Попередня       Головна       Наступна





ФІЗІОЛОГ



СЛОВО И СКАЗАНИЕ О ЗВЕРЕХ И ПТАХАХ


Фисилогъ и о лвЂ. Три естества имат левъ. Егда бо раждает лвица мьртво и слепо раждает, седит же и блюдет до третьего дьни. По трех же днех приидет левъ и дунет в ноздри ему и оживет. Тако и о вЂрных языцЂхъ. Прежде бо крещениа мьртви суть, по крещении же просвЂщаються от святаго духа.

Второе естество лвово. Егда спит, а очи его бдита. Тако и господь наш рече ко июдеом, якоже: «Азъ сплю, а очи мои божественыа и сердце бдита».

А третье естество лвово: егда отбегает лвица, хвостом своим покрывает стопы своя. Да не может ловець осочити слЂда его.

Тако и ты, человЂче. Егда твориши милостыню, да не чюет леваа рука, что творит десница твоя. Да не возбранит дьяволъ дЂло помысла твоего.

О утропЂ. Утропъ имать два рога. Живет же близъ рЂкы акиана на крайны земли. Да егда ся вожедает, пьет от нея и упиваеться и бореться со землею и чешет роги своими. И есть же тамо древо нарицаемо танисъ, подобно зЂло виннЂй лозЂ добрами вЂтми и густо прутиемъ и чеша прутиемъ соплетаеться в них и обрЂтаеть его ловець и удолЂеть ему.

Тако и человЂкъ. В рогъ мЂсто далъ ему есть богъ оба завЂта, вЂтхаго и новаго. Рогы противныа сили, якоже рече пророкъ Давидъ. О тобЂ врагы наша избодем рогы. РЂка акианьска есть богатъство. Танис же — сласть житейскаа. Да въплетаяся человЂкъ не брЂжет о вЂрЂ, но обрЂтъ и дьяволъ и удолеет ему.

О слонЂ. Слонъ живетъ на горах. Слоница обрящет былие, нарицаемое мандрагураи и взимает от нея. Тако же и слонъ и гиниться с нею. И егда раждаеть, взаиит в реку до вымене и раждаеть в воде. Спить же при древЂ. Да егда падется от него, вопиеть и приидет слонъ великъ и не может возвести его и пакы друзии 12. Да ни ти. Да тогда же возопиете оба на десяте. И приидет инъ малъ и подложитъ ротъ свой и возмЂть и.

Сиречь первый слонъ Евга, вторый Адамъ. Былие древо преслушаниа. А еже вкуси, яко преступи. А еже увы мнЂ, яко съгрЂши. И что озеро? Рожеству рай. И что приклоннаа древеса? Оплота райскаа. И кто сикырою ... дьяволъ. И кто сикира? Языкъ змиевъ. И еже паде, яко изгнан бысть. И кто великий слонъ? Моиси. И кто 12 слона не могше извести его и кто изведе его? Христос. То бо возведе того Адама от ада.

О елени. Елень живеть 50 лЂт. И по сем ходит по странах и во дрязгах горьских пухает змии, да идеже налезет ю, облинавшюю трижды, обухает ю и помЂтаетъ ю. И шедъ пьеть воду. Аще ли не пьеть, то умирает. Аще испьеть, да живет другую 50 лЂт. Да сего дЂля рече пророкъ, якоже желает елень на источьники водныя.

Тако и ты, человЂче, три обновлениа имаши в собЂ: крещение, покоание и неистлЂние. Да егда согрЂшиши, тЂци ко церкви и ко источнику живу книжну и на сказание пророческое и пий воды живы, сиречь святое комкание.

О орлЂ. Орелъ живет лЂт сто. И ростеть конець носа его. И ослепнете очи его. Да не видит и не может ловити. Да возлетит на высоту, свержет себе на камень и уломиться конецъ носа его и куплеться во златЂ езерЂ. И сядет прямо солнцю. Да егда ся согрЂет, спадут чешюи с него и пакы птенець будет.

Тако и ты, человЂче, егда много согрЂшиши, взыди на высоту, сиречь в вЂру и плачися предложение грЂха и измыйся слезами своими. СогрЂйся въ церкви и сверзи с себЂ грЂхи.

О финиксЂ. Финиксъ красна птаха есть паче всЂх и павы краснЂй. Пава бо ни златом, ни сребром образъ имЂта, а финиксъ уакинфовъ и камениа многоцЂнна. ВЂнець носит на гла†и сапогы на ногу, якоже царь. Есть же близъ ИндЂя, близъ Солнечна града. Лежить же лЂт 500 на кедрех ливаньских безъ брашна. Питаеть же ся от святаго духа. И по пяти сотъ лЂт исполняеть крылЂ свои от добрых вонь. И клепает ереи Солнечнаго града и идет птаха та ко иерееви и входит во церковь. И сядет на степени олтарном иерей со птахою. И будет все попелъ. И заутра прииде ерей и обрящет птицю птенець младъ бывшь. И по двою дньма обрящеть ю совершену, якоже и преже была. И целует ю иерей и пакы отиде на свое мЂсто.

Да како неразумнии жидове не яша вЂры тридневному воскресению господа нашего Иисус Христа. Яко сию птицу самъ оживляеть, да какъ самъ себЂ не востави. Сего дЂля пророкъ Давидъ глаголеть: «Праведникъ яко финиксъ процвЂтеть, яко кедръ ливаньский умножится насаждение в дому господни». О иряби. Ирябь много яець пологает на гнЂзде своем. Любива же и чадом своим. Да идет на чюжда гнЂзда и крадет яйца ихъ. Да ся умножать чада ея.

Тако и ты, человЂче, елико богатьство сбираеши не имаши сыти, но еси на все несытъ.

О горлици. Горлица мужелюбица птах есть. Да аще бо погибнет единъ ею, отходит другаа в пустыню и сядет на усохле древЂ, плачющись подруга своего. И к тому не спряжеться сь имъ николиже.

Тако и ты, человЂче, отлучился еси жены своея к тому не прилепися к ней.

О неясыти. Неясытъ чадолюбива птах есть. Проклеваеть бо жена ребра птенцем своимъ. А онъ приходит от кормли своей. Проклюет ребра своя, да исходящи кровь оживляет птенца.

Тако и господь наш, от жидовъ копием ребра его прободоша. Изыиде кровь и вода. И оживи вселеную, сиречь умершаа. Сего дЂля и рече пророкъ, яко уподобихся неясыти пустыннЂй.

О ластовици. Ластовица в пустыни гнЂздо имат на распутии. Егда же ослепнет едино от птенець ея, идет в пустыню и принесет былие и положит на очию его. И прозрит.

Тако и ты, человЂче, егда съгрЂшиши, иди к молит†и приими покоание и единосущныя ради троица избавишися грЂха того.

О вдодЂ. Овдод творит гнЂздо свое и воспитает птенца своя. И посемъ облинают сами и будут нази. Да исходит единъ от птенець их и приносит пищу родителемъ своим, дондеже опернатеють и возлетита оба.

Тако и ты, человЂче. Егда ся состарееши, не отчай себЂ, но шед к церкви помолися и обрящеши милость.

О дятлЂ. Дятелъ пестра птица есть, живет же в горах и ходит на кедры и клюет носом своим. Да гдЂ налезЂть мякко древо, ту творит гнЂздо свое.

Тако и дьяволъ бореться со человЂкы. Да в нем же налезет слабость и небрежение молитвы, внидет в онь и вогнЂздяться. В нем же ли обрящет бодрость; бежит от него.

О лисици. Лисица егда будет голодна, идеть на мЂсто солнечно и ляжет на присолньи и держит душю свою надмЂться. ВидЂвше же ее птици, мняще мьртву, приидут да едят. Да егда ся приближат к ней воскочивши и имет от них и есть. И тако ся кормит.

О жене и о мужи. Есть жена на западе, а мужь на востоцЂ. Да совокупляетася оба. И изьес мужа своего жена главуи зачнет и родит двое. Да яко же родит, ту изьедят своя чада. И абие умрет. И отидет мужь на востокъ, а жена на западъ.

Тако и ты, человЂче, егда ти найдет житейскаа напасть, теци въ церковь и прослезися и возопи. И отступить от тебЂ неприазнь.

О Горгони. Въргони обличие имат жены красны и блудница. Владь же главы своеа суть змиа. А видение ея смерть. Играет же и смЂеться во время свое. Живет же в горах западных. Да егда приидут днье ея, да ся гонит. Станеть и начнет звать. Наченши от лва и прочаа звЂри, от человЂка до скотины и птиць и змиа, глаголющи: «Идете ко мнЂ». Да елико их услышат глас ее, идуть к ней. И видевше ю, измирают.

Тако бо разумЂет всякъ языкъ всем звЂрем, которым же образомъ уловляеть ю волхвъ, разумЂет хитростию своею от звЂздъ день, в ня же ся гонит. И поидеть на мЂсто ея, волхвуя отдалеча. Она же начнет звати, наченши от лва и прочая звЂри.

Егда же доидет языка волхвова, отзовется ей, глаголя: «Ископай яму на мЂсте и вложи в ню главу свою, да ее не вижу и умру. И прииду и лягу с тобою». И сотворит тако.

Тогда шедше волховъ посечеть ю за ся зря и не видить главы ея, да не умреть. И вложит ю во сосудину. Да егда узрит змиа или человЂкъ или звЂрь, кажеть имъ главу Горгонину и абие оцепенЂють и Александръ бо имяше ю и одоляше языком всем. И ты, человЂче, имЂй смыслъ ко господу и удобь одолееши противным силамъ.

О змии. Змиа егда поидет пити води, ядъ свой въ гнЂздЂ своем оставляет. Да не последи пьющиа уморит.

И ты, человЂче, егда идеши во церковъ святую, всяку злобу остави домаси.

И пакы, егда состареет змиа и не видит, шедши влезеть в камену расселину узку и поститься днии 40 и смирит себЂ и излинет и пакы млада будет.

И ты, человЂче, постился еси 40 день, да совлачися от льсти дьяволя и облечися в новый, обновляющийся во Христа.

И пакы, егда узрит человЂка змиа, бЂжить от него. Аще ли не узрит его совлечена, пришедши бореться с ним. Аще ли есть оболочен вЂрою, бежит от него.

Сего ради господь рече: «Бывайте умни, яко змиа и цЂли яко голуби».

О голуби. Голубъ славно есть во птицах. РазумЂй же о бЂлей и о чернЂй голубици, како ходят белый и пестрыа и черныа и чермьныя и кормят птенци свои бо... голубичи. Да не могут о собЂ возлетати, дондеже обыйдет чермнаа голубица и подаст имъ пищу не возлетять.

Тако и спасово пришествие рЂша пророци, Моиси и Аронъ, Самуилъ, Данилъ, Малахиа, Исайя, Иеремиа и прочии пророци о ИисусЂ. И не могоша урЂснити своего слова, дондеже прииде черьмнаа голубица, Иоан Креститель, то бо крести Иисуса, глаголя: «Се агнець божий, воземляй грЂхы всего мира». И ты, человЂче, не вдаляй себЂ от церкви; да не вуслышиши: «Не вЂде васъ».

О ехиднЂ. Ехидна есть, от полу и выше имать образъ человЂчь. А полъ ея и ниже имат образ коркодилъ. Ходита же и мужь и жена оба накупь. Да егда ся разгорит жена и хощется гонити, идеть к мужеви, изьесть лоно его. И зачнет и абие умрет муж ея. Да егда приближать родит жена, изьедят чрева ея чада своя. И умрет и та. И потом изыидут отцюубийци и материубийци, якоже и жидо†отцуубийци и материубийци.

Убиша отца, сиречь Христа, убиша матерь, сиречь церковь. Сего ради Иоан поноси ими, глаголя: «Чада ехиднова, кто показа вам бежати от грядущаго гнЂва?»

О стерце. Стеркъ чадолюбива птица есть. Да егда мужь принесет кормлю, блюдет жена его птенца. И измЂняета кождо их корьмлю. И блюдета гнЂздо свое.

Тако и ты, человЂче, ни вечеръ, ни за утра ушибайся молитвы, ни церкви. Николи же ти удолеет дьяволъ.

О утропЂ. Утропъ имать от пулу и до выше образ коневъ, а полъ его и до ниже образъ рыбий китовъ. Ходить же в мори и есть воевода всЂм рыбам. На странЂ же крайнЂй земли стоить рыба злата и не приходит от мЂста своего, да погрЂшится ловцем, ходя ко утропу. Да то акы воевода сый рыбам, идет на крайную землю ко златой той рыбЂ. Оближеть ю и того пакы облизают вси мужи рыбии. И отходят на своа мЂста мужи прежде, а жены послЂди. И помЂтают сЂмя мужи, а жены идучи послЂди, беруть и будут чреваты. И за седми деньми раждають. Егда же ходят на крайны земли, ставят рыбари мрежа своя на пропутие рыбамъ. Понеже будут чреваты, потоле не влавляют их.

Утроп же сказаемо есть Моисий начал пророчества. Море же весь миръ, а рыбы человЂци. Златаа рыба сказаеться вход правовЂрию. Ходят бо прежде пророци и облизаються святаго духа. Лижуще бо человЂци от учениа пророчества, последующе берут духовную благодать. Рыбари же суть бЂси. Мрежа же есть пагуба и льстиваа вождеваа, иже не идоша во слЂд утропа, сиречь Моисеова закона, но отдалишась и впадоша во мрежа рыбарь тЂх и погыбоша. А шедших во слЂд пророкъ ни сЂть, ни мрежа не постиже их.

О стерце и о прочих птахахъ. Стеркъ добра птица есть. Егда бо настанет весна, сберуться вси накупь со иными прочими птицами, со гусми и утвами и всякъ птиць род, от Египта и Лувиа и срацинъ. И возлетять вси и приидут во Лукию на реку нарицаемую Ксанфонъ и составят тамо брань со вранми и вронами и галицами и ... елико плотоядець есть.

Достоить и тЂмъ вЂдущим врЂмя обрЂстися тамо всЂмъ. Да неясыче воинъство и жеравино и прочих водных птиць и житоядець на единой странЂ рЂкы той исполчится по бЂрегу. А враново и прочих всех плотоядець птиць на друзЂм берЂзЂ рЂкы.

Строять же ся, бо шесть месяць соберуться на брань. ВЂдят бо и дьни, в ня же ся хотят бити. Да есть слышати до небеси голву и кровь тЂкущу во брани бьющимся птицам и отпадению пЂрию бес числа.

ТЂм же и лукиане вси перины имЂют на постЂлях своих от них. По расходу же брани той видят враны уязвлены и прочих плотоядець птиць множество такоже и стерково. И неясытиць немало и прочих птиць. Многы же от нихъ во брани той падають мьртвы.

Брань же ихъ межи собою творять, знамение являет от обоих побЂда всЂм человЂком. Аще бо стерково воинъство побЂдит, да будет гобина пшеница и прочих всЂх семенъ. Аще ли враново побЂдит, да будет множество овець и говядъ и инехъ четвероногъ.

Стеркови же имЂють и другое естество изрядно. Егда бо ся состареють родители их и не могут летати, чада их оба полы дръжаще и под пазухами преносят от мЂста на мЂсто. Тако ся кормят. Аще ли не видети начнут, да влагають имъ кормлю во уста чада своя. Да глаголеться от них мъзда и воздание.








За вид.: Физиолог / Памятники литературы Древней Руси. XIII век. — М., 1981. — С.474-485.

Підготовка тексту О.А.Бєлобрової.

Текст подається за списком ГИМ, зібр. Уварова, №515, лл.367зв.-375зв., початку XVI ст.







Попередня       Головна       Наступна



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.