Головна





СКАЗАНІЄ ПРО ВБИВСТВО В ОРДІ КНЯЗЯ МИХАЙЛА ТА БОЯРИНА ЙОГО ФЕОДОРА



Повість було укладено в 60-70-х рр. XIII ст. Пізніше її неодноразово перероблювали. Вона увійшла у розширеній та скороченій редакціях до складу Московського літописного зведення кінця XV ст., Ніконівського літопису, Тверського збірника, Пролога та Четьї-Мінеї. В її основі лежать реальні події 1246 р.

Текст наводиться за виданням: ПСРЛ. Спб, 1865, т. XV.




Въ лЂто 6746, по Божию попущению и гнЂву, бысть нахождениє Татарскоє на землю Рускую, за умножениє нашихь съгрЂшений; мнозии грады поплЂнены быша, иже и донынЂ мЂста ихъ стоять пуста, и многыа манастыри, и честныа церкви и села отъ того нечестиваго Батыєва плЂнениа запустЂша и нынЂ лЂсомъ зарастоша, точию знамениа имень имъ памятию отъ рода въ родъ предпосылаются, якоже имать уречениємъ рЂка ни во єдиномъ языцЂ, а єдинимъ именемъ зватися, такоже и мЂста много лЂта прозваниє своє имать. Случи же ся, якоже выше рЂхъ, по многыхъ божиихь разгнЂваниихь на землю Рускую, по мнозЂхъ гладЂхъ же, и морЂхъ и трусЂхъ великыхъ, и по избиєнии князей на Калкахъ отъ неименитыхъ и храброго воиньства, и всего оскудЂвшимъ, приити сему злочестивому Батыю, и убити великого князя Юриа Всеволодича на Сити и Василка Константиновича Ростовского храбраго*. Князю же великому Михаилу Всеволодичу дръжащу тогда Києвь, и приидоша къ нему послы отъ Батыа царя, онъ же увидЂвь словеса ихъ лестиваа, повелЂ избыти ихъ, а самъ повелЂ всему двору своєму събратися, и побЂже въ Угорскую землю и съ всЂми домашными своими; а инии бЂжаша въ далняа страны, а инии же крыяхуся въ горахъ, въ пещерахъ, и въ разсЂлинахъ и въ пропастехъ земныхъ, а инии затворяхуся въ градЂхъ крЂпкыхъ, а иныа въ непроходимиа бЂжаша островы, и мало отъ тЂхъ изьоставахуся, тЂхже, не по колицЂхъ временехъ, осадиша въ градЂхь, и исчетоша а въ число, и начаша на нихъ дань имати татарове. Слышавше же се, иже бяху розбЂжалися по чюжимъ землямъ, и что ихъ избылося, начаша събиратися помалу; начаша же ихъ звати татарове съ нуждею, глаголюще: «не подобаєтъ вамъ жити на землЂ каноно†[и] царе†Батыєви, не поклонившеся има»; мнози же ихавше поклонишася Батию царю. Обычай же имЂяше Батый царь и кханъ, аще кто приидетъ поклонитися има, не веляше прьвиє вести предъ ся, но приказано бяше вльхвомъ вести а сквозЂ огнь, и поклонитися кусту и огневи: а иже что съ собою принесоша цареви дары, отъ всего того взимающе вълхвове, въмЂтающе прь› въ огнь, потомъ же и самЂхъ предъ царя пущаху съ дары. Мнозии же князи и з бояры своими идяху с[к]возЂ огнь, и покланяхуся солнцу, и кусту и идоломъ ихъ, славы ради свЂта сего, прашааше кождо ихъ власти; они же безъ възбранениа даяху имъ, кто которыа власти хотяше, да прелстятся славою мира сего. Преподобному же князю Михаилу Всеволодичу, бывшу въ Угрыхъ 3 лЂта, и помалу пришедшу на свою землю, и пребывающу на своєй отчинЂ въ Чернигов[Ђ], видЂвше многы прелшающися славою свЂта сего, и посла господь благодать, и славу и даръ святаго духа на нь, и вложи єму въ сердце ихати предъ царя Батыя и обличити прелесть єго, имьже лестить христианы. Якоже древле великий мученикъ Христовь Георгий* не сътрьпЂ гонениа, движущася на христианы, самозванно приходитъ обличити Диоклитианово безумиє; тако и сей блаженный князь Михаилъ разгорЂся духомъ, опаляемь божиєю благодатию, въсхотЂ ихати кь цару Батиєви. И преже прииха [къ] отцу своєму духовному, повЂда єму, глаголя: «отче, хощу ихати къ цару Батыю и умрети за Христа и за правовЂрную вЂру». ОтвЂща єму отецъ: «мнози издивше сътвориша волю поганаго царя Батыя, прелстившеся славою свЂта сего, идоша сквозЂ огнь, и поклонишася солнцу, и кусту и идоломъ, и погубиша душа своа и тЂлеса; но ты, сыну Михаиле, аще хощеши ихати, то не сътвори тако, якоже и прочий, не иди сквозЂ огнь, ни поклонися кусту и идоломъ ихь, ни брашна, ни питиа ихъ не приимай вь [у]ста своа; но исповЂждь вЂру христианьскую, яко не достоитъ христианомь никомуже кланятися твари, токмо єдиному богу нашему Исусу Христу». Князь же Михаилъ и Феодорь, воєвода єго, глаголаста єму: «молитвою твоєю, отче, яко богъ хощетъ, тако и сътворитъ; се азъ бы того хотЂлъ, єже кровь свою пролиати за Христа и за вЂру христианьскую»; такожде и Феодорь глаголаше, воєвода єго. И глаголаша има душевный отець: «вы будета въ нынЂшнемъ роду но[во]явленнаа святаа мученика на утверъжениє инЂмъ вЂрнымъ человЂкомъ, аще тако сътворита». Князь же Михаилъ и воєвода єго Феодоръ обЂщастася сиє сътворити, и тако благословистася у отца своєго духовнаго; тогда дасть има отецъ причастиє на путь, рекше преждесвященноє, и благослови а, отпусти, и глагола има: «Богъ да укрЂпитъ ваю и послетъ вамъ помощь, за негоже тщитася пострадати». Тогда князь Михаиль иха вь домъ свой, и взять отъ имЂниа своєго, єже бЂ єму на потребу на путь, и поиде во Орду; многы же земли проихавшу єму, доихавшу до Батыа царя. И повЂдаша Батыєвы царю: «князь великий Рускый Михаилъ приихалъ поклонитися тебЂ»; царь же Батый повелЂ призвати влъхвы своа; влъхвомъ же пришедшимъ предъ царя, и рече имъ царь: «еже єсть по обычаю нашему сътворити князю Михаилу, и потомъ приведите єго предъ мене». ОнЂмъ же шедшимъ кь великому князю Михаилу, глаголаша єму: «царь Батый зоветъ тя». Онъ же поимъ воєводу своєго Феодора идяше съ нимъ, и доидоша мЂста, идеже бяше огнь складень съ обЂ странЂ, мнозии погании идяху сквозЂ огнь и поклоняхуся солнцу и идоломъ. Вльсви же хотЂша Михаила и Федора вести сквозЂ огнь, и яко поведоша ихъ, Михаиль же рече имъ: «не достоитъ намъ христианомъ ходити сквозЂ огнь, ни поклонитися идоломъ, имже сии кланяются; тако єсть вЂра христианскаа не кланятися твари и идоломъ, но поклонятися святЂй троици, отцу и сыну и святому духу». Михаилъ же рече воєводъ своєму Феодорови: «лучши єсть намъ [не] кланятися, єму же сии кланяются». Они же остависта єю на мЂстЂ, идеже бЂста приведена, идоша повЂдати цару Батыю, глаголюще: «Михаилъ повелЂниа твоєго, царю, не слушаєтъ, сквозЂ огнь не идетъ, а богомъ твоимъ не кланяется, и глаголеть: не достоитъ намъ христианомъ сквозЂ огнь ходити, ни поклонятися солнцу, ни идоломъ, но єдиному кланятися сътворшему вся отцу и сыну и святому духу». Царь же Батый възъярився велми, посла єдиного отъ велможъ своихъ, столника своєго именемъ єлдегу, и глагола єму: «иди и рци Михаилови: почто єси повелЂниє моє преобЂдилъ, богомъ моимъ не поклонился єси? но отселЂ єдино отъ двою избери себЂ, животъ или смерть; или повелЂниє моє съхраниши, и сквозЂ огнь пройдеши, и богомъ моимъ поклонишися, и живь будеши, и княжениє своє все з великою честию отъ мене приимеши; аще ли не пройдеши сквозЂ огнь, и не поклонишися солнцу, и кусту и идоломъ, то злою смертию умреши». єлдега же шедъ повЂда сиа царевы глаголы Михаилу. Тогда отвЂща Михаилъ: «тебЂ цару кланяются, понеже ти богъ поручилъ царство свЂта сего; а ємуже велиши кланятися, то азъ не кланяюся». И рече єму єлдега, столникъ царевь: «Михаиле! вЂдаа будешь яко мертвь єси». Михаилъ же отвЂща єму: «азъ того хощу єже за Христа моєго пострадати, и за правовЂрную вЂру кровь свою пролиати». Тогда глагола єму внукъ єго, князь Борисъ Васильковичь* Ростовский, съ плачемъ многымъ: «господине отче! сътвори волю цареву»; тогда же такожде и бояре Борисови глаголаша: «господине княже! вси за тя приимемъ опетемию [со] своєю областию». Тогда Михаилъ отвЂща имъ: «не хощу токмо именемъ зватися христианынъ, а дЂло поганыхъ сътворити». єгда же се Михаилъ глаголаше къ нимъ, Феодорь, воєвода єго, помышляше въ себЂ, глаголя: «еда како ослабЂєть князь мой молениємъ сихъ, помянувъ любовь женскую и дЂтей ласканиє?» бЂ бо Борисъ 15 лЂть и многы слезы предъ дЂдомъ изливаше; тогда Феодоръ, помянувь слово отца своєго духовнаго, и рече Михаилу: «помниши ли, Михаиле, слово отца своєго духовнаго, єже учаше насъ отъ святаго євангелиа? рече бо господь: иже хощетъ душу свою спасти, погубитъ ю; а иже погубитъ душу свою мене ради, той спасеть ю; и пакы рече: каа полза человЂку, аще сего мира приобрящетъ, а душу свою отщетитъ? или что дасть человЂкь измЂну на души своєй? иже бо постыдится мене [и] моихъ словесъ въ родЂ семь, [и сынъ человЂческий постыдится єго]; и [аще кто] исповЂсть предъ человЂкы, и азъ исповЂмъ єго предъ отцемь моимъ, иже єсть на небесЂхь; а иже отврьжется мене предъ человЂкы, отверьгуся єго и азъ предъ отцемъ моимъ, иже єсть на небесехъ». Си же глаголаше Феодоръ къ Михаилу; они же начата молити єго прилежно, да послушаєтъ ихъ. Михаилъ же глаголаше къ нимъ: «не слушаю васъ, не погублю душа своєа»; тогда Михаилъ снемъ съ себе коць свой, врьже къ нимъ, и глагола имъ: «приимЂте сего свЂта славу, аже вы єго хощете». Слышавъ же сиа єлдега, яко сии не увЂщаша єго, и иха кь цареви повЂдати єже рече Михаилъ. Бяху же на мЂстЂ томъ стоаше множество христиань и поганыхь, слышаху словеса, єже отвЂщеваше Михаилъ кь цареви. Тогда блаженный Михаилъ съ Федоромъ начаша себЂ пЂти; и по отпЂтыи взяша святоє причащениє, єже далъ бЂ има отець єю, иже и благослови ихь на то єже пострадати за Христа; и глаголаху ту предстоящии князь Михаилу: «Михаиле, идуть отъ царя убийци убивати васъ; поклонитася и жива будета». Михаилъ же и Феодоръ, воєвода єго, яко єдинЂми усты отвЂщаваста, глаголюще: «не кланяевЂся, ни слушаєвЂ васъ, славы ради свЂта сего». И начаста пЂти: мученици твои, господи, не отврьгошася тебе, не отступиша отъ заповЂдей твоихъ; и паки: страдавше тебе ради, Христе, многыа мукы претерпЂвше, и прочаа. Си блаженная, укрЂпльшеся надеждею Христовою и молитвами святыхъ мученикь, стаста яко столпа непреклонна и недвижима. Тогда приихавша убийцы, сскочивше съ коней, въсхватиша князя Михаила, и растягоша єго за руцЂ и за нозЂ, и начаша єго быти рукама по сердцу, и посемь поврьгоша єго ниць на землю, биаху єго пятами; сему же надолзЂ бывшу, нЂкто, бывъ преже христианинь, послЂди же погань и законопреступникь, отврьгся вЂры христианьскыя и бысть погань, именемъ Дамась, се[й] отрЂза главу князю Михаилу, Христову мученику, и верже ю прочь. И потомъ глаголаша Феодорови: «ты поклонися богомъ нашимъ, и приимеши княжениє князя своєго». И глагола имъ Феодоръ: «княжениа не хощу, и богомъ вашимъ не кланяюся, но хощу пострадати за Христа, якоже и князь мой». И тогда начаша и Феодора мучити, якоже и князя Михаила; послЂди же и честную єго главу отрЂзаша. Ти тако благодаряще Христа пострадатаста крЂпко, и предаста свят и свои души въ руцЂ божии, новосвятаа мученика; святЂи же тълеси єю повръжени псомъ на снЂдь. На многы же дни лежащима има, божиєю благодати[є]ю съблюдена быста и неврежени тЂлеси єю, челрвЂколюбецъ же господь, милосердый богъ нашь, прославляа святыа своа угодники, пострадавшаа за нь и за правовЂрную вЂру кровь свою пролиаста, явися столпь огненъ надь тЂлесе єю, сиающь отъ земля до небеси пресвЂтлыми лучами паче солнца, на утврьждениє вЂрнымъ христианомъ, а на обличениє тЂмъ, иже, оставивше истиннаго бога, покланяются твари, идоломъ, [и н]а устрашениє поганымъ. Свят и же и честнЂи тЂлеси єю нЂкыми христианы богобоязнивыми съхранен[и] быста. Бысть же убиєниє єю въ лЂто шеститысячноє и седмосотноє и пятдесятъ третиє, мЂсяца септевриа 20 день, на память святаго великомученика Єустафиа Плакыды* ...





[1] На р. Сіті, правій притоці р. Мологи, 1238 року сталася битва з монголо-татарами, в якій загинули Юрій Всеволодович та інші володимирські князі, а ростовський князь тяжко пораненим був захоплений у полон і жорстоко закатований.

[2] Георгій — популярний на Русі герой легендарно-християнського єпоса.

[3] Борис Василькович (1231-1277) — син загиблого у битві на р. Сіті Василька Костянтиновича ростовського.

[4] Євстафій Плакида — герой візантійского романа-житія, в которому йшлося про мученицьке життя самого Євстафія і його родини. Цей роман-житіє був відомий на Україні з XI в.






[За виданням: Повесть об убиении в Орде Михаила Черниговского и боярина его Федора / Древняя русская литература. Хрестоматия. Сост. Н.И.Прокофьев. — М., 1980. — С.125-128. В тексті відновлено йотовані "єсть".]






Головна





Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.