[ПСРЛ. — Т. 1. Лаврентьевская летопись. — Л., 1927. — Стлб. 426-441.]


      Шрифт



Попередня     Зміст     Наступна






426п

Примѣчанія. Г Какъ и въ другихъ мѣстахъ, г вм. к передъ к.

В лѣт̑ . ҂s҃ . ѱ҃ . д҃ı . [6714 (1206)] Совкупишасѧ /л.144/ Ѡлговичи вси в Черниговъ на снем̑ . Всеволодъ Чермнъı с своѥю брат̑ѥю . и Володимеръ Игоревичь с своѥю брат̑ѥю . и Мстїславъ Романовичь . и-Смолиньска приде к ним̑ с своими съıновци . и Половци придоша к ним̑ мнози . и поидоша ѡпѧть на Галичь . дошедшим̑ имъ до Кїѥва . и ѿтолѣ поиде с ними Рюрикъ с Ростиславом̑ . и Володимером̑ . и с своими сно҃вци . и Берендичи идоша с ним̑ . а ѿѡнолѣ Лѧхове поидоша на Володїмерь . Слъıшав же Галичане . с Романовичема . аже идеть рать на нѧ силна ѿвсюду . и оубоӕшасѧ зѣло . и послашасѧ г Г королеви .


427

Примѣчанія. А чит. не дождавше. Б стояща? Б Чит. сѣде. Г -му написано вязью. Д -ти написано вязью. Е Чит. стоявше. Ж Вм. Романа д. б. Романовичей; ср. Полн. Собр. Русс. Лѣт., т. II, стр. 156 и 336. З Среда сырной недѣли приходилась 28-го февраля не въ 6714, а въ 6715 году.

помочи просѧ оу него . Слъıшав же король ѡже идут̑ кнѧзи вси Русстиѣ на Галичь . а ѿселѣ идут̑ Лѧхове . совокупѧсѧ весь . поиде с ними чересъ горъı . Романовича же видѣвша мѧтежь в земли великъ . и оубоӕстасѧ . и недождавже А королѧ бѣжаста из Галича в Володїмерь . в воѡчину свою . Королю же перешедшю чересъ горъı . и слъıша ѡже Лѧхове идут̑ . к Володимерю Ѡлговичемь | в помочь . поиде к ним̑ поперек̑ к Володимерю ❙ Ѡлговичи же в землю ихъ внидоша . и слъıшавше ѡже король стоить оу Володимерѧ . и не смѣша ити до Галича . и стоӕша дн҃ии много . ни король поступи к Галичю . ни Ѡлговичи . король же ѡмиривъ Лѧхъı . поиде за горъı . Ѡлговичи же поидоша назадъ . бѧху бо сѧ ѡбои оустоӕли . Галичане же видѣвше королѧ идуща прочь . оубоӕшасѧ полковъ Рускъıх̑ . єда възвратѧтсѧ на нь ѡпѧт̑ . а кнѧзѧ оу них̑ нѣту . здумавше послашасѧ по Володимера Игоревича ѡтаи . Володимеръ же вѣсть приимъ ѿ Галичанъ . оукрадъсѧ ис полковъ ѿ своєє брат̑и . гна ѡб нощь в Галичь . бѧху бо стоӕша Б полци ѿ Галича за . в҃ . дн҃и . Бѧше бо король с Галичанъı здумавъ переже послалъ в Переӕславль . по Ӕрослава Всеволодича . и ждаша ѥго . в҃ . нед̑ли . Ӕрослав же гна ис Переӕславлѧ к Галичю . и слъıшавъ ѡже Володимеръ въѣхалъ в Галичь пред ним̑ за . г҃ . дн҃и . /л.144об./ възвратисѧ в свои Переӕславль вспѧт̑ . Но мъı та всѧ ѡставльше възвратим̑сѧ вспѧть . ѡ них̑ же почали бѧхом̑ преж̑ гл҃ти . слъıшав же вси кнѧзи . ѡже Володимеръ гна в Галичь . възвратишасѧ вспѧт̑ . и пришедшим̑ имъ в Къıѥвъ . Всеволодъ Чермнъıи сдѣ В в Къıѥвѣ . надѣӕсѧ на свою силу . и посла посадникъı по всѣм̑ городом̑ Києвьскъıм̑ . Рюрикъ же видѣвъ своє непогодьє . ѿиде в свои Вручии . а сн҃ъ ѥго Ростиславъ . иде в Въıшегородъ . а Мьстиславъ Романович̑ . сѣде в Бѣлѣгородѣ . и потом̑ Всеволодъ Чермнъıи посла в Переӕславль къ Ӕрославу Всеволодичю . река ѥму Г поѣди

428

ис Переӕславлѧ къ ѡц҃ю своѥму Г в Суждаль . а Галича не ищи подъ моєю брат̑ѥю . пакъı ли не поидешь добром̑ . иду на тѧ ратью . Ӕрославу же не бъıс̑ помочи ни ѿ кого же . Ӕрослав же посла к нему Г пути просѧ ү него . Всеволод же цѣлова крс̑тъ . и да ѥму пут̑ . Ӕрослав же въıде ис Переӕславлѧ . иде къ ѡц҃ю своѥму Г. Всеволодъ же посади сн҃а своѥго | в Переӕславли . Ӕрослав же приде къ ѡц҃ю своѥму Г в Суждаль . мс̑цѧ . сем̑тѧб̑ . въ . к҃в . дн҃ь на памѧт̑ стаг̑ . мч̑ка Фокъı . и срѣтоша и брат̑ӕ ѥго ү Сѣӕньӕ . и цѣловаше и ❙ Тогож̑ лѣт̑ . Рюрикъ совокупѧсѧ со Мстиславом̑ . Романовичем̑ . и с съıнми своими . и со всѣми сн҃овци своими . въıгна ис Къıєва Всеволода Чермнаго . и сн҃а ѥго ис Переӕславлѧ ❙ И сбъıс̑сѧ над ним̑ притча єуаг̑льскаӕ . ӕко всѧкъ взносѧисѧ смѣритсѧ . а смѣрѧӕсѧ взнесетсѧ . и пакъı єюже мѣрою мѣрите възмѣритсѧ вам̑ . Рюрикъ же сам̑ сѣде в Къıєвѣ . а сн҃а своѥго Володимера посади в Переӕславли ❙ Тогож̑ лѣт̑ . на зиму Всеволодъ Чермнъıи совокуписѧ с своєю брат̑ѥю . и с сн҃овци своими . и с Половци . иде на Къıєвъ . Рюрикъ же не мога стати Д противу затворисѧ в Къıєвѣ . Ѡни же стоӕше Е ѡколо города . г҃ . нед̑ли . възвратишасѧ вспѧт̑ . не оуспѣвше ничтоже . тогда Володимеръ пришедъ из Галича . въıгна изъ Володимерѧ Романа Ж. а брата своѥго посади ❙ Тоє же зимъı бъıс̑ зна/л.145/меньѥ на небеси в слн҃ци . мс̑ца . февралѧ . въ . к҃и . дн҃ь . в сред̑ съıрноє нед̑ли З. и стоӕ ѿ полудн҃е до меѳимона . ѡстало бо сѧ ѥго бѧше акъı мс̑ць в настатьи . а҃ . го дн҃е . мнози бо вѣрнии члв҃ци . зрѧще молѧхусѧ Бу҃ . дабъı Бъ҃ ѡбратилъ знаменьє то на добро ❙ Тогож̑ . дн҃е и Костѧнтинъ кнѧзь приѣха из Новагорода къ ѡц҃ю своѥму Г. и срѣтоша и на рѣцѣ Шедашцѣ всѧ брат̑ӕ ѥго . Геѡргии . Ӕрославъ . Володимеръ . Ст҃ославъ . Іѡан̑ . и вси мужи ѡц҃а ѥго . и горожане вси ѿ мала и до велика . и брат̑ӕ ѥго видѣвше с радос̑ю поклонишасѧ ѥму Г. и цѣловаше и любезно вси людьє . и въѣхаша


429

Примѣчанія. А г вм. к. Б Ожидается: святополчичи. В -пр- написано вязью. Г -тв- написано вязью. Д -му написано вязью. Е Въ Л по опискѣ погами вм. погаными; -ми написано вязью. Ж -ни- написано вязью. З Въ притч. Солом. III, 1: сынъ благоразумный послушливъ отцу, сынъ же непокоривый въ погибель.

в градъ Володимерь . и поклонисѧ ѡц҃ю своѥму Костѧнтинъ . ѡц҃ь же ѥго вставъ ѡбуимъ и цѣлова любезно и с радос̑ю великою . ӕкож̑ Иӕковъ патриархъ . Иѡсиѳа Прекраснаго видѣвъ ❙

В лѣт̑ . s҃ . ѱ҃ . еı҃ . [6715 (1207)] Поидоша Ѡлговичи всї ѡпѧть на Рюрика г А Къıєву . Всеволодъ Чермнъıи с своєю братьєю . и с своими съıновци . и ис Турова . и ис Пиньска Ст҃ополчи[чи] Б и придоша до Днѣпра В. | и перебродишасѧ противу городу Треполю . и ѡбиступиша . и бъıс̑ брань крѣпка зѣло . бѧше бо сѧ затворилъ в нем̑ . Ӕрославль сн҃ъ Володимерича . и стоӕша оу него . г҃ . нед̑ . и изнемогшим̑ людем̑ в градѣ предашасѧ ѥму . ѡн же ѡмиривъ их̑ . и оустремисѧ на Къıєвъ . и из Галича приде к нему Володимеръ Игоревич̑ . Рюрик же то слъıшавъ ѡже идеть на нь рать бесщисленаӕ ѿвсюду . и не бъıс̑ ѥму ни ѿ кого же помочи . ѡн же въ Вручии бѣжа ис Къıѥва . ѡни же придоша г А Къıєву и бъıс̑ ѥму вѣсть ѡже Рюрикъ шелъ въ Вручии . а Бѣлѣгородѣ затворилсѧ Мстиславъ Романович̑ . ѡни же устремишасѧ на Бѣлъгородъ . и пришедше ѡступиша и . и бъıс̑ брань люта . и люди же изнемагахусѧ в градѣ . видѣвъ же Мстиславъ вои множство Г ѡколо города . и не бъıс̑ ѥму помочи ни ѿкуду же . и нача просити пути оу него . и Всеволодъ цѣлова к нему Д крс̑тъ и да ѥму путь . ѡн же иде Смолиньску в свою ѡч҃ину . си же придоша к Торъцьскому . Мстислав же /л.145об./ Мстиславич̑ . затворисѧ в нем̑ . и ѡни ѡступиша и . и поганъıӕ распустиша воєватъ . ѡнї же много зла створиша по земьли плѣнующе . сѣкуще и села жгуще . Мстислав же не мога терпѣти в градѣ цѣлова к нему крс̑тъ на ѥго воли . Всеволод же Чермнъıи пришед̑ сѣде в Къıєвѣ . много зла створивъ землѣ Рустѣи ❙ Тогож̑ лѣт̑ . слъıшавъ великъıи кнѧз̑ Всеволодъ Гюргевич̑ . внукъ Володимерь Мономаха . ѡже Ѡлговичи воюют̑ с пога[нъı]ми Е. землю Рускую . и сжалиси ѡ томь . и реч̑ то ци тѣмъ ѡч҃ина

430

ѡднѣм̑ Рускаӕ землѧ . а нам̑ не ѡч҃ина ли . и реч̑ како мѧ с ними Бъ҃ оуправить . хочю поити к Чернигову . и посла Новугороду по сн҃а своѥго Костѧнтина . Слъıшав же Костѧнтинъ вѣсть ѿ ѡц҃а своѥго . нача совокуплѧти воѣ многъı . и совокупѧ Новгородци . Плесковичи . Ладожанъı . Новоторжьци . и поиде скоро доспѣвъ со всѣми силами . и дождасѧ ѡц҃а на Москвѣ . ӕкож̑ реч̑ Приточник̑ Ж сн҃ъ бъıх̑ послушливъ ѡц҃ю . | и възлюбленъ пред лицем̑ мт҃ре своєӕ . и сн҃ъ коварень З послушливъ ѡц҃ю . и плода праведнаго снѣсть . И потом̑ посла в Рѧзань по Романа . и по брат̑ю ѥго . и в Муром̑ по Дв҃да . ѡни же доспѣвше поидоша възлѣ рѣку Ѡку горѣ . Всеволодъ же кнѧзь великъıи доспѣвъ весь . поиде . мс̑ца . авгус̑ . въ . ѳı҃ . дн҃ь . в нед̑ . И приде на Москву и срѣте и Костѧнтинъ со всѣми Новгородци . и цѣловаша и с радос̑ю великою . ӕкож̑ реч̑ Приточник̑ . сн҃ъ разумивъ чтѧи ѡц҃а . възвеселить дш҃ю свою . и препоӕшеть истиною чресла своӕ . и пребъıвшю ѥму ту нѣколико дн҃и . бъıс̑ ѥму вѣсть . ѡже Рѧзаньстии кнѧзи свѣщалисѧ сут̑ со Ѡлговичи на нь . а идуть на льстех̑ к нему . ѡ сицѣх бо реч̑ Дв҃дъ . муж Д крови и льстивъ не препловить дн҃ии своих̑ . и мужа неправедна зло үловить въ истлѣньѥ . и пакъı реч̑ възлюбиша и оустъı своими . и ӕзъıком̑ своимъ солгаша . срд̑це же ихъ не бѣ право с нимь ❙ Всеволодъ же великъıи кнѧз̑ . реч̑ слов̑ Дв҃дво . ӕдъıи хлѣбъ мои възвеличилъ ѥсть на мѧ лесть . и па/л.146/къı реч̑ не оубоюсѧ зла ӕко тъı ѥси со мною Гс̑и . и поиде с Москвъı совкупѧсѧ с съıнми своими . с Костѧнтином̑ . и Юргем̑ . и Ӕрославом̑ . и с Володимером̑ . и придоша до Ѡкъı . и сташа възлѣ рѣку шатръı . на березѣ на пологом̑ . того дн҃е . придоша к нему и Рѧзаньскъıѣ кнѧзи . Романъ . Ст҃ославъ брат̑ ѥго з двѣма сн҃ома . а Игоревїча . в҃ . брат̑ӕ ѥго . Инъгваръ . и Юрги . и Володимерича . в҃ . Глѣбъ . и Ѡлегъ . а Всеволод̑ бѧше оумерлъ в Проньскѣ


431

Примѣчанія. А му написано вязью. Б 22 сентября приходилось въ субботу въ 6716 году. В -тв- написано вязью. Г Чюръ Л = Кюръ. Д пр- написано вязью. Е Л въ вм. у. У Карамзина (т. III, прим. 125): у Ожьска (на Окѣ). Ж 18 октября приходилось въ четвергъ въ 6716 году. З г вм. к.

брат̑ ихъ . и из Мурома А Дв҃дъ ❙ И цѣловавъ ихъ повелѣ имъ сѣсти в шатрѣ . а сам̑ кнѧз̑ великъıи сѣде в полъстници . и нача к ним̑ слати кнѧзѧ Дв҃да Муром̑скаго . и Михаила Борисовича мужа своѥго . на ѡбличеньѥ ихъ . и ходѧщим̑ имъ долго времѧ межи ими . ѡнѣм же кленущим̑сѧ и ротѧщим̑ . ӕко нѣс̑ то тако . Глѣбъ же и Ѡлегъ . Володимерича . братичича им̑ своӕ пришедше ѡбличиста ихъ ❙ Кнѧз̑ же великъıи слъıшавъ ӕко въ ѡбражена бъıс̑ истина . повелѣ изъимати ихъ с своимї думцами . и вести ихъ в Володимерь . мца . сем̑тѧб̑ . въ . к҃в . | дн҃ь . ст҃го Ѳокъı . в дн҃ь суб̑тнъıи Б. и сбъıс̑сѧ на них̑ Дв҃дво слово гл҃щеє . се болѣ неправдою зачатъ болѣзнь и роди безаконьѥ . ровъ изръı и ископа . и впадесѧ въ ӕму юже створи В. и ѡбратисѧ болѣзнь ѥго на главу ѥму А и на верхъ ѥго неправда ѥго снидет̑А сам̑ кнѧз̑ великъıи наүтрии дн҃ь перебродисѧ чересъ Ѡку . в дн҃ь нед̑лнъıи . и поиде къ Проньску . слъıшав же Чюръ Г Михаилъ . ѡже ѥму А стрыєве изимани . а ѡц҃ь ѥму мерт[в]ъ . а се на нь рать идет̑ . ѡн же үбоӕвъсѧ бѣжа ко тьсти своѥму Чернигову ❙ Пронѧне же поӕша к собѣ Изѧслава Володимерича . и затворишасѧ с ним̑ в градѣ . кнѧз̑ же великъıи пришед̑ ста ү города Проньска . в дн҃ь суб̑тнъıи . и не хотѧ видѣти крови пролитьӕ . и посла к ним̑ мужа А своѥго Михаила Борисовича ѡмиритъ их̑ . ѡни же не внушиша гл҃глъ ѥго . надѣющесѧ на градную твердость . не вѣдуще реч̑наго пр҃ркмъ Дв҃дмъ . аще не Гс̑ь сзижеть дому А всує трудишасѧ зижющеи . аще не Гс̑ь стрежеть града . и прочаӕ Д ❙— /л.146об./ Слъıшав же кнѧз̑ великъıи рѣчь ихъ буюю . и повелѣ приступїти ко граду со всѣ странъı . ѡни же приступивше ѿӕша ѿ них̑ воду . ѡни же бьӕхутсѧ крѣпко из града . и мнози ѿ ѡбоихъ оуӕзвлѧѥми бѧху . и въıходѧща нощью крадѧху воду . то слъıшавъ кнѧз̑ Всеволодъ . повелѣ стрещи въ ѡружьи . дн҃ь и нощь

432

ѡколо града . и роставлѧ полкъı по вратомъ . Костѧнтину сн҃ви своѥму А с Новгородци . и Бѣлозерци . ѡдина врата на горѣ . а Ӕрославу с Переӕславци . в҃ . ӕ врата . Дв҃ду с Муромци . третьӕӕ врата . а самъ кнѧз̑ великъıи . ста за рѣкою с полѧ Половецьскаго . с съıнма своима . Юргем̑ . и Володимером̑ . и с нимъ Глѣбъ и Ѡлегъ . Володимерича . ѡни же бьӕхутсѧ излазѧщи из града не брани дѣлѧ . но жажъı ради воднъıӕ . измираху бо мнози людьє в градѣ . Тогда же посла великъıи кнѧз̑ полкъ свои . к лодьӕмъ по кормъ на Ѡку . и приставї к ним̑ Ѡлга Володимерича . и бъıвшим̑ имъ въ Е Оужеска . | бъıс̑ имъ вѣсть ѡже въıшелъ из Рѧзанѧ Романъ Игоревичь с полком̑ . и бьєтьсѧ с лодеиникъı оу Ѡлгова . Ѡни же гнаша наскорѣ к лодьӕмъ . си же видѣвше полкъ нашь . ѿступиша ѿ лодьи . и поставиша полкъ . наши же поставиша противу имъ . а по єдинои странѣ лоденници . И побѣди Ѡлегъ Романа . и възвратишасѧ наши ѡпѧт̑ к Проньску с побѣдою . ко кнѧзю великому . и стоӕша ѡколо города . г҃ . нед̑ли . и передашасѧ людьє в четвергъ . г҃ . иѣ нед̑ли . мс̑ца . ѡктѧб̑ . вь . иı҃ . дн҃ь Ж. на памѧт̑ стаг̑ апс̑ла Лукъı єуаг̑листа . кнѧз̑ же великъıи ѡмиривъ их̑ . и посади оу них̑ Ѡлга Володимерича . а сам̑ поиде к Рѧзаню . посадникъı посажавъ своѣ . по всѣм̑ городом̑ ихъ . и бъıвшю ѥму оу Добраго въста . и хотѧше на оутриӕ бродитисѧ чересъ Проню рѣку . и поити к городу . Рѧзанци же прислашасѧ к нему с поклоном̑ молѧщесѧ . дабъı не приходилъ к городу . и єпс̑пъ ихъ Арсении молѧсѧ часто шлѧ и гл҃ѧ . кнѧз̑ великъıи не ѡпусти мѣстъ чс̑тнъıхъ . не пожжи црк҃вии ст҃хъ . в них̑ же жертва З Бу҃ . /л.147/ и молба стварѧєт̑сѧ за тѧ . а нонѣ всю волю твою стварѧѥм̑ . чего то хощеши . кнѧз̑ же великъıи млс̑рдъ . съı послуша молбъı ихъ . и поиде ѿ них̑ г З Коломнѣ ❙ То же слъıшавъ Рюрикъ кнѧз̑ . ѡже Всеволодъ великъıи кнѧз̑ стоить оу Рѧзанѧ . и кнѧзи ихъ изимавъ .


433

Примѣчанія. А г вм. к. Б -нъı написано вязью. В 21 ноября приходилось въ среду въ 6716 году. Г -тр- написано вязью. Д -му написано вязью. Е Л Сомону описка вм. Соломону. Ж -пр- написано вязью. З г вм. к передъ звонкимъ. К ѡц- написано вязью.

ѡнъ же совокупѧсѧ и гна изъѣздом̑ г А Къıѥву . и въıгна Всеволода Чермнаго ис Къıєва . а сам̑ сѣде в немь ❙ И мъı та оставльше . на преднѧӕ възвратим̑сѧ . кнѧз̑ же великъıи приде ѿ Коломнъı Б на оусть Мерьскъı ❙ И постиже и єпс̑пъ ихъ с молбою и с поклоном̑ ѿ всѣх̑ людии . кнѧз̑ же великъıи ѿтолѣ поиде в Володимерь . и вниде в град̑ . мс̑ца . ноӕб̑ . въ . к҃а . дн҃ь . в сред̑ В на Введеньє ст҃ъıӕ Бц҃а . и бъıс̑ радос̑ вельӕ в градѣ Володимери . ӕкож̑ реч̑ пр҃ркъ си дн҃ь иже створи Гс̑ь . възрадуєм̑сѧ и возвеселим̑сѧ во нь . и пакъı реч̑ . Гс̑ь защититель животу моѥму ѿ кого сѧ үстрашю Г. стужающи ми врази мои . ти изнемогоша и падоша . аще ѡполчитсѧ на мѧ полкъ не үбоитьс̑ срд̑це моє . аще встанеть на мѧ брань азъ оуповаю на га҃ . ѥдиного просих̑ ѿ Гс̑а того взи|щю . да живу в дому Д Гс̑ни всѧ дн҃и живота моѥго ❙ И потом̑ Рѧзанци вси здумавше послаша ѡстаток̑ кнѧзии . и со кнѧгъıнѧми к великому кнѧзю Всеволоду в Володимерь ❙ Тоє же зимъı ост҃и Костѧнтинъ цр҃квь ст҃го Михаила на дворѣ своєм҃ . мс̑ца . ноӕб̑ . въ . к҃е . дн҃ь . на памѧт̑ стаг̑ Климента . юже бѣ сам̑ создалъ . и оукрасилъ иконами чс̑тнами . ӕкож̑ реч̑ пр҃ркъ . желаньѥ срд̑ца моѥго далъ ѥси єму Д. и хотѣньӕ оустъ ѥго нѣси ѥго лишилъ . и пакъı ѥдиного просих̑ ѿ Гс̑а того и взищю . да живу в дому Гс̑ни всѧ дн҃и живота моѥго . да зрю красотъı Гс̑нѧ . ӕкож̑ Соломонъ цс̑рь . створи пиръ на сщ҃ньє цр҃ьве своєӕ . и праздновавъ распусти люди . и блгс̑ви люди . и люди блгс̑виша цс̑рѧ . и идоша кождо в домъı своӕ радующесѧ . тако и блж҃нъıи Костѧнтинъ . створи пиръ на ѡсщ҃ньє цр҃кве своєӕ . и оучреди люди . и блгс̑виша . людьє Костѧнтина . рекуще блгс̑нъ Бъ҃ иже дасть Всеволоду сицего сн҃а разумна . дасть бо Гс̑ь смъıслъ и прмдрс̑ть Со[ло]мону Е. також̑ и Костѧнтину многу /л.147об./ зѣло и разлитьє срд̑ца ӕко пѣсокъ иже при мори . и распространисѧ прмдрс̑ть ѥго . паче смъıсла всѣх̑ члв҃къ . ӕкож̑ рече пр҃ркъ . возвеличаӕ

434

спс̑ньѥ цр҃ево . творѧ млс̑ть Ху҃ своѥму . Двд҃ви . и сѣмени ѥго до вѣка . Тоє же зимъı посла кнѧз̑ воликъıи сн҃а своѥго ѡпѧт̑ Ст҃ослава Новугороду на кнѧжен̑є . а Костѧнтина ѡстави оу собе . и да ѥму Ростовъ . и инѣхъ . е҃ . городовъ да ѥму Д к Ростову . Тоє же зимъı . бъıс̑ знаменьє в лунѣ . мц҃а феврал̑ въ . г҃ . дн҃ь . на памѧт̑ стаг̑ Семеѡна Боп҃риимца . бъıс̑ помрачена всѧ . и ѡстасѧ єӕ мало акъı мс̑ць в настатьи перваго дн҃е . и стоӕ до вечера и до полуночи . Тоє же зимъı ходїша Ѡлговичи на Къıєвъ на Рюрика . и не оуспѣвше ничтоже . възвратишасѧ ❙—

В лѣт̑ . ҂s҃ . ѱ҃ . sı҃ . [6716 (1208)] Посла великъıи кнѧз̑ Всеволодъ сн҃а своѥго Ӕрослава в Рѧзань на столъ . Рѧзанци же лесть имуще к нему . цѣловаша крс̑тъ ко Всеволоду и не управиша Ж. и изимаша люди ѥго и исковаша . а инѣхъ в по|гребѣх̑ засъıпавше измориша ❙— Всеволодъ же слъıшавъ се иде на Рѧзань с съıнми своими . и пришедъ ста оу града Рѧзанѧ . и Ӕрославъ изиде противу ѡц҃а своѥго . и цѣлова и с радос̑ю . и прислаша Рѧзанци буюю рѣчь . по своѥму ѡбъıчаю . и непокорьству . и повелѣ великъıи кнѧз̑ . всѣм̑ людем̑ изити из града и с товаром̑ . и ӕко изидоша вси . повелѣ зажещи град̑ . и ѿтуду иде г З Бѣлугороду . и повелѣ и тъ зажещи . и възвратисѧ в Володимерь великъıи кнѧз̑ Всеволодъ со всѣми своими полкъı . и с сн҃омъ своимъ Ӕрославом̑ . поимъ по собѣ всѣ Рѧзанци . и єпс̑па ихъ Арсеньӕ ❙ Тоє же зимъı Кюръ Михаилъ . со Изѧславом̑ пришедша начаста воѥвати волость Всеволожю великаго кнѧзѧ ѡколо Москвъı . се слъıшавъ великъıи кнѧз̑ . посла сн҃а своѥго Гюрга . и побѣди єю Юрги . сама кнѧзѧ оутекоста . а люди ѡвѣх̑ избиша . а инъıх̑ извѧзаша . и возвратисѧ кнѧз̑ Юрги ко ѡц҃ю К своѥму славѧ Ба҃ ❙

В лѣт̑ .҂s҃ . ѱ҃ . зı҃ . [6717 (1209)] мс̑цѧ . декаб̑ . въ . з҃ . дн҃ь . на памѧт̑ стаг̑ ѡц҃а Амбросьӕ єпс̑па . Родисѧ сн҃ъ


435

Примѣчанія. А -ти- написано вязью. Б ѡц- написано вязью. В -тв- написано вязью. Г Память св. Мартина, папы Римскаго, празднуется 14-го апрѣля. Д му- написано вязью.

блгочс̑тиво/л.148/му и хс̑олюбивому кнѧзю Костѧнтину . и нарекоша имѧ ѥму въ ст҃ъмь кр҃щньи Василии . и бъıс̑ радос̑ велика в градѣ Ростовѣ ❙ Тоѥ же зимъı великъıи кнѧз̑ Всеволодъ посла сн҃ъı своӕ . Костѧнтина с братьєю ѥго на Мстислава Мстиславича . на Торжекъ . Мстислав А же слъıшавъ ѡже идет̑ на нь рать . изиде ис Торжку . Новугороду . а ѿтуда иде в Торопець в свою волость . Костѧнтин же с своєю брат̑єю възвратишасѧ со Тьфѣри . и Ст҃ославъ приде к ним̑ из Новагорода . и ѣхаша вси къ ѡц҃ю своѥму в Володимерь ❙

В лѣт̑ .҂s҃ . ѱ҃ . и҃ı . [6718 (1210)] Великъıи кнѧз̑ Всеволодъ . посла с полком̑ Кузму Ратьшича . меченошю своѥго . и взѧ Тепру . и възвратисѧ со многъıм̑ полоном̑ в Володимерь . Тогож̑ лѣта прислаша с молбою к великому кнѧзю Всеволоду . митрополита Матфѣӕ . Всеволодъ Чермнъıи . и вси Ѡлговичи просѧ мира . и во всем̑ покарѧющесѧ . великъıи же кнѧз̑ видѣвъ покореньє ихъ к собѣ . не помѧна злобъı ихъ . цѣлова к ним̑ крс̑тъ . а митрополита оучредивъ ѿпусти и с чс̑тью ❙ Того же лѣта сѣде Всеволодъ пакъı | в Къıєвѣ . а Рюрикъ Черниговѣ . Тоѥ же веснъı приходиша Половци к Переӕславлю . и повоєваша многа села возвратишасѧ с полоном̑ многъıм̑ в своӕ си . и много зла створше безбожнии иноплеменници ❙ Тогож̑ лѣт̑ . мс̑ца . иоунѧ . въ . иı҃ . дн҃ь на памѧт̑ стаг̑ мч̑ка . Леѡнтиӕ и дружинъı ѥго . Родисѧ Костѧнтину сн҃ъ Всеволодъ . а въ ст҃ѣмь крщ҃ньи нарекоша ѥму Д имѧ Іѡан̑

В лѣт̑ . ҂s҃ . ѱ҃ . ѳ҃ı . [6719 (1211)] Великъıи кнѧз̑ Всеволодъ . ѡжени сн҃а своѥго Геѡргиӕ . Всеволожною Къıєвьского кнѧзѧ . и вѣнчанъ бъıс̑ в ст҃ѣи Бц҃и в Володимери . єпс̑пмь Іѡан̑мь . и ту сущю великому кнѧзю Всеволоду . и всѣм̑ блг҃ороднъıм̑ дѣтемъ . и всѣм̑ велможам̑ . и бъıс̑ радос̑ велика в Володимери градѣ . Тогож̑ . лѣт̑ . мс̑ца маӕ въ . еı҃ . дн҃ь на памѧт̑ стаг̑ ѡц҃а Б Пахомьӕ . В дн҃ь вскрс̑ньӕ Гс̑нѧ . въ Сборъ ст҃хъ ѡц҃ь . з҃ . нед̑ . по пас̑ по литургии . загорѣсѧ град̑ Ростовъ . и погорѣ

436

мало не весь . и црк҃вии изгорѣ . еı҃ . и много зла створисѧ . Бу҃ попущьшю за оумноженьє грѣх̑ наших̑ . и неправдъı . се же єс̑ дивно цр҃къı в Ростовѣ въ имѧ стаг̑ Іѡана /л.148об./ Прд̑тча на дворѣ въ єпс̑пьи оу ст҃оє Бц҃и . и сгорѣ цр҃къı та всѧ ѿ верха и до землѣ и иконъı что не үтѧгли въıмчати . и гроби в земли дну . и бѣ в цр҃кви тои икона . на неиже написанъ ст҃ъıи мч̑къ Ѳеѡдоръ Тиронъ . и вощаница с вином̑ . юже нѣции мнѧху ӕко бѣ Леѡнова єпс̑па . преж̑ бъıвшаго в Ростовѣ . пришедши же на пожаръ мѣста црк҃внаго . и видѣша всѧ ѡгнемь взѧта . толико икона та стаг̑ мч̑нка Ѳеѡдора . с вощаницею цѣла посредѣ ѡгнѧ ❙ Костѧнтин же хс̑олюбивъıи блг҃овѣрнъıи кнѧз̑ . сн҃ъ Всеволожь . тогда бѣ в Володимери оу ѡц҃а слъıшавъ бѣду створшююсѧ В на градѣ ѥго . и на ст҃хъ црк҃вахъ . и ѣха скоро Ростову . и видѣвъ печаль бъıвшюю мужем̑ Ростовьскъıм̑ оутѣши ӕ гл҃ѧ . Бъ҃ да . Бъ҃ взѧ . ӕко Гс̑вї изволисѧ тако и бъıс̑ . буди имѧ Гс̑не блгс̑вно ѿ нъıнѧ и до вѣка ❙

В лѣт̑ . ҂s҃ . ѱ҃ . к҃ . [6720 (1212)] индикта . мс̑ца . априлѧ . въ . гı҃ . дн҃ь . на памѧт̑ . стаг̑ Мартина папъı Римьскаг̑ Г. Престависѧ велїкъıи кнѧз̑ Всеволодъ . именовавъıи в ст҃омь крщ҃ньи Дмитрии . сн҃ъ Гюргевъ . блг҃очс̑тва|го кнѧзѧ всеӕ Руси внукъ Володимера Мономаха . кнѧживъ . в Суждальстѣи земли . лѣт̑ . л҃ . и . з҃ . много мужствовавъ Д. и дерзость имѣвъ на бранех̑ показавъ . украшенъ всѣми добръıми нравъı . злъıӕ казнѧ . а добросмъıсленъıӕ милуӕ . кнѧз̑ бо не туне мечь носить в месть злодѣєм̑ . а в похвалу добро творѧщим̑ . сего имени токмо трепетаху всѧ странъı . и по всеи земли изиде слух̑ ѥго . и всѧ зломъıслъı ѥго вда Бъ҃ под руцѣ ѥго . понеже не взношашесѧ . ни величашесѧ ѡ собѣ . но на Ба҃ все възлагаше . всю свою надежю . и Бъ҃ покарѧше под нозѣ ѥго всѧ врагъı ѥго . многъı же црк҃ви созда по власти своєи . ибо созда црк҃вь прекрасну на дворѣ своєм̑ . стаг̑ мч̑ка Дмитриӕ . и оукраси ю дивно . иконами


437

Примѣчанія. А -тв- написано вязью. Б -му- написано вязью. В -нь написано вязью. Г ѡц- написано вязью. Д -ти- написано вязью.

и писаньєм̑ . и принесъ доску гробную изъ Селунѧ . стаг̑ мч̑нка Дмитриӕ . мюро непрестанно точащю . на здравьє немощнъıм̑ в тои цр҃кви постави . и сорочку тогож̑ мчн҃ка ту же положи . и манастъıрь созда в нем̑ . цр҃квь камену Ржс̑тво А ст҃ъıӕ Бц҃а . и ту такоже исполни всѣм̑ исполненьєм̑ . имѣӕ /л.149/ прис̑ страх̑ Бж҃ии в срд̑ци своєм̑ . подаваӕ требующим̑ мс̑тню . судѧ суд̑ истиненъ и нелицемѣренъ . не ѡбинуӕсѧ лица силнъıх̑ своихъ боӕръ ѡбидѧщих̑ менших̑ . и роботѧщих̑ сиротъı . и насильє творѧщим̑ . любѧше же помногу черноризьцьскъıи и поповскъıи чинъı . тѣм̑ и дарова ѥму Б Бъ҃ чада добросмъıслена . ӕже и вспита в наказаньи . в разумѣ свершенѣ доже и до мужьства . и єгда приспѣ конець єму временьнаго сего и многомѧтежнаго жит̑ӕ . тихо и безмолвно престависѧ и приложисѧ къ ѡц҃мь и дѣдомъ своимъ . и плакашасѧ по нєм̑ сн҃ве ѥго плачем̑ великим̑ . и вси болѧре и мужи Б. и всѧ землѧ власти ѥго . и пѣвше над ним̑ ѡбъıчнъıӕ пѣс̑ єпс̑пъ Іѡан̑ . и вси игумени и черноризци . и вси попове града Володимерѧ . и положиша и въ цр҃кви ст҃ъıӕ Бц҃а . Златоверхиӕ . юже созда и оукраси брат̑ ѥго Андрѣи ❙ Тогож̑ . лѣт̑ . Геѡргии кнѧз̑ сн҃ъ Всеволожь ѿпусти и кнѧзи Рѧзаньскъıӕ в Рѧзань В. и єпс̑па ихъ Арсеньӕ . и всѧ люди Рѧзаньскъıӕ . и идоша кождо в своӕ си ❙ Тогож̑ . лѣт̑ . При|ходи Юрги кнѧз̑ съ Ӕрославом̑ к Ростову и оумиришасѧ с Костѧнтином̑ . и разидошасѧ кождо в своӕ си ❙ Тогож̑ . лѣт̑ . мс̑ца маӕ . въ . к҃г . дн҃ь на памѧт̑ стаг̑ Михаила єпс̑па . Бъıша постригъı оу Костѧнтина сн҃а Всеволожа . сн҃ома ѥго . Василку . и Всеволоду . и бъıс̑ радость велика в градѣ Ростовѣ ❙

В лѣт̑ . ҂s҃ . ѱ҃ . к҃а . [6721 (1213)] Хс̑олюбивъıи кнѧз̑ Костѧнтинъ . заложи цр҃квь ст҃ую Бц҃ю на первѣмь мѣстѣ падшаӕ цр҃кве . мц҃а . април̑ . въ . к҃е . на памѧт̑ ст҃го Марка єуаг̑листа ❙ Тогож̑ . лѣт̑ . Володимеръ сн҃ъ Всеволожь великаго кнѧзѧ . ѣха в Москву ❙ Тогож̑ . лѣт̑ . Во второє . приходи Юрги съ Ӕрославом̑ к Ростову . и створша порѧдъ с Костѧнтином̑ .

438

и идоста ѿ Ростова к Москвѣ . Гюрги съ Ӕрославом̑ . и изведъ Гюрги из Москвъı Володимера . и посла и в Рускъıи Переӕславль на столъ на ѡч҃ину свою . Тогож̑ . лѣ . Родисѧ сн҃ъ Геѡргїю кнѧ/л.149об./зю . мц҃а . ѡктѧб̑ . въ . к҃г . дн҃ь . и прозваша и Всеволодъ . а в ст҃омь крщ҃нии нарекоша имѧ ѥму Дмитрии ❙

В лѣт̑ . ҂s҃ . ѱ҃ . к҃в . [6722 (1214)] Іѡан̑ єпс̑пъ Суждальскъıи ѿписасѧ єпс̑пьи всеӕ землѧ Ростовьскъıӕ . и пострижесѧ в черньцѣ в монастъıри в Бол҃юбомь ❙ Тогож̑ . лѣт̑ . Родисѧ сн҃ъ Костѧнтину Володимеръ . а в ст҃омь крщ҃ньи нарекоша имѧ ѥму Дмитрии . Тогож̑ . лѣт̑ . Кнѧз̑ Костѧнтинъ посла Пахомьӕ . игумена стаг̑ Петра . ѡц҃а своѥго дхв҃наго в Къıєвъ к митрополиту Матфѣю . и постави и єпс̑пмъ Ростову . ноӕбрѧ . въ . ı ҃. и въниде в свою єпс̑пью . генварѧ . въ к҃и . на памѧт̑ стаг̑ ѡц҃а Г Єфрѣма Сурина . Тогож̑ . лѣт̑ . Хс̑олюбивъıи кнѧз̑ Костѧнтинъ Д заложи цр҃квь камену Ростовѣ на дворѣ своєм̑ . ст҃ою мч҃нку Бориса и Глѣба . Тогож̑ . лѣт̑ . Кнѧз̑ Гюрги . сн҃ъ Всеволожь . изведъ Симона игумена блж҃енаго ѿ Ржс̑тва А ст҃ъıӕ Бц҃а . и посла и в Къı|євъ к митрополиту . и постави и єпс̑помъ Суждалю . и Володимерю ❙

В лѣт̑ . ҂s҃ . ѱ҃ . к҃г . [6723 (1215)] Престависѧ Рюрикъ Ростиславич̑ . кнѧз̑ Къıєвьскъıи . кнѧжа Черниговѣ ❙ Тогож̑ . лѣт̑ . Ѡженисѧ Володимеръ . сн҃ъ Всеволожь . в Переӕславли Руском̑ . Глѣбовною Черниговьского кнѧзѧ ❙ Тогож̑ лѣт̑ . Блг҃очс̑твъıи кнѧз̑ Костѧнтинъ . заложи цр҃квь камену на Ӕрославли на дворѣ своєм̑ . въ имѧ ст҃ъıӕ Бц҃а Оуспеньӕ ❙. Тогож̑ лѣт̑ . Володимеръ сн҃ъ Всеволожь . слъıшавъ аже идут̑ Половци к Переӕславлю . изиде противу имъ вскорѣ . и оусрѣтесѧ с ними на рѣцѣ . и бишасѧ крѣпко . и мнози ѿ ѡбоихъ падоша . и Бж҃имъ попущеньєм̑ за оумноженьє грѣхъ наших̑ . ѡдолѣша Половци . и мнози ѿ Руси избьєни бъıша . а инѣх̑ изимаша . и самого кнѧзѧ Володимера ӕша . и ведоша и в вежѣ свои ❙—


439

Примѣчанія. А Читай: зѣло. Б -нъ написано вязью. В оу- написано вязью: справа къ о внизу присоединена линія /. Г -тв- написано вязью. Д -ти- написано вязью. З ѡц- написано вязью. Ж -нь- и -тв- написано вязью. З По смыслу требуется: скры я. И -тн- написано вязью.

В лѣт̑ .҂s҃ . ѱ҃ . к҃д . [6724 (1216)] Престависѧ єпс̑пъ Ростовьскъıи Пахомии . и положенъ бъıс̑ в цр҃кви ст҃ъıӕ Бц҃а . в своєи єпс̑пьи . сь бѣ блж҃нъıи єпс̑пъ избраникъ Бж҃ии . и истиннъıи бѣ пастъıрь . а не наимникъ . сь /л.150/ бѣ агнѧ а не волкъ . не бѣ бо хитаӕ ѿ чюжих̑ домовъ бат҃ьства . ни збираӕ ѥго ни тѣмь хвалѧсѧ . но паче ѡбличаше грабителѧ . и мздоимца . поревновавъ нраву Злат̑үстаго . и преходѧ ѿ дѣла в дѣло үншеє . сиротами добрѣ пекъıисѧ . млс̑твъ . s҃ . А къ оубогъıм̑ . и вдовицам̑ . ласковъ ко всѧкому оубогому . не согбенѣ руцѣ имѣӕ на вданьє ихъ . но ѿверзенѣ ѡтинудь . смѣренъ кротокъ . исполненъ Б книжнаго оученьӕ В. всѣми дѣлъı оутѣшаӕ печалнъıӕ . не хвалѧсѧ ни ѡ чем же суєтствомь Г пустошнаго свѣта сего . єже скоро мимоидє . и хуже паоучинъı . но паче хвалѧсѧ гл҃ще . Павлово слово поминаӕ . мнѣ ни ѡ чем же буди хвалитисѧ . токмо ѡ крс̑тѣ Хс̑вѣ . имже мнѣ миръ . распѧтсѧ и азъ мирови . ѡбъıчнъıӕ молбъı к Бу҃ въздаӕ . побѣдивъ мїрьскую похоть . черньчьствовавъ Г преже добрѣ исправлено . лѣт̑ . е҃ . в Печерьском̑ манастъıрѣ . и пакъı своє стадо дхв҃но . в манастъıри стаг̑ Петра . лѣт̑ . гı҃ . а єпс̑пью державъ . в҃ . лѣт̑ . ѿиде к Бу҃ . Костѧнтин же хс̑олюби|въıи кнѧз̑ . съ єпс̑помъ Симоном̑ . и со всѣми черноризци . спрѧтавше тѣло ѥго чс̑тно вложиша и в гробъ оу ст҃ъıӕ Бц҃а Ростовѣ ❙ Тогож̑ . лѣт̑ . Новгородци въıгнаша ѿ себе Мстислава . Мстиславича Д. а Ӕрослава Всеволодича приведоша к собѣ на столъ ❙ Тогож̑ . лѣт̑ . Хс̑олюбивъıи кнѧз̑ великъıи Костѧнтинъ . сн҃ъ Всеволожь . заложи цр҃квь камену и манастъıрь ст҃го Сп҃са Преѡбраженьӕ на Ӕрославли ❙ В тож̑ . лѣт̑ . Поставленъ бъıс̑ єпс̑пмъ Ростову черноризець ст҃го Дмитриӕ . Суждальского Кирилъ ❙

В лѣт̑ . ҂s҃ . ѱ҃ . к҃е . [6725 (1217)] Искони злъıи врагъ дьӕволъ . ненавидѧи всегда добра роду члв҃чю . паче же хрс̑ьӕномъ . не хотѧ дабъı не ѡдинъ в вѣчнѣи

440

муцѣ бъıлъ ӕже єс̑ оуготована ѥму и сущим̑ с нимъ . сь ѡканьнъıи дьӕволъ въздвиже нѣкую котору злу межи кнѧзи сн҃ъı Всеволожи . Костѧнтином̑ Д. и Юргемь . и Ӕрославом̑ . и бишасѧ оу Юрьєва . и ѡдолѣ Костѧнтинъ . но пакъı Бъ҃ и крс̑тъ чс̑тнъıи . и млт҃ва ѡц҃а Е ихъ и дѣднѧ . введе ӕ в великую /л.150об./ любовь . и сѣде Костѧнтинъ в Володимери на столѣ . а Юрги Суждали . и бъıс̑ радос̑ велика в земли Суждальстѣи . а дьӕволъ єдинъ плакаше своєӕ погъıбели ❙ Тогож̑ . лѣт̑ . Глѣбъ кнѧз̑ Рѧзаньскъıи Володимеричь . наоущенъ сотоною на братоүбииство . здумавъ в своєм̑ ѡканьнѣмь помъıслѣ . имѣӕ поспѣшника брата своѥго Костѧнтина и с ним̑ дьӕвола . иже єю прельсти своимъ злокозньствомь Ж. в помъıслъ има вложь рекшема има ӕко избьєвѣ сих̑ . а сами приимевѣ єдина всю власть . а не вѣси ли ѡканьне Бж҃ьӕ строѥньӕ . даєт̑ бо власть ємуже хощеть поставлѧѥт̑ цс̑рѧ и кнѧзѧ Въıшьнии . что бо приӕ Каинъ ѿ Ба҃ оубивъ Авелѧ брата своѥго . не проклѧтьє ли и ѡсуженьє . и трѧсеньѥ . или Ламехъ не казнь ли злобѣ . или вашь сродникъ Ст҃ополкъ . избивъ брат̑ю . ѡнѣма вѣнець исходатаиствова Г. а собѣ вѣчную муку . сь бо Глѣбъ ту же мъıсль Ст҃ополчю приимъ . и скръı ю в срд̑ци своєм̑ с братом̑ своимъ . снемшим̑сѧ имъ всѣм̑ | на Исадѣх̑ на порѧдъ . Изѧславъ . Кюръ Михаилъ . Ростиславъ . Ст҃ославъ . Глѣбъ . Романъ . Инъгваръ же не оуспѣ приѣхати к ним̑ не бѣ бо приспѣло єще времѧ ѥго . Глѣбъ же Володимеричь . с братом̑ позва ӕ к собѣ ӕко на чс̑ть пиреньӕ . в свои шатеръ ❙— Ѡни же не вѣдуще злъıӕ ѥго мъıсли . и прелести . вси . s҃ . кнѧзии кождо с своими болѧръı . и слугъı . придоша в шатеръ єю . сь же Глѣбъ преж̑ прихода ихъ изнарѧди свои слугъı и братни . и поганъıх̑ Половець множство въ ѡружьи . и стръıӕ З в полъстници И близь шатра . в немже бѣ имъ пити . не вѣдущю ихъ никому же . развѣє


441

Примѣчанія. А -тв- написано вязью. Б Т.-е. безъ числа. В Чит. иуля. Г -нь написано вязью. Д -му написано вязью. Е Въ Л имя сына Георгіева не обозначено: должно быть Владимиръ или Мстиславъ. Ж Написано мелкимъ почеркомъ на полѣ. З Первое гю- написано вязью. И Срѣтенья, -тр- написано вязью. І 2-е февраля приходилось въ пятницу въ сентябрьскомъ 6725-мъ и въ мартовскомъ 6726-мъ годѣ. К -ти- написано вязью. Л Чит. зѣло.

тою зломъıсльною кнѧзю . и ихъ проклѧтъıх̑ думець . и ӕко начаша пити и веселитисѧ . и ту абьє проклѧтъıи Глѣбъ с братом̑ . иземъша меча своӕ начаста сѣчи преже кнѧзи . таже болѧръı . и слугъı ихъ много множство А. ѡдинѣх̑ кнѧзии . s҃ . а прочих̑ болѧръ . и слугъ бе-щисла Б. изби с своими слугъı . и с Половци . си же злоба сключисѧ . мс̑цѧ . иоунѧ В. въ . к҃ . дн҃ь . на памѧт̑ . стаг̑ пр҃рка Ільи . ѡгньнаго /л.151/ въсхоженьӕ










      Шрифт



Попередня     Зміст     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.