[Полное собрание русских летописей. — Т. 40. Густынская летопись. — СПб., 2003. — С. 153-169. Приложение I.]

Попередня     Головна     Наступна





ЛЂтописец о первом зачатии и создании святыя обители монастыря Густинского, святыя живоначалныя Троицы, храма общежителного, въ лъто бытия мира 7108 I,А, от воплощения же бога слова въ тысяща шестсотное, месяця мая, пятого дня.

Начинает же ся сице:

Во первыхъ почася монастыръ Густынский общежителный, святая обитель сия, от святыя обители, монастыря Межигорского, за предстателства честного мужа игумена Афанасия и преподобного отца иеросхимонаха Иоасафа, иже бЂ от святыя горы Афонския пришествова, во святые мЂстъца града Киева, пресвятыя Богородица обители чудотворъныя лавры Печеръския, въ ней же чудотворънии, преподобнии и богоноснии отци наши Антоние и Феодосие перъвоначалницы и сожителие бяху, и зъдателие сея святыя обители. Сихъ же святыхъ отцевъ подражатели и наслЂдиики, тоея же святыя Афонския горы въ лЂта тисяча шестсотное пришествоваша от святого Афону блаженный отецъ Афанасие. Скоро точию от святыя Афонския горы пришедъши, сотворши метание преподобному архимандриту глаголя: «Молю святыни вашой, повели ми, да обрящу себЂ во палестыни пресловущаго града Киева, во области преподобия ти пребывалище ко спасенному иноческому житию». Благоволениемъ же и благословениемъ преподобнаго отца архимандрита, молитвами пресвятыя богородица и поспЂшениемъ пресвятаго утЂшителъного духа обрЂте мЂстъце верху града Киева, яко пятнадесяте поприщъ, иже ся нарицаетъ оное мЂстъце Межигорье Б,, обходяше бо блаженный въся холъмы и горы по над В ДнЂпромъ, и не обрЂте таковаго подобна мЂстъца ко уединению, якоже тамо. И начат блаженный Афанасие благоволениемъ божиимъ обиталище себЂ созьщати со своими ему учениками, девяти бо ихъ со собою тогда имЂ, и во многа времена труждахуся, дабы созъдати могли храмъ Преображение господа бога и спаса нашего Иисус Христа. И помалу малу, ощутивъше ихъ благонарочитый от града Киева, и съпособствоваша имъ, и помощию божиею создаша тотъ храмъ Преображения господня, спослушествующимъ же общимъ окрестнымъ градом |л.182об.|и весемъ о блаженномъ, яко зиждет монастыръ благоискуснЂ общее житие.

По малЂ временЂ собрашася братии числом немалым и въся благочиннЂ строяща, видяше же старецъ честный блаженный Иоасафъ, яко умножаются братия, совЂщастася себЂ со отцемъ блаженънымъ игуменомъ Афанасиемъ, како бы и еще расъпространити хваление богу творцу, и не восхотЂ лежати драгоцЂнный камен во гнои лЂностъномъ, но въземъ благословение от блаженного отца и началника своего игумена Афанасия, честный мужъ и старецъ Иоасафъ глаголюще: «Благословение твое, отче, и отцевъ святыя Афонския горы, да будетъ и на томъ святомъ мЂстъцу, идЂже въселюся и начну житие и здание». И рече ему блаженный Афанасие: «Иди, брате, идЂже богъ изволитъ, тамо на тебЂ и мЂстЂ томъ нехай будетъ благословение Святыя горы святыхъ отцевъ. И молитвами пречистыя богородици и преподобныхъ и богоносныхъ отецъ нашихъ Антония и Феодосия Печерскихъ поклонше лица своя на земълю, и взят благословение от отца и началъника своего преподобнаго Афанасия, шествова во пут со двома учениками своими, иеромонахом Евфимиемъ и монахом Генадиемъ, во страны восточные заднЂпръские, во деръжавы и области благороднаго князя Михаила Корыбута Вишневецкого. Обхождаху имъ тогда многия пустыня веръху Удая рЂки даже до устия его, идЂже въшедъшЂ рЂцЂ оной во Сулу рЂку, и паки возвращимся имъ восъпят и обрЂтоша сый островъ, нарыцаемый Густыня, подъ градом Прилукою, еще бо тамо начатся созыдатися градъ Г.



I, А В ркп. дата вписана чернилами вместо зачеркнутой киноварной. Б На левом поле: Межигорье. В В ркп. буква н исправлена из д. Г На правом поле: З Межигоря Иосафъ наипервей пришол до Густыни.



На остро†же семъ сЂдяше москвитинъ единъ пасЂщемъ, зъ Путывъля града мос-/154/ковъского. Въ сей области града Прилуки обрЂтшым же имъ избранное мЂстъце, островъ, зовомъ Густыня, обходящый увес рЂкою Удаемъ. И сЂдши имъ ту на въремя нЂкое, ощутивъше ихъ православъныи христиане и инныхъ множество благонарочитыхъ людей, благодариша богови, яко посЂти ихъ благодатию десницы своея вышняя и не остави ихъ во неизъвЂстъномъ спасении быти: подаяху имъ всякую помощъ и требование на сооружение обители святой. И тогда начаша здати церъковъ малу во имя пресвятыя живоначалныя Троицы, в року 1614.

Пребывающим же имъ во святой обители той, вся своими имъ рукама дЂлающе, во мнозЂмъ трудЂ и подъвизЂ, яко можаху въся находящая недостаточестъсътва теръпЂти, сонискающе себЂ от правовЂрныхъ христиан пищу и одежъду, во оскудЂнии же своемъ всегда благодаряще бога. Видяще же блаженный старецъ Иоасафъ Д, яко помалу малу множахуся братия, и прилЂжнЂе начинахуся труждатися о въсякой вещи. Онъ же въся приходящия уча воли божией и теръпЂния и облачая во образ святый мнишеский, |л.183.|прилагая же им теплоту ко теплотЂ, усердие ко усердию, и въся спЂшашеся имъ благодатиею божиею, и людие ихъ тогда аки аггеловъ земныхъ, радостными душами восприимаху, и дающе имъ неоскудныма рукама вся имъ потребная. Блаженный же отецъ, имЂя тое въ себЂ по вся днЂ во обычаи, что ли начат дЂлати, или ясти и пити, или въ пут ити, всегда глаголаше: «Братие и отци, молитвами Е пречистыя богородицы и благословениемъ святыхъ отецъ святыя Афонския горы, отца нашего Афанасия и началъниковъ наших российскихъ преподобныхъ и богоносныхъ отец нашихъ Анътония и Феодосия Печеръскихъ, ихъ святыми молитъвами, вся да подаст богъ и исъполънитъ и совершит».

Нача же по мнозЂхъ трудЂхъ изънемагати плотию своею блаженный старец игуменъ Иоасафъ, и созъвавъши братию свою и своихъ старцовъ Евфимия и Генадия, поучаше ихъ надолзЂ, и глаголя имъ: «Возълюбленныи мои братия о ХристЂ и ученицы смирения моего, избранныи самЂмъ Христомъ зде на сие святое мЂстъце, молю убо васъ, сохранЂте между собою любовъ, имЂйте прилЂжное попечение о себЂ же и о семъ с[вя]т[ом] мЂстъцу, на немъ же аще и по отходЂ моемъ от васъ возъдвигнет господь богъ многии иночествующии и славящии имя его святое. Вижъду убо, братия мои и отцы, близъкий исходъ душа моея от союза телесного, сего ради жалЂния сердце мое, яже от васъ исполнися, да бысте не пошли во расхищение кождо васъ, и мЂстъце сие святое да бысте не оставили въ запустЂние по смеръти моей и дабы не пришло во въсе конечное от православныхъ христианъ презърЂние. Сего ради молю вас, тщание имЂйте и соболЂзнуйте о семъ, любимицы мои, да бысте не оставали безъ наставъника, учителя и отца. Но скоро идЂте во святую обитель лавъру Печеръскую Киевъскую, таможде обрящете на святой пещеры сожителствующаго благоговЂнна и исъкусна мужа, во всякихъ добродЂтелехъ исправъленна, ему же имя Исаия Ж, шестнадесяте бо лЂтъ яко господеви работаетъ, во въседневъныхъ же молитвахъ и постЂхъ Христови угажъдая. ИздЂтска бо остави родителя своя и бысть мнихъ, и будетъ бо послЂжде зЂлъный ревънитель по благочестии и святителский достыже санъ, и въ здешныхъ бо краяхъ воздвигнетъ богъ многи монастырЂ. Сего, братия моя, умолЂте, да будетъ вамъ во мене мЂсто отецъ, да и подаст вамъ руку помощи ко въсякому строению вашему и ко созыданию обители тоея святыя».



Д На левом поле: Первый игуменъ Иоасафъ Густынский. Е В ркп. слог ми приписан над строкой другим почерком. Ж На левом поле: Исаия Копинский, который потомъ зостал игуменства аръхиепископом, таже и митрополитом Киевъскимъ.



Братия же, слышавъше сия словеса отъ блаженпого старъца и отца своего Иоасафа, умилишася сердцы своими и душа своя наполъниша жалостию. ВоскорЂ отцева повеления послушаше, списавъше харътию, въземше благословение отеческое, идяху ко блаженъному отцу Исайи во святую обитель лавру Печеръскую, и обрЂтъше его тако, |л.183об.|якоже имъ глагола старецъ, давъши же ему харътию, моляху его прилЂжно, да будетъ имъ во отца мЂсто и предстатель. Сый же блаженный отецъ глагола имъ: «Миръ вамъ, отцы и братия. Се азъ зде сЂжу, яко лЂтъ шестнадесяте, во святой сей пещерЂ преподобнаго и богоноснаго отца нашего Антония, и многи труды подъяхъ, и зыдания, якоже и сами видите, возъдвигохъ, и нЂсмъ самъ азъ зъде, но со братиами дванадесятми и вящзше /155/ имЂю под въластию моею. Азъ же есмъ и самъ под властию блаженного отца аръхимандрита и его благоволениемъ, пачеже и благословениемъ зде обрЂтаюся; да идете со мною ко блаженному архимандриту». И возвЂстиша ему о всЂхъ сихъ. Блаженный же архимандритъ не отърицая имъ, но по времени глагола имъ: «Тамо васъ повелЂмъ ему посЂтити и устроити вама въся.»

Пришедшу же времени по праздницы Успения пресвятыя богородици, шествова до ихъ блаженный отецъ Исайя З и доспЂ помощию божиею и благословениемъ преподобнаго архимандрита до монастыря сего новоначатого въ то время. И обрЂте еще блаженнаго старъца Иоасафа игумена въ живыхъ, и похвалиша бога оба со братиами въсЂми, радости исполнишася, и хождаху со собою отцы по острове, везде созырающе его всякия доброличныя красоты. Видя же отецъ блаженъный Исайя мЂстъце красно богоугодно и зЂло прилично на иноческое житие, благоволи о семъ и много со старъцемъ и со въсЂми братиами сматряюще приличнейшого мЂстъца, яже бы основати гдЂ пространнЂйше. Но о семъ не восхотЂша медълЂти, но возъдаша благодарение господеви, начаша основание стЂнъ, таже келия и въторую церковъ теплую, БлаговЂщение, или Рожъдество пресвятой богородици при трапезЂ, и въся иная потребная монастырская зданя, опрятовати благонарочито, со усеръдиемъ зЂлънымъ, тогда братия въся творяху.

Таже блаженный отецъ Исаия мало со братиями въремя закосънЂ, сосовЂтовастася со собою, помол[и]шися господеви и въ томъ въремени, до благородныхъ православъныхъ пановъ со молениемъ въдашася, блаженный отецъ печаръный Исайя и со старцем игуменом Иоасафомъ, и умолиша князя Симеона Лыку и Симеона Свяцъкого, Иоанна БЂлкевича, и прочиихъ благородных пановъ, и Якуба Маръкевича, дабы имъ грамоты дали до князя Михаила Корыбута Вышневецкого. И скоро имъ даша свидителствованъныи и молебныи харътии до князя, абие со тЂмижде грамотами отцы шествоваша ко князю на Волынь. И поспЂшениемъ божиимъ въся получиша, ими тамо желаемая, понеже князь добродЂтеленъ бяше, княгиня же его Раина Могилянка И зЂло благонарочита и благочестива бяше, велми бо любяше слуги Христови, калугери, и тогда въдашася въ духовенство блаженному отцу Исайи. Князь же тогожъде тамо времени всЂхъ задънЂпръскихъ своихъ поповъ вручи во власт отцу Исаии |л.184.|и даде ему на сие хартию свою, и дати повелЂ абие князь отцемъ нашимъ привилея и листы ограниченныи овому мЂстъцу святому, монастирови Густынскому, от областей градскихъ и иныхъ весий тамо окрест сущихъ, дабы монастырови и к грунтомъ его никто от людинъ градскихъ, и поселъных никоея пакосъти не творили отнюд. И пришествоваша оттуду отцеви зъдрави молитвами пресвятыя богородици и честныхъ братии, и нашли цЂлы и миръни. И опочивъше мало що от труду, паки идяху ко князю Лыце до Лубень, имЂша бо до него лист от великого князя Михаила Корыбута, повелЂвающе ему, дабы зъде въся мирънЂ устроилъ, и ограничилъ мЂстъце святое монастыръ. Князь же благочестивый Симеонъ Лыко со Симеономъ Свяцкимъ со зЂлъною радостию сие сотворити потщашася, выехавъши, ограниченье мЂстъца грунтовъ монастыреви сочиниша. Тогъда паче усердия прилагаху себЂ отцы, таже и братия, и множахуся братии честныхъ числомъ немалЂмъ, и прилЂжнЂ зыждаху монастыръ труждателнЂе. Блаженный же отецъ Исайя, въся устроивъши имъ благочиннЂ, моляше блаженного старъца Иоасафа и братии честныхъ о молитву святую, отъиде восвояси на пещерю.

Минувшу же годищу и месяця три по сих, паки зЂло изънемогшу блаженному старъцу Иоасафу, бЂ бо велми старъ. Таже месяця октоврия во 8 день отъиде с таго свЂта, ко господу преселися от братии въ лЂто рождества Христова 1616 Й. Братия же велицЂмъ жалЂниемъ и рыданиемъ сопряташа тЂло блаженънаго отца и погребоша е во церкви одесную олтаря.



З На левом поле: До Густыни пришол Исаия Копинский зъ Печерского монастыря. И На левом поле: Княгиня Раина Могилянка у фундушу, читай назади. Й На правом поле: Игуменъ Иосафъ преставися.



Старецъ же Евфимие, ученикъ его преданый, тогда бЂ на мЂстъцу отца своего преставълъшагося, совЂщасътася со братиею, съкоро течаху въ Киевъ во святую лавърю Печеръскую ко блаженному отцу Исайи на пещерю, паки моляще блаженнаго, да подаст имъ въмЂсто себе игумена, или самъ ко нимъ шествуетъ, да паки по чину устроитъ имъ въся. Онъ же даде имъ пречестного иеросхимо-/156/наха Варълаама и бысть со ними не долго время, блаженнаго бо отца и предстателя печарънаго, глаголю Исайю, со совЂтомъ блаженнаго и преподобнЂйшого Иелисея, архимандрита печаръного, отца Исаию възяша на игуменство Межигорского монастыря. Престави бо ся преподобный отец Афанасие, перъвоначалъникъ Межигоръския святыя обители, въ лЂто 1613, и бысть по нем тамо игумен Гедионъ, яко три лЂта. И нЂкоея ради вины изъвержен бысть оттуду, невомЂстимъ бо бысть братии. И тогда по немъ блаженный отецъ Исайя бысть на том предстателствЂ, глаголю игуменствЂ, во обители святой Межигорской, яко лЂтъ три К, пещерю же оставълъши, жалости въсегда бЂ исполненъ ради трудовъ своихъ инЂмъ постыгъшимъ, и не хотя бо се восприят, яко крЂпъцЂ усилованъ бЂ от старецъ и братии межигорскихъ, пачеже от блаженнаго архимандрита.

За его же тамо предстателства постыже въ нашу землю святЂйший патриархъ Иерусалимъский Феофанъ Л, яко со небесе росою ниспосланъ |л.184об.|бысть от Московския земля. Идущу бо святЂйшому патриарху от Путивъля, опочиваше въ сей святой обители, монастырю Густынскомъ, и благословение свое пастырское гроба Господня въ тое въремя далъ мЂстъцу тому святому. И отсюду идяше святЂйшый патриархъ во святый град Киевъ. Провождаху бо его множество воинъ козаковъ, гетманъ Сагайдачный Петръ, мужъ зЂло воинствен бяше и страшенъ бЂ врагомъ въсЂмъ. И поставиша святЂйшого отца патриарху во братс[т]†церк†святыхъ Богоявлений, средЂ града Киевъского, и обточиша его стражъбою, аки пчелы матицу свою. Тако святЂйшого отца и пастыря овцы словесныи от волъковъ противъныхъ стрежаху. Бяше же святЂйшый патриархъ во святомъ градЂ Кие†мало нЂчто отъ годища року 1621 М. СотЂкаху же ся ко нему православъны от всЂхъ странъ благословения ради. Блаженъный же отецъ Исайя, игумен тогда святыя обители Межигорския, самъ въремени того закоснЂ зде пришествовати въ сей монастыръ святыя обители Густынския, радостенъ же бяше посЂщения ради святЂйшого патриархи, обаче со совЂтомъ общимъ въсЂхъ о ХристЂ братии межигоръскихъ, послаша честного во иеромонасех господина отца Коментария на игуменство монастырю Густынскому.

И сей токмо рокъ бысть на игуменствЂ, паки идет во Межигорскую святую обитель повелениемъ блаженного отца Исайи. По немъ же четверътого Никифора, такожде иеросхимонаха, посылает отецъ. И сый два роки пребысть, и паки во святой обители Межигоръской преставися. По немъ же пятый Евфимие, иже и зъде бысть намЂсникъ по старъцу блаженном ИоасафЂ. И сый мало что бысть, и отъиде во скитъ, нарицаемый Подгоръский, во веси Ладинской, иже отстоитъ от святыя обители яко 10 веръстъ, и днесь тамо жителствуютъ инокинЂ. Блаженный же отецъ Исаия не имяше отнюдъ времени самъ ити, дабы посЂтилъ сию святую обитель въ таковЂмъ сущом нестроении, по паки въторицею посылаетъ пречестного иеросхимонаха Н Варълаама на предстателство. БЂ бо сей Варълаамъ тамо во святой обители Межигоръской намЂсникомъ у блаженнаго отца игумена Исайи.

Въ том же времени блаженный отецъ от святЂйшого патриархи поставъленъ бысть на епископство. Сему же дЂлание бысть во святомъ градЂ КиевЂ, въ братст†церкви святыхъ Богоявълений, въ року 1622-м, со совЂтомъ бо многихъ и благочестивыхъ пановъ шляхецкого рода и въсЂхъ посполитых христианъ, а найпаче же гетмана войска Запорозского Петра Сагайдачного, и множество от всЂхъ краинъ, Волынскихъ, Подолскихъ, Подъгоръскихъ, Покутскихъ, Подляскихъ, князства Литовского, и украинъскихъ благочестивыхъ, такъ духовъныхъ, яко и свЂцкихъ, много бо бяху тогда дивъныхъ и неисповЂдимыхъ гаданий и совЂтовъ не токмо въ духовъныхъ, но и въ свЂцкихъ. Тогда же и земля траслася О въ неделю о нешпоръной годинЂ. Моляху же святЂйшого патриарху |л.185.|всЂ благочестивыи, да имъ оставитъ святыню, да посвятитъ имъ епископи. СвятЂйший патриархъ возъбраняшеся имъ того, бояху бо ся краля и Ляховъ.



К На правом поле: Исаия Копинский три лЂта игуменом у МежигорЂ былъ. Л На левом поле: Патриарха святЂйший Иерусалимский въ ГустынЂ былъ. М В ркп. последние две цифры в дате приписаны другим почерком. Н В ркп. слог схи приписан над словом другим почерком. О На левом поле: Земля траслася.



Таже святЂйшого патриарху възяша на рамена и опеку свою благочестивое войско, гетманъ, глаголемый Петръ Сагайдачный; изъбраша бо на метрополию Киевскую, блаженной памяти честнаго и блаженъного мужа Иова Борецкого, игу- /157/мена монастыря святого архистратига Михаила Золотоверъхого, церкве над Киевомъ. Блаженнаго же отца Исайю П посвятиша на Премыское епископство, въ четвертокъ въ нощи, въ року 1622-м, месяця октоврия во шестый день. Блажепного же отца Иова Борецкого въ неделю по немъ тогожъ месяця во девятый день. И благодатию Христовою утЂшишася въсЂ благочестивыи, видяще святыню отновълъшуюся. Послышаша же о семъ вилняне, прийдоша до святЂйшого отца патриархи со зЂлънымъ молениемъ и со велиими дары, да и онымъ подаст святыню отновъления. Возъбраняшеся многажъды святЂйшый отецъ, но молениемъ сих святителей и благородныхъ тоя земля Литовъския пановъ и въсЂхъ нарочитыхъ тамошныхъ христианъ и обывателевъ, сотвори имъ се. Посвяти имъ сего, его же они сами себЂ изъволиша и изъбраша, Мелетия Смотрицкого Р, во осмъ недель по сихъ святителехъ. И тогда при посвящению его знамение бысть отступству его от благочестия. Вънегда даша ему евангелие чести, случи же ся ему сие зачало: яко идяше Иисус съквозЂ сЂяния и ученицы его восторъгаху класы, и чътуще зъ рукъ выпустил евангелие. СвятЂйшый же отецъ патриархъ усумнЂся зЂло о семъ, и глагола ко симъ тремъ святителемъ, метрополиту Иову, епископу Исайи, епископу Авраамию: «Видите, — рече, — что се естъ, не долго сему со вами быти, воскорЂ бо будетъ зЂло велий противъникъ церкви Христовой восточного православия». Тако и собыстся во недолземъ временЂ. По сихъ же святЂйшый патриархъ идяше от Киева со зЂлънымъ множеством народа и духовенъствъ и сии святители его со многою радостию, и со войскомъ гетманъ Петръ Сагайдачный провождаху до Терехтимировъского монастыря. И тамо время невеликое пребысть, и посвятивъ Иосифа Коръцевича, игумена тамошъняго, такожде на епископство Владымерское и Берестейское, и оттуду идяше во путь со множеством войска, яко три тысяща самых козаковъ со гетманомъ Сагайдачным, кромЂ иныхъ шляхецкого и духовъного рода, и опочи въ БЂлой Церъкви, градЂ кролевъскомъ, днЂй четыри. И ту посвяти честнаго мужа Исаакия Борискевича зъ Волынскихъ краювъ на епископство Луцкое и Острозское С. И паки идяху во пут свой, и достигоша до благочестивого князя Стефана Четверътенского, до града его, глаголемого Животова. И тамо три днЂ опочиша, бЂ бо зима зЂло люта, и зде пости на епископство Хелъмское честного мужа |л.185об.|Паисия Ипполитовича. И оттуду паки яшася пут[е]шествия своего со въсЂми тЂми святителъми. И опровождаху его до града, глаголемог[о] Буша, а оттуду възяша его Волохи до Ясъ, града своего столечного таможде. И гды роставахуся православъныи, такъ епископы и преосвященный митрополитъ, гетманъ и все войско, тяжестного зЂло ляменту и плачу, святЂйший отецъ жекгнанемъ своимъ въсЂхъ сердца исполнилъ. Яко немал, кгды Христос возънесениемъ своимъ въ небо учениковъ своихъ, такъ и тамо великой жалости было, поучаше бо тогда святителей своихъ содеръжатися истиннаго благочестия, смирения и любве, скоръбей же и гонения со въсякою покорою преносити. Такожъде и въсе благочестивое воинъство благословъляше, ставъше на торъжищи посредЂ града, всЂмъ во слух глаголаше имъ со зЂлънымъ усеръдиемъ поучение, таже молитвы прощателныи и раздрЂшателные, преклонъшымъ имъ въсЂмъ главы своя ницъ на землю. Посемъ увЂщавая ихъ, дабы от того времени не ходили на Москву на родъ хрестианъский бранию. Рече имъ: «Аще презрите мое прошение, истребитъ васъ богъ, но не дерзайте сея злости творити вЂрънымъ христианомъ». Они же обЂщахуся, но не сохраниша сего, яко же обЂщали бяху. По сихъ же сихъ въсЂхъ, кожъдо восвояси уклонишася, по прощению от святЂйшого отца патриархи блаженныи святителие наши и митрополитъ возъвратишася абие во Киевъ со тЂмъ же войскомъ запорозскимъ. А блаженный отецъ Исайя на Волынь, и тамо нЂчто мало замедлЂвъ о нЂкоихъ ему требованиихъ, и паки возъвративъшися восвояси до Киева.



П На правом поле: Михайловског[о] игумена метрополитомъ учинено Киевъским, а Исаию епископомъ Премыским року 1622. Р На левом поле: До Вилня Мелетия Смотрицког[о] епископомъ посвятилъ. Здесь же помета другим почерком; NB. С На левом поле: Терехтимировъского игумена по святив на епископство Володымерское и Берестейское, а въ БЂлой Церькви по святи въ Исаакия на епископство Луцъкое.



И приЂхавъши, ста во дворЂ монастыря своего Межигорского, таже бо тамо братия въсегда жителствуютъ, стрегуще подвория своего монастырского. И сии, увидивъше отца святителя своего игумена, радовахуся о немъ и возъвЂстиша отцу, глаголюще: «Разъвращение зЂлъное днесь во мо-/158/настырю недавъно показася. Гедиона давъняго за игумена себЂ восприяли. Тебе же, отче святый, глаголютъ, яко епископъ не можетъ быти намъ игуменъ, и пустити тя не изъволяютъ до монастыря». Блаженный же отнюдъ сего ради не опечалися, но рекъ: «Буди богъ благословенъ». И въ заутрие идяше до нихъ до монастыря. Они же аки гостя прияша. Обаче даде имъ свое святителское благословение симъ, иже быша его достойны. А иже недостойны бяху, сии въсЂ уклонишася вонъ изъ монастыря и влачахуся во окрестныхъ монастырехъ киевъских, глаголюще злыя совЂты и разъдоры на блаженного отца, не восхотЂша бо благословения, и удалися отъ нихъ.

Бяше же расколу и зЂлъного мятежу яко годище, и шумъ злыхъ буръливостей не утоляшеся, но паче ярости огнь воспаляшеся. |л.186.|Восташа же на блаженного въсЂ аки лъвы, рыкающе от всЂхъ странъ, противъницы въкупЂ водворяющеся. Видя же се блаженный отецъ и смиренный святитель, яко ничтоже успЂваше, но паче молва растяше, возъвергъ на господа печаль свою, и препита его десница вышняго. Созъва до себе своихъ си учениковъ и рукополагателей, умилно глагола имъ, како воскорЂ господа от своихъ его людей поругание постыже, тако, рече: «И мене от моих братий днесь уничижение. ЗрЂте, богъ имъ да будетъ судия». И повЂдаше братии, како ему при посвящении евангелие случися сие: «Марфа, Марфа, печешися и молъвиши о мнозЂ, едино же естъ ти на потребу». Сия рекъ, возъдх[н]увъши, прослезися и, благодаря бога, яко воскорЂ на том святителскомъ степенЂ искушение подъять, рече паки братии своей: «Отцы и братия, въземъше благословение, идЂте со миром за ДнЂпръ до святыя обители монастыре Густынского, тамо мя дванадесятого дня сподЂвайтеся. ВЂрю бо господеви, яко не оставитъ насъ, на малЂ тамъ живи будемъ, яко зъде на велицЂмъ». И вземше братия благословение, наутрие абие идяху, числом ихъ двадесять и шесть Т, а сим межигоръскимъ отвЂща: «Господие отцы и братия, чи ли азъ васъ опечалихъ, или святую обитель отяготихъ, не скорбЂте на мя, но сподобЂте мя прощения, и азъ васъ прощаю, жиите со миромъ. Азъ не хотЂхъ до васъ, да бысте мя прияли. Вы же мя исторъгосте от жития моег[о] и възясте мя собЂ за предстателя, днесь же отмещете мя, тако вам богъ».Они же рыдания зЂлъного исполнишася, начаша его молити, глаголюще: «Яко не вЂмы сего, токмо зде ихъ шесть сие творятъ, и хотяху их сами бЂдЂ яковой предати». Но блаженный имъ сего возъбрани, да имъ зла никоего не сотворятъ.

По сихъ же во третий день, давъши имъ мир и благословение, оставъль ихъ, идяше за ДнЂпръ, въземъши благословение от блаженного митрополита Иова Борецъкого. Въ року 1624-мъ, месяця септевърия во 21 день приспЂ во сию святую обитель Густынскую святыя живоначалныя Троици У, иже бо бяше отдавъна под властию его. И ту въсЂхъ братии своихъ здравыхъ и миръныхъ обрЂте, возрадовася самъ и братия, яко во свое имъ гнЂзЂдение пришедъшымъ. И ту поживе со ними полъмЂсяца, строяше имъ въся благая, бЂ бо тогъда любимъ сый, яко отецъ чадомъ своим, такожъде и отцу чада его. И къто исповЂсть, якова тогда любовъ растяше братии до отца и до мЂстъца сего святого. Посемъ же совЂтовастася зъ братиею, еже о церкви великой, зъдати ея. ПовелЂ же отецъ братии, да быша древо наготовали зимЂ. И взяша на сие дЂло у отца благословение, и горячою охотою |л.186об.|сие творити обЂщахуся. Посемъ же отецъ остави имъ игумена Филарета Ф, мужа искусна и честъна, самъ же отъиде до Лубенъ.



Т На левом поле: 26. У На левом поле: Братия зъ Межигоря зъ епископомъ Копинскимъ Исаиею въ Густыню пришли року 1624. Ф На правом поле: Исаия епископъ до ГустынЂ приЂхалъ и Филарета игуменом поставил, бо подъ властию его здавна Густыня бывала.



И тамо такожде со хрестолюбивыми гражданы совЂтовася, и обрЂте мЂстьце такожде красное на монастыръ, и радостны въсЂ бяху въкупЂ граждане. Якоже тогда еще бяху войсковые люди благочестивые, въсЂ за сие лЂпотънЂ възяшася, и зЂло святителя честно величаху, яко прилежитъ о спасении ихъ. И абие списавъше грамоты, послаху ко князю Констанътию Корибуту Вишневецъкому, моляще его о позволение и привилеи. Не отрыцаше же князь ничто сопротивно, бЂ бо знааше отца зъдавъна. Посланыи же желаемое получше, принесоша отцу. И радовахуся въсь таковой благодати божой и княжой, яко въся поспЂшествуютъся ко созданию во благое. И абие отец начать на томъ мЂстъцу молитвы и моления. И водосвятие сотворше, и обвЂстиша во церкви христианомъ, /159/ и благодариша богови, яко и онЂхъ посЂти спасителнымъ си посЂщениемъ. Начат же во перъвыхъ самъ отецъ своима рукама пещерю рити, и оцыщаху хврастие на созъдание келии. Нача же ся здати обитель святая Мгарский монастыръ въ року 1624-мъ Х. И остави тамо блаженный епископъ Исаия Копинъский братию, иеромонаха Феодосия, иеромонаха Харламъпия, монаха Севастиана, економа монаха Афанасия, монаха Серафиона, монаха Иезекииля, монаха Доментиана, монаха Иоиля, которыхъ з братии монастыря Густынского за благословениемъ отца епископа послали до новозачато[й] обители, давъши имъ за благословениемъ отца въся потребная ко служению церковъному до монастыря Мгарского, апъперата свещенные и книги до всего набоженъства, при которыхъ плугъ воловъ зо въсею снастю, якъ орати и з челядю, овецъ полътораста. Такъже сыром, масломъ, абы тылко вЂсть потребную, ощо там оскудно было дали, посылали зъ обители святой Густынскои, такъ тежъ и хлЂбомъ, мяновите зимного часу, пшеницы стырту перевозили до тоижъ святой обители Мгарской. Тамо же въ той святой обители блаженъный отецъ епископъ, въся добрЂ устроивъши, самъ возъвратися въ Ладинский скитокъ, идЂже честный старецъ Евфимий, ученикъ блаженного отца Иоасафа, бяше тамо жителствующе, и такожде своима си рукама, со послушникомъ своимъ, Генадиемъ, пещерю сотворили. Того же времени преставися Генадий Ц, и тамо даже и доднесь во пещерЂ мощи его лежатъ. И ту, въ томъ съкитЂ, блаженъный отецъ епископъ самъ сЂде |л.187.| жителствовати со своим ему причтомъ, и такожде начат здати келии и иная потребная.

И оставлъши себЂ намЂсника зъде, во скиту оном, нЂякогос[ь] Афанасия, самъ же идяше паки до Густынской святой обители Ч, и совЂщася зъ братиами о заложении великия церъкве, видяше бо въся ко созыданию требования готова бяху. Сотворъ же блаженный святитель благословение и водрузи крестъ, и начаша основание и зъдание месяця мая во 3 день, на память преподобного и богоноснаго отца нашего Феодосия, общему житию началника въ Русии, и въ той же день святыхъ мученикъ Тимофея и Маври, въ року 1625. БЂ же въ то время во святой лавърЂ Печарской архимандритъ Захария Копистенский. Благодатию же Христовою начаша спЂшно зъдати, а ветхую разъдрушивъши Ш, и до Ладинского монасътырка тогожъде времени абие поставиша еи. И бысть тамо многое время, дондеже игуменъ Мефодие на том мЂстъцу великую новую созда по смерти святителя и по смеръти сестры его, игумении Александры. А тую церковъ даша на третие мЂстъце, до веси, тамо близу сущей, яже глаголютъ Подыща, которую по многихъ временехъ Татаре съпалили.

Сию же церковъ святой живоначалной Троици во святой сей обители Густынской посъпЂшениемъ пресвятаго утЂшителного Паракълита созъдаша зЂло красъну, со въсякимъ зуграфъскимъ украшениемъ, единого року; всякою бо лЂпотою утваръ ей даша от основания даже и до веръха. Игуменъ же тогда бысть, егда начаша здати церковъ, именемъ Иовъ, въсяко тъщание имияше прилежъное о созыдании ея. Отецъ же нашъ блаженный святитель въсегда зЂло тружъдаяся, язъдяше и назыраше прилЂжно, не точию въ сей святой обители Густынской печалуя, но и въ Ладынъском монастырю, и въ Лубняхъ на Мгарской обители. На Мгарю веси въсе сие единого времени зиждашеся, въседушъно бо пекийся о въсЂхъ, моля господа о поспЂшение. Честнаго старца иеросхимонаха Василия и отца Филарета постави ихъ у Мгарскомъ монастырЂ. Посихъ, яко начаху здати церковъ святой живоначалной Троицы, и посвяти ея блаженный отецъ епископъ, съкоро токмо совершиша ю, и се воистину тогда чудо собыстся. Когда хотяху ея святити, забыша взяти зъ Ладина каменя алябастру, ибо въсегда тое святитель со собою имиаше, а на тое время не случися имЂти забытиемъ. На нЂкую же потребу начаху копати за монастырем земълю и обрЂтоша камень алябастръ. Посланный же прибЂже, принес тотъ камен здеже сугубЂйше красънЂйшый обрЂтеся. Божиимъ маниемъ поистинЂ сие бысть, и благодариша святитель и въсЂ братия бога, Щ сие давъшаго имъ Щ, и безъ въсякого смятения освятиша храм святый новосозданный, на хвалу и честь всемогущому,



Х На левом поле: Мгарский монастыръ зъ Густынского якъ давъно. Ц В ркп. к этому слову на левом поле сделана помета другим почерком: Евфимий. Ч На левом поле: Исаия Копинский ктиторъ Густынский и Мгарский, и Ладинский. Ш На левом поле: На старом монастырю тую церков що зъгорЂла. Щ—Щ В ркп. эти слова написаны дважды, причем во втором случае они заключены в круглые скобки. /160/



во святой троицы единому богу. И утЂшение всЂмъ о ХристЂ братиямъ тогда бысть. Сие же святитель сотворивъши, даст благословение братии и въ новосозданномъ храмЂ повелЂ 12 литургий |л.187об.|совершити.

Самъ же святитель паки идяше въ Ладинский монастыръ, тамо бо найпаче жителствовати обыче на уединении, не хотяше бо ни въ чесомъ братии отягочати съвоим си клиром и самъ собою. Посем же по малЂ времени, шествуя на Мгарский монастыръ, и тамо такожде основаша церковъ Ъ, и крестъ водрузивъше, начаша здати храмъ Преображение господа нашего Иисус Христа, въ року 1628-м, месяця июня во 8 день. И помощию божиею совершиша ю зЂло красну, и такожъде освяти ю святитель по малЂ времени созъдания ея, и восхвалиша бога всЂ о таковой благодати его.

Таже святитель, за молениемъ братии сея святыя обители Густынския, постави имъ игуменомъ честного и зЂло богорачителного мужа иеромонаха Феодосия. Блаженный же отецъ бЂ богоугодный муж, нъравомъ кротокъ и любимъ бысть въсЂми братиами, и въсЂхъ онъ аки отецъ милуя равънЂ, и велъми духовенъ бЂ, и исправъленъ во въсЂхъ исправъленияхъ своихъ, душевъныхъ, глаголю, и тЂлесъныхъ. Блаженный же отецъ святитель любяше его, яко хитрецъ бЂ и красный художникъ, златоковач, и възят его от сея святыя обители близу себе сожителства своего на Мгаре, бяше бо игуменом полтора годища на сей святой обители. И не хотяху братия его от себе пустити, но не возъмогоша противитися власти святителя своего и отца, пустиша его велиею жалостию. ПриспЂ же блаженный до отца своего святителя, мняше ослабу получити от одержащихъ его бЂдъствований. Но никакоже се возмогъ одолЂти по велЂнию отчю, сотвори бо его игуменомъ на Мгарстемъ монастырЂ, и бысть время немало, аще и не изъволяющу ему. Молящу же ему святителя многащи, да свободитъ его от того предстателства, и не изволи отецъ никакоже. Но судбами божиими на томъ предстателст†и преставися ко богу своему въ року 1630-мъ Ы. Зде же во святой обители Густынской по немъ постави отецъ игуменомъ честнаго мужа Исаию Ь. И бысть годище и полъ, и смиреннЂ въся кротостию исправъляя, якоже бо бЂ тихъ, кротокъ нъравом и не озлобляше никогоже. Таже нЂкоторымъ судом божиимъ паки от святителя поставъленъ бысть Иовъ на сие предстателство сея святыя обители Густынския. Посемъ блаженный святитель Исаия, по представълении великого во святителех метрополита Киевского, блаженного Иова Борецкого, в року 1633-м возъведенъ бысть на метрополию Киевъскую. И сЂдяше на митрополиЂ яко д†лЂтЂ со въсякимъ бЂдъствованиемъ, и остави престол судомъ нЂкиимъ божиимъ, понеже изънемоглъ бЂ старостию.



Ъ На левом поле: На МгарЂ зиждут церковь. Далее приписано другим почерком: Которая стояла лет 56, аж до мурованой, которую начат здати гетман Иоан Самойлович року 1684; отсели Мгарю лЂтъ 60, а ГустынЂ 84. Ы На левом поле: Феодосий Зълатарь игуменъ Мгарский зъ ГустынЂ преставился. Ь На левом поле: Исаия, ктиторъ и аръхимандрит Густинский, митрополитомъ зосталъ. Э На правом поле: Монастыръ старый згоръвъ року 1636.



По немъ осЂде престолъ благочестивый и зЂло нарочитъ мужъ, блаженный Петръ Могила, архимандритъ Печарский, въ року 1636-м, и начатъ властителствовати богоугоднЂ, |л.188.|святолЂпнЂ бодрый пастыръ о благочестии святомъ и зъданию церквий. И сый блаженный святитель Петръ Могила постави обители нашой Густынской игумена Иринарху. Тогожъ року 1636, за его предстателства, допущениемъ божиимъ, за грЂхи наши, церъковъ оная божия со въсею окрасою и лЂпотою своею, средЂ бЂлого дня согорЂ въся даже до основания Э. Такожде и трапеза новая бяше со теплою церковию и келии новыи, иже созъданы бяху за предстателства и игуменства блаженного мужа отца Феодосия, и иная въся здания монастырская истощися и согорЂ. И лютЂ плачу и серъдечной болЂзъни въсЂмъ тогъда бысть; не точию братии самой, но и народу хрестианскому, окрест зде жителствующему. Плачъ ихъ зЂлъный въсЂхъ объять, но обаче въся сия милости и милосеръдию божию оставиша, и мЂстце оное сожегъшееся оградою основаша, дабы не вовъся запустЂния жалоснЂйшая осташа. Крест же водрожше на бывъшее мЂстъце престола, во зънамение общее въсЂмъ и да паки аще богъ изволитъ, храмъ нЂкий созданъ быти можетъ. По сихъ же смятенияхъ, паки въ року 1637-м, по сожжении тоя святыя обители, начаша во иномъ высочайшомъ мЂстъцу, недалече от того сожегъшагося. Тотъ же игуменъ Иринархъ совЂщася со братиами своими основати /161/ ограду зЂло велию монастыря на прежнем мЂстъцу и основании, идЂже прежде повелЂлъ бяше отецъ святый епископъ Исайя и блаженный игуменъ Иоасафъ прежъде зачатия тоя церкве зижъдения, над рЂкою, близу бывъшаго поду, яже ко веси боръшной путь естъ. Но братия тогда упорънЂ не восхотЂша и не послушаша повелЂний отчиихъ. И по жестосердию ихъ отцы имъ попустиша воли ихъ быти. Се воистинну зЂло удивителнЂ сие дЂло, идЂже отча тогда благословения не бЂ, сие богъ въ недолъзЂ времени разори. Но не свЂмъ и азъ истиннЂ, сея ли ради вины, или грЂхъ ради и преступления, о семъ буди воля господня. И на том основании, в лЂто 1638, создаша церковъ теплую Успения пресвятои Богородицы и при ней трапезу со келарънею и со прочиими требовании. Таже и келии по обону страну и дзъвонницу старого монастыря, зде пренесше ю, ея же богъ сохранилъ естъ тогда от огъня, ту ю поставиша Ю.

Живущим же имъ время нЂкое немало во въсемъ благочинно и искусно, помалу малу то сие, то оное зыждаху, якоже бЂ глаголитися: днесь время, миръ и тишина. Тогда попусти богъ въ землЂ гнЂвъ свой, си естъ межъдособную рать. Восташа бо Ляхи на родъ росийский, глаголемыхъ козаковъ, и зЂлъную брань творяху едны другимъ. ПоистиннЂ бо тогда исполняхуся евангельскии Я слова, глаголемыи Я: «Востанетъ братъ на брата». Тако се и собыстся, нещадно бо рЂзаху мечи своими благочестивых и невинныхъ человекъ, а найпаче же вооружи ихъ сатана на иноческий |л.188об.|родъ, глаголаша во въсЂ, яко калугоры исполняютъ козакомъ своимъ порохи. И яряхуся зЂло, и много пострадаша братия тоя святыя обители, монастыря Мгарского. Си бысть и на смерть самодесятъ осужден бысть, и въсЂ братия тогда готовяхуся на невинную смерть. Тогда же игумена старца Калистрата възяша и провождаху до ляшеского обозу пред гетмана, и тамо ихъ испытоваху, и ложныи свЂдителства глаголюще, сташа и крЂпляхуся на нихъ, яко тако естъ истинна. Блаженный же старецъ игуменъ, со тЂми десятию братиею, стояше на судищи, горестными сердцы до бога въ невинности своей возваша. И абие услыша ихъ господь и обрати болЂзъненную ихъ ложъ на главу ихъ, и разъмЂсишася языцы ихъ во неправъду ихъ. И сице смотрением божиимъ, невиности ихъ ради, свобождены бяху от смерти молитвами пречистыя богородица. Такожъде и оставлшихъ братии во монастырю, и горъкими слезами на небо до бога вопиющих о отци своемъ и о невинныхъ братияхъ своихъ. Зъде же въ сей святой обители нашой Густынской игумен тогда бысть старецъ Василие и тотъ же Иринарха проигуменъ II,А возъмятошася со братиами своими страха ради заочесного. Такожде и въ монастырю Ладинскомъ игуменъ Мефодие со инокинями своими, послышавше сия, яже тамо мгарстии калугеры и игуменъ сие бЂдъствование страждутъ, убояшася зЂло, страх бо ихъ велий тогда объять. Мняху, якоже и имъ сия бЂда имат быти, и совЂтъ себЂ даша неразсмотрителный и легкосеръдный, ужасти исполняхуся, еще же никимъ гоними тогда бяху. И убояшася страха, идЂже не бъ страха, но яко трость от вЂтру невЂрыемъ и малодушиемъ возъшумЂша, и восколЂбахуся, аки пьяный, и безъ разъсмотрения воскорЂ въдашася пути бЂгства въ чужую землю Московъскую, вся зде пусто оставиша. И изълупиша храмы церъквий и въся вънутръняя и внЂшняя монастырская, аки вънЂ ума бяху изумлены, въся разъграбиша и ни во что же обратиша злонъравиемъ своимъ Б. И бЂжущим же имъ до Путивъля, града московскаго, много зла пострадали, и имЂние имъ въсе от[ъ]ято бысть, и вся церковъная хранилища, яже со собою възяли быша, си есть апъперата иерейская и диаконския, и иная въся утваръ церковъная, сребра, кресты, кадилници, книги и вся прочая, во зълое расхищение рукам ляшескимъ и невЂрнымъ Жидом осташа. Ох, ох, увы безумия и неразсмотрения ихъ; горъко, болЂзненно и жалосно сердца въсЂхъ вЂрныхъ, не точию святителя своего пастыря, глаголю отца метрополита, таже и ктиторовъ тоея святыя обители, мяновите князя, но и прочиихъ окрестныхъ христианъ въсЂхъ православъныхъ плача сердца исполненъны бяху, видяще ихъ сицевое безумие и нетеръпение. И многимъ правовЂрнымъ, даже и доднесь сердца и любве до нас, ихъ ради злаг[о] поступку, милост оскудЂна естъ, яже до мЂстъца сего святаго.



Ю На правом поле: Перенесли монастыръ на сее мЂстъце року 1637. Трапеза якъ давъна стала. Я—Я В ркп. эти слова ошибочно повторены.

II, А На левом поле: Василий игуменъ и Иринарха про игуменъ пошли зовсьмъ у Москву. Б На левом поле: ЗапустЂв монастыръ Густынский. /162/



Но сие все |л.189.|милости Христовой оставълъше и утЂшивъши жалостыое сердце, о семъ паче начну глаголати, яко по изъбЂжании ихъ пусто бяше мЂстъце святое, обитель сия, не мню яко вящше годища, никого же бЂ на немъ от человЂкъ. Зижъдания аки столпы травами и хмизиною зарастоша, островъ же въ весь гражъдане пустошаху, и утЂшашеся В симъ врагъ въселукавый Г, яко и явъственнЂ реготаху на дзвонницы и по храминахъ. Таже и всЂ противъницы вЂры Христовой зЂло радовахуся сихъ безумию Д и запустЂнию тогда же того мЂстъца. О воистинъну колика тяжестная туга вЂрныхъ того времени объятъ, когда прийдоша рымъстии законницы, си естъ барнадины Е, зъ града Лубень со множеством народа и колесницъ сия въся здания разъграбити даже до основания усиловахуся. Но сего богъ имъ десницею своею возъбрани предивънымъ си милосердиемъ.

Тогда бо оста во Мгарской святой обители игуменъ старецъ отецъ Калистрат, блаженный сый Ж тогда исповЂдникъ, зъ братиями своими от тоея напастныя смерти здравъ обрЂтеся, и сЂдяше во монастырю своемъ невредим божиею благодатию. И слыша о семъ, яко запустЂ святая обитель наша сия Густынская, и сего ради хощутъ ея до конца ни во что же глаголемыи барънадыни зъгладити и изнести от основания, сый же блаженный отецъ игуменъ зЂло сожалися зъ братиами своими. И совЂтъ сотворъше между собою, и послаша съпромежду себе братию честныхъ иеромонаховъ, старца Ливерия и при немъ иеромонаха Евстафия, и монаха Серафиона, и иныхъ потребныхъ послушъниковъ. И сия братия поспЂшъшеся до того спустошалого мЂстъца, и не даша до конца таковаго грабления и запустЂния онымъ злостливым враждебникомъ творити, помощию божиею возъбраниша имъ сицевое ихъ злое и злохитръное умышление. Си же содЂяся молитвами пресвятыя богородици и честнаго старца игумена зъ братиами его попечениемъ.

Старецъ же Силъвестръ З тогда бяше въ далекой странЂ на святомъ послушании, и безъ него сие все злодЂйствование во святой обители сотворися, не вЂдяше о семъ. И приспЂ до монастыря съ послушания, и вся въспакъ обрЂте, зЂлъной печали исполни свою душу, и начать со сими же братиами радити и обмышлевати, чтобы ку ползЂ того зънищалого святого мЂстъца мЂли сотворити. О семъ же имъ печалящимъся, абие вседаровителный богъ, видя ихъ печалное сердце, по малЂ времени утЂши своихъ си рабовъ. Всегда бо во скоръби своей прибЂгали бяху ко пречистой де†богородицы, молящеся ей прилЂжнЂ, да не до конца поруганно будетъ мЂстъце тое святое на немъ же ся славило имя пресвятыя животворящыя и нераздЂлимыя троицы. Но вложилъ естъ богъ во сердце зЂлъный жаль преосвященому киръ Петру МогилЂ, яже о семъ святомъ мЂстЂцу попечение. Того же року 1639, за молениемъ тоея же |л.189об.|честныя братии, посла до тоея святыя обители на игуменство и предстателство пречестнаго и искуснаго благонравъного мужа, блаженного отца Илию Торъского И, святыя чудотворъныя лавры Печеръския сожителя и вЂрного си пастыръ своего благочинного во въсемъ ученика и хранителя иноческих заповЂдей. Сый же множае отягашеся и не изъволяя зъде прийти, но не восхотЂ до конца пастыръского повелЂния преслушати, взять на ся крестъ теръпения и моляше всЂхъ братии святыхъ печеръскихъ о молитву святую, и тщателнЂ зде приспЂ. И брЂте сихъ честныхъ братий, вышше глаголемыхъ иеромонаховъ и прочиихъ, зъдЂ приседящихъ и стрегущих тоя святыя обители от врагъ сопротивныхъ, и прилежно молящихъся господеви, да пошлет имъ началника благаго и искуснаго. И по желанию сердца ихъ далъ имъ богъ и святЂйшый отецъ и пастыръ метрополитъ, отца подобнаго и нищелюбивого, житию общему строителя нарочитого и зЂло подражателного мужа древнымъ отцемъ, боголюбива. Видяху же его братия, печаль возъверъгоша на бога и престаша смятения своего. Сый же блаженный отецъ, видя мЂстъце монастыря зыжъденно вомалЂ нЂчто и красъно, и подобное всякому благолЂпию и иноческому сожителству, зЂло понуди себе со тЂмижде братиами въсякаго труда.



В В ркп. слог ше приписан над сповом другим почерком. Г В ркп. над этим словом другим почерком добавлено: зло. Д В ркп. перед этим словом над строкой другим почерком добавлен слог пре. Е На правом попе: Барънадины хотЂли забрати будинки всЂ монастыря, но богъ имъ сего не попусти. Ж Исправлено, в ркп. оишбочно: сь. З Ни левом поле: Силъвестр Губаревич. И На левом поле: Зри: Илия Торский игуменъ.



ВъначалЂ нуждно бяше не точию пища, но и въсякой вещи, токмо пребывающе на самой милости Христовой. Многажды днЂй же и времени живъляхуся изъ окрестныхъ весий, такожъде и ихъ /163/ града пищю себЂ сонискающе, но не отпадающе въсякаго благонадеждия не точию от бога, но и от православъныхъ хрестианъ, и пречистыя божия матере, присно ей молящеся, да исполнитъ имъ во обители ихъ въсякое требование, бЂдствованно бо преплыша годище. И повелЂ блаженный отецъ игуменъ рити ровъ окрест монастыря, и сочиниша велиимъ трудом, острашиша бо ихъ бяху варъвары 1639 року, и сего ради сие сотворъша, и ина здания велия сочиниша. Въ том же року волею божиею приспЂ святЂйшый отецъ метрополитъ православъный киръ Петръ Могила ко сей святой обители Й, назыраше здания монастырская и утЂшашеся, яко въся благолЂпънЂ состроенна бяху. Абие водрузше крестъ, даст благословение на созыдание церкве великия, и со миромъ отъиде, утЂшивши поучении своими братию. Блаженный же отецъ игуменъ радостнЂ утЂшися со братиами, яко посЂти ихъ богъ пастыръскимъ благословениемъ, благонадеждия исполнишася, и множае имЂюще усеръдие, тщание же и прилежание зданию святого монастыря, и исполняхуся числомъ немалЂмъ братии. Время от времени, видя же сие блаженный отецъ зЂло усеръдие ко усеръдию себЂ, таже и братии въсегдашным своимъ благолЂпным поучениемъ прилагаше, и совЂщася со братиами, откуду бы обрЂсти могли помощъ на созыдание великия церкве. Самъ же всевидецъ и промыслъник |л.190.|богъ сие въсе исправити изъволи, посла бо отецъ ко благочестивому государю и о Василию, воеводЂ Молдовлахийскому, моляще его, да ущедритъ милостыню обитель святую. И молитвами пречистыя девы богородица, таже и блаженнаго нашего отца, вложи богъ во сердце благовЂрному государю милость и любовъ ко святой обители, и далъ милостыню потребную не токмо пЂнязъми, но и апператами, и иная въся нужъная. Посихъ же, въ року 1641 основаша храмъ пресвятыя живоначалныя Троицы К, и начаша зЂло красно и хитренно здати, яко всЂмъ бЂху удивителънЂ. И что же еще дивънЂе и чудотворно бЂ, яже богъ сотвори сему мЂстъцу святому. Когда воеваша варъвары, людие христианстии страха ради бЂжаху во град, нападоша на нихъ звЂровидныи варъваре и емъше ихъ множество самыхъ, мужей же и женъ. Младенцевъ же три, яже бяху еще у сосецъ матерънихъ, недавънЂ окрещенныхъ, сии отрочата Л лютые варъваре немилостывънЂ мечи своими посЂкоша и повергоша ихъ на распутияхъ. Зима бо бЂ люта того времене, и лежаху тЂлеса тыхъ младенцовъ на распутияхъ три днЂ и три нощи. И тако благостию божиею ничътоже ихъ въреди святыхъ тЂлесъ, ни мразъ, ни зъвЂрие, ни ино что, но аки бы днесь сосЂчены бяху, тако ихъ цЂла обрЂтошася тЂлеса. НЂкоторыи от христианъ принесоша ихъ во святую обитель и погребоша ихъ аки презърЂннЂ въ неподобнЂмъ мЂстъцу. Земля же бо бЂ зЂло мразомъ стверъдЂ, и сего ради под углом единыя келии выриша долъ, и ту положиша ихъ. Блаженнаго же отца игумена въ тое время не бяше во святой обители, но въ Кие†бЂху нЂкоея ради потребы, и безъ него же сие собыстся.

Посихъ же по малЂ въремени приспЂ отецъ во святую обитель, и не зънаяше о семъ нимало, и ни от кого же о семъ блаженному отцу, забвения ради, паче же и небрежения ради братнего не извЂщенно бяше. Но богъ не восхотЂ се презрЂнию быти святыхъ сихъ младенецъ и мученикъ, откри сие блаженному отцу. Единаго бо времени въ нощи оныи младенцы мало нЂчто неявъственънЂ, но возъбнувъшу во малЂ отцу сномъ, сии младенци предсташа ему, аки живы суще, и глаголюще ему: «Почъто, авъва, тако нас презрЂсте въ небрежении вашемъ, мы бо о семъ мЂстцу святомъ и о васъ господеви предстоимъ, молящеся, да подаст вамъ въсякая благая своя, нынЂ и въ день суда». Си рЂкъши, невидими бяху. Блаженный же отецъ воскорЂ от сна восхитися и мышляше въ себЂ се, а наутрЂе глагола единому от братии иеромонаху, что бы се бяше сицевое ему видЂние, или мечтание. ОтвЂща же ему оный братъ, глаголюще, яко: «Мы трехъ отрочатъ зъсЂченъныхъ от варваръ погребохомъ зде, от угла единыя келии». И вопроси отецъ видЂти оное мЂстъце, и показа ему оный братъ, гдЂ |л.190об.|погребоша их. УвЂдЂ же отецъ и возъмятеся, видя неключимо мЂстъце оное, возъскорбЂ о семъ на братию, и повелЂ абие раскопати. И обрЂтоша тЂлеса, аки днесь умеръшыхъ, цЂла и ничтоже врежъденны, благодариша господеви.



Й На левом поле: Петръ Могила митрополитъ у Густыни бывъ. К На правом поле: Церъковъ заложенна великая року 1641. Далее другим почерком приписано ниже: Тае церков стояла лЂт 30 и згоръла. Посем начат здат мурованую гетман Иоан Самойлович 1674. Л Далее в ркп. зачеркнуто слово: невЂрные.



И повелЂ отецъ, дабы имъ раки сотворили, и вложъше /164/ тЂлеса, со честию ихъ погребоша на ономъ мЂстъцу, идЂже основаша святый олтаръ. И на тЂхъ святыхъ мученикъ зоздаша святый храмъ. Зыждаху же его, яко три лЂта, и красно зЂло и благолЂпно сооружиша.

О воистинъну чудотворъно бо естъ смотрениемъ божиимъ сия святая церъковъ, якова бо бЂ ея высота. Но сохрани богъ и молитвы пречистыя богородици, якоже ни единъ текътонъ не приразися отнюдъ, но въсЂхъ ихъ соблюде десница вышняго, от основания даже и до соверъшения, си естъ велия господня благодать. Но и сия церковъ великая, храм пресвятыя живоначалныя Троици, въ року 1671-мъ, месяца октовърия двадцять осмого дня, зъ суботы на недЂлю, въ третий час нощи, божиимъ М попущениемъ оставивъше, на прежънее возвратимся.






О чудах, прежде бывших въ монастырю Гусътынском. ПоыстиннЂ глаголю, якой за прежъде бывшъшаго игумена блаженнаго отца Илии Торъского многажды быша оскудЂния яковой вещи. Но блаженный отец упованием на пресвятую богородицу помолшеся, всякое требование воскорЂ бог посылаетъ явъственЂ. ОскудЂ бо бЂ единою пЂнязей и не имЂяху, чимъ платити рыющим ровъ. И о семъ скорбяше отец, но уповая на бога и пресвятую деву богородицу, да пошълетъ ему христолюбца якого исполнити сию потребу. Еще же не доконченЂ сущи молит†его, абие посла бог, приспЂша бо со Москъвы христорачительныи мужие, посланныи бяху от отца и пастыря нашего святЂйшого митрополиты Киевъского Петра Могилы, неяковаго бо орудия ради во Москву ходиша. И сии оттуду возъвращъшеся, прийдоша во святую обитель ради опочития ихъ от труда своего, и прият их отец нашъ мирнЂ со любовию. Видяху же они отца сЂтующа, вопросиша о семъ вины. Отец же поведа имъ нищету святыя сыя обители и потребу ея. Христолюбцы же оныи отверзъше сокровища своя и исполниша потребу отца нашего и мЂстцу святому милостыню доволъну даша. Отец же со братиею зЂло благодариша богови и пречистой богородици о семъ, яко посла имъ богъ сицевыхъ христолюбцовъ. И паки начаша въся спЂшно творити потребная около монастыря и ров соверъшиша до конца. Посихъ же не по мнозЂхъ днехъ един тать украде |л.191.|сто златицъ. ПоскоръбЂ же о сем отец и братия, смущахуся, но возложше печаль свою на господа и пречистую богородицу, помолиша бо ся владыцЂ Христу. И паки тать самъ принесе пЂнязи и возъврати, скоръчи бо ему руцЂ. И помолися отец со братиею надъ нимъ. И паки простилъ естъ его бог, не воздаваху бо ему зла за зло его. Таже иный тать зъ тояжде веси боръшной многожды пакость творяше, ловъляше рибы во трудех братий честныхъ, си есть въ езах ихъ монастырских. И многожды труд и печаль отцу о семъ и братии творя окаянныи. Ничтоже о семъ отец сотвори, токми помолишася богови. И сего злаго раба обяви богъ, зъкриви бо богъ главу его и уста его. И сей прииде, припаде ко ногама блаженнаго отца и исповЂдаяся ему злости, своея плачася. Милосеръдовавъ же отец, помолися о нем, и абие сотвори его богь цЂла молитвами пречистыя богородица.

Посемъ же не по Н мнозЂхъ такожде днехъ року 1642 приведоша человЂка з единыя веси града Прилуки, зЂло лютымъ бЂсомъ обузданна, яко и путы желЂзны растерзая и зЂло страшнЂе, аки слышати съ пустыня левъ лютъ рыкая, поистиннЂ бо сицевое его бЂ кричание страшное. НедоумЂваху же ся о немъ, что бы сотворити. Велию блаженный отец со братиями о нем ко богу и пречистой богородици сотворив молитву, и увязавъше его до креста зЂло великого, его же бЂ водруженъно на олътаръномъ мЂстьцу на основание церкви, яко 9 лактей высоты его и твердостию бЂ водруженъ въ землю, яко два лакътя, и от трех стран его три пристолъпъники бяху. Въсе сие подъвиже даже до основания, кърЂпчайшаго, сицевъ бЂ лютъ врагъ его обуздалъ. И се сотвори господь молитвъ ради пречистыя богородици и отца нашего. И во шестый день ста исцЂленъ благодатию Христовою, исповЂдание же от юности своего си возъраста пред отцемъ сотвори. Не бЂ бо никогда зънаяше, что естъ исповЂдание по сие время. И благодариша зЂло господа своего, давъшаго ему здравие. Жена же его и чада по горестномъ семъ печаловании неисповЂдимой радости исполнишася, отъидоша въ домъ свой, благодаряще бога, даровавъшаго ему здравие.



М В ркп. это слово приписано тем же почерком над строкою. Н В ркп. первоначально была проставлена буква м, позднее исправленная на п. /165/



Посемъ паки не по мнозЂмъ въремени притече рабъ единъ от господина своего, глаголя: «Молитъ тя господинъ мой, авъво, да сотвориши о немъ моление до господа бога, яко зЂло стражъдетъ и близу естъ смеръти».Отец же абие со братиею сотворъ молбу ко Христу и пречистой богородици, поистиннЂ возъстави его господь от дверий смертныхъ. И чудесное тогда бЂ увидЂвши же се отчаявъшая его во сицевой болезъни солежащаго, жена его горесть сердца своего печалную отложъши, аки серна притекъши ко святой обители и рече отцу: «БлагодЂтелю мой, утеши мя Христос молитвами твоими, возъдвиглъ бо естъ господь мужа моего от смерти». И глагола ей отец: «Благословенъ богъ, сие ти даровавый. Не мни, чадо, яко мене ради се сотворилъ естъ господь, но ради молитвъ пречистыя девы богородица, таже и вЂры твоея се собыстся».

Посих же не по мнозЂхъ въременехъ и се немало чудо содЂяся, вЂдомо бо |л.191об.|бяше се всЂми. Единъ бо от синклитъ кпяжъ сЂдя на метоху сея святыя обители и бЂ сопротивяяйся многажды мЂстъцу святому и грабя себЂ имЂния монастырская, и сотЂсняше во въсемъ отца блаженнаго и въсехъ братию, мняху же ихъ, аки быти чужъдыхъ тоея своея ихъ частнаго имЂния святого монастыря. Тако во въсемъ сотЂсняше обитель святую. Се же въся сия отец со возъдыханиемъ ко богу и пречистой де†богородицы стеня жалЂниемъ со братиами своими ко Христу плачаше, воздыхая. Всегда глаголаше братии, дабы тщателны были ко господу о помощъ требования святыя обители, таже и своея тЂлесъныя немощи воспитания. О воистинну естъ близ господь въсЂмъ призывающим его. Во малЂ же временЂ чудовънЂ сие сопрята господь, не яростнЂ же, ни рвениемъ, ниже коим свЂтовънымъ страшениемъ, но своим святымъ милосердиемъ безъмЂрным и премногим сие усмири, аки паучину или прахъ очищъ. Глаголаше бо прежде сего деръжавъный князь: «ГдЂе ли раба моего имамъ успокоити?» Многажды бо отец и братия о семъ князя моляху, да повелитъ зъ метоху монастырского овому рабу своему выйти. И не внушаше сего князь, но многажды въремя от времене протяжаше обЂщаниемъ отца блаженного и братию нашу утЂшаше. Но всевидящий богъ сердца скорбящих упокой, сего раба княжого въ жизънь грядушую из сего свЂта. И се сотвори отец ради его истынныя вЂры христианския, яже исповЂдашеся при смерти отцу нашему и въся воля своя предаст во область въ руцЂ отца нашего, и зЂло красно сконча животъ свой христианский. Погребенъ же естъ в той же святой нашой обители, въ самой церк†по лЂвой странЂ.

Посихъ же паки единого времени зимного нЂкоего православного христианина сынъ, любимъ бо ему бяше. И въдаху его въ науки рыторические. Посемъ обрати его самъ же отецъ его во грубость, въ молодых бо лЂтехъ ожени его неистовна, въ разумЂ младенческом сущаго. Таже въражиимъ наваждениемъ уловъленъ бяше нЂкоими чаровании зЂло страшными от нЂкоихъ зълых женъ, яже онъ, отрочищъ, не изъволяше ихъ злымъ дЂлом послЂдовати. И за сие ему сицево зло состворили бяху, напустиша на него духов зълых и нечистых. Иже и во пустыня, и во блата, и во пропастныя мЂстьца гонимъ бяше бЂсы, яко седмъ днЂй и никим же от человЂкъ, гонящим его, ятъ быть можаше. Отец же его и мати горестнЂ о немъ смятены быша, и въсЂ сосЂды, и ближныи его, и вся оная весь. Христоименитыи людие жалостнЂ всЂ бЂжуще и со прилежаниемъ ищуще его, моляху бо отец его и мати въсЂхъ сосЂдъ своихъ со слезами глаголюще, поне бо тЂло его возъмогли найти. Но не возъмогоша, ищуще бо его и по плавищах болотныхъ, и въ лЂсахъ, и въ пещерах — ничто же успЂша. Отчаявъши же его отец, мати и жена его, и чада. Случи же ся того времени единому зъ сея же святыя обители иеромонаху, бывъшу на послушании, и идущу же ему паки зъ послушания ко святой той обители, прийде смотрениемъ божиимъ въ домъ того |л.192.|вЂрного человЂка. И слыша плач и вопль мног, мнящу же ему, яко мертвеца сии плачутъ, начать ихъ вопрошати, что бы се бяше вина. Они же вся возъвЂстиша ему случшееся о сыну ихъ. Старец же иеромонах утЂшая ихъ, глаголя имъ: «ВЂру ми имЂйте, яко да идете до отца нашего игумена во святую обитель». И падъ ко ногама блаженнаго, плачущи, моля его о помощъ до бога и пречистой де†богородици да помолится о сыну его. Отец же ревънивъ сый и сожалися зЂло, слышащи сие, повелЂ еклисиарху ударити въ било. И абие въся братия собрашася. Начать отец умилно въсЂмъ глаголати о семъ, яже случися сему христолюбцу о чадЂ его. Братия же сожалившеся утЂшати и начаху. Рече же отец: «Господие мои и братия, молю всЂхъ васъ, да сотворим убо пост и помолимся о сем Христу господу и пречистуй де†/166/ богородици. И да услышитъ нас по вЂре нашой, и сего человЂка нашого благодЂтеля да утЂшитъ». Братия же абие се сотворити отцу не отрицахуся, но прилЂжнЂ помолишася въсЂ обще во церк†дважды и трижды акафист пречистуй богородицЂ и Иисусу сладкому и параклис. И абие аки на крилехъ вЂтреныхъ аггелскихъ сый отрокъ предста и прииде ко отцу нашему перъвое годины въ нощъ. Отцу же блаженному еже о немъ молитву творящу. Не бяше же при нем никого же, токмо единъ послушъникъ и сый во клЂтЂ своей. Сотрясе же двери сый отрокъ. Отец же обрящъся, возърЂ на нь со ужастию, видя его боса, простоволоса, во единомъ зЂло худомъ и поръваномъ рубищи, ни опоясанна, и въвесь во блатЂ, и зубы стенющи, трясашеся, и проглаголати отнюдъ не можаше, яко на часа три. Намъ же ужаснЂ сие бяше зрЂти. СогрЂвъшу же ся ему во теплотЂ келейной, посемъ проглагола ко блаженному отцу нашему, сице рекъши: «О отче святый, ты мя изъвълеклъ еси со своими ученики от злаго блата, идЂже мя бяху дЂмоны третий се день загрузиша. И се ста надо мною нЂкий О ясный млоденецъ со мечем и отгна мучащихъ от мене, и възят на плещи своя, и абие мя зде представи пред тебе». И иная многая страшныя вещи глагола, яко всЂхъ ужас взять. Отец же нашъ прослезися и начать благодарение зЂлъное Христу господу и пречистой богородици со въсЂми о ХристЂ братиями воздавати. И наутрЂе абие посла отец нашъ вЂстъника ко отцу и матери его оного отрока, дающе имъ вЂсть, яко естъ живъ сынъ ваю и богомъ принесенъ во святую обитель. Христолюбець же онъ со супружъницею своею услышавъши, неисповЂдимой радости исполнишася. Абие притекъши во святый монастыръ и благодарение богу возъдаша, яко обрадова ихъ господь молитвами пречистыя девы богородици и отца нашего блаженънаго игумена. И пребыша во монастырЂ три днЂ, славяще господа. И даша сынови своему одежды и вся потребная. И оставиша его въ монастырю при отцу нашомъ, дабы еще Христови и пречистой де†богородици послужилъ. |л.192об.|

Сами же идоша во домъ свой, радовахуся, и праздникъ пречистой де†сотвориша, чреждение велие убогимъ и сиротамъ, и сосЂдомъ своимъ на монастырЂ же и иереом милостыни творяше. И посихъ отрокъ оный исповЂдание творяше совЂсти своея пред блаженнымъ отцемъ игуменомъ и пречистыхъ тайн сподобися. И благодаращи господеви, идяше здравъ во домъ свой. Такожъде отец его и мати сотворили суть исповЂдь пред отцемъ нашимъ. И причастишася пречистыхъ тайнъ, идоста во домъ свой, благодаряще Христа господа, яко посЂти ихъ симъ наказаниемъ и паки даст благодать свою.

Посихъ же не по мнозЂхъ временехъ приключишися единой нужной потребЂ монастырской. Посла блаженный отец единого брата иеромонаха, мужа честна житиемъ и благоискусна, добродЂтелна во въсемъ суща, до святого града Киева. Онъ же старец вомалЂ нЂчто преслуша отче повелЂние, уклонися пути, глаголаннаго ему отцемъ, имЂяше бо нЂчто свое требование и во инъ град. И прииде во домъ единого племенника своего и ослабЂ мало воли своей, молимъ бо бяше от них вкушати пития, заповЂданънаго ему от блаженнаго игумена. И сего ради абие постыже его вина преслушания. Никимъ ничто видомо бЂ, яже около него и демонъская нЂкая щегловк, вискания, гудения, шумы, кличи. Видя онъ самъ окрест себе и иная многая рыкания и ужасы дЂмонъская. И недоумЂяху же ся ему о себЂ, что бы се было, паки возъвратися воспять. Глаголаше бо ко своему послушънику, иже со нимъ тогда бЂ, моля его прилЂжно, да возъметъ его скоро до отца блаженнаго ко святой обители. ПодобнЂ бо, яко гонимъ бЂ попушениемъ нЂкиимъ божиимъ ко исправълению его. И достыже ко отцу игумену во святую обитель въ полнощи и толъцаху П въ келию блаженнаго отца, умилно зовяху, да отверзеть им двери. Отец же воспаливъ свЂщу и отверзъ имъ. Вшедши же в келию, страховидно нЂмотуяща сый языкомъ, неключимыя глаголы вЂщаше. Удивълъшу же ся отцу, стеня сый сердцемъ своимъ жалостнЂ, и глагола ему, что се есть. Онъ же блядословя неистовъствующе. Созва же отец единыхъ от братии священъников и молшимъся имъ о семъ владыцЂ Христу и пречистой де†богородици. И мало нЂчто ему ослабЂ, проглагола ко отцу, яко имам у себе воеводу и не хощетъ оставити мя: «Аже в сети, глаголати, имамъ, яже въ жизъни моей ображаху бога. Тако ми велит мой воевода. И зъде глаголетъ ми, да на мощехъ моихъ церковъ зижъдема быти имать».



О Исправлено, в ркп.: нЂякис. П В ркп. это слово другим почерком и другими чернилами исправлено на: тольцаше.



И дивъляшеся /167/ о семъ братия, яко неистовъ естъ. Паки глаголетъ ко отцу: «Ты начнеши зижъдати сице зЂло лЂпотънЂ сию церковь, яко же бо мало инъдей обрЂтеся таковыя. Но обаче тако ми мой воевода изъвЂщаетъ, яко не доверъшиши ея «Сице», блядивый врагъ чрез него много смятения творя и казъня оного брата, оный дЂмон лъживый и злохитръный. Отец же вомалЂ смущаяся и посемъ на бога вещъ полагая, глаголя ко нему: «Ты же, враже, како сЂмо деръзнулъ еси ко сему рабу божию |л.193.|прилЂпитися и нас смущати?» Глагола бЂсъ: «Зане азъ есмъ преслушания стрегий. Азъ бо, — рече, — и у войскахъ междо ими, смущая ихъ, и въся, яже нестроения дЂютъся во людех, сия мое есть дЂло и служба от старейшого намъ». Отец же и молитвы запрЂшалныи надолзЂ глагола, и постися, и зЂло о братЂ томъ подвизашеся. Таже и всЂ братия прилЂжно господеви во дънЂ и въ нощи моляшеся о немъ. Единою же стоящу ему во церкви посредЂ братии и начать поверзати зъ себе камилавъку, таже и мантию. И возлег, аки мертва творя себе быти, сопрята себЂ руцЂ, и нозЂ протяже. Возырающим же въсЂмъ на него, что се быти имать. Он же рече: «Умрох азъ и оцепенЂ усты своими». Отец же, видя врага ругателна, въземши верзицу трапезнаго столпа и начать его язъвити. Он же лежаше молча. Посем воскочи страшно, люто звЂрообразно рычаше. И паки повелЂ его отец взяти и затворити во единой клЂте. Он же възят нЂгде топоръ и удари себе самъ въ перси. И прискочиша братия, отъяша от него сый топоръ. Он же паки по наущению вражию лютЂ глаголетъ: «Что мя доселЂ дЂете, или не вЂсте, яко на моихъ мощахъ начати имутъ сию церковъ зыждати». Отшедшимъ же от него братии, онъ же зъ оной келии выръвавъши оболону. И възять его духъ окъномъ онымъ презъ ограду монастыря и стремглавъ воверъже его въ ровъ глубокъ, яже естъ окрест въсего монастыря, и погна его даже до рЂки Удая. Тогда же бяше снЂгъ зЂло велик. И глаголаху ему паки: «Брате, что ти се собыстся, брате нашъ возълюбленъне?» Онъ же тремътя, глагола имъ: «Не видите ли, яко враны чоръные онъ с тоея пустыни гнаша мя люто, отяху мя растерзати». И иная многая страшная о нем тогда дЂгмая от нечистаго врага, яже зЂло бЂ сумнително о семъ вЂсемъ. И многа днЂй не точию самъ блаженный отец игуменъ, но и въсЂ братия прилежаху о немъ ко богу и пречистой богородици и постом, и молитвою. Посихъ исцЂленъ бысть силою крестною и молитвами пречистыя девы богородици, не по мнозЂхъ же днехъ прииде во себе. И повелЂ ему отец много время на кийждо день службы господеви соверъшати. И благодатию Христовою, молитвами отца блаженнаго и тъщаниемъ его, яже о немъ, таже и молитвами братий честныхъ зъдравъ бысть и велие послушание истинне посемъ наказании начать творити.

Паки же се и не помалЂ бяше удивителнЂ. Едина невЂста сущи римския вЂры имЂяше мужа такожде рымлянина и живяста у предреченного господина своего благочестивого Иоанна Сиверъского, иже бяше на метоху монастырстЂмъ сановъникъ княжъ. Его же по смерти зде въ сем святомъ храмЂ погребохом. И случися прежде смеръти его, иже моляше блаженного отца нашего игумена, дабы ся отец нашъ помолилъ. Отец же абие со братиами священъниками и диаконами скоро шед и сотвори ему иелеосвятие. Оная же нЂвеста, видящи сие от отца творимое господину ея, удивлъшися, мышляше в себЂ сотворити же ея противяся ей и не изъволяя на сие, глаголаше ей яко си естъ вымышления руская, |л.193об.|и много ей изрече глаголы хулныя. НевЂста же оная отай рече единому от своих ей рабъ, умылъно глаголющи: «Моли, — рече, — святого отца да посЂтитъ мя». Отец же посла къ ней единого от священъникъ. Пришедшу же ко ней священънику и обрЂте зЂлнЂ ей сущой болЂзненъной огневицею и лежащи ели жива. Рече ей оный братъ священъникъ: «Что требуеши отца нашего?» Глаголетъ ти отец нашъ: «да ми речеши, что ти потребная сотворити имать?» Она же зЂлънЂ начать рыдати и ели проглагола: «Видиламъ Р наисвятЂйшую панну. И възявъши мя за десницу мою и глаголаше ми: «Буди, — рече, — дщерию церкви святыя православныя вЂры росийския. Сотвори сповЂдь пред блаженнымъ игуменом и да помолится за тя. И примеши от руку его комъкание святое и абие востанеши от сея лютыя болЂзъни».



Р Так в ркп.



Сие же услыша оный иеромонах, текъши скоро ко игумену, въся сия возвЂсти ему. Отец же глаголаше: «Буди благословенъ богъ нашъ да наставит ей на позънание истинныя вЂры». И обЂща ей се сотворити. Утру же пришедшу, паки со тЂмижъде /168/ священниками блаженный отец течаше тамо и со многимъ испытаниемъ сие творяше, да не въ поругание сие хощет сотворити. Она же умиленно отца нашего моляше, възывающи помощника Христа господа и пречистую деву, глаголющи: «Яко поистиннЂ сие хощу отдавъна бо, — рече, — се мышляше во сердци моемъ». И сотвори исповЂдание пред отцемъ блаженнымъ, такожъде и отрЂкание латинскихъ субботъствований и иныхъ прочиихъ ихъ вымышлений костелныхъ. И тако освятиша ей елей святый и пречистыхъ таинъ сподоблъшися, благодариша бога, яко въся желаемая своя восприяла естъ от блаженнаго нашего отца. И посем третего дня воставъши от недуга своего здрава. И прииде съ мужем своимъ до святыя обители и поклонися иконам во церкви, Христу господу и пречистой де†богородици, таже и отцу блаженному игумену и въсЂмъ братиям. Отец же зъ братиями славяше господа своего о семъ.

Посемъ же случися единому от диаконъ, бывъшему от блаженного отца на послушании во светомъ градЂ Кие†весенного времени. Сочинивъши же ему велЂнная от отца и ядяше самъ единъ на колесницЂ чрез рЂку зЂло страшенну ДнЂпръ, разливъшися ей тогда вода зЂлна. Он же не хотя отцева велЂния преслушати и вящъше коснЂти. Иныи же от тамо сущих честных братий, яже во святой лаврЂ Печаро-Киевъской, возъбраняху ему ити, но пождати, дондеже ся ледъ роспуститъ. Онъ же вЂренъ сый послушатель и ученикъ заповЂдей Христовихъ, таже и отца своего, со слезами глагола оным братиям: «Возълюбленыи отци и братия моя, не воспящайте ми сего, но паче молЂтеся о мнЂ владыцЂ Христу и пречистой де†богородици, да соблюдетъ мя. Въ сей заповЂди, глаголемЂй от Христа господа, послушание — животъ, преслушание же — смеръть. Но лучше ми естъ умрЂти послушания ради, глаголя: «БлагословЂте мя, отцы и братия, азъ иду. ВЂрую бо господеви, яко молитвами отца моего соблюдетъ мне Христос господь». И сия рекъ, не сумняся |л.194.|въсесилным сердцем, идяше колесницею чрез страшную сию рЂку. Идяще же ему зЂло нужнЂ, но не смятеся отнюдъ и ниже малЂ усумнЂся. Но точию имЂяше во умЂ своемъ деръзновение ко владыцЂ Христу и причистой богородици. И молитвы възывая прилЂжно отца блаженънаго, глаголющи: «Боже, молитвами отца моего сохрани мя». ПриспЂвающу же ему на оную сфану ДнЂпра и видя воду, зЂлнЂ рыюще брег и валящийся. И се крича от брега, яко три лакътя ръвущися лютЂ страшно. Он же обзырашеся сЂмо и овамо, како бы что сотворити имЂлъ, видяше бо въпредъ себе и воспят себе потопляемыхъ людей со колесницами и конми. И паки помянувъши послушание, во сердци си постеня, зря на святую лаврю Печерскую. Во умилении сердца со горъкими слезами возъва помощъницу пречистую деву и святителя Христова Николая, положи на себе честный крестъ, глаголющи: «Святый аггеле хранителю мой, не отступи от мене, раба твоего». И всЂдъ на колесницу, стенувъ си конь свой веръвиемъ, и мало что удари его. О, воистинну удивително бЂ, еже самою силою божиею сохранены быша. Конь бо скочи пудом велиимъ и осяза ногама своима брегъ. Колесница же въся во быстрынЂ падъши ели шъто верха ей зрЂти бяше. Дякон же въвесь у водном шумЂ сЂдя на колесницы, и абие обрЂтеся на сушЂ брега. И тако спасенъ бысть от страшнаго сего потопа силою Христовою и молитвами пречистыя богородици, и молитвами С блаженнаго отца своего, паче же вЂры его ради и истиннаго послушания. И посихъ иныхъ многихъ въ путшестъвияхъ его, яже бяху въ тое время случшися ему, въсЂхъ сихъ за вЂрное его послушание изъбавилъ естъ его Христос бог. Такова бо естъ сила послушания святого.



С В ркп. это слово написано дважды.



ПоистиннЂ и се чуд божий немалый, но и зЂло велий, яже о сей церкви святой. Печаловаше бо много время отец зъ братиями, откуду бы помощъ ей и требование исполнити возъмогли. Таже удавъшеся на истинную молитву и пощение, повелЂ блаженный отец едЂнымъ двомъ братиямъ, дабы ся готовали во святое послушание по милостыню святую до Влахийской землЂ, до благочестивого государя И о воеводы Василия со грамотами преосвященного метрополит Киевхъского православного, кир Петра Могилы святолЂпно паству Христова стада правящаго. Такожъде и блаженный отец игуменъ сотворивши зЂло умилно свои грамоты от себе и от святыя обители, послаша спЂшно до государя вышъглаголемого иеромонаха Иону и монаха Иону. И мало что время закос-/169/нЂша тамо. И благодатию Христовою и молитвами пречистыя деви богородицы, и отца блаженнаго, и всей, еже о ХристЂ братии, данную от пресвЂтлого государя милостыню цЂло привезоша. И ни от кого же неврежъденныхъ, ихъ бог ради истиннаго ихъ послушания сохрани.









Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.