия узаконити, дЂтем научити; таже утвердивши сумнения вЂры благочестивыми догматы, тогда внЂшних хитростей для вЂдомости касатися не возбраняти. Не бо аз хулю граматичное учение и ключь к познанию складов и речей, яко же нЂцыи мнят и подобно глаголют: «Зане же сам не учился, того ради и нам завидит и возбраняет». Сей же глас, мню, в первых пан Виталий, казнодЂя волынский 5, отрыгал. Но аз о сем ничтоже печалую, ниже о поносЂ и уничижении брегу, ниже о лжи, завистным имЂнем калагаемой, смущаюся. Само бо существо тЂсного пути слЂда, ведущого в живот вЂчный, да извЂстит когождо. Не бо о сромотЂ учащихся аз глаголю: да не отпадут благочестия, утверждаю, — еже пострадаша мнози, извЂстно вЂстЂ. Что бо бых завидети мел духов злобных поднебесных, аеровоздушных учению, в погибель влекущих, евангельский розум Христов в помыслЂ вЂры вдрузивши и тесным путем, вЂдущим в живот вЂчный, пошедши, — сие знамение, яко лгут от зависти. МнЂ бо довлЂет простый и нехитрый Христос, в нем же вся сокровища премудрости и розума. То подобно и на святого Павла апостола нанесут хулу клеветницы, яко от зависти Павел остереггет коласяны, да угоньзнут от тое поганское латынское науки, которые ся нынЂ в тую сЂть духов злобных поднебесных учения умотали, Евангелие повергли. Апостол Павел к колосянам тыми слова глаголет: «Братие, блюдитеся, да никтоже вас будет прелщая хитростию и тщетною лестию, по преданию человЂческому, по стихиям мира сего, а не по ХристЂ ИсусЂ, яко в том живет всяко исполнение божества тЂлеснЂ». Не бо, мню, яко от завидЂния н.аук Пазел сие рече, но, да не увязнут в прелесть от Христовы любви, остерегает. Тако подобно да мниши и о мнЂ, — о пересторозЂ, яже глаголал. И не вЂдомость хулю художества, але хулю, што тепЂришние наши новые руские философы не знают в церкви ничтоже читати, — ни тое самое Псалтыри, ни Часослова. А знать, если бы хто што трохи и знал, як южь досягнет стиха якого басней аристотельских, тогды юж. Псалтири читати ся соромЂет и прочее правило церковное ни за что не вмЂняет и яко простое и дурное быти разумЂет. Атежь не вижу инших, толко простою наукою нашего благочестия воспитавшиеся, — тые и подвиг церковный носят и отправуют, а латынских басней ученицы, зовемыи казнодЂи, трудитися в церкви не хочют, толко комедии строят и играют 6.

И не дивно! Приведу притчю. Коли южь хто наказания внЂшняго трохи досягл, подобен коневи, в стайни хованному и на узах держанному, который, часу пролетного дождавши, коли траву ощутить и выпущен будет, не вЂда, як ся поимати даст от игранья, скаканья и шаленья ради своеволнои владности. Так власне колк хто з благочестия догмат до латынского мудрования и хитрости выпущен будет, не веда, як его южь ухватит и обуздает и к благочестию привлечет. Бо есть так сладкая латынскои прелести трава, иже еЂ воли на широком поли вкусивый своеволно заживати, нижли в стайни благочестия на привязех законных наилЂпшим овсом истинное кауки питатися хочет. Там бо есть у латыни своеволя, там есть чистец по смерти мудрым безецником, вшетечником и розкошником, а у нас, дурнои Руси, чистца по смерти немаш, только в терпЂливом страдании и покаянии прежде умертия. И для того в тЂснотЂ сей малы иззоляют быти: всЂ ся на широту роскоши вергли и пастыря себЂ такого своеволника (и на широтЂ розкоший скитающиеся) имЂют, который таиньство вЂка сего сына погибелного изобразует, — по Павлу, к солунянам глаголющему.

Отож, госпоже Домникие, нехай ся пан Юрко перво научит церковного чина и тайны его, а не зараз кого без воли Христовы на Христовом мЂстцЂ от своего мнЂния посаждает, глаголючи: «Христос так чинил или учил, и ты так чини и учи». Бо ся с того дерзновения все ереси в нас породили, и церков воздушные духи сплюндровали. Иж не толко жебы хто уготованый на степень церковного и духовного чина восходити мЂл дверми — нет! Але и тые самые дЂролазцЂ, наемницы, злодЂи, разбойницы, волци, драпЂжницы, пси, волхвы, чародЂе, воины, жолнЂрЂ, кровопролийцы, игрцы, скоморохи албо машкарники, всяк вид злобы мирскои прошедшие и естество обезчестившие, которые нашу церков нынЂ опановали и под власть себЂ мучительски покорили, не толко жебы слЂда албо порядку якого законного на входЂ сЂдалища власти церковнои заживати мЂли, але гонятся и один одного для власти сану и позысканья имЂний и перебЂгают и упережают, власнЂ як конские заводницы для закладу. Что бо за чин в нашей церк†нынЂ на принятье стану духовного? Не тот ли, присмотрися и признай, если правду глаголю! Днесь кат, а завтра священик, днесь мучитель, а завтра учитель, днесь корчмар и танцоводец, а заутра богослов и народоводец, днесь убийца, а заутра святитель и епископ, доднесь жертовал сатанЂ всЂ время вЂка сего, а нынЂ пред олтарем предстоит и непостижимому божеству таиньствует и жертву приносит. Пытаю вас, не от сих ли ваш хитрЂйший ПотЂй, которого ты, пане Юрку, хвалил и залицал! Розгни книги совЂстные и узриши, иж во уготованных чину не коснел и ни чернец ани страдалец не был, толко так же — днесь еретик и каштелян, а заутра намЂсник Христов — именем, а не дЂлом, и пастырь — славы и чести вЂка сего, а не стада словесных овец и будущого вЂка сотаинник.

Видиши ли, сестро Домникие, куды розумЂнье неправое низпадает и благочестие поруговает! Нехай же не выкладает пан Юрко Христовых словес по страсти и своему угождению, але по правдЂ. И мою пустыню да не уничижает, без которои и он сам (если схочет мира свлещися и памяти и жития страстного свободитися, по Василия Великого писанию к Григорию Богослову) быти не может. А еже глаголет пан Юрко, яко Христос не изводил народ в пустыню раз†нужди, для власти, проповЂдь возбраняющее, а нынЂ проповЂдь в градЂх не возбраняется, — на тое слово отповЂдь пану Юркови: яко не толко я, ничтоже сый в очах людских, але подобно ино сам Христос с небеси, если бы звал, крест свой залецал и в пустыню изыйти (для очищенья помысла и навыкновенья брани бЂсовское) розказал, — подобно не толко народа, але ни самого книгочию народонаставника, пана Юрка, з логовиска мирского бы выторгнути не могл, бо ся добре напечатали смаки, юхи, шафраны, пЂрце и пирожные сласти на помыслЂ и угождению его. Обецую ти, что ся крестом Христовым пан Юрко прелстити не даст и для него розкоши львовское не оставит. Кольми паче другий народ о пустыни не мыслит, от того ж тЂ и нас не зовут некого, бо бых не мирен был: довлЂет ми свой струп соглядати и к здравию приводити, а не других раздражняти.

А еже глаголет пан Юрко, яко пустыня толко себе спасает, а не других, — в том сло†познаваю, иж пан Юрко на бЂглости речей толко розум свой забавляет и в.Ђщает, а власного розума и ведомости истинное во писании не досягает и вЂдати не может, власнЂ як шидерством о спасении говорит, глаголющи: «в пустыни себе спасает», — яко бы власнЂ пироги, з ложа вставши, лацно ясти, так в пустыни спастися. А того не вЂдает пан Юрко, что святии над всЂ чюдотворства спасти кому себЂ (не толко в градЂ забазном, мятежном и многомолвном, але и в самой пустыни, в памяти несмутной и отлученной будучи от мира) покладают. Исаак глаголет: «БолЂе воскресити душу свою от страстей, нежели воскресити умерших». А если же так великий подвиг на воскресение души от мирского страстного навыкновения, яко и над чюдотворную благодать ся судит, что же может быти болшого и потребнЂйшого на свЂте, яко же спасти себе? За которое самоособное спасение душевное сам владыка Христос всего мира неспасаемого неровна и недостойна спасаемой (и в царство небесное напечатаной) души чинит. Отож, потреба пану Юркови постаратися о спасении, бо ему ни едина полза от науки других, если себЂ презрит и не спасет. И не может никто никого врачевати албо учити, если наперед себЂ не уздоровит и не научит. Так же и в спасение жаден привести не может, если перво себЂ на спасаемом фундаменте не поставит. Атож, я бым и пану Юркови радил, доколЂ дышет, о своем спасении пилне постаратися, на Христову науку не робити, але послушанием оной пленитися и оно слово апостольское в совЂсти своей пробовати, в которой мЂрЂ предспЂятелного розума стоимо: «Учай бо, — рече, — иного, себе ли не учиши?»

Потреба бы нам с паном Юрком тое власное науки духа святого зажити, як бы мучителнЂйшей от всЂх страстей страсти гнЂва и памятозлобия свободитися, а не толко на том досыть мати, жебы книги проходити и речми хвалитися и по своему мнЂнию и страсти писание толковати — тое ни на что ся не придаст и безпотребный разум есть. Христос рече: «Если не отпущаети человЂкам согрЂшения их, ни отец небесный отпустит вам согрЂшения ваша». Як разумЂет пан Юрко о тых словЂх? Что за вымову знайдет, если его в том гне†смерть заскочит? А с паном Красовским ся не поеднает 7, если змовит: «Еретик есть и отступник», — але то: «В церкви благочестия ся показует быти, а не с еретики и отступники», если речет: «Был, але ся повратил». Благодарити ж бога за повращение потреба, а не гнЂвом отмщати; бо если отпадших и возвращающихся на покаяние приимати не будет, то з Наватом еретиком 8 в проклятьст†от святых отец будет, ибо несть закон християнину, аще и случится поползновение брату отступити от вЂры, на оного гнЂватися, ярити и враждовати, но паче скорбЂти и соболезновати и молитися о нем, просячи бога о дар упометованья: «МнЂ бо, — рече, — отмщение, аз воздам», — рече господь. А еже гнЂв и печаль друг на друга имЂти и тым мняся кривду божию отмщати, знамение есть оно, глаголют святии, тщеславное души, а не благолюбное, и о кривде князей вЂка сего воздушных поднебесных, злобою мира сего владучих, а не Христовой (иже совлекся начал и властей и, срамотнЂ наг повешен, еще о распинающих молился) таковый гнев послЂдует.

Прето молюся, сестро Домникие, если хочеш ми быти дЂлом, а не именем сестра, постарайся, абы ся тыя братие смирили и простили, жебы того мучителя диявола спосредЂ себе днем спасительныя пасхи, воскресения Христова, упразднили и вывергли и истинно, а не фарисейски, «Воскресения день, просвЂтимся торжеством» и прочая заспевали. А если бы который з них упором от сатаны связан был и проститися не хотЂл, таковаго не с християны, але с еретики вменити достойно есть, и тот власне с идолопоклонники часть свою мает и Христа отреклся есть.

Приведу подобную повесть от отец святых на зрозуменья тое мучителное страсти и недуга, что ся некогда иным от тогож пострадати трафило. ПовЂсть. Двох братив единомысленных, в иноческий чин вшедших, диявол, завистник спасения християнского, погибели же ревнитель, друг на друга разгневил. Под тым гнЂвом, глаголет, попущеньем божиим идоложерцы поимали их, и, коли первого дня мучени были, претерпЂли и не предали благочестия. Теды, из муки их изведши, в едину темницу затворили до другого мучения, если ся не намыслят и доброволнЂ идолом не пожрут. Видевши, глаголет, один брат, яко конечно смерть им прияти приходит, если идолом не пожрут, хотячи в мирЂ и прощении из братом к богу отити, просил другого брата о прощении и смирении. Тот брат проститися не хотЂл, так ся сатанЂ памятозлобием связати попустил. На завтрие, глаголет, коли на муку изведены были, оный брат, который прощения искал, мужески претерпЂл, благочестия не предал и, законно скончав, к богу отиде. Сей же, который брата простити не хотЂл, на первом вопросЂ мучения отскочил и Христа ся отрекл и идолом жертвовал. И коли юже был на свободе, вопросил его, глаголет, мучитель тыми словы: «Для чего еси вчера без мучения так зараз не учинил, ато еси невиннЂ мучитися дал?» ОтповЂдал он, глаголющи: «Для того есми вчера, — глаголет, — терпЂл, бо со мною бог был. А коли брата есми не простил, который от меня прощения искал, тогда и бог меня отступил и нимало терпЂти есми не могл».

Отож, сестро Домникие, убоятися потреба сея притчи, жебы кто з наших братий в ереси кн умрет. Ничтоже бо есть мерзостнЂйшее богу, яко же бо гневная и памятозлобная (духа гордого, самомнимого и тш.еславного ученица и угодница) страсть, На сие ли меня зовЂте, же бым ся у вас бЂсовства учил? Перво ся бЂса свободетЂ и Христа мирного посредЂ себЂ введетЂ, тогда и аз вас посЂщати не отрицаюся. А нынЂ ниже Христос (за властию гнЂва мучительного) не имать, гдЂ у вас главу подклонити в помыслЂ несмутном, ниже аз без Христа и его мира витати, жити албо забавлятися на оного мЂсци нимало могу.

А еже глаголет пан Юрко о возвращении моем, которое, аще укоснет, непщевати, злая поносити, клеветати и отчеяватися мнози будут; вину глаголет — народно ожидание. Сия словеса истовыя басни суть, ниже отвЂта достойни: ни бо аз с народом завЂты завЂщевал, ниже отвЂты творил, но ниже народа знаю, ниже бесЂдою с ними общихся и познанием зрака. Что глаголет пан Юрко, не вЂм. Почто мя ожидают? Егда заимствовах что у кого и долг отдати должен есмь? Не вЂм другого, раз†страньствовавшого мя пана Красовского и на препитание нечто возложившего, сего и пана Миколая знаю 9, от прочого же народа никого не знаю. Что есть вина народное страсти и которого народа, доумЂтися не могу. Ни бо вещь, ниже народных лиц, от мене пострадавших, не изобрази, — отвЂщати не вЂм что. О прехвалных же плодах, в мирском житию гнЂздящихся, ими же велможа Юрий похвалися, се есть злым мниманям, поносом, клеветою и отчаянием, аз о сем нинало брегу и попечение имам, егда совЂсть свидЂтельствует ми, яко вину злобную (на недуг сими страстьми уязвитися кому) от себЂ не испустих. Аще ли же кто чем от сих и постраждет, мню, от злого навыкновения, а не от моего изображения сия постраждет, и исполнится на нем Христовая речения глас, «яко злый злЂ глаголет и непщует» и прочая. А еже отчаязатися кому ради отшедшого в пустыню на покаяние, а не и самому тогожде следа покаятелного ревновати, сие не християнина, в жизнь вЂчную нареченного, но идолопоклонников сластолюбного, ему же бог — чрево есть, и о сем не пекуся; да страждет срасть возлюбивый: «ОвЂм бо проповЂдаша в живот, овЂм же в смерть», — рече апостол. О сем до здЂ.

По сем блажен свободивыйся прелестей бЂсовских мнЂнных и розумЂний еретических гонзув, в твердыни же вЂры и простотЂ благочестия помысл упования вдрузив, во время исхода, от духов злобных поднебесных не убоится, от них же и вас и нас Христос да сохранит и в книгах живота вЂчного напишет, — желаю. Аминь.

Писано в монастыри Уневе в недЂлю цвЂтоносную...10 Странник реченный Вышенский писал.





ПОСЛАННЯ ІОВУ КНЯГИНИЦЬКОМУ

БОГОЛЮБИВОМУ БРАТУ МИ ЯЖЕ О ХРИСТЂ ОТЦУ ИОВУ 1, В СКИТЂ В ПУСТЫНИ МАРКОВОЙ СКИТСТВУЮЩУ, ИОАНН ГРЕШНЫЙ СПАСЕНИЯ АЛЧЕТ


Желание имЂх нынЂ посЂтити вас, но судьбы божия и нЂкия болЂзни тЂлесныя преградиша; ельма же братия от Ксенова 2 тамо ити устремишаяся, сими извЂстую тебЂ яже о Святой горЂ и нуждах ея. ВЂси, яко Святая гора 3 раю подобна, аеровоздушным, чистотным и утЂшителным зефиром, в отлучению мира содержима, дыхающе; сия и ныне никакоже оскудЂ благодать, яже от воздуха. А яже нужду от навЂта диявола-миродержца, страстно владычествующого, страждет, в искупЂ жизни обрЂтающися зде, — не подобает ми время подробну изглаголати; точию, прочая сократив, изглаголю: отнели же приидох, не точию на келии, но и на пещеры д†поголовщизны дукатов излЂзлЂ 4. Такожде и на Святую гору: от еже бЂ товар один прежде соборного гарачу 5, нынЂ же и до четырех влЂзло. Аще же и тако аспрным нуждам Святая гора подлегла 6, но благодатию Христовою мир бЂ в конец доселЂ от вохода турков и яничарского, и в благочестии Святая гора по древнему никакоже оскудЂвает — и аще не имать аспри. Изволивше жизнь, день пребыв, благодарю тя, господи, и не пещися о утрнЂм — от милостыни хранитися можем. Аз же сию жизнь не вомЂщу: от келии до келии и от монастыря до монастыря скитати, но в сей притчи стоим святогорской, глаголющей: «Хотяй, — рече, — во СвятЂй горЂ мировати и терпЂнием укоснути или буди желЂзн или сребрен», — еже толковати не хощу, вЂси бо сию притчю. ТЂмже сими двома и аз еще косним благодатию Христовою: рукоделием и искупом, — доколе течет принесенное от вас. Обаче желаю паки видети и посетити зас. ТЂмже извЂсти ми о своем мирЂ и что глаголеши о сем, дай ми глас. Аще ли и тебЂ нужда настоит от борения плоти, страстей и воздушных злобных духов поднебесных, к ним же нам брань гонза, и с сими калугери, аще не мощно и Дмитра 7 занести, ты же свою душу и мощи занеси. Аще ли от брани почиваеши и желаеши мое посЂщение, да вем. Болше не имам что глаголати, точию пану Петру 8 спасение и прочим благодателям и знаемым метание сотворити рачь. Посем желаю, да сподобит нас господь, еще в живых совокупився, утЂшение друголюбное словом друг другу даровати. Аминь.

Писася в СвятЂй горЂ, в неже время и соборное послание, в монастырЂ Зуграфе 9; аще мысльный твоего преподобия за спасение вышереченный писал.









Послання до Домнікії.


1 ...старици Домникий... — Домнікія — черниця львівського жіночого монастиря, однодумець Івана Вишенського.

2 ...пан Юрко... — Юрій Рогатинець (? — 1608) — один із керівників львівського братства, з поглядами якого різко розійшовся Іван Вишенський під час свого перебування у Львові 1605 р.

3 ...до Унева отидох... — Мається на увазі Уневський монастир на Прикарпатті, звідки Іван Вишенський написав відповідь на листа Рогатинця.

4 ...байки риторские... — Тут мова йде про твори античної та ораторсько-проповідницької католицької літератури барокко.

5 ...пан Виталий, казнодЂя волынский... — культурний діяч, ієромонах та ігумен Лубенського монастиря на Волині Віталій (? — 1640). Автор оригінальних і перекладних творів у збірці «Діоптра» (Єв'є, 1612); його твори високо цінили сучасники та пізніші дослідники.

6 ...трудитися в церкви не хочют, толко комедии строят и играют... — Ідеться про вчителів та школярів, які були авторами і виконавцями тогочасних драматичних творів за зразком тодішніх латинських шкіл.

7 А с паном Красовским ся не поєднает... — Очевидно, це Іван Красовський, один із членів львівського братства, з яким Юрій Рогатинець ворогував та вів проти нього судові справи.

8 ...з Наватом еретиком... — Нават — другий цар ізраїльського царства (X ст. до н. е.): можливо, Іван Вишенський мав на увазі іншого Навата, якогось єретика.

9 ...и пана Миколая знаю... — Напевно, це один із львівських братчиків.

10 ...в недЂлю цвЂтоносную... — так звана вербна неділя перед великоднім святом.





Послання Іову Княгиницькому.


1 ...отцу Иову... — Іов Княгиницький (? — 1621) — приятель Івана Вишенського, багато років був ченцем на Афоні; засновник Манявського скиту (невеликого монастиря) на Прикарпатті.

2 ...братия от Ксенова... — ченці Ксеновського монастиря на Афоні.

3 ...яко Святая гор а... — Тут ідеться про весь Афонський півострів.

4 ...д†поголовщизны дукатов излЂзлЂ. — Напевно, збільшення данини, яку турки наклали на загарбані ними афонські монастирі.

5 ...соборного гарачу... — Йдеться про данину, яку сплачували Туреччині поневолені народи.

6 ...аспрным нуждам Святая гора подлегла... — тобто потребує коштів (аспра — дрібна турецька монета).

7 ...и Дмитра... — небожа Іова Княгиницького.

8 ...пану Петру... — Вважають, що це, напевно, «жупник» або наглядач соляних копалень, Петро Ляхович, який допоміг Іову Княгиницькому влаштуватись у Манявській «пустині».

9 ...в монастирЂ Зуграфе... — тобто в Зографському монастирі на Афоні.











Головна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.