Попередня       Головна       Наступна





ПОУЧЕННЯ ДО ПРОСТОЇ ЧАДІ


ПОУЧЕНИЕ МОИСЂЯ О БЕЗЪВРЕМЕНЬНЂМЬ ПИЯНЬСТВЂ


Богъ вложилъ есть всякое похотЂнье человЂку духовнымь и телеснымь дЂломь: спанию время и мЂра, похотЂнию Ђдению время и мЂра, питию врЂмя и мЂра, женоложью похотЂнию врЂмя и мЂра, — что ли боле въ имена писати? Всему есть похотЂнию время и мЂра уречено, живущему въ вЂрЂ честьнЂй, въ крестьяньствЂ. Да аще вся та похотЂния дЂяти будеть безъ времене и без мЂры, то грЂхъ будеть въ души, а недугъ в телеси. Недугъ всь ражаеться въ телеси человЂчи, въ кручинЂ. Кручина же съсядеться от излишнаго пития и Ђдения, и спания, и женоложья, иже без времене и без мЂры. Кручины же три въ человЂцЂ: желта, зелена, черна; да от желтое огньная болЂзнь, а от зеленое зимная болЂзнь, а от черное смерть, рекши души исходъ; дьяволъ же тогда радуеться о погыбели человЂчи. Того же недуга богъ не створи, нъ самъ в себе стваряеть недугъ безвременьнымь дЂяниемь и безмЂрьнымь, и самъ ся осужаеть на муку; аще ся не покаеть, ни въстягнеться от того. И творилъ бы в подобно время и въ мЂру, и спасенъ бъ былъ. Да всякому вЂрному человЂку держати той норовы: похотЂнию время, а на излишное похотЂние мЂру налагати узду въздержания; аще бу.деть похотЂние безъ времене, то въздержатися; аще ли въ время похотЂние будеть, то твори, его же хощеши, нъ въ мЂру, а не без мЂры. Колико больше суть кони, колико ны вышии есть песъ, и коеждо бо от тЂхъ животныхъ видимъ, Ђдъша или пивша, чересъ сыть не брегуть: аще и тмами нудящеи будуть, не хощеть излише мЂры прияти — не убо ли сихъ и конь хужьши мы? Аще видимъ и скота грязяща, тъ не презримъ, егда ли видимъ друга, всегда погружаема, то посмЂемъся. Нъ мы, братье, не створимъ тако, да не будемъ осужени в муку: вЂкъ бо сий коротокъ, а мука долга и бес конца грЂшьному.






СЛОВО ОТЦА МОИСЂЯ О РОТАХЪ И О КЛЯТВАХЪ


Пророкъ глаголеть: того ради завяза небо, не пустить дъждя на землю, зане человЂци кленуться богомъ и его святыми, и другъ друга догонять до клятвы, и церковь святую невЂсту христову ротою скверняще. Приводяще, закалають сына предъ матерью. Слугы же тоя матере своего брата, рожьшагося по духу святымь крещениемь, пиють кровь заколенаго сына матери тоя. И того ради вся силы небесныя трепещють страхомь, занеже господь богъ не велить догонити человЂка до клятвы и до роты. Тому же подобна и другая вина: жертву приносят бЂсомъ, и недугы лЂчать чарами и наузы; немощнаго бЂса, глаголемаго Трясцю, прогонять нЂкыми писмены лживыми; проклятыхъ бЂсовъ елиньскыхъ, пишюще на яблоцЂхъ и покладають на святЂй трапезЂ в годъ святыя литургия. И тогда ужаснуться страхомъ ангельская воиньства, и того ради богъ гнЂваяся не пущаеть дъждя на землю, занеже не велить богъ недугъ лЂчить чарами и наузы, ни бЂсъ искати — или на ловы идуще, или куплю дЂюще, или милости от царя хотяще. Горе крестьяномъ тако дЂющи, и мука горши поганыхъ, аще ся не остануть того и придуть на покаяние, то вЂкъ сь коротокъ, а мука долга и бес конца.






ПОУЧЕНИЕ ФИЛОСОФА, ЕПИСКОПА БЂЛГОРОДЪСКАГО


Придете вси мужи вкупЂ и жены, попови и людье, и мниси, и бЂлци, богати и убозии, домашнии и пришельци, сберитеся и послушайте мене, аще бо нЂсмь пастырь вашь, но не вЂдь откуду рещи. Пастыри бо утроби прилежю, в пастыря бо мЂсто оставленъ есмь вамъ, да ничтоже чюжего творю, аще вся вижю закалаема и на земли оканьни падающа — и теку на помощь: да бы когда варило милосердие божие и мертви въскреснутъ, и богъ въ тЂхъ прославится, но который рабъ во истину любить свой господинъ, видя и беществуема, ни во что же мЂнима, не болЂзнуеть ли сердцемъ? И аще иного ничтоже не можеть творити, но обаче покажеть свой успЂхъ, яко не терпЂть зрЂти толька приобидЂния и беславья своего господина? И вы же вси, елико васъ душю имуть человЂчьскую и нЂсть отинудь звЂрообразни, егда видить коего домъ от пожара оступаемъ, ти яко хотящю ему уже погибнути, не успЂшно ли обЂма рукама востанеть и течеть, тщашеся угасити огня и пламяни? Како убо видя азъ ни едины храмины, но всь градъ, не точью градъ, но и кромЂ града погарающа, вся ижьжена, не яко же огня древо, но от пламяни изгыбающе, то не болю ли душею, елико ми сила есть потьщатися угасити пламень? Кый ли то есть пламянь? Вы рцЂте ми, не то ли, егда пиете вино и медъ, или иное питие чрез сытость и наполняетеся и, то како мните внутрь себе имЂти, не яко от огня нЂкоего изгараеть? Тако бо родомъ хмель: съгрЂвая и распаляя вьнутрьняя, то бо есть убо душа погубьляяй пламяни. ПьяницЂ бо царьствия божия не приемлють, то не тако ли я†есть, яко всякъ пьяница погыбаеть, и от бога отлучаются, и в негасимый вЂчный огнь посылаеми бывають. Азъ же, убо вЂру имете ми, ужасаюся, помышляя, како васъ бЂси ликують и сотона во васъ играеть и красуеться пьяньству, во васъ чтему, яко нЂкоторого бога, всимъ имущимъ его; яко и дЂти ваша нудити покланятися пьяньству. И то мните празникъ великъ, егда вси лежать, яко мертви от пьяньства, яко идоли уста имуще и языкъ не глаголющь, очи имуще и не видяще, нозЂ имуще и не ходяще. Кто достойно васъ оплачеть, тако умильно от пьяньства гыбьнущимъ? НЂсть человЂка оканьнее пьяницЂ: пьяница живота своего лишаеться, и тамъ сущаго здЂ живота паче умерлъ есть, и тамо живота не сподобится! А васъ мню услышати господу глаголющю, яко «не пребудеть духъ мой въ человЂцЂхъ сихъ», зане плоть суть, гдЂ бо суть духъ во пьяницахъ: дымъ прогонитъ пчелы, а пьяньство святого духа прогонить, пьяница всь плоть есть и всь страстехъ исполненъ; пьяница ничто же блага не помышляеть. Устрашаюся, вЂру имЂте ми, како святое крещение стужаетъ си пияньствомъ вашимъ, крещение бо на святыни почиваеть, а во пьяницЂ святыни отинудь нЂсть. Стужаю си, како паче Христа изволисте дьявола, празники бо его творите дьяволя. Егда бо упиваетеся, тогда блудите, и играете, плищете, поете, пляшете, в сопЂли сопете, завидите, рано пьете, обьЂдаетеся, упиваетеся, блюете, льстите, злопоминаете, гнЂваетеся, лаетеся, хулите, осержаетеся, лжете, горьдите, кощуняете, срамословите, кличете, сваритеся, море вамъ до колЂна, смЂетеся, крадете, бьетеся, деретеся, празднословите, смерти не поминаете, спите много, осужаете, вадите, божитеся, укаряете, клеплете, — не по истиннЂ ли святое крещение стужитъ си пьяньством вашимъ? А и плясавица есть сатанина невЂста, супружница диавола, всЂмъ мужемъ тЂмъ зрящимъ ее, жена скверно же и скаредно и своему мужу; образъ божий нося, съ женою своею совокупитися во плясании, — аще и въ церковь входите! ПовЂдите ми, како убо вы бога прославите? ПовЂдите ми, яко пьяного смрадомъ отрыгающа, богъ толма ненавидить, яко же мы пса мертва смердяща гнушаемся! Увы мнЂ! увы мнЂ! како сотвори господь богъ тако во дни, в няже не чаяхъ, яко вижу человЂки, чтуща дЂла сатанина, и не стыдящася о томъ, но и паче хвалящеся?

Останите, братие, окаяннаго пьяньства, яко на веселие намъ богъ питие далъ есть, и тожде в подобно время, а не пьяньство. Увы мнЂ! увы мнЂ! яко оставляете бога сотворившаго васъ и прилЂпяетеся пияньству горше идолъ. Рцете ми, чимъ есте отложени от невЂрныхъ, аще до пьяньства упиваетеся? Они убо служать зданию, а медъ что есть, не здание ли божие? И глаголете, яко тогда имамъ праздникъ честенъ, егда по многи дни упиваемся. РазумЂйте сами, что глаголите, яко оставльше праздникъ, а диаволу угождаете! Окамени бо душу вашу сатана! Иже что много глаголю? Покайтеся, и лишитеся таковаго празднования, еже упиватися по праздникомъ, и плачитеся, кающеся о пьяньст†вашемъ, яко бо затворяетеся от небеснаго царьства пьяньства ради, аще же не покаетеся, ни останетеся таковаго творения, то мучими будете в бесконечныя вЂки в негасимомъ огни. Богу нашему слава и держава со отцемъ и святымъ духомъ нынЂ и присно и во вЂки вЂкомъ. Аминь.








За вид.: Поучения к простой чади / Памятники литературы Древней Руси. XII век. — М., 1980. — С.400-408.

Підготовка тексту В.В.Колесова.

Текст подається за публікацією: А.И.Соболевский. Два русских поучения с именем Григория. — Известия ОРЯС, т.XII, кн. 1, с.254-258 (СПб., 1907).








Попередня       Головна       Наступна



Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.