Попередня       Головна       Наступна





ПОСЛАНІЄ КЛИМЕНТА СМОЛЯТИЧА




ПОСЛАНИЕ НАПИСАНО КЛИМЕНТОМЪ МИТРОПОЛИТОМ РУСКЫМ ФОМЂ ПРОЗВУТЕРУ, ИСТОЛКОВАНО АФОНАСИЕМЬ МНИХОМЪ.


Господи, благослови, отче

Почетъ писание твоея любве, яже аще и медмено бысть, почюдихся и, въ чинъ въспомяновения приникъ зЂло, дивихся благоразумию твоему, возлюбленный ми о господе брате Фомо. Имать писание твое наказание с любовию к нашему тщеславию, и таку съ радостию прочет пред многыми послухи и пред княземъ Изяславомъ тобою преславною къ мнЂ писание. И вину ми исповЂдавшу, его же ради пишеши, ты же, любимиче, не тяжько мни мною восписаною ти хартиею. Речеши ми: «Славишися пиша, философ ся творя», а первие сам ся обличаеши: егда к тобЂ что писахъ, нъ не писахъ, ни писати имамь. А речеши ми: «Философиею пишеши», а то велми криво пишеши, а да оставль азъ почитаемая писания, азъ писахъ от Омира, и от Аристоля, и от Платона, иже во елиньскых нырЂхъ славнЂ бЂша; аще и писахъ, но не къ тебЂ, но ко князю, и к тому же нескоро. А еже сожалил еси, оже тя есмь вмЂнилъ, а богъ свЂдЂтель, яко не искушая твоего благоумия, но яко просто писавъ, да аще того не моглъ еси разумЂти. То всуе приводиши на мя учителей своего Григоря, речеши бо, «У Григоря бесЂдовалъ есмь о спасении душевнЂмь», а еда коли порекохъ ли укорихъ Григоря, но еще исповЂдаю, яко не токмо праведенъ, но и преподобенъ, нъ аще дерзо рещи, святъ есть, но обаче того аще не училъ тя, то, не вЂдЂ, откуду хощеши поручившаяся тебЂ душа руководити, Григорю бо и тебЂ того не вЂдати. Но чюдо речеши мнЂ: славишися, да скажю ти сущихъ славы хотящихъ, иже прилагают домъ к дому, и села к селомъ, изгои же и сябры, и бърти, и пожни, ляда же и старины. От нихъ же окаанный Климь зЂло свободенъ, нъ за домы и села, и борти, и пожни, сябръ же и изгои землю 4 лакти, идЂже гробъ копати. Ему же гробу самовидци мнози; да аще гробъ свой вижю по вся дни седмь краты, не вЂмь, откуду славити ми ся, не бо ми рече мощно иного пути имЂти до церкви, кромЂ гроба. Аще похотЂлъ быхъ славы, по велику златоязычнику, то не чюдо: мнози богатьство прЂзрЂша, славы же ни единъ, а первое искалъ бых власти по своей силЂ. Нъ съвЂдый сердца и обистья, тъ единъ съвЂсть, но елико молихся, да быхъ избавился власти! Пакы ли по его смотрению, а случить ми ся супротивити ми ся ему нЂсть лЂпо. ОтселЂ, любимиче, отвЂта да не сотворяю ти, но на въпрос твое благоумие понужаю: НЂсть ли лЂпо пытати потонку божестьвныхъ писаний? Торчи†блаженному Соломону, рекущу въ притчахъ: «Аще утвердиши к нему око свое, никако же сравнить ти ся». Уже и Соломонъ, славы ища, тако пишеть или: «Премудрость созда себЂ храм и утверди седмь столпов», ато славы же ли ища пишеть? Се бо глаголеть Соломон: «Премудрость созда себЂ храмъ». Премудрость есть божество, а храмъ человЂчьство, аки во храмъ бо вселися въ плоть, юже приятъ от пречистыя владычица нашея богородица истинный нашь Христосъ богъ. А еже «утвердивъ седмь столповъ» сирЂчь седмь соборовъ святыхъ и богоносных наших отець.

Что ж пакы сего Соломона родивый, «яко благоволиша раби твои камение, и персть его ущедрят», да о каменьи ли богъ отець или о персти глаголеть? То коли ми велиши, любимиче, разумЂти, камение ти персть. Се бо богъ отець о апостолехъ глаголеть, аще ли почитаю бытийскых книгъ, боговидица Моисия: «Рече бо господь богъ: Се бысть Адамъ, яко и мы, и яко единъ от насъ, и нЂнЂ да не простеръ руку возметь от дрЂва жизни» — ни ли того почитати тщеславия ради? ...

Но обаче не обрЂменися прегрЂшении нашими, яко глаголють нЂции, их же конець сЂтнаа пагуба, но паче самъ облегчи от бременъ тяжькых хребетъ нашь. Богъ бо ревнивь сы, не дасть славы своея иному укланяющаяся от него въ разньствие, поженеть съ творящими безаконие. НЂсть бо неправды у бога, реку же: не будет! Испытает бо сердца и утробы, яко богъ есть праведенъ. Расмотряти ны есть лЂпо, возлюблении, и разумЂти. Вижь бо, яко же се огнь от камения исЂкаемъ и от дрЂва исходяй же, составляемъ есть и съгнЂщаемъ человЂчьскыми вещественными руками; гда же силу из горЂния приимет огнь, смотри, како ти человЂчьскыми хытростьми чистЂйшаа вещь влагаема въ нь, очищается! Рекше злато или сребро, аще наполнено будеть каа любо скверны, рекше мЂса, ти влагаемо будеть къзньнивъше огнь, и изжагается огненымь разгорЂниемь и очищается въложное то злато и сребро, и отдавается вложившему его и чисто, и без врЂда, а вмЂшеная та в нечерность без врЂда погибнеть. Да ели то огнь вещественъ сы, иже богомь сотворенъ на службу умну, и смыслену, и словесну человЂку...

Се бо и въ Евангелии указаеть господь нашь Иисусъ Христос глаголя: «ЧеловЂкъ схожааше от Иерусалима на Ерихонъ и в разбойники впаде, и съвлекъше и, язви возложиша на нь». Едемъ убо Иерусалимъ сказаеться, Иерихонъ же миръ, человЂкъ же исходяй Адамъ, разбойници же бЂси, прелщениемь бо тЂхъ боготканыя одежда обнажися, раны же глаголеть грЂхы, — что философию писахъ, не свЂмь. Христосъ реклъ святым ученикомъ и апостоломъ: «Вам есть дано вЂдати тайны царствия, а прочимъ въ притчахъ», — то ли, любимиче, философия, ею же славы ищу от человЂкъ? Списающимъ еуаггелистомъ чюдеса Христова хощу разумЂвати праведно и духовнЂ. Что мнЂ дщерию Аира князя? Прашаю праведнЂ, и речеть ми: то и то есть. Что ми дщерию Ханаоныня? — но хощу увЂдати духовнЂ. Что ми кровоточивою, но ищу силы слову; что ми пятью хлЂбъ и двЂма рыбама, — прашаю еуаггелиста; что ми о усшей смокви, — прашаю силы слову; что ми старицею оною, въвергъшею д†мЂдници въ святилище? — но молю ся, да темная ми душа будеть вдовица, и въвержет д†мЂдницы во святилище: плоть цЂломудриемъ, душю же смирением. Что ми о ловит†рыб, но прашаю еуагелиста; что ми воднотрудоватым ицЂлЂвшим, хотящю вЂдЂти и праведнЂ. Си же вся божествьная, господа нашего Иисуса Христа, знамения же и чюдотворения, иже въ святЂмь еуаггелии поминает, волею помянухъ, иже святии и божествении отци наши подобная ко господьскым словесем, приложиша сказати и истолковати то и то. ЗЂло полезно и добро, и похвально, то не толма чюдна, и славна, елма же та сама истинна, иже господь нашь дЂлом чюдо и знамение сотворивъ показа: въскресивъ Аира князя дщерь, мертву сущу отинудь и издъхшу; аще ли и ханаоныню помянем и кровоточивую, и пятью хлЂбъ и д†рыбЂ, и о усшей смокви, или ону старицю, въвергшую д†мЂдници въ святилище, и о ловит†рыбъ, иже от Лукы, и о воднотрудоватЂм ицЂлЂвшем, — си бо вся по истиинЂ тако суть была, яко же и еуаггелист сказаеть, еже господь нашь не прытчею, но дЂлом божествьная своа знамениа и чюдеса показа...

ПовЂсть ти Соломон реклъ, даже часть седми, таче и осмому; ища сего по тонку, тщеславити ли ся велиши, любимиче? Поминаю же пакы реченаго тобою учителя Григориа, его же и свята рекъ не стыжюся. Но не судя его, хощу рещи, но истиньствуа, Григорей зналъ алфу, яко же и ты, и виту, подобно и всю, 20 и 4 словесъ грамоту. А слышиши ты ю у мене, мужи, им же есмь самовидець, иже может единъ рещи алфу, не реку на сто или двЂстЂ, или триста, или 4 ста, а виту тако же. Расматряй, любимиче, расматряти велит и разумЂти, яко вся состоатся, и съдержатся, и поспЂваются силою божиею; ни едина бно помощь, раз†помощи божиа, ни едина ж сила, раз†силы божиа, вся бо рече, елико восхотЂ, и сътвори на небеси и на земли и в мори, и въ всЂхъ безнахъ, и прочее...

По велику, брате, дивлюся, аще тако улучилъ тя Григоръ, аще бо о всемъ не далъ ти выникнути, от дивлюся!

Написалъ есмь 16 словесъ, яже чюдна и хвалы достойна, яже не суть прЂдана церовьному прочитанию за величьство разума, и глубину сокровенныхъ ради и дивныхъ словесъ.







За вид.: Послание Климента Смолятича / Памятники литературы Древней Руси. XII век. — М., 1980. — С.282-290.

Підготовка тексту В.В.Колесова.

Послання Климента Фомі подається за списком XV ст. у виданні: Н.К.Никольский. О литературных трудах митрополита Климента Смолятича, писателя XII в. СПб., 1892, с.103-136.








Попередня       Головна       Наступна



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.