Попередня     Головна     Наступна





СЛУЦЬКИЙ ЛІТОПИС


Опис рукопису



. . .а се п[ак третее: c кимь] А мы ся вою[емь? C немьци. Они] c ними Полоцка [добы]вають. Уже то проявили, иж они полно на нась стали c немьци. И князь великии Витовть отвечаеть отцю своему, великому князю Кестутию: «Еще тому не доверяю гораздо». A рек то князь великыи Витовть, a самь поехал к Городну, к Дорогичину. Князь \л.1об.\ [пакь великы Кестутеи собрався своею мо]цию и [вженеть во город во] Вилню, име[ть кня]зя великаго Ягаила и со братьею и c матерью, и грамоты ты наидеть, што c немци записался, и к сыну своему гонца пошлеть, к великому князю Витовту к Дорогичину, иж такыя дела сталися. И гонець тоть наидеть князя великаго y ГороднЂ, a он вжЂ \л.2.\ [до Городна приЂхал з До]роги[чина, a князь великы] Витов[ть] за оде[н день] приженеть из Городна ко отцу своему, великому Б князю Кестутию. Онь же рече к великому князю Витовту, сыну своему Б: «Ты мнЂ не вириль, a ce ты грамоты, што записалися были на нас, но богь остерЂгль, ино я князю великому Ягаилу ничего не вчиниль, не рушиль есми ни скарбу его, ни стад, a сами y менЂ y нетьст†ходять, толко за малою \л.2об.\ [сторожею, a отчину его Ведбескь и К]рево [и вся мЂ]ста, што отець его держаль, то все ему даю и ни во што их не уступаюся. A то учиниль есми, стерегль осми своее головы, почюл, што на мене лихо мыслять». И князь великии Ягаило велми урадовалься великаго князя Витовтову приезду, и правду \л.3.\ д[ал] князь Витовт[у и] оцу, великому княз[ю Ке]стутю, што николи противу его не стоять, a за все y его воли быть со всими. И князь великии Кестутеи отпусти его со матерью и з братиею и c скарбомь своимь со всимь. И князь великыи Якаило поиде Креву. И князь великии Витовьт \л.3об.\ [проводить его до Креи]ва [и князь] великии Якаило поидЂть c Крева к Витебьску. A какь сед князь великии Кестутии y Вилни, пошлеть 2 человека к Полоцьку, одного в рать, a другаго в городь. И полочане возрадовалися и кликнули в рать, и люди ратныи отступили от Скиргаила и пошли к Вилни ко князю Кестутию. A князь \л.4об.\ [Скиригаило пошель] y Немци и в Ли[флянты] c малыми слугами. И князь пак великыи Кестутеи поидЂть к Северьскому Новугородку на князя Корбута, a своего сына, князя виликого Витовта, оставил в ЛитвЂ; идя ко Новугородку велить да обесить Воидила. A князю великому Якаилу из Витебъска \л.4об.\ [поитижь было c н]имь. [То пакь] великыи князь Якаило правду свою забыль наборзде, тамь не шоль, a наговорил местичи виленьскии, Ганюлеву чадь, a засели Вилню. A князь великии Витовть в то врЂмя y Троцех быль, и князь велики Якаило з Витебъска со всими приженеть к Вилни. И князь \л.5.\ велики [Витовт] пошлеть к Северь[скому] Новугородку ко отцу своему, великому князю Кестутию. A немци пакь прускии услышавши тая дела, и маршалок прускии поидЂ на помочь ратию к великому князю Ягоилу велми наборзде. A какь то услышаль князь великии Витовть, иж прускии немци к Вилни \л.5об.\ [т]ягну[ть], князь великии Ягоило из Вилни к Трокомь же идеть ратью сниматися c немци, и он поидеть к Городну ис Троковь c матерью. A какь приступили к Трокомь, князю великому Агоилу Трокы дадутся ему. И князь великыи Кестутии к Городну ко сыну своему туто, и жену \л.6.\ свою пошлють ю к Берестью, надеяся наз ББ князя Януша мазавискаго, зятя своего, a самь поидЂ y Жомоить, a сына своего, великого князя Витовта, оставить в ГородкЂ. Князь пакь Янушь, зять его, забывь добра и приязни цтя своего и тещи своеи и шюрьи, поидЂть ратью к Дорогичину. Дорогичинь возма осадить, \л.6об.\ Саражь извоюеть, Каменець извоюеть и оступить Бересть и тещю свою у Берестьи, и Берестья не добыль, поидеть прочь, осадивь сии городы, Дорогичинь, Хмельникь. A князь великии Кестутии, собравь свою Жомоитьскую землю и вси рати, и поидЂть к реце к Вилни. И князь Витовть, собравь свою В \л.7.\ . . .противу великаго князя Кестутия. И выступять на бои князь великии Кестутии исыномь своимь, княземь Витовтомь, притиву великаго князя Якаила. И какь не снемшися полкомь за 3 или за 4 стрелениа, приженуть князи и бояяре от князя великаго Ягола Г до князя великаго Г рати Кестутиевы, почнуть пытати великаго князя Витовта, што \л.7об.\ быхомь поговорили c нимь.



А Буквы в квадратных скобках заимствованы из C Б—Б Написано на нижнем поле c выносным знаком более мелким почерком ББ Так в рукописи; д. б. на В Далее в рукописи недостает листа Г—Г Написано на нижнем поле c выносным знаком более мелким почерком \69\



Почнуть говорити великому князю Витовту: «Князь великии Ягоило послаль нас к тобЂ, штобы еси уедналь нас со отцемь своимь, што быхомь дЂржали свое, a вы бы свое, a бою бы меж нас не было, a кровопролитие бы не учинилося. Ты бы приехаль ко брату своему, князю великому Якаилу, a мы правду \л.8.\ даемь, штобы тобе чисто отехати в рать свою чиз Д ды Д, абы межи вась добрыи быль конець». Князь великии Витовть отвечаль: «Правду y вась беру, штобы також князь Скиргаило семь приехаль, a тако ж бы правду даль, и a выеду». Они послали ко князю Скиргаилу, и князь Скиргаило такеж правду даль великому князю Витовту, какь они. \л.8об.\ И князь великии Витовт поехаль к великому князю Якаилу и ко его рати, и полко†стоять, межи себе не починая ничего. И князь великии Якаило учнеть просити Витовта, «штобы еси меж нась уедналь и кровопролития бы не было». И князь великии Витовть правду узяль y князя великаго Якаила за отца своего, што отцю его, князю \л.9.\ великому Кестутию, соехався опять чисто разехатися. A еще рек князь великии Витовт князю великому Якаилу: «Еще, брате, пошли Скиргаила, што быхомь отцю своему правду, иж бы ему чисто приехати, опять отехати, a князь бы Скиргаило от тебЂ дал правду». И князь велики Витовт со княземь великимь Скиргаиломь \л.9об.\ приедуть ко отцю своему, князю великому Кестутию в рать, дасть правду отцю своему от князя великаго Якаила, и князь Скиргаило правду дасть от великаго князя и от себЂ. И князь великии Витовть со отцемь своимь, великимь княземь Кестутиемь, оба поедуть в рать ко Якаилу, надеяся на тыи правды. Князь же великии Якаило переступиль тыи правды, \л.10.\ молвить: «Поедь к Вилни, тамо докончаемь». A в том рати, . ничего не почавши, остали. И какь к Вилни приехав князя Кестутия, дядю своего, оковавши, ко Креву послаль и усадили y вижю, a князя великаго Витовта оставили были еще y Вилни. И тамо y Креве пятыя нощи князя вЂликаго Кестутия удавили коморникы князя великаго Е \л.10об.\ Якаиловы: Прокша, што воду даваль ему, a были иныи, Мостевь брать a Кучюк a Лисица Жебентяи, И таковь конець стался ему, князю великому Кестутию.

По смерти пакь y князя великаго Кестутиа пошлеть князь великии Якаило князя великаго Витовта во Крево ж и женою, и велить его твердо стеречь в комнать. \л.11.\ Помщая Воидила, што были, за него сестру свою дали, дву велели на колесе разбити, одного, Видимонта, дядю маткына князя великаго Витовта, оттня брата маткы его, што держаль Улияну, потомь пакь была за Монивидомь, a иных бояр много постиналь помщая то Воидила. Князь пак великии Витовт седель y Кре†ЕЕ д†ходили \л.11об.\ покладывати княгини y комнату, да положивь их да вонь поидуть, a сторожа около. , То пак великая княгини слышав от людии: имет ли князь великии Витовт дольжи седЂти, ачеи такъже изгадають, какь и над отцемь. И пригадала ему такь: как поидуть жонкы покладати, ино бы ему одное жонкы ускласти порьты да вы \л.12об.\ ити вон Ж со другою жонкою, a тои жонце остати бы в нее. Он наредилсь y одное жонкы порты да з другою вышель, да спуститься из города и утечеть y Немци и Прусы. Сущу же ему y Немцах y Марьине городЂ y мистра, и приехавша к нему мнози князи и бояре литовьскии, и он же начне воевати помочю немецькою Литовскую землю. \л.12об.\ A князю , великому сущу Якаилу c матерью своею, великою княгинею Ульяною, y Витебъску, a брат его, княз Скииргаило, y Литовьскои земли y ТроцЂх, A великому князю Якаилу Скиргаилу ЖЖ невозможно уже стати противу ему, зане же убо y него сила великая собралася. Тогды князь великии Якаило перезваль его из Немець \л.13.\ и даль ему Луческь со всею Волыньскою землею, a в Литовьскои земли очину его. Короля Козимира пак краковьскаго в животе не стало, a сыновь y него не было, толко одна дочка, именемь Ядвига. И начаша ляхове c Кракова слати ко князю великому Якаилу, дабы принял крещение старого Рима и понял бы в них \л.13об.\ королевну Ядвигу собе женою и стал бы в них королемь y Крако†на всеи земли Лядьскои. Онь же, князь великии Якаило, свет сотвориль со матерью своею, великою княгинею Ульяною, и з братею своею, и со всими князьми и бояры Литовьския земли, и поехаль Кракову, y Лядьскую землю. Тамо ж самь крестися и братя его, \л.14.\ и князи, и бояре Литовьское земли. И поняль за себЂ королевну Ядвигу, и корунанова З бысть того королевьства коруною ЗЗ. И оттолЂ начаша крестити Литву в латыньскую веру, и прислал арцибискуп бискупа к Вилни во Литовьскую землю, и тогды начаша костелы ставити по всеи Литовьскои земли. Тои ж земы королю сушу y \л.14об.\ Кракове со всими князьми литовьскими и бояриИ литовьскими, князь Андреи полоцькыи ариидЂ з немци вифлянты К,



Д—Д Так в рукописи; в K ачеи бы Е e переделано из и ЕЕ B C далее за твердою сторожею в камьнате, a жонце Ж После o стертая буква ЖЖ B C и Скиригаилу З После первого o стертая буква y ЗЗ На правом боковом поле c выносным знаком, сделанным киноварью, скорописъю написано Яко крести Якало всю Литву в римСкую веру И и переделано из другой буквы К в переделано из и \70\



co всею латыгалою и ная Л Итовьскою Л землю, и повоеваша и пожже много мест и сел, градомь Литовьския земли ничего не успе, и пакы возвратися восвояси М. Тои ж зимы князь Свяцьславль смоле \л.15.\ леньскии Н советь сотвориша со княземь Андреем полоцькымь: он в Литву, a князь Свяцьславль к Орши. A не НН миру много зла сотворивьши християньмь, не человечьскии и не християньскии, иж ни и на поганскых ратехь слышахомь таковых мук мучиша християн. Собираху и запираху во избахь, зажигаху, другыя великиа храмы очепы под \л.15об.\ нимаху и плениковь подь стену главами кладаху и зажигаху, a жоны и дети ихь на колье тыкаху, a ныхь мукь над християны, иж грозы ради не писахомь, яко ж ни Ониихь О осирьскии, ни Ульян законьпреступныи техь мукь не сотворили над християны. Ко градомь же пришли, ничтоже успеша, и пакы возвратишася восвояси. \л.16.\ Тое ж зимы великаго поста нача Свяцьславль думати c смоленьскими бояры на християны кровопролитие, акы свирепии зверие, акы не християне. Поиде к городу Мьстиславлю, ста y града Мьстиславля и нача добывати, порокы бити градь, a в землю Мьстиславльскую воину свою пустиль и много проли крови хри \л.16об.\ стияньскиа. Тожь бысть богу мерьзко зрети зовущимся християном, а П братю свою хрестияне П не человечьскы и не християньскии муча. Князь же великии Скиргаило и князь великии Витовть приехаша из Ляховь от брата своего короля, и слышачи, яко князь Свяцьславль смоленьскии преже бысть под Витебьскомь, a потомь к Орши ходиль, a под Мь\л.17.\стиславлемь стоить, град порокы биеть. И сжалился князь великии Скиргаило, поидеть и c братьею своею, великиимь княземь Витовтомь и c Костяньтиномь, и c Корибутомь, и с Р сыномь Р Лыквеньемь. И поменуша слово божие, еже рече: «В нюже человекь меру мЂрить и отмерится ему, a што сееть С,то и пожнеть». Рекоста: \л.17об.\ «Мы никоего зла сотворша ему, a он c нами y докончании буда и преступиль крестное целование и докончание, нашю землю воюеть и кровь християнскую проливаеть. Мы же идемь на него, надеючися на бога и на крестьную Т силу». И приидоша ко городу Мьстиславлю. Ан У князю Святославу ставшу y города \л.18.\ и бивши порокы град Мьстиславль на третеи недели y пятницю, яко услыша князь Свяцьславль, яко идеть на него князь великии Скиргаило c братьею, он ж сполчивь вои своя и поидЂ противу имь. Яко соступишася полци Ф, богь же по пророка Давыда слоуву сотвори, еже рече: «Обратится болезнь его на главу, и на верхь его неправда снидеть». \л.18об.\ И пакы: «Ровь изрыив ископа Х, и впадеся во яму, юже сотвори». Богь поможеть великому князю Скиргаилу и великому Ц князю Витовту, a княз Святослав Ц устремися на бег и со своими князми, и бояры смоленьскими, и со своими ратми. Божиею силою ту немало чюдо створися Ч, избито бысть вои много множство, князеи и бояр. Но и самого великаго князя \л.19.\ Свяцьслава убиша, сына же его, князя Юрья, князь великии Скиргаило исцелиль его от рань и приведеть его к городу Смоленьску ко матери его, великои кнегини Свяцьславли, и посади его на великомь княженьи Смоленьскомь, зане же бысть за княземь Юрьемь дщи старшье сестры Скиргаилавы. Отшедъше от града Смоленьска князь великии и Скиргаило \л.19об.\ поидЂ y свою землю Литовскую и нача княжити y Троцехь, a y Вилни прислал король старосту своего лядскаго. A князю великому тогды Витовту держачи Луческь и всю землю Волыньскую, a в Литовьскои земли очину свою. И бысть ему нужно, иж преже чюжого не бывало в Литовьскои зеземли Ш, сторонамь владеющимь великим \л.20.\ Литовьскимь княжениемь. Тогда советь сотвори со многыми князьми и бояры литовьскими. Тогда бо Скиргаилу отехавшю к Полоцку, a князь великии Витовть приидЂ к Вилни, хотя ю засести, a кнегини великаа его Анна бе тогда y ГороднЂ. Вилневци же тогда не удашася Щ ему, зане же тогда были королю правду дали и Скиргаилу. Онь же \л.20об.\ тогда не возма Вилни и поиде ко мистру c своею княгинею и со своими князьми и со многими бояры, и оттоле нача воевати Литовьскую землю c немецко Э помочью. И уже узяль быль половину Литовьское земли по реку Велью Ю, и Полтеск град дался ему. УзрЂ король и князь великии Скиргаило, \л.21.\ яко же уже имь невозможно Я удержати Литовьское земли пред великымь княземь Витовтомь.



Л—Л Так в рукописи; в C на Литовску М На нижнем поле c выносным знаком более мелким почерком и другими чернилами написано яко Святослав проли крови хрестияньСкое много Н Так в рукописи НН B C на О Над вторым и смытая буква, возможно т; e таком случае первоначалъно было Онтиих П—П Написано на нижнем поле c выносным знаком Р—Р B C co Семеном С После второго e стертая буква Т к u н переделаны из других букв У Так в рукописи; в C a Ф Ha правом поле скорописью написано тако победи Витовт Святослава Х и написано другими чернилами no cmepmoй букве Ц—Ц После великому видны стертые буквы Св. . .слав. . .ра. На месте св стоит выносной знак и на нижнем поле скорописью написано князю Витовту, a княз Святослав Ч Далее стертая буква Ш Так в рукописи Щ Буквы да приписаны другим почерком Э Слово заканчивается буквой о, далее стертые буквы Ю Перед этим словом и после него смытые буквы Я Далее стертые буквы ко \71\



С А немецькыми силами поидЂ к Вилни А, стретить его князь Скиргаило со братомь своимь Витовтомь Б и c литовьскыми вои на реце на Вельи y городка, на месте нарицаеме Веишишькы. И ступившимся полкомь, богь поможить \л.21об.\ великому князю Витовту, и побежени быша литовьскии , вои, и устремишася на бегь, и побито ихь много бысть. A иных князеи и боярь в нятство имали: князя Семиона Евдутьевича ББ, князя Глеба Святославича смоленьскаго, князя Глеба В Костяньтиновича, князя Ивана Пету ВВ, Лва Плаксича и иныхь князеи много \л.22об.\ изымань. И поидЂ князь . великии Витовть Г к городу к Вилни и со своими воинами, и отступять город Вилню, и нача добывати Кривого города, пушками бити, и взя град Крывии; тогда же немци убиша князя Скиргаила Д Олкирдовича. A лядскои заставе, y Высокомь городе тогда сущу, и не пустиша y градь князя \л.22об.\ Скиргаила. Князь же великии Витовть возма Крывы город и землю извоеваль, пакы возвратися в Немьци. Того же лета к великому князю Витовту y Немци, y Марьнрод ДД, приидоша послы из города Москвы от великаго князя Василиа Дмитреевича, просячи дщери князя великаго Витовтовы \л.23.\ за великаго княза Василя Дмитровича. Князь же великии Витовть дасть дщерь свою, княгиню Софью, и отпусти ю из Марьина города, a з нею посла князя Ивана Олгимонтовича Е из грода Кданьска. И поидоша в кораблех за море, и приидоша к граду Пьскову, они же великыи чести уздаша имь, проводиша ихь чста Ж до Великаго Новагорода. \л.23об.\ Новгородци же пакы честь имь воздаша и проводиша ихь и c честию до Мысквы З к великому князю Василью Дмитреевичу. Князь великии Василии послаль противу имь c честию братью свою, князя Володимера Андреевича и князя Андрея Димитроевичь, иных много князеи и бояр. И стретиша великую княжну Софью c великими \л.24.\ честьми, тогда бе священыи митрополить Киприян c архиепископы и c епископы, и c архимандриты, игумены, и со всим священичискымь чином стрете и честно со кресты предь градомь пред Москвою. И сотвори брак честнЂ, и венча и великаго князя Василья Дитреевича И c великою княжною Софею, и бысть \л.24об.\ брак честен и чти достоин, и веселию многому. Мы же на предние возвратимсь. Князю великому Витовту сущу в Немцех y мистара y Марьине городЂ, присла к нему король посла и з братомо своимь Скиргаиломь, a рекучи: «Больши того, брате, не теряи земли Литовъское, очыны нашее и своея, a поди, братЂ, к намь y мирь \л.25.\ и y велику любов братскую, возми собЂ великое княжение y Вилни, стол дяди своего, великаго князя Олъкирда и отца своего великакого К князя Кестутия». A князь же великии Витовт совет сотвори со князьми своими, со княземь Юрьемь Наримонтовичом Бельским и со княземь Иваномь Олгимонтовичомь, и поидЂ в Литву и сядЂ в Вилни, \л.25об.\ в ЛитвЂ, на вЂликомь Л княженьи, на столЂ дяди своего великаго князя Олгирда, и отца своего, великаго князя Кестутиа. И рада была ему вся земля Литовьская и Руская. Князь Корибуть Олгирдовичь нечто М нача корати и не y послушаннии нача быти y него и нача совокупляти И вои свои, и поидЂ противу ему, и сту \л.26.\ пишяся вои на месте на Недокудове. И побеждени быша вои князя Курибута, и устремишася на бег. Бысть же их много побито, сам же князь Корибут убеже в Новъгородок и ополчися; ту же бЂ княгини его и дЂти его. Князь же великии Витовт совокупи вои свои сам поидЂ к Новугородку и оступиша град и возма Новъгородок, a князя Корибута и княгиню его \л.26об.\ и дети его y нятьство поима. Преставися княгини Олгирдовая, король же приказа град ВитебЂск соколичЂму О своему Феодору Весне.



А—А B P и поидеть князь великии Витовт з немецкими силами до Вилни Б Слово полустерто; в C Вигоптом. На правом поле скорописью написано Яко побЂди Витовт Скригаила ББ Taк e рукописи В B B Baсилья ВВ П переделано из T Г Далее стертые буквы такы Д Так в рукописи в A Коргаила ДД Так в рукописи; в C Маръинь город Е После то две стертые буквы Ж Так в рукописи, причем буква c надстрочная З Так в рукописи И Так в рукописи К Так в рукописи Л Ђ переделано из и М Перед словом стертая буква и Н Далее полустертые и перечеркнутые буквы воу емоу О Ђ переделано из и



A князю Швиртигаилу тогда сущу младу, и нача Феодор Весна владети градомь Витебьскомь и всею землею Витебъскою, советомь и указаниемь короля Якаила. Князь же Швиртиигаило не можашЂ \л.27.\ терпети, што Феодор Весна градомь владееть, a его не послушен, он же Феодора уби, a град Витебъск засядЂ. Бысть же королю Якаилу велика жалость o томь и писа грамоту брату своему, великому князю Витовту, иж бы тои его жалости месть сотвориль. И князь же великии Витовт поня c собою князя Скиргаила и совокупи вои \л.27об.\ много и поидЂ ратию ко граду Витебьску на князя Швиртигаила. И яко приидЂ ко граду Дрюцку, друцкыи князи стретоша его и удариша ему челомь y службу. И оттолЂ поиде к Орши; ршане затворишася y градЂ и боронишася два дни, и удаша град. И оттолЂ поидЂ к Витебьску на князя Швитригаила, князь же ШвитрЂгаило \л.28.\ затворися y городЂ, и нача \72\ вевеликии П князь добывати града. Ту же приидЂ на помочь великии князь смоленьскии Светславичь со всими смоленьскими силами и удари чоломь великому князю Витовту y службу. И начаша твердо добывати града Витебьска, и пушки поставиша, витбляне же не утерпеша и начаша удаватися великому князю Витовту. Князь же \л.28об.\ Швитрогаило выидеть вонь из града и удари Р челомь великому князю С Витовту, князь же великии Витовт возма град Витебеск и поидЂ пакы к Вилни. Тое ж зимы на весну князь великии Витовт идЂ в землю Подольскую. A князю Володимиру Олгирдовичу тогда сущу в Кие†и не восхотЂ покоры учинити и чоломь ударити великому князю Витовту СС. \л.29.\ Тое же весны князь великии Витовт поидЂ и взя град Житомирь, Оуручи, и приехал к нему князь Володимир. Того же лета на осень князь великии Витовть выведЂ его c Киева и дал ему Копыль, a на Кие†посадиль Скиргаила. Самь же князь великии Витовт поидЂ на Подольскую землю, a князю Скиргаилу повеле c Киева к Черкасом и ко Звинигороду. Князь же \л.29об.\ Скиргаило божею помочью и великаго князя Витовта повелениемь взя Черкасы и Звинигород и возвратися опят ко Киеву. Ту же ему княжащю y КиевЂ, бысть же некто Фома, чернець Т Изуфов, держа намесничество от митрополита y святое Софьи на митропольемь дворЂ. Восхотевшю же князю Скиргаилу оехати за Днепр y ловы, тои же Фома нача звати его \л.30.\ на пир на митрополичь дворь. Князю же Скиргаилу сущу ему на пиру, азь же того не свемь, занеже бехь тогды млад, но неции мовять, иж бы тот Фома даль князю Скиргаилу зелие отравное пити. И c того пиру князь Скиргаило поехал за Днепр к Милославичомь и тамо разболеся канон У Крещения y чек Ф и на Крещение в суботу уехал y град \л.30об.\ Киевь болен, болЂв 7 дни и преставися y среду. И понесоша его на главах священици, поюще песни отходныя, со свещами, из града Киева святеи Богородици Печьрьскои. И положен бысть чюдныи князь Скиргаило, добрыи, подле гроба святого Федосия Печерьскаго. Князь великии Витовть услышав, аж князь Скиргаило преставися, и послал князя Ивана Ольгимонтоновича ко Киеву, \л.31.\ и дал ему держати Киевь. Мы же на предълежащЂе Х возвратимся. Как выидЂ из Немець князь великии Витовть на великое княжение, какь отпусти тца Ц своего, князя Глеба Святславича, ко Смоленьску на великое княжение, a князю Юрью Святславичу даль город Рославль. Князю Глебу седящю y Смоленьску и нача в непослушании быти великому князю Витовту. \л.31об.\ Князь же великии Витовт послы своя слаше к нему отправлении Ч, он же не восхоте исправитися. Тогда князь великии Витовть со всими силами поиде ко граду Смоленьску на князя Глеба Святсла- v вича и как же приедЂ ко Смоленъску, тако Глеб дался и з градомь Смоленьскомь. Князь же великии Витовть даль град Смоленеск дЂржати князю Манту Ш и Василю \л.32.\ Бореиковичь, a князю Глебу дал город Полоныи. Самь же князь великии Витовт поидЂ в Литовъскую землю. На ту жь зиму посла князя Семиона Лыквеня со многыми ратьми смольньскими силами на князя Олга рязаньскаго. И исплениша многое множество Рязаньское земли, и возвратишася c победою восваяси. Тогда же бе зима велми студена. \л.32об.\ Тое ж зимы на весну приехаль князь великии Василеи Дмитровичь московьскии ко оцу своему, великому князю Витовту, ку Смоленьску y велики пост. И учти князя великаго Витовта многими дарми: чепми златыми и поясы золотыми, соболми, камьками, сосуды золотыми и бахматами. Князь же великии Витовт зятя своего, \л.33.\ великаго князя, учтив и ударивь различьными дары: сажеными порты и дорогыми оксамиты, многоцеными камьками и гиныпты y золотых седлехь и снастехь, чюду достоины, и отпусти к Моск†c великою честию самь поехал к Литве.

Лето 6903 [1395]. Бои бысть царю Темер-Тиклую c Тактамышемь, и прогна Тактамыша в Литву, \л.33об.\ a самь сель на царство. Того же лета князь Витовт прииде к Смоленьску, a преже промче слова: «На Темир-Тиклуя ида». И выехал к нему князь Глеб Святославичь не во мнозе; он же честивь и даривь его любовию, отпустиль его, рекше к нимь, «дабы естЂ выехали вси князи братеники ко мнЂ c любовию по опасу. Слышаль есми, что промежи вас ниедина \л.34.\ чество и недружба велика, каково будеть меж вами слово или какова приязнь, и вы на мене сошлитеся, акы на третии. Аз вас право сужю». И тако сотвори над ними облесть Щ, и вызва их и из города лестию.



П Так в рукописи Р a переделапо из и С Написано над стпрокой СС B углу нижнего поля по диагонали тем же почерком и теми же чернилами, каким писана рукопись, прт мно Т ц переделано из щ У Далее стертое слово капоу Ф Так в рукописи, причем к надстрочное; в K четверг Х Ђ u e переделаио яя и Ц Так в рукописи; o C пятъца Ч Так в рукоциси; в C o справлении Ш B K Ямонту Щ Буквы об зачеркнуты



Они же и веру ему иняли, и выехали к нему c дары вся братия Святославичь и вси князи смоленьскии, дондЂже не остани одинь y градЂ, \л.34об.\ но и з бояры своими. Он же поимавь их, всих князеи смоленьскиихь, \73\ и послаль их y свою землю Литовъскую, a самь посад пожже и люди многи полони, тако все княжение Смоленьское взял зе себе, и наместника своего посадивь, князя Амонта да Васильа Бореикова. Се первое взятье смоленьское сентября 28, во второк. A князь Юрьи Святославичь был в то время \л.35.\ на Резани y цтя своего, y князя Олга Ивановичь.

Лето 6906 [1398]. Бысть побоище князю великому Витовту c Темир-Тиклуемь царем. Князь великии Витовт Кестуитевичь литовьски собраль вои бесчисленыи много, и царь Тактамышь c нимь своимь дворомь, и литва, и немци, ляховЂ, жомоить, татарове, волохове и полянЂ, и c нимь было князеи 50, \л.35об.\ и бысть сила ратных много, и со всими сими полкы вооружився, поидЂ на царя ТимирТиклуя. И похваляся на орду Витовт, a мовить: «ПоидЂмь, пленимь землю Татарьскую, a побьемь царя Темир-Тиклуя и вземь царство его, и посадимь царя Тактамыша, a он мя посадить на всеи Рускои земли». A на томь на всемь пошли татар З \л.36об.\ воевати. B то время приспе Тимир-Тиклуи царь со многыми полкы ратными и со князями своими ордыньскими. И сретошася c Витовтомь на поли на рецЂ на ВоръсклЂ, a бысть имь Ю бои велик августа 12 днь, во второк, на долзЂ вельми бьющимься, и попусти богь татаром. Князь же великии побеже y малЂ дружине. И царь ТемерТиклуи тогды \л.36об.\ прииде к Киеву, и взя из города окуп 3000 рублев литовьских, и силу свою всю роспусти по Литовьскои земли, и воевали тотаро†и даиж и до Великаго Луцка, и много зла сотвориша Литовьскои земли, и отиде y свою землю. И се имена избитых князеи литовьскихь: князь Андреи и полоцкии Олгирдовичь, брат его Димитреи дьбря \л.37.\ ньскии, князь Иван Димитревичь Киндырь, князь Андреи, пасынок его Димитреев; князь Иван Евлашьковичь, князь Иван Борисовечь киевьскии, князь Глебь Святославичь смоленьскии, князь Глеб Корятовичь, брат его князь Семень, князь Михаило Подберезскии, брат его князь Я Димитреи, князь Феодорь Патрикеевичь волоскии ЯЯ князь Амонтовичь, \л.37об.\ князь Ивань Юрьевичь Бельскии, князьА Спытко краковскии А.

B лето 6909 [1401]. Князь Юрьи Святославичь да князь Олег рязаньскии приидоша ко Смоленьску, a y граде y Смоленьску бысть метеж и крамола Б: овии хотяху Витовта, a друзии князя Юрья очича. Князь же Юрьи сослався и смолняны з горожаны. Смолняне же не могуче тръпети насилия от иноверных ляховь В, и при \л.38.\ няли князя Юрья, и град ему отворили. A князь Романь бряньскии ту бе. Тогды от Витовта убит нужною смертию, a княгиню его и дети отпустиша, a наместники Витовтовы поимали, a бояре, которыи не хотели очича, князя Юрья, или бряньских, или смоленьских, тех всих посекли. A князь великии Виховт тое ж осени \л.38об.\ приходил ко Смоленеску на князя Юрья и стоял много днеи под Смоленьскомь, и не узял града поиде y свою землю, возма перемирие. A y Смоленъску крамола бысть, людеи много посекоша, и морь бысть на люди.

B лето 6923 [1415]. Месяца июня 7 на святого Феодота изгибе солнце и скрыи луча своя от земля во 4 час дни \л.39об.\ в год святои обедни, и звезды явилися как в нощи. Тогды было Благовещение y понеделок на страстнои недели. Тогды было великому князю Василю ДмитрЂевичу 26 на великомь княженьи. Того же лета погорЂ Москва и Смолнеск.

B лето 6924 [1416]. По божою попущению князь великии Витовт, умыслив по своему хотению, \л.39об.\ собрал Г епископы рускыи Г, во области его живущих: Феодосии полоцькии, гричин, Исакеи черниговьскии, Деонисеи луцькии, Харитон володимерьскии, Еуфимеи туровьскии, и тыми епископы постави Киеву митрополита Григорья болгарина Цамивлака ноября 15. Toro же лета воеваша татарове около Киева и манастырь \л.40.\ Печерьскии пограбиша и пожгоша. Того же лета бысть в Новегороде мор силен железою и в Ладозе, и в Русе, и в Порхове, и в ПъсковЂ, и в Торъжку, и во Твери, и y ДмитровЂ, и по волостемь.

B лето 6919 [1411] Д. Родися князю Лыкгвенью сынь Ярослав на Копоръи, наречень во крещении Феодору.

B лето 6920 [1412]. Сентября 8 в Луцку \л.40об.\ Великом постави епископа к Турову Еуфимия. От Галича поиде к Москве августа 1 дня.

B лето 6926 [1418]. Князь Дашко Феодотовичь Острозкого тако кознью взял Кременьць. Князь великии Витовт y великии четверток послаль преже себе двух человек, Дмитрия, Даниля Е, a c нимь зговоря: «Передаитеся служити Кондрату Прусу, \л.41.\ воеводе кременецькому, егда же аз прииду \74\ к городу, и вы узвод оттотнитЂ, a мост положите».



Э Далее стертая буква Ю и написано по стертому ы Я B C далее Олександро, князь Михаило Даниловичь, брат его князь ЯЯ B C волыньскыи


А—А Написано на нижнем поле c выносным знаком Б Надстрочное л написано по стертому ж В На нижнем поле другими чернилами написано рос пат рп м Г—Г Подчеркнуто черпилами Д B рукописи 6019 Е В С да Илъю



Они же, приехавши, уверилися воеводе, и прия ихь любовно, a того в них не разуме и ни познаша. И Дашко приехаль к городу в ночи во 9 час Ж, a те его светници y города узвод отсекли и мост положили, и Дашко c други \л.41об.\ своими уеха y город, Кондрата воеводу убили, a приставовь королевыхь и Витовтовых побили, a князя Швитригаила иж З лез З выпустил, седевшего пол 9 года. И отоле поидЂ Швитригаило во Угры, взявши Луческ, a y волыньских бояр отлучиль польтараста конеи.

Коли господаремь был на Лито \л.42.\ товьскои И земли князь великии Олгирд и, шедь в поле c литовьским воискомь, побиль татар на Синеи воде, трех братовь: князя Хачебея a Кутлубуга и Дмитрия. A тыи трии браты Татарьское земли, отчичи и дедичи Подольскои земли, a отт них заведали атамани и боискаки, приеждаючи от тыхь ата \л.42об.\ моновь, имовали c Подольскои земли дан. A брат великаго князя Ольгирдов держаль Новгородокь Литовьскии, князь Корьять, a y него были 4 сыны: князь Юрьи, князь Александр, князь Костяньтинь, князь Феодор. Ино тыи княжата Кориятовичи 3 браты со князя великого Ольгирдовымь прозволениемь и c помочию \л.43.\ Литовьскои земли К не был ни один городь ни древомь рубленыи, a ни камениемь будованныи. Тогда тыи княжата Корьятовичи, пришед в Подольскую землю, и вошли y приязнь со атаманы, почали боронити Подольскую землю от татарь и боскаком выхода не почали давати. И напервеи нашли собе твержю на реце на Смотричи, тут \л.43об.\ пак собе нарядили город Смотрич, a y другомь месте были черници у горе, и в томь месте нарядили город Бокоту. И ловяче в ловех пригодилося им, како угонили много олении в тот остров, где ныне Каменецькое место лежить. И посекши лес умуровали город Каменець, a c того вси городы полоцкия Л умуровали и всю землю Подоль \л.44.\ скую осели. И затымь [узнал] ЛЛ польскии король Казимир Локотковичь М, што их 3 браты Корьятовичи на Подольскои земли, a люди мужны, и он прислаль ко князю Костянътину клеитовныи листы Н, c великою твердостшо прося его, штобы к нему приехаль. A умыслив тое собе и со всими паны, што ж y него сына не было, толко была одна дочка, \л.44об.\ и хотел за него дочку дати, а по своемь животе королемь осадити. И князь Костяньтин на кглеитовных листех к польскому О королю ездиль, и тамь как ся ему посмотрело, не похотель к тои вере приступить, и опять на тыхь же листехь отехаль до Подольском земли, до своего господарьства. И туто буда на Подольскои земли, \л.45.\ на своемь господарьствЂ, умерль. A князя Юрья волохове возма к собе его воеводою и тамо его окормили, a князя Александра татарове убили. A зде брат их 4, князь Феодорь Корятовичь, Новьгород держаль. И услышаль то князь Феодор, што брати его y Подольскои земли не стало в животе, и он, шедь, Подольскую землю засель. A в тыи \л.45об.\ лета князь Витовть господаремь сталь на Литовъскои земли, и Подольская земля не хотела была послушна быти князя великаго Витовта и Литовьскои земли, как же и передь тымь послушна не была. И князь великии пошель со всими силами литовьскими к Подолью. И то услышавь князь Феодорь Коръятовичь выбегь c Подольскои земли \л.46.\ ко Угромь, a городы осадиль волохи, и угорьски князю Феодору помочь дал. A князь великии Витовть первеи пришоль ко Бряславлю, a выимя Бряславль пришель к Соколцю, и Соколець вынял, и пришел ко Каменцу в ночи, и Каменца добыл, a потомь Смотричь выняль и Скалу, и Черъвленыи городок, и вси городы позаседал. \л.46об.\ И воеводу князя Феодорова, што ж на тых городехь, на имя Нестака, вынял, и по всимь городомь князь великии Витовт свои старосты посажал. A то было добыто П литовьскими силами, a никто ему никоторых сторонь не помагаль.



Ж B C человекь З—З Так в рукописи; в C из зелезь И Так в рукописи К B C далее пошли в Подолскую землю. И тогды в Подолскои земпи Л Так в рукописи; в C Подолски ЛЛ B рукописи нет М Так в рукописи Н л и ы переделаны из других букв О После второго o стертая буква П Написано на нижнем поле c выносным знаком тем же почерком и теми же чернилами



Тогды пакы король просити почаль великаго княза Витовта, рекучи: «Милыи брате, дал тобе богь, \л.47.\ добыл еси Подольскои земли, учини ми тую честь, даи ми Подольскую землю». И князь великии даль половину Подольскои земли королю y 20 тисячехь, Каменець даль a Смотрич, a Скалу, a Черленыи городокь, a Бакоту, a на иныхь на всихь Подольских городехь князь Витовт свои старосты посажал, на Бряславли и на Соколци и на Венице. A король \л.47об.\ тыи городы y 20 тысячехь пану Спытку заставил, и коли князь великии бился на татарьскомь побоищи, a пан Спытко приходиль на помочь великому князю Витовту, и тогды пана Спытка убили татарове на томь бои, a пани Спытковая остала вдовою, a дети малы. И король почал присылатися к великому князю Витовту, рек, што «еси нам дал \л.48.\ половицю Подольскои земли y 20 тисячехь пенезеи; и мы дали были y 20 же тысячехь пану Спытку, и пани Спытковая овдовела, a дети малы, a от татарь земли некому боронити. И ты отдаи 20 тисячеи \75\ пенязеи, a городы побери за себе». И князь великии послаль королю 40 тисячеи пенезеи на имя паномь Немиромь a Дмитриемь \л.48об.\ Василиевичомь, луцкым бояриномь, a городы свои опять поималь за себЂ и старосту своего посадил, дворянина своего Граньского. A под Грановьскимь дал пану Петру Монтикгирдовичу, a под Петром даль пану Дедикголду Р и потомь даль пану Дедикголду Смоленьскь, a пану Долгорду Подолье дал. Пань же Долкгирд старостиль на всихь тыхь городехь на Подольи \л.49.\ и до великаго князя Витовтовы смерти, a как князя великаго Витовта в животе не стало, и приехавши леховЂ, и пана Долкгирда з города Каменца созвали на раду собе и до рады не допустили С, самого иняли и ограбили, што Поидолъское земли держать.

B лето 6939 [1430] Т. Князь великии Витовть Кестутьевичь созваша \л.49об.\ к собе короля польскаго Влидислава У, князя московьскаго Василья Васильевича и князя великаго тверьского Бориса Александреевичь, и мистра немецкаго и пруськаго, мештеря лифляньскаго Ф, и велици послы от нача царя царигородцькаго Ф, и от римьскаго цесяря приходили, и от дуньскаго короля послы, и от великаго князя Иона резаньского, и от волоскаго воеводы послы приходили, \л.50.\ и Одоевискии князи сами были, и от Великаго Новагорода и от Пьскова, и от ордыньскаго царя послы были, и от иных князеи земли послы были y великаго князя Витовта 7 недель на его истраве, a на день шло оброка по 300 бочек меду, a яловиць триста же, a борановь и вепров по триста же. Князь ве \л.50об.\ ликии Витовт хотель положити на себе коруну, и его неприятели полянене не перепустили каруны, и разболеся князь великии Витовт, и распусти князеи великихь, послы царевы со многими дары и c честию. A король польскии Влодославь бысть y великаго князя Витовта, и при немь преставися князь великии Витовт месяца октября на память святого апостола Иякова, брата господня. Похвала \л.51.\ o великомь князи Витовте.

Таину цареву таити добро есть, a дела великаго господаря поведати добро жь есть. Хочю вамь поведати o великомь князи Олександре ВитовтЂ литовьскомь и руськомь, иных многих земли господари. Но по неи же есть писано: «Братя, бога боитася, a князя чтите». Такожь и я хочю вамь поведати o славномь томь господари, но не мо \л.51об.\ щно исповедати ни писанию предати дела великого господаря, яко бы не мощно кому испытати высота небесная и глубина морьская. То ж бы мощно исповедати сила и храбрость того славнаго господаря. Сии князь велики Витовт, бяше же ему дръжаще великое княжение Литовьское и Руское, иныи многыи земли, спроста реку \л.52.\ вся Руская земля. Не токмо же Руская, но еще Х господарь Угоръскои земли, зовемыи цесарь римьскии, y великои любви живяше c нимь. Таково ми ся Ц уверило Ц. Некогда сущу тому славному господарю, бывшю ему y своемь градЂв Луцку y Великомь и послал послы свои королю угорьскому, цесарю римьскому и повеле ему быти Ч \л.52об.\ к собе. Он же беза всякого ослушания Ш ускоре приехаль к нему и своею королицею, и честь велику и дары многы подоваша имь; оттоле же в нихь утвердися велико любовь. Како не почюдимся чти Щ великаго господаря, иж которыи земли на устоце или на западе приходяче покланяються славному господарю, иж есть царь надо всею землею, \л.53.\ и тои пришед поклонися славному царю великому князю Александру. Еще же и турецькии царь честь велику Э и дары многы подоваше. Славному господарю, благоверному же и христолюбивому царю цариградскому, и тому c нимь y великои любви живущу. Такоже и Ческое кролевьство велику честь держащу над славнымь господаремь, ище и доньскии король \л.53об.\ велику честь и дары многы подаваше славному Ю господарю великому князю Витовту. B та же лета брату Я его Якаилу А держащу стол Краковьскаго королевьства, a по лядскому же я Б зовему Владиславу, и тому c ним y велице любви живущи. Коли славныи господарь Витовьт на которую землю гневен бывал и которую землю хотяше казнити, \л.54.\ королю же Владиславу всегда помощь дающу. Еще же инии цари усточнии служахуть ему. Такожь великии князь московьскии y велице любви жявяше c нимь, еще же инии велиции князи немецкыи служахуть ему со всими городы своими и со землеми. Тыи жь великии князи немецкии, по нмецкому В языку мистрове, еще же господарь земли Молдовьскыи \л.54об.\ и Басарабь, по волоскому языку воеводы, такожь и господарь земли Болгарьскои, по больгарьскому языку деспоты, еще жь инии велиции князи, великии князь тверьскии, великии князь резаньскии, \76\ великии князь Едоевьскии великии князь, и Новьгород Великии, Псковь и, спроста реку, иж не обретеся во всемь Помории ни град, ни место, \л.55.\ иж бы не прислухали славнаго того господаря Витовта.



Р Буквы олду написаны на левом поле c выносным знаком С После букв пу стертые буквы до Т Так в рукописи; Bumoвm ymep в 1430 г. У Так в рукописи Ф—Ф Написано на нижнем поле c выносным знаком скорописью Х Первое e переделано из и Ц—Ц Так в рукописи Ч Далее четыре буквы стерты Ш ша написано над строкой над стертой буквой ж Щ B С чести Э Далее стертые буквы Ю м переделано из со Я y npunuсано в строку


А Следующие далее крест и буква д над ним стерты Б Так в рукописи; в C языку тому В Так в рукописи



Тыи жь велиции господари, цари, велиции князи и велиции земли. Еще писахомь зде инии y велицеи любви живущи c ними, a инии крепко служахуть ему и честь велику и дары великии, и дани многи приношаху ему, не токмо по вся лета, но и по вся дни. Славныи господарь великии князь Витовть, на ко \л.55об.\ торую землю бываше гневен и которую земю самь хотяше казнити или силныхь своих воевод послати где усхочешь, и которому от тых великих земль повелеваше к собе быти, они без всякого ослушания ускорЂ прихожаху и со своеи земли к нему. И коему господарю некакую нужю не мощну быти, и он вси свои рати и силы посылаше на помощь, на его службу. \л.56.\ Сии же князь великии Витовт y великои чести и славе пребываше. Бяше ему неколко от своих градовь y великомь граде КиевЂ, и присылашеся к нему великци князи ордыньскыи, прихожаху к нему на велику службу и просяще y него царя на царство. Много бяше и ордыньскихь великихь цареи служаху y дворе его; он же даль имь царя Салтана. \л.56об.\ Оному же царю, иже бе на орде, слышавь яко славныи тои господарь отпустилъ своего слугу на царство, никако же не сме спротивитися славному господарю, остави царство и побеже. Сему же Салтану дошедшу орды и седе на царствво повелениемь великаго господаря Витовта, и служаше ему c великою боязнию. И Г по мнозе времени гонзне за животь, иныим же стареишинамь \л.57.\ ординьским послаша послы свои c великими даръми Д ко славному господарю и просиша y него иного царя, он же даль им иного царя, именем Малого Салдана. Сему же малому Салдану седшу на царство никако же не сме ослушатися славнаго господаря: где коли ему повелить, и он туда кочюеть. По мале времени велиции же князи ордыньскии \л.57об.\ никако не смеша розгневати славнаго господаря великаго князя Витовта, дабы не от его рукы поставити имь царя, и послаша c великою честию и просиша y него царя. Он же даль имь иного царя, именемь Давлад-Бердия. Яко же река превосходящи всю землю человекы и скоты напояющи, a сама не умаляющися, такоже и славныи господарь и множ \л.58об.\ ство цареи отпущаеть на орду, a y него ж множество цареи. Мы же на предреченное возвратимся. Сему царю Давлади-Бердию немного время побывшю, и тому мимо шедшу. Симь же стареишинамь ордыньскимь слышавшим, яко славныи господарь близ есть Киева, и приидоша сами, и поклонишася славному господарю великому князю Витовту, и дары \л.58об.\ многи принесоша, и просять y него царя, онь же даль имь иного царя именемь Магмета. Яко же бо от моря множество вод исходяще, тако и от сего мудрость великаго господаря князя великаго Витовта.

По смерти великаго князя Витовта сяде на великомь княженьи князь Швитригаило на Вилни и на Троцехь. Княжив Е великии князь Швитригаило \л.59.\ 2 годы Ж без дву месяцеи, и при своемь княженьи отпусти смольньскаго владыку Герасима y Царьград на митрополью. И не управляше земли. Литва жь посадиша великаго князя Жидимонта Кестутевича на великое княженье на Вилни и на Троцех месяца сентября 1 день. И прииде Швитригаило на Полтеск и на Смоленескь, и князи рустии, \л.59об.\ бояре посадиша князя Швитрогаила на великое княженье Руское. На ту же осень собра силу многу князь великии Швитрогало З, и князь великии тверьскии Борись Александрьвичь дасть ему брата своего, княза Ярослава, со всеею силою своею, и поиде на Литву, и не дошедь до Вилни за 6 миль и сташа в Ошмене, и ту стояше неделю. И князь \л.60.\ великии Жидимонт прииде c литовьскою силою, и бысть имь бои месяца декабря во 8 день, на память святого отца Потапья, y понеделник. И поможе богь великому князю Жидимонту, и побиша князя великаго Швитрогаила, a князи рускии побиша, a иных поимали: гнязя И Юрья Лыньквеньевича няли, князя \л.60об.\ Василия Семеновича няли, Федька Одинцевичь няли, пана Дедикголда яша, воеводу виленьскаго, и иных много множество побили и поимали.

Тое жь зимы y другии ряд князь великии Швитригаило собра силу многу рускую и поиде на Литву, и повоеваша Литовьскои земли множество, и пожгоша, и во полонь повели. \л.61.\ На лето жь собра силу многу рускую, и мештера лифляньски со всею силою своею прииде к Швитригаилу на помочь, и князь великии тверьски даль ему свою силу и поидоша в Литовьскую землю. За полъторы мили от Вилни ночеваль в РудоминЂ и поиде к городу. Не доходя Троковь поверне на Старыи Трокы, a под Троки \л.61об.\ стоял на спасов день, a стояль 4 дни, и отиде от Троков искати великаго князя Жидимонта и рати литовьскои. И стояша во К Воитяшках Л 4 дни, и взя град Крев мурованы \77\ и сожже, a люди много посекоша и в полонь повели, a оттолЂ поидЂ к Молодечну.



Г B C не Д ъ переделано из a Е Надстрочные ж и в написаны другим почерком Ж После го две стертые буквы З Последнее o переделано из a И Так в рукописи К Написано над строкой другими чернилами Л Во написано no другим буквам; в C Векшюшьках



И приидЂ к великому князю Швитригаилу весть, што ж \л.62.\ идеть литва погонею, и князь великии Швитригаило посла на нихь князя Михаила, киевьскаго воеводу, a c нимь посла иныхь князеи русскихь. И побили пана Петра Моньтикирдовичь и литву, a иныхь поимали на Копачехь. И оттоле поидЂ к Жеславлю, и Жеславль возме того жь дне, пожже, a люди много в полон поведе. И пришли к Менску, и возме град Менеск и сожжЂ, \л.62об.\ a люди много в полонь повели, мужи и жоны. Иде y свою землю a много зла сотвориша Литовьскои земли. Приидоша к Борисову, и ту изымаша князя Михаила Ивановичь Гольшанскаго на реце на Березыне, и посла его к Витебьску, и тамо его повеле М втопити y реце y Двине под Витебьскомь, я Н няша его невинна. Не доходя Лукомля за милю, в озерех, \л.63.\ мештер поиде y свою землю Лифлянты, a князь великии Швитригаило к Лукомлю, и ту роспусти вои свои, князеи и бояр, a самь поиде Киеву. И на тую жь осень князь великии Жидимонт собра силу многу литовьскую и ляхи и приидЂ на Литовьскую НН землю, и сташа под Мьстиславлемь месяца октября 26, на память святого мученика Дмитриа, \л.63об.\ в среду, и стоял 3 недели, не возма город и поиде y свою землю. На лето же собрався Швитригаило князи росскими, бояры и со всею силою рускою и поидЂ на Литву; и мешьтерю прииде своею силою на помощь Швитригаилу мь y Бряслявли. И божим повелениемь паде на землю мочь великаа, за тымь не можаху в Литовьскую землю поити О. \л.64.\ Князь Швитригаило возвратися y свою землю, a мештерь y свою землю, и распусти силу свою, князеи и бояр к Полоцьку, a самь поиде к Киеву. На третие лето князь великии Швитригаило сожже Герасима митрополита y Витебьску. И собрася князь великии Швитригаило y Витебску c рускими князьми и c рускими ратми, и поиде \л.64об.\ к Бряславлю, и ту y Бряславли прииде к Швитригаилу на помощь мештер вифляньскии П со всею своею силою. И поидуть от Бряславля по Завельскои земли по Завелию к Вилкомирию. И самь князь великии Жидимонть не поидЂ на Швитригаила и дасть король 8 сот копеи помочи князю великому Жидимонту Р, и князь великии Жидимонт \л.65об.\ посла сына свое С, князя Михаила, на князя Швитригаила. И князь Михаило прииде своею силою литовьскою и c ляхи, и бысть имь бои c Швитригаиломь на Семень день на летопроводца. Бися за Вилкомиремь реце СС. A и за то бог не пособи князю Швитригаилу, што сожже митрополита Герасима, и поможе бог великому князю Жидимонту и его сыну князю \л.65об.\ Михаилу. И побиша князя Швитригаила и всю силу его, и многих князеи побиша, a иных руками поимали. Убили братанича его, князя Жидимонта и Корибутовичь, и князя Ярослава Лыньквеневичь, и князя Михаила Болобана Семеновичь, и князя Данилия Семеновича Гольшанскаго, и князя Михаила вяземьскаго Лвовичь, и иных \л.66об.\ князеи много побиша, a руками изымаша князеи 42. На имя изымаша князя Иоана Володимировичь киевьскаго и брата его князя Феодора Кербутовичь, a лифляньскаго мештера самого убиша, и ланморшалка и иных кунторов много побиша, и всих лифлянт перебиша, a иныхь всихь живыхь поимали, нешто ся их \л.66об.\ мало остало. И многих гостеи перебиша, ракушан, сляжан и чехов, и иных руками поимали. После того побития недели 3 спустя князь великии Жидимонть собра всю свою силу литовьскую и посла сына своего князя Михаила на Русь. И пришедь князь Михаило станеть на Рши. И смолняне стретили князя Михаила на Рша, и далися смолня \л.67.\ не князю Т великому Жидимоньту и его сыну, князю Михаилу, и князь Михаило ко Смоленьску не поиде, но поиде отто Рши к Витебьску. И пришед под Витебск князнь У Михаило стоял 6 недель и не взя города прочь поиде. И после того тое же зимы князь великии Жидимонт собра опять всю свою силу литовьскую и пановь и послаше к городу \л.67об.\ Полоцьку. И пришед панове стояли подь Полоцькомь неделю и, не добыв города, пошли прочь. И на лето полочане и витебляне, не чюя собЂ помочи ниотколе, и далися князю великому Жидимонту Кестутьевичю. И нача князь великии Жидимонту княжити на великомь вняжении на Литовьскоим и на Рускомь.



М Далее две стертые буквы Н Так в рукописи; в C a. НН B, K, P, П, E Рускую О На нижнем, поле c выносным знаком приписка: и княс Швитригаило П Буквы ви написаны другими чернилами Р Первое и и м переделаны из других букв С Так в рукописи СС Так в рукописи; д. б. на реце Т Далее слово (обведенное рамкой) зачеркнуто У Так в рукописи



B лето 6948 [1440]. Сотворися зло велико \л.68.\ в Литве, убиен князь великии Жидимонт y Троцехь y верьбную неделю перед обедомь, и бысть мятежь велик в Литовьскои земли. A в то время Смоленеск дръжал от Жидимонта пан Ондреи Исаковичь, и почал приводити к целованию смолнян: «Что же князь литовьски и паны и вся земля Литовьская кого посадить на великом княженьи, и вамь от Литовьскои \л.68об.\ земли не отступити и великого князя литовьскаго, a к иному не приступати, a мене вамь держати y себе воеводою, докуль сядетъ на Вилни князь великии». И владыка \78\ смоленьскии Семионь и князи, и бояре, и местиче, и черныи люди целовали пану Андрею держати y себе честно воеводою на Смоленску. И по ВЂлице Ф дни на святои недели в среду здумали смолнянене Х, \л.69.\ чорныи люди Ц, кузнеци, кожомяки, шевники, мясники, котелники пана Андрея совласти Ч силою з города, a целование переступали Ш, и нарядилися во изброи и c сулицами, и со стрелами, и c косами, и c сокирами, и зазвонили в колоколь. Пань Андреи почал ся радити из бояры смоленьскиими, и бояре ему молвили: «Вели, пане Щ, дворяномь своим \л.69об.\ убиратися во изброи, a мы c тобою. Чи лепши датися им y рукы». И пошли c копьи на конех противь имь. И быль им исступ y Бориса Глебави Э городЂ, избиша же много чорныхь людеи копи и до смерти, a иныи ранены живи остали, и побегоша чорныи люди от пана Андрея. Тое Ю ношчи пан Андреи Ю выехаль з города и c жоною и бояре смоленьски c нимь. И после того \л.70.\ бысть мятеж велик y Смоленску. Изымали смолняне Петрыку, моршалка смоленьскаго и утопили его y Днепр, и посадили собе y Смоленьску воеводую князя Андрея Дорогобужского Дмитриевича Я. Рада жь литовьскаа великаго княженьа, князи и понове и вся земля, дорадившеся и взяли з Ляхов Казимира королевичь на великое \л.70об.\ княженье Литовьское, и посадиша его c честию на столничнемь городЂ на Вилни, на всеи на Рускои земли. И в то время прииде князь Юрьи Лынквеневичь из Новагорода в Литву, князь великии Казимир королевичь даль ему очину его Мьстиславль. Бояре же смоленьскии приехали з Литвы ко Смоленьску, и чорныи люди не пустили их в город, \л.71.\ они жь розехалися по своим селом. И за тымь бысть брань велика миж бояр и чорных людеи А. Чорныи люди призвали себе господаремь князя Юрья Лыквеньевича. И князь Юрьи поимал бояр, и поковаль их, и именья их подоваль своимь бояромь. Тои жь осени на Филиповы запусты приидЂ воиско литовьское ко Смоленьску и стояли \л.71об.\ польтретьи недели, посады и церкви, и манастыри пожьгли, a людеи множество посекли, a живых в полонь повели, и много зла створиша, и поидоша прочь.

B лето 6953 [1445]. Князь великии Казимирь немирень быль со княземь великим московьскимь. И пришли москвичи c татары, извоевали Вяземьскую землю всю. Тое жь зимы \л.72.\ князь великии Казимирь посылал воевод своих, князеи и панов, противу того воевати московьского земли. Извоеваша Козлеск, Верою и Колугу, и Можаеск, и много зла учинили московичамь, и в полон повели многиа люди. И собрашася москвичи за Б 5 их Б и погнаша погоню за литвою, и догнавше и бившеся c литвою. Поможе богь литвЂ, \л.72об.\ побили много москвич В, a иных руками поимали, и привели их y Смоленеск к великому князю Казимиру. И учиниша тогды панове великому князю честь и собе. A московьскаго князя тогды не было в земли, ходил к Мурому и татарь побили.

B лето 6885 [1377] Г. Умр князь великии Олгирд.

B лето 6895 [1387]. Князь великии Якаило Олгирдовичь \л.73.\ ехал женитися во Угорьскую землю ко королю, и тамо женився крестися в латыньскую веру, и оттолЂ начаша Литва крестися в латыньскую веру.

B лето 6928 [1420]. Приехал митрополит Фотеи в Литву июннь l, c нимь владыка Амьбросеи, и наехал великаго князя Витовта y Новегородце. Тогды быль посол царев Филаньтропин гричин. \л.73об.\ Того жь лета поидЂ митрополит Киеву и y Слуцку, крестиль князя Семена Александровича, и y Moзыри вернуль митрополита князь великии. Того жь лета бысть митрополит в Галичи.

B лето 6929 [1421]. И во Лвове, и y Володимири и приехал во второк, y канон Рожества Христова, a y Вилни быль o Крещении. И оттолЂ поехал Д \л.74.\ к Борисову и ко Дрюцку и к Тетерину. И во Мьстиславли быль y князя Семена Лынквенья, и y Смоленьску збороваль при князи Семене Ивановичи, и приехаль на Москву y великии пост.

B лето 6940 [1432]. Герасимь, епископ смоленьскии, поиде ко Царюграду на митрополью. Того жь лета побоище бысть в Ошмене, и того жь лета Жидимонть \л.74об.\ сель на кнеженье.

B лето 6943 [1435]. Швитригаило сожже митрополита y Витебъску. Того жь лета бысть побоище на Вилкомири, множество побиша князеи и и бояр и мещан. Того жь лета царь Махемт Е побил москвич.

B лето 6919 [1411]. Родися князю Лыньквенью сын Ярослав на Копорьи, наречен во крещении Феодор.



Ф Ђ переделано из и Х Так в рукописи Ц Далее три стертые буквы Ч Так в рукописи; в C согнати Ш Над л полустертое надстрочное я Щ e написано по полустертому a Э a переделано из о, и из ц Ю—Ю Написано на нижнем поле тем же почерком и теми же чернилами Я а переделано из ь


А Далее два стертых слова; второе боярь Б—Б Так в рукописи; в C за 500 их, в A можаичи за 9000 их В c переделано из o Г В рукописи 6055 Д Далее зачеркнутые и полустертые слова: во второк Е Так в рукописи \79\



B лето 6 \л.75.\ 953 [1445]. Месяца мая князь великии московьскии бился c татары, c царемь Махметемь и сыномь его Мамутяком, и побиша москвичь, a самого князя великаго няли Василья татарове на побоищи и можаискаго князя Ивана няли, иных князеи и и бояр много побили. A было то побоище в Суздали y святого Спаса y манастыри. Того жь лета Москва \л.75об.\ выгорела, весь город, имения ихь погореша и людЂ Ж множество. И бысть на Москве скорбь велика в людех. Того жь лета перед Покровом за 2 нощи поколебася земля в нощи, акы колыбель колибалися хоромы. И тое жь осени на Дмитриев день царь Махметт и сынь его Мамутяк отпустили князя великаго Василиа московьского на окупе, дати по собе ему окупа \л.76.\ много множества.

B лето 6954 [1446]. Князь Дмитреи Юрьевичь Шемяка изымаша брата его старшаго, князя великаго Василия Васильевичь, и выимали ему очи, a самь седе на великомь княженье на Москве. Того жь бысть гооду З мор силен y Смоленьску.

B лето 6900 [1392]. Женися князь великии Васильи Дмитриевичь, понял за себе дщер Витовтову \л.76об.\ Софью.



Ж Ђ переделано из и З Так в рукописи





Летописець o великом князи московскомь, како далеки от роду Володимирова


B лето 6000 [1492]. То придоша з Немець 3 браты в Новьгородокь Трувор. Первыи князь, Рюрикь, пришедь из Немець и роди княза Игоря, a Игорь роди Святьслава, и Святьславь роди Володимира, иже крести Рускую землю. Владимир \л.77.\ роди Ярослава, Ярослав роди Всеволода, Всеволод роди Владимира Мономаха, Манамах роди Юрья и Юрьи роди Всеволода Великое Гнездо, a Всеволод роди Ярослава; при сем князи Батыи быль, татарове взяли Рускую землю. Ярославль роди Александра Храбраго и Ярослава, Александра роди Данилия, Данилеи роди Иоана Доброго Калиту, иже исправи Рускую \л.77об.\ землю o татеи и от разброя А, от всякого мятежа. Иван Б роди В Дмитрия, тои бо ДмитрЂи Г называеться самодЂржень. Дмитреи роди Василия, Василеи роди Василя ж, Василеи роды Иоан роди Иоан, Иоанн роди Дмитреи.

B лето 6496 [988] Д. У Володимира 12 сыновь было: 1 Вышеславь, 2 Изяславь, 3 Святополк, 4 Ярославль, \л.78.\ 5 Всеволода, 6 Святославль, 7 Мьстиславль, 8 Борись, 9 Глебь, 10 Станиславь, 11 Судиславь, 12 Позвиздь. Посади же Вышеслава в Новегороде, Изяславя в Полоцку, Святополка в ТуровЂ.


A се епископы, елико в Руси суть. 1 Митрополит киевьскии всея Руси, 2 Великаго Новагорода. Архиепископья 3, Черниговьская и Браньская, \л.78об.\ 4 Переяславьская епископья, 5 Белогородская, 6 Володимерьская, 7 Галицкая, 8 Юрьевская, 9 Перемышльская, 10 Луцкая, 11 Хольмьская, 12 Туровская, 13 Ростовьская, 14 Полоцькая, 15 Смоленьская, 16 Тверьская, 17 Резаньская, 18 Суздальская, 19 Сарьская, 20 Коломанская, 21 Самборьская, 22 Перемская. \л.79.\





Летописец от великого князя Володимеря ДД киевьского


B лето 6478 [970]. Приидоша новьгородци a Святославу в Киеву просити в него сына, и русти к нему. И бяше же сынове Святославли: Ярополк, Олег, a Володимирь от Малуши, ключници Олжины. И рече Святославь новгородцемь: «Ажь бы хто шель моихь детеи к вамь». Ярополк же отречеся \л.79об.\ и Глебь. И рече Добрыня новгородцемь: «Просите Володимира», бе бо Малуша сестра Добрыни, a отець имь Малко любчанинь. И рекоша новгородци Святославу: «Даи же намь Володимера». И рече имь: «Ото вы есть». И пояша новгородци Владимира к собЂ. Иде Владимирь c Добрынею, вуемь своимь, к Новугороду.



А Так в рукописи; д. 6. розбоя Б Первоначально Ивана В Далее зачеркнутое и от Иона Г Ђ переделано из е Д B рукописи ≠SψСИ (первая буква означает 6000, вторая — 700, третья — 200 u последняя — 8) ДД ря написано другими чернилами



B лето 6481 [973]. Нача княжити Ярополк в КиевЂ. \л.80об.\

B лето 6485 [977]. Бысть ему брань со братомь своимь Олгомь, и победи Олга, и побеже y град Оуручии, и спаде c мосту y ровь, и ту скончася. Се же сотворися от Ярополка, брата его, яко хоте его преже того убити, и прия власть его Ярополк. У Ярополка жена грекини бЂ, и бе была преже того черницею, отець бо его Святославль дасть ю за Ярополка, красоты для лица ея. Слышав же се Влади \л.80об.\ мирь y Новегороде, яко Ярополк убил есть Олга и убояся вся, бежа за море, a Ярополкь посадники свои посади в НовегородЂ. \80\

B лето 6488 [980]. Прииде Владимир c воряги к Новугороду и рече посадникомь Ярополчимь: «Идите брату моему и рците ему: «Владимирь идеть на тя, доспеваися противу». И седе в НовегородЂ, и посла к Рогволоду, \л.81.\ князю Е полоцкому, глаголя: «Хочю поняти дщерь твою жону собе». Он же рече дщери своеи: «Хочеш ли за Володимира?» Она же рече: «Не хочю дерьзнути Ж за Ж робичича, но Ярополка хочю». БЂ З бо Рогволод пришоль и заморья, имея бо власть свою y Полоцку. И приидоша отроци Владимировы и поведаша ему всю речь Рогнедину, дщери Рогволодовы, князя полоцкого. Володимир \л.81об.\ же собра воя многи, варяги и словены, и кривичи, чюдь, но поиде на Рвгволода И. B ce же время хотяху Рогнедь вести Ярополку. И прииде Владимир на Польтескь и уби Рогволода и сына его 2, a дщерь его Рогнедь поя жене. И поидЂ Владимирь к Киеву c вои многими, и не може Ярополк стати противу, но затворися в Кие†c людьми и c Блюдомь воеводою, \л.82.\ и стояше Владимирь, окрывся на Дорогочи. Владимирь же посла ко Блуду, воеводе Ярополчю, c лестию, глаголя: «Поприяи ми, аще убью брата своего, иму тя имети во оца место и большю честь возмеши от мене; не азь убо начах избивати брате, но он; азь того убояхся и приидохь». И рече Блуд к посломь Владимировым: «Аз буду тобе y сердци и y приязнь». \л.82об.\ И мышляше убити Ярополка, князя своего. «Ядыи, рече, хлеб мои, возвеличиль есть на мя лесть», и мышляше князь бежати, a к Володимиру посылаше веля ко граду приступати. И рече Блуд к Ярополку, князю своему, лестию: «Кияне слются к Володимиру, рече К сет уже Л: «Приступаи ко граду, яко предамы ти Ярополка; побегни из града». И послуша его \л.83.\ Ярополк и побеже из города, и затворися в городе Родне на усть Ирги М, a Володимир внииде в Киевь. И седе Ярополку в городе. И бе глад великь, и рече Блуд кь Ярополку: «Видиши колико вои брата твоего, намь ихь не перебити, но створи мирь братомь своимь». И рече Ярополк: «Буди так». И посла Блуд к Володимиру: «Яко избысть мысль твоя, \л.83об.\ приведу к тобе Ярополк, пристроися убити его». Владимир же то слышав, внииде во двор теремныи отчь и седе ту c вои и c дружиною своею. И рече Блуд к Ярополку: «Поиди ко брату своему, рци ему: «Что ми даси, то я прииму». Поиде же Ярополк, и рече ему Варяжько Н: «Не ходи, княже, убиють тя, побегни y Печенеги, приведЂши О воя». И не послуша его, \л.84.\ прииде П Ярополк ко Владимирю П, и яко поиде во двери, и подятся 2-ма варяги мечама под пазусе, Блуд же затвори двери, не дасть никому внити своимь. И такь убиен бысть Ярополък. Варяжко же побеже з двора и побежа y Печенеги, и много воева Владимира c печенеги, и одва привадили его Владимирь, заходив к роте. Володимир \л.84об.\ же залеже жену братну грекиню, и не празна бе, от нея же родися Святополк. От пережнего корени плод золь бываеть, понеже и преже была черница, другое же, Володимир залеже ю не по браку, прелюбодеець бо бе. Темь же и отець не любляше, и бе бо от двою отцю: от Ярополка и Володимира. Нача княжити Володимир в Киеве и постави \л.85об.\ кумиры на холму вне двора теремнаго: Перуна деревяна, a голову ему сребряну и ус золот, и Хорса, и Дажба, и Дисотирьбога, и Семаргаа, и Мокошь. И жряху им, и нарицаху их боги. И привожаху сыны и дщери, и осквернися земля Русская кровьми. Но преблагыи богь не хотя смерти грешником: на том \л.85об.\ холме ныне церкви стоять, яже после слсажемь Р. Володимир же посади уа своего Добрыню в НовегородЂ, и пришед Добрыня в НовегородЂ, и постави кумира Перуна над рекою Вольхвою, и жряху людие новгородьстии, яко богу. И бе бо С Владимир побежень женами Т, и бяше ему водимыя Рогнедь, ея же посади на Лыбеди, от нея же \л.86.\ роди 4 сыны: Изяслава, Мьстислава, Всеволода и две дщери; a от грекини роди Святополка, от чехини роди Вышеслава, другого У Святослава и Станислава, a от болгарини Бориса и Глеба. A наложниць бе y него 300 y ВышегородЂ, y БелегородЂ 200 и на БерестовЂ. И бе не сыт блуда, приводя к собе мужескыя жены и девици растлея, бе бо жонолюбець, \л.86об.\ яко жь и Соломонь; бе бо y Соломона 700 жен, a наложниць Ф 300. Мудрь же бе, наконець поползнуся. A сеи же невеиглас Х, a наконец Ц обрете спасение.

B лето 6489 [981] ЦЦ. Иде Владимир к ляхомь и взя градь ихь, Перемышль и Червен, иныи городы. B семь же лете и вятичь победи и возложи на нихь дань.



Е Написано над строкой другими чернилами Ж—Ж Так в рукописи; в C розути З Ђ переделано из и И Так в рукописи К ч написано над строкой другими чернилами Л ж написано над строкой другити чернилами. B C вместо рече сет уже — рекучи М Так в рукописи; в C Ръси Н a переделано из я О Ђ переделано из и П—П Второе и в слове прииде написано по стертому месту; Ярополк приписано над строкой c выносным знаком другими чернилами. B слове Владимирю две последние буквы написаны по стертому месту, за этим словом еще стертое слово Р Так в рукописи С Далее cmepmoe слово Новгород Т Написано на нижнем поле c выносным знаком тем же почерком, но другими чернилами У Перед словом стертая буква a Ф Буквы па переделаны из ли; следующее за ними a стерто Х a переделано в ло Ц Далее зачеркнутое и стертое слово поползнус ЦЦ B рукописи 6089 \81\



Лето 6494 [986] Ч. Избираша Владимирь веры, кая лучши, избра же веру хрестияньскую. \л.87.\

Лето 6494 [986] . Иде Владимирь на Корсунь, градь греческии, c вои. И затворишася ЧЧ корсунене во граде Ш. Изнемогаху корсуняне y граде гладомь. И рече имь Владимирь: «Аще се не удастеся, стоять имамь зде за 3 лета». И сим не покорившимся. Повеле Владимирь приспу сыпати ко граду. И ни подписавше Щ стену градскую, крадяху перьсть и ношаху собе y град, сыпающе посреде града. И се муж ко \л.87об.\ рсунянин, именемь Анастас, стрели, написавь стреле: «Кладязи Э, яже суть за тобою на устоце, ис того вода идеть трубами y город». Володимир узревь на небо, рече: «Аще се збудется, то самь крещуся». И повеле копати упреки и переяша воду. Изнемогоша люди жаждею водою y градЂ и предашася. И вниде y град и дружина его. И посла Владимирь ко царемь Василью и Ко \л.88об.\ стяньтину, реку Ю: «Се [град] Я ваю силныи А взях, слышю, яко сестру имата девою и аще ее не удаста за мя, сотворю граду вашему, яко же и сему». И се слышавьше царие, послали к Володимиру, глаголаще: «Яко недостоино християномь за поганыя давати, аще се крестиши, то и се получиши и царьство небесное примеши, a c нами единоверен будеши, аще ли сего не сотвориши, не можемо дати \л.88об.\ [се]стры Б своеи за тебе». И рече Володимирь к посломь: «Хощу аз креститися, испытахь бо цреже сихь днии законь ваш». И се слышавше царие ради быша, и умолиста сестру свою Анну, и посласта ю к Володимерю, и сановники некии, прозвутеры. И яко приидЂ Корсуню, изыидоша корсуняне и c полкомь ББ, и уведоша y град, и посадиша ю во полате. По божию же строению й то время разболеся В Володимира очима Г, \л.89.\ и не виде ничто же, и тужиша велми, и не домышляшеся, что створити. И посла к нему царица, рекучи: «Аще хощеши избыти болезни сея, то воскорЂ крестися, аще ли [ни], то не имаши исцелити». Се слышавь, Володимир рече: «Да аще се истинна будеть, то поистиннЂ велик богь християньскии». И повеле крестити себе. Епископь же рускыи c попы \л.89об.\ царициными крести его, яко же узложи на него руку, и абие прозрЂ. Видевь же . се Володимирь напрасное исцеление и прослави бога, рек: «То первое увидех, прослави бога истиннаго». Се же видевши дружина Д его, мнози крестишася y церкви. По крещении же приведе царицю на брачное. Неции убо не ведуще глаголють, яко крестися y КиевЂ, инии же реша y Василеве, но не бысть тако.

Владимир же поима \л.90.\ царицю Анну и Онастаса, и попы корсуньскыя, и мощи святого Климента, и сосуды церковныя, иконы на благословение собе, взя же 4 иконы медяны. Дал же за вено грекомь град Корсунь, a сам приидЂ к Киеву. ПовелЂ кумиры избити, a иных огневи предати, и посла по всему городу, рекучи: «Яко аще кто заутра не обрящеться на рецЂ \л.90об.\ или богат или нищь, противен ми будеть». И се слышавъше людие c радостию идяху креститися. По сих же Володимирь старшего сына Вышеслава посади в НовегородЂ, Изяслава в Полоцку, Святополка в Турове, Ярослава во Ростове. И вмершу Е Вышеславу, посади Ярослава в НоверодЂ Ж и Бориса в РостовЂ, Глеба y МуромЂ, Святослава в Деревех, Всевлода Володимире, \л.91.\ Мьстислава Тмутораканю З, Станислава y Смоленьску, Судислава во Пьскове, a самь седЂ y Киеве и во прочихь градех. И заложж град Киев болшии, и нача ставити городы по Десне и по Днепру, и по Остри, и по ТрубЂжю, и по СулЂ, и по инымь рекамь, аж и ныне суть.

B лето 6497 [989]. Крестився Владимир и взя y ФотЂ \л.91об.\ я И во патриарха перваго митрополита Киеву Левона, a к Новугороду архиепископа Якима корсунянина, а по инымь городомь епископы и попы и дияконы.

Лето 6523 [1015]. Хотящу Владимиру ити на Яраслава, сына своего, к Новугороду. Ярославь же посла за море и приведЂ варяги, бояся отца своего, но богь не дасть дияволу радости. \л.92.\ B то время Владимир разболеся и К умре месяца июня во 15 день. Святополк же сяде Л в Киеве по отци своемь. Борису же возвратившюся c воины не доиде Киева, и ту его уби на АлтЂ Святополкь лестию. И потомь посла по Глеба лестию ж, глаголя: «Отець тя зоветь». И приложи и сего вбити на Смядыни y Смоленьску. И потомь уби Святослава, бежаща во Угры. \л.92об.\

B лето 6524 [1016]. Поиде Ярославь на Святополка, и бысть сеча велика, и обломися на леду дружина Святополкова, a Святополк побеже в Ляхи, a Ярослав седе в КиевЂ.



Ч B рукописи 6094 ЧЧ Далее стертая буква Ш Далее стертая буква Щ Так в рукописи; в H подкопавше Э и переделано из ъ Ю Над строкой другими чернилами ка Я Край листа оторван


А Надстрочная буква над словом зачеркнута Б Край листа оторван ББ B C поклономь В После ле три стертые буквы Г a переделано из ъ Д a переделано из двух букв Е Между ш u y две стертые буквы Ж Так в рукописи З После первого т стертая буква И Далее стертое слово К и написано no стертому месту; перед и стертая буква Л Приписано тем же почерком и теми же чернилами c выносным знаком на верхнем поле \82\



Лето 6525 [1017]. ПриидЂ Болеславь со Святополкомь и c ляхи на Ярослава. Ярославь же совокупивь русь, варяги и словены прииде же в Полыню М и сташа об реку Бог. И победи Болеслав \л.93.\ Ярослава, и внииде в Киемь Н со Святополкомь. И Ярославь бежа к Новугороду, и новгородци яшася по немь, поидоша на Святополка, a Святополкь бежа в Печенеги.

Лето 6527 [1019]. Прииде Святополк c печенеги на Ярослава, и Ярослав собра вои множество, поиде противу сему на Алто, идеже уби Святополк Бориса. И рече Ярославь: «Кров \л.93об.\ брата моего вопиеть к тобе, владыко, мьсти кровь праведнаго сего». И рече: «Брата моя. Аще теломь оттошла еста отсуду, но молитвою ваю помозита ми на противнаго убиицу». И бысть сеча злая, яко же не бысть в Руси, и бысть к вечеру одолЂ Ярославь, a Святополк побежа. Мнози бо вернии видеша ангелы, помогающи Ярославу. \л.94.\ И нападе страх на Святополка, и побежа никим же гонимь. И начаша его на носилехь носити, и прибегоста к Берестью. Он же глаголаше: «Побегните со мною, яко женуть по нас». И не можаше терпети на единомь месте, и пробежали Лядскую землю гонимь гневомь божиимь. И прибеже y пустыну межи Чехи и Ляхи, ту испроверже животь свои окаянныи.

Лето 6529 [1021]. ПриидЂ \л.94об.\ Брячислав, сын Изяславль, на Новгородод О ис Полоцка, и взя Новьгород, и в полон поведе самыхь, и именье ихь разграби, и поиде к Полоцьку. То слышавь Ярослав ис Киева за 7 день постиже и победи его, a новгородцево вороти их со имениемь.

Лето 6545 [1037]. Свершень бысть град Киевь. B то же лето созда Ярослава П святую Софъю. B то же лето священа бысть церкви святая Софя в КиевЂ. \л.95.\

Лето 6547 [1039]. Священа бысть церкви святая Богородица, юже созда Володимирь, отець Ярославль.

Лето 6549 [1041]. Посла Ярославь сына своего Владимир на Греки, давь ему вои многи, идоша в лодьях. Греки же, видевше вои многи, начаша погружати честныя кресты c мощми y морЂ, и возмутися морЂ, и корабли потопи многи. Володимир же прииде Киеву y мале. \л.95об.\ То же осени дасть Ярославь сестру свою за Казимира, и ходи Ярославь вж Р на мозавшаны. Сеи же Казимир вдасть сестру свою за Изяслава, сына Ярославля.

Лето 6553 [1045]. Заложи Владимирь, сынь Ярославль, святую Софью в НовегородЂ.

Лето 6555 [1047]. Иде Ярославь третие на мазавшаны и поби их, и князя ихь уби Мослава, и покори землю ту Казимиру. \л.96.\

Лето 6558 [1050]. Священа бысть церкви святая Софья на Воздвижение повелениемь князя Ярослава и сына его Володимира.

Лето 6562 [1054]. Преставися князь велики Ярославь, жит лет 76.

Лето 6581 [1073]. Основана бысть церкви святая Богородица Печерьская игуменомь Феодосиемь.

Лето 6582 [1074]. Преставися игумен С печерьскии.

Лето 6745 [1237]. Попущениемь божиимь Т \л.96об.\ приидоша со восточнои страны безбожьныи татарове со царемь Батыемь на землю Резаньскую лесомь. И пришедше перво сташа станомь в Онузе, и взяша ю, и оттоле послаша послы свои, жену чародЂицю и 2 мужа c нею ко княземь резаньскимь, просячи y нихь десятин во всем: y князехь и y людехь, y конех десятое, y белых 15 \л.97.\ и y бурых 15, y вороныхь 15, в рыжихь 15, y пегих 15. Князь же резаньскии Юрьи Новгорвьодоскии У, брат его Олег Иноновгородовичь и муромьскии, и проньскии князи, не пустяче к городомь своимь, выехали противу имь во Боронеж Ф, и рекли: «Коли нас не будеть всихь, то все вамь будеть». И оттоле пустиша ихь ко Юрьеву, и в Володимирь. И почаша воевати \л.97об.\ землю Резаньскую, поплениша и до Проньска, a из Володимира пустили их оттоле в Тотары. Послали их князю резаньскии ко Юрью, князю володимирьскому, просячи помочь или самому поити. Юрьи же самь не иде, ни послушаша Х князеи резаньскиих молбы, но хотя сам особь брань творити. A иноплеменници градь опусти Ц Резань декабря 16, a во 21 взяша и пожгоша \л.98.\ весь, a князя Юрья убиша и княжат 12 ихь и поидоша на Коломну.



М Так в рукописи; д. б. Волыню Н Так в рукописи О Так в рукописи П Так в рукописи Р Так в рукописи С ъ в конце слова переделан из о; следующие далее буквы мь зачеркнуты Т Далее зачеркнуты слова пречщениемь божиимь У одоскии приписано над строкой тем же почерком и теми же чернилами Ф Так в рукописи Х Второе ша написано над строкой Ц Так в рукописи; д. б. оступиша



И Всеволод Юрьевич и Романь Иновгородовичь идоша против их. A из Володимиря Юрьи посла y сторожехь воеводою Еремея Глебовича, и сняся со Всеволодомь и Романом. И отступиша их татарове y Коломны, пригониша их к надолобомь, и ту убиша князя Романа и Еремея воеводу, a Всеволод бе \л.98об.\жа к Володимиру, a москвич к МосквЂ. И татарове взяша \83\ Москву, и воеводу Филиппа Нянка убиша, a князя Юрья Владимировича яша, a люди избиша. Они ж кровоядьци приидоша к Володимиру и сташа февраля во 3 день. A володимиръци затворилися и со сыными Ч Юрьевыми и со Всеволодомь, и Мьстиславомь, и воевода бе в нихь Петр Ослятев. Во \л.99.\ лодимЂрцемь Ш же не оттворящимся, a татарове приехали ко Золотымь воротамь, водяще c собою Володимира Юрьевича, и начаша говорити: «Есть ли князь Юрьи Щ y городЂ?» Володимирци же пустиша на ньх по стреле, и они пустиша противь на град и на Золоты ворота. И рекли татаро†влодимирцемь: «Не стреляите». И показали имь Владимира, рекучи: \л.99об.\ «Знаете ли сего княжича?» Бе бо унылымь лицемь и не могл бедою отт нужи. Всеволод же и Мьстиславь стояли на Зелотых Э воротехь и познали своего брата. О умиленое видение и слез достоино. И вси гражане его, видяче, плокахуся, a они, злии, отшедше от Золотых вороть и обьехали весь град, a сташа станы на зреиме, a иныи отшедше взяша Суздаль и люди избиша, \л.100.\ a иных сведоша y станы свои и к Володимиру. И в суботу мясопусную начаша наряжати лесы и порокы ставити до вечера, a на ноч огородили тыномь около всего города. И бысть наутрия видеша гражене, яко уже узяту быти граду, и внидоша y церков Пречистую, и стрегошася от владыки Митрофана вси. И они, злии, приступили \л.100об.\ к городу во 6 день февраля в неделю по заутринии и зашли от Золотыхь ворот святого Спаса, и внидоша по примету черес городь; a сюда от северныя стороны от Лыбеди ко Орининымь воротомь, a суды от Кляжмы к Воложскимь. И тако взяша скоро град новыи до обеда, запалиша огнемь. Бежаше Всеволод и Мьстиславь в Черныи град, a епископь Митрофан и княгини Ю \л.101.\ рьева со дщерию, со снахами и со унучаты и прочая княгини, и множество бояр, и люди затворилися y церкви святыя Богородица в полатах. ТатаровЂ, иж высекли двери, оттворили церковь a наволочили леса около церкви, зажгли церковь и без милости запалили святую Богородицю; и тако скончашася вси сущии y церкви. И град весь огневи предали, и сякоша вся оружиемь от старых и до малыхь, \л.101об.\ от мужска пола и до женьска, и ерескии чин весь, и чернорискии. A все изоблажно и поругано горкою смерти]ю] нужною. Предаша душа своя господови во 6 день февраля в мясопусную неделю. И вси церкви поругали и розграбили, и двор княж изложиша и огневи предали. A иных руками имаючи, ругалися женьскому полу, яко же не достоит глаголати, и черницамь и попадьям ЭЭ \л.102.\

. . .радостными очима да скаж[ет] Ю имь станы, обрете бо их. Стоящу бо ему при краи моря, стрегущу обою путеи. И пребысть всю ночь не спя, яко же нача усходити солнце, и услышавшимь Я страшныи по морю, и виде насад гребущь, и посреди насада стояща Бориса и Глеба и во одежах червеных, и беста руки дръжаще на рамех, гребци же седяще аки y молнии одеянии. И рече Борис: «Брате Глебе. Вели грести, да поможмо сроднику \л.102об.\ нашему Александру». ВидЂвь же Певгусии такое видение и такое слышание, и стояшЂ трепетен, дондеже отиде насад из очью его. Потом скоро поеха ко князю Александру. Видевь А же Певгусии такое видение и такое слышание и стояша трепетень А. Исповеда ему радость, яко же ведЂ и слыша. И рече ему князь: «Сего не рци никому же», a са[мь] Б тщися наехати c нашими. У 6 час дни бысть сеча велика над римляны, и изби множество ихь, \л.103об.\ и самому королеви возложи печать на лице его острымь своимь копиемь. Зде же явишася y полку Александрови 6 муж храбрых, иже мужествоваша c нимь крепко. Гавриль АлексЂевичь В. Сии наехав на шьнеку и видЂвь королевича мчаща под руку, и изехавь по дское, по неи же хожаху до самого короля Г. И втекша в корабль пред нимь, извергоша го и c конемь y море. Божиею волею от тых изыде не врежен. И опять наеха и бися сь самымь \л.103об.\ воеводою посреде полку их, и ту убиен бысть воевода ихь Спиридон и епископь их. И другии же новгородець Свиславь Якуновичь. Сии наехав много бишася единымь топоромь, не имеа y сердци, и падЂ неколко от рук его, и вси дивилися силе его и храбрости его. Трети же Яков полочанин, ловчии быль y князя. Сеи наехавь на полк c мечемь и мужествовавь отедЂ прочь, и похвали его князь. 4 же новгородци Д, Миша именемь. Сеи пеш \л.104.\ со дружиною своею натече и поби трии корабли римлян. 5 от молодых, его Е Сава именем. Си наехав шатер великыи и злотоверхии, подсече столп велии шетерныи, и паде шатер, и полци Аликсандрови, видевши падение шатра того, и възрадовашеся. 6 от слуг его, Ратимир именем. Сии бися пьжши Ж, и оступиша его мнозии, он же от многих не изнеможе ускорЂ, но мужествова на них крЂпко, послЂде же изнеможе от мно \л.104.об.\ гых ран, изнесомь же, и скончашася.



Ч Так в рукописи Ш Ђ переделано из и Щ Далее зачеркнуто евич и начаша го Э Так в рукописи ЭЭ Далее в рукописи пропуск Ю Буквы ет стерлисъ Я B H услыша шум


А—А Слова слегка зачеркнуты Б Буквы мь стерлись В Ђ переделано из a Г B C карабля Д Так в рукописи Е Отсюда другим почерком Ж Так в рукописи; в C пЂшь \84\



Новгородцев же убили всЂх 20 мужь и c ладожаны. Бысть же тогда чодо З: победи Александ[р] карабли, a оны обапол рекы Ижеры, идеже не бе приходно полку Александрову, зде обретошася много множество мертвых, избьеных от ангел божиих. Останкы их бежаше, a трупия мертвых своих старьших муж накладши 3 карабли и потопиша их на море, a инымь скопаша ямы и метали в них безчислено множество, a инии мнозии я \л.105.\ звени быша, отбегли конечнЂ. [Р]остислав И же смоленьскыи Мстисласвичь седе в Кыеви, Данил же брат его Михаило выехал на него и ят его, и дасть Кыев Дмитрееви обет держати противу иноплЂменик безбожьных тотар. [Т]огда К прииде Батыи Кыеву многом множеством силы своя, и окружи град, и оступи сила тотарьская, и бысть в обдержании велице. И бега Л тыи Л в город, и отроци его обесЂдяху, и не бе слышати град, скрипания тележнаго, \л.105об.\ и множества ревения верьблюди, и рзания глас стадныих. И бе сполнена земля Руськая ратных. Имяше же в них тотарина, именем Товрул, тои исповеда всю силу и яже бяху в них силных воеводы: Урду, Баидар, Бирюи, Кадан, Бечак, Меньгуи, Куюк, иже врати ведал смерть канову. И бе кан от рода его, но бе воевода его первыи СебедЂ боготырь, Бурундаи, иже възя Богатырьскую М землю и Суздалскую, и иных бес чесла воевод, их же не мощьно уместити зде. И постави же \л.106.\ Батыи порокы к городу Кыеву, a ту баху ледница подли ворота, и пришьло дебрие. Пороком же непристано бьючим Н день и ночь, выбили стены, и ту бешо ломь копеиныи, и щитомь скепениемь, стрелы омрачиша свет. Побежаем бывшим гражаномь, Дмитрови крепко хробрававшю, и вздоша татарове на стены извиенныи, стрежахутся день и ночь. Гражане же градиша другии град около святыя Богородица. Наутрия же приидоша на ня, и бысть брань меже има обоих велика, людемь же узбегшимь на церковь и на коморы церковныя и c товары своими, \л.106об.\ o тяжести же провалилися коморы церковыя, и прият бысть Киев на Ник[о]лин день. Дмитра же изведоша язвена, не убили его мужства для. Батыи же вземь град и слышавше o Даниле, яко во Угрех есть, и поиде сам к Володимиру, и приидЂ к городу Колодяжну, и постави порокы 2, не О могии разбити стены. Нача перемовляти люди, и оних же, послушавши его, предалися ему, избьени быша. И приид Каменьцю, и не мога розбити стены, и к Жаславлю, и звя П его. И приде ко Кременьцю, виде же Кременець град тверъд Р . . .



З Так в рукописи И Буква P стерлась К Буква T стерлась Л—Л B C и бЂ Баты М B C Больгарскую Н Отсюда почерк прежний О Отсюда почерк, каким писаны лл. 104 — 106 П Так в рукописи Р Ha этом рукопись обрывается















© Сканування та обробка: Максим, «Ізборник» (http://litopys.kiev.ua)
25.III.2003








Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.