Попередня       Головна       Наступна





СКАЗАНИЕ, КАКО СОТВОРИ БОГЪ АДАМА


...Создати въ земли Мадиамстей человЂка, вземъ земли горсть ото осьми частей: 1) отъ земли — тЂло, 2) отъ камени — кости, 3) отъ моря — кровъ, 4) отъ солнца — очи, 3) отъ облака — мысли, 6) отъ свЂта — свЂтъ, 7) отъ вЂтра — дыхание, 8) отъ огня — оттепла. И поиде господь богъ очи имати отъ солнца, и остави Адама единаго лежаща на земли; прииде же окаянный сотона ко Адаму и измаза его каломъ и тиною и возгрями. И прииде господь ко Адаму и восхотЂ очи вложити во Адама, и видЂ его мужа измазанна; и разгнЂвася господь на диявола и нача глаголати: «Окаянне дияволе, проклятый, не достоить ли твоя погибель? Что ради человЂку сему сотворилъ еси пакость, измаза его? и проклять ты буди», — и дияволъ исчезе, аки молния, сквозь землю отъ лица господня. Господь же, снемъ съ него пакости сотонины, и въ томъ сотвори господь собаку, и смЂсивъ со Адамовыми слезами, и теслою очисти его аки зерцало отъ всЂхъ сквернъ, и постави собаку и повелЂ стрещи Адама, а самъ господь отъиде въ горний Иерусалимъ по дыхание Адамлево. И прииде вторые сотона и восхотЂ на Адама напустити злую скверну, и видЂ собаку при ногахъ Адамлевыхъ лежаща, и убояси вельми сотона. Собака начала зло лаяти на диавола, окаянный же сотона, вземъ древо, и истыка всего человЂка Адама, и сотвори ему въ немъ 70 недугов. И прииде Исусъ изъ горнево Иерусалима, и видЂ Адама древомъ исколота, и милосердова о немъ и рече сотонЂ: «Проклятый дияволе, что сотворилъ человЂку сему, почто вложилъ недуги сия?» Тогда отвЂща дияволъ, окаянный сотона, господу, глаголя: «Аще приидетъ кая болЂзнь человЂку сему, да не постигнетъ, до скончания всего тобя не помянетъ; аще ль поболитъ, кой недугъ въ немъ постраждетъ, тогда всегда тебя имать на помощь призывати въ недузехъ сихъ». И отгна господь диявола и исчезе дияволъ, прогнанъ аки тма свЂтомъ, и обороти вся недуги въ него.

И посла господь ангела своего, повелЂ взяти «азъ» на востоцЂ, «добро» на западЂ, «мыслете» на сЂверЂ и на юзЂ. И бысть человЂкъ въ душу живу, нарече имя ему Адамъ. А костей сотвори богъ во АдамЂ 345, и бысть Адамъ царь всЂмъ землямъ и птицамъ небеснымъ и звЂремъ земнымъ и рыбамъ морскимъ, и самовласть дасть ему богъ. И рече господь Адаму, глаголя: «ТебЂ работаетъ солнце и луна и звЂзды, и птицы небесныя и рыбы морския, и птицы и скоты и гади». И насади господь богъ рай на востоцЂ, и велЂ Адаму пребыти, а жена Адаму еще не сотворена бысть. И вложи господь богъ сонъ во Адама, и успе Адамъ, и взятъ его ребро лЂвое, и въ томъ ребрЂ протяже руцЂ и нозЂ и главу, и совда ему жену въ шестый день, и показа ему господь свою смерть и распятие и воскресение, и провидЂ вознесение за полшесты тысящь лЂть. И видЂ Адамъ господа распята, а Петра въ РимЂ ходяща, а Павла въ ДамасцЂ учаща народъ и проповЂдующе твое воскресение, и вознесеся господь...

И воста Адамъ отъ сна своего и трепетень бысть во ужасЂ велицЂ о провидЂнии. И вожда господь Адама въ рай ходящя и рече ему: «Адаме, Адаме, повЂждь ми», Адамъ же убояся велми, не смЂя богу повЂдати того видЂния. И рече ему господь богъ: «Адаме, Адаме!» — Адамъ же рече ему: «Господи владыко, тебе видЂхъ на крестЂ распята во ИерусалимЂ, а ученики твоя видЂхъ ходяща — Петра въ РимЂ, а Павла въ ДамасцЂ, проповЂдующе твое распятие и воскресение». И рече ему господь: «Подобаетъ ми тебе ради снити на землю и распяту быти и въ третий день воскреснути; а тыже не повЂдай никому же видЂния сего, дондеже увидиши мя въ раю сЂдяща одесную отца, и ты о томъ поскорби, Адаме».

И бысть Адамъ въ раи 7 дний, прообразуя господь богъ житие человЂческое: десять лЂтъ исполнится рожение, 20 лЂтъ — юноша, 30 лЂтъ — свершение, 40 лЂтъ — средовЂчие, 50 лЂтъ — сЂдина, 60 лЂтъ — старость, 70 лЂтъ — скончание.

И сотвори господь богъ всю тварь, море и рЂки и скоти своею хитростию, а та 7 дней противъ седми тысящь лЂтъ. И постави господь богъ д†свЂтилЂ велицЂ на тверди небеснЂй освЂтити землю, и разлучи между днемъ и нощию да будетъ во знамении дне и лЂта, а будетъ просвЂщение на тверди небеснЂй: свЂтила великая въ начатокъ дни, второе свЂтило — въ начатокъ нощи. И звЂзды постави господь богъ на тверди небеснЂй, яко свЂтити по земле и обладати днемъ и нощию, и разлучити между днемъ и нощию и свЂтомъ.

И бысть вечеръ и бысть утро — день четвертый.

Постави господь богъ планиты и облацы зарьныя и дуги на облацЂхъ, еже пущати дожди, и громи, и молния человЂкомъ всея земли просвЂщати древа плодовитая. И рече господь богъ: «изведу воды живыхъ во вЂки, птицъ перящеся по заводемъ на тверди небеснЂй».

И бысть, яко сотвори господь богъ четыре киты великия, изведе отъ нихъ всяку птицу и всякъ гадъ на земли; и иныя благослови ясти, и глаголя: «раститеся и умножитеся и наполните землю и обладайте ею».

А в семъ бо дней обходитъ кругъ, а 7 лЂтъ за всю 7000 лЂтъ, и осмой тысящи нЂсть конца, еще есть безконечный.

Въ недЂлю, день рекомый недЂля, въ той же день воскресе Христосъ от мертвых, и в той же день господь на облацЂхъ судити всему миру, иже не имать конца свЂта, и воздастъ комуждо по дЂломъ его.








За вид.: Апокрифы. Сказание, как сотворил бог Адама / Памятники литературы Древней Руси. XII век. — М., 1980. — С.149-153.

Підготовка тексту М.В.Рождєственської.

Текст подається в уривках за виданням А.Н.Пипіна в «Памятниках старинной русской литературы», вип. 3. СПб., 1862, с.12-14.







Попередня       Головна       Наступна



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.