Попередня     Головна     Наступна





Текстъ № 10.


Приближенно возстановленный оригиналъ анонимнаго Сказанія о свв БорисЂ и ГлЂбЂ *).


(На осно†текста Успенскаго списка XII вЂка).





Съказаніе и страсть и похвала святую мученику Бориса и ГлЂба.


„Родъ правыихъ благословиться”, рече пророкъ, „и сЂмя ихъ въ благословеніи будеть” а).

Сице убо бысть малъмь преже сихъ лЂтъ 1, сущю самодрьжьцю вьсеи роусьстЂи земли Володимеру 2, сыну Святославлю, вънуку же Игореву, иже и святыимь крещеніемь просвЂти всю землю 3 русьску, прочая же его добродЂтели инде съкажемъ нынЂ же нЂсть время, а о сихъ по ряду сице есть: сь убо Володимеръ имЂяше сыновъ 12, не отъ единоя жены, нъ отъ раснъ матеръ ихъ; въ нихъ же бяше старЂи Вышеславъ, а по немь Изяславъ, третій Святопълкъ,



*) ПримЂчаніе. Титла раскрыты; поставлены современные знаки препинанія. Шрифтъ гражданскій въ виду трудности передать орθографію оригинала. ИзмЂненіе (буквъ, словъ и фразъ) въ текстЂ Успенскаго списка XII вЂка набраны курсивомъ. Сомнительныя исправленія — въ квадратныхъ скобкахъ.

Цифры справа означаютъ номеръ варіанта въ критическомъ аппаратЂ текста № 9, гдЂ находится исправляемое здЂсь чтеніе.


а) Псал. III, 3.



иже и убіиство се зълое изъобрЂтъ. Сего мати преже бЂ чьрницею, грькыни сущи, и поялъ ю бЂ Яропълкъ, братъ Володимеръ, и рострмгъ ю красоты дЂля лица ея и зача отъ нея сего Святоплъка 11. Володимеръ же поганъ еще убывъ Яропълка, и поятъ жену его непраздьну сущю; отъ неяже родися сій оканьныи Святопълкъ. и бысть отъ дъвою отцю и брату сущю; тЂмь же и не любляаше его Володимеръ, акы не отъ себе ему сущю; а отъ Рог(ъЂди 4 сыны имЂяше: Изяслава, и Мьстислава, и Ярослава, и Всеволода, а отъ иноя Святослава и Мьстислава, а отъ българынЂ Бориса и ГлЂба. И посажа я 20 [или вся] по роснамъ землямъ въ княженіи, иже инъде съкажемъ; сихъ же (и)съновЂмы убо; о нихъ же и повЂсть си есть. Посади убо сего оканьнааго Святопълка въ княженіи ПиньскЂ, а Ярослава НовЂгородЂ, а Бориса РостовЂ, а ГлЂба МуромЂ. Нъ се остану много глаголати, да не многописаніи въ забыть(е) вълЂземъ. Нъ о немь же начахъ си съкажемъ убо сице. Многомъ же дньмъ уже 20 минувъшемъ и яко съконьчашася дніе Володимеру, уже минувъшемъ лЂтомъ 28 по святЂмь крьщеніи, въпаде въ недугъ крЂпъкъ. Въ то же время бяше пришелъ Борисъ из(д) Ростова; печенЂгомъ же о(тъ) онуду пакы идущемъ ратію на Русь. Въ велицЂ почали бяаше Володимеръ, зане не можаше изити противу имъ, и много печаляашеся, и призъвавъ Бориса, [а ему же бЂ имя издЂяно 33 въ святЂмь крьщеніи Романъ, а] блаженааго и скропослушьливаго, предавъ воЂ многы въ руцЂ его, посъла и противу безбожьнымъ печенЂгомъ. Онъ же съ радостію въставъ иде рекъ: „Се готовъ есмь предъ очима твоима сътворити, елико велить воля сердца твоего”. О таковыхъ бо рече Притъчьникъ: „Сынъ быхъ отцю послушьливъ и любимъ предъ лицьмь матере своея” *).



а-а. Можетъ быть, эта фраза не читалась въ оригиналЂ. Ее нЂтъ въ спп. ВСЕFGJq. Чудовск. ред. КромЂ того христіанскаго имени ГлЂба нЂтъ въ Сказаніи и фраза а-а разъединяетъ тЂсно связанныя слова: „Бориса” н „блаженаго”. Интересно сравнить Ск. о уб. со Сказ. о чудесахъ. Тамъ и въ заглавіи и въ текстЂ постоянно св. Борисъ называется Романомъ, а ГлЂбъ Давидомъ. Списки, гдЂ отрывокъ а-а не читается не являются представителями группы, связанной тЂснымъ родствомъ. ЗамЂчу еще, что и въ лЂтописи нЂтъ христіанскихъ именъ святыхъ.



*) Притч. IV, 3.



О(т)шедъшю же ему и не обрЂтъшю супостатъ своихъ възвративъшюся ему въспять 40, и се приде вЂстьникъ къ нему съказа отчю ему съмьртъ 43, како преставися отець его Василій (въ се бо имя бяше нареченъ въ святЂмь крьщеніи), и како Святопълкъ потаи съмьрть отца своего, (и) ночь проимавъ помостъ на БерестовЂмь и въ ковьръ обьртЂвъше съвЂсивъше ужи на землю, везъше на саньхъ, поставиша и въ цьркви святыя Богородиця. И како услыша 52, начатъ тЂлъмъ утьрпывати и лице его вьсе сльзъ испълнися; и сльзами разливаяся и не могыи глаголати, въ сьрдци си начатъ сицевая вЂщати: „Увы мнЂ, свЂте очію моею, сіяніе и заре лица моего, бръздо 57 уности моеЂ, наказаніе не(до)разумія моего! Увы мнЂ, отче и господине мои! Къ кому прибЂгну, къ кому възьрю? Къде ли насыщюся таковааго благааго ученія и казанія 61 разума твоего? Увы мнЂ, увы мнЂ! Како заиде свЂте мои, не сущу ми ту! Да быхъ понЂ самъ чьстьное твое тЂло своима рукама съпряталъ и гробу предалъ; нъ то ни понесохъ красоты мужьства тЂла твоего, ни съподобленъ быхъ цЂловати доброльпьныхъ твоихъ сЂдинъ. Нъ, о блажениче, помяни мя въ покои твои. Сьрдце ми горить, душа ми съмыслъ съмущаеть и не вЂмь, къ кому обратитися и къ кому сію горькую печаль прострЂти: къ брату ли, его же быхъ имЂлъ въ отца мЂсто, — нъ тъ мьню: о суетіи мірьскыихъ поучаеться и о убіеніи моемь помышляеть; да аще 76 на убіиство мое потъщиться, мученикъ буду Господу моему, азъ бо не противлюся, зане пишеться: „Господь гърдыимъ противиться, съмЂренымъ же даеть благодать” *); апостолъ же: „Иже”, рече, „Бога люблю, а брата своего ненавидить, лъжь есть” **). И пакы: „Боязни въ любъви нЂсть; съвьршеная любы вънъ язмещеть страхъ” ***). ТЂмь же ч(ь)то реку или чьто сътворю? Се да иду къ брату моему я реку ты ми буди отець: ты ми братъ и старЂи. Чьто ми велиши, господи мои?”

И си на умЂ си помышляя, идяше къ брату своему и глаголааше въ сердци своемь: „То понЂ узьрю ли си лице братьца моего мьньшааго ГлЂба, яко же Іосифъ Веніямина?” И та вься полагая въ сердци си глаголааше 98: „Воля твоя да будеть, господи мой!” Помышляше же въ умЂ своемь: „Аще поиду въ домъ отца своего,



*) Іаков. IV, 6.

**) I. Іоанна IV, 20.

***) I. Іоанна IV, 18.



то языци мнози еда 101 превратять сьрдце мое, яко прогнати ми 109 брата моего, яко же и отець мои преже святого крьщенія, славы ради и княженія міра сего, иже все мимоходить и хуже паучины, — то камо имамъ пріити по отшьствіи моемь отсюду? Какъ ли убо обрящюся тъгда? Кыи ли ми будеть отвЂтъ? Къде ли съкрыю мъножьство грЂховъ моихъ 109? Чьто бо пріобрЂтоша [преже] 111 братія отца моего или отецъ мои? Къде бо ихъ житія и слава міра сего, и багряница и брячины, сребро и злато 114, вина и медове, брашьна чьстьная и быстрыи кони, и домове красьніи и велиціи, и имЂнія многа, и дани и чьсти бещисльны, и гърдЂнія, яже о болярЂхъ своихъ. Уже все се имъ, акы не было николи же: вся съ нимь ищезоша. И нЂсть помощи ни отъ кого же сихъ: ни отъ имЂнія, ни отъ множьства рабъ, ни отъ славы міра сего. ТЂмь и Соломонъ, все прошьдъ, вься видЂвъ, вься сътяжавъ и съвъкупивъ и вься расмотрЂвъ, рече 122: «Вьсе суета, и суетіе суетію буди» *). Тъкмо помощь отъ добръ дЂлъ и отъ правовЂрія, и отъ нелицемЂрьныя любъве”.

Идыи же путьмь помышляаше о красотЂ и добротЂ телесе своего, и сльзами разливаашеся вьсь и хотя удръжатися и не можааше. И вси зьряще его тако слезна 128, плакаахуся 129 о доброродьнЂмь тЂлЂ и чьстьнЂмь разумЂ въздраста его, и къждо въ души своей стонааше горестію сьрдьчьною, и вси съмущаахуся о печали.

Къто бо не въсплачеться съмрьти тоЂ пагубноЂ приводя предъ очи сьрдца своего?

Образъ бо бяаше унылыи его, възоръ и скрушеніе сьрдьца его святого. Такъ бо бЂ блаженыи тъ правьдивъ, и щедръ, тихъ крътъкъ, съмЂренъ; всЂхъ милуя и вься набъдя.

Помышляаше 140 же въ себЂ 141 богоблаженыи Борисъ и глаголааше: „ВЂдЂ, яко 142 брата моего зълуради чловЂци понудять и на убіиство мое и погубять 145 мя. Да аще пролЂеть кръвь мою, то мученикъ буду Господу моему, а духъ мои пріиметь Владыка”.

Таче, забывъ скърбь съмьртьную, тЂшааше сьрдце свое о словеси 148 Божіи: „Иже погубити(ь) душю свою мене ради и моихъ словесъ, обрящети(ь) ю въ животЂ вЂчьнЂмь, съхранить ю” **).



148 Въ Усп.: слоовеси; повидимому, о попало не на свое мЂсто. КромЂ того это слово писано по стертому мЂсту. Срвн. ниже: „и о семь словеси тЂшашеся”.


*) Екклезіастъ I, 2.

**) Матθ. X, 39.



И поиде радъстьнъмь сьрдцьмь рекыи 150: „Не презьри мене, Господи премилостиве, уповающааго на тя, нъ спаси душю мою”.

Святопълкъ же сЂдя Кые†по отци. Призвавъ Кыяны, многы дары имъ давъ, отпусти я 155. Посла же къ Борису, глаголя: „Брате, хочю съ тобою любъвь имЂти, и къ отьню ти придамъ”. Льстьно, а не истину глаголя. Пришедъ Вышегороду ночь отаи, призъва Путьшю и вышегородьскыЂ мужЂ и рече имъ: „ПовЂдите ми по истинЂ, пріязньство имЂете ли къ мнЂ?” Путьша рече: „Вьси мы можемъ главы своя положити за тя”.

ВидЂвъ же діяволъ и искони ненавидяи добра чловЂка, яко вьсю надежю свою на Господа положилъ есть святый Борисъ, начать подвижьнЂи бывати, и обрЂтъ, яко же преже Каина на братоубіиство горяща. Тако же и Святополка 166, по истинЂ въторааго Каина улови мыслью 168: яко да избіеть вся наслЂдьникы отца своего, а самъ пріимьть всю властъ единъ 169.

Тъгда призъва къ себЂ оканьныи трьклятыи Святопълкъ съвЂтьникы всему злу и начальникы всеи неправьдЂ, и отъвьрзъ пресквьрньная уста, испусти зълыи гласъ, рече 174: „ПутьшинЂ чади! Аще убо обЂщастеся главы своя 175 положити 176, шедъше убо, братія моя, отаи, къде обрящете брата моего Бориса, съмотрьше время убіите и”.

И обЂщашася ему тако с(ъ)творити.

О таковыхъ бо рече пророкъ: „Скори суть проліяти кръвъ 180 бес правьды; си бо обЂщаваються кръви и събирають себЂ злая; сихъ путье суть събирающеи беззаконіе: нечьстіемь свою душю обіем-лють” *)



*) Притч. гл. І (XI, 6).



Блаженыи же Борисъ, яко же ся бЂ воротилъ и сталъ бЂ на ЛьтЂ шатьры, и рЂша къ нему дружина: „Поиди, сяди Кые†на столЂ отьни: се бо вси вои въ руку ти 188 суть”. Онъ же имъ отвЂщавааше: „Не буди ми въз[н]яти рукы на брата старЂиша мене 191, его же быхъ имЂлъ, акы отца”.

Си слышавъше, вои разидошася отъ него, а самъ оста тъкъмо съ отрокы своими. И бяаше въ дьнь суботьныи; въ тузЂ и печали удручьнъмь сьрдцьмь, и вълЂзъ въ шатьръ свои плакашеся съкрушенъмь сьрдцьмь, а душею радостьною, жалостьно гласъ испущааше: „Сльзъ моихъ не презьри, Владыко, да яко же уповаю на тя! Тако да съ Твоими рабы пріиму часть и жребіи съ вьсЂми святыими твоими, яко ты еси Богъ милостивъ и ТебЂ славу въсылаемъ въ вЂща. Аминь”.

Помышляшеть же мученіе и страсть святаго 204 Никиты и святаго Вячеслава, подобно же сему убіену бывъшю 207, и како святЂи ВарварЂ отьць свои убіица бысть. И помышляаше слово премудрааго Соломона: „Правьдьници въ вЂкы живуть, и отъ Господа мьзда имъ и строеніе имъ отъ Вышьняаго”. И о семь словеси тъчію утЂшаашеся и радоваашеся.

Таче бысть вечеръ, и повелЂ нЂти вечерънюю, а самъ вълЂзъ въ шатьръ свои начатъ молитву творити вечерьнюю съ сльзами горькыми и частыимь въздыханіемь и стонаніемь многымь. По сихъ леже съпати и бяше сънъ его въ мнозЂ мысли и въ печали крЂпъцЂ [и тяжьцЂ 216] и страшнЂ: како предатися на страсть, како пострадати и теченіе съконьчати, и вЂру съблюсти, яко да и щадимый *) вЂньць пріиметь отъ рукы Вьседьржителевы. И възбьнувъ рано, видЂ 221, яко годъ есть утрьніи, — бЂ же въ святую недЂлю, — рече къ прозвутеру своему: „Въставъ. начьни заутрьнюю”. Самъ же, обувъ нозЂ свои и умывъ лице свое, начатъ молитися къ Господу Богу.

Посъланніи же пріидоша отъ Святопълка на Льто ночь и подъступиша близъ, и слышаша гласъ страстотьрпьца, поюща псалмы заутрьняя 235; — бяше же ему вЂсть о убіеніи его. — И начатъ пЂти: „Господи, чьто ся умножиша сътужающіи ми 236 и мнозн въстата на мя” **), и прочая псалма 239 до коньца. И начатъ пЂти псалтырь: „Обидоша мя пси мнози и уньци тучьни одьржаша мя” ***); и пакы: „Господи, Боже мои, на тя уповахъ: спаси мя” ****).



207 Такъ въ части Чудов. сп. (D и др.), въ АВ, М и др. Въ Усп. спискЂ послЂ „убіену” видно стертое слово „бывъшю”.

216 Можетъ быть „и тяжьцЂ” не читалось. Его нЂтъ въ ЗСМ и Чудовскихъ DZV.



*) Т. е. „пріуготовленный” по „Матеріаламъ” для словаря И. И. Срезневскаго, т. III, вып. 3, стр. 1607.

**) Псалт. III, 2.

***) Псалт. XXI, 17.

****) Псалт. VII, 2.



Таже по семь канонъ. И коньчавъшю ему утрьнюю, начатъ молитися, зьря къ иконЂ Господьни, рече: „Господи, Исусе Христе, иже симь образъмь явися на земли, изволивы[и] волею пригвоздитися на крьстЂ и пріимъ страсть грЂхъ ради нашихъ, сподоби и мя пріяти страсть!”

И яко услышаше топотъ 248 зълъ окрьстъ шатьра и трьпьтьнъ, и начатъ сльзы испущати отъ очію своею, и глаголааше: Слава ти, Господи, о вьсемь, яко съподобилъ мя еси завистн ради пріяти сію горькую съмьрть и все престрадати любъве ради словесе твоего. Не въсхотЂхъ бо 254 възискати себЂ самъ; ничьто же себЂ изволихъ по апостолу: „любы вьсе тьрпить, всему вЂру емлеть и не ищеть своихъ” *), и пакы: „боязни въ любъви нЂсть; съвьршеная бо любы вънъ отъмещеть боязнь” **). ТЂмь, Владыко, душа моя въ руку Твоею въину, яко закона Твоего не забыхъ; яко Господеви годЂ бысть, тако буди 257. И яко 258 узьрЂста понинъ его и отрокъ, иже служаше ему, и видЂвъша господина своего дряхла и печалію обліяна суща 259, расплакастася зЂло и глаголаста: „Милый господине наю и драгый! Колико благости испълненъ бысть, яко не въсхотЂ противитися брату 261 любъве ради Христовы. а коликы воя дьржа въ руку своею!”

И си рекъша умилыстася. И абіе узьрЂ текущихъ къ шатьру, блистаніе оружія и мечьное оцЂщеніе. И без милости прободено бысть чьстьное и многомилостивое тЂло святого и блаженааго Христова страстотьрпьца Бориса. Насунуша копіи оканьніи: Путьша, Тальць, Еловичь, Ляшько. ВидЂвъ же отрокъ его, вьржеся на тЂло его 270, рекыи: „Да не остану тебе, господине мои драгыи! Да идеже красота тЂла твоего увядаеть, ту и азъ съподобленъ буду животъ свои съконьчати” 273.



248) Это мЂсто было затруднительнымъ для переписчиковъ, которые независимо отъ родства рукописей измЂняли это чтеніе въ: „услыша шепотъ” (какъ въ Усп. сп.). Причиной ошибки, кажется, было неправильное раздЂленіе слоговъ въ слитомъ: „услыша шетопотъ”. Непонятное „шетопотъ” осмыслялось въ „шепотъ”, рЂже въ „услышаше тотъ” (ред. Торж.), или же просто оставлялось безсмысленное: „услыша потъ” (ред. Торж.), „услышаша потъ” (Синод. р.). Означенныя измЂненія происходили въ родственныхъ спискахъ различныхъ редакцій.



*) I. Коринθ. гл. XIII, 5.

**) 1 Іоанн. IV, 18.



Бяше же сь родъмь угринъ, имьньмь Георгій. И бяше възложилъ нань гривьну злату, и бЂ любимъ Борисъмь паче мЂры. И ту же и проньзоша. И яко бысть ураненъ, и искочи изъ шатьра въ оторопЂ. И начаша 280 глаголати стояще округъ его: „Чьто стоите зьряще? Приступивъше, сконьчаимъ повелЂное намъ”. Си слышавъ, блаженыи начатъ молитися и милъ ся имъ дЂяти, глаголя: „Братія моя милая и любимая! Мало ми время отдаите, да понЂ помолюся Богу моему”. И възьрЂвъ на небо съ сльзами и горцЂ въздъхнувъ, начатъ молитися сицими глаголы: „Господи, Боже мои многомилостивый и милостивыи, и премилостиве. Слава ти, яко съподобилъ мя еси убЂжатн отъ прельсти житія сего льстьнаго. Слава ти прещедрыи живодавьче, яко сподоби[лъ] мя труда святыихъ мученикъ! Слава ти, Владыко человЂколюбьче, сподобивыи мя съконьчати хотЂніе сьрдца моего! Слава ти, Христе, мъногому ти милосердію, иже направи на правыи путь мирныи ноги моя тещи къ ТебЂ безъ съблазна! Призьри съ высотн святыя 301 Твоея, вижь болЂзнь сьрдца моего, юже пріяхъ отъ съродьника моего, яко Тебе ради умьрщвяемъ есмь въ сь дьнь. ВъмЂниша мя, яко овча снЂди 305. ВЂси бо Господи мои Ђси] 306, яко не противлюся, ни въ прекы глаголю, а имыи въ руку вься воя отца моего и вься любимыя отцемь моимь, и ничьто же не умыслихъ противу брату моему; онъ же, слико възможе, въздвиже на мя 311. Да «аще бы ми врагъ поносилъ, протьрпЂлъ убо быхъ; аще бы ненавидя[и] мене вельречевалъ, укрылся убо быхъ» 312 *). Нъ ты, Господи, вижь и суди межю мною и межю братъмь моимь, и не постави имъ, Господи, грЂха сего, нъ пріими въ миръ душю мою. Аминь”.

Таче 316 възьрЂвъ къ нимъ умиленама очима и спадъшемь лицьмь, и вьсь сльзами обліявъся рече: „Братіе, приступивъше, сконьчаите служьбу вашю и буди миръ брату моему и вамъ, братіе”.

Да елико слышаху словеса его, отъ сльзъ не можааху ни словесе рещи, отъ страха же и печали горькы и мъногыхъ сльзъ, нъ съ въздыханіемь горькымь жалостьно 322 плакаахуся и къжьдо въ души своеи глаголааше 324: „Увы мнЂ 325, къняже нашь милыи и драгыи и блаженыи, водителю слЂпыимъ, одеже нагымъ, старости жьзле, казателю не наказанымъ! Кто уже си вься исправить?



*) Псалт. LIV, 13.



Како не въсхотЂ славы міра сего, како не въсхотЂ веселитися съ чьстьныими вельможами, како не въсхотЂ величія, еже въ житіи семь. Кто не почюдиться великууму его 333 съмЂренію, кто ли не съмЂриться, оного съмЂреніе видя и слыша?

И абіе усъпе, предавъ душю свою въ руцЂ Бога жива, мЂсяца іулія въ 24 дьнь, преже 9 каландъ а[в]густа.

Избиша же и отрокы многы. Съ Георгія же не могуще съняти гривьны, и отсЂкъше главу, отъвьргоша и кромЂ; да тЂмь и по слЂдь не могоша познати тЂла его.

Блаженааго же Бориса обьртЂвъше въ шатьръ, възложивгше на кола повезоша. И яко быша на бору, начатъ въскланяти святую главу свою. И се увЂдЂвъ Святоплъкъ, пославъ два варяга и прободоста и мечьмь въ сьрдце. И тако съконьчася и въспріятъ неувядаемыи вЂньць. И положиша тЂло его, принесъше Вышегороду у цьркве святааго Василія въ земли погребоша.

И не до сего остави убіиства оканьныи Святопълкъ, нъ и на большая, неистовяся, начатъ простиратися. И яко видЂся желаніе сьрдца своего уже улучивъ, абіе не въспомяну зълааго своего убіиства и многааго си 346 съблажненія, и ни малы понЂ на покаяніе преклонися. Нъ ту абіе въниде въ сьрдце его сотона и начатъ и пострЂкати вящьша и горьша съдЂяти и множаиша убіиства. Глаголааше бо въ души своеи оканьныи 355: „Что сътворю? Аще бо до сьде оставлю дЂло убіиства моего, то дъвоего имамъ чаяти: яко, аще услышать мя братія моя, си варивъше, въздадять ми и горьша сихъ. Аще ли не сице, то да ижденуть мя и буду чюжь престола отца моего и жалость землЂ моея сънЂсть мя, и поношенія поносящиихъ нападуть на мя, и къняженіе мое пріиметь инъ и въ дворЂхъ моихъ не будеть живущааго; зане его же Господь възлюби, а азъ погнахъ и къ болЂзни язву приложихъ. Приложю убо безаконіе къ безаконію 363, обаче и матере моея грЂхъ да не оцЂститъ ми ся 365 и съ правьдьныими не напишюся, нъ да потреблюся отъ книгъ животныхь” 366. Яко же и бысть, еже послЂди съкажемъ; нынЂ же нЂсть время. Нъ на цредълежащее възвратимъся.



366 Сравн. Иларіонъ: „Слово о зак. и благ.” — „Имя.. им же написася въ книгы животныя”, или же въ посланій Поликарпа 1226 г.: „Ихъ же имена вписана суть въ книги животныя”. Книга животная есть перечень именъ умершихъ (главнымъ образомъ на войнЂ) для поминовенія.



И си на умЂ ся положивъ, зълыи съвЂтьникъ дияволь, посла по блаженааго ГлЂба, рекъ: „Приди въ бързЂ, отець зоветь тя, и не съдравить ти вельми”.

Онъ же въ бързЂ, въ малЂ дружинЂ, въсЂдъ на конь, поиде 368. И пришедъ на Вългу. На полЂ потъчеся подъ нимь конь въ ро†и наломи ногу малы. И яко приде Смолиньску и поиде отъ Смолиньска, яко зьрЂимо 375 едино, ста на СмядинЂ въ кораблици. И въ се время пришьла бяаше вЂсть отъ Передъславы къ Ярославу о отьни съмьрти. И присла Ярославъ къ ГлЂбу, река: „Не ходи, брате, отець ти умьрлъ, а братъ ти убіенъ отъ Святопълка”.



375 въ Усп. спискЂ Ъ болЂе поздней рукой переправленъ изъ О; вездЂ „зрЂимо”. По И. И. Срезиевскому „зрЂемо” означаетъ пространство (не глаголъ?) См. Матеріалы для Словаря, т. I. 1013.



И си услышавъ, блаженыи, възни плачьмь горькыимь и печалію сьрдьчьною н сице глаголааше: „О увы мнЂ, господине мои! Отъ двою плачю плачюся и стеню; дъвъю сЂтованію сЂтую и тужю. Увы мнЂ, увы мнЂ! Плачюся 383 по отци; плачю паче, зЂло отъчаяхъся 384 по тебЂ, брате и господине Борисе. Како прободенъ еси, како без милости прочее съмрьти предася! Како не отъ врага, нъ отъ своего брата пагубу въспріялъ еси. Увы мнЂ! Уне бы ми 387 съ тобою умрети неже уединену н усирену отъ тебе въ семь житіи пожити. Азъ мнЂхъ 390 узьрЂти лице твое англьское. Ти се селика туга състиже мя, и унылъ 394 быхъ съ тобою умрети, господине мои. НынЂ же что сътворю азъ, умиленыи, очюженыи отъ твоея доброты и отъ отца моего мъногааго разума? О милыи мои брате и господине! Аще еси уполучилъ дрьзновеніе у Господа, моли о моемь уныніи, да быхъ азъ съподобленъ былъ 393 ту же страсть въспріяти и съ гобою жити, неже въ свЂтЂ семь прельстьнЂмь”.

И сице ему стенющю и плачющюся, и сльзами землю омачающю, приспЂша вънезапу посъланіи отъ Святопълка, зълыя его слугы, немилостивіи кръвопіицЂ, братоненавидьници люти зЂло, сверЂпа звЂри душю имЂюще 404.

Святыи же поиде въ кораблици, и срЂтоша и усть Смядины. И яко узьрЂ я святыи, въздрадовася душею, а они узьрЂвъше, и омрачаахуся и гребяху 411 къ нему. А сь цЂлованія чаяаше отъ нихъ пріяти. И яко быша равьно пловуще, начаша скакати зъліи они въ лодію его, обнажены меча имуще въ рукахъ 414, бльщащася, акы вода.

И абіе вьсЂмъ весла отъ руку испадоша, и вьси отъ страха омьртвЂша. И си видЂвъ блаженыи, разумЂвъ, яко хотять его убити. ВъзьрЂвъ къ нимъ умиленама очима и сльзами лице си умывая, съкрушенъмь сьрдцьмь, съмЂренъмь разумъмь и частыимь въздыханіемь, вьсь сльзами разливаяся, а тЂлъмь утьрпая, жалостьно гласъ испущааше: „Не дЂите мене, братія моя милая и драгая! Не дЂите мене, ничто же вы зъла сътворивъша! Не брезЂте мене 423, братіе и господье, не брезЂте! Кую обиду сътворихъ брату моему и вамъ, братіе и господье мои? Аще ли кая обида, ведЂте мя къ князю вашему, а къ моему брату и господину. Помилуите уности моеЂ, помилуите, господье мои! Вы ми будЂте господие мои, азъ вашь 425 рабъ. Не пожьнете мене, отъ житія не съзьрЂла! Не пожьнЂте класа, не уже съзьрЂвъша, нъ млоко безълобія носяща! Не порЂжете лозы, не до коньца въздрастъша, а плодъ имуща! Молю вьт ся и милъ вы ся дЂю. Убоитеся рекъшааго усты апостольскы: „не дЂти бываите умы, зълобіемь же младеньствуите” *), а умы съвьршени бываите. Азъ, братіе и зълобіемь, и въздрастъмь еще младеньствую. Се нЂсть убіиство, нъ сырорЂзаніе. Чьто зъло сътворихъ, съвЂдЂтельствуите ми, и не жалю си. Аще ли кръви моеЂ насытитися хощете, уже въ руку вы есмь, братіе, и брату моему, а вашему князю. И ни понЂ единого словесе постыдЂшася, ни мыслью преклонишася 440, нъ яко же убо сверЂпіи звЂріе тако въсхытиша его. Онъ же видЂвъ, яка не вънемлють словесъ его, начатъ глаголати сице: „Спасися, милыи мои отче и господине Василіе! Спасися, мати и госпоже моя! Спасися 443, брате Борисе, старЂишино уности моея! Спасися 443, брате и поспЂшителю Ярославе! Спасися и ты, брате и враже, Святопълче! Спаситеся и вы, братіе и дружино! Вьси спаситеся! Уже не имамъ васъ видЂти въ житіи семь, зане разлучаемъ есмь отъ васъ съ нужею”. И глаголааше плачася: „Василіе, Василіе отче мои и господине! Приклони ухо твое и услыши гласъ мои и призьри, и вижь приключьшаяся чаду твоему. Како без вины закалаемъ есмь! Увы мнЂ, увы мнЂ! „Слыши небо и вънушн земле”! И ты, Борисе, брате, услыши гласа моего. Отца моего Василія призъвахъ и не послуша мене.



*) І. Коринθ. XIV, 20.



То ни ты не хощеши мене послушати?! Вижь скърбь сьрдца моего и язву душа моея! Вижь теченіе сльзъ моихъ, яко рЂку! И никто же не вънемлеть ми; нъ ты убо помяни мя и помолися о мнЂ къ обьщему вьсЂхъ 450 ВладыцЂ, яко имЂя дьрзновеніе и престоя у престоля его”.

И начатъ преклонь колЂнЂ молитися сице: „Прещедрыи и препремилостиве Господи! Сльзъ моихъ не премълчи, нъ умилися на мое уныніе. Вижь съкрушеніе сьрдца моего! Се бо закалаемъ есмь, не вЂмь. чьто ради, или за которую обиду не свЂмъ 453. Ты вЂсн, Господи, Господи мои! ВЂмь тя рекъша къ своимъ апостоломъ, яко «за имя мое, мене ради възложать на вы рукы. И предани будете родъмь и другы, и братъ брата предасть на съмьрть. И умьртвять вы имене моего ради» *). И пакы: „въ тьрпЂніи вашемь сътяжите душа ваша” **). Вижь, Господи и суди! Се бо готова есть душа моя предъ тобою, Господи! И тебЂ славу въсылаемъ, Отцю и Сыну и святууму, Духу нынЂ и присно и въ вЂкы вЂкомъ. Аминь”.

Таче възьрЂвъ къ нимъ умиленъмь и изъмълкъшьмь гласъмь 459 рече: „То уже 460 приступльше, сътворите, на неже посълани есте!”

Тъгда оканьным ГорясЂръ повелЂ зарЂзати и въ бързЂ. Поваръ же ГлЂбовъ, именьмь Търчинъ, изьмъ ножь и имъ блаженааго и закла, яко агня 466 безлобливо, мЂсяца септября въ 5 дьнь, въ понедЂльникъ.

И принесеся Господеви жьртва чиста 468 и благовоньна, и възиде въ небесныя обители къ Господу, и узрЂ желаемаго си брата, и въспріяста вЂньца небесныя, его же и въжелЂста. И въздрадовастася радостію 473 неиздреченьною, юже и улучиста.

Оканьніи же они убоицЂ възъвративъшеся, пріидоша 475 къ пославъшюуму я, яко же рече Давидъ: „възвратяться грЂшьници въ адъ и вьси языци 477 забывающіи Бога” ***). И пакы: „оружіе извлекоша грЂшьници, напрягоша лукъ свои заклати нравыя сьрдьцьмь. и оружіе ихъ вънидеть въ сьрдьца [ихъ] и луци ихъ съкрушаться ****), яко грЂшьницн погыбънуть” *****). И яко съказаша Святопълку, яко сътворихомъ повелЂное тобою, и си слышавъ, възнесеся срьдьцьмь, и събысться реченое псалмопЂвьцемь Давидъмь: „чьто ся хвалиши о зълобЂ, сильныи! 481



*) Лук. XXI, 12, 16.

**) Лук. XXI, 19.

***) Псалт. IX, 18.

****) Псалт. XXXVI, 14.

*****) Псалт. XXXV, 20.



Безаконіе въ сь дьнь неправьду умысли языкъ твои. Възлюбилъ еси зълобу паче благостыня, неправьду, неже глаголаати правьду. Възлюбилъ еси вься глаголы потопьныя и языкъ льстивъ Сего ради раздрушить тя Богъ до коньца, въстьргнеть тя и преселить тя отъ села твоего и корень твои отъ земля живущихъ” *).

Убіену же ГлЂбови и иовьржену на пустЂ мЂстЂ межю дъвЂма колодама. И Господь не оставляеть своихъ рабъ, яко же рече Давидъ: „хранить Господь вься кости ихъ, и ни едина отъ нихъ съкрушиться **).

И сему убо стууму лежащю дълго время. Не остави въ невЂдЂніи и небреженіи отинудь пребыти 493, нъ показа: овогда бо видЂша стълпъ огньнъ, овогда свЂщи горящи и пакы пЂнія англьская слышааху мимоходящіи 496 гостіе, ини же ловы дЂюще и пасуще. Си же видяще и слышаще, не бысть памяти ни единому же о възисканіи телесе святаго, донде же Ярославъ, не тьрпя сего зълааго убіиства, движеся на братоубіица оного оканьнааго Святополка, и брани мъногы съ нимь съставивъ; и вьсегда пособіемь Божіемь и поспЂшеніемь святою побЂдивъ, елико брани състави. Оканьныи посрамленъ и побЂженъ възвращаашеся.

Прочее же сь трыслятыи пріиде съ множьствъмь печенЂгъ, и Ярославъ съвъкупивъ воя, изиде противу ему на Льто и ста на мЂстЂ, идеже бЂ убіенъ святый Борисъ. И въздЂвъ руцЂ на небо и рече: „Се кръвь брата моего въпіеть къ ТебЂ, Владыко, яко же и Авелева преже, и ты мьсти его, яко же и на ономь положи стонаніе и трясеніе на братоубіици КаинЂ. Еи, молю Тя, Господи: да въспріиметь 521 противу ***) тому”. И помоливъся рече: „О брата моя! 520 аще и тЂлъмь отсюду 522 отшьла еста, нъ благодатію жива еста и Господеви предъстоита, и молитвою помозЂта ми”.



*) Псалт. LI, 3 — 7.

**) Псалт. XXXIII, 21.

***) Сравн. „И ничьто же умыслихъ противу брату моему”. Въ М, части Чудовскихъ и Синод. спискахъ „прямо тому” (521),


520 Такъ вездЂ, кромЂ АВК. Сравн. Пов. врем. лЂтъ 1019 (6627) г., начало: „Помоливъся рекъ: „О брата моя! аще еста и тЂломь отошла отсюду”...



И си рекъ и поидоша противу собЂ. И покрыша поле льтьское множьствъмь вои и състуапшася въсходящю слънцю, и бысть сЂча зла отинудь. И съступашася трижьды, и бишася чересъ дьнь вьсь и уже къ вечеру одолЂ Ярославъ, а сь оканьныи Святопълкъ побЂже и нападе нань бЂсъ, и раслабЂша кости его, яко не мощи ни на кони сЂдЂти. И несяхуть его на носилЂхъ. И прибЂгоша Берестію съ нимь. Онъ же рече: „ПобЂгнЂте! Осе женуть по насъ!” И посылахуть противу, и не 6Ђ ни гонящааго, ни женущааго въ слЂдъ его. И лежа[въ] въ немощи, въсхопився, глаголаше: „ПобЂгнЂмы! Еще женуть! Охъ мнЂ!” Я не можааше тьрпЂти на единомь мЂстЂ. И пробЂже лядьску землю, гонимъ гнЂвъмь Божіемь. И прибЂже въ пустыню межю чехы и ляхы. И ту испроврьже животъ свои зълЂ. И пріятъ възмьздіе отъ Господа, яко же показаше 532 посъланая нань пагубьная рана. И по съмьрти муку вЂчьную. И тако обою животу лихованъ бысть. И сьде не тъкъмо княженія, нъ и живота гонезе, и тамо не тъкъмо царьствія небеснаго и еще съ ангелы житія погрЂши, нъ и муцЂ и огню предасться. И есть могыла его и до сего дьне и исходить отъ нея смрадъ зълыи на показаніе чловЂкомъ. Да аще кто си сътворить, слыша таковая, си же пріиметь и вящьша сихъ. Яко же Каинъ, не вЂдыи мьсти пріяти, и едину рану 541 прія, а Ламехъ, зане вЂдЂвъ на КаинЂ, тЂмъ же седмьдеситицею мьстися ему.

Така ти суть отъмьстія зълыимъ дЂлателемъ!

Яко же бо Іуліянъ цьсарь, иже мъногы кръви святыихъ мученикъ проліявъ, горькую и нечловЂчьную съмьрть прія: не вЂдомо отъ кого обрЂтенъ 547 бысть копіемь въ сьрдце въдруженъ. Тако и сь бЂгая, не вЂдыися отъ кого зълострастьну съмьрть прія.

И оттолЂ крамола преста въ русьстЂи земли, а Ярославъ прія вьсю власть земля русьскія 551 и начатъ въпрашати о тЂлесьхъ святою, како или кде положена еста. И о святЂмь БорисЂ повЂдаша ему яко ВышегородЂ положенъ есть, а о святЂмь ГлЂбЂ вьси не 552 съвЂдяаху, тъкмо вьси съвЂдяаху, 553 яко СмолиньскЂ убіенъ есть. И тъгда съказаша ему, яже слышаша отъ приходящіихъ отътуду, како видЂша свЂтъ и свЂщЂ въ пустЂ мЂстЂ. И то слышавъ посъла на възисканіе Смолинъску 558 презвутеры, рекыи, яко то есть мои братъ 560. И обрЂтоша и пдеже бЂша видЂли. И шьдъше съ крьсты, съ чьстію 562 многою и въложьше въ корабль и, пришедъше, положиша и ВышегородЂ, идеже лежить и тЂло преблаженааго Бориса. И раскопавъше землю, и тако же положиша и, недоумЂюще, яко же бЂ лЂпо пречьстнЂ.

Се же пречюдьно бысть и дивьно, и памяти достоино! Како и колико лЂтъ лежавъ тЂло святого тоже не врежено пребысть, ни отъ коего же плътоядьца ни бЂаше почьрнЂло, яко обычаи имуть телеса мьртвыхъ, нъ свЂтьло и красьно, и цЂло и благу воню имуще. Тако Богу съхранивъшю своего страстотьрпьца тЂло!

И не вЂдяху мнози ту лежащю святою страстотьрпьцю телесу, нь яко же рече Господь: „не можеть градъ укрытися, врьху горы стоя; ни свЂщЂ въжьгъше спудъмь покрывають, нъ на свЂтилЂ поставляють, да свЂтить тьмьныя *). Тако и сія святая постави свЂтити, въ мірЂ премногыими чюдесы сіяти въ русьстЂи велицЂи странЂ 584, идеже множьство стражющіихъ съпасени бывають: слЂпіи прозирають, хроміи быстрЂе сьрны рищють, сълуціи простьреніе пріемлють.

Нъ или могу вься исповЂдати или съказати творимая чюдесы? По истинЂ, ни вьсь міръ можеть понести, яже дЂються предивьная чюдеса, и паче пЂсъка морьскааго. И не ту едино 592, нъ и по вьсЂмъ странамъ и по вьсЂмъ землямъ преходяща, болЂзни вься и недугы отъгонита, сущихъ въ тьмьницахъ и въ узахъ посЂщающа.

И на мЂстЂхъ 597, идеже мучьничьскыимь вЂньцьмь увязостася, съзьданЂ быста цръкви въ имя ею. Да и ту тако же многа чюдеса посЂщающа съдЂваета.

ТЂмъ же ваю како похвалити не съвЂмъ или чьто рещи недоумЂю и не възмогу. Ангела ли ва нареку, имь же въскорЂ обрЂтаетася близъ скърбящихъ? Нъ плътьскы 605 пожила еста въ чловЂчьствЂ. Цьсаря (и)ли князя проглашаю ваю 608?



*) Матθ. V, 14-15.



605 Опускаю „на земли”, которое не читается во всЂхъ спискахъ (въ томъ числЂ и въ близкихъ къ Успенскому) Чудовской редакціи и въ ред. З и С, которыя сближаются съ Сильвестр. редакціей, родственной Успенской.

606 На томъ же основаніи, что и чтеніе 605, опускаю фразу „человЂка ли ва именую....”, которая читается только въ Успенской и Сильвестровской редакціяхъ. Она нарушаетъ планъ разсказа. Авторъ сравниваетъ святыхъ сначала съ ангелами, далЂе съ князьями, наконецъ, говорить, что они „паче чловЂка убо проста”... Между тЂмъ спорная фраза находится послЂ сравненія съ ангелами, нарушая эту деградацію. Вставка произведена, вЂроятно, подъ впечатлЂніемъ предыдущей фразы (за которой слЂдуетъ вставка): „нъ плътьскы пожила еста въ чловЂчест—. Этой фразой уже указано отношеніе святыхъ къ „человЂкамъ”.



Нъ паче чловЂка убо проста и съмЂрена съмЂреніе бо сътяжала еста, имь же въ высокая мЂста и жилища въселистася.

По истинЂ вы цесаря цесаремъ и князя къняземъ, ибо ваю пособіемь и защищеніемь князи наши противу въстающая дьржавьно побЂжають и ваю помощію хваляться. Бы бо тЂмь и намъ оружіе, земля русьскыя забрала и утвьрженіе и меча обоюду остра, има же дьрзость поганьскую низълагаемъ и дьяволя шатанія въ земли попираемъ. По истинЂ несумьньнЂ рещи възмогу: вы убо небесьная чловЂка еста, земльная ангела, стълпа и утвьрженіе земля нашея. ТЂмь же и пособита 624 по своемь отьчьствЂ, яко же и великіи Димитріи и по своемь отьчьст†рекъ: „аще убо и веселящемъся имь съ ними бЂхъ, тако же и погыбающемъ имъ съ ними умьру”. *) Нъ обаче сіи великыи 629 Димитріи о единомь градЂ сице извЂща, а вы не о единомь бо градЂ, ни о дъву, ни ни о всеи земля русьстЂи. О блажечая [убо] гробо, 632 пріимъши телесе ваю чьстьнЂи, акы съкровище мъногоцЂньно! Блаженая цръкы, въ неи же положенЂ быста рацЂ ваю святЂи, имущи блаженЂи телеси ваю! О Христова угодьника! Блаженъ по истинЂ и высокъ паче всЂхъ градъ русьскыихъ и Вышій-градъ, имыи въ себЂ таковое съкровшце. ему же не тъчьнъ ни вьсь міръ. По истинЂ Вышегородъ наречеся: вышій и превышій городъ всЂхъ. Вторыи Селунь **) явися въ русьстЂи земли, имыи въ себЂ врачьство бесмьздьное, не нашому единому языку тъкъмо подано бысть Богъмь, нъ и вьсеи земли спасеніе. Отъ всЂхъ бо странъ ту приходяще, туне почьреплють ицЂленіе. Яко же и въ святыихъ Евангеліихъ Господь рече святымъ апостоломъ: „туне пріясте, туне и дадиде” ***). О сихъ бо и самъ Господь рече: „вЂруяи въ мя дЂла, яже азъ 645 творю и тъ сътворитъ и больша сихъ 647” ****).



*) Сравн. „Климента епископа похвала святому великомученику Димитрію” по рук. Моск. Син. библ. № 107 (Минея до — Макарьев. періода): „... или спасаемомь имъ, спасенъ буди, или погыбаемыимъ имъ съ ними умру” или ниже тамъ же (л. 352 „Чюдо св. муч. Христова Димитрія, еже видЂ слуга его пришедша къ нему ангелы”): „Яко же веселящимся имъ духовно бЂхъ съ ними; како изгыбнущемь, съ ними умру?”; нЂсколько строкъ ниже: „азъ бо рЂхъ: аще спасающимся имъ и азъ спасенъ буду, и погибающемь имъ съ ними умру”. Также въ рукописи Архива Св. Синода № 1307, л. 120.

**) Сравненіе съ родиной св. муч. Димитрія Солунскаго.


645, 647 Чтенія азъ и сихъ ближе къ цитируемымъ текстамъ.


***) Матθ. X, 8.

****) Іоанн. XIV, 12.



Нъ о блаженая страстотьрпьца Христова, не забываита отьчьства, идеже пожила еста въ телеси, его же всегда посЂтъмь не оставляета. Тако же и въ молитвахъ вьсегда молитася о насъ, Да не придеть на ны зъло и рана да не приступить къ телеси 650 рабъ ваю. Вама бо дана бысть благодать молитися 652 за ны; вы 653 бо далъ есть Богъ о насъ молящася и ходатая къ Богу за ны. ТЂмь же прнбЂгаемъ къ вама, 655 и съ сльзами припадающе, молимъся, да не придеть на ны нога гърдыня и рука грЂшьнича не погубить насъ и вьсяка пагуба да не наидеть на ны. Гладъ и озълобленіе отъ насъ далече отъженЂта и вьсего меча браньна избавита насъ, и усобьныя 652 брани чюжа ны створита и вьсего грЂхъ паденія 656 заступита насъ уповающихъ къ вама. И къ Господу Богу молитву нашю усьрдьно принесЂта. Яко съгрЂшихомъ зЂло и безаконьновахомъ премъного, и бещиньствовахомъ паче мЂры и преизлиха, нъ ваю молитвы надЂющеся къ Спасу възъпіемъ, глаголюще: „Владыко, единый безъ грЂха! Призьри съ небесе святого твоего на насъ убогыхъ! Елма же съгрЂшихомъ — нъ ты оцЂсти, и безаконьновахомъ, — попремЂни *) 671. Яко блудьницю оцЂсти ны и яко мытоимьца оправи!

Да придеть на ны милость Твоя! Да въсканеть на ны чловЂколюбіе твое! И не ослаби **) ны преданомъ быти грЂхы нашими, ни усънути, ни умрети горъкою 674 съмьртію. Нъ искупи ны отъ настоящаго вЂка 675 зла и дажь ны время покаянію, яко многа безаконія наша предъ Тобою, Господи! Сътвори съ нами по милости Твоеи, Господи, яко имя Твое нарицаеться въ насъ! Нъ помилуи ны и ущедри, и заступи молитвами пречьстьною страстотьрпьцю Твоею! И не сътвори насъ въ поносъ, нъ милость Твою излЂи на овьца нажити Твоея, яко Ты еси Богъ нашъ и ТебЂ славу въсылаемъ, Отцю и Сыну и Святууму Духу нынЂ и присно и въ вЂкы вЂкомъ.

Амінь.



655 Можетъ быть, за этимъ читалось: „и вама ся мили дЂемъ”. Это чтеніе находимъ въ Ч(OD)МЗ; его встрЂчаемъ два раза выше во всЂхъ спискахъ Сказанія. Утверждать положительно не рЂшаемся въ виду свидЂтельства остальныхъ списковъ Чудов. редакціи, въ томъ числЂ и списка Златоструя XII в.


*) ВЂроятно, въ смыслЂ: „искупи”. Ср. прЂмЂненіе — искупленіе (αντάλλαγμα). См. Мат. для Слов. И. И. Срезневскаго, т. II, стр, 1671.

**) Т. е. „не допусти”. Матер. для Слов. т. II, стр. 723.









Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.