Головна               Переклад





ПОВІСТЬ ПРО ПОХІД ІГОРЯ СВЯТОСЛАВИЧА НА ПОЛОВЦІВ. КИЇВСЬКИЙ ЛІТОПИС.


В Іпатському літописному списку збереглася запозичена з Чернігівського літопису повість про похід Ігоря та його брата Всеволода на половців. Повість розповідає про послідовність подій походу і подаються такі подробиці, які мають суттєве значення для розуміння «Слова о Полку Ігоревім».

Текст наводиться за Іпатським списком.



Въ лЂто 6693... В то же время Святославичь Игорь, внукъ Олговъ, поЂха из Новагорода, мЂсяца априля в 23 день, во вторникъ, поймяи со собою брата Всеволода ис Трубечка, и Святослава Олговича, сыновця своєго изъ Рыльска, и ВолодимЂра сына своєго ис Путивля, и у Ярослава испроси помочь Ольстина Олексича, Прохорова внука, с коуи черниговьскими, и тако идяхуть тихо, сбираюче дружину свою: бяхуть бо и у нихъ кони тучны велми.

Идущимъ же имъ к Донцю рЂкы, в годъ вечерний, Игорь же, возрЂвъ на небо, и видЂ солнце стояще яко мЂсяць, и рече бояромъ своимъ и дружинЂ своєй: «видите ли, что єсть знамениє се?» Они же узрЂвше и видиша вси и поникоша главами, и рекоша мужи: «княже! се єсть не на добро знамениє се». Игорь же рече: «братья и дружино! тайны божия никтоже не вЂсть, а знамению творЂць богъ и всему миру своєму; а намъ что створить богъ, или на добро, или на наше зло, а то же намъ видити». И то рекъ, перебреде ДонЂць, и тако прииде ко Осколу, и жда два дни брата своєго Всеволода, тотъ бяше шелъ инемъ путем ис Курьска; и оттуда поидоша к СалницЂ, ту же къ нимь и сторожеви приЂхаша, ихъ же бяхуть послалЂ языка ловить, и рекоша приЂхавше: «видихомся с ратнымы, ратници ваши со доспЂхомъ Ђздять; да или поЂдете борзо, или возворотися домовь, яко не наше єсть веремя». Игорь же рече с братьєю своєю: «оже ны будеть не бившися возворотитися, то соромъ ны будеть пущей смерти; но како ны богъ дасть». И тако угадавше, и Ђхаша чересъ ночь; заутра же, пятъку наставшу, во обЂднее веремя усрЂтоша полкы половЂцькиЂ: бяхуть бо до нихъ доспЂлЂ, вежЂ своЂ пустили за ся, а сами собравшеся отъ мала и до велика, стояхуть на оной сторонЂ рЂкы Сюурлия. И та изрядиша полковъ 6: Игоревъ полкъ середЂ, а поправу брата єго Всеволожь, а полЂву Святославль, сыновця єго, напередЂ єму сынъ ВолодимЂрь и другий полкъ Ярославль, иже бяху с Ольстиномъ коуєве, а третий полкъ напереди же стрЂлци, иже бяхуть отъ всихъ князий выведени; и тако изрядиша полкы своя. И рече Игорь ко братьи своєй: «братья! сего єсмы искалЂ, а потягнемь; а тако поидоша к нимъ, положаче на бозЂ упованиє своє.

И яко быша к рЂцЂ ко Сюурлию, и выЂхаша ис половЂцькихъ полковъ стрЂлци, и пустивше по стрЂлЂ на русь, и тако поскочиша; русь же бяхуть не перЂхалЂ єще рЂкЂ Сюрлия, поскочиша же и ти половци силы половЂцькии, коториЂ же далече рЂкы стояхуть. Святославъ же Олговичь и ВолодимЂрь Игоревичь, и Ольстинъ с коуи, и стрЂлци поткоша по нихъ, а Игорь и Всеволодъ помалу идяста, не распустяста полку своєго передний же ти русь биша Ђ, имаша; половцЂ же пробЂгоша вежЂ, и русь же дошедше вежь и ополонишася, друзии же ночь приЂхаша к полкомъ с полономъ. И яко собрашася половци вси, и рече Игорь ко братома и к мужемъ своимъ: «се богъ силою своєю - возложилъ на врагы наша побЂду, а на насъ честь и слава; се же видихомъ полки половЂцькии, оже мнози суть, ту же; ци вся си суть совокупили. НынЂ же поЂдемы чересъ ночь, а кто поЂдЂть заутра по насъ, то ци вси поЂдуть, но лучьшии коньници переберуться, а самЂми как ны богъ дасть». И рече Святославъ Олговичь строєма своима: «далече єсмь гонилъ по половцехъ, а кони мои не могуть; аже ми будеть нынЂ поЂхати, то толико ми будеть на дорозЂ остати» - и поможе єму Всеволодъ, акоже облечи ту. И рече Игорь: «да недивно єсть разумЂющи, братья, умрети» - и облегоша ту. СвЂтающи же суботЂ, начаша выступати полци половецкии, якъ боровЂ; измумЂшася князи рускии, кому ихъ которому поЂхати, бысть бо ихъ бещисленоє множество. И рече Игорь: «се вЂдаюче собрахомъ на ся землю всю: Концака, и Козу Бурновича, и Токсобица Колобича, и єтебича и Терьтробича». И тако угадавше вси, сосЂдоша с коний, хотяхуть бо бьющеся дойти рЂкы Донця; молвяхуть бо: «оже побЂгнемь, утечемь сами, а черныє люди оставимъ, то отъ бога ны будеть грЂхъ, сихъ выдавше пойдемь; но или умремь, или живи будемь вси на єдиномь мЂстЂ».

И та рекши, вси сосЂдоша с конЂй и поидоша бьючеся; и тако, божиимъ попущениємь, уязвиша Игоря в руку и умртвиша шюйцю єго, и бысть печаль велика в полку єго, и воєводу имяхуть, тотъ напереди язвенъ бысть. И тако бишася крЂпко ту днину до вечера, и мнозии ранени и мертви быша в полкохъ рускихъ; наставши же нощи суботнии, и поидоша бьючися. Бысть же свЂтающе недЂлЂ, возмятошася ковуєве в полку, побЂгоша. Игорь же бяшеть в то время на конЂ, зане раненъ бяше, пойде к полку ихъ, хотя возворотити ихъ к полкомъ; уразумЂв же яко далече шелъ єсть отъ людий и соймя шоломъ, погънаше опять к полкомъ, того дЂля, что быша познали князя и возворотилися быша; и тако не возворотися никтоже, но токмо Михалко Гюрговичь, познавъ князя, возворотися; не бяхуть бо добрЂ смялися с ковуи, но мало отъ простыхъ или кто оть отрокъ боярскихъ, добри бо вси бьяхуться идуще пЂши, и посреди ихъ Всеволодъ не мало мужьство показа. И яко приближися Игорь к полкомъ своимь, и переЂхаша поперекъ и ту яша єдинъ перестрЂлъ одале отъ полку своєго. Держимъ же Игорь, видЂ брата своєго Всеволода крЂпко борющася, и проси души своєй смерти, яко да бы не видилъ падения брата своєго; Всеволодъ же толма бившеся яко и оружья в руку єго не доста, и бьяху бо ся идуще вкругъ при єзерЂ. И тако во день святаго воскресения наведе на ня господь гнЂвъ свой: в радости мЂсто наведе на ны плачь, и во весельє мЂсто желю, на рЂцЂ Каялы. Рече бо дЂи Игорь: «помянухъ азъ грЂхы своя предъ господемъ богомъ моимъ яко много убийство, кровопролитьє створихъ в землЂ крестъянстЂй, яко же бо азъ не пощадЂхъ хрестьянъ, но взяхъ на щитъ городъ ГлЂбовъ у Переяславля; тогда бо не мало зло подъяша безвиньни хрестьани, отлучаєми отець отъ рожений своихъ, братъ отъ брата, другъ от друга своєго, и жены отъ подружий своихъ, и дщери отъ материй своихъ, и подруга отъ подругы своєя, и все смятено плЂномъ и скорбью тогда бывшю. Живии мертвымъ завидять, а мертвии радовахуся, аки мученици святЂи огнемь от жизни сея искушениє приємши, старцЂ порЂвахуться, уноты же лютыя и немилостивыя раны подъяша, мужи же пресЂкаєми и разсЂкаєми бывають, жены же осквЂрняеми; и та вся створивъ азъ, - рече Игорь, - недостойно ми бяшеть жити; и се нынЂ вижю отмЂстьє отъ господа бога моєго. Где нынЂ возлюбленый мой братъ? гдЂ нынЂ брата моєго сынъ? где чадо рожения моєго? где бояре думающеи, гдЂ мужи храборьствующеи, гдЂ рядъ полъчный? гдЂ кони и оружья многоцЂньная? Не отъто всего ли того обнажихся, и связня преда мя господь в рукы безаконьнымь тЂмь? Се возда ми господь по безаконию моєму и по злобЂ моєй на мя, и снидоша днесь грЂси мои на главу мою. Истиненъ господь и прави суди єго зЂло; азъ же убо не имамъ со живыми части; се бо нынЂ вижю другая мучения вЂньца приємлюще, почто азъ єдинъ повиньный не прияхъ страсти за вся си? Но владыко господи боже мой! не отрини мене до конца, но яко воля твоя, господи, тако и милость намъ, рабомъ твоимъ».

И тогда, кончавшюся и полку розведени быша, и пойде кождо во своя вежа. Игоря же бяхуть яли Таргорове, мужь именемь Чилбукъ, а Всеволода брата єго ялъ Романъ Кзичь, а Святослава Олговича єлдечюкъ въ Вобурцевичехъ, а Володимера Копти в Улашевичихъ. Тогда же на полъчищи Концакъ поручися по свата Игоря, зане бяшеть раненъ. Отъ толикихъ же людий мало ихъ избысть нЂкакомъ получениємь, не бяшеть бо лзЂ ни бЂгаючимъ утечи, зане яко стЂнами силнами огорожени бяху полкы половЂцьскими; ношахуть, русь съ 15 мужь утекши, а ковуємь мнЂє, а прочий в морЂ истопоша.

В то же время великыи князь Всеволодичь Святославъ шелъ бяшеть в Корачевъ и сбирашеть от вЂрхънихъ земль вои, хотя ити на половци к Донови на все лЂто. Яко возворотися Святославъ и бысть у Новагорода СЂверьского и слыша о братьи своєй, оже шли суть на половци, утаившеся єго: и нелюбо бысть єму. Святославъ же идяше в лодьяхъ, и яко приде к Чернигову, и в тъ годъ прибЂже БЂловолодъ Просовичь и повЂда Святославу бывшее о половцЂхъ; Святославъ же, то слышавъ и вельми воздохнувъ, утеръ слезъ своихъ и рече: «о люба моя братья и сыно†и мужЂ землЂ РускоЂ! далъ мне ни бяше богъ притомити поганыя; но не воздержавше уности, отвориша ворота на Русьскую землю. Воля господня да будеть о всемъ; да како жаль ми бяшеть на Игоря, тако нынЂ жалую болми по ИгорЂ братЂ моємь». По семъ же Святославъ посла сына своєго Олга и Володимера в Посемьє: то бо слышавше, возмятошася городи посемьскиє, и бысть скоробь и туга люта, якоже николиже не бывала во всемъ Посемьи, и в НовЂгорбдЂ СЂверьском, и по всей волости Черниговьской, князи изымани и дружина изымана, избита; и мятяхуться, акы в мотви, городи воставахуть, и немило бяшеть тогда комуждо своє ближнее, но мнозЂ тогда отрЂкахуся душь своих, жалующе по князихъ своихъ. Посемъ же посла Святославъ ко Давыдови Смоленьску, река: «рекли бяхомъ пойти на половци и лЂтовати на ДонЂ, нынЂ же половци се побЂдили Игоря и брата єго с сыномъ; а поЂди, брате, постерези землЂ РускоЂ». Давыдъ же приде по Днъпру, придоша же ины помочи и сташа у Треполя, а Ярославъ в ЧерниговЂ, совокупивъ вои свои, стояшеть. Поганый же половци побЂдивъше Игоря с братьєю и взята гордость велику и съвокупиша всь языкъ свой на Рускую землю, и бысть у нихъ котора: молвяшеть бо Кончакъ: «пойдемь на Києвьскую сторону, гдЂ суть избита братья наша и великый князь нашь Бонякъ»; а Кза молвяшеть: «пойдемь на Семь, гдЂ ся остали жены и дЂти, готовъ намъ полонъ собранъ, ємлемъ же городы безъ опаса»; и тако раздЂлишася надвоє. Кончакъ пойде къ Переяславлю и оступи городъ, и бишася ту всь день. Володимеръ же Глебовичь бяше князь в Переяславль, бяше же дерзъ и крЂпокъ к рати, выЂха из города и потче, к нимъ, и по немь мало дерзнувъ дружинЂ, и бися с ними крЂпко; и обступиша мнозии половцЂ; тогда прочии, видевше князя своєго крЂпко бьющеся. выринушася из города, и тако отъяша князя своєго, язьвена сущи треми копьи. Сий же добрый Володимеръ язвенъ трудень въЂха во городъ свой и утре мужественнаго поту своєго за отчину свою. Володимеръ же слашеть ко Святославу, и ко Рюрикови, и ко Давыдови, и рече имъ: «се половьци у мене, а помозите ми». Святославъ же слашеть ко Давыдови, а Давыдъ стояшеть у Треполя со смолняны. СмолнянЂ же почаша вЂче дЂяти, рекуще: «мы пошли до Києва, да же бы была рать, билися быхом; намъ ли иноЂ рати искати, то не можемь, уже ся єсмы изнемогли». Святославъ же съ Рюрикомъ и со инЂми помочьми влегоша во ДнЂпръ, противу половцемъ, а Давыдъ возвратися опять со смолняны. То слышавше половци, и возвратишася отъ Переяславля; идущи же мимо, приступиша к Римови. Римовичи же затворишася в городЂ, и, возлЂзше на заборолЂ, и тако, божиимъ судомъ, летЂста д†городници с людми, тако к ратнымъ, и на прочая гражаны найде страхъ; да которЂи же гражанЂ выйдоша изъ града и бьяхуться, ходяще по Римьскому болоту, то тЂи избыша плЂна, а кто ся осталъ в город, и тЂ вси взяти быша. Володимеръ же слашеться ко Святославу Всеволодичю и ко Рюрикови Ростиславичю, понуживая ихъ к собЂ, да быша єму помоглЂ; они же опоздашася, сжидающе Давыда с смолняны, и тако князЂ рускиЂ опоздишася и не заЂхаша ихъ. Половци же вземше городъ Римовъ и ополонишася полона, и пойдоша восвояси; князи же возворотишася в домы своя, бяхуть бо печални, и со сыномъ своимъ ВолодимЂромъ ГлЂбовичемъ, зане бяшеть раненъ велми язвами смертьными, и хрестьянъ плененыхъ отъ поганыхъ. И се богъ казня ны, грЂхъ ради нашихъ, наведе на ны поганыя, не аки милуя ихъ, но насъ казня и обращая ны к покаянью, да быхомся востягнули отъ злыхъ своихъ дЂл; и симъ казнить ны нахожениємь поганыхъ, да некли смиривъшеся воспомянемься отъ злаго пути. А друзии половцЂ идоша по оной сторонЂ к Путивлю, Кза у силахъ тяжькихъ, и повоєвавши волости ихъ и села ихъ пожгоша, пожгоша же и острогъ у Путивля и возвратишася восвояси.

Игорь же Святославличь тотъ годъ бяшеть и в половцехъ и глаголаше: «азъ по достоянью моєму восприяхъ побЂду отъ повеления твоєго, владыко господи, а не поганьская дерзость обломи силу рабъ твоих; не жаль ми єсть за свою злобу прияти нужьная вся, ихъ же єсмь принялъ азъ». Половци же аки стыдящеся ›водства єго и не творяхуть єму пакости, но приставиша к нему сторожовъ 15 отъ сыновъ своихъ, а господичичевъ пять, то тЂхъ всихъ 20; но волю єму даяхуть, гдЂ хочеть, ту Ђздяшет и ястребомь ловяшеть; а своихъ слугъ съ 5 и съ 6 с нимь Ђздяшеть; сторожЂвЂ же тЂ слушахуть єго и чьстяхуть єго, и гдЂ послашеть кого, бесъ пря творяхуть повелЂноє имъ. Попа же бяшеть привелъ из Руси к собЂ со святою службою: не вЂдяшеть бо божия промысла, но творяшеться тамо и долъго быти. Но избави и господь за молитву хрестьяньску, имъ же мнозЂ печаловахуться и проливахуть же слезы своя за него. Будущю же єму в половцехъ, тамо ся налЂзе ся мужь родомъ половчинъ, именемъ Лаворъ; и тотъ приимъ мысль благу и рече: «пойду с тобою в Русь». Игорь же исперва не имяшеть єму вЂры, но держаше мысль высоку своєя уности, мышляшеть бо, ємше мужь, и бЂжати в Русь, молвяшеть бо: «азъ славы дЂля не бЂжахъ тогда отъ дружины и нынЂ не славнымъ путемъ не имамъ пойти». С нимь бо бяшеть тысячкого сынъ и конюший єго, и та нудяста и, глаголюща: «пойди, княже, въ землю Рускую, аще восхощеть богъ избавить тя»; и не угодися єму время таково, какого же искашеть. Но якоже преже рекохомъ возвратишася отъ Переяславля половци; и рекоша Игореви думци єго: «мысль высоку и неугодну господеви имЂєшь в собЂ: ты ищеши няти мужа и бЂжати с нимъ; а о семь чему не разгадаєшь, оже приЂдуть половци с войны, а се слышахомъ, оже избита имъ князя и васъ и всю Русь? да не будеть славы тобЂ, ни живота». Князь же Игорь приимъ во сердцЂ совЂтъ ихъ, уполошася приЂзда ихъ и возиска бЂжати: не бяшеть бо єму лзЂ бЂжати в день и в нощь, имъ же стороже†стережахуть єго, но токмо и веремя таково обрЂтЂ в заходъ солнца. И посла Игорь к Лаврови конюшого своєго, река єму: «перееди на ону сторону Тора, с конемь поводнымъ», бяшеть бо съвЂчалъ с Лавромъ бЂжати в Русь. В то же время половци напилися бяхуть кумыза, а и бы при вечерЂ: пришедъ конюший, повЂда князю своєму Игореви, яко ждеть єго Лаворъ. Се же вставь ужасенъ и трепетенъ и поклонися образу божию и кресту честному, глаголя: «господи, сердцевидче! аще спасеши мя, владыко, ты недостойнаго», - и возмя на ся крестъ, икону, и подойма стЂну и лЂзе вонъ. Сторожемъ же єго играющимъ и веселящимся, а князя творяхуть спяща. Сий же пришедъ ко рЂцЂ и перебредъ и всЂде на конь: и тако поидоста сквозЂ вежа. Се же избавлениє створи господь в пятокъ, в вечерЂ. И иде пЂшь 11 денъ до города Донця, и оттолЂ иде во свой Новъгородъ, и обрадовавшаяся єму; из Новагорода иде ко брату Ярославу к Чернигову, помощи прося на Посемьє. Ярославъ же обрадовася єму и помощь єму дати обЂща. Игорь же оттолЂ Ђха ко Києву к великому князю Святославу, и радъ бысть єму Святославъ, также и Рюрикъ сватъ єго.






[За виданням: Повесть о походе Игоря Святославича на половцев. Из Киевской летописи / Древняя русская литература. Хрестоматия. Сост. Н.И.Прокофьев. — М., 1980. — С.90-95.]










Див. також:

Літопис руський за Іпатським списком (ПСРЛ, Т. II)









Головна                   Переклад



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.