[Летопись Густынского монастыря / ЧОИДР. — 1848. — №8. — С. 39-64. Приложения А-Л.]

Попередня     Головна     Наступна (Додатки М-Т)         Шрифт





ПРИЛОЖЕНІЯ.




А.

Лист̑ до Кн҃зѧ Корыбүта Вишневецкого ѿ Преѡ̓́сщ҃ен̑ного Митрополита І̓́саїи́ Копин̑ского.


Ӕ̓́сне ѡ̓́свѣцоны``, млс̑тивы`` кн҃же, пане пане мо`` млс̑тивы``.


Прошу үнижо́не, абы таӕ́ цедүла моӕ̀ могла быти ѿ вашо`` кн҃жо`` млс̑ти милостивно, без̾ ѡ̉бра́зы дүховне, прочи̉тан̑наӕ и̉ дишкреце үважена, сповин̑нос̑ти абовѣмъ то моеи̉ пастырскои̉ писати мушү. Вели̉ки`` жа́ль, млс̑тивы`` кн҃же, срд̑ца нш҃его всѣхъ нас̑ духовныхъ и̉ всего православнаго хрс̑тїан̑ства зды``муетъ, видѧчѝ вашү кн҃жүю млст̑, пожадан̑нүю үтѣ́ху нш҃у, старожитноӕ релїи грец̑коѝ, прод̑ковъ и̉ роди̓́теле`` свои̓́хъ ненаслѣдүючого; не мнѣ̀ тежъ пла́четъ и̉ вел̑це лӕмен̑тует̑ црк҃овъ бжаӕ, матка нш҃а, жѐ ею̀ ваша кнж҃аӕ млст̑ згоржати ра́чишъ. З великою ѡ̉хотою всѣ ѡчекивалис̑мо пожадан̑оѝ үтѣхи нш҃оѝ, але вмѣсто того надсподѣван̑е наше, в̾ смүтокъ сӕ намъ ѡ̉бороча́етъ. Што́ жъ ваша кн҃жаӕ милст̑ ѡ̉бачилъ в̾ црк҃вѣ бж҃о`` вонътпливого, што̀ поде``зроного, што за герезїю? Або не ѡ̉на е́стъ маткою всего хрс̑тиӕн̑ства; або не їерс̑лимъ естъ головою́, по гс̑дѣ бз҃ѣ, всего свѣта; або не ѿтол̑ вѣра хрс̑тиан̑скаӕ початокъ и̉ фүн̑дамен̑ сво`` взӕла? Ѿ сиѡна а́бовѣмъ вы``шолъ законъ, и̉ слово гс̑дне ѿ їерс̑ли̓́ма, ӕ̓́ко мовит̑ пророк̑. Або не там гс̑дь нш҃ъ їс҃ хс҃ кро́вїю своею прена``свӕтѣ``шою спс̑ние нш҃е справилї, або не тамъ кровїю своею прена``дорожшою үвес̑ свѣтъ ѿкупи̓́лъ; або не там на``першого епс̑па, патрїархү їерс̑лмкого, намѣстника своего̀, са́мъ поста́вилъ, ӕ̉ко пис̑мо свѣдъчитъ; азали не ѿтул̑ наүка хс̑ва по всемъ /м҃/ свѣтѣ сӕ розшири̉ла, ѿ всходү ажъ и̉ до заходү слн҃ца, и̉ до самого ры̀му за``шла? Чимъ же рымъ лѣпши`` естъ ѿ їерс̑лима; чему їерс̑лимомъ, мат̑кою всѣхъ црк҃ви``, гордӕтъ а̉ до рымү сӕ горнутъ, їерс̑лим з̾неважаютъ, а рым выносӕтъ? Єсли длӕ славы того́ свѣта, если длӕ великаго богат̑ства, то сут̑ рѣчи марныи и здрадливыѝ. Не един̑ сӕ на том ѡ̉шука́лъ; не за ным правдиваӕ вѣра и̉детъ, не за тым правдиваӕ вѣра познана бы́ти маетъ, абовѣмъ гс̑дь їс҃ хс҃ не ведлугъ того свѣта своѝ речѝ справүетъ; іс҃ хс҃ са́мъ былъ үбоги`` и̉ взгоржены`` ѿ люде``, а и̓́род̑ и̉ пилатъ славны и̉ вел̾можны; үчени̉ки їс҃ хв҃и ненъдзны и̉ үбоги, а жиды и̉ фарисеи̉ бога́ты. Азали потом аппробована маетъ бы́ти рѣчъ правди́ваӕ? І̓́ерс̑лимомъ нетре́ба горди̉ти, и̓́жъ естъ үбогимъ, леч̑ ласки бж҃ои пов̑ны``; лѣпше`` сӕ щитити їерс̑лимомъ и̉ до него́ сӕ горнути, а нижли до рыму, абовѣмъ въ їерс̑лмѣ їс҃ хс҃ длӕ нас̑ үме́ръ и̉ и̉з̾ мертвыхъ тамъ воскрес̑, тамъ вознесесӕ на нб҃о, на үченїки свои̉ и̉ апс̑тли дх҃а ст҃ого послалъ, тамъ сӕ нш҃е сп҃ние ста́ло, та́мъ на вѣчную памӕт̑ и̉ гробъ сво`` ст҃ы`` ѡ̉ставилъ, тамъ по собѣ и̉ намѣсника своего, їӕ̉кова, патриарху, постанови̓́лъ. Чимъ рымъ лѣпшы`` естъ ѿ їерс̑лима? Тамъ намѣсникъ їс҃ хв҃въ патриарха, а тутъ намѣсникъ ст҃ого петра, ѿц҃ъ па́пѣжъ; тамъ самого їс҃ хрс̑та намѣсникъ, а тутъ за́сь слугѝ его̀; тут̑ гробъ їс҃ хрс̑товъ, а тамъ зас̑ гробъ петровъ Хто̀ үбогимъ їерс̑лимомъ и̉ намѣсникомъ его гордитъ, правдиве же самымъ їс҃ хрс̑томъ гордитъ. Длӕ чого маемо гордѣти цр҃ковию бж҃ою, мат̑кою нш҃ою и̉ мат̑кою всѣхъ цр҃кве``? Што в̾ не`` види̉мо прикрого, ал̾бо недосконалого? Нѣ машъ, за ла̀скою бж҃иею, в̾ церквѝ нш҃о`` жа́дного блу́дү, жадноѝ ереси, и̉ никгдысӕ не зна``детъ. Што разъ ѡ̓́на при̉нӕла̀ на седмыхъ вселенскихъ собора́хъ стверженыѝ и̉ постановленыѝ артикулы вѣры, до того́ часу́ всѣ в̾ цѣлости, ничого непридаючи, а ни ү``муючи, заховуетъ. Не вѣдаю, хто́ такъ вашо`` кн҃же`` млс̑ти ѡ̉бридилъ еѝ и̉ ѡ̉мерзилъ, хто̀ ва́шү кн҃жүю милст̑ ѿ неѝ ѿвернулъ, ал̑бо ѿворочаетъ; мовлю то̀ щире а правдиве: вѣчне на то́мъ небл҃гословен̑ство бж҃ие бу́детъ зостава́ло. Вѣдаемо всѣ млс̑т̑ кн҃же, под̑ ӕкими конди̉цыӕ̉ми̉ страшными стороны ре́лїи̉ и̉ ѡ̉бовезками, и̉ клӕтвами̉ роди̉тел̑ка вашо`` ки҃о`` млс̑ти з̾ того свѣта сходӕчи̉, зоста́вила; на чие`` то дш҃ѣ падетъ, гс̑дь бг҃ъ же то вѣдаетъ, вѣдаемо, же ѿц҃евскаӕ клӕтъва высушает̑, а материн̑скаӕ выкоренӕ̓́етъ, ӕкъ пис̾мо мовитъ. Што за үтѣхү, за зыскъ тыѝ всѣ ѿнеслѝ и̉ ѿно́сӕтъ, которыѝ старожитноѝ своеѝ вѣры, длӕ марности того̀ мизерно-/м҃а/ го свѣта ѿступүютъ. Азажъ того̀ не види̉мо свои́ма ѡчи́ма, што сӕ дѣетъ? Пыталъ бымъ тыхъ всѣхъ, длӕ чого своѝ старожит̑ноѝ вѣры гречес̑кои ѿступүютъ, длӕ чого̀ ею̀ гордӕтъ? Єслѝ длӕ муд̑рости того́ свѣта, те́ды мүдрост̑ того̀ свѣта глүпство ест̑ ү бг҃а, ӕ́къ мовитъ апс̑тлъ; еслѝ длӕ ӕко́го блу́дү, те́ды за ласкою бж҃иею ни́гды в̾ црк҃вѣ хс̑во`` жаденъ блуд̑ сӕ не зна``шолъ и̉ на``доватисӕ не мо́жетъ. Снад̑нѣ`` тамъ на``доватисӕ може, где що ро́къ, то и̓́наче`` приложатъ, а̾лбо ү``мут̑. Єсли жъ длӕ славы того̀ свѣта, те́ды то ест̑ реч̑ мнѣ``шаӕ, една̀къ лѣпшую ты́е завше сла́ву и̉ повагү ү всѣхъ люде`` ма́ють, которыи́ сут̑ в̾ вѣрѣ свое`` сталыѝ, а нижли̉ тыи́, што́ сӕ хвѣютъ, и̉ статеч̑не во свое`` вѣрѣ не триваютъ, и̉ тривати̉ не хотӕ̓́тъ. Азали не вели́кую славу мѣлъ кс̑же ѡ̉строжское, воево̀да киев̾ски``, и̉ сынъ его̀, воевода волын̑ски``, на кѡторых̑ сӕ много ѡ̉глӕдало? Азажъ не вели̓́кую сла́ву мѣлъ в̾сюды ст҃ои па́мӕти родител̑ вашои кн҃жско`` млс̑ти, михаи̉лъ корыбутъ? Азажъ не по всѣхъ сторонахъ плынула слава мужества и̉ дѣл̾ности рыцерскоѝ? Аsажъ не былъ үтѣхѡю и под̾поро. всѣмъ правовѣрным; азажъ не ѡ̉глӕдалисӕ всѣ противныѝ? Азажъ не славными былѝ прод̑кове вашо`` кн҃жо`` млс̑ти дѣл̾ностӕми рыцерскими в̾ коронѣ пол̑ско``, почавши ѿ ѡл̑герда, прадѣда вашо`` кн҃жо`` млс̑ти, великого кн҃жати литов̑ского, и̉ сына его, ӕгелъла, которы`` былъ потом̑ кролем̑ пол̑ским̑, и̉ дрүгѡго сына ѡл̑гердовѡго, дми̓́тра корыбута, кн҃жати сиверскѡго, прод̑ковъ вашо`` кн҃жо`` млс̑ти ви̉шневец̑кихъ, которогѡ сынъ жигмунътъ, длӕ вели̓́кои̉ дѣл̾ности̉ рыцерскои̉, взӕты`` былъ на кролевство чес̑кое, и̉ иншые прод̑ки и̉ поколѣнӕ вашо`` кн҃жо`` млс̑ти всѣ были сла́вныѝ и̉ муж̑ныѝ рыцерѝ, всѣ были релѣи̉ грецъкоѝ, а и̓́мъ тое ничо́го не шкоди̉ло, тым̑ барзѣ`` славнѣ``шыми былѝ? Азажъ бы то тепе́ръ үже през̾ вашу кн҃жую млс̑ть цного дому и̉ великихъ кнӕжа́тъ релїѝ грецкои̉ продковъ вашо`` кн҃жо`` млс̑ти сла́ва вѣкуѝстаѧ мѣла үставати, продкове вашо`` кн҃жо`` млс̑ти, ст҃ои памӕти родител̑ и̉ родител̑ка, споколѣнӕ были релѣи̉ грецкои̉, ва́ша кн҃жаӕ млс̑ть тыл̑ко оди̓́нъ ѿ нихъ мѣлъ бы быти вылучонымъ? Не да`` того, бж҃е, абысӕ мѣлъ през̾ вашу кн҃жую млс̑ть домъ славноѝ релѣи̉ грецкоѝ зводити! Єслѝ тежъ длӕ вели̓́кого богатъства, и̉ то́ естъ в̾ рүкахъ бж҃їихъ; гс̑дь бг҃ъ кому̀ хочетъ те́ды даетъ. Мы̀ просѝмо гс̑да бг҃а и̉ проси̓́ти завше повин̑ны естес̑мо, абы вашу кн҃жую млс̑ть бг҃ъ свое́и̉ старожитноѝ апс̑тлскоѝ не допусти́лъ ѿступовати релїѝ; хоцто мовӕтъ ма́ло намъ жыч̑ливыѝ адверсоры наши, же то грецка хлопъска естъ вӕра. Єсли жъ такъ есть, ӕкъ ѡ̓́ны по-/м҃в/ вѣда́ютъ, те́ды хло́пскоѝ ре́лѣи̉ были и̉ цр҃еве грецкїе, и̉ велїкие монархове хло́пскоѝ вѣры были̉, апс̑тлове, патриархове, и̉ всѣ ст҃ыи ѿц҃ы всход̑но`` церкви, которых̑ мы за вели̓́кїхъ почи̉та́емо и̉ сүть. Прошу те́ды вашу кн҃жүю млс̑ть үни̓́жене и̓́менемъ всего хрс̑тиан̑ства и̉ и̓́менемъ всеи̉ црк҃ви, не дава``сӕ ваша кн҃жаӕ млс̑ть уводити̉ поли̉тицки̉ми рацыӕми̉; спомни ва́ша кн҃жаӕ млс̑ть на ст҃ои па́мӕти̉ роди̓́тели своѝ, ӕ̉кои̉ ѡ̉нѝ были побожности, ӕкого набожен̑ства, ӕко́и̉ вѣ̀ры, не хлопъскоѝ, не еретицкоѝ, не поде``зроноѝ, мѣли сто́е ро́зүму, знали̉сӕ на ре́чахъ, але вѣры, мѡвлю, были̉ старожитноѝ, апс̑тлкоѝ; всходноѝ црк҃ви, чистоѝ и̉ непокалӕн̑ноѝ, жадными вымыслами людскими̉ незмазан̑ноѝ. Чемү ваша кн҃жаӕ млс̑ть не маешъ продковъ свои̉хъ вѣры наслѣдова́ти, в̾ которо``сӕ ваша кн҃жаӕ млс̑ть народи̓́лъ? Абовѣмъ ни̉ в̾ чо́мъ не естъ поде``зре́на, не до чужо́ѝ, але до своеѝ мат̑ки црк҃ви бж҃о`` наве́рнешъ. Не мае́те ва́ша кн҃жаӕ млс̑ть на што сӕ ѡ̉глӕда́ти; не див̑ то в̾ молодых̑ лѣтехъ дасти̉сӕ үвести̉ мо́вами̉ люд̑ски̉ми̉; а часомъ то быва́етъ в̾ молодых̑ дитинъныхъ лѣтехъ и̉ презъ мус̑, але то всѐ ни̉чо́го; кгды̀ ваша кн҃жаӕ млс̑ть захочешъ заразъ, то всѐ үчинити зможешъ. Маешъ ва́ша кн҃жаӕ млс̑ть з̾ лас̑ки бж҃еѝ в̾ маетностӕх̑ свои̉хъ црк҃ви, и̉ монастыро́въ, дүховныхъ ѡ̉собъ до́сит̑; нетреба шукати̉ гдѐ и̓́нъде ; чого ваша кн҃жаӕ млс̑ть потребовати̉ бу́детъ, всѐ снад̑не ѡ̉де́ржишъ. Мы̀ една́къ до конца невон̑тпи̉мо ѡ̉ му́дром̑, и̉ розсүдномъ, и̉ үважномъ баченю вашо`` кс̑женцӕ млс̑ти, и̉жъ ваша кс̑нцӕ милос̑ть не до кон̑ца нас̑ засмути̓́ти захочешъ, не до кон̑ца цр҃ковъ бж҃ию в̾ непамӕт̑ заки́нути дозволишъ. На и̓́мӕ бж҃ие все дүховен̑ство, все хрс̑ти̉ӕн̑ство, үниженїе аплас̑ливе проси̉мо, не горди ваша кн҃жаӕ млс̑ть вѣрою свое́ю, в̾ которо`` водою́ и̉ дх҃омъ естес̑ үрожоны``, але навернисӕ до црк҃ви бж҃еѝ, мат̑ки своеи̉ природ̑ноѝ, а үтѣшъ нас̑ всѣхъ; и̉ кгды̀ ваша кн҃жаӕ млс̑ть побожне учини̓́ти ра́чишъ, бл҃гословен̑ство бж҃ие и̉ роди́тел̑ское вѣчне на вашо`` кн҃жо`` млс̑ти ѡ̉почивати бүдетъ, и̉ всю̀ црк҃овъ и̉ все хрс̑тиӕн̑ство релїѝ старожитноѝ үтѣши̉шъ, и̉ тут̑ на землѣ щасли̉ве и̉ фортүн̑не вѣкъ сво`` препроводив̑ши, власцѣ́ бж҃о`` векуис̑ты`` живот̑ ѡ̉дѣдичишъ. Амин̑.


Ваше`` кс̑жци милости пана пана моег̑ млс̑тивог̑ үнижоны`` слүга и бг҃омол̑ца исаи̉ѧ копин̑ски``, митрополитъ киѡ̉в̾ски``, рүкою власною. /м҃г/





Б.

Пүнкта, поданые сщ҃енъником̑ ѿ преѡ̉с̑щенъного исаїѝ копин̑ского, митрополиты киевского, которые такъ сӕ в̾ собѣ маю̀тъ.


И̉саи̉ӕ копин̑ски``, млс̑ти̉ю бж҃иею митрополи̉тъ киев̾ски``, галицки``, и̉ всеӕ̀ рос̑сіѝ, архиепс̑пъ всего си́вера: конди́цыӕ гс̑дном братиӕм сщс̑енъником̑ належачаӕ:

а҃. Ко́жды`` сщс̑енъникъ абы̀ дх҃овни̉ка своего мѣлъ, сповѣдь бы и̉ на``частѣ`` чинилъ.

в҃. Ѿ црк҃ви̉ до церкви без̾ вѣдомости̉ своего бл҃гочс̑тивого митрополиты абы жаденъ не перехо́ди̉лъ, а нѝ те́жъ ү үрӕдү свѣцкого под̑ запрѣщениемъ канонов̑ бг҃оносныхъ ѡ̉тецъ не под̑күповалъсӕ.

г҃. Абы жаденъ в̾ справахъ свои̉хъ дх҃овныхъ до свѣцкого сү́дү не мѣл̑ үдаватисӕ над̑ правила ст҃ыхъ ѡ̉тецъ.

д҃. Знати тежъ ѡ̉своіом бл҃гочс̑тивомъ митрополитѣ, и̉ ин̑де вжад̑ніе ре́чи безъ вѣ̀домости̉ ѡ̓́ного не үдавати̉сӕ.

е҃. В̾ парафїѝ еди́нъ друго́го жадноѝ перешко́ды не чи̉ни̓́ти̉, а ни̉ те́жъ ѿ еди̉ного свӕзан̑ноѐ и̉ запрѣщенъное, другому без̾ вѣдомости̉ свѧзан̑наго проща́ти и разрѣшати̉ абы не важилъсӕ.

s҃. По ӕ̉денїи̉ не крещати̉, паче же в̾ нощи̉, кромѣ вели̓́кїӕ нужды.

з҃. По̀ночи шлюбу не давати̉, але зара́зомъ по слүжбѣ бж҃о`` на тще срд̑це, не үпи́вши̉сӕ, подъ небл҃гословен̑ствомъ бж҃їи̉мъ.

и҃. Абы и̉спытовали пил̑но со свиди̓́тел̑ми, кгды̀ при̉ступүютъ до шлюбу, если же перед̑ тым̑ кому̀ не шлюбова́ли̉, ал̾бо еслѝ не ү повѝноватъствѣ́ по``муютъсӕ.

ѳ҃. Которые те́жъ мешкают̑ без̾ шлю́бу, абы ѿлучали ѿ црк҃ве и̉ ѡ̉повѣдали людемъ.

і҃. В̾ корчмѣ абысӕ жаден̑ не на``довал̑ под̑ срокгою карностю и̉ на нас̑ митрополита вино́ю.

аі҃. До хорых̑ и̓́ти̉ не лѣноватисӕ, дӕковъ не посылаю̀чи̉, и ѡ̉ причас̑тие ст҃ыхъ таи̉нъ не торговати̉сӕ.

ві҃. Гдѐ црк҃овъ естъ непосщс̑енъна, абы всѣ старалисӕ, и̉ людем̑ тоѐ преклада́ли, абы пил̑ное старан̑е ѡ̉ посщс̑енїю црк҃ви чини̓́ли, кгды жъ конеч̑не будүтъ печатаныи́. /м҃д/

г҃і. В̾ ѡл̑тарю антимис̑ абы былъ бл҃гочестивого митрополита; келих̑, ди́скос̑, лыжица и проч̑, абы было всѐ порӕд̑не, що належит̑ до слүжбы бж҃еѝ.

д҃і. Тые, которые караны бываютъ ѿ свѣцкого үрӕдү на горлѣ, абы былѝ сповѣданы, и̉ таи̓́нъ хс̑выхъ причаще́ны, пил̑но просити үрӕдү, абы того дн҃ӕ не были̉ караны на горлѣ.

е҃і. Тыхъ невѣстъ, которые дѣти раждаютъ, а из̾ свѣта тог̑ и̉сходӕт̑, того жъ часу̀ ѡ̉бмывши̉, абы были̉ причащены.

s҃і. А которые бываютъ барзо хорые и из̾ свѣта исхо̀дӕт̑, и̉ не могут̑ мови̉ти, и̉ не ис̑повѣда̀лисӕ, а прагнутъ таи̉нъ хс̑выхъ, жебы̀ негназмою, але самым̑ тѣлом̑ и̉ кро́ви̉ю хрс̑товою̀ причащены были̉, пил̑наӕ естъ того̀ пѡтреба.






В.

Тестамен̑тъ ѿца и̓́лїѝ то́р̾ского, игүмена гүстын̑ского.


Писанъ в̾ Року ҂ах҃ме, Мс̑цӕ Авъгуста, Дн҃ӕ і҃.


Во и̉мӕ̀ ѿц҃а, и̉ сн҃а и̉ ст҃ого дх҃а, ами̓́нь. Стан̑сӕ волӕ бж҃иӕ, и̉збавителӕ нш҃его іс҃ хрс̑та; еvг̑елїемъ будүчѝ знасъ кожды`` в̾ право`` вѣрѣ на``дуючи``сӕ үпевнены``, же часу́ ѡ̉стат̑него кре́сү живота́ нашего, на том ѡ̉плака́номъ падо́лѣ плачу, певного вѣдати̉ не мо́жемъ, тымъ наво̀дитъ такую певност̑ маючи ѿ̓́ невѣдомости̉ зе``стӕ свое́го из̾ того мизерного свѣта, абы на кожды`` час̑ вшелӕки`` члв҃къ в̾ горӕ̉чихъ мл҃твахъ готуючи̉сӕ пред̑стати̉ сүдү енерал̑ному, бж҃ому, на``довал̑сӕ и̉ до́сить үчи̓́нен̑е за прегрѣшенїе своѐ тутъ будүчи в̾ теле постомъ, слезами̉, млс̑тынею, мл҃твами̉, сповед̑ю̉, причащенїемъ ст҃хъ животворӕщихъ таи̉нъ хрс̑выхъ, и̉ тымъ подобными̉ цр҃кви̉ восход̑не``, дорогами̉ үзаконенными̉, ѿправовалъ. таковым̑ напоминан̑емъ. И̉ ӕ̓́, рабъ бж҃и``, їеромонахъ їлїӕ тор̾ски``, игуменъ густын̑ски``, будучи̉ үвѣдомле́нъ, ачъ кол̑векъ хоры`` на тѣлѣ, алѐ добре здоровы`` на үмыслѣ, и̉ сталымъ розсуд̑комъ а порадою ст҃ыхъ бг҃оносныхъ ѿц҃ъ и̉ правых̑ үчи̓́теле`` цр҃кви ст҃ои хс̑вои восточ̑ноѝ, напрод̑ зезнава́ю и̉ през̾ /м҃є/ се`` нн҃ѣшны`` тестамен̑тъ, гс̑ду бг҃у, бо тро``ци̉ ст҃о`` еди̓́номү, сотвори̓́телевѝ моемү и̉ все`` асис̑стен̑цыи̉ нбч̑но``, и̓́ кождому в̾ хрс̑тиан̑ствѣ на``дуючомүсӕ, ѡ̉свѣдча́ю, и̉ всѣмъ сыномъ моим̑ в̾ дх҃у ст҃омъ, а в̾ хрс̑тѣ бра́ти̉ӕмъ, бол̾шым̑ и̉ мен̑шымъ, зна``дуючим̑сӕ ту́тъ, на семъ ст҃омъ мѣстъцү, ту́тъ и̉ на сү̀дѣ бж҃омъ, и̓́жъ ӕ̓́ в̾ правди́во``, всход̑но``, соборно``, апс̑тлко`` цр҃кви, седми ст҃ыми соборами запечатлѣн̑но``, а во вѣре то``, которүю намъ гс̑дь нш҃ъ іс҃ хс҃, и̉збави̓́тел̑ всего̀ свѣта, постанови̓́ти рачилъ, үмерти хощү, и үми̉раю́м в̾ не`` тѣломъ моим̑, дш҃у мою̀ грѣха́ми многи̉ми ѡ̉тӕгчен̑нүю милосерди̉ю бж҃омү полецаю́, маючи зүпел̑ную а неѿмѣн̑ную вѣрю в̾ его̀ ѿцевском̑ млс̑рдию и̉ засмузѣ сына бж҃ого, и̓́жъ не будетъ в̾ сүдъ зо мною вхоби̓́ти̉, але мӕ в̾ ласкү свою̀ до вѣчноѝ хвалы до мѣстъ ст҃ымъ үготован̑ныхъ запровади̉ти рачи̉тъ. Такъ тежъ и̉ то́е ѡ̉свѣдча́ю тым̑ ѡ̉стат̑ным̑ зезволен̑емъ моим̑, и̓́жъ што̀ кол̑векъ вношенѧ мое́го з̾ пра̀цы мое́ѝ вѣрноѝ до сего̀ ст҃ого мѣстъца естъ, то естъ, книгъ та́къ словен̑скихъ, ӕ̓́ко и̉ пол̑ских̑, всѣ а всѣ вед̑луч̑ рее́стрү подаю̀ во вѣчную свою̀ памӕт̑ и̉ за дш҃вное мое́ спс̑ние нигде ин̑де, тыл̑ко ѡ̓́вде, тому̀ мнс̑трови гүстын̑скомү, и мѣстъцү ст҃омү, гдѣ и̉ погребенъ бы́ти маю̀. Гроша̀ скарбу, што было з̾ худости мое́ѝ тутъ, тежъ з̾ початъкү все рас̑точилемъ на сыри`` корен̑ застав̑ши, што̀ естъ вѣдомо бг҃у мое́мү, и̉ всѣмъ брати̉ӕмъ, дѣтемъ мои̓́мъ духовным̑, а теперъ бг҃ъ вѣсть же, ѿнюдъ, при зе``стю мое́мъ з̾ того свѣта, при̉ всѣхъ братїӕхъ не ѡ̉сталосӕ, а ничтоже гро́ше``, кромѣ быше`` менованыхъ кни̓́гъ, и̉ сүкен̑е, тоѐ всѐ розсүд̑ку и̉ үва́зѣ брати`` чс̑тныхъ полецаю́, ӕ̓́ко ихъ естъ үважен̑е; сүкнѣ на полату. Напродъ то́ варүю и̉ бг҃омъ үклинаю́, абы не заведены былѝ ремес̑ни̉кѝ в̾ свои́хъ и̓́хъ працахъ, сницеровн̉ чотыри ста золотих̑, иѡ̓́сифү маи̓́стрү, теслѣ сто семъдесӕтъ и̉ три золотыхъ гро́ше``, конӕ з̾ возомъ и̉ во всемъ ему̀ слу́шне нагороди̓́ти присто́итъ; и̉ его млс̑ти епс̑пү печарномү, гс̑дну ѿц҃ү зосимѣ, шест̑десӕтъ золотыхъ ѿдати̉; такъ же мещани̓́нү бурмистрү киевскомү, панү и̉ванү сказ̾цѣ, пӕтьнадесӕт̑ золотых̑ ѿдати. Притом̑ тежъ пил̑но бг҃омъ всѣхъ васъ братїѝ и̉ сыновъ милыхъ үпоми̉наю́ и̉ слезнѣ молю̀, абысте под̑ клӕт̑вою ст҃ыхъ и бг҃огоносныхъ ѿц҃ъ, хто бы мѣлъ ӕкїѝ турбацыѝ, або бүнты чини̓́ти̉, несоглас̑но братїѝ, да будетъ проклӕтъ таковы``, но с̾ пора̀дою старшых̑ братїи̉ соборныхъ. По зе``стю моемъ с̾ того̀ свѣта, з̾ промежку себе, з̾ свои̉хъ братїи̉, на пред̑стательство и̉ їгүменство ѡ̉бравши̉, до пастырӕ з̾вѣрх̾нѣ``шого, ѥго̀ млс̑ти ст҃ител̑ско``, ѿц҃а метрополита, по бл҃гословенїе слали̉, не и̉з-/м҃s/ бираючи̉ з̾ инъшыхъ ѡ̉град̑ старшого, дабы всӕ, такъ вам̑, ӕко и̉ мѣстъцү ст҃омү, в̾ расколъ и запүстѣнїе не пришло̀, үважне всӕ творѣте; аще бүдете в̾ союзѣ любвѐ, всӕ вамъ бүдетъ ѿ бг҃а поспѣшествүема. Потомъ тежъ пил̑но а пил̑но старан̑е твори̓́ти есте долъжны, моли̓́ти его̀ пастырскоѝ ласки, ӕ``ко ѿц҃а и̉ бл҃годѣтелӕ своего, абы̀ дати мо́глъ бл҃гословен̑ны`` сво`` листъ со своим под̑пи̉сомъ рүкѝ, а ствержен̑емъ ст҃ѣ``шого патриархи, во вѣчные роды и̉ сохраненїе ст҃ого мѣстъца ѿ сопротивныхъ. Пилно сѧ стара``те ѿ кн҃зӕ его млс̑ти такъ же, абы мо́глъ в̾ напото́мные часы привилеемъ свои̉мъ тое ст҃ое мѣстъце и̉ живүщих̑ на немъ ѡ̉бваровати̉ ѿ вшелӕ̓́кого пресаѣдованӕ и̉ үтис̑кү, противен̑ства, и̉ потом̑комъ своим̑ абы такъ же в̾ том̑ же своїомъ приви̉лею загрозити ра́чилъ. Ѻ̓́ том̑ за́сь пил̑но те́жъ не презыра``те, абы бра́тїӕ ѡ̉вде, во ст҃омъ мѣстъцү живүщїѝ, зрад̑ и̉ збѣговъ свовол̑ныхъ не творили, ѿ того жъ ѿц҃а и̓́ пастырӕ звѣрхнѣ``шого, его`` млс̑ти ѿц҃а митрополи̓́ты, не бл҃гословен̑ны`` лист̑ мѣти. А̓́ на``барзѣ`` үпоми̉наю и̉ бг҃омъ вѣчне заклинаю, и̉ на сүдъ его̀ стра́шны`` поволываю́ таково́го кождого з̾ братїѝ, которы`` бы мѣлъ старшого, то естъ, и̉гүмена, в̾ зневазѣ мѣти̉, и̉ противъ ѡ̓́номү, любо в̾ ѡ̓́чы, а барзе`` заѡч̑не, турбацыѝ покут̑ныѝ, и̉ неснас̑ки и̉ гомоны, и̉ раздоры починати̉ чинити, да бүдетъ емү небл҃гословенїе ст҃ого ѿц҃а и̉ пастырӕ звѣрхнѣ``шого, ѿц҃а митрополиты, бл҃гочс̑тного, и̉ клӕт̑ва; но дабы всӕ̀ со бл҃гоговѣн̑ством и̉ стра́хомъ бж҃їи̉мъ, и̉ с̾ покоренїемъ старшомү, и̉ мѣстъцү ст҃омү, всӕкъ бра́тъ послѣдъствовалъ, и̉ по воли хс̑во`` творилъ, да в̾ послушанїѝ животъ вѣчны`` ѡ̉брӕщетъ всӕкъ, а в̾ преслушанїѝ смерть наслѣдитъ, зѣ́ло сѐ блюсти тре́бѣ естъ. Сүма̀ те́жъ, четыри ста̀ золотых̑ ү пана и̉ва́на күзми̉ча, ү премышлю, свѣдома всѣмъ естъ, а̉ запис̑ его̀ ү пана зѣн̾кеви̉ча естъ, листы те́жъ такъ цс̑ркие, ӕко и̉ гс̑дрские, мѣти то́е ү слушномъ схованю, бо́ то скарбъ естъ мѣстъцү ст҃ому в̾ напотомные ро́ды. Што̀ стра́тили̉ были̉ наши антт̑ец҃есорове, то сӕ нен̑дзою мое́ю з̾ братїӕми̉ тӕжкою, залед̑во дол̑гимъ часомъ ѿшука́ло паки до мнс̑тырӕ ст҃ого, такъ село̀, кгрүн̑ты, млыны, и̉ проч̑., прошү̀ вас̑ ѿц҃ы и̉ братїѧ, да быс̑те нѣӕкимъ свои̉мъ нерадѐнїемъ, и̉ незгодою паки не үтратили̉. Үважа``те тое в̾ себѣ, а бл҃годарствѣте пил̑но гс̑да ѡ̉ всемъ, ӕ̓́же млс̑тию своею́ всӕ бл҃гаӕ дадѐ ва́мъ; токмо sѣло бл҃годарны буд̑те, бо всемъ вамъ бг҃ъ, всӕ поспѣшитъ и̉ пособитъ; а ѡ̉ мнѣ молю, молю̀ васъ, гс̑да бг҃а ѡ̉ млс̑ть просѣте, да бүдетъ мнѣ бо день сүда ми̓́лостивы``. Сотворых̑ сы`` мо`` тестаментъ з̾ /м҃з/ доброѝ мое́ѝ во́ли̉, и̉ даю братїѝ моїо`` и̉ сыномъ в̾ дх҃ү ст҃омъ милым̑, с̾ под̑писомъ рүкѝ мое́ѝ и̉ с̾ при̉ложен̑емъ печати̉. Дѣӕлосӕ в̾ мнс̑трю гүстын̑ском̑ рокү бж҃ого ҂ах҃ме, мс̑цы авгүста дн҃ӕ десӕтого.


І̓́еромонах̑ їлїӕ`` торски``, їгүменъ гүстын̑ски``,

рүкою моѐю влас̑ною.


Печат̑ мнс̑трӕ ѡбщежител̑ного гүстын̑ского ст҃ои`` живоначал̑ноѝ тро``цы.







Г.

Фү́ндүшъ ӕснїе освїецоного кн҃зѧ миxаи̓́ла коры́бүта вишневецкого, на мнс̑тръ гүстын̑скїй даный, длѧ ѡ̉гранїченѧ.


Ӕ̓́ Семиѡ̓́нъ Лы́ко, вѣдомо чи̉ню тым̑ мои̓́мъ листомъ, и̓́жъ бы́лъ мнѣ при̉слан̑ны`` ли̓́стъ ѿ ӕ̓́сне ѡ̉свецо́ного и̉ вели̓́кого кн҃жати, его̀ млс̑ти, пана, пана михаи̉ла корыбүта ви̉шневецкого, старосты ѡврүцкого, пи̉саны`` за набожными̉ монахами̉ закону и̉ вѣры старожит̑нои, црк҃ви всход̑ное, при мѣсте прилүце, на ѡ̓́стровѣ, названомъ гүстынӕ, живүчими̉, которы``то ли́стъ по пол̑ску писаны``, и̉ печат̑ю его̀ кн҃жоѝ млс̑ти запечатованы``, такъ сӕ в̾ собѣ маетъ:

Михаи̓́лъ кн҃зь вишневецки``, ста́роста ѡ̓́врүцки``. Кн҃же лыко здоровӕ и̉ помешканӕ до́брого ѿ гс̑да бг҃а в̾ мс̑ти зичү. Барзо естемъ з̾ того̀ контен̑тъ, и̓́жъ вмс̑ть, ӕко члв҃къ добры`` и любӕчы`` вѣрю свою, мнс̑тръ в̾ прилүцѣ тымъ чернцом̑ фүндовати позволилъ есѝ, а в̾ тымъ причинӕешъсӕ за ни̓́ми, абымъ ӕ̓́ в̾ том̑ ѡ̓́нымъ ласкавым̑сӕ ставилъ и былъ помощнымъ. Позволӕю и̓́мъ теды ко́ло едно̀ в̾ томъ же млынѣ вал̑ковскомъ, которое абыс̑ вмс̑ть ѡ̓́нымъ заразомъ подати казалъ, пил̑но прошү; и̉ десӕтеро пнїовъ пчолъ в̾ там̑ то``же пасецѣ моїо`` прилүцко`` прошү, мо`` кн҃же лыко, кажи и̓́мъ вмлс̑ть дати, ѡ̉ чомъ и до пана бор̾ка пишу, абы̀ зара́зомъ, за приѣз-/м҃и/ домъ та́мъ до прилуки̉ свои̓́мъ, тое и̓́хъ ѿ него до``шло̀. Прошу, мо`` кн҃же, үглӕдѣвши тамъ мѣстъце ӕкое подобное до заставле́нӕ гребли̉, жебы ты́е небожата, заставивши собѣ, могли̉ млынокъ збудовати ку пожит̑кови̓́ свое́му, позвол̑ имъ того. Прошу̀ такъ тежъ, абы вѣдали̉, чого̀ сӕ маютъ держатѝ хүдзїен̑та, не лютуючи̉ працы и̉з̾ѣдь вмс̑т. и̉ ѡгранич̑ и́хъ, жебы̀ ѡ̉нѝ своѝмъ сӕ контенътуючи, в̾ чужо́е не вчеповали, а чужїе тежъ в̾ и̓́хъ сӕ не вдирали, бг҃омол̑ство в̾ томъ собѣ заслужишъ вмс̑т. и̉ ү мене за послушен̑ство подӕкован̑е. За тым̑ поручаю вмс̑ти гс̑дү бг҃у. З̾ вишневца, дн҃ӕ в҃ марта, ҂ах҃ді҃. Ү того̀ листу под̑писъ руки кн҃жати, его млс̑ти, в̾ тые слова по пол̑ски``: Ренко сво̀. Теды ӕ, будүчи ревизоромъ маетности`` его млс̑ти үкраин̑скихъ, и̉ маючи за таковымъ листом̑ росказан̑е, и̉ досит̑ ѡ̓́ному чи̉нӕчи, наперод̑ тымъ, то пред̑речонымъ набожнымъ монахомъ вѣры и̉ набожен̑ства црк҃ви всход̑ное, при мѣстѣ прилуце, на ѡ̓́стровѣ, названомъ гүсты́нѧ, живучимъ, далемъ коло ү млынѣ; вал̑ковскомъ; потымъ, маючи при собѣ люде`` певныхъ, без̾ үкривженӕ под̑даныхъ, тому монас̑тыревѝ ѡ̉граничен̑е үчини̓́лемъ таковое. Островъ густынӕ, на которомъ црк҃овъ ст҃ои тро``ци заложена и мнс̑тръ фүндуетъсӕ, ӕко сӕ в̾ собѣ самъ ма́етъ завѣрӕти̉, үвесь монастыреви быти и̉ належати маетъ; до котораго ѡ̓́строва и̉ монастырӕ кгрүн̑тъ, такъ на робен̑е хлѣба, ӕ̓́ко и̉ насѣножати̉ такъ же, на ставкѝ и на млынъ належачы``, такем ѡ̓́нымъ ѡ̉граничилъ и̉ ѡ̉значилъ: з̾ Гүстынѣ в̾ вро́дъ през̾ уда`` рѣку на берегъ вышед̑ши, үзвозомъ на дуброву доро́гою, на хан̑екову дорогү, з̾ хүтора хан̑екова и̉дучи к̾ мѣсту и̉ ку долинѣ приходӕчѝ, в̾ право повернути к̾ рүд̾цѣ, называѐмо`` полово``, к̾ твердоүстово`` гребел̾цѣ, а таӕ руд̾ка або рѣчка половаӕ з̾ ѡ̀бома берегами, а ѿтулӕ ү верхъ тою полово́ю и̉тѝ, котораӕ взӕласӕ ѿ ѡл̑шанои̉ верховины, ѿ доро́ги смос̾кое, а ѿ тое верхови́ны половое манов̾цемъ, дүбровою в̾ право черезъ дорогү смос̑кую, к̾ долинѣ, ї приходӕчѝ к̾ ставкү, которы`` мацюта надалъ на мнс̑тръ, з̾ того ставка үв̾ үда``, и̉ ѡтъ үстӕ ставка берегомъ үдаӕ ү верхъ и̉тѝ ку понором̑ үпоперекъ үдаӕ, черезъ поно́ры, межи ѡ̓́стровомъ прогали̉ною, к̾ мо́сту монастырскому, а з̾ мо́сту шед̑ши берегомъ на низъ, по``тѝ к̾ мосту, а ѿтулӕ̀ и̉дучи берегомъ противъ дороги̉ вал̑ковское и̉ боршан̑ское, на повороте ѿ рогу үда``ского боло́та үпоперекъ к̾ рүдѣ боршен̑ско``, на низъ үдаемъ, тою жъ дорогою приходӕчѝ к̾ перево́зү за үда``, тым же зас̑ перевозомъ ку древӕному, а ѿ древӕного берегомъ үдаӕ на низъ к̾ берегү бро́дү гүстын̑скому. И такъ тотъ /м҃ѳ/ кгрун̑тъ мнс̑треви ѡ̉значив̑ши и̉ ѡ̉граничив̑ши, подалемъ его̀ в̾ спокои``ое үживан̑е и̉гүменү, гс̑днү ѿц҃ү їѡ̉асафү и̉ братиӕм̑ его̀, монахомъ; приказав̾ши подъда́нымъ в̾сѣмъ, а́бы жад̑ного в̾ступү и̉ үкривженӕ в̾ том̑, монастырови ѡ̉граничономъ, кгрун̑тѣ не чини́ли. А длӕ лѣпшое вѣры и̉ певностѝ того всего̀, на пис̑мѣ тое ѡ̉граничен̑е далемъ и̉гуменови и̉ братиӕмъ, которое и̉ рукою моею влас̑ною подъписалемъ, и̉ печатю запечатовалемъ. Писанъ в̾ мнс̑трѣ, на ѡ̉стровѣ гүстынӕ, под̑ прилүкою бүдучимъ, дн҃ӕ е҃, мс̑цӕ маӕ́, по старомү, правди́вомү, рокү ҂а шес̑сотъ пӕт̑надъцатого.

Түтъ под̑писъ рүки по пол̑ску: Семиѡ̓́нъ Лыко, ренко сво.


Мѣстъце печати.


А тутъ, за печат̑ю ү под̑линъномъ ѡ̉раниченю, по пол̑ски`` же напи̓́сано: рокү пан̑скїекго ҂ахл҃в, дн҃ӕ к҃г їануариӕ, за ѡ̉чевистым̑ подан̑емъ ѿц҃а ѡл̑шан̑скїекго, закон̑ника лүбен̑скїекго, под̑писуесїе стефанъ ак̾сакъ, сен̑дзӕ зїем̑ски`` кїѡв̑ски``. А на вер̾ху ещѐ напи̓́сано, згорнувши, ижъ сеи`` фүндүшъ естъ в̾писаны`` до книг̑ земскихъ киев̾скихъ и̉ корыкгова́ны``.

А з̾ нову, року ҂ахѯ҃s, їюлӕ н҃і. Ӕ̓́, ав̾ѯен̑ти``, и́гуменъ гүстын̑ски``, в̾писал̑ се`` приви́ле`` в̾ книги его црс̑кого пресвѣтлого величества, в̾ киевѣ, в̾ приказѣ, за дозволен̑емъ боӕрина и̉ воеводы киев̾ского и̉ намѣ́стника смолен̑ского, петра васил̑евича шереметева, при дӕку старшомъ, диѡнѝсү трохимовичу савлукову. В̾ лѣто бытїӕ мира ҂зр҃од҃-е.







Д.

Потвержен̑е фундуша ѿ кнӕгинѣ вишневецкоѝ, мнс̑треві гүстын̑скомү даное по смер̾ти́ кн҃зѧ миxаи̉ла вишневецкого


Раи̓́на моги̉лѧн̑ка коры́бүтова, ксїен̑жна ви̉шневе́цкаѧ, старостинаӕ ѡ̉врүц̾каѧ.


Ѻ̓́зна``мую и̉ вѣдомо чиню̀ тымъ ли̓́стомъ мои̉мъ, кому бы ѡ̉ томъ вѣдати налѐжало, и̉жъ ӕ̓́ с̾ повин̑ностѝ мое́ѝ хрс̑тиан̑скоѝ, помнечѝ тежъ волю и̉ прел̑сев̾зӕт̑е /н҃/ сла́вноѝ памӕти, кн҃жати михаи́ла вишневѐцкого корыбута, ми́лого мал̑жон̑ка мое́го, и̉менем̑ его̀ вла́снымъ, фүн̑дүшомъ тым̑ мои́мъ теперь с̾твержаю и̉ з̾моцнӕ́ю монастырѣ моѝ, которые сүть на үкраи̉нѣ, за днѣпром̑, под̑ прилу́кою, единъ гүстын̑ски``, а дрүги`` под̾горски``, зо всѣми и̉хъ кгрун̑тами и̉ хуторами̉, которые до тыхъ монастыровъ нале́жатъ, при густын̑скомъ: мацѣевка хүторѐцъ, а при под̑горскомъ ладин̑ка, и порүчаю во владзү и̉ мо́цъ и̉ до животъное ѡ̉бладан̑е вышеменованые монастырѣ моѝ ѿц҃ү и̉саїѝ, їгүмену тых̾ же монастыре``, кото́рые и̉ перед̑ тымъ во влад̾зѣ и̉ ѡ̉пецѣ свое`` мѣлъ, кото́рымъ ѡ̉нъ и̉ почат̑комъ бы́лъ, и̉ кгрун̑тъ ведлуг̑ росказанӕ славноѝ памӕти̉ кн҃жате михаи̉ла вишневецкого, мило̀го мал̾жон̑ка мое́го, до тыхъ мнс̑тровъ пред̾ кн҃зӕ лы́ку ѡ̉грани̉че́ны и̉ назначе́ны, такъ подаю и̉ ствержаю́, ӕко сӕ в̾ собѣ тое ѡ̉граничен̑е листовное ѡ̉бширне`` маетъ, которых̾ то ѡ̉ни кгрун̑товъ и̉ хуторовъ собѣ назначо́ныхъ и̉ ѡ̉граниченыхъ үживати споко``не маю́тъ, без̾ вшелӕкое перешко́ды такъ ѿ старост̑, ӕ̓́ко и̉ арен̑даре`` и̉ под̑даных̑ на́шихъ, в̾ ко-которых̑ то кгрүнтахъ и̉ хүторахъ вол̑но и̉мъ бүдетъ в̾шелӕки`` пожитокъ себѣ прив̾лаща́ти и̉ примножа́ти ӕ̉ко на``пожитеч̑нѣ``, в̾ чимъ бы кол̑векъ пожи́токъ собѣ мѣлѝ, вол̑но и̉мъ будетъ и̉ млыны будова́ти ку пожит̑кови своемү в̾ том̑ же кгрун̑тѣ, ѿ насъ назначономъ. До того те́жъ и̉ теперъ то придаю̀, абы вышъ менова́ны`` ѿц҃ъ и̉гуменъ не тыл̑ко ѡ̉ тыхъ монастырехъ завѣдалъ и̉ и̓́ми справовалъ, але и̉ во всѣ́хъ маетъностӕхъ мои̉хъ заднѣпр̾скихъ, где еднокол̾векъ хто̀ ѿ чер̾нцовъ ест̑, ал̾бо ли жити̉ хотѣвъ ведлугъ во́ли бж҃еѝ, абы жа́денъ не важилъсӕ без̾ вѣдомости̉ и̉ поз̾воленӕ его̀ в̾ моемъ кгрунтѣ мешкати и̉ фундоватисӕ, и̉ абы жаден̑ үрӕд̑нїкъ, або̀ ста́роста того не поз̾волӕ̓́лъ; и̉ если бы сӕ того̀ хто̀ важилъ без̾ вѣдомости и̉ позволенӕ ѡ̓́ного, свовол̑не мешкати и̉ фүндова́тисӕ, те́ды даю емү̀ владзу в̾шелӕ̓́кую, абы̀ того̀ свовол̑ства заборонӕ̓́въ и̉ свовол̑ныхъ кара́лъ; а если бы самъ тому з̾долѣти не моглъ, те́ды маетъ ему̀ моѝхъ маетносте`` дозорца, або которы`` ста́роста, додава́ти в̾ тымъ в̾шелӕкую помоч̑, которои̉ бы ѡ̉нъ потребова́лъ. Такъ тежъ и̉ над̑ сщ҃еннїками̉ свѣцкими̉ моцъ и̉ владзү даю̀, абы ведлугъ преможенӕ своего, в̾шелӕкого межи ни̓́ми рӕ̓́дү и̉ справы постерегалъ, абы ему во всемъ послушны были, що кол̑векъ ведлуг̑ воли бж҃ои̉ преклада́ти имъ будетъ, абы жаденъ үрӕд̑нїкъ, або ста́роста, жаднои̉ церкви а ни подава́лъ, а ни ѡ̉ды``мовалъ, а́жъ перве`` ѡ̉зна``мивши̉ и̉ з̾ нимъ намо́вившисӕ во все́мъ. Моцъ даю̀ /н҃а/ и̉ порүчаю̀ тую справү и̉ то`` мнс̑тръ непорушне ѡ̉ному до живота̀ его̀; по смерти зас̑ ѡ̉ного братїӕ че́р̾нцѣ ѡ̉бирати̉ собѣ старшого с̾ промежку себе маю́тъ, ведлуг̑ порӕд̑ку монастырского. До тог̑ тежъ теперь придаю̀ до мнс̑трӕ гүстын̑ского такъ длӕ з̾бавенӕ дш҃ѣ мое́ѝ, ӕко и̉ длӕ вѣчноѝ памӕти и̉ бг҃омолӕ, зешлого з̾ того свѣта ми́лого мал̑жон̑ка моего, ү млынѣ вал̑ковскомъ двѣ ко́лѣ переднѣ``шихъ, которые ѡ̉нѝ сами ѡ̉берутъ, ед̾но муч̑ное, а другое сту́пное, которых̑ ѡ̉нѝ маю́тъ үживати споко``не, без̾ вшелӕ̓́коѝ перешко́ды ѿ старост̑, арен̑даров̑ и̉ под̑даных̑ наших̑, без̾ жадноѝ труд̑ности и̉ старанӕ, такъ ѿ гребли, ӕко̀ и̉ ѿ будова́нӕ, млына̀ греблю са́ми подъда́ныѝ направова́ти маю́тъ. Такъ тежъ абы̀ никгды и̉хъ коламъ ӕкоѝ перешко́ды не было̀, хот̑ бы мѣло бы́ти воды̀ мало, теды мают̑сӕ спол̑не заровно дѣли́ти, на кола́ водою́ або чер̾гою пуща́ти. То̀ мѣстъцу ст҃ому даю̀, дарую вѣчными ча́сы, а ѡ̉ни, ӕ̓́ко бг҃омол̑цы на́ши, үставич̑не маютъ за нас̑ и̉ потом̑ки наши гд҃а бг҃а просити ѡ̉ здоровю и̉ спс̑нїю нш҃омү. И̉ хто бы те́жъ кол̑векъ тую фундацыю нш҃у нарүша́ти и̉ касова́ти в̾ потом̑ные часы мѣлъ, и̉ ѡ̉ды``мовати, то̀ щос̑ мы надали ра́хъ, або на бл҃гочс̑тивую православную вѣрю нш҃у наступова́ти и̉ ѿмѣнӕ́ти хотѣлъ, теды неха`` на немъ будетъ клӕтва ст҃хъ ѿц҃ъ: т҃ні: и̉же бо никеѝ, и̉ розсудитъсӕ со мно́ю пред̑ маестатомъ бж҃їимъ. А длӕ лѣпшоѝ вѣры, ваги и̉ стверже́нӕ, даю̀ мо`` то`` листъ з̾ притиснен̑емъ печа́ти и̉ с̾ под̑писомъ рүки мое́ѝ. Писанъ ү вишнев̑цү, рокү ҂ах҃ѳі, мс̑цӕ и̉анүариӕ а҃і дн҃ӕ.


Тутъ великаӕ печать кнзӕ вишневе́цкого їеремиӕ̓́ша.

Тутъ печат̑ кн҃гини вишневѐцкоѝ раи̉ны могилӕн̑ки, и̉ под̑писалсӕ сама̀: рукою влас̑ною.


Кн҃зь подъписалъсӕ в̾ тые слова по пол̑ски``: Потвѥрдзам̑ тенъ лист̑ мо``, І̓́еремиш̾ михалъ Корыбүтъ, ксїѡн̑же на вишнїѡ̓́в̾цү.


Тенъ млынъ, кторы`` з̾бүдовалъ маѯимъ мїел̾никъ под̑ монастыремъ, зүпел̑не при монастырү зоставац̾, без̾ перешкоды ѿ арен̑даровъ. /н҃в/


̀




Є.

Фү́ндүшъ кн҃ги̉нї вишневѐцкоѝ на мнс̑тръ мгар̾скїи̉.


Ѻ̓́зна``му́ю ты̀мъ лѝстомъ мои̉мъ, кому бы ѡ̉ томъ вѣдати нале́жало, нн҃ѣшнымъ и̉ потомъ будүчимъ, и̉жъ ӕ̉, с̾ повин̑ности моеѝ хрс̑тиӕн̑скоѝ, помнечи те́жъ волю и̉ пред̑сев̾зӕт̑е славноѝ памӕти милого мал̑жон̑ка моего, кн҃жати михаи̓́ла корыбута вишневѐцкого, и̉менемъ его̀ власным̑, позво́лиламъ и̉ тымъ лѝстомъ мои̉мъ позволӕ̀ю фундова̀ти монастырь за лубнӕ̀ми, ѿ лубѐнь полъ ми́ли, ү лѣсе мгарскомъ, на горѣ, где перед̑ тымъ бывала пасѣка, а снат̑, слыше, бывалъ колис̑ и̉ монастыръ, и̉ поручилам̑ тое мѣстъце ве владзү и̉ вшелӕ̀кое справован̑е гс̑дну ѿц҃ү и̉саїѝ, їгүменү гүстын̑скому и̉ под̑горскому, которому и̉ во все`` маетъности мое`` заднѣпровско`` үвес̑ рӕдъ и̉ справү дх҃овную з̾алециламъ. Теперъ в̾ почат̑ку дерево бүдованӕ старого замъкү, которое сӕ зы``детъ до того̀ мѣстъца ст҃ого, дарүю; млын̑ки ѡ̉бадва, нижшы`` и̉ вышъшы``, подъ тоею жъ горо́ю, на рѣчце ѡл̑шан̑це, с̾ под̑даными, на томъ же кгрун̑тѣ мешкаючи̉ми, придаю, и̉ кгрун̑тъ до него̀ такъ назнача́ю: ѿ ѡл̑шан̑ки рѣчки̉ в̾дол̾жъ до другои̉ рѣчки, мгара̀, з̾ ѡ̉бѣма берега̀ми тых̑ рѣчокъ, а в̾ширъ ѿ ложечи́ны лүкѝ з̾ лѣсомъ и̉ зо всею̀ до сүлы рѣки. А и̉жъ маю́ вѣдомост̑, же до паханӕ хлѣба тои̉ кгрүн̑тъ барзо естъ тѣсны``, теды вол̾но будетъ монастыреви пахати хлѣба и̉ сѣна косити и̉ до самаго үдаӕ рѣки, которы`` то үда`` тамъ, слыше, неподале́ко того кгрун̑ту и̉дет̑, и̉ чого колвекъ напо́тымъ до мѣстъца ст҃ого на үфүндован̑е и̉ розширен̑е хвалы бж҃ои будеж̑, потреба, ѡ̉хот̑не и̉ ласкаве ставитисӕ ѡ̉бѣцүю. А теперъ тотъ крүнтъ со всею̀ ѡ̉колич̑ностю́ и зо всѣми пожит̑ками, в̾ чым̑ бы кол̑векъ пожитокъ собѣ мѣти могли, на монастыръ на хва́лү бж҃ию ѡ̉фѣрую́ и̉ вѣчными часы дарүю, которого то кгрүн̑тү маютъ үжива́ти споко``не, ненарүшо́не, без̾ вшелӕ̀кое перешко́ды такъ ѿ старостовъ, арен̑даро́въ, ӕко и̉ ѿ под̑даныхъ нашихъ; вол̾но и̉мъ будет̑ бүдовати и̉ млыны ку пожит̑кови своему в̾ тым̑ же кгрун̑тѣ, ѿ нас̑ назначономъ, и̉ в̾шелӕ̓́ки`` пожѝтокъ себѣ прив̾лащати, и̉ при̉множати, в̾ чымъ бы кол̑векъ на``пожи̉теч̑нѣ`` себѣ мѣти моглѝ. А то̀ үчини́ламъ длӕ з̾бавїенӕ дш҃ѣ моеѝ, ӕ̉ко и̉ длӕ вѣ́чнои̉ памӕти и̉ ѿпущенїӕ грѣховъ зешлого з̾ того свѣта кн҃зӕ михаи̓́ла вишневецкого, мѝлого малжонъка моего, абы такъ за дш҃у его̀, ӕ̉ко и̉ за нас̑ и̉ потом̑ки на́ши̉, на томъ ст҃омъ мѣстъцу мол̑ва до гд҃а бг҃а завше без̾престан̑но ѿ- /н҃г/ правова́тисӕ могла. Поручаемъ тот̑ крун̑тъ на үфүн̑дованїе мнс̑трӕ вышъ менованому гс̑дну ѿц҃ү и̉саїѝ, которомү и̉ другие два̀ монастырѣ под̑ прилу́кою, гүстын̑ски`` и̉ ла́дин̑ски``, такъ же на үфүндован̑е и̉ розмиоженӕ хвалы бж҃еѝ, житїӕ закон̑ного и̉ноческого старожит̑ноѝ релїѝ гречес̑кои`` восточ̑ного православїӕ, злециламъ, абы ѡ̓́нъ моглъ старан̑емъ своимъ всѐ доброе в̾ маетностӕх̑ иашихъ заднѣпрскихъ, такъ хрс̑тиӕн̑скимъ дш҃амъ, ӕ̓́ко и̉ славѣ́ домү нш҃му спра̀вити, и̉ в̾шелӕки`` порӕдокъ вестѝ, и̉ даю то ѡ̓́ному до живота̀ его̀. Єсли бы тежъ ѡ̓́нъ любъ самъ хотѣлъ ѡ̉ставити̉, любо ӕким̑ же кол̑векъ способомъ мѣли тые монастырѣ ѿ него ѿи̉ти, теды его коштъ влас̑ны`` и̉ накла́дъ, што ѡн̑ъ наложилъ, жа́дных̑ бра́нӕ ему̀ пожи́тъковъ не вымов̾лӕючи и̉ не вытруча́ючи, үвес̑ наклад̑ его̀ и̉ коштъ, которы`` кол̑векъ за старан̑емъ его̀ бы былъ, ѿ ма́ла и̉ до вели̓́ка, и̉ до намнѣ``шоѝ речи, гинути̉ не ма́етъ, такъ ѿ нас̑ самых̑, ӕко и̉ потом̾ковъ нашихъ, кому кол̑векъ бы ты́е мѣстъца ст҃ые в̾ напотом̑ны`` ча́съ ѡ̉ста̀тисӕ мѣли. Єсли бы тежъ ӕким̑ же кол̑векъ ѡ̉бы́чаемъ мѣлъ быти ѿ кого к̾ том̑ үкривжоны``, те́ды доходити свое́го накла̀дү и̉ кошту пра́вным̑ способомъ мо́цъ даемъ. Все тое тымъ листом̑ нашим̑ теперъ, и̉ в̾ напотом̑ные ча̀сы по нас̑ будүчимъ, варуемъ, абы ѡ̓́ному жад̑ноѝ крив̾ды и̉ үтра̀ты, ӕко духов̾но`` ѡ̉собѣ, бг҃омол̑цы нашому, не было̀ ни ѿ кого, и̉ по смр҃ти свое`` кому ѿн̑ вмѣсто себе, знаӕ̉чи, ӕко`` духовно`` ѡ̉собѣ побожно`` в̾ справован̑е тые ст҃ые кгды жъ ѡ̓́нъ тымъ всѣмъ монастыремъ фүн̾датором̑ и̉ почат̑комъ и̉ строи̉телем̑ естъ. И̉ хто бы кол̑векъ түю фүнда́цыю нарүша̀ти и̉ касова̀ти в̾ напотом̑ные часы мѣлъ, або ѡ̉ды``мовати, що`` мы раз̾ надали, або на старожитъную бл҃гочестивую восточ̑ную православную вѣру наступова̀ти и̉ ѿмѣнӕ̀ти, теды неха`` будетъ на немъ клӕтва ст҃ыхъ ѡ̉тецъ трѝста и̉ ѡ̉смънадесӕтъ, и̓́же бо никеѝ, и̉ роз̾судитъсӕ со мно́ю передъ маеста̀томъ бж҃їимъ. А длӕ лѣпшоѝ вѣры, вагѝ и̉ ствержѐнӕ, даю то`` мо`` ли̓́стъ, с̾ притиснен̑емъ печа̀ти̉ и̉ с̾ под̑писомъ руки мое́ѝ. Писанъ ү ви́шнев̾цү, ҂ах҃ѳі, мс̑цӕ їанүариӕ и҃і дн҃ӕ.


Рүкою влас̑ною


Мѣстъце печати кн҃гини вишневецъ кои. /н҃д/






Ж.

Мнс̑треви мга́рскомү.


Выпис̑ с̾ книг̑ зем̾скихъ воевод̑ства киевског̑, рокү ҂ах҃лв, мс̑цӕ ген̾варӕ к҃г дн҃ӕ.


На рокахъ сүдовыхъ зем̾скихъ киев̾скихъ, на зав̾трее по трехъ кролӕх̑, свӕте рымъскомъ, в̾ року выше`` написаномъ припалыхъ, и̉ сүди́тисӕ початыхъ, передо мною, стефаномъ ак̾сакомъ, сүд̑ею, а лүкашомъ витов̑ским̑, подъсуд̑комъ, үрӕд̑ни̉ками сүдовы̀ми зе́м̾скими киев̾скими, постановив̑шисӕ ѡ̉чевисто смирен̑ны`` пафноти`` ѡл̑шан̑ски``, закон̑никъ монастырӕ лүбенског̑, длӕ в̾писа̀нӕ до книгъ ны̀нешных̑ зем̾скихъ кїев̾скихъ, подалъ листъ кнӕжа̀ти̉ костан̑того корыбута вишневѐцкого, старосты черкас̑кого, под̑ датою в̾ залозцахъ, дн҃ӕ чотыринадесӕ́того марта, року ти́сӕча шест̑сотъ третегонадесӕт̑, на потвержен̑е кгрун̑товъ, до монастырӕ мгарского належачыхъ, ѡ̉ чомъ тот̑ листъ шире`` и̉ достаточ̑не в̾ себѣ ѡ̉бмов̾лӕѐтъ, просӕчи, абы при́нӕтъ и̉ до книгъ зем̾скихъ киев̾скихъ үписаны`` былъ, которого мы̀ сүдъ, при``муючи, перед̑ собою чита̀ти казали̉ есмо, и̉ так̾ сӕ в̾ собѣ мает̑. ́






S.

Фү́ндүшъ ӕ̓́сне ѡ̉свѥцоного кн҃зӕ михаи̓́ла корыбүта вишневецкого, на монастирь ладын̑ски`` даны`` длӕ ѡ̉граничен̑ӕ.


Ӕ̓́ семиѡ̓́нъ лыко, чиню вѣ́домо тым̑ моим̑ писан̑емъ, и̓́жъ был̑ мы принесени`` листъ ѿ ӕсне ѡ̉свецоного и̉ велмож̑ного кнӕжати, его млс̑ти, вишневѐцкого, старосты ѡ̓́вруцкого, писаны``, за набожными монахами закѡнү и̉ вѣры старожитное, церквы всход̑нее, при мѣстѣ прилүцѣ, абымъ и̓́мъ кгрүнтикъ ѡ̉граничилъ, которы`` то листъ, печат̑ю его кнӕжацкое млс̑ти запечатованы``, так̑ сӕ в̾ собѣ маетъ: /н҃є/ Михаи̓́лъ, ксїонже вишневе́цки``, старос̑та ѡ̉врүцки``, и̉ проч̑: кнӕже лико, здоровӕ и̉ помешканӕ доброго ѿ гс̑да бг҃а вмс̑ти зычү. Ӕ̓́кож̑ перве`` вмс̑ти поручилъ и̉ росказалъ, а̉бы сӕ там̑ тымъ чернцомъ прилүцким̑, ведлүгъ слүшности, кгрүнтикъ ѡ̉граничили, так̑ и̉ теперъ прошү, не лѣтүючи праци, зѣдь вмс̑ть и̉ ѡ̉граничъ и̓́хъ, а̉бы мнѣ бол̾ше`` ѡ̉ том̑ не докүчали, а̉бы не мѣли нѣ ѿкого жад̑нои перешкоды, а̉бы ѡ̓́ны своим̑ сӕ контен̑түючи, в̾ чүжое не вчѣповали, и̉ чүжиѣ теж̑ в̾ их̑ сӕ не вчѣповали, бг҃омолство собѣ тим̑ заробишъ вмс̑т. и̉ ү мене за послүшен̑ство подӕкован̑е. Затым̑ порүчаю вмс̑т. гс̑дү бг҃ү. З̾ вишнїов̑ца, дн҃ӕ s҃ а̉вгүста, ҂ах҃ді.

Ү того листү под̑писъ рүки кнӕжати, его млс̑ти, в̾ тие слова: рүкою своею. Теды ӕ̉, бүдүчи ревизором̑ маетносте`` е̉го млс̑ти үкраи́ннихъ, и̉ маючи за таковым̑ лыстом̑ росказан̑е, и̉ досит̑ ѡ̓́номү чинӕчи, и̉ маючи при собѣ люде`` певнихъ, без̾ үкривжен̑ӕ, под̑даныхъ, томъ монастыреви под̑горскомү кгрүнтъ, так̑ наробен̑е хлѣба, ӕ̉ко и̉ на сѣножати, так̑же и̉ на ставки, и̉ на млынъ належачи``, такемъ ѡ̉граничилъ: ѿ подищъ идүчи, ѿ погребцүвъ, ѿ реки үдаӕ до дороги мѣст̑ко``, ѿ подищъ дорогою до могили робленое, ѿ могыли до вершини рүды борщное, ѿтүл̑ до ѡ̓́строва, которого зовүтъ березовым̑ колкомъ, ѿтүл̑ до сокүл̑ли рѣчки, а сокүл̑лею рѣчкою до реки үдаӕ, а үдаем̑ зновү до погребцүвъ, и̉з островомъ, которы`` протывъ монастыра за үдаем̑ рекою. И̉ так̑ тотъ кгрүнтъ монас̑тиревы ѡ̓́значивъши и̉ ѡ̉граничивъши, подалемъ его и̓́гүмеиови и̉ братиӕм̑ его, чернцүмъ, в̾ споко``не үживан̑е, приказав̑ши под̑даным̑ всѣмъ, а̉бы жад̑ного встүпү и̉ үкривжен̑ӕ в̾ том̑ монастырѣ и̉ ѡграничен̑ном кгрүн̑тѣ не чинили. А̓́ длӕ лѣпше`` вѣри и̉ певнос̑ти того всего, на пис̑мѣ тое ѡ̓́граничен̑е далем̑ и̉гүменови и̉ братиӕм̑, которое и̉ рүкою моею власною под̑писалем̑ и̉ печат̑ю запечатовалем̑. Писан̑ ү мнс̑трү под̑горском̑, под̑ прилүкою бүдүчимъ, рокү ҂ах҃еі, мс̑цӕ септевриӕ е҃ дн҃ӕ.


Симеѡн̑ лыко, рукою власною.



/н҃д/






З.

Фү́ндүшъ ӕ̓́сне ѡ̓́свїецоноѣ кн҃гини михаи̓́ловоѣ коръıбүтовоѣ, вишнѐвецкоѣ, старостиноѣ ѡ̓́врүцкоѣ.


Раи́на могилӕн̑ка корыбүтова, ксен̑жна вишневѐцкаӕ, старостинаӕ ѡ̓́врүцкаӕ.


Ѻ̓́зна``мү́ю тым̑ листом̑ нашимъ, комү бы ѡ̓́ том̑ вѣдати належало, и̓́жъ ӕ, за прозбою гс̑дна ѿц҃а иса́иѣ, и̓́гүмена гүстин̑ского и̉ под̑горского, монастиревъ мои̓́хъ заднѣпрскихъ, позволӕю му`` монасти́ръ ладин̑ски`` под̑горски`` фүн̑довати на монастѝръ дѣви́чи``, и̓́нокинӕм̑ черницам̑, меновите сестрѣ ѡц҃а и̓́саѝѣ рожо́но``, и̓́нокинѣ алеѯан̑дрѣ, и̓́гүменїѝ, и̉ подаю е́го ѡ̓́нү`` в̾ завѣдован̑е и̉ справоване до живота еѝ, абы з̾ сест̑рами черницами, по воли гс̑да бг҃а ѡ̉бще живүчи, за насъ и̉ потом̑ки гс̑да бг҃а просили, и̉ подаю е`` ве владзү и̉ моцъ монастиръ мо`` ладин̑ски``, зо всѣми кгрүн̑тами и̉ пожит̑ками, з̾ селом̑ ла̀дином̑ и̉ рѣч̑кою ладин̑кою, ѿ прилүки двѣ милѣ, и̉ кгрүн̑тъ ѡ̓́значаю вед̑лүгъ ѡг̑раниченӕ, ӕ̉ко кн҃зь лы́ко, з̾ рос̑казанӕ сла́вноѣ памӕтѝ кж̑. миха́и̓́ла вишневѐцкого, ми́лого мал̑жон̑ка мое́го, ѡ̉граничилъ, ни прида́ючи, ни в̾ чим̑ ү``мүючѝ, ӕ̉ко сӕ в̾ собѣ мает̑, ни ѿ ко́го жад̑ноѣ перешкоды не ма́ючи, та́къ ѿ слүгъ арен̑даро́въ, ӕ̓́ко тежъ и̉ под̑данихъ на́шихъ. А̓́ то үчинилам̑ длӕ проз̾би ѿц҃а и̓́са́и̉ѣ, и̉гүмена вышъ менова́ного монастировъ мои̉хъ, ӕко те́жъ и̉ длӕ ѿпүщенӕ грѣховъ моѝхъ, а̉бы в̾ тым̑ монастирү за́в̾ше за на́съ и̉ потом̑ки нш҃и мол̑ва до гс̑да бг҃а ѿправова̀тисӕ могла̀. А̓́ длӕ лѣпшеѣ вѣры и̉ ва́ги даю то`` мо`` лист̑ с̾ притиснен̑емъ печати и̉ под̑писом̑ рүки на́шеѣ. Пи́санъ ү вишнев̾цү, ро́кү ҂ах҃ѳі, анүа̀риӕ и҃і дн҃ӕ.


Рүкою влас̑ною.




/н҃з/






И.

Постановѐне под̑даним̑и, ӕ̉къ мают̑ пан̑щинү робити, ѿ їсаи̉ѣ копин̑кого, ар̑xиепс̑па и̉ еѯар̑хи пат̑риӕр̑шого.


І̓́саи̓́ӕ копин̾ски``, млс̑тию бж҃иею епс̑пъ и̓́ еѯа́рха патри̓́ӕрши``.


Вѣдомо чиним̑, и̓́жъ, што просили на́съ, под̑дание цр҃ковни̉е ладин̑ские, абы е̓́смо межи ними пора́докъ үчини́ли, хто з̾ нихъ ӕ̓́күю повин̑ност̑ на́мъ на цр҃ковъ бж҃ию дава́ти и̓́ чинит̑ бү́детъ повиненъ; що мы, видӕчи речъ слү́шнүю, и постерега̀ючи те́жъ, абы ничо́го бол̑ше`` на нихъ над̑ слүшност̑ и̓́ звича`` не витӕга́но, тол̑ко вед̑лүгъ того постанове́нӕ на́шего было вра́но, теди, знесшисӕ з̾ ними, за проз̾бою и̓́хъ, всеѣ грома́ды ла́дин̑ское, на то`` ча́съ тако́е постанове́не үчини́ли. Єсли и̓́жъ ко́жди`` з̾ нихъ в̾ ро́къ повин̑ност̑ на́мъ на це́рковъ бж҃ию чиних̑ вед̑лүгъ реестру быв̾шого намѣст̑ника на́шего ладин̑ского, мартирїӕ, в̾ ро́кү хк҃и-мъ бра́ного, ед̑накъ не вед̑лүгъ үваже́нӕ перед̑ тим̑ брано, и̓́ли ү можнѣ``шихъ, которие ма̀ют̑ плү́гъ воло́въ, або даст̑ гс̑дь бг҃ъ бүдүт̑ мѣти па̀сѣку и̓́ ин̑шихъ добродѣ``ствъ на кгрү́н̾ти церковном̑, и̉маючисӕ добре над̑ инъши́хъ, то и̉ ѡ̉в̾ше вед̑лүгъ пожит̑кү, мает̑ности и үваже́нӕ на́съ, або намѣстника нашего, всӕкүю повин̑ност̑ чинит̑ и̉ дава́ти повин̑ни бүдүт̑. До того всѣ разом̑, кожди`` з̾ ни́хъ, такъ конние, ӕко и̓́ пѣшие толокою повин̑ни сѣна косит̑ де́нь, и̓́ тое погребти, и̓́ до мнс̑тра возит̑ што пот̑реба; та́къ же жита толокою ѡ̓́зи́мини де́нь ѡ̓́ди́нъ, а ӕ̉рини день. До того кожди`` з̾ нихъ, хто ко́нѣ ма́етъ, дро́въ по десӕти возо́въ ви́везти; съ ти́хъ же кон̑нихъ з̾ десӕти чл҃ковъ в̾ ро́къ повин̑ни под̑водъ по чотири съ чим̑ сӕ тра́фитъ, за десӕт̑ мил̑ вози́ти̉, шарва́рокъ до гребле`` кожди`` з̾ нихъ, и̓́ длӕ самихъ себе дернъ, хворост̑, соло́мү, и̉ што потре́ба до гребли возит̑, и̉ли направоват̑, кром̑ си́панӕ грабарского. А хто бы з̾ нихъ, бүдүчи непослү́шни``, на греблю не ви́елъ, або не ви``шол̑, такови`` повиненъ бүдет̑ ѡ̓́гүрного s҃ гро́ше`` дат̑, а де́нь пред̑цӕ ѿробитъ. И̉ на то есмо и̉мъ дали се`` лист̑ съ притисненемъ печа̀ти и̉ с̾ под̑писом̑ руки нш҃о``. Писа́нъ в̾ Ладинѣ, року ҂ах҃ки, їю́лӕ а҃і дн҃ӕ.


Рүкою влас̑ною.

/н҃и/






І.

А̓́ се`` ѡ̉граничен̑е ѿ его млс̑ти пана пєтра дорошенка, полковника на тотъ часъ во``ска его црс̑кого прес̑вѣтлого величества запорож̑ского прилүцкого, котори`` ѿ себе люды`` зацных посылавъ, а̉бы ведлүгъ фү́ндүшү ӕ̓́сне ѡ̉свєцонихъ кн҃жатъ вишневе́цкиx̾ граници ѡ̉глӕдѣли, ро́кү ҂ах҃нз, маїӕ к҃з днӕ.


Вѣдомо чиним̑ тимъ нашим̑ пис̑момъ, комү ѡ̉ том̑ вѣдати бүдетъ належало, теперъ и̉ напотом̑ бүдүчимъ, и̉жъ чст҃наӕ гс̑пожа їгүмениӕ мнс̑тра ладин̑ского, серафима зебров̑ска, весполъ з̾ сестрами свои̓́ми їнокинӕми, жадали пил̑но его млос̑ти пана петра дорошен̑ка, на тот̑ часъ пол̑ковника прилүцкого, при правѣ своем̑ ѿ ӕс̑не велможноѣ, еи̉ млс̑ти, кн҃гини вишневе́цкоѝ миха``ловоѝ, и̉ при лис̑тѣ велможного, его млс̑ти, пана гет̑мана во``ска его црс̑кого величес̑тва, а̉ то ѡ̉ ѡ̉граничен̑е кгрүнътү монастирского, теды панъ полковникъ зослалъ з̾ раменӕ своего, пана даниѣла маковецкого, ѡ̉бывателӕ прилүцкого, и̉ пана костӕ ничипоровича, бывшого во``та прүлүцког̑. А такъ будүчим̑ намъ зесланим̑ на тот̑ кгрүнътъ, при бытнос̑ти велеб̑ного ѿц҃а їѡ̓́сифа, їгүмена монастира гүстин̑ского, ил̑ӕшъ колтүнъ, и̉ ан̑тонъ шишъ, й̉ дем̑ко сказчен̑ко, ѡ̓́бывателѣ ладын̑скїе, люде старин̑ние, а с̾ подищъ филонъ бѣлоцерковецъ, и̉ гриц̾ко, е̓́нинъ зӕт̑, и̉ з̾ голүбовки рад̑ко, и̉ данило заѣка, а̉ з̾ ем̑ковец̾ и̉ванъ ш̾кет̑, и̉ ӕс̑ко гришчен̑ко. и иншие люде были; теди ѡ̉ни менован̑не провадили насъ границею, ӕ̓́ко з̾ давних̑ часовъ належало до монастира ладын̑ского, почавъши ѿ үдаӕ, мимо скитъ берег̑ровү дорож̾ною, в̾ долинү, до гребел̑ки мац̾ковоѝ, котораӕ роскопана, а ѿ гребел̑ки гостин̑цемъ барвин̑ским̑ до вершини ладин̑ки, а̉ ѿ вершини ладин̑ки до робленоѣ могили, а ѿ робленоѣ могили, через̾ гостинец̾ жүравски``, дорожнкою полон̑скою, до рѣчки сокүл̑ки, а ѿ сокүл̑ки над̑ удаем̑ до села ладин̑ского, на которих̑ мѣстцахъ и̉ знаки починили, а̉жъ дѣдовскаӕ громада меновали в̾ том̑ кгрүн̑тѣ ниве свое и̉ засѣвки, которие засѣв̑ки вол̑но зобрат̑, а грүнтъ до монастира належитъ. Кгды теды сее писан̑е ѡ̉казано ми было, петрови дорошен̑кѡви, полковникови во``ска его црс̑кого велич̑. запороз̾ского при-/н҃ѳ/ лүц̾комү, и̉ үстное вызнан̑е ѡ̉ том̑ үчинили, зослан̑ни ѿ мене панове даниел̑ маковецки`` и̉ костӕ ничипорович̑, прилүчане, и̓́жъ там̑ з̾ старожитними выше`` менован̑ними люд̑ми ѡ̉б̾ежджали тие кгрүнта; прето ӕ ихъ үзнан̑ӕ не касүю, и̉ ѡ̓́в̾шем̑ ствержа́ю. А̓́ и̉ж̾ нѣкоторие ѡ̉зивалисӕ зъ аппел̑ӕциею до самаго ӕс̑не велможного, е̉го млс̑ти, пана гетмана, добродѣӕ моего, теди и̉ того ни комү не зборонӕю. На чом̑ и̉ рүкү свою власнүю под̑писую, при печати мое``. Дан̑ в̾ прилүцѣ, рокү ҂ах҃нз, маӕ к҃з днӕ.


Петро дорошенко, пол̑ковник̑ его царс̑ веч̑ запор. прилүцких̑, рүкою власною.








К.

Теста́ментъ блажен̑о`` памӕти ѿц҃а аvѯен̑тїа, їгүмєна гүстинског̑, пред̑ставлшагосӕ рокү ҂ах҃чє, мс̑цӕ декавриӕ s҃і.


Во и̉мӕ ѿц҃а и̉ сн҃а и̉ ст҃го дх҃а, а̓́мин̾.

Ӕ̓́, рабъ бж҃їи̉, їеромонахъ а̉vѯен̑ти`` ӕкимович̑, їгүменъ монастира ѡбщижител̑ного гүстин̑ског̑ прилүцког̑, памӕтаючи на певнүю свою смерт̾, понваж̑ хто сӕ родит̑, мүсит̑ үмирати з̾ декретү бж҃ого, прето е̉ще за цѣлог̑ розүмү и̉з̾ үпол̑ноѣ памӕти моеѣ, чиню симъ тестаментом̑ мои̉мъ ѡ̉стат̑не`` волѣ мое`` росправү вѣчную; на``перво: дш҃ү мою порүчаю гд҃ү бг҃ү саваѡѳү, а̉ тѣло мое грѣшное землѣ, з̾ котороѣ е̉сте сотворен̑ні`` по речен̑омү пророком̑: Рүцѣ твоѝ, гд҃и, сотвори̉тѣ мӕ и̉ создаста мӕ. Що сӕ тычет̑ мает̑кү ӕ̉кого, быд̑ла, коне``, гроше``, ѡ̉дежды, книг̑ и̉ прочаӕ, все то не мое, але монас̑тирское и̉ братиѣ ѡ̉ хрс̑тѣ всѣхъ ѡ̉бщежител̑ных̑ гүстин̑ских̑, и̉ длӕ того не смѣю нѣкомү ѿказовати, таж̑ где на сторонү, ӕ̉ко и̉ түт̑ в̾ монас̑тирѣ, поневаж̾ ӕ̉ ѡ̉бще з̾ братїами жилъ и̉ нѣчог̑ собѣ самомү нѣколи не приспособлӕлъ, що ест̑ вѣдомо всѣмъ братїам̑. Так̑ тежъ немали`` час̑ живши на том̑ послүшаниѣ и̉гүминском̑, нѣкомү̀ нѣчог̑ монас̑тирского потаем̑не не давалм̑ до схованӕ и̉ до позичанӕ, хиба за вѣдомом̑ брати`` соборно`` давалосӕ и̉ позичалосӕ, ѡ̉ проч̑ милостинѣ үбогим̑, где сӕ трафило що /ѯ҃/ дати. Тое теж̑ правдиве признаю, же гс̑дь бг҃ъ, за моѣ грѣхи, ѡ̉бител̑ сїю ст̑. гүстиню и̉ нас̑ ѡ̉гнем̑ покарав̑, е̉днак̑ же, ӕ̉ко ѿц҃ъ милосердні`` и̉ чадолювиви``, все ѡ̉бновив̑, и̉ привернүлъ до лүчшоѣ ѡ̉здобы тое мѣсце ст҃ое, ѥго млс̑ти пн҃ү їванү само``ловичү, бүвшомү гетманү во``ска их̑ цр҃ског̑ прес̑т. велич̑. запороз̾ског̑, серце накировал̑, котори`` соим̑ панским̑ коштом̑ мүрованүю цр҃ковь зовсѣмъ вис̑тавилъ, за що великое бл҃годаренїе треба воздава̀ти гс̑дү бг҃ү, а̉ за фүндатора, е̉го̀ млс̑ти, пн҃а гетмана бүвшог̑ и̉ добродѣӕ нашего, поки вѣкү настүпцомъ моим̑ и̉ братїамъ гс̑дь бг҃ъ продол̑житъ, да бүдет̑ богомол̑е и̉ слава несмертел̑наӕ. А по исходѣ моемъ и̉з̾ сего свѣта, батїа, зде и̉нокүющїѣ в̾ гүстинѣ, мѣючи давнее право так̑ ѿ блажен̑ноѣ фүндаторки, кн҃гинѣ раи́ны могилӕн̑ки корибүтово`` вишневецко``, ӕ̉ко и̉ ѿ преѡ̉свӕщеиних̑, и̉хъ млс̑те``, славно`` памӕти митрополитов̑ кїев̾ских̑, петра могилы и̉ сvлвестра коссова, которое то право ѡ̉собно под̑писом̑ рүки своеѣ ствердил̑ ӕ̉сне в̾ б҃ү преѡ̉свӕщен̑ны`` православны`` кн҃зь, е̉го̀ мл̑., гс̑днъ ѿц҃ъ гедеѡн̑ свӕтополкъ, митрополит̑ кїев̾ски`` галицки`` и̉ всеӕ малыӕ россїѣ, епс̑кпъ лүцки`` и̉ ѡ̉строз̾ки``, и̉ просити его архипастирско`` млс̑ти, так̾же и̉ ӕ̉сне велмож̾наг̑ его мс̑. пн҃а їѡ̉нна мазепү, гетмана во``ска их̑ цр҃ског̑ пресвѣтлог̑ велич̑. запорозского, великог̑ добродзѣӕ нашего, жебы того права не касовано на вол̑ное ѡ̉биранїе и̉гумена, змежи себе кого братїа сами үлюбивши ѡ̉берүтъ, бг҃а сӕ боӕчоо̑ и̉ люд̑ского, а̉ з̾ инших̑ мнс̑тре``, котороѣ несвѣдоми чинү и̉ житиӕ ѡ̉бщого, не схотӕт̑ держати такових̑ не и̉збирати за игүмена, бо е̉сли сам̑ и̉гүменъ жити ѡ̉бще не бүдет̑, ӕ̓́к̾ же братию может̑ наставити? Ӕ̓́, поки мнѣ доброе здорове слүжило, за е̉дно и̉з̾ братїами и̉ напослүшаниѣ бывалъ, и̉ тим̑ сӕ контентовал̑, що и̉ братиӕ; а̉ вже коли себе ѡ̉бачилем̑ слабостю зжатого, мүсилем̑ собѣ фолкговати во всем̑. На Москвѣ былемъ кил̑ко разив̑, где мнѣ ѡ̉собливе самомү доставалосӕ ѿ правос̑лавних̑ цр҃е`` жалованӕ денег̑, такъ же и̉ ѿ ӕс̑не велможног̑ его мс̑. п. гетмана и̉ ѿ роз̾ных̑ зацних̑ люди`` що кол̑векъ гроше``, все ӕ̉ тое, брати`` соборныхъ зобравши, и̉ перед̑ ними клавъ и̉ давав̑ до полати на ѡ̉бщүю братнюю пот̑ребү, що видӕчи братїа, свӕщенники и̉ дїаконы, е́сли им̑ коли ѿ люди`` ӕких̑ зац̾них̑ достава̀лосӕ милостинѣ гроше``, ѿдавали и̉ ѿ̉ны̀ так̑же, и̉ так̑ во всем̑ бл҃гополүч̑но бж҃їею бл҃годатию жилис̑мо. А скоро собѣ, братие, ѡ̉берете стар̾шого, то ест̑ ѿц҃а їгүмена, и̉ з̾ ним̑ ѡ̉змете бл҃гословение ү̉ пастира и̉ архиереӕ належног̑, прошү и̉ ү̉поминаю вас̑, ѿц҃и и̉ братїе, шанү``те и̉ повинү``тесӕ ѐмү во всемъ, ӕ̉ко самомү хрс̑тү сп҃сителю, и̉же послүшлив̑ быв̑ /ѯ҃а/ даже до смерти, нам̑ ѡ̉ставил̑ ѡ̓́бразъ да пос̑лѣдүем̑ стопам̑ его, кгдыж̑ кож̑ды`` и̉гүменъ, за благословенїемъ своего п̾. ї пастира, на мѣсцү бж҃иимъ зостает̑, нѣст̾ бо власт̑, аще не ѿ бг҃а, а̉ противлӕӕ``сӕ влас̑ти, бж҃їю велѣнию противит̑сӕ; а̓́ще ли хощеши не боӕ́тисӕ власти, благое твори, и̉мѣти бүдеши похвалу ѿ нег̑, бж҃і`` бо слүга ест̑, ӕ̉ко же гл҃етъ вселеннѣ`` ү̉чител̑, павелъ ст҃ы``. Над̑ все повин̑нисте, братїе, межи собою мѣти з̾годү и̉ любовъ, бо е̉сли тое бүдет̑, на всем̑ вамъ пощастит̑сӕ, ѡ̉ сем̑ бо рече х҃с гд҃ь, поз̾нают̑ вси, ӕ̉ко мои̓́ ү̉ченици е̉сте, а́ще мѣти бүдете любовъ междү собою, бо где ест̑ з̾года и̉ любовъ, там̑ посредѣ ест̑ бг҃ъ, а̉ где нез̾года и̉ вражда, там̑ живетъ диӕвол̑ и̉ всӕкаӕ злаӕ вещъ. Фүндүши бл҃гочестивих̑ кн҃зе`` вишневец̾кихъ, и̉ гетманские үнѣвер̾сали на села и̉ млины, и̉ цр҃ские грамоти, так̑же и̉ записи на лѣси и̉ полӕ, щос̑мо прикүпили, в̾ доб̾ромъ ѡ̉патреню и̉ схованю мѣ``те; а̉ полӕ и̉ сѣножати на сторонү чүжим̑ людӕм̑, хот̑ бы и̉ з̾ десӕтины, не дава``те, бо в̾ нас̑ бывали и̉ бүвают̑ такие и̉кономи, же за подар̾ки и̉ познаемости, дают̑ монас̑тирские кгрүн̑та, а̉ потим̑ за ѿмѣною частих̑ и̉кономов̑ в̾ заб̾венїе тые приходӕт̑ полӕ и̉ люде прис̑воӕютъ, же з̾трүд̑на үпоминатисӕ потреба. При сем̑ мо`` поклонъ, нижа``ши`` ӕ̉ко послүшникъ, пн҃ү и̉ пастирү своемү з̾вѣр̾хнѣ``шемү ѿдаю, а̉ во пүт̑ то`` невидими`` и̉ страш̾ны``, гдем̑ е̉ще не бывал̑, ѡ благословенїе и̉ ѡ мл҃твы и̉ ѡ̉ прощенїе ар̾хиере``ское. покор̾не прошү. Ӕ̓́сне велмож̑номү, е̓́го млс̑. пн҃ү їванү мазепѣ, гетманү во``ска и̉хъ цр҃ског̑ пресвѣтлого величест̑ва запороз̾ског̑, поклонъ сво`` низки`` ѡ̉стат̑ны`` сотворӕю, и̉ покор̾не прошү его млс̑. ѡ̉ ласкү против̑ ѡ̉бители и̉ братїѝ гүстин̑ско``. Так̑ тежъ честные ѿц҃еве и̉ братие моѣ воз̾люблен̑ныѣ и̉ в̾ дх҃ү ст҃ом̑ сынове, и̉ вас̑ жекгнаю, стар̾шихъ и̉ меншихъ; а̉ еслим̑ ког̑ ѡ̉скор̾бихъ винне, ал̑бо и̉ невин̑не, прошү смирен̑но и̉ слезно всѣхъ честносте`` ваших̑, сподобѣте мӕ прощениӕ, и мл҃ѣтесӕ гс̑дү бг҃ү ѡ̉ мнѣ грѣшном̑, да и̉ вас̑ гс̑дь бг҃ъ простит̑ и̉ помилүет̑. Амин̑.


А̓́vѯенти`` ӕ̉кимович̑, и̉гүменъ недосто``ны`` гүстин̑ски``.


Да прошу чест̑. вш҃их̑ в̾ трүн̑нѣ дүбово``, которүю ӕ давно собѣ наготовал̑, в̾ то`` мене положѣте; да ест̑ лист̑ прощал̑ны`` ѿ ст҃ѣ``шаг̑ патрїархи алеѯан̑дри``скаг̑, паи́сїӕ, котори`` то лист̑ ү мое`` комүрцѣ, ү̉ листовнѣ, з̾ бѣлог̑ желѣза, и̉ то`` лист̑ жебы мо`` дүхов̑ни`` надо м̑ною прочитавши, зо мною и̉ похова``те. А коли гс̑дь бг҃ъ припровадит̑ архи-/ѯ҃в/ пастира нш҃его, преѡ̉свӕщен̑ог̑ митрополита кїев̾ского и̉ всеӕ малыӕ россїѣ, до ѡ̉бители нш҃е`` гүстин̑ско``, просѣте е̓́ мл̑., щов̾ над̑ моим̑ гробом̑ сотворилъ, з̾ ласки своеѣ панскоѣ, молит̑вү а̉рхиире``скүю прощал̑нүю. Що все вед̑луг̑ волѣ и̉ тестамен̑тү сего моего абы ненарүшено ѡ̉ставало, покорне кож̑дог̑ прошү. Какъ времӕ при``дет̑ класти мое грѣшное тѣло до гробү, и̉з̾вол̑те в̾ слүх̑ всѣмъ прочитати казати се`` мо`` малы`` тестаментъ, а̉ по сем̑ прощал̑ны`` пат̑рїарши`` выше``менованы``, вїел̑це прошү. Писалем̑ в̾ гүстинѣ мнс̑трү троецким̑ прилүцким̑, рокү ҂ах҃че, а̓́вгүс̑та а҃і.






Л.

Ра́зныӕ замѣ́тки.


Рокү ҂ах҃оа҃, мс̑ца ноебрїѧ дн҃ѧ к҃и, з̾ сүботы на неделю, на трете`` годинѣ в нощъ, з̾ бж҃ого допүщенӕ̀ в̾ гүстынѣ мнс̑трѣ прилуц̾комъ, цр҃ковъ вели́каӕ тро``цы живоначал̑но`` со всею красотою своею̀ з̾горѣла, такъ же и̉ дз̾вон̑ницӕ новаӕ коштовнаӕ з̾ чотырми великими дзвонами, үез̾днаӕ, вакшта беликаӕ, и̉ бакшта дрүгаӕ з̾ горницею, и̉ полата мнс̑трскаӕ, зо всѣмъ с̾ прӕтом̑ мнс̑трким̑ з̾горѣла, такъ же жъ келїѝ, и̉гумен̑скаӕ, намѣсницкаӕ, үставницкаӕ, економ̑скаӕ, и̓́жъ всѣхъ келїи̉ шест̑над̑цӕт̑ з̾горѣло. А пред̑сӕ з̾ ласки бж҃еѝ, за мл҃твами прс̑тоѝ бд̑ци, бол̾шаӕ половица цѣлого мнс̑трӕ ѡ̉сталасӕ, то ес̑ цр҃ковъ на бакштѣ ст҃ыхъ верховных̑ апс̑тлъ, и̉ цр҃ковъ дрүгаӕ үспенѝе прс̑тыӕ дв҃ы бд̑ци в̾ трапезѣ, и̉ кел̑їѝ бол̑шыѝ понад̑ рѣкою; а тое ста́лосӕ за и̉гумен̑ства на тот̑ часъ авѯен̑тїѧ їѡ̓́а́кимовича.

А перед̑ тым̑ рокү ҂ах҃лs то``же мос̑тръ гүстын̑ки`` үвес̑ выгорѣвъ, и̉ цр҃ковъ, трапеза и̉ кел̑лїи всѣ, и̉ длӕ того прозыва́етъсӕ тое мѣстъце старымъ монастыромъ, где теперъ ѡгород̑ и̉з̾ садом̑.

Ро́кү ҂ах҃ов, посли того̀ страшног̑ пожарю, бл҃годатию бж҃иею, з̾бүдовали бакштү и̉ дз̾вон̑ницю и̉ повыливали дз̾воны, и̉ келїи̉ мало под̑ десӕтокъ поставили, з̾ чого гд҃у бг҃у хвала, и̉ прс̑то`` гс̑пжѣ бц҃и, котораӕ все з̾рүинован̑ное ст҃ое мѣстъце ѡ̉гнемъ, ѡ̉гнемъ милосердиӕ своего направити и̉ үстрои̉ти можетъ, и̉ до першои и̾ каснѣи̉шои ѡ̉здобы припроводить. /ѯ҃г/


Ѻ̓́ заложеню цр҃кви мүрованоѝ посли того страшного пожарю, которо`` заложен̑е было на празд̾дникъ прс̑тыӕ живоначал̑ныӕ и̉ нераздѣлимыӕ тро``цы, и̉ сиѐ, ниже`` положен̑ное, пис̾мо во̑ камен̑ четвероүгол̾ны``, на котором̑ крест̑ выбиты`` и̉ шүфлӕда, где пис̾мо на паргаминѣ тыми словы писано, и̉ мощи розныхъ ст҃ыхъ в̾ то`` же камен̑ на фүн̑дамен̑тъ, где в̾ ѡ̉лтарю горнее сѣдалище, в̾ложен̑но, тыми сло́вы писан̑ное:



Во и̉мӕ ѿц҃а, и̉ сн҃а, и̉ ст҃ого дх҃а, амин̑.


Ѻ̓́снова́сӕ сиӕ церковъ, храмъ прс̑тыӕ живоначал̑ныӕ и̉ нераздѣлимыӕ тро``цы, в̾ мнс̑трю ѡ̉бщежител̑номъ гүстын̑ском̑, при державѣ бл҃говѣрного, бл҃гочестивого цр҃ӕ нш҃его и̉ великого кн҃зӕ, а̓́леѯѣӕ миха``ловича, всеӕ великїӕ, малыӕ и̓́ бѣлыӕ россїи самодержца, и̉ при ктиторѣ ст҃ыӕ ѡ̉бители сеӕ гүсты́нѣ, ӕ̓́сне вел̾можномъ, его млс̑ти пану и̉ѡан̑нү само``ловичү, гетманү его цр҃ского пресвѣтлого величес̑тва, во``ска запорозского, и̉ за бл҃гословениемъ ст҃ителӕ, ӕ̓́сне в̾ бг҃у преѡ̉с̑щен̑ного, его млс̑ти гс̑дна ѿц҃а лазарӕ барановича, архиепс̑па чернѣговскаго, новогород̑ског̑ и̉ всего сѣвера, а за и̉гүмен̑ства на то`` час̑ в̾ бг҃у превелебного гс̑дна ѿц҃а авѯен̑тиӕ їѿ̉акимовича, и̉ все`` ѡ̉ хрс̑тѣ братїѝ его̀, року ҂ах҃од, мс̑цӕ їюнӕ и҃ дн҃ӕ, и̉ положены в̾ томъ камени мощи ст҃ого и̉ прпд̑бного ѿц҃а нашого пимина печерского, и̉ прочихъ свӕтыхъ, бл҃гоүханїӕ и̉сполнен̑ныхъ, мощи, и̉хъ же и̓́мена самъ гс̑дь бг҃ъ вѣс̑. Такожде з̾дѣ полагаетъсӕ част̑ка каменӕ з̾ выѳлеѡм̑ского вертепа, где гс̑дь нш҃ъ їс҃. хс҃. народил̑сӕ; здѣ же положенъ и̉ камен̑ ѿ горы̀ ст҃и̉, нарицаемыӕ четыредесӕт̑ницы скалы̀, где самъ х҃с. сѣдѣлъ, и̉деже сатана и̉скушалъ алчущаг̑ хрс̑та; р̾цѝ, рече, каменїю семү да хлѣбы бүдүтъ. Тутъ же вложен̑а и̉ землӕ ст҃аӕ з̾ под̑ каменӕ н̉ѡр̾данского, где х҃с. крестил̑сӕ, ему же слава буди со без̾начал̑ным̑ его ѿц҃емъ и̉ прс̑тымъ, бл҃гимъ и̉ животворӕщим̑ дх҃омъ, нн҃ѣ и̉ прс̑но и̉ бо вѣки вѣком̑, аминь.

Рокү ҂ах҃ог, їюнӕ мс̑ца, колодӕзь з̾мүровано посред̑ монас̑тырӕ, и̉ колесо з̾ двома вѣдрами великими үроблено, которыми и̉ тепер̾ водү тӕгнүтъ, у котораго колодӕзӕ и̉ церковъ з̾мүровано, рокү ҂ах҃оs, августа а҃.

҂ах҃пз, їюлӕ к҃г, нав̑ коломаком̑ ег̑. мл̑. п̾. ївана само``ловича з̾ гетманства зложено, а вмѣсто его ег̑ мл̑. п̾. ївана мазепү наставлено гетманом̑.

Тогож̑ рокү, а̉ мс̑цӕ а̉vгүста в҃, пострадал̑ невин̑ное ү̉би``ство ѿ своих̑ пол̑чанъ пн҃ъ лазаръ горленко, полковник̑ стародавны`` прилүцки``, и̉ похованы`` в̾ рүнѣ там̑же, в̾ по-/ѯ҃д/ полю, межи кодаком̑ и̉ самарю, где и̉ могилү знач̑нүю висипано над̑ ним̑ в̾ кот̑ро`` лѣтъ і҃ лежал̑; а̉ кгды гс̑дь бг҃ъ накеровал̑ серце е̓́го мл̑. пн҃ү димит̑рию горленкү, полковникү прилүцкому, сынү и̉ нас̑лѣдникү его̀, за вѣдомостю гетманскою бүдүчи з̾ полком̑ своим̑ на том̑ же мѣсцү, ѿкопал̑ тѣло милог̑ пн҃а родича своего и̉ почѐсне допровадил̑ до прилүки, а ѿтолӕ до мнс̑трӕ нш҃его, гүстинѣ, идеже с̾ пѣнїемъ над̑гробнымъ положил̑сӕ в̾ склепѣ, в̾ велико`` цр҃квѣ прс̑то`` тро``ци мүровано``, рокү ҂ах҃чз, септ̑ е҃і.


Рокү бж҃ого ҂х҃чз, мс̑цӕ ноевриӕ и҃ дн҃ӕ, бл҃город̑ны``, его млс̑ть, пн҃ъ димитри`` горленко, полковникъ е̓́го цр҃с. прес̑. вел̑ч. во``ска запороз., прилүцки`` ӕ̉ко горливы`` сынъ цр҃кви бж҃е`` и̉ любӕчи`` бл҃голѣпїе еӕ̓́, приѡздобилъ и̉конү намѣстнүю прс̑тыӕ бг҃род̑ци шатою сребрӕною позлащенною, свом̑ панским̑ коштом̑, в̾ мнс̑трү нш҃ем̑ гүстинѣ, во храмѣ прс̑тыӕ тро``ци, мүрованом̑.


Началъ їгүменовати ѿц҃ъ а̉vѯен̑ти`` ѿ рокү ҂ах҃ѯе, генвара к҃з.

Начал̑ їгуменъствовати ѿц҃ъ и̉ѡ̉въ ѿ рокү ҂аψ҃г, августа s҃. /65/













Попередня     Головна     Наступна (Додатки М-Т)         Шрифт


Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.