Попередня       Головна       Наступна





СКАЗАНІЄ ПРО ЄВСТАФІЯ ПЛАКИДУ





В ТОЙ ЖЕ ДЕНЬ. ПИСАНИЕ ЖИТИА И МУКИ СВЯТАГО ЕУСТАФИА И ЖЕНЫ ЕГО ФЕОПЕСТЕА, И ЧАДУ ЕЮ АГАПИА И ФЕОПИСТА


Во дни царствиа Траианя, идольстии жерт†одержащи, бЂ етеръ стратилатъ, именемъ Плакида, добра рода и славна, богатъ же зЂло паче всЂхъ златомъ и прочею службой; еллинъ же бЂ вЂрою, а дЂлы праведными украшашеся, алчющая насыщая, жажющая напаая, нагиа одЂвая, впадающимъ в бЂду помагая, ис темница изимая, и всЂмъ людемъ отнудъ помогая. ИмЂ же и жену тояжде вЂры и си же дЂла творящю. Родиста же два сына и въспитаста я в той же добрЂй воли. БЂ же тако прослулъ мужь сей добродЂтелию и крЂпостию и силою, яко вси погании и варвари именованиемъ токмо бояхуся его. БЂ бо храборъ велий и ловець худогъ, по вся дни весело ловя. ЧеловЂколюбець же богъ, призвавый всегда везде сущая достойны его, не позрЂ его въ тмЂ идольскихъ жертвъ, но яко же писано есть: яко всякъ человЂкъ бояйся бога въ всякомъ языци приатъ имъ есть, въсхотЂ сего спасти сицемъ образомъ: отшедшю бо ему въ единъ отъ дни по обычаю на ловь свой и со слугами своими, явися ему стадо елений ходяще; и растроивъ воя, и нача гонити. И видЂ елень болий въ всемъ стадЂ и краснЂй; отлучи же ся елень той отъ стада, отлучи же ся и Плакида с маломъ чади, и начатъ с ними гонити по немъ. Гонящим же имъ, изнемогоша вси, Плакида же единъ начатъ гонити по немъ, отлучи же ся далече отъ дружины. Долго же гонящю ему, елень той взиде на камень высокъ и ста на немъ. ПриЂхавъ же близъ стратилатъ, не сущю ни единому с нимъ отъ слугь, помышляше же в себЂ, которымъ образомъ уловилъ бЂ. Богъ же, содержай и устрояй всяческыя пути на спасение человЂкомъ, той паче улови явлениемъ своимъ, не якоже Корнилиа Петромъ, но якоже Павла гоняща. Долго же стоящу ПлакидЂ и зрящу и дивящуся, показа ему богъ чюдо сицемъ образомъ, да якоже при ВаламЂ проглагола оселъ его человЂчески. Такожде и сей показа над рогама же еленема образъ святаго креста, свЂтящься паче солнца, посредЂ же рогу образъ святаго тЂла Христова. Гласъ же человЂческъ богъ вложи въ елень, и рече ему, глаголя: «О Плакидо! Что мя гониши? Се тебе ради пришелъ есмь на животнЂмъ семъ явитися тебЂ. Азъ есмь Иисусъ Христосъ, егоже ты нынЂ не вЂдый чтеши. Добрыя бо твоя дЂтели, яже ты твориши нищимъ, взидоша предъ мя, да того ради приидохъ явитися тебЂ на животнЂмъ семъ възловить тебЂ, нЂсть бо праведно моему приателю вязити в сЂти неприазненЂ». Си слышавъ стратилатъ и пристрашенъ бЂ, спаде с коня; годинЂ же минувши въста, хотя истЂе видЂти, и рече: «Кто есть гласъ сей, иже слышу, явися мнЂ глаголяй, да вЂрую в тя!» Рече же к нему господь: «РазумЂй, Плакидо, азъ есмь Иисусъ Христосъ, сотворей небо и землю отъ не сущихъ; азъ есмь сотворей солнце на просвЂщение дни, луну же и звЂзды въ просвЂщение нощи; азъ есмь создавый человЂка отъ земля и спасениа ради человЂческа явихся плотию, пропятие же пострадавъ и погребение, и въ третий день въскресохъ». Си слышавъ Плакида, паде на земли, глаголя: «ВЂрую в тя, господи, яко ты еси творець всяческимъ и животворець мертвымъ». Рече же к нему пакы господь: «Аще вЂруеши в мя, иди въ градъ, и приступи къ иерею христианьску, и проси у него крещениа». Рече же Плакида: «Господи! Велиши ли си повЂдати женЂ моей и чадома моима, да и тЂ вЂру имуть?» Рече же господь: «ПовЂжь, и крещьшеся истребитеся отъ грЂхъ вашихъ. И прииди сЂможде, да тебЂ я†сотворю спасеныя тайны». Сошедъ же Плакида, уже вечеру сущю, начатъ повЂдати женЂ своей великая чюдеса Христова, яже видЂвъ. Егда же сконча глаголя, възопи жена его, глаголющи: «О господи мой! Пропятаго ли видЂлъ еси, егоже христиане чтуть? Тъй бо есть богъ истинный, спасаай тацЂми знамении вЂрующая в онь». Еше же възопи, глаголющи: «Помилуй мя, господи Иисусе Христе, и оба младенца моя!» Рече же къ мужю: «И азъ в мимошедшую нощь видЂхъ й, въ снЂ глаголющь: утрЂ ты и мужь твой и обЂ чадЂ твои приидЂте ко мнЂ и разумЂете, яко азъ есмь Иисусъ Христосъ. Пойди убо в сию нощь, да идемъ и крестимся: симъ бо крещениемъ свои ему будемъ». И рече к ней Плакида: «Се же бо и мнЂ рече явлий мн ся». И егда полунощи бысть, тай поимъша оба младенца и мало отъ отрокъ, приидоша киерЂю. Оставльше же внЂ слугы и възвЂстиша иереови вся видЂниа ею, исповЂдавше же ся вЂровати во господь нашь Иисусъ Христосъ, молиша й, да дасть имъ знамение крещениа Христова,

Он же радъ бывъ и прославль господа Иисусъ Христа, хотящаго всякого человЂка спасти и в разумъ истинный привести, и поимъ я, молитву створи надъ ними и научи я вЂре, крести же въ имя отца и сына и святаго духа. Плакиду же нарече Еустафиа, а жену его Татьяну нарече Феопесту, сына же первеньца нарече Агапиа, а меншаго нарече Феописта; и дасть имъ отъ святаго причастиа святаго тЂла и крове господа нашего Иисусъ Христа, и отпусти а, рекъ: «Богъ буди с вами и царство свое даждь вамъ! Азъ бо разумЂхъ, яко рука господня над вами есть. Вы же, егда въдворитеся в раи пища, помянете душю мою Иоаннову, ей, молюся вамъ».

Утру же бывшю, и поимъ Еустафий мало снузникъ с собою, взиде на гору. Близъ же бывъ мЂста, идЂже бЂ видЂние видЂлъ, отсла слуги, рекъ: «Поищете лова». Он же мало претерпЂвъ, паде ниць, вопиа и глаголя: «Молюся тебЂ, господи Иисусе Христе, разумЂхъ, яко ты еси Христосъ, сын бога живаго, и вЂрую въ отецъ и сынъ и святый духъ; и нынЂ приидохъ и молюся божеству твоему, да ми вЂсто сотвориши, еже ми еси реклъ». Рече же к нему господь: «Блаженъ еси, Еустафие, приимъ баню благодати моеа; нынЂ совлеклъся еси истлЂннаго человЂка и оболкъся еси в неистлЂннаго. НынЂ имать явитися дЂло твоея вЂры. ПонЂже оставилъ еси диавола, ищеть на тя напасти етеры; сю же аще претерпиши, приимеши вЂнець побЂды. Се бо възнеслъся еси богатьствомъ житиа, и смиритися имаши богатьствомъ духовнымъ; и не мози въспятитися, поминая на древнюю славу свою, и якоже угодилъ еси земному царю, такоже подщися побЂдити диавола и хранити мою вЂру: другый бо Иовъ явитися имаши в напастехъ. Блюди убо, да не възыдеть на сердце твое хула. Егда бо смиришися, прииду к тебЂ и устрою тя въ сла†твоей первЂй». И си рекъ господь, взыде на небеса, рекъ ко Еустафиеви: «НынЂ ли хощеши, да ти приидеть напасть, или в послЂдняа дни?» Рече же Еустафий: «Молюся тебЂ, господи, аще нЂкако да мимоидеть реченное, нынЂ повелЂ, да приидеть напасть. Но даждь, господи, силу и сохрани ны отъ зла помышлениа, да не смутятся сердца наша». Рече же к нему господь: «Подвизайся и крЂпися, Еустафие, благодать моя с вами буди».

Съшедъ же с горы, вниде в домъ и повЂда женЂ своей. Поклонше же колЂна, моляхуся богу, глаголюще: «Господи, твоя воля буди!» Малу же дни мимошедши, вниде моръ в домъ его, изомроша вси раби его. Сему же бывшю, ощути Еустафий реченой напасть; приим же ю с похвалою, тЂшаше жену свою не изнемощи. Не по многу же времени, тожде моръ вниде и въ скотъ его, и изомроша вси кони и скоти его. Приим же сию напасть с похвалою. И отъиде из дому своего таи на ино мЂсто единъ со женою и съ сынъма. ВидЂвше же татие отшествие ихъ, в нощи въсхитиша имЂния ихъ, злато же и сребро, и челядь, и все богатьство. Во дни же ты праздньство творяше царь, зане бЂ побЂдилъ воя перьскыя; подобаше же обрЂстися ту и стратилату, зане бЂ честнЂй всея суньклитиа. Искаше же его и не обрЂтоша; и вси жаловаху, како толь скоро имЂние его погыбе, и сам же не обрЂташеся; и жаловаше же и царь и вси сущии о немъ.

Жена же Плакидина рече к нему: «ДоколЂ ждемъ здЂ, господи мой? ПриидЂ, да поими обЂ чадЂ наю: ти бо оставленЂ есте наю; и да отъидевъ отъ сея земля, яко поношенне быхо†знающимъ ны». В нощи же въставша, поимша обЂ отрочатЂ свои, идяшета въ Егупетъ. Два же дни шедша, приидоста на море; обрЂтша же корабль стоящь в пристанищи, влЂзоша в онь. БЂ же господинъ корабля того варваръ сверЂпъ; влЂзше же поплуша. ВидЂвъ же науклиръ жену Еустафиеву, яко красна бЂ лицемъ зЂло, възлюби ю; и егда преидоша на онъ полъ, прошаше у него мзды. Не имущима же има что дати, удержа жену Еустафиеву за мыто. Противящу же ся Еустафию и молящуся еа ради, поману науклиръ корабленикомъ, да ю в море ввергуть. РазумЂ же Еустафий, не по воли остави жену свою; поимъ же обЂ отрочатЂ свои, идяше, и плачася и глаголя: «Увы мнЂ и вама, яко мати ваю издана есть мужеви иноплеменнику!» Грядый же слезенъ доиде етеры рЂки; видЂв же ю водну, убоася вкупЂ пренести обЂ отрочатЂ. Взем же на рамо отроча преплуть рЂку, ось поль другое оставль; принесъ же положи на земли и възвратися, хотя другое пренести. И внегда бысть посреде рЂкы, видЂ, яко левъ восхити отроча его, бЂжить. ВидЂв же се и възвратися къ другому, чаяние свое имЂя; видЂв же такожде и то волкомъ въсхищено. И видЂвъ чадЂ свои звЂрма въсхищенЂ, торгая власы своя и плачася горко, хотяше ся утопити в рЂцЂ; но не дасть ему богъ того сътворити, и изыде из рекы. Левъ же выше преплувъ рЂку, идяше в пустыню, нося отроча божиею волею здраво. ВидЂвше же пастуси отроча живо носимо, гониша со псы по львЂ. Убоявь же ся левъ, поверьже отроча здраво и отииде. Другое же отроча такожде волкомъ въсхыщено, видЂвше же ратаи етери здраво носимо отроча, въскричаша по немь, онъ же повергъ отроча, побЂже; ратаи же и пастыри изъ единоя вЂси бЂша, и поимше отрочатЂ, въспиташа и. Сего же Еустафий не видяше; но идяше по пути, плачася и сице глаголя: «Увы мнЂ, иногда яко цвЂтущу, нынЂ же обнажену! Увы мнЂ, иногда богату бывшю, нынЂ же аки плЂнену сущю! Увы мнЂ, иногда тма людий служаше ми, нынЂ же единъ есмь оставленъ, ни понЂ чадцю свою имый!

Но не остави мене, господи, господи, до конца, ни моихъ слезъ мози презрЂти; помяни, господи, рекьша тя: приати имаши напасть, якоже Иовъ, но се боле Иова мнЂ бысть. Онъ бо аще имЂниа лишенъ бысть, но на своемъ смЂтище сЂдяше: аз же на страннЂ земли муки приемлю; онъ приателя имЂше утЂшающая й: мое же утЂшение дЂтное звЂрие дивии на пустыни сей отъяша; онъ аще и отъ ветвий лишенъ бысть, но корене женьскаго зря утЂшашеся; аз же окаанный отвсюду искорененъ быхъ и якоже трость в пустыни бурею неприазненою колЂблюся. Но не отверзи мене, господи Иисусе Христе, раба твоего, много глаголющи: болЂзнию бо сердца, не волею се глаголю; положи, господи, сохранение устомъ моимъ и двери ограждены о устнахъ моихъ; да не уклонится сердце мое въ словеса лукавна, да не отверженъ буду отъ твоего лица». И си глаголя со въздыханиемъ и слезами, дойде етеры веси, нарицаемыя Вадисонъ. Вшедъ же в ню, дЂлаше и взимаше дневную пищу. Пожив же в ней много лЂтъ, умоли мужа тоя веси и да устроиша хранить жита ихъ; взимаа же мьзду свою, пожи 15 лЂтъ.

Сына же его въспитЂ на быста въ друзЂй веси, не знающа себе, яко брата си еста. Науклиръ же онъ иноплеменникъ веде жену Еустафиеву на свою землю; богу же сице изволшю, умреть иноплеменникъ той, не прикоснувся ей: свободь же бывше, живяше тако.

Воеваше же иноплеменници ти на Римъ и отъяша многу страну. Многу же печаль имЂ о томъ царь, и помяну Плакиду, зане бЂ доблий храборъ. Воспомянув же, зЂло дивляшеся о измЂнении бывшимъ ему внезапу. Избрав же воя, хотя воевати; и пекыйся о ПлакидЂ, въпрошаше когождо его ради: живъ ли есть или умерлъ? И заповЂда всЂмъ искати его, аще живъ есть. И посла по всему царству своему искать его, рекь: «Аще кто обрящетъ и повЂсть й мнЂ, сотворю ему честь велию и приложю къ уроку его». Два же етера въина, имаже есте имени си Антиохъ и Акакий, яже служашета всегда ПлакидЂ, идоста взыскати его. Обьшедша же всю землю, приидоста в весь, в ней же живяше Еустафий не вЂдущи. ВидЂвша же й, не мысляшета въпросити его. Еустафий же издалеча я позна. И въспомянувь древнее свое житие, начатъ плакати и молитися, глаголя: «Господи боже милостивый, избавляай отъ всякоя скорби уповающая на тя! Якоже есмь внезапу видЂлъ бывшаа со мною древле, сподоби мя видЂти рабу твою, а жену мою. Нищии бо мои чадЂ видЂ, яко звЂрие суть снЂли злыхъ ради моихъ дЂлъ. Даждь же, господи боже истинный Христе, да поне въ день въскресениа узрю чадЂ свои». Си же глаголющу ему, услыша гласъ с небесе, глаголющь ему:

«Дерзай, Еустафие! В се бо время пакы устроенъ будеши въ древнюю свою честь, и жену свою приимеши и сына своя. На въскресение же болша узриши, и наслаждение же вЂчныхъ благъ получиши, и имя твое величано будеть в роди и родомъ». Си слышавъ Еустафий и пристрашенъ бывъ, сЂде; видЂв же въина приближающася к нему, съшедъ с мЂста, идеже сЂдяше, и ста при пути противу има. Близъ же бывшима има его, не познаста его. РЂста же к нему: «Радуйся, друже!» Онъ же к нима: «Миръ буди вама, брата!» РЂста же к нему: «Рци нама, аще знаеши зде етера странна, именемъ Плакиду, со женою и со двЂма отрочатма? И аще покажеши й нама, дади†ти злата много». Онъ же рече к нимъ: «То чесо ради ищета его?» Она же рЂста: «Другъ наю есть и има†многа лЂта не видЂвша его, да того ради хоще†и видЂти». Рече же к нима: «Не знаю такого мужа здЂ. Но всяко препочийта понЂ мало в хижици моей, и азъ бо странникъ есмь». Веде же ю в хижицю свою, и иде купить вина, да я напоить зноя ради. Рече же къ господину дома того, в нем же самъ живяше: «Знаема ми еста мужа сиа, да того ради приидоста ко мнЂ. Даждь ми убо хлЂба и вина, да предложю има, и въздам ти въ время дЂла моего». Он же дасть ему, елико хотяше. Пьющимъ же имъ и ядущимъ, напаяа же а Еустафий, не можаше терпЂти, помышляа древнее истое житие; но слезы ся ему възвертЂша. Излазя же вонъ, плакашеся и умываше си лице; и влазя паки, служаше има. Она же зряща его, начаста по малу познавати его. РЂста же к себЂ едина: «Колми подобенъ есть мужь сей искомому нама». Рече же единъ къ другу своему: «ЗЂло подобенъ к нему есть. Но азъ вЂдЂ, яко мало есть знамение вреда на выи его, бывшии ему на брани. Да вЂдЂвЂ, аще имать знамение то, тъ той есть ищемый нама». ЗрЂвша же прилЂжно, видЂста знамение то на выи его; и абие въскочиста, облобызаста й, и со слезами въпрашаста й, аще той есть бывый иногда стратилатъ Плакида. Онъ же прослезися, рече к нима, яко нЂсмь азъ. Показающема же има знамение на выи его и кланяющимася има, яко ты еси стратилатъ Плакида, въпросиста же и о женЂ его и о сыну ею, и ина многа въспоминашета. И тогда исповЂда, яко азъ есмь. 0 женЂ же своей и о сынову рече к нима, яко умроша. Сим же бесЂдующимся, вси людие тоя веси стекошася, яко на велико чюдо. Воина же утолша молву, начаста повЂдати людемъ дЂание и житие и храборьство и гордыню его. Слышавше же се людие, плакахуся, глаголюще: «О каковъ мужъ великъ наимникъ бысть!» Тогда воина показаста ему букви царя, а оболкъша й в ризы, поимша, поидоша. Вся же весь провожаше й; он же утЂшь, възврати а. Идущим же имъ повЂда има, како видЂ Христа, и яко нареченое ему есть имя въ крещении Еустафий; и вся приключьшаася ему повЂда има. Шедша же 15 днии, приидоша ко царю. ВлЂзъша же, повЂдаста, како обрЂтоста Плакиду. Изиде же царь въ срЂтение ему, и облобыза й; и много прослежь, въпроси отъ него вины отшествиа его. Онъ же по ряду повЂда къ царю и къ всЂмъ другомъ и о женЂ своей, яко в море оста, и о сынову своею, како звЂремъ стравленЂ быста. Бысть же радость велика о обрЂтении его. Умоли же и царь, да ся препояшеть мечемъ; и препоясася, якоже и первЂе стратилатъ сый.

ВидЂвь же воя, яко не довлЂють противу варваромъ, повелЂ тироны собрати; и написаны быша книгы отъ царя въ вся грады и въ вся веси Римьскыя области. Приключи же ся и в ту весь, идЂже бЂста въспитана сына Еустафьева, доити написанию цареву. Вси же сущии в той веси оба юноши та, якоже странна сущи, предаша я воиномъ; бЂста же растомъ и видЂниемъ красна зЂло. Собраномъ же всЂмъ тирономъ, и приведеномъ бывшемъ къ стратилату, видЂвь я вся учинены на нумеры, видЂв же она юноши оба паче всЂхъ краснЂйша, учини а себЂ на службу. Зря же ею тако красну, повелЂ има всегда Ђсти с собою на трапезЂ. И расчинь воя, иде на брань; и страну, юже бяше первЂе отъяли варвари, свободи; оны же побЂждь, преЂде рЂку, нарицаемую Идаспая. ПреЂхавъше же, внидоша в Вышнюю страну варварьскую, и ту побЂдиша. Мысляше же Ђхати и на другую, божии же воли водящи и, идЂже бЂ жена его сохранена отъ иноплеменника того. Умершю бо ему, отшедши и хижину створши, стрЂжаше вертограды тЂхъ людий. Пришедъ же в ту весь стратилатъ и повоевавь ю, препочи с вои в ней три дни. Приключи же ся колимогу его близъ хижа еа поставлену быти при вертогради, иже храняше жена его. Юноши же она обитаста въ хижицы жены тоя, не вЂдущи, яко мати има есть. В полудни же сЂдяща, повЂдашета о младеньст†своемъ: помняшета бо мало что. Мати же ею послушаше. Рече же старЂй брать, яко: «Азъ иного не помню ничтоже раз†се, яко отецъ мой стратилатъ бЂ, мати же моя зЂло красна; имЂста же два сына: мене и инъ мнЂ мене, русъ власы, красенъ зЂло. И поимша ны, изыдоста из дому в нощи и влЂзоста в корабль с нама. Не вЂмъ, камо хотяща ити. Внегда же излЂзохомъ ис корабля, мати же наю не бЂ с нами, и не вЂмъ, како в мори оста. Отець же взят ны на рамЂ, и идяше, плачася. Приидохом же на етеру рЂку, и пренесе меньшаго брата, а мене остави на семъ полу. Хотящу же възвратити, да мя пренесетъ, левъ прииде и въсхищь мя идяше, пастырие же овчии отъяша мя у лва, и въспитЂша мя въ веси, в ней самъ вЂси. Боле сего юже не вЂмъ». Слышавъ же си словеса менший братъ, воскочи, и плачася глаголаше: «Тако ми сила Христова! Братъ мнЂ еси ты. Познахъ бо яже ми повЂда; такожде бо ми суть повЂдали иже въспитЂша мя, яко вълку тя отъяхомъ». Приимше лобызаше и. Слышавши же се мати, и познавши бесЂду реченую до корабля, и разумЂвши, съжали си зЂло, наипаче лобызающеся видящи, и плачющеся, помышляюще, егда то еста сына ея, паче же слышавшиа, яко отецъ има стратилатъ бЂ. Въ другый же день прииде къ стратилату жена та, глаголющи: «Молюся тебЂ, господи мой, азъ римлянынЂ сущи, плЂнена есмь сЂмо, да веди мя на свою землю». И се глаголющи жена, зряше знамениа сущаго на мужи ея. И познавши и, бояшеся въпросити его. Дерзнувше же, припаде к нему, глаголющи: «Молюся тебЂ, господи мой, не мози ся гнЂвати на рабу твою, но кротко послушай. ПовЂждь мнЂ древнее твое житие: азъ бо мню, яко ты еси стратилатъ Плакида, именовавыйся въ крещении Еустафий, емуже Христосъ явися еленемъ, вЂровавый в онь и впадавый в напасти, поимый жену свою и обЂ чади свои Агапиа и Феописта, и въсхотЂ ити въ Египетъ; овогда же плавахо†в корабли, науклиръ варваръ поят мя, иже мя приведе на сю землю. СвЂдитель же ми есть Христосъ, яко ни тъй, ни инъ никтоже не оскверни мене до днешняго дые. Аще бо ты еси, его же азъ познахъ знамениими, повЂждь ми. Тако ти сила Христова». Слышавше же се Еустафий отъ нея, и той такожде позна ю. Възрадовавъ же ся, плакася велми и рече: «Азъ есмь, его же ты глаголеши». И въста абие и облобызашетася, славяще Христа господа, избавляющаго рабы своя от многыхъ скорбей. Рече же к нему жена его: «Господи мой! Есте здЂ чади наю>>. Он же рече: «ЗвЂремъ стравлена еста». И повЂда си, како я погуби. Она же рече: «Да хвали†Христа господа, да якоже нама дасть обрестися, такожде нама имать дати чадЂ наю». Рече же к ней Еустафий: «РЂхъ ти, яко звЂрми стравленЂ бысте». Рече же к нему жена его: «Вчера сЂдящи въ вертоградЂ, слышахъ етера юноши два к себЂ глаголюща о младеньст†своемъ и познахъ я, яко та еста сына наю. Но и та не знаяшетася, яко брата си бяше, токмо повЂстию старшЂйшаго брата. Аще бо до днешняго дне сего нЂси видЂлъ, разумЂй, колика есть милость Христова! Слыши же отъ нею, и речета ти». Призвав же оба юноши стратилатъ, вопроси я: «Кто еста и что ся есть приключило вама?» ПозЂдаста же ему все, и позна я, яко та еста сына наю. Приим же а Еустафий, облобыза я; такождежея и мати облобызаше со слезами, хвалящи бога о славнЂмъ обрЂтени ихъ. Отъ вторыя же годины до шестыя прослу чюдо се по всЂмъ воемъ; и собрашася вои, веселяхуся о обрЂтени ихъ паче, нежели о бывший побЂдЂ на варварЂхъ. Праздньство же велико сотвори Еустафий о познани ихъ, во другий же день бога призвавъ и гласы похвалны въ славу Христову о велицемъ человЂколюбии его. ПобЂждьше всю страну варварьску, възвратишася с побЂдою велиею, обьдо много несый, боле же плЂнникы ведый.

Уключи же ся, даже Еустафий не възвратися со брани, умреть царь Траианъ. Поставленъ же бысть инъ царь в него мЂсто, именемъ АндрЂанъ, еллинъ и той такожде, лющий всЂхъ царь древнихъ. Възвращьшю же Еустафию с побЂдою, срЂте й царь, якоже есть обычай римляномъ. УвЂдЂв же побЂду, юже створи, и обрЂтение жены его и сынову его, болшими радоваше и иде въ церковь неприазнену жертвы принести идоломъ. Влазящу же ему въ церковь Аполлонову, не вниде с нимъ въ церковь Еустафий, но внЂ оста. Призвав же царь, рече: «Почто не пожреши богомъ, приЂхавъ с побЂды? Достоитъ бо тебЂ не побЂды ради токмо, но и обрЂтениа ради жены твоеа и сынову жертвы сотворити». Рече же Еустафий къ царю: «Азъ Христу своему въсылахъ и въслю молитвы и молениа: иного же бога ни знаю, ни чту, токмо сотворшаго словомъ всяческая». Тогда повелЂ царь изврещи й отъ чести тоя, стати же предъ нимъ, яко простому человЂку; жену же его привести и сына его и тако испытати а. ВидЂв же царь непреложную вЂру его, повелЂ самого и жену его и дЂти его пустити къ звЂри. Тек же левъ и ста близъ блаженныхъ, и поклонься имъ, отъиде, хотя излЂсти изъ игралища; и изыде ис позорища. Тогда царь, видЂвъ дивное то чюдо, яко не прикоснуся ихъ звЂрь, повЂле же ражжещи волъ мЂдянъ и въврещи святыя в онь. Собравше же ся вси вЂрнии отъ еллинъ немало, хотяще видЂти вмЂтаемыя въ мЂдь. И егда близъ приидоша, въздЂвше рукы своя на небо, помолишася, глаголюще: «Господи, боже силъ, и всЂмъ невидимъ, намъ же видимъ! Якоже въсхотЂлъ еси, послушай насъ молящихся тебЂ! Се бо молитва наша скончася, зане совокупихомся. И сподобил ны еси части святыхъ твоихъ: яко и трие отроци въвержении в ВавилонЂ въ огнь и не отвергьшеся тебе, тако и нынЂ насъ сподоби скончатися огнемъ симъ, и да приати тобою будемъ, яко жертва благоприатна. Даждь же, господи боже, всякому поминающему память нашю участие въ царствии небеснЂмъ твоемъ, ярость же огня сего преложи на хладъ и сподоби ны, да в немъ скончаемся. Еще же, господи, сподобиши, да не разлучатся телеса наша, но да вкупЂ лягуть». Сице же помолшимся имъ, гласъ бысть съ небеси, глаголя: «Буди тако, якоже просисте. И боле вамъ будетъ, яко многи напасти претерпЂсте и не побЂждени бысте; идете в миръ, приимЂте вЂнца побЂдныя, почивайте въ вЂкы вЂкомъ за страсти ваша». И си слышавше святии, с радостию предашася огню. И ако ввержени быша во огнь, и абие огнь угасе. Прославльше же пресвятую троицю, предаша в миръ душа своя, и не прикоснуся огнь ни понЂ власЂхъ. По трех же днехъ приде нечестивый царь на мЂсто то, и повЂлЂ отврьсти мЂдяный тъй волъ, да видить, что есть сотворено телесемъ святыхъ мученикъ. ОбрЂте же цЂла телеса ихъ и мнЂ, яко живи суть. Изнесъше же, положиша я на земли; дивиша же ся вси стоящии, яко и власехъ ихъ не прикоснуся огнь; свЂтяху же ся телеса ихъ паче снЂга. Убояв же ся скверненый царь, обиде. Людие же възопиша: «Въ истинну велий есть богъ христианескъ! Единъ истиненъ богъ Иисусъ Христосъ и нЂсть инъ, иже сохрани святыя своя!» Христиане же тай украдше телеса святыхъ мученикъ, положиша въ честнЂ мЂстЂ; и егда преста гонение, храмъ честенъ создаша христиане, и положиша телеса святыхъ мученикъ, славяше господа нашего Иисуса Христа, ему же слава, честь и покланяние съ безначалным отцемъ и пресвятымъ духомъ, и нынЂ и присно и в вЂкы вЂкомъ.

Аминь.








За вид.: Сказание об Евстафии Плакиде / Памятники литературы Древней Руси. XII век. — М., 1980. — С.226-246.

Підготовка тексту О.П.Лихачової.

Текст подається за виданням: «Великие Минеи-Четии, собранные всероссийским митрополитом Макарием». Видання Археографічної комісії. Вересень, дні 14-24. СПб., 1869, ствп. 1286-1298. «Житие Евстафия Плакиды» вміщене під 20 вересня.








Попередня       Головна       Наступна



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.