[Новгородская первая летопись старшего и младшего изводов. — М.-Л., 1950. — С. 454-464.]



Попередня     Головна     Наступна






лл. 76—77. 6770—6773 гг.


Того же лЂта, в осенинЂ, идоша новгородцы съ княземъ своимъ съ Димитриемъ со Александровичемъ великимъ полкомъ подъ Юрьевъ; и бяше тогда и Константинъ князь, зять Александровъ, и братъ Александровъ Ярославъ съ своими мужи, и Полотскии князь Товтивилъ, а съ нимъ Полочанъ и Литвы 500, а новгородскаго полку безъ числа, толико богъ вЂсть. И бяше градъ твердъ Гюргевъ, въ 3 стЂны, и множество людеи въ немъ бяше всякихъ, уже бо пристроили себЂ брань на градЂ крЂпку; но честнаго креста сила и святЂи Софии всегда низлагаетъ неправду имЂющихъ: такоже ни твердость града сего ни во что же бысть, но помощию божиею единЂмъ приступлениемъ взят бысть, и люди многи града того ови побиша, а другия изымаша живы, а инии огнемъ пожжены, и жены и дЂти ихъ; и взяша товара безъ числа и полона, и прииде князь Дмитрии здравъ со всЂми новгородцы и со многимъ товаромъ. Того же лЂта постави чернецъ Василии церковь святаго Василия въ НовЂгородЂ. /л.76об./ Тогда же поиде князь Александръ въ Татары, и удержа и Берка, не пустя и въ Русь, и зимовавъ въ ТатарЂхъ, и разболЂся и бысть въ недузЂ крЂпцЂ вельми и нездравъ.

 2 На полях написано 1263

Въ лЂто 6771 2. [1263] Прииде князь Александръ изъ Татаръ вельми нездравя, въ осенинЂ, и прииде на Городецъ, и пострижеся мЂсяца ноября въ 14 день. Тои же нощи преставися; и везоша и въ Володимеръ мертваго, и положиша и въ монастырЂ въ церкви святЂи богородицЂ Рождества; и снемшеся епископы и игумены и съ митрополитомъ Кириломъ и со всЂмъ иереискимъ чиномъ, и погребоша и честно мЂсяца того же въ 23-и день. Того же лЂта бысть мятежъ въ ЛитвЂ, богу попущьшу \455\ на нихъ гнЂвъ свои: восташа сами на ся, убиша князя великаго Миндовга свои сродницы, свЂщавшися отаи всЂхъ. Того же лЂта роспрЂвшися убиицы Миндовгови о товарЂхъ его, убиша добра князя Полотскаго Товтивила, а бояры полотския исковаша и просиша у полочанъ сына Товтилова, понеже бо и того убити хотяху, и онъ вбЂжа въ Новъгородъ съ мужи своими. Тогда Литва посадиша свои князь въ ПолотскЂ; а полочанъ пустиша, коихъ съ княземъ поимали, и миръ взяша.

 1 В Т по александрова брата

 2 В рукописи сына. Так и в Р. Испр. по К.

Въ лЂто 6772 [1264]. Выгнаша новгородцы князя Дмитрия Александровича изъ Новагорода, занеже князь еще малъ бяше; а по Ярослава послаша по Александрова 1 во Тверь сына посаднича и лучшии бояре.

Въ лЂто 6773 [1265]. Посадиша в НовЂгородЂ на столЂ князя Ярослава Ярославича мЂсяца генваря въ 27 день. Того же лЂта бысть мятежъ великъ въ земли Литовскои на нихъ божиемъ попущениемъ: не терпяше бо господь богъ нашъ зрЂти на нечестивыя и поганыя, видя ихъ проливающи кровь христианскую аки воду, иныя же отъ нихъ расточены по чюжимъ землямъ; тогда господь воздастъ по дЂломъ ихъ. Бяше же у Миндовга у князя Литовскаго сынъ 2, имя ему Въишелгъ; того же избра господь поборника по правЂи вЂрЂ: шедъ въ гору Синаискую отъ отца своего и отъ рода своего и отъ поганыя вЂры своея, позна истинную вЂру христианскую, и крестися во имя Отца и Сына и /л.77./ святаго Духа, и научися святымъ книгамъ, и пострижеся въ мнишескии чинъ во святои горЂ; и пребысть тамо 3 лЂта, и поиде въ землю свою, и приидяше въ землю свою ко отцу своему. Отцу же его погану сущу, егда же глаголаше словесы ласковыми поне остатися ему вЂры христианския и чернечества и прияти царство свое. Онъ же вооруженъ силою крестною, не хотЂ слышати ласки отца своего, ни прещения его не убояся, но изшедъ отъ отца своего, согради себЂ монастырь въ христианЂхъ, и ту пребываше, славя святую Троицу Отца и Сына и святаго Духа.




лл. 80 об.—81. 6782—6789 гг.


Прежде преставления Далматова посадникъ Павша съ мужи старЂишими биша челрмъ Далмату: «кого, отче, благословиши на свое мЂсто». Далматъ же нарече два игумена: святаго Георгия Иоанна и отца своего духовнаго Климента: «коего себЂ излюбите, того вамъ благословлю». Иде посадникъ на Иоанна дворъ, и созва новгородцы, и сказа имъ слово Далматово; и возлюбиша вси Климента, и благослови его Далматъ своею рукою, и по преставлевии Далмато†послаша въ Киевъ ставитися.

Въ лЂто 6783 [1275]. Въ нощь загорЂся на княжи дворЂ, подлЂ НЂмецкои дворъ, и погорЂ Торгъ сЂмо и до Славна, сЂмо и до Рогатицы; и згорЂ церквеи 7 деревянныхъ, а каменныхъ 4 огорЂ, а 5 нЂмецкая. \456\

 1 На полях написано 1276

 2 Н я полях написано 1277

 3 На полях написано 1281

 4 На полях написано 1318

Въ лЂто 6784 1. [1276] Отпаде стЂна у святЂи Софии до основы отъ Неревскаго конца, мЂсяца маия въ 9, въ полъдни. Того же лЂта поставленъ бысть архиепископъ новгородскии Климентъ, и прииде изъ Киева въ свою епископию, и абие введоша и честно во святую Софию, а весь Новгородъ срЂтоша и честно со кресты и пЂсньми, мЂсяца августа въ 2-и день. Того же лЂта, на зиму, преставися великии князь Василии Ярославичь и положенъ бысть у святаго Феодора на КостромЂ. Новгородцы же послаша по Дмитрия Александровича.

Въ лЂто 6785 2. [1277] Прииде князь Дмитрии въ Новъгородъ, и посадиша и на столЂ, въ недЂлю на всЂхъ святыхъ.

Въ лЂто 6786 [1278]. Князь Дмитрии съ новгородцы и со всею Низовскою землею казни КорЂлу и взя земли ихъ на щитъ.

Въ лЂто 6787 [1279]. Испроси князь Дмитрии у Новагорода поставити себЂ городъ Копорию, и шедъ самъ сруби и. /л.81./

Въ лЂто 6788 [1280]. Князь великии Дмитрии съ посадникомъ Михаиломъи съ большими мужи, Ђхавши, обложиша городъ каменъ Копорию. Того же лЂта отъяша посадничество у Михаила у Мишинича и даша Семену Михаилову, выведши изъ Ладоги.

Въ лЂто 6789 3. [1281] Заратися князь Дмитрии съ новгородцы; новгородцы же послаша владыку съ мольбою, и не послуша и.




лл. 86—88. 6825—6835 гг.


Въ лЂто 6825 [1317]. Послаша новгородцы владыку Давида къ князю Михаилу съ мольбою, просяще на окупъ братии своеи, и кто у князя въ тали; и не послуша его князь. Того же лЂта приходиша НЂмцы въ озеро Ладожское и побиша много обонЂжскихъ купецъ.

Въ лЂто 6826 4 [1318]. Ходиша новгородцы воиною за море, въ Полную рЂку, и много воеваша, и взяша Людеревъ городъ сумскаго князя и Пискупль, и поидоша вси здравы. Того же лЂта выиде князь великии Юрьи изъ Орды съ Татары и со всею Низовскою землею, и поиде къ Тфери на князя Михаила. И приславъ ТелебЂгу, и позва новгородцевъ; и они, пришедше въ Торжекъ, и докончаша съ княземъ Ми/л.86об./хаиломъ, како не вступатися ни по единомъ: понеже не вЂдаху князя Юрья, гдЂ есть, и приидоша паки въ Новъгородъ. Князю же Юрью пришедшу съ полки близъ Тфери за 40 верстъ, и ту выиде на нь Михаило князь съ Тфери, и ступишася, и бысть сЂча зла, и много паде головъ о князи Юрьи; а брата его Бориса и княгиню его яша и приведоша во Тферь, тамо умориша. А самъ прибЂжа въ Новъгородъ, и позва всЂхъ новгородцевъ съ собою, и идоша съ нимъ весь Новъгородъ и Плесковъ, поимше съ собою владыку Давида; и пришедше на Волгу, и докончаша \457\ съ Михаиломъ княземъ миръ, како ити въ Орду обЂма, а брата Юрьева и княгиню пустити. И приидоша новгородцы вси въ Новъгородъ, веснЂ сущи; а князь Юрьи иде на Москву и оттолЂ въ Орду.

 1 На полях написано 1319

 2 На полях написано 1320

 3 На полях написано 1322

Въ лЂто 6827 1. [1319] Уби царь въ ОрдЂ князя Тферскаго Михаила и сына его Константина и бояры его, а великое княжение дастъ Юрью. И присла князь Юрьи въ Новъгородъ брата Афанасия.

Въ лЂто 6828 2. [1320] Ходи князь Юрьи ратию съ братомъ Иоанномъ на Рязань на князя Ивана Ростиславского, и докончаша миръ.

Въ лЂто 6829 [1321]. Ходи князь Юрьи ратию на Дмитрия Михаиловича Тферскаго и прииде въ Переяславль съ полки. И ту присла князь Дмитрии владыку тферскаго, и докончаша миръ на дву тысячю сребра, а княжения великаго Дмитрию не подъимати. Того же лЂта, мЂсяца июня 26 дня, предъ обЂднею померче солнце, а паки наполнися по малу.

Въ лЂто 6830 [1322]. Прииде князь Юрьи въ Новъгородъ, позванъ новгородцы, и повелЂ пороки чинити. Того же лЂта поиде князь великии Юрьи съ новгородцы къ Выбору, городу немЂцкому; и биша и 6-ю пороковъ, твердъ бо бЂ, и избиша много НЂмецъ въ городЂ, а иныхъ извЂшаша, а иныхъ на Низъ поведоша; и стоявше мЂсяцъ, приступивъ, не взяша его, но за грЂхи наша нЂколико мужъ добрыхъ паде. Того же лЂта 3 преставися Афанасии князь, братъ /л.87./ Юрьевъ, постригся въ чернц; и положиша и у святаго Спаса на Городищи. Того же лЂта ходи князь Дмитрии Михаиловичь въ Орду, и подъя великое княжение. Того же лЂта приходи въ Русь посолъ силенъ изъ Орды, именемъ Охмылъ, и много сотвори пакости по Низовскои земли, и много посЂче христианъ, и поведе въ Орду. Князь же Юрьи пришедъ отъ Выбора, и поиде на Низъ, и много моли новгородцевъ, да быша и проводили. Бывшу ему на УрдомЂ, и ту князь Александръ Михаиловичъ съ Твери нападе на нь, да князь Юрьи самъ убЂже въ Плесковъ, а товаръ его разграбиша, а въ Плеско†бяше Литовскии князъ Давидко; и оттолЂ призваша и новгородцы къ себЂ по крестному цЂлованию, и поставиша въ Загородьи, во Афанасо†дворЂ, въ диаконовЂ.

Въ лЂто 6831 [1323]. Ходиша новгородцы съ княземъ Юрьемъ и поставиша городъ на усть Невы, на ОрЂховомъ острову. Ту же приидоша послы велики отъ СвЂискаго короля, и докончаша миръ вЂчныи съ княземъ и съ Новымъгородомъ по старои пошлинЂ. Того же лЂта воеваша Литва Ловоть, и угониша ихъ новгородцы и биша, а инии убЂжаша. Того же лЂта заратишися устюжане съ новгородцы, изымаше новгородцевъ, кто ходилъ на Югру, и ограбиша ихъ. \458\

 1 На полях написано 1325

 2 Написано убилъ

 3 В рукописи по. Испр. по К. В Т к

Въ лЂто 6832 [1324]. Идоша новгородцы съ княземъ Юрьемъ на Заволочье, и взяша Устюгъ на щитъ, и приидоша на Двину, и ту прислаша послы князи устюжскии къ князю и къ новгородцемъ и докончаша миръ по старои пошлинЂ; и приидоша новгородцы вси здравы; а князь Юрьи поиде въ Орду изъ Заволочья по КамЂ рЂцЂ. Того же лЂта соверщиша Христову каменну церковь, и свяща ю владыка Давидъ. Тои же зимы преставися архиепископъ новгородскии Давидъ, мЂсяца февраля 5, и положиша и въ притворЂ въ святЂи Софии, посторонь владыки Климента. Тогда же сдумавши новгородцы, и попове и игумены и чернцы и весь Новгородъ возлюбиша вси назнаменана Моисея, прежде бывша архимандритомъ у св. Георгия, потомъ бяше вышелъ по своеи воли къ святЂи БогородицЂ на Коломцы въ /л.87об./ свои монастырь, и возведоша на сЂни, и посадиша и во владычнЂ дворЂ, дондеже позоветъ его митрополитъ.

Въ лЂто 6833 1. [1325] Прииде изъ Орды князь Александръ Михаиловичъ, и Татарове съ нимъ должницы, и много бысть тяготы на Низовскои земли. Того же лЂта поиде Моисеи владыка къ митрополиту ставитися на Москву; и привезоша предъ нимъ князя Юрья великаго изъ Орды, Данилова сына, внукъ Александровъ, и погребоша и митрополитъ Петръ и архиепископъ Моисеи и тверскии епископъ Варсонофии и ростовскии Прохоръ и рязанскии Григории, и плакася по немъ братъ его князь Иванъ и весь народъ отъ мала и до велика плачемъ великимъ: убилъ 2 бо и бяше въ ОрдЂ князь Дмитрии Михаиловичъ князя великаго Юрья безъ царева слова. Не добро же бысть и самому; еже бо сЂетъ, то и пожнетъ; якоже и Иоаннъ богословъ глаголетъ: братие, богъ любы есть, пребываяи въ любви съ братомъ, въ бозЂ пребываетъ и богъ въ немъ; и паки индЂ въ писании глаголетъ: иже имать ко 3 всЂмъ любовь, таковыи безъ труда спасется.

Въ лЂто 6834 [1325]. Прииде въ Новъгородъ поставленъ архиепископъ Моисии во вторникъ на вербнои недЂли. Того же лЂта, мЂсяца августа въ 28 день, загорЂся на БуянЂ улкЂ, и погорЂ и до половины Рогатицы, а Славкова улица отъ Дмитрия святаго и до поля, и церковь св. Климента сгорЂ. Того же лЂта уби царь въ ОрдЂ Дмитрия Михаиловича князя. Тои же зимы преставися митрополитъ Петръ всея Руси на МосквЂ, и положиша и въ церкви святыя Богородицы, юже самъ началъ здати каменну. Молитвами его сотвори богъ чудеса у гроба его: трие человЂцы прощены быша. Того же лЂта приидоша послы изъ Литвы, братъ Литовскаго князя Гедимона, Воини Полотскии князь, Василии МЂнскии князь, Феодоръ Святославичъ; и докончаша миръ съ новгородцы и съ НЂмцы. \459\

 1 На полях написано 1327

 2 На полях написано 1343

 3 В рукописи вельневича. Так и в Р. Испр. по Т.

 4 В рукописи ону. Испр. по КТ.

 5 На полях написано 1344

Въ лЂто 6835 1. [1327] Бысть мятежъ въ НовЂгородЂ, и пограбиша дворъ Остафьинъ Дворянинцевъ и пожгоша. Того же лЂта, на Успение святыя Богородицы, изби князь /л.88./ Александръ Михаилович Татаръ много въ Тфери и по инымъ городомъ, и торговцевъ гости хопольскии изсЂче: пришелъ бо бяше посолъ силенъ изъ Орды, именемъ Щолканъ, съ множествомъ Татаръ. И присла князь Александръ послы къ новгородцемъ, хотя бЂжати въ Новъгородъ, и не прияша его. Того же лЂта присла князь Иванъ Даниловичъ намЂстники своя въ Новъгородъ, а самъ иде въ Орду. На ту же зиму прииде рать татарская множество, и взяша Тферь и Кашинъ и Новоторжскую волость, и просто рекуще всю землю Рускую положиша пусту, токмо Новъгородъ ублюде богъ. А князь Александръ вбЂжа въ Плесковъ, а Константинъ, братъ его, и Василии въ Ладогу, а въ Новъгородъ прислаша послы Татарове, и даша имъ новгородцы 2000 сребра, и свои послы послаша съ ними къ воеводамъ со множествомъ даровъ. Убиша же тогда Татарове Ивана князя Рязанского.




лл. 93 об. — 94. 6851-6853 гг.


Въ лЂто 6851 2. [1343] Поидоша плесковичи въ воину съ княземъ Остафиемъ, въ 5 тысячъ, къ городу къ МедвЂжеи головЂ, въ НЂмецскую землю, и воеваша плесковичи; и бысть на озерЂ на ОстрЂчнЂ, на Сошествие св. Духа, надгониша НЂмцы и поставиша полкъ противу псковичъ, а псковичи себЂ сташа; и бысть побоище велико. Богъ пособи князю Остафию съ мужи плесковичи, убиша у нихъ князя, и вельневичь 3 много побиша и НЂмцовъ побиша. А Данила посадникъ псковскии, обрЂзавъ броня на себе, и побЂже. Того же лЂта митрополитъ Феогнастъ Гречинъ ходи въ Орду къ царю поганому къ ЖенебЂку, и обадиша его Калантаи къ цареви, ограбиша его, а самого яща и замучиша, а рекучи: «даваи дань полЂтнюю». Онъ 4 ся въ то не да, и положи посула 6 сотъ рублевъ и выиде на Русь здравъ. Того же лЂта, мЂсяца августа въ 8-и день, кончана бысть церковь каменная на ГородищЂ святое БлаговЂщение архиепископомъ новгородскимъ Василиемъ.

Въ лЂто 6852 5. [1344] Бысть мятежъ за Норовою великъ: избиша Чюдь своихъ бояръ земскихъ и въ Колыванскои земли и въ Ругодивскои волости, 300 ихъ. Потомъ сташа на нихъ вельневичи съ юрьевцы и избиша Чюди 4010, а /л.94./ избытокъ убЂжа во Островскую землю; тамо по нихъ ходиша велневичи въ Островскую землю, ихъ же не взяша, но сами биты отъидоша. \460\

 1 На полях написано 1345

 2 Написано на полях 1390

 3 Написано на полях 1391

Въ лЂто 6853 1. [1345] Заложи владыка Василии святую Пятницу, что порушалася въ великии пожаръ, повелЂниемъ раба божия Андрея, сына тысяцскаго, и Павла Петриловича. Того же дни заложи владыка Василии церковь Козмы и Дамиана, повелЂниемъ раба божия Анания Куритскаго, на КозмодЂмьянЂ улицЂ. Того же лЂта поновлена бысть церковь святаго Георгия, покровенъ бысть новымъ свинцемъ, замышлениемъ архимандрита Иосифа.



лл. 103 об.—104 об. 6897—6900 гг.


Того же лЂта Григории Якуничъ постави церковь каменну Покровъ святыя богородицы на воротЂхъ. Того же лЂта прииде въ Новгородъ князь Семеонъ Ольгердовичъ, и прияша его новгородцы въ честь. Тои же зимы преставися архиепископъ новгородскии АлексЂи, февраля въ 3 день.

Въ лЂто 6898 2. [1390] СЂде на великомъ княжении князь Василии Дмитриевичъ, и новгородцы взяша съ нимъ миръ по старинЂ. Того же лЂта поидоша новогородцы на съЂздъ съ НЂмцы и не взяша мира. И поидоша новогородцы ратию ко Пскову, и псковичи добиша челомъ Новугороду, и взяша миръ. Того же лЂта поставиша церковь каменну св. царя Константина и матери его Елены, и свяща ю владыка Иоаннъ. /л.104./ И поставиша монастырь новъ святаго Николы конецъ Людогощеи и Чюдинцовы улицы на СкудельницЂ. Тои же осени бысть моръ силенъ вельми въ НовЂгородЂ; великое множество христианъ умре по всЂмъ улицамъ. Сице бысть знамение на людЂхъ: при смерти явится желЂза; прибывъ 3 дни, абие умираше. Тогда же поставиша церковь св. Афонасия въ единъ день, и свяща ю владыка Иоаннъ, божиею же милостию паки преста моръ. Тои же зимы згорЂ церковь св. Дмитрия на ДаньславлЂ улицЂ, и весь запасъ церковныи, и товара множество изгорЂ.

Въ лЂто 6899 3. [1391] Бысть пожаръ, и погорЂ отъ Борковы улицы и до Гозеня, а на другои сторонЂ отъ Никитины улицы и до Радосковичь, и згорЂ церквии деревянныхъ 8, а каменныхъ 3 церкви огорЂша, а людеи 14 душъ сгорЂ, мЂсяца июня въ 5. Того же мЂсяца въ 21 загорЂся на Прускои улицЂ у Ведения святЂи богородицы, и погорЂ весь конецъ Людинъ до св. АлексЂя, и згорЂ церквии деревяныхъ 7, а каменныхъ 4 церкви огорЂша. Тои же осени послаша новогородцы послы на съЂздъ съ НЂмцы въ Изборско посадниковъ и купцевъ; а нЂмецскии послове приидоша изъ замория, изъ Любка и изъ Гоческаго берега, и изъ Риги, изъ Юрьева, и изъ Колываня и изъ иныхъ городовъ многихъ; тогда \461\ взяша миръ съ НЂмцы. Тои же зимы тии же послове нЂмецскии приидоша въ Новъгородъ, и товары свои поимаша, и крестъ дЂловали, и начаша дворы свои ставити изнова: занеже бо не бЂ по 7 лЂтъ миру крЂпкаго. Тои же зимы прииде митрополитъ Киприянъ въ Новъгородъ, и владыка Иоаннъ со игумены и съ попове срЂте со кресты у святаго Спаса на ИльинЂ улицЂ. И пребысть въ Великомъ НовЂградЂ 2 недЂли и много глаголавше Новугороду, чтобы грамота подрати, что Новгородъ покончаше, яко не зваться къ митрополиту на Москву. И новогородцы слова его не прияша, а грамотъ не подраша. И митрополитъ 1 поиде изъ Новагорода, а на новгородцевъ великое нелюбие держа.

 1 В рукописи митролит

 2 На полях написано 1392

Въ лЂто 6900 2. [1392] Юрьи Онцыфоровичъ постави церковь святую богородицу Успение и монастырь устрои. /л.104об./ Того же лЂта, вышедъ изъ Орды, князь великии Василии Дмитриевичъ и взя Нижнии Новъгородъ и поима князи и княгини въ таль, а князь Семенъ бЂжа въ Орду. Того же лЂта пришедше съ моря разбоиницы НЂмцы въ Неву, взяша села по обЂ стороны рЂки, за 5 верстъ до городка до ОрЂшка. И князь Семенъ съ городчаны сугнавши, иныхъ избиша, а иныхъ разгониша, и языкъ въ Новъгородъ привезоша; тогда же поиде въ Литву къ своеи братии, а Городокъ покинувши. Того же лЂта копаша валъ около Торговои стороны. Того же лЂта поиде князь великии Василии Дмитриевичъ въ Орду, позванъ царемъ. Того же лЂта посадникъ Богданъ Обакуновичъ съ своею братиею и съ уличаны поставиша церковь каменну св. Симеона на Чюдинце†улицЂ, и священа бысть на праздникъ его. Того же лЂта преставися посадники Василеи Федоровичъ и Михаило Даниловичъ, приимши мнишескии чинъ.




лл. 107 об.—108. 6906 г.


И въ то время воеводы послаша Дмитрия Ивановича, Ивана Богдановича, а съ ними дЂти боярскии, воеваша волости князя великаго, только за днище Галича не доходиша, а волости повоевавъ и пожгоша, и полона поимаша безъ числа, а на полону окупъ поимаша, понеже бо суды не подымутъ, а иныи полонъ пометаша. И оттолЂ поидоша по ДвинЂ къ городку къ Орлецу, воюя волости князя великаго, и приидоша къ Орлецу городку, и стояша подъ городкомъ 4 недЂли, поставиша пороки, и оступиша городокъ, и начаша бити пороки. И вышедши двиняне изъ городка, и начаша бити съ плачемъ воеводамъ и всЂмъ воемъ новогородскимъ, и воеводы новогородскии и вси вои, по своего господина по новогородскому слову, челобитье прияша двинянъ, а нелюбия имъ отдаша, а воеводъ заволостскихъ Ивана и Конона съ други \462\ изымаша овыхъ смертию казниша, а Ивана и брата его Алфана и Герасима и Родиона исковаша, кто водилъ Двинскую землю на зло; а у князя Феодора Ростовскаго взяша присудъ или пошлины, что поималъ, а самому съ други животъ даша, а у гостии князя великаго взяша съ головъ окупа 300 рублевъ, а у двинянъ за ихъ преступление и за ихъ вину воеводы и вси вои новогородцы взяша 2000 рублевъ, а 3000 коневъ: бяше бо всЂхъ новогородцевъ 3000. Постави архиепископъ новогородскии владыка Иоаннъ церкву каменну святое Воскресенье на воротЂхъ, и свяща ю самъ. Постави Михаилъ Крупа церковь каменну святаго Николы конецъ Люгощи улицы и Чюдинцевы. Тои же осени, по владычню благословению Иоаннову, ходиша послы изъ Новагорода: архимандритъ Парфении и посадникъ Есипъ Захарииничъ и житыи люди къ великому князю Василию Дмитриевичу, взяша миръ съ великимъ княземъ по старинЂ. Тои же зимы приидоша изъ Заволочья воеводы новогородскии въ Новъгородъ: посадникъ ТимофЂи, посадникъ Василии, и бояре и дЂти боярскии, и вси вои добры здоровы; и рады быша новгородцы своеи братии, а перевЂтника Ивана Никитина скинуша съ /л.108./ мосту; а Герасимъ и Родионъ съ плачемъ добиша челомъ великому Новогороду, и Новъгородъ даша животъ, и постригошася въ мнишескии чинъ, а Алфанъ избЂжа на пути.




лл. 118—119. 6950—6952 гг.


 1 На полях написано 1442

 2 К слову осмого сделано той же рукою, но более мелким почерком, следующее примечание подъ строкою: осмыи соборъ былъ во время императора Василия и патриарха Фотия, въ лЂтЂ по христЂ 870-мъ. Въ лЂтЂ же отъ христа 1431-мъ начался соборъ во время императора римскаго Сигисмонда въ городЂ Базилии, и продолжался болЂе десяти лЂтъ, то есть до 1442-го. И можетъ быть что Исидор митрополитъ тогда возвратился съ того собора, а не съ осмаго

Въ лЂто 6950 1. [1442] Князь великии московскии Василии Васильевичь возверже нелюбовь на Великии Новъгородъ, присла грамоту вскладную и повоева волости новогородскихъ много. Новогородцы же послаша архиепископа Еуфимия и съ нимъ бояръ и житыхъ людеи, и наЂхаша его въ ДеревЂхъ у города у ДЂмона, и докончаша съ ними миръ по старинЂ, и даша ему 50000 рублевъ, а псковичи пособляху князю великому Василию, много земли новогородския повоеваша и пакости сотвориша не мало. Въ то же время воеводы новогородскии съ заволочаны по князя великаго земли воеваша много противу того, что князь воевалъ новогородския волости. Тои же зимы приЂха митрополитъ Исидоръ съ осмого 2 собора на Русь изъ Рима, и нача зватися легатосомъ отъ ребра апостольскаго, сЂдалища римския власти, и митрополитомъ римскимъ, и нача поминати папу римскаго въ службЂ, и иныя новыя вещи, \463\ ихъ же николиже слышахомъ отъ крещения Руския земли; и повелЂ въ лядскихъ божницахъ рускимъ попомъ свою службу служити, а въ рускихъ церквахъ капланомъ, Литва же и Русь за то не изымашася. Того же лЂта, повелЂниемъ архиепископа новогородскаго Еуфимия, подписана бысть церковь св. Николы на Вежищахъ. Того же лЂта подписана бысть полата большая владычня, и сЂни прежнии. Того же лЂта постави архиепископъ Еуфимии церковь святаго Бориса и ГлЂба, на старои осно†въ околоткЂ; и быша ему пособницы новогородцы.

 1 На полях написано 1443

Въ лЂто 6951 1. [1443] ПриЂха митрополитъ изъ Литвы на Москву, и князь великии Василии Васильевичъ повелЂ ему служити; и слышавъ отъ него въ службЂ, что поминаетъ папу римскаго, а не патриарха Царяграда, и иныя вещи многия не по обычаю земли Руския, и рече князь великии: «при нашеи братии, князеи великихъ Руския земли, сего не бывало, и азъ сего не хощу слышати»; и по/л.118об./велЂ жити ему въ монастырЂ и приставомъ повелЂ стрещи его, онъ же избЂжа въ Тферь и оттолЂ въ Литву. Того же лЂта князь великии московскии возверже нелюбие на князя Дмитрия Юрьевича и погонися по немъ; и онъ отбЂжа въ новогородскои БЂжецскии верхъ, и много волостямъ пакости сотвори; и присла въ Новъгородъ посолъ: «чтобы мя есте прияли на своеи воли». Новогородцы же отвЂщаша: «хошь, княже, и ты къ намъ поЂди; а не восхощешь, ино какъ тебЂ любо». Того же лЂта постави боголюбивыи архиепископъ новогородскии владыка Еуфимии святаго Спаса Преображения въ РусЂ, на старои основЂ, а быша пособницы новогородцы и рушане; и совершена бысть семтеврия мЂсяца въ 13-и день. Въ тои же день приЂха изъ Новагорода архиепископъ, и облечеся во вся священныя одежды, и съ нимъ соборъ св. Софии, и повелЂ рускимъ игуменомъ и попомъ съ собою службу служити, и свяща ю самъ на праздникъ Воздвижения честнаго креста, и добрЂ ю украси, и иконы на златЂ добрымъ писаниемъ устрои, и ины потребныя мЂста добрЂ соверши, яко же подобаетъ церкви на красоту, и церковныя служебныя сосуды сребряны сотвори, и иныя сосуды сребряны устрои на потребу монастыря. Того же лЂта постави архиепископъ владыка Еуфимии церковь каменну святаго Николы въ своемъ дворЂ. Того же лЂта поставиша церковь каменну святаго Прокопия на БЂлои. Того же лЂта постави архиепископъ Еуфимии поварни каменны и комнату каменну въ своемъ дворЂ. Того же лЂта бысть пожаръ въ Плотницскомъ концЂ: загорЂся отъ Щитнои улицы, и погорЂ половина Конюховы улицы и Запольская вся, и за городъ прешедъ, погорЂ. И паки того же мЂсяца маия въ 11-и загорЂся на ПодолЂ, и бысть пожаръ лютъ и пакости людемъ много, и церквеи каменныхъ огорЂ 12, а христианскихъ душъ богъ вЂсть \464\ колико сгорЂ, и конецъ весь погорЂ до святаго Георгия, и ту преста /л.119./ на ЛубяницЂ. И по малЂ времени, того же мЂсяца, погорЂ Заполие Микитины улицы, и бысть пакость велика людемъ, кои вносилися къ нимъ съ животы своими. Въ то же время людие отъ скорби тоя великия пожарныя, похвативше люди, глаголюще отъ ярости смущены: «въ таинЂ ходите и людемъ не являетеся, и зажигаете градъ, и людеи губите», диаволи 1 есть глаголюще, 1 а богъ вЂсть испытания человЂческая.

 1 Текст искажен. Так и в Р. В К право ли есть глаголющаа 2 На полях написано 1444

Въ лЂто 6952 2. [1444] Постави архиепископъ новогородскии владыка Еуфимии духовницу каменну и сторожню каменну въ своемъ дворЂ. Того же лЂта поставиша церковь каменну на Крече†въ РусЂ.












Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.