БЕСІДА ТРЬОХ СВЯТИТЕЛЕЙ
Григорий рече: Кто первый наречеся на земли? — Василий рече: Сатанаилъ наречеся первый и причтенъ бысть... ко ангеломь, за гордость же его нареченъ бысть сатана — диаволъ, изверженъ ангеломъ съ небесе на землю прежде создания Адамля за 4 дне.
Василий рече: Что высота небесная, широта земная, глубина морская? — Иоаннъ рече: отец, сынъ и святой духъ.
Василий рече: ГдЂ богъ первЂя жилъ, иже не бысть свЂта? — Иоаннъ рече: Суть каморы три на воздусЂхъ, ту бяше господь въ трехъ каморЂхъ, агнцемъ, а свЂту тогда не бысть.
Григорий рече: Протолкуй ми троицу въ трехъ каморехъ. — Иоаннъ рече: отецъ, сынъ и святый духъ, единъ свЂть, а трое огнь.
Василий рече: Отъ чего суть ангели сотворены? — Григорий рече: Отъ духа господня, отъ свЂта и отъ огня.
Василий рече: Отъ чего солнце сотворено бысть? — Иоаннъ рече: Отъ выспренныя ризы господни.
Григорий рече: Отъ чего луна сотворена бысть? — рече: Отъ аера и отъ воздуха и отъ престола господня.
Иоаннъ рече: Отъ чего громъ и молния сотворено бысть? — Василий рече: Гласъ господень въ колесницЂ огненной утверженъ и ангела громная приставлена.
Григорий рече: Колико вЂтровъ? — Иоаннъ рече: 12 вЂтровъ.
Соломонъ рече: Что суть 4 рози на земли? — Иоаннъ рече: Четыре евангелисты, на востоцЂ Матфей, человЂческимъ; на западЂ Марко, телчимъ; на сЂверЂ Иоаннъ, орлимъ; на юзЂ Лука, лвовымъ образми, вси бо крылати.
Григорий рече: Отъ коликихъ частей сотворенъ бысть Адамъ?
Василий рече: Отъ осми частей: 1, отъ земли тЂло; 2, отъ камня кости; 3, отъ Чермнаго моря кровь; 4, отъ солнца очи; 5, отъ облакъ мысль; 6, отъ востока дыхание власы; 7, отъ свЂта дух; 8, самъ господь вдохнулъ ему душу и покори ему всяческая видимоя и невидимоя въ водахъ и въ горахъ, на земли и по воздуху.
Иоаннъ рече: Колико пребысть Адамъ въ раю? — Василий рече: Отъ шестаго часа до 9-го.
Григорий рече: ГдЂ вселися Адамъ, егда изгнанъ бысть изъ рая? — Иоаннъ рече: Вь земли мадимстЂй, тамо созданъ, тамъ же и умре и погребенъ бысть, в той же земли здЂлан бысть ковчегъ Ноевъ.
Василий рече: Колико горъ высокихъ, и морей и рЂкъ великихъ? — Григорий рече: Горъ великихъ 12, а морь 20, а рЂкъ великихъ 30, а изъ рая идутъ 4 рЂки, Тигръ, Фисонъ, Ефратъ, и Геилъ.
Григорий рече: Колико островов великихъ? — Василий рече: 72, а въ тЂхъ островахъ 72 языковъ разныхъ.
Григорий рече: Колико костей въ человЂцЂ? — Иоаннъ рече: 295, а составовъ толкожъ.
Василий рече: Кому богъ сослалъ первЂя грамоту? — Григорий рече: Къ Сифу сыну Адамову, 10 заповЂдей.
Иоаннъ рече: Кий гласъ изыде отъ востока до запада? — Григорий рече: Уби Каинъ Авеля, брата своего.
Григорий рече: Когда возрадовася весь миръ? — Василий рече: Егда изыде Ной изъ ковчега.
Иоаннъ рече: Который звЂрь въ ковчезЂ не былъ? — Василий рече: Рыба китъ.
Василий рече: Который градъ стоялъ между небомъ и землею? — Григорий рече: Ковчегъ Ноевъ.
Иоаннъ рече: Кто ся научи первЂе на земли богу кланятися на востокъ? — Григорий рече: Моисей пророкъ на горЂ, егда видЂ неопалимую купину.
Иоаннъ рече: Который пророкъ не погребенъ бысть? — Григорий рече: Моисей на горЂ Афавеи, и внесе его ангелъ въ рай.
Василий рече: Водянъ замокъ, древянъ ключь, заяцъ убЂглъ, а ловецъ утоплъ? — Иоаннъ рече: Моисей удари жезломъ и проведе люди своя сквозЂ Чермное море. Тогда начаше пещи опрЂсноки на главахъ отъ солнца, господеви на службу.
Василий рече: Кая два супостата борется на свЂтЂ день и нощь? — Иоаннъ рече: Смерть и животъ.
Григорий рече: Кая мати дЂти своя съсеть? — Иоаннъ рече: Море рЂки.
Иоаннъ рече: Что есть гробъ хождаше, а въ немъ мертвецъ пояше? — Василий рече: Китъ въ мори хождаше, а Иона во чре†пЂснь богу пояше.
Григорий рече: ВидЂхъ змия лежаща при пути, хотяше коня за ногу ухватить, конь же пады на заднюю пяту, жды избавления отъ господа бога своего? — Иоаннъ рече: Конь есть правая вЂра християнская, а путь — миръ сей, а змий — антихристъ, а пята послЂдния дни вЂка сего.
Василий рече: Яко вода покры море? — Григорий рече: Вода — учение книжное, а море миръ наречеся.
Иоаннъ рече: Будутъ въ лузЂхъ ограды овцамъ? — Василий рече: Лугъ нарицается рай, а ограды — райския мЂста, а овцы — вЂрныя люди, работаютъ богу, а не диаволу.
Василий рече: Егда разбогатЂетъ человЂкъ, или умножится славы дому его? — Григорий рече: Июда, приемъ цЂну, и удавися, а присное остави; такожъ и вси избираютъ неправдою, умираютъ отъ богатства своего, а все останется.
ИНЫЕ ВОПРОСЫ ПО ОТВЂТАМЪ, ВЪ КИ ДЕНЬ И ЧАС СОТВОРИ ГОСПОДЪ ПЕРВАГО АДАМА И ПРОТЧАЯ ПО СИХЪ
Отъ чего сотворенъ бысть Адамъ? — Отъ осьми частей, въ шестой день сотворения земли, въ 6-й часъ дне, а мЂра. тЂла его 24 лакти.
Который первый пророкъ на земли? — Адамъ.
Что есть, пророчествова Адамъ? — Егда сотвори господь Адама отъ земли, и дуну на него богъ и оживе Адамъ, и посади его господь богъ на престолЂ и рече богъ: благослови, владыко, и воста Адамъ отъ престола и рече: благословенно царство отца и сына и святаго духа, и первое пророчество далъ о святЂй троицы; и егда заснувъ Адамъ въ раю, и воста отъ сна, и рече ему господь: «Адаме, что еси видЂлъ во снЂ?» Адамъ же рече: «ВидЂхъ, господи, Петра идуща въ Римъ, а Павла въ Дамаскъ, а Иоанна Богослова во Ефесъ, а тебя, господи, видЂхъ распята на крестЂ во ИерусалимЂ, на Голъхо※. То есть пророчество Адамово.
За колико лЂть до распятия Христова пророчествовалъ? — За 5538 лЂть.
Что есть, стоитъ древо цвЂту полно, подъ нимъ корыты, а на дре†сидитъ голубь, и цвЂту урвавши въ корыто мещеть, цвЂту не умаляется, а корыто не наполнится? — Древо — земля, и цвЂтъ — людие, а корыты — могилы, а голубь — смерть.
Что есть божие въ мЂрахъ и что безъ мЂры? — Милость божия безъ мЂры, а наказание въ мЂрахъ.
Что есть: ни отъ двоего мочно убЂжати, ни двоего мочно постигнути? — Смерти не мочно убЂжати ни старости; а младости, ни живота не достигнути.
Что есть: два стоятъ, два идутъ, два минуются? — Два стоять, — небо и земля, а два идутъ — солнце и луна, а два минуются — день и нощь.
Что есть ни небо, ни земля, но животъ, и видомъ сотворено бысть, на немъ же раждаются птицы пернаты, и отъ тЂхъ птицъ два назираютъ, три созидають, единъ повелЂваетъ? — Видомъ сотворенъ бысть человЂкъ, а птицы пернаты, то есть очи, руцЂ, языкъ: егда начнеши писать, то очи созираютъ, руцЂ созидаютъ, языкъ повелЂваетъ.
Рай ли прежде Адама сотворенъ, или Адамъ прежде рая? — Рай прежде Адама уготова ему бог жилище, апотомъ Адамъ сотворенъ, и введенъ бысть въ рай, и пребысть въ немъ отъ шестаго часа до 9-го; такожде и муки уготованы прежде грЂшниковъ.
Чего ради бог родися отъ жены и водою крестися и на дре†распять бысть? — Якоже женою прелсти Адама, и отпаде рая, тако и бог, отместие творя диаволу, того ради отъ жены родися; Адамъ отъ древа вкуси и породы отпаде, а богъ, на дре†руцЂ распростеръ, диавола побЂди древомь; и водою грЂхъ ради потопи весь родъ человЂческий, того ради бог водою крестися, и обновление всему миру дарова.
Которы 3 вещи не имуть сытости? — Око зрЂния, ухо — слышания, гортань — сладости.
Что есть мЂра отъ востока до запада? — Солнце и луна и звЂзды.
Который первый грЂхъ на земли? — Зависть и превозношение.
Что есть падения великая человЂку? — Славолюбие, сластолюбие, сребролюбие.
Что есть лутчея всего человЂку? — Лутчие всего человЂку — > богу угодити и душа спасти; не тотъ есть мудръ и хитръ, кто грамотЂ умЂет и языкомъ речевитъ: аще и всю землю обладаетъ, а душу свою погубитъ, ничто же есть; тотъ и хитръ, мудръ кто душу свою спасетъ и живъ будетъ во вЂки.
Что есть хуждши всего человЂку? — Отчаяние, непокаяние: тотъ человЂк не наслЂдить царства небеснаго, а кающагося богъ любитъ: ни отецъ до дЂтей, что бог до людей.
Что есть лучши всего человЂку и корыстнЂе? — Здравие тЂлесное и счастие доброе; аще лежитъ человЂк при смерти, тогда богатство и брашно не угодно ему есть.
Что есть сладчае всего человЂку? — Сладчае всего человЂку грЂхъ: въ малЂ сластитъ, а во вЂки мучитъ.
Что есть пловущее у человЂка? — ПловущЂе всего — слово у человЂка да огнь, словомъ бо погибаютъ многия царства, и добрая и злая сотворяются, а отъ огня, отъ единыя искры, всякия вещи пополяются.
Что есть всего быстрЂя и рЂзвЂя у человЂка? — Очи у человЂка и мысль, во мгновение ока доиде до небеси.
Что есть: ни псомъ, ни свиниямъ не угодно злато и сребро? — Безумнымъ человЂкомъ и жестокосердымъ драгая слова.
Кто родися прежде Адама съ брадою? — Козелъ.
Отъ чего звЂрие и скоти сотворены суть? — Отъ земли, прежде Адама и по АдамЂ.
Что есть птица съ воробья, а мяса въ ней съ яловицу? — Во азбукЂ словъ немного, а складомъ книгъ премножество много.
Что есть: четыре орлы едино яйцо снесли? — Четыре евангелисты написали святое Евангелие.
Что есть: 12 кузнецовъ въ 12 молотовъ на единомъ наковолнЂ куютъ? — Наковолна — слово божие; а 12 кузнецовъ — апостоловъ, 12 на четыре страны слово божие по всей вселеннЂй, и во второе Христово пришествие поставятся престоли, тогда и они сядутъ на 12 престолахъ, судяще обЂманадесяте колЂнома иизраилевыма.
Что есть: стоитъ конь на голЂ гумнЂ, не имЂя ни травы, ни жита, а всегда сытъ? — Нищий человЂкъ, не имЂя у себя ничего, а бога славитъ, — всегда сытъ бываетъ.
Горе граду тому, въ немъ же царь юнъ и бояре его рано пиютъ и ядятъ? — Градъ — человЂкъ, а царь юнъ — непостояненъ умъ, а бояре его — помыслы: помышляше земная и небесное сЂмо и овамо.
Что есть ковчегъ, и въ немъ Ной, и голубь, и листъ и сучецъ масличный? — Ковчегъ есть церковь, а Ной — Христосъ, а голубь — духъ святый, а листъ, масличный сучецъ — человЂколюбие божие на насъ и милость испущаетъ.
Что есть: стоитъ бЂлъ щитъ, а на немъ сидитъ соколъ, и прилетЂла злая сова и отгнала сокола? — БЂлъ щитъ — свЂтъ сей, а на немъ сидитъ соколъ — то есть правда; а прилетЂла злая сова — то есть кривда, и отгнала правду, а лжи — кривда осталася.
Что человЂку силнЂя всего? — СилнЂя всего человЂку правда и любовь: тотъ человЂкъ не убоится ничего; правда и любовь человЂка отъ смерти избавляетъ, — аще человЂкъ мертвыя воскрешаетъ и горы преставляетъ, а любви и правды не имЂеть, ничто же есть.
Что есть дивнЂя всего человЂку? — Небо и земля дивно и все дЂло вышнего.
Что есть человЂку тяжелЂя всего носить? — ТяжелЂя всего глупство и упрямство учить человЂка: вода великия корабли поднимаетъ, а малого камня всЂмъ моремъ не подъиметъ; ни моря пречерпати, ни мертвеца воскресити, ни утла судна налити; тако и глупова и упрямова человЂка всЂмъ миромъ не научитъ.
Что человеку крЂпчае всего? — КрЂпчае всего человЂку добрый разумъ: умнаго человЂка и на чужЂ странЂ знаютъ, а безумнаго и глупова и во своемъ градЂ ненавидятъ; что кораблю добрый вЂтръ красота, тако и человЂку добрый разумъ красота.
Что есть: нЂкий градъ бяше, а въ немъ царь съ царицею и съ любовными други; и приде ко граду высокоумный велможа и взятъ весь градъ, а царя изъ града изгна; и любовныя его други разыдутся, тогда во градЂ томъ восплачется едина царица, аки заключенная голубица? — Градъ убо — человЂкъ, а царь — умъ, а царица — душа, а друзи — мысли, а высокоумный велможа — хмель.
Коль велицы планиты? — Философи намъ повЂдаютъ, еже луна столь широка, яже всю землю кромЂ рЂкъ и морь покрыетъ; а солнце величествомъ вдвое, а планЂты якоже луна.
Како намъ мнится, звЂзды мали суть? — Сия есть тварь земная высота, яко аще бы стояло солнце толь высоко, что и звЂзды, и нам бы такожъ видЂлось, что и звезды.
НынЂ повЂждь о лунЂ. — Луна есть меншая планита и течетъ нижеи къ землЂ, того ради судится по ней весь миръ.
Аминь.
За вид.: Апокрифы. Беседа трех святителей / Памятники литературы Древней Руси. XII век. — М., 1980. — С.137-147.
Підготовка тексту М.В.Рождєственської.
Текст Бесіди подається в уривках за виданням А.Н.Пипіна в «Памятниках старинной русской литературы», вип. 3. СПб., 1862, с.169-178. Текст звірено з рукописом ГБЛ, зібр. музейне №1835.
