Попередня     Головна     Наступна





РАЗМЫШЛЕНІЄ О СТРАСТЄХ ХРИСТОВЫХ


Cтиxи предословныя

к господу нашему Ісусу Христу


Ісусе, мой сладчайшій и преблагій боже,

кто благодарити тя достойно возможе,

Яко изволил єси страсть и смерть подяти

и кров свою нещадно о нас изліяти?

Обаче должны єсмы воздавати славу

тебЂ, давшему за нас душу си избаву.




Предословіє |арк.46зв.|


Во время спасителныя своєя страсти господь наш Ісус Христос дванадесят крат поткновен паде на землю тяжко. Паде же воистинну тоєя ради вины, да воздвигнет всероднаго Адама от своєго єму паденія, иже дванадесят крат, сирЂч: под древом райским пять крат, а на пути из Едема идый, седм крат тяжким грихопаденієм паде ся.

И како сіє бысть человЂка дванадесятократноє паденіє? Сице:

Первый человЂк от земли перстный согрЂшил єсть в дре†райстЂм пятьма чувствіями своими:

cлышанієм, єгда послушав лестнаго совЂта змінна, совЂтующаго єму заповЂдь божію преступити и от древа вкусити;

видЂнієм, єгда со вожделЂнієм возрЂ на древо красно и добро во снЂд;

оcязанієм, єгда простре на древо руку возбраненноє и взят от него плод;

обонянієм, єгда обоня воню плода смертнаго в смерть себЂ;

вкушенієм, єгда яде от древа плод возбраненный:

И сіє пяточисленноє во дре†райстЂм чрез пять чувствій человЂка первозданнаго согрЂшеніє разумЂю быти пятикратноє єго под древом райским паденіє.

Абіє же по изгнаніи своєм идый из рая, впаде в разбойники, яко же божественный Лука пишеть; разбойники же тіи суть: грЂхи смертелніи, числом седм, иже, совлекше c него одежду боготканную и язвы |арк.47.| возложше, повергоша єго єли жива суща в ро†грихопаденія. И сія грЂхопоткновенія, ими же чрез седм грЂхов смертелных к смерти человЂк паде ся, разумЂй седмократноє єго на пути, из рая изводящом, паденіє.

Сія убо дванадесятократныя перваго человЂка паденія.

Вторый человЂк, господь c небесє, Ісус Христос, истинный бог наш, хотяй исправити и стопы человЂку на стезЂ правЂй, ведущой в живот вЂчный, поставити, сам, во время спасителнои своєи страсти дванадесят крат поткновен паде на землю.

Пять крат паде, нося крест на гору Голгоθу, да бых исправил, єже чрез пять чувствій человЂка во дре†райском грЂхопаденіє, а седм крат паде сладчайшій наш Ісус, идущи от вертограда к АннЂ-архієрею, дабы исправил седмикратноє, єже чрез седм грЂхов смертелных, паденіє человЂка, изходящаго из рая.

ТЂм же в самоє воспоминаніє и честь того дванадесятократнаго на землю паденія Христова, сіє написася о страстєх Христовых размышленіє, содержащеє в себЂ стихов 30 и шесть. Сіє аще кто будеть в честь Христа, бога нашего, чести и творити на каждо стих поклон єдин, той коємуждо поткновенію Христову воздасть три доземныя поклоны, ибо 30 и шесть стихов сотворят 36 поклонов, и тако будет 3 разы по 12 поклонов. |арк.47зв.|




Начинаєт же сице


Страсть Ісуса моєго з жалем размышляю

и из глубины сердца сице возываю... 1


1 Далі йде прозовий текст, який опускаємо (див. Примітки, стор. 178).





[ВІНЦІ]

|арк.59.|

ВЂнец

гла†церковной Ісусу Христу

от звЂзд дванадесят,

от молитв чрез праздники єго дванадесят



1

Спасенія нашего ради въплощенный,

Ісусе, дажд, да буду во плоти спасенный.



2

ОбрЂзаніє плоти пріємый пречистой,

дажд, да страсть ся обрЂжет плоти ми нечистой.



3

СтрЂтенный и пріятный старцем, ждущим смерти,

дажд и мнЂ, непріємшу тебе, не умерти.



4

Крестивыйся во Ієрдани, явлей в бозЂ тройцу,

дажд, крещшуся мнЂ, да чист явлю ти ся творцу.



5

Преображенія свЂт явлей на θаворЂ,

дажд ми зрЂти тя в свЂтЂ на небеси горЂ.



6

В Ієрусалим на царство вшедый на осляти,

смири ж плоть мою, внійди в душу царствовати.



7

Страдавый за грЂшных, мертв быв и погребенный,

дажд, да буду ко страстєм грЂха умерщвленный.



8

C побЂдою въскресый от мертвых тридневно,

дажд ми побиждати смерть грЂха повседневно.



9

Co славою на небо вознесыйся в тЂлЂ, |арк.59зв.|

дажд таможде возыйти мнЂ о твоєй силЂ.



10

Низпославый от отца, духа, в тройчном свЂти,

утЂшеніє дажд ми духовно имЂти.



11

Образ твой оставлей нам нерукотворенный,

дажд, да лицем к лицу зрак узрю божественный.



12

Воздвиженієм крестным и днесь и в суд страшный

воздвигни мя от всЂх бЂд, да не паду страстный.



Сим вЂнцем вЂнец всего лЂта,

от благости самаго создателя свЂта.


За сей вЂнец в временной жизни молитвенный

цар неба вЂнец в небЂ даст вЂчно царственный.





* Монограма імені Марія.



ВЂнец богородици

от звЂзд дванадесят, от молитв чрез праздники єя дванадесят



1

Зачатая без грЂха, о божія мати,

молю, дажд ми безгрЂшно житіє зачати.



2

Рожденная от ветхой утробы неплодной,

дажд души ми неплодной быти доброплодной. |арк.60.|



3

Воведенная во церков, в трех лЂтєх, в дар тройци,

дажд ми входом во церков вход в храм вышній творци.



4

Заченшая спаса в день благовЂщенія,

благовЂсти зачатый мнЂ день спасенія.



5

Рождшая бога сына при дЂвст†печати,

дажд, да буду печатлЂн в сына благодати.



6

Очищенія закон творша в стрЂтеніи,

очисти мя, стрЂтенна в беззаконіи.



7

Стоявшая при крестЂ душею язвленна,

дажд ми о крестЂ мысль от сердца сокрушенна.



8

В успеніи безсмертном воставшая к сыну,

дажд ми от сна грЂховна воставати выну.



9

Положеніє ризы чтущу ми твоєя,

облеци душу нагу в благодать єя.



10

Положеніє чтущу пояса твоєго,

препояши ми немощ силою от него.



11

Покрывающа вЂрных честным омофором,

прійми мя под твой покров зде и к вышним двором.



12

Похвалная с побЂды даной над каганом,

дажд побЂду над бЂсом и над бЂсурманом. |арк.60зв.|



Сим вЂнцем благословен вЂнец всего лЂта,

от благости матерє несозданна свЂта.


За сей вЂнец в временной жизни молитвенный,

царици неба помощ дасть вЂчно царственный.





ВЂнец от дванадесят звЂзд

аггелскім силам, от молитв к ним о помощ нам к добpым дЂлом



1

Архистратиже божій святый МИХАИЛЕ,

кто, яко бог, о сем ми дажд внимати цЂле.



2

ГАВРІИЛЕ, дажд радость, по бозЂ кто, яко

богородица, крЂпко внимати ми тако.



3

РАФАИЛЕ, настави на стезю спасенну,

слЂпотЂ дажд душевной цЂлбу божественну.



4

СЕРАФИМИ, огнем мя любве раждезЂте,

да всЂм сердцем возлюблю бога, помозЂте.



5

ХЕРУВИМИ, свЂтом мя разума о бозЂ

просвЂтите, да узрю свЂт в горнєм чертозЂ.



6

ПРЕСТОЛИ, исправте мя правду исполняти,

да в суд страшный возмогу одесную стати.



7

ГОСПОДСТВІЯ, плоть мою духу покарайте, |арк.61.|

да, раб, волю господню творю, понуждайте.


8

СИЛЫ, вышняго силу явЂте въ мнЂ чудну,

оживЂте умершу душу мою блудну.



9

ВЛАСТИ, сподобЂте мя над бЂсом побЂды,

да мною не владЂють властей темных бЂды.



10

НАЧАЛА, да над страстьми ум мой началствуєт,

наставте тако, да грЂх во мнЂ не царствуєт.



11

АРХАГГЕЛЫ, мнЂ тайны спасенны в вЂщайте,

глас архаггелскій, на суд зовущ, в мысль влагайте.



12

АГГЕЛИ, храняще на земли живущих,

молю, сохранЂте мя от всЂх бЂд грядущих.




Сей вЂнец кто приносить аггелом ко славЂ,

приймет неувядающ вЂнец своєй главЂ.


Будет з аггелами зрЂти лице бог.а выну,

кто в молитвах не презрит когождо их чину.






ВЂнец от дванадесят звЂзд

святой Варвар Ђ,

от молитв к ней

о крайнем доброи смерти дарЂ



1

Варваром родителем рожденная двво,

терна злаго цвЂт благій, себе явлша живо, |арк.61зв.|

Варваро, черна в титлЂ, красна в вЂрЂ, в дЂлЂ,

дЂл злых варвар храни мя на душЂ и тЂлЂ.



2

В высокой верЂ ради красоты тЂлесной

храненная, ближайша красотЂ небесной,

Дажд ми горЂ имЂти сердце сохраненно,

небеси достойными дЂлы украшенно.



3

Три окна повелЂвша в банЂ сотворити,

свЂт троичный вожделЂвша сердцем чистым зрЂти,

МнЂ память, ум и волю, душевны три силы

твори, троицы угодны, мысльми, словы, дЂлы.



4

О твердЂйша над камень отца, тя гонивша,

в отверзшемся каменЂ, дЂво, себе скрывша,

Мене в твердом покро†твоєя молитвы

сокрый от гонящія вражія ловитвы.


5

Отец-варвар тя в нечесть влекл за власы главы,

а бог-отец союзом любве — к вЂнцу славы.

Подножіє господнє землю отираху —

твои власи да отруть мя от грЂхов праху.



6

Яко єлей, носяща кров многих ран в тЂлЂ

и жженіє огненно в нем, яко в свЂтилЂ, |арк.62.|

Вніиде, мудрая дЂво, к господню чертогу,

въведи тамо и мене мольбами ко богу.



7

В темници свЂтом міра Христом посЂщенна,

врачем души и тЂла от ран исцЂленна,

Дажд ми в темном сем свЂтЂ господа предзрЂти,

ран грЂховных и смертной тми в души избыти.



8

За Христа ссавша дЂвы сосца преблаженна,

дЂвическа ти сосца лютЂ отсЂченна,

Ho благодать и славу вишній Сіон мати

даде ти; дажд ми тЂх вкушати.



9

Обнаженна безстудно водима по градЂ,

покров свЂтлый аггелскій имЂвша во отрадЂ,

И моєй души нагой, Христова невЂсто,

одЂяніє брачно дажд имЂти чисто.



10

Предасть же отец на смерть чадо: сіє явЂ

отец-варвар на твоєй мечем списа главЂ;

Ho небесный отец ти дал жизнь безконечну,

юже и мнЂ умоли чрез твою смерть мечну.



11

Отец плотскій дерзал ти плоть и кров отяти,

а Христос ти плоть и кров дал свою даяти; |арк.62зв.|

Да без тЂх невозможет всяк чтый тя умерти,

молю и аз тя о сей дар при моєй смерти.



12

Блажен град Кієв, хранящ святоє ти тЂло,

єже больни(ы)х врачуєт и хранит в нем цЂло.

Хранима тЂлом в храмЂ вожда сил небесных,

c ним мя всЂх бЂд душевных храни и тЂлесных.




Сице кто богомудру Варвару вЂнчаєт,

побЂды на безбожных варваров да чаєт,

На болЂзнь — цЂлбы, на смерть — готовости дара

сподобить вЂнчанная сим вЂнцем ВАРВАРА.







ВЂнец от дванадесят звЂзд архієрейскій,

от дЂл чрез них же молим

єст пастыр миррейскій



1

От рожденія чудный, в купели стоявый,

от сосец в среду и в пяток себе воздержавый,

Николає, подажд ми от грЂхов востати,

в воздержаніи постном тя наслЂздовати.



2

Трех дЂв златом, втай данным, от скверн сохранивый, |арк.63.|

милостію пред троичным божеством служивый,

Удиви во мнЂ милость, скверны очищая,

любов ко богу и ближнему и к врагом влагая.



3

Путешествіє ко гробу Христову творивый,

морю кротость, жизнь мертвецу тогда возвративый,

Скажи ми путь, да c Христом терпя спогребуся,

укроти страсть, дажд, да жив богови явлюся.



4

До церкви к молбам утрним первый шед, избранный

на сан пастирский судом вышняго вЂнчанный,

Помози к молбам тЂм же мнЂ утреневати,

да ускору в чертозЂ вышнем ся вЂнчати.



5

За исповЂданіє догмат христіянских

страдавый во узилищах от царей поганских,

Дажд, да буду союзом Христовым плЂненный,

а от уз царствующа грЂха раздрЂшенный.



6

Сокрушивый идолов поганских божници,

при царЂ КонстантинЂ изшеді(ы)й с темницы,

Помози ми крушити гриховныя нравы,

да будет в мнЂ храм токмо Христу, царю славы.



7

Арія злочестива єресь побЂдивый, |арк.63зв.|

в Никеи Христа-бога честь правословивый,

Помози ми бисовску прелесть побЂждати,

правовЂрными дЂлы бога прославляти.



8

Неправедно сказанни(ы)х на смерть свободивый,

цареви Константану во снЂ ся явивый,

Мене, праведным судом достойна умерти,

явлся сердцу, в злЂ спящу, избави от смерти.



9

Явлся во снЂ купцеви, в залог злато давый,

призвав з житом здалече, в гладЂ град питавый,

Напитай и мнЂ душу, не житопродавца,

но уснувша на крестЂ брашном животдавца.



10

Во успеніи ти смертном аггелов видЂвый,

c ними же в жизнь безсмертну духом возлетЂвый,

Дажд ми, во грЂсех спящу, в чувст†жизнь кончити,

радующся и о мнЂ зрак аггелскій зрЂти.



11

По успеніи твоєм миро источаяй,

от мощей ти и гроба многих исцЂляяй,

Многи раны мнЂ, грЂшну, исцЂли, молюся,

твоим миром милости исцЂлен спасуся.



12

От востока на запад чтем тя пренесенна, |арк.64.|

да зрить запад в восточной вЂри тя спасенна,

Моли той святой вЂрЂ сохраненной быти,

в ней до запада смертна мнЂ спасенно жити.



Сице кто Мирликійска пастира вЂнчаєт,

в благословеніи мир ликуя взымаєт,

ВЂнчаніє милости от него испросит,

в нуждах тЂла и души отраду относит.


В року тысяча шестсот осмдесятом,

декамврія по дню пятнадесятом,

Пред четвертком, днем НИКОЛЫ святаго,

в нощ знаменія звЂзднаго страшнаго

В монастырЂ то Николском списася,

типом в Печерском Кієвском издася.







ВЂнец звЂзд дванадесят

христовой денници

Предтечи святому, з молб дванадцяти



1

Зачатый от неплодных в концу ветхой сЂни,

в началЂ благодати, благостинЂ,

Іоанне, дажд за мя глас к богу-слову,

да начну днесь измЂну дЂл злых в благость нову. |арк.64зв.|



2

Взыгравыйся в матернем чре†освященный,

от матере божія в твоєй посЂщенный,

МнЂ в печалех грЂховных от матерня чрева

умоли, да отраду дасть вторая Євва.



3

Рождеством ти радости многих исполнивый,

родителска языка узы раздрЂшивый,

Гласе слова, рожденна от отца пред вЂки,

пригласи мя на радость c небесными лики.



4

Удаливыйся з дЂтска на труд[ы] в пустыню,

растый тЂлом и духом во всяку святыню,

Не удали растущой помощи твоєя,

отпусты я в плод благих дЂл души моєя.



5

Ризу остру от власов велбуждых имЂвый,

пояс тверд от ременя на чреслЂх носивый,

Тако зраком велбуда в узкость врат входити,

в жизни горнєй грядущу дажд ми плоть смирити. |арк.65.|



6

СнЂдь акриды, верх зелій и мед дивый лЂсный

имЂвый, проходя путь к жизни вЂчной тЂсный,

Тако ни ядшій сластно, ни пивый сикери,

и мнЂ постну готовость дажд ко агнчей вечери.



7

Покаянія дЂлом и словом учивый,

христу уготовляя путь многих крестивыи,

В покаяніи и мнЂ 1 дажд слезы излити

и к души моєй Христу путь уготовити.


1 В рукопису «и мнЂ» повторено двічі.



8

Въ ІєрданЂ Ісуса безгрЂшна крестивый,

руку, к ногам не смЂвшу, на главу вложивый,

Сію простри в помощ мнЂ, в грЂхах погруженну,

и омый ми от всЂх зол душу осквернену.



9

Отверзшимся небесем глас отца слышавый,

сына в тЂлЂ, в голуба зрацЂ дух познавый,

Дажд, да и мнЂ не будет небо затворенно,

да будет ми и троично зрЂніє явленно. |арк.65зв.|



10

Се агнец божій, вземляй грЂхи всего мЂра,

сим крещшимся данная, яко спасет вЂра,

Крестителю, сіє всЂм показавый явЂ,

дажд ми от грЂх изяту быти в агнчей славЂ.



11

УСЂКНОВЕНІЄМ ти всечестныя главы,

отсЂченны да будуть нечестій ми нравы,

З Христом, церкви главою, живый непресЂчне,

дажд c тЂмжде и з тобою и мнЂ жити вЂчне.



12

ОбрЂтенієм главы твоєя трикратным,

пред троическим лицем мя сотвори приятным,

Треблаженна ти глава, от тройци вЂнчана,

да будет же часть твоих блаженств и мнЂ дана.




Сим вЂнцем кто вЂнчаєт Іоанна главу,

в вЂнцу жизни той пріймет благодать и славу.

Седм даров и пять талант за звЂзды таковы

тому в руцЂ господней, c ним сущей, готовы. |арк.66.|








ВЂнец от дванадесят звЂзд

страстєм Христовым,

от молб к страдавшому

в вЂнцу терновым



l

ІСУСЕ, за тридесят сребрников проданный,

им же єст искуплен мір, от тройци созданный;

В честь тройци заповЂди дажд десят хранити,

умом, словом и дЂлом: з грЂх ся искупити.



2

ІСУСЕ, в вертоградЂ пот крове изливый,

прискорбен быв до смерти, трижди ся моливый,

Дажд ми слезы в молит†к тройци изливати,

в скорбєх противу грЂха и до крове стати.



3

ІСУСЕ, страждый в узах на руках и раму,

от уз адскіх подая свободу Адаму,

Дажд, да буду от плениц грЂховных свободен,

а не к тому раб грЂху, но тебЂ угоден.



4

ІСУСЕ, на судищи бієнный в ланиту,

за безстудіє моих уст студом покрыту, |арк.66зв.|

Дажд ми на праведном ти судЂ непостидно

зріти неотвращенно лице свЂтовидно.



5

ІСУСЕ, из риз твоих на страсть совлеченный,

им же от страданія грЂшник покровенный;

Дажд ми, обнаженному, з незлобны одежды,

ризи спасенны вЂры, любве и надежды.



6

ІСУСЕ, язв премного при столпЂ терпЂвый

и тЂм же столпом немощ нашу укрЂпивый,

Столп той крЂпости щитом тисящ ми имущій

дажд, да будет з бЂд мірских в небо мя ведущіи.



7

ІСУСЕ, тернов вЂнець носивый ужасный,

в нем кровію багрен быв, аки рож цвЂт красный,

Молю тя, да грЂховный терн мнЂ не унзаєт

и сЂмени слов твоих в мнЂ не подавляєт.



8

ІСУСЕ, осужденный бывый на смерть крестну,

тогда сущу безчестну, нынЂ зЂло честну, |арк.67.|

Дажд ми, грЂшнику, лютой смерти жало стерти,

не пасти в безчестнЂйшій суд вЂчныя смерти.



9

ІСУСЕ, крест носивый на гору Голгоθу,

бремя тяжко господу силам Саваоθу,

Дажд ми легкоє бремя в[с]лЂд тебе носити,

в силЂ креста твоєго к небу восходити.



10

ІСУСЕ, за наш дерзк грЂх кресту пригвожденный,

на горку смерть желчію со отцом нужденный,

Пригвозди ми плоть страхом, не дажд в грЂх простерти,

да не вкушу горкія з горем адским смерти.



11

ІСУСЕ, душу твою за нас положивый,

разлученієм єя нас совокупивый,

Дажд и моєй душЂ, от тЂла разлученной,

тебь, богови, быти присовокупленной.



12

ІСУСЕ, пят язв болших — в ребрах, в руку, в ногу —

пріємый, за пять чувств, в нас согрЂшших ти богу, |арк.67зв.|

Тіх язв пятми таланта пять приобрЂтенны,

моя чувства да будуть вЂчно ти врученны.




Сице кто страсть вЂнчаєт Христа, церкве главы,

за терніє пріємша честный вЂнец славы,

Пріймет не терн грЂховный, на землЂ клятвенный,

но в небЂ вЂнец вЂчных лЂт благословенный.




* * *

Отец дщер, сын же матер, дух свят невЂсту

вЂнцем славы вЂнчают Марію пречисту 1.



1 У рукопису цей двовірш вміщено на арк. 62 зв. як продовження «Вінця св. Варварі».








О ПОЛУНОЩНИЦИ И УТРЕНИ.

В. Я. М. К.


Полунощи востаях, рано востану,

да узриши мя, боже, заутра предстану.

На утрню то в церков пророк возбуждаєт,

кто не встанет, зрЂнія божія не чаєт.

Ни бог в церк†сый может на єго призрЂти,

ни он, на суд вставши, будет бога зрЂти.


Седмицею днем бога должно єст хвалити,

нощно утрнеє в церк†моленіє пЂти.

Час первый, третій, шестый, девятый читати,

вечерню, павечерню чинно совершати,

Сими долг седми грЂхов смертных отпущенный

будет и подан духа дар седмочисленный. |арк.70.|

















Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.