Попередня     Головна     Наступна





В лЂто 6478 [970]. Святославъ посади Ярополка в КиевЂ, а Ольга в деревЂхъ. В се же время придоша людье ноугородьстии, просяще князя собЂ: «Аще не поидете к намъ, то налЂземъ князя собЂ». И рече к нимъ Святославъ: «А бы пошелъ кто к вамъ». И отпрЂся Ярополкъ и Олегъ. И рече Добрыня: «Просите Володимера». Володимеръ бо бЂ отъ Малуши, ключницЂ Ользины; сестра же бЂ ДобрынЂ, отець же бЂ има Малъкъ Любечанинъ, и бЂ Добрына уй Володимеру. И рЂша ноугородьци Святославу: «Въдай ны Володимера». Онъ же рече имъ: «Вото вы есть». И пояша ноугородьци Володимера к собЂ, и иде Володимиръ съ Добрынею, уемъ своимь, Ноугороду, а Святославъ Переяславьцю.\84\

В лЂто 6479 [971]. Приде Святославъ в Переяславець, и затворишася болгаре въ градЂ. И излЂзоша болгаре на сЂчю противу Святославу, и бысть сЂча велика, и одоляху болъгаре. И рече Святославъ воемъ своимъ: «Уже намъ сде пасти; потягнемъ мужьски, братья и дружино!». И къ вечеру одолЂ Святославъ, и взя градъ копьемъ, и посла къ грекомъ, глаголя: «Хочю на вы ити и взяти градъ вашь, яко и сей». И рЂша грьци: «Мы недужи противу вамъ стати, но возми дань на насъ, и на дружину свою, и повЂжьте ны, колько васъ, да вдамы по числу на главы». Се же рЂша грьци, льстяче подъ Русью; суть бо греци лстивы и до сего дни. И рече имъ Святославъ: «Есть насъ 20 тысящь». И прирече 10 тысящь, бЂ бо руси 10 тысящь толко. И пристроиша грьци 100 тысящь на Святослава, и не даша дани. И поиде Святославъ на греки, и изидоша противу руси. ВидЂвше же русь убояшася зЂло множьства вой, и рече Святославъ: «Уже намъ нЂкамо ся дЂти, волею и неволею стати противу; да не посрамимъ землЂ РускиЂ, но ляжемъ костьми, мертвыи бо срама не имамъ. Аще ли побЂгнемъ, срамъ имамъ. Не имамъ убЂжати, но станемъ крЂпко, азъ же предъ вами поиду: аще моя глава ляжеть, то промыслите собою». И рЂша вои: «Идеже глава твоя, ту и свои главы сложимъ». И исполчишася русь, и бысть сЂча велика, и одолЂ Святославъ, и бЂжаша грьци. И поиде Святославъ ко граду, воюя и грады разбивая, яже стоять и до днешняго дне пусты. И созва царь боляре своя в полату, и рече имъ: «Што створимъ, яко не можемъ противу ему стати?». И рЂша ему боляре: «Посли к нему дары, искусимъ и́, любьзнивъ ли есть злату, ли паволокамъ?». И посла к нему злато, и паволоки, и мужа мудра, рЂша ему: «Глядай взора и лица его и смысла его». Онъ же, вземъ дары, приде къ Святославу. И повЂдаша Святославу, яко придоша грьци с поклономъ. И рече: «ВъведЂте я̀ сЂмо». Придоша, и поклонишася ему, и положиша пред нимъ злато и паволоки. И рече Святославъ, кромЂ зря, отрокомъ своимъ: «Схороните». Они же придоша ко царю, и созва царь боляры. РЂша же послании, яко «Придохомъ к нему, и вдахомъ дары, и не возрЂ на ня, и повелЂ схоронити». И рече единъ: «Искуси и́ еще, посли ему оружье». Они же послушаша его, и послаша ему мечь и ино оружье, и принесоша к нему. Онъ же, приимъ, нача хвалити, и любити, и цЂловати царя. Придоша опять ко царю, и повЂдаша ему вся бывшая. И рЂша боляре: «Лютъ се мужь хочеть быти, яко имЂнья не брежеть, а оружье емлеть. Имися по дань». И посла царь, глаголя сице: «Не ходи къ граду, возми дань, еже хощеши»; \86\ за маломъ бо бЂ не дошелъ Царяграда. И даша ему дань; имашеть же и за убьеныя, глаголя, яко «Род его возметь». Взя же и дары многы, и възратися в Переяславець с похвалою великою. ВидЂв же мало дружины своея, рече в собЂ: «Еда како прельстивше изъбьють дружину мою и мене», бЂша бо многи погибли на полку. И рече: «Поиду в Русь, приведу боле дружины».

И посла слы ко цареви въ Деревьстръ, бо бЂ ту царь, рька сице: «Хочю имЂти миръ с тобою твердъ и любовь». Се же слышавъ царь радъ бысть и посла к нему дары больша первых. Святославъ же прия дары, и поча думати съ дружиною своею, рька сице: «Аще не створимъ мира со царемъ, а увЂсть царь, яко мало насъ есть, пришедше оступять ны въ градЂ. А Руска земля далеча, а печенЂзи с нами ратьни, а кто ны поможеть? Но створимъ миръ со царемъ, се бо ны ся по дань яли, и то буди доволно намъ. Аще ли почнеть не управляти дани, да изнова из Руси, совкупивше вои множайша, поидемъ Царюгороду». Люба быстъ рЂчь си дружинЂ, и послаша лЂпшиЂ мужи ко цареви, и придоша въ Деревъстръ, и повЂдаша цареви. Царь же наутрия призва я, и рече царь: «Да глаголють сли рустии». Они же рЂша: «Тако глаголеть князь нашь: хочю имЂти любовь со царемъ гречьскимъ свершеную прочая вся лЂта». Царь же радъ бысть и повелЂ писцю писати вся рЂчи Святославли на харатью. Нача глаголати солъ вся рЂчи, и нача писець писати. Глагола сице:

«Равно другаго свЂщанья, бывшаго при СвятославЂ, велицЂмь князи рустЂмь, и при СвЂналъдЂ, писано при ФефелЂ синкелЂ и к Ивану, нарицаемому ЦЂмьскию, царю гречьскому, въ ДерестрЂ, мЂсяца июля, индикта въ 14, в лЂто 6479 [971]. Азъ Святославъ, князь руский, якоже кляхъся, и утвержаю на свЂщаньЂ семь роту свою: хочю имЂти миръ и свершену любовь со всякимъ великимь царемъ гречьскимъ, съ Васильемъ и Костянтиномъ, и съ богодохновеными цари, и со всЂми людьми вашими и иже суть подо мною Русь, боляре и прочии, до конца вЂка. Яко николиже помышлю на страну вашю, ни сбираю вой, ни языка иного приведу на страну вашю и елико есть подъ властью гречьскою, ни на власть корсуньскую и елико есть городовъ ихъ, ни на страну болгарьску. Да аще инъ кто помыслить на страну вашю, да и азъ буду противенъ ему и борюся с нимъ. Якоже кляхъся ко царемъ гречьскимъ, и со мною боляре и Русь вся, да схранимъ правая съвЂщанья. Аще ли от тЂхъ самЂхъ прежереченыхъ не съхранимъ, азъ же и со мною и подо мною, да имЂемъ клятву от бога, въ его же вЂруемъ — в Перуна и въ Волоса, скотья бога, и да будемъ золоти, яко золото, и своимъ оружьемь да исЂчени будемъ. \88\ Се же имЂйте во истину, якоже сотворихомъ нынЂ къ вамъ, и написахомъ на харатьи сей и своими печатьми запечатахомъ».

Створив же миръ Святославъ съ греки, поиде в лодьях къ порогомъ. И рече ему воевода отень СвЂналдъ: «Поиди, княже, на конихъ около, стоять бо печенЂзи в порозЂх». И не послуша его и поиде в лодьяхъ. И послаша переяславци къ печенЂгомъ, глаголюще: «Се идеть вы Святославъ в Русь, вземъ имЂнье много у грекъ и полонъ бещисленъ, съ маломъ дружины». Слышавше же се печенизи, заступиша пороги. И приде Святославъ къ порогомъ, и не бЂ льзЂ проити порогъ. И ста зимовати в БЂлобережьи, и не бЂ у них брашна уже, и бЂ гладъ великъ, яко по полугривнЂ глава коняча, и зимова Святославъ ту.

ВеснЂ же приспЂвъши, в лЂто 6480 [972], поиде Святославъ в пороги. И нападе на нь Куря, князь печенЂжьский, и убиша Святослава, и взяша главу его, и во лбЂ его съдЂлаша чашю, оковавше лобъ его, и пьяху из него. СвЂналдъ же приде Киеву къ Ярополку. И всЂх лЂтъ княженья Святославля лЂтъ 20 и 8.

В лЂто 6481 [973]. Нача княжити Ярополкъ.

В лЂто 6482 [974].

В лЂто 6483 [975]. Ловъ дЂющю СвЂналдичю, именемъ Лютъ; ишедъ бо ис Киева, гна по звЂри в лЂсЂ. И узрЂ и́ Олегъ, и рече: «Кто се есть?». И рЂша ему: «СвЂналдичь». И заЂхавъ, уби и́, бЂ бо ловы дЂя Олегъ. И о томъ бысть межю ими ненависть, Ярополку на Ольга, и молвяше всегда Ярополку СвЂналдъ: «Поиди на братъ свой и прими волость его», хотя отмьстити сыну своему.

В лЂто 6484 [976].

В лЂто 6485 [977]. Поиде Ярополкъ на Олга, брата своего, на Деревьску землю. И изиде противу его Олегъ, и ополчистася. Ратившемася полкома, побЂди Ярополкъ Ольга. ПобЂгъшю же Ольгу с вои своими въ градъ, рекомый Вручий, бяше чересъ гроблю мостъ ко вратомъ граднымъ, тЂснячеся, другъ друга пихаху въ гроблю. И спехнуша Ольга с мосту в дебрь. Падаху людье мнози, и удавиша кони человЂци. И въшедъ Ярополкъ въ градъ Ольговъ, перея власть его, и посла искатъ брата своего; и искавъше его, не обрЂтоша. И рече единъ деревлянинъ: «Азъ видЂхъ, яко вчера спехнуша с мосту». И посла Ярополкъ искатъ брата, и влачиша трупье изъ гробли от утра и до полудне, и налЂзоша и Ольга высподи трупья, вынесоша и́, и положиша и́ на коврЂ. И приде Ярополкъ, надъ немъ плакася, и рече Свеналду: «Вижь, сего ты еси хотЂлъ!». И погребоша Ольга на мЂстЂ у города Вручога, и есть могила его и до сего дне у Вручего. И прия власть его Ярополкъ. У Ярополка же жена грекини бЂ, и бяше была черницею; бЂ бо привелъ ю̀ отець его Святославъ, и вда ю̀ за Ярополка, \90\ красоты ради лица ея. Слышав же се Володимъръ в НовЂгородЂ, яко Ярополкъ уби Ольга, убоявся бЂжа за море. А Ярополкъ посадники своя посади в НовЂгородЂ, и бЂ володЂя единъ в Руси.

В лЂто 6486 [978].

В лЂто 6487 [979].

В лЂто 6488 [980]. Приде Володимиръ съ варяги Ноугороду, и рече посадникомъ Ярополчимъ: «ИдЂте къ брату моему и рцЂте ему: «Володимеръ ти идеть на тя, пристраивайся противу битъся». И сЂде в НовЂгородЂ.

И посла ко Рогъволоду Полотьску, глаголя: «Хочю пояти дщерь твою собЂ женЂ». Онъ же рече дщери своей: «Хочеши ли за Володимера?». Она же рече: «Не хочю розути робичича, но Ярополка хочю». БЂ бо Рогъволодъ пришелъ и-заморья, имяше власть свою в ПолотьскЂ, а Туры ТуровЂ, от него же и туровци прозвашася. И придоша отроци Володимерови, и повЂдаша ему всю рЂчь РогънЂдину, дщери РогъволожЂ, князя полотьскаго. Володимеръ же собра вои многи, варяги и словЂни, чюдь и кривичи, и поиде на Рогъволода. В се же время хотячу РогънЂдь вести за Ярополка. И приде Володимеръ на Полотескъ, и уби Рогъволода и сына его два, и дъчерь его поя женЂ.

И поиде на Ярополка. И приде Володимеръ Киеву съ вои многи, и не може Ярополкъ стати противу, и затворися Кие†с людми своими и съ Блудомъ; и стояше Володимеръ обрывся на Дорогожичи, межю Дорогожичемъ и Капичемъ, и есть ровъ и до сего дне. Володимеръ же посла къ Блуду, воеводЂ Ярополчю, съ лестью глаголя: «Поприяй ми! Аще убью брата своего, имЂти тя хочю во отца мЂсто, и многу честь возьмешь от мене: не язъ бо почалъ братью бити, но онъ. Азъ же того убоявъся придохъ на нь». И рече Блудъ къ посломъ Володимеримь: «Азъ буду тобЂ в сердце и въ приязньство». О злая лесть человЂческа! Якоже Давыдъ глаголеть: «Ядый хлЂбъ мой, възвеличилъ есть на мя лесть». Се бо лукавьствоваше на князя свего лестью. И паки: «Языки своими льстяхуся. Суди имъ, боже, да отпадуть от мыслий своих; по множьству нечестья ихъ изрини а̀, яко прогнЂваша тя, господи». И паки той же рече Давыдъ: «Мужь въ крови льстивъ не припловить дний своих». Се есть совЂтъ золъ, иже свЂщевають на кровопролитье; то суть неистовии, иже приемше от князя или от господина своего честь ли дары, ти мыслять о гла†князя своего на погубленье, горьше суть бЂсовъ таковии. Якоже Блудъ преда князя своего, и приимъ от него чьти многи, се бо бысть повиненъ крови тои. Се бо Блудъ затворися съ Ярополкомо, льстя ему, слаше къ Володимеру часто, веля ему пристрянити къ граду бранью, а самъ мысля убити Ярополка, \92\ гражаны же не бЂ льзЂ убити его. Блудъ же не възмогъ, како бы погубити и́, замысли лестью, веля ему ни излазити на брань изъ града. Рече же Блудъ Ярополку: «Кияне слются къ Володимеру, глаголюще. «Приступай къ граду, яко предамы ти Ярополка». ПобЂгни за градь». И послуша его Ярополкъ, и изъбЂгъ пред нимъ, затворися въ градЂ Родьни на усть Рси рЂки, а Володимеръ вниде в Киевъ, и осЂде Ярополка в РоднЂ. И бЂ гладъ великъ в немь, и есть притча и до сего дне: бЂда аки в РоднЂ. И рече Блудъ Ярополку: «Видиши, колько войн у брата твоего? Нама ихъ не перебороти. Твори миръ съ братомъ своимъ»; льстя подъ нимъ, се рече. И рече Ярополкъ: «Такъ буди». И посла Блудъ къ Володимеру, сице глаголя, яко «Сбысться мысль твоя, яко приведу к тобЂ Ярополка, и пристрой убити и́». Володимеръ же, то слышавъ, въшедъ въ дворъ теремный отень, о нем же преже сказахомъ, сЂде ту с вои и съ дружиною своею. И рече Блудъ Ярополку: «Поиди къ брату своему и рьчи ему: что ми ни вдаси, то язъ прииму». Поиде же Ярополкъ, и рече ему Варяжько: «Не ходи, княже, убьють тя; побЂгни в ПеченЂги и приведеши вои»; и не послуша его. И приде Ярополкъ къ Володимеру; яко полЂзе въ двери, и подъяста и́ два варяга мечьми подъ пазусЂ. Блудъ же затвори двери и не да по немъ ити своимъ. И тако убьенъ бысть Ярополкъ. Варяшко же, видЂвъ, яко убъенъ бысть Ярополкъ, бЂжа съ двора в ПеченЂги, и много воева Володимера с печенЂгы, одва приваби и́, заходивъ к нему ротЂ. Володимеръ же залеже жену братьню грекиню, и бЂ непраздна, от нея же родися Святополкъ. От грЂховьнаго бо корени золъ плодъ бываеть: понеже бЂ была мати его черницею, а второе, Володимеръ залеже ю́ не по браку, прелюбодЂйчичь бысть убо. ТЂмь и отець его не любяше, бЂ бо от двою отцю, — от Ярополка и от Володимера.

Посемь рЂша варязи Володимеру: «Се градъ нашь; мы прияхомъ и́, да хочемъ имати окупъ на них, по 2 гривнЂ от человЂка». И рече им Володимеръ: «ПождЂте, даже вы куны сберуть, за мЂсяць». И ждаша за мЂсяць, и не дасть имь, и рЂша варязи: «Сольстилъ еси нами, да покажи ны путь въ Греки». Онъ же рече имъ: «ИдЂте». И избра от нихъ мужи добры, смыслены и храбры, и раздая имъ грады; прочии же идоша Царюграду въ Греки. И посла пред ними слы, глаголя сице царю: «Се идут к тебЂ варязи, не мози их держати въ градЂ, оли то створять ти зло, яко и сде, но расточи я́ разно, а сЂмо не пущай ни единого». \94\

И нача княжити Володимеръ въ Кие†единъ, и постави кумиры на холму внЂ двора теремнаго: Перуна древяна, а главу его сребрену, а усъ златъ, и Хърса, Дажьбога, и Стрибога и Симарьгла, и Мокошь. И жряху имъ, наричюще я̀ богы, и привожаху сыны своя и дъщери, и жряху бЂсомъ, и оскверняху землю требами своими. И осквернися кровьми земля Руска и холмо-тъ. Но преблагий богъ не хотя смерти грЂшникомъ, на томъ холмЂ нынЂ церкви стоить, святаго Василья есть, якоже послЂди скажемъ. Мы же на преднее възратимся.

Володимеръ же посади Добрыну, уя своего, в НовЂгородЂ. И пришедъ Добрына Ноугороду, постави кумира надъ рЂкою Волховомъ, и жряху ему людье ноугородьстии аки богу.

БЂ же Володимеръ побЂженъ похотью женьскою, и быша ему водимыя: РогънЂдь, юже посади на Лыбеди, идеже ныне стоить сельце Предъславино, от нея же роди 4 сыны: Изеслава, Мьстислава, Ярослава, Всеволода, а 2 дщери; от грекинЂ — Святополка; от чехинЂ — Вышеслава; а от другоЂ — Святослава и Мьстислава; а от болгарыни — Бориса и ГлЂба; а наложьниць бЂ у него 300 ВышегородЂ, а 300 в БЂлЂгородЂ, а 200 на Бересто†в селци, еже зоуть ныне Берестовое. И бЂ несытъ блуда, приводя к собЂ мужьски жены и дЂвицЂ растьляя. БЂ бо женолюбець, якоже и Соломанъ: бЂ бо, рече, у Соломана женъ 700, а наложниць 300. Мудръ же бЂ, а наконець погибе; се же бЂ невЂголосъ, а наконець обрЂте спасенье. «Велий господь, и велья крЂпость его, и разуму его нЂсть конца!». Зло бо есть женьская прелесть, якоже рече Соломанъ, покаявся, о женах: «Не вънимай злЂ женЂ, медъ бо каплеть от устъ ея, жены любодЂици, во время наслажаеть твой гортань, послЂди же горчае золчи обрящеши... ПрилЂпляющиися ей вънидутъ съ смертью въ вадъ... На пути животьныя не находить, блудная же теченья ея неблагоразумна». Се же рече Соломанъ о прелюбодЂицах; а о добрыхъ женах рече: «Дрожайши есть каменья многоцЂньна. Радуется о ней мужь ея. ДЂеть бо мужеви своему благо все житье. ОбрЂтши волну и ленъ, творить благопотребная рукама своима. Бысть яко корабль, куплю дЂющи, издалеча сбираеть собЂ богатьство, и въстаеть от нощи, и даеть брашно дому и дЂла рабынямъ. ВидЂвши стяжанье куповаше: от дЂлъ руку своею насадить тяжанье. Препоясавши крЂпко чресла своя, утвердить мышци своа на дЂло. И вкуси, яко добро есть дЂлати, и не угасаеть свЂтилникъ ея всю нощь. РуцЂ свои простираеть на полезьная, локъти своя устремляеть на вретено. РуцЂ свои простираеть убогому, плодъ же простре нищему. Не печется мужь ея о дому своемь, егда \96\ гдЂ будеть, вси свои ея одЂни будуть. Сугуба одЂнья сотворить мужеви своему, очерьвлена и багряна собЂ одЂнья. Взоренъ бываеть во вратЂхъ мужь ея, внегда аще сядеть на сонмищи съ старци и съ жители земли. Опоны створи и отдасть в куплю. Уста же свои отверзе смыслено, в чинъ молвить языкъмь своимъ. Въ крЂпость и в лЂпоту облечеся. Милостини же ея въздвигоша чада ея и обогатиша, и мужь ея похвали ю́. Жена бо разумлива благословена есть, боязнь бо господню да похвалить. Дадите ей от плода устьну ея, да хвалять во вратЂх мужа ея».

В лЂто 6489 [981]. Иде Володимеръ к ляхомъ и зая грады их, Перемышль, Червенъ и ины грады, иже суть и до сего дне подъ Русью. В сем же лЂтЂ и вятичи побЂди, и възложи на ня дань от плуга, якоже и отець его имаше.

В лЂто 6490 [982]. Заратишася вятичи, и иде на ня Володимиръ, и победи я̀ второе.

В лЂто 6491 [983]. Иде Володимеръ на ятвягы, и побЂди ятвягы, и взя землю их. И иде Киеву и творяше требу кумиромъ с людми своими. И рЂша старци и боляре: «Мечемъ жребий на отрока и дЂвицю; на него же падеть, того зарЂжемъ богомъ». Бяше варягъ единъ, и бЂ дворъ его, идеже есть церкви святая богородица, юже сдЂла Володимеръ. БЂ же варягъ той пришелъ изъ Грекъ, и держаше вЂру хрестеяньску. И бЂ у него сынъ красенъ лицемъ и душею; на сего паде жребий по зависти дьяволи. Не терпяшеть бо дьяволъ, власть имы надо всЂми, и сей бяшеть ему аки тернъ въ сердци, и тьщашеся потребити оканьный, и наусти люди. И рЂша пришедше послании к нему, яко «Паде жребий на сынъ твой, изволиша бо и́ бози собЂ; да створимъ требу богомъ». И рече варягъ: «Не суть то бози, но древо; днесь есть, а утро изъгнееть; не ядять бо, ни пьют, ни молвят, но суть дЂлани руками в деревЂ. А богъ есть единъ, ему же служат грьци и кланяются, иже створилъ небо, и землю, и звЂзды, и луну, и солнце, и человЂка, и далъ есть ему жити на земли. А си бози что сдЂлаша? Сами дЂлани суть. Не дамъ сына своего бЂсомъ». Они же шедше повЂдаша людемъ. Они же, вземше оружье, поидоша на нь и розъяша дворъ около его. Онъ же стояше на сЂнех съ сыномъ своимъ. РЂша ему: «Вдай сына своего, да вдамы и́ богомъ». Онъ же рече: «Аще суть бози, то единого собе послють бога, да имуть сынъ мой. А вы чему претребуете имъ?». И кликнуша, и посЂкоша сЂни под нима, и тако побиша я̀. И не свЂсть никтоже, гдЂ положиша я́. Бяху бо тогда человЂци невЂголоси и погани. Дьяволъ радовашеся сему, не вЂдый, яко близь погибель хотяше быти ему. Тако бо тщашеся погубити родъ хрестьаньский, но прогонимъ бяше хрестомъ честнымъ и в инЂх странахъ; \98\ сде же мняшеся оканьный: яко сде ми есть жилище, сде бо не суть апостоли учили, ни пророци прорекли, не вЂдый пророка, глаголюща: «И нареку не люди моя люди моя»; о апостолЂх бо рече: «Во всю землю изидоша вЂщанья их, и в конець вселеныя глаголи ихъ». Аще и тЂлом апостоли не суть сдЂ были, но ученья ихъ аки трубы гласять по вселенЂй в церквахъ, их же ученьемь побЂжаемъ противнаго врага, попирающе подъ нози, якоже попраста и си отечника, приемша вЂнець небесный съ святыми мученики и праведники.

В лЂто 6492 [984]. Иде Володимеръ на радимычи. БЂ у него воевода Волъчий Хвостъ, и посла и́ Володимеръ передъ собою, Волъчья Хвоста; сърЂте радимичи на рЂцЂ ПищанЂ, и побЂди радимичЂ Волъчий Хвостъ. ТЂмь и Русь корятся радимичемъ, глаголюще: «Пищаньци волъчья хвоста бЂгають». Быша же радимичи от рода ляховъ; прешедъше ту ся вселиша, и платять дань Руси, повозъ везуть и до сего дне.

В лЂто 6493 [985]. Иде Володимеръ на Болгары съ Добрынею, съ уемъ своимъ, в лодьях, а торъки берегомъ приведе на коних: и побЂди болгары. Рече Добрына Володимеру: «Съглядахъ колодникъ, и суть вси в сапозЂх. Симъ дани намъ не даяти, поидемъ искатъ лапотниковъ». И створи миръ Володимеръ съ болгары, и ротЂ заходиша межю собЂ, и рЂша болгаре: «Толи не будеть межю нами мира, оли камень начнеть плавати, а хмель почнет тонути». И приде Володимеръ Киеву.















Попередня     Головна     Наступна


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.