Попередня       Головна       Наступна





ЧУДО ГЕОРГІЯ ПРО ЗМІЯ



ЧУДО, БЫВШЕЕ С СВЯТЫМЪ ВЕЛИКОМУЧЕНИКОМЪ ГЕОРГИЕМЪ О ЗМИИ


Благослови, отче!

Како изреку страшную сию и преславную тайну? Что возглаголю или что помышлю? Како начну глаголати и повЂдати дивное сие и преславное слышание? Азъ убо грЂшенъ есмь человЂкъ, но надЂюся на милосердие святого и великого мученика и страстотерпьца Христова Георгия; возвЂщаю вам чюдо сие, избранное во всЂхъ чюдесехъ его.

Бысть во она лЂта нЂкии град, именем Гевалъ, во странЂ Палестинъстей, и той бяше великъ зЂло и множество много людей въ немъ; и вси вЂроваху во идолы, почитающе ихъ по преданию и по велЂнию царскому, отъступиша бо отъ бога, и богь отъступи отъ нихъ.

Близь же бяше града того езеро велико, имЂя воду многу. По вЂре и по дЂломъ ихъ воздастъ имъ богъ: бысть убо змий великъ во езере том, и, исходя отъ езера оного, людей града того изьядаше. ИнЂхъ же свистаниемъ уморяше, других же удавляя восхищаше въ езеро. И бяше скорбь велика и плачь неутЂшимъ во градЂ томъ звЂря оного ради.

Во един же отъ днии собрашася вси людие града того и идоша ко царю своему, глаголяще: «Что сотворим — яко погибаемъ злЂ отъ змия сего?» Глагола имъ царь: «Аз, еже ми явиша бози, то и возвЂщаю вамъ, да сотворим убо совЂтъ сии: кийждо вас во вся дни сына своего или дщерь свою да подастъ на снедение змию по ряду, дондеже и на мя приидетъ число. Дамъ и азъ единородную мою дщерь». И годЂ бысть сей совЂтъ всЂмъ людем, и отъвЂщавше рекоша ко царю: «Воистину, о царю, сердце твое в руках боговъ есть; благодать же исповЂдуемъ имъ, отъкрывшим тебЂ совЂт сей». И шедше по ряду творяху повелЂние царево, наченьше отъ больших князь и до нижних, и по вся дни чада своя даяху на пищу змиеви при краи озера, ово убо сына своего, другий же дщерь свою, кричаще и плачюще зЂло. Исхожаше змий и восхищаше и ядяше.

Егда же вси людие отъдаша своя чада, абие пришедше, рекоша ко царю: «Владыко, вси мы отъдахомъ своя чада единъ отъ другого, кождо нас по ряду. Что убо велиши по сих?» И отъвЂщавъ царь и рече: «Дам и азъ единородную мою дщерь, и по сих, еже ми явятъ безсмертнии бози, то паки и совЂщаемъ». Призвав же царь единородную свою дщерь и облече ю въ багряницу и облобызавъ ю, и плакався много, и повелЂ вести ея на погибель ко змию. Приведше же и поставиша ю при езере.

Святый же и великий мученикъ и страстотерпецъ Христовъ Георгие, почтенный отъ небеснаго царя воинъ, и по смерти живый, сияя великыми чудесы, по смотрению убо божию хотя спасти насъ погибающихъ и избавити града нашего отъ толикия бЂды, в той убо часъ приста на мЂсте том, якоже нЂкии воинъ, грядый отъ рати и со тщанием во свое отечество идый. ВидЂв же отъроковицу великий и преславный мученикъ Георгий при краи езера, и вопроси ея, глаголя: «Что здЂ стоиши, отроковице?» Она же рече ему: «Отойди, господи мой, отсюду, скоро отойди, да не злЂ умреши». Отъвещав же святый Георгий, и рече ко отъроковицы: «Что глаголеши, о дЂвице, разбойницы ли суть здЂ или ино что?» Отроковица же рече: «Змий есть страшенъ, внутрь знездяся во езере сем; нынЂ убо молю тя, господи мой, отъступи отъсюду: вижду убо добрый твой зракъ и возрастъ и свЂтлость, да не злЂ умреши». Глагола ей святый и великий мученикъ Георгий: «Ты же почто сЂдиши здЂ, а не отъходиши?» Глагола отъроковица: «Много есть слово мое, еже изрещи тебЂ и сказати, еже о мнЂ, еда како приидетъ змий и тебе со мною восхитит». И глагола ей святый и великий мученикъ Георгий: «Рцы ми, отъроковице, истину, не бойся — не оставлю тебе». И отъвЂща ему отроковица трепещуши: «Видиши ли, господи мой, яко град сей великъ и добръ есть зЂло, и велие угобзение его во всем: и не хощетъ отецъ мой изыти и оставити град сей. Есть убо здЂ змий великъ и страшенъ зЂло во езере семъ, и снедает людей много, и совещаша гражане со царемъ, отцемъ моимъ; и даша по вся дни кийждо их по ряду чада своя в пищу змиеви; прииде же ряд и на царя, отца моего, и мене, единородну имЂя дщерь едину и не хотя разорити повелЂния своего, повелЂ и мене дати на снЂдение змию. И уже, господи мой, вся тебЂ исповЂдах; отъиди отъсюду скоро, преже даже не приидет змий и восхитит тя».

Слышав же сия великий мученикъ и страстотерпецъ Христовъ Георгий, и глагола к женЂ: «Не бойся, отъроковице!» Абие же возрЂвъ на небо рабъ божий и помолися, глаголя:

«Безначалне, живоначалне, боже всего мира, не имый начала ни конца, положивый времена и лЂта, солнце на область дней, луну же на просвЂщение нощи, послушавый святыхъ твоихъ апостолъ пославъ имъ духъ той святый, послушай и мене, недостойнаго раба твоего, и покажи на мнЂ древняя твоя милости и покори лютаго сего звЂря под ногами моима, да видятъ и вЂру имутъ вси, яко ты еси единъ богъ и развЂе тебе иного не вЂмы». И сия рекшу святому и великому мученику Георгию, прииде ему глас с небеси, глаголя: «Дерзай, Георгие, не обратится тощь глаголъ твой, еже аще возглаголеши».

Внезапу же отъроковица возопи, глаголющи: «БЂжи, о человЂче, отъсюду: се бо змий свища грядетъ». И абие, мало поступивъ, святый мученикъ Христовъ Георгие зря, езеро возмутившюся взятся превеликий змий, воздвиже главу свою, яко камару, изину, яко пропастию, грядый же, рыкая на святого, поне же и на девицу. Сотвори же абие знамение Христово на земли святый Георгие и рече: «Во имя Исуса Христа, сына божия, покорися, горки звЂрю, и гряди вослЂдъ мене». И абие силою божьею и великаго мученика и страстотерпца Христова Георгия паде под колЂньми ногъ его страшный онъ змий. И глагола святый и великий мученикъ Георгий отроковицы: «Отърешивши поясъ твой и уже узды коня моего и свяжи змия за главу; влецы его и поиди во град». Она же сотвори, якоже повелЂ ей святый и великий мученикъ Христовъ Георгий. И идяше вослЂдъ ея страшный онъ змий, пресмыкаяся по земли, яко овча на заколение. Отъроковица же влечаше его, радующеся и веселящеся.

Царь же, отецъ ея, и мати ея въ той день рыдающе бяху и плачущеся зЂло отъроковица ради. И внезапу видевше отроковицу, влекущу змия, и чудотворца святаго Христова и великаго мученика и страстотерпца Георгия, преди идуща, ужаснув же ся зело, начатъ бЂжати. Святый же и великий мученикъ Христовъ и чюдотворецъ Георгий возгласи имъ велиимъ гласомъ, глаголя: «Не бойтеся! аще вЂруете воХриста, въ него же азъ вЂрую, узрите свое спасение днесь». Царь же срЂтъ его и глагола ему: «Како нарицается имя твое, господи мой?» Он же рече ему: «Георгие нарицается». Тогда воздвигоша людие вси единъ глас, глаголюще: «Тобою вЂруемъ во единаго бога вседержителя и во единороднаго сына его, господа нашего Исуса Христа и во святый животворящий духъ». Тогда святый и великий чюдотворецъ Георгие простеръ руку и извлекъ мечь свой, отъсЂче главу лютаго оного звЂря. Тогда видЂвъ царь и вси людие, приступиша абие и поклонишася ему, хвалу воздающу богу и угоднику его великому чюдотворцу Георгию. И повелЂ царь создати церковь во имя преславнаго и великаго мученика и страстотерпьца Христова Георгия и украси церковь ону златомъ и сребромъ и камениемъ драгимъ. И повелЂ память его творити месяца апрЂля въ 23 день.

ВидЂвше же святый и великий мученикъ Христовъ Георгие вЂру ихъ, яко отъ всЂя душа своея вЂроваша в господа нашего Исуса Христа, глагола к ним святый: «Покажу вамъ и ино чюдо и знамение и силу господа бога моего». И егда создана бысть церкви она и скончашася ея зиждущеи, посла имъ щитъ свой и повелЂ повЂсити его верху святыя трапезы. Силою же и дЂйствиемъ святаго духа и до днешняго дне виситъ на воздусЂ, недержимъ никим же, во времена и лЂта, на вЂру невЂрнымъ. Такова суть страшна и преславна чюдеса преславнаго и великаго чюдотворца и мученика Христова Георгия. Не токмо же сия таиньства содЂваются именемъ его святым, но и исцеления многа творитъ богъ молитвами его, приходящимъ въ церковь его святую съ вЂрою: хромии ходят, слЂпии прозираютъ, глусии слышатъ, страждущеи отъ духовъ нечистыхъ свобождаются, и многа радость бываетъ по вся дни чюдодЂяниемъ его. Сего ради и мы, братие, послЂдующе дадимъ славу милосердному богу, да молитвами его святаго и преславнаго и великаго мученика и страстотерпьца Христова Георьгия улучимъ вЂчныхъ и не мимоходяшихъ благъ о ХристЂ ИсусЂ, господЂ нашемъ, ему же подобаетъ всяка слава и держава, честь и покланяние со отъцемъ и со святымъ и животворящимъ его духомъ и нынЂ, и присно, и во вЂки вЂкомъ. Аминь.








За вид.: Чудо Георгия о змие / Памятники литературы Древней Руси. XIII век. — М., 1981. — С.520-527.

Підготовка тексту В.В.Колесова.

Подається за списком XVI ст. — ГПБ, Погодінське зібрання, 808 — за виданням: А.В.Рыстенко. Легенда о св. Георгии и драконе в византийской и славяно-русской литературах. — Записки Новороссийского университета, т.112. Одесса, 1909, с.36-42.








Попередня       Головна       Наступна



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.