[Летопись Густынского монастыря / ЧОИДР. — 1848. — №8. — С. 1-38.]

Попередня     Головна     Наступна         Шрифт





ЛѢТОПИ̓́СЕЦЪ

ѡ̉ первом зачатїи и̉ созда́нїи ст҃ы́ѧ ѡ̉би̓́тели̉ мнс̑трѧ̀ гүстин̑ского, ст҃ыѧ жи̉воначал̑ныѧ тро``цы, хра́ма ѡ̓́бщежи̓́тел̑ного, в̾ лѣ́то бы́тїѧ ми̓́ра ҂зр҃и, ѿ воплоще̉нїѧ же бг҃а слова в̾ ты́сѧща шест̑сотное, мс̑цѧ ма́ѧ, пѧтого днѧ.


Начи̉нает̑жесѧ сице:


Во пе́рвыхъ поча́сӕ мнс̑тръ гүстын̑ски`` ѡ̓́бщежител̑ны``, ст҃аӕ ѡ̉бител̑ си̉ӕ, ѿ ст҃ыӕ ѡ̉би́тели, мнс̑трӕ межигорског̑, за предстател̑ства чес̑тного мүжа игү́мена аѳана́сїӕ, и̉ препод̑бного ѿц҃а їеросxимона́xа, їѡ̉асафа, и̉же бѣ ѿ ст҃ыӕ горы̀ афон̑скїӕ пришес̑твова̀, во ст҃ые мѣстъца гра́да киева, прс̑тыӕ бд̑ца, ѡ̉би́тели чүдотвор``ныӕ, лаvры пече́рскїӕ, в̾не`` же чүдотворнїи, прпд҃бнїи и̉ бг҃оноснїи ѡц҃и наши̉, антонїе и̉ ѳеѡ̉досїе первоначал̑ницы и̉ сожителїе бӕxү, и̉ зда́телие сеӕ ст҃ыӕ ѡ̉бители. Сихъ же ст҃ыxъ ѿц҃евъ подража́тели и̉ наслѣдники, тоеӕ же ст҃ыӕ афонскиӕ горы̀, в̾ лѣта тисӕча шест̑сотное пришес̑твоваша ѿ ст҃ого афону бл҃жен̑ны`` ѡ̉тецъ афана́сїе. Ско́ро то́чию̉ ѿ ст҃ыӕ афон̑скїӕ горы̀ пришедши, /в҃/ сотворши мета́нїе прд̑бномү арxиман̑дритү гл҃ӕ, молю ст҃ыни ва́шеи, повели ми да ѡ̉брӕщү себѣ во палестынї пресловүщаго града ки̉е́ва, во ѡ̓́бласти прпд̑биӕ ти пребывалище ко спасен̑ному и̓́ноческомү житїю, бл҃говоле́нїемъ же и̉ бл҃гослове́ниемъ прпд̑бнаго ѿц҃а архиман̑дрита, млт҃вами прт҃ыӕ бд̑ца, и̉ поспѣшенїемъ прс̑таго үтѣшителного дх҃а, ѡ̉брѣте мѣстъце: верxү гра́да кїева, ӕ̓́ко пӕт̑надесӕте поприщъ, и̉же сӕ нарица̀етъ ѡ̓́ное мѣстъце, межигорье, [На полі: Межигорье.] ѡ̓́бходӕше во бл҃жен̑ны`` всӕ холмы и̉ го̀ры понад днѣпромъ, и̉ не ѡ̉брѣте таковаго подобна мѣстъца ко үединенїю ӕ̉ко же та́мо, и̉начат̑ бл҃же́нны`` афана́сие бл҃говоленїемъ бж҃їимъ ѡ̉биталище себѣ созыда́ти со своѝми ему̀ үчени̉ками, девӕти бо ихъ со собою тогда́ и̉мѣ́, и во многа времена труждахүсӕ, дабы̀ созда́ти моглѝ хра́мъ преѡ̓́браженїе гд҃а бг҃а ї сп҃са нашего їс҃ хрс̑та, и̉ по малү ма̀лү, ѡ̉щүтивше и̓́хъ бл҃гонарочїтыѝ ѿ града ки̉ева, и̉ способствоваша и̓́мъ, и̉ помощїю бж҃иею создаша то́тъ храмъ, преѡ̉браженїӕ гс̑днӕ, спослушест̑вующимъ же ѡ̉бщимъ ѡ̉крест̑нымъ градом и̉ ве̉се́мъ ѡ̉ бл҃жен̑номъ, ӕко зиждат̑ монастырѣ бл҃гои̉скус̑нѣ ѡ̓́бщее житїе. По малѣ вре́менѣ собра́шасӕ братїи числом немалым, и̉ всӕ бл҃гочин̑нѣ строӕ̓́ща̀, видӕше же старецъ чес̑тны`` бл҃жен̑ны`` їѡ̉аса́фъ, ӕ̓́ко үмножают̑сӕ /г҃/ братїӕ, совѣща́стасӕ себѣ, со ѿц҃емъ бл҃женънымъ и̉гуменомъ, афанасїемъ, како бы и еще распространи́ти, xваленїе бг҃у тво́рцү, и̉ не восxотѣ лежати драгоцѣнны`` камен̑ во гно́ѝ лѣностномъ, но вземъ бл҃гослове́нїе, ѿ бл҃жен̑наго ѿц҃а и начал̑нїка свое́го и̉гүмена афана̀сїӕ чес̑тны`` му́жъ и̉ старецъ їѡа̉сафъ гл҃юще: Бл҃гослове́нїе твое ѿч҃е и̉ ѿц҃евъ ст҃ыӕ афон̑скїӕ горы̀, да бүдетъ и̉ на томъ ст҃омъ мѣстъцү, идѣже вселюсӕ и̉ начну жи́тїе и̉ зда́нїе; и̉ рече емү́ бл҃жен̑ны`` афанасїе: Иди, брате, и̉дѣ́же бг҃ъ и̉зволитъ, тамо на тебѣ и мѣстѣ то́мъ, неxа`` будетъ бл҃гослове́нїе ст҃ыӕ горы̀ ст҃ыxъ ѿц҃евъ, и̉ млт҃вами прчс̑тыӕ бд̑ци, и̉ прпд̑бныxъ ѿц҃ъ нашиxъ, антонїӕ и ѳеѡ̉до́сїӕ печерскиxъ, поклон̑ше лица своӕ на землю, и̉ взӕт̑ бл҃гослове́нїе ѿ ѿц҃а и̉ началнїка свое́го прпд̑бнаго афанасїӕ, шес̑твова во пут̑ со двома̀ үчени̉ка́ми своѝми, їеромонаxом еvфи́мїемъ, и̉ монахом генадиемъ, во стра́ны восточ̑ные заднѣпрскіе, до держа́вы бл҃городнаго кн҃зӕ миxаи̓́ла корыбүта вишневецкого, [На полі: Змежигорӕ̀ їѡ̉асафъ на перве пришол̑ до гүстыни.] ѡ̉бxожда́xү и̉мъ тогда̀ многїӕ пустынӕ верxү үдаӕ рѣкѝ даже до ү̉стїӕ его̀, и̉дѣже вшедшѣ рѣцѣ ѡ̓́но`` во сулү рѣку̀, и паки возвращимсѧ и̉мъ воспӕт̑ и̉ ѡ̉брѣтоша се`` ѡ̉стровъ нарыцаемы`` гүстынӕ по́дъ градом прилүкою; еще бо тамо на-/д҃/ чат̑сѧ созыдатисӕ гра́дъ. На ѡ̓́стровѣ же се́мъ сѣдӕше москвитинъ еди̉нъ пасѣщемъ, из̾ пүты̀влӕ гра́да московского, все`` ѡ̓́бласти гра́да прилу́ки. Ѻ̓́брѣтшым же и̉мъ и̉збран̑ное мѣстъце, ѡ̓́стровъ, зовомъ гүстынӕ, ѡ̉бxодӕщы`` үверх рѣкою үдамъ, и сѣдшии̓́мъ ту̀ на вре́мӕ нѣкое, ѡ̉щутивше и̉xъ православныи xрс̑тїане и̉ и̓́ныхъ множество бл҃гонарочитыxъ люде``, бл҃годариша бг҃ови, ӕ̉ко посѣти иxъ бл҃годатїю деснїцы своеӕ вышныӕ и не ѡ̉стави и̉xъ во неизвѣстномъ спс̑нїи бы́ти: подаӕxү и̉мъ всӕ́кую помощъ и̉ требова́нїе на соѡ̉рүженїе ѡ̉бители ст҃ои̉, и̉ тогда̀ начаша здати церковъ малү во и̉мӕ прс̑тыӕ живоначал̑ьныӕ тро``цы, вро́ку ҂аxді҃. Пребывающим же и̉мъ вост҃о`` ѡ̉бители̉ то`` всӕ свои̓́ми и́мъ рукама дѣлающе, во мнозѣмъ тру́дѣ и̉ подвизѣ, ӕ̉ко можахү всӕ̀ наxодӕщаӕ, недостаточестъства терпѣти, сони̉скающе себѣ ѿ правовѣрныxъ xрс̑тїан̑ пи̉щу и̉ ѡ̉деждү, во ѡ̉скудѣнїи своемъ всегда̀ бл҃годарѧще бг҃а. [На полі: Первы`` игүменъ їѡасафъ гүстын̑скы``.] Видӕще же бл҃жен̑ны`` старецъ їѡ̉аса́фъ, ӕ̉ко по ма́лv ма́лу множаxусӕ братиӕ и̉ прилѣжнѣе начина́xусӕ труждатисӕ ѡ̉ всӕко`` вещи, ѡ̉нъ же всӕ приxодѧщиӕ үча̀ воли бж҃е`` и̉ терпѣнїӕ и̉ ѡ̉блача́ӕ во ѡ̓́бразь ст҃ы`` мнишес̑ки``, прилага́ӕ же им теплоту̀ ко теплотѣ, үсердие ко үсердїю, и̉ всӕ спѣ- /е҃/ шешесӕ и̉мъ бл҃годатїею бж҃иею, и̉ людие ихъ тогда а̉ки агг҃ловъ земныxъ радос̑тными дш҃ми воспри``ма́xү, и̉ дающе и̓́мъ неѡ̉скудныма рука́ма всӕ и̓́мъ потребнаӕ, бл҃жен̑ны`` же ѡ̉те́цъ и̉мѣӕ тое всебѣ по всӕ дн҃ѣ во ѡ̉бычаѝ, что ли начат̑ дѣлати и̓́ли ӕ̉сти и̉ пити̉, и̓́ли вs҃ пут̑ и̉тѝ, всегда гл҃аше: Братїе и̉ ѿц҃и, млт҃вами прчс̑тыӕ бд̑цы и̉ бл҃гословенїемъ ст҃хъ ѿц҃ъ ст҃ыӕ афон̑скїӕ горы̀, ѿц҃а нш҃его афанасїӕ, и̉ началниковъ наших прпд̑бныхъ и̉ бг҃оносныxъ ѡ̉тецъ наши̉xъ антонїѧ и̉ феѡ̉досїӕ печерскиxъ, и̓́хъ ст҃ыми молитвами, всӕ да подаст̑ бг҃ъ и̉ исполнитъ и совершит̑. Нача же по мнозѣxъ трудѣxъ и̉знемогати плотїю своею бл҃жен̑ны`` старецъ и̉гуменъ їѡ̉асафъ, и̉ созвавши братїю свою́ и̉ свои̉хъ старцовъ, еvѳимїӕ и̉ генади̉ӕ, поүча́ше и̓́хъ надол̑зѣ, и̉ гл҃а и̓́мъ: Возлюблен̑ныѝ моѝ бра́тїӕ ѡ̉ хрс̑тѣ и̉ үченицы смире́нїӕ мое́го, и̉збран̑ныѝ самѣмъ xрс̑томъ здѐ на си̓́е ст҃ое мѣстъце молю̀ үбо васъ соxранѣте междү собою любовъ, имѣ``те прилѣжное попече́нїе ѡ̉ себѣ же и ѡ семъ ст҃ом мѣстъцу, на нем̾же аще и̉ по ѿходѣ моемъ ѿ васъ воздвигнет̑ гс̑дь бг҃ъ мно́гїи и̉ночествующїи̉ и̉ славӕщїѝ и̉мӕ его ст҃ое. Виждү үбо, брАтїӕ моѝ и̉ ѿц҃ы, близки`` и̉сходъ дш҃а моеӕ ѿ союза телес̑ного, сего̀ ра́ди жалѣнїӕ /s҃/ срд̑це мое, ӕже ѡ̓́ васъ, и̉спол̑нїсѧ, да бысте не пошли во расхищенїе кождо ва́съ, и мѣстъце сїе ст҃ое да быс̑те не ѡ̉ставили взапустѣнїе по смерти мое``, дабы не пришло во всеконеч̑ное ѿ православныхъ xрс̑тїанъ презрѣнїе; сего ради молю̀ вас̑, тщанїе и̉мѣ``те и̉ соболѣзну``те ѡ̉ семъ, любимицы мои, да бысте не ѡ̉ставали без̾наставника, үчителӕ и̉ ѿц҃а, но ско́ро и̉дѣте во ст҃ую ѡ̉бител̑ лаврү печерскүю ки́евскую, таможде ѡ̉брӕщете на ст҃о`` пещеры сожител̑ствүющаго бл҃гоговѣн̑на и исъкус̑на мүжа, [На полі: І̓́саїӕ Копин̑ски``, которы`` потомъ зостал̑ Игумен̑ства, Архиепс̑пом, таже и Митрополитом Киевскимъ.] во всӕкиxъ добродѣтелехъ и̉справлен̑на, ему имӕ иса́иӕ, шест̑надесӕте во лѣтъ ӕ̓́ко гс̑деви работаетъ, во вседневныхъ же моли̉твахъ и постѣхъ хс̑ви үгаждаӕ, и̉здѣтска бо ѡ̉стави родителӕ своӕ̀ и̉ быс̑ мни̓́xъ, и̉ бүдети бо послѣжде sѣл̾ны`` ревнител̑ по бл҃гочс̑тїи и̉ ст҃ител̑ски`` достиже санъ, и̉ в̾ здешныхъ бо кра́ӕхъ воздвигнетъ бг҃ъ многи мнс̑трѣ; сего, братїӕ моӕ, үмолѣте, да будетъ вамъ во мене мѣсто ѡ̉тецъ, да и̉ подаст̑ вамъ ру́кү по́мощи ко всӕкому строенїю ва́шему и̉ ко созыда́нїю ѡ̉бители тоеӕ ст҃ыӕ. Братиӕ же, слышавше сиӕ словеса ѡ̉тъ бл҃жен̑ного старца и̉ ѿц҃а свое́го, їѡ̉асафа, үмилишасѧ срдцы свои̉ми и̉ дш҃а своӕ напол̾ниша жалостию, воскорѣ ѿц҃ева повеленїӕ послушаше, списавше xартїю, вземше бл҃го-/з҃/ словение ѿческое, и̉дӕху ко бл҃женномү ѿц҃ү и̉саїи во ст҃ую ѡ̓́бител̑ лавру печерскүю, и̉ ѡ̉брѣтъше его тако, ӕ̓́ко же имъ гл҃а ста́рецъ, давши же ему хартїю, молӕху его прилѣжно, да будетъ и̓́мъ во ѡц҃а и̉ предстател̑; сы`` же бл҃жен̑ны`` ѿц҃ъ глагола имъ: Миръ вамъ, ѿц҃ы и братїӕ. Се азъ зде сѣжү ӕко лѣтъ шест̑надесӕте во ст҃о`` се́й пещерѣ прпд̑бнаго и бг҃оноснаго ѿц҃а нашего антонїӕ, и̉ многи трүды подъӕxъ, и̉ зыданїӕ, ӕко же и сами видите, воздвиго́xъ, и̉ нѣсмъ самъ азъ зде, но со братїами, дванадесӕт̑ми и̉ вӕщше и̉мѣю под властїю моею; азъ же есмъ и̉ самъ под властїю бл҃жен̑ного ѿц҃а архиман̑дрита и̉ его ба҃говоленїемъ, па́че же и̉ бл҃гословенїемъ, зде ѡ̓́брѣтаюсӕ; да и̉дете со мною ко бл҃жен̑номү арxиман̑дриту; и̉ возвѣстиша емү ѿ̉ всѣхъ сихъ, бл҃жемны`` же арxиман̑дритъ не ѡ̉трицаӕ имъ, но, по времени, гл҃а имъ: Тамо васъ повелѣмъ ему посѣтити и̉ үстрои́ты вама всѧ. [На полі: До густыни пришол̑ Ісаиӕ Копин̑ски`` з̾ Печерского мнс̑тырӕ.] пришедшу же временѝ по праздницы үспенїӕ прчс̑тыӕ бд̑ци, шест̑вова до и̓́xъ бл҃жен̑ны`` ѡ̉тецъ їса́иӕ, и доспѣ помощию бж҃иею и̉ бл҃гослове́нїемъ прп҃бнаго арxиман̑дрита, до мнс̑трӕ сего ново начатого. Въ то времӕ и̉ ѡ̉брѣте еще бл҃жен̑наго старца їѡ̉асафа їгумена в̾живыxъ, и̉ поxвалиша бг҃а ѡ̉ба со братїами всѣми, радости испол̑нишасѧ, и̉хож̑да-/и҃/ху со собою ѿц҃ы по ѡ̓́строве, везде созыраю́ще его̀, всӕкїӕ добролич̑ныӕ красоты̀. Видѧ же ѡ̉тецъ бл҃женны`` їсаиӕ, мѣстъце крас̑но бг҃оүгодно и̉ зѣло прилич̑но на и̓́ноческое жи̓́тїе, бл҃говоли ѡ̉ семъ и много со старцемъ и̉ со всѣми братїами сматрӕ̉юще прилич̑нѣ``шаго мѣстъца, ӕ̉же бы ѡ̉сновати гдѣ́ простран̑нѣ``ше, но ѡ̉ семъ не восxотѣша медлѣти, но воздаша бл҃годаренїѐ гс̑деви, начаша ѡ̉снова́нїе стѣнъ, та́же келиӕ и̉ вторүю црк҃овъ теплую, бл҃говѣщенїе, и̓́ли рождество прч̑тои бд̑ци при трапезѣ, и̉ всӕ и̓́наӕ потребнаӕ мнс̑трскаӕ зданїӕ, ѡ̉прӕтовати бл҃гонарочито, со үсердиемъ sѣлнымъ, тогда братїӕ всӕ творӕ̉xү. Таже бл҃жен̑ны`` ѿц҃ъ їса́иӕ мало со братїӕми времѧ закоснѣ, сосовѣтовастасӕ со собою, помол̑шисӕ гс̑деви и̉ вs҃томъ времени, до бл҃городныxъ православнахъ пано́въ со моленїемъ вдашасӕ, бл҃жен̑ны`` ѿц҃ъ печарны`` їсаїа и̉ со старцем їгуменом и̓́ѡ̉асафомъ, и̉ үмоли̉ша кнӕзѧ симеѡ̉на лы́кү, и̉ симеѡ̉на свӕцкого, їѡан̑на бѣлкевича, и̉ прочїихъ бл҃городных пановъ, и̉ ӕкуба маркевича, дабы и̉мъ грамоты дали до кн҃зӕ миxаи̓́ла корыбута вышневецкого, и̉ ско́ро и̉мъ даша свидѣтел̑ствованъныи и̉ молебныи xартїи до кн҃зӕ, абие со тѣмижде грамотами ѿц҃ы шест̑воваша ко кн҃зю на волын̑, и̉ поспѣ- /ѳ҃/шенїемъ бж҃їимъ всӕ̀ получиша, и̓́ми тамо желаемаӕ, [На полі: Кнѧгинӕ Раи̉на Могилӕн̑ка ү фүн̑дүшү] понеже кн҃зь добродѣтеленъ бӕ̉ше, кн҃гинӕ же его̀ Раи́на Могилӕн̑ка зѣло бл҃гонарочита и бл҃гочс̑тива бӕше вел̑ми бо любаѧше слуги хс̑ви, калугерѝ, и̉ тогда вдашасӕ в̾ дуxовен̑ство бл҃жен̑ному ѿцу їсаїи. Кн҃зь же тогожде тамо времени всѣxъ заднѣпрскиxъ своиxъ поповъ вручи во власт̑ ѿц҃у Ісаїи̉ и даде ему̀ на сие хартїю свою, и̉ дати повелѣ абие кн҃зь ѿц҃емъ нашимъ привилеӕ и̉ листы ѡ̉граничен̑ныѝ ѡ̓́вому мѣстъцү ст҃омү, монас̑тирови гүстын̑скому, ѿ ѡ̉бласте`` градскиxъ и̉ и̓́ныхъ веси`` тамо ѡ̉крест̑ сущих, дабы монастырови и̉ кгрун̑томъ его̀ никто̀ ѿ людинъ градскиxъ, и̉ поселных нико́еӕ пакости не творили ѿнюд. И̉ пришест̑воваша ѿтудү ѿц҃еве здрави млт҃вами прс̑тыӕ бд҃ци и̉ чес̑ныхъ братїѝ, и̉ нашли цѣлы и̉ мирни, и̉ ѡ̉почивше малощо ѿ тру́дү, паки и̉дӕху ко кн҃зю лыце до лубень, и̉мѣша бо до него лист̑ ѿ вєликаго кн҃зӕ миxаи̉ла корыбута, повелѣвающе ему, дабы̀ зде всӕ мирнѣ үстроилъ, и̉ ѡ̉граничи̉лъ мѣстъце ст҃ое мнс̑тръ. Кн҃зь же бл҃гочестивы`` симеѡ̓́нъ лы́ко со симеѡ̓́номъ свӕцкимъ со зѣлною радостїю сие сотворити пот̑щашасӕ, выеxавши ѿ̉граничен̑е, мѣстъца грун̑товъ мнс̑треви сочиниша. Тогда паче үсердиӕ прилагаxу себѣ ѿц҃ы, таже и̉ /і҃/ братїӕ, и̉ множа́хусӕ братїи чс̑тныхъ число́мъ не малѣмъ, и̉ прилѣжнѣ зыждаху монасты́ръ, трүждател̑нѣе. Бл҃жен̑ны`` же ѿц҃ъ їсаи̉ӕ, всӕ үстрои̉вши и̉мъ бл҃гочин̑нѣ, молӕше бл҃жен̑ного старца їѡ̉аса̀фа и̉ братїѝ чс̑тныхъ ѡ̉ млт҃ву ст҃үю, ѿи̉де восвоӕ̓́си на пещерю̀. Минүвшу же го́дищу и̉ мс̑цӕ трѝ по сих, паки sѣло и̉знемогшу бл҃жен̑ному старцү їѡ̉аса̀фү, бѣ бо вел̑ми ста́ръ, [На полі: И̓́гуменъ Іѡ̉асафъ престависӕ.] та́же мс̑цӕ ѡ̉ктобрїӕ во и҃ дн҃ь, ѿи̉де с̾ того свѣта, ко гд҃ү преселисӕ ѿ братїи в̾ лѣто ѿ рождества хс̑ва ҂ах҃sі. Братїӕ̀ же велицѣмъ жалѣниемъ и̉ рыданїемъ сопрӕташа тѣло бл҃женнаго ѿц҃а, и̉ погребоша ѐ во црк҃ви ѡ̉дес̑ную ѡл̑тарӕ̀; старецъ же еvфимїе, үченикъ его̀ прд̑ны``, тогда̀ бѣ на мѣс̑цу ѿц҃а свое́го преставл̾шагосӕ, совѣщастасӕ со братїею̀, ско́ро течаху в̾ кїевъ бо ст҃ую лаврю печер̾скую ко бл҃жен̑номү ѿц҃ү и̉саїи́, на пещерю, паки молӕ̓́ще бл҃жен̑наго, да подаст̑ и̉мъ в̾ мѣсто себе и̉гумена, и̉ли самъ к̾ онимъ шест̑вуетъ, да паки по чину үстроитъ и̉мъ всӕ. Ѻ̓́нъ же даде и̉мъ пречест̑ного їеросxимонаxа варлаа́ма, и̉ біс̑ со ними не дол̑го вре́мѧ, бл҃жен̑наго бо ѿц҃а и̉ предстателӕ печарного, гл҃ю їсаи̉ю, со совѣтомъ бл҃жен̑наго и̉ прпбд̑нѣ``шаго їелїсеӕ арxиман̑дрита, печарного ѿц҃а и̉саи̉ю взӕша на їгумен̑ство межигорского мнс̑трӕ, престави /аı҃/ бо сӕ прпбд̑ны`` ѿц҃ъ афанасїе, первоначалникъ межигорскїӕ ст҃ыӕ ѡ̉бители, в̾ лѣто ҂ах҃гі, и̉ быс̑ по нем тамо їгумен̑ гедиѡ̓́нъ, ӕ̓́ко три лѣта, и̉ нѣкоеӕ ра́ди вины̀ извержен̑ быс̑ ѿтудү, невомѣстимъ бо быс̑ братїѝ, и̉ тогда по не́мъ бл҃жен̑ны`` ѿц҃ъ їсаиӕ быс̑ на том предстател̑ствѣ, гл҃ю и̉гумн̑ествѣ, во ѡ̉бители ст҃о`` межигорско``, ӕко лѣтъ трѝ, пещерю жє ѡ̉став̾лши, [На полі: И̉саиӕ Копинскїи́ три лѣта Ігуменом ү Межигорѣ] жалости всегда̀ бѣ̀ и̓́сполненъ ради трудовъ своиxъ и̉нѣмъ постыгшимъ, и̉ не xотӕше бо сѐ восприӕт̑, ӕ̉ко крѣпъцѣ үсилованъ бѣ ѿ старецъ и̉ братїи межигорскиxъ, пече же ѿ бл҃жен̑наго архиман̑дрита. За его̀ же тамо предстател̾ства постыже в̾ нашу землю ст҃ѣ``ши`` патриарxъ їерс̑лимъскии`` ѳеѡ̓́фанъ, ӕ̓́ко со нб҃се росою́ ниспосланъ быс̑ ѿ московскиӕ землӕ, [На полі: Патриарха Ст҃ѣншїи́ Іерс̑лмски`` в̾ Густынѣ былъ.] и̉дущү бо ст҃ѣ``шому патриарxу ѿ путивлӕ, ѡ̉почиваше в̾ се`` ст҃о`` ѡ̉бители, мнс̑трю густын̑скомъ, и̉ бл҃гословенїе своѐ пастырское гроба гс̑днӕ в̾ тое времӕ далъ мѣстцу тому ст҃ому, и̉ ѿсюду и̉дӕ̓́ше ст҃ѣ``шы`` патриарxъ во ст҃ы`` град ки̉евъ, провождаxу бо его̀ множество вои̉нъ козаковъ, гетманъ сага``дачны`` петръ, мужъ sѣло воин̑ствен̑ бӕ́ше и̉ страшенъ бѣ врагомъ всѣмъ; и̉ поставиша ст҃ѣ``шаго ѿц҃а патриарxу во брат̑вѣ црк҃вѣ ст҃ыxъ бг҃оӕвлени``, средѣ гра́да киевского, и̉ ѡ̉бточиша его̀ стражбою аки пче́лы матицу свою̀, /в҃ı/ тако ст҃ѣ``шого ѿц҃а и̉ пастырӕ ѡ̓́вцы словесныѝ ѿ волковъ противныxъ стрежа́xу. Бӕше же ст҃ѣ``ши`` патриархъ во ст҃ѣмъ градѣ киевѣ мало нѣчто отъ годища року ҂ах҃ка, сотѣкаxужесӕ ко нему православны̀ ѿ всѣxъ стра́нъ бл҃гословенїӕ ради. Бл҃женъны`` же ѿц҃ъ їсаиӕ, и̉гумен̑ тогда ст҃ыӕ ѡ̉бители межигорскїӕ, самъ врѐмени того̀ закос̑нѣ здѣ пришест̑вовати в̾ се`` мнс̑тръ ст҃ыӕ ѡ̉бители густын̑скиӕ, ра́достенъ же бӕше посѣщенїӕ ради ст҃ѣ``шого патриарxи, ѡ̉баче со совѣтомъ ѡ̉бщимъ всѣxъ ѡ̉ xрс̑тѣ братїи межигорскиxъ, послаша чест̑ного во їеромонасех, гс̑дна ѿц҃а комен̑тариӕ, на игумен̑ство мнс̑трю густын̑скому. И се`` то́кмо ро́къ быст̑ на игумен̑ствѣ, паки и̉дет̑ во межигорскую ст҃ую ѡ̉бител̑, повеленїемъ бл҃жен̑ного ѿц҃а їса́їѝ, по немъ же четвертого никифо́ра, такожде їерос̑xимонаxа, посылает̑ ѿц҃ъ, и̉ сы`` два роки пребыс̑, и̉ паки во ст҃о`` ѡ̉бители межигорско`` престависӕ, по немъ же пӕты`` еvѳимїе, и̉же и̉ зде быст̑ намѣсникъ по старцу бл҃жен̑ном їѡ̉асафѣ , и̉ сы`` мало что быст̑, и ѿи̉де во скитъ, нарицаемы`` подгорски``, во веси ладин̑ско``, иже ѿстоитъ ѿ ст҃ӕ ѡ̉бители ӕко і҃ верстъ, и днес̑ тамо жител̑ствуютъ инокїнѣ. Бл҃жен̑ны`` же ѿц҃ъ исаи̉ӕ не и̉мӕ̉ше ѿнюдъ вре́мени самъ итѝ, дабы посѣтилъ сию ст҃ую ѡ̉бител̑ в̾ таковѣмъ /гı҃/ сущом нестроенїѝ, но паки вторицею посыла́етъ пречест̑ного їеросxимонаxа варлаа̀ма̉ на предстател̑ство, бѣ бо се`` варлаамъ тамо во ст҃о`` ѡ̓́бители межигорско`` намѣсникомъ ү бл҃жен̑наго ѿц҃а їгумена исаїѝ. Въ том же времени, бл҃жен̑ны`` ѿц҃ъ ѿ ст҃ѣ``шого патриарxи поставленъ быст̑ на епс̑птво; сему же дѣланїе быст̑ во ст҃омъ градѣ киевѣ в̾ брат̑ствѣ црк҃ви ст҃ыхъ бг҃оӕвленїи̉, в̾ ро́кү ҂аx҃квм, со совѣтомъ бо мно́гиxъ и̉ бл҃гочестивыxъ пано́въ шлӕxецкого рода и̉ всѣxъ посполитыхс̑тїанъ, а на``паче же гетмана во``ска запорож̑ского, петра сага``дач̑ного, и̉ множество ѿ всѣxъ краи̓́нъ, волын̑скиxъ, подол̑скиxъ, подгорскиxъ, покут̑скиxъ, подлӕскихъ кнзс̑тва литовского, и̉ үкраинъскиxъ бл҃гочс̑тивыxъ, такъ дуxовныxъ, ӕ̓́ко свѣцкиxъ, много бо бӕху тогда̀ дивнъıxъ и̉ неи̉сповѣдимыxъ гада́нїй и̉ совѣтовъ не токмо в̾ дуxовныxъ, но и̉ в̾ свѣцкиxъ. Тогда же и̉ землӕ̀ трасласѧ, [На полі: Землӕ трӕсласѧ.] в̾ нд̑лю ѡ̉ нешпорно`` годинѣ. Молӕxу же ст҃ѣ``шого патриархү всѣ бл҃гочс̑тївыѝ, да и̓́мъ оставитъ ст҃ыню, да пост҃итъ и̓́мъ епс̑пи. Ст҃ѣ``ши`` патриарxъ возбранӕ̓́шесӕ и̓́мъ того̀, боӕху бо сӕ кралӕ и̉ лӕxовъ, таже ст҃ѣ``шого патриарxу взӕша на рамена и ѡ̉пекү свою, бл҃гочс̑тивое во``ско, гетманъ, гл҃емы`` петръ сага``дач̑ны``; и̓́збраша бо на метрополїю киевскую, /дı҃/ бл҃жен̑ноѝ памӕти чс̑тного и̉ бл҃женъного мүжа и̓́ѡ̉ва борецкого, [На полі: Миха``ловского Игумена Митрополитом учинено Киевским, а Исаи̉ю Єпс̑помъ Премысл̑ким року ҂ах҃кв.] їгүмена мнс̑тырӕ ст҃ого арxистратига миxаи̉ла золотоверxого, црк҃ве над киевомъ, бл҃женного же ѿц҃а їсаию пост҃иша на премыс̑кое епс̑птво, в̾ четвертокъ в̾ нощи, в̾ року ҂аx҃квм, мс̑ца ѡ̉ктоврїӕ во шесты`` дн҃нь, бл҃жен̑ного же ѿц҃а їѡ̉ва борецкого в̾ нд̑лю по немъ того жъ мс̑цӕ во девӕты`` дн҃ь, и̉ бл҃года́тїю xрс̑товою үтѣшишасӕ всѣ бл҃гочс̑тївыѝ, видӕще ст҃ыню ѿновл̾шуюсӕ. Послыша́ша же ѡ̉ семъ вил̑нӕ̉не, при``доша до ст҃ѣ``шого ѿц҃а паттрїарxи со sѣлнымъ моленїемъ и̉ со велїими да́ры, да и̉ ѡ̓́нымъ подаст̑ ст҃ыню ѿновленїӕ, возбранӕ̉шесӕ многажды ст҃ѣ``шы`` ѡ̉тецъ, и ко моленїемъ сих ст҃ителе`` и̉ бл҃городныxъ тоӕ землӕ̀ литовскїӕ пано́въ и̉ всѣxъ нарочи́тыxъ тамошниxъ xрс̑тїанъ и̉ ѡ̉бывателевъ, сотвори и̓́мъ сѐ, [На полі: До Вилнӕ Мелетїӕ Смотрицкого Єпс̑помъ пост҃илъ.] пост҃и и̓́мъ сего̀, его̀ же ѡ̉нѝ сами себѣ изволиша и̉ и̉збраша, мелетїӕ смотрицкого, во ѡ̓́смъ ндль по си̓́хъ ст҃ителеxъ. И̉ тогда̀ при посщс̑енїю его̀ знаменїе быст̑ ѿступству его̀ ѿ бл҃гочс̑тїӕ. Внегда даша ему̀ еvг̑лїе чести, случижесӕ ему си̓́е зачало: ӕко и̉дӕше їс҃ сквозѣ сѣӕнїӕ и̉ үченїцы его восторгаxү класы, и̉ чту́ще з̾ рүкъ выпустил̑ еvг̑лїе. Ст҃ѣ``шы`` же ѿц҃ъ патрїарxъ үсумнѣсӕ sѣло ѿ̉ семъ, и̉ гл҃а ко симъ тремъ ст҃ителемъ, /єı҃/ митрополиту їѡ̉вү, епс̑пу исаїѝ, епс̑пу авраа́мию. Видите, речѐ, что се естъ, не дол̑го сему со вами быти, воскорѣ бо бу́детъ sѣло вели`` противникъ црк҃ви xс̑во`` восточ̑ного православїӕ. Тако и̉ собыстс̑ӕ во недол̑земъ временѣ. По сихъ же ст҃ѣ``шы`` патриархъ идӕ̉ше ѿ кїева со sѣлнымъ множеством народа и̉ дх҃овенствъ, и̉ сїи ст҃ители его̀ со многою радостїю, [На полі: Терехтемировского їгумена пост҃и на Єпс̑кпство Володымерское и Берестейское, а в̾ Бѣло`` Церкви пост҃и Исаа́киӕ на Єпс̑кпство Луцкое] и̉ со во``скомъ гетманъ петръ сага``дач̑ны`` провождаxу до тереxтимировского мнс̑трӕ, и̉ та́мо времӕ невеликое пребысть, и̉ пост҃ивъ їѡ̓́сифа корцевича, їгумена тамошнӕго, такожде на епс̑пство владымерское и̉ бересте``ское, и̉ ѿтудү и̉дӕше во пүт̑ со множеством во``ска, ӕко три тысӕща самых козаковъ со гетманомъ сага``дачным, кромѣ иныxъ шлӕxецкого и̉ дx҃овного рода, и̉ ѡ̉почи в̾ бѣло`` церкви, градѣ кролевскомъ, дн҃ѣ четыри, и̉ ту пост҃и чс̑тного му́жа и̉саакїӕ борискевича з̾ волын̑скиxъ краювъ на епс̑пство луцкое и̉ ѡ̉строж̑ское; и̉ паки и̉дӕху во пут̑ сво``, и̉ достигоша до бл҃гочс̑тивого кн҃зӕ стефана четвертен̑ского, до града его̀, гл҃емого животова, и̉ тамо три дн҃ѣ ѡ̉почиша, бѣ бо зима sѣло лю́та, и̉ зде пост҃и на епс̑пство xелмское чс̑тного мужа паи̉сїӕ и̓́пполито́вича, и̉ ѿтудү паки ӕшасӕ пут̑шествїӕ свое́го со всѣми тѣми ст҃ител̾ми, и̉ /sı҃/ ѡ̉провождаxу его до гра́да гл҃емого буша, а̉ ѿтудү взӕша его волоxи до ӕ̓́съ, града своего столеч̑ного таможде. И гды растава́xусӕ православныѝ, такъ епс̑пы и̉ преѡс̑щен̑ны`` митрополитъ, ӕко гетманъ и̉ все во``ско, тӕжес̑ного sѣло лӕмен̑тү и̉ плачу, стѣ``шы`` ѡ̉тецъ жекгнан̑нїемъ своимъ всѣxъ срдца испол̑нилъ, ӕко немал̑ кгды хс҃ вознесенїемъ своимъ в̾ нб҃о учениковъ свои̓́xъ, такъ и̉ та́мо великои̉ жа́лости было̀, поүчаше бо тогда ст҃ителе`` свои̉xъ содержатисӕ истин̑наго бл҃гочс̑тїӕ, смиренїӕ и̉ любве, скорбе же и̉ гоненїӕ со всӕкою покорою преноси́ти, такожде и̉ все бл҃гочс̑тивое вои̉нство бл҃гословлӕше, ставше на торжищи посредѣ града, всѣмъ во слух гл҃аше и̓́мъ со sѣл̾нымъ үсердиемъ поүченїе, таже млт҃вы прощател̑ныѝ и̉ раздрѣшател̑ныи́, преклоншымъ и̉мъ всѣмъ главы своӕ̀ ни́цъ на землю; посемъ үвѣщаваӕ и̓́xъ, дабы ѿ того времени не xодили на москву на ро́дъ xрс̑тїанскїи`` бранїю. Рече и̉мъ: аще презрите мое прошенїе, истребитъ васъ бг҃ъ, но не дерза``те сеӕ злос̑ти творити вѣрнымъ xрс̑тїаномъ; ѡ̉ни же обѣщаxусӕ, но несохраниша сего, ӕ̉ко же ѡ̉бѣщали бӕ̓́xу. По сиxъ же сихъ всѣxъ, кождо восвоӕси үклонишасӕ; по прощенїю ѿ ст҃ѣ``шого ѿц҃а патриарxи бл҃жен̑ныи́ ст҃ителїе наши и митрополитъ возврати́шасӕ абие /з҃ı/ во киевъ со тѣмъ же во``скомъ запорож̑скимъ, а бл҃жен̑ны`` ѿц҃ъ и̉саиӕ на волын̑, и̉ тамо нѣчто мало замедлѣвъ, ѡ̉ нѣкоиxъ ему̀ требованїиxъ, и̉ паки возвратившисӕ во своӕси до киева, и̉ приѣхавши, ста во дворѣ мнс̑трӕ своего межигорского, таже бо тамо братїӕ всегда жител̑ствуютъ, стрегуще подвориӕ свое́го мнс̑тркого. И̉ сїи үвидивше ѿц҃а ст҃ителӕ своего и̉гумена радовахусӕ ѡ̉ немъ, и̉ возвѣстиша ѿц҃у, гл҃юще: развращенїе sѣлное днесь во мнс̑трю недавно показасӕ; гедиѡ̓́на давнӕго за игу̀мена себѣ восприӕли, тебе же, ѿч҃е ст҃ы``, гл҃ютъ, ӕко епс̑пъ не можетъ быти намъ и̉гуменъ и̉ пустити тӕ̀ не и̉зволӕютъ до мнс̑трӕ. Бл҃жен̑ны`` же ѿнюд сего ради не ѡ̉печалисӕ, но рѐкъ: бу́ди бг҃ъ бл҃гословенъ, и̉ в̾ зау̀трїе и̉дӕше до нихъ до мнс̑трӕ, ѡ̉ни же аки гостӕ приӕ̓́ша, ѿ̉баче даде и̉мъ свое ст҃ител̑ское бл҃гословенїе симъ, и̉же быша его досто``ны, а и̓́же недосто``ны бӕ̓́ху, сїи всѣ үклонишасӕ вонъ и̉з̾ мнс̑трӕ и̉ влачахусӕ во ѡ̓́крест̑ныxъ мнс̑треxъ киевскиxъ, гл҃юще злыӕ совѣты и̉ раздоры на бл҃жєн̑ного ѿц҃а, не восхотѣша бо бл҃гословенїӕ, и̉ удали̉сӕ ѡтъ ни̓́xъ. Бӕше же расколу и̉ sѣлного мӕтежу ӕ̓́ко годище, и̉ шу́мъ злыхъ бурливосте`` не утолӕ̉шесӕ, но паче ӕрости ѡ̓́гнь воспалӕшесӕ; восташа же на бл҃жен̑но-/и҃ı/ го всѣ а̓́ки л̾вы рыкающе ѿ всѣxъ странъ, противницы вкупѣ водворӕ̓́ющесѧ. Видӕ же се бл҃жен̑ны`` ѿц҃ъ и̉ смирен̑ны`` ст҃итель, а̉ко ничто үспѣваше, но паче мол̑ва растӕше, возвергъ на гс̑да печал̑ свою̀ и̉ препита его̀ десница вышнӕго; созва до себе своиxъ сѝ ү̉чениковъ и̉ рукополагателе``, үмил̑но гл҃а и̓́мъ, како воскорѣ гд҃а ѿ свои̓́xъ его̀ люде`` поруганїе постыже, тако, рече, и̉ мене ѿ моих братїѝ днес̑ үничиженїе; зрѣте, бг҃ъ и̓́мъ да будетъ судиӕ̓́. И̉ повѣдаше братїѝ, како ему̀ при посщ҃енїи еvг̑лїе случисӕ сие: марфа, марфа, печешисӕ и̉ молвиши ѡ̉ мнозѣ, едино же естъ ти на потребу, сиӕ ре́къ, воздxнувши, прослезисӕ и̉, бл҃годарӕ бг҃а, ӕко воскорѣ на том ст҃ител̑скомъ степенѣ и̉скушенїе подӕть, речѐ паки братїи свое``: ѿц҃ы и̉ братїѧ, вземше бл҃гословенїе, и̉дѣте со миром за днѣпръ до ст҃ыӕ ѡ̉бители, тамо мӕ дванадесӕтого днӕ сподѣва``тесӕ, вѣрю бо гс̑деви, ӕ̓́ко не ѡ̉ставитъ насъ, на малѣ тамъ живи бу́демъ ӕ̉ко зде на велицѣмъ. [На полі: кs҃ Братїӕ з̾ Межигорӕ з̾ Єпс̑помъ Копинскимї Исаиею в̾ Густыню пришли року ахк҃ѳ.] И̉ вземше братїӕ бл҃гословенїе, наүтрїе а̓́бие и̉дӕху, числом и̉хъ двадесӕть и̉ шест̑, а сим межигорскимъ ѿвѣща: гс̑дие ѿц҃ы и̉ братиѧ, чили азъ ва̀съ ѡ̉печалиxъ, и̓́ли ст҃ую ѡбитель ѡ̉тӕготи̓́xъ, не скорбѣте на мӕ, но сподобѣтемӕ прошенїӕ, и̉ азъ васъ прощаю, жи``те со ми̓́ромъ. А̓́зъ не xотѣxъ до васъ, /ѳ҃ı/ да бысте мӕ приӕ̓́ли; вы же мӕ и̉сторгосте ѿ житїӕ моег̑ и̉ взӕсте мӕ собѣ за предстателӕ, днес̑ же ѿмещете мӕ, та̀ко вам бг҃ъ. Ѻ̓́ни же рыданїӕ sѣлнаго и̉спол̑нишасӕ, начаша его молити, гл҃ющѐ: ӕ̓́ко не вѣмы сего̀, токмо зде и̉хъ шесть сие творӕтъ, и̉ xотӕху их сами бѣдѣ ӕко́во`` преда́ти; но бл҃жен̑ны`` и̓́мъ сего̀ возбрани, да и̓́мъ зла никое́го не сотворӕтъ. По сиxъ же во трети`` дн҃ь, давши и̓́мъ мир̑ и̉ бл҃гословенїе, ѡ̉ставль и̓́хъ, и̉дӕше за днѣпръ, вземши бл҃гословенїе ѿ бл҃жен̑ного митрополита, їѡ̉ва борецкого. [На полі: И̉саи̉ӕ Єпс̑пъ до Густынѣ приѣхалъ и Филарета И̉гуменом поставилъ, бо подъ властїю его̀ здав̑на Густынӕ бывала.] В̾ року ҂аxк҃д-мъ, мс̑цӕ септевриӕ во ка҃ дн҃ь, приспѣ во сию ст҃ую обител̑ густын̑скую ст҃ыӕ живоначал̑ныӕ тро``ци, и̓́же бо бӕше ѿдавна под властию его̀, и̉ ту̀ всѣxъ братїи своиxъ здравыxъ и̉ мирныxъ ѡ̉брѣте, возрадовасӕ са́мъ и̉ братиӕ, ӕ̓́ко во своѐ и̉мъ гнѣзденїе пришедшымъ, и̉ ту̀ поживе со ними полъ мѣсӕца, строӕше и̓́мъ всӕ бл҃гаӕ, бѣ бо тогда̀ любимъ сы``, ӕ̉ко ѿц҃ъ чадомъ своим, такожде и̉ ѿц҃у чада его̀; и̉ кто̀ и̉сповѣстъ, ӕ̉кова тогда любовъ растӕше братїи до ѿц҃а и̉ до мѣстъца сего̀ ст҃ого. По семъ же совѣтовастасӕ з̾ братїею, е̉же ѡ̉ црк҃ви велико``, здати еӕ; повелѣ же ѿц҃ъ братїи, да быша древо наготовалн зимѣ, и̉ взӕша на сие дѣло ү ѿц҃а бл҃гословенїе, и̉ горӕчою ѡ̉хотою сие /к҃/ творити ѡ̉бѣщаxусӕ. По семъ же ѿц҃ъ остави и̓́мъ и̓́гумена филарѐта, мужа и̉скусна и̉ честъна, самъ же ѿи̉де до лүбень, и̉ тамо такожде со xрс̑толюбивыми гражданы совѣтовасӕ, и̉ ѡ̉брѣте мѣстъце та̀кожде красное на мнс̑тръ, и̉ радост̑ны всѣ бӕ̓́х вкупѣ граждане. Ӕ̓́ко же тогда е̉ще бѧху вои̉сковые люди бл҃гочс̑тивые, всѣ за сїе лѣпотънѣ взӕшасӕ, и̉ sѣло ст҃ителӕ чс̑тно величаxү, ӕ̓́ко прилежитъ ѡ̉ спс̑нїи и̉хъ, и̉ абїе списавше грамоты, послаxу ко кн҃зю кон̑стантїю корибуту вишневецкому, молӕще его̀ ѡ̉ позволенїе и̉ привиле``. Не ѿтрыцаше же кн҃зь ничто сопротив̑но, бѣ бо знаа́ше ѿц҃а здавна; послан̑ныѝ же желаемое получ̑ше, принесоша ѿц҃у, и̉ радоваxусӕ всѣ таково`` бл҃годати бж҃е`` и̉ кн҃жо``, ӕко всӕ поспѣшест̑вуютъсӕ ко созданїю во бл҃гое. И̉ а̉бїе ѿц҃ъ нача́ть на то́мъ мѣстцү мл҃твы и̉ моленїӕ, и̉ водост҃ие ство́рше, и̉ ѡ̉бвѣстиша во црк҃ви хрс̑тїаномъ, и̉ бл҃годариша бг҃ови, ӕ̉ко и̉ ѡ̉нѣxъ посѣти спасител̑нымъ сѝ посѣщенїемъ. Начат̑же во пе́рвыхъ самъ ѿц҃ъ своѝма рукама пещерю рити, [На полі: Мгарски`` монастырь з Густынского ӕ̉къ давно.] и̉ ѡ̉цыщаху xврастїє на созданїе келїи``. Начажесӕ здати ѡ̉битєль ст҃аӕ мгр̑ски`` мнс̑тръ в̾ рокү ҂аxк҃д-мъ, и̉ ѡ̀ставѝ тамо бл҃жен̑ны`` епс̑пъ и̉саи́ӕ копински`` братїю, їеромонаxа ѳеѡ̉досїѧ, їеромонаxа харлампїӕ, монаxа севастиа́на економа, монаха аѳанасїӕ, монаxа сера-/к҃а/ фїѡна, монаxа и̉езекїилӕ, монаxа домен̑тїа̀на, монаxа йѡ̉ѝлӕ, которыxъ братїѝ з̾ мнс̑трӕ густын̑ского, за бл҃гословенїемъ ѿц҃а епс̑па, послали до ново зачатои ѡ̉бители, давши и̉мъ, за бл҃гослове́нїемъ ѿц҃а, всӕ потребнаӕ ко служенїю цер̑ковному до мнс̑трӕ мгар̑скаго, апперата сщ҃ен̑ные и книги до всего̀ набоженства, при кото́рыxъ плугъ воловъ зо всею снаст̑ю, ӕкъ ѡ̉ра́ти и̉з̾ челӕд̑ю, ѡ̉ве́цъ полътораста̀, такъ же сыром, ма́сломъ, абы́ тыл̑ко вѣсть потребную, ѡ̉що̀ там ѡ̉скудно было, дали, посылали з̾ ѡбители ст҃ои густын̑скоѝ, такъ те́жъ и̉ xлѣбомъ, мӕновите зимного часу, пшеницы стыр̑ту перевозили до тои жъ ст҃ои ѡ̉би́тели мгар̑скои. Тамо же в̾ то`` ст҃о`` ѡ̉бители бл҃женны`` ѿц҃ъ епс̑пъ, всӕ добрѣ үстрои́вши, самъ возврати̓́сӕ в̾ ладин̑ски`` скито́къ, и̉дѣже чс̑тны`` ста́рецъ еvфимїй, үченикъ бл҃жен̑ного ѿц҃а їѡасафа, бӕше тамо жител̑ствүющѐ, и̉ та́кожде своѝма си рукама, со послушникомъ свои̉мъ, генадиемъ, пещерю сотворили. Того же времени престависӕ генади``, и тамо даже и̓́ до днес̑ во пещерѣ мощи его̀ лежа́тъ. И̉ ту, в̾ томъ с̾китѣ, бл҃женны`` ѿц҃ъ епс̑пъ самъ сѣде жител̑твовати со своим ему прич̑томъ, и̉ та́кожде начат̑ здати келїѝ и̉ и̓́наӕ потребнаӕ̀. И̉ ѡставл̾ши себѣ намѣсника здѐ, во скиту ѡ̓́номъ, нѣ- /к҃в/ ӕкогос̑ аѳанасїӕ, самъ же и̉дӕ́ше паки до гүстын̑ско`` ст҃о`` обители, [На полі: И̉сайӕ Копин̑ски`` ктиторъ Густын̑ски`` и̉ Мгарски``, и̉ Ладински``] и̉ совѣщасӕ з̾ бра́тїами ѡ̉ заложенїи велїкиӕ церкве; видӕше бо всӕ ко созыданїю требованїӕ готова бӕху. Сотворъ же бл҃женны`` ст҃ител̑ бл҃гословенїе и̉ водрузи крс̑тъ, и̉ начаша ѡ̉снованїе и̉ здание мс̑цӕ маӕ во г҃ дн҃ь, на памӕть прпд̑бного и̉ бг҃оноснаго ѿц҃а нш҃его ѳеѡ̉досїӕ, ѡ̓́бщему житїю начал̑ника в̾ русїѝ, и̉ в̾ то`` же дн҃нь ст҃ыxъ мученикъ тимофеӕ и̉ мавры, в̾ рокү ҂ахк҃є. Бѣ же в̾ то вре́мӕ во ст҃о`` лаврѣ печар̑ско`` арxиман̑дритъ захарїӕ̀ копистен̑ски``, [На полі: На старом монас̑тырю тую цр҃ков̑, що згорѣла.] бл҃годадатїю же xс̑вою начаша спѣшно здати, а ве́тxую раздрушивши, и̉ до ладин̑ского монастыр̑ка тогожде времени абие поставиша еѝ, и̉ быс̑ тамо мно́гое времӕ дон̑деже игуменъ меѳодие на том мѣстъцу вели̓́кую новую созда̀ по смер̑ти ст҃ителӕ и̉ по смерти сестры его̀, и̉гуменїи алеѯн̑дры̀, а тую цр҃ковъ даша на третие мѣстъце, до веси, тамо близү суще``, ӕже гл҃ютъ подыща, которую по многиxъ временеxъ татаре спалили. Сию же цр҃ковъ ст҃ои живонанал̑нои тро``ци во ст҃о`` се`` ѡ̉бители густын̑ско`` поспѣшенїемъ прс̑таго үтѣшител̑наго параклита, созда́ша sѣло красну, со всӕкимъ зуграфскимъ үкраше́нїемъ, единого ро́кү; всӕкою бо лѣпотою үтваръ ей даша ѿ ѡ̓́снованїӕ даже и̉ до /к҃г/ верxа̀. И̉гуменъ же тогда быс̑, егда̀ начаша здати цр҃ковъ, и̉менемъ їѡ̉въ, всӕко тщанїе и̉миӕ̓́же прилежное ѡ̉ созыданїи еӕ̀. Ѻ̓́ц҃ъ же нашъ бл҃жен̑ны`` ст҃итель, всегда sѣло труждаӕсӕ, ӕздӕше и̉ назыраше прилѣ́жно, не то́чїю в̾ се`` ст҃о`` ѡ̉бители густын̑ско`` печалуӕ, но и̉ в̾ ладынском мнс̑трю, и̉ в̾ лубнӕ̓́xъ на мгар̑ско`` ѡ̉бители̉, на мгарю ве́си все сиѐ единого вре́мени зиждашесӕ, вседушно бо пеки``сӕ ѡ̉ всѣxъ, мл҃ӕ гс̑да ѡ̉ поспѣшенїе. Чс̑тнаго старца їеросxимонаxа васи̓́лїӕ, и̉ ѿц҃а филарета постави и̓́хъ ү мгар̑скомъ мнс̑тырѣ. По си̓́xъ, ӕ̓́ко начаxү здати цр҃ковъ ст҃ои живоначал̑нои тро``ци, и̉ пост҃и еӕ̀ бл҃жены`` ѿц҃ъ епс̑пъ, скоро то́кмо совершиша ю̀, и̉ се вои̓́стин̑у тогда̀ чу́до собыст̑сӕ: когда xотӕху́ еӕ ст҃ити, забыша взӕти з̾ ла́дина каменӕ алӕбастрү, и̉бо всегда тое ст҃ител̑ со собою и̉мїаше, а на тое времӕ не случисӕ и̉мѣти забы́тиемъ; на нѣкую же потребү нача́хү копати за монастырем зѐмлю, и̉ ѡ̉брѣтоша камен̑ алӕбастръ, послан̑ны`` же прибѣже, принес̑ тотъ камен̑, здеже сугүбѣ``ше краснѣ``шы`` ѡ̉брѣтесӕ; бж҃їимъ ма́нїем по и̓́стинѣ сие быст̑, и̉ бл҃годариша ст҃ител̑ и̉ всѣ братїӕ бг҃а, си̓́е давшаго и̓́мъ, и̉ без̾ всӕкаго смӕтенїӕ ѡ̉ст҃иша храм ст҃ы`` но́во создан̑ны``, на xва̀лу и̉ чест̑ всемогущему, во ст҃о`` тро``цы единому бг҃у, и̉ /к҃д/ үтѣшение всѣ́мъ ѡ̉ xрс̑тѣ братиӕмъ тогда быст̑. Сие же ст҃итель сотворивши, дас̑ бл҃гословенїе братїѝ и̉ в̾ ново создан̑номъ xрамѣ повелѣ в҃і литур̑ги`` совершити̉; самъ же ст҃ител̑ паки и̉дӕ̓́ше в̾ ла́дин̑ски`` мнс̑тръ, тамо бо на``паче жител̑ствовати ѡ̉быче, на үединенїѝ, не xотӕше бо ни в̾ чесомъ братїѝ ѡ̉тӕгочати своимси клиром и самъ собою. По сем же по малѣ времени, шест̑вуӕ на мгар̑ски`` мнс̑тръ, [На полі: На Мгарѣ зиждут̑ цр҃ковъ.] и̉ тамо такожде ѡ̉сноваша цр҃ковъ, и̉ крс̑тъ водрузивше, начаша зда́ти xрамъ преѡ̉браже́нїе гс̑да нш҃его їс҃ xрс̑та , в̾ рокү ҂ахк҃и, мс̑ца їюнӕ во и҃ день, и̉ помощию бж҃иею совершиша ю̀ sѣло крас̑нү, и̉ такожде ѡ̉ст҃и ю ст҃ител̑ по малѣ времени созданїӕ еӕ̀, и восxвалиша бг҃а всѣ ѡ̉ таково`` бл҃годати его̀. Та же ст҃итель, за моленїемъ братїи сеӕ ст҃ыӕ ѡ̉бители густын̑скїӕ, постави и̉мъ їгуменомъ чс̑тного и̉ sѣло бг҃орачител̑ного мү́жа їеромонаxа ѳеѡ̉до́сїӕ; бл҃жен̑ны`` же ѿц҃ъ бѣ бг҃оүгодны`` мүж̑, нравомъ кротокъ и̉ любимъ быст̑ всѣми братїами, и̉ всѣxъ ѡ̓́нъ а̓́ки ѡ̉тецъ милуӕ равнѣ, и̉ велми дуxовенъ бѣ и и̉справленъ во всѣxъ и̉справлениӕхъ своиxъ, дш҃евныxъ гл҃ю и̉ тѣлесныxъ.



1 Котораѧ стоӕла лѣ́тъ н҃з, а домүрована́, которүю начат̑ здати гетман̑ їѡан̑ самои̉лович̑ року ҂ахп҃д; ѿсели мгарю лѣтъ ѯ҃, а̉ густыни п҃д.


/к҃є/ Бл҃жен̑ны`` же ѿц҃ъ ст҃ител̑ любӕше его̀, ӕ̓́ хитрецъ бѣ и̉ красны`` xүдожни̉къ, златокован̑, и̉ взӕт̑ его̀ ѿ сеӕ ст҃ыӕ ѡ̉бители̉ близу себе сожител̑ства своего на мгар̑, бӕше бо и̉гуменом пол̑тора го́дища на се`` ст҃о`` ѡ̉бители̉, и̉ не xотӕxү братиӕ его̀ ѿ себе пу́сти́ти, но не возмогоша противитисӕ вла́сти ст҃ителӕ свое́го и̉ ѿц҃а, пустиша его̀ вєли̉ею жа́лости̉ю. Приспѣ же бл҃жен̑ны`` до ѿц҃а своего ст҃итєлӕ, мнӕше ѡ̉слабу получити ѿ ѡ̉держащиxъ его̀ бѣдъствованїй, но никакожѐ се возмогъ ѡ̉долѣти по велѣнїю ѿч҃ю, сотвори бо его їгуменомъ на мгар̑стемъ мнс̑трѣ, и̉ быс̑ врѐмӕ нема́ло, а̉ще и̉ неи̉зволӕющү ему̀. Молӕщү же емү ст҃ителӕ многащи да свободитъ его̀ ѿ того предстател̑ства, и̉ не и̉зволи ѿц҃ъ ника́коже, [На полі: Ѳеѡ̉досїи̉ Златарь И̉гуменъ Мгарски`` з̾ Гүстынѣ преставилсӕ.] но судбами бж҃їими на томъ предстател̑ствѣ и̉ престависӕ ко бг҃у своему в̾ ро̀кү ҂аx҃л-мъ. Зде же во ст҃о`` ѡ̉бители гүстын̑ско`` по немъ постави ѡ̉ц҃ъ їгуменомъ чс̑тнаго мүжа и̉са̀ию, и̉ быс̑ годи́ще и̉ по́лъ, и̉ смирен̑нѣ всӕ кротостию и̉справлӕӕ, ӕко же бо бѣ ти́xъ, кротокъ нравом и̉ не ѡ̉злоблӕ́ше никого жѐ. Та́ же нѣкоторымъ судом бж҃їимъ па́ки ѿ ст҃ителӕ поставленъ быс̑ їѡ̉въ на сие предстател̑ство сеӕ ст҃ыӕ ѡ̉бители густын̑кїӕ. По семъ бл҃жен̑ны`` ст҃ител̑ и̉саи̉ӕ, по преставленїи великого во ст҃ителех метрополита киев-/к҃s/ ского, бл҃жен̑ного и̓́ѡ̉ва борецкого, в̾ рокү ҂аx҃лг-мъ возведенъ быс̑ на метрополїю ки́евскую, [На полі: И̉саи̉ӕ ктиторъ и̉ Архиман̑дрит̑ Густын̑ски`` Митрополитом зосталъ.] и̉ сѣдӕше на митрополїѣ ӕко двѣ лѣтѣ со всӕкимъ бѣдствованиемъ, и̉ ѡ̉стави престол̑ судомъ нѣкїиѣѣмъ бж҃їимъ, понеже и̉знемоглъ бѣ ста́ростїю. По немъ ѡ̉сѣде пос̑толъ бл҃гочес̑тивы`` и̉ sѣло́ нарочитъ му́жъ, бл҃жен̑ны`` пєтръ моги́ла, ар̑xиман̑дритъ печар̑ски``, в̾ рокү ҂аx҃лs-мъ, и̉ начать властител̑ствовати бг҃оүгоднѣ, ст҃олѣпнѣ бодры`` пастырь ѡ̉ бл҃гочс̑тїи̉ ст҃омъ и̉ зданїю цр҃кви``. И̉ сыж̑ бл҃жен̑ны`` ст҃итель, пе́тръ моги̉ла, постави ѡ̉бители нш҃о`` гүстын̑ско`` и̉гүмена їринар̑xү. [На полі: Монс̑тръ стары`` згорѣвъ року ҂ах҃лs.] Того жъ рокү ҂ах҃лs, за его̀ предстател̑ства, допуще́нїемъ бж҃їимъ, за грѣхи нашѝ, церковъ ѡ̓́наӕ бж҃иӕ со всею ѡ̉красою и̉ лѣпотою свое́ю, средѣ́ бѣлого дн҃ӕ согорѣ всӕ да́же до ѡс̑нова́нїӕ, такождѐ и̉ тра́пеза но́ваӕ бӕше со те́плою цер̑ковию и̉ келїѝ новыи, и̉же созданы бӕху за предстател̑ства и̉ їгумен̑ства бл҃жен̑ного мужа ѿц҃а ѳеѡ̉досиӕ, и̉ и̉наӕ всӕ зданїӕ монастыр̑скаӕ и̉стощи̉сӕ и̉ согорѣ, и̉ лютѣ плачу́ и̉ сердеч̑ноѝ болѣзни всѣмъ тогда быс̑, не то́чию бра́тїи само``, но и̉ народү xрс̑тїан̑скому, ѡ̓́крест̑ зде жител̑ствующемү, плачъ и̓́хъ sѣлны`` всѣxъ ѡ̉б̾ӕть; но ѡ̓́баче всӕ си̉ӕ млс̑ти и̉ милосердию бж҃ию ѡ̉ставиша, и̉ мѣст̑це ѡ̓́ное сожегшеесӕ ѡ̉градою ѡ̉сно-/к҃з/ ва́ша, дабы не вовсӕ запустѣнїӕ жалоснѣ``шаӕ ѡ̉ста́ша, крест̑ же водрож̑ше, на бывшее мѣстъце прс̑тла, во зиаменїе ѡ̓́бщее всѣмъ и̉ да паки а̉ще бг҃ъ и̉зволитъ, храмъ нѣки`` созданъ бы́ти можетъ. По си̓́xъ же смӕтенїӕxъ, паки в̾ ро́кү ҂аx҃лз-мъ, по сож̑женїѝ тоӕ ст҃ыӕ ѡ̉бители, начаша во и̓́номъ высоча``шомъ мѣстъцу, не далече ѿ того сожегшагосӕ, тотъ же и̉гуменъ їринар̑xъ, совѣщасӕ со братїами свои̉ми ѡ̉сновати ѡ̓́граду, sѣло велїю, мнс̑трӕ на прежнем мѣстъцү и̉ ѡ̉снованїѝ, и̉дѣже преж̑де повелѣлъ бӕ̓́ше ѿц҃ъ ст҃ы`` епс̑пъ їсаи̉ӕ и̉ бл҃жен̑ны`` їгүменъ їѡ̓́са́фъ прежде зачатїӕ тоӕ̀ црк҃ве зижденїӕ, над рѣкою, близү бывшаго подү, ӕ̓́же ко веси бор̾шно`` пүт̑ естъ, но братїӕ тогда̀ үпор̾нѣ не восхотѣша, и̉ не послуша́ша повелѣнїй ѿч҃їи̉хъ, и̉, по жестосердию и̉xъ, ѿц҃ы и̓́мъ попүстиша воли̉ и̉хъ быти. Се вои̉стин̑ну sѣло үдивител̑нѣ сие дѣло, и̉дѣже ѿч҃а тогда̀ бл҃гословенїӕ̉ не бѣ, си̉е бг҃ъ в̾ недолзѣ време́ни разори; но не свѣмъ и̉ азъ и̉стин̑нѣ , сеӕ̀ лѝ ра́ди вины̀, [На полі: Перенесли мнс̑тръ на сїе мѣст̑це року ҂ах҃лз. Трапеза ӕ̓́къ дав̾но настала.] и̓́ли грѣхъ ради и̉ преступле́нїӕ, ѡ̉ семъ буди волӕ гс̑днӕ. И̉ на томъ ѡ̉снованїи, в̾ лѣто ҂ах҃ли, создаша цр҃ковъ теплүю, үспѐнїӕ прс̑тои бц҃ы, и̉ при не`` трапезү со келариею и̉ со прочїими требованїѝ, та же и̉ келїи по ѡ̉бону страну и̉ дзвон̑ницү стараго мнс̑трӕ, /к҃и/ зде пренес̑ше ю̀, е̉ӕ же бг҃ъ соxранилъ естъ тогда ѿ ѡ̓́гнӕ, ту́ю поставиша. Живущим же и̓́мъ времӕ нѣкое не мало во всемъ бл҃гочин̑но и̉ и̓́скус̑но, по ма́лү малү то сие́ то ѡ̓́ное зыж̑даxү, ӕ̓́ко же бѣ гл҃атисӕ: днес̑ времӕ, ми̉ръ и̉ тишина̀. Тогда̀ попусти бг҃ъ в̾ землѣ гнѣвъ сво``, си̓́ естъ междособную ра́ть, восташа бо лӕхи на родъ роси``ски``, гл҃емыхъ коза́ковъ, и̉ sѣлную бран̑ творӕ̓́ху едны другимъ, по и̉стин̑нѣ бо тогда̀ испол̑нӕxусӕ еvг̑лкїи слова̀, гл҃емыѝ: востанетъ бра́тъ на брата; тако сѐ и̉ собыстс̑ӕ, нещадно бо рѣзаху мечѝ свои̉ми бл҃гчс̑твых и̉ невин̑ныxъ члв҃къ, а̉ на``паче же воѡружи и̉хъ сатана̀ на и̉ночес̑ки`` родъ, гл҃аша бо всѣ, ӕ̓́ко калу́горы и̉спол̑нӕ̓́ютъ коза́комъ свои̉мъ пороxѝ, и̉ ӕрӕxусӕ sѣло, и̉ много пострадаша братїӕ тоӕ ст҃ыӕ ѡ̉бители, мнт̑трӕ мгар̑скаго; си быст̑ и̉ на смерть самодесӕтъ ѡ̉сужден̑ быст̑, и̉ всѣ братїӕ тогда готовӕxусӕ на невин̑ную см҃рть. Тогда̀ и̉гумена старца калистрата взӕша и̉ провожда́xу до лӕшєс̑кого ѡ̉бо́зү пред гетманы, и̉ тамо и̉xъ и̉спъıтоваxу, и̉ ложныи̉ свѣдител̑ства гл҃юще, сташа и̉ крѣпаӕxусӕ на ни̓́xъ, ӕ̉ко тако естъ и̓́стин̑на; бл҃жен̑ны`` же старецъ и̉гуменъ, со тѣми десӕтїю братїею, стоӕ̉ше на сүди́щи, горе́ст̑ными срдцы до бг҃а в̾ невин̑ности свое`` возваша, и̉ а̓́бїе үслыша /к҃ѳ/ и̉хъ гд҃ь и̉ ѡ̉брати болѣзнен̑ную и̓́хъ ложъ на главү̀ и̓́хъ, и̉ размѣсишасӕ ӕзыцы и̓́хъ во неправдү и̉хъ, и̉ сице смотренїем бж҃їи̉мъ, невин̑ности и̉xъ ра́ди, свобождены бӕхү ѿ смр҃ти млт҃вами прчс̑тыӕ бд̑ца; такожде и̉ ѡ̉ставл̑шиxъ братїи̉ во мнс̑трю, и̉ гор̾кими слезами на нб҃о до бг҃а вопїющих ѡ̉ ѿц҃и своемъ и̉ ѡ̉ невин̑ныxъ братїӕxъ своих. [На полі: Васили`` игуменъ и̉ Іринарха проигумен̑ пошли зовсѣмь ү Москву.] Зде же в̾ се`` ст҃о`` ѡ̉бители нш҃о`` гүстын̑ско`` и̉гүмен̑ тогда̀ быст̑ старецъ васїлие и̉ тотъ же и̉ринарха прои̉гуменъ возмӕто́шасӕ со братїами своѝми страxа ради заѡ̉чес̑ного, такождѐ и̉ в̾ мнт҃рю ладин̑скомъ їгуменъ меѳодие со и̉ноки̓́нӕми своѝми, послышавше си́ӕ, ӕже тамо мгар̑стїи́ калү́геры и̉ и̉гуменъ сие бѣдъствование страждүтъ, үбоӕ̓́шасӕ sѣло, страх бо и̉хъ вели`` тогда ѡ̉в̾ӕть; мнӕxу, ӕко же и̉ и̉мъ сиӕ бѣда и̉мат̑ быти, и̉ совѣтъ себѣ даша неразсмотрител̑ны`` и̉ легкосердны``, үжасти и̉спол̑нӕxусӕ, е̉ще же ни кимъ гони́ми тогда бӕ́ху, и̉ үбоӕ̓́шасӕ страxа, и̉дѣже не бѣ страxа, но ӕ̓́ко трост̑ ѿ вѣтру невѣрыемъ и̉ малодушиемъ возшумѣша, и̉ восколѣбаxусӕ аки п̾ӕны`` и̉ без̾ разсмотренїӕ воскорѣ в̾дашасӕ пу́ти бѣгства, в̾ чужую зе́млю московскую, всӕ здѐ пусто ѡ̉ставиша, и̉ и̉з̾лупиша xра́мы церкви`` и̉ всӕ̀ внутр̾нӕѧ и̉ внѣшнӕѧ мнс̑тркаӕ, а̉ки внѣ үма бӕ̓́xү и̉зумле́ны, всӕ раз̾- /л҃/ гра́биша и̉ нивочто̀же ѡ̉братиша зло̀нравиемъ свои̉мъ. И̉ бѣжущим же и̉мъ до путивлӕ града московскаг̑, [На полі: Запустѣв̑ монастыръ Густын̑скї``.] много зла пострадали, и̉ и̉мѣнїе и̓́мъ все ѿӕто быст̑, и̉ всӕ цер̑ковнаӕ xранилища, ӕже со собою взӕли быша, си естъ апперата їере``скаӕ и̉ дїакон̑скиӕ и̉ и̉наӕ всӕ үтваръ церковнаӕ, сребра, кресты̀, кадил̑ници, книги и̉ всӕ прочаӕ, во злое рас̑хищенїѐ рукам лӕшескимъ и̉ невѣрнымъ жидом ѡ̉сташа; ѡх, ѡх, үвы безумиӕ и̉ неразсмотренїӕ и̉хъ; гор̾ко, болѣзнен̑но и̉ жалос̑но срдца всѣxъ вѣрныxъ, не точїю ст҃ителӕ своего пастырӕ, гл҃ю ѿц҃а метрополита, та же и̉ ктиторовъ тоеӕ ст҃ыӕ ѡ̉бители, мӕновите кн҃зӕ, но и̉ прочїиxъ ѡ̉крес̑ныxъ xрс̑тїа̀нъ всѣxъ правосла́вныxъ, пла́ча срдца и̉спол̑нены бӕху, видӕще и̉хъ сицевое безумие и̉ нетерпенїе и̉ многимъ правовѣрнымъ даже и̉ доднес̑ срдца и̉ любве до нас̑, и̉хъ ради злаг̑ поступку, милост̑ ѡ̉скудѣна естъ, ӕже до мѣстъца сего̀ ст҃аго. Но сиѐ всѐ млс̑ти xв҃о`` ѡ̉ставл̾ше и̉ үтѣшив̾ши жалос̑ное срдце, ѡ̉ семъ па̀че начнү глаголати, ӕ̓́ко по и̉з̾бѣжанїи и̓́хъ пусто бӕше мѣстъце ст҃ое, ѡ̉бител̑ си̓́ӕ, не мню̀ ӕко вӕщше годища, никого же бѣ на немъ ѿ человѣкъ, зижданиӕ а̉ки стол̑пы̀ травами и̉ xмизиною зарастоша, ѿ̉стровъ же в̾весь граждане пустоша́xу, и̉ үтѣшашесӕ симъ /л҃а/ врагъ вселукавы``, ӕ̉ко и̉ ӕвствен̑нѣ реготаxу на дзвон̑ницы и̉ по xраминаxъ; та же и̉ всѣ противницы вѣры хс̑во`` sѣло радоваxусӕ сихъ безүми̉ю и̉ запустѣнию тогда жѐ того мѣстъца. Ѻ̓́ вои̓́стинъну колика тӕжес̑наӕ туга вѣрныxъ того времени ѡ̓́бӕть, когда при``доша рымъстїи закон̑ницы, си естъ барнадины, [На полі: Барнадины хотѣ́ли забрати будинки всѣ мнс̑трӕ, но Бг҃ъ и̉мъ сего̀ не попусти.] з̾ града лүбень со множествомъ на́рода и̉ колесницъ сиӕ всӕ зданїӕ раз̾грабити даже до ѡ̉снованїӕ үсиловаxүсӕ, но сего̀ бг҃ъ и̓́мъ деснїцею своею возбранѝ предивнымъ сѝ милосердиемъ. Тогда бо ѡ̓́ста во мгар̑ско`` ст҃о`` ѡ̉бители и̉гуменъ старецъ ѿц҃ъ калистрат̑, бл҃жен̑ны`` сь̀ тогда̀ и̉сповѣдникъ, з̾ братїӕми́ своѝми ѿ тое́ӕ на́пас̑ныӕ смр҃ти здравъ ѡ̓́брѣтесӕ, и̉ сѣдӕ́ше во мнс̑трю своемъ невредим бж҃иею бл҃года́тїю. И̉ слыша ѡ̉ се́мъ, ӕ̓́ко запустѣ ст҃ӕ ѡ̉бител̑ нш҃а, сиӕ гүстын̑скаӕ, и̉ сего ра́ди xощүтъ еѧ̀ до конца̀ ни, вочто же гл҃емыѝ барнадыни з̾гладити и̉ їзнести ѿ ѡ̉снова́нїӕ, сы`` же бл҃жен̑ны`` ѿц҃ъ їгуменъ sѣло сожали̓́сӕ з̾ братїами свои̓́ми, и̉ совѣтъ сотворъше междү собою, и̉ послаша с̾промежду себѐ братїю чс̑тныxъ и̉еромонаxовъ, старца ливериӕ и̉ при немъ їеромонаxа е̉vстафїӕ, и̉ монаxа серафиѡ̓́на, и̉ и̓́ныхъ потребныxъ послушниковъ, и̉ сїӕ братїӕ поспѣшъшесӕ до того спустоша́лого /л҃в/ мѣстъца, и̉ не даша до кон̑ца̀ таковаго грабленїӕ и̉ запустѣнїѧ ѡ̓́нымъ злос̑ливым враждебникомъ твори́ти, помощию бж҃иею возбраниша и̓́мъ сицевое и̉хъ зло́е и̉ злоxитр̾ное үмышленїе; си же содѣӕсӕ млт҃вами прс̑тыӕ бд̑ци и̉ чс̑тнаго старца и̉гу́мена з̾ братїами его̀ попече́нїемъ. [На полі: Сvл̾вестръ Губаревич̑.] Старецъ же сvл̾вестръ тогда бӕше в̾ далеко`` странѣ на ст҃омъ послушанїи̉, и̉ без̾ него сиѐ всѐ злодѣ``ствованїе во ст҃о`` ѡ̉бители сотворисӕ, не вѣдӕше ѡ̉ семъ; и̉ приспѣ до мнс̑трӕ с̾ послушанїӕ̀, и̉ всӕ в̾спакъ ѡ̉брѣте, sѣл̾нои̉ печали и̉спол̑ни свою дш҃у, и̉ начать со сими же бра́тїами радити и̉ ѡ̉бмышлевати, чтобы ку пол̑зѣ того з̾нищалого ст҃ого мѣстъца мѣли сотворити. Ѻ̓́ семъ же и̉мъ печалӕщимъсӕ, а̓́бие вседаровител̑ны`` бг҃ъ, видӕ и̓́хъ печал̑ное срдце, по малѣ времени үтѣши свои``xъ си рабовъ, всегда бо во скор̾би свое`` прибѣгали бӕху ко прс̑то`` дв҃ѣ бг҃ородицы, молӕщесӕ е`` прилѣжнѣ, да не до кон̑ца порүган̑но будетъ мѣстъце тое ст҃ое, на немъ же сӕ славило и̉мӕ̀ прс̑тыӕ животворӕщыӕ и̉ нераздѣлимыӕ тро``цы, но вложилъ естъ бг҃ъ во срдце sѣл̾ны`` жаль преѡ̉с̑щеномү кv̓́ръ петрү моги̉лѣ, ӕже ѡ̉ семъ ст҃омъ мѣстъцү попечение. Того же рокү ҂ах҃лѳ, за молениемъ тоемъ же чс̑тныӕ братїѝ, посла до тоеӕ ст҃ыӕ ѡ̉бители на и̉гумен̑-/л҃г/ ство и̉ предстател̑тво пречс̑тного и̉ їскус̑ного бл҃гонравного мужа, бл҃жен̑ного ѿц҃а и̉лїю торского, [На полі: І̓́лїӕ Торски`` и̉гуменъ.] ст҃ыӕ чудотворныӕ лавры печерскїӕ сожителӕ и̉ вѣрного си пастыръ своего бл҃гочин̑ного бо всемъ үченика и̉ xранителӕ и̉ночес̑ких заповѣде``. Сы`` же множа́е ѡтӕгашесӕ и̉ не и̉зволӕ́ѧ зде́ при``ти, но не вос̑xотѣ до кон̑ца пастырского повелѣнїӕ преслушати, взӕть на сӕ крс̑тъ терпенїӕ и̉ молӕше всѣхъ братїи ст҃ыxъ печерскиxъ ѡ̉ млт҃ву ст҃ую, и̉ тщател̑нѣ здѐ при̉спѣ и̉ ѡ̉брѣтѐ си̉хъ чс̑тныxъ братїи̉ выш̑ше гл҃емыхъ їеромонаxовъ, и̉ прочїи̉xъ, здѣ приседӕщиxъ и̉ стрегущих тоӕ̀ ст҃ыӕ ѡ̉бители ѿ вра́гъ сопротивныxъ, и̉ прилежно молӕщиxъсӕ гс̑деви, да пошлет̑ и̉мъ начал̑ника бл҃гаго и̉ и̉скус̑наго, и̉ по желанїю срдца и̓́хъ далъ и̉мъ бг҃ъ, и̉ ст҃ѣ``шы`` ѿц҃ъ и̉ пастыръ метрополи́тъ, ѿц҃а подобнаго и̉ нищелюбивог̑, житїю ѡ̓́бщему строи́телӕ нарочитого и̉ зѣло подражател̑ного мужа древнымъ ѿц҃емъ, бг҃олюбива. Видӕху же его̀ братїӕ, печал̑ возвергоша на бг҃а, и̉ преста́ша смӕтенїӕ своего; сы`` же бл҃жен̑ны`` ѿц҃ъ, видӕ мѣстъце мнс̑трӕ зыжден̑но вомалѣ нѣчто и̉ красно, и̉ подобноѐ всӕ̓́комү бл҃голѣпїю и̉ и̓́ночес̑кому сожѝтел̑ствү, sѣло понуди себѐ со тѣмижде братїами всӕкаго трү́да. В̾ началѣ нуждна бӕше не точи̉ю пища, но и̉ всӕко`` ве́щи, то́кмо пребыва-/л҃д/ юще на само`` млс̑ти хс̑во``. Многажды дн҃ѣ же и̉ вре́мени живлӕхусӕ и̉зъ ѡ̓́крес̑тыхъ весїи̉, такожде и̉ и̉хъ гра́да пищїю себѣ сонїска́юще, но не ѿпадающе всӕкаго бл҃гонадеждиӕ не точїю ѿ бг҃а, но и̉ ѿ правосла́вныxъ хрс̑тїанъ, и̉ прчс̑тыӕ бж҃иӕ ма́тере, прс̑но е`` молӕщесѧ, да и̉спол̑нитъ и̉мъ во ѡ̉бители и̓́хъ всӕкое требованїе, бѣдствован̑но бо̀ преплыша годище. И̉ повелѣ бл҃жен̑ны`` ѿц҃ъ и̉гуменъ рити ро́въ ѡ̓́крес̑ мнс̑трӕ, и̉ сочиниша велїимъ трүдомъ, ѡ̉страшиша бо и̓́xъ бӕхү варвары ҂ах҃лѳ ро́кү, и̉ сего̀ ради сие сотворша, и̉ и̉на зданїӕ велїӕ сочиниша. В̾ том жє ро́ку волею бж҃иею приспѣ ст҃ѣ``шы`` ѿц҃ъ метрополитъ, православны`` кvръ петръ могѝла, [На полі: Петръ Могила Митрополит̑ ү Гус̑тыни бывъ.] ко се`` ст҃ои̉ ѡ̉бители назыраше зданїӕ мнс̑тркаӕ и̉ үтѣшашесӕ, ӕ̉ко всӕ бл҃голѣпнѣ состроен̑на бӕхү, а̉бие водрузше крс̑тъ, дас̑ бл҃гослове́нїе на созыданїе црк҃ве вели́кїӕ, и̉ со миромъ ѿи̉де, үтѣшивши поүченїи свои̓́ми братїю. Бл҃жен̑ны`` же ѿц҃ъ и̉гүменъ радос̑нѣ үтѣшисѧ со братїами, ӕ̉ко посѣти и̉хъ бг҃ъ пастырскимъ бл҃гослове́нїемъ; бл҃гонадеж̑диӕ и̉спол̑ни́шасӕ, и̉ множае и̉мѣюще үсе́рди̉е, тщанїе же и̉ прилежанїе зда̀нїю ст҃ого мнс̑трӕ, и̉ и̉спол̑нӕхүсӕ числомъ не малѣмъ бра́тїи, времӕ ѿ времени. Видӕ же сиѐ бл҃жен̑ны`` ѡ̉те́цъ sѣло үсердие ко үсердїю себѣ, таже и̉ братїѝ всегдашным сво-/л҃є/ и̓́мъ бл҃голѣпным поуче́нїемъ прилагаше, и̉ совѣшасӕ со братїами, ѿкудү бы ѡ̉брѣсти моглѝ по́мощъ на созыданїе вели̓́кїѧ цр҃кве; самъ же всевидецъ и̉ промыс̑лник̑ бг҃ъ си̉е всѐ и̉справити и̉зволи, посла̀ бо ѿц҃ъ ко бл҃гочестѝвомү гс̑дрю їѡ҃: василїю, воеводѣ мол̑довлаxи``скому, молӕ̉ще его̀, да үщедритъ милостыню ѡ̉бител̑ ст҃ую, и̉ мл҃твами прчс̑тыӕ дв҃ы бг҃ородица, таже и̉ бл҃жен̑наго нш҃его ѿц҃а, вложи бг҃ъ во срдце бл҃говѣрному гс̑дрю милос̑т и̉ любовъ ко ст҃о`` ѡ̉бители, и̉ далъ милостыню потребную не то́кмо пѣнӕзми, но и̉ апператами, и̉ и̓́наӕ всӕ нужнаӕ. По сиxъ же, в̾ ро́ку ҂аx҃ма, ѡ̉сноваша храмъ прс̑тыӕ живоначал̑ныӕ тро``цы, [На полі: Церковъ заложена великаӕ року ҂ах҃ма.] и̉ начаша sѣло крас̑но и̉ xитрен̑но здати, ӕко всѣмъ бѣху үдивител̾нѣ 2, и̉ что же еще дивнѣе и̉ чудотворно бѣ, ӕ̓́же бг҃ъ сотвори сему́ мѣстъцу ст҃ому.



2 Таӕ цр҃ковь стоӕла лѣтъ л҃ и згорѣла, по сем начат̑ здат̑ мүрованүю гет̑ман̑ І̓́ѡан̑ Само``лович̑ ҂ах҃од.



Когда̀ воеваша варвары, людие хрс̑тїан̑стїи́ стра́xа ради бѣжаху во град, нападо́ша на ни̓́xъ звѣровидныѝ ва́рваре и̉ емше и̓́хъ множество самы́хъ, муже`` же и̉ же́нъ, младен̑цевъ же трѝ, ӕже бӕху еще́ ү сосецъ ма́тернихъ, недавнѣ ѡ̉крещен̑ныxъ, сїи ѡ̉трочата лютіые́ варваре немилостив-/л҃s/ нѣ мечѝ своими посѣкоша, и̉ повєргоша и̓́хъ на распутїӕхъ, зима бо бѣ лю́та того̀ времене, и̉ лежа́xү тѣлеса̀ ты́хъ младен̑цовъ на распутїӕхъ трѝ дн҃ѣ и̉ три́ но́щи, и̉ та́ко блгос̑тїю бж҃иею ничто же и̓́хъ вреди ст҃ыхъ тѣлесъ, ни мразъ, ни звѣ́рие, ни и̉но что̀, но а̉ки бы дн҃есь сосѣчены бӕ̓́xү, тако и̓́хъ цѣла ѡ̉брѣтошасӕ тѣлеса. Нѣкоторыѝ ѿ хрс̑тїанъ принесоша и̓́ во ст҃ую ѡ̉битєл̑ и̉ погребоша и̓́хъ аки презрѣнѣ, в̾ неподобнѣмъ мѣстъцү, землѧ жѐ бо бѣ sѣло̀ мра́зомъ ствердѣ, и̉ сего ра́ди под үгломъ единыӕ келїи вырыша до̀лъ, и̉ ту̀ положѝша и̓́хъ бл҃жен̑наго же ѿц҃а и̉гу́мена в̾ тое времӕ не бӕше во ст҃о`` ѡ̉бители, но в̾ кїевѣ бѣху нѣкоеӕ ра̀ди потре́бы, и̉ без̾ него же сне собъıст̑сѧ. По сихъ же по малѣ времени поиспѣ ѿц҃ъ во ст҃ую ѡ̉бител̑, и̉ не знаӕ̓́ше ѡ̉ семъ ни ма́ло, и̉ ѿ ни кого же ѡ̉ семъ бл҃жєн̑ному ѿц҃ү, забвенїѧ ради, па́че же и̉ небреже́ниӕ ра́ди брат̑него не и̉звѣщен̑но бӕше; но̀ бг҃ъ не восхотѣ сѐ презрѣнїю бы́ти ст҃ӕxъ си̓́хъ мд̑цъ и̉ мүчени̉къ, ѿкри сие младен̑цы мало нѣчто неӕвъственънѣ, но возбнувшү во малѣ ѿц҃ү сно́мъ, сїѝ млд̑ци предсташа ему, а̉ки живы су́ще, и̉ гл҃юще ему̀: почто, а̉вва, тако нас̑ презрѣсте в̾ небреженїи ва́шемъ, мы бо ѡ̉ семъ /л҃з/ мѣст̑цу ст҃омъ и̉ ѡ̉ васъ гс̑деви предстоимъ, молӕ̓́щесӕ, да подас̑т̑ ва́мъ всӕкаӕ̀ бл҃гаӕ своӕ̀, нн҃ѣ и̉ в̾ дєн̑ суда; сѝ ре́къши, невидими бӕхү. Бл҃женны`` же ѿц҃ъ воскорѣ ѿ сна восхитисӕ и̉ мышлӕше в̾ себѣ се, а̉ на́үтрѣе гл҃а еди́ному ѿ братїѝ, їеромона́хү, чтобы се бӕше сицево́е ему̀ видѣнїе, и̓́лї мечтанїе. Ѿвѣща же ему ѡ̓́ны`` бра́тъ, гл҃юще: ӕ̓́ко мы треxъ ѡ̉трочатъ з̾сѣченъныхъ ѿ варваръ погребохом здѐ, ѿ үгла еди̉ныӕ келїѝ; и̉ вопроси ѿц҃ъ видѣти ѡ̓́ное мѣстъце, и̉ показа ему̀ ѡ̓́ны`` братъ, гдѣ погребоша их, үвѣдѣ же ѿц҃ъ и̉ возмӕте́сӕ, видӕ неключѝмо мѣстъце ѡ̓́ное, возскорбѣ ѡ̉ семъ на братїю, и̉ повелѣ а̉бие раскопати, и̉ ѡ̉брѣтоша тѣлеса̀, а̉ки днес̑ үмершыxъ, цѣла и̉ ничто́же врежден̑ны, бл҃годариша гс̑деви, и̉ повелѣ ѿц҃ъ, дабы и̉мъ раки сотворили, и̉ вложше тѣлеса, со чс̑тию и̓́хъ погребоша на ѡ̓́номъ мѣстъцү, и̉дѣже ѡ̉сноваша ст҃ы`` ѡл̑таръ, и̉ на тѣхъ ст҃ыхъ мученикъ создаша ст҃ы`` хра́мъ, зыждаxү же его̀, ӕко трѝ лѣта, и̉ крас̑но sѣло и̉ бл҃голѣпно соѡ̉ружиша. ѡ̉ вои̓́стинъну чудотворно бо ес̑ смотренїемъ бж҃їимъ сиӕ ст҃аӕ церковъ, ӕкова бо бѣ еӕ̀ высота̀, но сохрани бг҃ъ и̉ мл҃твы прчс̑тыӕ бц҃и, ӕ̓́коже ни̉ единъ текто́нъ не приразисӕ ѿнюдъ, но всѣxъ и̓́хъ соблюде деснїца вы́шнӕго, ѿ ѡ̉снова-/ли҃/ ниӕ даже и̉ до совершениѧ̉, си естъ велиӕ гс̑днӕ бл҃годат̑. Но̀ и̉ сиӕ црк҃овъ великаӕ, храм прс̑тыӕ живоначал̑ныӕ тро``ци, в̾ ро́ку ҂аx҃оа-мъ, мц҃а, ѡ̉ктовриӕ двадцатъ ѡ̓́смого дн҃ӕ, з̾ суботы на недѣлю, в̾ трети`` час̑ нощию, бж҃їимъ попущенїемъ, грѣхъ ради нашиxъ, согорѣ со всӕкимъ свои̉мъ үкрашениемъ, си рѣчъ з̾ роботою sѣло прекрасною, сницерскою и̉ малӕрскою, та́же дзвоница со дзвонами великими, и̉ и̉ные многие будин̑ки согорѣша. Сиӕ же всӕ воли гд҃не`` ѡ̉ставивше, на прежнеѐ возвратимсӕ. *





* Тутъ слЂдуетъ разсказъ (съ оборота 9 по обор. 12 стр.) „О чюдахъ, прежде бывшихъ въ монастырю Густынскомъ,“ который, однако же, мы оставляемъ, какъ не принадлежащій къ чистой исторіи.












© Сканування та обробка: Максим, «Ізборник» (http://litopys.kiev.ua)
27.I.2006








Попередня     Головна     Наступна         Шрифт


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.