Попередня     Головна     Наступна





НИКИФОРІВСЬКИЙ ЛІТОПИС


Опис рукопису



. . .Андрея, Кучковичи поби, a иных бояр за Юрьевым изъша и поби. Сии же князь великыи прйстави святЂи Богородици съборнои 4 врьхы и позлати, святаго Дмитриа на своем дворЂ постави и позлати, a княгыни его Мария А дева Ориева А, дъщи чесскаго князя, постави церковь камену святую Богородицу в новом манастыри. И бысть y него сынов 6: 1 Ярослав. 2 Иоанн стародубьскыи. 3 Костянтин ростовьскыи. 4 Святослав, нареченныи Гаврил юрьевскыи, постави святаго Юрья и сам бяше мастер; тот же и Въздвижение постави в Володимири, да тогды взял город, a пошол в Омосов день. 5 АндрЂи суздальскыи. 6 Юрьи, князь великыи володимЂрьскыи, постави церковь святую Богородицю съборную в Суждали, a другую в Володимери каменую церковь o три врьхи Рожество святЂи Богородици; тои же на ГзЂ c Констянтином, братом своим, бися; на того Батыи царь приде и сугна на Сите на рЂцЂ. A Кидешьшую церковь постави Борис Михалковичь, сын брата АндрЂева Всеволожа, и съсыпа город Кидекшу, тои же \л.2510б.\ Городець на ВолзЂ. Потом приде на великое княжение в ВолодимЂрь из Новагорода из Великого князь АндрЂи Боголюбьскыи Б.

От Адама до потопа лЂт 2000 и 200 и 40 и 2. A от потопа до Авраама лЂт 1000 и 80 и 2. От Авраама до исхожения Моисеова лЂт 500 и 2. От-исхода до Давыда лЂт 601. От Давыда и от начала царства Соломоня до плЂнения Иерусалимьскаго лЂт 400 и 48. От плЂнениа до Александра лЂт 300 и 10. A от Христова Рожества до Костянти ББ царя лЂт 300 и 10. От Костянтина царя до Михаила царя лЂт 500 и 40 и 2.

B лЂто 6362-е [854]. Начяло земли РустЂи.

B лЂто 6366 [858]. Михаил царь изыде c вои своими брегом и морем на блъгары, блъгарЂ же видЂвше, иж не могоша стати противу ему и просиша креститися и покоришяся греком.

B лЂто 6367 [859] В. Имаху дань варязи из заморья на чюди и на словенЂх, и на мери, и на всЂх кривичЂх от мужа по бЂлЂ верици. A от козар имаху дань на полянЂх и на сев[е]рянЂх Г и на вятичЂх по бЂлЂ \л.252.\ векши от дыма.


A се зачало князии рускых.

B лЂто 6370 [862]. Въсташа кривичи и словене, и меря, и чюдь на варягы, и изгнаша их за море, и не даша им дани, и начяша сами владЂти, и грады ставити, и не бЂ y них правды, и въста род на род, и бысть мЂжь ими рать велика. И рЂшя сами в собЂ: «Поищем собЂ князя, оже бы владЂл нами и судил бы в правду». И послаша за морЂ к варягом, к руси, сице бо зовяхуся русью. И рЂша им вся: «Земля нашя добра и велика есть, изъобилна всем, a нарядника в неи нЂт, то нынЂ поидите к нам княжити и владЂти нами». И избрашяся из Немец три браты c роды своими, и пояшя c собою дружину свою. И пришед старЂишии Рюрик сЂдЂ в НовЂгородЂ, a СинЂус, брат его, на БЂлЂозЂрЂ, a Триур, брат их, в ЗборцЂ, и начаша воевати всюдЂ. И от тЂх варяг прозвася Русь и земля Руская. И по двою лЂту СинЂус и брат его Триур умре, и приа всю власть Д в Руси Рюрик, и раздая гра||ды мужем своим. И быша пръвии насилници в Кие†варязи, в НовЂгородЂ словени, в Полоцку кривичи, в Росто†меря, на БЂлЂозерЂ весь, в МуромЂ мурома, a всеми обладаше Рюрик. И бЂста y нЂго два мужа, Асколод и Дир, и спросистася y него к Царуграду c родомь своимь. И поидоста по Днепру, и узрЂста на горЂ градок мал и въпрашаста: «Чии есть градок сии?» И рЂша им ту сущии: «Были суть 3 браты: Кии, Щек, Хорив, иже съдЂлаша сии град и згыбоша, мы же сЂдим, платяче дань роду их, козаром». Асколод и Дир сЂдоша в градЂ и владЂша ими. Рюрик же княжи в НовЂгородЂ. И бысть ему сын Игорь, муж храбор и мудр, и y него воевода Олег.



А—А B Новг. I Мария Шварнова Б Так в рукописи; д. б. Александр Невскыи (Андрей Боголюбский убит в 1174 г.) ББ Так в рукописи В В рукописи 6067 r Bmopoe e стерлось Д Слоео почти целиком стерто



B лЂто 6377 [869]. Крещена бысть земля Блъгарьскаа при цари Василии, сыну МихаиловЂ.

B лЂто 6387 [879]. Умре Рюрик и прЂдасть княжие свое Олгови, яко от рода ему сущу, и сына своего Игоря, бЂ бо мал еще дЂтеск.

B лЂто 6389 [881]. Поиде Олег, поим Игоря, из Новагорода \л.253.\ и приде к СмолЂньску, и прия град, и посади в нем мужи свои. ОттолЂ поидЂ по Днепру и приде к горам Киевьскым. УвЂдЂв Олег, \20\ яко Осколод и Дир княжита в КиевЂ, и бЂ Олег мнящеся мимоиды и c малою дружиною в лодиах. И посласта к Осколоду и Диру, глаголя: «Яко гости есмо угорьскые, идем в Грекы, Олга князя и Игоря княжича, придете к нам к родом своим». Они же придоста едини. И приим Олег Игоря на руцЂ си и рече к Осколоду и Диру: «Вы нЂста князи ни княжа роду, н[о] аз есмь князь, a ce есть сын Рюриков Игорь». И повЂлЂ убити их. И погрЂбоша Асколода, идеже Угорьское, идеже есть двор Олмин, a Дивора Е могила за святою Ириною в КиевЂ. И сЂд Олег княжити в Кие†и над всею Рускою землею, a словеном и кривичом и меряном дань наложи, a от Новагорода по 300 гривен. И многы ины страны притягну к Руси и принуди к собЂ и дерявляны, и възложи дань на них по чрьнЂ кунЂ. Князь же Олег приведе Игореви жену из Пьскова \л.253об.\ именем Олгу, и живе Игорь c Олгою лЂт 43.

Сии список въкратцЂ. От прьваго лЂта Игорева до прьваго лЂта Святославля, до прьвого лЂта Ярополча лЂт 28. A княжил Ярополк 8 лЂт, a Володимер 37. A от крещения блъгарьскаго до прЂложениа книг лЂт 29, a от прЂложения книг до крещениа Рускои земли лЂт 92. B 9-е лЂто княженья Владимерова крещена бысть Руская земля. A от крещениа до смерти Владимеровы лЂт 28. От крещения до убиения Бориса и ГлЂба и до прЂнесения мощем лЂт 57. A от прьваго до второго пренесения лЂт Ж и до взятиа Киевьскаго лЂт 87. До Колковьского бою лЂт 20. A Святоплък Окаанныи 3 лЂта княжи, биася c Ярославом. A Ярослав княжи 40 лЂт, a Володимир Ярославичь 4 лЂта ЖЖ.

Игореви же ходящу по Олгови. Иде Олег на Грекы, a Игоря остави в КиевЂ. И поя же множество варяг и сло \л.254.\ вен, и чюди, и кривичи, и мерю, поляны, и сЂверу, и деревляны, радимичи, вятичи, хорваты, ду[л]епы З и тиверци. И c сими въсЂми поиде Олег на конЂх и в кораблих, бЂ числом кораблеи 2000. И приидоша к Царуграду, и грекы затвориша грады. И изыде Олег ис корабля и повелЂ извлещи корабли на брег, и повоева около града, и много зла створи греком: многы полаты разбиша и церкви рассыпашя, акы прах, и елико зла сътвориша, не мощно языку человечьску изрЂщи. И по сих повелЂ Олег своею мудростию здЂлати колеса и въставити корабли на колеса, и бывшу покосну вЂтру, поидоша в кораблих по полю к граду. ВидЂвше же грекы силу их многую, убояшяся и выслашя к Олгови из града: «Не погубляи нас, имем ти ся по дань». И устави Олег воя своя, и вынесошя гръци брашно и вино, и не прия его, бЂ бо устроено c отравою. И убояшяся гръци, и рЂшя: «НЂсть се Олегь, н[о] святыи Дмитрии послан на ны». И заповЂда Олегь дань дати на 2000 кораблеи по 12 гривен на мужа, а в корабли по 40 \л.254об.\ мужии, и яшяся гръци по сем. И створи Олегъ мир c царема греческыма, c Леоном и Александром, и за ряд положиша: «Яже приходять от наших земль, да будут неврежени ничим, a мЂсячное емлють на 6 месяць хлЂба и вина, и мяс, и овощья елико хотят, a поидут домов, емлють y царя брашно на путь и якори и ужа, елико потребно». И яшяся греци по се, рекуще: «Приходящеи руси да видают y святого Папы И, и послет царь и спишет имена их, и тогда възмут мЂсячное прьвии кианЂ, чръниговци, и переясловци и прочих ваших град, и въходят в град однЂми враты c царевым мужем без оружия, 50 муж, и творят куплю елико хотят, не платячи вина ни в чем же». Царь же Леон и Александр створиша мир c Олгом и пояшеся по нь. И приде Олег к Киеву к Игорю, несуще c собою злато и паволокы и всякое узорочье.

B лЂто 6420 [912]. Посла Олег построити мира и положити ряд межи Грекы и Русью. И царь Леон построи мира и у \л.255.\ твръди съписанием, еже непрЂступну быти миру их, и отпусти послы рускыя и почстив их. И живяше Олег мир имЂя c всЂми. И по сих помяну Олег конь свои, на нем же влъхов кудесник не велЂ ездити, рькуще, яко «от того ти есть смерть». И призвав Олег конюхы своя и рече им: «ГдЂ есть конь он?» Они же рекоша: «Умръл». И приеха Олег видЂти головы коня, ожь кость огнила. И въступи Олег на голову коневи, рекучи: «От сего ли мнЂ было умрЂти». И абие из головы змия вкуси Олга, и умрЂ. И бысть всЂх лЂт княжения его 33.

B лЂто 6421 [913]. Начя Игорь княжити по ОлгЂ, и деревляне заратишася К c Игорем. Иде Игорь на деревляны и побЂди я и дань възложи на них болши Олговы. И по сих Игорь ходи на грекы и не одолЂ их и отбежа в малЂ дружинЂ.



Е Так в рукописи; в C Дирова Ж Так в рукописи; д. б. лЂт 23 ЖЖ Далее киноварью зачеркнуто: ого ж Владимера Ярославича сынове З Буква я стерлась И Так в рукописи; в Ипатьев. y святого Мамы К Далее зачеркнутые буквы за



И по сих пакы Игорь събрав всю свою силу, наят же и печенегы, и поиде на грекы. Они же, слышавше бесчисленое множество, послаша к Игорю: \л.255об.\ «Не ходи на них, a возми дань, яко же и Олег». И бЂ Игорь на Дунаи, пришедшим послом греческым, \21\ и сътвори c ними мир по миру Олгову, и посла мужи Л свои Л к Роману построити мира, и устроиша мир, яко же и Олег.

По сих же рекоша М дружина Игорева: «Яко Свинтел издобылся всего, a мы нЂ так; нынЂ же поиди на деревляны, да и мы идем ММ по тобЂ». И послуша их Игорь, поиде на деревляны и възложи на них дань и взем дань поиде домов. И отпустив дружину, пакы поиде к ним. И здумавше, убиша Игоря и дружину его Н, и погребен бысть y Коростеня града в ДеревЂх.

Олга же бЂ в Кие†c сыном своим Святославом, малом сущем. РЂша же деревлянЂ: «Убихом князя Игоря рускаго, нынЂ убо поимЂм жену его Олгу за князя нашего». И послаша послы своя, лучших муж, к ОлзЂ. Олга же приклюка их, яко влодиах в яму въвръженым быти им, а по иных по лучших посла, глаголющи: «Яко люба ми есть рЂчь ва \л.256.\ ша, н[о] пришлите ко мнЂ лучших ваших». И тЂм пришедшим, ина и тЂм повелЂ измытися, и зажжени быша, и изгорЂша. Сама же поиде в Деревьскую землю и, пришедши, посла послов своих, глаголющи: «Ваши послы за мною идут c нашими мужами, a вы пристроите меду много, яко иду преже, идеже убисте мужа моего Игоря, створю тризну мужу своему». Пришед же Олга к гробу мужа своего, и плакася по нем, и повелЂ сути могылу велику над ним, и мед повелЂ понести, a деревлян поити, и отроком своим пити на них. И яко упишяся, и повелЂ Олга исъоЂщи вся, и посЂкоша их 5000, a сама иде к Киеву. И по сих Олга c сыном своим Святославом поиде на деревляны и побЂди их, a инии въбЂгоша в град, и Олга ста y града, и они бияхуся крЂпко. Олга же рече им: «Дадите ми дань невелику: з двора по 3 голуби и по три воробьи». Они же ради быша и даша. Она же повелЂ нощию зажещи свЂ[щи] О и лепляти к голубем и воробием, \л.255об.\ и пусти на град, и град зажжьгоша П, a самЂх исъсЂкоша.

B лЂто 6455 [947]. Иде Олга к Новугороду и устави по МьстЂ погосты и дани, и оброкы, и ловища, и възвратися к сыну своему в Киев. По сих иде Олга в Гръкы и крестися, царь сам крести ю. Яко хотЂ царь Иоанн поняти ея, она же рече: «Аще y вас в християнЂх, яко свои дщери поимати?» И посрамлен бысть царь от нея и отпущена бысть в Киев, поучившися y патриярха. Князь Святослав, сын ея, възмужав и бысть храбор велми, и приклони под свою руку земли многы.

B лЂто 6478 [970]. Придоша новгородци к Святославу в Киев просить y него сына, его же послет к ним. Бышя же сынове Святославля: Яроплък, Олег, a Володимер от Малуши, ключници Олжины. Рече Святослав новгородцем: «Ажь бы кто шел моих дЂтеи к вам». Яроплък же и ГлЂб оттречеся. И рече Добрыня новгородцем: «Просите Володимера», бЂ бо Малуша сестра ДобрынЂ, a отець им Малко любчанин. И рЂша новгородци Святославу: «Д[аи] Р же нам Володиме[р] РР. \л.226.\

. . .[Б]луд С к посло[м] Владимерим: «Аз буду тобЂ в Т срдци Т и в приазнь». И мысляше убити Яроплъка, князя своего. «Ядыи, рече, хлЂб мои, възвеличи на на мя лестъ», и мысляше князю бежа[т]и У, a к Владимеру посылаше веля к граду приступати. И рече Блуд к Яроплъку, князю своему, лестию: «КианЂ слются к ВладимЂру, рекуще: «Приступаи к граду, яко прЂдамы ти Ярополка; побЂгнииз града». И послуша его Яроплък, побЂже из града и затворися в градЂ РоднЂ на уст Ръси, a Владимер вниде в Киев. И осЂде Ярополка в РоднЂ. И бЂ глад велик, и рече Блуд к Яроплъку: «Видиши ли колико вои брата твоего, нам их не прЂбороти, н[о] створи мир c братом своим». И рече Яроплък: «Буди так». И посла Блуд к ВладимЂру, глаголя: «Яко сбысться мысль твоя, приведу к тобЂ Яроплъка, пристроися убити его». Вниде в двор теремныи отен и сЂдЂ c дружиною своею. И рече Блуд к Яроплъку: «Поиди к брату своему и рци ему: «Что ми ни вдаси, то аз прииму». Поидеже Яроплък, \л.226об.\ и рече ему Варяжко: «Не ходи, княже, убиют тя, побЂгни в Печенегы и приведеши воя». И не послуша его. И приде Яроплък к Владимеру, и яко полЂзЂ в двери, и пояста два варяга мечема под пазусЂ, Блуд же затвори двери, не дасть никому внити своим. И тако убиен бысть Яроплък. Варяжко же побЂже c двора и бЂжа в Печенегы, и много воева на Владимера c печенегы, одва привади его Владимер, заходив к ротЂ. [В]ладимер УУ же залеже жену братню грекыню, и бЂ непраздна, от нея же родися Святоплък. От прЂжняго бо корене плод зол бываеть, понеже преже была чръница, другое же, Владимер залеже ю не по браку, прЂлюбодЂець бо бЂ. ТЂм же отець не любляше, бЂ бо от двою отцу: от Яроплъка и ВладимЂра. Начя княжити Владимер в КиевЂ, и постави кумиры на холъму y Ф ДнЂпра Ф теремнаго: Перана древена, a главу ему сребрену и ус злат, и Хорса, и Дажьбога, и Стрибога, и Семаргаа, и Мокошь.



Л—Л Буквы и св залиты чернилами М Буквы ек залиты чернилами ММ Далее эачеркнутые буквы иде Н Слово стерлось О Буквы щи стерлись П Слово почти целиком стерлось Р Буквы аи стерлись РР Далее нет листа С Буква Б стерлась Т—Т Буквы в c стерлись У B рукописи бежаи УУ Буква B стерлась Ф—Ф B C вне двора \22\



И жря \л.227.\ ху им нарицающе их богы, и привожааху сыны своя и дъщери, и оскврънися земля кровми руск[ами] Х. Н[о] преблагыи бог не хотя смерти грЂшником: на том хлъмЂ нынЂ церкви стоять, яже послЂди скажем. Влодимер же посади уя своего Добрыню в НовЂгородЂ, и пришед Добрыня в НовЂгород, и постави кумира Перуна над рЂкою Влъховом, и жряху люди новгородстии, яко богу. И бЂ Володимер побЂжен похотию женьскою, и быша ему водимыя РогнЂд, яже посади на ЛыбЂди, от нея же роди 4 сыны: Изяслава, Мьстислава, Ярослава, Всеволода, и д†дщери; a от грекыни роди Святоплъка Ц, от чехыни роди Вышеслова, от другое Святослава и Станислава, a от блъгарыни Бориса и ГлЂба. A наложници бЂ y него 300 в Вышегороде, в БЂлЂгородЂ 200 и на БЂрестовЂ. И бЂ не сыт блуда, приводя к себЂ мужьскыя жены и девици растляя; бЂ бо женолюбець, яко же и Соломо[н] Ч; бЂ бо y Соломона жен 700, \л.227об.\ a наложниць 300. Мудр бо бЂ, a наконець плъзнуся. A сеи же невЂглас наконець обрЂте спасение.

B лЂто 6489 [981]. Иде Володимер к ляхом и взя грады [их] ЧЧ, Перемышль, Червен и иныя грады. B сЂм же лЂте и вятичи побЂди и възложи на них дань.

B лЂто 6493 [985]. Иде Володимир на блъгары и побЂди а.

ЛЂто 6494 [986]. Избираше Володимер вЂры, каа лучши; избра же вЂру христиаяньскую.

B лЂто 6496 [988] Ш. Иде Володимер c вои на Кръсунь, град греческыи. И затворишяся корсунянЂ в градЂ, и изнемогаху корсуняне в градЂ гладом. И рече им Володимер: «Аще ся не вдасте, стояти имам здЂ за три лЂта». И сим не покорившимся. ПовелЂ Владимер приспу сыпати к граду, и они подкопавше стЂну градскую крадяху прьсть и ношаху к собЂ в град, сыплюще посрЂди града. И се муж корсунянин, именем Анастас, стрЂли, написав сице на стрЂлЂ: «Кладязи, яже суть за тобою от въсто \л.228.\ ка, ис того вода идет трубою в град». Володимир же възрЂв на небо и рече: «Аще се сбудется, то сам крещуся». Ту пак повелЂ копати въпрЂкы, и переяша воду, и изнемогоша людие жаждею водною, и передашяся. И вниде в град и дружина его. И посла Володимер к царема Василью и Констянтину, глаголя: «Сеи град ваю силныи взях. Слышу же, яко сестру имЂете девою; аще ея ШШ не вдасте за мя, сътворю граду вашему, яко же и сему». Се слышавше царие, посласта к Владимеру, глаголяще: «Яко недостоино христианом нам за поганыя давати, аще ся крестиши, то и се получиши и царство небесное приимеши, и c нами единовЂрен будеши, аще ли сего не сътвориши, не може†дати сестры своея за тя». Рече же Владимер к послом: «Яко аз хощу креститися, испытах бо преже сих днии закон вашь». Се слышавъше царие ради быша, и умолиста сестру свою Анну, и посласта ю к Владимеру, и сановникы нЂкыя, и презвитери. И яко приде к Корсуню, изыдоша корсуняне c поклоном, и въвЂдоша ю в град, и поса \л.228об.\ диша ю в полатЂ. По божию же строению в то врЂмя разболЂшяся в Владимера очи, и не видЂ ничто же, и туждаше велми, и не домысляшеся что створи. И посла к нему царица, ркущи: «Аще хощеши избыти болЂзни сея, то въскорЂ крестися, аще ли [ни] Щ, то не имаши исцЂлети». Си слышав, Владимир рече: «Да аще се истинна будеть, то поистиннЂ велик бог христианеск». ПовелЂ крестити себЂ. Епископ же рускыи c попы царициными крести его, и яко възложи на нь руку, и абие прозрЂ. ВидЂв же се Владимер напрасно исцЂление, и прослави бога, рек: «То прьво увЂдЂх бога истиннаго». Се же видЂвше дружина его, мнози крестишася, крестишяся в церкви. По крещении же приведе царицю на брачное. НЂции убо не вЂдуще глаголють, яко крестися в КиевЂ, инии же реша в ВасилЂве, но не бысть тако.

Владимир же поима царицу Анну и Настаса, и попы корсуньскые, и мощи святого Климента, и съсу \л.229.\ ды церковьныя, и иконы на благословение собЂ, взя же и 4 кони мЂдяны. Вда же за вено гръком град Кръсунь, a сам приде к Киеву. И повелЂ кумиры избити, a иных огневи прЂдати, и посла по всему граду, ркуще: «Яко аще кто заутра не обрящется на рЂцЂ или богат или нищь, противен ми будет». И се слышавше людие c радостию идяху крестися. По сих же посади Владимер старЂишаго сына Вышеслава в НовЂгородЂ, Изяслава в ПолотьсцЂ, Святоплъка в Торо†ЩЩ, Ярослава в РостовЂ. И умрыну Вышеславу, посади Ярослава в НовЂгородЂ, a Бориса в РостовЂ, ГлЂба в МуромЂ, Святослава в ДеревЂх, Всеволода в ВладимЂри, Мьстислава Тьмутараканю, Станислава в СмоленьсцЂ, Судислава в ПьсковЂ, a сам сЂде в Кие†и в прочих градЂх. И заложи град Киев большии, и начя ставити городы по ДЂснЂ и по ДнЂпру, и по Остри, и по Трубежу, по СулЂ \л.229об.\ и по прочим рЂкам, яже и нынЂ суть.



Х Буквы ами стерлись Ц Далее зачеркнуто и Станислава Ч Буква н стерлась ЧЧ Буквы стерлись Ш B рукописи 6499 ШШ Далее зачеркнутое ея Щ Буквы стерлись ЩЩ Так в рукописи; д, б, Турове \23\



B лЂто 6497 [989]. Крестився Владимер и взя y Фотиа патриарха прьвого митрополита Киеву Леона, a Новогороду архиепископа Якима корсунянина, а по инЂм градом епископы и попы и диакони.

B лЂто 6498 [990]. Създа церковь святую и дасть ю Анастасу корсунянину, бЂ бо старЂишина, a иных множьство, и дасть ту все, еже бЂ взял в Корсуни.

ЛЂто 6523 [1015]. Хотящу ВладимЂру ити на Ярослава, сына своего, к Новугороду. Ярослав же поела за морЂ и приведе варягы, бояся отца своего, н[о] бог на Ы дасть диаволу радости: в то врЂмя Владимер разболеся, еже и умре месяца июля 15. Святоплък Э же Э сЂде в Кие†по отци своем. Борису же възвратившуся c воины и не доиде Киева, и ту его уби Святоплък на ОлтЂ, лестию глаголя: «Отець тя зоветь». И приложи сего Ю убити на СмядинЂ y Смоленьска. И по сих уби Святослава, бЂжаща в Угры.

B лЂто 6524 [1016]. По \л.230.\ иде Ярослав на Святоплъка и бысть сЂча велика, и обломилися на леду дружина Святоплъча, a Святоплък побЂже в Ляхы, a Ярослав сЂдЂ к ЮЮ КиевЂ.

B лЂто 6525 [1017]. Приде Болеслав c Святоплъком и c ляхы на Ярослава. Ярослав же съвокупив русь, варягы и словены поиде противу им, прииде ж в Полыню Я и сташа o рЂку Бугь. И побЂди Болеелав Ярослава, и вниде в Киев c Святоплъком. И Ярослав бЂжа к Новугороду, и новгородци яшяся по нем и идоша на Святоплъка, и Святоплък бЂжа в Печенегы.



Ы Так в рукописи Э—Э B рукописи первоначально Святослав ж, затем буквы слав ж зачеркнуты киноварью, a на поле c выносным знаком написано плък Ю Так в рукописи; д. 6, ГлЂба ЮЮ Так в рукописи Я B Новг. 4 Волыню



B лЂто 6527 [1019]. Приде Святоплък c печенегы на Ярослава, и Ярослав събра вои множество и изыде против ему на Олто, идеже уби Святоплък Бориса. И рече Ярослав: «Кровь брата моего въпиеть к тобЂ, владыко. Мьсти кровь праведного сего». И рече: «Братиа моя. Аще тЂлом отшла еста отсуду, но молитвою поможита ми на противнаго сего убиицу». И бысть сЂча зла, яко же не бысть \л.230об.\ Руси, и бысть к вечеру одолЂ Ярослав, a Святоплък бЂжа. Мнози бо видЂша аггьль, помагающа Ярославу. И нападе страх на Святоплъка, побЂже никым же гоним. И нача его на носилЂх носити. И прибЂгоста к Берести. Он же глаголаше: «ПобЂгните c мною, яко женуть по нас»., И не можаше тръпЂти на едином мЂсте, и пробЂжа Лядскую землю, гоним божии[м] гнЂвом, И прибЂже в пустыню межю Чяхы и Ляхы, и ту испровръже живот свои акаанныи.

B лЂто 6529 [1021]. Приде Брячислав, сын Изяславль, на Новъгород ис Полотьска, и взя Новъгород, и в полон вЂдЂ самЂх, имЂние их изграби, поиде к Полотьску. То слышав Ярослав ис Киева 7 день постиже и и побЂди его, a новгородцем въроти их c имЂнием.

B лЂто 6545 [1037]. Съвръшен бысть ррад Киев. B то же лЂто създа Ярослав святую Софию, B то же лЂто священа бысть церквы святаа Софиа в КиевЂ.

B лЂто 6547 [1039]. Священа бысть церквы святая Богородица, юже създал Володимер, отець Ярославль.

B лЂто 6549 [1041]. После Ярослав сына своего \л.231.\ Владимира на Гръкы, дав ему воя многы, и идоша в лодиах. Гръкы же, видЂвше воя многы, начаша погружати честныа кресты c мощми в море, и корабли потопи многы. Володимер же приде в Киев вмалЂ. Тое же осЂни дасть Ярослав сестру свою за Казимира, и ходи Ярослав двожды на мозавшаны. Сеи же Казимир вдасть сестру свою за Изяслава, сына Ярославля.

B лЂто 6553 [1045]. Заложи Владимер, сын Ярославль, святую Софию в НовЂгородЂ.

B лЂто 6555 [1047]. Иде Ярослав третие на мозавшаны и побЂди а, и князя их уби Моислава, и покори землю ту Казимиру.

B лЂто 6558 [1050]. Священа бысть церкви святая Софиа на Въздвижение повелЂнием князя Ярослава и сына его Владимера.

B лЂто 6562 [1054]. Преставися князь великыи Ярослав, жив лЂт 76.

B лЂто 6581 [1073]. Основана бысть церквы Печерьская игуменом Федосием.

B лЂто 6582 [1074]. Преставися игумен печерьскыи.

B лЂто 6745 [1237]. Попущением божиим \л.231об.\ приидоша c восточныя страны безбожнии татаро†сь царемь Батыем на землю Резаньскую лЂсом. И пришедше прьвое сташа станом y ОнузЂ, и ввяша ю, и оттолЂ послаша послы своя, жену чародЂицю и два мужа c нею к кънязем рязаньскым, просяще y них дЂсятин в всЂм: в князЂх и в людЂх и в конЂх десятое, в бЂлых десятое, в вороных десятое, в бурых десятое, в рыжих десятое, в пегых десятое. Князи же резаньскые Юрьи Новгородов А, \24\ брат его Олег Иновгоровичь и муромьскые, и проньскые князи, не пустяче к новгородом Б своим, выехаша противу им в Воронеж, и рЂшя: «Коли нас не будет всЂх, то все ваше будет». И оттолЂ пустиша их к Юрьеву В Володимерь В. И почяша воевати землю Резаньскую, и поплЂниша и до Проньска, a из Володимеря пустиша их оттолЂ в Татары. Послаша же князи рязаньскые к Юрью, князю володимерьскому, просяче помочи или самому поити. Юрьи же сам не иде, \л.232.\ яи послуша князии рязаньскых молбы, но хотЂ сам особЂ брань творити. A иноплЂменници отступиша град Резарь ВВ декабря 16, a в 22 взяша и пожьгоша весь, a княэя Юрья убиша и князят всЂх. И поидоша на Коломну, a Всеволод Юрьевичь и Роман Иновгоровичь идоша противу их. A из Володимеря Юрьи посла в Г сторожов Г воеводою Еремея ГлЂбовича, и съняся c Всеволодом и c Романом. И оступиша их татарове y Коломны, прогониша их к надолобам, и ту убиша князя Романа и воеводу Еремея, a Всеволод бЂжа к Володимерю, a москвичи к МосквЂ, И татаро†взяша Москву, и воеводу Филипа Нянька убиша, a князя Владимера Юрьевича яшя, a людии избиша. Они же кровоядци приидоша к Володимерю и сташа февраля в 3 день. A володимерци затворишяся c снъми Юрьевыми и c Всеволодом, и Мьстиславом, и воевода бЂ y ниж Д Петр Ослятев. Володимерцем же не отворящемся, a татаро†\л.232об.\ приехаша к Златым вратом, водяще c собою Володимера Юрьевича, и начаша глаголати: «Есть ли в НовегородЂ ДД князь Юрьи?» Володимерци же пустиша на них по стрЂлЂ, и они противу пустиша на град и на Златая врата. И рекоша татаро†володимерцем: «Не стрЂляите». И показаша им Владимера, рек: «Знаете ли сего княжича?» ВЂ бо уныл лицем и изнемогл бЂдою от нужда. Всеволод же и Мьстислав стояста на Златых вратЂх и познаста своего брата. О умилЂное видЂние и сльз достоино. И вси гражане, видяще его, плакахуся. A они злии, отшедше от Златых врат, и обьехаша весь град, и сташа станы на изрЂимЂ, a инии отшедше взяшя Суздаль и люди избиша, a иных сведоша в станы своя к Володимерю. И в суботу мясопустную начяша нарежати лЂсы и порокы ставити Е до вечера, a на ноч огородиша тыном окого Ж всего града. И бысть наутрии вЂдЂша гражане, \л.233.\ яко уже взяту быти граду их, и внидоша в церковь святыя Богородица, и стригошяся вси от владыкы Митрофана. И они, злии, приступиша к граду в 7 день февраля в неделю мясопустную по заутрени и зайдоша от Златых врат святаго Спаса, и внидоша по примету чрес город; a сюде от северныя страны от ЛыбЂди к Орининым воротом мЂдяным, a сюде от Клязмы к Положенъскым. И тако взяшя въскорЂ град новыи до обЂда, попалиша и огнем. БЂжа же Всеволод и Мьстислав в Печерний град, a епископ Митрофан и княгиню Юрьева c дщерью и c снохами, и c унучаты, и прочая княгини, и множество бояр, и людии затворишяся в церкьви святыа Богородица в полатах. Татарове же вынесоша двери и оттвориша церковь и, наволочивше лЂса около З церкви, зажгоша церковь, без милости запалиша святую Богородицю; и тако скончашася вси сущии в церкьви. И град весь огневи прЂдаша, и иссЂкоша вся оружием от старець \л.233об.\ и до младенець, от мужьска полу и до женьска, и ереискыи чин весь, и черноризьскыи. A все изъобнажено и поругано горкою смертию нужною, ПрЂдаша душя своя господови в 7 февраля в неделю мясопустную. И вси церкви поругаша, изъграбиша, двор княжии изложишя и огневи прЂдаша. A иных имающе руками, ругахуся женьскому полу, яже не достоить глаголати, и чръницам, и попадьям, и добрым женам, прЂд мужми, и девицам прЂд отци И и матерми, и всем купно издыхающим, и от мраза и зимы нужною смертию умираху. И поидоша к Ростову, и к Ярославлю, и на Влъгу, и на Городець, и то все поплЂниша и до Галича; и сътвориша им тако, яко и сему. И потом Переяславль, Юрьев, Дмитров, Волок, \л.234.\ Тферь. Ту же и сына Ярославля убишя, и всю страну, и городы поимаша; и до Тръжку нЂсть мЂста такова ни села, идеже не воеваша. A на всеи Суздальекои земли и Ростовьскои взяшя городов 14, опроче погостов и сел великых, взяшя в один месяць февраль. A князь Юрьи отбЂжа на Влъгу c сыновци своими, c Валком К и Всеволодом и Володимером. И сташа на Сити станом, a жьдучи к собЂ брата Ярослава и Святослава Л c плъкы, a Жирославу Михаиловичю призвал воеводство в дружинЂ своеи. Приде ему вЂсть, Володимер взят есть, a церквы пожжены, a епископ и княгини и c дЂтми и c внучаты огнем скончашяся, a сыны твоя Всеволода и Мьстислава и ВолодимЂра внЂ ррада убиша, a люди вси избиша. B лЂто 6746 [1238] ЛЛ. Посла князь Юрьи Дорожа в просокы в 3000 муж, и прибЂжа Дорожь, и рече: «Княже, обошли и нас около». Юрьи всЂд на конь c братом Святославом \л.234об.\ и c сыновци, c Валком и с Севолодом и c Владимером, и начаша ставити плъкы около себЂ.



А Taк в рукописи; д. б. Ингварев Б Так в рукописи; в Сл городомь В—В Так в рукописи; в Сл ко Юрьеву и в Володимирь ВВ Так в рукописи Г—Г B C во Сторожехь Д Так в рукописи ДД Так в рукописи Е Слово написано дважды Ж Так в рукописи З Далее зачеркнутые буквы лЂ И Далее зачеркпутая буква м К Так в рукописи Л Перед буквами слава зачеркнутое плъ ЛЛ B рукописи вместо ψ (700) стоит П (80) \25\



И внезапу приспЂша кровопролиятели християньскыя на СитЂ, и съступишяся обои плъци, и бысть брань велика. РазгнЂванием божиим побЂгоша наши пред иноплЂменникы. И ту убиен бысть великыи князь Юрьи Всеволодовичь володимерьскыи, a Василка Констянтиновича яшя и ведоша ю c великою нуждею до ШерЂньского лЂса, и сташа станом, и нудишя его много поганьскои быти воли их. Он же не повжнуся повелЂнию их, ни убояся грозы их, брашна же и пития их не прия. И абие немилостивыми плотоядци убиен бысть. Си же злоба сълучися марта 4. Епископ же Кирил идяше c БЂлаозера, и пришед на мЂсто, идеже убит князь Юрьи, и взем тЂло его мертво, и принесЂ в Ростов, и положен бысть в церкви святыя Богородица; Василку же убиену бывшу и повръжену на лесЂ. УвЂдав же епископ Кирил, принесе и в Ростов и княгыню его. И бЂ плач \л.235.\ велик в всЂм градЂ, и рыдание неутолимо, жалостныя бо слезы изливаны быша, яко вода многа безмЂрна. Понеже красен бЂ лицем и умилным образом, милостивне вэирая к всЂм, и паче мЂры храбор, на ловЂх вазнив, сердцемь легок, до всЂх ласкав. A хто y него служил, хлЂб его ел, a чяшу пил, тои за любовь его не можише служити никоему княяю, н[о] жаляху в вся дни живота своего по своем государи; излише бо слугы своя любляше, мужьство и ум в нем живяше, правда же и истинна c ним ходиста; бЂ бо всему хытр и сЂдЂ в добрых днех на дЂднЂ и отни престолЂ, На весь церковныи чин от вЂры чисты имеюще очи и к всЂм церковником и к нищим и печалным бЂяще, яко отець чадолюбив. ТЂм же не погрЂши надежда своея, за вЂру християньскую пострада; не даждь до кръви, но и до послЂдняго издыхания не покорися сыроядцем бездушным, не послуша ласкания их, еже ему обЂще[ваху М въз]любишя М бо его аканнии кра \л.235об.\ соты ради лица его, того ради и многу муку приношаху ему, дабы ся им повинул, ово грозою и мукою, ово же ласкающе его и дарми и ризами безъцЂнными и златом. Правдивая же душя его изволи паче не токмо ризь тлЂнных съвлечеся, н[о] и плъти истръгание и костеи и до самых мозгов, изряднЂ же и душу прЂдасть в руцЂ господови c конечным покаанием.

Мы же напрЂд възвратимся. Онем бо измалтеном, поплЂнившим всю Рускую землю, грады и волости и села, приложиша пакы еще и к Тръжку поити. И придоша на чистои недели, и биша порогы по две недели, и изнеможе град, a из Новагорода не бЂ помочи. И взяшя град на Н срЂдокрестънои нЂдели. И гониша акааннии Серегерьньскым путем долныи до Игначя креста, a все люди сЂкуще акы траву, и не доидоша Новагорода за 100 верст, a Новагорода бог заступил и молитва святаго Кирила, епископа александриискаго, и всЂх святых. Въс[пя]тишяся О y Игнача креста, поидоша [на] ОО \л.236.\ останкы плЂняще, и придоша к Козельску, сушу же в нем князю младу Василью. УвЂдЂвше же се акааннии уст[рЂ]мишяся П на нь. БЂше же людии в граде том крЂпкодушьни, и не бЂ възможно взяти град тои. Козляне ж съвЂт сътвориша не вдатися Батыю: «Аще и князь нашь мал есть н[о] умрем за нь». Татаром же биющимъся и приати хотящим град, разбившим стЂны града взидоша на вал, козляне же ножи рЂзахуся c ними. И изъшедше из града, и исъсЂкоша пращаа их и огню прЂдаша, и нападоша на плък их, и убишя от татар 4000, сами же избьени бышя. Батыи же взя град и изби всЂх, не пощаде от трочат Р и до съсущих млЂко. A o князи Василии невЂдомо есть; инии глаголаху, яко y кръви утопл есть, понеже мал бЂ, 12 лЂт. И оттуду в татарех не смЂаху назвати град тои Козлеск, но зваху тъи Злыи град, понеже бишяся по 7 недель. И убиша От татар сыны тимничи 3. Татари же искавше их и не могоша изнаити в \л.236об.\ множест†трупия мертвых. Батыи же нача посылати на грады рускыя, и взя [град] С Переяславль копием и Чрьнигов приаша оружием, бившимся c князем Мьстиславом ГлЂбовичем. И Батыи побЂди а, меташе бо камением полътора перестрЂла, a камень яко можаху 4 мужи силнии подяти, и побЂжен бысть Мьстислав, и множество вои его избиша, и град запалиша огнем, a епископа оставишя жива и ведоша и в Глухов.

B лЂто 6748 [1240] Т. НЂкто от западныя страны, иже наричются слугы божии, от тЂх приде в Новъгород, хотя видЂти възраст Александров дивныи. И видЂв АндрЂашь князя Александра, и к своим възвратися, рече: «Прошед страны и языкы, не видЂх такова ни в царЂх царя, ни в князех князя». Се слышав король чясти Римьскыя от полунощныа страны таковое мужство князя Александра и помыслив себе, шатаяся безумиемь У своим: «Поиду плЂню землю \л.237.\ Александрову». И собра силу многу, свЂя c князем их, c бискупы своими, и мурмане, и сумь, и емь, и наполни к[а]рабля Ф многы плъков своих, и приде в реку вь Неву, и сташа на усть Ижеры, хотя въсприати Ладогу и Новъгород, и всю область Новгородскую.



М—М Буквы ваху u въз стерлисъ Н Так в рукописи О Буквы пя стерлись ОО Слово стерлось; в H назадь П Буквы рЂ стерлись Р Так в рукописи; в C отрокь С Клочок листа оторван Т B рукописи 6648 У B рукописи первоначально безумныи, затем буквы ныи зачеркнуты и написано иемь Ф Первая буква a стерлась \26\



И посла послы, разгордЂвся, к Александру: «Аще можеши противитися мнЂ, то се есмь здЂ уже, плЂню землю твою». Александр же, слышав словеса его сия, разгорЂся сердцем и приде на нь в малЂ дружинЂ июля 25, имЂя велику вЂру к Борису и ГлЂбу. И бЂ нЂкто муж, старЂишина в земли Ижерьскои, именем Пелъгусии. Поручена же на бЂ ему стража морьская, въсприат же святое крещение, и живя посрЂд роду своего поганого, и наречено. бысть имя ему Филипп. И живяше богоугодно, в срЂду и в пяток прЂбываше в алчьбЂ, тЂм же сподоби его бог видЂнию страшному. УвЂдав силу ратных, иде противу князя Александра, да \л.237об.\ скажет им станы, обрЂте бо их. Стоящу бо ему при краи моря, стрЂгущу обою пути, и прЂбысть всю нощь в бдЂнии, яко же нача въсходити солнце, и услыша шум страшныи по морю, и видЂ насад гребущь, и посрЂде насада стояща Бориса и ГлЂба в одеждах чръвленых, и бЂста рукы дръжаста на рамЂх, гребци же сЂдяща аки y млънию одЂяни. Рече Борис: «Брате ГлЂбЂ. Вели грести, да поможе†сроднику нашему Александру». ВидЂв же Певгусии таковое видЂние и таковое слышание, и стояше трепетен, дондеже отиде насад от очию его. Потом же скоро поеха к князю Александру, и пришед к Александ[р]у ФФ князю, исповЂда ему единому радостныма очима, яко же видЂ и слыша. Рече ему князь: «Сего не рци никому ж, a сам тщися наехати c нашими». B 6 же чяс дне бысть сЂча велика над римляны, и изби множство их, и самому королеви положи печать на лици острым своим копием. ЗдЂ же явишяся в \л.238.\ полку Александро†6 муж храбрых, иже мужствоваша c ним крЂпко. Гаврил Олексеевичь. Сиинаехав нашьнеку, и видЂв королевича мчяща под руку, и изъехав по дскЂ до самого корабля, по неи же хожаху. И втекша пред ним в корабль, и пакы обращьшеся въвръгошя его c конем в море. Божиею волею от тЂх изыде неврежен, и опять наеха, и бися c самЂм воеводою посред плъку их; и ту убиен бысть воевода их Спиридон и епископ их. Другыи же новгородець Сбыслав Якуновичь. Сии наехав, многажды биашеся многажды единым топором, не имЂя в сердци, и паде неколико от руку его, и вси дивишяся силЂ его и храбрости. Третии же Иаков полочанин, ловчии бЂ y князя; сии наехав на плък c мечем, и мужествовав, отеде, и похвали его князь. Четвертыи же новгородець, Миша именем. Сии пешь c дружиною своею натече, и погуби 3 карабли римлян. Пятыи от молодых его, Сава именем. Сии наехав на ша \л.238об.\ тер великыи златовръхыи, подсЂче столп великый шатерныи, и паде шатер, и полци Александрови, видЂвше падение шатра того, и възрадовашася. Шестыи от слуг его, Ратмир именем. Сии бися пЂшь, и оступиша его мнози, он же от многых не изнеможе въскорЂ, но мужествовав на них крЂпко, послЂди же изнеможе от рань многых и скончяся. Новгородцев же убиша въсих 20 мужь и c ладожаны. Бысть же тогда чюдо: побЂди Александр корабли, a они об он пол рЂкы Ижеры, идЂже не бЂ проходно полку Александрову, здЂ обрЂтошяся много множество мертвых, изьбиеных от аггел божиих. Останкы же их побЂжа, a трупья мрътвых своих вятших муж накладше 3 корабли и потопишяся на мори; a прочим ископавше ямы и въмЂташа в ня бесчисленое множество, a инии мнози язвьни бывше, отбЂгоша конечнЂ.

Ростислав же смо \л.239.\ леньскыи Мьстиславичь сЂдЂ в КиевЂ, Данил же брат его Михаилов еха на нь и ят его, и вдасть Киев в руцЂ Дмитрови обдержати противу иноплЂменник безбожных татар. Тогда приде Батыи к Киеву многым множеством силы своея, и окружи град, и оступи сила татарьскаа, и бысть в одръжании велице. И бЂ Батыи y города, и отроци его обьсЂдяху, и не бЂ слышати град скрипания тЂлежнаго и множества вельблюд и рзаниа глас стада его. И бЂ исплъна земля Руская ратных. Яша же татарина в них, именем Товрул, и т[ои] Х исповЂда всю силу их, яже бяху y них силныя их воеводы: Урьдю, Баидар, Бируи, Кадан, Бечяк, Меньгюи, Кююк, иже вратися вЂдав смерть канову.



ФФ B рукописи Александу Х B рукописи т; исправлено no C



И бЂ кан не от роду его, н[о] бЂ воевода его прьвыи СебЂдяи богатырь, Бурундаи богатырь, иже взя Болгарьскую землю и Сузда \л.239об.\ льскую и инЂх бес числа воевод, их же не мощно вмЂстити здЂ. Постави ж Батыи порокы к городу Киеву подлЂ врата Лядскаа, ту бЂяху пришли дебри. Пороком же и непрЂстанно биющим день и нощь, выбиша стЂны и взидошя гражане на избиты стЂны, ту бЂше лом копеины и щитом скапание, стрЂлы омрачишя свЂт. ПобЂжаемым бывшим гражаном, и Дмитрови крЂпко храбровавшу, и възидоша татаро†на стЂны изьбиеныя и стрЂжаху день и нощь. Гражане же съградиша другыи град около святыя Богородица. Наутрии же приидошя на ня, и бысть брань между обоих велика зЂло, людем же възбЂршим на церковь и на комары церковныа и c товары своими, от тягости же провалишяся комары церковныя, и приат бысть Киев на Николин день. Дмитра же изведоша язвена, не убиша \27\ его мужьства ради. Батыи же \л.240.\ възем град и слышавшу ему o ДанилЂ, яко в УгрЂх есть, и поиде сам к Володимерю, и приде к городу Колодяжну, и постави порокы 12 и не могы разбити стЂны, и начят перемолъвливати люди, они же послушавше съвЂта его, и прЂдашяся, и сами избьени бышя. И приде к Каменцу; видЂв же КрЂменець град твръд Данилов, яко невъзможно прияти его, и отиде от него. И придЂ к Володимерю, и взят я, також и град Галич и ины грады многы, им же нЂсть числа. Дмитрови же, тысячьскому Данилову, рекшу Батыеви: «Не мози стряпати в земли сеи много, врЂмя ти есть уже на угры поити, аще ли умЂдлишь, земля ти есть велика и силна, съберутся на тя и не пустят тя в землю свою». Про то же рече ему, видЂ бо землю Рускую гыбнущу. Батыи же послушав съвЂта Дмитреева, иде в Угры. И король же БЂла и Каломан и срЂтоша на рЂцЂ Солои Ц. Бившимся обоим плъком, бЂжашя угры, и гнашя я до рЂкы Дунаа и стояшя \л.240об.\ побЂдЂ Ч 3 лЂта, и воеваша до Молъдавы и по озером, и възвратишяся в свою землю.

B лЂто 6749 [1241] Ш. Родися князю Александру сын Василии. И приеха Александр в Новъгород и взя c новоррадци Попарью Щ и немець избишя.

B лЂто 6750 [1242] Э. Иде Александр к Батыю царю, и Олег резаньскыи иде к канови. A Батыи слышя Александрово мужьство и възлюби я, и отпустив и c честью.

B лЂто 6754 [1246] Ю. Ездил Александр 2-е к Батыю и отпущен бысть c честию.

B лЂто 6755 [1247] Я. Убиен бысть в орде князь Михаило черниговьскыи и Феодор, боярин его, от Батыя за вЂру христианьскую септевриа 23.

ЛЂто 6761 [1253]. СЂде Александр на ст[о]лЂ А Владимери.

B лето 6814 [1306]. Поставлен бысть Петр митрополит в Рускую землю, и приеха на Суздаль в тот 6817 [1309].

B лЂто 6818 [1310]. По Крещении поехал преосвященыи митрополит Петр к Бря \л.241.\ ньску; в то же врЂмя приде ратью татарьскою князь Василии на Святослава бряньского. Митрополит же Петр рече Святославу; «ПодЂлися, сыну, княженьем своим c братаничем Васильем». Святослав же надЂяся на свою силу, и рече: «Брянци, господине, не пустят мя, хотят свои головы класти за мя». И не послуша слова митрополича, ни помяну, яже рече писание: «Сын ослушлив приимет месть, надЂющи бо ся силЂ своеи погыбнут». Си убо Святослав выехав B силЂ тяжцЂ полъдни противу рати, и поткнушя межи собою копиа. Брянци же, повръгши Святослава, бЂжаша, a князя выдаша. Святослав же бився c своим двором, и убиен бысть. Митрополит же затворися в церкви и цЂл съхранен бысть от таковаго нахождениа поганых, яко же рече: «Избавлю избранного моего от оружиа люта и съхраню входы его и исходы».

B лЂто 6821 [1313]. Князь великыи Михаило ходи в о[рду] Б c Петром митрополитом, по \л.241об.\ неже Токта царь умре, a Озбяк сЂд[Ђ] В на царство и оберменися, и въборзе отпусти Петра митрополита на Русь.

B лЂто 6823 [1315]. Поиде в орду князь Юрьи Данилов[ич] Г c новгородци. Toro же лЂта выиде из орды князь великыи Михаило, a c ним посол Таитемирь, и много насилья сътвори земли Новгородскои, и взя Тръжек в 10 день февраля.

B лЂто 6824 [1316]. Придошя новгородци c Афанасием ратию в Торжок, князь же великыи Михаило събра вои много, овых изби, овых изнима. Того же лЂта князь Михаило, събра воя многы, поиде к Великому Новугороду ратыо. И устрЂмися путем незнаемым на Ловоть, и не успЂв ничтоже. A бывши в полку том много зла подяша, a инии пЂши приидоша.

B лЂто 6825 [1317]. Выиде из орды князь Юрьи Даниловичь на великое княжение, a c н[им] Д посол Ковады, и поиде ратью к Тфери, и вси князи рускыи c ним. \л.242.\ Князь же Михаило събра воя многы, и поиде противу ему, и бысть им сЂча люта на поли БортенЂвЂ дек[абря] 22, и поможе бог князю Михаилу.

B лЂто 6826 [1318]. Выиде Кончак на Русь и повЂси 100 и 20 человекь y Костромы, и шед ратью, взя Ростов и пожже. Тое же зимы мор бысть на люди в Тфери. Того же лЂта уби царь Озбяк князя Михаила тферьского.

B лЂто 6830 [1322]. Выиде из орды князь Иван Даниловичь, a c ним Ахмыл, и много христиан посЂкоша, a иных полонишя, и град Ярослав вземь и пожьгоша. Того же лЂта выиде изь орды князь Дмитреи Михаиловичь тферьскыи и сЂд на великое [княжение] Е.



Ц B C Содопои Ч B C по побЂде Ш B рукописи 6649 Щ Так в рукописи; д. б. Копорью Э B рукописи 6650 Ю B рукописи 6654 Я B рукописи 6655


А Буква o стерлась Б Буквы рду стерлись В Второе Ђ стерлось Г Буквы, ич стерлись Д Буквы им, стерлись Е Слово почти целиком стерлось \28\



B лЂто 6833 [1325]. Поидоша в орду князь великыи Дмитрии Михаиловичь и князь великыи Юрьи Даниловичь в розмирьи, и убиен бысть в ордЂ князь великыи Юрьи Даниловичь повелЂниемь князя Дмитрея Михаиловича тферьского. Того же лЂта свръшена бысть церкви святыи Федор в Тфери Иваном, игуменом царьградскым.

BЂто Ж 6]834 [1326] Ж. Убиен бысть князь ве \л.242об.\ ликыи Дмитрии Михаиловичь в ордЂ тферьскыи царемь Озбяком. Того же лЂта заложена бысть церкви на Моск†святая Богородица съборная августа 4 княземь Иваном Даниловичем. Того же лЂта сЂде на великое княжение князь Олександр Михаиловичь. Тое же зимы прЂставися Петр митрополит, пас церковь лЂт 20.

B лЂто 6835 [1327]. Выиде изь орды царевь посол Шевкал на Тферь. Того же лЂта священа бысть церкви святая Богородица Московьскаа авгус[та] 15. B тои же день убишя Шевкала на Тфери. Того же лЂта поставлен бысть Фегност митрополит на Русь гръчин. Того же лЂта князь Иван Даниловичь поиде в орду. Тое же зимы рать бысть татарьскаа на Тфери и на Кашин, выидошя пять темников, a воевода Федорчюк, a c ними князь Иван Даниловичь московьскыи, князь Александр Васильевичь суздальскыи и вси князи рускыи c ними. Взяша Тферь и пожьгоша и. . .З \л.243.\ повоевашя, a князь Александр бЂжа во Пьсков.

B лЂто 6836 [1328]. СЂде на великое княжение князь Ивань Даниловичь, и бысть во дни его тишина велика. Того же лЂта выиде Феогност митрополит на Русь.

B лЂто 6837 [1329]. Князь великыи Иван Даниловичь поиде ратью к Пьскову на князя Александра и увЂрнуся в Поках.

B лЂто 6838 [1330]. Князь великыи Иван Даниловичь заложи церковь камену на Моск†святого Спаса маиа 10.

B лЂто 6840 [1332]. Бысть глад по всеи земли. Того же лЂта оженися в друрыи князь Иван Даниловичь. Того же лЂта прЂставися князь Александр суздальскыи.

B лЂто 6842 [1334]. Създана бысть на Моск†церкви камена святого Михаила, того же лЂта и священа бысть септебря 20.

B лЂто 6846 [1338]. Убиен бысть в ордЂ князь великыи Александр Михаиловичь и сын его Федор, разоимани бышя по съста[во]м И октяб[ря] 20. Бывшу бо тог \л.243об.\ да и князю Ивану Даниловичю в ордЂ.

B лЂто 6847 [1339] К. Убиен князь Александр проньскыи от своего брата. Тое же зимы отпущен Товлубии царемь ратью к Смоленьску, a c ним князь Иван Коротопол рязаньскыи, a князь Иван Даниловичь по цареву слову посла c Товлубием князя Костянтина ростовьского, Ивана дрюцкого, Федора фоминьского, a c ними воевода Александр Ивановичь, Федор Окинфовичь. И стояша ратью y города немного дни, a города не взяшя.

B лЂто 6848 [1340]. Преставися князь великыи Иоанн Даниловичь в чрънцех и в скимЂ марта 31, a положен бысть на Моск†в церкви святаго Михаила, княжив лЂт 12. Того же лЂта поиде в орду князь Семен Ивановичь c братьею. Тое же осЂни выиде изь орды князь Семен Ивановичь на великое княжение октяб[ря] 1.

B лЂто 6849 [1341]. Князь великыи Семен Ивановичь поиде ратью к Тръжку и князь Иван, брат его, и князь Констянтин \л.244.\ ростовьскыи и вси князи рускые c ними; князь Костянтин суздальскыи и Васильевич, князь Василии ярославьскыи и вси князи рускыи c ними; и стояше y Тръжку два месяца, и смиришяся c новгородци, и взяшя чръныи бор. Того же лЂта сЂд в НовегородЂ на Городищи на княженье князь Костянтин Васильевичь суздальскыи.

B лЂто 6850 [1342]. Приде рать литовьская к городу Можаиску, посад пожгошя, a града не взяшя. Тое же зимы Озбяк царь умре, a сын его ЧенебЂк сЂдЂ на царство.

B лЂто 6851 [1343]. Князь великыи Семен Ивановичь сперъся o Новгородском княжении c княземь Костянтином и поидошя в орду. И досталося княжение Л Новгородское князю Костянтину Васильевичю.



Ж—Ж Слово лЂт u ≠S m. e. 6000, стерлись З Далее стершееся слово не прочитано И Буквы во стерты К B рукописи 847 Л Далее зачеркнутое Морковьское



B лЂто 6852 [1344]. Поиде в орду преосвященыи митрополит Фегност за причет церковьныи, и мнору истому приат от царя за вЂру христианьскую, \л.244об.\ и укрЂпи его бог, выиде на срЂдокрестнои недели.

B лЂто 6858 [1350]. Приидошя послове от литовьскаго князя Олгирда к великому князю Семену Ивановичю c многыми дарми, прося мира и живота своеи братии; князь же великыи взем мир на многа лЂта и отпусти Корьядову чядь. \29\

В лЂто 6861 [1353]. Бысть замятня в Цариграде: царя Иоана изгнаша, a на царство сЂдЂ тЂсть его, тисячьскыи отца его, a царь Иоан бЂжа в Селунь. И рече патриарх царю: «Не достоить ти царствовати согнав царя». Он же не послуша М патриарха. Патриарх же Калист, помянув слово Христово, иже рече апостолом своим: «Идеже слово ваше приимуть, ту прЂбываите», и прочяя. И взем жезл свои изыде из града в Селунь. Царь же постави в него мЂсто патриарха Филофея. И бысть трус в Цариграде, 100 и 50 палат падоша, a иных множество двиглося, а по странам град из основаниа изъвръгошя Н. \л.245.\

. . .ля князь великии Дмитреи Костянти[но]вичь О на Новъгород, и князь Борис, брат его [м]еньшии П, не ступися ему княжения.

[В л]Ђто Р 6876 [1368]. Князь великии Дмитрии [И]оановичь С посла рать на князя Михаила тферьского, он же бЂжа в Литву. Того же лЂта князь ОндрЂ[и] Т полоцькии воева Хорвачь да РоднЂ, a князь Володимер Ондреевичь, пришед ратью, възя Ржову. Тое же осени Олгирд, князь литовьскыи, и брат его Кестуити и Михаило тферьскыи приидоша ратью к Моск†месяца ноября и заставу московьскую побЂдиша на СтрошинЂ, князя Семена и Окинфа и иных многых. И стояли y Москвы три дни, възвратишяся в свояси, a людии множдество посЂче и полони. Тое же зимы князь Володимер ОндрЂевичь ходи на помощь пьсковичем.

B лЂто 6878 [1370]. По многы нощи быша знамения по небу, яко столпы. Тогда уполъзну снЂг в НовЂгородЂ за святым БлаговЂщением и засыпа дворы c людьми. На ту же зиму ноября месяця [п]акы У приходи Олгирд к Воло \л.245об.\ ку. На Николин день прииде к Москв[Ђ] Ф и стоя y города 8 днии и, взем ми[р] Х, възвратися в свояси.

B лЂто 6879 [1371]. Обручиша за князя Володимера y Олгирда дщерь его Олену. Того же лЂта быша знамения многа и мърла велика, за д†сажени не видети. B лЂто 6880 [1372]. Оженися князь Володимерь y Олгирда.

B лЂто 6881 [1373] Ц. Князь Олег рязаньскыи прииде изгоном на Рязань на князя Володимера и сърна его, a сам сЂде. Тое же весны князь Михаило тферьскыи подвел рать литовьскую втаи на град Переяславль, князя Кестутья да князя ОндрЂя полоцького Олгирдовича по пасцЂ на другои недели в вторник. Посад пожгоша, a града не взяша, a люди множьство плЂниша. A князь Михаило тферьскии в т[о] ЦЦ время взял Дмитров изгоном. Того же лЂта Олгирд, князь литовьскыи, поиде ратью к МосквЂ. Слышав же князь великыи Дмитрии Ивановичь, собра воя многы и поиде противу \л.246.\ ему, и стрЂтошяся y Любуцька. И стаяху ратью прямо себе, a промежи их враг крут и нельзЂ снятися обоим полком. И взяша мир вЂчныи.



М Далее зачеркнутое царя Н Далее в рукописи пропуск О Буквы но оторваны П Буква м оторвана Р Буквы B л оторваны С Буква И оторвана Т B рукописи ОндрЂ У Буква п стерлась Ф Кусок листа c буквойЂ оторван Х Кусок листа c буквой p оторван Ц B рукописи 6081 ЦЦ Кусок листа c буквой o оторван



B лЂто 6885 [1377]. Умре князь литовьскии Олгирд, и сЂде по нем сын его меншии Ягаило. В лЂто 6886 [1378]. Посла Мамаи Бигича рать на великого князя Дмитрея Иоановича. Князь же великии Дмитрии Иоановичь поиде противу им и перееха за реку Оку, и стрЂтошяся y рЂкы y Boложи. Татарове же преехаша на сю страну и поидоша на наших c копии, и удари на них c одну страну Тимофеи, околничии князя великого, a c другую страну князь Данило проньскыи, a сам князь великыи y лице. Татарове же повергоша копия, побЂгоша за реку, a наши послЂ бьючи, и побиша их множьство без числа, a инии потопоша в рЂцЂ. И бысть нощь, не видЂ за ними гонитися за рЂку, a утрии мъгла велика. Князь же великии поиде слЂдом их и обрЂте их в поли, \л.246об.\ повръжены вежи их и товара в них множьство, a самих не обрЂтоша. Князь же великии възвратися. Тое жо осени прииде Мамаи на землю Рязаньскую. Князь же Олер перебЂжа за рЂку Оку, a град поверже. Татарове же град Переяславль пожгоша, a власти повоеваша, и люди множьство посЂкоша, a иных полониша, и възвратишяся.

B лЂто 6888 [1380]. Безбожныи князь Мамаи събрав воя многа всю свою силу безбожную татарьскую, и всю землю Половецькую, и рать понаимова, фрязы и чръкасы, и c всЂми c ними поиде на великого князя Дмитрия Иоановича и на всю Руськую землю. Слышав же князь великыи Дмитрии Иоановичь събра воя многы, поиде противу его за свою очину и за святыя церкви. И перееха за Оку, повЂдаша ему Мамая за Доном, ждуща к собЂ на помощь рати литовьское. Князь же великыи поиде за Дон, и ту стретошяся полци за Доном на усть Не \л.247.\ прятвы, и бысть сЂча люта чрес весь день сентебря в 8, и падоша множдьство безконечьно от обоих стран, множдьство излише, яко же не бысть в Рускои земли николи же. И поможе бог князю великому Дмитрию Ивановичю, \30\ a Мамаевы полци поганьстии побЂгоша, a на[ш]и Ч за ними, биючи и сЂкучи поганых [б]ез Ш милости, и гнаша их до рекы до Мечи, и ту множьство их избиша, a инии в рЂце истопоша, им же не бЂ числа. И утече Мамаи в свою землю не в мнозЂ силЂ. A князь великии стоял на побоищи, жаля по своих, яже т[у по]биени Щ быша мнози, им же не бЂ числа, иже дерзновение и храбрость показаша по православнЂи вЂрЂ. B них же убо бЂаше не мало князеи рускых и боляр великых много множдьство, христоименитых же людии без числа от острия мечем падоша. Им же буди вЂчная память, богу же нашему слава, показавшему своему достоянию крЂпкое воеводьство и побЂду на пога \л.247об.\ ныя. Князь же великыи Дмитрии Иоановичь възвратися в свою отчину на Москву c великою побЂдою. И поведаша князю великому Дмитрию Иоановичу, што жь князь Олег рязаньскыи посылал на помочь Мамаю свою силу, a сам на рЂках мосты переметал. И князь великыи въсхотЂ послати на нь свою силу. И се приехали к нему болярЂ рязаньскыи, повЂдаша ему, шьто князь Олег повръга свою землю и побЂжал c княгинею и c дЂтми и c единомыслеными своими. И молиша много князя великого, дабы на них рать не послал, и рядишяся y него. Князь же великыи не остави слова их, поиде в свою землю, a на Рязани посади своя намЂстници. Тое же осени прибЂг Мамаи в свою землю и собра останочьную свою силу, въсхотЂ пакы изгоном поити на великого князя Дмитрия Иоановича на Рускую землю. И прииде ему вЂсть, что идеть на него царь Тактамышь \л.248.\ ис Синее орды, он же иде противу его. И срЂтошяся полци обои. И абие Мамаевы князи, съшед c конеи, биша чолом царю Тактамышю, Мамаи же, то видЂв, побЂже c единомысленики своими. Царь же посла за ним воя своя, a сам шед, възя Мамаеву орду и царици, и улус весь поима, и богатьство Мамаево раздЂли другом своим. И оттуду послы отпусти к князю великому Дмитрию Ивановичу и ко всим князем руськым повЂда им свои приход, как врага своего Мамая и их врага побЂди, a сам шед сЂде на Влъжьском царствЂ. Князи же рустии послов его отпустиша c честью и c дары, a за ними отпустиша свои киличеи в орду c многими дары к царю.



Ч Кусок листа c буквой Ш оторван Ш Кусок листа c буквой б оторван Щ Кусок листа c буквами y по оторван



B лЂто 6895 [1387]. Князь великыи Ягаило Олгирдовичь литовьскыи ехал женитися в Угорьскую землю к королю, и тамо женивъся, и крестися в латыньскую вЂру, и оттолЂ \л.248об.\ начаша Литва креститися в латыньскую вЂру. Того же лЂта бысть мор силен в Смоленьску.

B лЂто 6897 [1389]. B Новъгород приеха князь Семен Лыньгвении Олгирдовичь на пригород на УспЂние святыя Богородица. Того же лЂта уеха князь Василии Дмитреевичь от царя Тактамыша за Яик. Того же лЂта преставися Деонисии митрополит в КиевЂ.

B лЂто 6900 [1392]. Женился князь великыи Василии Дмитреевичь, поя за себе дщерь Витовтову князя великого Софью. Того же лЂта поеха князь Семен Олгирдовичь в Литву к братии своеи.

B лЂто 6902 [1394]. Приездил в Новъгород князь ОндрЂи Олгирдовичь полоцькыи.

B лЂто 6903 [1395]. Бои бысть царю Темирь-Кутлую c Тактамышем, и прогна Тактамыша в Литву, a сам сЂде на царство. Того же лЂта, попущением божиим нЂкым, грЂх ради наших, изыиде гордыи, суровыи и безъчеловечьныи, \л.249.\ да сице реку не имы вида человеча, н[о] весь мръзок и безъобразен и немилостивыи, от въсточныя страны, иже отто Агары рода Темир, зЂло убо дыша, зЂло же хваляся на христианы, на овца Христовы паствы, паче же и на самое Христово имя.

Того же лЂта прииде князь Витовт к Смоленьску, a преже промче слова, рекше: «На Темирь-Кутлуя ида». И выеха к нему князь ГлЂб Святославичь не в мнозЂ; он же честив и одарив его, c любовию отпусти, рекше к ним, «дабы есте выехали вси князи братеники ко мнЂ c любовию по опасу. Слышал есми, шьто промЂжи вас неодиначьство и недружьба велика, и каково будет мЂжи вами слово или какова пря, и вы на мене сошьлитеся, акы на третии, и аз вас право сужду». И тако створи над ними обльсть, и вызва их из града лестью, акы право судити хотя, и разделити им очину по жребию. Они же вЂру яша словесем его, и выехаша \л.249об.\ к нему c дары, вси братя Святъславичи и вси князи смоленьскии, дондеже не оста ни един в градЂ, н[о] и c бояры своими. Он же поимав их, всих князии смоленьских, и посла их в свою землю Литовьскую, a сам посад пожьже и люди многы полони, и тако все княжение Смоленьское взял за себЂ, и намЂстника своего посади, князя Ямонта да Василия Бореикова. Се пръвое взятие Смоленьское месяца септеврия 28, в вторник. A князь Юрьи Святославичь был в то врЂмя на Рязани y цтя своего, y Олга Ивановича. Toro же лЂта в осень князь Семен Дмитреевичь суздальскыи приде ратию к Новугороду Нижнему, a c ним царевичь Ентак, a татар 1000, a c ними Володимер Даниловичь, Григории Володимировичь, \31\ Иоан Лихорь. И бысть им бои. И то слышав князь великии Василии Дмитреевичь, и събра рать многу, и посла брата своего князя Юрья Дмитриевича \л.250.\ и c ним силу многу. Он же, шед, взя град Болгары Великыи и град Жукотин, и град Казань, и град Керменчюк, и всю землю их повоева, и много бермении Ы и татар Ы избиша, и всю Татарьскую землю поплени, воевал 3 месяци и възвратися со многою корыстию в землю Рускую.

Тое же зимы князь великии Витовт посылал рать на землю Рязаньскую. Литва же повоеваша землю Рязаньскую и отидоша.

B лЂто 6905 [1397]. Князь Василии смоленьскыи Иоановичь и Патрикии Наримонт приехаша в Новъгород, и прияша их новгородци.

B лЂто 6906 [1398]. Бысть побоище князю великому Витовту c Темирь-Кутлуем царем. Князь великии Витовт Кестутьевичь литовьскии събра вои многы безъчислены, и царь Тактамышь c ним своим двором, и литва, и нЂмци, и ляхы, и полянЂ, и c ним князеи 50, и бысть сила ратных многа зЂло. И c \л.250об.\ всЂми сими полкы въоружився поиде на царя Темирь-Кутлуя. И похваляся на орду Витовт и глаголаше: «Поидем, плЂним землю Татарьскую, побЂдим царя Темирь-Кутлуя и возмем царство его, и посадим царя Тактамыша, a он мя Э посадить на всеи Рускои земли и на том на всЂм». И поидоша на та[та]ров Ю воевать. B то же врЂмя приспЂ Темиръ-Кутлуи царь c многыми полкы ратными и с князми своими ордыньскими. И срЂтошася c Витовтом в поли на рЂцЂ на Воръскли, и бысть им бои велик месяца августа 12, в день вторник, и надолзЂ велми биющимъся им, и попусти бог татаром. Князь же великыи Витовт побЂже в малЂ дружинЂ. И царь Темирь-Кутлуи тогда прииде к городу к Киеву, и възя c города окуп 3000 рублев литовьскых, и силу свою распусти всю по земли Литовьскои, [и] Я воеваша татаро†даже и до Великого А \л.257.\

. . .же его выстояти, и пушьками град бив, бЂ бо Смоленеск град крЂпок велми, 7 недель быв под ним. И потом по ВелицЂ дни ступи прочь, а по зажитьем и по волостем Смоленьскым много зла створиша. Князь же Юрьи c князем Васильем c московьским выеха из города не в мнозЂ c бояры, a княгиню свою c бояры остави в СмоленьсцЂ и приказа им ждати себЂ на пръвыи рок и на другыи и на третии; a сам приеха на Москву, и бил челом князю великому Василию Дмитриевичю служити, даючися ему сам со всим своим княжением. Князь же великыи не прия его, ни его княжениа Смоленьского, не хотя измЂнити Витовту. Егда же бысть князь Юрьи на МосквЂ, a в то время Витовт събра силу многу и ста y Смоленьска. Гражане же не могуше тръпЂти в градЂ в гладЂ пребывания o [из]немож[ени]и Б всякыя истомы, град Смолнеск предаша Витовту. Се \л.257об.\ бысть послЂднее плЂнение Смоленьску от Витовта, в Петрово говение, месяца июня 26 день, в четверток. И тако Витовт взя град и все Смоленьское княжение за себе, a княгиню Юрьеву изнима и посла в Литовьскую землю, a князеи смоленьских поима и бояр, которыи добра хотЂли князю Юрью, a тЂх развЂде и расточи, a иных перемучи. A в СмоленьсцЂ своя намЂстникы посади, a ляхом дасть град предръжати; а по князя по Юрья посла на възыскание его. И князь Юрьи то слышав, c своим сыном, c князем Федором, съжалиси в горЂсти душа и побЂжа c Москвы в Великыи Новъгород, и тамо новгородци прияша его c миром. Того же лЂта преставися князь Василии суздальскыи. B лЂто 6913 [1405]. Князь Василии Дмитреевичь посла рать в Татарьская мЂста на възыскание князя Семена суздальского, дабы его гдЂ обрЂсти самого или княгиню его, или \л.258.\ дЂти его, или бояр его, крыяше бо ся, бЂгая в Татарьская мЂста. A воевода бяше князя великого Иоань ББ Иуда Андреевичь и Федор ГлЂбовичь.



Ы—Ы В С бесермени татар Э Написано над строкой Ю В рукописи таров Я Буква стерлась


А Далее в pyкописи пропуск Б Буквы в скобках стерлись ББ Так в рукописи; в C Иоана



И наехаша княгиню Семенуву Олександру в Татарьскои земли на мЂсте, нарицаемЂ Чибирьца, и ту изнимаша ю y святого Николы, a церковь ту поставил некоторыи бесерменин, именем Хазибаваа. Они же абие емъша ю и ограбиша, и приведоша ю на Москву c дЂтми. И пребысть ту на дворЂ БелеутовЂ, дондеже князь Семен покоривъся помирися, зан же тогда бяше в ордыньскых мЂстЂх. И слыша, что княгиню его яша и з дЂтми, и казну его взяша, и сослався c великым князем, и въниде в покорение. И приеха из орды на Москву князь Семен, дабил чолом князю великому Василию, и взя мир поеха c Москвы князь Семен и c княгинею и з дЂтми на Вятку, н[о] болен. Сыи пребыв на Вятке 5 месяць и преставися князь Семен Дмитреевичь сузда \л.258об.\ льскыи. И се убо осмь лЂт по ряду служил в ордЂ, дабиваяся своее очины, и служил 4-м царем: 1-му Токтамышю, 2 — Аксаку, 3 — Темирь-Кутлую, 4 — ШанибЂку, и не обрЂтая покоя ногама своима, и не успЂ ничтоже. Того же лЂта бысть на Моск†чюдо: в дому Тютрюмо†от иконы святыя Богородица и святого чюдотворьца Николы изыде миро из образа. \32\

Того же лЂта князь великыи Витовт възя виною на миру пьсковьскыи городок Коложе, a Пьсковьскую крестную грамоту присла в Новъгород, и стая под Вороночом 2 дни и отиде, волости повоевав. И пьсковичи жаловалися Новугороду на Витовта про литовьскую воину.

B лЂто 6914 [1406]. Князь великыи Василии Дмитреевичь развръже мир c великым князЂм ВитовТом за пьсковичи, и ходи противу Витовта, и воевашяся межи себе.

Того же лЂта преставися преосвященныи Киприян, митрополит кы \л.259.\ евьскыи и всея Руси, месяца семтебря 15 на нощь, а пас церковь божию 30 лЂт без полутретья месяца. И в 16 день проводиша и честно весь град, c Голенищова в рород, несоша на главах. A епископи служаху над ним: Григории, епископ ростовьскыи, Митрофан, епископ суздальскыи, Иларион, епископ коломеньскыи. Архимандрити и игумени и весь священничьскыи събор, пЂвше нагробное, и положиша и в соборнои церкви святыя Богородица.

Тое же осени отеха князь Юрьи смоленьскыи из Новагорода на Москву, и князь великыи дасть ему Торжок, и он ту убил неповинно служащаго ему князя Семена Мьстисловича вязямьского и еро княгиню Ульяну уязви, бо ся окаанным своим похотЂнием на его подружие. Она же предобрая мужелюбица мужескыи въспротивися ему и, въземьши нож, удари его в мышьцю на ложи его. Он же възьярився въскорЂ, сам князя ея уби, a самои рукы и ногы повелЂ \л.259об.\ отсЂщи и въвреши в рЂку. И бысть ему в грЂх неисцЂлен и в студ велик, и за то побЂжа в орду и тамо умрЂ. Того же лЂта ездил князь Петр Дмитреевичь в Новъгород на пособь на Литву, и бысть в НовЂгородЂ 10 днии.

B лЂто 6915 [1407]. Бысть знамение на ПохрЂ: иде кровь от иконы святыя Богородица. Того же лЂта князь Костянтин Дмитреевичь иде ратью на немци c пьсковичи, и много зла учинилося Немецькои земли, многых посЂкоша и полониша, и взя немецькыи ррад Порх. A новгородци просиша y великого князя Витовта князя Лырвения, и да им; и даша ему новгородци пригороды. . A князь великыи Василии Дмитреевичь воевася c великым князем Витовтом, и литва взяли Одоев, a y Вязмы y города стояла рать московьская; и не взяша Вязмы, и мир взя князь великыи c Витовтом. Булат-Берд исъгна ШанибЂка c царства, a сам сЂде на \л.260.\ царст†его.

B лЂто 6916 [1408]. Прииде князь Костянтин Дмитреевичь в Новъгород в Великыи, в великого князя мЂсто, на Городище. На ту зиму прииде Едигеи ратью к Моск†месяца ноября 23 день, в пятницю, и стоя месяць y ророда, окуп взя 3000 рублев, a городы поима Переяславль, Юрьев, Дмитров и прочая волости повоева и до Тферьского рубежа.

B лЂто 6917 [1409]. Ходи Онфал на Болъгары ратью, и тамо около его рать побили татарове, a самого изъимаша. [Т]ого В же лЂта пьсковичи възяша мир пьсковьскым повелЂнием c великым князем Витовтом и c немци.

B лЂто 6918 [1410]. Прииде из Царяграда Фотеи митрополит, поставлен на Киев и на всю Рускую землю, родом гръчин. Поставлен патриархом Матфеем при цари МануилЂ, и прииде на Москву при великом князи Василии Дмитреевичи на Велик день. Того же лЂта преставися \л.260об.\ князь Володимир ОндрЂевичь месяца маия 14 день.

На ту же осень бысть побоище королю Ягаилу Олгирдовичю, именем Володиславу, и князю великому Витовту Кестутьевичю c немци и c прусы в Прускои земли, межи городы Дубравны и Острада. И убиша мистра и маршалка, и кунтуры побиша, и всю силу их немецькую побиша, и ррады немецкыи поимаша, н[о] толко три грады не дашяся королю и Витовту. И бысть тое осЂни ходиша на три побоища c немци ляхом и литве, н[о] немець избиша, a в всЂх побоищох много падоша христиан и литвы и ляхов. A стояша под Марииным городом 8 недель и взяша Мариина города два охобня, a вышьняго не взяшя, и ходишя по НемЂцькои земли полдругынадцать недели. [Н]а ВВ ту зиму месяца генваря поеха Фотеи митрополит на Тферь и тамо постави владыку Антония, игумена \л.261.\ ильиньского. A бышя в жеребьи Парфении, федоровьскыи игумен, Антонеи, игумен ильиньскыи, москвитин. И служил владыка Митрофан суздальскыи по митрополичю слову и благословению в соборнои церкви в святом Спасе. И отслужив обЂдню, такы в ризах взял один жребии и принесл к митрополиту и ту сущю князю великому Иоану Михаиловичю и всем князем и бояром, и распЂчаташа жрЂбии, и обрЂтеся жрЂбии Антоньев; не хотЂвшим тферичом поставлен бысть епископом.



В B рукописи ого ВВ B рукописи a



B лЂто 6919 [1411]. Родися князю Лыгвению сын Ярослав на Копорьи и наречен бысть в крещении Федор. Того же лЂта князь великыи Василии Дмитреевичь отпустил дщерь свою княжну Анну \33\ в Царьград за царевича Иоана Мануиловича. Того же лЂта поеха ФотЂ митрополит в Литву и тамо на Кие†постави Савостьяна владыкою к Смоленьску. \л.261об.\

B лЂто 6920 [1412]. Месяца сентебря 8 в Луцку в Великом постави епископа Турову Еуфимия. От Галича поиде к Моск†месяца августа 1.

B лЂто 6922 [1414]. ПогорЂ град Тферь и посад весь.

Того Г же лЂта отеха князь Ярослав в Литву. [Н]а ГГ ту зиму поставлен бысть Амбросии епископом на Коломну.

Toro же лЂта створися знамение в очинЂ князя АндрЂя Дмитреевича в Колочи: от иконы святыя Богородица явилося чюдо, много прощения слЂпым и хромым, раслабленым, ея же не можеть ум человечь сказати. И на Москву приходила святая та икона месяца августа 15, и оттолЂ на Коломну и пакы на Москву, и от Москвы в Можаеск. Тогда был Цамъвлак на МосквЂ. Того же лЂта родися князю великому сын Василеи.

B лЂто 6923 [1415]. Повоеваша татарове всю Елечьскую землю и оттоле запустела. Тое же зимы ездил митрополит в Литву, в СмоленьсцЂ остави свою казну, a сам ездил в Городен к великому князю Витовту, \л.262.\ и не прия его князь великы Витовт. Тогда было БлаговЂщение в понеделник на страстнои недели; a на заутрее поеха митрополит Фотеи на Москву, a в Смоленьску был митрополиту Велик день, и приеха на Москву на святои недели. Того же лЂта погорЂ град Москва, и Смолнеск такоже погорЂ. Того же лЂта месяца июня в 7 день, на память святого мученика Федота, изгибе солнце и скры луча своя от земли в 4 час дни, в год божественыя литургия, и звЂзды явишася яко в нощи. Тогда было князю великому Василью Дмитреевичу 26 лЂт на великом княжении. Того же лЂта съдумавъши новгородци, зане не бЂ y них владыкы, и положиша написав 3 жрЂбьи на престолЂ во имя Самсона Д, чрънца от святого Спаса c Хутина, и Михаила, игумена от святого Михаила c Сковородкы, и Льва, игумена святЂи Богородици c Колмова. И по свЂршении святЂи литургии и остася на престолЂ Самсонов жрЂбии. И посадник АндрЂи Иоановичь и тысяцькыи Оле \л.262об.\ ксандр Игнатьевичь c новъгородци възвЂдоша Самсона честно на сЂни в дом святыя Софии месяца августа 11, на память Еупла диакона.

B лЂто 6924 [1416]. По божию попущению князь великыи Витовт умысливъшю ему по своему хотЂнию, собрав епископы рускыя, иже в области его живущии: Федосии полоцкыи, грЂчин, Исакыи чрьниговьскыи, Деонисеи луцкыи, Харитон володимерьскыи, Еуфимеи туровьскыи, и тЂми епископы постави Киеву митрополита Григория блъгарина Цамвлака месяца ноября 15 день. Тое же зимы поеха Самсон на Москву к митрополиту Фотею в владыкы ставитися. Тое же зимы месяца марта 12 день простил бог в церкви святЂи Богородици на Моск†y гроба святого митрополита Петра, чюдотворьца рускаго, нЂкоему человеку нога прикръчена отнуд, и исцЂле y гроба святого Петра. A в неделю 2 поста, марта 15, поставиша Самсона в дьяконы, a в с[уботу] Е \л.263.\



Г Буква T написана другими чернилами ГГ B рукописи a Д Первое a переделано из e Е Буквы в скобках стерлись. Далее в рукописи пропуск.



. . .[В лЂто 69]29 [1421]. И в во ЛвовЂ, и в Володимери, и приехал в вторник в канун Рожеству Христову, a в ВилнЂ был o Крещении. И оттолЂ поехал к Борисову и к Дрюцьку, и к Тетерину, и во Мьстиславли был y князя Семена Лыгвения, и в СмоленьсцЂ был, съборовал при князи Семене Ивановичи, и приеха на Москву и тамо жили и до Рожества Христова. A митрополит еха в свое село Бисеровьское, и оттолЂ поеха в Володимерь, и тамо им бысть и Велик день, a на Москву приеха по ТроицинЂ дни. Того же лЂта пакы поеха митрополит в Володимерь и на празник в год божественыя литургия. Бысть переполох татарьскыи, c великою нуждею едва съвръшиша божественую литургию.

B лЂто 6935 [1427]. Князь великыи был в Курчевьском и c матерью. а по Въздвижении поехал митрополит на Москву и был y великого князя, обЂдал в Курчевьском, и оттолЂ к Ильиньскому, a князь великыи y Кра\л.263об.\сное село. И тое нощи преставися Ивашько Голтяев сын, и князь великыи ту не обЂдал в Красном селЂ, обЂдал вы Ильиньском c митрополитом, и оттолЂ поехал митрополит на Москву, a князь великыи в Кжель, занеже на Моск†почялъся мор злЂе первого. Тое же осени преставишяся Володимиричи, князь Ярослав, потом князь Василеи, потом князь Семен, в чрънцех Сава. Тое же осени был митрополит на Брашо†и на КоломнЂ, а по Рожест†Христо†ездил в Литву, и съездил в 7 недель в Литву и из Литвы. Тое же зимы преставися князь Петр Дмитреевичь, месяца февраля. \34\

РЂка Ж ДнЂпр течеть в море Понешьское, и ДнЂпр течеть из Оковьского лЂса и потече на полъднь. A Двина ис того же лЂса течеть на полъщь З, и вниде в море Варяжьское. И Волга течеть ис того же лЂса и потече на въсток, и вътече в море Хвалишьское 70 устьи. ТЂм же \л.264.\ можеть ити Влъгою в Болгары и в Хвалисы и на въсток в жрЂбии Симов.

B лЂто 6939 [1430] ЗЗ. Князь великыи Витовт Кестутьевичь съзваше к собЂ короля польскаго Владислава, князя великого московьского Василия Васильевича и князя великого тферьского Бориса Олександровича, и мистра немецького, и прусьскаго, мештеря лифляньского, и велиции послы от Иоана, царя цариградскаго, и от римьскаго цесаря послы приходили, и от доньскаго короля, и от великого князя Ивана рязаньскаго, и от волоского воеводы послы приходили, и Одоевьскыи князи сами были, и от Великого Новагорода, и от Пьскова, и от ордыньскаго царя послы быша, и от иных князеи и земль послы быша. И тыи короли и велиции князи и послы бышя y великого князя Витовта 7 недель на его истравЂ, a на день шьло оброку по триста бочок меду, a яловиць по триста жь, a боранов и вепрев \л.264об.\ по триста. Князь великии Витовт хотЂл положити на себЂ коруну, и его неприатели поляне не пропустиша коруны, и за тым не положи на себе коруны. И разболЂся князь великыи Витовт, и распусти князеи великых и послы царевы c многыми даръми и c честью. A король польскыи Владислав бысть y великого князя Витовта, и при нем преставися великыи князь Витовт месяца октября 23, на память святого апостола Иакова, брата господня. И сЂде на великое княжение князь великыи Шьвитригаило Олгирдовичь на Вилне и на Троцех. И княжи великыи князь Шьвитригаило два года без дву месяцеи, и при своем княжении отпусти смоленьского владыку Герасима в Царьгород на митрополию. И не управляше земли. И Литва же посадиша великого князя Жидимонта Кестутьевича на великом княжении на Вилне и на Троцех месяца сентября 1 день. И прииде Шьвитри \л.265.\ гаило на Полътес[к] И и на Смолнеск, и князи рускыи и боляре посадиша князя Шьвитригаила на великое княжение на Руское. На ту же осень собра силу многу князь великыи Шьвитригаило, и князь великыи тферьскыи Борис Олександровичь дасть ему брата своего, князя Ярослава, c всею своею силою, и поиде на Литву, и не дошед до Вилны за шесть миль и ста во ОшьмонЂ, и ту стояше неделю. И князь великыи Жидимонт прииде c литовьскою силою, и бысть им бои месяца декабря 8 день, на память святого отца Потапья, в понедельник. И поможе бог князю великому Жидимонту, и побишя князя великого Шьвитригаила, a князи рускыи побишя, a иных поимашя: князя Юрья Лугвеньевича яша, князя Василия Семеновича яшя, Федька Одинцевича изымаша, пана Дедиголда, воеводу виленьского, яшя, a иных много множьство нобиша К и поимаша. Тое же зимы \л.265об.\ в другыи ряд [к]нязь Л великыи Шьвитригаило собра силу рускую и поиде на Литву, и повоеваша Литовьское земли множьство, и пожгоша, и в полон повЂдошя. Та ЛЛ лЂто же събра силу многу руськую, и мешьтерь лифляньскыи со всею силою своею прииде Шьвитригаилу на помощь, и князь великыи тферьскыи дасть ему свою силу, и поидоша в Литовьскую землю. За полъторы мили от Вилны ночевал в РудоминЂ, и поиде к городу; не доходя Троков, и поверне на Старыи Трокы, a под Трокы стоял на Спасов день, a стоял 4 дни, и поиде от Троков искати великого князя Жидимоньта и литовьское рати. И стояша в Векшюшьках 4 дни, и поиде на Русь в свою землю. И прииде к Креву, и стояша два дни, и взя град Крев мурованыи и сожьже, a людии много посЂкоша и в полон повЂдошя, и оттолЂ приидоша в Мо \л.266.\ [л]одечьну М. И прииде к великому князю Шьвитригаилу весть, что же идеть литва погонею, и князь Н же великыи Шьвитригаило посла на них князя Михаила, кыевьского воеводу, a c ним послал иных князеи руськых. И побиша пана Петраша Монтикирдовича и литву, a иных поимаша на Копачех. И оттолЂ поиде к Жославлю, и Жеславль возме того же дни и пожьже, a людии много в полон ведошя. И прииде к Меньску, и возме град Менеск и сожьже, a людии много в полон поведоша, мужи и жены. Иде в свою землю a много зла створи Литовьскои земли. И придоша в свою землю к Борисову, и ту изымашя князя Михаила Ивановича Гольшаньского на рЂцЂ на Березыни, и послаша его к городу к Видебьску, и тамо его повелЂ утопити в рЂцЂ в Двине под городом под Витебьском, a няша его невинно. Не доходя Лукомля за милю, в озерЂх, ме \л.266об.\ штерь поиде в свою землю в Лифл[я]нты О, a князь великыи Шьвитригаило к Лукомлю, и ту распусти силу свою руськую, князеи и боляр, a сам поиде к Киеву.



Ж Буква P написана другими чернилами З Так в рукописи; в C польнощь ЗЗ Так в рукописи ; Витовт умер в 1430 s. И Край листа c буквой к отореан К Так в рукописи; д. б. побиша Л Край листа c буквой к оторван ЛЛ B C на М Край листа c буквой л оторван Н Далее зачеркнутые буквы Миха О Край листа c буквой я оторван \35\



Ha ту же осень князь великыи Жидимонт собра силу многу литовьскую и ляхы, и приде на Руськую землю, идоша к Мьстиславлю, и сташа под Мьстиславлем месяца октября 26 день, на память святого мученика Дмитрея, в среду, и стоял 3 недели, не возмя города поиде в свою землю. На лЂто же събрашяся Шьвитригаило со князи рускыми и c боляры и c всею силою руською, и поиде на Литву, a мешьтерь приде c своею силою на помощь к Шьвитригаилу, и сняся c Шьвитригаилом в Бряславли. И божиим повелением паде на землю моча велика, за тым же не можааху в Литовьскую землю поити. Князь Шьвитригаило възвратися в свою вемлю, и мешьтерь поиде в [с]вою П \л.267.\ землю, и расп[уст]и Р силу свою, князеи и бояр в Полоцьку, a сам пои[де к] С Киеву. И на третее лЂто князь великии Шьвитригаило сожьже Герасима митрополита y Витебьску. И собрася князь великыи Шьвитригаило y Витебьску c руськыми князи и c руськими ратьми, и поиде к Бряславлю, и ту в Бряславли приде к Шьвитригаилу на помощь мешьтерь лифляньски со всею своею силою. И поидуть от Бряславля по Завельскои земли по Завелью к ВилкомЂрю. И сам князь великыи Жидимонт Т не поиде на Шьвитригаила, и дасть король 8 сот копеи помочи князю великому Жидимонту, и князь великыи Жидимонт посла сына своего, князя Михаила, на князя на Шьвитригаила. И князь Михаило прииде со всею силою литовьскою и c ляхи, и бысть им бои c Шьвитригаилом на Семень день, на лЂтопроводца, a билися за Вилкомиремь рЂцЂ У. И за то бог не пособи Шьвитригаилу, что сожьже митропо \л.267об.\ [лита Герасима, и поможе] Ф бог князю великому Жид[имонту] Х и его сыну князю Михаилу. И побиша князя Шьвитригаила и всю силу его, и многых князеи побишя, a иных руками поимаша. Убили братанича его, князя Жидимонта Корбутовича, и князя Ярослава Лыгвеньевича, и князя Михаила Болобана Семеновича, и князя Данилья Семеновича Гольшаньского, и князя Михаила вяземьского Лвовича, и иных князея много побиша, a руками изымаша князеи 42. На имя изымаша князя Иоана Володимеровича киевьского и брата его князя Федора Корибутовича, a лифляньского мештеря самого убиша, и ланъморшалка и иных кунтуров много побишя, и всих лифлянт перебишя, a иных живых поимашя, нечто ся их мало остало. И много иных гостеи побишя, рукужан и сляжан и чохов, a иных руками поимашя. ПослЂ того побитья 3 недели спустя и князь великыи Жидимонт събра всю свою силу литовьскую и посла сына своего князя Михаила на Русь. И пришед князь Миха[ило] Ц...



Ц Край листа c буквой c оторван Р Буквы уст стерлись С Буквы де к стерлись Т B рукописи первоначалъно Жидиммонт, затем второе м зачеркнуто У Так в рукописи; д. 6. на рЂцЂ Ф Буквы в скобках стерлись Х Буквы в скобках стерлись Ц На этом рукопись обрывается













© Сканування та обробка: Максим, «Ізборник» (http://litopys.kiev.ua)
25.III.2003








Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.