III. „Кройника” Феодосия Софоновича 1672 р. (з розд. 21-го).
(118 зв.). Року 6693. Ігоръ Святославичъ, приЂхавши зъ Новгорода, взялъ зъ собою брата своего Всеволода зъ Трубецка, и Святослава Олговича, сыновца своего, зъ Рилска, и Владимира, сына своего, зъ Путивля, и отъ Ярослава Черниговское войско. ХотЂлъ такъ же, якъ и Святославъ, достати славы и пошолъ на Половцы, переправившися черезъ Донъ рЂку, мыслячи ихъ зъ грунту вывернути. Але Половцы, великимъ множествомъ собравшися, вышли против Ігора и бившися все войско Руское побили. Ігора ранивши поймали и иншихъ з нимъ князей всЂхъ поймали. До того, свое звитязтво розширяючи, Половцы пришли под Переяславль; зъ Переяславля, даючи имъ отпоръ, Владимиръ ГлЂбовичъ раненъ въ трехъ мЂстъцахъ зосталъ, a Половцы взяли городъ Римовъ и, иншіи городы надъ Сулою попустошивши, зъ великимъ полономъ въ свою землю вернулися. Потомъ Ігора (арк. 119) Лаваръ, половецкого роду человЂкъ, гды сторожи, котрій стерегли Ігора, попилися, выкралъ и вывелъ зъ половецкой неволи, и приЂхалъ Ігоръ до Новгорода, зъ Новгорода до Чернигова, a зъ Чернигова до Кіева къ Святославу, и были ему вси рады.
Див. також:
Повний текст «Кройніки» Софоновича.
