Попередня     Головна     Наступна





ЛІТОПИС КРАСИНСЬКОГО


Опис рукопису



ЛЂтописець Великого князьства Литовъского и Жомоицьского


Сталося есть воплощене сына божьего от святаго духа з благословеное девици пречистое Марии от початку сотворениа всего свЂта лЂта пяттысячного пятсотного двядцать А шестого. Оного часу панство Римское было пред цесарем Августом, которыи иже не толко одному Риму, але и всему свЂту пановал. Яко ж вышеи писано, часу цесарьства Августова сын божии народился, a часу Тивириа цесаря, второго по Августе, на крестЂ волную муку принял для збавеня и откупеня рожаю человечего. За которого ж Тивирия цесаря вси рЂчи и пророчества наполнивши, по востанию из мертвых вступил на небо и сел на правици бога отца, отколе ж дня судного маеть приити судити живых и мертвых и отдати комуждо подлуг заслуги его. А по смерти Тивирия цесаря был цесарем Гаиос, по Гаиюсе Клавдии, по Клавдии царствовал сын его Нерон, которыи же Нерон был пан окрутныи a невъставичныи, власную матку свою и докторя своего навышьшого своею рукою забил без кождое причины o смерьть приправил, и неколко крот мЂсто Римское казал запаливати, a ни для чого, толко для того, \л.64об.\ иж бы ся тому дивовал, a потеху c того мевал. И княжатам, и панятом римским, и шляхтам, и всему посполству кривды и втисненя великия чинил, для чого ж всяким подданым его, для великого окрутенства его и невъставичности, не был нихто певен a ни безпечен не толко именеи альбо скарбов, але и здоровъя своего. A так многые, опускаючи именя a скарбы свои, втекали до розмаитых земль, наследуючи справедливости покоя.



А Так в рукописи



Где ж одно княже римское именем Полемон, которыи же цесару Нерону был кровныи, забралъся з жоною и з дЂтми, и з скарбы своими, и подъданными своими, c которым жо княжетем собралося пятсот шляхты з жонами и з дЂтми и з многыми людми. И вземши c собою одного остронома, и пошли в кораблех морем по заходу слонца, хотечи собе знаити на земли месцо слушное, игде бысь мели поселити a мешкати c покоем. A c тыми шляхты чотыри были рожаи наивышшие, именем Китоврасы, Колюмны, Рожи, Ургы. A так они не малыи час по морю ходечи, пришли Межиземского моря и дошли до реки до Шума и тою рекою Шумою в море окиян, и морем окияном дошли до устья, игде река Немон впадываеть в море окиян. Потом пошли Немном y верх, ажь в море зовемое Малое, которое называется \л.65.\ море Немновое, a c тое причины тое море Немновое называется, ижь в тое море впадаеть Немон дванадцатми устьи и кождое зовется своим именем, Скиля. И пошли тым устьем уверх, и дошли цЂлого Немна, где вжо он сам во одном месци течеть весь, a y верх Немном пошли до реки Дубисы, где ж вшедши в тую реку Дубису, и над нею нашли горы высокие, и на оных горах ровнины великие, и дубровы роскошные и розмаитое офитости наполненых розного рожаю звереи, то есть напервеи туров, зубреи, лосеи, еленеи, серн, рысеи, куниць, лисиць, бЂлок, горнастаев, ласиць и иных розмаитых рожаев. И ту теж в реках великую объфитось рыб непосполитых, иж не толко тые рыбы, которые в тых ся реках плодять, але множьство рыб розмаитых a дивных з моря приходять, a то за тою причиною, иже недалеко устье Немновое, где Немон в море впадываеть. Над которыми ж реками, над Дубисою и над Немном, и над Юрою, там ся поселили и почали розмноживатися, и оно мешьканье их над тыми реками велми им подобалося, и назвали тую землю словеньским языком — Побережная земля, a литовъским языком назвали Жемоитская земля. A потом вышереченое княже Палемон вродил трех сынов: \л.65об.\ старшии Боркг, другыи Кунас, третии Спера. Старшии же сын, Боркг, вчинил город на Юре реце, и зложено имя того княжати посполе з рекою, иж имя реце Юра, a княжати Борг, и назвал тот город Юрборк. A середнии сын, Кунас, пришол на устье реки Неважи, игде она впадаеть в Немон, и вчинил тут город и назвал его именем своим, Кунасов город. A третии сын, Спера, пошол далеи в пущи к восходу слонца и, перешодши реку Невяжу и реку Святую, и третию реку Ширвенту, и нашол озеро, луками и розмаитым деревом окрашено, где ж то полюбивши над тым озером поселился, и тое озеро именем своим назвал, Спера. И пановал много лет, a потом змер без плоду. \129\ И подданыи его, милуючи его, a подле римского обычая вчинили болвана на паметь его и назвали Спера. И потом оные люди, мешькаючи около него, и почали офери чинити и за бога мети, a потом, коли тот болван сказился, и они тое озеро и тое местцо хвалили, и мели за бога. И по нем межи собою господаря не мЂли и мешкали без пана. И навратившися воспак.

По малых часех брат его Боркг, которыи мешкал на Юрборку, вмер не маючи детеи, ино брат его Кунас возметь и тую часть брата своего Борка и город Юрборк, и тою частю его будеть \л.66об.\ и город Юрборк пановати. Оное княжа Кунас мел двух сынов, одного Кернуса, a другого Кгинъбунта. Пануючи ему в земли в Жомоитьскои, почал ся множити и розширяти и выходити за реку Велью, в землю Завелскую. И прошод реку Святую вышеи и нашол место велми хорошо, и сподобалося ему тое местцовелми, и он там поселился и назвал тое местце именем сына своего Кернуса, Керново, и дал тому сыну своему Кернусу, a потом умре. И почнеть сын его пановати Кернус на всеи земли Завелскои по границу Латыгалъскую и по Завелеискии Бряславль, аж по реку Двину. A брат его Кгинбунт на Юръборку a на Кунасове, и на всеи земли Жомоитьскои. A в тот час, где Кернус пановал на Завелеискои сторонЂ, люди тыи его, што за Велею посели, игрывали на трубах дубасных, и прозвал тот Кернус берег по вълоску, гдЂ ся люди его множать, литус, a труба, што на них играють, — туба. И дал имя тым людем своим по-латине, зложивши берег — Литус a труба — Туба, и дал им имя Литустуба. То пак простые люди не вмЂли звати по-латине и почали звати Литва, и от того часу панство Литовъское почалося звати и множити от Жомоити. Князь великыи Кернус пановал на Литве, a князь Кгинбунт на Жомоити, и не малыи \л.66об.\ час пановали a жили межи собою во-в покои. Князь пак Кернус не мел сынов, толко одну дочку, именем Пояту. A будучи он в старости своеи a не хотечи панства своего от дочки своее отдалити, и принял до нее зятем собе c Китаврасу именем Кгируса, a сам умре. А по нем нача княжити на земли Литовъскои тот зять его c Китаврасу именем Кгирус, a Кгинбут на Жомоитскои земли. И пануючи Кгинбуту на Жомоити, умре, a сына своего Монтвила зоставить на Жомоитьском князьстве. И Монътвил много княжил на Жомоити a мел двух сынов, одного Немоноса, a другого Скирмонта.

И часу панованыя Кунасова повъстав царь Батыи и пошол на Рускую землю, и всю землю Рускую звоевал, и князеи руских многых постинал, a иных в полон повел, и столець всее Руское земли город Киев съжог и пуст вчинил. A князь великии киевъскии Дмитреи, боячися великое силы и моци его, збег c Киева в город Чернигов, и потом довЂдался, што город Киев скажен и вся земля Руская спустошена. A въслышав, ижь мужики мешкають без господаря a зовутся дручане. И он, собравъшися з людми, пошол ко Друцку, и землю Друцкую посел, и город Друческ зарубил, и назвался князем великим \л.67.\ друцькым. A в тот час доведался князь великии Монтивил жомоитскии, иж Руская земля спустела и князи рускии розогнаны, и он, давши воиско сыну своему Скирмонту, и послал c ним панов своих радных, напервеи c Колюмнов именем Кгрумпа, a другого со Врсином именем Екшис, a третего з Рож именем Кгровъжис. И зашли за реку Велю, и потом перешли реку Немон и нашли в четырех милях от реки Немна гору красную, и сподобалася им, и вчинили на неи город и назвали его Новъгородок. И вчинил собЂ князь великии в нем столець, и назвался князем великим новъгородским. A пошодши з Навагородка и зарубил Городен город, и потом пошол до Берестя и нашол Берестеи и Дорогичин, и Мелник от Батыя спустошоны и скажены, и он тые городы зарубил и почал на них княжити. И потом умре князь великии Молтивил жомоитски, и по нем сЂл на великом княженьи Жомоитском сын его Немонос. A другыи вышереченыи сын его, Скирмонт, иметь княжити на Новегородце и на тых вышереченых городех. И подавал тым паном своим, которые c ним вышли, островы пущи: Крумпю дал остров около реки Ошмены, которое нинечи зовется Ошмена, и все прилежачое к Ошмене, што нынЂ князи и панове в повЂте Ошменьском держать. A Еикшеви дал остров, которыи по нем назван есть Еикшишки \л.67об.\ и всЂ прилежачое к повЂту Еикшискому. A Кгровъжу дал остров, которыи его именем назвал Кгровжишки, и весь повет прилежачии ку Кровжишкам. И c Крумпя народился Кгаштовт, a cc Б Еикша народился Довоин, a з Кгровъжа народился Монвид. За тым възвратився въспак.



Б Так в рукописи



Пануючи великому князю Немоносу в Жомоитьскои земли, a Скирмонту в НовЂгородце a в тых вышереченых городех, и затым умре великыи князь Немонос. И по нем начнеть княжити Кгирус, князь литовъскии, которыи вышол c Китоврасу, обЂма тыми княженьи, Литвою и Жомоитью \130\ а Скирмонт на Новегородце и на многых руских городех. И много лЂт княживши Скгиржгату на тых городех и умре, а по нем начнеть княжити сын его Минъкгаило.

Собравши воиска свои и поиде на город Полтеск и на мужи полочане, которыи вечм справовалися, яко Великии Новгород и Пъсков. И напервеи пришли к городу их, реченому Городець, и мужи полочане, ополъчившися полки своими, и стрЂтили их под Городцом. A великии бои и сЂчу межи собою вчинили, и поможе бог великому князю Минкгаилу, и побил мужов полочан наголову, и город их Городець сожже, и город Полтеск возметь, и остал великим князем полоцким. И пановал \л.68.\ много лЂт и умре. И оставить по собе двух сынов своих, одного Шварна, a другого Кгинвила, и Шварн почне княжити на Новегородце, a Кгинвил на Полоцку. И поиметь Кгинвил дочку y великого князя тверьского Бориса именем Марью, для которое жь окристился в руску вЂру, и дали ему имя тъстя его, князя тверского, Борис. И тот Кгинвил, нареченныи Борис, вчинил город на имя свое на рецЂ Березыни и назвал его Борисов. И будучи ему русином, был велми набожен и вчинил церков каменую в Полоцку святое Софии, другую святого Спаса, девич монастырь уверх реки Полоты от града y полумили, третию церков на Белници святых Бориса и ГлЂба манастырь. И пануючи ему в Полоцку был ласкав на подданых своих и дал им, подданым своим, волности и вЂчо мЂти и в звон звонити, и по тому ся справовати, яко y Великом НовЂгороде и ПъсковЂ. И тот князь Борис c тою жоною мел двое детеи, сына ГлЂба a дочку Парасковгию. И сам умре, а по собе на Полоцку зоставить сына своего ГлЂба. A дочка Парасковгия обЂцала девитстао свое заховати в целости до живота своего и пострыглася в черници y святого Спаса в монастыри над Полотою, и мешкала там сем лЂт, богу служечи и книги. пишучи на церков. A потом забралася до Рима, и в Риме служила богу пилне, и мешькала \л.68об.\ колко годов, и окрестилася, которую называють святаа Пракседыс, a по-рускии Парасковгия, которои же в Риме и костел збудовали на имя ее святое, там же ее положили. A брат ее, князь ГлЂб полоцкии, в молодых лЂтех своих, княживши немного лЂт в Полоцку, и умре, и положен бысть y святое Софии в Полоцьку со отцом своим во одном гробе. A полочане потом почали за ся вечом справоватися, как y ВЂликом Новегороде и ПъсковЂ, a пана над собою не мели. И възвратимися воспак.

Шварнове княжачи на Новегородце, князь Мьстислав луцкии и пинъскии почнеть воину c князем Шварном, хотячи его выгнати c очизны своее, з Берестья, з Мелника, з Городна и з Новагородка. И Шварно пошлеть послов своих до великого князя литовского, што вышол c Китоврасу до Кгируса, просячи его, абы помоч дал ему напротивку руси. И князь великии литовъскыи Кгирус пошлеть ему на помоч сына своего старшого Куковоитя со всими силами своими литовскими и жомоитскими. И поидеть князь великыи Шварно c Куковоитем и со всими силами напротив Мьстислава, князя луцкого и пинского. И на сеи стороне рекы ЯсЂлды поразил князь Ямонт князя Мьстислава луцкого и пинского наголову и всю русь, толко князь Мьстислав в мале дружине ледво сам втечеть в город Луческ. A князь великыи Шварно возметъ город Пинеск и Туров. И въскричала Русь великым голосом и c плачем, \л.69.\ иж так окрутне вси суть побиты от безвЂрное литвы, A князь великии Шварно сына великого князя литовского Кгирусова Куковоитя обдоровавши безчисленным множеством злата и сребра и борздыми конми, и отпустил честно до отца его, великого князя Кгируса литовского. И мало при отци своем побывши, и потом князь вёликыи литовскии и жомоитскии Кгирус c Китоврасу вмер, a сын его Куковоити сел на великом княжаньи Литовском и Жомоитьском.

Будучи в тот час царем заволгъским царь Булаклаи, прислал послов своих до великого князя Шварна, штобы ему выходы его давал и баскаки его ховал по тым городом, как c тых городов хоживало за предков его, князеи руских. И князь великыи Шварно под тое ся поддати не хотел, и тым послом его носы и губы, и уши казал поврезати и до него отпустил. И потом царь на лЂто, собравшися з многыми силами и ордами татарскими, пошол на Рускую землю и много зла в Рускои земли вчинил. A князь великыи Шварно, събравши вси воиска свои, и поткал его на граници своеи в Коиданове, и поразил того царя, и всю его моць татарскую побил, и самого царя вбил, и [з] звытежством великым пошол на Рускую землю, и взял город Мозыр, Чернигов, Стародуб, Карачев, и со всим в цЂлости, звытежство одержавши, вернулся назад. И мел князь великыи Ямонт трех сынов: старшии Скиргаило, другии Люборт, третии Писимонт. A потом князь великыи умре, и Люборт сядеть на Карачове \л.69об.\ и назовется великим князем корачевским, a Писимонт на Турове, a Скиргаило на Новегодце В; и пануючи им на тых городех много лЂт.



В Так в рукописи; д. б. Новегородце \131\



B тые лЂта князя великому литовскому и жомоитскому Куковоитю умре y великои старости мати его Поята. И князь великыи Куковоити, милуючи матку свою, a вчинил болвана на образ ее, чинячи еи память, и поставил того болвана именем матки своее Пояты вышеи озера Жослеи, которую ж охвалили и мЂли за бога тую Пояту. A потом, коли тот болван згнил и на том мЂстци липы выросли, и тыи липы хвалили и за бога их мЂли на имя тое Пояты. Затым князь великии литовскии и жомоитскии будучи y великои справедливости и милуючи подданых своих, сам князь Кувоити Г умре. И зоставить по собе сына на Великом князьстве Литовском и Жомоитском Утенуса, которыи же сын, милуючи отца своего, великого князя Куковоитя, вчинил болвана на памятку отца своего и поставил его на однои горе над рекою Святою недалеко Дявилтова, которого ж болвана хвалили. Потом тот болван згнил, a там гаи вырос, и люди тыи хвалили тот гаи, a прозвали его именем пана своего Куковоитя. Возовратившися воспак.

И пануючи Скиргаилу на НовЂгородцЂ, в тот час царь зоволгъскии Кудрас повстал з многыми ратми татарскими на Рускии земли. И князь Скиргаило зберется з братею своею, c князем Любортом корачовским a c князем Писимонтом туровским, и со всими силами своими, \л.70.\ a к тому ; обослался c князьми рускими, князем Семеном Михаиловичом дрюцким и князем Давыдом Мьстиславичом луцким. И совокупившися им c одного, и пошли напротив царя Курдаса и всеи рати его зоволгъскои. И поткалися c ним за Мазырем на реце Окуневце, и вдарилися полки межи собою, и вчинили бои лют от поранка аж до вечера, и поможе бог великому князю Скиргаилу и князем руским, иж царя Курдаса и все воиско его наголову поразили, ледве сам втек до орды в малои дружине. И в том бою вбили дву братов князя Скиргаиловых: князя Писимонта туровского a князя Люборта корачевского, a князя Семенова сына друцкого Михаила, a князя Давыдова сына луцкого АндрЂя, и иных бояр многых вбили. И князь великыи Скиргаило, одержавши звитежство и добытку великого, злата и сребра, каменя, жемчугу, и шат дорогых набравши, отиде восвояси, a князи рускии также y свои городы отидоша. И пануючи князю Скиргаилу не мало лЂт, и умре, и зоставить по собЂ сына своего на великом княжени Новгородском Олкгимонта. И Олькгимонт не мало княжив лЂт, и умре, и зоставить по собЂ сына своего Рынкголта на великом княженьи Новгородском. И княжечи Рынкголту не мало на НовЂгородце и на многых городех руских, и вчинять знову Д межи себе князи рускии, почати валку против великого князя Рынкголта, хотячи его согнати со очизны, своих городов руских, напервеи Святослав киевскии a Лев володимирскии, \л.70об.\ a Дмитреи дрюцкыи. Собравшися вси три c полки своими и пошли против великого . князя Рынкголта, и взяли тые князи рускии на помоч собЂ от царя заволгъского неколко тысяч татар. И князь великии Рынкголт поткал их на рецЂ НемнЂ на Могылнои, и вчинили c ними бои лют, и билися межи собою велми крепко, почанши от поранка аж до вечара самого. И поможе бог великому князю Рынкгалту, аж князеи руских и всю силу их и орду татарьскую наголову поразил и сам, звитежство одержавши, з великим веселием и добытком золота, серебра и з великим набытком скарбов и возвратившися восвояси. И пришед до Новагородка, и рознеможеся, и умре без плоду; тут ся доконал род княжати римского Полемона.



Г Так в рукописи Д Так в рукописи; в P змову



И панове, жалуючи господаря своего прироженого, и взяли собЂ господарем сына великого князя литовского и жомоитского Утенусова c Китоврасу, Швинторога. И мало княживши Швинторргу на НовЂгородце и на руских городех, отець его, великыи князь литовскии и жомоитскии Втенус, умре, и сын его Швинторог по смерти отца своего начнеть княжити на великом княжени Литовском, Жомоитьском и Новгородском, и Руском. И вродил Швинторог сына Скирмонта. И обреть собЂ великии князь Швинторог мЂстце на пущи велми хорошо подле реки Вели, где река Вилня y Велю впадываеть, и просил сына своего Кгирмонта, абы на том мЂстци жьглишще было вчинено, гдЂ бы его смертнаго сожгли. И приказал сыну \л.71.\ своему, абы по смерти его на том мЂстци, гдЂ бы его зжог, всих князеи литовских и знаменитых бояр сожжено, и штобы вжо нигдЂ инде телеса мертвых не были жьжены, одно там, бо перед тым жигали тЂла мертвых на том мЂстци, где хто умреть. И приказавши тые слова Кгирмонту, сыну своему, великии князь Швинторог и умре.

И сын его Кгирмонт зостал по отци своем на великом княжени Литовском и Жомоитском, Руском. И подлуг приказанья отца своего на том мЂстци, на устьи реки Вилни, где y Велю упадываеть, вчинил жьглищо, и там тЂло отца своего, и коня его, на котором ежчивал, и шату его, \132\ которую ношивал, и милосника его, на которого он ласкав был, и сокола, и хорта его сожог. И от тых часов великыи князь литовскии и бояре там телеса их жигали, и для того тое месце прозвано от тых часов Швинторога, на имя того князя великого. И коли которого князя литовского або пана сожжено тЂло, тогды при них кладывали ногъти рыси або медвежьи для того, иж мели вЂру тую, иж бы день судныи мел быти, a так знаменовали собе, иж бы бог мел приити и седЂти на горе высокои, судити живых и мертвых, на которую ж гору трудно будеть узоити без ногтеи тых рысих або медвежих, и для того подле них тые ногти кладывали, на которых мели на тую лезти и на суд до бога ити. A так, ачьколвек погани были, a вжды потому собЂ знаменовали и в бога одного вЂрили, \л.71об.\ иж судныи день мел быти, и верили из мертвых востаня и одного бога, которыи маеть судити живых и мертвых.

И пануючи великому князю Кгирмонту, и собравшися мужики латыгала, которые седели на берегу морском, окияном морем, и пришли в землю Жомоитскую, и шкоды многые починили, и кровопролитья в людех жомоитских от них много стало. И князь великии Кгирмонт, собравшися з силами своими, поиде на них землю, и их самих выстинах, a инших в полон повел, и землю их пусту вчинил. И в тот же час по выеханю великого князя Кгирмонта из земли Латыгалское, пришли немци из-за моря до тое жь земли Латыгорьское, и тую землю засели и паны тои латыголе зостали, и назвалися Лифлянты. И потом многыи лЂта пановал Кгирмонт и зоставить двух сынов, Трабуса a Коликгина, и князь Трабус почнеть княжити на земли Жомоитскои, a Коликгин на земли Литовскои и Рускои, и княжил Коликгин многие лЂта и умре. И почнеть по нем княжити сын его Роман. И по малом часе умре князь великии жомоитски Трабус, дядя князя Романов. И начнеть княжити князь великии Роман на земли Литовскои и Жомоитскои, и Рускои. И Роман вродил пять сынов: старши Наримонт, другыи Домон, трети Голша, четвертыи Кгедрус, пятыи Дроиден.

И вмерши Роману, начнеть княжити сын его старшии Наримонт, \л.72.\ и вчинить город Кпрнов Е, и знесе з Новагородка столец до Кернова, и начал княжити, и назовется великим князем литовским, новгородскии и жомоитьскии. A брат его Домонт сядеть на очизне своеи, на Втине, и назовется князем втенским. Атретии брат его, Кгердус, зарубил город и назоветь его Кгедроити, и назоветься князем кгедроиским. A четвертыи брат его, Голшис, перешед реку Велю, и нашол гору красну межи горами над рекою Вилнею в мили от устья реки Вилни, гдЂ впадываеть в реку Велью, против Раконтишок, и вчинил город, и назоветь именем своим, ГольшанЂ. И немного бывши там, и ездячи оттолЂ в ловы в пущу за десеть миль от того города своего, и наидеть гору красну и з ровнинами великими облеглую и объфитостями наполненую, и сподобалося ему там, и он и там ся поселил, и на тои горе вчинил над рекою Кораблем, и перенесется оттуль, и там начнеть княжити, и назовется князем Голшанским. A пятыи брат его, Троидень, мешкал при брате своем, великом князи Наримонте. И довЂдался князь великыи Наримонт, иж мешкають мужики на пущи Доинова ятвеж, a пана над собою не мають. И пошол на них, и они не противячися поддалися и поклонилися ему, и он, оставъши им господарем и взявъши их, дал брату своему Троиденю за вдЂл. И князь великыи Троидень \л.72об.\ наидеть гору красну и хорошу над рекою Боброю, и там зарубить город, и назоветь его Раигород, и прозовется великим князем ятьвезским и доиновъским. И будучи ему там на том княженьи, великии валки чинил з ляхи и з русью и з мазовъшаны, и завъжды зыскивал, и над землями их силные окрутенства чинил, што ж вышеи описуется в рускои кроинице, ижь горши был тым землям, нижьли Антиох сирскии и Ирод ерусалимъскии, и Нерон римскии, што так был окрутныи a валечныи Ж.



Е Так в рукописи; в P Керцов Ж B предисловии к m. XVII ПСРЛ (с. IV) Пташицкий отметил, что первая частъ рукописи обрывается на середине л. 72; текст «Кройники» начинался c л. 78







Кроиники o великих князех литовъскых


НапервЂи y великого князя КгЂдимина сем сынов было: старшии сын был Монтивид, потом Наримонт, a потом Олькгирд, королев отець, a Евнутеи, потом Керстутеи, отець князя великого Витовта, a потом Корят, a семыи Люборнт. Коли ж их отець подЂлил, напервЂи дал Монтивиду Корачов a Слоним, Наримонту дал Пинеск, Оликгирду дал Крево; a к тому князь витебъскии сынов не держал, и он принял Олкгирда к дочцЂ своеи, Витебъск, в зяти. A Евнутья осадил \133\ на Вильню, a Керстутью дал Троки, Коряту дал Новгородок, a Люборта принял володимерьскии князь к дочцЂ своеи y Володимер и в Луческ и в всю землю Волынскую. Олькгирд, королев отець, a князь великии Керстутеи были c собою y милости великои и в ласцЂ, a князь великии Евнутеи был межи их в большеи почестности, княжил на Вилни. И не полюбился князю Олькгирду и Керстутю и змовили межи собою братя так, как бы з Вилни его съсадити, a нЂкорому З бы мЂжи их на Вилни сести. И змовивши межи собою рок учинили, которого бы дня наехати на Вилню и засести город под братом своим, князем великим Евнутем. Также князь великии Олькгирд з Витебъска до Вилни борздо не приспел, a князь великии Керстутеи вогнал в город. И князь великии \л.73об.\ Евнутеи c страху выбежи з города з Вилни и вътече в гуры бос, и там озябеть в ноги. И немъши его там, и привезли его до брати, и они посадили за сторожою его. Тогды князь великии Керстутеи речеть брату своему, князю великому Олькгирду: «ТобЂ, брате, годится князем великим быти на Вилни; ты межи нас старшии брат, a я c тобою заодно живу». И осадить его на великом княжени на Вилни, a Евнутью дали Жеславль. A змовять межи собою князь великии КЂрстутеи a князь великии Олькгирд, што ж всЂи брати послушну быти князя великого Олкгирда, a то собЂ так умовили — што собЂ придобудуть, городы a любо волости, то наполы подЂлити. A быти им до смерти y великои милости и в ласцЂ, a присягу межи собою на том дали не мыслити зла межи их никому на себЂ. Такеж были в тои справедливости, оли ж до живота своего. У великого князя Олькгирда сынов было дванадцать, a y князя великого Керстутья шесть сынов было. A межи себе любили межи всих сынов князь великии Олькгирд князя великого Якгаила, a князь великыи Керстутеи полюбил князя великого Витовта. И змовили межи собою так: «По нашом животЂ тыи наши дЂти будуть на княжени великом Литовъском княжити». Князь пак великыи Витовт такеж y великои милости были з Якгаилом при отцех своих. Потом пак князь великыи Олькгирд умер, и князь великыи Керстутеи, не хотячи оставити \л.74.\ шлюбу брата своего, князя великого Олькгирда, и посадить братанича своего на Вилни князем великим Якгаила Олкгирдовича. Нехто пак был пред тым y князя великого Олькгирда паробок неволныи, холоп, звали его Воидилом. Перво был пекаром y князя великого Олькгирда, потом дал собЂ постелю слати ему и воду собЂ пити давати, потом полюбился ему был, и дал ему Лиду держати, и повел его в добрыи дни. Потом пак, по животе князя великого Олькгирда, князь великии Якгаило повел Воидила велми высоко, и дасть за него сестру свою родную, княгиню Марю, што потом была за князем Давыдом, Князь великыи Якгаило князю великому Керстутыо, брату И своему И, великую жалость учинил, што братанну его, a свою сестру, за холопа дал.



З Так в рукописи И—И Так в рукописи



И был тот Воидило y великои моци y великого князя Якгаила, и почнет тот Воидило з немъцы соимы чинити и записыватся листы a стояти противку князя великого Керстутя. Нехто пак был лифлянскии кунтор, звали его Густыном. Тот был кмотор князю великому Керстутью. Тот поведал великому князю Керстутю: «Ты того не вЂдаешь, што князь великыи Якгаило посылаеть к нам часто Воидила и вже записался c нами, как тебЂ маеть збавити городов, a ему бы ся достало c своею жоною, c сестрою князя великого Якгаила». И князь великии Керстутеи вЂдал тое, што ж князь великыи Витовт гораздо живеть c князем великым Якгаилом, \л.74об.\ и почнЂть Керстутеи жаловатца сыну своему, великому князю Витовту, рекучи: «Ты c ним гораздо живешь, a Якгаило уже записался з немцы на нас». И князь великыи Витовт рече отцу своему, князю великому Керстутью: «Не вЂрь тому, отче, бо того нет межи нас, заню ж Якгало живеть со мною горазд». Потом пак учинилося великое знамя: дасть князь великыи Якгаило ПолтЂск брату своему Скиргаилу, и полочанЂ приняти его нЂ хотЂли на Полтеск. И князь великыи Якгаило пошлеть воину литовъскую и рускую з братом своим, князем вЂликым Скиргаилом, к Полоцку, и оступять город Полтеск, и немецькии мистр пошлеть на помоч к Полоцьку добывати города. И князь великыи Керстутеи почнеть опять жаловатся, проплакиваючи, сыну своему, князю великому Витовту, на Якгаила, рЂкучи: «Сестру твою дал, a мою братанну за холопа за Воидила, што ж з нЂмцы записался на нас воевати, з Немець ми явлено, a се другое: c ким ся мы воюем? З немцы. A они c ними Полоцька добывають. A уже явлено, иж они стали на нас з немцы». И князь великыи Витовт откажеть отцу своему, князю великому Керстутю, рекучи: «Ещо тому не довЂряю гораздо».

A потом князь вЂликыи Витовт поехал к Дорогичину, a князь великии Керстутеи, собравши свою силу, и со всим своим двором в зброях и въженуть в город y Вилню, и поимаеть князя великого \134\ Якгаила и з братею его и з матерю, и тыи листы наидеть y него, што з немцы ся записал, \л.75.\ и пошлеть к сыну своему гонца, к великому князю Витовту, к Дорогичину, нЂведаючи К ему того, иж таковое дЂло сталося есть. И тот гонець знаидеть князя великого Витовта в ГороднЂ, и князь великыи Витовт, послышавши то, за один день приженеть з Городна до Вилни до отца своего, князя вЂликого КЂрстутя. И рече Керстутеи великому князю Витовту, сыну своему: «Ты мнЂ не вЂрил, o се тыи листы, што записалися немцы на нас c князем Якгаилом, нижли в том нас бог остерег. A я князю великому Якгаилу не вчинил есми ничого, нЂ рушил есми скарбов его a ни стад, a сам Якгаило в нятцт†в мене ходить за малою сторожею, a отчину его, Витебско и Крево, и вси мЂста, што отець его держал, то все ему отдаю, и ни y во што в их не вступаюся. A то вчинил есми для своеи головы, острегаючи себе в том, почул есми, што на менЂ лихо мыслять». Князь великыи Якгаило вЂлми ся урадовал приезду князя великому Витовътову, на тых мЂст князь великыи Якгаило дасть правду князю великому Керстутыо и князю великому Витовъту, што николи против им не стояти, a завъжды в их воли быти во всем. И князь великыи Керстутеи отпустить его з матерю и з братею, и со всим его скарбом, и со всими статки. И князь вЂликыи Якгаило поидеть напервЂи до Крева, a князь вЂликыи Витовт проводить его до Крева, и потом князь вЂликыи Якгаило c Крева поидеть до Витебска. A князь вЂликыи Керьстухеи, как седши на Вилню, и пошлеть до Полоцка два паны литовские \л.75об.\ з воиском. Люди полочанЂ услышавши е Л и взрадова М и кликнули на рать Скиргаилову, и люди ратныи от Скиргаила отступили и пошли до Вилни ко князю Керстутью. A князь Скиргаило пошол в НЂмцы в Лифлянты з малым людом. И князь великыи Керстутеи поидеть к Северскому Новогородку а ММ князя Корбута, a сына своего, князя вЂликого Витовта, оставить в ЛитвЂ. A князь великыи Якгаило з Витебска c Керстутем же мел поити поспол, наборздеи присяги своее забыл, и не шол ему на помоч, a намовил месщан виленских, абы засЂли Вилню. A князь великыи Витовт в тот час был в ТроцЂх, a князь вЂликии Якгаило з Витебска со всими прибЂжить наборздЂи до Вилни. A князь великыи Витовт Н к Северскому Новугородку к брату своему Н, ко князю вЂликому Керьстутю. И немцы прускии, услышавши тую реч, маршалок прускии поидеть на помоч ратю к великому князю Якгаилу велми наборздЂи. A как услышал то князь вЂликии Витовт, ижь прускии немцы до Вилни и до Троков тягнуть, a князь великии Якгаило з Вилни до Троков же идеть воиском вЂликым зниматися з нЂмцы, и князь великии Витовт c Троков выбежить з матерю своею, поедЂ к Городну. A как князь вЂликыи Якгаило приступил к Троком, также и Троки далися ему. И князь вЂликыи Керстутеи борзо к Городну к сыну своему приедеть и тут жену свою наидеть и пошлеть ее к Берестыо, надЂючися на мазовецького князя, на зятя своего, и сам князь великыи Кестутеи поидеть в Жомоить, a сына своего, \л.76.\ князя виликого Витовта, оставить в ГороднЂ. Тогды пак князь Януш мазовецъкии, забывши добра и приязни тьстя своего, князя вЂликого Керстутя, и поидоть воиском к Дорогичину, Дорогичин возмЂть и осадить, Сараж звоюеть и Каменец звоюеть и подступить под Берестеи. Берестья не добывши и поидеть проч, осадивши Дорогичин и МЂлник. И князь вЂликии Кестутеи, собравши всю жомоицскую рать, и многи люди пошли к нЂму на помоч, и приидеть к рЂце к Вели, и князь великыи Витовт собрал свою рать своее отчизны и поидеть з Городна на помоч к отцу своему, и соимутся на Вели воиска выше Ковна д†мили. И тут воиска перевезлися и поидуть к Троком и, пришедши, и ступять Троки. И приидеть вЂсть ко князю великому Кестутю, што ж князь вЂликии Якгаило з Вилни идеть великим воиском, a c ним идеть немецкая рать, лифлянтъскаа. Ино перед тым немцы на обЂ стороне неприятели были, и князю великому Кестутю, и князю великому Якгаилу, бо пред тым лифлянтская рать ходили на помоч князю Скиргаилу полоцькому, a потом з маршалком немЂцким пруская рать приходила к Троком, a то вже в третее лифлянтская рать c ним же приходила; и то вже тому знаки вишли О, што з ними заодно стоять против князю великому Кестутю.



К Так в рукописи; в P поведаючы Л B P тое М B P урадовалися ММ Так в рукописи; д. 6. на П—П Тaк в рукописи; в P Витовт пошдеть в Новгородку СЂверъскому ко отцу О Так в рукописи



И выехал на битву князь великии Кестутеи c сыном своим, князем великим Витовтом, против вЂликого князя Якгаила. Как же еще полко†не снялися межи себе за три або за чотыри стреленя, на тых мЂст приженуть князи и боярЂ от князя \л.76об.\ великого Якгаила до князя великого Кестутевы рати и почнуть пытати князя Витовта, што быхом c ним поговорили. И начнуть говорити князю великому Витовту: «Князь вЂликии Якгаило послал нас к тобЂ, штобы есивъеднал нас c отцем своим, што быхмо мЂли свое, a вы бы \135\ свое, a битвы бы мЂжи нас не было, a крови пролитя абы ся мЂжи нас не вчинило, a ты б приехал до брата своего, князя великого Якгаила, a мы присягу дадим, што ж тобЂ чисто во свое воиско опять отехати, ачеи бы межи нас добрыи конець стался». И князь великыи Витовт отказал: «Присягу y вас беру, a до нас такеж абы князь Скиргаило приехал, a также бы присягу нам дал, и я к вам выеду». И они послали к князю Скиргаилу, и князь Скиргаило присягу дал князю великому Витовту, и князь великии Витовт поехал к великому князю Якгаилу и ку его воиску, a полки стоять, ничого мЂжи себЂ не починають. И князь великыи Якгаило начнеть просити князя вЂликого Витовта, рекучи: «Брате милыи, штобы еси межи нас въоднал, иж бы крови пролитя не было». И князь вЂликыи Витовт присягу взял y великого князя Якгаила за отца своего, што ж отцу его, князю великому Кестутю, зъехавъся и опять чисто разехатися. И еще князь великии Витовт рек князю великому Якгаилу: «Ещо, брате, пошли князя Скиргаила, штобы он здал присягу князю великому Кестутю, отцу нашому, д[я]ди П твоему, иж бы ему было приехати чисто и опят за ся отехати и дал бы нам присягу от тебе». И князь великыи Витовт \л.77.\ c князем Скиргаилом приедуть K отцу своему, ко князю великому Кестутю, в рать и дасть присягу князю великому Кестутю от князя вЂликого Якгаила и от себе. И князь великыи Витовт c отцом своим, князем великым Кестутьем, обадва поедуть y воиска Якгаилово на тыи присяги надЂючися. И князь вЂликыи Якгаило тые присяги преступив и рек так: «Поедмо до Вилни, там правду всю доканаем» ПП. A в том воиска ничого нЂ починавши остали. И как до Вилни приехавши, так князь великыи Якгаило князя вЂликого Кестутя, дядю своего, оковавши, до Крева послал и всадил увежу, а князя вЂликого Витовта оставили были ещо y Вилни. И там y Кре†князя вЂликого Кестутя пятое ночи. удавили коморники князя великого Якгаиловы: Прокшою его звали, што воду ему давал пити, a был другии, Мостев брат a Кучук a Лисица Жибентяи. Такии конець стался князю вЂликому Кестутю. О Кестутю доконало ся.

По смерти князя вЂликого Кестутя пошлеть князь вЂликыи Якгаило брата своего, князя вЂликого Витовта, в няцтво до КрЂва ж и з жоною его, и вЂлить его твердо стеречи в комнатЂ, a то все помщиваючи Воидила. Князь великыи Витовт седЂл y Креве за твердою сторожою y комнатЂ, a жонкам двЂма призволено было ходити до комнать княгиню c ним покладати, a положивши их вон выходять, a сторожа завжды около была. И княгиня вЂликая Витовтовая слышала от людеи, што ж князь великыи Витовт долго маеть сЂдети c нЂю. Также \л.77об.\ собЂ згадають: как жонки бодуть нас покладывати, тогды тобЂ одное жонки плате вскладчи и выити з другою жонкою вон c комнаты, a тои жонцЂ остать бы y нее в коморЂ. И Витовт, послухавши жоны свое рады, и нарядивъшися одное жонки в плате, и выидеть з другою жонкою вон, и спустится з города, и утечеть до Немець к мистру до Марина городка. Сторожи то видЂли и нЂ догадалися тому, творЂли Р жонка з жонкою вышла. Князю вЂликому пак Витовту, там мЂшкаючи в НЂмцах, и приехали к нЂму многие князи и боярЂ литовские, и почнеть Витовт воевати землю Литовъскую c помочю нЂмецкою. A в тот час князь вЂликыи Якгаило з матерю своею, з великою княгинЂю, был y Витебску, a брат его, князь Скиргаило, y ТроцЂх был. Также князь вЂликии Витовт много повоевал Литовъское земли, a вЂликому князю Якгаилу и князю Скиргаилу, нЂ могучи стояти против князю вЂликому Витовту, заню ж ужо y князя вЂликого Витовта болшая сила тогды собралася была. Тогды князь вЂликии Якгаило препросить князя вЂликого Витовта и дасть ему Луцко со всею землею Волынскою и c Подолем, a в Литовскои земли отчина его. A князь вЂликии Витовт покору свою учинил перед старшим братом своим, князем великым Якгаилом и принял Луческ со всею землею Волынскою.

A потом короля полского Казимира в животЂ не стало, a сынов y него жадного нЂ было, толко одна дочка была y него, на имя Ядвига. И по\л.78.\чали поляки слати послы часто c Кракова ко князю великому Якгаилу, рекучи, штобы принял крещенье старого Рима a понял бы y них королевну Ядвигу собЂ жоною и стал бы y них королем y КраковЂ, на всЂи земли Лядкои. И князь великыи Якгаило раду собЂ учинил c своею матерю, великою княгинею Ульяною, и з братею своею, и со всими князи и бояры Литовское земли, и посхал до Кракова, в Лядскую землю. Так РР же сам охристился и братя его, князи и бояре, похристилися.



П B рукописи дди ПП Так в рукописи; в P докончаем Р Так в рукописи; в P довнимали РР Так в рукописи; в P там



И понял за себЂ королевую, и корунован был того кролевъства коруною. И оттуль почали христити литву в латинскую вЂру, и прислал арцыбискуп бискупа до Вилни на Литовъскую землю, и тогды почали костелы ставити \136\ по всеи земли Литовъскои. Тое жь зимы будучи королю в Крако†со всими князи и бояры литовъскими.

Потом пак сталася новина: приидеть князь АндрЂи полоцькии з воиском з немецким з лифлянты, со всею латыголою на Литовскую землю, и воевали и пожгли много мЂст и сел, a городом литовским ничиго не могли учинити и вернулися во свою землю. Тое жь опять зимы князь Свяцлав смоленскии учинить собЂ съем и раду c князем Ондрем полоцким: князь Ондреи в Литву, a князь Свяцслав к Орши. И зехавшися много лихого хрестьяном учинили, нЂ по-хрестьянскии a ни почеловеческии мучили люди, a ни мЂжи поганских воинах таких мук нЂ было. Мучили люди немилостиво, имаючи и запираючи у-в ызбах и зажигали избы з людми, a иншие люди под стену \л.78об.\ головами клали, ланцухи вЂликими поднимаючи хоромы, и з заду люди жгли, a иных жонок и мужиков и дЂток малых на коле тыкали, a иных мук нЂ мочи выписати, которые муки людем хрестьянским чинили. Таковых мук вЂликых ни Онтиох сиръскыи a ни Ульян законопрЂступныи тыи поганцы таких мук над хрестьяны нЂ чинили, a городом ничого не могли учинити и вЂрнулися опят во свою землю.

Тое же опят зимы вЂликого посту почал князь СвЂтослав мыслити [з] смоленскии бояре, и поидуть ко Мъстиславлю, и стануть y города Мстиславля, и почнуть города добывати, a в зЂмлю Мстиславльскую воиско свое послали, и много крови пролитя над хрестьяны сталося. Милостивыи бог того не хотЂл терпЂти, што ж братю свою кров хрестьянскую так не по-хрестьянскии мучать. Также князь вЂликыи Скиргаило и князь вЂликии Витовт приехали з Ляхов от брата своего короля и слышали, што ж князь СвЂтослав смоленскии был под Витебском, a потом к Орши приходил, a под Мстиславлем стоить, города добываеть. И змовился князь Скиргаило c князем вЂликим Витовтом и з братею своею, c князем Костянтином и c Корибутом, и з Семеном Лынквеневичом, и рекли так: «Боже вышнии, поможи нам на нЂприятЂли наши, a хто што сЂеть, тот то и пожнеть. Мы зла никому не учинили, a он c нами в докончани будучи и в присязЂ, и переступил свою присягу и доконане, нашу землю воюем, и кров хрестьянскую проливають». По С два С братя на него, надЂючися \л.79.\ на бога и на свою справедливость, и поехали спЂше ко Мстиславлю.



С—С Так в рукописи; в P и поидуть



A князю СвЂтославу, стоячи под Мстиславлем городом и города добываючи, как услышал князь СвЂтослав, што ж идеть на него князь Скиргаило c князем вЂликим Витовтом и з братею своею, и князь СвЂтослав, собравши воиско свое, и поидеть противку им. Как полки поспол ступилися и начнуть битву, бог поможеть по пророка Давыдову слову, рече: «Обратися болезнь его на главу его, и на верх его неправда снидеть». И потом рек: «Ров изрыи ископаи, и впадеся во яму». Поможеть бог за тыми словы князю вЂликому Витовту и Скиргаилу и их брати поразити князя СвЂтослава, и сам князь СвЂтослав борзо побЂжить съвоими князьми и з бояры смоленскими. И тут немало учинилося дивов, и побито было многое множество людеи, князеи и бояр. И самого князя СвЂцслава убили, и сына его, князя Юря, убили. И князь Скиргаило князя Юря СвЂтославовича выгоил его от ран и привезеть его к городу Смоленску к матери его, княгини СвЂтославовои, и посадить его на великом княжени Смоленском. И пошли проч от Смоленска князь Скиргаило и князь вЂликии Витовт в свою землю Литовъскую.

И почнеть Скиргаило княжити на ТроцЂх, a до Вилни в тот час король польскии прислал старосту своего, лядцкого пана. A князь вЂликыи тогды Витовт держал Луческ и всю землю Волынскую, a в Литовскои земли отчину свою мЂл. Тогды и стало Витовту смутно велми и жалость великая, иж перед тым в Литовскои земли чужого дЂржавцы \л.79об.\ не бывало, и многим волостем литовским прислухаючи ему. Тогды Витовт учинить собЂ раду з многими князьми и з бояры литовскими. A Скиргаило тогды отехал к Полоцку, a князь Витовт поехал до Вилни, хотячи Вилню засЂсти, a княгиня Витовтовая Анна была тогды в ГороднЂ. И вилневцы тогды не хотЂли Витовта y Вилни пустити, оли ж бы королю Якгаилу здали правду и Скиргаилу. И Витовт тогды не воземши Вилни и поидеть до Немець к мистру своею княгинею и своими князми и бояры, и з нЂмЂцкою силою оттоль почал воевати Литовъскую землю. И ужо князь вЂликии Витовт половину Литовское земли взял, по рЂку по ВЂлью, и Полтеск город подался. И узнал король и Скиргаило, иж нЂ могуть против стояти Витовта и не могуть задержати уже Литовское земли пред великым князем Витовтом, и поидеть князь вЂликыи Витовт з немецкими силами до Вилни. И стрЂтить его князь Скиргаило з братом своим Вигонтом и своим воиском на рЂце на Вели y городка. \137\ И поступили воиска поспол, и ударилися, и поможеть бог князю вЂликому Витовту, и побегуть борзо Скиргаилово воиско и брата его Вигонтово воиско, и побили их много воиска. A иных живых в няцьство повЂли, князеи и бояр: князя Семена Евнутьевича, князя ГлЂба СвЂтославовича, князя ГлЂба Костянтиновича, князя Ивана, Лва Плаксича, иных князеи много поимали. И поидЂ таки князь вЂликии Витовт к городу к Вилни своим воиском, и оступять город Вилню, \л.80.\ и почнуть напервЂи добывати Кривого города, и розбили город Кривыи пушками; тогды нЂмци убили князя Скиргаила Олкгирдовича. A от короля полского застава была лядская на Высоком городЂ, и не пустили в город князя Витовта. И князь вЂликыи Витовт Кривыи городок въземши и землю Литовъскую звоевавши и опять вЂрнулся в НЂмцы.

Того же лЂта к вЂликому князю Витовту пришли послы из города з Москвы от вЂликого князя Василя Дмитръевича, просячи y него дочки за князя Василя Дмитръевича. Князь вЂликыи Витовт дасть княжну свою на имя Софю за вЂликого князя Василя Дмитръевича, и отпустил ее з Марина города, a c нЂю послал князя Ивана Олкгиминтовича со Кгданска. И пошли c княжною y великих караблех морем, и приехали ко Пскову. Псковичи вЂликую честь им дали и проводили их чесно до ВЂликого Новагорода. Такеж новъгородцы вЂликую честь им вздали и проводили их c честиго до Москвы к великому князю Василю Дмитръевичу. Князь вЂликии Василеи послал против им братю свою: князя АндрЂя ВолодимЂровича Т, князя АндрЂя Дмитровича и иных князеи много и бояр, и стрЂтили вЂликую княжну Софю з вЂликою честыо. Тогды был c ними священныи митрополит Куприян со многими владыками и со архимандриты, игумены и со всими священники. И стрЂтили ее чесно со кресты перед Москвою, и был збор вЂликии чесныи, и венчанье сталося. Так же князю вЂликому Витовту, будучи в НЂмцах y мистра, y Марином городку, прислал к нЂму корол \л.80об.\ полскии Якгаило посла з братом своим Скиргаилом, a рекучи ему: «БратЂ милыи, болшеи того нЂ кази земли Литовское и не пустоши отчизны своее и нашое, и поиди к нам y еднане и в вЂликую братскую приязнь, возми собЂ великое княжене Вилню и сядь на столцы дяди своего, вЂликого князя Олкгирда, и отца своего, вЂликого князя Кестутя». И князь вЂликыи Витовт, то слышавши, учинить собЂ раду c князми своими и c паны литовскими, c князем Юрьем Наримонтовичом, c тыми порадивши и поидЂ в Литву и сядЂ на вЂликом княженьи Литовском на Вилни. И были ему рады вся земля Литовская и Руская. A князь Корибут Олкгирдович нЂшто почнЂть на то радити и не в послушенст†быти y князя вЂликого Витовта, и почнЂть воиско свое збирати. И ступилися воиска на мЂстЂ на Докудо†ТТ, и сталася битва, и побЂгуть воиско Корибутово, и было воиска Корибутова много побито. A сам князь Корибут убежить y город Новгородок, a тут была княгиня и дЂти его. И князь вЂликии Витовт, собравши опят воиско свое сам к Новугородку, и оступил город Новгородок, и взял, a князя Корибута и княгишо его и дЂти его в нятство взял. A потом княгиня Олкгирдовая вмерла, и король польскыи Якгаило приказал Витебско держати соколничому своему Феодору ВЂснЂ. A князю Швитригаилу тогды молоду будучи, и будеть Федор ВЂсна держати город Витебск и всю землю Витебъскую приказанем короля Якгаила. Князь Швитригаило не мог \л.81.\ того тЂрпети, што Федор ВЂсна володЂеть городом Витебском, a его не послушон есть, и князь Швитригаило Федора убил, a город Витебск засядЂ. Была же королю Якгаилу жалость вЂликая o том, и писал лист до брата своего, до вЂликого князя Витовта, иж бы он тое его жалости помстил. Князь вЂликыи Витовт взял c собою киязя Скиргаила и собрал воиско вЂликое литовское и поидЂть воиною к городу Витебску на князя Швитригаила. НапервЂи князь вЂликыи Витовт приидеть ко Друцку, друцкии князи стрЂтили князя вЂликого Витовта c честью вЂликою и ударили ему чолом в службу. И оттоля князь вЂликии Витовт приидеть к Орши; ршанЂ в городЂ затворилися и боронилися два дни, и потом города добыли. И оттолЂ князь вЂликии Витовт приступить к Витебску на князя Швитригаила, и князь Швитригаило затворился в городе, и почал князь великыи Витовт города добывати; тут жо приидеть князю великому Витовту на помоч князь Светославович У смоленскии со всими смоленскими силами, и вдарил чолом великому князю Витовту в службу. И почали твердо добывати города Витебска, и витезблане не могли утерпети и почали даватися князю великому Витовту. И князь Швитригаило выидеть вон з города и ударил чолом князю великому Витовту. И князь вЂликыи Витовт возма город Витебск и осадил и поидеть опять до Вилни.



Т B C и B Володимера АндрЂевича ТТ Так еще в Р, Рум., Арх., Ольш.; в Сл и Вил. Недокудове; в Eвp. Кулове У B Арх. Юри Светославич \138\



Тое жь опят весны на лЂто идеть князь великыи Витовт к Подолю, a князю Володимерю Олкгирдовичу тогды будучи в КиевЂ, и не хотел ся \л.81об.\ покорити князю вЂликому Витовту. И князь вЂликии Витовт, пошодши, и взял город Житомир и Вручии. Также приеде к нему князь Володимер. И князь великыи Витовт Киев опять Ф все его Ф и дасть ему Копыль, a на Киеве осадить Скиргаила. A сам князь великыи Витовт поидеть на Подолскую землю, a князю Скиргаилу велел князь великый c Киева к Черкасом ехати и к Звинигороду. И князь Скиргаило божею помочю и великого князя Витовтавым приказанем взял Черкасы и Звинигород и вЂрнулся опят до Киева. Тут князю Скиргаилу, будучи в Киеве, был жо некто в Киеве Хома чернец Изуфов, держал намЂсницьство от митрополита y святое СофЂи. Тогды князь Скиргаило усхочеть ехати y ловы за Днепр, тогды тот Фома чернець почнеть его просити на митрополичии двор на честь, и князь Скиргаило до него заехал. И тот Фома чернець дасть князю Скиргаилу зЂлье отравное пити, и князь Скиргаило того нЂ ведаючи. И c того пиру таки поехал в ловы за Днепр к Милославовичом, и там в ловех розболелся на канун крещеня, y четверг, и на тых мЂст вЂрнулся до Киева нЂмоцон, болел же князь Скиргаило сем днеи и вмер в середу. И киянЂ вси понЂсли его на головах, священници поюще пЂсни отходныи, c свЂщами, из города Киева до святое Богородици Печерьское, и положон князь Скиргаило чудныи и добрыи подлЂ гроба святого Федосья Печерьского. И князь вЂликыи Витовт послал князя Ивана Олькгиминтовича на Киев, a князя ГлЂба СвЂ\л.82.\тославовича отпустил князь вЂликыи Витовт к Смоленску, a князю Юрью СвЂтославовичу дасть князь вЂликии Витовт Жославль город. И князю ГлЂбу седячи на Смоленску и будеть не в послушенст†вЂликому князю Витовту, й князь вЂликыи Витовт послы свои послал к нему o справленьи, и он нЂ хотЂл ся справити. Тогды князь вЂликыи Витовт со всими силами своими приидеть к городу к Смоленску на князя ГлЂба СвЂтославовича, и как приидеть к Смоленску, так ГлЂб подаеться князю вЂликому Витовту з городом Смоленским. И князь вЂликии Витовт дасть Смоленск князю Яманту и Василю Бореиковичу, a князю ГлЂбу дал город Полоныи, a сам князь вЂликыи Витовт поидЂ в Литовскую землю. Тое ж зимы князь вЂликыи Витовт пошлеть князя Семена Лынъквена з многим воиском, смоленскими силами, на князя Олга резанского, и они, ехавши, спустошили многое множество Резанское земли и вЂрнулися опять y свое князство Литовское зыскавши битвы Резанское. A тогды зима была велми люта. Тое жь зимы на весну приехал к князю великому Витовту князь Василеи Дмитръевич московскии ко цьстю своему, великому князю Витовту, до Смоленска y великии пост. И учстил его князь вЂликыи Витовт и многие коштовные дары подаеть ему: ланцухи золотыи, поясы золотыи, соболми, камками дорогими, суды золотыми и бахматы. И вчтивъши его размаитыми \л.82об.\ дары, сажоными портищи, дорогими оксамиты, многоцЂнными камками и гиншты в золотых седлах и y зброях даровавши, и отпустил его проч к Моск†з великою честию, a «ам к Лит†поехал.





О Подольскои земли


Коли пак князь вЂликыи Витовт поехал з Литвы до великого Луцка, a князь вЂликыи Олькгирд пошол в полЂ з литовским воиском и побил татаров на Синеи ВодЂ, убил трех братов, татарьских князеи, Хачебея, Сакутлубуга a Дмитрея. A тыи тры браты, татарские князи, отчичи и дЂдичи Подолское земли были, a завЂдали от них отаманы, a приежчаючи у-в отаманов дань бирали c Подолское земли. A брат князя Олкгирдов, князь Корят, держал Новгородок Литовскии, a в того князя Корята чотыри сыны были: князь Юреи a князь Олександро, a князь Костянтин, a князь Федор. И тыи княжата Корятовичи c князя Олкгирдовою волею и c помочю пошли y Подолскую землю. A тогды y Подолскои земли нЂ было еще ни одного города мурованаго a ни деревяного. И тогды тые княжата Корятовичи, пришод y Подольскую землю, и вошли y приязнь со атаманы и почали их боронити от татар и дани татаром не почали давати. И напервеи нашли собЂ твержицу на рЂце на Смотричи, и тут собЂ город Смотричь поставили, a на другом мЂстЂ на Смотричи в горЂ чернци жили, и они в том мЂстЂ город Бакоту поставили. A потом, ловячи \л.83.\ в ловех, пригодилося им много оленеи наехати на том мЂсте, гдЂ тепер Каменецкое мЂсто лЂжить. И тыи княжата, розсекши лЂс, на том мЂсте город змуровали Каменець, a c того вси Подолекие Х муровали и вси Подолские городы осели тыи Корятовичи. A потом один их брат поехал до угорского короля, кпязь Костянтин, и там умер, a князя Юрья волохо†убили, a князя Александра татаро†убили.



Ф—Ф Так в рукописи; в P от него отнял Х B C подолские городы \139\



Як тых трех братов не стало, ино их четвертыи брат в Лит†держал Новъгородок, князь Федор, и к тому еще Гомеи. И шедши з литовским воиском и засядеть Подолскую землю к ЛитвЂ. Также князь вЂликыи Витовт осел на всеи земли, на вЂликом княжени Литовъском. И князь Федор Корятовичь не хотел был князю вЂликому Витовту c Подолскою землею служити, и князь вЂликыи Витовт пошол со всим литовъским воиском к Подолью. A князь Федор Корьятович услышал тое и побежить к угром, a городы осадить волохи, и угорскии дасть ему помочь на Витовта. A князь вЂликыи Витовт перво пришол к Брясловлю, Брясловль взял, a потом Соколець город взял, a потом князь вЂликыи Витовт пришол под Каменець и начовал, и порану Каменца добыл. A далеи СмотрЂч и Скалу вынял, и Черленыи городок, и вси городы побрал, и воеводу князя Федорова поимал, и по всим городом подольским свои старосты осадил. A добыл князь вЂликыи Витовт Подолское земли литовъскими силами, a нихто ему c чужих сторон не помагал. Потом пак корол \л.83об.\ полскыи Якгаило почал князя вЂликого Витовта, брата своего, просити, рекучи: «Брате милыи, дал тобЂ бог тую честь, добыл еси земли Подольское, учини теж мнЂ честь, даи ми половину земли Подольское в пЂнязех». И князь вЂликыи Витовт дасть королю y двадцати тисячах копах грошеи Каменець город, Смотрич a Скалу, Черленыи город, a на иных городех подолских свои старосты посажал: на Брясловли, на Соколцы, на Веници. A корол тые городы в тых пЂнязех дасть пану Спытку. Коли пак князь вЂликыи Витовт бился c татары, и пана Спытка татаро†убили, и пани Спытковая вдовою зостала, a дЂтки малы. И корол почал опят присылати до вЂликого князя Витовта, што «еси дал нам половину земли Подолское y пЂнязех, и мы тыи городы дали были пану Спытку y двадцати тисячах копах. Ино тепер пани Спытковая вдовою зостала, a детки малы, a от татаров нЂкому боронити земли. Отдаи мнЂ 20 тисяч моих, a городы свои опят побери за себе». И князь вЂликыи Витовт послал королю 20 тисяч, и послал до короля тыи пЂнязи паном Немиром a Дмитром Василевичом, луцким боярином, a городы свои опят побрал за себЂ, и старосту своего на тых городех осадил на имя Грановскаго. A потом дал Подоле все пану Петру Монтикгирдовичу, a послЂ пана Петра дал Подоле пану ДЂдиколду, a потом пану ДЂдиколду дал Смоленеск, a пану Довкгирду дал Подоле. Пан Довкгирд на тых городех старостил и до вЂликого князя Витовтовы смерти. A как князя вЂликого \л.84.\ Витовта в животЂ не стало и, приехавши, ляхо†пана Довкгирда c Каменца созвали к собЂ на раду, и до рады не допустивши самого обрали и забили, и Каменець засЂли, иныи подолские городы. И до сих часов тым Подоле за ляхи зашло, и тепер держать.





О ВитовътЂ з митрополитом киевским


Того же лЂта князь вЂликыи Витовт приидеть к Смоленску и пошлеть Промчеслова ХХ и князя ГлЂба СвЂтославовича на Чемир-Тиклуя, a сам князь вЂликыи Витовт со своим воиском за ними поидеть ХХ. Царь Тактамыш своим людом поидеть Витовту на помоч. И литва, и немцы, ляховЂ, жомоить, татаро†и волоховЂ, и c ним было князеи пятдесят, и была сила ратных многа. И пошли на Царя Тимир-Тиклуя татарского. И похвалилъся на орду Витовт, a мовить: «Поидем a спустошим землю Татарскую и убием царя Тимир-Тиклуя, и возем царство ого, и посадим на царст†Тактамоша, a Тактамыш мя посадить на всеи Рускои земли». И въмовивши то й пошли татар воевати. И в тот час поспеет Тимир-Тиклуи царь з многими полкы татарскими, c князьми и су уланы ордынскими. И стрЂтилися з Витовтом на поли, на рецЂ на ВорсклЂ, и была им битва вЂликая августа вторыи на десять день, во второк, долго вЂлми билися, и поможеть бог татаром поразити Витовтово воиско. И князь вЂликыи Витовт побежить y малои дружинЂ. И царь Тимир-Тиклуи тогды приидеть под Киев, и стоял под Киевом 3 дни, и киянЂ дали з города окупу за себЂ три тисячеи рублев литовских. \л.84об.\ И Тимир-Тиклуи татарскую орду роспустил по Великом княжст†Литовском, и воевали татаро†оли ж до ВЂликого Луцка, и много зла учинили Литовъскои земли, и опять поидеть во свою землю. A которых збитого воиска имЂна суть князеи литовских: князь Ондреи Олкгирдович полоцкии, брат его князь Дмитреи брянскии, князь Иван Дмитръевич, князь АндрЂи пасынок князя Дмитров, князь Иван Борисович киевъский, князь ГлЂб СвЂтославович смоленскии, князь ГлЂб Корятович, брат его князь Семен, князь Михаило Подберезскии a брат его князь Дмитреи, князь Федор Патрикеевич волоскии Ц; князь Иван Юрьбвич Белскии, пана Спытка краковского.



ХХ—ХХ B H а преже промче слова, рекше: «На Темирь-Кутлуя ида». И выеха к нему князь ГлЂб Святославичь не в мнозЂ Ц Так в рукописи; в P БЂльскии \140\



Того же году князь Юреи СвЂтославович, князь Олег резанскии пришли к Смоленску. И была в тот час замятня вЂликаа в Смоленску: иньшии хотЂли взяти собЂ господарем Витовта, a другие хотЂли князя Юрья, отчича. Тогды ж Юреи змовился смолняны з горожаны. СмолнянЂ не могли терпети вЂликое налоги от невЂрных ляхов и приняли собЂ отчича, князя Юря, и город ему отворили; a князь Роман брянскии в тот час был тут. Тогды князь вЂликыи Витовт вЂлел того Романа убити, a намЂстники был свои послал к Смоленскому, и они намЂсники Витовтовы поимали, a тых бояр смоленских и друцких, которыи не хотЂли отчича мЂти князя Юрья, тых всих постинали. И князь вЂликыи Витовт тое же осени приходил к Смоленску на князя Юрья и стоял много днеи \л.85.\ под Смоленском, и не взял города, и поидеть опять во свою землю Литовскую, вземши перемире. A в тот час y Смоленску была замятня вЂликая, много людеи посЂкли, и мор был вЂлик на люди. Того же лЂта месеца июня воевали татаро†около Киева и манастыр Печерскии собрали и пожгли c кореня. Тото ЦЦ же году был в НовЂгородЂ мор силен вЂлми, и на МосквЂ. и в ЛадозЂ, и в ПорховЂ, и y во ПъсковЂ, и в Торжку, и во Твери, и в ДмитровЂ, и по всим Руским волостем.

Того же году на Възвестоване матки божи в понЂделок на страстьнои недели было знамя вЂликое: как бы у-в обЂдную пору звЂзды явилися как бы в ночи, слонце потемнЂло, страх был вЂликии на землю Рускую. Того же лЂта Москва вся згорЂла и Смоленеск. A князь вЂликыи Витовт собрал тогды вси владыкы Литовское земли, полоцкого и черниговского, и туровского, и луцкого, и володимеръского, и тыми владыками поставил y Великом княжст†Литовском митрополита на имя Григоря з Болгарское земли Цамивлака.

B лЂто 6926 [1418]. Князь Дашко Федорович взял Кременець y великии четверток. И князь вЂликыи Витовт сам наехал, и пошлеть переж себЂ двух своих панов, Дмитрея a Даниля Ч, a рекучи: «Передаитеся мнЂ служити, a коли я прииду к городу, и вы узвод опуститЂ и на мост положите». И они от Витовта приехали, и звЂрился им воевода, и любезно принял их, a того по них не знал и не верил, штобы они приехали город засести. A Дашко \л.85об.\ тогды в ночи приехал, a c ним десять человеков зброиного люду было. И на тых мЂст узвод отсекли и на мосту положили, и въехал Дашко в город з бурсники своими, Кондрата воеводу убили, a жолнеров королевых побили, a князя Швитригаила из желез выпустили, што ж князь Швитригаило седел на Кремянцу девять лЂт. Швитригаило оттолЂ, събравшися, c приказанем Витовтовым, шодши у-в Угорскую землю, много земли Угорское спустошил и городов побрал, и Луцоск ВЂликыи взял, a y вынских ЧЧ князеи и бояр пятсот Ш конЂи взяли и до Витовта привел.





Похвала o вЂликом князи ВитовтЂ


Князь вЂликии Витовт держал вЂликое княжене Литовское и Руское и иныи многии земли. И мЂшкаючи ему y Великом Луцку и хотЂл был на себе коруну взложити, и его неприятели поляки не перепустили ему коруны. И тогды призвал к собЂ короля полского Владислава, цесаря римского c цЂсаревою, московского вЂликого князя Василя Василевича, короля угорского c королевою, и князь вЂликии тверскии Борис Александрович был, и мистр прускии, нЂмецкии и лифлянскии мистр. И инъшии вЂликие послы были: от Ивана царя царягородцкого и от мирского ШШ царя послы приходили, и от донского короля послы приходили, и от великого князя резанскаго послы приходили, Одоевские князи сами были, и от ВЂликого Новагорода и от Пскова послы приходили и от волоского воеводы, и от иных нЂмецких \л.86.\ земль были.



ЦЦ Так в рукописи Ч В C да Илью ЧЧ Так в рукописи; в P волынских Ш B Сл. польтараста ШШ Так в рукописи; д. б. римского



И мешкали вси тыи гости y великого князя Витовта сем недЂль на его стравЂ, a на день выходило им оброку по пятисот бочок меду а по пятисот яловиць, по пятисот баранов, по пятисот вЂпров, а по сту зубрев, по сту лосеи, a инших рЂчеи личбы нЂт. Тогды цЂсар римъскии y вЂликои милости был з Витовтом. И бывши ему во своем городЂ в Луцку, и там тых гостеи честив и даровал размаитыми дары коштовными. И от того ся утвердила великая милость межи них, иж не можем выписати, o цти и o дарех того вЂликого господаря. Которыи земли на востоцЂ або на западе были и, приходячи, кланялися силному господарю вЂликому князю Витовту. И царь турецкии честь вЂликую и дары многоцЂнные часто присылал силному господарю, и другии царь, цариградскии, и тот c ним y вЂликои милости жил. И теж Ческое кролевъство и Угорское, и Полское вЂликую честь держали \141\ над славным господарем, и еще и донскии корол вЂликую честь и дары многии подавали славному господарю вЂликому князю Витовту. A брату его, вЂликому князю Якгаилу, держачи ему столець Полского кролевства, и тому теж c ним y великои милости живучи. Коли славныи господарь, князь вЂликыи Витовт, на которую землю гнЂв мЂвал и которую землю хотЂл сказнити, корол полскыи Владислав завжды ему помощь давал. И вси цари татарскии служили ему, и сами своими головами на помощь ему шли и слухали его. Такеж князь вЂликыи московскии y велкои милости жиль c ним, иныи княжата нЂмецкие слухали его и на помочь \л.86об.\ давали на битву, гдЂ ему будеть потреба. И еще господарь земли Молдовское и Басарабское, воевода волоскии его во всем был послушон. И князь вЂликыи тверскии, и князь вЂликии рЂзанскии, и Одоевские князи y великом послушен ст†были y вЂликого князя Витовта, ВЂликии Новгородок Щ и вЂликии Псков вси были послушни господаря вЂликого князя Витовта. Тыи вЂликии господари и цари, вЂликие князи, тые y вЂликои ласцЂ c ним жили, a иныи служили ему и честь вЂликую, и дары великие, и дани многие приносили ему не толко по всЂ лЂта, але на кождыи день. И коли славныи господарь вЂликыи князь Витовт, на которую землю бывал гневен и которую землю хотЂл сказнити, a любо силных своих воевод гдЂ хотЂл послати, и кому коли от тых земль вЂлел к собЂ быти, и они без всякого ослушенства своеи земли пришли к нЂму и вездЂ ему на помоч были, гдЂ коли ему было надобЂ. И князь вЂликыи Витовт y великои сла†и y великои чти пребывал по всим землям. Царь ордынскии и князи ордынские приежчали к вЂликому князю на службу, и просячи собЂ царя на царство; много было ордынских цареи и князеи, што в дворЂ его служили. И напервеи дал им царя до орды, царя Солтана. Тот царь был на царст†и не смЂл николи противитися силному господарю, и оставивши царство ЩЩ. И князи ордынские послали послы свои до славного господаря, просячи собЂ иного царя. Он дал им иного царя, малого Солтана. Тот малыи Солтан сЂл на царство и не смЂл николи ослухатися силного господаря, \л.87.\ гдЂ коли ему князь вЂликии Витовт вЂлить кочовати, там кочуеть. По малом часу вЂликие князи ордынские, нЂ смеючи розгнЂвати славного господаря вЂликого князя Витовта, и не полюбился им тот царь, и они иншого царя просили собЂ y славного господаря, и он им дасть царя Давлад-Бердея. Тому ж Давлад-Бердею немного царьствовавши на царст†и умреть, a князь вЂликыи Витовт в тот час был в КиевЂ. И пришли к нему цари ордынские со многими дары многоцЂнными, просили собЂ иного царя; он им дал иного царя именем Махмета. Там князь вЂликыи мешкал y Кие†и оттолЂ опят поехал до Луцка до ВЂликого, и там розболевся князь вЂликыи Витовт и роспустил князеи своих и бояр c честию вЂликою. A король польскыи Владислав в тот час был c князем вЂликим Витовтом y Луцку, и при нем таки и вмер князь вЂликии Витовт месяца октября на святого Якова, брата господня. И сядЂ на литовском княжени князь вЂликии Швитригаило, и княжил Швитригаило толко два годы бЂз дву мЂсяцеи, и пошол на Русь Швитригаило на Полтеск.





О ЖикгимонтЂ, как Литву держал


Литва осадили на вЂликом княженьи Литовском вЂликого князя Жикгимонта Кестутевича на Вилни и на ТроцЂх месяца сентября в первыи день. A Швитригаило в тот час был в Полоцку и поидеть на Смолнеск. Князи рускии и бояре, земля, попосадили Ы князя Швитригаила на вЂликое княженье Руское. На тую ж осень князь Швитригаило собрал силу вЂликую, и князь вЂликыи твЂрскии Борис \л.87об.\ Александрович дал ему брата своего, князя Ерослава, со всею силою своею. И поидеть князь Швитригаило со всею силою своею на Литву, и нЂ дошед до Вилни за шесть миль, и стояли под ОшмЂною нЂделю. И князь вЂликыи Жикгимонт приидеть з литовскою силого, и была им битва на ОшмЂне декабра в семыи ЫЫ день, и поможеть бог вЂликому князю Жикгимонту, и побили вЂликого князя Швитригаила, и князи рускии побили, a иныи поимали, князя Юря ЛынквЂневича убили, a князя Василя Э Семеновича иняли, ХвЂдка ОдинцЂвича иняли, пана Дедикголда иняли, воеводу виленского, a иных многое множство людеи побили и поимали.



Щ Так в рукописи ЩЩ B P далее и ехал на иншое мЂстцо дарствовати Ы Так в рукописи ЫЫ В Рум. 8 декабря; в Евр. 18 декабря; в P осмогонадцать декабря Э B P, Рум. Юря \142\





Швитригаило


Тое жь зимы в другии раз князь вЂликыи Швитригаило собрал силу вЂликую рускую и поидеть на Литву, и повоевали Литовское земли многое множство, и побили, и в полон повели.




Швитригаило


На тое ж лЂто князь Швитригаило собрал многую силу рускую и мистра лифлянского со всею силою нЂмецкою, и приидеть мистр лифлянскии Швитригаилу на помочь, a князь вЂликыи тверскии дал ему силу свою и пошли моцно в Литовскую землю. И начовал на полтори мили от Вилни в РудоминЂ, и минувши Вилню и повернетъ на Старыи Троки, и стоял под Старыми Троками чотыри дни, на Спасов день и поидеть от Троков проч искати князя вЂликого Жикгимонта и воиска литовского.




О ШвитpирaилЂ


И стоял Швитригаило во Иеишишках чотыри дни, и поидеть \л.88.\ проч от Троков на свою землю Рускую, и напервЂи приидеть ко КрЂву. И стоял 2 недели и добыл КрЂва города мурованого, и выжже огнем, a людии много посЂкоша и в полон повЂли. И оттолЂ князь Швитригаило поидеть на Молодечно. И приидеть до князя Швитригаила вЂсть, што ж литва идеть за ним y погоню, и князь вЂликыи Швитригаило послал на Литву князя Михаила, киевъского воеводу, a c ним послал иных князеи руских много, и побили пана ПЂтра Монтикгирдовича и всю литву, a иных поимали. И оттолЂ поидеть Швитригаило к Жеславлю, и Жеславля одного дня добыл, и мЂсто зжог, a людеи много в полон повЂли, и пришли к Менску. И МЂнско взяли и выжгли, и людеи много в полон повЂли, мужеи и жон, и много лиха учинивши князьству великому Литовскому, и пошли во свою землю Рускую. И пришли к Борисову, и там зымали князя Михаила Ивановича Голшанского на рецЂ на Березыни, и послали его к Витебску, и там его велел утопити под Витебск y ДвинЂ, a иняли его невинного. A потом мистр лифлянскии поидеть во свою землю з лифлянты, a князь великии Швитригаило поидетъ к Лукомлю. И тут воиско свое роспустил, князеи и бояр, a сам поидеть до Склева ЭЭ. И на тую ж осень князь вЂликии Жикгимонт собрал силу многую литовскую и ляхи, и приидеть на Рускую землю, и стали под Мстиславлем месеца октября 26 день. И стоял Жикгимонт 3 недели под Мстиславлем, и Мстиславля не добывши и вернулся во свою землю.

На лЂто собрался Швитригаило c князми своими рускими \л.88об.\ и з бояры, и со всЂю землею Рускою и силою, и поидеть на Литву. Мистр лифлянскии c кунторы своими приидеть Швитригаилу на помощь, и снялися [з] Ю Швитригаилом в Брясловли. A в тот час вЂликая мокрость дожчу падеть на землю, затым нЂ могли до Литовское земли ехати, князь Швитригаило вернулся во свою землю, роспустил силу князеи и бояр в Полоцку, a сам поидеть до Киева. Также на третее лЂто князь вЂликии Швитригаило зжог митрополита y Витебску на имя Гарасима, и собрался со всею силою своею y Витебску, со всими князми рускими и з бояры. И поидеть ко Брясловлю по Завелскои сторонЂ, a в Брясловли приидеть Швитригаилу на помочь мистр лифлянскии со всею силою своею, и поидуть от Брясловля к Вилкумирю. A князь вЂликыи Жикгимонт не пошол на Швитригаила сам, дасть ему король польскии осмсот къпеиников помочи, и князь вЂликыи Жикгимоит послал сына своего, князя Михаила, на князя Швитригаила. И князь Михаило приидеть со всею силою литовскою и з ляхи, и была им битва c Швитригаилом на Сем ЮЮ день у-в осень и билися за Велкомиром на рецЂ. И поможе бог вЂликому князю Жикгимонту и его сыну князю Михаилу, и побили князя Швитригаила и всю силу его, и многих князеи побили, a ных живых поимали. Убили тогды братанича его, князя Корибутовича Жидимина, и князя Ерослава Лынквеневича, и князя Михаила Семеновича, и князя Даниля Семеновича Голшанского, и князя Михаила вяземского Львовича, и иных князеи много побили, a живых князеи иняли \л.89.\ 42. На имя изымали князя Ивана Володимеровича киевъского и брата его князя Федора Корибутовича, a лифлянского мистра самого убили и ланмаршалка убили, и иных многих кунторов побили, и всих лифлянт побили, a иных многих живых поимали и много c ними гостеи перебили, ракушан и слежаков, и чехов.



ЭЭ Так в рукописи; в P Киева Ю Добавлено редащией ЮЮ Так в рукописи; д. б. Семен \143\



После того побоища, третее недели спустячи, князь вЂликыи Жикгимонт собрал свою всю силу литовскую и пошлеть сына своего, князя Михаила, на Русь. И пришедши князь Михаило станеть на Рши, и подалися смолнянЂ князю вЂликому Жикгимонту и сыну его, князю Михаилу. И князь Михаило к Смоленску не идучи и поидеть от Орши к Витебску, и пришедши князь Михаило стоял под Витебском шесть недель, и нЂ воземши города, проч оттоля пошол. И после того тое ж зимы князь вЂликии Жикгимонт собрал всю землю Литовскую, панов, и послал паны литовские к городу к Полоцку. Пришедши пано†стояли под Полоцьком неделю, и нЂ добывши города и пошли проч. И на другое лЂто полочанЂ и видблянЂ, не чуя собЂ помочи ни отколя, и подалися князю вЂликому Жикгимонту Кестутевичу, и почал князь вЂликыи Жикгимонт княжити на княжени Литовском и Руском.

B лЂто 6946 [1438]. У Смоленску был голод вЂлми вЂликии, по селом и по дорогам звери люди едали, a в городЂ в Смоленску и по мЂсту по улицам псы люди едали, головы по улицам волочили, руки и ноги человечьи, и люди люди едали, и малых дЂток матки ели от великого голоду, a y великии пост мясо едали по селом и по волостем, a в тот час четвертка \л.89об.\ жита была по тры копы грошеи. Много лихого того году учинилося по всеи земли Литовскои и Рускои и много крови пролитя сталося, брат брата роженого убил, матка детя свое зъела з голоду, отець сына своего. Также моры были страшныи, иж o таком страху люди старыи не могуть пометати.




О Жикгимонтовои смерти


Того же князя вЂликого Жикгимонта в ТроцЂх зарЂзали y вербную неделю передо обедом, и была замятня вЂликаа в Литовскои земли. A в тот час Смоленск держал от Жикгимонта пан АндрЂи Сакович. И почал смолнян приводити к присязе, рекучи: «Коли князи, паны Литовское земли, кого посадять на великом княжени Литовском, a вам бы от Литовское земли не отступити, от вЂликого князя литовского за господаря собЂ мЂти, a мене вам събЂ держати воеводою докуль князь вЂликыи на Лит†сядеть на Вилни и на ТроцЂх». И владыка смоленскии, и князи, и бояры, и мЂстичи смоленские, и чорныи люди присягнули на том, и святость цЂловали пана АндрЂя держати в себе воеводою дочесно на Смоленску. И по ВЂлицЂ дни на святои недели в среду здумали чорныи люди смолняне раду собЂ, кузнецы, кожемяки, шевчики, мясники, котелники пана АндрЂя сослати силою з города, a присягу свою переступили. И нарядилися в зброи, c сулицами и со стрЂлами, и c косами, и c сокирами, и зазвонили в колокол ратныи. И пан АндрЂи почал ся рядити з бояры смоленскими, и бояре ему говорили: «ВЂли, панЂ, дворяном своим в зброи убиратися, a мы c тобою. Чи лепши \л.90.\ тобЂ датся и руки черни». И пан АндрЂи пошол на них c копъи на конех, и была им битва y городЂ на святого Бориса и ГлЂба, и побили много людеи черни, и побегли чорныи люди от пана АндрЂя. И тое ночи пан АндрЂи з города выехал и з жоною, и боярЂ смоленскии c ним были. И послЂ того замятна была вЂликая в Смоленску, изымали смолняне маршалка смоленского ПЂтрику и утопили его в Днепр, и посадили собЂ воеводою y Смоленску князя АндрЂя Доробужского. Тогды рада Литовская княжене, князи и пано†и вся земля, дорадившися, и взяли собЂ з Ляхов князем вЂликим Казимира королЂвича и посадили его c честию на столечном городЂ на Вилни и на ТроцЂх и на всеи земли Литовскои и на Рускои. И в тот час придеть князь Юреи ЛынквЂневич из Новагорода в Литву, и князь вЂликии Казимир королевич дал ему отчину его Мъстиславль. И боярЂ смоленскии, приехавши к Смоленску з Литвы, и чорныи люди смолнянЂ нЂ пустили их в город, и боярЂ ся розехали по своим селом. И затым была битва вЂликая бояром c чорными людми, и чорныи люди заперлися на городЂ и призвали собЂ господарем на Смоленско князяЮря ЛынквЂневича. И князь Юрьи поимал бояр смоленских и поковал их, именя их подавал своим бояром.

Тое ж осени на запусты Филиповы приидеть воиско литовское к Смоленску, и стояли в Смоленску полтрЂтьи недели, мЂсто и церкви, и манастыри выжгли, a людеи многое множство посекли, a живых y полон повЂли, и много лиха учинили Рускои земли Смоленскои. \л.90об.\

Того же году зима была вЂлми люта, метЂлица безпрестани з морозом была, и померли люди многие по лЂсом и по дорогам з вЂликое студени, a снЂг вЂлик был вЂлми, за многие лЂта таковое зимы нЂ бывало, иж старые люди нЂ помнЂли. И тое ж зимы вода была вЂлми вЂликая в Смоленску, все мЂсто была поняла, мало нЂ дошла вода до Покровъское горы. \144\




О москвЂ Я побоищи


Того же лЂта князь вЂликыи Казимир немирен был c князем вЂликым московским, и пришедши москвичи c татары казанскими извоевали Вяземскую землю всю. Тое ж пак зимы князь вЂликыи Казимир посылал воевод своих, князеи и панов литовъских, против того воевати Московского земли, извоевали Козелеск, ВЂрею и Колугу, и Можаиско, и много лиха учинили московского А земли, и в полон повЂли в Литовъскую землю. И москвичи, собравшися за девять днеи, и погналися вслед за литвою, и, догонивши, билися з литвою. И помог бог литвЂ, побили много москвич литва, a много живых поимали и привЂли их к Смоленску к великому князю Казимиру, и вчинили тогды князи и паны литовские вЂликую честь князю вЂликому Казимиру королевичу. A московского князя тогды y Московскои земли нЂ было, ходил к Муромлю c татары битися, c царем МахмЂтом и з сыном его Момотяком. И побили москвич наголову, a самого князя вЂликого московского, князя Василя, иняли, и можаиского князя Ивана иняли, и иных князеи и бояр москвичов много побили, иных живых Б. . .



Я Так в рукописи; в P московском


А Так в рукописи Б Ha этом рукопись обрывается
















© Сканування та обробка: Максим, «Ізборник» (http://litopys.kiev.ua)
25.III.2003








Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.