‹‹     Головна

ЮЖНОРУССКОЕ ЖИТІЕ СВ. ВЛАДИМІРА XVII В.

Въ только что вышедшей второй книгЂ „Чтеній въ историческомъ общест†Нестора ЛЂтописца“ помЂщено нЂсколько памятниковъ древнерусской литературы, посвященныхъ св. Владиміру. Въ числЂ этихъ памятниковъ находится интересное южнорусское житіе св. Владиміра, напечатанное А. И. Соболевскимъ по рукописи XVII в. московск. публичн. музея (Большак. № 23, л. 102 сл.), съ разночтеніями по рукописи XVII в. соловецкой библіотеки (Казанск. дух. акад. № 402).

О происхожденіи этого житія проф. Соболевскій высказываетъ слЂдующія предположенія: 1) южнорусское житіе написано въ концЂ XVI в., или, скорЂе, въ первой половинЂ XVII в.; 2) авторомъ его былъ одинъ изъ кіевскихъ ученыхъ; 3) оно составлено съ цЂлію показать католикамъ, что православная русская церковь имЂетъ своихъ святыхъ.

Южнорусское житіе св. Владиміра не лишено и значенія въ отношеніи къ исторіи древнерусской литературы: оно вошло, почти цЂликомъ, въ печатный кіевскій Синопсисъ (1 изд. 1674 г.) и, повидимому, было извЂстно составителю Густынской лЂтописи 1670 г. (II т. П. С. Р. Л.). /12/

Проф. Соболевскому извЂстны были только два списка южнорусскаго житія св. Владиміра. Пересматривая рукописи, хранящіяся въ библіотекЂ Кіево-Софійскаго Собора, я нашелъ въ двухъ сборникахъ Житій св. еще новую редакцію южнорусскаго житія св. Владиміра. По своимъ интереснымъ особенностямъ и по отношенію къ напечатанному житію новая редакція заслуживаетъ особеннаго вниманія.

Я принялъ въ основаніе рукопись № 129, сборникъ житій святыхъ на 6 мЂсяцевъ, отъ марта до конца августа, большая часть сборника писана на бумагЂ и рукою XVII вЂка, въ томъ числЂ и житіе св. Владиміра; дополненія рукою XVIII вЂка сдЂланы въ виду утраченныхъ начальныхъ статей. ЗатЂмъ я привожу разночтенія по рукописи № 130, имЂющей слЂдующее заглавіе: „Сія книга глемая житія стыхъ Іродиона Касяновича пресви(тера) сто михаиловского“.... Рукопись подобная № 129, XVII в. ВсЂ статьи на литературномъ языкЂ юго-западной Россіи XVII в.

П. Владиміровъ.

/13/

Іюліа 15 дня. Вто(и) же днь о крщенію всего народу руского і успение стго равного Апостоло(м) князя владимира мона(р)хи киевского и всеи руси нареченного въ святомъ кр̃щнию василиа.

Понева(ж) чотыри повЂсти о крещении руси вкро(й)ника(х) а лЂтописца(х) естъ, и зна(й)мено и описано, розумЂю быть немен^sшую потребу ото(м) якъ се много ра(з) русь крестила свЂту вырази(т). ве(д)лугъ кро(й)никаровъ наши(х) словенски(х) первястки крещениа своего о(т) андрея ст̃го апостола руски(и) народ выводил. бо то(и) стый Апостолъ будучи вхерсонЂ для проповЂди евангелскои хр(с)товои пустился былъ днепромъ вгору, ажъ до новагороду великого, где нЂшто люде(и) окрестивши моремъ инфлянтскимъ до рыму прижекглевалъ онем тежъ свЂтчать же коли днепромъ до новагороду дорогу отправовалъ, приехавши над гори киевские, оные бл̃гословилъ и крестъ ст̃ы(и) на горЂ (подле которои тепер брама киевская ¹) стоит от полудня) поставилъ. Пророкуючи иж на то(и) горЂ и иныхъ при не(и) мЂло знаменитое и хвалою бж̃ею наполненое мЂсто станут. придает стари(и) *) лЂтописца словенскии стыи нестеръ; же и павел стыи апостолъ словенскимъ проповЂдуючи народомъ многим руси до крщениа стго дорогу указовалъ. Апонемъ андроникъ стыи. Але тое крщение стое немоглося розширит для княжатъ поганскихъ на тои часъ пануючих вруси.

¹) Въ скобкахъ поставлены буквы, надписанныя надъ строками. ДалЂе мы внесли ихъ въ строки.

Повторе крстилъся /14/ рускии народ за Михаила цесара грецкого около року бж̃го ωξ̃г (863): где фотии ознаимуетъ оруси жеся окр̃тила. Атое крщение такимся отправовало способом, яко свЂдчит стародавнии нашъ лЂтописца словенскии нестор и иные гисторикове: Княжата словенские святополкъ, ростиславъ и косель, посылали до цесара помененого Михаила просячи крещениа ст̃го: цесар шпералъ кого бы мЂл выслать: адовЂдавшися у одного человЂка вселуню именемъ л^sва же мЂлъ двохъ сыновъ учоныхъ, зкоторых одному имя было мефодии а другому кирилЂ. онымъ до себе казал приехат, и послалъ ихъ на проповЂдание евангелиа святого и крщение народовъ словенскихъ. которіе щире втои прачи ²) поступуючи, книгъ не мало з грецкого на словенскии языкъ преложыли. а втот часъ на столици патриаршества ³) царгородского седЂлъ фотии стыи. Потрете крестилася русь от грековъ за цесара греческого ⁴) василиа македона, котории для крещениа еи послалъ былъ епископа (которого имени кроиники не кладутъ) а тои епископъ коли доруси приЂхал, потребовали понемъ русь чудовъ: всякожъ онъ еvглие вкинул вогонь, которое же намнЂиогнем не было нарушо, многое теды руси крестило. на тои час былъ тоиже фотии посмерти ігнатіа патриархою царегородским. вчетвертомъ разу крестилася русь от греков за олги жоны игора княжати руского бабки володимеровы бо тая ездила до царагорода за осмого константина цесара грецкого ⁵), а за патриархи полиекта: и тамъ еи полиектъ патриархъ царягородскии окрестил и бл̃гословеною межи невЂстами рускими назвалъ. Наостаток крестилася русь от грековъ за володимера святославовича уже зуполне и досконале ведлугъ наших диптихов року ≠а̃ (1000). Ато таким способом володимер былъ сынъ стославов, внукъ игора княжати руского и олъги княжны правнук руриковъ, зосталъ паном всеи руси по смерти брати своеи, которим имя было олегъ и ярополкъ. мЂлъ столицу свою первеи в новЂгородЂ потом вкиовЂ. такъ великую широкость мЂлъ своего панства, же не толко всею русю всходнею, полуденною и полночною владнулъ, але землею болгарского, сербскою, карвяцкою, семиградскою, выятицкою, вятвязкою, дулЂпскою, и тыи краины где тепер волохи, мултяне и татаре бобруиские, одною выправою до /15/ послушенства своего привернул, и дан на них взложил. Абудучи володимеръ такъ великим монархою руси всеи: мЂл от кирила стого (о которомся вышеи поменило) инструкцию довЂри стой христианскои. бо коли до володимера розмаитыи нацыи присылали, абы ихъ вЂру принял, яко то жыдове, махометани, волохи, грекове, он всЂхъ вЂри собЂ не подобалъ, толко грецкая вЂра ему вмысль впала, за оздобнымъ выводом кирилла философа грецкого, которыи ему обшырные артыкулы вЂри стои проповЂдал: наостатокъ указал запону, на которой выгаптованыи ⁷) был судъ бжии, а привезлъ еи от цесаров грецкихъ и патриархи за упоминокъ володимерови. На тую запону володимер гледячи пытал философа: коториебы то были поправицы судіи, акоторыи полевици; философъ повЂдалъ: же которіи суть по правици выражени, сут христиане з добрими учынками: а полевици будутъ вси, коториеся не окрестили. володимер до сердца то взявши своего вздохнулъ и реклъ: блгословени тыи которыи на правици станут, а бЂда тым которие полевици. философъ зас рекъ: и ты будешъ на правици если ся ⁸) окрестиш. и для того и для болшои вЂдомости вЂръ розныхъ, выслалъ пословъ своихъ володімер дорозных краинъ свЂта которие бы ся пригледали вЂри и церемониамъ. тые звЂдавши много земль жаднои собЂ вЂри и церемонии не подобали одно грецкую, которая им так ся велми подобала, а над то влиторгіи при которои были, повЂдали же учули такъ великую солодкость, ижъ якобы взахвыцене порвани болшеи при небеснои анижели земнои учте розумЂли ся быт. дЂялося то за костантина и василиа цесаров грецкихъ и сергиа патриархи царагородского. однакъ не будучи досконале еще угрунтованы в вЂре хр̃стианскои володимер для розширеня панства своего собравши новогорожан и кианъ пустился до тавріки которую теперъ перекопом зовутъ. тую опановавши и взявши внеи мЂсто херсонь, пословъ своихъ до цесаровъ грецких двохъ братии василіа и костантина сыновъ іоанна земиски цесара грецкого, зычачи собЂ сестру ихъ анну за малжонку, послалъ. Они отповедили володимерови если зостанешъ христианиномъ дамо тобЂ сестру нашу за малжонку. А володимер такую далъ отповЂдь ⁹): жем я собЂ уподобалъ вЂру вашу еще /16/ здавна, гдым пословъ моих высылал на вывЂдоване онои до вас. ПришлЂте теды епископа а я се окрещу. Вдячную новину услышавши цесарове, почали намовлят сестру, абы шла за володимера: которая любо дивне не хотЂла: уважаючи однакъ спасение такъ великого народу росиского ¹⁰) и покои отчизны своеи, призволила. Потом ехала звеликим оршакомъ княжат грецкихъ дохерсоня, докоторого приехавши, коли была припроважона на палацъ замку херсонского ¹¹), володимер знагла ослЂпъ, и почал был уже вонтпить о крщению, розумЂючи иж его богове поганские скарали. Але цесаровна послала донего мовечи: окрестися одно а збудешъ слЂпоты: якъсе и стало: бо херсонскии епископъ коли на него руку положыл блгословячи ему абы принял дха стого, заразъ якъбы луска з очъю его спала и прозрЂлъ ясно, и далъ хвалу бгови мовечи: тепер есми познал правдивого бга. окрстившися теды володимеръ (взял имя на стомъ крещеніи василеи) повеселю ехалъ з цесаровною докиева взявши от патриархи царгородского сергиа, першого митрополита михаила. Априехавши докиева з великою радостю люду посполитого. Привезлъ тежъ з собою кости ¹²) етого климента и фива ученика его: образы книги и иншое начине и Апараты церковные: сщеников діаконовъ, діаковъ и чернцовъ и розмаитых ремесниковъ для будованя церквеи гоинымъ юргелтомъ нанятыхъ з греціи зсобою докиева привезлъ. володимер приехавши докіева, казал обалят, ламат, из грунту вывертать балваны, терхаса, стриба и мокоша ¹³). а волоса балвана (котории был мянованыи быдлячии и лесныи богъ) казал в выход посполитыи вкинуть и внечистостях утопит. Перуна теж преднЂишого бога, казал до конского хвоста увязати и волочи по буричовом потоку вдЂпръ: и (12) к̃і мужей приставилъ, абы его киами били: а то чынил не якъ бы дерево тое чути могло: але абыся насмЂал бЂсови, которим прелщая люди. Аколи то такъ чынили, невЂръныи киане всюды вголосъ плакали. А оные приволокши его до берега вкинули вднЂпръ. досказалъ тежъ володимир абы оного перуна нигде доберега не припущали аж минет пороги, итамъ нижеи пороговъ выкинулъ его вЂтръ ¹⁴) до однои гори великои, которая; перунъ гора итепер зовется. Потомъ послалъ володимер по всем /17/ мЂсте киеве волаючи ¹⁶): если кто завтра не наидетъся на рецЂ почайнЂ такъ богатыи яко и убогии, неволникъ и волныи, старии и молодыи, то будет мнЂ противным. то люди чуючи мовили: если бы то речъ была не потребна, цар бы нашъ и бояре его не крстилися. Назавтреежъ зышолъ володимер зовсимъ грецким дховенством над рЂку почайню где уже было и стояло люду которому и личбы не было. Теды убравшися сщ̃еникове и діаконове вризы свои стояли на лавках на то уготованых на рецЂ почайни, а люди громадами лЂзли вреку, один попоесъ, адругие пошию, а сщ̃еники даючи каждои громадЂ зособна имена: тимофеи, василеи, петръ, або симеонъ поливали их водою, и молитвы надними звыклые отправовали, икрестили всих мужеи и невЂстъ въ имя отца и сна и стого дха. Втоиже часъ от митрополита первого в россіи именем михаила, которого тожъ взял з херсони володимеръ вси дванадцат сынове володимеровы окрщени особливе, которих мЂлъ зколкимие жонами, имена их сут вышеслав, изяславъ, святополкъ, ярославъ, всеволод, мстиславъ, святослав, борисъ, глЂбъ, станиславъ, позвиздъ, судиславъ, и от того тую гору и студню над днепром где ся они крстили ипосес днь киане хрещатиком зовут. дал тежъ всих преречоных сыновъ своих, и при нихъ колко сотъ сн̃овъ боярскихъ писма грецкого и азбучного которого тепер наша русь ужываетъ, и которое еще перед тым далеко з грецкого на языкъ словенскии переложоно учити. Преложил над ними діаки и млоденци цвичоныи. Потом володимер по всих панствахъ своихъ казалъ выкликать балваны, росказуючи абы ся вси въ вЂру христианскую крестили, а ден певны назначилъ, накотории быся хто не окрестилъ каране яко на непослусныхъ ¹⁶) уставил. услышавши тои люд посполитыи бЂгли вси зрадостю до киева, а другие на иншие мЂстца назначоныи, покоторых были грецкие священики для крещения. казалъ змуровать церковъ вкие†стого спаса з камени великого. Анатом мЂстцу где балван перунъ был перед тымъ хвален, цр̃ковъ стого василіа ¹⁷), и иныхъ тежъ церквеи велми много, звлаще натыхъ мЂстцахъ где передтымъ розмаитыи балваны стояли росказалъ набудовать коштом веліким один з цеглы икаменя, а другие з дерева. А доновагорода великого послал Архіе-/18/пискола Іоакима херсонянина ¹⁸). Котории пришедши доновагорода здобринею, болваны вси поламалъ а перуна вкинулъ в волхов рЂку, которая посерд мЂста з илмера озера идетъ. А коли того балвана перуна бито почереву киами бо был дутыи, теды внем бЂсъ кричал: о бЂда мнЂ ижъ есми ея досталъ внемилостивые руки а плынул против воды. Потом володимер послалъ знову поремесники догреціи, и змуровалъ церковъ коштом великимъ престои богородицы вкиевЂ, которую книгами и образами тои мужъ стыи ¹⁹) оздобивши преложилъ над ними анастасиа херсонина ²⁰) сщеника, опатривши еи великими десятинами з медов избожа всякого шпиталеи тежъ велми много для убозства и каликъ набудовалъ и надалъ гоине великии достаткомъ ²¹). такъже тежъ вси руские бЂлои и чорнои, всходнеи, полночнои и полуденнои лежачои руси народы ввЂре христіанскои ведлугъ обрядовъ и церемонии грецкихъ под звирхностью патриархи константинополского стале и статечне посес ден трвают. для такъ теды великои справы же досконале за его поводомъ ²²) гдь бгъ такъ великии народ докрещениа стого привел: и для жывота тежъ его побожного и ст̃обливого будучи в христіанст†до календара его церковъ стая принела и обходит днь его іюля е̃і (15) ²⁸), днь тои властиве которого господу богу дха отдалъ, похованъ естъ в кие†в церкви прстои богородици десятиннои в гробЂ мармуровом.

Што если отцове стые о иныхъ ст̃ах которых дома не маемъ мощах то ест костях розумЂли, ровным вправдЂ способомъ почесть належыта естъ тымъ которих мощи дома у себе, то естъ в панст†своемъ ²⁴) маемъ. Затым я (авторъ мовитъ) смЂле рекну оно што амвросии стыи реклъ: радуися з щастья каждого мЂста люд, если одного толко мчника костями стыми естъ осмотреныи амы ото воиска (мчнков) стых и прпдбных отцов и великих чудотворцовъ маемъю Нехаися радуетъ земля наша пЂстунка нбсныхъ жолнЂров ²⁵), итакъ великая родителка цнотъ плоднаа, тЂшъсяжъ и ты презацная земле киевская, же дочого другие сотницами мил кладут и шествуют. ты то на своем лонЂ пЂстуешъ: у тебе стыи митрополитове, побожные епископове, блгословенные архимандритове. у тебе мироточивые кости знаидуются ты ее родителка ангеловъ земныхъ: ты естес пЂстункою /19/ воиновъ ²⁶): ты есь поле на котором ²⁷) ся родят лиліи чистости, рожи терпливости, иакинфы послушенства: з которих вЂнцы ся уплЂтают княжат росииских не увядаючие. радуися и тЂшъ ²⁸). земля римская з петра и павла: ассіа з іоанна бгослова египетская з марка, антиохииская з луки, греческая з андрея и костантина: а руская и киевская земля преславная з тебе княже владимере яко з господнего Апостола, котории освЂтилъ естъ вси конци и краины земли росиискои стымъ крещением. радуися блгословеныи княже владимере ²⁹) дЂлателю и насадителю христианскои вЂри искоренивыи ³⁰) прелестное идолскои слЂпоты тернье. радуйся княже стыи зоравшии рускую землю стым крещением и насЂявшии стого и божественного писма книгами, скоторих жнутъ сынове росииские ужиточные рукояти покааниа, и от которих теж уживаютъ неоскудныи покармъ вцарствіи небесномъ, которого и насъ. хрсте бже рачъ доместити: тобЂ бо вЂмъ належитъ хвала и поклонъ з отцем и стымъ дхомъ, нн̃Ђ и завжды и на вЂки вЂкомъ Аминь.

Разночтенія.

¹) мЂстска, ²) працы, ³) патриарховства, ⁴) грецкого, ⁵) царягородского, ⁶) припудил (на полЂ: привелъ), ⁷) выгафтованыи, ⁸) колися, ⁹) такии дал респонсъ, ¹⁰) на полЂ: мудрост панны, ¹¹) корсунского або херсонского, ¹²) мощи то ест кости, ¹³) сверху строки приписано: «купала, ладо коляда», ¹⁴) днЂпръ (на полЂ: «вЂтръ»), ¹⁵) кличучи, ¹⁶) непослушныхъ, ¹⁷) на имя свое которое ему было дано на стом крещению, ¹⁸) корсунянина, ¹⁹) нЂтъ, ²⁰) херсонянина, ²¹) потом володимер взявши зсобою два епископи ходил всуздалскую землю и там всЂх крестилъ и збудовал замокъ и мЂсто великое отсвоего имене назвал его володимеромъ межи волгою и окою реками над клязмою рекою в украйне велми гоинои, итам столицу свою перенеслъ зкиева але всякого болше вкиеве мешкал. и там же теж того часу в володимери /20/ стыи володимер церкви и шпиталеи велми много набудовал инадал; ²²) инстанцыею тоест поводом, ²³) липца ²⁴) нЂтъ, ²⁵) на полЂ: воинов ²⁸) христовых, ²⁷) сеплодятн ²⁸) радуется и тЂшит ²⁹) принявшии вЂнецъ невянучии зруки бога вседержителя радуися святая главо вожю и научителю наш радуися благословеніи княже владимере, ³⁰) котории выкоренил еси.

[Владимиров П. В. Южнорусское житие св. Владимира XVII в. // Киевская старина. — Приложение. — 1889. — Т. 24. — № 2. — С. 11-20.]

© Сканування та обробка: Максим, «Ізборник» (http://litopys.kiev.ua/)
5.VI.2009

  ‹‹     Головна