[Южнорусские летописи, открытые и изданные Н. Белозерским. — Т. I. — Киев, 1856. — С. 157-162.]
Попередня
Головна
Наступна
ЛЯМЕНТЪ ЛЮДЕЙ ПОБОЖНЫХЪ,
ЩО СЯ СТАЛО ВЪ ЛИТОВСКОЙ ЗЕМЛИ,
МЕНОВИТЕ, ХТО ХОЩЕТЪ, ПРІЙДИ И ОЧИМА СВОИМИ ОБАЧЪ,
ЩО СЯ ВЪ МИРЂ ДЂЕТЪ, СНАТЬ, ЗЪ ВОЛЂ БОЖОЙ;
ХТО ХОЧЕТЪ, ТО СЯ ЗЪ НАСЪ СМЂЕТЪ.
Брани бо, вЂмъ, днесь умножійшася
I мечи на шіи наши изостришася,
Братъ брата убиваетъ,
I самого отца кровъ проливаетъ;
Ненависть междособная,
Изрещи неудобная;
Точатся кровю потоки,
Падаютъ невинные отроки,
Юноши, младенци, немовятка и дЂвы,
Отцеве і матки зостаютъ у дивЂ;
Едныхъ въ неволю побыраютъ,
Другіе отъ меча и голодною смертю помираютъ. /160/
НЂкогда страна была славна
И всЂмъ непріятелемъ ужасна,
А теперъ вся паде мечемъ,
Междусобнымъ сЂчемъ;
Бо всЂ окрестъ вразЂ ликуютъ,
Веселятся и погибели нашей триумфуютъ, —
Видячи всю обнаженну
I въконецъ спустошенну:
Бо всЂ силныи и княжата
Въ рукахъ непріятелскихъ зостали, яко и отрочата,
По рукахъ і по ногахъ повязаны,
Въ Скиθскіе страны запроважены.
Подолле плаче, рыдая,
Волынь стогне, вздыхая,
Чадъ своихъ заколанныхъ
И до вщадку въ неволю забранныхъ:
Бо тысяча тысячей и тмы ихъ падоша
Отъ меча, і во плЂнъ отидоша,
Же вся земля стала пуста,
Передъ тимъ наддеръ бувши густа;
Гряды бо, вЂмъ, всЂ созжены,
А живущіи въ ныхъ звнутръ сотренны.
О горе, горе оставшимъ,
Блудомъ и бЂдамъ вящшимъ!
О гордости твое то дЂло,
Иже отчество нецЂло.
Ото тя Богъ смираетъ
І въ гордыни низлагаетъ;
А вЂрныхъ Богъ нехай сохраняетъ
И воедино ихъ сочетаетъ; /161/
Гордыхъ и до конца низложити,
А втомъ, въ згодЂ бувши христіянству,
ВсЂхъ непріятелей подъ ноги своя положити.
Ихъ же Христе самъ избралъ еси
I родъ вЂрныхъ своихъ взнеслъ еси,
Да вси Тя восхваляютъ
I въ пЂснехъ святыхъ величаютъ.
А вы папЂжници горделивыи,
Яристе и гнЂвливыи!
Русь васъ не боится,
Токмо вЂрою щитится.
А вы въ гордости ся вознесосте,
На смиренныхъ лукъ напрягосте,
Горесть умножисте, вЂрныхъ оскорбысте,
На вЂру ся ихъ ополчисте,
Съ клятвами и присягами ся своими утвердисте,
Мовячи: погубымъ кабузъ всегда намъ спротивныхъ.
Но Богъ мысль вашу преврати
I болЂзнь ихъ на главу вашу обрати,
Іже ровъ ископасте,
Сами въ онъ впадосте:
Бо дарованый намъ отъ Бога царъ православный,
Той вашу гордость сотре;
I если ся не обачите
I до конца главы ваши, яко зміевы... (31)
(31) ЗдЂсь, должно быть, пропущено нЂсколько стиховъ. /162/
Которому самъ Спасителю Христе помози,
Яко вЂрному царю —
Нашему благочестивому Алексію,'
Великому государю.
Див. також: Українська поезія. Кінець XVI — середина XVII ст.