Попередня       Головна       Наступна (другий варіант житія)

ЖИТІЄ ОЛЕКСАНДРА НЕВСЬКОГО

Житіє написано невідомим галицьким книжником. Подається за одним з найдавніших списків (всьго їх 13), що датується кінцем XV ст. Підготовка тексту В.І.Охотникової.

ПОВЂСТИ О ЖИТИИ И. О ХРАБРОСТИ БЛАГОВЂРНАГО И ВЕЛИКАГО КНЯЗЯ АЛЕКСАНДРА

О господЂ нашемь Исусе ХристЂ, сыне божии.

Азъ худый и многогрЂшный, малосъмысля, покушаюся писати житие святаго князя Александра, сына Ярославля, а внука Всеволожа. Понеже слышах от отець своихъ и самовидець есмь възраста его, радъ бых исповЂдалъ святое и честное и славное житие его. Но яко же Приточникъ рече: «Въ злохытру душю не внидеть прЂмудрость: на вышнихъ бо краих есть, посреди стезь стояше, при вратЂх же силных присЂдит». Аще и грубъ есмь умомъ, но молитвою святыа богородица и поспЂшениемь святаго князя Александра начатокъ положю.

Съй бЂ князь Александръ родися от отца милостилюбца и мужелюбца, паче же и кротка, князя великаго Ярослава и от матере Феодосии. Яко же рече Исайя пророк: «Тако глаголеть господь: «Князя азъ учиняю, священни бо суть, и азъ вожю я». Воистинну бо без божия повелЂния не бЂ княжение его.

Но и взоръ его паче инЂх человекъ, и глас его — акы труба в народЂ, лице же его — акы лице Косифа, иже бЂ поставилъ его египетьскый царь втораго царя въ ЕгиптЂ, сила же бЂ его — часть от силы Самсоня, и далъ бь ему богъ премудрость Соломоню, храборъство же его — акы царя римскаго Еуспесиана, иже бЂ плЂнилъ всю землю Иудейскую. ИнЂгде исполчися къ граду Асафату приступити, и исшедше гражане, побЂдиша плъкъ его. И остася единъ, и възврати к граду силу ихъ, къ вратом граднымъ, и посмЂяся дружинЂ своей, и укори я, рекъ: «Остависте мя единого». Тако же и князь Александръ — побЂжая, а не побЂдимъ.

И сего ради нЂкто силенъ от Западныя страны, иже нарицаются слугы божия, от тЂх прииде, хотя видЂти дивный възрастъ его, яко же древле царица Южичьская приходи к Соломону, хотящи слышати премудрость его. Тако и сей, именемъ АидрЂяшь, видЂвь князя Александра и, възвратився къ своимъ, рече: «Прошед страны, языкъ, не видЂх таковаго ни въ царехъ царя, ни въ князехъ князя».

Се же слышавъ король части Римьскыя от полунощныя страны таковое мужество князя Александра и помысли в собЂ: «Пойду и плЂню землю Александрову». И събра силу велику и наполни корабля многы полковъ своих, подвижеся в силЂ тяжцЂ, пыхая духомъ ратным. И прииде в Неву, шатаяся безумиемь, и посла слы своя, загордЂвся, в Новъгородъ къ князю Александру, глаголя: «Аще можеши противитися мнЂ, то се есмь уже зде, плЂняя землю твою».

Александръ же, слышав словеса сии, разгорЂся сердцемъ, и вниде в церковъ святыя Софиа, и, пад на колЂну, пред олътаремъ, нача молитися съ слезами: «Боже хвалный, праведный, боже великый, крЂпкый, боже превЂчный, основавый небо и землю и положивы предЂлы языком, повелЂ жити не прЂступающе в чюжую часть». Въсприимъ же пророческую пЂснь, рече: «Суди, господи, обидящим мя и возбрани борющимся со мною, приими оружие и щитъ, стани в помощь мнЂ».

И, скончавъ молитву, въставъ, поклонися архиепископу. Епископъ же бЂ тогда Спиридонъ, благослови его и отпусти. Он же, изшед ис церкви, утеръ слезы, нача крЂпити дружину свою, глаголя: «Не в силах богъ, но въ правдЂ. Помянемъ ПЂснотворца, иже рече: «Сии въ оружии, а си на конЂх, мы же во имя господа бога нашего призовемь, тии спяти быша и падоша, мы же стахом и прости быхом». Си рЂк, поиде на нихъ в малЂ дружинЂ, не съждався съ многою силою своею, но уповая на святую троицу.

Жалостно же бЂ слышати, яко отець его, князь великый Ярославъ, не бЂ вЂдал таковаго въстания на сына своего, милаго Александра, ни оному бысть когда послати вЂсть къ отцю своему, уже бо ратнии приближишася. ТЂм же и мнози новгородци не совокупилися бЂшя, понеже ускори князь пойти. И поиде на ня въ день въскресениа, иуля въ 15, имЂяше же вЂру велику къ святыма мученикома Борису и ГлЂбу.

И бЂ нЂкто мужь старЂйшина в земли Ижерстей, именемъ Пелугий, поручено же бысть ему стража нощная морская. Въсприя же святое крЂщение и живяше посреди рода своего, погана суща, наречено же бысть имя его въ святЂмъ крЂщении Филипъ, и живяше богоугодно, в среду и в пяток пребываше въ алчбЂ, тЂм же сподоби его бог видЂти видЂние страшно в тъй день. Скажемъ вкратцЂ.

УвЂдавъ силу ратных, иде противу князя Александра, да скажеть ему станы. Стоящю же ему при край моря и стрежаше обою пути, и пребысть всю нощь въ бдЂнии. И яко же нача въсходити солнце, слыша шюмъ страшенъ по морю и видЂ насадъ единъ гребущь по морю, и посреди насада стояща святая мученика Бориса и ГлЂбъ въ одеждах чръвленых, и бЂста рукы дръжаща на рамЂх. Гребци же сЂдяху, акы мглою одЂани. Рече Борисъ: «Брате ГлЂбе, вели грести, да поможемь сроднику своему князю Александру». ВидЂв же таковое видЂние и слышавъ таковый глас от мученику, стояше трепетенъ, донде же насадъ отьиде от очию его.

Потомъ скоро поеде Александръ, он же, видЂв князя Александра радостныма очима, исповЂда ему единому видЂние. Князь же рече ему: «Сего не рци никому же».

ОттолЂ потщався наеха на ня въ 6 час дне, и бысть сЂча велика над Римляны, и изби их множество бесчислено, и самому королю възложи печать на лице острымь своимь копиемь.

ЗдЂ же явишася 6 мужь храбрых с самЂм с ним ис полку его.

Единъ именем Гаврило Олексичь. Се наЂха на шнеку, видЂв королевича, мча подъ руку, и възъЂха по досцЂ и до самогу корабля, по ней же хожаху с королевичем, иже текоша передъ ним, а самого, емше, свергоша и с конем в воду з доскы. И божьею милостью невреженъ бысть, и пакы наЂха, и бися с самЂм воеводою середи полку ихъ.

2 — именем Сбыславъ Якуновичь, новгородець. Се наЂха многажды на полкъ ихъ и бьяшеся единЂм топоромъ, не имЂя страха въ души своей, и паде нЂколико от руку его, и подивишася силЂ и храбръству его.

3-и — Яковъ, родомъ полочанинъ, ловчий бЂ у князя. Се наЂха на полкъ с мечемъ, и похвали его князь.

4 — новгородець, именемь МЂша. Се пЂшь натече на корабли и погуби 3 корабли з дружиною своею.

5-и — от молодыхъ его, именем Сава. Се въЂха в шатеръ великий королевъ золотоверхий и подъсЂче столпъ шатерный. Полци Олександрови, видЂвше шатра паденье, върадовашася.

6-и — от слугъ его, именем РатмЂръ. Се бися пЂшь, и оступиша и мнози. Он же от многых ранъ паде и тако скончася.

Си же вся слышах от господина своего великого князя Олександра и от инЂхъ, иже в то время обрЂтошася в той сЂчи.

Бысть же в то время чюдо дивно, яко же во древьняя дни при Езекии цесари. Еда приде Санахиримъ Асурийскый цесарь на

Иерусалимъ, хотя плЂнити град святый Ерусалимъ, внезапу изиде ангелъ господень, изби и от полка Асурийска 185 тысящь, и, въставше утро, обрЂтошася трупья мертвы вся. Тако же бысть при побЂдЂ АлександровЂ, егда побЂди короля, объ онъ полъ рЂки Ижжеры, иде же на бЂ проходно полку Олександрову, здЂ обрЂтоша много множъство избьеных от ангела господня. Останокъ же их побЂже, и трупиа мертных своих наметаша корабля и потопиша в мори. Князь же Александръ возвратися с побЂдою, хваля и славя имя своего творца.

Въ второе лЂто по возвращении с побЂды князя Александра приидоша пакы от Западныя страны и возградиша град въ отечьст†АлександровЂ. Князь же Александръ воскорЂ иде и изверже град их из основания, а самых извЂша и овЂх с собою поведе, а инЂх, помиловавъ, отпусти, бЂ бо милостивъ паче мЂры.

По побЂдЂ же АлександровЂ, яко же побЂди короля, в третий год, в зимнее время, поиде на землю немецкую в велицЂ силЂ, да не похвалятся, ркуще: «Укоримъ Словеньскый языкъ ниже себе».

Уже бо бяше град Псков взят и намЂстникы от немець посажени. Он же въскорЂ градъ Псковъ изгна и немець изсЂче, а инЂх повяза и град свободи от безбожных немець, а землю их повоева и пожже и полона взя бес числа, а овЂх иссече. Они же, гордии, совокупишася и рекоша: «Поидемъ и побЂдим Александра и имемъ его рукама».

Егда же приближишася, и очютиша я стражие. Князь же Александръ оплъчися, и поидоша противу себе, и покриша озеро Чюдьское обои от множества вои. Отець же его Ярославъ прислалъ бЂ ему брата меньшаго АндрЂя на помощь въ множест†дружинЂ. Тако же и у князя Александра множество храбрых, яко же древле у Давыда царя силнии, крЂпции. Тако и мужи Александровы исполнишася духом ратнымъ, бяху бо сердца их, акы сердца лвомъ, и рЂшя: «О княже нашь честный! НынЂ приспЂ врЂмя нам положити главы своя за тя». Князь же Александръ воздЂвъ руцЂ на небо и рече: «Суди ми, боже, и разсуди прю мою от языка непреподобна и помози ми, господи, яко же древле Моисию на Амалика и прадЂду нашему Ярославу на окааннаго Святополка».

БЂ же тогда субота, въсходящю солнцю, и съступишася обои. И бысть сЂча зла, и трусъ от копий ломления, и звукъ от сечения мечнаго, яко же и езеру померзъшю двигнутися, и не бЂ видЂти леду, покры бо ся кровию.

Се же слышах от самовидца, иже рече ми, яко видЂх полкъ божий на въздусЂ, пришедши на помощь Александрови. А тако побЂди я помощию божиею, и даша плеща своя, и сЂчахуть я, гоняще, аки по иаеру, и не бЂ камо утещи. Зде же прослави богъ Александра пред всЂми полкы, яко же Исуса Наввина у Ерехона. А иже рече, имемь Александра руками, сего дасть ему богъ в руцЂ его. И не обрЂтеся противникъ ему въ брани никогда же. И возвратися князь Александръ с побЂдою славною, и бяше множество полоненых в полку его, и ведяхут босы подле коний, иже именують себе божии ритори.

И яко же приближися князь къ граду Пскову, игумени же и попове и весь народ срЂтоша и пред градомъ съ кресты, подающе хвалу богови и славу господину князю Александру, поюще пЂснь: «Пособивый, господи, кроткому Давыду побЂдити иноплеменьникы и вЂрному князю нашему оружиемь крестным и свободи градъ Псков от иноязычникъ рукою Александровою».

И рече Александръ: «О невЂгласи псковичи! Аще сего забудете и до правнучатъ Александровых, и уподобитеся жидом, их же препита господь в пустыни манною и крастелми печеными, и сихъ всЂх забыша и бога своего, изведшаго я от работы изь Египта».

И нача слыти имя его по всЂмь странамъ, и до моря Хонужьскаго, и до горъ Араратьскых, и об ону страну моря Варяжьскаго, и до великаго Риму.

В то же время умножися языка литовьскаго и начаша пакостити волости Александрове. Он же выездя и избиваше я. Единою ключися ему выехати, и побЂди 7 ратий единЂмъ выездомъ и множество князей их изби, а овЂхъ рукама изыма, слугы же его, ругающеся, вязахуть их къ хвостомъ конен своихъ. И начаша оттолЂ блюсти имени его.

В то же время бЂ царь силенъ на ВъсточнЂй странЂ, иже бЂ ему богъ покорилъ языкы многы, от въстока даже и до запада. Тъй же царь, слышавъ Александра тако славна и храбра, посла к нему послы и рече: «Александре, вЂси ли, яко богъ покори ми многы языкы. Ты ли един не хощещи покорити ми ся? Но аще хощеши съблюсти землю свою, то приеди скоро къ мнЂ и видиши честь царства моего».

Князь же Александръ прииде в Володимеръ по умертвии отца своего в силЂ велицЂ. И бысть грозенъ приезд его, и промчеся вЂсть его и до устья Волгы. И начаша жены моавитьскыя полошати дЂти своя, ркуще: «Александръ едет!»

Съдумав же князь Алескандръ, и благослови его епископъ Кирилъ, и поиде к цареви въ Орду. И видЂвъ его царь Батый, и подивися, и рече велможамъ своимъ: «Истинну ми сказасте, яко нЂсть подобна сему князя». Почьстивъ же и честно, отпусти и.

По сем же разгнЂвася царь Батый на брата его меншаго АндрЂя и посла воеводу своего Неврюня повоевати землю Суждальскую. По плЂнении же Неврюне†князь великый Александръ церкви въздвигну, грады испольни, люди распуженыа събра в домы своя. О таковых бо рече Исайя пророкъ: «Князь благь въ странах — тих, увЂтливъ, кротокъ, съмЂренъ, по образу божию есть». Не внимая богатьства и не презря кровъ праведничю, сиротЂ и вдовици въправду судяй, милостилюбець, благъ домочадцемь своимъ и вънЂшнимъ от странъ приходящимь кормитель. На таковыя богъ призирает, бог бо не аггеломъ любит, но человекомъ си щедря ущедряеть и показаеть на мирЂ милость свою.

Распространи же богъ землю его богатьствомъ и славою, и удолъжи богъ лЂт ему.

НЂкогда же приидоша къ нему послы от папы из великого Рима, ркуще: «Папа нашь тако глаголет: «Слышахом тя князя честна и дивна, и земля твоя велика. Сего ради прислахом к тобЂ от двоюнадесятъ кординалу два хытреша — Агалдада и ГЂмонта, да послушаеши учения ихъ о законЂ божии».

Князь же Александръ, здумавъ съ мудреци своими, въсписа к нему и рече: «От Адама до потопа, от патопа до разделения языкъ, от разьмЂшениа языкъ до начяла Авраамля, от Авраама до проитиа Иисраиля сквозе море, от исхода сыновъ Иисраилевъ до умертвия Давыда царя, от начала царства Соломоня до Августа и до Христова рожества, от рожества Христова до страсти и воскресения, от въскресения же его и на небеса възшествиа и до царства Константинова, от начала царства Константинова до перваго збора и седмаго — си вся добрЂ съвЂдаемь, а от вас учения не приемлем». Они же възвратишася въсвояси.

И умножишася дни живота его в велицЂ славЂ, бЂ бо иерЂелюбець и мьнихолюбець, и нищая любя, митрополита же и епископы чтяше и послушааше их, аки самого Христа.

БЂ же тогда нужда велика от иноплеменникъ, и гоняхут христианъ, веляще с собою воиньствовати. Князь же великый Александръ поиде к цареви, дабы отмолити люди от бЂды тоя.

А сына своего Дмитрия посла на Западныя страны и вся полъкы своя посла с нимъ и ближних своих домочадець, рекши к ним: «Служите сынови моему, акы самому мнЂ, всЂмь животомъ своимъ». Поиде князь Димитрий в силЂ велицЂ, и плЂни землю нЂмецкую, и взя град Юрьевъ, и възвратися к Новугороду съ многымъ полоном и с великою корыстию.

Отець же его князь великый Александръ възвратися из Орды от царя, и доиде Новагорода Нижняго, и ту пребывъ мало здрав, и, дошед Городца, разболЂся. О горЂ тобЂ, бЂдный человече! Како можеши написати кончину господина своего! Како не упадета ти зЂници вкупЂ съ слезами. Како же не урвется сердце твое от корения! Отца бо оставити человекъ может, а добра господина не мощно оставити: аще бы лзЂ, и въ гробъ бы лЂзлъ с ним!

Пострада же богови крЂпко, остави же земное царство и бысть мних, бЂ бо желание его паче мЂры аггельскаго образа. Сподоби же его богъ и болший чин приати — скиму. И так богови духъ свой предасть с миромъ месяца ноября въ 14 день, на память святаго апостола Филиппа.

Митрополит же Кирилъ глаголаше: «Чада моя, разумЂйте, яко уже заиде солнце земли Суздальской!» ИерЂи и диакони, черноризци, нищии и богатии и вси людие глаголааху: «Уже погыбаемь!»

Святое же тЂло его понесоша къ граду Володимерю. Митрополитъ же, князи и бояре и весь народ, малии, велиции, срЂтоша и въ БоголюбивЂмъ съ свЂщами и с кандилы. Народи же съгнатахутся, хотяще прикоснутися честнЂмь одрЂ святого тЂла его. Бысть же вопль, и кричание, и туга, яка же нЂсть была, яко и земли потрястися. Положено же бысть тЂло его въ Рожестве святыя богородица, въ архимандритьи велицЂй месяца ноябриа, въ 24, на память святаго отца Амфилохия.

Бысть же тогда чюдо дивно и памяти достойно. Егда убо положено бысть святое тЂло его в раку, тогда Савастиян икономъ и Кирилъ митрополит хотя розьяти ему руку, да вложат ему грамоту душевную. Он же, акы живъ сущи, распростерЂ руку свою и взят грамоту от рукы митрополита. И приятъ же я ужасть, и одва отступиша от ракы его. Се же бысть слышано всЂмъ от господина митрополита и от иконома его Савастияна. Кто не удивится о сЂмъ, яко тЂлу, бездушну сущю и везому от далних градъ в зимное время!

И тако прослави богъ угодника своего.

За вид.: Житие Александра Невского / Памятники литературы Древней Руси. XIII век. — М., 1981. — С.426-439.

Підготовка тексту В.І.Охотникової.

Подається текст першої редакції «Житія Олександра Невського» («Повість о житії і о храбрості Олександра Невського») за одним з найдавніших з 13-ти списків, який датується кінцем XV ст. (ГИМ, Синодальне зібрання №154). Відсутній у цьому списку епізод про шість храбреців і розповідь про чудо за Іжорою внесені з тексту житія в Лаврентіївському літописі (ГПБ, IV, №2).

Попередня       Головна       Наступна (другий варіант житія)