Попередня       Головна       Наступна





З «ПРИТЧ» І «СЛІВ» КИРИЛА ТУРОВСЬКОГО



СВЯТОГО КИРИЛА МНИХА СЛОВО О СЪНЯТИИ ТЂЛА ХРИСТОВА С КРЕСТА И О МИРОНОСИЦАХ, ОТ СКАЗАНИЯ ЕВАНГЕЛЬСКААГО, И ПОХВАЛА ИОСИФУ ВЪ НЕДЂЛЮ ТРЕТЬЮЮ ПО ПАСЦЂ


Праздьникь от праздника честьнЂй приспЂлъ есть, подавая благодать божию святЂй церкви. Яко же бо и пленица златы, растворены жьньчюгомъ, съ многоцЂньнымь каменьемь, веселять зрящих на ня очи, — нъ паче сих духовьная нам красота, праздьници святии, веселяще вЂрьныих сердца и душа освящающе. Пьрвое бо въскрьсениемь Христовомь просвЂтися мир и пасъка бысть, вся вЂрныя освящающи; таче Фоминомь испытаниемь ребр господень обновися тварь: коснувшю бо ся ему рукою язвах, всЂм извЂсто бысть телесьное въстание.

Ныня же Иосифа благообразьнааго с мюроносицами похвалим, послуживъшааго по распятии тЂлу Христову, его же евангелист богата нарицаеть, пришьдьша от АримафЂя. БЂ бо, рече, и тъ ученикъ Исусов и чая царствия божия. И въ время страсти вольныя спасовы видЂ страшьная в твари чюдеса: солнце помьркъше и землю трясущюся, страха исполнивъся и дивяся приде въ Иерусалим. И обрЂте тЂло Христово на крестЂ наго и прободено висяше и Марию матерь его съ единЂмь ученикомь тому прЂдъстоящю, яже от болЂзни сердца горцЂ рыдающи сице глаголааше: «Тварь съболЂзнуеть ми, сыну, твоего зрящи бес правды умьрщвения. Увы мнЂ, чадо мое, свЂте и творче тваремъ! Что ти ныня въсплачю? Заушения ли, ци ли за ланиту ударения и по плещема биения, уз же, и тьмницЂ, и заплевания святаго ти лица, яже от безаконьникъ за благая приятъ? Увы мнЂ, сыне! Не повиньнъ сы поруган бысть и на крестЂ смерти въкуси. Како тя тьрниемь вЂнчаша, и зълчи с оцтомь напоиша, и еще и пречистая ти ребра копиемь прободоша! Ужаснуся небо и земля трепещеть, июдЂйска не тьрпяше дерзновения; солнце помьрче и камение распадеся, жидовьское окаменение являюще. Вижю тя, милое мое чадо, на крестЂ: нага висяща, бездушыа, безрачна, не имуща видЂния, ни доброты, и горько уязвляюся душею. И хотЂла быхъ с тобою умрети, — не терплю бо бездушьна тебе зрЂти. Радость мнЂ отселЂ никако же прикоснеться, — свЂтъ бо мой и надежда и живот, сын и бог, на дре†угасе. Кде ми, чадо, благовЂствование, еже ми древле Гаврилъ глаголаше: «Радуйся, обрадованная, с тобою господь!» — цесаря тя и сына вышняаго нарицая, спаса миру, и животворца всЂмь, и грЂхомъ потребителя! Ныня же зрю тебе акы злодЂя, межю двЂма повЂшьна разбойникома и копием прободена въ ребра мьртвьца, и сего ради горко измемагаю. Не хощю бо жити, нъ варити тя в адЂ. Ныня моего чаяния, радости же и веселия, сына и бога лишена быхъ. Увы мнЂ! О страньнЂм ти рожест†тако не болЂх, яко же ныня, владыко, растьрзагося утробою, твое вид.ящи тЂло пригвождено к дрЂву. Твое бЂ преславьно рожество, Исусе, и ныня страшьно умерщвение: — единъ от несЂяныя проиде утробы, цЂлы печати моего съблюд дЂвьства и матерь мя своего въплъщения показав, и пакы дЂвою схрани. Знаю твое за Адама пострадание, нъ душевьною рыдаю объята горестию, дивящися твоего таиньства глубинЂ. Слышите, небеса и море с землею, внушайте моих сльзъ рыдание: се бо творець вашь от священик страсть приемлеть, единъ праведьнъ за грЂшникы и безаконьникы убиен бысть. Днесь, Симеоне, постиже мя проречение: копие бо мою ныня проходить душю, твоего от воинъ зрящи поругания. Увы мнЂ! Кого к рыданию призову? Или с кымь моихъ сльзъ излЂю потокы! Вси бо тя оставиша, ужикы же и друзи, твоихъ, Христе, насладивъшеся чюдес. Кде нынЂ ликъ седмьдесятныхъ ученик? КдЂ ли верховьнии апостоли? Ов бо тя льстию фарисЂомъ предасть, другый же страха ради пред архиерЂи с клятвою отвержеся, не зная тебе человЂка. И едина, боже мой, раба твоя, рыдающи предъстою с хранителемь твоих словес и възлюбленымъ ти наперсникомъ. Увы мнЂ, Исусе мой драгое имя! Како стоить земля, чюющи тя на себе на крестЂ висяща, иже на водахъ ту въ начатьцЂ основал еси, иже многыя слЂпьца просвЂтив, и мьртвыя словомь въскрЂсивъша твоего божества мановениемь? ПридЂте, видите божия смотрения таиньство, како оживлий вся проклятою умерщвен бысть смертию». И си слышавъ Иосиф приближися къ горко рыдающей матери, — его же видЂвъши мольбьными тому оплЂташеся глаголы: «Потъщися, благообразне, къ Пилату безаконьному судии, и испроси съ креста съняти тЂло учителя своего, моего же сына и бога. Подвигнися и прЂдъвари, причастьниче Христову учению, тайный апостоле, обещьниче божию царствию, и испроси уже бездушьное тЂло, пригвожденное к дрЂву и прободеное в ребра. Спостражи, благовЂрьне, сугубаго ти ради вЂнца, его же по въскрьсении Христо†въсприимеши: от всЂхъ конец земля чьстьную славу и поклонение и на небеси бесконьчьную жизнь». Умилив же ся Иосиф плачевными тоя глаголы, не рече: «Жьрци на мя въстануть и озлоблять, июдЂи въскрамолять и побиють мя, фарисЂи разграбять мое богатьство, буду же и сборища отлучен». Ничто же сих не рече, нъ вся уметы створи и о своемь бо не родив животЂ, да Христа приобрящеть. Дерзнув въниде къ Пилату и въпроси глаголя: «Дажь ми, огЂмоне, тЂло страньнаго оного Исуса, распятого межю двЂмя разбойникома, оклеветанаго от архиерЂи завистию и поруганаго от воин бес правды. Дажь ми тЂло оного Исуса, его же сыномь божиемь нарицяхутъ книжьници и цесарьмь повЂдаху фарисЂи; ему же ты повелЂ над главою дъску прибити, имущю писание: «Се есть сын божий и цесарь Израилевъ». Дажь ми тЂло, его же свой ученикъ жьрцем льстию на сребрЂ прЂдасть, о нем же провидя Захария тако написа: «Дадите ми цЂну мою, — ли отрцЂтеся»; и поставиша 30 срьбрьник, цЂну цЂньнаго от сыновъ Израилев. О томь молю ти ся телеси, о немь же прорече Каияфа, тому единому за вьсь миръ умрети; не просто сего прорече, нъ жрьць бЂ сего лЂта, о нихь же рече Иеремия: «Пастуси просмрадиша виноград мой». И пакы псалом глаголеть о них: «Князи людьстии събьрашася на господа и на Христа его». Си бо рече Соломон: «Помыслиша — и прЂльстишася, ослЂпи бо я злоба их»; рекоша бо: «Уловимъ правьдника, руганиемь и ранами истяжем его и смертию безлЂпотьною осудим его». Сего прошю Исусова телесе, иже противу твоему отвЂща въпросу: «Аз есмь живот и истина». И: «Не имаши на мнЂ власти никоея же, аще не бы ти дано съвыше», его же ради и тебе моляше своя жена, глаголющи: «Ничто же не створи праведьнику тому; много бо пострадах его ради въ снЂ». Дажь ми сего распятаго, ему же въходящю въ Иерусалим, съ вЂтвьми младеньци сърЂтахути и глаголюще: «Осана, сыну Давыдов!»; его же гласъ слышав, ад отпусти душю Лазоря, уже четвьродневна умьрша; о семь же писа в законЂ Моиси: «Узрите живот вашь прямо очима вашима висящь». Сего хощю мьртваго телесе, его же мати не позънавши мужьска ложа дЂвицею породи; о немь же Исаия къ Ахазу глаголаше: «Се дЂвица, зачнеть в чре†и родить сына, ему имя: С нами бог»; о немь же Давыд прорече, глаголя: «Прогвоздиша руцЂ мои и нозЂ мои и вся кости моя ищьтоша». Дажь ми сего уже умьршаго на крестЂ, о нем же ты рече къ просящим его у тебе на смерть жидомъ: «Чист есмь от кръви праведника сего», — умыв же руцЂ и бив прЂдасть ег.о; о немь же глаголеть пророк: «Аз же не противлюся, ни прЂкы глаголю; плещи мои дахъ на раны и ланитЂ на ударение, лица же моего не отвратих от студа запльвания». Сего прошю назарянина телесе, ему же от изумЂвъшихъся избЂгающе въпияху бЂси: «Что есть намъ и тобЂ, Исусе сыне божий? ВЂмы тя, кто еси святый божий: пришьлъ еси преже времене мучит насъ»; о нем же и сам бог отець съ небесе, на ИерданЂ крестящюся ему, послушьствоваше, глаголя: «Се есть сынъ мой възлюбленый, о немь же благоизволихъ»; о немь же дух святый Исаиемь глаголеть: «Яко овча на заколение веденъ бысть», от безаконьныхъ людий прЂдан бысть на смьрть. Дажь ми тЂло съняти с креста, хощю бо его в своемь положити гробЂ. Уже бо вся о немь испълнишася пророчества: сь бо наша болЂзни понесе и за ны пострада; раною его вси ицЂлЂхом, зане прЂдана бысть на смерть душа его и с безаконьникы въмЂнен бысть; истрЂбим бо, рЂша, память его от земля живущих, и имя его не помянеться к тому; сего ради хощеть бог отяти болЂзни от душа его и дати ему крЂпкых користь, пишеть бо ся о немь: «И гы въ кръви завЂта своего испустил еси ужникы своя от рова, не имуща воды».

И си вся слышав от Иосифа Пилат дивися, и призва сътьника въпроси и: «Аще уже умреть пропятый Исус?» И увЂдав, дасть тЂло Иосифу, да его погребеть, яко же хощеть.

И купив плащаницю сънятъ тЂло Исусово съ креста. Приде же и Никодим, несы исмЂшение изъмюрно и алойно, достойно цЂны литръ ста; обиста тЂло Христово, помазавше е мюромь. Въпияше же Иосиф, глаголя сице: «Солнце незаходяй, Христе, творче всЂхъ и тваремъ господи! Како пречистЂмь прикоснуся тЂлЂ твоемь, неприкосновьньну ти сущю небесным силам, служащим ти страшьно? КацЂми же плащаницами обию тя, повивающаго мьглою землю и небо облакы покрывающаго? Или какы воня възлЂю на твое святое тЂло, ему же дары съ вонями пьрсьстии принесъше цесари, яко богу покланяхуся, преобразующе гвое за вьсь миръ умьрщвение? Кыя ли надгробьныя пЂсни исходу твоему въспою, ему же въ вышьних немолчьными гласы серафимы поють? Како ли понесу тя на моею пьрстьною руку, носящаго тварь всю, невидимаго господа? Како ли въ моемь худЂмь положю тя гробЂ, небесный круг утвердивъшаго словомь и на хЂровимЂхъ с отцемь и съ святымь почивающаго духомь? Обаче си вся смотрениемь твориши и вся си своею волею претерпЂлъ еси; идеши бо в ад, да Адама от ада с Евгою, падъша преступлениемь, пакы въведеши в рай и прочая с нима въскрЂсиши мьртвьца, своего божества силою. ТЂмь же сице възглашая погребу тя, милостиве, якоже святымь наученъ бых духом: «Святый боже, святый крЂпъкый, святый бесмьртьне, помилуй нас!»

И положиша и въ гробЂ, и привалиша камень великъ къ дверем гробу. Мария же Магдалыни и Мария Ияковля зряста, кде и полагаху.

И минувъши суботЂ и солнцю уже въсиявъшю, вся въкупЂ жены с мюромь, се уже чьтвьртое, придоша. Пьрвое бо, яко же глаголеть МатфЂи: «Вечер в суботу придоша д†женЂ видЂтъ гроба; при нею же трус бысть, егда ангел отвали камень от двьрий, и ог отраха его омьртвЂша стрЂгущеи». ТЂма тъгда и сам Исус явлься рече: «Радуйтася, идЂта к братии моей, да идуть в ГалилЂю, и тамо видять мя». И пакы полунощи ины придоша испытать бывъшаго, яко же от МагдалынЂ о въскрьсении Христо†слышаша; о тЂхъ бо Лука написа тако: «ЗЂло рано придоша жены к гробу и обрЂтоша камень уже отвальнъ», и два ангела в них ставъша глаголаста: «Что ищете живаго с мьртвыми? НЂсть сде, нъ въскрьсе».

По семь прЂдъ зорями друзЂи придоста женЂ, и тЂ видЂста утрь в гробЂ два ангела, идеже бЂ лежало тЂло Исусово; тЂмь же Иоан Фелогъ рече: «От тою слышав, Петр съ другымь ученикомь тече к гробу, и еще сущи тьмЂ». Марко же о всЂхъ повЂдаеть мюроносицах, яже с вонями въ суботу придоша: и вълЂзъше въ гроб, видЂша уношю, одесную сЂдяща, и ужасошася. Он же рече имъ: «Не ужасайтеся! Не вам бо есть страхъ, нъ безаконьным жьрцьмъ, съ стрЂгущи сде войны. Вы же видете тъщь гроб и рьцЂте апостолом: «Христос въскресе!» Видите, — без телесе есть плащаница, и о плотьномь Исусо†хвалитеся въстании; будЂте благовЂстьцЂ человЂчьскому спасению, рьцЂте апостолом: «Днесь спасение миру!» Уже не скърбите, ни сЂтуйте, яко мьртвьца, нъ радуйтеся и веселитеся о бозЂ живЂ. Вам хощю тайны повЂдати божия человЂколюбия, яже за Адама въ тлю падша пострада; того бо ради с небесе сниде и въплътивъся бысть человЂкъ, да истьлЂвъшаго обновить и на небеса възведеть. Он послушавъ свЂта вражия, въсхотЂ быти бог — и проклятъ бысть; сь же послушавъ отца, бог сы бысть человЂк, да змия погубить и человЂка обожить. Он, простер руцЂ къ древу възбраньному, смертьное утръже ядро, и быв раб грЂху, съниде от едема въ адъ; Христос же, на крестЂ простер, осужения грЂховнаго и от смерти человЂкы свободи. Неповиньн сы продан бысть, да проданыя грЂхомь от дьяволя работы да избавить. На тръсти губою оцьта съ золчию въкуси, да загладить рукописание человЂчьскых съгрЂшений. Копиемь въ ребра прободен бысть, да пламеньное оружие отложить, бранящее человЂком въхода в рай. Кръвь с водою из ребр источи, има же гелесную всю сквьрну очистив и душа человЂча освятил есть. Съвязан бысть и тьрниемь вЂнчанъ бысть, да раздрЂшить от уз дьяволь человЂкы и тьрние прельсти вражия искоренить. Солнце помрачи и землею потрясе, и твари всей плакатися створи, да адьская раздрушить скръвища, и тамо сущих душа свЂтъ видЂша, и Евжин плачь на радость прЂложи. Въ гробЂ яко мьртвъ положен бысть — и от вЂка умьршим гробьным живот дарова. Каменьемь с печатьми утвьржен бысть, да адова врата и вЂрЂя от основания скрушить. Стражьми стрЂгомь бЂ всЂми видимо, нъ невидимо съшьдъ в ад съвязя сотону. Ангельская бо воиньства съ нимъ текуще зъваху: «ВъзмЂте, врата, князи ваши, да вънидеть цесарь славы!» И ови съвязаныя душа рЂшаче от тьмниць пущаху; друзии же противныя силы вяжюще глаголаху: «Кде ти, смерти, жало? Кде ти, аде, побЂда?» Къ ним же оцЂпЂвъше бЂси въпияху: «Кто се есть цесарь славы, с толикою на ны пришел властию?» Погубил есть князя тьмы и вся его въсхытил скровища, разби смертьный град адово чрЂво, извоева плЂньникы, иже съ Адамомъ съде, сущая грЂшныхъ душа. Въскрьсе цЂлом печатемъ у гроба, тако бо и рожься неврЂди матьрня дЂвства печати. Да нЂсть вам страха, — нъ омьртвЂвъшим войномъ. Уже бо вся съвьршивъ Исус, въскрьсе боголЂпьнЂ, и показася прЂже вас приходивъшимъ женамъ, възывая красно: «Радуйтася!» И апостоломъ своим в ГалилЂю ити повелЂ, да вся тамо с вами освятив с плътию на небеса възидеть, с нею же и пакы придеть судитъ мирови».

Си же вся от ангела реченая к мюроносицам о ХристЂ съказахомъ.

Похвалим ныня Иосифа приснопамятнаго, благообразьнаго же и досточюдьнаго. Блажен еси поистинЂ, преславьный и досточюдный Иосифе, толика блага и велика богатьства на земли и на небеси сподоблься! Достойно послуживъ, яко и херовими, божию телеси; нъ они невидимо на своею дьржаще раму, страхомь своя покрывають лица, ты же радуяся на своею руку Христа бога носил еси. Блажен еси, Иосифе, паче патриарха Аврама, Исака и Якова! Его же бо они глас точию слышавъше, чьстьнии и славьни паче всЂхъ явишася, того же ты въ плащаницю обил еси тЂло. Блажю руцЂ твои, Иосифе, на нею же сына божия и всЂхъ творца дьржалъ еси тЂло; его же образа не тьрпя зрЂти въ Хори†Моиси, под каменьемь скрывъся слыша: «Задьняя моя узриши»; тЂма и на ФаворЂ съ Илиею видЂвъ Христа, послушьствоваста того суща бога — и человЂка. Блажен еси паче Давыда цесаря, великый Иосифе! Давыд бо от Силома кивот съ божиемь словом принесе, нъ въ своемь убояся поставити его дому; ты же не скинию с закономь, нъ самого бога прием от крьста, въ своемь гробЂ радуяся положил еси. Блажен и преблагословенъ тобою, Иосифе, ископаный гроб, въ немь же полежа Христос спас наш! Уже бо нЂсть гроб, нъ прЂстол божий, олтарь небесный, покоище святаго духа и одр небеснаго цесаря, о немь же рече Соломон, стоять сильнии ратоборьци, изучени брани, имуще оружия обоюдуостра; си глагола назнаменуя святых чины, борющихъся съ еретикы и съ жиды по ХристЂ. Блажен еси, Иосифе, съвершителю божию таиньству и пророчьскыхъ гаданий раздрЂшителю! О немь же бо закон и пророци притчами написаша, сего ты явьствьно измюрною по святым мазаше язвам. Блажен еси, Иосифе, иже вся ожививъшаго словомь и водами покрывъшаго твердь небесную, сего, яко мьртвьца, каменемь покрыл еси въ гробЂ, чая тридневнаго въскресения! Блажен убо и град твой АримафЂй, из него же ты приде послужит сыну божию! Кую похвалу створим достойну твоего блаженьства, ли кому уподоблю сего праведника? Како начну или како разложю? Небомь ли тя прозову? Нъ того свЂтьлЂй бысть благочьстьемь, ибо въ врЂмя страсти Христовы небо помрачися и свой свЂгъ скры, ты же тогда радуяся на своею руку бога носяше. Землю ли тя благоцвЂтущую нареку? Нъ тоя честьнЂй ся показа; тъгда бо и та страхомь трясашеся, ты же с веселиемь божие тЂло съ Никодимомь въ плащаницю съ вонями обив положил еси. Апостоломь ли тя именую? Нъ и тЂх вЂрнЂе и крЂпъчею обрЂтеся; егда бо они страха ради жидовьска разбЂгошася, тъгда ты без боязни и бесумнЂния послужил еси Христови. Святителя ли тя и старЂйшину прозову? ТЂмь бо образ своея служьбы предал еси, обиходя и кадя и кланяяся съ молитвами пречистому тЂлу Христову глаголя: «Въскресни, господи, помози нам, избави нас имени твоего ради!» Священомученикомь ли тя нареку, яко толику показал еси любовь къ Христови? Аще бо и не въгрузися в твоя пьрси оружие, ни прольяся твоя от меча кръвь, нъ изволением и вЂрою по ХристЂ положил еси душю. Поразили бо тя быша и на удеса расЂкли, нъ съхрани тя от тЂхъ Исус, его же ты храняше тЂло, не убоявъся гнЂва жидовьска, ни прещения жречьска, ни напрасно убивающих войн не устрашися, не пожали си по мнозЂмь богатьствЂ, не родив ни о своемь животЂ, чая тридневнаго въскресения. Нъ паче всЂхъ святых подвизалъся еси, богоблаженый Иосифе, и паче всЂхъ имаши дерзновение къ Христу, къ нему же молися и о нас, хвалящих тя, и чтущих твою с мюроносицами память, и твой украшающих праздьникъ.

Подаждь, святе, всЂмъ нам твою помощь, буди покръвъ граду нашему от всякого зла, подавая князю на противныя побЂду и заступая его от всЂхъ видимых и невидимых врагъ, мир же глубокъ, и съдравие телеси, купно же и души его проси спасения. И нас избави от всякоя нужа, и печали, и бЂды, и всЂхъ лютыхъ напастий и многымъ грЂхомъ отпуста испроси своими къ богу молитвами, да избавить ны от бесконьчьныя мукы и причастьникы створить ны будущихъ благъ вЂчныя жизни, благодатию и человЂколюбиемь господа и бога, и спаса нашего Исуса Христа, ему же слава с отцемь и съ пресвятымь и благымь и животворящимь духомь, нынЂ и присно и въ вЂкы вЂкомъ.








За вид.: Из «Притч» и «Слов» Кирилла Туровского / Памятники литературы Древней Руси. XII век. — М., 1980. — С.310-324.

Підготовка тексту В.В.Колесова.

Текст «Притчі про людську душу і про тіло» («Повість про сліпця та кульгавця») подається за виданням: И.П.Еремин. Литературное наследие Кирилла Туровского. — ТОДРЛ, т. XII. М.-Л., 1956, с.340-347; текст «Слова в неділю третю по Пасці» — за виданням: И.П.Еремин. Литературное наследие Кирилла Туровского. — ТОДРЛ, т.XIII. М.-Л., 1957, с.419-426.








Попередня       Головна       Наступна



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.