‹‹   Головна     Переклад     Див. повний текст літопису за Іпатським списком





ГАЛИЦЬКО-ВОЛИНСЬКИЙ ЛІТОПИС


[Острозький (Хлєбниковський) список. Текст підготовлено для сайту litopys.kiev.ua за факсимільним виданням: The Old Rus' Kievan and Galician-Volhynian Chronicles: The Ostroz'kyj (Xlebnikov) and Četvertyns'kyj (Pogodin) Codices (Harvard Library of Early Ukrainian Literature. Vol. VIII). Harvard University Press, 1990, P.307-391.]
Див. також: Галицько-Волинський літопис за Іпатським списком.




[Въ лЂто 6709 (1201). начало княжения великаго князя Романа, како держев бывша всей Руской земли князя галичкого.]

\Ту(т) много чого нема(е)\ По см̃рти же великого князя Романа, [присно]памятнаго и самодръж(ь)ца всея Руси.

ОдолЂвша всЂ(м) поган(ь)скы(м) языко(м), ума мудростію ходяще по заповЂдемъ Бж̃іимь: устреми(л) бо ся бяше на поганыа яко левъ, /622/ сръди(т) же бЂ яко и рысь, и губяше яко и кор(ь)кодилъ, и прохожаше землю и(х) яко и орелъ, храбор же 1 бЂ яко и туръ. Ревнова (ж) 2 дЂду своему Мономаху, погубившему поганыа измаилтяны, рекомыа полов(ь)ци, изгнав(ь)шю Отрока въ Обезы за ЖелЂзныа врата, \Сърча(н) у До(н)\ Сър(ь)чанови (ж) оставшю у Дону, рыбою оживши. Тог(д)а и Воло(ди)меръ Монома(х) пи(л) золоты(м) шеломо(м) Донъ, пріем(ь)ши землю и(х) всю, и загнавшю окаан(ь)ныа агаряны. По см̃рти же Въло(ди)мери, остав(ь)шю у Сыр(ь)чана є(ди)ному го(д)цу 3 же Ореви, и посла и́ въ Обезы, река: «Въло(ди)меръ умер(л)ъ є(с)[ть]. А въротися, брате, поѝди въ зе(м)лю свою, мол(ь)ви же ему моя словеса, \ПЂсни половецкия\ поѝ же ему пЂ(с)ни половец(ь)кіа. Аже ти не въсхоще(т), даѝ ему поухати зелія, имене(м) єм(ь)ша(н) 4». Оному (ж) не восхотЂвшю обратитися, ни послушати, и дасть ему зеліе. Оному (ж) обухав(ь)шю и въсплакав(ь)шю, ре(ч): «Да лу(ч)ше є(с)[ть] на своей земли костью лечи, неж(ь)ли 5 на чюжей славн(у) быти». И пріиде въ свою зе(м)лю. О(т) него ро(ди)в(ь)шюся Ко(н)чаку, иже снесе Сулу, пЂшь ходя, коте(л) нося на плечу. Роману (ж) князю рев(ь)новав(ь)шю за то, и тщашеся погубити иноплемен(ь)никы.

Велику мятежю въстав(ь)шю въ земли Ру(с)коѝ, оставившима же ся двЂма сн̃ома его, еди(н) 4 лЂта, а другы(й) д†лЂ(т).

[Въ лЂто 6710 (1202).] Събравшю (ж) Рюри́ку поло(в)ци и руси много [и] пріиде на Гали(ч), оставивь мнишескіи чинъ, бЂ бо пріялъ боязни ра(ди) Романо́вы. \Воина на Гали(ч)\ И прише(д)шю ему на Гали(ч), и срЂтоша его бояре /623/ галиц(ь)кіи и въло(ди)мер(ь)стіи у Микулина, на рЂцЂ СеретЂ, и бив(ь)шимся имь ве(с) дн̃ь о рЂку Сереть, и мнози язвени быша и не стер(ь)пЂв(ь)ше възв(ь)ратиша(с) в Гали(ч). \Приход в Галичь\ И прише(д)шю же Рюри́ку в Гали(ч), и не успЂв(ь)шю ни что (ж) за то, бЂ по смр̃ти Романо†снима(л)ся коро(л) съ ятровью своею в СяноцЂ. И приялъ бо бЂ Данила яко милаго сн̃а своего, остави(л) бо бЂ у него засаду: Мокы́а великого слЂпоокого, и Корочюна, и Вол(ь)пта, и сн̃а его Витомира, и Благыню, и иные угры многы, — и за то не смЂша галичане ни что (ж) сътворити, бЂ бо инЂ(х) мно(г) угоръ. Тог(д)а же два князя половец(ь)каа, Сутоевича К(о)тянь и Съмогуръ, пот(ь)коста на пЂш(ь)цЂ, и убіена быста коня по(д) нима, замало и и(х) не яша. Рюри(к) же въротися къ Кіеву.

Малу (ж) времени минув(ь)ши, и приве(до)ша кор(ь)миличича, иже бЂ загна(л) великыѝ князь Романъ, невЂры ра(ди): словяху бо Игоревича. \В Галичи пануе Володимеръ\ Послушав(ь)ше же и(х) галицкіи бояре, и послаша по ни(х), и поса(ди)ша в Галичи Воло(ди)мера, а Романа въ ЗвинигородЂ. Княгини же Романова възе(м)ши дЂти своя, бежа въ Воло(ди)меръ.

И еще (ж) хотящю Въло(ди)мерю искоренити племя Романово, поспЂвающи(м) же бе(з)божны(м) галичяно(м). Посла же Въло(ди)меръ, съ совЂто(м) галиц(ь)кы(х) бояръ на ре(ч) я̀ попо(м) к воло(ди)мерце(м), река и(м): «Не има(т) остатися гра(д) вашь, аще ми не выдасте Романовичо(в), аще [не] пріимете брата моего Ст̃ослава княжити /624/ въ Воло(ди)мери». Въло(ди)мерце(м) же хотящи(м) убити посла 7, Мьстиб̃ъ, и Мо(н)чюкъ, и Ничифоръ и рЂша: «Не по(до)бае(т) на(м) убити посла», — имЂаху бо лесть въ ср(д)ци свое(м), яко предати хотяху [господу свою и] своѝ гра(д), — сп̃се(н) же ими бы(с) попъ.

\СовЂ(т)\ Нау(т)ріи же увЂдав(ь)ши княги(ни), съвЂ(т) сътвори с Мирославо(м) съ дя(д)ко(м), и на но(ч) бЂжаша в Ляхы. Данила (ж) въз(м)е дя(д)ко пре(д) ся, изыде из(ь) града, Васи(л)ка (ж) Юріи попь с кор(ь)милицею въз(м)е, изыде дЂрою вонъ из(ь) града 8: не вЂдяху бо камо бЂжащю, бЂ бо Романь убіенъ на Ляхо(х), а Лест(ь)ко мира не сътвори(л). Бу̃ же бывшю поспЂш(ь)ник(у): Лест(ь)ко не помяну враж(д)ы, но с великою ч(с)тію прія ятровь свою и дЂтяте, съжаливь си [и] ре(ч), яко: «Діаволъ є(с)[ть] въвръглъ враж(д)у сію межю нами»; бЂ бо Въло(ди)славь льстя межи ими и зазоръ имЂя любви его.



1 бо; 2 бо; 3 гудьцю;4 евшанъ; 5 нели; 6 и; 7 попа; 8 градною.



\Посольство въ Угры\ [В лЂто 6711 (1203).] В та (ж) лЂта Данила посла Лестько въ Угры, и с ни(м) посла посолъ свои Вячеслава Лысого, рекыѝ королеви: «Азъ не помяну(х) звады Ро́мановы, тобЂ [бо] другь бЂ, клялася [бо] бЂста, яко остав(ь)шю в(ъ) животЂ племени его любовь имЂти. Нн̃Ђ же изгнаніе бы(сть) на ни(х), нн̃Ђ же иде(ж) [мь и] взе(м)ше предае†имь о(т)ч̃ьство и(х)». Коро(л) же си(и) словеса пріемь, съжали си о бывши(м), остави (ж) Данила у себе, а Лест(ь)ко княгиню и Васи(л)ка в себе.

Воло(ди)мер(ъ) же многы дары посла къ королеви и Лест(ь)кови.

По се(м) же до(л)гу времени минув(ь)ши, мяте(ж) бы(сть) межи братома, Воло(ди)меро(м) и Ро́мано(м). Рома(н) же еха въ Угры, /625/ и поє(м) угры и бився съ брато(м), и побЂ(д)и вьза Гали(ч), а Воло(ди)меръ бежа в Путивль.

\Приступъ к Володимеру\ [В лЂто 6712 (1204).] В то (ж) врЂмя възведе Александръ Лест(ь)ка и Кондрата. И пріидошя ляхове на Воло(ди)мерь, и отвориша и(м) ворота воло(ди)мер(ь)ци, рекуще: «Се є(с)[ть] сн̃овець Романови». Ляхове (ж) поплениша горо(д) весь. Олександ(ь)ру молящюся Лест(ь)кови о остан(ь)цЂ града и о цр̃кви ст̃оє Бц̃и. Твер(ь)ды(м) же бывши(м) двере(м), не могоша ѝ съсЂ(чи), донели же Лест(ь)ко пригна 1 и Кондра(т) и възбиста ляхы свои, — и тако сп(с)ена бы(с)[ть] цр̃̃кви и останокь лю(ди)ѝ. И жаляху(с) воло(ди)мер(ь)ци, ємше и(м) вЂры и присязЂ и(х): аще не бы(л) бы сро(д)никь и(х) с ними Олександръ, то не перешли быша ни Буга 2.

\Ст̃ославъ поведенъ в Ляхи\ Ст̃ослава же яша и ве(до)ша его 3 в Ляхы. Олексан(ь)дръ же сЂде въ Воло(ди)мери. [Тогда же яша Володимера Пинськаго. БЂ бо Инъгваръ с ляхы и Мьстиславъ. Потомъ же сЂде Инъгваръ в ВолодимерЂ.] Поя у него Лест(ь)ко дъщеръ и пусти ѝ, иде же къ Оре(л)ску.

Приехаша берестяне ко Лестькови и проси(ша) Романовое и дЂтяте, бяста бо млада суща, и вдасть и(м), да владЂє(т) ими. Они (ж) с великою ра(до)стію стрЂтоша ѝ, яко великого Романа жива видящеи.

И по то(м) же Алексан(ь)дръ живяше въ Бе(л)зЂ, а Инъгваръ въ Воло(ди)мери. Бояро(м) же не любящи(м) Инъгва́ра, Олександръ же съвЂто(м) Лест(ь)ковы(м) прія Воло(ди)мерь. Княгини же Романова посла Мирослава ко Лес(т)кови, гл̃юща, яко: «Сіи всю землю нашю и о(т)чину дръжа(т), а сн̃ъ моѝ въ одино(м) Берестьи». Олександръ прія Угровескь, Вере́щи(н), Стол(ь)пъе 4, Комовь, и да Васи(л)кови Бел(ъ)зъ.



1 приЂха; 2 Буба; 3 и; 4 Столпъ.



\Олександръ въ Володимери\ [Въ лЂто 6713 (1205).] В та (ж) лЂта Олександру сЂдящю /626/ въ Воло(ди)мери, а брату его Всеволоду в Чер(в)нЂ, литва же и ятвязЂ воеваху, и повоеваша (ж) Турискь и около Комова оли и до Черьвня, и биша(с) у вороть чер(ь)ве(н)скы(х), и застава въ Уханя(х) бЂ. Тог(д)а же уби(ша) МатЂа, Любова зятя, и Доброгостя, выехаша у сторожа: \Въ Володимери бЂда\ бЂда бо бЂ въ земли Въло(ди)мер(ь)стіѝ о(т) воеваніа литов(ь)скаго и ятвяз(ь)скаго. Мы (ж) на преднее въз(ь)вратимся случивши(х)ся в Галичи.

А(н)дрЂй же и коро(л) увидЂвь безаконіе галиц(ь)кое и мяте(ж), и посла Бенедикта съ воѝ [своими], и яша Романа в бани мыющися и посла и(х) 1 въ Угры. БЂ бо ТимоθЂѝ в Галичи премудрыѝ книжникь, о(т)чество имЂа въ градЂ КіевЂ, при(т)чею ре(ч) слово о се(м) томите(ли) Вене(ди)кте: яко въ послЂ(д)няа времена треми имены нарЂчется антихристь. БЂгаше бо Тимоθеѝ о(т) лица его, бЂ бо томите(л) бояро(м) и гражано(м), и блу(д) творя, и осквръняху жены же и чръници и попа(д)и, въправду бЂ антихристь за сквернаа дЂла его.

\М(ь)стисла(в) в ГаличЂ пануе(т)\ [Въ лЂто 6714 (1206).] Пояша 2 (ж) галичане Мьстислава А [на] Бенедикта Б. И пріиде к Галичю, и не успЂв(ь)шю ему ничто (ж). Щепанови(ч) Иліа възве(д) и(х) 3 на Галичину могилу, осклабився, ре(ч) ему: «Княже! Уже еси на ГаличинЂ могилЂ посЂдЂ(л), то тако и в Галичи княжи(л) еси!». СмЂаху бо ся ему, воротися в Пересоп(ь)ницю. И по се(м) скаже(м) о ГаличинЂ могилЂ и о началЂ 4 Галича, о(т)куду ся поча(л).

Рома(н) же утече изь Угоръ. И послаша галичане его къ брату его Воло(ди)меру, /627/ гл̃ще: «СъгрЂшихо(м) к ва(м), избави на(с) 5 томителя сего Бенедик(ь)та». Они же поѝдоша ра(т)ю, а Бенедик(ь)ть бЂжа въ Угры. СЂде же Воло(ди)мерь в Галичи, а Рома(н) въ ЗвинигородЂ, а Ст̃ославь в Перемышли, а сн̃ови своему да Теребовль Изяславу, а Всеволода, сн̃а свое(г), посла въ Угры къ королеви съ дары. Данилови сущю въ Угре(х), коро(л) же Ан(ь)дреѝ, и бояре угор(ь)стіи и вся земля хотяше дати дъщеръ свою за князя Данила, обЂма дЂ(т)скама бывши(м): зане сн̃а у не(г) не бЂ.

\Цесарю Филипу о(т) брата убиту\ [В лЂто 6715 (1207).] В та (ж) лЂта убіень бы(с)[ть] цр̃ъ великій Филипъ Ри(м)скіи, съвЂто(м) брата королева моляшеся сестрЂ, да бы ему нашла помочника. Она (ж) никако не могущи помощи бра(т)у своему [си], и да дъщеръ свою за Лонокрабовича за Лудовика. БЂ бо му(ж) силенъ и помощни(к) бра(т)у ея. Ю же нн̃Ђ ст̃у нарЂчю(т), имене(м) Альж(ь)бЂта, пре(д)нее бо имя еѝ Кинека. Много бо послужи Бв̃и по мужи своє(м), и ст̃у нарЂчю(т). Но мы на пре(д)неє възвратимся, яко (ж) преже почалЂ быхо(м).

\СовЂтъ Игоревичевъ\ [В лЂто 6716 (1208).] СъвЂ(т) же сътвориша Игоревичи на бояре галиц(ь)кыи, [да] избію(т) и(х), по прилучаю избіени быша. И убіенъ (ж) бы(с)[ть] Юрьи и Витанови(ч) Илья [Щепановичь, инии велиции бояре. Убьено же бысть ихъ числомъ 500], а иніи разбЂгоша(с).

Воло(ди)славъ (ж) кор(ь)миличи(ч) бЂжа въ Угры, и Су(ди)сла(в) и Филипъ. Наидоша Данила въ Угор(ь)скоѝ земли дЂ(т)ска суща, и просиша у короля угор(ь)скаго: «Даѝ на(м) о(т)чича к Галичю Данила, атъ с ни(м) пріиме(м) [и] о(т) Игоревичевь». Коро(л) же с великою любовію посла воя 6, въ силЂ тя(ж)цЂ, и великого дворьского Пота, поручи(в) /628/ єму воево(д)ство на(д) всЂми вои.



1 и; 2 приведоша; 3 и; 4 начатьи; 5 ны; 6 воевдь.

А Над словом Мъстислава дописано НЂмаго; Б слово Бенедикта закреслено.



\Имена воевода(м)\ Имена (ж) быв(ь)шимь воевода(м) с ни(м): пръвыѝ Петрь Турови(ч), вторы(й) Бе(н)ко, третіи Мика Брадатыѝ, четверты(й) Лотохаро(т), пятыѝ Мокіанъ, шестыѝ Табрець, се(д)мыѝ МароцЂ(л), и иніи мнози, и(х) же не мощ(ь)но є(с)[ть] [сказати и ни] писати.

И съвокупивше(с) вси, пръвое пріидоша на гра(д) Перемышль. И прише(д)шю [же] Воло(ди)славу къ гра(д)у и ре(ч) и(м): «Братіе, почто смущаетеся? 1 Не сеѝ ли избиша о(т)ц̃и ваши и братію вашю? А иніи имЂ(ні)а ваша разграбиша, и дъщери ваша даша за рабы ваша, а о(т)чествіи вашими владЂша иніи прише(л)ци! То за тЂ(х) ли хочете дш̃ю свою положити?» Они же о бывши(х) съжалиша(с), предаша гра(д) и князя и(х) Ст̃ослава яша.

\ЗвЂнигородцы крЂпки\ О(т)туда (ж) поѝдоша 2 къ Звинигороду. Звинигоро(д)це(м) же крЂп(ь)ко 3 борющи(м)ся и(м) с ними и не пущающи(х) къ гра(д)у, ни къ острожны(м) врато(м), онЂ(м) же стоящи(м) около 4 града.

Васи(л)ку (ж) княжащю в Бе(л)зЂ: пріѝдоша (ж) о[т]него Великіи Вячеславь То(л)стыѝ, и Мирославъ, Демья(н) и Воротиславъ, и иніи бояре мнозіи, вои о(т) Бе(л)за, а о(т) Лест(ь)ка из Ляховь Су(ді)славь Бер(ь)натови(ч) съ многыми поляны, и о(т) Пересоп(ь)ници пріиде Мьстиславь НЂмыѝ съ многыми вои, Олексан(ь)дръ съ брато(м) о(т) Воло(ди)мера съ многыми вои. Инъгвар(ь) же посла сн̃а своего из Луцка, и из Дорогобужа съ многыми вои, и ис Шю(м)ска.

И пріехаша же [и] полов(ь)ци Романови на помощь, Изяславь с ними Воло(ди)мерь 5. Угро(м) же не (по)бЂ[ди]вши(м) воє(м), и гна(ш)а и(х) /629/ съ становь свои(х), Мика же убоде 6 Тобаша и главу єму стя(л). \Поло(в)ци налягоша\ Полов(ь)ци же узрЂвше я̀, крЂпцЂ налягоша на ня, они(м) же едущи(м) пре(д) ними къ Лютоѝ рЂцЂ, — и(ж) быша не пріехали ляхове и ру(с), — и съше(д)ше одва препрова(ди)ша рЂку Лютую; половце(м) же стрЂляющи(м) и руси противу и(м). Ту же Мар(ь)цель хоругве своеѝ о(т)бЂже и ру(с) взя ю̀, и поругь вели(к) бы(с)[ть] Мар(ь)целови. И възв(ь)ратиша(с)я в колымагы своя, ре(к)ше въ станы.

О(т)туду (ж) Рома(н) изыѝде из града, помощи ища в ру(с)кы(х) князе(х). И бывшю ему в Шу(м)ску на мо(ж)цЂ 7, я(т) бы(с)[ть] Зернъко(м) и Чюхомою и приведе(н) бы(с)[ть] въ ста(н) къ князю Данилови, и къ всЂ(м) князе(м) и ко воевода(м) угор(ь)скы(м). И послаша къ гражано(м), рекуще: «Передаѝтеся, кня(з) вашь ятъ бы(с)[ть]». ОнЂ(м) 8 же не имущи(м) вЂры, донелЂ же извЂст[н]о бы(с)[ть] имь, и предашася звинигоро(д)ци.

\Походъ в Галичь\ О(т)туду (ж) поидоша в Гали(ч) 9, и Воло(ди)мерь бЂжа из Галича и сн̃ъ его Изяславь, и гнаша и до НЂзды. Изяслав(ь) же бися на мЂсте НЂзды рЂкы, и о(т)яша коня о(т) него сумныа. По то(м) же възв(ь)ратиша(с) в Гали(ч).

Тог(д)а пріеха княгини великаа Романова видЂ(ти) сн̃а своего при(с)на(г) Даніила. Тог(д)а же бояре воло(ди)мер(ь)стіи и галиц(ь)кіи, Вячеславь воло(ди)мер(ь)скій, и Воло(ди)славъ галицкіи, и вси бояре воло(ди)мер(ь)скіи и галицкіи, и воеводы угор(ь)скіи поса(ди)ша князя Данила на столЂ о(т)ц̃а своего великого князя Романа, въ ц̃ркви ст̃ыа Бц̃а При(с)нодв̃ы Маріа. Коро(л) же Анд(ь)рЂѝ не забы любви своея пръвыа, юже имЂаше къ брату си /630/ великому князю Роману, но посла воя своя и поса(ди) сн̃а своего в Галичи.

Яты(м) же бывши(м) князе(м), Роману, Ростиславу, Ст̃ославу, угро(м) же хотящи(м) и(х) 10 вести къ королеви, \Галичане молять\ галичане [же] молящимся имь, да быша и(х) 11 повЂсили, мьсти ра(ди). УбЂжени же быв(ь)ше угре великими дар(ь)ми, предани быша на повЂшеніе, м(с)ца се(н)[тября].



1 смышляетеся; 2 проидоша; 3 лютЂ; 4 окрестъ; 5 Володимеричь; 6 убоденъ и; 7 мосцЂ; 8 онЂмо; 9 Галичю; 10 е; 11 и.



Данилу (ж) княжащю в Галичи, тако младу сущю, яко и мт̃ре своея не позна. Минувшу (ж) времени, галичане (ж) выгнаша Данилову мт̃ръ из Галича. Дани(л) же не хотЂ оста[ви]ти мт̃ре своея и плакашеся по неѝ мла(д) сыѝ. И приеха(л) Алексан(ь)дръ, тиво(н) щюмави(н)скый, и я за пово(д), онъ же измо(к) ме(ч) и тя его, и потя ко(н) [его] по(д) ни(м). Мати (ж) взе(м)ши ме(ч) из руку, умолив(ь)ши его остави в Галичи, а сама иде в Бе(л)зь, остави[вши и] у невЂр(ь)ны(х) галича(н), Въло(ди)славли(м) съвЂто(м) — хотяще бо княжЂти сама. УвЂдав(ь) же коро(л) о изгнаніи ея, съжали си.

\Походъ в Галичь\ [В лЂто 6717 (1209).] ЗимЂ же бывши пріиде коро(л) в Гали(ч), и приведе ятровь свою великую княгиню Ро́манову, и бояре воло(ди)мерьскіи, и Инъгварь пріиде из Луц(ь)ка, и иніи князи. СъвЂ(т) сътвори съ ятровью своею и съ бояры въло(ди)мер(ь)скыми, и ре(ч)е имъ: «Въло(ди)славь княжи(т)ся, а ятровь мою выгна(л)». Яту [же] бывшю Воло(ди)славу и Су(ди)славу и Филипу, и мучену бывшю. Мно(г) имЂніе давь, Су(ди)славь же въ злато премЂнися, ре(к)ше, много злата давь избавися. Воло(ди)слава оковав(ь)ше, ве(до)ша въ Угры.

Въло(ди)славу (ж) ведену бы(с)[ть] /631/ въ Угры, Яволоду А и Яропо(л)ку А, бра(т)у его, бежаша в Пересоп(ь)ницу къ Мьстиславу, възве(д)ши(м) Мьстислава. И пріиде Мстиславь с ними къ Бо(з)ку. ГлЂбь (ж) Пот(ь)кови(ч) избЂже из Бо(з)ку, и Станислави(ч) Ива(н)ко и бра(т) его Збыславь, прибЂгоша в Гали(ч), повЂдающе ра(т) и оступленіе галича(н). Княгини (ж) Романова, съ сн̃о(м) свои(м) Данило(м) и съ Вячеславо(м) Тол(ь)сты(м), бЂжа[вша] въ Угры, а Васи(л)ко с Мирославо(м) еха[ша] въ Бе(л)зъ. Времени (ж) минув(ь)шю, коро(л) спЂаше ра(т) велику.

\Лестко в БелзЂ\ [Въ лЂто 6718 (1210).] В то (ж) лЂ(т) прійде Лестко к Бе(л)зу, убЂже(н) Олексан(ь)дро(м). Олексан(ь)дръ же не пріаше хотя зла Романовичема. И пріа Бел(ь)зъ, и даст(ь) Олексан(ь)дру; и бояре вси 1 изневЂриша(с), но идоша вси съ князе(м) Васи(л)ко(м) в Каменець.

Коро(л) же пусти Воло(ди)слава, и събра много вои и иде на Гали(ч). Ставше (ж) въ манастыри ЛелесовЂ, невЂрніи же бояре хотЂша его убити, но 2 убиша (ж) жену его, \Па(т)риа(р)хъ и нЂ(м)ци убиты\ а шюри(н) его одва утече, патріархь Явлеискіи 3 и мнози нЂм(ь)ци избиты быша; [и потомъ королеви обратившюся, мнозЂ избити быша], а друзіи разбЂгоша(с). Мятежю (ж) быв(ь)шю, королеви не могшю воины учинити за безаконіе и(х).

Воло(ди)славу (ж) ех(а)в(ь)шю напере(д) съ всЂми галичаны. Мьстиславь, убо, увЂдавь королеву ра(т) велику, избЂже из Галича. Воло(ди)слав(ь) же еха 4 в Гали(ч), и в(ь)княжися сЂде на столЂ.

Дани(л) же о(т)иде о(т) короля съ мт̃̃ръю своею 5 в Ляхы, о(т)просився о(т) короля, Лест(ь)ко же прія Данила съ великою ч(с)тію. И о(т)туду (ж)е иде в Каменець съ матерью своею, бра(т) же єго Васи(л)ко и бояре вси стрЂтоша (и) с великою ра(до)стію.



1 не; 2 и; 3 АвлЂскыи; 4 воЂха; 5 си.

А Буква у в словах Яволоду и Ярополку закреслена, зверху іншим почерком написано ъ.



/632/ [В лЂто 6719 (1211).] В та (ж) лЂта княжаше Всеволо(д) в(ъ) Кые†Ст̃ославичь, имЂа великую \Любовъ\ любовь къ дЂте(м) Романовое.

По то(м) же Мьстиславь пересопниц(ь)кіѝ, поса(ди)вь Лестька, поѝде в Га́ли(ч). Лестько (ж) поя Данила с Камен(ь)ца, а Олексан(ь)дра из Воло(ди)мера, а Всеволода из Бе(л)за, когож(д)о и(х) съ своими вои. БЂ бо вои Даниловы бо(л)шіи и крЂпльшіи, бяше бояре велиціи о(т)ц̃а его вси у него. ВидЂвь бо Лестько се, поча имЂти любовъ велику къ князю Данилу и бра(т)у его Васи(л)ку.

Затворившю (ж) ся Яропо(л)ку и Яволоду в Галичи, а Воло(ди)славь выѝде съ угры и чехи своѝми, и събра вся 1 галичаны и пріѝде на реку Бобръку. И увЂдавь Лестько, посла на него ляхы, а о(т) Данила же — Мирослава и Деміана, а о(т) Мьстислава — ГлЂбъ ЗьеремЂевиче(м) и Прокопьеви(ч) Юрья.

Бывши (ж) сЂчи велицЂ, одолЂша ляхове и ру(с). \Битва\ Данилу же тог(д)а дЂ(т)ску сущю, яко (ж) можаше на кони Ђзди(т), а Воло(ди)славь бЂжа, и мнози и(з)биты быша о(т) воѝ его. По то(м) же Лестко не може пріати Галича, но ше(д) воева около Теребовля и около Моклекова и \Sbaras\ Збаряжа. И Быкове(н) взя(т) бы(с) ляхы и ру(с)ю, и взя плЂ(н) великь и въротися в Ляхы.

По то(м) же Данило и Васи(л)ко, Лестьковою помощью, пріаста Тихомль и Переми(л) о(т) Алексан(ь)дра, и княжаста съ мт̃ръю своею в не(м), а на Воло(ди)меръ зряща: «Се ли ово ли, Въло(ди)мерь буде(т) наю, Бж̃іею же помощію», — на Въло(ди)мерь призирающа.

По то(м) же /633/ коро(л) поѝде на Лестька, Данилови же у Лест(ь)ка сущу, Лест(ь)ко (ж) посла посла своего Лестича и Пакослава воеводу, рекыи: «Не є(с)[ть] лЂпо боярину княжити в Галичи, но поими дъщеръ мою за сн̃а своего Коломана и поса(ди) его 2 в Галичи». \Бракъ\ Улюби (ж) коро(л) Ан(ь)дрЂи совЂ(т) [ось] Пакославль и сняся съ Лестько(м) въ З(ь)пиши, и поя дъще(р) его за сн̃а своего 3. И посла(л) и, я Въло(ди)слава в Галичи, и заточи. И в то(м) заточеніи умре, наше(д) зло племе(ни) своему и дЂте(м) свои(м), княженіа дЂля; всЂ бо князи не призряху дЂтеи его того ра(ди).

Коро(л) поса(ди) сына своего в Галичи, а Лестькови да Перемышль, а Пакославу — Любачевь. Пакославь бо бЂ пріате(л) Романовоѝ и дЂте(м) ея. СъвЂто(м) же Пакославли(м) Лест(ь)ко посла къ Алексан(ь)дрови, река: «Даѝ Воло(ди)меръ Романовичема [Данилови и Василькови; не даси ли, иду на тя и с Романовичема»]. Оному (ж) не дав(ь)шю, Лестко (ж) поса(ді) Романовича в(ь) Воло(ди)мери.

\Перемышль отъя\ [Въ лЂто 6720 (1212).] По се(м) же времени минув(ь)ши коро(л) о(т)я Перемышль о(т) Лестька и Любачевь. Лестко (ж) съжалиси о срамотЂ своеи и посла к Новугороду по Мьстислава, рекыѝ: «Бра(т) ми еси, пои́ди ся(ди) в Гали(ч)и».

Мьстислав(ь) же поиде на Гали(ч), совЂто(м) Лестковымь. Галичане (ж) вси и Су(ди)славь послаша(с) по Данила. Данило (ж) не утяже уехати 4, а Бенедикть [Лысы] бЂжа въ Угры съ Су(ди)славо(м), а Мьстиславь сЂде в Галичи.

\Irakley, syn Danyla, Lew, Roman, Swarno\ [Въ лЂто 6721 (1213).] В та (ж) лЂта времени минув(ь)ши поя у него Дани(л) дъщеръ имене(м) Ан(ь)ну, и ро(ди)ша(с) у него 5 сн̃ове и дъще(ри): пръвенець бо бЂ у него ИраклЂѝ, по не(м) же Левь, по не(м) Рома(н), Мьстиславь, Шевар(ь)но, иніи бо мла(ди) о(т)идоша /634/ свЂта сего.

\Похо(д) в Галичь\ Времени (ж) минувшю, єха Дани(л) къ Мьстиславу в Гали(ч), рекіи на Лестка, яко: «О(т)чину мою дръжи(т)». Оному [же] вЂщавшю: «Сн̃у, за пръвую любо(в) не могу на (н)[ь] въстати, а налЂзе собЂ другы».

Данилу (ж) възв(ь)ратив(ь)шюся къ домови, и еха съ брато(м), и прія Берестіи, и Угровескь, и Верещинъ, и Стол(ь)пъе 6, и Комовь, и всю Украину.

\Ляхове воюють по Бугу\ Лест(ь)ко (ж) великь гнЂвь имЂа на Данила. ВеснЂ (ж) быв(ь)ши, ехав(ь)ше ляхове воева(т), и воеваша по Бугу. Посла по ни(х) Дани(л) Гаврила Душиловича, и Семена Олуевича, Васи(л)ка Гавриловича; и биша(с) 7 до Сухое Дорогве, и колодникы изымаша, и воротиша(с) с великою ч(с)тію 8 в(ъ) Воло(ди)мерь.



1 с; 2 и; 3 си; 4 Ђхати; 5 отъ нея; 6 Столпъ, 7 биша и, 8 с великою славою.

А Внизу сторінки іншим почерком написано: сынове Данила к[ороля]: Иракле(й), Ле(в), Рома(н), Мстисла(в), Шварно.


Тог(д)а же Кли(м) убиень бы(с) Христини(ч), еди(н) о(т) всЂ(х) его воѝ 1, єго (ж) кр(с)ть и дон̃нЂ стоить на Сухоѝ Дорогве. Ляхы же многы избиша и гнаша по ни(х) до рЂкы Вепря.

Лест(ь)кови (ж) творящю, яко Мьстиславли(м) съвЂто(м) Дани(л) прія(л) є(с)[ть] Берестіи, Лестко (ж) посла къ королеви: «Не хочю чясти в Галичи, но даѝ его зятю моему». Коро(л) же посла вои много и Лест(ь)ко, и пріидоша к Перемышлю. Аронови же тог(д)а тысящю дръжащю в Перемышли, избЂже пре(д) ними.

Мьстиславь бо бЂ съ всЂми князи ру(с)кыми и чер(ь)нЂго(в)скыми. И посла Дмитра, Мирослава и Миха(л)ка ГлЂбовича противу и(м) к Горо(д)ку. Городокь бо бЂ о(т)ложилься, бяху в не(м) людіе Су(ди)славли. И Дмитрови біющися по(д) городо(м), пріидоша на (н)[ь] угре и ляхове, /635/ и побЂже(н) 2 Дмитръ. \Васи(л) Мо(л)за дя(к) убіенъ и Миха(л)ко з лука\ Тог(д)а же Васи(л) діакь, рекомыѝ Мо(л)за, застрЂленъ бы(с) по(д) городо(м). Миха(л)ка же Съкулу уби(ш), съгонив(ь)ше на Щир(ь)ци, а главу его съсЂк(ь)ше, трое чепи золотые сняша и принесоша главу его къ Коломанови.

\РЂка Збручь\ Мьстиславу (ж) стоящю на Зубръи, Дмитръ прибЂже к нему. Мьстиславу (ж) не мог(ь)шю бити(с) съ угры, просяше зятя своего Данила и Олекса(н)дра, да быста затворилася в Галичи. ОбЂщася Данилъ єму и Олексан(ь)дръ ити в Гали(ч), Дани(л) же затворися в Галичи, а Олекса(н)дру не смЂв(ь)шю.

Тог(д)а же великаа княгини Романова въспріа мнишескій чинъ.

\Коломанъ з ляхи подъ Галичь\ По то(м) же пріиде ра(ть)ю по(д) горо(д) Колома(н) и ляхове. И многу бою бывшю на Кровако(м) Броду, и паде на ня снЂ(г), не могоша стояти, идоша за Рогожину, идоша на М(ь)стислава и прогнаша изь землЂ.

\Данилъ выходитъ з Галича\ Мьстиславу же повЂдав(ь)шю Данилови: «Изыди из града». Дани(л) же изыде из Дъмитро(м) тысяц(ь)кы(м), и съ ГлЂбо(м) ЗьеремЂевиче(м), и с Мирославо(м). Изыдоша из града и быша противу То(л)мачю, угони и невЂр(ь)ныи Витови(ч) Въло(ди)славь. Наворотившеся на (н)[ь], и прогна(ш)а и(х) 3, и коня о(т) него о(т)яша. Дани(л) бо бЂ мла(д), и видЂ[в] ГлЂба ЗеремЂєвича и Семена Ко(д)ниньского мужески єздяща, и пріеха к нима укрЂпляа и(х) 4, и иніи же устремилися бяху на бЂгъ.

Того (ж) дн̃и биша(с) ве(с) дн̃ь олни и до нощи. Тое (ж) нощи увер(ь)нуша(с), Данилъ и ГлЂбь ЗьеремЂви(ч) яста Я(н)ца, мла(д) сы и показа му(ж)ство свое, и всю нощь биста(с). Наутріи же угони [и] /636/ ГлЂбъ Василеви(ч), увер(ь)нув же ся Дани(л) на нь и гна и далеи поприща, оному же утек(ь)шю пре(д) ни(м) бор(ь)зости ра(ди) ко(н)ское. Данилови (ж) възвратив(ь)шюся и единому едущю межи ими, онЂ(м) же не смЂющи(м) наеха(т) на (н)[ь], донелЂ (ж) въеха къ нему ГлЂбъ Судилови(ч) и Гаврило Иворови(ч) и ПеренЂ(ж)ко.

О(т)туду проидоша внутръ 5 и идоша в поле. \Голодъ на Данила в поли\ Бывшю (ж) гладу велику. Поидоша возы къ Плаву А на кано(н) ст̃ого Дъмитреа, възе(м)ше возы накормиша(с) изьоби(л)но и похвалиша Ба̃ и ст̃го Дмитреа, яко накор(ь)ми и(х).

\Кучелминъ\ О(т)туду (ж)е пріидоша ниже Кучелемина, мысляще, куды переити рЂку ДнЂстръ. Бж̃іею же мл(с)тію пріидоша ло(ди)я изь Олешіа, и пріехаша в ни(х) на ДнЂстръ, и насытиша(с) рыбъ и вина. О(т)туду (ж) пріеха Дани(л) къ Мьстиславу.

\Дары даеть Мстиславъ Данилови и конь борзый\ Мьстислав(ь) же велику похвалу сътвори Данилови, и дары ему дасть великы и ко(н) своѝ бор(ь)зыѝ сивыѝ, и ре(ч) ему: «Пойди, княже, въ Воло(ди)меръ, а азъ поѝду в Полов(ь)ци, мьсти†сърома своего». Данилови (ж) прієхав(ь)шю въ Воло(ди)мерь.



1 воинъ, 2 побЂже; 3 и; 4 и; 5 в Онут.

А В Іп. виправлено на: возни къ Плаву.



[Въ лЂто 6722 (1214). Бысть тишина.]

\Послы о(т) Литвы до к[нягини] Романовой и и(х) имена\ [Въ лЂто 6723 (1215).] В то (ж) время Бж̃іи(м) повеленіє(м) прислаша князи литов(ь)скіе къ великоѝ княгини Романовоѝ и къ Даниловоѝ 1 и къ Васи(л)кови, миръ дающи. Бяху (ж) имена литов(ь)ски(х) князеѝ се: старшіи, Живиньбу(д), Довьять, Довьспрункь, бра(т) его Мидогь, бра(т) Дов(ь)яловь Виликаиль. А жемои(т)скы(й) князь: Ер(ь)дивиль, Выкы(н)ть, а Рускови(ч) 2: Кинтибу(д), Вънибу(т), Бутови(т), Вижеивь 3 и сы(н) его Вишли, Китеніи, Пликосова. А се Булеве(чи): Вишимуть, /637/ єго же уби Мин(ь)дого(т) и жену его поялъ и бра(т)ю его побиль, Єдивила, СъпрудЂѝка. \К[нязи] лито(в)скіи\ А се князи изь Лотвы 4: Юдькы, Пукыикь, Бик(ь)ши, ЛикЂикь. Си (ж) вси миръ даша князю Данилови и Васи(л)ку, и бЂ земля покоина. \Ли(т)ва воюю(т) ляхо(в)\ Ляхо(м) же не престающи(м) пакостящи(м), и приве(д)е на ня лит[в]у. и воеваша ля(хи) и много убіиства сътвориша в ни(х).

[Въ лЂто 6724 (1216). Не бысть ничтоже.]

\Филя горды(й) и ре(ч) его пышна\ [Въ лЂто 6725 (1217).] В то (ж) время выиде Филя, [древле] прегор(ь)дый, надЂяся обіати землю, потребити море, съ многыми угры. Рек(ь)шю ему: «Еди(н) каме(н) много грън(ь)цевь избивае(т)», а друго слово ему рек(ь)ше прегор(ь)до: «Острый мечю, борзыѝ коню — многаа руси!» Бо̃у же того не тръпящю, во ино время убіенъ бы(с) Даніило(м) Романовиче(м) древле прегор(ь)дыи Филя.

Олексан(ь)дру (ж)е, о(т)ступив(ь)шю о(т) Данила и о(т) В(а)си(л)ка къ Лест(ь)кови, не бЂ бо има помощи ни о(т) коле 5 же, развЂе о(т) Ба̃, дон(ь)деже пріиде Мьстиславь с полов(ь)ци. Изыде (ж) Филя съ многыми угры и ляхы из Галича, поє(м) бояре галиц(ь)кыи, и Су(ди)слава ц(ь)тя, и Л(а)зоря и ины, а иніи разбЂгоша(с): загордЂ(л) бо ся бЂ.

[Въ лЂто 6726 (1218). Тишина бысть.]

\Ле(ст)ко на Данила\ [Въ лЂто 6727 (1219).] В то (ж) время прійде Лест(ь)ко на Данила к(ь) Щекареву, бороня ити ему на помощь Мьстиславу, тестеви своему. Конд(ь)рату (ж) пріехав(ь)шю мирити Лест(ь)ка и Данила, познавшю (ж) ему лесть Лест(ь)кову, и не велЂ князю Дани(л)лови єхати къ Лест(ь)ку. Филя (ж) стояшеся на бра(н), мняше же бо, яко никто (ж) може(т) стати проти[ву] ему на бра(н). \Колома(н) в Галичи\ остави (ж) Каломана в Галичи, и създа гра(д) на цр̃кви прч(с)тоа Вл(д)чица нш̃еа Бц̃а, /638/ яже не стер(ь)пЂв(ь)шю осквер(ь)неніа храма своего, въда(с) и в руци Мьстиславу.

БЂ бо ту с Коломано(м) Иванъ Леки(н), и Дмитръ, и Бо(т) 6. Половецкы(м) 7 же пріехав(ь)ши(м) видЂти рати, но угро(м) же и ляхо(м) гонящи(м) я, увернув(ь)ся половчи(н) застрЂли Уза въ око. И спа(д)шю єму съ фаря и взяша тЂло его, и плакашеся по не(м). \Филя гордый з ляхами отъ Мстислава поражени\ Нау(т)ріа же, на кано(н) ст̃̃ыа Бц̃а, пріиде Мьстиславь рано на гор(ь)даго Филю и на угры съ ляхы, и бы(с) бра(н) тя(ж)ка межи ими: и одолЂ Мьстиславь. \Филя поиманъ\ БЂгающи(м) же угро(м) и ляхо(м), избіено бы(с) и(х) мно(ж)ство, ятъ бы(с) величавый Филя пароб(ь)ко(м) Добрынены(м), єго же в(ь) Выл(ь)жи 8 Жирославь укра(л) бЂ, и обличену єму быв(ь)шю, про него же погуби отчину свою.



1 Данилови; 2 Рушьковичевъ; 3 ВижЂикъ; 4 Дяволтвы; 5 ни отъ кого; 6 бо; 7 половцемь; 8 лживый.



\Битва о врата граднаа\ И побЂ(ди)в(ь)шю же Мьстиславу поиде к Галичю, бив(ь)ши(м) же ся и(м) о врата граднаа. И възбЂгоша же на комары цр̃ковъныа, иніи же ужи възвлачиша(с), а фарЂ и(х) поимаша. \Градъ на церкви в Галичи\ БЂ бо гра(д) сътворенъ на цр̃кви. ОнЂмъ же стрЂляющи(м) и каменіє(м) мещющи(м) на гражяны, изнемогаху жажею водною, не бЂ бо воды в ни(х). И пріехавшу (ж) Мьстиславу, и вдаша(с) ему, изведени быша въ А цр̃кве.

Данилови бо 1 пріехав(ь)шу въ малЂ дружинЂ съ Демяно(м) тысяц(ь)кы(м), не бЂ бо приЂха(л) въ время то. По то(м) же пріеха Данилъ къ Мьстиславу, — бы(с) радо(с)[ть] велика, сп̃съ бо и(х) Бъ̃ о(т) иноплемен(ь)ника: вси бо угре и ляхове убіени быша, а иніи яти быша, а иніи бЂгающе по зе(м)ли истопоша, друзіи же смер(ь)ды избіени быша, /639/ и никому о(т) ни(х) утек(ь)ши. Тако бо мл(с)ть о(т) Ба̃ Ру(с)ко(й) земли.

\Судиславъ приведенъ къ Мстиславу\ По то(м) же приве(до)ша Су(ди)слава къ Мьстисла(в)у, оному (ж) не помыслив(ь)шю о нЂ(м) зла, но мл(с)ть ему показав(ь)шю. Он(ь) же, обоимаа нозЂ его, обЂщася работЂ быти ему. Мьстиславу (ж)е вЂровав(ь)шю словесе(м) его, и ч(с)тію великою почтивь его, и Звинигоро(д) дасть ему.

[Въ лЂто 6728 (1220). Не бысть ничто же.]

[Въ лЂто 6729 (1221).] В то (ж) врЂмя о(т)ступи(л) бЂ Алекса(н)дръ и сътвори миръ съ Лест(ь)ко(м) и Коломано(м), и съ Филею гръды(м), Романовичема не престааша хотя зла. ПобЂж(д)ени(и) 2 [же] Мьстиславли и по литов(ь)ско(м) воеваніи на ляхы сътвори миръ Лест(ь)ко съ Даніило(м) и Васи(л)ко(м), \Держиславъ и Творианъ\ и Дръжиславо(м) Абрамовиче(м) и Творіано(м) Вътиховиче(м), а Романовичи сътвориста миръ съ Демяно(м) тысяц(ь)кы(м). О(т)ступи Лест(ь)ко о(т) Алекса(н)дра.

\Ночь нещаслива около Белза\ Въ суботу (ж) на но(ч) попленено бы(с) около Бел(ь)за и около Чер(ь)вна Данило(м) и Васи(л)ко(м), и вся земля попленена бы(с): бояри(н) боярина пленив(ь)шю, смердъ смер(ь)да, гра(д) града, яко же не оставитися ни единоѝ веси не плЂненЂѝ. Єже при(т)чею гл̃ю(т) Книгы: не оставльшюся камени на камени. Сію же нарЂчю(т) бе(л)жане злу нощь, сіа бо нощь злу игру и(м) зыгра: повоеваніе бо бяху преже свЂта. Мьстиславу же рекшю: «Пожалуй брата Олексан(ь)дра», и Дани(л) вороти(с) въ Воло(ди)меръ, о(т)иде о(т) Бе(л)за.

[Въ лЂто 6730 (1222). Не бысть ничтоже.]

\Епископи володимерскіи за Василка и за Данила\ [Въ лЂто 6731 (1223).] Въ лЂта (ж) Данила и Васи(л)ка Романови(ч), бяху въло(ди)мер(ь)скіи бискупи: бЂ бо Асафь, бл̃жен(ь)ныи прп(д)бныѝ ст̃ль Ст̃ое Горы; и по то(м) бЂ Василій о(т) Ст̃ое Горы; и по то(м) бЂ Никифо(р), /640/ пр(о)рко(м) Станило, бЂ бо слуга Васи(л)ковь преж(д)е; и по то(м) Кузма, кроткыи, смирен(ь)ныи, прп(д)обныи, биску(п) въло(ди)мер(ь)скіи.

\Холмъ гра(д) созда(н) о(т) Данила\ Бу̃ же изволив(ь)шю, Данилъ съз(д)а гра(д), имене(м) Хол(ь)мъ, — създаніе же его иног(д)а скаже(м).

Бж̃іею волею избраненъ бы(с) и поставле(н) бы(с) Ива(н) бискупь князе(м) Данило(м) о(т) клироса великое цр̃кви ст̃ыа Бц̃и воло(ди)мер(ь)ское. БЂ бо преже того бискупь Асафь въ Угров(ь)ску 3, иже ступи 4 на сто(л) митрополиѝ 5 и за то свръженъ бы(с) съ стола своего, — и приведе(н) бы(с)[ть] на биско(пь)ю в Хол(ь)мъ.

[Въ лЂто 6732 (1234).] В то (ж)е лЂто пріиде неслыханаа ра(т): без(ь)божніи моавитяне, рекомыи татарове, пріидоша на землю Половец(ь)кую. \Татаре, новаа ра(т), на половцовъ воюють\ Половце(м) же став(ь)ши(м) * Юрьгіи Ко(н)чакови(ч) бЂ бо(л)ше всЂ(х) полове(ц), не може стати * противу лицю и(х). БЂгающе [же] ему, и мнози избіени быша, до рЂкы ДнЂпра. Татарове же възвратиша(с), идоша въ вежи своа. ПрибЂгши(м) же половце(м) многымъ в Рускую землю, гл̃ющи(м) же и(м) рускы(м) князе(м): «Аще не поможете на(м), мы нн̃Ђ иссЂчени быхо(м), а вы нау(т)ріе иссЂчени будете».



1 же; 2 по побЂдЂ; 3 Угровьсыи; 4 скочи; 5 митрофоличь; 6 пискупья.

А Прийменник въ іншим почерком виправлено на съ.

* Фрагмент між двома зірочками в тексті подано внизу сторінки. Вставлений за смислом і відповідно тексту Іп.



Бывшю (ж) съвЂту всЂ(х) князеи, въ градЂ КіевЂ, сътвориша съвЂ(т) сице: «Луче бы на(м) 1 є(с) приаті а на чюжеѝ зе(м)ли, нежели на своей». Тог(д)а бо бЂ Мьстиславъ Романови(ч) в(ь) КыевЂ, а Мьстиславь козе(л)скыи 2 въ Чер(ь)нЂговЂ, а Мьстиславь Мьстислави(ч) в Галичи: тіи 3 бо бяху старіишины в Рускоѝ земли. Гюргіа же князя великого сужда(л)ского не бы в то(м) съвЂтЂ; се же пакы и младіи князи: Данилъ Романови(ч), Михаи́лъ Всеволоди(ч), Всеволо(д) Мьстислави(ч) кіевьскіѝ, и иніи мнози князи. /641/ \Бастый, князь половецкій, крестися\ Тог(д)а же великіи кня(з) половецкіи кр(с)тися Бастыи. Васи(л)ка же не бЂ, бЂ бо в(ь) Воло(ди)мери мла(д).

О(т)туду (ж) пріидоша м(с)ца апри(л) и пріидоша к рЂцЂ къ ДнЂпру, къ острову Варя(ж)скому. \Островъ Варяжьскій на ДнЂпрЂ, где ся воиска стягаю(т) противъ татаро(в)\ И приіеха ту к ни(м) вся земля Половец(ь)каа, и чер(ь)нЂговце(м) пріехавши(м) и кіано(м) и смо(л)няно(м), и инЂ(м) страна(м). Всяна(м) А по суху (ж) ДнЂпръ переше(д)ши(м), яко (ж) покрытЂ быти водЂ о(т) мно(ж)ства люде(й), [а] галичане и вело(н)ци Б коиж(д)о съ своими князи, а куряне и трубьчане и потивльци, къиж(д)о съ своими князи, пріидоша ко(н)ми, а выго(н)ци галиц(ь)кіа пріидоша по ДнЂпру и въидоша 4 в море. БЂ бо людеѝ В тысяща, и въидоша в рЂку ДнЂпръ, и възве(до)ша порогы, \Хортица рЂка\ и сташа у рЂкы Хор(ь)тицЂ на бродЂ у Прото(л)чи. \Держикра(й) Володислави(ч)\ БЂ бо с ними ДомамЂ(л)ри(ч) Юрьгіи и Дръжикраи Воло(ди)слави(ч).



1 ны; 2 в КозельскЂ; 3 то; 4 вси идоша.

А Так в обох списках; Б В Іп. веленци виправлено на волынциВ Над літерою ю у слові людей написана літера ω.



Прише(д)ши же вЂсти въ станы, яко пришли су(т) видЂ(т) олядіи ру(с)кы(х), слышавь (ж) Дани(л) Романови(ч), и гна всЂ(д) на ко(н) видЂти невиданое ра(ти), и сущіи с ни(м) ко(н)ници и иніи мнози князи с ни(м) гна(ша) видЂти невиданое рати. \Рать невиданаа\ ОнЂ(м) же о(т)ше(д)ши(м), Юрьгіи и(ж) имь сказываше, яко стрЂ(л)ци су(т). Иніи же мо(л)вяху, яко прости людіе су(т), пущеѝ половець. Юрьгіи же Домамири(ч) мо(л)вяше: «Ратници су(т) и добраа воя».

\Мова о татаре(х)\ Пріехав(ь)ше (ж) сказаша Мьстиславу, Юрьгіѝ же все сказа, и рекши(м) молоды(м) князе(м): «Мьстиславе и другій Мьстиславе! Не стоѝта, поѝде(м) противу имь». Перейдоша (ж) вси князи, Мьстиславь и другы(й) Мьстиславь чер(ь)нЂгов(ь)скіи, рЂку ДнЂпръ, и иніи /642/ князи пріидоша, и поѝдоша в поле Половец(ь)ко. И переѝдоша ДнЂпръ въ де(н) в(ь) вто[рни](к), и усрЂтоша татарове по(л)кы ру(с)кыа, стрЂл(ь)ци же ру(с)кіа побЂ(ди)ша и, и гнаша в поле далече, сЂкуще, и взяша скоты и(х), а съ стады утекоша, яко всЂ(м) вое(м) напо(л)нитися скота.

\РЂка Ка(л)ка\ О(т)туду (ж) идоша 8 дн̃іи до рЂкы Ка(л)кы, срЂтоша сторожеве татар(ь)скіи. Стороже(м) же бив(ь)ши(м)ся с ними, и убіенъ бы(с) Иванъ Дмитріеви(ч), и инаа два с ни(м).

Татаро(м) же о(т)ехавши(м) напро(ч)нЂ рЂцЂ Ка(л)кЂ. УсрЂтоша татарове половец(ь)кыа по(л)кы и ру(с)кіа, Мьстислав(ь) же М(ь)стислави(ч) повелЂ впере(д) переѝти рЂку Ка(л)ку Данилови с по(л)ки, и инЂ(м) по(л)ко(м) с ни(м), а са(м) по не(м) переѝде, еха же са(м) въ сторожЂ. ВидЂвшю же ему полкы татар(ь)скыа, пріехавь ре(ч): «Въоружитеся!». Мьстиславу (ж) и друго(му) Мьстиславу, сЂдящима въ стану, не вЂдущима, Мьстислав(ь) же не повЂда има зависти ра(ди), — бЂ бо котора межи ими велика.

Сразившимся полко(м) на мЂсто, Дани(л) же выеха напере(д), и Семео(н) Олюеви(ч) и Васи(л)ко Гаврилови(ч), потькоша в по(л)кы татарс(ь)кіа, \Василко и Данило ранени\ Васи(л)кови (ж) збоде(н)ну бы(с), а самому Данилу в(ь)боденьну быв(ь)шю в пер(ь)си, мла(д)ства ра(ди) и буести и не чюша раны, быв(ь)шіе на телесЂ его, — бЂ бо възрасто(м) 18 лЂ(т), бЂ бо силенъ.

\Мстисла(в) НЂмыи\ Данилови (ж) крЂпко борющю[ся], и избивающа татары. ВидЂвь то Мьстиславь НЂмыѝ, мнЂвь, яко Данилъ збоденъ бы(с), потече 1 и са(м) в ня, бЂ бо му(ж) и тоѝ 2 крЂпо(к), \Монома(х)\ понеже ужика сыи Роману о(т) племени Воло(ди)меря, прироко(м) Монома(х). БЂ бо велику любовь имЂа къ оц̃у є(г): /643/ єму (ж)е поручив(ь)ше по см̃рти свою волость, дая князю Данилови.

Татаро(м) же бЂгающи(м), Данилови же избивающи и(х) свои(м) пол(ь)ко(м), и Ол(ь)гови кур(ь)скому, крЂпко бывшимся, инЂ(м) полко(м) сразив(ь)ши(м)ся с ними, \Ру(с) пора(ж)ени о(т) татаро(в), єдины(х) кіа(н) и(з)би Б[ог]ъ тридеся(т) тысящь\ грЂ(х) ра(ди) наши(х) рускы(м) пол(ь)ко(м) побЂжен(ь)ны(м) быв(ь)ши(м).

Дани(л) видЂ(в), яко крЂпчаѝши бра(н) ратны(х) належи(т) А, стрЂлце(м) и(х) стрЂляющи(м) крЂп(ь)ци, обрати ко(н) свои на бЂгь, устремленіа ра(ди) против(ь)ны(х). \Дани(л), напивши(с) воды, почу(л) рану и(ж) бы(л) храбо(р) и дръзъ\ БЂжащю (ж) ему, въжада воды, пивь почю рану на телесЂ свое(м), съ брани не позна єя крЂпости ра(ди) и мужьства възраста своего. БЂ бо дръзь и храборъ, о(т) главы и до ногу его не бЂ на не(м) порока.

И бы(с) побЂда на вся князи ру(с)кыа, тако (ж) не бывало никогда (ж). \Процесіи проти(в) татаро(в)\ Татаро(м) же побЂ(ди)в(ь)шимь ру(с)кіа князи, за прегрЂшеніе хр(с)тіанс(ь)кое прише(д)ши(м) и доше(д)ши(м) до Новагорода Ст̃опо(л)ческого. Не вЂдающи(м) же руси лести и(х), исходящю противу и(м) съ кр(с)ты, они же избиша и(х) всЂ(х).

Ожидаа Бъ̃ покааніа хр(с)тіан(ь)ского, обратися въспя(т) на зе(м)лю Въсточную, \Зе(м)ля Танагу(т)ска\ и воеваша зе(м)лю Таногу(т)ску 3, на ины страны. \Чанои(зъ), кано и(х), и Чаногу(т) убіени\ Тог(д)а же и Чаногызь, кано 4 и(х) таногуты, убіенъ бы(с); и(х) же пре(л)стив(ь)ше послЂ же лестію погубиша, иные же страны ра(т)ми, наипаче лестію погубиша.

\Алекса(ндр) и Рома(н) враждую(т) на Данила и Васи(л)ка\ [Въ лЂто 6733 (1225).] И бы(с) по си(х) времени минув(ь)ши Олекса(н)дръ всег(д)а 5 вражду имЂаше къ свои(м) брато(м) Романовиче(м), Данилови и Васи(л)кови. Слышавь, яко Мьстиславь не имЂе(т) любве къ зятю своему князю Данилови, радости исплънивься понужеваше Мстисла(ва) на ра(т). /644/ \Лысаа гора\ Мьстиславу (ж) поше(д)шю на ра(т), пріѝде на Лысую гору. Данилови (ж) пріехав(ь)шю 7 в Ляхы и възве(д)шю князя Лест(ь)ка, поѝде противу ему. \Бе(лз) мало не взя(т)\ Мьстиславу (ж) помо(ч) послав(ь)шю Олексан(ь)дрови. СтрЂтив(ь)ши (ж) имь ра(т), възгнаша въ гра(д) Бел(ь)зъ и замало и горо(д) не взяша. Нау(т)ріа поѝдоша противу и(м), Мьстиславу (ж) не стер(ь)пЂв(ь)шю възв(ь)ратися в Гали(ч).

\Дани(л) з ляхи воюе(т) землю Галицкую около Любачева\ Данилу (ж) князю въевав(ь)шю с ляхы землю Галиц(ь)кую и около Любачева, и плЂниша [всю] землю Бе(л)з(ь)скую и Чер(ь)ве(н)скую, даже и до остав(ь)ши(х). Васи(л)ку (ж) князю многы плены пріемшю, стада ко(н)ска и кобы(л)ска, \Зави(ст) ляхо(в) для здобычи\ и бы(с) зависть ляхо(м). И бывши(м) посло(м) о(т) обои(х), и пущень бы(с) Деміанъ и АндрЂѝ.

\М(ь)стисла(в) с Котяне(м) и половцами\ И бы(с) по си(х) приве(д) Мьстиславь Котяня и полов(ь)цы многы, и Воло(ди)мера кіевс(ь)каго, творяся на ляхы идя, съв(Ђ)то(м) Олександровы(м). СъвЂ(т) же Алексан(ь)дровь всег(д)а не престаше о братЂ свое(м), рекыи, яко: «Зя(т) твоѝ убити тя хоче(т)». Исправленію (ж) быв(ь)шю около вежи его, самому (ж) Алексан(ь)дру не смЂвшю ехати, посла Яна своего. Мьстиславу бо рек(ь)шю: «Твоя бЂ рЂ(ч), Яню, яко Данилъ второе сваживае(т) 8 ляхы на мя». \Алекса(н)дрова клевета и Янева лжа о(т)крилася\ Познав(ь)ши(м) же всЂ(м) князе(м) Александрову клевету, а Яневу льжю, и рекши(м) же всЂ(м) князе(м): «Прійми всю власть его за соро(м) своѝ». Он(ь) же за братолюбіе не прія власти его, и вси похвалиша ему.

Мьстислав(ь) же прія зятя своего любовію, и почти(в) єго ве(л)кими дар(ь)ми, и да ему ко(н) своѝ бор(ь)зыи Акта(з), /645/ якого (ж) в та лЂта не бы(с); и дъщеръ свою Ан(ь)ну даривь великими дарьми; и съ братіею видевь[с]я в Перемили, и утвердиша мирь.



1 потче; 2 тъ; 3 Таногустську; 4 канъ; 5 все; 6 жи; 7 поЂхавшю; 8 всаживаеть.

А В Іп. замість брань ратныхъ належить написано: брань належить в ратныхъ.



\Дары о(т) Мстислава Данилови, ко(н) славный Актаръ Переми(л) Наветы на Мьстислава\ [Въ лЂто 6734 (1226).] По то(м) же лестивому Жиросла(в)у рек(ь)шю бояро(м) галицкы(м), яко: «Иде(т) Мьстиславь в поле и хоще(т) ва(с) предати тестеви своему Котяню на избитіе», Мьстиславу (ж) праву сущю о се(м) 1 и не свЂдущю ничто же о ни(х). \Горы Кавока(с)кыя, Угор(ь)скыя и ДнЂпръ рЂка\ Они (ж) емше вЂры о(т)идоша въ зе(м)лю Перемышльскую, в горы Кавокаскыа, рек(ь)ше въ Угор(ь)скыа, на реку ДнЂпръ А. Послаша послы своя, рекуще, яко: «Жирославь повЂда(л) на(м) 2 є(с)» Б. Мьстиславу же пославшю о(т)ц̃а своего Тимоθеа, яко: «Въсуе оклев(е)та(л) мя є(с) к ва(м) Жирославь». Тимоθею же кле(н)шюся имь о се(м), яко не сведу(щу) Мьстиславу ничто же о семь: и приведе бояре вси к нему.

\Жиросла(в) яко клеветникъ изгнанъ\ Князю же обличи(в)шю єму Жирослава, и гна ѝ о(т) себе. Яко (ж) изгна Бъ̃ Каина о(т) лица своего, рекыѝ: «Прокля(т) ты бу(ди), стоня [и] трясыися на земли, яко же раз(д)виже земля уста своа пріати кръвь брата твоего». Тако 3 же и Жирославь раз(д)виже уста своя на г(с)дина своего: да не буде(т) ему приставника въ всЂ(х) земля(х) Ру(с)кы(х) и въ Угор(ь)скы(х) ни в(ь) кыи(х) же страна(х), да ходи(т) шатаася въ страна(х), желаніе брашна да буде(т) ему, вина же и олу поскуду да буде(т) ему, и да буде(т) дворь его пусть, и въ селЂ его не буде(т) живущего.

О(т)туду выгна(н) иде къ Изяславу. БЂ бо лукавыѝ лесте(ц) нарече(н), [и] всЂ(х) стропотливЂе и ложь пламе(н), всеименитыѝ оц̃емъ добры(м), убожество(м) въз(ь)браняше /646/ злобу его, л(ь)жею питашеся языкь его, но мудростію възложаше вЂру на л(ь)жю, красяшеся лестію паче ве(н)ца, л(ь)жеименець, зане пре(л)щаше не токмо чюжи(х), но и свои(х) възлюблен(ь)ны(х) имЂніа ра(ди) ло(ж). Того бо дЂля жадаше быти у Изяслава. И мы (ж) на пре(д)нее въз(ь)вратихо(м)ся.

\А(н)дре(й) королеви(ч), зять Мстиславу, слухаю(чи) клеве(т), во(й)ну по(д)носи(т) на тестя\ Мьстислав(ь) же, по съвЂтЂ л(ь)живы(х) 5 боярь галиц(ь)кы(х), вдасть дъщеръ свою ме(н)шую за королевича Ан(ь)дрЂя, и дасть єму Перемышль. Ан(ь)дрей же послушавь л(ь)стива(г) Семеона Чермна(г), и бежа въ Угры и нача въз(д)виза(т) ра(т). Бывши (ж) зимЂ, прійде к Перемышлю, Юрьеви тогда тысящю дръжащю, преда Перемышль и бЂжа са(м) къ Мьстиславу. \Остра(х) на короля отъ волхвовъ о Галичь\ Королеви (ж) став(ь)шю въ ЗвинЂгородЂ, и посла вои свои къ Галичю [самъ бо не смЂ Ђхати к Галичю]: повЂдаху бо ему влъх(ь)вы угор(ь)скыа, яко узрЂв(ь)шю Гали(ч) не быти ему живому. Он(ь) же тоа ра(ди) вины не смЂ ити въ Гали(ч), яко вЂряше влъхво(м). ДнЂстру 7 (ж) наводнившю(с), не могоша переѝти.

\Пакославъ з ляхами при короле\ Мьстислав(ь) же выеха противу с по(л)кы, онЂм(ь) же позоровав(ь)ши(м) на ся 8, и єхаша угры въ станы своа: бЂ же 9 с короле(м) Пакославь с ляхы.



1 немь; 2 ны; 3 яко; 4 пристанка; 5 льстивыхъ; 6 Семьюнка; 7 ДнЂпру; 8 насъ; 9 бо.

А Помилка в обох списках: треба ДнЂстръБ В обох списках фраза не закінчена. В Єрм.: яко предати насъ имаши Катяну.



О(т)туду (ж) поѝде коро(л) к Теребовлю и взя Теребовль, поѝде к Тихомлю и възя Тихомль. \Подъ Кремянцемъ избити угрове\ О(т)туду (ж) пріиде къ Кремя(н)цю и бися по(д) Кремя(н)цемь, и много угорь избиша и раниша.

Тог(д) же Мьстиславь Су(ди)слава посла къ зятю своему князю Данилу, рекыи: «Не о(т)ступаѝ о(т) мене». Оному (ж) рек(ь)шу: «Има(м) правду въ сер(д)ци свое(м)».

О(т)туду (ж) пріиде король /647/ къ Звинигороду. Выеха (ж) Мьстиславь из Галича, угре же выехаша противу ему из(ь) 1 становь королев(ь)скы(х). Мьстислав(ь) же бився с ними и побЂ(ди) я; и гнаша по ни(х) до становь королев(ь)скы(х), сЂкуще [и]. Тогда (ж) Мар(ь)тини(ша) убиша, воеводу кор[ол]ева. Коро(л) же смятеся умо(м), и поиде изь землЂ бор(ь)зо.

\К[ороль] пораже(н) о(т) М(ь)стислава, Мартини(ш), воев[ода] к[оролевъ], уби(т)\ Данилови (ж) прише(д)шю къ Мьстиславу съ брато(м) Васи(л)ко(м) к Горо(д)ку, и ГлЂбь съ нима, и молящи(м) и(м): «Поиди, княже, на короля, по Ло(х)ти ходи(т)», \Судисла(в), пріяте(л) к[оролеви]\ Судислав(ь) же браняше ему. БЂ бо имЂаше лесть въ сер(д)ци свое(м), не хотяше бо пагубы королеви, имЂаше бо в не(м) надежю велику, бяше бо коро(л) изнемоглься.

\Ле(ст)ко на помо(ч) к[оролеви]\ Лест(ь)кови же в(ь) то время идущю в помо(щ). Данилови (ж) бранящю ему не помагати королеви, оному (ж) наипа(ч) хотящю. Дани(л) же и Васи(л)ко посласта лю(ди) своя къ Бугу 2, не даста ему пріити. О(т)туду (ж) въз(ь)вратився иде въ свою землю: изнемоглъ бо ся бЂ хо(ди)вь на воѝну.

\Коро(л) спрацованый вернулся до Угоръ и Жирославъ съ нимъ\ А коро(л) угор(ь)скыѝ иде въ Угры. Тог(д)а же угони Изяславь съ льстивы(м) Жирославо(м), идоста с ни(м) Угры.

\Су(ди)славова рада: не давати дщере за Данила\ По томъ же Су(ди)славу льстящю по(д) Мстиславо(м), рече ему: «Княже, даѝ дъщерь сво(ю) обручен(ь)ную за королевича и даѝ ему Гали(ч). Не можешь бо дръжати са(м), а бояре не хотя(т) тебе». Оному (ж) не хотящю дати королевичю, но па(ч) 3 хотя дати Данилови. ГлЂбови же ЗьеремЂевиче(м) и Су(ди)славу претяща ему не дати ему Данилови, рЂста бо ему: «Аже и даси королевичю, тог(д)а въсхощеши и можеши [ли] взяти по(д) ни(м). Даси ли Данилови, в в̃кы /648/ не твоѝ буде(т) Гали(ч)». \Гали(ч) да(н) А(н)дрЂеви к[оролевичю]\ Галичано(м) бо хотящи(м) Данила, о(т)туду (ж) послаша в рЂче(х), Мьстиславь дасть Гали(ч) королевичю Ан(ь)дрЂеви, а са(м) взя Понизіе. О(т)туду иде къ Тръцескому.

\М(ь)стисла(в) НЂмы(й) о(т)да(л) о(т)чину Данилови\ Мьстиславу (ж) НЂмому дав(ь)шю о(т)чину свою князю Данилови, и сн̃а своего поручи(л) Ивана, Ивану (ж) умръшю, и прія Луцескь и Ярославль 5, и 6 Чер(ь)торыескь и Пинескь 7.

[Въ лЂто 6735 (1227).] Начне(м) же сказати бесчислен(ь)ныа рати, и великіа труды, и частыа вои́ны, и многыа крамолы, и чястая въстаніа, и многыа мятежи. Измлада бо не бы има покоа.

\Дани(л) в Жи(ди)чинЂ, намовляю(т) его взя(ти) Луцко\ СЂдящю (ж) Ярославу въ Лу(ч)ску, єха Дани(л) въ Жидичи(н) кланятися ст̃му НиколЂ и молитися, и зва и Ярослава А к Лу(ч)ску. И рЂша ему бояре его: «Пріими Луческь, зде ими князя и(х)». Оному (ж) о(т)вЂщав(ь)шю, яко: «Приходи(х) 8 зде мл̃тву сътворити ст̃му НиколЂ, и не могу того сътвори(ти)». Иде въ Воло(ди)мерь, о(т)туду (ж), събравша ра(т), посласта на (н)[ь] Ан(ь)дрЂа, Вячеслава, Гаврила, Ивана. Оному (ж) въєхавшю, ятъ бы(с) съ женою своею, ять же бы(с) Олексою ОрЂшко(м): бЂ бо бор(ь)зъ ко(н) по(д) ни(м) угонивыѝ Б и я его до города. И затвориша(с) лучане. Нау(т)ріа же пріиде Дани(л) и Васи(л)ко, \Лучане поддалися Данилови\ и предаша(с) лучане. \Пересопница\ Бра(т) же да Васи(л)кови Луческь и Пересопницю, Берестіи же єму бЂ преже да(л).

\Ятвязи воюю(т) коло Берестя и пора(же)ни о(т) Данила Мо(н)дуни(ч) Шутровій и Стегутовій ЗЂброви(ч)\ Воеваша ятвязи около Берестіа, и угониста ѝ из Воло(ди)меря, наехав(ь)шима (ж) двЂма 9 Монъдуничю Шютровіи и Стегутовіи ЗЂбровичю на полкъ, и убіень бы(с) Данило(м) и Вячеславо(м) /649/ Шюр(ь)ть, а Стегуть убіенъ бы(с) Ше(л)во(м). \Небра ране(н) о(т) Данила\ БЂжащи(м) же ят(ь)вязе(м), угони я Дани(л), Небра язви четыр(ь)ми ранами, древо (ж) вышибе копіе из руку его. Васи(л)кови (ж) угонив(ь)шю его, кликь бы(с) великь: «Бра(т) ти біется наза(ди)». оному (ж) оставшю, обратися бра(т)у на помощь, оному (ж) си(м) утекшю, а иніи разбЂгоша(с).



1 со; 2 къ брату; 3 наипаче; 4 когда; 5 Ярославъ; 6 а; 7 пиняне; 8 приходить; 9 двЂдвЂима.

А В Іп.: Ярославъ; Б Так в обох списках замість: угонивъ и.



Мы (ж), се оставльше, на пре(д)нее възв(ь)ратимся.

\Черторыйскъ\ Дани(л) же посла Демьана къ тести своему, река ему: «Не подобає(т) пи[ня]на(м) дръжати Чер(ь)торыѝска, яко не могу и(м) тръпЂти». \М(ь)стисла(в) жалЂе(т) за Галичем\ Демьянови же повЂстящю с ни(м): «Сн̃у! СъгрЂши(х) не давь тобЂ Галича, но да(х) иноплемен(ь)нику, Су(ди)слава лестьца съвЂто(м), обольсти бо ми. Аже Бъ̃ въсхоще(т), поиди†на ня, азъ сважю 1 полов(ь)ци, а ты своѝми, и аще Бъ̃ дасть его нама, ты възми Гали(ч), а азъ Понизіе, а Бъ̃ ти поможе(т), а про Чер(ь)торыескь правь еси». \На Велы(к) де(н) Чорторыйскъ обсяже(н), где ко(н) по(д) Данило(м) застреле(н)\ Деміану (ж) пріехав(ь)шю въ Великую суботу, нау(т)ріа же на Великыѝ дн̃ь пріехаста Даніилъ и Васи(л)ко къ Чер(ь)торыѝску [в понедЂлникъ] на ночь обсЂдоста гра(д). Тог(д)а же и ко(н) Даніиловъ застрЂленъ бы(с)[ть] з города. Нау(т)ріа жь обьехаста гра(д), Мирославь и Демьянъ рекоста, яко: «Преда(л) Бъ̃ врагы наша в рукы ваю». \Чорторы(й)скъ взя(т) о(т) Данила\ Дани(л) же вели приступити къ гра(д), и взяша гра(д) и(х) и князи и(х) изымаша.

\Мстисла(в) уме(р). ГлЂ(б) ЗеремЂеви(ч)\ По то(м) же Мьстиславь великыѝ Удатныѝ кня(з) умре, жадающу бо ему видети сн̃а своего Даніила. ГлЂбь же Зеремееви(ч), убЂже(н) бы(с) завистію, не пустяше его. Оному (ж) хотящю поручити до(м) своѝ и дЂти въ руцЂ єго: /650/ бЂ бо имЂя до него любовъ велику въ сер(д)ци свое(м).

\Переми(л) и Ме(жи)божи\ И по то(м) же пустиста Ярослава и даста ему Переми(л), и по то(м) Межибожіе.

\Кири(л) митрополи(т) старае(т)ся о мирЂ\ [Въ лЂто 6736 (1228).] В то (ж) лЂто бЂ Кирилъ 2 митрополи(т) пребл̃жен(ь)ныѝ ст̃ыѝ пріеха(л) мира сътворити, и не може.

\Ростисла(в) пи(н)скій\ По то(м) же Ростиславь пин(ь)скыѝ не престааше клевеща, бЂша бо дЂти его изыиманы.

Воло(ди)мерь [же] кыев(ь)скыѝ събра воѝ, Михаилъ чер(ь)нигов(ь)скыѝ, — «яко бо бЂ оц̃ъ его постригль о(т)ц̃а моего», — бЂ бо ему боязнь велика въ ср̃дци его. \Котя(н) с половца(ми) и прочіи войска по(д) Камянце(м)\ Въло(ди)мер(ь) же зва(ди) 3 Котяня [на конь] и вси полов(ь)ци, и пріидоша къ Каме(н)цю. Въло(ди)мер(ь) же съ всЂми князи, а Михаилъ съ всЂми князи и куряны, и пиняны, и новьгоро(д)ци и туров(ь)ци, и обьсЂдоша Каменець.

Данилови бо творящюся мирь сътворити с ними, переводя ими, и еха в Ляхы по помощь, а Павла своего посла къ Котяневи, река: «О(т)ч̃е! Измяти воѝну сію, пріими мя в любовъ свою» 4. Онъ же ехавь взя землю Галиц(ь)кую, и иде в землю Половец(ь)кую и не обратися к ни(м).

\ПоловцЂ с Котяне(м) взя(ли) землю Галицкую Королеви(ч) в Галичи\ БЂ бо королеви(ч) в Галичи и Су(ди)славъ с ни(м), миръ бо имЂаше и съ Воло(ди)меро(м) и Михаило(м). Си(м) же не в(ь)спЂвши(м) 5 ничто же, въротиша(с).

\Дани(л) и Васи(л)ко з ляха(ми) на Кіевъ и Пакосла(в) воевода\ Дани(л) же и Васи(л) събравша ляхы многы, идоста къ Кыеву с Пакославо(м) воеводою, и Олексан(ь)дро с нима. СтрЂтоша (ж) послы [отъ] Воло(ди)мера и Михаила, \Воро(ти)сла(в) еднае\ и Въротиславъ Петрови(ч), и Юрій Итолигневи(ч) 6, хотяще мира. И умириша(с) и ляхове въз(ь)вратиша(с) въспя(т).

\Ле(ст)ко, князь ляцкій, на сеймЂ убіенъ С(т)ополко(м) О(л)говичо(м)\ [Въ лЂто 6737 (1229).] В та (ж) лЂта Лестько убіень бы(с) великыѝ кня(з) ля(д)скыѝ, на со(н)мЂ убіень бы(с) Ст̃пол(ь)комъ /651/ Олговиче(м) 7 и Воло(ди)славо(м), съвЂто(м) бояръ невЂр(ь)ны(х). \1227. Кондра(т), бра(т) Ле(ст)ко(в), з Данило(м) и Василко(м) в любви\ По смр̃ти брата своего Кондра(т) прія Данила и Васи(л)ка въ великую любовь и проси ею, да быста шла єму на помощь, [и поидоста ему на помощь] на Воло(ди)слава на старого. Сама (ж) идоста на воѝну, остависта (ж) (в) А Берестіи Воло(ди)мера пи(н)скаго, и угровьчаны и берестіаны, стеречи зе(м)ли о(т) ятвя(з).



1 всажу; 2 Курилъ; 3 всади; 4 себЂ; 5 вуспЂвошимъ; 6 ТолигнЂвичь; 7 Одовичемь.

А в написано зверху іншим чорнилом.


\Литва ляхо(в) воюю(т), поражени о(т) Воло(ди)мера\ В то же веремя литва ляхы воеваша, мняще мирни суще, и пріѝдоша къ Берестію, Въло(ди)мер(ь) же ре(ч): «Аже есте мир(ь)ни, но мнЂ есте не мир(ь)ни». Изиде на ня и берестіане избиша я всЂ.

Дани(л) же и Васил(ь)ко прійдоста къ Кондратови, \Калишь\ и згадавши(м) и(м) идоша кы Калешю. И пріѝдоша Ветру А в[е](ч)ерь. Нау(т)ріа же свитающю, \ПрЂсна рЂка\ преѝдоша рЂку ПрЂсну и поѝдоста к городу. И тое нощи бы(с) дъж(д) великь. ВидЂвши (ж), яко нЂсть кто противяся, пустиша воева(ти) и плени(ти). Ру(с) же догнаша Милича и Старьгорода, и нЂко(л)ко селъ Въротиславльскы(х) заяша, и пріаша плЂ(н) великь и вратиша(с)я, и пріидоша въ станы, гадающи(м), како поѝти къ городу на боѝ, ляхо(м) же не хотящи(м) битися.

\Кондра(т) люби(т) рускіи би(т)вы\ Наутріи же Дани(л) и Васи(л)ко пое(м)ша воя своя, и поидоста къ гра(д)у. Кон(ь)драту (ж) любящю ру(с)кы(й) боѝ и понужающю ляхы своя, онЂ(м) же одинако не хотящи(м). \Кали(ш) я(т) вЂли(т) в(ъ) нияко(м) мЂ(с)цу\ Приступившима (ж) има обЂма к ворото(м) кале(ш)скы(м), а Мирослава посласта вза(д) града [и] иніа пол(ь)кы.

[БЂ бо] горо(д) обошла вода и силнаа лозина и вер(ь)бье, и не свЂдущи(м) и ся самЂ(м), игде кто біашеся 1. Єг(д)а же сіи о(т)ступяху о(т) боа, оніи же належаху на оны, а коли оніи оступяху, а они належаху на сіи. За невЂденіе /652/ \Ка(ли)шане бороня(т)ся моцно\ не пріять бы(с) гра(д) то(м) дн̃и. Идущю (ж) каменію съ забро(л), яко дъж(д) си(л)ну, стоящи(м) и(м) въ водЂ, до(н)де же сташа на сусЂ наметано(м) каменіи, \Врата за(ж)жены\ и възвод(ь)ныѝ мость и жеравець въж(ь)гоша. Ляхове (ж) врата одва угасиша гра(д)ьскіа.

Данилови (ж) и Васи(л)кови хотящима 2 подле града, стрЂляющи(м) на гра(д) инЂ(м) стрЂ(л)це(м), \Ранны(х) 160\ и бы(с) ранено мужеѝ стоящи(х) на заброле(х) 100 и 60. Бывшу (ж) ве(ч)[е]ру, въз[в]ратиша(с) въ страны 3 своя, Станислав(ь) же Микули(ч) рече: «Где то мы стояли, ту нЂ(с) воды, ни гребле высокы». Дани(л) же въсЂ(д) на ко(н) еха са(м) на зъглядан(ь)е града, и видЂ яко тако и есть. Дани(л) же пріеха къ Кон(ь)дратови и ре(ч) ему: «Аще быхо(м) испръва вЂдали мЂсто се, то гра(д) пріать бы бы(л)». Кондратови (ж) молящу(с) има, да нау(т)ріа пакы приступита къ гра(д)у.

Нау(т)ріа же Данилъ и Васи(л)ко посласта лю(ді) своа, онЂ(м) же стоящи(м) и теребящи(м) лЂсы около града, гражано(м) же ни каменя смЂющи(м) врещи на ня, просяху ся, да бы к ни(м) прислаль Кондра(т) Пакослава и Мьстиуя. Пакослав(ь) же рече Данилови: «ИзмЂнивь ризы своа, поє(ди) с нами». Данилови (ж) не хотЂв(ь)шю, ре(ч) ему бра(т): «Иди, да слыши(ш) 4 вече ихъ». Не вЂряше бо Мьстиуеви Кондра(т).

Дани(л) же въземь на ся шоло(м) Пакославль 5 и ста за нима. \Рокова(н)[е] калиша(н) о покои, где и Дани(л) бы(л) з стороны Ко(н)дратовы\ Стоящи(м) же муже(м) на заборолЂ(х) и рекущи(м) и(м): «Тако мо(л)вита великому князю Кон(ь)дра(т)у: «Съ(й) гра(д) не твоѝ ли е(с)? Мы (ж) мужи, изнемог(ь)шеѝ въ градЂ се(м), ци иного стра(н)ници есмы? Но людіе твоѝ есмы, а ваша братіа есмы! Чему о на(с) не з(ь)жалита си? Аще на(с) ру(с) плЂня(т), то /653/ кую славу Кон(ь)дра(т) пріиме(т)? Аще ру(с)каа короговь станеть на заборолЂ(х), то кому ч(с)ть учиниши? Не Романовичема ли? А свою ч(с)ть уничтожиши, нн̃Ђ брату твоему служи(м), а зау(т)ра твои буде(м). Не даѝ славы руси погубити Б града сего». И ина многа словеса гл̃аху. Пакославу же рек(ь)шю: «Кондра(т) бы ра(д) мл(с)ть В учиниль ва(м), (но) Г Даниль лю(т) зЂло є(с), на(с) не хоще(т) о(т)ити про(ч), не пріемъ града». (И) Г росмЂя(в)ся ре(ч): «А се стои(т) са(м), мо(л)вите с ни(м)».



1 биаше; 2 ходящима; 3 станы; 4 слыши; 5 Пакославь.

А В обох списках помилка. Слід: Вепру; Б В Іп.: не дай славы руси, ни погубиВ В Іп.: Кондратови радъ милость бы. Г Дописано над рядком.



Кня(з) же тъче его оскЂпище(м), и сня съ себе шело(м). Они же кликнуша съ града: «ИмЂѝ слу(ж)бу нашю, моли(м)ся, сътвори миръ». Оному (ж) много смЂав(ь)шю(с) и много вЂстовав(ь)шю с ни(ми), поя о(т) ни(х) два мужа и пріеха къ Кон(ь)дратови. \Таль е(с) єзикъ\ И сътвори Кондра(т) с ними миръ и поя у ни(х) талъ А. \Кля(т)ва межи ляха(ми) и русю не бра(т) челяди из часу воины\ Руси бо бяху полонили многу челя(д) и боярынЂ. Сътвориша межи собою клятву ру(с) и ляхове. Аще по се(м) коли буде(т) межи ими усобица, не воевати ляхо(м) руское челяди, ни руси ля(д)ское.

По то(м) же възв(ь)ратистася о(т) Кондрата в до(м) своѝ, съ ч(с)тію Бу̃ поспЂвающю има. Сътвориста єму помощь велику и внидоста съ славою въ землю свою: иныѝ бо князь не въходилъ бЂ въ землю Ля(д)скую то(л) глубоко, проче Воло(ди)мера Великого, иже бЂ землю кр(с)тилъ.

\Васи(л)ко до Суждаля на весе(л)е\ По то(м) же времени минув(ь)ши еха Васи(л)ко к Суж(д)алю на весе(л)е 1 шюрина своего, к великому князю Гюрьгью, пое(м) Мирослава съ собою и ины.

\Послы о(т) галича(н) до Данила\ Князю (ж) Данилови, будущю в(ъ) Угров(ь)ску, прислаша галичане, рекуще, яко: «Су(ди)славь шелъ є(с) в Понизье, а королеви(ч) в Галичи /654/ осталъ, а поѝди бор(ь)же». \Демя(н) посла(н) на Су(ди)слава, пре(д) которы(м) Судисла(в) утЂкае(т)\ Данилови же, събрав(ь)шу вои въбор(ь)зЂ, посла Демяна на Су(ди)слава, а са(м) иде въ малЂ дружинЂ къ Галичю изь Угров(ь)ска. Третіѝ дн̃ь бывшю ему на ночь в Гали(ч), а Су(ди)славь не стер(ь)пЂ пре(д) Деміано(м), но побЂже в Гали(ч). \Дани(л) взя(л) дво(р) Су(ди)славо(в) по(л)ны(й) всего\ Данилови же пріехав(ь)шю къ Галичю, Гали(ч)ь бо бЂ ся затвори(л), Дани(л) же взя дворъ Су(ди)славль, яко же вино, и (о)воща, и кър(ь)ма, и къпіи, [и] стрЂлъ, пристран(ь)но видЂти. По то(м) же Данилъ видЂвь лю(ди) своя яко испол(ь)нилися 2, не хотЂ стати въ города, но иде на ину страну ДнЂстра.

Су(ди)славу (ж) тое ночи въбЂг(ь)шю въ горо(д), яти быша о(т) вои его людіе и рекоша, яко Су(ди)славь уже в Галичи, Данилъ стояше Угльници(х), на березЂ ДнЂстра, выехав(ь) же к галичано(м) и угро(м), \Би(т)ва на леду\ и стрЂляшеся на леду. Ве(ч)[е]ру (ж) быв(ь)шю, и ледо(м) въстав(ь)ши(м) [и] рецЂ наводнившися, \Мо(ст) зажже(н) на ДнЂстрЂ\ заж(ь)гоша мость на ДнЂстрЂ — безакон(ь)ны(й) лихіи Семью(н)ко, по(до)бныѝ лисици чер(ь)мности ради. И пріиде же Демьянь съ всЂми бояры галиц(ь)кыми, съ Мирославо(м) 3 и съ Воло(ди)славо(м) и съ многыми бояры галиц(ь)кыми. Данилови же о се(м) весело будущя, а о мостЂ печа(л) имЂющю, како ДнЂстръ переѝти. Гнав(ь) же Данилъ к мосту и узрЂ, яко конець мосту вгаслъ В є(с), и бы(с) радо(с)[ть] велика.

\Воло(ди)ме(р) И(н)гвареви(ч)\ Нау(т)ріа же пріѝде Въло(ди)меръ Инъгварови(ч), и переидоша мость и сташа по берегу ДнЂстра.

Нау(т)ріа же устав(ь)ше, но обьеха Данилъ горо(д), \Гали(ч) обляне(н) на 4 части о(т) Бобръки до УшицЂ и до Прута\ и събравь зе(м)лю Галиц(ь)кую ста на четыри части окр(с)ть его, и събра о(т) Бобръкы /655/ даже и до рекы Ушици и Прута, и обьсЂде и въ силЂ тя(ж)цЂ. Оне(м) же изнемогши(м) предаша гра(д). \Гали(ч) по(д)дался Данилови\ \Королевичъ пущенъ и опроваженъ\ Данило[ви] (ж) пріем(ь)ши гра(д), помянув(ь)шю любовь короля Ан(ь)дрЂа, и пусти сн̃а его и прово(ди) и до рЂкы ДнЂстра. Изыде (ж) с ни(м) единъ Су(ди)славь, на нь 4 же мета[ху] каменіе, рекуще: «Изыди из града, мяте(ж)ниче земли!»

АндрЂеви (ж) прише(д)шю къ о(т)ц̃у своему 5 и брату, и Су(ди)славу гл̃ющу непрестан(ь)но: «ИзыдЂте на Гали(ч) и пріимЂ(те) землю Ру(с)кую, аще не пои́деши, но укрЂпятся на ны».



1 свадбу; 2 испилися; 3 Милославомъ; 4 ньмь; 5 си; 6 ны.

А Так в об. сп. Слід: тальБ В Іп. въ виправлено на вьрхъ. В Над першою буквою слова дописано у.



\БЂла рикс(ъ), к[ороль] уго(р)скій, на Гали(ч), дожче(м) и плютою отражде(н)\ Изыде (ж) БЂла риксь, рекомыѝ коро(л) угор(ь)скы(й), въ силЂ тя(ж)цЂ, рек(ь)шю ему, яко: «Не има(т) остатися гра(д) Гали(ч). НЂ(с)[ть] кто избавляа и о(т) руку моею». Въше(д)шю же ему в горы Угор(ь)скыа, посла на (н)[ь] Бъ̃ архаг̃гела Михаила о(т)ворити хляби нб(с)ныа. Коне(м) же потопающи(м) и самЂ(м) възбЂгающи(м) на высокаа мЂста, оному (ж) одинако устремив(ь)шюся пріати гра(д) и землю. Данилови (ж) молящюся Бу̃, избави и(х) Бъ̃ о(т) рукы сил(ь)ны(х) А.

\Посо(л) о(т) БЂлы и рЂ(ч) его велика\ И обступи гра(д) и посла посолъ, и възопи посо(л) гласо(м) великы(м) и ре(ч): «Слышите словеса великого короля угор(ь)скаго? Да не уставляе(т) ва(с) Де(м)янъ, гл̃я: „и земля изметь Б ны Бъ̃“; ни да уповае(т) вашь Данилъ на га̃, гл̃я: „не има(т) предати гра(д) съ(й) королеви угор(ь)скому“. Толико ходи(л) на ины страны, то кто можется дръжати о(т) руку моею [и] о(т) силъ пол(ь)ков(ъ) мои(х)?» \Де(м)я(н) мени(л) поло(в)цЂвъ на помо(ч) руси и ляховь\ Деміанъ же одинако крЂпляшеся, грозы его не бояся, — Бъ̃ поспЂшникь бы(с) ему. Данил(ь) же приве(л) к собЂ ляхы и полов(ь)ци Котяневы, а у короля бя(х)у /656/ \Половци БЂговирсови ...углы (?) по(д) Гали(ч)\ половци БЂговар(ь)сови.

Бъ̃ попусти на ня рану Фараонову. \Угре пора(же)ни\ Гра(д) же крЂпляшеся, а БЂла изнемогаше. И поиде о(т) града; и оставив(ь)шю же ему люди за собою, оружникы многы и ферев(ь)никы. Напа(д)ши(м) же на ня гражано(м), мнози въпадаху в рЂку, иніи же убіени быша, иніи же язвени быша, ініи же изоимани быша, яко ин(ь)де гл̃ть: \РЂка злу игру зыгра угромъ и ро(з)ныи пакости з непогодою\ «Скытръ 1 рЂка злу игру зыгра [гражаномъ», тако и ДнЂстръ злу игру сыгра] угро(м).

О(т)туду (ж) пойде коро(л) к Василеву, и переѝде ДнЂстръ, и поѝде къ Пруту. Бъ̃ бо попусти(л) бяше на нЂ рану, и аг̃глъ бяше и(х), сице умирающи(м): иніи же ис по(до)шевь выступаху, акы из чер(ь)віа, иніи же в конЂ влЂз(ь)ше измираху, иніи же около огня слЂ(з)шеся и мясо къ усто(м) придЂв(ь)ше умираху. Многыми же ранами различными умира(х)у, хляби бо нб(с)ныа одинако топяху и(х).

Уше(д)шу (ж) ему за невЂрс(ь)тво бояръ галиц(ь)ки(х), Данилъ же, Бж̃іею волею, одръжа гра(д) свои Гали(ч).

По се(м) скаже(м) многыя мятежи, и великы льсти, и бесчислен(ь)ныа рати.

[Въ лЂто 6738 (1230).] КрамолЂ же бывши въ безбожны(х) бояре(х) галиц(ь)кы(х), [а] съвЂ(т) сътвор(ь)ше съ браточядіе(м) его Олексан(ь)дро(м) на убіеніе и пред[а]нее земли его. \НевЂрно(ст) боя(р) галицки(х) проти(в) Данила\ СЂдящи(м) же и(м) в домЂ 2 и хотящи(м) огне(м) зажещи и, мл(с)тивому Бу̃ вложив(ь)шю въ сер(д)це Васи(л)ку изыти вонъ, \З игры стра(х) неприятелю\ и обнажив(ь)шу ме(ч) своѝ играа на слугу королева, иному похватив(ь)шю щи(т) играющи. \МолибоговичЂ невЂрные утЂкаю(т)\ НевЂр(ь)ны(м) Молибоговичемь узрЂв(ь)ши се, стра(х) имь бы(с) о(т) Ба̃, рекши(м), яко: «СвЂ(т) на(ш) раз(д)рушися». И побЂг(ь)ши(м) и(м), яко и оканныѝ Ст̃опо(л)кь. /657/ ОнЂ(м) бЂгающи(м) и еще не увЂдав(ь)шю князю Данилу и Васи(л)ку.



1 Скыртъ; 2 думЂ.

А У тексті си(х)л(ь)ны(х). Б В Іп.: иземля изымьть.



\Фили(п), вра(г) Данило(в), проси(т) его до Ви(ш)ни на зрадЂ\ Васи(л)ко же поеха къ Воло(ди)мерю, а Филиппь безбож(ь)ный зва князя Данила в(ь) Виш(ь)ню. Другіи же съвЂ(т) сътвориша на убіеніе его съ Алексан(ь)дро(м) братучядо(м) его. Въехав(ь)шю [ему] въ Браневичаве р(ь)ли, \Тыся(ц)кій Де(м)я(н) остере(г) Данила\ и пріиде къ нему посолъ о(т) тысяц(ь)кого его Демяна, рек(ь)шю ему, яко: «Пирь ти золъ е(с)[ть], яко съвЂщано е(с)[ть] безбожны(м) боярино(м) твои(м) А Филипо(м) и братучядо(м) твои(м) Олексан(ь)дро(м), яко убіену ти быти». И то слышавь пойде наза(д) и съдръжи столъ о(т)ц̃а своего.

\Всты(д) зрадцо(м)\ Къснятину повЂдав(ь)шу, оному (ж) обратив(ь)шюся на рецЂ ДнЂстрЂ, а бояре безбожніи везяху(с) инуда, не хотяше лица его ви(ди)ти.

Пріехавшю (ж) в Гали(ч), посла къ бра(т)у си князю Васи(л)кови: «Поѝди ты на Олексан(ь)дра». \Алексан(др) утЂкаетъ\ Олексан(ь)дру (ж)е выбЂгшю в Перемышль къ совЂтнико(м) свои(м), а Васи(л)ко пріа Бел(ь)зъ. Ивана (ж)е посла, сЂдел(ь)ничего своего, по невЂрны(х) Молибоговиче(х) и по Во(л)дрисЂ; и изымано бы(с)[ть] и(х) 20 и 8 Ивано(м) Михал(ь)ковиче(м), и тіи смръти не пріаша, но мл(с)ть получиша. \Зра(д)цЂ по(й)мани и мл(с)рдіе одержали\ И нЂког(д)а ему в пиру веселящу(с), оди(н) о(т) тЂ(х) безбожны(х) бояръ лице зали ему чашею, \Терпение Данилово\ и то ему стер(ь)пЂв(ь)шю, — иногда (ж) да Бъ̃ и(м) възмездіе 1.

[Въ лЂто 6739 (1231).] Самому (ж) Данилу съзвав(ь)шю вЂче, оставшюся въ 18 отрокь вЂр(ь)ны(х), и съ Демяно(м) тисяц(ь)кы(м) свои(м) и рече и(м): «Хочете ли быти вЂр(ь)ни мнЂ, да изыду на враги моа?» ОнЂ(м) же кликнувши(м): «ВЂр(ь)ни есмы Бу̃ и тобЂ, г(с)дну нашему, изыди з Бж̃іею помощію!» Соц(ь)кый же Микула ре(ч): «Г(с)дне! Не погне(т)ши пчелъ, меду /658/ не ясти». Помолившю же ся ему Бу̃ и святЂѝ и преч(с)тЂи Бц̃и, и Михаилу арха̃гглу Бж̃ію, устреми(с) изыти съ мало(м) ратникь, и Мирославу прише(д)шу къ нему на помощь съ мало(м) отрокь, невЂрніи же вси на помощь ему идяху, мнящеся яко вЂр(ь)ни суть. И с ними (ж) съвЂ(т) сътвориша, люти бо бяху на нЂ. \Олексан(д)р утЂкае(т) изъ Перемышля до Уго(р), а Левъ гони(т) его\ Пріехав(ь)шю Данилу к Перемышлю, не стерпЂ(в) Александръ побЂже. В то(м) же гоняше Левъ свободе(н) бы(с)[ть], бЂ бо храборъ и въ велици ч(с)ти умрЂ(т). НевЂр(ь)ныѝ (ж) 2 Воло(ди)славь Гюр(ь)геви(ч) съ ними 3 съвЂ(т) сътворъ, гоняше и оли и до Санока, и Въроть Угор(ь)скы(х). И гоньзнув(ь)шюся Олексан(ь)дру, оставив(ь)шю все имЂніе свое, и тако прійде въ Угры. И пріиде къ Су(ди)славу, Су(ди)славу же тог(д)а будущю въ УгрЂ(х).

\Судисла(в) в(ъ) УгрЂ(х), повади(т) к[ороля] А(н)дрЂя проти(в) Данилови\ Су(ди)слав(ь) же поимився, пріиде къ королеви АндрЂеви, и възведе коро(л)[я] угор(ь)скаго АндрЂя. Пріиде же коро(л) АндрЂѝ, и съ сыно(м) БЂлою и съ другы(м) сыно(м) АндрЂемь, къ Ярославу. Боярину (ж) 4 Давыдови Вышатичю затворив(ь)шюся о(т) князя Данила въ Ярославли, и Василіеви Гавриловичю, и бив(ь)шимся угро(м) оли и слн̃цю заше(д)шю, о(т)бившимся городу имь. СъвЂ(т) сътвориша ве(ч)[е]ру. Давыдови уполо(ши)вшися, теща бо его бяше вЂрна Су(ди)славу, корми(л)чіа Нездиловаа, матерью бо си нарицаше ю, вЂща ему, яко: «Не можеши удръжати града сего». Васи(л)кови (ж) молящю 5 ему: «Не погуби(м) ч[ес]ти князя своего, я(к) ра(т) си не може(т) града сего пріати». БЂ бо му(ж) крЂпокь /659/ и храборъ. Давыду (ж) не слушав(ь)шю его, одинако хотяше предати гра(д). Чакови (ж) пріехав(ь)шю изь угор(ь)скы(х) по(л)ко(в), рек(ь)шю ему: «Не могу(т) ва(с) уже пріяти, ибо су(т) вел(ь)ми біени». Васи(л)кови (ж) крЂп(ь)ко борющю не предати града. Оному (ж) ужасти во ср(д)це имущю, преда гра(д) одинако, самому (ж) цЂлу выше(д)шю съ всЂми вои. И пріемь коро(л) Ярославль, и поѝде к Галичю. \Климата з Голы(х) Горъ до короля, аз... всЂ бояре галицкии передали(с)\ Климята (ж) съ Голы(х) Горъ бЂжа о(т) князя Данила къ королеви, и по не(м) вси бояре галиц(ь)кыи предаша(с).

О(т)туда коро(л) поиде к Воло(ди)мерю. \Коро(л) дивуе(т)ся Воло(ди)меру мЂсту\ Прише(д)шю же ему к Воло(ди)мерю, дивившюся ему, рек(ь)шю, яко: «Така града не изобрЂто(х) ни в нЂмец(ь)кы(х) страна(х)!» Тако сущу оружнико(м) стоящи(м) на не(м)ь, блистахуся щити и оруж(ь)ници по(до)бни слн̃(ь)цю. \Миросла(в) стръвоже(н), еднае(т)ся с короле(м) и Бе(л)зъ по(д)дае(т)ся Олександру\ Мирослав(ь) же бЂ въ градЂ, иног(д)а же храбру ему сущю, Бъ̃ вЂдае(т) тогда (ж) смутися умо(м), сътвори миръ с короле(м) бе(з) совЂта князя Данила и брата его Васи(л)ка. Рядо(м) же дасть Бел(ь)зъ и Чер(ь)венъ Александ(ь)ру. \АндрЂй, сынъ королевъ, в Галичи за радою галичанъ невЂрныхъ\ Королеви же поса(ди)вши сына своего АндрЂя в Галичи, съвЂто(м) невЂр(ь)ны(х) галича(н). Мирославу (ж) запревшюся, яко: «Рядо(м) чръв(ь)няне 6 не предалъ есмь [имъ]». Поро(к) же имуще ему великь о(т) обою брату: «По что миръ сътвори, сущю ти съ великими воѝ»?



1 возомьздить; 2 иже; 3 нимь; 4 бояриновже; 5 молвящу; 6 Червьна.

А В Іп.: твоимъ бояриномъ



Королю стоящю въ Воло(ди)мера, кня(з) же Данило прія вели(к) плЂ(н), около Бел(ь)за 1 воюя. Коро(л) же въротися въ Угры.

Въло(ди)мер(ь) же посла к(ъ) Данилови, ре(ч): «Иде(т) на мя Михаиль, а помози ми, брате!» Данилови (ж) прише(д)шю сътворити миръ межи ими. Дани(л) же из Ру(с)кое земли взя себЂ часть Тор(ь)цескыѝ, и пакы да и дЂте(м) Мьстиславли(м), /660/ шюрято(м) свои(м), рекь ва(м) 2: «За о(т)ц̃а вашего добродЂаніе пріимете ни 3 дръжите Торцескыѝ горо(д)».

\АндрЂ(й) подноси(т) во(й)ну на Данила\ По тЂ(х) же лЂте(х) движе ра(т) АндрЂи королеви(ч) на Данила и иде к Белобере(ж)ю. Воло(ди)славу (ж) ехав(ь)шю въ сторожЂ о(т) Данила ис Киева, и стрЂте ра(т) въ БЂлобере(ж)и, и бив(ь)ши[м]ся имь о рЂку Слу(ч) 4, и гониша и до рЂкы Дерев(ь)ное, из лЂса Чер(ь)това.

Пріиде вЂсть ко Кіеву Вълодимеру же и Данилови о(т) Воло(ди)слава. Рекшю (ж) Данилови князю Въло(ди)мерю: «Брате! ВЂдаючи обою наю иду(т) на наю. Пусти мя, да и поиду и(м) възда(м)» 5. Они же увЂдав(ь)ше възвратиша(с) к Галичю.

Данилови (ж) сне(м)шюся съ брато(м), и постиже и у Шу(м)ска, и повЂстоваста с ними о рЂку Ве(л)ю. БЂ бо с королевиче(м) Алексан(ь)дръ и ГлЂбь ЗеремЂевичь, и иніи князи болоховьстіи и угоръ мно(ж)ство. ВидЂвшю же ся Данилу о рЂку Ве(л)ю с королевичемь, и нЂкое слово похва(л)но рекьшю, его же Бъ̃ не любить. Нау(т)ріа же перееде рЂку Ве(л)ю на Шумескь, и поклони(в)ся Бу̃ и ст̃му Семеону, испол(ь)чивь пол(ь)кы своя [поиде ко Торчеву. УвЂдавъ же АндрЂй королевичь, исполчивъ полыкы свое] иде противу ему, сирЂ(ч), на сЂчю. Идущю ему по ровни, Данилови же и Васи(л)кови съехати бЂ съ высокы(х) горъ, и иніи же браняху, — «да быхо(м) стали на гора(х)», — браняху съходя 6. Данилови (ж) рек(ь)шю, яко же Писаніе г̃ле(т): «Медляи на бра(н) страшливу дш̃ю има(т)», — пону(ди)вь и(х), ускори с ними 7 на нЂ.

Васи(л)кови (ж) идущю противу угро(м), а Демяну тысяц(ь)кому идущю и инЂ(м) пол(ь)ко(м) многы(м) ошую, Дани(л) же идяше полко(м) свои(м) посре(ди). Велику (ж) полку бывшу его, /661/ устроенъ бо бЂ храбрыми лю(д)ми и свЂтлы(м) оружіемь. ОнЂ(м) же видящи(м), не хотяху съразити[ся] с ни(м), но клоняхуся на Демяна и на иные по(л)кы. \Битва\ Пріем(ь)ши(м) 8 же соколо(м) стрЂлце(м), не стер(ь)пЂв(ь)ши(м) же люде(м), избиша я и раз(ь)грабиша 9. Демянови же сразившюся съ Су(ди)славо(м), князю же Данилу заехав(ь)шю в ты(л) имъ и бодущи(м) я, Демянови же мнящю, яко все ратніи су(т) и възбегоша пре(д) ни(м). Дани(л) же вбоде копіе свое в ратного, изломив(ь)шю (ж) ся копію и обнажи ме(ч) своѝ. ПозрЂв(ь) же сЂ(м) и сЂ(м), и видЂ стягь Васи(л)ковь стоащей, добрЂ борущь, и угры гонящю, обнаживь ме(ч) своѝ, идущю ему бра(т)у на помощь, \Язва\ многы (ж) язви[ни] и иніи же о(т) меча его умроша. Сне(м)жеся 10 с Мирославо(м) и видЂвь, яко угре събираются, и ехаста на нЂ два. Онем(ь) же не стръпЂвши(м) поскочиша, другы(м) же пріехав(ь)ши(м) и съразившимся, и ти не сътръпЂша. Гонящима же има разлучистася. По то(м) (ж) видЂвь брата добрЂ борющу[ся], и сулици его кръвави сущи и осчЂпищю ис(ь)сЂчену о(т) ударе(н)я 11 мечевого.



1 Бозку; 2 имъ; 3 и; Солучь; 5 взадъ; 6 сохода; 7 снити; 8 приехавшимъ, 9 роздрашася; 10 снемшеся; 11 даренья.


[Въ лЂто 6740 (1232).] \Сбираю(т)\ И пакы (ж) ГлЂбь ЗьеремЂичь, събравь угры, пріеха на стягь Васи(л)ковь, Данилови (ж) пріехав(ь)шю к ни(м) и понужающю и(х), и никого не видЂ въ ни(х) войника, но отрокы дръжаща конЂ. ОнЂ(м) же познавши(м) имь и хотящи(м) мечи посЂщи ко(н) его. Мл(с)тивому (ж) Бу̃ бе(з) язвы изне(с)шю е(г) 1 из ратны(х), яко (ж) о(т) ко(н)ца остроты мечевыи шерьсти претятЂ бывши на стегнЂ коня его. Пріехав(ь) же к ни(м), понуживаше [вои] свое ехати на ня.

Васил(ь)ковь /662/ пол(ь)кь гна(л) бЂ угры до становь, и стяги королевича А по(д)тяли бяху. Друзіи же мнози угре бежаще али в Галичи становиша(с). Стоящи(м) же си(м) на горЂ и си(м) на удолъ, Данилови (ж) и Васи(л)кови понужающима людіи свои(х) съехати на ня. Бу̃ же тако изволив(ь)шю за грЂхы, наворотися дружина Данилова на бЂгь, онЂм(ь) же не смЂвши(м) гонити, и не бы(с)[ть] пакости в(ь) по(л)ко(х) Даниловы(х), раз†тЂ(х) убіенны(х) пяти.

\Сборъ\ Данилови (ж) наутріа събравшюся, не вЂдаше о братЂ, съ кы(м) где є(с)[ть]. Королеви(ч) же обратися в Гали(ч), зане бЂ ура(з) великь въ полко(х) его, иніи же угре бежаша, оли в Галичи становиша(с).

И бы(с)[ть] бра(н) велика въ дн̃ь тоѝ 2. ТЂ(х) бо па(д)ши(х) много угоръ, а Даниловы(х) мало бояръ, и(х) же имена се быша: Ратиславь Юрьеви(ч), Моvси, Степань, бра(т) его, Юреѝ Яневи(ч). \Посолство\ По то(м) же Данилъ, увЂдавъ брата своего въ здравіи, не престаше строа на нЂ ра(т). БЂ бо и Тор(ь)цескіи въ суботу великую. По то(м) присла Александръ къ брату Данилу и Васи(л)ку: «Не лЂпо ми є(с)[ть] быти проче 3 ваю!» Она (ж) пріаста его съ любовію.

Тра†(ж) бывши, Данилъ поиде съ брато(м) и съ Алекса(н)ро(м) к(ъ) ПлЂсньску, и прише(д) взя и по(д) Яръбузовичи» 4, и великь плЂ(н) прія, и обратися въ Воло(ди)мерь.

[Въ лЂто 6741 (1233).] Королеви(ч) же и Су(ди)славь выведе Діаниша на Данила. Дани(л) же еха къ Кіеву и приведе полов(ь)ци и Изяслава противу и(м), и съ Изяславо(м) въдися у бож(ь)ницю и с Воло(ди)меро(м), прійдоста противу Данишю. Изяслав(ь) же лесть сътвори [и] велЂ воевати землю Данилову, /663/ и възяша Тихомль и възв(ь)ратиша(с). Остав(ь)шюся Воло(ди)мерю съ Данило(м) и Котяневи одиному. О лесть зла є(с)[ть]! \Омиръ\ Яко же Омиръ пише(т), до обличе(н)я сла(д)ка є(с)[ть], обличена (ж) зла е(с)[ть], кто в ней ходи(т), конець золъ пріиме(т). О злЂе зла зло 5 є(с)[ть]!

\Би(т)ва\ О(т)туда (ж) идоша къ Перемилю, Ан(ь)дрЂй королеви(ч), Данишь и угре, биша(с) о мость съ Воло(ди)меро(м) и Данило(м), и о(т)биша(с) и(м). Угре (ж) воротиша(с) къ Галичю и порокы пометаша. Въло(ди)мер(ь) же и Дани(л) пойдоста по ни(х). Васи(л)ко (ж) и Алекса(н)дръ пріиде къ бра(т)у, и сняша(с) в Бу(ж)ска. Воло(ди)мер(ь) же и Котя(н) и Изяславь въротиша(с).

\ГлЂ(б) отступае\ [Въ лЂто 6742 (1234).] В то (ж) врЂмя о(т)ступи 6 ГлЂбь ЗьеремЂеви(ч) о(т) королевича къ Данилови. Дани(л) же и Васи(л)ко однако идоста В къ Галичю, срЂтоша (ж) и бо(л)шаа половина Галича: Доброславь и ГлЂбь, и иніи бояре мнози. И пріше(д) ста на брезЂ ДнЂстра. И прія землю Галиц(ь)кую и розда городы бояро(м) и воевода(м), бяше кор(ь)ма у ни(х) много. Королеви(ч) же, и Дани(ш) и Су(ди)славь, изнемогаху гладо(м) въ градЂ. Стоаше (ж) 9 не(д)Ђль воюя, жда леду, донде(ж) бы переше(л) 7 на нЂ. \Судисла(в) лститъ\ Су(ди)слав же лестію посла къ Олексан(ь)дрови, ре(ч): «Да(м) тобЂ Гали(ч), поѝди о(т) брата». Он(ь) же поѝде про(ч) [Галича] галичане (ж) думаху няти. Галичане (ж) выехаша по ДанилЂ.



1 и; 2 ть; 3 кромЂ; 4 Аръбузовичи; 5 зла; 6 иступи; 7 перешлЂ 

А стягъ королевичь; Б оли во Галичь; В Так в об. сп. Слід: одна поидоста.



Малу (ж) времени минувши, королеви(ч) умре. Послаша(с) галичане по Данила Чер(ь)мнаго Семьюнька, а Су(ди)славь иде въ Угры.

ВеснЂ (ж) быв(ь)ши, Олександръ убоявся злого своего сътвореніа, поѝде къ тестю своему въ Кыевъ. Дани(л) же увЂдавь изыде на (н)[ь] из Галича, угони его 1 въ Полоно(м), и яша и в лузЂ Хомор(ь)ско(м). Данилови (ж) не спав(ь)шю 3 дн̃и и 3 но(щи), /664/ тако (ж) и воє(м) его.

Будущю (ж) Воло(ди)меру въ КіевЂ, присла сн̃а своего Ростислава в Гали(ч), и пріа с ни(м) бра(т)ство и любовь велику. И Михаилови (ж) [и] Изяславу однако не престающа на (н)[ь] враждою, остави(л) у него ГлЂба ЗеремЂевича и Мирослава, и иные бояри многы. \Похо(д)\ Посла (ж) Воло(ди)меръ, рекыѝ: «Помози ми, брате!» Дани(л) же, вЂдавь ею любовъ А, [скоро] събра(л) пол(ь)кы поѝде.

Михаи(л) же не стер(ь)пЂ о(т)иде о(т) Кіева. Данил(ь) же поѝде к(ъ) Воло(ди)меру, и пойдоста к Чер(ь)нЂгову. Пріиде к нима Мьстиславь ГлЂбови(ч). О(т)туду (ж) поидоша плЂняща землю, и поимаша грады многы по ДеснЂ, ту же взяша и Хороберъ, и Съсницю, и Сновескь, и иные грады многы, и прійдоша же опя(т) к Чер(ь)нЂгову.

\Ми(р)\ Сътвориша (ж) мирь с Воло(ди)меро(м) и Данило(м) Мьстиславь и чер(ь)нЂгов(ь)ци: любо 2 бЂ бои у Чер(ь)нЂгова, оже и таранъ на ны 3 поставиша, меташа бо камене(м) по(л)тора перестрЂла, а каме(н) яко (ж) можаху 4 мужи си(л)нии по(д)няти. О(т)туда с миро(м) пріидоша къ Кіеву.

Изяслав(ь) же одинако не престаше: възве(л) бЂ полов(ь)ци 4 на Кыевь.

\Утрудился Дани(л) и вои\ Дани(л) бо и вои его бЂ истру(ди)лася, поплЂнила бо бЂ вси Чер(ь)нЂгов(ь)скіе страны, воева(л) [бо] бЂ о(т) Кр(с)щеніа до Вознесеніа, сътвори мирь, въротися къ Кіеву.

Полов(ь)це(м) же прише(д)ши(м) къ Кыеву и плЂнящи(м) землю Ру(с)кую, Дани(л) бо бЂ изнемоглъся, Дани(л) же хотяше изыти домо(в) лЂсною страною, Въло(ди)меру (ж) просящю, Миросла(в) же помагающю ему: «Изыде(м) на поганыа полов(ь)ци!» СрЂтоша же я полов(ь)ци у ЗвинЂгородЂ. Воло(ди)меру (ж) /665/ хотящю възвратитися и Мирославу гл̃ющю на възвращеніе, Данилови (ж) рек(ь)шю: «Не по(до)бае(т) воину, устремившюся на бра(н), — или побЂду пріати, или пасти ся о(т) ратны(х). Азъ бо въз(ъ)браня(х) ва(м). Нн̃Ђ же вижю, яко страшливу дш̃ю имЂете. Азъ ва(м) не рЂ(х) ли, яко не по(до)бае(т) изыти трудны(м) воє(м) противу челыи(м) 5? Нн̃Ђ же почто смущаетеся? ИзыдЂте противу и(м)».

СрЂтивши(м) же ся воє(м) многы(м) половец(ь)кы(м) у Тор(ь)цескаго, и бы(с)[ть] сЂча люта. \Дани(л) гони(т)\ Данилови (ж) гонящу по полов(ь)це(х), донелЂ (ж) ко(н) єго застрЂленъ бы(с)[ть] гнЂдыѝ, — преже бо иніи полов(ь)ци наворотилися бяху на бЂгь, — Данил(ь) же видЂвь бЂжащіи ко(н) своѝ стрЂленъ, наворотися на бЂгь. Въло(ди)меру (ж) ятому 6 быв(ь)шю въ Тор(ь)цеско(м) и Мирославу, съвЂто(м) безбож(ь)наго Григоря Васи(л)евича и Молибоговичевь, и инЂ(м) бояро(м) многы(м) няты(м) бывши(м).

Данилови (ж) прибЂг(ь)шю к Галичю, Васи(л)кови же бывшю в(ь) Гали(чи) съ пол(ь)комъ, и срЂте брата си. Бори(с) же межибо(ж)скыѝ, съвЂто(м) Доброславли(м) и Збыславли(м), посла къ Данилови, рекіи: «Изяславь и полов(ь)ци иду(т) к Воло(ди)меру». Лесть бо бЂ се; Дани(л) же посла къ бра(т)у си: «Стерези Въло(ди)мера». УзрЂв(ь)ше же бояре галиц(ь)кіи Васи(л)ка о(т)ше(д)ша с полоно(м), въз(д)вигоша крамолу. Су(ди)славу (ж) Ильичю рек(ь)шю: «Княже! Льстивь гл̃ъ имЂю(т) галичане: не погуби себе 7, поѝди про(ч)!» Данилови (ж) увЂдав(ь)шю крамолу и(х), изыде въ Угры.



1 и; 2 люто; 3 нь; 4 полоци; 7 цЂлымъ, 6 сятому; 7 погубисе.

А В Іп: вЂлъею любовью; Б В об. сп. зайве не.



ЗимЂ (ж) приспЂв(ь)ши, иде Васи(л)ко к Галичю, поимя ляхы. Дани(л) же в то время прійде къ бра(т)у си изъ Угоръ и воеваша. /666/ Не доше(д)ша Галича воротистася домовь.

[Въ лЂто 6743 (1235).] В то (ж) врЂмя пріидоша галичане на Каменець и вси болохов(ь)стіи князи с ними, и повоеваша по Хомору, и поѝдоша къ Камен(ь)цю, и взе(м)ше полонъ великь пои́доша. В то (ж) время посла(л) бяше Воло(ди)мерь Данилови помощь, тор(ь)кы 1 и Данила [На]жировича. \Похо(д) на галича(н) А Галичане побЂ(ж)ены\ Данилови (ж) бояре выехав(ь)ши ис Каме(н)ца, сне(м)шеся съ тор(ь)кы 2 и постигоша я. И побЂжени быша невЂрніи галичане и вси князи болохов(ь)стіи изоимани быша; и приве(до)ша я въ Воло(ди)меръ къ князю Данилови.

ЛЂту (ж) наставшю, начя посылати Михаилъ и Изяславь, грозячи: «Даѝ нашю бра(т)ю, или пріиде(м) на тя воѝною». Данилови (ж) молящюся Бу̃ и ст̃му архіерею НиколЂ, иже каза чю(до) свое: възве(л) бо бяше на Данила Михаѝло и Изяславь ляхы, и русь, и половець мно(ж)ство. \Би(т)ва\ Кондратови (ж) став(ь)шю, где нн̃Ђ гра(д) Хол(ь)мь стои(т), пославшю ему къ Черв(ь)ну воевати. Васи(л)ковиче(м) же крЂпив(ь)шимся 3 и бивши(м)ся с ними, поимаша лядскые бояре, приведоша я пере(д) Данила в Городо(к).

Михаѝлови (ж)е стоящю на По(д)горьи, хотящю снятися с Кон(ь)драто(м) и ожидающю половець съ Изяславо(м). Полов(ь)ци же пріѝдоша в землю Галицкую, не восхотЂша ити на Данила, взе(м)шю всю зе(м)лю Галиц(ь)кую въвратиша(с). То слышавь Михаи(л) въз(ь)вратися в Гали(ч), а Кондра(т) побЂже до ляховъ чере(з) нощь, и топился 4 бяше о(т) воѝ его в(ь) Вепру мно(ж)ство.

ЛЂту (ж) наставшю, събраша(с) идоста /667/ на Гали(ч) на Михаила и на Ростислава, затворила бо ся бяста въ градЂ и угоръ мно(ж)ство бяше у него, и въз(ь)вратившися воеваста около Звинигорода. Города (ж) хотяща не взяста, бЂ бо ст̃аа Бц̃а в не(м) чю(д)наа икона. Тое (ж) осени умиристася.

ВеснЂ (ж) бывши, поѝдоста на ят(ь)вязЂ и пріидоста к Берестыо; рЂка(м) наводнив(ь)шимся, не возмогоста ити на ятвязЂ.

Данилови рек(ь)шю: «Не лЂпо е(с)[ть] дер(ь)жати нашее о(т)чины крижев(ь)нико(м), Те(м)пличе(м)ь Б, рекомы(м) Соломониче(м)». И поидоста на нЂ въ силЂ тя(ж)цЂ. И пріаста гра(д) м(с)ца мар(ь)та, старЂѝшину и(х) Бруна яша и вои изоимаша, и въз(ь)вратися в(ь) Воло(ди)мерь.

\Походъ на Галичь\ Данилови (ж) в то(м) же лЂтЂ поше(д)шю на Михаѝла, на Гали(ч), онЂ(м) же мира просящи(м), даша шу Перемышль. По то(м) же лЂтЂ Данил(ь) же възведе на Ко(н)драта литву, Ми(н)дога, Изяслава Новъгоро(д)ского.

Дани(л) же в то время шель бяше съ брато(м) свои(м) въ Угры къ коро́леви: бЂ бо зваль его на честь.

\Фридри(х) цеса(р)\ В то (ж) время пошель бяше Фридри(х) цр̃ъ на гер(ь)цика воѝною, и въсхотЂста ити Данилъ съ брато(м) Васи(л)ко(м) гер(ь)цикови в помо́щь. Королеви (ж) въз(ь)бранив(ь)шю има, въз(ь)вратистася въ землю свою.

И по то(м) пріиде Ярославь сужда(л)скыѝ и взя Кыевь по(д) Воло(ди)меро(м), не мога его дръжати, \Похо(д) (в) Сужда(л)\ иде пакы к Суж(д)алю. И взя по(д) ни(м) Михаѝлъ, а Ростислава, сн̃а своего, остави в Галичи, и о(т)яша о(т) Данила Перемышль. Бывшю (ж) межи ими овог(д)а миру, овог(д)а рати. И ше(д)шю же Ростиславу в поле, Бу̃ же поспЂшив(ь)шю 5, пріиде вЂсть Данилу, будущю ему в Хо(л)мЂ, яко Ростиславь съше(л) е(с)[ть] на Ли(т)ву, /668/ съ всЂми бояры и снузни́кы. Сему (ж) прилучив(ь)шюся, изыде Данилъ съ вои ис Хо(л)ма, и бывшю ему третіи дн̃ь у Галичи, любяху же и гражане.



1 торцькы; 2 отрокы; 3 срЂтившимъ е; 4 потопилися; 5 поспЂвшу.

А Текст на полі закреслено. Б Перша буква м вставлена над рядком пізніше.



По(д)ехавшю (ж) ему по(д) горо(д), и рече и(м): «О мужи гра(д)стіи! ДоколЂ хощете трьпЂти иноплемен(ь)ныхъ князеѝ дръжаву?» Они же въскликнув(ь)ше рЂша, яко: «Се є(с)[ть] дръжате(л) нашь, Бг̃омъ дан(ь)ныѝ», — и пустиша(с) яко дЂти къ о(т)ц̃у и яко пчелы к ма(т)цЂ, яко жажущіи воды къ источнику. Еп(с)кпу (ж) Ар(ь)темію и двор(ь)скому Григорію въз(ъ)бранящю ему, узрЂв(ь)шима (ж), яко не можета удръжати града, яко 1 малодуш(ь)на блюдящася о преданіи града, изыдоста слезныма очима и ослабленны(м) лице(м) и лижюща уста своа, яко не имЂюща власти княженіа своего. РЂста же с нужею: «Пріиди, княже Данило! Пріими гра(д)!». \Хоругов\ Данило (ж) вниде въ гра(д) своѝ, и прійде къ преч(с)тЂѝ и ст̃Ђй Бц̃и, и прія столъ о(т)ц̃а своего, и обличи побЂду и постави на Немец(ь)кы(х) врате(х) хоруговь свою.

Нау(т)ріа же пріиде к нему вЂсть, яко Ростиславь поше(л) бЂ к Галичю, слышав(ь) же пріатіе гра(д)ское, бЂжа въ Угры путе(м), им(ъ) же идяше на Борьсуковь дЂ(д) 2, и прійде къ Бани, рекомЂи Ро(д)на, и о(т)туда иде въ Угры.

Бояре же прише(д)ше, па(д)ше на ногу его, просяще мл(с)ти, яко: «СъгрЂшихо(м) ти, иного князя дръжахо(м)». Он(ъ) же о(т)вЂщавь, ре(ч) имь: «Мл(с)ть получисте, пакы же сего не сътвористе, да не въ гор(ь)шаа въпадете». Данилови же увЂдав(ь)шю вхо(д) и(х), посла на нЂ воя своя, и гнаша по ни(х) до Горы и възв(ь)ратиша(с).


[Побоище Батыево.]

\Батыева ра(т) начася в Руси в лЂ(т) 1237\ [Въ лЂто 6745 (1237).] В та (ж) времена пріидоша бе(з)божніи измаи(л)тяне, /669/ преже бив(ь)шеся съ князи ру(с)кими на Ка(л)ко(х) *. Бы(с)[ть] пръвЂе прихо(д) и(х) на землю Резаньскую, и взяша гра(д) Резань къпіемь, изве(д)ше на лесть князя Гюр(ь)гя **, и ведоша и къ Пры(н)ску. БЂ бо в то время княгини его в Пры(н)ску. Изве(до)ша княгиню его на лести, убиша (ж) Гюрыіа князя и княгиню его, и всю землю избиша, и не пощадЂша отроча(т) до с(ь)сущи(х) млеко. Кvръ Михаилови(ч) же утече съ своими лю(д)ми до Суж(д)аля, и повЂда [великому князю] Гюр(ь)гіеви безбожны(х) агаря(н) [приходъ] нашествіе.

То слышавь [великий князь] Гюр(ь)гіи, посла сн̃а своего Всеволода, съ всЂми лю(д)ми, и с ними куръ Михаилови(ч). Батыеви (ж) устремльшюся на землю Сужда(л)скую, срЂте и Всеволо(д) на Коло(д)нЂ: и бившимся и(м) [и] па(д)ши(м) многы(м) о(т) ни(х) о(т) обои(х). ПобЂжену бывшю Всеволоду, исповЂда о(т)цу бывшюю бра(н) устремлен(ь)ны(х) на землю и грады его. Гур(ь)гіи же князь, оставивь сн̃ъ своѝ в(ь) Воло(ди)мери и княгиню, изыде из града, совокупляющю ему около себе воя, и не имЂюще сторожеѝ, изъеха(н) бы(с)[ть] безакон(ь)ны(м) Буро(н)дае(м) весь горо(д) из(ь)гна и самого убиша князя Гур(ь)гіа. Батыеви (ж) стоящу у града, борющася крЂп(ь)ко о гра(д), мо(л)вящи(м) и(м) лестию гражано(м): «Где су(т) гради 3 реза(н)стіи и вашь гра(д), и кня(з) вашь великій Гур(ь)гіи? Не рука ли наша ем(ь)ши[и] см̃рти преда?» И услышавь о се(м) преп(д)бныѝ Митрофа(н) єп(с)кпъ, нача(т) гл̃ати съ слъзами къ всЂ(м): «Чяда! Не убоимся о пре(л)щеніи о(т) нечестивы(х), не пріиме(м) си въ у(м) тлен(ь)наго сего и скороминущаго житіа, но оно(м) не скороминуще(м) житіи попецЂмся, еже съ аг̃глы житіе. Аще и гра(д) нашь плЂ(н)ше копіе(м) възму(т) и смр̃ти /670/ насъ 4 предадя(т), азъ о то(м), чяда, поручникь есмь, яко вЂ(н)ца нетлен(ь)ныа о(т) Ха̃ Ба̃ пріимете».



1 и ко; 2 дЂлъ; 3 князи; 4 ны.

* Зверху написано: Въ 1251 году взята Разанъ отъ Батыя, будетъ по 1754 годъ 516 лЂтъ. ** В Іп. замість Гюр(ь)гіи всюди Юрьи.



О се(м) же словесЂ, слышав(ь)ше вси, начаша крЂп(ь)ко боротися. Татаро(м) же порокы градь біющи(м), стрЂлами бес числа стрЂляющи(м). Се увидЂ(в) кня(з) Всеволо(д), яко крЂпчае бра(н) ратны(х) належи(т), убояся, бЂ бо и са(м) мла(д), са(м) из града изыде с мало(м) дружины, несыи съ собою дары многы: надЂаше бо ся о(т) него живо(т) пріати. Он(ь) же, яко сверЂпыѝ звЂрь, не поща(ди) юности єго, повелЂ пре(д) собою зарЂзати и гра(д) весь изби. Еп(с)копу (ж) прп(д)бному въ цр̃квъ убЂг(ь)шю, съ княгинею и дЂтми, повелЂ нечестивыѝ огне(м) зажещи: ти(и) тако дш̃а своя предаша въ руци Бу̃.

\Въ 1237 году отъ Батыя Володимеръ градъ взятъ. Будетъ по 1754 годъ 516 лЂтъ\ Гра(д) ему избив(ь)шю Въло(ди)меръ, и поплЂни грады Сужда(л)скые, и пріиде къ гра(д)у Козе(л)ску. Будущю в не(м) князю младу, имене(м) Васи(л)ю, увидЂвъше же нечестівіи, яко умь крЂп(ь)кодш̃ьный имЂю(т) людіе въ градЂ, словы лестными не возмож(ь)но бЂ града пріати. Козляне (ж) съвЂ(т) сътвориша не въдатися Батыю, рек(ь)ше, яко: «Аще кня(з) нашь мла(д) є(с)[ть], но положи(м) живо(т) нашь за нь; и зде славу сего свЂта въспріемше, и та(м) неб(с)ныа вЂн(ь)ца о(т) Ха̃ Ба̃ пріиме(м)». Татаро(м) же біющи(м)ся о гра(д), пріати хотящи(м) [градъ], разбив(ь)ши(м) стЂны града, възыдоша на валъ татаре. \Въ 1237 году отъ Батыя Козельскъ городъ и руские князе все взяты. Будетъ по 1754 годъ 516 лЂтъ\ Козляне же ножи рЂзаху(с) с ни(ми). СъвЂ(т) же сътвориша изыти на пол(ь)кы татар(ь)скыє, [и] из(ь)ше(д)ше из(ь) града исЂкоша проща и(х), напа(д)ше на по(л)кы и(х), но убиша о(т) татарь 4 [тысящи], сами же избіени быша. Баты(й) же взя гра(д), изби все, и не поща(ди) о(т) отроча(т) до с(ь)сущи(х) млеко. О князи Васи(л)и невЂдомо є(с)[ть], иніи гл̃аху, яко въ кръви /671/ утону(л) є(с)[ть], понеже убо мла(д) бяше. О(т)туду (ж) въ татаре(х) не смЂю(т) его нарещи гра(д) Козельскь, но гра(д) злыи, понеже биша(с) по се(д)мь не(д)ль. Убиша бо о(т) татарь сн̃ы темниче три(и), татаре же искавше не могоша и(х) изнайти въ мно(ж)ст†трупь мрътвы(х).

Батыеви (ж) възе(м)шю Козе(л)скь, и поѝде въ землю Половец(ь)кую. \Въ 1239 году Переяславъ Батый взя. Будетъ по 1754 годъ 514 лЂтъ. Зри о взятии Переяславля\ О(т)туду (ж) нача посылати на грады ру(с)кіе, и взя(т) гра(д) Переяславль копіемь, изби и весь, и цр̃квъ архагг̃ла Михаила съкруши, и съсуды цр̃квъныа бесчисленые сребреные и златыа и драгаго каменіа възя(т), \1239\ и еп(с)копа прп(д)бнаго Семеона убиша.

\ЧернЂговъ взятъ.\ В то (ж) время посла на Чер(ь)нЂговь: обьступиша гра(д) въ силЂ тя(ж)цЂ. Слышав(ь) же Мьстиславь ГлЂбови(ч) нападеніе иноплемен(ь)ны(х) на гра(д), прійде на нЂ 1 съ своими вои. Бивши(м)ся и(м), побЂжень бы(с)[ть] Мьстиславь и мно(ж)ство о(т) воѝ его избіено бы(с)[ть], \Въ 1239 году Черниговъ Батыемъ взятъ. По 1754 годъ будетъ 514 лЂтъ\ и гра(д) възяша и запалиша и огнемь. Єп(с)кпа оставиша жива и ведоша и въ Глуховь.

Ме(н)гуканови же прише(д)шю съглядати града Кыева, ставшю же ему на оноѝ странЂ ДнЂпра 2 у гра(д)ка ПЂсо(ч)наго, видЂвь гра(д) удивися красотЂ его и величьству его, присла послы своя къ Михаѝлу и къ гражано(м), хотя и 3 пре(л)стити, и не послуша[ша] его.

[В лЂто 6746 (1238).] По то(м) же Михаилъ бЂжа по сн̃у свое(м) пере(д) татары въ Угры, а Ростисла(в) Мьстислави(ч) смолен(ь)ского сЂде в(ъ) КыевЂ. Дани(л) же еха на (н)[ь] и иня его, и остави в не(м) Дмитра, и вдасть Кыевь в руци Д(ь)митрови обдер(ь)жати противу и и о(т) иноплеменны(х) языкь, безбож(ь)ны(х) татаровь.

Яко бежалъ є(с)[ть] Михаи(л) ис Кыева въ Угры, * и ехавь и я княгыню его и бояры є(г)[о] /672/ поима, и горо(д) Каменець взя. Слышав(ь) же се Данилъ, посла послы, река: «Пусти сестру къ мнЂ, зане яко Михаилъ обЂ(и)ма нама зло(и) мысли(т)». И Ярославь услыша(в) словеса Данилова, и бы(с)[ть] тако, и пріѝде к нима сестра — къ Данилу и Васи(л)ку, и дръжаста ю (и) въ велицеѝ ч(с)ти.



1 ны; 2 ДнЂстра; 3 е.

* За смислом тут має стояти ім’я Ярослав Інгваревич, пропущене в обох списках.



Коро(л) же не вдасть дЂв(ь)кы своеяй Ростиславу и погна и про(ч). Идоста Михаилъ и Ростиславь къ уеви свое(м)[у] в Ляхы и къ Ко(н)дратови. \Послы к Данилу\ Присла бо Михаилъ послы къ Данилу и Васи(л)ку и ре(ч): «Многокра(т) съгрЂшихо†и многократы пакости творя(х) ти. Что ти обЂща(х), того не сътвори(х). Аще коли хотЂ(х) любовь имЂти с тобо(ю), невЂрніи галичане не в(ь)дадяху(т) ми. Нн̃Ђ же клятвою клену ти ся, яко николи (ж) враж(д)у с тобою [не] има(м) имЂ(ти)».

Дани(л) же и Васи(л)ко не помянуста зла (и) вдаста ему сестру, и приведоста его из Ляховь. Дани(л) же съвЂ(т) сътвори съ брато(м) си, обЂща ему Кыевь Михаи́лови, а сынови его Ростиславу вдасть Луцескь. Михаи(л) же, за стра(х) татарс(ь)кыѝ, не смЂ ити къ Кіеву. Дани(л) же и Васи(л)ко въдаста ему хо(ди)ти по земли своей, и даста ему пшеници много, и меду и говя(д) и ове(ц) дово(л)но. Михаи(л) же увидЂвь пріатіе кыевьское, бЂжа съ сыно(м) свои(м) в Ляхы къ Ко(н)дратови, приближившимся татаро(м), ту 1 не стер(ь)пЂ туто, \Татары в НЂм(ь)ца(х)\ иде в зе(м)лю Въро(т)слав(ь)ску, и пріиде к мЂсту нЂмец(ь)кому, имене(м) Среда. УзрЂв(ь)ше же его нЂм(ь)ци, яко товара мно(г) є(с)[ть], избиша ему лю(ди) и товара много о(т)яша, и унуку єго убиша. Михаѝлу (ж) 2 не доше(д)шю и събравшюся, и бы(с)[ть] /673/ в печали велицЂ, уже бо бяху татаре пришли на бои къ Ан(ь)дриховичю. Михаи(л) же въротися наза(д) опя(т) къ Ко(н)дратови.

Мы (ж) на пре(д)нее въз(ь)вратимся.

[В лЂто 6747 (1239).]

[Въ лЂто 6748 (1240).] Въ то (ж) лЂто пріиде Батыѝ къ Кыеву въ силЂ тя(ж)цЂ, много(м) мно(ж)ство(м) силы своея, и окружи гра(д) и оступи 3 сила татар(ь)ская, и бы(с)[ть] гра(д) [во] обдер(ь)жаніи велицЂ. И бЂ Батыѝ у города и отроци его обьсЂдяху гра(д), и не бЂ слышати о(т) гласа скрипа(н)я телЂгь его, множества реве(н)я верьблю(д) его, и рьже(н)я о(т) гласа ста(д) конеѝ его. И бЂ испол(ь)не(н)а Ру(с)каа земля ратны(х).

Яша (ж) в ни(х) татарина, именемь Товрулъ, и тъ(й) исповЂда и(м) всю силу и(х). Се бяху бра(т)а его сил(ь)ные воеводы: Ур(ь)дю и, Баѝдаръ, Бирю и Када(н), Бечакь, и Мен(ь)гу, и Куюкь, иже вратися увЂдавь смръть канову и бы(с)[ть] кано(м), не о(т) роду (ж) его, но бЂ воевода его пер(ь)выѝ, се Бедяѝ багатыръ 4 и Буру(н)даѝ багатыръ, иже взя Бо(л)гар(ь)скую землю и Сужда(л)скую, и инЂ(х) бес числа воево(д), и(х) же не писахо(м) зде.

\Порокы под(ъ) Киевомъ\ Постави же Батыи́ порокы къ городу, по(д)ле вра(т) Ля(д)скы(х). Ту бо бяху пришли дебри. Пороко(м) же беспрестани біющи(м) дн̃ь и нощь, выбиша стЂны. И възыдоша горожане на избытые 5 стЂны и ту бяше видЂти ло(м) копеѝныѝ и щито(м) 6 скепа(н)е, стрЂлы омрачиша свЂ(т) побЂжены(м). И Дмитрови ранену быв(ь)шю, възыдоша татаре на стЂну и сЂдоша того дн̃е и нощи, гражане же създаша пакы и другыѝ гра(д), около ст̃ые Бц̃и.



1 то; 2 иже, 3 остолпи; 4 богатуръ; 5 избыть; 6 щетъ.



\Року 1240\ Нау(т)ріа же пріидоша на нЂ и бы(с)[ть] бра(н) межю има велика. Люде(м) же збЂгши(м) на цр̃квъ на комары цр̃квъныа, и с товары своими, /674/ о(т) тягости поваливша(с) с ними стЂны цр̃квъныа, и пріатъ бы(с)[ть] гра(д) сице войми. \Въ 1240 году взятъ Киевъ отъ Батыя. По 1754 годъ будетъ 513 лЂтъ\ Дмитра (ж) изве(до)ша язвена и не убиша его, мужества ра(ди) его.

В то (ж) время ехалъ бяше Данилъ въ Угры къ королеви, и еще бо бяше не слышалъ прихода поганы(х) татарь на Кыевъ.

[Батыю же вземшю градъ Кыевъ] и слышав(ь)шю ему о ДанилЂ, яко въ УгрЂ(х) є(с)[ть], и поѝде самь к Воло(ди)мерю и пріиде к(ъ) городу къ Колодяжну. И постави порока 12 и не може разбити стЂны, и начя(т) премлъвлива(ти) лю(ди). Они же, послушавше зло(г) съвЂта его, передаша(с) и сами избити быша. \Батый у Каменца\ И пріиде къ Каме(н)цю, Изяславлю, в(ъ)зя(т) я. ВидЂв(ь) же Кремянець и гра(д) Даниловь, яко невъзмо(ж)но пріати єму, о(т)иде о(т) ни(х). И пріиде к Воло(ди)мерю, и възя и копіе(м) и изби и не щадя. Тако (ж) и гра(д) Гали(ч), и ины грады многы, имъ же нЂ(с)[ть] числа.

Дмитріеви (ж), кіев(ь)скому тысяц(ь)кому Данилову, рек(ь)шю Батыеви: «Не мози меш(ь)кати 1 въ земли сеѝ долго, врЂмя ти є(с)[ть] на Угры уже поѝти. Аще ли умешкаешь 2, земля ти є(с)[ть] си(л)на, съберутся на ня, не пустя(т) тя въ землю свою». Про то (ж) ре(ч) ему, видЂ бо зе(м)лю гыбнущю Ру(с)кую о(т) нечестиваго.

\Батый въ Угры поше(л)\ Батыѝ же послушавь съвЂта Дмитрова, иде въ Угры. Коро(л) же БЂла и Калома(н) срЂтоша и на рЂцЂ Солоноѝ. Бившимся и(м) пол(ь)ко(м), бежаша 3 угре, и гнаша и[хъ] татаре до рЂкы Дунаа. Стоаша [по] побЂ(ди) 3 лЂта.

Пре(ж)е того ехалъ бЂ Данило князь къ королеви въ Угры, хотя имЂти с ни(м) любовь сва(т)ства: и не бы любовъ /675/ межи има. И воротися о(т) короля; и пріеха в Синево(д)ско в манастырь ст̃ыа Бц̃а, \БЂгу(т) о(т) тата(р)\ нау(т)ріа же въставь видЂ мно(ж)ество бЂжащи(х) о(т) безбожны(х) татарь, и въротися наза(д) въ Угры. Не може бо проѝти [до] * Ру(с)кое земли, зане мало бо с ни(м) дружины; и остави сн̃а своего въ Угре(х) и [не] ** вдасть и в руцЂ галичано(м), вЂдаа невЂр(ь)ствіа и(х), про то его не поня ис(ь) собою.

\Sudomir\ Иде изь Угоръ в Ляхы на Бор(ь)дуевь, и пріиде в Судомирь. Слыша о братЂ си и о дЂте(х) си и о княгини своеѝ, яко вышли су(т) из Руское земли в Ляхы пре(д) безбо(ж)ными татары, и потц(ь)нуша(с) 5 възыскати и(х), и обрЂте я на рЂцЂ, рекомЂи́ Пол(ь)цЂ; и възра(до)ваша(с) о совокупленіи свое(м), и жалиша си о побЂдЂ землѝ Ру(с)кое и о в(ь)зятіи гра(д) о(т) иноплемен(ь)никь мно(ж)ства.

\Данила речеть\ Данилови (ж) рек(ь)шю, яко: «Не добро на(м) стоати зде бли(з) воюющи(х) на(с) иноплемен(ь)нико(м)!» А Иде въ землю Мазовец(ь)кую 6 къ Болеславу, къ Кондратову сн̃ви. И вдасть ему кня(з) Болеславь гра(д) Вышегоро(д), и бы(с)[ть] ту, до(н)деже вЂсть пріа, яко сошли су(т) изь земли Ру(с)кое бе(з)бо(ж)ніи, и въз(ь)врати(с) въ землю свою. И пріиде къ граду Дорогычину, и въсхоти внити въ гра(д), и вЂ(с)[ть]но бы(с)[ть] єму, яко: «Не внидеши въ гра(д)». Оному рек(ь)шю, яко: «Сы(й) 7 бы(л) гра(д) нашь и о(т)ц̃ь наши(х)», — «вие 8 же не изволисте вни(ти) во(н)». [И] о(т)иде мысля си, иже Бъ̃ послЂди (ж) о(т)местіе сътвори дръжателю града того и вдасть и в руци Данилу. И обновивыѝ Б създа цр̃квъ прекрасну въ имя ст̃ыа Бц̃а, и ре(ч): «Се гра(д) моѝ, преже бо прія(х) е(г) /676/ копиє(м)».

Данилови (ж) съ брато(м) прише(д)шю к(ъ) Берестію, и не възмогоста ити в(ь) поле, смрада ра(ди) мно(ж)ства избіенны(х). Не бЂ бо на Воло(ди)мери не оста(л) живыѝ, цр̃кви пр(с)тыа Бц̃а испо(л)нена бы(с)[ть] трупіа 9, и иныа цр̃кви напо(л)нены быша трупіа и телесь мр̃твы(х).



1 стряпати; 2 встряпаеши; 3 бЂжаща; 4 Синеволодьско; 5 питосьнуся; 6 Омазовьскую; 7 сь; 8 вы; 9 трубья.

* Прийменника до немає в обох списках. Поставлено за смислом.

** Слово не відсутнє в обох списках. Поставлено за смислом.

А В обох списках помилка. Слід: иноплеменъниковъ; Б В Іп обьновивы. Слід: объновивъ и.


По то(м) же Михаилъ иде о(т) уя своего на Воло(ди)мерь съ сн̃о(м) свои(м) и о(т)туду иде к Пи(н)ску. Ростислав(ь) же Въло(ди)мери(ч) пріиде къ Данилу в Хол(ь)мъ, одръжа(л) бо бяше Бъ̃ о(т) безбожны(х) татаръ. Ростиславъ же показа правду свою, яко не є(с)[ть] въ совЂте с Михаѝло(м). Михаил(ь) же не показа правды въ здобродЂяніе Данилу же и Васи(л)ку, но и проиде землю его, [ни] и посла А посла, иде въ Кыевь и живяше по(д) Кыево(м) въ островЂ, а сы(н) его иде в Чер(ь)нЂговь Ростисла(в).

\Галичане\ Выше(д)шю же Л(ь)вови изь Угоръ з бояры Галиц(ь)кыми, и пріеха во Водаву къ о(т)ц̃у си, и ра(д) бы(с)[ть] ему о(т)ц̃ъ. Бояре (ж) галиц(ь)стіи Данила князе(м) собЂ называху, а сами всю землю дръжаху. Доброслав(ь) же въкняжи(л)ся бЂ и Су(д)ичь, поповъ внукь, и грабяше всю землю, и въше(д) въ Бакату, все Понизье прія, бе(з) княжа повеленіа. Григоріа же Васи(л)евича себЂ гор(ь)нюю страну Премышльскую мысляше одръжати. И бы(с)[ть] мяте(ж) вели(к) въ земли и грабежь о(т) ни(х). Данил(ь) же, увЂдавъ, посла Іакова сто(л)ника своего с великою жалостію къ Доброславу, гл̃я к ни(м): «Князь вашь азъ есмь. Повеленіа моего не творите и землю губите 1. Чер(ь)нЂгов(ь)скы(х) бояръ не велЂ(х) ти, Доброславе, пріимати, но дати волости галиц(ь)кы(м), а коломыѝскую соль о(т)лучити на мя». /677/ Оному (ж) рек(ь)шю: «Та 2 буде(т) тако». Въ тъ(й) же ча(с) Якову сЂдящю у него, пріидоста Лазарь Домажирець и Иворъ Молибожи(ч), два безакон(ь)ника, о(т) племени смръдья, и поклонистася ему до земля. Якову же удивившя(с) и прашав(ь)шю вины, про что поклонистася. Доброславу (ж) рекшю: «Да(х) има Коломыю». Якову (ж) рекшю ему: «Како можеши бе(з) повеленіа княжа о(т)дати ю сима, я(к) велиціи князи дръжа(т) ю, сію Коломыю, на роздаваніе оружнико(м). Си(и) бо еста не достойна ни Вотнина дръжати!» Он(ь) же усмЂявся рече: «По 3 что могу (ж) гл̃ти»? Яковь же пріеха вся си(и) сказа князю Данило(ви). Дани(л) же скор(ь)бяше и моляшеся Бу̃ о о(т)чинЂ своей, яко нечестивы(м) си(м) дръжати ю и обладати ею.

Малу (ж) времени минув(ь)шю, присла Доброславь на Григорія, ре(ч), яко «НевЂрень ти є(с)[ть]», — противляшеся ему, и са(м) хотяше всю зе(м)лю одръжати. \Звада\ Звадив(ь)шеся сами и пріехаша съ великою гръдынею. Едучю Добросла(в)у въ одиноѝ сърочици, гор(ь)дящю, ни на землю смо(т)рящю, галичяно(м) же текущи(м) у стременя его.

Данилови (ж) видящю и Васи(л)кови гор(ь)дость его, бол(ь)шую враж(д)ю на (н)[ь] въз(д)вигнуста. Доброслову (ж) и Григорію обои(м) любящи(м) 4 на ся. Слышав(ь) же Данилъ рЂчи и(х), яко пол(ь)ны су(т) льсти, и не хотя(т) по воли его хо(ди)ти, и власть его иному предати, смыслив(ь) же се съ брато(м), по нужи же видя безаконіе и(х), [и] повелЂ я 5 изымати.

[В лЂто 6749 (1241).] По то(м) же Ростиславь събра(л) князи болохов(ь)скыє и остано(к) галича(н), пріиде ко БакотЂ. Курилови (ж) сущу /678/ печатнику тог(д)а в БакотЂ, послану Данило(м) князе(м) и Васи(л)ко(м) исписати грамоте(л)ства 6 нечестивы(х) боярь, утЂшити 7 землю.



1 грабите; 2 да; 3 то; 4 ловящимъ; 5 его; 6 грабительства; 7 утиши.

А Тут помилка. В Іп.: ни пославъ.



Бивши(м) же ся и(м) у вра(т), о(т)ступи(л)ся хотяше премо(л)вити его словесы многыми. Курилъ же о(т)вЂща ему: «Се ли твориши възмездіе уема своима въ здобродЂяніе? Не помниши ли ся, я(к) коро(л) угорьскыѝ изгна(л) тя бЂ изь землЂ съ оц̃мъ ти, како тя въспріаста [о] г(с)дна моя, уя твоя? О(т)ц̃а ти въ велици ч(с)ти дер(ь)жаста и Кыевъ обецаста, и тебЂ Луческь въдаста, и мт̃ръ твою и сестру свою изь Ярославлю руку изьяста и о(т)ц̃у твоему 1 вдаста». И ин̃нЂ словесы мудрыми гл̃аста ему много. ВидЂв(ь) же непослуша А его, и изыиде на ня с пЂшьци. Он(ь) же увидЂвь то, поѝде про(ч). Он(ь) же м(д)ростію и крЂпостію удръжа Бакоту. Ростислав(ъ) же изыде за ДнЂпръ.

Слышав(ь) же Данилъ прихо(д) Ростиславль съ князи болохов(ь)скыми на Бакоту, абіе устребися на ня: грады и(х) огневи предасть и гребля и(х) роскопа. \Стерегу(т) землю отъ литвы\ Васи(л)ко же кня(з) осталъ бЂ стеречи землЂ о(т) литвы, послалъ бяше воя своя съ брато(м). Дани(л) же въземь плЂ(н) многь воротися, и поима грады и(х): Деревичь, Губинъ и Кобу(д), Кудинъ, Городець, Бо(ж)скыѝ, Дя(д)ко(в). Пріиде (ж) Курилъ, печатни(к) князя Данила, съ тре(ми) тысячами пЂшець и треми сты кон(ь)никъ, и въдасть и(м) възяти Дя(д)ковъ гра(д).

О(т)туду (ж) плЂни(в) землю Болохов(ь)скую и пожегь. Оставили бо и(х) татарове, да имь ору(т) пшеницу и проса. Дани(л) же на ня бо(л)шу * /679/ вра(з)ду держа, яко о(т) татаръ надежу имЂаху. Кн̃зя же и(х) из[ъ]я о(т) руку Богославлю, кн̃зя мазявского, рекша Болеславу: «Почто су(т) во(ш)ли въ землю мою, яко не вда(х) имъ?» — рекии: «Не су(т) вои твои, но су(т) особніи кн̃зи«. И хотяше ра(з)бранити 2 и(х). Оны же обЂщася работны быти. Оны(м) же молящи(м)[ся], Дани[лъ] же и Василко за не хотЂ с ны(м) бра(н) сотворити. Васи(л)ко же єха убе(д)и и, рекше умоли и, и да(ст) єму дары многи на избавленіе и(х). Оны(м) же однако не помнящи(м) добродЂянія, Бг̃ъ во(з)ме(з)діе [и]мъ дасть, яко не остави ничто же во граде(х) и(х), єже бы(ст) не плЂненно. И пріиде ко брату си, мл(с)тію Бж̃іею и обличая побЂду.

Ростисла(в) же однако не престаяше о(т) злоби своей, но воя собра(л) и Вододислава невЂ(р)наго, пойде на Галичъ. И прише(д) к Печери Домамири, и пре(л)сти е(г)[о] Володисла(в), и вдашася Ростиславу; и о(т)туду, пойма, пойде к(ь) Галичу, рекій, яко: «Тво(й) є(ст) Гали(ч)». А са(м) прія тысящу о(т) него. Слыша(в) же Даніи(л) и Васи(л)ко, собравша воя своя, скоро по(й)до(с)та на ны(х). О(н) же не сте(р)пЂвый, бЂже и(з) Галича до Щекотова, и с ны(м) же бЂжа Артемій, єп(с)пъ гали(ц)кій, и ины галичане. Данилови же и Васи(л)кови женущу по немъ, вЂ(ст) прійде по не(м), яко татарове су(т) выйшли и(з) земли Угорское, иду(т) в землю Гали(ц)кую: и тою вЂст(ь)ю сп̃сеся, и нико(л)ко о(т) бояръ єго ятъ былъ.

Даніи(л) же хотя землю установити, и єха до Бакоты и Калиуса, и Васи(л)ко єха во Володимерь. Даніи(л) же дворецкого посла на Перемышль, на Костя(н)тина резанского, посланого о(т) Ростислава, и владыци перемыслскому коромолующу с ными єму. И слышавъ Костя(н)ти(н) Андрея грядуща на (н)[ь], избЂже нощію. Андрей же не удаси єго, но удаси владыку и слуги єго ра(з)граби гордЂй и слуги єго и тулы и(х) бобровые ра(з)дра, и при(л)бЂцЂ и(х) волчіе и босурковые ра(з)драны быша. Словутнаго пе(в)ца Ми /680/ певца Митусу, древле за гордо(ст) не восхотЂвшу служити кн̃зю Данилу, ра(з)дранаго аки 3 связа(н)наго приведоша. СирЂ(ч), яко же рече Приточникъ: «бо єстъ дому твоего сокрушатися и бобръ и во(л)къ и язве(ц) снЂдя(т)ся». Се же при(т)чею речена быша.



1 ти; 2 розъграбити; 3 икы.

А В обох списках помилка. Слід: непослушанье.

* Далі два аркуші Острозького списку (стр. 679-682) написано іншим почерком.



[Въ лЂто 6750. Не бысть ничто же.]

[Въ лЂто 6751 (1243).] В то же время Ростислава ра(з)гнаша татарове в(ь) Борку и бежа в(ь) Угры, и вда(ст) и(м) за (н)[ь] паки коро(л) угорскій дщеръ свою.

Данилови же, будущему в(ь) Холми, прибЂже к(ь) нему по(л)очинъ 1 єго изъ Угоръ [именемь Актай, рекый, яко: «Батый воротилъся есть изо Угоръ], и онъ радилъ А есть на тя два багатыря в(ъ)зыскати тебе, Ма(н)мана и Балая». Данилъ же затворилъ Холмъ, єха ко брату си Василкови, и пойма со собою митрополита Курила; и татарове воеваша до Володавы и по озеромъ, и воротишася много зла сотвориша хр(с)тіано(м).

[Въ лЂто 6752 (1244). Не бысть ничто же.]

[В лЂто 6753 (1245).] Слышавъ же короля Михаи(л) в(ь)далъ дщеръ за сн̃а єго, и бЂже у Угры. Король же угорскій и сн̃ъ єго Ростиславъ чести єму не сотвориша. О(н) же ро(з)гнЂва(л)ся на сн̃а, возвратися к(ь) ЧернЂгову. О(т)туду єха Батіевы, прося у не(г) волости своей. Батіевы же рекшу: «Поклонися отецъ нашихъ закону». Михаилъ же о(т)вЂща: «Аще бы ся ны є(ст) предалъ и власть нашу, грЂ(х) ради наши(х) [во руцЂ ваши] тобЂ кланяемъся и чести приносимъ ти. А закону о(т)ц̃ъ твои(х) и твоего бл̃гочестивому 2 повеленію не кланяемъся». Батій же яко сверЂпый звЂръ во(з)ярися, повелЂ и заклати [князя Михаила], и закланъ бысть * без(з)аконныком 3 [Доманомь], Путивлицемъ, нечестивымъ, и с нимъ закланъ бысть бояринъ єго Феодоръ, мученически пострадаша /681/, восприяста вЂнца о(т) Хр(с)та Бг̃а.

Данилови же со братомъ Василкомъ заративъшимася со Болеславо(м), княземъ ля(д)скімъ, внийдоста в(ъ) землю Лядьскую четырми дорогами: самъ Данило воева около Люблина, а Василко — по И(з)воли и по Лади, около БЂлои, дворъ княжій Андрей посягну Б, а Вышета воева По(д)горіе. В(ъ)земши полонъ во(з)вратишася. И паки изыйдоста и повоеваста землю, [Лю]блинскую, даже и до реки Вислы и Сянъ. [И] пріехаша по(д) Завихвостъ, стрЂлъ Василка кн̃зь чере(з) Вислу, не могоша бо переихати [си] реки, понеже наво(д)нилася бяше. И во(з)вратишася взе(м)ши полону много.

Малу же времени минувшу, приехавшу же ляхове воеваша же около Андреева. Услыша же Даниилъ кня(з) со Василкомъ братомъ совокупиша силу свою, [и] повелЂста престроѝти праща, иные сосуды на взятіе града, и пойдоста на градъ Люблинъ. Єдиного дне быста по(д) градо(м) Хо(л)мо(м), со всЂми воѝ [и] пращами. Мечущимъ же праща(м) и стреламъ яко же до(ж)чу идуща на градъ ихъ, и увидЂвши ляхове, яко крепчіѝ брань ру(с)кая належить, начаша просити милости получити. Данилъ же и Васи(л)ко сотвориста завЂтъ положившимъ 4, рекоша: «Не помагайте князю своему». Оны же обЂщашася то сотворити. Дани(л) же з братомъ возвратистася, воевавши страну ту.

Ростиславъ же моливъ угоръ много, просився у тестя, да выйде(т) на Перемишль. Вьше(д)ши єму собравъ сме(р)ды многы, пЂсца, и собра я в(ъ) Премышль. Дани(л) же и Васи(л)ко /682/ и Василко, слышавъ, послаша Л(ь)ва, малада В суща, яко же ни в бомъ 5 єму внійти младу сущу, посла сыновца своего Всеволода, [АндрЂя и Якова] и иные бояры.



1 половцинъ; 2 богонечестивому; 3 безаконьнымъ; 4 положивъ имъ; 5 бой.

* У рукописі внизу приписано іншим почерком: Закланъ велики князъ Михаилъ Черниговский въ 1243 году, по 1754 годъ будетъ 508 лЂтъ. В Іп. на полі інший текст: Убьение благоверного великаго князя Михаила Черниговъского и Феодора, боярина его, отъ Батыя, царя безбожного.

А онъ радилъ — помилка. В Іп.: отрядилъ. Б дворьскый же ОндрЂй по Сяну. В В тексті: мафада.



Бывшимъся имъ на рицЂ СЂчници, одолЂ Ростиславъ, многи [бо] ими писци 1. Биющу же Андрея и Якову, секущи[мъся лютЂ, Всеволъдъ не поможе имъ и навороти конь] на свой бЂгъ. Бившимъся много о(т)ехаша цЂлы. Данилови же бы(в)ше вЂсти, пойде собра воѝ многи и пЂсци, и прогна и(з) земли, и иде во Угры.

[Въ лЂто 6754 (1246).] Въ тое (ж) лЂто прійдоша литва и воеваша около Пересъпници, Аишвно Рушковичъ. Данилови же и Василку єхаста в(ъ) Пинскъ и пре(д)вариста єго до(н)деже приходъ єго быстъ. Онымъ же идущимъ по полю Пинскому, изыйдоста на ни(з) града А. Поганы(м) же о(д)нако гордо(ст) имЂющи(м) во ср(д)ци своемъ, погнаша ѝ. Оны(м) же не стерпЂвшимъ побЂгоша, бежущи(м) же имъ падаху ис коней. Васи(л)ко же приведе превыша града Б к(ъ) брату же 2. ВсЂ же воѝ єго и(з)бити быша, самому же Рушковичу в(ъ)малЂ утекшу. И бысть радо(ст) велика во градЂ Пи(н)ску о побЂдЂ Данила и Василка: весь бо плЂнь о(т)яста, Бг̃у помогшимъ 3.

[Въ лЂто 6755 (1247).] По то(м) же минувшимъ лЂтомъ воеваша литва около Мелници, [Лековни], великъ плЂнь прияша. Данило же и Василко гнаста по нихъ до Пинска, пинский бо Михаилъ далъ бы имъ вЂсть. Онымъ же по нихъ ставшимъ о(т)сЂкъши(м)ся в лЂсЂ, да(л) бо бЂ и(м) * /683/ бЂ имь Михаиль вЂсть, буда в Пи(н)ску. Дани(л) же и Васи(л)ко погна на нЂ, и двор(ь)скыѝ Яковь воя своя. Лит†(ж) не ем(ь)ши вЂры Михаилови, изыидоша ис становь свои(х). Мл(с)тію Бж̃іею, побЂгши(м) литвЂ, избиты быша и плЂ(н) весь о(т)яша, а са(м) Лонък(ъ)гвени бодень утече. И пріиде вЂсть къ Данилу и Васи(л)ку, и бы(с)[ть] радо(с)[ть] велика въ Пи(н)ску градЂ. Преже[же] воины 4 Даниловы чер(ь)нЂго(в)ское, сЂдящи ему в Галичи, а Васи(л)ку въ Воло(ди)меру.

[Въ лЂто 6756 (1248).] \Воюю(т) ятвязЂ\ Воеваша ятвязЂ около ОхожЂ и Бусовна, всю стра(н)у ту плЂниша, и еще бо Хо(л)му не поставлену быв(ь)шю Данило(м). Гна же по ни(х) Васи(л)ко из Воло(ди)меря, и угони я, и бывшю ему третіи дн̃ь из Воло(ди)меря у ДорогичинЂ. ОнЂ(м) же біющимся у воро(т) Дорогычи(н)скы(х), пріиде на нЂ Васи(л)ко. ОнЂ(м) же възьехавши(м) имь противу и не сътер(ь)пЂвши(м) о(т) лица Васи(л)кова, Бу̃ помог(ь)шу, побЂгоша зліи поганіи. И бы(с)[ть] на нЂ сЂча люта, и гнаша я за многа поприщь, \40 князей убито\ и убито бы(с)[ть] князей 40, и иніи мнози избіени быша и не воистояша. И посла и въ Гали(ч) къ брату си. И бы(с)[ть] радо(с)[ть] велика в [градЂ томъ] Галичи въ де(н) тъ(й).

Васи(л)ко бо бЂ възрасто(м) середніи, умо(м) вели(к) и дръзостію, иже иног(д)а многаж(д)ы побежаше поганые, или иног(д)а многаж(д)ы посылающима има на поганые. Еже Скомон(д) и Бору(т) злаа воѝника, иже убіена быста посланіемь. \Скомон(д) въ(л)хвь пЂ(ш) воева\ Скомон(д) бо бЂ влъхвь и кобникь нарочи(т), борз(ь) же бЂ яко [и] звЂрь, пЂшь бо ходя повоева страну 5 Пи(н)скую, и ины страны; и убіенъ бы(с)[ть] нечестивыѝ, и глава его взо(т)кнена на колъ. И въ /684/ ина времена, Бж̃іею мл(с)тію избіени быша поганіи, и(х) же не хотЂхо(м) писати о(т) мно(ж)ства ра(ди).



1 пЂшьцЂ; 2 си; 3 помогающу имъ; 4 воиный; 5 землю.

А на нЂ из града; Б первый сайгатъ.

* Наступний лист продовжується основним почерком.



[Въ лЂто 6757 (1249).] \Ростисла(в) тестя проси(л)\ По то(м) же Ростиславь молися тестеви своему королеви, да пошле(т) ему воя на Данила. Пое(м) воя, иде в Ля(д)скую землю. И молися Лестьковоѝ и убЂ(ді) ю, да пошле(т) с ни(м) ляхы; и посла с ни(м) воя. Нарочитые бояри и иніи бо ляхове избЂгли бяху изь землЂ, хотяще ити къ Данилови. УвидЂв(ь) же Ростислав(л)ь выхо(д), хотяще и(м) получити мл(с)ть у Лестьковича и у матере его, идоша к нему на помощь: еже по малЂ времени я(т) бы(с)[ть] старЂѝшіи и(х) Творіань Данило(м).

\Походъ на Яросла(в)\ Ростисла(в) же устремився пріиде на гра(д) Ярославль. Люде(м) же бывши(м) въ градЂ Даниловы(м) и Васи(л)ковы(м), и бояро(м) многы(м), видЂв(ь) же крЂпо(к) гра(д), поѝде к Перемышлю. И събра(л) тоземльцЂ многые, съсуды ратные и гра(д)ные и порокы, исполчивь воя своа, пакы пои́де къ Ярославлю и за собою остави гра(д) Перемышль, мыслящю ему: «Аще сего не пріиму, да сего дръжю». Стоящю (ж) ему у града и строящю порокы, ими же пріиме(т) градъ, и бы(с)[ть] бои́ веліи пре(д) градо(м). Оному (ж) повелЂв(ь)шю свои(м) охабитися, да не язвени буду(т) воѝ его о(т) гражанъ, дон(ь)деже устрои(т) суды поро(ч)ные. Хвалящю (ж) ся ему пре(д) воѝ своими и рекущю: «Аще бы(х) извЂда(л) где Данила и Васи(л)ка, еха(л) бы(х) на ня; [аще бы ми с десятью воинъ ехаль быхъ на ня]». \Горди(т)ся\ Гордящю (ж) ся ему, и сътвори игру пре(д) градо(м), и сразившюся ему съ Вор(ь)ше(м), и падеся по(д) ни(м) конь, и вырази собЂ плече, и не на добро случися ему знаменіе.

Слыша(в) же /685/ Данило и Васи(л)ко ратное пришествіе его, помолив(ь)шася Бу̃, начаста събирати воя, посласта къ Кон(ь)дратови, рекуща, яко: «Тебе дЂля изыдоша на наю ляхове, яко помощника ти ес※. \Помощь\ Пославшю (ж) ему помощь, Данило (ж) и Васи(л)ко посласта в Литву, помощи просяща, и послана бы(с)[ть] о(т) Миньдога помощь. Не дотягши(м) же обои(м), явльшю (ж) Бу̃ мл(с)ть 1 свою на(д) ними, яко не о(т) помощи є(с)[ть] чл̃ко(м) побЂда, ну о(т) Ба̃, скоро (ж) събравша воя поидоста. Посласта (ж) Ан(ь)дрЂя, да и(х) види(т) и укрЂпи(т) гра(д), яко уже бли(з) є(с)[ть] сп(с)ніе и(х). \Знаменіе на(д) полкомъ\ Не доше(д)ши(м) же воє(м) рЂкы Сяну, съсЂ(д)ши(м) же на поли въоружится, и бывшю знаменію сице А на(д) пол(ь)ко(м) сице: прише(д)ши(м) ор(ь)ло(м) и многы(м) въроно(м), яко оболоку велику, играющи(м) же п(ь)тица(м), ор(ь)ло(м) же клекощющи(м) и плавающи(м) крилы своими и въспрометающи(м) же ся на воздусЂ, яко (ж) никог(д)а николи (ж) не бЂ. \На добро\ И се знаменіе [не] на добро бы(с)[ть].



1 помощь. В Іп. слово милостъ винесено на поле.

А В обох списках сице повторено двічі.



Дани(л) же въоружився, поє(м) воя своя, поѝде по рЂцЂ Сяну. Броду (ж) глубоку сущю, и пріехаша полов(ь)ци напере(д), преехав(ь)ше видЂша стада и(х). Не бЂ бо стражь и(х) у рЂкы. Половце(м) же не смЂвши(м) раз(ь)грабити и(х), без(ъ) повеленіа княжа. ОнЂ(м) же узрЂв(ь)шимъ и убЂг(ь)ши(м) съ стады своими въ станы своя. Данило (ж) и Васи(л)ко не умедлиста, но скоро преидоста рЂку. Испо(л)чивша (ж) кон(ь)ники съ пЂш(ь)ци поѝдоста с тихостію на бра(н). Ср(д)це же ею крЂпко [бЂ] на бра(н) и устремлено на бра(н). \Ле(в) к[ороль]: сн̃ъ Данило(в)\ Л(ь)вови (ж) дЂ(т)ску сущю, поручи и Васи(л)кови, храбру сущю боярину, и крЂпко, да и стреже(т) его въ брани. И видЂ(в) же Ростиславь прихо(д) ратны(х) испо(л)чив(ь) же воя своя, /686/ ру(с) и угры и ляхы, и доѝде противу и(м); пЂшци (ж) остави противу врато(м) града стеречи вра(т), да не изыду(т) на помощь Данилу и не съсЂку(т) пороковь. \Ростисла(в) во(й)ско испо(л)чи\ Ростисла(в) же испо(л)чився преѝде дебръ глубокую, оному (ж) идущу противу пол(ь)ку Данилову., АндрЂеви (ж) двор(ь)скому тъснящюся да не сразится с пол(ь)ко(м) Даниловы(м), ускори(в) съразися с полко(м) Ростиславли(м) крЂп(ь)ко. Копіем(ь) же изломив(ь)шимся, яко о(т) грома трЂсновеніе бы(с)[ть], о(т) обои(х) же мнози падша с конеи умроша, и иніи уязвени быша о(т) крЂпости удареніа копеи́наго.

Дани(л) же посла 20 мужей избран(ь)ны(х) на помощь ему. Василіи же ГлЂбови(ч) и Всеволо(д) Олексан(ь)дрови(ч), Мстиславь, не мога Ан(ь)дрЂеви, бЂжаста назадь къ Сянови. АндрЂеви же остав(ь)шюся съ мало(м) дружины, въездя крЂп(ь)ци боряшеся с ни(ми).

\χυριεέλεησον\ ВидЂв(ь) же Данилъ ляхы крЂпко идущи(м) на Васи(л)ка, корелесь 1 поющи(м), силенъ гла(с) ревуще въ пол(ь)ку и(х).

\Дани(л) говори(т)\ Дани(л) же видЂвь близь бра(н) Ростиславлю, и Филю в заднЂ(м) пол(ь)ку стояща съ хороговью, рекущю, яко: «Ру(с) т(ь)щиви су(т) на бра(н), да стерпи(м) устремленіа и(х), не стер(ь)пими бо су(т) на дол(ь)го время на сЂчи»: Бу̃ (ж) не услышавше славы его, пріиде на нь Данило, съ Яково(м) Марковичемъ и съ Шел(ь)во(м). Ше(л)вови же збодену быв(ь)шю, Данила же єм(ь)шю, истръжеся из руку его и выеха ис пол(ь)ку, и видЂвь угрина грядущаго на помощь Фили, къпіє(м) сътче и, оружію быв(ь)шу в не(м) уломлену спадеся, издъше. О(т) того же гор(ь)даго Филю Левь, мла(д) сыѝ, и изломи копіе свое. Пакы (ж) Данило скоро пріи́де на нь, и /687/ и раз(д)руши полкь его, и хоруговь его раз(д)ра [наполы]. ВидЂв(ъ) же се Ростиславь побЂже, и наворотиша(с) угре на бЂгь.

Васи(л)кови (ж) сразив(ь)шюся съ ляхы, наворотивши(м)ся и зрящи(м) обои(м) на ся, ляхо(м) же лающи(м), рекущи(м): «Поженемь на великыа бороды». \Василко говори(т)\ Васи(л)кови (ж) рек(ь)шю, яко: «Ло(ж) глаголъ вашь є(с)[ть], Бъ̃ помощ(ь)никь нашь є(с)[ть]». И то(л)кну 2 ко(н) своѝ и движеся. Ляхове же не стер(ь)пЂша побЂгоша о(т) лица его. Данилови (ж) женущю чере(з) дебръ глубокую на угры и ру(с) біющія, скор(ь)бяше о братЂ не вЂдыѝ. УзрЂв(ь) же хоруговь его по ляхо(м) женущю, и бы(с)[ть] в ра(до)сти велици. Ставшю (ж) ему на могилЂ противу городу, и пріеха Васи(л)ко къ нему. Данилови (ж) хотящю гнати по ни(х). Васи(л)ко (ж) въз(ь)браняше ему. Ростислав(ь) же познав(ь)шю, направи ко(н) своѝ на бЂгь. \Филя Гордый\ Угре же и ляхове мнози избіени быша и яти быша, и о(т) всЂ(х) мнози яти быша. Тог(д)а же и Филя Гръдыѝ ять бы(с)[ть] [съ] Ан(ь)дрее(м) двор(ь)скы(м) и приведе(н) бы(с)[ть] къ Данилу, и убіенъ бы(с)[ть] Данило(м). Жирослав(ь) же приведе Въло(ди)слава, злаго мятеж(ь)ника земли. В тои (ж) де(н) и тъ(й) убіенъ бы(с)[ть], и иніи угре мнози избіени быша за гнЂвь. Данило (ж) и Василко не идоста в горо(д), и Левъ ста на мЂстЂ, воино(м) посре(ди) труповь являюща побЂду свою. Гонящи(м) же и пріездящи(м) [воиномъ], нощи и в полунощи, вЂдущи(м) користь многу, яко (ж) всее нощи колику не переста, ищущи(м) другь друга.

Яви (ж) Бъ̃ милость свою и дасть побЂду Данилу на кано(н) великомч̃нику Фрола 3 и Лавра. \Дани(л) побЂди(т)\ Дани(л) же горо(д) за(ж)же, єже Ростиславь създа(л); и иде же въ Хол(ь)мъ с коло(д)никы /688/ многы, иже бЂ създа(л) са(м). Лит†(ж) пріехавши(м) и ляхо(м) Къндратовы(м) к нему приспЂвши(м) къ брани, въротиша(с) въсвояси. А Ростиславь бежа въ Ляхы и пое(м) жену свою иде въ Угры. Про то бо изь Угорь прише(л) бяше, съ женою, въ Ля(д)скую землю, мысля (ж) въ умЂ своемь взяти Гали(ч) и обладати и(м). Бъ̃ же за высоку мысль е(г) не сътвори тако, еже онъ мысляше.



1 керьлЂшь; 2 тъкну; 3 Фрора.


[Въ лЂто 6758 (1250).] Прислав(ь)шю же МогучЂе†посолъ своѝ къ Данилу и Васи(л)ку, будущю има в Дорогов(ь)ску: «Даѝ Гали(ч)!» Бысть въ печали велици, зане не утвер(ь)дилъ бЂ землЂ своея городы. \Даніилъ к[ня](з) ве(л)[икий] к(ъ) Батіеви по(й)де\ И дума съ брато(м) свои(м), поеха къ Батыеви ре(ч): «Не да(м) полуо(т)чины своея, но еду къ Батыеви са(м)».

Изыде (ж) на праз(д)никъ ст̃го Д(ь)митріа, помолився Бу̃, и пріиде къ Кіеву, обьдер(ь)жащю Кыевь Ярославу боярино(м) свои(м) Єйковиче(м) Дмитро(м). \Выдуби(ч)\ И прише(д) в до(м) архистратига Михаѝла, рекомыѝ Выдоби(ч), и съзва калугеры и мнишескыѝ чинъ, и рекь игумену и всеѝ 1 братіи, да сътворя(т) мл̃тву о не(м). И сътвориша, да о(т) Ба̃ мл(с)ть получи(т). И бы(с)[ть] тако, и па(д) пре(д) ар(ь)хистратиго(м) Михаѝло(м) изыде из манастыря в ло(д)и, видя бЂду страшну и грозну.

\Данила татарове сретоша\ И пріиде к Переяславлю, и срЂтоша и татарове. О(т)туда (ж) еха къ Куре(м)си, и видЂ, яко нЂ(с)[ть] у ни(х) добра.

О(т)туда (ж) бо(л)ма нача скръби(ти) дш̃ею, видя бо обладан(ь)ны діаволо(м): сквер(ь)на и(х) кудЂшьскаа бляде(н)я и Чигызаконова мечтаніа, сквер(ь)наа его кръвипитіа, многыа его вол(ь)шьбы. Приходящіа цари и князи и ве(л)можи, сл̃нцю и лунЂ и земли, и діаволу, и умръши(м) во адЂ о(т)цемь и(х) и дЂдо(м) и матере(м), /689/ водяше около куста 2 покланятися имь. О сквер(ь)наа прелесть и(х)! Си(и) же слыша ве(л)ми нача скръбити.

\Прише(д) на Во(л)гу к Батыю\ О(т)туду (ж) пріиде къ Батыеви, на Во(л)гу, хотящу ся ему поклонити. Прише(д)шю (ж) Ярославлю чл̃ку, Съньгурови, ре(к)шю ему: «Бра(т) твои́ Ярославь кланя(л)ся кусту; и тобЂ кланятися». И ре(ч) ему: «Діаволъ глаголе(т) изь усть твои(х). Бъ̃ загра(ди) уста твоа и не слышано буде(т) слово твое». И въ тъ(й) ча(с) познанъ 3 бы(с)[ть] Батые(м), избавленъ Бг̃о(м) бы(с)[ть] и зло(г) и(х) бЂшеніа и кудеш(ь)ства. И поклонився по обычаю и(х) и въниде в(ъ) вежю его 4. Рек(ь)шю ему: «Данило! Чему еси дав(ь)но не пришелъ? А нн̃Ђ иже еси пришелъ — а то добро же. Піеши ли чер(ь)ное молоко, наше питіе, кобылЂѝ кумузь?» \Кобылеи комузь\ Оному (ж) рек(ь)шю: «ДоселЂ есмь не пилъ, но 5 же ты велишь — пію». Он(ь) же ре(ч): «Ты уже на(ш) же татари(н). Піи наше питіе». Онь же испивь поклонися, по обычаю и(х), измо(л)ва слова своя, ре(ч): «Иду поклонитися великоѝ княгини Бара(к)чинови». Ре(ч): «Иди». Ше(д) поклонися єй по обычаю. И присла вина чю(м) и ре(ч): «Не обыкли пити молока, піи вино».

О злЂе зла честь татар(ь)скаа! Данилови Романовичю, князю бывшю велику, обладав(ь)шю Ру(с)кою землею, Кыево(м) и Въло(ди)меро(м) и Галиче(м), съ брато(м) си, и инЂми страна(ми): нн̃Ђ сЂди(т) на колЂну и холопо(м) называе(т) и 6, и дани хотя(т), жива не чае(т) и грозы приходя(т). О злаа честь татар(ь)скаа! Его (ж) о(т)ц̃ъ бЂ цр̃ъ в Ру(с)коѝ земли, иже покори Половец(ь)кую землю и воева [на] иные страны всЂ. Сынь того не прія ч(с)ти, то иныѝ кто може(т) приати? ЗлобЂ бо и(х) и льсти нЂ(с)[ть] ко(н)ца: Ярослава великого князя Сужда(л)ско(г) /690/ зеліемь умориша; Михаѝла, князя чер(ь)нЂгов(ь)ского, не поклонив(ь)шюся кусту съ свои(м) боярино(м) Θео(до)ро(м), ноже(м) заклана быста, еже пре(ди) сказахо(м) кланяніе и(х), еже вЂне(ц) пріаста мчнч(с)кый, и иніи мнози князи избіени бы(ш) и бояре.

\Данилъ отпущенъ\ Бывшю (ж) князю в ни(х) дн̃еѝ 20 и 5, о(т)пуще(н) бы(с)[ть] и поручен(ь)на бы(с)[ть] земля его ему, иже бяху с ни(м). И пріиде въ землю свою, и срЂте его бра(т) и сн̃ове его, и бы(с)[ть] пла(ч) о бЂдЂ 7 его, бо(л)ша бы(с)[ть] радо(с)[ть] о з(д)равіи его.



1 своеи; 2 коста; 3 позванъ; 4 ихъ; 5 нынЂ; 6 называется; 7 обидЂ.


\Посо(л)\ Тое (ж) зимы Ко(н)дра(т) присла посолъ по Васи(л)ка, ре(ч): «Поѝде(м) на ятвязЂ». Па(д)шю снЂгу и серену, не могоша ити и въротиша(с) на НурЂ. Бы(с)[ть] же вЂдомо страна(м) прихо(д) его всЂ(м) с Татаръ, яко Бъ̃ сп(с)лъ его.

\Посолство для брака\ В то (ж) лЂто присла коро(л) угор(ь)скый виц(ь)каго, река: «Поими дъщеръ мою 1 за сн̃а своего Л(ь)ва». Бояше бо ся его, яко бы(л) бЂ у Татаре(х), побЂдою побЂ(ди) Ростислава и угры его. Помыслив(ь) же си съ брато(м), гл̃у его не уя вЂры: древле бо того измЂнилъ бЂ, обещавъ да(ти) дъщерь свою.

Кvрилъ бо бЂ митрополи(т) идяше посла(н) Данило(м) и Васи(л)ко(м) на поставленіе митропо(л)е ру(с)коє. Бывшю ему у короля, убЂ(ди) и коро(л) словы многыми, дары увещеваа, яко: «Проведу тя у Грекы с великою ч(с)тію, аще сътвори(т) Данилъ съ мною миръ». Он(ь) же ре(ч): «Клятвою клени ми ся, аще не премениши слова свое(г). Азъ ше(д) приведу и». Прише(д) же митрополи(т) и ре(ч) ему: «Хотеніе твое у тебе е(с)[ть], поими дъщеръ его сн̃у си женЂ». Васи(л)кови рек(ь)шю: «Иди къ нему, яко хр(с)тіанъ есмъ» 2. О(т)туда (ж) Дани(л) поѝде, пое(м) сн̃а своего Л(ь)ва и митрополита, и иде къ королеви и въ Изволи(н), и поя дъщеръ его сы(н)[у] си /691/ женЂ; и о(т)дасть ему ятыа бояры, еже Бъ̃ въдасть въ руци его, одолЂв(ь)шю ему съ брато(м) у Ярославля. И сътвори с ни(м) мирь и въротися въ землю свою.

[Въ лЂто 6759 (1251).] \Конра(т) у(м)ре\ Въ та (ж) лЂта умре кня(з) великыѝ ля(д)скыи Кондра(т), иже бЂ славенъ и предобръ. Съжали си по не(м) Данило и Васи(л)ко. По то(м) же сн̃ъ его умре Болеславь мазовец(ь)кыѝ кня(з), и въдасть Мазовешь бра(т)у своему Сомовитови, послушавь князя Данила: бЂ бо брату чада его за нимь, дъщи Алексан(ь)дрова, имене(м) Настасіа, яже посаже по то(м) за боярина угор(ь)скаго, имене(м) Дмитра.

\Самови(т) вселися в Мазовши\ Въ та (ж) лЂта седе Самови(т) въ Мазов(ь)ши. Посла къ нему Данило и Васи(л)ко, рек(ь)ша ему, яко: «Добро виде(л) еси о(т) наю, [и] изыди с на(ми) на ятвязЂ». И у Болеслава помочь пояста, Суда воеводу и Сигнава 3, и сняша(с) у ДорогичинЂ и поѝдоша; и преѝдоша болота, и наѝдоша на стра(н)у и(х).

Не стер(ь)пЂвши(м) же ляхо(м), заж(ь)гоша и(х) пръвую весь 4. ТЂ(м) бо зло сътвориша и знаменіе и(м) подаша, гнЂвь бо имЂша на ня Данилъ и Васи(л)ко. И воеваша и(х) до ве(ч)ра и плЂ(н) великь пріем(ь)ши(м). Вечеру (ж) быв(ь)шю, пріехаша зли(н)ци и събрася вся земля Ятвяз(ь)скаа, и прислаша къ Данилу Небяста, рекуще: «Оставь на(м) ляхы, а са(м) пои́ди мире(н) изь землЂ нашеа». И хотеніа не получиша. \Головни мечуче\ Ляхо(м) же острожив(ь)шимся, нападоша нощію на ляхы, а руси не острожившимся. Ляхо(м) же крЂпко борущи(м), и сулицами мечюще и головнями, яко мо(л)ніа идяху, и каменіе яко дъж(д)ь съ нб̃сЂ идяще. Ляхо(м) же злЂ стражющи(м), посла Сомови(т) моляся: «ПришлЂта (ми) /692/ стре(л)ци». Она же дръжаста гнЂвь про за(ж)женіе пръвое, одва посласта: зане(ж) острогь проломити хотяху, из ру(ч) бодяхуся. Прише(д)ши(м) же стрЂл(ь)це(м) многы язвиша и многы умориша стрЂлами, и възразиша я о(т) острога, — тое (ж) нощи не бы(с)[ть] покоя о(т) ни(х).

\Зажьгоша коломаги\ Нау(т)ріа же собраша(с) вси ятвязи и пЂшци и снузници, мнози зЂло, яко и лЂсо(м) и(х) полны(м) быти 5. Въстав(ь)ше (ж) заж(ь)гоша колимагы своя, ре(к)ше станы въ дн̃ь въскр(с)ніа, рек(ь)ши не(д)ли.



1 ми; 2 есть; 3 СигнЂва; 4 всь; 5 наполънитися.



Данилови (ж) князю поше(д)шю напере(д) и о(т)ше(д)шю далече съ Болеславли ляхи, Васи(л)кови (ж) остав(ь)шю съ Сомовито(м), Лазареви же назадЂ бы[в]шю с поло(в)ци, нападоша на (н)[ь] крЂп(ь)ко и хороговь его о(т)яша. ПрибЂгшю (ж) ему к Васи(л)кови и Смовитови, бы(с)[ть] бра(н) люта межи ими. Падающи(м) же о(т) обои(х) много, Васи(л)кови (ж) и Смовитови крЂп(ь)ко дръжащи 1 бра(н), Андрееви (ж) двор(ь)ско(му) ср(д)це крЂпко имущу, нез(д)равіе же тЂло его обдер(ь)жаше и руци, потокшю 2 (ж) ему въ ротныа А, копіе упусти и замало не убіенъ бы(с)[ть].

Посла (ж) Васи(л)ко къ бра(т)у си, гл̃я, яко «Бра(н) си велика є(с)[ть], потъснися к на(м)». Данилови (ж) навратив(ь)шюся, и гнаша я до лЂса. ОнЂ(м) же одинако належащи(м) на ня, па(д)ши(м) же многы(м) межи ими, Θео(до)ръ Дъмитріеви(ч) крЂпко боря раненъ бы(с)[ть], еже и с тое раны см̃рть пріа на рЂцЂ НарьвЂ. Яще(л)ту (ж) рек(ь)шю: «ЛЂпо є(с)[ть] сЂдЂти на(м)! Аще ли жалуете на(с), по 3 пре(ж) себе жалуѝте и бесчестіа своего, нашими бо головами съдръжати ч(с)ть свою». И бы(с)[ть] тако, каза Данило съсЂдати вое(м) свои(м). ВъсЂ(д)ше же поидоша, и умяк(ь)чиша ср(д)ца ятвязе(м), узрЂв(ь)ше крЂпо(с)[ть] ру(с)кую и ля(д)скую.

Идущи(м) же и(м) и плЂнящимъ /693/ и жгущи(м) землю и(х), преше(д)ши(м) же и(м) рЂку Олегь, хотЂвши(м) и(м) стати въ тЂсны(х) мЂсте(х), узрЂв(ь) же князь Данило, възопивь ре(ч) имь: «О мужи воистіи! Не вЂсте ли, яко хр(с)тіано(м) простра(н)ство є(с)[ть] крЂпость, поганы(м) же є(с)[ть] тЂснота, деряж(д)ее обычаѝ є(с)[ть] на бра(н)». И проѝде Жаку плЂняа, и пріиде на ч(с)та мЂста, и сташа стано(м). \Князи ятвязьтии избиены\ Ятвязе(м) же одинако нападающи(м) на ня, и гнаша ру(с) и ляхове по ни(х), и мнози князи ятвязьціи избіени быша; и гнаша я до рЂкы Олга, и преста бра(н).

Нау(т)ріа же въже(м) не вЂдущи(м), блудящи(м) я, два варьва 4 убіена быста, третіего жива яша рукама, и приведенъ бы(с)[ть] къ князю Данилови. Ре(ч) же ему: «Изве(ди) мя на пу(т) правыѝ, живо(т) пріимеши». И въдасть ему руку, изведе его, и преѝдоша рЂку Лукь 5.

\Прусы\ Нау(т)ріа же пригнавши(м) к ни(м) прусо(м) и бор(ь)то(м). И вое(м) же всЂ(м) съсЂ(д)ши(м), и въоружив(ь)шимся пЂшце(м) исъ стана. Щити (ж) и(х) яко заря бЂ, шеломи (ж) и(х) яко сл̃нцю въсходящю, копіемъ же и(х) дръжащи(м) въ рука(х) яко трости мнози, стрЂ(л)це(м)ь же обаполы идущи(м), и дръжащи(м) в рука(х) рожа(н)цЂ свои, и наложивши(м) на ня стрЂлы своя противу ратны(м). Данилови (ж) на кони сЂдящю и воя рядящю. И рЂша друзи 6 ятвязе(м): «Можете ли древо по(д)дръжати древо сулицами, и на сію ра(т) дръзнути?» Они же видЂв(ь)ше въз(ь)вратиша(с) въсвоаси.

О(т)туда (ж) кня(з) Данилъ пріиде въ к ВизнЂ и преѝде рЂку Наро(в), и многы хр(с)тіаны о(т) плЂненіа избиваста, и пЂ(с) славну пояху има, Бу̃ помогшу има, и пріидоста съ /694/ славою на землю свою, наслЂ(ди)в(ь)ша пу(т) о(т)ц̃а своего велико(г) [князя] Романа, иже бЂ изостри(л)ся на поганыа, яко левъ, и(м) же полов(ь)ци дЂти страшаху.

[Въ лЂто 6760 (1252).] В та (ж) лЂта присла коро(л) угор(ь)скыѝ къ Данилу, прося его на помощь: бЂ бо имЂ ра(т) на боѝ с нЂ(м)и. Иде ему на помощь и пріиде къ По(ж)гу. Пришли бо бяху послы нЂмец(ь)кіе къ нему. БЂ бо цр̃ь обдержа(л) Оди(н) 7, землю Ракуш(ь)ску и Штир(ь)ску: гер(ь)цюкь бо уже убіенъ бы(с)[ть].



1 держати; 2 потекшу; 3 то; 4 варма; 5 ЛЂкъ; 6 прузи; 7 Ведень.

А В об. сп. помилка. Слід: ратные.



БЂ бо имена посло(м): воевода царевь и бискупь Жалошь пур(ь)скіѝ, рекомыѝ со(л)скіи, и Гари(х) пуру(н)скыѝ, и Ота Гаретени(к) пЂтов(ь)скіи. Възьеха же коро(л) с ними противу же князю Данилу. Данило же пріиде к нему, испо(л)чи вся лю(ди) своя. \Немцы дивя(т)ся оружию татарскому\ НЂм(ь)ци же дивящюся оружію татар(ь)скому: бЂша бо конЂ въ личина(х) и въ кояре(х) кожаны(х), и людіе въ ярыцЂ(х), и бЂ пол(ь)ковъ его свЂтлость велика, о(т) оружіа блистающюся. Са(м) же еха подле короля, по обычаю ру(с)кому. БЂ бо конь по(д) ни(м) дивленію по(до)бенъ, и сЂдло о(т) злата жьжена, и стрЂлы и сабля злато(м) украшена, и иными хистростьми, яко (ж) дивитися, кожу(х) же оловира грец(ь)кого и круживы златыми плоскыми оши(т), и сапози зеленого хьза шити золото(м). НЂмце(м) же зрящи(м) и много дивящи(м)ся, ре(ч) ему коро(л): «Не взялъ бы(х) тысячи серебра за то, иже еси пришель обычае(м) рускы(м) оц̃въ свои(х)». Просися у него въ станъ, зане зноѝ бЂ великь дн̃е того. Он(ь) же ять его за руку и веде его въ полату свою, и са(м) съвлачаше его и облачаше и въ пор(ь)ты своа; и таку ч(с)ть /695/ творяше ему, и пріиде в до(м) своѝ.

В то (ж) лЂто из(ь)гна Мин(ь)догь сн̃овца своего Тев(ь)тивила и Едивида, послав(ь)шю ему на войну ею съ вуемь свои(м) на воину съ Выконото(м), \Походъ к Смоленску\ на Ру(с), воевати къ Смоле(н)ску, и ре(ч): «Што кто пріемле(т), събЂ одръжи(т)». Въро(ж)бою бо за воро(ж)ство съ ними литву зане повина 1 бЂ вся земля Литов(ь)скаа и бесчислен(ь)ное имЂніе и(х), притрено бЂ бога(т)ство и(х). И посла на нЂ воя своя, хотя убити я. ОнЂма (ж) увЂдавшима, и бЂжаста къ князю Данилу и Васи(л)ку, и пріехаша въ Воло(ди)меръ. Мин(ь)догови (ж) прислав(ь)шу послы своя, ре(ч): «Не чини има мл(с)ти». Не послушав(ь)шима има Данилови и Васи(л)кови, зане сестра бЂ єю за Данило(м).

По то(м) же Данило съгада съ брато(м) си, и посла в Ляхы къ князе(м) ля(д)скы(м), ре(ч), яко: «Время є(с)[ть] хр(с)тіано(м) на поганыа, яко сами имЂю(т) ра(т) межи събою». Ляхове (ж) обещаша(с), н[ъ] н̃Ђ испол(ь)ниша. \Рига\ Данилу (ж) и Васи(л)ку пославшима Выки(н)та въ ЯтвязЂ и въ Жемоѝть, къ НЂмце(м) въ Ригу *, и Выки(н)ть же убЂді я сребро(м) и даръми многыми ятвязЂ и полъ Жемоѝти. ОнЂ(м) 2 же о(т)вЂщавши(м) Данилу, яко: «Тебе дЂля миръ сътвори(м) съ Викын(ь)то(м), зане братію нашю многу погуби». ОбЂщаша же ся не(м)ци братіа ити на помощь Тевьтевилу. Дани(л) же и Васи(л)ко поѝдоста к Новугороду.

Дани(л) же съ брато(м) си Васи(л)комъ А, розгадавь съ сн̃о(м) брата си посла на Вол(ь)ковыескь, а сн̃а на [У]слони(м), а са(м) иде къ Здитову. И поѝмаша грады многы и въз(ь)вратиша(с) въ домы.

По то(м) же присла Выкен(ь)тъ, рекыѝ, яко: /696/ «НЂ(м)ци хотя(т) въстати на помо(ч) Тев(ь)тивилу». И посла Данило Тев(ь)тевила и помо(ч) събЂ и с ни(м) ру(с) и полов(ь)ци: и многое воеваніе бы(с)[ть] межи ими.

О(т)туда (ж) Тевтивилъ иде с полоно(м) Даниловы(м) в Ригу, и пріаша и рижане съ великою ч(с)тію и кр(с)щенъ бы(с)[ть].

УвЂдав(ь) же се Ми(н)даго Б, яко хотя(т) ему помагати бж̃іи дворяне и бискупъ и вся воя риж(ь)скаа, и убоявся посла втаи́нЂ къ Ан(ь)дрЂеви, мастеру ри(ж)скому, и убЂди и дар(ь)ми многыми, сирЂ(ч) умоли его: послалъ бо бЂ злата много и сребра, и съсуды сребряны и златы и красны, и иконЂ многы, рекыѝ: «Аще убіеши, и[ли] женеши Тевтивила, и еще бо(л)ша си(х) пріимеши».



1 поимана; 2 немцемъ.

* На цьому аркуші зверху: РигЂ по 1756 510 лЂтъ.

А В Іп. інакше: и Василко, братъ егоБ Помилка в обох списках. Слід: Миндогъ.



Оному (ж) рек(ь)шю: «Не можеши избавленъ быти, аще не послеши к папЂ и пріимеши кр(с)щеніа, не удолЂеши врагу; дру(ж)бу имЂю к тебЂ». О злЂе зла! Злато(м) же ослепи(х) А очи свои, им(ь) же нн̃Ђ пакы о(т) ни(х) бЂду пріемле(т). Миндог(ь) же посла къ папЂ и прія кр(с)щеніе. \Миндогъ приемле(т) крещение\ Кр(с)щеніе же его лестиво бы(с)[ть], жря (ж) 1 Бого(м) свои(м) въ таѝнЂ: пръвому НонадЂеви, и Телявели, и Девери(к)зу, заіечему Богу, и МедЂину 2, — ег(д)а выЂхаша на поле и выбежаше заець на поле, в лЂсь рощеніа не въхожаше вну 3 и не смЂаше ни роз(ь)гы уломити. И Бого(м) свои(м) жряше, и мр̃твы(х) телеса жьжигаше, и пога(н)ство свое явно творяше.

Тев(ь)тевилу же исповЂда бискупь и пребощь Вир(ь)жанъ: съжалиша си по не(м), вЂдяху бо, аще Тевтивилъ не бы изгна(н), Литов(ь)скоѝ земля въ руку бЂ и(х) и кр(с)щеніе неволею приали быша. Си же вся нехр(с)тіаны(х) литву сътвори Ан(ь)дрЂѝ, и изгна(н) бы(с)[ть] /697/ сану своего о(т) бра(т)а. Тевтиви(л) же прибЂже в(ь) Жемои́ть къ уеви своему Викы(н)тови, поѝма ятвязЂ и жемои(т) и помощь Данилову, иже бЂ далъ ему Дани(л) древле, иде на Ми(н)дога.

Миндог(ь) же събрався бЂ, и умыслив(ь) же събЂ не битися с ними пол(ь)ко(м), но вниде въ гра(д), имене(м) Върута. И высла шюрина своего нощію, и роз(ь)гнаша и руша 4 и ятвязЂ. Нау(т)ріа же выехаша на ня нЂм(ь)ци и съ самострЂлы, и ехаша на нЂ ру(с) с половци и съ стрЂлами, и ятвязЂ съ сулицами, и гониша(с) на поли по(до)бно игрЂ. О(т)туда (ж) вратиша(с) в Жемои(т).

\Походъ на Твиременть\ И пріи́де Мин(ь)довгь събравь силу велику, на гра(д) Выкин(ь)товь, имене(м) Твиремен(ь)ть. ВыЂха же Тев(ь)тиви(л) из(ь) града, ру(с) и полов(ь)ци Даниловы с ними, и Жемои(т) [с ними] и мнози пЂш(ь)ци 5. Гонящи(м) же и(м), застрЂли кочь половчи(н) Ми(н)догова въ стег(ь)но, и въз(ь)вратися Минодовгь въ землю свою. Многы(м) же ратны(м) бившимся межи ими. Висимотъ по(д) тЂ(м) же градо(м) убіень бы(с)[ть].

[Въ лЂто 6761 (1253).] По то(м) же Тев(ь)тивиль присла Рев(ь)бу, ре(ч): «Поѝди к Новугороду». \Поход Данило(в)\ Данило (ж) поѝде съ брато(м) Васи(л)ко(м) и съ сн̃о(м) Лво(м), и с полов(ь)ци, свато(м) свои(м) Тегако(м), и пріиде к Пи(н)ску. Князи (ж) пиньстіи имЂаху лесть, и поя и(х) съ собою неволею на воѝну. И послаша сторожЂ литва на озерЂ ЗятЂ 7, и гна(ш) и чере(з) болота до рЂкы Щарьи. Съвокупив(ь)ши(м) же ся вое(м) 8 всЂ(м), съвЂ(т) сътвориша, рекуще, яко: «ВЂ(с)[ть] уже е(с)[ть] на на(с)». Прящи(м) же ся и(м), не хотящи(м) ити воева(ти), Дани(л) же мудростію рЂ(ч) сътвори, яко «Срамоту имЂе(м) 9 о(т) Литвы и о(т) всЂ(х) земль, аще не доѝде(м) и вратимся. Нау(т)ріа же — ре(ч) — съвЂ(т) /698/ сътвори(м)». Тое нощи посла(л) по всЂ(м) вое(м), рекыѝ: «Пои́дЂте, да разумно буде(т) всЂ(м) не хотящи(м) ити на воѝну». И зрЂвше же воѝ пошедош(ь)нЂ, и сами нужею поѝдоша и иніи же вси.



1 жряше; 2 МЂйдЂйну; 3 вону; 4 русь; 5 пЂшецЂ; б бывшимъ; 7 зьятЂ; 8 вонемь; 9 имЂешь.

А Помилка в обох списках. Слід: ослЂпи.



Нау(т)ріа же плениша всю землю Новогоро(д)скую. О(т)туда (ж) възвратиша(с) в до(м) своѝ. Я(т)вязем(ь) же поЂхав(ь)ши(м) на помощь Данилу, не могоша доехати, зане снЂзи велици быша. О(т)туда (ж) въротиша(с), с помощію Бж̃іею, пріем(ь)ше плЂ(н) великь.

\О(т) БЂ(л)ска воротистася\ По то(м) же посла съ брато(м) и сн̃о(м) Романо(м) лю(ди) своя, и взяста Городе(н) а сама въротистася о(т) БЂ(л)ска. По то(м) же посласта многы своя пЂш(ь)ци и ко(н)никы на грады и(х), и плениша [всю воотчину ихъ] всю страну и(х).

Мин(ь)догъ же посла сн̃а си, и воева около Туриска.

Того (ж) лЂта присла Мин(ь)довгь къ Данилу, прося миру и хотя любве о сва(т)ствЂ. Тогда (ж) Тевтивилъ прибЂ(ж) къ Данилу и(з) Жемоити и ятвязе и ре(ч), яко Мин(ь)довгь убЂди я сребро(м) много(м). Данилу (ж) гнЂвь имЂющю на ня. \Гронографу нужа есть писати все\

[Въ лЂто 6762 (1254).] В та (ж) лЂта, времени минув(ь)шю, — гронографу же нужа є(с)[ть] писати все и вся быв(ь)шаа, овогда (ж) писати въ пре(д)няа, овогда (ж) въступати въ задняа. Чтыѝ мудрыѝ ра(з)умЂе(т). Число (ж) лЂто(м) зде не писахо(м), в задняа впише(м) по Антиохіи́скы(м) съборо(м) 1, ало(м)піада(м), грец(ь)кыми (ж) числьницами, ри(м)скы же высикосто(м), яко (ж) Евьсевіѝ и Па(м)филово и иніи гронографи списаша о(т) Адама до Хр(с)тоса. Вся (ж) лЂта спише(м) росче(т)ше в за(д)няа, — а о 2 убіеніи гер(ь)циковЂ, рекомаго Фридриха, — бився одолЂвь королеви угор(ь)скому, и убіень бы(с)[ть] о(т) свои(х) бояръ въ брани, — мятежю же быв(ь)шю межю /699/ силными лю(д)ми о ч(с)ть [и] о волость гер(ь)цикову убіена(г), о землю Ракуш(ь)ску и о землю Штир(ь)ску. Королеви (ж) угор(ь)ску риксу и королеви ческу біющимася о ню.

\Коро(л) угорский искаше помощи\ Коро(л) же угор(ь)скыѝ възведе, искаше помощи, хотя пріати землю НЂмец(ь)кую. И посла къ Данилови, рекыѝ: «Пошли ми сн̃а Романа, да въда(м) на 3 (н)[ь] сестру гер(ь)цикову и вда(м) ему землю НЂмец(ь)кую». И еха въ НЂм(ь)цЂ с Романо(м), и да сестру гер(ь)цикову за Романа и сътвори обЂть, єго же за мно(ж)ство весь не писахо(м).

\Посо(л)ство к Данилу\ По то(м) же посла къ Данилови, рекыѝ: «Ужика ми и сва(т) еси, помози ми на Чехы». И убЂ(ді) и. И поѝде на Опаву путе(м) свои(м): са(м) бо пленяше землю Мурав(ь)скую 4, и многы городы ро(з)сыпа и вси по(ж)же, и велико убіиство сътвори земли тъ(й).

Дани(л) же сне(м)ся з Болеславо(м), мысляше, како проити землю Опав(ь)скую. Болеславу (ж) яко не хотящю, жена (ж) его помагаше Данилови словесы, бЂ бо дъщи короля угор(ь)ского, имене(м) Кынька 5. Данилови (ж) князю хотящю, ово короля ради, ово же славы хотя, — не бЂ бо въ зе(м)ли Ру(с)теѝ пръвЂе, иже бЂ воевалъ землю Ческую, ни Ст̃ославь Хоробрыѝ, ни Въло(ди)меръ Ст̃ыѝ. \Ле(в) з Данило(м) о(т)це(м) и Болеславо(м), к[оролемъ] по(л)ски(м), на Чехы\ Бъ̃ бо хотеніе его испол(ь)ни. СпЂша же бо и тъсняшася на воѝну. Поє(м) же сн̃а своего Лва и помощь о(т) брата Васи(л)ка, тысяц(ь)кого Гюр(ь)гя, съне(м) же ся 6 з Болеславо(м) поѝде съ Кракова.

\Одра\ Пріидоша на рЂку Одру к(ь) городу рекомому Козліи, и пріеха к нему Въло(ди)славь, сы(н) Казимеровь, Лесконогого Ме(ж)кы, и поє(м) ко(н)никы и /700/ пЂшци. И пріидоша к рецЂ ПсинЂ; и сътвори (ж) съвЂ(т) Данило и Левъ съ Воло(ди)славо(м), куда бы воевати, он(ь) же не исповЂда правды и дасть во(ж) на (л)сти. Посла (ж) кня(з) Данило Л(ь)ва, и Тевтивила и Едивида, и двор(ь)скаго, и вся воя, са(м) же оста въмалЂ съ старыми бояры, съ Гюр(ь)гемь тысяцкы(м). Левъ же иде воева, и видЂ, яко л(ь)жу(т) вожеве и не слуша и(х), иде въ горы лЂсныя и възя поло(н) великь.

Идущю (ж) Данилу з Болеславо(м) къ ОпавЂ, пославь сторожЂ ляхы своя. Въеха (ж) Ан(ь)дрЂѝ изь Опавы с чехы, и срЂтши(м)ся имь и сразив(ь)шимся одолЂ Ан(ь)дрЂѝ: мало бЂ ляховь, иные избія, иныя изыма, и въниде веліи стра(х) в ляхы.

Пріехав(ь) же Данило и ре(ч) и(м): «Почто ужасываетеся? Не вЂсте ли, яко воина без па(д)ши(х) [мертвыхъ] не бывае(т)? Не вЂсте ли, я[ко] на мужа ратныа пришли 7 е(с)[те], а не на жены?



1 соромъ; 2 по; 3 за; 4 Моравьскую; 5 Кинька; 6 снемьшеся; 7 нашли.



Аще му(ж) убіенъ е(с)[ть] на рати, то кое чю(до) є(с)[ть]? И иніи же дома умираю(т) бе(з) славы, А си же съ славою умроша! УкрЂпЂте ср(д)ца ваша А и подвигнете оружіе [свое] на ратные!» Сими (ж) А словы укрЂпивь я, и иное много гл̃алъ и(м), поѝде къ ОпавЂ.

ВидЂ же окр(с)тьнаа села бежа въ гра(д) много (ж) мно(ж)ство, и не бЂ єму кого послати. Ре(ч) же Воло(ди)славу: «МнЂ еси учинилъ неправду, а себе еси погуби(л). Аще бы Левъ и людіе мои зде были вси, то ура(з) велиѝ быша земли сеи учинили, и гра(д) съ(й) ачесе пріать бы бы(л)». И съжали си о(т)славь сн̃а си Л(ь)ва и воя. Ляхы (ж) нудяху еха(ти) къ гра(д)у, одинако (ж) и(м) не хотящю. ВидЂвь се печале(н) бы(с)[ть], /701/ не вЂдыѝ о сн̃у свое(м) и о вое(х), где су(т). Ляхове (ж) не хотя(х)у єхати къ гра(д)у, но хотЂша далече стати города.

Сне(м) бо бЂ реченъ всЂ(м) воє(м) воевал(ь)ны(м) пріехати и(м) къ граду. Данилови (ж) рек(ь)шю: «Аще вы идете 1 про(ч), но азъ хощю ся остати са(м) въ малЂ дружинЂ, и съж(д)ати воевь мои(х)». \РЂка Опава\ Послушав(ь) же Болеславь и ляхове, сташа ниже града, на рЂцЂ ОпавЂ, не смЂша бо ся о(т)лучити о(т) него.

Того (ж) вечера пріиде Левъ съ воѝ, имыѝ плЂ(н) великь съ собою. Того (ж) вечера сътвориша съвЂ(т), да нау(т)ріа преѝду(т) рЂку, и обоѝду(т) гра(д) и пожгу(т) вся внЂшняа, храмы и ограды и гумна.

Утру (ж) быв(ь)шю, сътвориша тако. Болеслав(ь) же не изыде за рЂку, но ста на гора(х) испо(л)чився. Воло(ди)слав(ь) же иде. И прише(д) къ врато(м) пръвы(м) пож(ь)гоша, и пріидоша на другаа врата, и выехаша чехове нЂколико и(х) убиша, а другыа выгнаша. Бене(ж) 2 же стоаше пре(д) враты съ хороговью. И около другы(х) вра(т) пож(ь)гоша окр(с)тнаа гра(д). Прише(д)ши(м) же къ третіи(м) врато(м), каза Данило съсЂдати и же(чи) окр(с)тнаа града. \НЂмцы от руссовъ бЂгутъ\ Люде(м) же внезапу пустившимся къ гра(д)у, нЂмци (ж) видЂвше устремленіе ру(с)кое крЂп(ь)ко, и побЂгоша, и нЂколико и(х) убиша въ врате(х), и вра(т) не затвориша бЂжаще.



1 хощете ити; 2 Бенешь. А В рукопису пляма закриває частину тексту, який читається за Іп.



Данило бо очима напрасно бЂ боля и не видЂ бывшаго въ врате(х). ВидЂ бо люди своа текуща обнажи ме(ч) своѝ и възгна я, и тЂ(м) не пріа града. По то(м) же видЂвь бывшее стужи си о непріатіи града. Болестію же унуже(н) и утрудив(ь)ся, ре(ч) сн̃ви своему: «По(ж)жи вся окр(с)тнаа града, /702/ азъ же поѝду в колымогь своѝ», — рекше въ ста(н). БЂ бо всю воину боленъ очима. И мнозіи нудяху его въротитися, он(ь) же не сътвори того.

\Данилъ плени(л)\ Нау(т)ріа же снем(ь)шеся поѝде въ вер(ь)хь Опавы, плЂняа и жга, и ста бли(з) города, рекомаго Наси(л)я. Слышавь, яко ру(с) и ляхове яти су(т) въ градЂ то(м). Нау(т)ріа же испол(ь)чився поѝде к нему. ВидЂвше (ж) многое мно(ж)ство пол(ь)ко(в) устремленіе, не стръпЂша, но предаша(с)я. Възе(м) гра(д) испусти колодникы; и постави хоруговь свою въ градЂ и обличи побЂду, а самЂ(х) помилова(х). О(т)ше(д) же ста на веси НЂмец(ь)коѝ.

\Опо(л)чение\ Слышав(ь) же Данилъ, яко Бенешь еха(л) є(с)[ть] въ Глубычичи. Нау(т)ріа же сполчив(ь)ся з Болеславо(м), поѝде плЂняа и жга къ Глубочичемь. Послав(ь) же Въло(ди)славь, по(ж)же вся окр(с)тнаа веси, рекомаа околнаа, и зло сътвори, тЂ(м) бо не в(ъ)зяша града.

Прише(д)шю же Данилу и Болеславу къ гра(д)у, вси вои хотяху взяти гра(д) примето(м). ВЂтру (ж) напрасно вЂющю на гра(д), а гра(д) же елиною сътворень бы(с)[ть] и греблю малу видяще. Искаху бо вои ездяще сЂмо и сЂмо дрЂва и соломы, што бы приврещи гра(д)у, не обрЂтоша. Вся бо бЂ пожеглъ Въло(ди)славь окр(с)тнаа и ближ(ь)няа веси, и тЂ(м) не за(ж)жень бЂ гра(д).

Того (ж) вечера думаху: «Камо поѝде(м), или ко ОсоболозЂ, или на Герьбор(ь)та, или възв(ь)ратимся въ домы своя?» Гербор(ь)тъ (ж) присла Данилови ме(ч) и покореніе свое. И згадав(ь)ше Данило и Болеславъ, и Левъ, яко: «Всю землю поплЂнили єсмы», нау(т)ріа же възвратився въсвояси, и преѝде /703/ реку Одру, и проѝде землю Въло(ди)славлю.

Тогда (ж) въ Крако†бЂша послы папины, носяще бл(с)веніе о(т) папы и вЂнець и санъ королевьства, хотяще видЂти князя Данила. Он(ь) же ре(ч) имь: «Не по(до)бае(т) ми видЂтися съ вами [(в)] чюжіи земля, ни(н) 1 пакы».

О(т)туда (ж) проѝде зе(м)лю Судомир(ь)скую, и пріиде въ гра(д) Хлъмь съ ч(с)тію и съ славою, в до(м) Прч(с)тои, па(д) поклонися и прослави Ба̃ о быв(ь)ше(м): не бЂ бо никоторыѝ кня(з) ру(с)кыѝ воевалъ землЂ Ческое. И видЂвся съ брато(м) свои(м), и бы(с)[ть] в ра(до)сти велици; и пребываше в дому ст̃го Іоанна, въ городЂ Хо(л)мЂ, съ веселіє(м), славя Ба̃ и прч(с)тую его Мт̃ръ и ст̃го Іоан(ь)на Зла(т)у(с)таго.

\Послы о(т) папы з скыптромъ и с коруною до Данила\ [Въ лЂто 6763 (1255).] В то (ж) время присла папа послы ч(с)тныа, носяще вЂнець и скыпетръ и коруну, єже наре(ч)тся королев(ь)скыѝ санъ, рекыѝ: «Сн̃у! Пріими о(т) на(с) вЂнець королев(ь)ства». Древле бо то[го] присла(л) к нему єп(с)кпа береньского и каменецького, ре(ч) ему: «Пріи́ми вЂнець королев(ь)ства». Он же в то время не пріяль бЂ, ре(ч): «Ра(т) татар(ь)скаа не перестае(т) злЂ живущи съ нами: то како могу пріяти венець без(ь) помощи твоея». Описа 2 же пріиде вЂнець нося, обЂщеваася, яко «Помощь имЂти [ти] о(т) папы». Оному (ж) одинако не хотящу, убЂди его мати его, и Болеславь и Семовить, и бояре ля(д)стіи, рекуще, дабы пріалъ [бы] вЂнець. «А мы ему 3 на помощь противу поганы(м)».

Он(ь) же вЂнець о(т) Ба̃ пріа, о(т) цр̃кве ст̃ы(х) ап(с)толъ и о(т) стола ст̃ого Петра, и [от] о(т)ц̃а свое(г)[о] папы Нике(н)тіа, и о(т) всЂ(х) еп(с)кповъ свои(х). \Папе(ж) Нике(н)тій клене(т) хулящи(х) вЂру гречьскую\ Нике(н)тіи бо клъняше тЂ(х) хулящи(м) вЂру гре(ч)скую правовЂр(ь)ную, /704/ и хотящю ему съборь сътворити о правовЂріи о воєдиненіи цр̃кви. Данило (ж) прія о(т) Ба̃ вЂнець въ городЂ ДорогичинЂ.

Идущю ему на воѝну съ сн̃о(м) Львомъ и съ Сомовито(м) князе(м) ля(д)скы(м): бра(т) бо ему въротися, бЂ бо язва ему на нозЂ, и посла воя своа съ брато(м) вся. Королеви же Данилу прише(д)шю на землю Ятвяз(ь)скую и воевав(ь)шю. Левъ же увЂдавь, яко Стеикы(н)ть в лЂсЂ осЂклъся є(с)[ть] и с ни(м) ятвязЂ, из(ь)гна на (н)[ь], пои́ма лю(ди) и пріѝде къ осЂку. Ятвязе(м) же выте(к)ши(м) на (н)[ь] изь осЂка, сущіи же с ни(м) сънузници въз(ь)бЂгоша. \Львово му(ж)ство пЂхотою\ Л(ь)вови (ж) съсЂ(д)шу с коня одиному и біющюся с ни(ми) крЂпко. ВидЂвши(м) же и(м), яко Левъ одинъ біется с ни(ми), навратиша(с) Мали на помощь ему. Л(ь)вови (ж) убо(д)шему сулицю свою в щи(т) его и не могущю ему 4 тулитися, \Стикен(т) убіе(н) о(т) Льва\ Левъ Сътикен(ь)та мече(м) уби и брата его прободе мече(м). Они же погыбоша А. Он(ь) же гоняше я пЂшь, и они же на коне(х) гоняше побиваше я и бодяху(т) я.



1 нъ; 2 Опиза; 3 есмо; 4 могущему.

А В обох списках помилка. Слід: побЂгоша.



Данилу (ж) королеви став(ь)шю в дому Стекы(н)товЂ, принесе къ нему. Левъ оружіе Стекы(н)тово и брата его, и обличи побЂду свою. О(т)ц̃у (ж) его королеви в ра(до)сти быв(ь)ши велицЂ о му(ж)ст†и дръзости сн̃а своего. Коматови (ж) пріехав(ь)шю о(т) ятвя(з), обещевающимся и(м) въ работЂ быти. ляхо(м) же испо(л)нивши(м)ся зависти и л(ь)сти, начен(ь)ши(м) пріати поганы(м). Се (ж) увЂдавь Данило король, повелЂ воевати землю Ятвя(ж)скую, и до(м) Стикен(ь)то(в) весь погубле(н) бы(с)[ть], еже и донн̃Ђ пусто стои(т). Данилу (ж) королеви идущю ему по озеру, и видЂ при березЂ гору /705/ кра(с)ну и гра(д), бывшіи на неѝ преже, имене(м) Раѝ. О(т)туда (ж) прійде в до(м) свои.

В та (ж) лЂта или преже или по то(м) пріехавше татаре къ БакотЂ, и приложися Милеи к ни(м), Данилови (ж) поше(д)шю на воину на Литву, на Новъгородо(к), быв(ь)шю Роска(л)ю, посла сн̃а си Л(ь)ва на Бакоту. Пославъ Левъ двор(ь)ского пре(д) собою. \Миле(й) и Баска(к) поймани о(т) вой Даниловы(х)\ Изьехав(ь)ше яша МилЂя и Баскака, и приведе Левъ МилЂя о(т)ц̃у си, и бы(с)[ть] пакы Бакота королева, оц̃а его. По то(м) же здумавь съ сн̃омъ си и о(т)пусти [и], а поручникь бы(с)[ть] Левъ, яко вЂр(ь)ну ему быти. И пакы пріехавши(м) татаро(м), и сътвори лесть и предасть ю пакы татаро(м) Бакоту.

По то(м) же Куре(м)са пріиде къ Кремя(н)цю и воева около Кремя(н)ця. \А(н)дрЂй двоедуше(н)\ Ан(ь)дрЂеви (ж) на двое будущю овогда възывающюся: «Королевъ єсмь», овогда (ж) «татар(ь)скы(м)» — дръжащю неправду въ ср(д)ци, Бъ̃ предасть и въ руцЂ и(х). Оному (ж) рек(ь)шю: «Батыева грамота у мене є(с)[ть]», онЂ(м) же бо(л)ма възьярив(ь)шимся на (н)[ь], и убіенъ бы(с)[ть] и сер(д)це его вырезаша. \Кременецъ\ И не успЂвше ничто у Кремя(н)ца воротиша(с) въ станы 1 своа.

Изяслав(ь) же проси у ни(х) помощи ити на Гали(ч). Они же рекоша ему: «Како идеши в Гали(ч), а Данило кня(з) лю(т) є(с)[ть]. Иже о(т)име(т) ти живо(т), то кто тя избави(т)?» Он(ь) же не послуша и(х), но събравь около себе, иде в Гали(ч). \Рома(н), сы(н) Данило(в)\ Данило (ж) слышавь то скръбенъ бы(с)[ть], яко в невиденіи се бысть: посла сн̃а своего Романа и бояры своя всЂ на нь. Л(ь)ва бо преже о(т)ряди(л) бЂ къ королеви, а са(м) еха проводи(т) воѝ свои(х). Едущю (ж) ему до Грубешева, но убивь вепревь 6, [а] самъ же уби и(х) рогатиною 3, а три отроци его. И /706/ въдасть мяса вое(м) на пу(т). А са(м) поручився 2 ст̃му НиколЂ, и ре(ч) вое(м) свои(м): «Аще сами буду(т) татарове, да не вниде(т) ужасть въ ср(д)ца ваша». ОнЂ(м) же рекши(м): «Бъ̃ бу(ди) помощ(ь)никь ти. Сътвори(м) повелен(ь)наа твоа 3».

\Романъ споймашеть\ Пое(м) же Рома(н) воя, иде де(н) и но(щ); и вънезапу напа(д)ши(м) на ня. Оному (ж) не възмог(ь)шю куда утечи, възбЂже на комары цр̃ковныа, иде же безакон(ь)ные угре възбЂгли бяху. Стоящю (ж) около его князю Роману, жажею во(д)ною измирающи имь, четвер(ь)ты(й) дн̃ь сниде, кня(з) же приведе его 4 о(т)ц̃у своему 5.

Слышав(ь) же Левъ, яко Федоръ посланъ о(т) него къ Соле(м), поѝма съ собою слугы своа, гна по не(м), са(м) же утече, а лю(ди) его поима, поеха(л) бЂ въ Угры. \Миръ (с) Даниломъ\ По то(м) же Воишел(ь)кь сътвори ми(р) съ Данило(м), и въда дъщеръ Ми(н)догодову за Швар(ь)на, сестру свою И пріѝде в Хол(ь)мъ къ Данилови, остави(в) княженіе свое и въспріемь мнишескіи чи(н). И въдаст(ь) Романови, сн̃ови королеву, Новогородокь о(т) Мин(ь)дога и о(т) себе и Слони(м) 6 и Вол(ь)ковыескь, и всЂ городы, а са(м) просися ити въ Ст̃ую Гору. И наѝде ему коро(л) пу(т) у короля угор(ь)скаго. И не може доѝти Ст̃ое Горы и воротися въ Блъгаре(х).

\Походъ Данила князя. 1256\ [Въ лЂто 6764 (1256).] По то(м) Данило поѝде на ятвязЂ съ брато(м) и сн̃о(м) Л(ь)во(м) и съ Шеварно(м), младу сущю ему, и посла по Романа въ Новьгородокь. И пріиде к нему Рома(н), съ всЂми новогоро(д)ци и съ цте(м) 7 свои(м) ГлЂбо(м), и со Изяславо(м) съ Вислоческы(м), и зь сее стороны пріѝде Сомови(т) з мазов(ь)шани, и помо(ч) о(т) Болеслава съ судомирьци и краковляны. И бы(с)[ть] ра(т) велика, яко (ж) напол(ь)нити болота ятвя(ж)скаа пол(ь)ко(м).

Сътворив(ь)ше же съвЂ(т) вси /707/ князи ру(с)тіи и ля(д)стіи 8, и рЂша мужи бра(н)ніи: «Ты еси коро(л), голова [всимъ] пол(ь)ко(м). Аще на(с) пошли А напере(д) кого, не послушно є(с)[ть]? ВЂси бо ты воискыѝ 9 чинъ. На рате(х) обычаѝ ти є(с)[ть], и всякыѝ ся усрами(т) тебе и убоится, изыде са(м) напере(д)».



1 страны; 2 помолився; 3 тоя; 4 и; 5 си; 6 Вослонимъ; 7 отцемь; 8 людьстии; 9 войничьский.

А В обох списках помилка. Слід: послеши.



Дани(л) же, изрядивь по(л)кы, кому полко(м) ходити, са(м) изыде напере(д). СтрЂ(л)ци же пусти напере(д), а другыа обаполы дорогы. Двор(ь)скому (ж) повелЂ за собою хо(ди)ти, са(м) же еха въ малЂ отрокь оружны(х). Едущю (ж) ему, и пріеха къ нему сн̃ъ Левъ одинь, и ре(ч) ему, яко: «Нико(г)[о] с тобою нЂ(с)[ть], азь не еду с тобою». Ре(ч) коро(л) ему: «Буди тако», — и идяше путе(м) свои(м). Анка(д) же вожь ему бЂ и обеща ему, да село его не по(ж)жено буде(т).

И пріеха къ нему Романъ, сн̃ъ, одинъ. И пріехав же к веси, рекомЂи Бо(л)дикыща, посла Л(ь)ва съ брато(м). \Левъ село объезжае(т)\ Лев(ь) же тихо обьехавь село, ис(ь)сЂче все, одиного (ж) приведе. Коро(л) же упроси его. Одному (ж) рек(ь)шю, яко: [во]вЂси 1, рекомЂѝ Привища, събралися су(т) ятвязи. Слышавь коро(л), посла отрока Ан(ь)дрЂя, рекыѝ двор(ь)скому: «Аще узриши нас(ъ) погнав(ь)ши(х), скорЂе по на(с) пожени». И роспусти пол(ь)кь, яко (ж) кто може(т) гнати. Васи(л)кови (ж) князю инЂ(м) по(л)ко(м) рек(ь)шю, да поѝду(т) тихо на груна(х), и своему по(л)ку тако (ж). Оному (ж) молоду сущю, и пакы слово рек(ь)шю, запре(ти) двор(ь)скому не распустити людеѝ и удръжати пол(ь)кь.

\Вооружа\ Оному 2 (ж) ятвяжину го(н)знув(ь)шю из вес(ь)ци Олыдикищь, онЂ(м) же въоружив(ь)шимся. СъстрЂтоша стрЂл(ь)ци конець 3 веси, рекомЂѝ Привища, и въз(ь)гнаша и. Данило (ж) и Левъ тоснящюся къ ни(м), кли/708/кнуста великы(м) голосо(м): «БЂ(г), бЂ(г)!» 4 Ятвязе(м) же видЂв(ь)ши(м) скорое пришествіе, не стер(ь)пЂвши обратившися на бЂгь. Бывши(м) же и(м) сре(ди) веси, пакы възв(ь)ратиша(с). Данилови (ж) и Л(ь)вови одинако належащима на ня [и] връгши(м) сулицама, пакы навратишася на бЂгь. СтрЂлце(м) же стрЂляющи(м), оруж(ь)нико(м) же не бывши(м) с нима, прибЂгши(м) же и(м) к ворото(м) смя(т)ши(м)ся. И прибЂгши(м) же у ворота, друзіи же навер(ь)нуша(с). Мнози(м) же па(д)шимъ 5 другь на друга, бЂ бо ле(д) ко(л)зо(к). Данило (ж) и Лев(ь) вбор(ь)зЂ скочиста на нЂ в(ь) воро(т), они же побЂгоша и пакы не вратиша(с). \Ятвязи пора(же)ни о(т) руски(х) князей\ И бы(с)[ть] мл(с)ть велика въ дн̃ь тъ(й) на(д) короле(м), и на(д) вои́ми его, яко не в(ь) велицЂ дружинЂ побЂдивь гръдыа ятвязЂ, и злин(ь)ци, и крисмен(ь)ци, и покен(ь)цЂ. Яко (ж) пише(т) въ Книга(х): «НЂ(с)[ть] въ силЂ бра(н), но въ Бз̃Ђ стои(т) побЂда».

Хотящю же королеви далече гонити по ни(х), [ити]и възбрани ему Левъ, рекыѝ: «Пошли мене по ни(х)». О(т)ц̃ъ же не пусти его. Оди(н) 6 же воинъ управи десьницю свою, изе(м) рогатицю 7 ис пояса своего, далече връгь, срази князя ятвя(ж)ского с коня его 8. И летящю ему до земля изыде дш̃а его съ кровію въ а(д). Данилови же и Ил(ь)вови онЂ(х) вяжюще, иныа же ис хвороста ведуще, сЂчаху(т) я.

И пріи́де двор(ь)скыѝ с пол(ь)ко(м). Данилу же королеви рек(ь)шю ему: «ЗлЂ сътвори(л) ми еси». Двор(ь)скому (ж) отвЂщав(ь)шю: «Не азь, ни хотеніе мое, [но] А злое на(м) сътвори(л) посолъ, не изнесь права слова на(м)».



1 во вси; 2 одиному; 3 коннЂць; 4 бЂжать, бЂжать; 5 летЂвшимъ; 6 онъ; 7 рогтичю; 8 своего.

А Замість потрібного за змістом но в Іп. ни.



По то(м) же коро(л) и Левъ изоима колодникы [и] въз(ь)вратися /709/ к Васи(л)кови и Семовитови, срЂ(т)шимся и(м) и бы(с)[ть] радо(с)[ть] велика о погибели поганьскоѝ; и съ(ж)же домы и(х) и пленяше села и(х). \Радость о погибели поганской\ Ставши (ж) на Правищи(х) на но(ч), поимавше (ж) имЂніа и(х), по(ж)гоша домы и(х). Нау(т)ріа же поидоша плЂняща землю и жгуща. За(ж)гоша Таисевичи и Буряля, и Раѝмочи, и Комата, и Дора, и грады плЂняше, и па(ч) до(м) Сте(н)кытовь за(ж)гоша. И сташа на селЂ Кор(ь)ковиче(х), и пристранно бЂ, яко селикы(м) вое(м) мно(ж)ство(м) насытися 1 на дву двору, коне(м) и самЂ(м), яко не възмогоша поясти сами и конЂ и(х), прок(ь) же по(ж)гоша.

Нау(т)ріа же пріеха о(т) ятвя(з) Юньди(л), рек(ь)шю ему сице: «Данило! Добру дружину дръжиши, и велици по(л)ци твоѝ». Нау(т)ріа же пои́доша плЂняще и жгуще зе(м)лю и(х). И не бы(с)[ть] пакости въ вое(х) его 2, яко (ж) иног(д)а храбри бя(х)у, въложи Бъ̃ стра(х) въ ср(д)ца и(х). \Ятвязи да(н) даю(т) руси\ Тое (ж) нощи ста на болоте(х) въ островЂ(х). Нау(т)ріа же пріехаша ятвязи дающе да(н) 3 и миръ, молящеся, да бы не изби(л) колодниковь. По то(м) же, Бж̃іею мл(с)тію, пріиде въ зе(м)лю свою съ ч(с)тію и славою, одолЂвь върого(м) свои(м).

Хотящю (ж) ему пакы изыти на ня на бра(н) и збирающю воя, увЂдавше (ж) ятвязи се, послаша послы своа и дЂти своа, и да(н) даша, и обещеваху(с) работЂ быти ему и городы рубити въ земли своей.

[Въ лЂто 6765 (1257).] По то(м) же [Данило] посла Коснятина, рекома Положишила, да побере(т) на ни(х) да(н). \Да(н) о(т) ятвя(з): куны черны(и)\ Ехав(ь) же Косняти(н) пои́ма на ни(х) да(н) — чер(ь)ныа куны и бЂло 4 сребро. И въдасть ему из дани ятвя(ж)скоа даръ СигнЂву въеводЂ, послушества ра(ди), да у/710/вЂсть вся земля Ля(д)скаа, яко да(н) платили су(т) ятвязи (ж) королеви Данилу, сн̃ови великаго князя Романа. По велико(м) бо князи РоманЂ никто (ж) не бЂ воева(л) на нЂ в рускы(х) князе(х), раз†сн̃а его Данила. Бг̃о(м) же да(н)наа єму да(н), послушество сътвори Ля(д)скою землею, сирЂ(ч) въ памя(т) дЂте(м) свои(м), яко о(т) Ба̃ му(ж)ство ему показав(ь)шю. Яко же премудрыѝ гронографь списа, яко (ж): добродЂяніа въ вЂкы святятся. Яко (ж) сказахо(м) о рате(х) многы(х), и си же написахо(м) о РоманЂ: древле бо бЂ писати си, и нн̃Ђ же здЂ писано бы(с)[ть] в послЂдняа.



1 насытитися; 2 ихъ; 3 таль; 4 бЂль.



По то(м) же, яко (ж) и преже рекохо(м), сътвори коро(л) вели(к) обЂ(т) и не исправи его к Романови. Остави же у городЂ и Непер(ь)цЂ и о(т)иде(т) про(ч), обЂщавься ему и не помагаше ему. Лесть бо имяше хотя городовь его. БЂ бо клятвою кля(л)ся о БозЂ великою къ Романови и къ княгини его, яко добыв(ь)шю ему земли Немец(ь)кое дати ему всю Романови. Княгыни же вЂдущи норовь его, твер(ь)дяше(т) и кр(с)то(м), и николи же не бы(с)[ть] на помощь ему.

Часто (ж) приходящю [ему] на (н)[ь] гер(ь)цикови. Въ о(ди)но же врЂмя пріехав(ь)шю ему съ великою силою и бив(ь)ши(м)ся и(м), и ставь пре(д) городо(м) поприща и не може(т) взяти. Ласка(н)емь гл̃аше ему: «Остави короля угор(ь)ского, яко ужика ми еси и своякь, земля НЂмец(ь)каа раздЂлена буде(т) с тобою: риксь ти угорьскіи, ре(ч) коро(л), много обЂщавае(т), но не исправи(т). Азъ же гл̃ю правду и поставлю ти послуха, о(т)ц̃а си папу и 12 еп(с)кпа, на послушество, и вда(м) ти по(л) землЂ НЂмец(ь)коє». /711/

Оному (ж) рек(ь)шю: «Правдою обеща(х)ся о(т)ц̃ю королеви угор(ь)скому, не могу послушати тебе, яко сра(м) има(м) и грЂ(х) не испо(л)нити обЂта». Посла бо къ королеви угор(ь)скому вся словеса, ими же обещевашеся ему гер(ь)цюкь, и прося у него помощи. Онъ же не посла ему помощи, но городовъ хотящю ему о собе, обещеваше же ему дати иныя городы въ земли Угорьскоѝ. Княгини (ж), [у]разумЂвши лесть его, ре(ч), яко: «Сн̃а ми поима къ дщери, дръжите и у тали. А нн̃Ђ городовь наши(х) хощете, а мы за (н)[ь] тръпи(м), и гладо(м) измираемь». \Баба иде(т)\ БЂ бо баба ходящи и купящи кръмлю потаѝ въ градЂ Вя(д)нЂ и приносяще, толикь бо бЂ гла(д), яко и конЂ и(м) 1 хотящи(м) ясти уже.

Княгини (ж) рек(ь)ши: «Кня(ж)! Поѝди къ о(т)цу». Оному (ж) оступленому, немощ(ь)но бЂ ему въехати. Видя (ж) доброту его, вдасть Вере(н)геръ, прироко(м) Просвелъ: бЂ бо с ни(м) былъ на воѝнЂ. Съжаливси о РоманЂ и пріехавь съ силою, изведе Романа из(ь) града. Се же преж(д)е сказахо(м), яко Выше(л)кь бЂ далъ Новьгородокь Романови.

\Рать\ По рати (ж) Кремяниц(ь)коѝ Куре(м)синЂ, Дани(л) въз(д)виже ра(т) противу татаро(м). \Ме(жи)бо(ж)е взя(то) о(т) Данила к[ороля]\ Згадавь съ брато(м) и съ сн̃омъ, посла Дени(с)я Павловича, взя Межибо(ж)е. По то(м) же воеваху(т) людіе Данилови и Васи(л)кови Болоховь, [а] Львови — Побо(ж)е и лю(ди) татар(ь)скыа. ВеснЂ (ж) бывшіи, посла сн̃а своего Швар(ь)на на Городокь, и на Семочь, и на всЂ городы, и взя Городо(к) и Семо(ч) и вся городы, сЂдящіа за татары, Городескь и по Тетереви до Жедечева 2. Въз(ь)вягляне (ж) сол(ь)гаша /712/ Швар(ь)но(м), поемше тивуна не въдаша ему тивони(ти). Швар(ь)но (ж) пріи́де поимавь городы вси, и по не(м) пріидоша бЂлобере(ж)ци и чер(ь)няти(н)ци и вси болохов(ь)ци къ Данилу. Присла же 3 Мин(ь)довгь къ Данилу: «Пришлю к тебЂ Романа и новьгоро(д)ци, а бы поше(л) къ Въз(ь)вяглю, о(т)туда и къ Кыеву». И зре(ч) зро(к) 4 [во] Въз(ь)вягля.

\Данило(в) походъ\ [Въ лЂто 6766 (1258).] Данило (ж) съ брато(м) идоша къ Въз(ь)вяглю, въ силЂ тя(ж)цЂ, жда вЂсти о(т) Романа и литвы, и стоя на Корец(ь)ку днину, жда вЂсти о(т) ни(х), и пои́де къ Возвяглю. Преже посла сн̃а си Швар(ь)на, да обьеде(т) гра(д), да никто (ж) не утече(т) о(т) ни(х). БЂ же с ни(м) воинъ пя(т) со(т). Гражане же видЂв(ь)ше ратны(х) мало съ князе(м), смЂахуся стоаще на градЂ. Нау(т)ріа (ж) пріиде Дани(л) съ многы(м) мно(ж)ство(м) пол(ь)ко(м), съ брато(м) си и съ сн̃о(м) Л(ь)во(м). ВидЂв(ь)ше же гражане, [и] ужась бы(с)[ть] в(ъ) ни(х), и не стръпЂша и вдаша(с). И горо(д) за(ж)же, лю(ди) же изведе и вдасть я на подЂ(л), ово бра(т)у си, ово же Л(ь)вови, другіа Швар(ь)нови. И пои́де в до(м) си пріє(м) гра(д).

Романови (ж) прише(д)ши къ гра(д)у и литвЂ, потек(ь)ши на гра(д) литвЂ, не видЂша 5 ничто же, токмо головнЂ ти, п(ь)сы тЂчюще по горо(ди)щю. Тужаху (ж) и плеваху, по-своѝскы рекуща: «Ян(ь)да», \Боговъ взываю(т)\ възывающе Богы своа, Аньдая и Дивирикса, и вся Богы своа поминающи, рекомыа бЂси.

По то(м) Рома(н) еха по о(т)ц̃и, пое(м) съ собою мало людіи, а прочіа пусти домовь. Данило (ж) и Васи(л)ко бяше 6 веселяся, а Левь еха домовь си.

Литва (ж) роздумав(ь)ше и воеваша, гнЂвь дръжаще. Ехав(ь)ше (ж) воеваша около Луческа. Данилови же не вЂдуще и Васи(л)кови. /713/ Служащіи же князи Данилови и людіе Васи(л)кови, Гюр(ь)гіѝ, Олекса двор(ь)скіи, и иніи ехаша на ня. Ехавши(м) же на ня, онЂ(м) же притек(ь)ши(м) супротивь КъструзЂ. Снузнико(м) же сразив(ь)шимся, не стръпЂша, но на бЂгъ обратиша(с). Они же сЂкущея и бодуще, вгнашеся 7 въ озеро, имется деся(т) му(ж) одиного коня, мняще, яко «конь вынесе(т) на(с)», и тако погрязаху, аг̃гло(м) потомляеми о(т) Ба̃ посланны(м). И нагрязе 8 (ж) озеро труповь и щитовь и шеломовь. Тоземльци же велику користь имаху вълочаще я.



1 икоинЂимъ; 2 Жедьчевыва; 3 прислаша; 4 срокъ; 5 вЂдЂша; б бЂ; 7 вогнаша а; 8 напряже.



\Битва\ И бы(с)[ть] на литву сЂча велика. ОдолЂв(ь)ши(м) славяху Ба̃ и ст̃ую Г(с)жу Бц̃ю. Послаша (ж) саи́га(т) Данилови и Васи(л)кови, и обрадовастася Дани(л) и Васи(л)ко о помощи Бж̃іи, еже на поганыа. Се бо быша людіе Миньдов(ь)гови, воевода и(х) Хвалъ, иже велико убіиство творяше земли Чер(ь)нЂгов(ь)скоѝ, и Сиръвидь Руш(ь)кови(ч). Сиръви(д) же утече, а Хвалъ уби(т) бы(с)[ть], и иніи мнози.

\Куремса пойде на Данила\ [Въ лЂто 6767 (1259).] По то(м) же Куре(м)са пои́де на Данила и [на] Васи(л)ка, бе(з) вЂсти пріеха. Васи(л)ко же собирашеся въ Воло(ди)мери, а Данилу в Хо(л)мЂ. Посласта ко Л(ь)вови, дабы 1 поеха(л) къ нима.

Куре(м)сЂ же не переше(д)ше Шюстыра, посла люди к Воло(ди)меру. Въехавши(м) же ратны(м) вое(м) А къ городу, изыдоша на ня гражане пЂщ(ь)ци, и бив(ь)шимся с ними крЂпко. И выбЂгоша из града, идоша къ КуремсЂ, и повЂдаша, яко гражане крЂп(ь)ци борются с нами 2.

Данило (ж) и Васи(л)ко одинако събирастася хотяща битися с татары.

Прилучи же ся сице, за грЂхы, загорЂтися Хо(л)мови о(т) окан(ь)ное бабы. Си (ж) пото(м) спише(м) /714/ о созданіи града, и украшеніе цр̃кве, и онои́ 3 погибели мнозЂ, яко всЂ(м) съжалитиси. Сицю (ж) пламени быв(ь)шю, яко же съ всее землЂ зарю видЂти, яко (ж) и съ Л(ь)вова зрящи видЂти, по поле(м) Бельз(ь)скы(м), о(т) горе(н)а си(л)наго пламене. Люде(м) же видящи(м), яко о(т) татарь за(ж)же(н) бЂ гра(д), в(ъ)бЂжаша в мЂста лЂсна и тЂ(м) не могоста събратися. Данило (ж) сняся съ брато(м), и тЂши и, яко (ж) о(т) Ба̃ быв(ь)ши бЂдЂ не имЂти жалЂ 4 поган(ь)скы, но на Ба̃ надЂатися и на нь възложити печа(л); яко (ж) и бы(с)[ть].

По то(м) [же] ехаста въ Воло(ди)мерь, и събравша мало дружины, моляща(с) Бу̃ о(т) наше(д)ши(х) 5 татарь, да Бъ̃ избави(т) я. Не могуща же дружины събрати, и посыласта сЂмо и овамо 6. Прилучи же ся Васи(л)ковы(м) люде(м) выехати, и обрЂт(ь)ше татары биша я и коло(д)никы имаша.

\Куремса стоитъ\ По то(м) же Курем(ь)сЂ стоящю у Луцка, сътвори Бъ̃ чю(до) велико. Луцескь бЂ не утвер(ь)женъ и не уряже(н). СъбЂг(ь)шимся в о(н) многы(м) люде(м), и бЂ бо водЂ быв(ь)ши зимЂ велицъ. Оному (ж) прише(д)шю к Луц(ь)ку и не мог(ь)шю ему переѝти, хотяше мость пріати. Гражане[мъ] же о(т)сЂкши(м) мость. Он(ь) же порокы поставивь о(т)гнати хотя. \Чудо в Луц(ь)ку\ Бъ̃ же чю(до) сътвори, и ст̃ыѝ Іоа(н), и ст̃ыѝ Никола: вЂтру (ж) тако бывшю, яко о пороко(м) връгши(м), вЂтръ же обращаше каме(н) на ня. Пакы же мечющи(м) на ня крЂпко, изломися, Бж̃іею силою, пра(к) и(х). И не успЂв(ь)ше ничто (ж) вратиша(с) въ страны 7 своя, рек(ь)ше в поле.

Яко (ж) древле писахо(м), въ Куре(м)сину рать, о за(ж)женіи города Хо(л)ма. Хол(ь)мъ бо горо(д) сице бы(с)[ть] създа(н): /715/ Бж̃іимь повеленіемь. Данилови бо княжащу в(ь) Воло(ди)мери, създа гра(д) Угровескь и постави в не(м) еп(с)кпа. Яздящю (ж) ему по полю и ловы дЂюще, и видЂ мЂсто красно и лЂсно на горЂ, об(ь)ходящю округь его полю, и праша 8 туземець: «Въ како именуется мЂсто се?» Они же рекоша: «Хол(ь)мъ ему е(с)[ть] имя».



1 абы; 2 ними; 3 оного; 4 желЂ; 5 о нашествии; 6 онамо; 7 станы; 8 вопраша.

А Зам. воемъ къ городу в Іп.: вои из города.



\Дани(л) возлюби мЂсто\ Възлюбивь мЂсто то и помысли, да созиж(д)еть на не(м) градець маль; обещася Бу̃ ст̃му і Иоан(ь)ну Зла(т)устому, да сътвори(т) въ имя его цр̃квъ. И сътвори градець маль, и видЂв(ь) же се, яко Бъ̃ помощникь ему, Іоан(ь)нъ спЂшите(л) ему є(с)[ть], и създа гра(д) иныѝ, его же татарове не возмогоша пріати, єг(д)а Батыѝ пои́ма всю землю Ру(с)кую. Тогда (ж) цр̃квъ ст̃ыа Тр(о)ца за(ж)жена бы(с)[ть], и пакы създана бы(с)[ть].

\ПоспЂшство о(т) Бога\ ВидЂв(ь) же се кня(з) Данило, яко Бу̃ поспЂвающю мЂсту тому, нача призывати прихожаа нЂмци и рус(ь), и иноязычникы, и ляхы. Идяху де(н) [и] в день, и уноты и мастери всяціи бЂжаху ис Татарь, сЂде(л)ници, и лу(ч)ници, и ту(л)ници, и кузнеци желЂзу и мЂди и сребру. И бЂ жизнь, и напол(ь)ниша дворы окр(с)ть града поле [и села].

\Церковъ созда\ Създа (ж) цр̃квъ ст̃го Ивана, кра(с)ну и прелЂпу. Зданіе же ея сице бы(с)[ть]: комары 4, съ каж(д)о угла прево(д), и стоаніе и(х) на четыре(х) голова(х) члч(с)кы(х) изьваяно о(т) нЂкоего хитреца. \Стеклы ри(м)ски\ Окна три украшена стъклы ри(м)скыми. Входящи(х) въ ол(ь)таръ стоаста два сто(л)па о(т) цЂла камене, и на нею комара, выспръ же връ(х) украше(н) звЂз(д)ами золотыми на лазури. Вънутръніи же ей помость бЂ съли(т) о(т) мЂди и о(т) олова ч(с)та, /716/ яко блещашеся яко зер(ь)цало. Двери (ж) ея двоя украшены каменіе(м) галиц(ь)кы(м) бЂлы(м) и зелены(м) хо(л)мьскьмь, тесаны(м) изриты 1 нЂкы(м) хитреце(м) Ав(ь)дее(м), прилЂпы о(т) всЂ(х) шаровь и злата, на пре(ди) и(х) же бЂ издЂла(н) Сп̃съ, а на полунощ(ь)ны(х) — Іоан(ь)нъ ст̃ыѝ, яко (ж) всЂ(м) зрящимь дивитися бЂ. \Украшение иконами\ Украси же иконы, еже принесе ис Кыева, каменіемь драгы(м) и бисеро(м) и злато(м) 2: и обра(з) Сп̃совъ 3 и пр(с)тыа Бц̃а, иже вда ему сестра Θео(до)ра, [из монастыря Федора], икону (ж) принесе изо Уручего Устретеніе, [от] о(т)ц̃а [его], диву по(до)бны, я(ж) погорЂша въ цр̃кви ст̃го Іоан(ь)на, оди(н) Михаилъ остася чю(д)ныи(х) тЂ(х) иконь. И колоколы (ж) принесе ис Кыева, другіа ту со(л)я: то все огнь попали.

Вежа же средЂ города высока, яко (ж) бити с нея окр(с)ть града, по(д)здана (ж) каменіемь въ высоту 15 локо(т). Създа(н) же са(м)[а] древо(м) тесаны(м) и убЂлена яко сырь, свЂтящися на всЂ стороны. Студенець, рекомыи, кладе(з), бли(з) ея бЂ, саж(ь)ней имущь 35. Храми прекрасніи, ме(д) 4 о(т) огня ползущь яко смола: поса(ди) же са(д) красе(н), и созда цр̃квъ ст̃ыма Бе(з)мезникома [КузмЂ и Деміана] въ ч(с)ть, има(т) 4 сто(л)пы о(т) цЂла камене тесанаго дръжаща връхъ. С тЂ(х) же другіи, въ л(ь)тарь пр(с)того Домитріа стои(т) же ти сь пре(д) бч̃иными А двер(ь)ми красе(н), и принесе(н) издалече.

Стои(т) же столпь поприща Б о(т) города каменъ, \Оре(л) извая(н)\ а на не(м) орелъ каменъ изваянъ, высота (ж) камени деся(ти) локо(т), съ головами (ж) и с по(д)нож(ь)кы 12 локо(т).

ВидЂв(ь) же сице пагубу гра(д)у, въше(д) же въ цр̃ковь и видЂ пагубу, съжалиси ве(л)ми, помолися Бу̃, пакы обно(ви) /717/ и цр̃квь ост̃и, еп(с)кпо(м) Іоан(ь)но(м), и пакы помл̃ився Бу̃ и създа и тверж(ь)ша и выш(ь)ша. ВежЂ же такоа не възможе създати: бЂ бо грады иныа зиждаѝ 5 противу безбожны(м) татаро(м), за то не созда єя.

[Въ лЂто 6768 (1260).] \Церко(в) Дани(л) созда\ Созда (ж) цр̃квь превелику въ градЂ Хо(л)мЂ, въ имя прест̃ыа и прч(с)тыа Пр(с)нодв̃ы Мр̃іа, величьство(м) и красотою не мнЂи сущю пръвы(х) 6, и украси ю пречю(д)ными иконами. Принесе (ж) чашю о(т) земля Угор(ь)скоа мрамора багряна, изваану мудростію чю(д)ну, и зміевы главы бЂша округь ею, и постави я пре(д) двер(ь)ми цр̃ков(ь)ными, нарицаемыми цр(с)кыми. Сътвори же в неи кр(с)тил(ь)ницю кр(с)тити воду на ст̃ое Бг̃оявле(н)е. Сътвори (ж) в ней бл̃жен(ь)ныѝ еп(с)кпъ Іоан(ь)нъ о(т) древа красна точенъ и позлащенъ днЂ и внЂ, дивленію по(до)бенъ.



1 узоры тЂ; 2 златымъ; 3 Спаса; 4 медь; 5 сжижий; 6 древнихъ.

А В Іп.: бочными. Б Так в обох списках. Слід: поприще.



\Буро(н)да безбожный прийде\ Времени (ж) минув(ь)шю и пріиде Бурон(ь)даѝ бе(з)божныѝ, злыѝ, съ мно(ж)ство(м) пол(ь)ковь татар(ь)скы(х), въ силЂ тя(ж)цЂ, и ста на мЂстЂ(х) Куре(м)синЂ(х). Данило (ж) дръжаше ра(т) с Куре(м)сою, и николи (ж) [не] бояся Куре(м)сы: не бЂ бо моглъ зла ему сътворити никогда (ж) Куре(м)са, дон(ь)деже пріиде Бурон(ь)даи съ силою великою. Посла (ж) послы къ Данилови, рече: «Иду на Литву; аже еси мире(н), пои́ди съ мною».

Данилови (ж) сЂ(д)шу съ брато(м) и съ сн̃о(м), печа(л)ны бы(в)ша гадаху(т), вЂдяше бо, аще Дани(л) поеде(т), не буде(т) опя(т) з добро(м). Съгадавше вси и еха Васи(л)ко за брата, и прово(ди) его бра(т) до Берестіа, и посла с ни(м) лю(ди) своа. И помолися Бу̃ [святому Спасу] Избавителю, яже є(с)[ть] икона, яже є(с)[ть] в городЂ МЂ(л)ници въ цр̃кви /718/ ст̃ыа Бц̃а и нн̃Ђ стои(т) въ велици ч(с)ти; обеща(с) ему Данило коро(л) [украшениемь] украсити и.

\Василко по Бурондае еде(т)\ Васи(л)кови же едущю по Бурон(ь)даю одиному по Литов(ь)скоѝ земли, обрЂте нЂгде литву, избивь ю и приведе саѝга(т) Буро(н)даеви, и похвали Бурон(ь)даи Васи(л)ка: «Аще бра(т) твоѝ не ехалъ», и воеваше ездя с ни(м). Ищющи ему сн̃овца своего Романа, воеваша землю Литов(ь)скую и Нал(ь)ща(н)скую. Княгиню [бЂ] бо остави(л) у брата и сн̃а своего Воло(ди)мера.

По то(м) же Данило коро(л) еха взя Вол(ь)ковыескь, и ГлЂба князя пославь я и дръжаше его въ чести: яко бо(л)ма бо еха к Вол(ь)ковыеску, ловя няти ворога своего Выше(л)ка и Тевтивила. И не удоси 1 ею въ городЂ, искаше ею по стая(м) посылаа лю(ди), и не обрЂте ею, бЂста бо велику лесть учинила, я Вышелкь сн̃а его Романа. И пакы посла Михаѝла и воева по Зе(л)вЂ, ища ею, и не обрЂте ею. \... на Городень\ По то(м) же мысля ити на Городе(н), творя ею та(м).

Посла же по (Л)ва, сн̃а своего, и по лю(ди) своа, и пріехаша въ горо(д) МЂ(л)никь. Хотящу ему ити къ Горо(д)ну и всЂ(м) тъснящимся, и бы(с)[ть] вЂсть из Ляховь у короля Данила, яко татарове на Ятвязе(х) су(т).

Лвови (ж) рек(ь)шю, яко: «Вои твоє голо(д)на су(т) и кони и(х)». Он(ь) же о(т)вещавь ре(ч) ему: «Пошле(м) сторожЂ к Виз(ь)нЂ». Вдасть же Данило коро(л) бра(ш)но воє(м) до досы(т)ка, и коне(м) и(х).

Посла(л) бо бы(с)[та] пре(ж) два посла въ ЯтвязЂ увЂдати о братЂ, татаро(м) же пріехавши(м) въ ЯтвязЂ, ята быста посла та, /719/ и прашаше я: «Где е(с)[ть] Данило?» Она же о(т)вЂщаста: «В МЂлници 2 є(с)[ть]». ОнЂ(м) же рекши(м), яко: «Тъ(и) є(с)[ть] мир(ь)никь нашь, бра(т) его воеваль с нами, туда иде(м)».

Стороже(м) же изминувшимся с ними, они же проѝдоша к Дорогычину. Бы(с)[ть] же вЂ(с)[ть] Данилу, послаше Л(ь)ва и Швар(ь)на вонъ и А Въло(ди)мера, ре(ч) имь: «Аще вы будете у мене, [вамъ] єздити у станы к ни(м). Аще ли азь буду...».

По сем(ь) же минув(ь)шима двЂма лЂтома Б.

\Тишина по всей землЂ\ [Въ лЂто 6769 (1261).] И бы(с)[ть] тишина по всеѝ земли. В тыа же дн̃и весе(л)е 3 бы(с)[ть] у Васи(л)ка князя у Воло(ди)мери городЂ: нача о(т)давати дъщеръ свою О(л)гу за Ан(ь)дрЂа князя за Всеволо(ди)ча к Чер(ь)нЂгову. Бяше[ть] (ж) тог(д) бра(т) Васи(л)ковь, Данило кня(з) 4, съ обЂма сн̃ома своима съ Лво(м) и съ Швар(ь)но(м), и инЂ(х) князеѝ много и боярь много. \Борунда(й) чего хоче(т)\ [И] бывшю (ж) весе(л)ю немалу у Воло(ди)мерЂ городЂ.

И пріи́де вЂсть тог(д)а къ Данилу князю 5 и къ Васи(л)кови, иже Бурон(ь)даѝ иде(т), окан(ь)ныѝ и прокляты(й), и печа(л)на быста брата о то(м) ве(л)ми. Присла(л) бо бяше, та(к) река: «Иже есте мои мир(ь)ници, стрЂ(т)те мя, а кто не устрЂти(т) мене, тъ(й) ратныѝ мнЂ». Васи(л)ко же кня(з) поеха противу Буро(н)даеви съ Л(ь)вомъ сн̃овцемь свои(м), а Данило князь 6 не еха съ брато(м): посла(л) бо бяше, себе мЂсто, вл(д)ку своего хо(л)м(ь)ского Ивана.



1 удуси; 2 Милницы; 3 свадба; 4 король; 5 королю; 6 король.

А По смислу має бути: изъ. Б В Іп.: минувшему лЂту.


\Похо(д) на Бурундая\ И поеха Васи(л)ко кня(з) съ Л(ь)во(м) и съ вл(д)кою противу Бурон(ь)даеви, поимавь дары многы и питіе, и срЂте и у Шю(м)ску. И пріѝде Васи(л)ко съ Лво(м) и съ вл(д)кою пре(д) онь съ дары. Бурон(ь)даѝ 1 же велику опалу сътворив(ь)шю на Васи(л)ка князя и на Л(ь)ва, а вл(д)ка стоаше въ ужасЂ велицЂ. /720/

И по то(м) ре(ч) Буро(н)даѝ Васи(л)кови: «Еже есте мои мир(ь)ници, розмечете (ж) городы всЂ своя». \Городы ломаю(т)\ Левъ розмета Данило(в) Истожекь, о(т)толЂ (ж) посла Л(ь)вовъ розмета(т), а Васи(л)ко посла(л) Кремянець роз(ь)мета и Луцескь.

Васи(л)ко (ж) князь изъ 2 Шю(м)ска посла вл(д)ку Ивана напере(д) къ брату свое(му) Данилови. Вл(д)ци же пріехав(ь)ши к(ъ) Данилови князю, и нача ему повЂдати о бывше(м) о опалу Буро(н)даеву сказа ему. \Данило убояся\ Данило (ж) убоявся, побЂже в Ляхы, а из Ляховь побЂже въ Угры.

И тако пойде Буро(н)даѝ ко Воло(ди)меру, а Васи(л)ко кня(з) с ни(м), не доше(д)шю (ж) ему города, и ста на Житани на но(ч). Бурондаи (ж) нача мо(л)вити про Воло(ди)мерь: «Васи(л)ко! Роз(ь)мечи горо(д)». Кня(з) же Васи(л)ко нача думать [в] собЂ про горо(д), зане немощ(ь)но бы(с)[ть] бор(ь)зо розметати его величество(м), повелЂ зажечи его. И та(к) чере(з) ночь изгорЂ всь. \Володиме(р) зажженъ\ Назау(т)ріе же пріеха Бурон(ь)даѝ у Воло(ди)меръ, и видЂ своима очима горо(д) изгорЂв(ь)шіи [всь], и нача обЂдати у Васи(л)ка на дворЂ и пити. ОбЂдав(ь) же и пивь и леже на но(ч) у Пятидне(х). Назау(т)ріе же присла татарина, имене(м) Баи́мура. Баи́мурь же пріехавь къ князю ре(ч): «Васи(л)ко! Присла(л) мя Буро(н)даѝ, велЂ(л) ми горо(д) роскопати». Ре(ч) же ему Васи(л)ко: «Твори повеле(н)ное тобою». \Городъ роскоповають\ И нача ро(с)копывати горо(д), назнаменуя образъ побЂды.

И по се(м) пои́де Бурондаи́ к Хо(л)мови [а Василко князь с нимь, и с бояры своими, и слугами своими. Пришедшимъ же имъ к Холмови] и горо(д) же затворенъ бы(с)[ть], и сташа прише(д)ше къ нему ода(л) его. И не успЂвше в него 3 ничто же. Бяху бо въ не(м) бояри добріи и лю(ди) добрыѝ, и утвер(ь)женіе города крЂп(ь)ко порокы и самострЂлы.

Бурон(ь)даѝ же расмотри(в) /721/ твер(ь)дость города, аже немощ(ь)но бы(с)[ть] взяти его, тЂ(м) же и нача мо(л)вити Васи(л)кови князю: «Васи(л)ко! Се горо(д) брата твоего, єдь мо(л)ви горожано(м), а быша (с)[я] передали». И посла з Васи(л)комъ три татарины, имене(м) Куичия, Ашика, Болюя, и Хому 4 то(л)мача розумЂющи ру(с)кы(й) языкь, што име(т) мо(л)вити Васи(л)ко, пріехавь по(д) горо(д).



1 Оному; 2 ишь; 3 вои его; 4 к тому.



\Васи(л)ко горожано(м) говори(т)\ Васи(л)ко же идя по(д) горо(д) и взя собЂ в руку каме(н)я. Прише(д)ше же по(д) горо(д) нача мо(л)вити горожано(м), а татарове слыша(т) послан(ь)ніи с ни(м): «Костян(ь)тине холопе, и ты, другыи́ холопе Лука Ивановичю! Се горо(д) брата моего и моѝ, передаѝтеся!» Мо(л)вивь та каме(н) връже(т) доловь, дая и(м) розу(м) хитростію, а бы ся били, а не передавалися. Си(и) же слова мо(л)ви[въ], и потреи́чи меча каменіемь доловь. \Хитрость Васи(л)ка\ Си же великыѝ кня(з) Васи(л)ко акы о(т) Ба̃ посланъ бы(с)[ть] на помо(ч) горожано(м), пода и(м) розу(м) хитростію. Костя(н)тин(ь) же, стоя на заборолЂ(х) города, усмотри умо(м) разу(м), подан(ь)ный ему о(т) Васи(л)ка, ре(ч) князю Васи(л)кови: «Поє(д) про(ч), аже буде(т) ти камене(м) в(ъ) чело. Ты уже не бра(т) еси бра(т) своему, но ратныѝ еси єму». \Горожане говоря(т)\ Татарове же, послан(ь)ніи съ князе(м) по(д) горо(д), слышав(ь)ше, поехаша к(ъ) Буро(н)даеви и повЂдаша рЂ(ч) Васи(л)кову, како мо(л)ви(л) горожано(м), што (ж) пакь горожане мо(л)вили Васи(л)кови.

\Буру(н)дай к Люблину пойде\ И по се(м) пои́де Буро(н)даѝ въбор(ь)зЂ к Люблину, о(т) Люблина (ж) пои́де къ Завихвосту. И пріѝдоша к рЂцЂ к ВислЂ и ту изнаѝдоша собЂ бро(д) у ВислЂ, и переѝдоша на ону сторону рЂкы, и начаша воевати землю Ля(д)скую.

По то(м) же пріидоша /722/ къ Су(до)миру и оступиша съ всЂ(х) стра(н), и огоро(ди)ша около свои(м) городо(м), и порокы поставиша. Пороко(м) же біющи(м) неослабно де(н) и нощь, а стрЂла(м) не дадущи(м) ни в(ь)никнути изь заборолъ, и биша(с) по 4 дн̃и, въ четвер(ь)тыи (ж) дн̃ь събиша заборола з города. \Татаре лезуть на горо(д)\ Татарове (ж) начаша лЂствици приставливати къ городу, и тако полЂзоша на горо(д). И напере(д) же възлезоста два татарина на горо(д) с хороговью, и поѝдоста по городу сЂкучи и бодучи. Оди(н) же ею пои́де по одинои сторонЂ города, а другіи по другоѝ [сторонЂ]. НЂкто (ж) о(т) ляховь, не бояри(н), [ни] добраго роду, но простыи чл̃кь, ни в доспЂсЂ, за одины(м) мятле(м) же, съ сулицею, защитився о(т)чааніе(м) акы тверды(м) щито(м), сътвори дЂло достоино памяти, потече противу татарину, и како съше(д)ся 1 с ни(м), и тако уби татарина, оли другыѝ татари(н) съза(ди) притекь по(д)тя ляха, и ту убіенъ бы(с)[ть] ля(х).

\Люди давятся\ Лю(ди) же видЂвши татары на городЂ, устремиша(с) побЂгнути до дЂти(н)ца и не можаше въмЂститися у ворота, зане мост(ь) бяше узокь ворото(м), и подавиша(с) сами, а другіе падаху з моста в ровь акы сноповье. Ровы же бяху виденіемь глубоци ве(л)ми, [и] испол(ь)ниша(с) мр̃твыми, и бы(с)[ть] л(ь)зЂ хо(ди)ти по трупью, яко и по мосту. Бяху (ж) станове в городЂ соломою чинени, и загорЂша(с) сами о(т) огневь, и по то(м) же и горо(д) нача горЂти. Цр̃кви же бяше въ городЂ то(м) камен(ь)на, велика и предива 2, сіающи красотою, бяше бо създана бЂлы(м) камене(м) тесаны(м): и та бы(с)[ть] полна людеи. Връ(х) же у неи дерево(м) покрыть /723/, за(ж)жеся и та, и погорЂ в неѝ бесчислен(ь)ное мно(ж)ство людеѝ, одва и ратніи выбЂгоша из города.

\Церковь с людми горить\ Зау(т)ра же игумени и с попы и съ діаконы, изря(ди)вше клирось и о(т)пЂвше обЂдню, и начаша причащати, пръвое сами, и по то(м) бояре съ женами и съ дЂ(т)ми, та (ж) вси о(т) мала до велика. И начаша исповЂдатися, ово ко игумено(м), друзіи же к(ь) попо(м) и дьяконо(м), зане бяше мно(ж)ство людеѝ А в городЂ. \Горожане исповЂдаются\ По то(м) же пои́доша съ кр(с)ты из города и съ свЂщами и с кадилы, пои́доша (ж) и бояре и боярини, изря(ди)вшися въ бра(ч)ныа [порты и] ризы, слугы (ж) бояр(ь)скыа несяху пере(д) ними [и] дЂти и(х). \Плачь и рыдание\ И бы(с)[ть] пла(ч) вели(к) и рыданіе, мужи плакаху(с) свръстниць свои(х), мт̃ре же плакаху(с) чя(д) свои(х), бра(т) брата, и не бы(с)[ть] кто помилуа и(х). ГнЂву бо Бж̃ію ско(н)чав(ь)шюся на ни(х). Выгнанны(м) же имь из города, и поса(ди)ша я татарове на боло(н)и, възле Вислы, и сЂдоша два дн̃и на боло(н)и, \Бьють мужескъ и женскъ полъ\ то (ж) почаша избивати я вся, мужескь полъ и же(н)скь, и не избы 3 о(т) ни(х) ни оди(н) же.

По то(м) же пои́доша къ Лысцю городу, и прише(д)ши(м) же и(м) къ нему и оступиша: горо(д) же бяше в лЂсЂ на городЂ 4, цр̃ви же бяше в не(м) камена ст̃ое Тр(о)ци. Горо(д) же не твердь бяше. Взяша (ж) и того, иссЂкоша в не(м) вся о(т) мала и до велика. По то(м) же възворотися Буро(н)даѝ наза(д) 5 въ своа вежи. И тако бы(с)[ть] конець Судомир(ь)скому взятію.

\Литва с ляхи воюю(т)\ [Въ лЂто 6770 (1262).] По том(ь) же идоша литва на ляхы воевати о(т) Мин(ь)дов(ь)га, и Остафіи Костя(н)тиновичь с ними, окаанныи и прокляты(й) 6: бЂ бо забЂглъ из Резаня. Литва (ж) изогнаша Ездовь /724/ на кано(н) ро(ж)ства ст̃ого Іоанна Б, ту (ж) и Съмовита князя убиша, а сн̃а его Кондрата яша и полона много поимаша 7, и тако възв(ь)ратиша(с) въсвоаси.



1 стекася; 2 придивна; 3 оста; 4 горЂ; 5 на западъ; 6 безаконный, 7 яша. 

А В Іп.: людии множьство. Б В Іп.: канунъ Иваня дни, на самая Купалья.



Въспомя(н) Миндовгь, аже Васи(л)ко кня(з) съ Богатыре(м) воева(л) землю Литов(ь)скую, и посла ра(т) на Васи(л)ка, и воеваша около Камена 1. \Желисла(в)\ Кня(з) же Васи(л)ко не еха по ни(х), зане надЂашеся другоѝ рати, посла по ни(х) Желислава, Степана Меду(ш)ника, гониша по ни(х) ол(ь)ны до Ясол(ь)ды 2, не угониша и(х), бяше бо ра(т) [мала], мало полона (ж) взяли бяху, тЂ(м) же и уйдоша бор(ь)зо. Другаа же ра(т) воева тое (ж) не(д)ли литов(ь)ская (ж) около Ме(л)ници. Бяше же с ни(ми) воевода Тюдияминови(ч) же Кодвижадь, взяша (ж) полона много.

Кня(з) же Васи(л)ко поеха по ни(х), съ сн̃о(м) свои(м) Воло(ди)меро(м) и съ бояры своими и слугами, и възложи упованіе на Ба̃, и на прч(с)тую его Мт̃ръ, и на силу ч(с)тнаго кр(с)та: и угониша я у Небля города. \Небля горо(д), где ли(т)ва поражени о(т) руси\ Литва (ж) бяше стала при озерЂ, и видЂвше по(л)кы изря(ди)вшеся и сЂдоша въ три ряды за щиты, по своему норову. Васи(л)ко (ж) изрядивь своа по(л)кы, поѝде противо и(м) и съразиша(с) обои. Литва (ж) не стер(ь)пЂв(ь)ше, устремиша(с) на бЂгь. И не бы(с)[ть] лзЂ утечи, обышло бо бяше озеро около. И тако начаша сЂщі я, а друзіи въ озерЂ истонуша 3. И тако избиша я всЂ(х) и не оста о(т) ни(х) ни оди(н) же.

Се (ж) услывшав(ь)ше князи пи(н)стіи, Фео(до)ръ и Деми(д) і Юріи, и приіехаша к Васи(л)кови с питіе(м) и начаша веселити(с), видяще ворогы своа избиты, а своа дружина вся цЂла, \Преибо(р) уби(т)\ токмо оди(н) уби(т) бы(с)[ть] о(т) по(л)ка Васи(л)кова, Преиборъ /725/ сн̃ъ Степановь Родови(ч). По се(м) же князи пи(н)стіи и поехаша въсвояси, а Васи(л)ко поеха к Воло(ди)мерю с побЂ(до)ю и ч(с)тію великою славя и хваля Ба̃, сътвор(ь)шаго предивнаа, покор(ь)шаго ворогы под нозЂ князю Васи(л)кови.

\Изебо(л)ко\ Посла (ж) саига(т) брату своему королеви съ Борисо(м) и съ Изебол(ь)ко(м). Коро(л) же бяшеть тог(д)а поеха въ Угры, и угони я Бори(с) у По(д)телича 4.



1 Каменца; 2 Ясолны; 3 истопоша; 4 Телича.



\Новина радо(ст)наа королеви\ Коро(л) же бяше печалуя о брате повелику, и о сн̃овци свое(м) о Воло(ди)мери, зане моло(д) бя(ше). НЂкто о(т) слугь его въше(д) нача повЂдати сице: «Г(с)дне! Лю(ди)е каціи си еду(т) (съ) А за щиты съ сулицами, а кони съ ними пово(д)ніи». Коро(л) же о(т) ра(до)сти въскочи и въздЂ(в) руци, хвалу въздавь Бу̃, ре(ч): «Слава тебЂ, Ги̃! То ть Васи(л)ко побЂди(л) литву». Борись же пріеха и приведе саѝга(т) королеви, (и) А конЂ и в седлЂ(х), щиты, сулици, шоломы. Коро(л) же нача въспрашати о з(д)равіи брата свое(г) и сн̃овца. Борись же повЂда з(д)равіе обою и вся събыв(ь)шаася сказа ему; и бы(с)[ть] радо(с)[ть] велика королеви о з(д)равіи брата своего и сн̃ов(ь)ца, а ворози избитіи. Бориса (ж) одаривь о(т)пусти къ бра(т)у своему.

\Со(й)мъ ляхо(в) з русю...\ По се(м) же бы(с)[ть] сне(м) рускы(м) князе(м) съ ля(д)скы(м) князе(м) Болеславо(м). И снимаша(с) въ Тер(ь)на†Данило кня(з) съ обЂма сн̃ома своима, съ Л(ь)во(м) и съ Швар(ь)но(м), а Васи(л)ко [князь] съ свои(м) сн̃о(м) Въло(ди)меро(м), и положиша ря(д) межи собою о землю Ру(с)кую и Ля(д)скую, утвер(ь)дившеся кр(с)то(м) ч(с)тны(м); и тако розьехаша(с) въсвояси.

\Миндов(г) к[нязь] [великий] уби(т)\ По се(м) же сън(ь)мЂ, минувшю лЂту одиному, у осе(н) уби(т) бы(с)[ть] великыѝ кня(з) литов(ь)скыѝ Мин(ь)довгь, самодръже(ц) бы(в) /726/ [во] всеѝ земли Литов(ь)скоѝ. Убійство (ж) его сице скаже(м).

Бы(с)[ть] княжящю ему въ земли Литов(ь)скоѝ, и нача избивати братію свою и сн̃овци своя, а другіа выгна изь землЂ, и нача княжити оди(н) въ всеѝ земли Литов(ь)скоѝ. И нача гръдЂти великыѝ 1, \Славою вознесеся\ и възнесеся славою и гръдостію великою, и не творяше противу себе никого (ж). Бяше же в него сынъ Въише(л)кь же и дьчи. Дъщер(ь) же о(т)да за Швар(ь)на за Даниловича до Хо(л)ма.

[И] Воише(л)к(ь) же начя княжити в НовЂгоро(д)ци, в пога(н)ст†будя, и нача проливати крови много: убиваше(т) бо на вся(к) де(н) по 3 по 4; которого (ж) дн̃и не убіаше того 2, печалова(ш) тог(д)а, коли же убіаше кого, тог(д)а весе(л) бываше. \Воишелкъ хочетъ креститися\ По се(м) же вниде стра(х) бж̃ій въ ср̃дце его, помысли въ собЂ хотя пріати ст̃ое кр(с)щеніе; и кр(с)тися ту в НовЂгоро(д)цЂ и нача быти въ хр(с)тіан(ь)ствЂ. И по се(м) иде Воише(л)кь до Галича къ Данилови князю и Васи(л)кови, хотя пріяти мнишескы(й) чинь. Тог(д)а же Воѝше(л)кь кр(с)ти Юрія Л(ь)вовича. То же по то(м) иде в(ь) Полонину къ Григоріеви в монастыри, и пострижеся в чер(ь)ньци, и бы(с)[ть] въ манастыри у Григоріа три лЂта. О(т)толЂ (ж) пои́де въ Ст̃ую Гору, пріемь бл(с)веніе о(т) Григоріа. Григоріи же бяше чл̃кь ст̃ь, яко[го] (ж) не бы(с)[ть] пре(д) ни(м) и [ни] по не(м) не буде(т).

Воише(л)к же не може доѝти до Ст̃ыа Горы, зане мяте(ж) бысть великь тог(д)а в тЂ(х) земля(х), и пріиде опя(т) в Новьгородо(к), и учини събЂ монастырь на рЂцЂ на НемнЂ, межи Литвою и Новы(м) /727/ горо(д)ко(м), и ту живяше. Отець же его Мин(ь)довгь укариваше его про его житіе Б. Он(ь) же на о(т)ца своего не любоваше ве(л)ми.

\Княгини Миндовгая умре\ Въ то (ж) время умре княгини Мин(ь)дов(ь)говаа, и поча карити по неѝ. Бяше бо сестра еи за Дов(ь)монто(м) за на(л)ща(л)ньскымь князе(м). И посла Ми(н)довьгь до На(л)щань по свою свЂсть, тако река: «[Се] сестра ти 3 мрътва, а поедь кари(т) по своеи сестрЂ». Онои же пріехав(ь)ши карить. Миньдовгь же въсхотЂ поняти свЂсть свою за ся, и нача ей мо(л)вити: «Сестра твоа умираючи велЂла ми 4 тебе 5 поняти за ся. Тако рекла, ати инаа дЂтии не цвЂли(т)». И поя ея за ся. Домон(ь)ть же се услышавь печаленъ бы(с)[ть] о се(м) вел(ь)ми, мысляше бо, абы како убити ему Миньдов(ь)га, но не можаше, зане бы(с)[ть] сила его мала, а сего велика. Дов(ь)мо(н)т(ь) же искаше собЂ, абы с кы(м) мочно убити ему Ми(н)довга, и изнайде собЂ Треняту, сестричича Ми(н)дов(ь)гова, и с ты(м) думаше убити Миндов(ь)га. Тренята (ж) бяше тог(д)а у Жемоѝти.

\Походъ за ДнЂпръ\ [Въ лЂто 6771 (1263).] В се же время посла(л) бяше Ми(н)довгь всю свою силу за ДнЂпръ на Романа на дебря(н)ского 6 князя. Дов(ь)мон(ь)тъ бяше с ними (ж) поше(л) на воѝну, и усмотри врЂмя по(до)бно собЂ, и воротися наза(д), тако р[е](к)а: «Кобь ми не дасть с вами поѝти». Воротив(ь) же ся наза(д) и погна въбор(ь)зЂ, и изогна Ми(н)дов(ь)га, ту (ж) и уби его и оба сн̃а его с нимь уби, Рукля (ж) [и] Репьскея. И та(к) бы(с)[ть] конець Ми(н)дов(ь)гову убитію.



1 велми; 2 кого; 3 твоя; 4 мь; 5 ти; 6 бряньского.

А Слова дописані над рядком іншим почерком. Б В Іп.: укаривашеться ему по его житью.



[П]о Ми(н)дов(ь)го†(ж) /728/ убитіи, Воише(л)кь убоявся того (ж) и бЂжа до Пи(н)ска и ту живяше, а Тренята нача княжЂти во всеѝ земли Литов(ь)ской и в Жемоѝти. И посла по брата своего по Тов(ь)тивила до Полоц(ь)ка, река тако: «Брате! Пріедь сЂмо, роздели(м) собЂ землю и добыто(к) Ми(н)дов(ь)говь». Оному (ж) пріехав(ь)шю к нему, и поча думати Товтиви(л), хотя убити Треняту, а Тренята собЂ думаше на Тов(ь)тивила пакь. И пронесе думу Товтивилову бояри(н) его Прокопіи полочанинь. Тренята (ж) попере(ди)вь и уби Тов(ь)тивила и нача княжи(ти) оди(н). По се(м) же почаша думати конюшіи Ми(н)дов(ь)гови, 4 пароб(ь)ци, како бы(с)[ть] л(ь)зЂ и(м) убити Треняту. Оному (ж) идущю до мовници мыти, они же усмотрив(ь)ше собЂ время тако, \Треняту убиша\ убиша Треняту. И тако бы(с)[ть] конець убитіа Тренятина. Се (ж) слыша(в) Вои́ше(л)кь, поѝде с пиняны к Новьгоро(д)ку, и о(т)толЂ поня съ собою новьгоро(д)ци и поѝде в Литву княжити. Литва (ж) вся пріаша ѝ съ ра(до)стію великою свое(г) госпо(ди)чича.

[Въ лЂто 6772 (1264).] Воише(л)к(ь) же нача княжити въ своей 1 земли Литов(ь)скоѝ, и поча ворогы своа избивати, и изби и(х) бесчислен(ь)ное мно(ж)ство, а друзіѝ розбЂгоша(с), камо кто видя; и оного Остафіа уби ока(н)но(г), безакон(ь)ного, проклятаго, о не(м) же напре(ди) списахо(м).

Въ пре(ж)ре(ч)нно(м) же лЂте Ми(н)довгова убитіа, бы(с)[ть] же весе(л)е 2 у Романа князя у дръбе(н)ского 3, нача о(т)дава(ти) милую свою дъщерь, имене(м) Олгу, за Воло(ди)мера князя, сн̃а Васи(л)кова, внука великого кн̃зя Рома(на) Галицко(г). /729/ \Браня\ И в то время ра(т) пріиде на Романа литов(ь)ского *. Он(ь) же бися с ними и побЂ(ди) я, са(м) же ране(н) бы(с)[ть], не мало бо показа му(ж)ство свое. И пріеха въ Дебрянескь 4 с побЂдою и ч(с)тію великою, и не помня раны 5 на тЂлЂ свое(м) за радо(с)[ть], и о(т)да дъщерь свою. Бяху бо в него иные три, а се четвер(ь)таа. Си же бяше ему всЂ(х) милЂе. И посла с нею сн̃а своего стареѝшаго Михаѝла и бояры многы. Мы же на пре(д)лежащее възв(ь)ратимся.

Княжащю же Воише(л)кови в ЛитвЂ, и поча ему помага(ти) Швар(ь)но кня(з) и Васи(л)ко. Нарекль бо бяше Васи(л)ка о(т)ц̃а собЂ и госпо(ди)на. А коро(л) бяше тог(д)а впа(л) в болесть велику, в неѝ же и ско(н)ча живо(т) свой, и положиша его въ цр̃кви ст̃ыа Бц̃а, в Хо(л)мЂ, юже бЂ са(м) създа(л).

\Умре Данило коро(л) и въ ХолмЂ положенъ Левъ, сынъ его, Даниловичь фундовалъ...\ Съ(й) же король Данило кня(з) добрыѝ и хоробрыѝ и мудрыи, създа (ж) городы многы, и цр̃кви постави, и украси я разноличными красотами. Бяше бо братолюбіемь светяся съ брато(м) свои(м) Васил(ь)ко(м). Съ же Данило бяше вторыѝ по СоломонЂ. По се(м) же Швар(ь)но поѝде в помочь [Войшелкови, а Василко князь отъ себе посла ему помочь] всю свою ра(т). Воише(л)к(ь) же нареклъ бяше Васи(л)ка яко о(т)ц̃а собЂ и госпо(ди)на. И пріѝде Швар(ь)но с помо(ч)ю в Литву к Воише(л)кови, и видЂ Воѝше(л)кь помо(ч) Шварнову и Васи(л)кову, о(т)ц̃а своего, и ра(д) бы(с)[ть] ве(л)ми; и нача пристроиватися и пои́де въ силЂ тя(ж)цЂ, и нача городы имати, водя в Лит†6 и в На(л)щано(х). Городы (ж) поимавь 7, а ворогы своа избивь, и тако пріѝдоша въсвоаси.

[Въ лЂто 6773 (1265).] В та (ж) лЂта явися звЂзда на въстоцЂ хвостатаа, образо(м) страшны(м), /730/ испущающи о(т) себе луча великы, си же звЂзда нарицашеся власатаа. О(т) виденіа же сеа звЂзды стра(х) обья вся чл̃кы и ужась. Хитрец(ь) же смотрив(ь)ше тако рекоша: «Иже мяте(ж) великь буде(т) въ земли», но Бъ̃ сп̃се(т) А своею волею, и не бы(с)[ть] ничего (ж).



1 во всей; 2 свадба; 3 бряньского; 4 Брянескъ; 5 раненъ; 6 во ДявелътвЂ; 7 поцмаивъ.

* В Іп.: рать приде литовьская на Романа.

А В обох списках помилка. Слід: спасе.


\Умре кн[ягини] Василкова\ Того (ж) лЂта преставися великаа княгини Васи(л)коваа, имене(м) Олена, и положиша тЂло ея въ цр̃кви ст̃ыа Бц̃а, въ еп(с)кпьи Воло(ди)мер(ь)скоѝ.

[Въ лЂто 6774 (1266).] Тог(д)а же в самЂ(х) Татаро(х) мяте(ж) бы(с)[ть] великь и избиша(с) сами межи собою бесчислен(ь)ное мно(ж)ство, акы пЂсо(к) мор(ь)скыѝ.

[Въ лЂто 6775 (1267). И бысть тишина.]

\Похо(д) ли(т)вы на ляхо(в)\ [Въ лЂто 6776 (1268).] По се(м) же княжащю Въише(л)кови в Лит†и Швар(ь)нови, и поѝде литва на ляхы воева(т) на Болеслава князя, и идоша мимо Дорогичи(н). Слугы (ж) Швар(ь)нови идоша с ними же и воеваша около Скаришева, и около Визлъ же и Тор(ь)жку, и взяша полона много.

Тог(д)а же Болеславу князю бо(л)ну сущю велми, пото(м) же Болеславь оздоровися 1, посла посо(л) свои къ Швар(ь)нови, тог(д)а же Швар(ь)нови сущю в НовЂгоро(д)цЂ, тако река: «Про што мя еси воева(л)? Без моея вины землю мою еси взя(л)?» Шварно (ж) с запрЂ(л)ся ему, тако река: «Я тебе не воева(л), но литва тебе воевала». Посо(л) же ре(ч) Швар(ь)нови: «Тако ти мо(л)ви(т) кня(з) Болеславь: я на литву не жалую[сь], аже мя воева не мир(ь)никь моѝ, а воева(л) мя тако и гораздо, но на тя жалую. А Бъ̃ бу(ди) по право(м), то тъ(й)[то] россуди(т) межю нами». И о(т)селЂ заратиша(с), и почаша ляхове воевати около Хо(л)ма. Воеводы (ж) быша с ними: СигнЂвъ, Вър(ь)жъ, /731/ Су(л)ко, Невъступь. И не взяша ничего (ж) збЂгли бо ся бяху въ горо(д), зане вЂсть бяху подали и(м) ляхове украиняне. По се(м) же Швар(ь)но пріеха(л) въбор(ь)зЂ из Новагоро(д)ка и поча съвокупивати силу свою, и Васи(л)ко кня(з) и сн̃ъ его Воло(ди)меръ, съвокупив(ь)шеся поѝдоша в Ляхи воевати. Швар(ь)но (ж) поча воевати около Люблина, а Воло(ди)меръ около БЂлое, и взяша полона много, и тако поѝдоша въ своаси: Швар(ь)но поѝде к Хо(л)мови, а Воло(ди)меръ пойде къ Чръв(ь)ну, ту бо бяше о(т)ц̃ъ его Васи(л)ко, ис Чръвна (ж) поѝде къ Воло(ди)мерю. Прише(д)ши(м) же и(м) домовь, и по се(м) ляхове почаша воевати около Чръвна, тое (ж) не(д)ли и не взе(м)ше ничего (ж) и тако пои́доша наза(д).

\Посо(л)\ И по то(м) Болеславь кня(з) присла посолъ [свой] къ Васи(л)кови, Григоріа, пробоща любли(н)ского, тако река: «Своаче! съимЂвася». Васи(л)ко (ж) рЂчи его ра(д) А. И порекоста собе съне(м) в Тер(ь)навЂ.

И по се(м) Васи(л)ко пои́де к со(н)мови до Тер(ь)навы, и быв(ь)шю ему у Грабов(ь)ци и пріиде к нему вЂсть, аже ляхове вЂ(с)[тЂ] 2 учинили, къ со(н)мови не шли, но обыше(д)ше около, на Ворота, и тако пои́доша къ Бе(л)зу, и поча воевати и села же(чи). Васи(л)ко (ж) поѝде вбор(ь)зЂ о(т) Грабов(ь)ца, съ Швар(ь)номь и съ сн̃омъ свои(м) Въло(ди)меро(м), и пріидоша къ Чръмну, и видЂша, аже села горя(т), а ляхове воюю(т). Васи(л)ко (ж) пусти на 3 на воро(т) 4, иде же бяху ляхове възогналися, воюючи по село(м), убиша о(т) ни(х) многыа, а другыя изои́маша. Ляхове (ж) убоявшеся поидоша наза(д) восвоаси.



А В Іп.: Василко рече: «А язъ радъ».

1 усторобився; 2 лесть; 3 ня; 4 воропъ.



Васи(л)ко (ж) посла по ни(х) Швар(ь)на, сн̃овца своего /732/, и Воло(ди)мера, сн̃а своего: указа(л) бо бяше има, тако река: «Не біите же ся с ними бли(з), но пустЂте я во свою зе(м)лю. О(л)ны поѝду(т) роздЂлив(ь)шеся, то (ж) біитеся с ними».

И та(к) по ни(х) Швар(ь)но съ Воло(ди)меро(м) поѝде, въ силЂ тя(ж)цЂ, бя(х)у бо по(л)ци [видениемь] яко борове велици. Шварно бяше впередЂ идя свои(м) по(л)ко(м), а Воло(ди)мерь идяше наза(ди) свои(м) по(л)ко(м). Ляхове же бяху еще не вошли въ свою землю, но токмо бяху Върота прошли. Се (ж) мЂсто бяше твер(ь)до, зане немощ(ь)но бы(с)[ть] обоѝти его никуда (ж), тЂмъ (ж) и нарицаху(с) Ворота тЂснотою своею. Ту (ж) и угони(ш) я Шварно впередЂ ида свои(м) полко(м) и не помня рЂчи стрыа своего, и не 1 дож(д)а[въ] пол(ь)ка брата своего Воло(ди)мера, и устремися на бои. \Битва\ Сразив(ь)шима же ся челома, и тако поломиша ляхове пол(ь)кь Швар(ь)новь, а инЂ(м) полко(м) не мощно бы(с)[ть] помощи нио(т)куда (ж) тЂснотою. И тако побЂ(ди)ша ляхове ру(с) и убиша о(т) ни(х) многы, о(т) боярь и о(т) просты(х) [людей], ту (ж) убиша оба сн̃а тыся(ц)ко(г), Лавре(н)тіа и Анд(ь)реа: немало бо показа му(ж)ство свое, и не побЂгоста бра(т) о(т) брата, ту (ж) и пріаста побЂд(ь)ныѝ 2 конець.

\Примиря знову з ляхи\ По се(м) же умириша(с) ляхове съ ру(с)ю, Болеславъ съ Васи(л)ко(м) и съ Шварно(м), и начаша быти в любви велици.

По се(м) же Воише(л)кь да княженіе свое зятю своему Швар(ь)нови, а са(м) опять въсхотЂ пріати мнишескыѝ чинъ. Шварно (ж) моляшеся ему повелику, абы еще княжи(л) с ни(м) 3 в ЛитвЂ: но Воише(л)кь не хотяше, тако река: «СъгрЂшиль есмъ много пре(д) бг̃о(м) и чл̃кы, ты княжи, а земля ти 4 опасена». Швар(ь)но (ж) /733/ не може умолити его, и тако нача княжити в ЛитвЂ, а Воише(л)кь иде до Угровска в манастырь ст̃го Даниліа А, и взя на себе чернеческыа пор(ь)ты и поча жи(ти) въ манастыри, тако река: «Се ми зде бли(з) мене сн̃ъ моѝ Швар(ь)но, а другыѝ господи(н) и моѝ о(т)ц̃ь [князь] Васи(л)ко, а тЂма ся иму утЂшивати». Григоріи же полони(н)скыѝ єще бяше живь, наставни(к) его. Воише(л)кь же въспраша(в) о животЂ его, ра(д) бы(с)[ть] посла по (н)[ь], ре(ч): «Г(с)дне о(т)ч̃е! Прие[ди] сЂмо». О(н) же пріеде к нему и настави и Григоріи на пу(т) чер(ь)не(ч)скы(й).

И в то время присла Левь к Васи(л)кови, тако ре(ч): «ХотЂ(л) бы(х) снятися с тобою, абы туто и Воише(л)кь бы(л)». Васи(л)ко (ж) посла по Воѝше(л)ка, стр(с)тное не(д)ли, тако ре(ч): «Прислалъ къ мнЂ Левь, а бы(х)мося сняли. А не боѝся ничего (ж)». Воише(л)к(ь) же бояся Л(ь)ва и не хотяше ехати, но поеха на Васи(л)кову руку, и пріеха ст̃ое не(д)ли у Воло(ди)мерь, и ста въ манастыри ст̃го Михаѝла великого. \НЂмчинъ обЂдъ\ Мар(ь)ко(л)т(ь) же нЂмчи(ч) зва к собЂ [всЂ] князи на обЂ(д), Васи(л)ка, Льва, Воише(л)ка. И начаша обЂдати и пити и веселитися. Васи(л)ко (ж) напився поеха домовь спа(т), а Воише(л)кь поеха до манастыря, идеже стоаше. И по се(м) пріеха Левъ къ нему въ манастырь и поча мо(л)вити Воише(л)кови: «Куме! Напіемся по чаши вина». И почаша пити. Діаво(л) же не хотяше искони добра члч(с)кому роду, вложи въ ср(д)це Л(ь)вови, но уби Вои́ше(л)ка завистію, иже бяше да(л) землю Литов(ь)скую [брату] его Швар(ь)нови. И тако бы(с)[ть] коне(ц) убітіа его, спрятавше (ж) тЂло его и положиша въ цр̃кви ст̃го Михаѝла Великого.

Княжащю (ж) по Воише(л)цЂ /734/ Швар(ь)нови в Литов(ь)скоѝ земли, княжив(ь) же не много лЂ(т) и тако преставися, и положиша тЂло его въ цр̃кви ст̃ыа Бц̃а бли(з) гроба отня.

[Въ лЂто 6777 (1269). Не бысть ничто же.]

\В Лит†Тройдени пануеть\ [Въ лЂто 6778 (1270).] По се(м) же нача княжити в Лит†окаан(ь)ныѝ, безаконныѝ, проклятыѝ и немилостивыѝ Троидени, єго же безаконіа не могохо(м) списати срама ради: такь бо бяше безакон(ь)никь, яко и Ан(ь)тиохь Сур(ь)скіи, и Иродь Іер(с)алимскыѝ и Неронь Ри(м)скыи, ина многа злЂѝша того безаконіа чиняше.

Живь же лЂ(т) 12, и тако преставися безакон(ь)никь. Бяше (ж) в него братіа: Бор(ь)за, Сирьпутіи, ЛЂсіи, Свил(ь)кели 5. Бяху(т) бо живуше въ ст̃о(м) кр(с)щеніи, сіи же живяху въ любви, въ кротости, въ смиреніи, дръже правую вЂру хр(с)тіан(ь)скую, преизлиха любяще [вЂру и] нищаа. Си(и) же всЂ преставиша(с) при животЂ ТройденевЂ.

\Умре Васи(л)ко\ [Въ лЂто 6779 (1271).] В то (ж) врЂмя преставися бл̃говЂр(ь)ныѝ кня(з) хр(с)толюбивыѝ великыѝ въло(ди)мер(ь)скыѝ, имене(м) Васи(л)ко, сн̃ъ великого князя Романа, и положиша тЂло его въ цр̃кви ст̃ыа Бц̃а, въ єп(с)кпьи Воло(ді)мер(ь)скоѝ.

\Володимеръ пануе(т)\ [Въ лЂто 6780 (1272).] И по не(м) нача княжити, в него мЂсто, сн̃ъ его Въло(ди)меръ, правдолюбіемь светя(с) 6 къ всеѝ своей братіи и къ бояро(м) и къ просты(м) люде(м). А Левъ нача княжЂти у Галичи и в Хо(л)мЂ, по братЂ [по] свое(м), по Швар(ь)нЂ.



1 но; 2 побЂды; 3 ними; 4 ть, 5 Свелкений; 6 святяся.

А В Іп.: ко святому Данилью.



[Въ лЂто 6781 (1273).] По се(м) же умириша(с) съ ляхы, и з Болеславо(м) князе(м). Болеслав(ь) же тог(д)а зарати(л)ся съ вро(т)слав(ь)скы(м) князе(м); и идоша ему в помо(ч) Левъ, Мьстисла(в), а Воло(ди)мерь са(м) не иде, но посла свою ра(т) съ Жилиславо(м). Про то не иде са(м), зарати(л) бо ся бяше съ ятвязЂ.

По се(м) же здумаше князи поѝти на ятвязЂ, приспЂвши (ж) /735/ зимЂ сами князЂ не идоша, но послаша воеводы своя ра(т)ю. Левъ посла съ своею ра(т)ю Ан(ь)дрЂа Путивльца, а Воло(ди)меръ посла съ своею ра(т)ю Желислава, а Мьстисла(в) посла съ своею ра(т)ю Въло(д)слава Ломоносого. Хо(ди)в(ь)ше же и взяша Злину, ятвязе(м) же събравши(м)ся и не смЂша битися с ними, и тако пріидоша с побЂдою и ч(с)тію великою къ свои(м) князе(м). И по се(м) пріехаша князи ятвя(з)стіи, Ми(н)теля, Шюр(ь)па, [МудЂйко], Пестило, ко Львови и Въло(ди)мерови и Мьстиславу, мира просячи събЂ. Они (ж) одва и(м) даша миръ. И ра(ди) быша ятвязЂ о мирЂ, и тако поехаша въ свою землю.

\Любовъ съ Лво(м)\ [Въ лЂто 6782 (1274).] Трои́деневи (ж) еще княжащю в Литов(ь)скоѝ земли, живяше съ Л(ь)во(м) въ велицЂ любви, шлючи многы дары межи собою, а съ Воло(ди)меро(м) не живяше в любви про то, иже бяше о(т)ц̃ъ Въло(ди)меровъ кня(з) Васи(л)ко уби(л) на воина(х) 3 браты Троѝденевы, про то (ж) и не живяше с ни(м) в любви, но воевашеся с ни(м), но не великыми ра(т)ми. Троѝдени (ж) посла пЂ(ш)ци та те(м) воеваша Воло(ди)мера, а Воло(ди)меръ тако (ж) єго пославь воеваше. И тако воевастася лЂто цЂло.

По се(м) же Троѝдени, забывь любве Л(ь)вовы, пославь городняны, велЂ взяти Дорогычи(н). И Три(д) с ними (ж) бяше. Съ(и) же вЂдаше о городЂ, како мощ(ь)но взяти, излЂзь же [и] в(ь) ночи, и тако взяша и на самыѝ вели(к)дн̃ь, и избиша все о(т) мала и до велика.

Се же услышавь Левъ, [и] печаленъ о се(м) бы(с)[ть] [велми], и нача промышляти: и посла в татары къ великому цр̃еви Ме(н)гутимореви, и прося събЂ помощи у него на Литву. Ме(н)гутимер(ь) же /736/ да ему ра(т), и Ягураина с ними воеводу, и заднЂпръскіа князи всЂ да ему в помо(ч), Романа дебря(н)ского и съ сн̃омъ Ол(ь)го(м), и ГлЂба князя смоле(н)ского, инЂ(х) князей много. Тог(д)а бо бяху вси князи въ воли татар(ь)скоѝ.

ЗимЂ (ж) приспЂвши и начаша(с) пристроивати князи ру(с)тіи, Левъ, и Мьстиславъ, и Воло(ди)меръ. Идоша (ж) с ними князи пи(н)стіи [и туровьсцЂи]. И бы(с)[ть] идущи(м) и(м) мимо Туровь къ Слуц(ь)ку, и ту ся сняста с татары 1 у Слуц(ь)ка. И тако пои́доша вси въбор(ь)зЂ к Новугоро(д)ку, и не доше(д)ше рЂкы Сирьячи ту (ж) и сташа на но(ч), а зау(т)ра въстав(ь)ши рано поѝдоша и переше(д)ше рЂку до свЂта, ту (ж) и дождаша свЂта. Въсходящю (ж) сл̃нцю и начаша изряживати по(л)кы, изря(ди)вше (ж) пол(ь)кы и тако доѝдоша къ городу. \Опо(л)чение\ Татарове 2 (ж) идяху поправу свои(м) полко(м), а о(т) ни(х) Левъ свои(м) полко(м) идяше, а о(т) Ил(ь)ва Воло(ди)меръ идяше свои(м) по(л)ко(м) полЂву.

Татарове (ж) прислаша ко (Л)вови и Воло(ди)мерови, тако рекучи: «ДЂти наши видЂша, аже ра(т) стои(т) за горою, пара иде(т) ис конеѝ. А пошлЂте лю(ди) добрыа с нашими татары, ать осмотря(т) што буде(т)». Они (ж) послаша с ними добрыа лю(ди), и тако еха(в)ше осмотрЂвше, аже нЂту рати, но пара идяше съ истоковъ, текущи(х) из горъ, зане морози бяху велици.

И тако пріидоша къ городу и сташа около є(г)[о]. Мьстислав(ь) же бяше не притяглъ, но шелъ бяше о(т) Копы(л)я воюя по ПолЂ(с)ю, ни Романъ, ни ГлЂбь, тіи князи заднЂпръстіи, но тъкмо одинъ Олегь, сы(н) Романовъ, притяглъ. Прише(л) бо бяше напере(д) с татары. /737/ Татарове же ве(л)ми жадаху Романа, абы притяглъ.

Левъ же лесть учини межи бра(т)ею своею, утаився Мьстислава и Воло(ди)мера, взя окол(ь)ніи горо(д) 3 с татары, а дЂтинець остася. \Взятъ городъ\ Зау(т)ра же, по взятіи города, пріиде Рома(н) и ГлЂбь 4 съ великою сило(ю). И гнЂвахуся вси князи на Лва: Мьстиславь и Воло(ди)меръ и тесть ему 5 Рома(н) девря(н)скіи, и ГлЂбь смоле(н)скыѝ, и иніи князи мнози, вси гнЂвахуться на нь про то, иже не потвори и(х) лю(д)ми противу себе, са(м) взя горо(д) с татары. Здумали бо 6 бяху тако, аже бы и(м) всЂ(м) възе(м)ши Новьгородо(к), то (ж) по то(м) поити в Литов(ь)ску(ю) землю, но не идоша гнЂво(м) про (Л)ва, и тако възвратиша(с) въсвояси.

Тако (ж) о(т) Новагоро(д)ка пріеха Олегь въ Воло(ди)меръ къ своей сестрЂ. Воло(ди)меръ бо зовяше тог(д)а тестя своего къ себЂ повелику, то река: «Г(с)дне о(т)че! Поє(д), побудешь въ свое(м) [дому] и дъщере своея здоровіе види(ш)». Рома(н) же о(т)пряся ему, тако река: «Сн̃у моѝ Воло(ди)мере! Не могу о(т) рати своея о(т)ехати. Се хожю въ земли ратноѝ. А кто ми допровади(т) 7 ра(т) мою домовь? А се мене [въ] мЂсто сн̃ъ моѝ Олегь, ать еде(т) с тобою». И цЂловав(ь)ша(с), и тако поехаша въсвоаси.

[Въ лЂто 6783 (1275).]

\Пруси идутъ походъ\ [Въ лЂто 6784 (1276).] По се(м) же пріидоша пруси къ Троѝденеви изь своея землЂ неволею пре(д) нЂм(ь)ци. Он(ь) же п[р]іа я къ собЂ и поса(ди) часть и(х) в Горо(д)нЂ, а часть и(х) поса(ди) у СлонимЂ 8. Въло(ди)мер(ь) же, здума съ Л(ь)во(м) съ брато(м) свои(м), пославша ра(т) свою къ Слониму 9, взяста я, а быша землЂ не по(д)сЂдали.

По се(м) же Троѝдени посла(в) брата своего Сирьпу(т)я, и воева около Камена. Воло(ди)мер(ь) же /738/ противу тому пославь и възя у него Туріискь, на рЂци на НемнЂ, и села около его пои́ма. И по се(м) же умиристася и начяста быти въ велици люб(ь)ви.

\Мысль блага\ И по се(м) вложи Бъ̃ въ сер(д)це мысль бл̃гу князю Воло(ди)меру, нача събЂ думати, абы где за Берестіемь поставити горо(д). И възя 10 Книгы Пр(о)рческіа, тако събЂ въ ср(д)ци мысля, ре(ч): «Ги̃ Бж̃е силный и всемогыи, слово(м) свои(м) вся съзидаа и растрояа! Што ми, Ги̃, прояви(ш) грЂшному рабу своему, на то(м) стану».



1 сня с татары; 2 татаромъ; 3 градъни; 4 ГлЂбовь; 5 его; 6 же; 7 доправить; 8 во ВъслонимЂ; 9 ко Вослониму; 10 вся.



Раз(ь)гнувь (же) Книгы, и выняся ему пр(о)рчество Ісаіно: «Дх̃ь Гн̃ь на мнЂ, его же ра(ди) помаза мя, бл̃говЂстити нищи(м) посла мя исцЂлити съкрушен(ь)ныа ср(д)це(м), проповЂдати плЂннико(м) о(т)пущеніе и слЂпы(м) прозреніе, призывати лЂто Гн̃е пріатно и дн̃ь възданіа Ба̃ нашего, утЂшити вся плачющіася дати плачющимся Сіоню славу, за попе(л) помазаніе і веселіе, и украшеніе за дх̃ь уныніа: и нарекутся ро(д) правды, насаженіе Гн̃е въ славу; и съзижу(т) пустыня вЂчныа, запустЂв(ь)шаа преже, въз(д)вигнути городы пусты, запустЂвшаа о(т) рода». Кня(з) же Воло(ди)мерь о(т) сего пр(о)рчества уразумЂ мл(с)ть Бж̃ію до себе, нача искати мЂста по(до)бна, абы где поставити горо(д). Сіа же земля бяше опустЂла по 80 лЂ(т) по РоманЂ. Нн̃Ђ Бъ̃ въз(д)вигну ю, мл(с)тію своею.

И посла Воло(ди)мерь мужа хитра имене(м) Олексу, иже бяше и при о(т)ци его многы городы рубя, и посла его Въло(ди)мерь с тоземци въ челъно(х), въвръ(х) рЂкы Л(ь)сны, абы где (и)знаѝти таково мЂсто горо(д) поставити. /739/ Съ(й) же наше(д) мЂсто таково, и пріеха къ князю и начя повЂдати. Кня(з) же са(м) еха, съ бояры и слугами, и улюби мЂсто то на(д) берего(м) рЂкы Льстны, и о(т)требі є; и по то(м) сруби на не(м) горо(д) и наре(ч) имя ему Каменець зане бы(с)[ть] земля камена.

[Въ лЂто 6785 (1277).] \Послы поганыя\ По се(м) же на на зиму прис[л]а окаан(ь)ныѝ и безаконныѝ [Ногай] поганыѝ послы своа съ грамота(ми), Тегичага, Котлубугу и Ешимута, ко Л(ь)вови и Мьстиславу и Воло(ди)меру, тако река: «Всег(д)а ми жалуете на литву. Осе же ва(м) да(л) есмь ра(т) и воеводу с ними Ма(м)шЂя, поѝдЂте (ж) с ними на ворогы своа».

ЗимЂ же приспЂвші, и тако пои́доша князи ру(с)тіи на литву, Мьстиславь, Воло(ди)меръ, а Левь не иде, но посла сн̃а своего Юрія. И тако поѝдоша вси к Новугоро(д)ку.

Бы(с)[ть] же прише(д)ши(м) и(м) къ Берестію, и вЂсть пріb́де и(м), иже уже татарове попере(ди)ли к Новугоро(д)ку. Князи же на[ча]ша думати собЂ, Мьстиславь и Воло(ди)меръ, і Юріи, тако рекучи: «Еже пои́де(м) к Новугоро(д)ку, а та(м) уже татарове извоевали все, пои́де(м) где къ цЂлому мЂсту». И тако съдумав(ь)ше поѝдоша к Горо(д)ну, и бы(с)[ть] минувши(м) и(м) Вол(ь)ковыескь далече, и сташа на ночь. Ту Мьстиславь и Юріи, и утаив(ь)шеся Воло(ди)мера, посласта лу(ч)шіи своа бояры и слугы своа воевати съ Туимою. Он(ь) 1 же воевав(ь)ше тамо и легоша на но(ч), к рати своей не ше(д)ше, и бе(з) сторожей, и доспЂ(х) из(ь) себе 2 съимав(ь)ше. Тог(д)а же утече беглець о(т) ни(х) [единъ] до города, и нача повЂдати горожано(м) тако: «Онамо лю(ди)е лежать на селЂ бе(з) ряду». Пруси же и бор(ь)тове, выехав(ь)ше из(ь) города, /740/ удариша на нЂ на но(ч) и избиша я всЂ(х), а другыа изоимаша и в горо(д) въведоша я, Тюима на сане(х) увезоша, бЂ бо ране(н) ве(л)ми.

Зау(т)ра же полко(м) прише(д)ши(м) к городу, прибЂже к рати мьстислав(ь)скоѝ А нагь ибо 3, и нача(т) повЂда(ти) о быв(ь)ше(м), аже избиты вси бояре Мьстиславли и Ил(ь)вови, и слугы всЂ избиты, а друзіи бояре поиманы. И печа(л)ни быста о се(м) велми Мьстиславь и Юріѝ за своє безуміе, а Воло(ди)мерови не любо бы(с)[ть] на нею, иже отаив(ь)шися его тако учинили. И начаша собЂ промышля(ти) о взятіи города.



1 они; 2 и доспЂхы своЂ; 3 и босъ.

А В Іп.: Ратиславко Мьстиславль.



\Сто(л)пъ\ Стол(ь)пъ бо бЂ каменъ высокь стоа пере(д) вороты города, и бяху въ не(м) запер(ь)лися пруси, и не бы(с)[ть] [имь] мимо онь пои́ти к городу, побиваху бо и(з) сто(л)па того. И тако приступив(ь)ше къ нему взяша и, стра(х) же великь и ужась паде на городЂ, [и] бывшаа яко мр̃тви стоащеи на заборолЂ(х) города и о в(ь)зятіи сто(л)па, зане то бы(с)[ть] упованіе и(х).

И начаша думати о свои(х) бояре(х), како бы и(х) моч(ь)но добыти, но не могоша никако же. Мьстислав(ь) же и Воло(ди)меръ и Юріи и доко(н)чаша з горожаны тако — города и(м) не имати, а своа бояры вы(й)ма(ти). Бояры (ж) своа пои́маша, а городу не в(ь)спЂвше ничто же, тако възв(ь)ратиша(с) въсвояси.

\Похо(д)\ [Въ лЂто 6786 (1278).] Троѝдени (ж) єще княжа в Литов(ь)скоѝ зе(м)ли, посла ра(т) велику на ляхы, и брата своего Сир(ь)пу(т)я посла. Бяху бо и ятвязи тог(д)а и воеваша около Люблина по три дн̃и, и взяшя бе(з)числен(ь)ное мно(ж)ство полона, и тако пріидоша съ ч(с)тію великою домовь.

[Въ лЂто 6787 (1279).] По то(м) же лЂтЂ голо(д) бы(с)[ть] по всеи зе(м)ли, и в Руси, и в Ляхо(х), и в ЛитвЂ, и в Ятвязе(х). По сем(ь) же /741/ ятвязЂ послаша послы своа к Воло(ди)мерови, тако рекучи: «Г(с)дне княже Воло(ди)мере! Пріехали есмы к тебЂ о(т) всЂ(х) ятвязь, надЂючися на Бъ̃ и на твое здоровіе. Г(с)дне, не помори на(с), но перекор(ь)ми на(с) себЂ. Пошли, г(с)дне, к на(м) жито свое продава(т), а мы ра(ди) купи(м): чего ли въсхочешь, воску ли, бобровъ ли, чръны(х) ли кунъ, бЂли (л)[ь], сребра (л)[ь], мы ра(ди) дамы».

Въло(ди)мер(ь) же из(ь) Берестіа посла к ни(м) жито, в ло(ди)я(х), по Бугу, съ лю(д)ми з добрыми, кому вЂря. Идущи(м) же и(м) по Бугу, и тако възыдоша на Наровь и поѝдоша по Нар(ь)ви. Идущи(м) же и(м) и пріидоша по(д) горо(д) по(д) По(л)товескь, ту (ж) и сташа на но(ч) опочивати собЂ, и тако избиты быша вси по(д) городомь, в ночи, жито поимав(ь)ше, а ло(д)и потопиша. \Володимеровы люди избиты\ Въло(ди)мер(ь) же искаше сего ве(л)ми, хотя увЂдати, кто се учини(л). А къ Ко(н)дратови бра(т)у своему слаше, тако река ему: «По(д) твои(м) городо(м) избиты мои лю(ди)е, любо твои(м) повеленіемь, или иного, ты вЂдаешь въ твоей земли; повЂжь». Кондра(т) же ся запрЂ: «Я не избива(л), а иного не вЂдаю, кто изби(л)». Ол(ь)ны (ж) повЂди(л) Воло(ди)меру уи его, кня(з) Болеславъ, на сн̃овца своего на Кондрата, тако река: «Без(ь) лЂпа ти ся при(т), а са(м) ти изби(л) твоа лю(ди)». Тог(д)а Болеславь не в любви 1 живяше съ сн̃овце(м) свои(м) Кън(ь)драто(м). Болеслав(ь) же ре(ч) Воло(ди)мерови: «УвЂдаѝся с нимь, вели(к) бо съро(м) възложи(л) на тя, а зложи съ себе съро(м) своѝ». Въло(ди)мер(ь) же посла на Кондрата ра(т) свою, и воеваша по сеѝ сторонЂ Вислы, и взяша полона много. По се(м) же Кон(ь)дра(т) присла къ бра(т)у своему Воло(ди)меру, мира не А хотя с ни(м). /742/ Въло(ди)мер(ь) же умирися, и начаста быти въ велицЂ любви, Воло(ди)мер(ь) же и челя(д) ему въроти, што бы(л) повоева(л) Б.

\Болесла(в) умре\ Того (ж) лЂта преставися великыѝ кня(з) краков(ь)скыѝ Болеславь, добрыѝ и тихыѝ, кроткыѝ́ и смирен(ь)ныѝ, незлобивыи, братолюбивыѝ. Пожив(ь) же лЂта многа, и тако въ старости добрЂ о(т)иде къ Г[оспод]у̃. ТЂло (ж) его спрятав(ь)ше положиша е въ цр̃кви 2 ст̃го Фра(н)циш(ь)ка, въ городЂ в КраковЂ.



1 в нелюбьи; 2 божницЂ.

А В обох списках: не зайве; Б В Іп.: што была ратъ повоевала.



[Въ лЂто 6788 (1280).] По смр̃ти (ж) великого князя Болеслава, не бы(с)[ть] кто княжа в Ля(д)скоѝ зе(м)ли, зане не бы в него сн̃а. И въсхотЂ собЂ Левъ землЂ, но бояре бяху силніи и не даша ему землЂ. \Болеславовы пя(т) сн̃овцовъ\ Бяше бо в Болеслава сн̃овець 5 — Съмовитовича два: Ко(н)дра(т) же (и) Болеславъ, а Казимеричо(в) трии: Лестько, Земомыслъ, Воло(ди)славъ. Бояре (ж) ля(д)стіи избраша себЂ одиного о(т) ни(х) — Лест(ь)ка, \Ле(ст)ко на мЂ(ст)це Болеславово\ и поса(ди)ша и въ Крако†на столЂ Болеславли. И поча княжЂти Лестько.

По се(м) же Левъ въсхотЂ собЂ чясти землЂ Ля(д)ское, города на украѝнЂ, єха к Ногаеви, окан(ь)ному, проклятому, помочи събЂ прося у него на ляхы. \Конча(к), КозЂй и Кубата(н)\ Он же да ему помо(ч), окан(ь)ного Ко(н)чака, и КозЂа и Кубатана. ЗимЂ (ж) приспЂвши и тако поѝдоша: Левъ ра(д) и поѝде с татары и сн̃о(м) свои(м) Юріемь, а Мьстиславь и Воло(ди)мерь, и сн̃ъ Мьстиславль Данило, пои́доша неволею татар(ь)ско(ю). \На ляхы съ Лво(м)\ И тако пои́доша вси къ Судомиру. И прише(д)ше къ Судомирю, и поѝдоша на ону сторону рЂкы Вислы, ту (ж) [и] переѝдоша рЂку по ледови по(д) самЂ(м) городо(м). \Ю(ри)е, сн̃ъ Лво(в)\ Пер(ь)вее переѝде Левъ съ свои(м) по(л)ко(м) и сн̃о(м) свои(м) Юріемь, и по не(м) /743/ Мьстиславь и сн̃ъ ему Данило, та (ж) по ни(х) татарове. И тако переше(д)ше и сташа около города. Стоавше же малъ ча(с) и не бив(ь)шеся.

По се(м) же поиде Левъ съ своими по(л)кы, со силою великою [ко Кропивници, с гордостью великою] хотя ити къ Кракову.

Воло(ди)мер(ь) же бЂ назадъ стоа у города съ свои(м) полко(м): и начаша єму повЂдати: «Осекь в лЂсЂ полнъ людеѝ и товара, не в(ъ)зима(н) бо бЂ никоторою ра(т)ю, зане твръ(д) бяше ве(л)ми». Въло(ди)мер(ь) же о(т)ря(ди) к нему лю(ди) добрыа, и Кафилата с ними (ж) селезе(н)ци. Бы(с)[ть] же прише(д)ши(м) и(м) къ осЂкови, и биша(с) с ними ляхове крЂп(ь)ко, одва могоша взяти и съ великы(м) пото(м), и пои́маше в не(м) мно(ж)ство людеѝ и товара.

\Ле(в) с(ъ) татары о(т) ляхо(в) пораже(н)\ Яко (ж) въпре(дь) списахо(м) о ЛвЂ, и бы(с)[ть] же идущю єму пол(ь)кы своими, начаша расхо(ди)тися воева(т). Бъ̃ учини на(д) ни(м) волею своею — убиша бо ляхове о(т) по(л)ку єго много бояръ и слугы добрыа, и татаръ чясть убиша. И тако въз(ь)вратися Левъ наза(д) съ великы(м) бесчестіе(м).

\Преворс(к) взя(т) о(т) Лестка\ [Въ лЂто 6789 (1281).] Противу (ж) сему Лест(ь)ко иде на (Л)ва и взя у него горо(д) Переворескь, и исъсЂче весь А о(т) мала до велика и горо(д) за(ж)же; и пои́де наза(д) въсвоаси.

\Ненави(ст) и рати ме(ж) бра(т)ею Самовитчами\ По се(м) 1 же вло(жи) діаволъ въ ср(д)це ненависть въ два Сомовитича, въ Ко(н)драта и в Болеслава, начаста ворожествовати межи собою и воеватися. Ко(н)дра(т) же живяше съ брато(м) свои(м) Воло(ди)меро(м) заодино, а Болеславь живяше с Лест(ь)ко(м) и съ брато(м) его Воло(ди)славо(м) заодино.

Болеслав(ь) же съвокупивь ра(т) свою, и поя помо(ч) събЂ у Воло(ди)слава, и поѝде на брата своего на Кон(ь)драта к городу къ Ездову. Кондратови (ж) не бывшю тог(д)а въ городЂ, /744/ и тако приступльше взяша горо(д). Зако(н) же бяше в Ляхо(х) таковь: челя(ди) не имати, ни бити, но лупяху. Городу (ж) взяту, и поимаша в(ъ) не(м) товара много, и лю(ди) полупиша, и ятровь свою облупиша, княгиню Кон(ь)дратовую и сыновицу свою облупи, и учини съромоту велику бра(т)у своему Кон(ь)дратови.



А В Іп.: и люди в немъ вси.

1 томъ.



По се(м) же Кън(ь)дра(т) посла посолъ [свои] къ бра(т)у своему Въло(ди)мерови, жалуа ему о своеи съромотЂ. \Володиме(р) сжалися\ Въло(ди)мер(ь) же, съжалиси и росплакався, ре(ч) послу брата своего: «Брате! Реци, Бъ̃ бу(ди) о(т)местни(к) твоей съромотЂ, а се я готовь тобЂ на помочь». И нача наряживати ра(т) на Болеслава, и ко сн̃овцу своему къ Юрьеви посла, помочи прося. Сн̃овец(ь) же ему тако ре(ч): «Стрыю моѝ! Ра(д) бы(х) и са(м) с тобою ше(л), но нЂколи ми: єду, госпо(ди)не, до Суждаля женитися, а съ собою поимаю немного людіѝ, а се вси мои лю(ди)є и бояре. Бу̃ на руцЂ и тебЂ, а коли ти буде(т) любо, тог(д)а с ними поѝди».

Воло(ди)мер(ь) же наря(ди)вь ра(т) и пои́де къ Берестію. Ту ся и събра, и Хо(л)мяне пріидоша къ нему, бяше бо с ними Туима воевода, и поѝде Въло(ди)меръ къ Мел(ь)нику съ мно(ж)ство(м) воѝ, из МЂл(ь)ника же о(т)ря(ди) с ними воеводу, Васи(л)ка князя слоним(ь)ского 1, Въло(ди)мерови, и Жилислава, и Дуная, а съ Юрьевою ра(т)ю бяше воевода Туима. И тако пои́доша в Ляхы. \Похо(д) в Ляхи\

Воло(ди)мер(ь) же о(т)рядивъ ра(т) и поеха до Берестіа, послал(ь) же бяше посолъ напре(д) пре(д) ратью къ бра(т)у своему Кън(ь)дратови. Бяху бо у него бояре невЂр(ь)ніи, а бы не дали вЂсти Болеславу. Посо(л) же Въло(ди)меро(в), /745/ пріеха къ Ко(н)дратови, поча ему мо(л)вити при всЂ(х) его бояре(х): «Тако ти мо(л)ви(т) бра(т) твоѝ Въло(ди)меръ: ра(д) бы(х) ти, р(ь)ци, помоглъ за твою съромоту, но нЂ(л)зи [ми], замя(ли) нами татарове». По се(м) же посолъ є(м) князя за руку А. Кня(з) же уразумЂвь выи́де с ни(м) Б вонъ, и поча ему повЂдати: «Бра(т) ти тако мо(л)ви(т): наряживаи́ся са(м) и лодіа наряди възитися на ВислЂ, ра(т) буде(т) у тебе зау(т)ра». Кон(ь)дра(т) же ра(д) бы(с)[ть] повелику, и повелЂ въбор(ь)зЂ изря(ди)ти ло(д)я, са(м) ся наря(ди).

Прише(д)ши же рати извозиша(с) и почаша изряживати пол(ь)кы, изря(ди)в(ь)ше же ся и тако поѝдоша: Васи(л)ко поѝде своимь пол(ь)ко(м), а Жилиславъ свои(м) пол(ь)ко(м), а Дунаѝ своимь пол(ь)ко(м). Кон(ь)дра(т) же кня(з) съ ляхы свои(м) пол(ь)ко(м), а Туима свои(м) пол(ь)ко(м). И тако идяху съ великою крЂпостію усръдно.

Но (до)ше(д)ши(м) же имъ города Съхачева, и дума(х)у о взятии его, абы в землю глубоко не вхо(ди)ли, но въз(ь)борони и(м) Кондра(т) кня(з), вЂда е ко (Го)стиному, то бо бяше милое мЂсто Болеславле.

Прише(д)ши(м) же по(л)ко(м) к городу, и сташа около города, яко борове велици(и), и начаша пристроивати ся на взятіє города. \Мова\ Кня(з) же Кон(ь)дра(т) нача ездя мо(л)вити: «Бра(т)а моя милаа руси! ПотягнЂте за одино сер(д)це!». И тако полезоша по(д) заборола, а друзіи полов(ь)ци 2 стоаху недвижимо, стерегучи внезап(ь)ного наез(д)а о(т) ляховь. Прише(д)ши(м) 3 же по(д) заборола пущаху на ня каменіе, яко гра(д) силный, но стрЂлы ратны(х) не дадяше и(м) ни выникнути изь заборолъ. И нача(ша) /746/ пободыватися копіи, и мнози язвени быша на городЂ, овы о(т) копіи, овы о(т) стрЂ(л). И начаша мрътвіи падати о(т) заборо(л), яко сноповье. \Взя(т) горо(д)\ И тако в(ъ)зяша горо(д), и поимаша в не(м) товара и полона бесчислен(ь)ное мно(ж)ство, а порокы иссЂкоша а горо(д) за(ж)гоша, и тако въз(ь)вратиша(с) въсвоаси с побЂдою и ч(с)тію великою.



1 вослонимьского; 2 полци; 3 прилЂзъшимъ.

А и сжа ему руку; Б В Іп. помилково: с ними.



Кон(ь)дра(т) же кня(з) поеха въ свои горо(д), възе(м) на ся вЂнець побЂд(ь)ныѝ и зложивь ис(ь) себе съромоту свою, помо(ч)ю брата своего Воло(ди)мера.

\Похо(д) ко Берестию\ А Васи(л)ко кня(з) поѝде къ Берестію, съ мно(ж)ство(м) полона, и посла пре(д) собою вЂсть г(с)дну своему князю Воло(ди)меру. Въло(ди)мер(ь) же бяше паче печалуа повелику, зане [не] бы(с)[ть] вЂсти дол(ь)го о(т) пол(ь)ку е(г). По се(м) же пріиде ему вЂсть о(т) пол(ь)ку его, аже вси добри здорови иду(т), съ ч(с)тію великою. Въло(ди)мерь (ж) ра(д) бы(с)[ть] повелику, аже дружина его вся цЂла, а соромови брата своего Кън(ь)драта одолЂвь. Токмо два бЂста убита о(т) по(л)ку [его], не по(д) городо(м), но въ изгонЂ: еди(н) 1 же бЂ пруси(н) родо(м), а другіи бяше двор(ь)ныѝ его слуга, любимыи сн̃ъ бояр(ь)скыѝ, Михалеви(ч) имене(м) Ра(х). Убіиство (ж) ею сице скаже(м): Бы(с)[ть] идущи(м) пол(ь)ко(м) мимо Съхачевь горо(д), в то (ж) время въеха(л) бяше кня(з) Болеславь вонъ ис Сохачева, ловя того, абы где удари[ти] на роз(ь)гонЂ. Въло(ди)мер(ь) же кня(з) указа(л) бяше свои(м) воевода(м) тако, Васи(л)кови и Жилиславу и Дунаеви, не роспущати рати воевать, но поѝти всЂ(м) къ городу. Си(и) же утаивши(с) о(т) рати, /747/ єхаша на село чл̃кь съ три деся(т), и Блус(ъ) с ними (ж) і Юріє(в), и пое(м)ше дорогу о(т) села, аже челядь бЂжала к лЂсу, поехаша по ни(х); и в то время удари на ни(х) Болеславь съ ляхы, дружина (ж) ею не стръпЂв(ь)ше устремиша(с) на бЂгь всЂ и съ Блусо(м). Сіи же два не побегоша, Стархь 2 съ прусо(м) 3, но сътвориста дЂло до(с)[то]ино памя(ти) и начаста (с)[я] бити му(ж)скы. Пруси(н) съехася з Болеславо(м) князе(м) и ту и уби(т) бы(с)[ть] о(т) многы(х), а Ра(х) уби боярина добра Болеславля, ту (ж) и са(м) пріа конець побЂдныѝ. \Прусово мужество\ Си(и) же умроста му(ж)ствен(ь)ны(м) ср(д)це(м), оставь(л)ша по собЂ славу послЂднему вЂку.

По се(м) же Воло(ди)меръ поеха из Берестіа до Воло(ди)мера.

\Походъ на Угры\ [Въ лЂто 6790 (1282).] Бы(с)[ть] по си(х) идущю 4 окан(ь)ному и безаконному Ногаеви и ТелебузЂ с ни(м) на Угры, въ силЂ тя(ж)цЂ, въ бесчислен(ь)номь мно(ж)ствЂ, велЂша (ж) поѝти съ собою и рускы(м) князе(м): Лвови, Мьстиславу, Въло(ди)мерови і Юрію Л(ь)вовичю. Въло(ди)мир(ь) же бяше тог(д)а хро(м) ногою, тЂ(м) не иде, зане бы(с)[ть] рана зла на не(м), но посла ра(т) свою съ Юрьемь, сыновце(м) свои(м). Тог(д)а бо бяху князи рустіи во во(ли) татар(ь)скоѝ; и тако пои́доша вси, токмо оди(н) Воло(ди)мерь остася, зане бы(с)[ть] хро(м). Болеслав(ь) же бяше и еще гор(ь)дяся свои(м) безуміе(м), усмотривь время таково, прише(д) въ дву сту, воева около Щекарева и взя деся(т) селъ, и тако идяше наза(д) съ великою гор(ь)достію, творяше бо ся акы всю ру(с) в(ь)зя(л) 5.



1 онъ; 2 Рахъ; 3 прусиномъ; 4 пришедшу, 5 землю вземь.



По се(м) же Левъ о(т)пуще(н) бы(с)[ть], вшедъ въ Угор(ь)скую зе(м)лю, пріеха домовь, и съжалиси о бывше(м), еже Болеславъ /748/ воеваль его зе(м)лю; и посла къ бра(т)у своему Въло(ди)мерови, река ему тако: «Брате! Сложи(м) съ себе съро(м) се(й). Пошли възве(ди) литву на Болеслава». Въло(ди)мер(ь) же посла Дунаа възводи(т) литву. Литва (ж) обещаша(с) ему тако [створити, и] рекучи: «Въло(ди)мере, добрыѝ княже, правдивы(й)! Може(м) за тя головы своа сложити. Коли ти любо, осе есмы готовы». Лев(ь) же и Воло(ди)мерь наря(ди)ста сво(ю) ра(т) и поидоша къ Берестію и бы(с)[ть] прише(д)ши(м) имь в(ъ) Берестіи, ожидающи(м) литвы, литва (ж) не приспЂ на ро(к). Лев(ь) же и Воло(ди)меръ сами не идоста, но посласта воеводы: Левъ посла съ своею ра(т)ю Туима и Васи(л)ка Бельжанина и Ряб(ь)ця, \Жи(л)исла(в), Оловя(н)ецъ и Вишта\ а Воло(ди)мерь посла съ своею ра(т)ю Васи(л)ка князя и Жилислава и Оловя(н)ца и Виш(ь)ту. И тако поѝдоша на Болеслава, и начаша воевати около Вышегорода, и поѝмаша [чЂляди] бесчислен(ь)ное мно(ж)ство, и скота и конеи.

По се(м) же пріидоша литва къ Берестію, и начаша мо(л)вити князю Воло(ди)мерови: «Ты на(с) възве(л), а пове(ди) на(с) куда, а се мы готови, на то есмы пришли». Кня(з) же начя думати събЂ, абы куда и(х) повести: своа бо рать ушла бяше уже далече на Болеслава, а уже рЂкы ростЂкаются. И воспомяну Воло(ди)меръ, иже преже того Лест(ь)ко, посла(л) любли(н)ца, взя(л) бяше у него село на вокраѝници, имене(м) Воинъ, и и напомянася ему Воло(ди)меръ о то(м) много, абы ему вороти(л) челя(д), он же не вороти ему челя(ди) его: за се же и посла на (н)[ь] литву. И воеваша около Люблина и по/749/имаша челя(ди) мно(ж)ство, и ополонив(ь)шися и тако поидоша наза(д) съ ч(с)тію.

По се(м) же пріиде ра(т) Львова и Воло(ди)мерова, съ ч(с)тію великою, възе(м)ше полона многоє мно(ж)ство. И тако розыдоша(с) кож(д)о въсвоаси.

\Лвовъ взятъ\ Въ пре(ж)ре(ч)на же лЂта, коли Лест(ь)ко взя Переворескь горо(д) и Л(ь)во(в), то (ж) ляхове воеваша у Берестіа по КръснЂ, и взяша се(л) деся(т) и поѝдоша наза(д). Берестіане (ж) събраша(с) и гнаша по ни(х), бяше бо ляховь 200, а берестіань 70. Бяше бо у ни(х) воевода Ти(т), везде словыи му(ж)ство(м) на рате(х) и на ловЂ(х). И тако угонив(ь)ша я быша(с) с ними. \Берестеня ляхо(в) побЂди(л)\ Б(ж)іею же мл(с)тію побЂ(ди)ша берестіане ляхы и убиша и(х) 80, а другіа поимаша, а поло(н) своѝ о(т)полониша. И тако пріидоша въ Берестіи съ ч(с)тію, славяще Ба̃ и прч(с)тую его Мт̃ръ въ вся вЂкы.

По се(м) же мы на пре(д)лежащее възв(ь)ратимся.

\Телебуга татари(н) с Ногаемъ заблуди(л) следо(м) в гора(х)\ Бы(с)[ть] идущю окан(ь)ному и безако(н)ному Ногаеви и ТелебузЂ с ни(м), воевав(ь)ши(м) зе(м)лю Уго(р)ску(ю): Ногай поиде на Брашевь, а Телебуга поѝде поперекь Горъ 1, што бяше переѝти треми дн̃ьми, и хо(ди) по 30 дн̃евъ, блудя въ гора(х), води(м) гнЂво(м) Бж̃іи(м). И бы(с)[ть] в ни(х) голо(д) вели(к), и начаша лю(ди) ясти, по то(м) же начаша и са(ми) покаряти 2, и умре и(х) бесчислен(ь)ное мно(ж)ство. \100 000 тата(р) умерши(х)\ Самовидци же тако рекоша: умръши(х) бы(с)[ть] 100 тыся(ч). Ока(н)ны(й) же и безаконныѝ Телебугь выи́де пЂшь, съ своею женою, одноѝ кобылЂ, посрамле(н) о(т) Ба̃.

Бы(с)[ть] же по си(х) Болеславу князю и еще испол(ь)нив(ь)шеся свое(г) безуміа, и не престааше злое творя Въло(ди)мерю князю і Юріеви. Въло(ди)мер(ь) же і Юріи почаста наря/750/живати ра(т) свою на Болеслава. Въло(ди)мер(ь) же посла и възведе литву, и тако поѝдоша вси, і Юріи князь с ними (ж) идяше на Болеслава. И яко быша в МЂ(л)ници, и присла къ нему о(т)ц̃ъ его Левъ, река ему тако: «Сн̃у моѝ Юріи! Не хо(ди) са(м) з литвою, и уби(л) я князя и(х) Воѝше(л)ка, любо въсхотя(т) месть учинити» 3. Юріи же не иде по о(т)т(ь)нЂ словЂ, но посла ра(т) свою. И тако ше(д)ше взяша Съхачевь горо(д) и поимаша в не(м) товара много и челя(ди), а порокы ис(ь)сЂкоша, и тако ополонив(ь)шеся и поѝдоша въсвоаси.

\Телебуга на ляхы\ [Въ лЂто 6791 (1283).] Бы(с)[ть] же по си(х) хотящю поѝти окан(ь)ному [и безаконьному] ТелебузЂ на ляхы и събравшю ему силу многу, забыв(ь)шю ему казни Бж̃іа, еже събы(с) на(д) ни(м) въ Угре(х), о не(м) же впере(ди) списахо(м) 4: и пріиде к Ногаеви, бяше же межи има нелюбовь велика.



1 Гору; 2 измирати; 3 створити; 4 сказахомъ.



\К[нязи] руские в неволи у татаро(в)\ Телебуга (ж) посла ко заднЂпръскы(м) князе(м) и къ волы(н)скы(м): ко Львови и къ Мьстиславу и къ Воло(ди)меру, веля и(м) поѝти съ собою на воѝну. Тог(д)а же бяху вси кн̃зи въ неволи татар(ь)скоѝ. \К[нязи] руские в неволи у татаро(в)\ Тако поѝде Телебу[га] на ляхы, събравь силу многу.

Прише(д)шю (ж) ему к(ъ) Горини, и срете и Мьстиславь с питіє(м) и съ дары; и поѝде о(т)то(л) мимо Кремянець к Перемилю. \Телебугу стрЂчаю(т) к[нязя] с пи(ти)емъ и дарми\ И ту и стрЂте Въло(ди)меръ кня(з) с питіє(м) и съ дары на ЛепЂ 1. И по семь угони и Левъ кня(з) к Бу(ж)ковиче(м) с питіє(м) и съ дары. \Бу(ж)ко(в)ское поле\ Прише(д)ши(м) же и(м) на Бу(ж)ков(ь)ское поле, и, ту перезрЂша своа по(л)кы, князи же надЂахуся избитіа собЂ и городо(м) взятіа.

\По(д) Воло(ди)меро(м) на Житани\ И о(т)толе пои́доша к Воло(ди)меру и сташа на Житани. Телебуга (ж) еха об(ь)зирати горо(да) /751/ Воло(ди)меря, а друзіи мо(л)вять, аже бы и в городЂ бы(л): но то не вЂдомо. В не(д)лю (ж) минуша горо(д), по нЂколаци дн̃и 2 на у(т)ріи дн̃ь Бъ̃ избави своею волею и не взяша города, но насиліе творяху велико въ городЂ и пограбиша товара бесчислен(ь)ное мно(ж)ство и конеѝ. \Телебуга минуе(т) Воло(ди)меръ але Татаре остав(ь)шіи зло(сти) ве(ли)[кіе] чиня(т) и землю cп(у)стоши(ли)\ И тако безакон(ь)ныѝ Телебуга поѝде в Ляхы. Осташа (ж) татарове друзіи у Воло(ди)мери кор(ь)мити любивые кони. Си(и) же учиниша пусту землю Въло(ди)мер(ь)скую, не дадяху бо из города ни выле(з)ти в зажитіе. Аще ли кто выехаше, овы избиша, а другыа 3 пои́маша, а другіа лупяху и конЂ о(т)нимаху. И в городЂ(х) изомре въ остою, Бж̃іи(м) гнЂво(м), бе(з)численое мно(ж)ство.



1 на ЛипЂ; 2 по МикулинЂ дьни; 3 иныя.



\Телебуга до ляхо(в) и к[нязи] рускіи з ни(м)\ Идущю (ж) ТелебузЂ в Ляхы, и с ни(м) идоша вси князи, неволею татар(ь)скою: Левъ кня(з) съ сн̃о(м) свои(м) Юрьє(м) съ своею ра(т)ю, а Мьстиславь съ своею ра(т)ю, а Воло(ди)меръ съ своею ра(т)ю. И тако поѝдоша к Завихвосту и пріѝдоша к рЂци к ВислЂ. \Висла не стала\ Река (ж) не стала бяше и не могоша ея переѝти, и поѝдоша въвръхъ єя къ Су(ди)миру, и переѝдоша Ся(н) рЂку по ледови. Ту (ж) на Сяну Воло(ди)мерь воротися о(т) ни(х) наза(д). \Судоми(р) не добы(т)\ А Вислу переѝдоша по ледови (ж) выше Судомиря; и приступиша к городу съ всеа стороны, но не вспЂша ему ничто (ж). \Землю Ля(д)скую воюю(т)\ И почаша воевати зе(м)лю Ля(д)скую, и стояше на неи по 10 дн̃еѝ.

Телебуга (ж) хотя ити къ Кракову, и не доше(д) его воротися в Торж(ь)ку. \Нога(й) упереди(л) по(д) Краковъ\ ВЂсть бо пріиде к нему, иже Ногаѝ попереди(л) его къ Кракову пріити, и про се бы(с)[ть] межи ими бо(л)шее нелюбіе. И тако не снимався съ Ногає(м) /752/ \Телебуга вертае(т)ся на Лвову землю, на городо(к) и Лво(в)\ и поѝде наза(д) на Лвову зе(м)лю, и на городо(к) на Лвовь. И стоаша на Л(ь)во†зе(м)ли 2 не(д)ли, кор(ь)мячи, не воюючи, и не дадяху ни из города выле(з)ти в зажитіе. Кто (ж) выехаше из города, овы избиты быша, а друзіи по(й)мани, а иныа излупив(ь)ше пущаху нагіа, тыя о(т) мраза изомроша, зане бы(с)[ть] зима люта ве(л)ми. И учиниша всю землю пусту.

\Земля сп(у)стошена и зима люта. В(ь) городЂ(х) помре людіи много\ Се же наведе на ны Бъ̃ грЂ(х) ра(ди) наши(х) казня на(с), а быхо(м) ся покаали злы(х) своихъ безаконны(х) дЂ(л), и еще же наконець испо(л)ни на на(с) гнЂвь свои. И изомре в городЂ(х) въ остою бесчислен(ь)ное мно(ж)ство, друзіи же изомроша в селЂ(х) выше(д)ше из городовъ, по о(т)шествіи безакон(ь)ны(х) агарянъ. Но мы на пре(д)лежащее възвратимся.

\Нога(й) ишо(л) на Перемышль\ Ногаѝ же окааньныѝ не иде с Телебугою в Ляхы одиною дорогою, зане бы(с)[ть] межю има нелюбовіе велико, но иде своею дорогою на Перемышль. И прише(д)шю же ему къ Кракову горо(ду), и не в(ъ)спЂв(ь)ше в него ничто (ж), яко (ж) и Телебуга в Судомиря, но воеваша зе(м)лю Ля(д)скую. А с Телебугою не снимася, зане боястася си(и) оба сеѝ сего, а сеѝ того 1. И тако поѝдоша наза(д) въ своа вежи: Телебуга поѝде своею дорогою опя(т), а Ногаѝ своею дорогою.

\Мо(р) ве(ли)[къ] в Ляхо(х)\ Тое (ж) зимы и в Ляхо(х) бы(с)[ть] моръ великь, изомре и(х) бесчислен(ь)ное мно(ж)ство.

\По(л) 13 000 людіи погыбло\ По о(т)шествіи же ТелебужинЂ и НогаевЂ, Левъ кня(з) зочте ко(л)ко погыбло у его зе(м)ли людеѝ: што [поимано, избито, и што ихъ Божиею волею изъмерло], — по(л)третьи на деся(т) тысящь.

[Въ лЂто 6792 (1284).] Тое (ж) зимы і Юріи кня(з) у Львовича умре сн̃ъ, имене(м) Михаѝло, младу сущю ему, и плакаша(с) по не(м) вси лю(ди)е, /753/ [и] спрятав(ь)ше (ж) тЂло его, и положиша е(г) въ цр̃кви ст̃ыа Бц̃а в Хо(л)мЂ юже бЂ създа(л) прадЂ(д) его великіи князь Данило [король], сн̃ъ Романовъ.

\Мо(р) по все(й) зе(м)ли и в Татаре(х), кони и ско(т), и овцЂ — все вымерло\ Тое же зимы не токмо въ о(ди)ноѝ Руси бы(с)[ть] гнЂвь Бж̃іѝ моро(м), но и в Ляхо(х). Тоє (ж) зимы и в Татаре(х) изомре все, и кони, и скоти, и ов(ь)цы, все изомре, не остася ничего (ж).

\Море потопило лю(ди): бо(л)ше 60 000, цр̃кви бо(л)ше 100 000\ [Въ лЂто 6793 (1285).] Тое (ж) зимы в настав(ь)шеє лЂто начаша повЂда(т), аже в(ь) НЂмце(х) выше(д) море и потопило зе(м)лю, гнЂво(м) Бж̃іи(м): боле 60 тыся(ч) дш̃ь потонуло, а цр̃квеѝ камяны(х) 100 и 11, про(ч) древяны(х).

\Лю(ди) Ле(ст)ковы Ко(н)драта воюю(т)\ Того (ж) лЂта Лест(ь)ко Казимири(ч) посла(л) пол(ь)къ своѝ и воева князя Ко(н)драта Съмовитовича. Кня(з) же Ко(н)дра(т), събравь дружину свою, гна по ни(х) и бися с ними и побЂди я, Бж̃іи(м) пособоє(м), и многы изби о(т) пол(ь)ку Лестькова, бояръ и простую челя(д) 2, и воеводу его уби Сира(ж)ского Ма(т)θеа, \Ко(н)дра(т) здого(ни)вши о(т)ня(л) поло(н) и воево(ду) сира(ж)ско(г) уби(л)\ а свои поло(н) о(т)полони; и тако въз(ь)вратися въсвоаси съ ч(с)тію великою, хваля и славля въ Тр(о)ци О(т)ц̃а и Сн̃а и ст̃го Дх̃а въ вся вЂ(ки) агіо(с).



1 сего; 2 чадь.



\Литва и жемои(т) по(д) Ригу и на лотыголу и до города Медвежа Голова\ [Въ лЂто 6794 (1286).] Того (ж) лЂта хо(ди)ша литва вся и жемоѝть вся на нЂм(ь)ци к РизЂ. ОнЂ(м) же вЂ(с)[ть] бы(с)[ть] и збЂгоша(с) в городы. Они же прише(д)ше к городу и не в(ь)спЂв(ь)ше в него ничто (ж), о(т)толе (ж) идоша на лотыголу. И дохо(ди)в(ь)ше города Медвежа Головы, не в(ь)спЂв(ь)ше в него ничто (ж), и тако възвратиша(с) въсвоаси, добывше мало полона.

\НЂмцЂ тору(н)стіи жемоити много поразили и поймали\ Се (ж) услышав(ь)ше тору(н)стіи нЂм(ь)ци, аже жемоѝть вся пошла на Ригу, идоша (ж) нЂм(ь)ци на жемои(т), помагаючи свои(м) нЂмце(м). И поѝмаша и(х) бесчисле(н)ное мно(ж)ство, а другіа избиша, и тако пріѝдоша въсвоаси /754/ съ мно(ж)ство(м) полона.

\К[нязь] Ле(ст)ко Ка(зи)мерови(ч) умеръ\ Того (ж) лЂта преставися великіѝ кня(з) Лест(ь)ко Казимирови(ч) краков(ь)скыѝ. Еп(с)пъ же, и игумени, и попове и діакони, спрятав(ь)ше тЂло єго, и пЂвше обы(ч)ныа пЂ(с)ни, и тако положишя тЂло его въ Крако†городЂ, въ цр̃кви ст̃ыа Тр(о)ца; и плакаша(с) по не(м) вси лю(ди)е, бояре и простіи, плаче(м) великы(м).

[Въ лЂто 6795 (1287).] Наставши (ж) зимЂ посла Бъ̃ на на(с) ме(ч) своѝ, иже послужи(т) гнЂву своему, за умно(ж)ніе грЂ(х) наши(х). \Телебуга знову з(ъ) Алгуе(м), и к[нязи] рускіи з ними на ляхо(в)\ Идущю (ж) ТелебузЂ и Ал(ь)гуеви с ни(м) въ силЂ тя(ж)цЂ, и с ними рустіи князи, Левъ, и Мьстиславь, и Воло(ди)меръ, і Юріи Л(ь)вови(ч), и иніи князи мнози. Тог(д)а бо бяху вси князи [русціи] у воли татар(ь)скоѝ покорени, гнЂво(м) Бж̃іи(м). И тако поѝдоша вси въкупЂ.

\Воло(ди)ме(р) хоры(й)\ Въло(ди)меру (ж) князю бол(ь)ну сущю, зане бы(с)[ть] рана послана о(т) Ба̃ на нь неисцЂлимаа. Идущи(м) же и(м) в Ляхы, и доидоша рЂкы, нарЂцаемаго Сяна, Въло(ди)мер(ь) же кня(з) тъскнувь немо(ч)ю тЂла своего, и нача слати къ бра(т)у своему Мьстиславу, тако река: «Брате! Видишь мою немо(ч), аже не могу, а ни у мене дЂтеѝ, а даю тобЂ, бра(т)у своему, землю свою всю и городы по своє(м) животЂ, а се ти даю при цр̃е(х) и прі его ря(д)ца(х)». \Даруе(т) землю свою бра(т)у Мстиславу\ Мьстислав(ь) же удари чоло(м) пре(д) брато(м) свои(м) Воло(ди)меро(м).

Посла Воло(ди)меръ къ бра(т)у къ Л(ь)вови, и къ сн̃овцю къ Юрьеви, с тыми словы: «Се ва(м) повЂдаю, да(л) есми бра(т)у своему Мьстиславу землю свою и городы». Левъ же ре(ч) Въло(ди)меру: «Тако и гараздо, аже еси да(л). МнЂ по(д) нЂм(ь)цЂ искати по твое(м) живо(тЂ)? /755/ А вси ходи(м) по(д) Бг̃о(м), абы ми Бъ̃ да(л) свои(м) мочи изволодЂ(ти) в се время».

И по се(м) посла Мьстиславь къ бра(т)у своему ко Львови и къ сн̃овцю своему, тако река: «Се (ж), бра(т) моѝ! Воло(ди)меръ да(л) ми зе(м)лю свою всю и городы. А чеи́ въсхочешь? Чего искати по животЂ брата моего и своего, оже се ти цареве, а се [царь, а се] азъ. Мовь со мною што хочешь». Лев(ь) же не ре(ч) противу слову ничего (ж).

\Воло(ди)ме(р) для хоробы верну(л)ся\ По се(м) же Телебуга поѝде в Ляхы, и Ал(ь)гуѝ и с ни(ми) вси князи, а Воло(ди)мера воротиша наза(д), зане бы(с)[ть] жалостно зрЂти на (н)[ь], видячи его бол(ь)на сущи. И пріеха Воло(ди)меръ, и ра(ди) быша вси лю(ди)е, видячи своего г(с)дна пріехав(ь)ша въ здоровіи. \ Воло(ди)ме(р) до Любомля. Марка єп(с)па остави(в) на свое(м) мЂ(ст)цу\ И пребывь мало д̃ніѝ у Воло(ди)мери, нача мол(ь)вити княгини своей и бояро(м): «ХотЂ(л) бы(х) доехати до Любомля, зане же дЂла ми с погаными нЂ(т) А. А чл̃кь есмъ боленъ, ни я с ними могу повЂстити. А а прояли мь уже и на печене(х). А се мене мЂсто єп(с)кпъ Мар(ь)ко». И поеха до Любомля съ княгинею и съ слугами своими двор(ь)ными, из Любомля поеха до Берестіа и пребывь в Берестіи 2 дн̃и, и поеха до Камен(ь)ца. Ту (ж) и лежаще в болести своей в(ь) Каме(н)ци. Ре(ч) княгини своей и слуга(м): «Олны (ж) мине(т) поганыѝ 1 изь землЂ, то (ж) поеде(м) до Любомля».

Минувши(м) же дн̃е(м) нЂколици(м), пріехаша слугы его к не(му) в Каменець, иже то были в Ляхо(х) на воѝнЂ с татары. Въло(ди)мер(ь) же нача въспрашати и(х) о ТелебузЂ, уже ли поше(л) и(з) землЂ Ля(д)ское. ОнЂ(м) же повЂдающи(м): /756/ «Пошель». «А бра(т) ми Левъ, и Мьстиславь, и сн̃овец(ь) ми — въ здоровіи ли?» Они же повЂдающе: «Г(с)дне! Добри здорови всЂ, и бояре и слуги», — Въло(ди)мер(ь) же о то(м) похвали Ба̃, а Мьстислава повЂдаша, аже пошелъ с Телебугою на Львовь. \М(ь)стисла(в) оскарженъ пре(д) Воло(ди)меро(м)\ Тог(д)а же повЂдаша: «Бра(т) ти дае(т) горо(д) Всеволо(ж) бояро(м) и села раздавае(т)». Въло(ди)меру (ж) нелюбіе бы(с)[ть] велико на брата своего, и начя мо(л)вити: «Се лежю въ болести, а бра(т) ми прида(л) еще бо(л)шее болести. МнЂ еще живу сущю, а онъ роздавае(т) городы моя и села моя. Ол(ь)ны могль по моемъ животЂ роздавати».

И посла Воло(ди)меръ посолъ сво(и) съ жалобою къ бра(т)у своему Мьстиславу, река: «Брате! Ты мене ни на пол(ь)ку 2 ялъ, ни копіемь ся еси мене добо(л), ни из городовь мои(х) выби(л) мя еси, ра(т)ю прише(д) на мя. Иже тако 3 чиниши на(до) мною? Ты ми бра(т) еси, а другыѝ ми бра(т) Левъ, а сн̃овець ми Юріи, азъ же у ва(с) тре(х) избра(л) есмъ тебе одино(г), и да(л) ти есмь землю свою всю и городы по своемъ животЂ, а при мое(м) животЂ не в(ь)ступатися ни въ что (ж). Се же есмъ учинилъ за гор(ь)дость брата своего и сн̃ов(ь)ца своего, далъ есмъ тобЂ зе(м)лю свою».

\М(ь)стисла(в) справляе(т)ся\ Мьстиславь же ре(ч) бра(т)у своему: «Г(с)дне! — р(ь)ци, — братіа 4 твоа, земля Бж̃іа и твоа и городы твоѝ, а я на(д) ними не воле(н). Но азъ есмъ въ твоей воли, а даѝ ми Бъ̃ тебе имЂти яко о(т)ц̃а себЂ, и служи(т) тобЂ съ всею правдою до моего живота, абы ты, г(с)дне, здоровь бы(л) а бо(л)шаа ми надежа по тобЂ, р(ь)ци». /757/ И пріеха к(ъ) Воло(ди)меру посолъ его в Каменець, повЂдаа рЂ(ч) Мьстиславлю. Въло(ди)меру (ж) люба бы(с)[ть] рЂ(ч) та.

По се(м) же поеха ис Каме(н)ца до Раю, будущю (ж) ему ту, начя мо(л)вити княгини своей: «Хочю послати по брата своего [по] Мьстислава, а бы(х) с ни(м) ря(д) учинилъ о землю и о городы, и о тобЂ, княгини моа милаа Ол(ь)го, и о семь дЂтяти о Изяславли 5, иже милова(х) ю яко свою дъще(р) ро(ди)мую: Бь̃ бо не да(л) ми свои(х) ро(ди)ти, за моа грЂхи, но сіа ми бы(с)[ть] яко о(т) своея княгини рожена, взялъ бо есмъ ю о(т) своея матере в пелена(х) и въскор(ь)милъ».



1 погань си; 2 на полону; 3 сяко; 4 брате; 5 ИзяславЂ.

А В Іп.: зане досадила мЂ поганъ си.



\Володиме(р) посылаетъ къ брату своему Мстиславу еп(с)кпа Евсегнея...\ И посла къ бра(т)у єп(с)кпа своего въло(ди)мер(ь)ского Євсегеніа, и с ни(м) Бор(ь)ка (ж) и Оловя(н)ца, с тыми словы, река ему: «Брате! Поє(д) къ мнЂ, хочю с тобою ря(д) учинити про все». Мьстиславъ же пріеха къ нему в Раи, съ своими бояры и слугами [и с ними епископъ Володимерьскиі, и Борко и Оловянець]. Мьстислав(ь) же ста на по(д)воріи, и повЂдаша Въло(ди)меру слугы єго: «Бра(т) ти пріеха(л)». \Влодиме(р) боленъ\ Оному (ж) лежащю въ болести своей, услышавь братовь пріездь, въставъ и сЂде, и посла по брата. Онъ же пріиде къ нему и поклонися ему. Въло(ди)мер(ь) же нача въпрашати его о ТелебузЂ, како ся дЂяло в Ляхо(х), и куда выхо(д) его из Ляховь. Он(ь) же сказа ему все по ряду бывшее, и ины рЂчи многы повЂсти с ни(м).

Мьстислав(ь) же поѝде на подворіе, Въло(ди)мер(ь) же посла къ нему еп(с)кпа своего, съ Бор(ь)ко(м) и съ Оловян(ь)це(м), тако река: «Брате моѝ! На то тя, — р(ь)ци, — есмъ призвалъ, хочю с тобою ря(д) учинити о землю и о городы, и о княгини своей, и о се(м) дЂтяти; хочю и грамоты пописати».

Мьстислав(ь) же ре(ч) еп(с)кпу брата своего: «Г(с)дне, /758/ — р(ь)ци, — бра(т) мои! Я сего ци хотЂ(л), оже бы мнЂ искати твоея землЂ, по твоє(м) животЂ? Сего ни на ср(д)ци мое(м) не было, но рекь ми еси былъ, в Ляхо(х) коли есмы были с Телебугою и Алъгує(м), а бра(т) ми Левъ туто (ж) и сн̃овець мо(й) і Юріи, ты (ж), г(с)днъ моѝ и бра(т) мои, присла(л) къ мнЂ, тако река — Мьстиславе, даю ти зе(м)лю свою и городы по свое(м) животЂ».

Мьстислав(ь) же ре(ч) єп(с)кпу брата своего: «Г(с)дне! Р(ь)ци, брате, яко Бу̃ любо и тебЂ, аже хочешь грамоты писати, яко Бж̃ія воля и твоа». Єп(с)кпу (ж) прише(д)шю о(т) Мьстислава, повЂдаючи рЂ(ч) бра(т)ню, Въло(ді)мер(ь) же повелЂ писцу своему Ходор(ь)цю писати грамоты.


[Князя Володимера рукописаніе].

\Володиме(р) даетъ свое землЂ по смерти брату своему Мстиславу\ «Въ имя О(т)ц̃а и Сн̃а и ст̃го Дх̃а. Мл̃твами пр(с)тыа Бц̃а и Пр(с)нодв̃ы Мр̃іа и ст̃ы(х) аг̃глъ. Се азъ князь Воло(ди)меръ, сн̃ъ Васи(л)ковь, внукь Романовъ, даю землю свою всю и городы, по своє(м) животЂ, брату своему Мьстиславу, и сто(л)ныѝ своѝ горо(д) Воло(ди)меръ. Другую же грамоту написа(х) бра(т)у своему такую (ж). Хочю и еще княгини своеи писа(т) грамоту тако (ж).

Во имя О(т)ц̃а и Сн̃а и ст̃го Дх̃а. Мл̃твами пр(с)тыа Бц̃а и Пр(с)нодв̃ы М̃ріа и ст̃ы(х) агг̃лъ. \Володиме(р) пише(т) грамоты княгине свое(й)\ Се азъ князь Воло(ди)мерь, сн̃ъ Васи(л)ковь, внукь Романовъ, пишю грамоту: да(л) есмь княгини своей, по свое(м) животЂ, горо(д) свои Кобры(н), и з лю(д)ми и съ да(н)ю, я(к) при мнЂ даяли, тако и по мнЂ има(т) 1 даати княгини моей. Аже да(л) есмъ єй и село свое и Городло 2, из мыто(м), а лю(ді) яко на мя тягли 3, и тако и на княгиню мою по моє(м) животЂ. Аже буде(т) князю горо(д) рубити, и они /759/ къ городу, а поборо(м) и татарьщиною къ князю. А Садовое ей Сомино да(л) есмъ княгини своеи, и манастыръ своѝ Ап(с)лы, иже създа(х) своею силою. А село есмъ купи(л) Березовичи у Юрьевича у Давыдовича в Ходор(ь)ка, а да(л) єсмъ на не(м) 50 гриве(н) кунъ, а пя(т) локо(т) шар(ь)лату же брынЂ 4 дощатые, а тое село да(л) есмъ къ Ап(с)ло(м) (ж). А княги(н) моа, по мое(м) животЂ, аже въсхоще(т) в чер(ь)ници поѝти, поиде(т). Аже не въсхоще(т) ити, я(к) еи любо, мнЂ не въста(в)ши смотрЂти, што кто има(т) чинити по мое(м) животЂ».


По се(м) же посла Воло(ди)меръ къ бра(т)у, тако река: «Брате моѝ М(ь)стиславе! ЦЂлуѝ къ мнЂ кр(с)ть на то(м), како ти не о(т)ня(ти) ничего же о(т) княгини моея, по мое(м) животЂ, што есмь ей да(л), и о(т) сего дЂтища о(т) Изяславы а еже не о(т)дати ея неволе(ю) ни за кого (ж), но где буде(т) княгини моей любо, то ту(т) ю да(т) 5». Мьстислав(ь) же ре(ч): «Г(с)дне, — р(ь)ци, — брате! Не даѝ ми Бъ̃ того, аже бы мнЂ о(т)няти что по твое(м) животЂ у твоей княгини и у сего дЂтища, но даѝ ми Бъ̃ имЂти свою ятровъ яко до(с)[то]иную мт̃рь собЂ и чтити. А про сее дЂтя аже тако мо(л)вишь, абы ю Бъ̃ того дове(л) даѝ ми ю Бъ̃ о(т)да(ти), яко свою дъщеръ ро(ди)мую». И на то(м) цЂлова кр(с)ть. Се же ся дЂяше Θео(до)ровы не(д)ли.

Възе(м) ря(д) съ брато(м), поеха до Воло(ди)мера, и пріехавь у Воло(ди)мерь и еха въ еп(с)кпью къ ст̃о(й) Бц̃и: и съзва бояры въло(ди)мер(ь)скіа брата своего, и мЂстичЂ ру(с)и и нЂмци, и повелЂ пре(д) всЂми чести грамоту бра(т)ню, о(т)данье землЂ и всЂ(х) городовь и сто(л)ного города Въло(ди)мера; и слышаша вси о(т) мала и до велика. Єп(с)кпъ (ж) воло(ди)мер(ь)скіѝ Евсегеніи бл(с)ви Мьстислава кр(с)то(м) въз(д)виза(л)ны(м) /760/ на княженіе Воло(ди)мер(ь)ское, хотяше бо уже княжити въ Воло(ди)мири, но бра(т) ему не да, тако река: «Моглъ ол(ь)ны по мое(м) животЂ княжити». Мьстислав(ь) же пребывь неколико дн̃іѝ у Воло(ди)мери, и еха вь своа городы, в Луцескь и в Дубенъ, и въ ины городы, и(х) же не списахо(м) 6.



1 ать; 2 Городелъ; 3 страдалЂ; 4 бронЂ; 5 тутоть ю дати; 6 псахъ.



\Володимеръ охотникъ до лововъ\ Воло(ди)мер(ь) же пріеха из Раю в Любомль, ту (ж) и лежаше всю зиму въ болести своей, рос(ь)сылаа слугы своа на ловы. Бяше бо и са(м) ловець доборь и хороборь, николи (ж) къ вепреви, но къ медведеви не ж(д)аше слугь свои(х), а быша єму помогли, но скоро са(м) убиваше всякый звЂръ. ТЂ(м) же и прослу(л) бяше въ всеѝ земли, поне (ж) далъ бяше єму Бъ̃ васнь не токмо на одинЂ(х) ловЂ(х), но въ всемь, за его добро и правду. Но мы на пре(д)лежащее въз(ь)вратимся.

\Посо(л) о(т) Кондрата\ Настав(ь)шю (ж) лЂту, и услыша Кон(ь)драть князь Съмовитови(ч), бра(т) Въло(ди)меровь, аже да(л) зе(м)лю свою всю и городы, присла къ Воло(ди)мерю посолъ своѝ, река тако: «Г(с)дне брате моѝ! Ты (ж) ми бы(л) въ о(т)ц̃а мЂсто, како мя еси дръжа(л) по(д) своею рукою, своею мл(с)тію. Тобою есмь, г(с)дне, княжи(л) и городы своа дръжа(л), и братіи своей о(т)ялься есмь, и грозенъ бы(л). А нн̃Ђ, г(с)дне, слыша(л) єсмь, аже еси да(л) землю свою всю и городы бра(т)у своему Мьстиславу, а надЂюся на Бъ̃ и на тебе, абы ты, господи(н) моѝ, посла(л) свои(м) посло(м) 1 [с моимъ посломъ] къ брату моему Мьстиславу, абы мя, гн̃е, съ твоею мл(с)тію пріалъ бра(т) твоѝ по(д) свою руку, и стоя(л) бы за мя в(ь) мою обиду, како ты, г(с)нъ моѝ, стоялъ за мною въ мою обиду».



1 В Іп.: свой посолъ.



Въло(ди)мер(ь) же посла къ бра(т)у своему Мьстиславу, тако /761/ река: «Бра(те) моѝ! Са(м) вЂдаешь, како есмъ имЂ(л) брата мое(г) Кън(ь)драта, и чтилъ и дари(л), а во обиду его стоя(л) есмъ за ни(м), я(к) и за собою. Абы ты тако (ж), мене для, пріаль его съ любовію по(д) свою руку и стоя(л) за ни(м) в его зло». Мьстислав(ь) же обещася Въло(ди)меру, тако река: «Брате! Ра(д), тебе дЂля пріимаю съ любовію по(д) свою руку, а въ обиду его даѝ ми Бъ̃ голову свою зложи(т) за (н)[ь]». И по се(м) присла Мьстиславь к Воло(ди)меру, река ему: «ХотЂ(л) ся бы(х) и сняти съ Кон(ь)драто(м), а я ся докладываю Ба̃ и тебе, яко ми повелишь». Въло(ди)мер(ь) же ре(ч): «Съимися с ни(м)». Мъстислав(ь) же посла посо(л) свои къ Ко(н)дратови, река: «Хочю ся сняти с тобою, пріе(д) къ мнЂ». И пріеха посо(л) Мьстиславль, повЂдаа ре(ч) Мьстиславлю и Воло(ди)мерю. И възра(до)вася о се(м).

\Кондра(т) къ Мстиславу поЂха\ По се(м) поеха Кон(ь)дра(т) къ Мьстисла(в)у и пріеха въ Берестіѝ, и по се(м) пріеха в Любомль. ПовЂдаша Воло(ди)мерю слугы его, рекучи: «Бра(т) ти, г(с)дне, пріеха(л) Ко(н)дра(т)». Он(ь) же велЂ ему пріити къ собЂ. Кон(ь)дра(т) же пріѝде къ Воло(ди)мерю, иде же лежаше въ болести своей крЂпко стража. И въше(д) поклонися єму и плакася повелику, видя болесть его и уныніе тЂла его красного. ПовЂстив(ь) же съ брато(м) рЂчи многы, о ни(х) же пере(ди) списахо(м), и иде на подворіе. Воло(ди)мер(ь) же присла ему ко(н) своѝ добрыѝ. ОбЂдав(ь) же и поеха до Воло(ди)мера, из Воло(ди)мера (ж) поеха к Луц(ь)ку.

Бывшю (ж) єму в Луц(ь)ку, Мьстиславу (ж) не сущю ту, но бли(з) города нЂ в коє(м) мЂстЂ, имене(м) в(ь) Гаѝ. МЂсто (ж) то бяше красно виденіе(м) и устроен(ь)но раз(ь)личными хоромы, /762/ цр̃кви же бяше в не(м) пре(ди)вна, красотою сіающи. ТЂ(м) же уго(д)но бы(с)[ть] князю пребывати в не(м). И поеха Кон(ь)дра(т) из(ь) Луц(ь)ка в(ь) Гаѝ. Мьстислав(ь) же срЂте и съ бояры своими и слугами, и прія и съ ч(с)тію и любовію по(д) свою руку, по братню слову по Воло(ди)мереву, тако река: «Како тя имЂ(л) бра(т) моѝ и чти(л) и дари(л), а мнЂ даѝ Бъ̃ тако (ж) имЂти тя, и ч(с)тити и дарити, и стоати за тобою въ твою обиду». И по се(м) начаша веселитися. Мьстислав(ь) же одари Къндрата ко(н)ми красными и в сЂдлЂ(х) дивны(х), и пор(ь)ты дорогыми, и ины дары многы въда ему, и тако о(т)пусти съ ч(с)тію.

По о(т)здЂ (ж) Кон(ь)драто†из Любомля, пригна Ярта(к) ля(х) из Люблина, и повЂда(ш) Въло(ди)мерови: «Яр(ь)та(к) пріеха(л)». И не велЂша ему пере(д) ся, и ре(ч) княгини своей, иже роспроси его, с чи(м) пріеха(л). Княгини (ж) посла по (н)[ь], он(ь) же пріиде вбор(ь)зЂ, и нача въспрошати его: «Кня(з) ти мо(л)ви(т), с чи(м) еси пріеха(л), повЂ(ж)». \Володиме(р) сжалися\ О(н) же начаша повЂдати: «Кня(з) Лестько мр̃твъ». Въло(ди)ме(р) же съжаливси росплака(с) по не(м). «А прислали мя любли(н)ци, хотя(т) князя Ко(н)драта княжити въ КраковЂ, а набор(ь)зЂ хочю наѝти Кон(ь)драта, гдЂ буде(т)». Княгини (ж) въше(д)ши повЂда рЂ(ч) Ярьтакову. Въло(ди)мер(ь) же велЂ да(т) подо (н)[ь] конЂ: его конЂ бо постали 1 бяху. И погна в(ь)борзЂ, и наѝде и у Воло(ди)мери, и нача повЂдати 2 Ко(н)дратови: «Кня(з) Лест(ь)ко мр̃твь, а прислали мя любли(н)ци. Поє(д) княжи(т) к на(м) до Кракова». Кон(ь)дра(т) же възве(с)лися ср(д)це(м) и възра(до)вася дш̃ею о кня(ж)ніи Краков(ь)ско(м). И поеха въбор(ь)зЂ, и пріеха в Любомль: хотяше бо повЂстити 3 съ брато(м) /763/ о то(м), абы како ему погада(л).



1 пристали; 2 молвити; 3 посЂдЂти.



Воло(ди)мер(ь) же не велЂ ему к собЂ пріити, но ре(ч) княгини своей: «Иди (ж), повЂсти с ни(м), да о(т)ря(ди), ать поєде(т) про(ч), а у мене ему нЂшто дЂяти». Княгини (ж) въше(д)ши повЂда ре(ч) Ко(н)дратову: «Бра(т) ти, г(с)дне, мо(л)ви(т): пошли съ мною своего Дунаа, ать ми ч(с)тно».

И поеха въбор(ь)зЂ к Люблину.

Пріехавшю (ж) ему к Люблину, и запроша ляхове горо(д), а Кондрата не пустиша к собЂ. \Кондрата не пустиша\ И ста Кондра(т) на горЂ у мниховь и посла к горожано(м), такь река: «На что мя есте привели, та нинЂ горо(д) пре(д) мною есте затворили?» Горожане (ж) рекоша. «Мы тебе ни привели, ни слали по тебе, но голова на(м) Краковь, тамо (ж) воеводы наша и бояре велиціи. Аже имешь княжЂ(т) въ КраковЂ, то мы готовы твои».

По се(м) же повЂдаша Кондратови, аж ра(т) иде(т) к городу, — творяху(т) бо ра(т) литов(ь)скую, и пополо(ши)шася. И в(ь)бЂже Ко(н)дра(т) въ сто(л)пъ къ мнихо(м), съ бояры своими и съ слугами, и Дунаѝ Воло(ди)меровъ с ними. Рати же прише(д)ши къ городу и познаша, аже руская ра(т). Кон(ь)дра(т) же въспроси ратны(х): «Кто є(с)[ть] воевода в сеѝ рати?» \Юри(й) Лвовичь хочеть Люблина\ Они (ж) повЂдаху: «Кня(з) Юріи Л(ь)вови(ч). Хотяше бо собЂ Люблина и землЂ Любли(н)ское».

И пріеха Юріи къ городу. Горожане же не подаша ему города, но и пристроиваху(с) крЂп(ь)ко на бой. Юріи же позна лесть и(х). ОнЂ(м) же мо(л)вящи(м): «Княже! Лихо ездишь, ра(т) с тобою мала. Пріеду(т) ляхове мнози, съро(м) ти буде(т) вели(к)». Юріи же, слышавь си словеса о(т) ни(х) роспусти дружину свою воева(т), и взяша полона много, а жита пож(ь)гоша и села, и не оста[ся] ни в лЂсе(х), но все по(ж)жено /764/ бы(с)[ть] ратными. И тако възвратиша(с) въсвоаси съ мно(ж)ство(м) полона и челя(ди) и скота и конеѝ. А Кон(ь)дра(т) поеха въсвоаси, възе(м) събЂ съро(м) вели(к): лЂп(ь)ше бы не живь бы(л).

По сем(ь) же мяте(ж) бы(с)[ть] вели(к) въ земли Ля(д)скоѝ.

\Посо(л) о(т) Юрия Лвовича\ [Въ лЂто 6796 (1288).] Бы(с)[ть] же по се(м) минув(ь)ши(м) не по колице(м) д̃не(м) присла Юріи Л(ь)вови(ч) посолъ своѝ къ стрыеви своему князю Воло(ди)меру, река ему: «Г(с)дне, стрыю моѝ! Бъ̃ вЂдае(т) и ты, како ти есмь служи(л) съ всею правдою своею, имЂ(л) тя есмь яко о(т)ц̃а собЂ, абы тобЂ съжалилося моея слу(ж)бы. А нн̃Ђ, г(с)дне, о(т)ц̃ъ моѝ присла(л) къ мнЂ, о(т)нимае(т) у мене городы, что ми бы(л) да(л), Бе(л)зъ, и Черъве(н), и Хол(ь)мъ, вели(т) ми быти в Доро(ги)чинЂ и в Ме(л)ницЂ. Я бію чело(м) Бу̃ и тобЂ, стрыеви своему, даѝ ми, г(с)дне, Берестіи, и то бы ми спол[н]у было». Въло(ди)мер(ь) же рече послу: «Сн̃овче, — р(ь)ци, — не да(м), вЂдаешь са(м), иже я не дво(ю) рЂчю, ни я пакь ло(ж) былъ, а Бъ̃ вЂдае(т) и вся по(д)нб(с)наа, не могу порушити ряду, что есмъ доко(н)ча(л) съ брато(м) свои(м) Мьстиславо(м). Да(л) есмь ему зе(м)лю всю свою и городы, и грамоты есми пописа(л)». С тыми словы о(т)ря(ди) послы сн̃овца своего.

По се(м) же посла Воло(ди)меръ слугу своего, доброго, вЂр(ь)ного, имене(м) Рачьшю къ бра(т)у своему Мьстиславу, та(к) река: «Мо(л)ви брату моему: присла(л), — рци, — къ мнЂ сн̃овець моѝ Юріѝ, проси(т) у мене Берестіа, азъ же ему не да(л) ни града, ни села, а ты, — р(ь)ци, — не даваѝ ничего (ж)». И взе(м) соломы в руку о(т) постеля своея, ре(ч): «Хотя бы(х) ти, — р(ь)ци, — брате мо(й), то(т) вЂхо(т) соломы да(л), и того не даваѝ по моє(м) животЂ никому (ж)». Ра(ч)ша (ж) изнаѝде Мьстислава въ Сто(ж)ци, и сказа /765/ єму рЂ(ч) бра(т)ню. Мьстислав(ь) же удари чело(м) противу слово(м) брата своего, ре(к): «Ты (ж) ми бра(т), ты (ж) ми о(т)ц̃ъ мои Данило коро(л), иже мя еси пріалъ по(д) свои руци. А что ми велишь, а я ра(д), г(с)дне, тебе слушаю». Ра(ч)шю (ж) одари(л) о(т)пусти, и пріехавь сказа все по ряду Воло(ди)меру.

Пото(м) [же] присла к Воло(ди)меру Левъ еп(с)кпа своего перемышльского имене(м) Мемнона. Слугы (ж) его повЂдаша ему: «Вл(д)ка, г(с)дне, пріеха(л)». Он(ь) же ре(ч): «Къторыѝ вл(д)ка?» Они (ж) повЂдаша: «Перемышльскый, езди(т) о(т) брата о(т) Льва». Въло(ди)мер(ь) же бЂ уразумЂа древняа и задняа, на что пріеха(л), посла по него. Он(ь) же увоѝде къ нему и поклонися ему до землЂ, река: «Бра(т) ти ся кланяє(т)». И велЂ ему сЂсти. \Воло(ди)меръ к[нязь] члове(к) уче(н) и м(д)ръ\ И нача посо(л)ство правити: «Бра(т) ти, г(с)дне, мо(л)ви(т): стрыb̀ твои Данило коро(л), а моѝ о(т)ц̃ъ лежи(т) в Хо(л)мЂ у ст̃оа Бц̃а, и сн̃ове его и братіа моя и твоа, Рома(н) и Швар(ь)но, всЂ(х) кости ту(т) лежа(т), а нн̃Ђ, брате, слыши(м) твою немо(ч) великую, а[бы] ты, бра(т) моѝ, не загаси(л) свЂчи на(д) гробо(м) стрыа своего и братіи своея, абы да(л) горо(д) своѝ Берестіи — то бы была свЂща твоя». \И отвЂ(т) его\ Въло(ди)мер(ь) же бЂ разумЂа при(т)чЂ и ты(х) много словъ А, и повЂстивь съ еп(с)по(м) много о(т) кни(г), зане бы(с)[ть] книжни(к) великь и филосо(θ), якого (ж) не бы(с)[ть] въ всеѝ зе(м)ли и ни по не(м) не буде(т). И ре(ч) еп(с)кпу: «Брате, — р(ь)ци, — Л(ь)ве княже! И ци без ума мя твори(ш), аже бы(х) не ра(з)умЂ(л) сеа хитрости? Ци мала ти, — р(ь)ци, — своа земля, аже Берестіа хочешь, а са(м) дръжа княженіа три: /766/ Галиц(ь)кое, Перемышльское, Бел(ь)зъское, да нЂту(т) ти сыти! А се пакь моѝ и, — рци, — о(т)ц̃ъ, а твоѝ стрыѝ, лежи(т) въ еп(с)кпъи у ст̃оа Бц̃и у Воло(ди)мери, а много (л) еси на(д) ни(м) свЂ(ч) поставля(л)? Что еси далъ которы(и) горо(д), а бы то свЂча была? Аже, — р(ь)ци, — просиль еси живыми, а уже па[кь] мр̃твыми просишь, не да(м) не, — ре(к), — города, но ни села не возмешь у мене. РозумЂю я твою хитрость, не да(м)!» Въло(ди)меръ же, одаривъ вл(д)ку, о(т)пусти, зане бы(с)[ть] не бывалъ у него николи (ж).



А В Іп.: и темно слово.



\БолЂзнь Володимерова\ Князю же Въло(ди)меру [Васильковичю великому] лежащю в болести своей по(л)но 4 лЂ(т), болезнь же его сице скаже(м).

Нача ему гнити исподняа устна, пръвого лЂта мало, на другое и на третіе бо(л)ма почя гни(ти). И еще (ж) ему не ве(л)ми бо(л)ну сущю, но [ходяшеть и] ездяше на кони, ког(д)а хотяше.

И розда убогы(м) имЂніе свое все: злато и сребро, и каменіе драгое, и поясы золотыє о(т)ц̃а своего и сребряные свое, иже бЂ по о(т)ц̃и своє(м) стяжа(л), все розда. И блюда великаа сребряныє, и куб(ь)кы златые и сребряные, са(м) пре(д) своима очима поби и поліа у 1 гривны. \Володимеръ\ И мониста великаа золотаа бабы своея и мт̃ре своея все поліа, и розосла мл(с)тыню по всеѝ зе(м)ли, и стада розда убогы(м) люде(м), и у кого то коня нЂ(т) и тЂ(м), иже [к]то погибли в Те(л)бужину ра(т).

Къ сему (ж) кто исповЂсть многые твои и нощныа 2 мл(с)тыня и дивныа щедроты, я(ж) къ убогы(м) творяше, и къ /767/ сирота(м) и къ болящи(м), къ вдова(м) и кь жадны(м)? ВсЂмь творяше мл(с)ть требующи(м) мл(с)ти. Слыша(л) бо бЂ гл̃ъ 3 гн̃ь къ Навходоносору цр̃у: «съвЂ(т) моѝ да буде(т) ти вгоде(н), и неправды твоа ще(д)ротами нищи(х)», єже слыша ты(и), о честниче, дЂло(м) ско(н)ча слышаное, просящи(м) подаа, нагыа одЂваа, жад(ь)ныа и альч(ь)ныа насыщаа, болящи(м) всяко утЂшеніе посылаа, длъжныа искупаа, работныа свобождаа. Твоя бо щедроты и мл(с)тыня и нн̃Ђ въ чл̃це(х) поминаемы су(т), паче же пре(д) Бг̃о(м) и агг̃елы его. Ея же ра(ди) добропрелюбныа Бг̃о(м) мл(с)тыня [и] многодръзновеніе имЂеши къ не(му), яко присныѝ рабъ Хв̃ъ. Помагае(т) ми словесы рекыѝ: «мл(с)ть хвалится на су(дЂ), мл(с)тыни мужу яко печа(ти) с ни(м)». ВЂрнЂе же самого Га̃ гл̃ъ: «блж̃ени мл(с)тиви(и) я(к) ти(и) помл̃овани буду(т)». Иное же яснЂе и вЂр(ь)нЂе послушество приведе(м) о(т) тебе о(т) Ст̃ы(х) Писаніи, ре(ч)н(ь)ное Іаково(м) ап(с)ло(м) яко: «Обративыи грЂшника о(т) заблуженіа пути его, сп̃се(т) дш̃ю и покрые(т) мно(ж)ство грЂховь». Тъ(й) же и цр̃кви многы Хв̃ы поставль и служителя его въве(д), по(до)бниче великого Костя(н)тина, равноумне, равнохр(с)тосолюбець, равночтителю служителе(м) его. Онъ съ ст̃ыми о(т)ц̃и Никеѝскаго събора зако(н) чл̃ко(м) полагаше: ты (ж) съ еп(с)кпы и игумены снимаася чясто, съ многы(м) смиреніе(м), много бесЂдоваше о(т) книгь о житіи свЂта сего тлЂн(ь)наго. Но мы на пре(д)лежащее въз(ь)вратимся.



1 въ. В Остр. списку въ надписано над у іншим почерком; 2 нещадныя; 3 глась.



Исходящю (ж)е 4-му лЂту и наставши зЂмЂ, и нача бо(л)ма немочи. Опада є(му) /768/ все мясо съ брады, и зубы исподніи выгниша вси, и челюсть бороднаа перегни. Съ(й) же бы(с)[ть] вторыѝ Іевъ. \Володиме(р) пошелъ в церко(в)\ И въніиде въ цр̃квъ ст̃ого и великого мч̃ника Хв̃а Гео(р)гіа, хотя взяти причастіе у о(т)ц̃а своего дх̃овного. И въніиде въ о(л)таръ малыѝ, иде же ереѝ съвлачаху ризы своя, ту бо бяше ему обычаи всег(д)а ставати, и сЂде на сто(л)ци, зане не можаше стоати о(т) немочи, и въздевь руци на нб̃о моляшеся съ слъзами, гл̃я: «Вл(д)ко Ги̃ Бе̃ моѝ! Призри на немощь мою и виж(д)ь смиреніе мое, одръжащаа мя нн̃Ђ, на тя бо уповаа тръплю, и о всЂ(х) си(х) бл̃годару тя, Ги̃ [Боже]: бл̃гаа прія(х) о(т) тебе въ животЂ мое(м), то злы(х) ли не могу тръпЂти? Яко дръжа†твоей годЂ, тако и бы(с)[ть], яко смири(л) еси дш̃ю мою, и въ цр(с)твіи твое(м) причастника мя сътвори, мл̃твами прч(с)тыа твоея Мт̃ре, пр(о)ркъ ап(с)лъ и мч̃никь и всЂ(х) преподобны(х) ст̃ы(х) оц̃ъ, яко (ж) и тіи постра(д)в(ь)ше и угожь(д)ше тебЂ, искушени быша о(т) діавола, яко злато въ грънилЂ, и(х) же мл̃твами, Ги̃, избран(ь)но(м) твое(м) стадЂ съ десны(ми) мя овцами причти». \Приходи(т) из церкве Володиме(р)\ Прише(д)шю же ему о(т) цр̃кви и леже, и по то(м) не выхо(ди) 1 вонь, но бо(л)ма нача изнемога(ти).



1 вылазя.



И о(т)пада ему мясо все съ бороды, кость боро(д)наа перегнила бяше, и бы(с)[ть] выдЂти и горта(н). И не въкуша по 7 неде(л) ничто (ж), раз†одиное воды, и тое (ж) поскуду. И бы(с)[ть] в че[тверо](к) на но(ч) поча изнемогати, и яко бы(с)[ть] в куры, и позна в собЂ дх̃ь изнемагающь ко исходу дш̃и; и възрЂвь на н̃бо и въздавь хвалу Бу̃, гл̃я: «Бесм̃ртныѝ Бе̃! Хвалю тебе о все(м): цр̃ъ бо еси всЂ(м). Ты еди(н) въисти(н)ну /769/ подаа всеѝ твари все бога(т)ство и(м) и наслаженіе. Ты бо сътворивь мира сего, ты съблюдаеши, ожидаа дш̃а, я(ж) посла, да добру жизнь жив(ь)ши(м) почтеши яко Бъ̃, а еже не покорив(ь)шюся твои(м) заповЂде(м) предаси суду. Весь бо су(д) праведны(м) о(т) тебе и бесконечна жизна о(т) тебе, блг(д)атію своею вся милуеши притЂкающаа к тебЂ». И кончавь мл̃тву, въздЂвъ руци на н̃бо, и предасть дш̃ю свою въ руци Бж̃іи, и приложися къ о(т)ц̃мъ свои(м) и дЂдо(м) свои(м), о(т)давь об(ь)щіи длъгь, єго (ж) нЂ(с)[ть] убежати всякому ро(ж)ному. \Умре Володимеръ. Престави(с) Володиме(р). 1289\ Свитающю (ж) пя(т)ку, и тако преставися бл̃говЂр(ь)ныѝ и хр(с)толюбивыѝ, великыѝ кня(з) Воло(ди)меръ, сн̃ъ Васи(л)ковъ, вну(к) Романовь кня(жив) по о(т)ц̃и 20 лЂ(т). Преставленіе же его бы(с)[ть] в Любомли городЂ, в лЂ(т) 6797, м(с)ца декабря в 10 дн̃ь, на ст̃го о(т)ц̃а Мины. Княгини (ж) его съ слугами двор(ь)ными омыв(ь)ше его, и увиша его оксамито(м) съ круживо(м), яко (ж) до(с)ить цр̃е(м), и возложивше его на сани и повезоша его до Воло(ди)меря. \Горожане по Володимере плачутъ\ Горожане же о(т) мала и до велика, мужи и жены и дЂти, съ плаче(м) великы(м) прово(ди)ша своего г(с)дна.

Приве(з)ше же у Воло(ди)мерь въ еп(с)кпью къ ст̃Ђи Бц̃и, и тако поставиша его на сане(х) въ цр̃кви, зане бы(с)[ть] поз(д)но. Того (ж) ве(ч)ра по всему городу увЂдана бы(с)[ть] см̃рть княжа.

Нау(т)ріа же, по о(т)пЂтіи зау(т)ренЂ, пріиде княгини его и сестра ему Ол(ь)га и княгини Олена чер(ь)ница, съ плаче(м) великы(м) пріидоша, и весь горо(д) съидеся, и бояре всЂ старіи и молодіи плакаху(с) на(д) ни(м). И еп(с)кпъ же воло(ди)мер(ь)скіѝ Євсегьніи́, /770/ и вси игумени, и Огапи(д), Печер(ь)скыи игуме(н), и попове всего города, пЂвше на(д) ни(м) обы(ч)ныа пЂ(с)ни, \ПЂсни обычныя\ и прово(ди)ша съ бг̃охва(л)ными пЂ(с)ни и ка(ди)лы добровон(ь)ными и положиша тЂло его въ отнЂ гробЂ; и плакаша(с) по не(м) воло(ди)мер(ь)ци, поминающи его добросръдіе до себе. Паче и слугы его плакахуся по не(м), слъзами обливающи лице свое, и послЂ(д)нюю слу(ж)бу сътворше ему, опрятав(ь)ше тЂло его, въложиша и въ гробъ, м(с)ца декабря 11 дн̃ь, на памя(т) ст̃го Данила Стлъпника [в суботу].

\Пла(ч) княгининъ по мужи\ Княгини (ж) его беспрестани плакаху(с), пре(д)стоящи у гроба, слезы о(т) себе изливающе яко воду, сице въпіюще, глаголаше: «Цр̃ю моѝ бл̃гыѝ, кроткыи, смирен(ь)ныи, прав(д)ивыѝ! Въистинну наре(ч)но бы(с)[ть] тобЂ имя въ кр(с)щеніѝ Іоаннъ, всею добродЂтелію по(до)бе(н) еси ему. Многыа досады пріемь о(т) свои(х) сродникь. Не видЂ(х) [тя], г(с)дне мо(й), николи (ж) противу и(х) злу никоторого (ж) зла въздающа, но на Бз̃Ђ вся покладывая провожаше». Наѝпаче плакаху(с) по не(м) лЂп(ь)шіи мужи воло(ди)мер(ь)стіи, реку(че): «Добро бы на(м), г(с)дне, с тобою умрети, сътвор(ь)шему толику свободу, яко же и дЂ(д) твоѝ Рома(н) свободи(л) бяше о(т) всЂ(х) бЂ(д) 1. Ты (ж) бяше, гд̃не, сему поревнова(л), и наслЂди(л) пу(т) дЂда своего. Нн̃Ђ же, гн̃е, к тому не може(м) тебе узрЂти, уже бо слн̃це наше заѝде на(м) и въ обидЂ всЂ(х) остахо(м)».

\По Володимере все плачу(т)\ И тако пла[ка]вшеся над ни(м) все мно(ж)ство въло(ди)мер(ь)цевъ, мужи и жены и дЂти, съ нЂмци, и сърож(ь)ци, и новогоро(д)ци, и жидове плакахуся яко въ возятіи Иєр(с)лму, ег(д)а ведяху и(х) в полонь /771/ вавvло(н)скыѝ, и нищіи и вбозіи, и чер(ь)нори(з)ци и чер(ь)ници. БЂ бо мл(с)тивь на вся нищаа.

Съ(й) [же] бл̃говЂр(ь)ныѝ князь Воло(ди)мерь възрасто(м) бЂ высо(к), плечима вели(к), лице(м) красе(н), волосы имЂа же(л)ты кудрявы, бороду стригіи, рукы (ж) имЂ кра(с)ны и ногы. РЂ(ч) же бЂ в не(м) тлъста и устна испо(д)няа дебела, гл̃аше ясно о(т) кни(г), зане бы(с)[ть] филосо(θ) вели(к), и ловець хитръ и хороборь, кротокь, смиренъ, незлобивь, правдивь, не мьз(д)оємець, не л(ь)живъ, та(т)бы ненавидя, питіа же не пи о(т) възраста своего. Любов(ь) же имЂаше къ всЂ(м), паче (ж) и къ братіи своей, въ кр(с)тно(м) же цЂлованіи стоаше съ всею правдою истинною, нелицемЂр(ь)ною. Страха (ж) Бж̃іа напол(ь)не(н), паче же мл(с)тини прилежаше, манастырЂ набдя, \Трезво(ст) Воло(ди)мерова\ чер(ь)ньци утешаа и вся игумены съ любовію пріимаа. И монастырЂ многы съз(д)а на ве(с) цр̃ковныѝ чи(н) и на цръковникы о(т)връзлъ ему бяше Бъ̃ ср̃дце и очи. Иже не помрачи своего ума піаньство(м), кор(ь)мите(л) бо бяше чръньце(м) и чер(ь)ница(м), и убогы(м), и всякому чину яко възлюблен(ь)ныѝ оц̃ъ бяше, паче (ж) мл(с)тиною бяше мл(с)тивь. Слыша г̃а гл̃юща: аще сътворите бра(т)и моей ме(н)шеѝ, то мнЂ сътворите. И пакы Дв̃дь гл̃ть: «бл̃же(н) мужь милуа и дая ве(с) дн̃ь, где ся не пот(ь)кне(т)» 2.



1 обидъ, 2 о ГосподЂ не потъкнеться.



Му(ж)ство и у(м) в не(м) живяше, правда (ж) и истин(ь)на с ни(м) хо(ди)ста, и иного добродЂяніа много в не(м) бяше. Гор(ь)дости (ж) в не(м) не бяше, зане уничижен(ь)на бы(с)[ть] гор(ь)дость пре(д) Бг̃о(м) и чл̃кы: но всег(д)а смиряше обра(з) своѝ, съ/772/крушен(ь)но(м) ср(д)це(м) и въз(д)ыханіе о(т) ср(д)ца износя и слезы о(т) очію испущаа, покааніе Дв̃дво пріимаа, плачася о грЂсЂ(х) свои(х), възлюбивь нетлЂннаа па(ч) тле(н)ны(х), и нб(с)наа па(ч) временны(х), и цр(с)тво съ ст̃ыми у Вседръжителя Ба̃ па(ч) претекуща(г) сего цр(с)тва земна(г). И ч(с)ти тя объщ(ь)ника Гь̃ на нб̃сЂ(х) спо(до)би, бл̃говЂріа твоего ра(ди), еже имЂ въ животЂ свое(м). Добръ послу(х) бл̃говЂрію твоему оби[те](л)ниче ст̃аа цр̃кви ст̃аа Бц̃а Мр̃іа, юже съз(д)а прадЂ(д) твоѝ на правовЂр(ь)ноѝ основЂ, иде же и мужествен(ь)ное твое тЂло лежи(т), жда трубы ар(ь)хагг̃ловы. Добръ зЂло послу(х) бра(т) твоѝ Мьстиславь, его же сътвори Гь̃ намЂстни(к) по тобЂ твое(м) вл(д)чьству, не рушаща твои(х) уста(в), но утвръжающа, ни умаляюща твоему бл̃говЂрію положеніа, но па(ч) прилагающа, не казя, но вчиняюща; и иже неско(н)чан(ь)наа твоа учиняюща, яко Соломо(н) Дв̃да, иже до(м) бж̃іи великыѝ ст̃ыѝ є(г)[о] мудрости създа, на ст̃ость и на очищеніе гра(д)у твоему. Юже всякою красотою украси, злато(м) и сребро(м), и каменіе(м) драгы(м), и съсуды ч(с)тными, яже цр̃кви дивна и славна всЂ(м) окружны(м) сторона(м), яка же ина не обращется въ все(м) полунощи(й) земля, о(т) востока и до запада. И славныѝ горо(д) твои Въло(ди)меръ величество(м) яко венец обложе(н). Преда лю(ди) твоа и горо(д) ст̃Ђѝ и славнЂѝ и скорЂѝ на помощь хр(с)тіано(м) ст̃Ђѝ Бц̃и. Да еже целованіе ар(ь)хагг̃лово дасть Бц̃и, буде(т) и городу сему; /773/ ко оноѝ бо [рече:] «Ра(д)уися, обрадован(ь)наа, Гь̃ съ тобою!», къ городу (ж): «Ра(д)уйся, бл̃говЂр(ь)ныѝ городе, Гь̃ с тобою!»

\По(х)вала\ Въстани о(т) гроба твоего, о ч(с)тнаа главо, въстани! О(т)тряси со(н), нЂси бо умрълъ, но спи(ш) до обьщего въстаніа! Въстани, нЂси бо умръль! НЂ(с)[ть] бо ти умрети лЂпо, вЂровав(ь)шю въ Ха̃, всему миру Живодав(ь)ца. О(т)ряси со(н), възве(ди) очи! Да ви(ди)ши, какоа ти ч[ес]ти Гь̃ тамо спо(до)бивь, и на земли не бе(з)памя(т)но остави(л) брато(м) твои(м) Мьстиславо(м). Въстани, до 1 брата своего, красящаго сто(л) земли твоея *.

К(ъ) нему (ж) ви(ж) и бл̃говЂрную свою княгиню, како бл̃говЂріе дръжи(т) по приданію твоему, како поклоня[е]тся имени твоему. Виде же, яко аще не тЂло(м), но дх̃о(м) показае(т) ти Гь̃ вся си, яко твое вЂр(ь)ное въсЂаніе не исушено бы(с)[ть] зное(м) невЂріа, но дъ(ж)че(м) Бж̃іа поспЂшеніа распложено бы(с)[ть] многопло(д)нЂ.

Ра(д)уйся, учителю нашь и настав(ь)ниче бл̃говЂріа! Ты прав(д)ою бЂ оболоче(н), крЂпостію юже препоясань и мл(с)тыне(ю) яко гривною утварью златою украсуяся, истин(ь)ною обви(т), смысло(м) вЂнча(н)! Ты бЂ, о ч(с)тнаа глава, нагы(м) одЂяніе, ты бЂ ал(ь)чющи(м) кръмите(л) и жажющи(м) въ утробЂ 2 оглаженіе 3, вдовица(м) помощ(ь)ни(к), странны(м) покоище, беспокровны(м) покро(в), обидимы(м) заступни(к), обогатеніе убогы(м), стран(ь)но пріемникь; им(ь) же бл̃гы(м) дЂло(м) и нн̃Ђ 4 възмездіе пріемля на нб̃сЂ(х) бл̃гаа, [я]же уготова Бъ̃ любящи(м) О(т)ц̃а и Сн̃а и Ст̃го Дх̃а.



1 видь; 2 вьртьнЂ; 3 оглашение; 4 инЂмь.

* Далі фрагменти текстів Іп. та Остр. списків розташовані в різному порядку. Так, в Іп. сп. в похвалу вміщено текст, поданий в цьому списку нижче.



\Да(н) на берестя(н) уставленаа о(т) Мстисла(ва), брата Воло(ди)мерова\ Се азъ кня(з) Мьстиславъ, /774/ сынъ королевь, внукъ Романовъ, уставляю ловчіе на берестіаны и у вЂкы, за и(х) коромолу: съ ста по д†локнЂ меду, а по д†овци, по пя(т)надесятъ деся(т)ковь и л(ь)ну, а по сто хлЂбовъ, а по пяти цебро(в) овса, а по пяти цебровь рьжи, а по 20 куровь, а по то(л)ку съ всякого ста, а на горожане(х) 4 гривны ку(н), а кто мое слово поруши(т), а стане(т) съ мною пре(д) Бг̃о(м). А вписа(л) есмь в лЂтописець коромолу и(х). И утвер(ь)ди(в) же засаду въ Берестіи и поеха до Воло(ди)меря, прієхавшю (ж) ему у Воло(ди)мерь, и съехаша(с) къ нему бояре єго старіи и молодіи, бесчислен(ь)ное мно(ж)ство. Тогда (ж) пріехалъ бяше Кон(ь)дра(т) кня(з) Съмовитови(ч).

\М(ь)стиславъ потра... и зо всЂ(ми) миръ\ Князь же Мьстиславь сЂде на столЂ брата свое(г) Воло(ди)меря, на самыѝ великьдн̃ь, в лЂ(т)о 6797 м(с)ца апри(л) 10 дн̃ь, и нача княжитЂ по братЂ своє(м), правдолюбіе(м) свЂтя(с) къ всеѝ братіи своей и къ бояро(м) и къ просты(м) люде(м). И бы(с)[ть] радо(с)[ть] велика люде(м) тог(д)а: се въскр(с)ніе Гн̃е, а се княже сЂденіе. Миръ дръжа съ око(л)нымы сторонами, с ляхи и с нЂм(ь)ци и с литвою, одръжа зе(м)лю свою величество(м) о(л)ны по Татары, а сЂмо по Ляхы и по Литву.

\Будики(д) и Буиви(д)— к[нязи] лито(в)ские\ Тогда (ж) литов(ь)скыѝ князь Бу(ди)кидь и бра(т) его Буѝвидь даша князю Мьстиславу горо(д) своѝ Волковыескь, абы с ними мирь дръжа(л). Тогда (ж) пріеха Кон(ь)дратъ князь Съмовитови(ч) къ Мьстиславу, прося собЂ помочи на ляхы, поѝти хотя на княженіе Судомир(ь)ское. Мьстислав(ь) же обеща ему, а Ко(н)драта /775/ одари и бояры его всЂ и о(т)пусти и, ре(к) ему: «Ты поє(д), а я по тобЂ пошлю ра(т) свою». \Ко(н)дра(т) Съмовитови(ч) Мстиславомъ поставле(н) на па(н)ство в Судомиру\ Кондратови (ж) поЂха(в)шю, Мьстислав(ь) же съвокупи ра(т) свою, посла ю, нарекь Чю(ди)на воеводу; и тако сЂде Ко(н)дра(т) кня(з) в Судомирю князе(м) Мьстиславо(м), сн̃о(м) королевы(м), и его помо(ч)ю.

\Болесла(в) по Ле(ст)ку в КраковЂ\ По Лестьку (ж) сЂде въ Крако†Болесла(в) Сомовитови(ч), бра(т) Ко(н)дратовь. И прише(д) Ин(ь)дрихъ, князь вро(т)слав(ь)скыѝ и выгнаша его хотя са(м) княжити. Болеслав же съвокупи(в) [рать свою и] братію свою Ко(н)драта и Локо(т)ка, поѝдоша на Адриха къ Кракову. \Индри(х) вро(т)сла(в)скіи с Кракова выеха(л), остави(в) нЂмцо(в) свои(х)\ Ин(ь)дри(х) же не стер(ь)пЂвь прихода и(х), выеха вонъ до Въро(т)славля, а засаду свою поса(ди) въ КраковЂ: нЂ(м)ци, лу(ч)шіе свои мужи, обеща(л)ся и(м) дары велики(ми) и волостьми, а самЂ(х) води къ кр(с)ту, како бы не передати горо(д) Болеславу. Они же цЂловаша кр(с)ть, рекуще: «Може(м) и головы своа сложити за тя, а не передамы [города]». Ин(ь)дри(х) же и кор(ь)мъ и(м) остави до изоби(л)я. \Болесла(в) з(ь) бра(т)ею в(ъ)еха(л) в Крако(в) але замку нЂ(м)цЂ бороня(т) крЂпко\ Болеславу (ж) прише(д)шю съ бра(т)ею своею, и въеха въ мЂсто, а в горо(д) нЂ л(ь)зЂ бы(с)[ть] въехати ратны(м), зане бороняху 1 крЂп(ь)ко из него порокы и самострЂлы. ТЂ(м) же и не мощ(ь)но бы(с)[ть] приступи(ти) къ нему. И сташа вода(л) 2 города, изьедаючи села. И бы(с)[ть] еха въ зажи(т)е єдиною возда(л) о(т) города. МЂстичи же не воеваху(с) 3 по Болесла†съ горожаны, но рекоша: «Кто сяде(т) княжити въ КраковЂ, то на(ш) князь». \Краковяне жду(т) хто зможе(т)\ И стояша [у города] лЂто цЂло, біющеся в города, и не в(ь)спЂв(ь)ше в(ъ) него ничто (ж).

\К[нязь] Ле(в) на помо(ч) Болеславу. Ко(н)дра(т) и Локотко и Болесла(в) — братіа\ Того (ж) лЂта кня(з) Левъ, /776/ братъ Мьстиславовь, сн̃ъ королевъ, внукь Романо(в) са(м) иде в помо(ч) Болеславу. Прише(д)шю же ему къ Кракову, ра(д) бы(с)[ть] ему Болеславь, и Ко(н)дра(т) и Локо(т)ко, яко о(т)ц̃у своему: зане бы(с)[ть] Левъ князь мудрыѝ 4, и хороборъ, и крЂпокъ на рати, не мало бо показа му(ж)ство свое въ многы(х) рате(х).



1 боряху; 2 около; 3 бьяхуся; 4 думенъ.



\Ле(в) — ч(л)[овЂкъ] м(д)ръ и храборъ на рате(х)\ И нача Левъ езди(ти) около города, абы [ему] куда мощ(ь)но взяти его, и горожано(м) грозу подаваа; и не бы(с)[ть] мощ(ь)но никуда же, весь бо бяше вчинень о(т) камене и утвер(ь)женіе є(г) немало — порокы и самострелы коловоротны(ми) великими и малыми. По се(м) же еха въ станы своа, нау(т)ріа же въставь.

 

\Ле(в) моли(тс) о мирно(м) похова(н)ю брата свое(г) Мстислава\ И зреніа сла(д)каго лице его насыщаася, моли о земли брата своего, преданіа ему тобою, и о люде(х), в ни(х) же бл̃говЂр(ь)но вл(д)чьствова, да съхраниши я въ мирЂ и въ бл̃говЂріи и да славитися в не(м) правовЂрію, и да блюде(т) Гь̃ Бъ̃ о(т) всякоя рати и преданіа и о(т) голода, нашествіа иноплемен(ь)никь и о(т) усобныа рати. Паче (ж) помл̃ися о братЂ свое(м) МьстиславЂ, добрыми дЂлы бе(з) соблазна Бг̃о(м) дан(ь)ныа ему лю(ди) управив(ь)шю, ста(ти) с тобою непосты(д)но пре(д) престоло(м) вседръжителя Ба̃, и за тру(д) паствы людіи его пріати о(т) него вЂнець славы нетленіа, съ всЂми праведными. Ами(н). *



* В Іп. сп. цей абзац поставлено в похвалу Володимиру. Див. вище.



\Воло(ди)ме(р) Василкови(ч) по смерти нетлЂне(н) въ гробЂ\ * Сему (ж) блг̃овЂрному князю Воло(ди)мерю, наре(ч)ному въ ст̃о(м) кр(с)щеніи Іоанну, сн̃у Васил(ь)кову, вложену въ гробъ, и лежа въ гробЂ тЂло єго не замазано о(т) 11 дн̃е м(с)ца декабря до 6 дн̃е м(с)ца апри(л). /777/ Княгини (ж) его не можаше ся втолити, \Єvсегній єп(с)пъ\ но прише(д)ши съ еп(с)кпо(м) Евсегеніемь и съ всЂ(м) крилосо(м), о(т)крыв(ь)ши гробъ, и ви(ди)ша тЂло его цЂло и бЂло, и бл̃гоуханіе о(т) гроба бы(с)[ть] и воня по(до)бна арама(т) многоцЂн(ь)ны(х). И та(к) чю(до) видЂ, видЂвше (ж) прославиша Ба̃, и замазаша гробъ его, м(с)ца апри(л) въ 6 дн̃ь, в сре(д)[у] стр(с)тное не(д)ли *.

\Юріи, к[нязь] пи(н)скій, сы(н) Воло(ди)меро(в), и Деми(д) бра(т) є(г)\ Тоє (ж) зимы преставися пиньскыѝ князь Юріи, сн̃ъ Воло(ди)меровь, кроткыѝ, смирен(ь)ныѝ, правдивыѝ; и плакася по не(м) княгини его, и сн̃ове его, и бра(т) ему Деми(д) князь, и вси лю(ди)е плакаху(с) по не(м) плаче(м) великы(м).

\Ива(н), к[нязь] степа(н)скіи\ Тоє (ж) зимы преставися степа(н)скыи князь Ивань, сн̃ъ ГлЂбовь, плакаху(с) по не(м) вси лю(ди)е о(т) мала и до велика. И нача княжити в него мЂсто сн̃ъ его Воло(ди)меръ.


* Фрагмент, позначений одніею зірочкою, відсутній в Іп.

** Текст, позначений двома зірочками, в Іп. стоіть в іншому місці.



\Камяне(ц) мЂсто на Л(ь)стнЂ рЂцЂ. Вежа в не(м) саженей 17 в(ь) высоту\ ** Князь же Воло(ди)меръ, въ княженіи своє(м), многы городы зруби, по о(т)ц̃и своє(м). Зруби Берестіи и за Берестіемь зруби горо(д) на пусто(м) мЂстЂ, нарицаемЂ(м) ЛьстнЂ, и наре(ч) имя ему Каменець, зане бы(с)[ть] камена земля. Създа (ж) въ не(м) сто(л)пъ каменъ, высотою 17 сажнеѝ, по(до)бенъ удивленію всЂ(м) зрящи(м) на (н)[ь]. \Церко(в) в Камянцу\ И цр̃квъ постави Бл̃говЂщеніа ст̃ыа Бц̃а, и украси ю иконами златыми, и съсуды скова служебныа сребрены, і еv(г)ліе опрако(с) оковано сребро(м), ап(с)лъ опракось, и пара(м)я, и събор(ь)никь о(т)ц̃а своего туто (ж) положи, и кр(с)ть въз(д)виза(л)ныѝ положи. \В БЂ(л)ску\ Тако (ж) и у БЂ(л)ску поустроѝ цр̃квъ иконами и книгами. \Обра(з) ст̃ Бц̃а в(ь) Воло(ди)мери коштовныи\ У Воло(ди)мери (ж) списа Ст̃го Д(ь)митреа всего, и съсуды слу(ж)б(ь)ные сребряные скова, и и/778/кону пр(с)тыа Бц̃а окова сребро(м) с каменіє(м) дорогы(м), и завЂсы золото(м) шиты, а другые оксамитные съ дробницею, и всЂми узорочіи украсі ю. \Обра(з) Спасо(в)\ У еп(с)кпъи же у ст̃оа Бц̃а обра(з) Сп̃са велика(г) окова сребро(м), еv(г)ліе списавь и окова сребро(м) и да ст̃ои Бц̃и, и ап(с)лъ списа опрако(с), ст̃ои Бц̃и да, и съсуды слу(ж)бные жьжено(г) золота с каменіемь драгы(м) Бц̃и (ж) да, обра(з) Сп̃совъ окова(н) золото(м) съ драгы(м) каменіє(м) постави у ст̃оа Бц̃а, въ памя(т) събЂ. \Еv(г)ліе опрако(с) са(м) к[нязь] писа(л) и, оправи(в)ше злато(м), да(л) въ епископію перемыскую\ Въ манастырь въ своѝ ап(с)лы да еv(г)ліе опрако(с), и ап(с)лъ са(м) списавь, и събор(ь)никь великыѝ о(т)ц̃а своего туто (ж) положи, и кр(с)ть въз(д)визал(ь)ныѝ и мл̃твеникь да. Въ еп(с)пью Перемышльскую да еv(г)ліе опрако(с), окован(ь)ное сребро(м) съ же(н)чюго(м), са(м) же съписа(л) бяше, а до Чер(ь)нЂгова пославь въ еп(с)копью єv(г)ліе опрако(с) золото(м) писано, а окован(ь)но сребро(м) съ же(н)чюго(м), \Спа(с) с финипто(м)\ и сре(ди) его Сп̃са с финипто(м). Въ луц(ь)кую єп(с)кпью да кр(с)ть вели(к) сребря(н) позлотисть, съ ч(с)тны(м) древо(м).

\В Любомли церко(в) с(т) м(ч) Георгіа\ Създа (ж) и цр̃кви многы: в Любомли (ж) постави цр̃квъ камен(ь)ну ст̃го и великого мч̃нка Хв̃а Гео(р)гіа, украсі ю иконами коваными, и съсуды слу(ж)бные сребряны скова, и пла(т)ци оксамитны шиты золото(м) съ же(н)чюго(м), херуви(м) и серафи(м), и иньдитья золото(м) шита вся, а другаа паволокы бЂ(л)чатоє, а в малою о(л)тару обЂ иньди(т)и бЂ(л)чатое (ж) паволокы. Еv(г)ліе списа опрако(с), окова е все золото(м) и каменіемь дорогы(м) съ же(н)чюго(м), и деису(с) на не(м) скова(н) о(т) злата, \Финип(т)\ цяты великы съ финип(ь)то(м), чю(д)но видениє(м), \Книги црко(в)ныи\ а другое /779/ єv(г)ліе опрако(с) же волочено оловиро(м), и цяту възложи на не с финип(ь)то(м), а на неѝ ст̃аа мч̃ника ГлЂбь и Борисъ. Ап(с)лъ опрако(с), прологы списа 12 м(с)ца, изложено житіа ст̃ы(х) оц̃ъ и дЂаніа ст̃ы(х) мч̃нкь, како вЂ(н)чаша(с) своею кръвію за Ха̃, и мЂнеѝ 12 списа, и тріо(ди), \Ермолои, мо(ли)тевни(к)\ и охтаи и ер(ь)молои, списа же и служебни(к) ст̃ому Гео(р)гію, и мл̃итвы ве(ч)ер(ь)ніи и утрьніи списа, особь молитвеника. Мл̃твени(к) же купи(л) въ протопопиное и да на не(м) 8 гриве(н) ку(н), и да ст̃му Гео(р)гію; ка(ди)лници двЂ, одина сребрена, а другаа мЂденаа, и кр(с)ть въз(д)виза(л)ныѝ да ст̃ому Георгію. \Обра(з) с(т̃) Георгіа\ Икону (ж) списа на золотЂ намЂстную ст̃го Георгіа, и гривну зла(т)ую възложи на (н)[ь] съ же(н)чюго(м); и ст̃ую Бц̃ю списа на золотЂ же намЂстную, и възложи на ню монисто золото с каменіє(м) дорогы(м); и двери соліа мЂдяные. Поча(л) же бяше писати ю и списа всЂ три олтарЂ, и шія вся съписана бы(с)[ть], но не ско(н)чана, заѝде бо и болесть.

\Колоколы\ Поліа же и колоколы дивны слышаніемь, такы(х) же не бы(с)[ть] въ всеѝ земли. \В(ь) Берестіи стол(п)ъ высокій\ В Берестіи же съз(д)а стлъпь каменъ, высотою яко и каменец(ь)кыѝ. Постави (ж) и цр̃квъ ст̃го Петра, и еv(г)ліе да опрако(с) оковано сребро(м), и слу(ж)бные съсуды скованы среб(р)ены, и ка(ди)л(ь)ница сребрена, и кр(с)ть въз(д)виза(л)ныѝ туто положи. И инаа многаа добродЂяніа съдЂа въ животЂ свое(м), я(ж) слову(т) по всЂ(м) земля(м). Туто (ж) положи(м) конець Вълодимерову княженію **.


[Начало княжения в ВолодимерЂ Мьстислава великаго князя.]

\М(ь)стисла(в) пріеха(л) по погребЂ братне(м) и плаче(т) плаче(м) велики(м)\ [Въ лЂто 6797 (1289).] Воло(ди)меру (ж) вложену въ гробь. Бра(т) же его 1 не притяже на схоронЂнье 2 тЂла его 3: но пріеха же послЂ с бояры свои(ми) /780/ и съ слугами, и еха въ еп(с)кпью къ ст̃оѝ Бц̃и, иде (ж) положе(н) бы(с)[ть] бра(т) его Воло(ди)меръ, и плакася на(д) гробо(м) его плачемь великы(м) зЂло, яко по о(т)ц̃и своє(м) по короли.



1 Князь же Мьстиславъ; 2 погребенье; 3 брата своего ВолодимЂра.



[И] утолив(ь) же о(т) плача [Мстислав], и нача рос(ь)сылати заса(д)у по всЂ(м) городо(м). Хотящю (ж) ему послати до Берестіа, и до Каме(н)ца, и до БЂ(л)ска, и пріиде ему вЂсть, аже уже засада і Юріева в(ь) Берестіи и в Каме(н)ци и в БЂ(л)ску. \Бере(ст)яне и и(н)шіи мЂста по(д)дались к[нязю] Юрію\ Берестіане бо вчинили коромолу бяху — [и] еще Воло(ди)меру князю бол(ь)ну сущю, — они (ж) ехав(ь)шю къ Юріеви князю цЂловаша кр(с)ть на то(м), рекучи: «Како не достане(т) стрыа твоего, [ино] мы твои и горо(д) [твой], а ты нашь князь».

Въло(ди)меру (ж) преставльшюся, Юріи услышавь вЂсть о стрыи своє(м), и еха в Берестіи и нача княжити в не(м), по совЂту безумны(х) свои(х) бояръ молоды(х) и коромо(л)никовь берестіанъ. Мьстиславу (ж) рекоша бояре его и брат(ь)ни бояре: «Г(с)дне! Сн̃овець твои великую съромоту възложи(л) на тя. ТобЂ да(л) Бъ̃ и бра(т) твои, и мл̃тва дЂда твоего и о(т)ц̃а твоего, може(м), г(с)дне, и головы своа положити за тя, и дЂти наши. Поиди, пръвіе заѝми городы его Бел(ь)зь и Чер(ь)венъ [но] тъ (ж) поѝде(м) къ Берестію». Князь же Мьстиславь бяше лег(ь)косръдь, и ре(ч) бояро(м) свои(м): «Не даѝ ми Бь̃ того учинити, аже бы мнЂ пролити кръвь неповин(ь)ную, но я исправлю Бг̃о(м) и бл(с)веніє(м) брата своего Воло(ди)мера».

\Послы о(т) М(ь)стислава до Юрья сыновца\ И посла послы къ сн̃о(в)цю своему, тако река: «Сыновче! Аже бы ми ты не бы(л) на то(м) пути и не слыша(л) ты: но ты са(м) слыша(л) гораз(д)о, и о(т)ц̃ъ твои и вся ра(т) слышала, аже /781/ бра(т) моѝ Воло(ди)меръ да(л) ми зе(м)лю свою всю и городы, по свое(м) животЂ, при царе(х) и при его ра(д)ца(х), а ва(м) повЂда(л), а я повЂда(л) же. Аже чего еси хотЂ(л), чему еси тог(д)а съ мною не мо(л)вилъ при царе(х)? А повЂ(ж) ми то, са(м) ли еси въ Берестіи сЂ(л) своею волею, ци ли веленіє(м) оц̃а своего, абы ми вЂдомо было. Не на мене жь та кровь буде(т), но на виновато(м), а по право(м) Бъ̃ помощни(к) и кр(с)ть ч(с)тны(й). Я (ж) хочю правити татары, а ты сЂди, аже не поеде(ш) добро(м), а зло(м) пакь поедешь [же]».

\Посе(л) до Лва єп(с)пъ воло(ди)мерьскій\ По се(м) же посла къ бра(т)у своему къ Л(ь)вови еп(с)кпа своего воло(ди)мер(ь)скаго, река ему: «Жалую, — р(ь)ци, — Бу̃ и тебЂ, зане ми [рци] еси по бз̃Ђ бра(т) ми еси стареишіи. ПовЂ(ж) ми, брате мои, право, своею ли волею сн̃ъ твоѝ сЂди(т) в Берестіи, ци ли твои(м) повеленіє(м)? Аже буде(т) твои(м) повеленіє(м) се вчини(л), се же ти повЂдаю, брате моѝ, не тая: посла(л) єсмь възводи(ти) татарь, а са(м) пристроиваюся, а яко мя Богъ рос(ь)суди(т) с вами, а не на мнЂ буде(т) та кровь, но на то(м), кто кривду вчини(л)» А.

\Телебу(жи)на ра(т). ОтповЂ(д) Лвова М(ь)стиславу\ Левъ же убояв(ь)ся того ве(л)ми, и еще бо тому 1 не съшла оскомина Телебужины ра(ти), и ре(ч) еп(с)кпу, (послу) Б брата своего: «Сн̃ъ моѝ, — р(ь)ци, — не мои(м) вЂда(н)є(м) се вчини(л) [то одинъ Богъ вЂдаеть, но своемь молодымъ умомъ учинилъ]. О се(м), рьци, брате моѝ, не печалуѝ, шлю я къ нему, ать поєде(т) вонъ из города сн̃ъ моѝ». Еп(с)кпъ же пріеха къ Мьстиславу нача повЂдати рЂ(ч) брат(ь)ню. Мстиславу же любо бы(с)[ть] то.



1 ему.

А В Іп.: но на виноватомъ, но на томъ, кто будеть криво учинилъ; Б Слово послу дописано над рядком.



\Юріи порускіи посе(л) ко татаро(м)\ По се(м) же Мьстиславь вбор(ь)зЂ посла го(н)цЂ по Юріи князи пору(с)ско(м), веля его въротити наза(д), посла(л) бо его бяше възводи(т) татарь на сн̃овца своего. Тог(д)а бо Юріи пору(с)скый служаше /782/ Мьстиславу, а пръвое [служилъ] Воло(ди)меру.

Се (ж) услышавь Левъ князь, посла Семена своего Дя(д)ковича къ сн̃ови своему съ про(ч)ными рЂ(ч)ми, река ему: «Поє(д) вонъ из города, не погуби зе(м)лЂ: братъ моѝ послалъ възводи(т) татарь. Не поедешь ли вонъ, и я тъ буду помочникь брату своему Мьстиславу на тя. Аже ми буде(т) см̃рть, по мое(м) животЂ даю землю свою всю бра(т)у своему Мьстиславу, а тобЂ не да(м), аже мене не слушаешь оц̃а своего».

\О(т) Лва посе(л) до Юріа сн̃а, веля ему гро(з)но уступи(ти) города М(ь)стиславу. Посе(л) о(т) М(ь)стислава\ Семенови (ж) едущю къ Юріеви, Мьстислав(ь) же посла с ни(м) Павла Денисіевича, тъ(й) бо ездиль бяше ко Львови и вЂдае(т) всЂ рЂчи. Посла (ж) ни(м) о(т)ц̃а своего дх̃овнаго, ре(ч) Павлови: «Аже ти поєде(т) вонъ сы[но]вець ми, наряди (ж) до мене кормъ и питіе, тако (ж) и в Каме(н)ци наря(ди)».

\Юрій уступуе(т) з соромо(м) заграбивши все\ Семенови же пріехав(ь)ши къ Юрьеви повЂдающю рЂ(ч) оч̃ю, и бы(с)[ть] зау(т)ра поеха Юріи вонъ из города съ великы(м) съромо(м), пограбивь вся домы стрыа своего, и не остася ни каме(н) на камени въ Берестіи и въ Каме(н)ци и в(ь) БЂ(л)ску. Паве(л) же Мьстиславу повЂда ему: «Сн̃овец(ь) уже поеха(л), а ты, г(с)дне, поє(д) у сво(й) горо(д)».

\М(ь)стисла(в) до Берестіа и до ины(х) мЂ(ст)\ Мьстислав(ь) же поеха до Берестіа. Едущу же єму к(ъ) городу, и срЂтоша его горожане съ кр(с)ты о(т) мала и до велика, и пріаша съ ра(до)стію великою свое(г) г(с)дна. Берестіане же, нача(л)ници коромолЂ, бЂжаша по Юріи до Дорогичина, цЂлова(л) бо к(ь) ни(м) кр(с)ть на то(м): «Не выда(м) ва(с) стрыеви своему». Мьстислав(ь) же пребы(в) мало дн̃іѝ в(ь) Берестіи, и еха до Каме(н)ца и до БЂ(л)ска, и ра(ди) быша ему вси людіе. Утвер(ь)ди лю(ди), и заса(д)у поса(ди)въ /783/ в БЂ(л)ску и в Каме(н)ци. И пріеха в(ъ) Берестіи и ре(ч) бояро(м) свои(м): «Є(с)[ть] ли лов(ь)ци здЂ?» Они же рекоша: «Нету(т), г(с)дне, из(ь)вЂка». Мьстислав(ь) же ре(ч): «Я пакь уставляю на нЂ лов(ь)ци за и(х) коромолу, абы ми не зрЂти на и(х) кро(в)». И повелЂ пис(ь)цю своему писа(ти) грамоту *.

\Тыне(ц) горо(д)\ Поѝдоша къ Ты(н)цю, и быша негодящю сл̃нцю поѝде крЂп(ь)ко А, одва города не взяша: мнози горожане о(т) ни(х) избиты быша, а друзіи ранени, а свои всЂ цЂли [быша].



А В Іп.: И въсходящю солнцю, и поиде к Тынцю, и бишася у него крЂпко.

* Далі в Іп.: іде фрагмент, наведений в цьому списку вище.



\Ле(в) знову по(д) Краковъ\ И пріиде Левъ опя(т) къ Кракову, и повелЂ вое(м) свои(м) пристроиватися, хотя поѝти къ городу битися и ляхо(м) тако (ж) повелЂ: и поѝдоша вси, и полЂзоша к забороло(м) и біаху(с) крЂп(ь)ко обои. И в то время пріиде вЂсть Лвови князю, аже ра(т) иде(т) на (н)[ь] велика. И повелЂ перестати о(т) боя и поча наряжати по(л)кы своа, а Болеславь с Ко(н)драто(м) своа по(л)кы, а сторожи посла на съгляданіе ратны(х), \Ляхове сами змышляю(т) новины\ и не бы(с)[ть] ничего же. [Но] воеводы ля(д)скые сами полошаху, абы не взяти города. Левъ же усмотривь лесть и(х), и думавь много с бояры свои(ми), посла ра(т) свою къ Вро(т)славлю воевати Индриховы землЂ. И взяша бесчислен(ь)ное мно(ж)ство челяди, и скота и конеѝ, и товара, зане не вхо(ди)ла бяше никаа (ж) рать то(л) глубоко в(ъ) землю его, и пріѝдоша ко (Л)вови съ ч(с)тію великою и съ мно(ж)ство(м) полона. Л(ь)вови (ж) радо(с)[ть] бы(с)[ть] велика, аже свои всЂ добри и здорови, а полона много.

\Ле(в) еха до чехо(в) на соймъ, где взя дары велики о(т) короля\ Тог(д)а же Левъ еха в Чехы на сне(м) къ королеви, зане любовь дръжаше с ни(м) велику; и докон(ь)чавь с ни(м) миръ до своего живота. Коро(л) же одаривь Льва /784/ дар(ь)ми всякыми дорогими, и тако о(т)пусти его с великою ч(с)тію; и пріеха къ своему по(л)ку. И ради быша ему бояре его и слуги его, видяще своего г(с)дна. У города у Кракова не в(ь)спЂша ничто (ж), и поиде Ле(в) въсвояси съ ч(с)тію великою, възе(м) бесчислен(ь)ное мно(ж)ство полона и челя(ди), и скота и конеѝ, и товара, славя[ще] Ба̃ и прч(с)тую его Мт̃рь, помог(ь)шу ему.

\Мстисла(в) збудова(л) гробницу\ Того (ж) лЂ(т) Мьстиславу князю въложи ему Бъ̃ въ ср(д)це мысль бл̃гу: съз(д)а гробницю каме(н)ну на(д) гробо(м) бабы своея Романовое, въ манастыри у ст̃го. И свяща ю во имя праведникь Іоакыма и Анны, и слу(ж)бу в неѝ сътвори.

Того (ж) лЂта в Чер(ь)торыѝску в городЂ заложи столъпь каменъ. \Конецъ лЂ(т)описи Несторовы\









При підготовці тексту Галицько-Волинського літопису за Острозьким списком та підведенні різночитань використані видання:

1. Факсимільне видання літопису: Староруські київські і Галицько-Волинські літописи: Острозький список (Хлебніковський) і список Четвертинського (Погодінський). Гарвардська бібліотека давнього українського письменства. Т.VIII. The Old Rus' Kievan and Galician-Volhynian Chronicles: The Ostroz'kyj (Xlebnikov) and Četvertyns'kyj (Pogodin) Codices (Harvard Library of Early Ukrainian Literature. Vol. VIII). Harvard University Press, 1990, P.307-391.

2. Галицько-Волинський літопис. Дослідження. Текст. Коментар / За ред. чл.-кор. НАН України М.Ф. Котляра. — К.: Наук. думка, 2002. — С.75-156.

3. Ипатьевская летопись / Полное собрание русских летописей. — Спб, 1908. — Т. 2. — Стб. 715-938.

4. Галицко-Волынская летопись / Памятники литературы Древней Руси. XIII век. — М., 1981. — С.236-425.

5. Літопис руський. — К., 1989. — С.368-452.





Текст Острозького (Хлєбниковського) списку Галицько-Волинського літопису підготовлено за «Правилами видання пам’яток, писаних українською та церковнослов’янською української редакції», укладеними В.В.Німчуком (Київ, Інститут української археографії, 1995). Усі графічні варіанти кириличних букв передаються гражданським шрифтом. Надрядкові букви та паерок винесені в рядок і взяті в дужки. Розділові знаки та розбиття на слова здійснюється відповідно до правил сучасного правопису. Титла збережені. У виносках внизу сторінки подаються лексичні різночитання за Іпатіївським списком, важливі для розуміння змісту тексту. Додані фрагменти Іпатіївського списку, відсутні в Острозькому, виділяються квадратними дужками, натомість курсивом виділено деякі фрагменти, яких немає в Іпатіївському списку. Написи на полях рукопису та нумерацію сторінок внесено до тексту у дужках і подано у кольорі.




Див. окремі сторінки літопису у графічному форматі: С. 636, С. 637, С. 696, С. 697, С. 712, С. 737, С. 738.







© Підготовка тексту: Максим, «Ізборник» (http://litopys.kiev.ua)
26.VIII.2005











Див. також:


Літопис руський (переклад на сучасну мову Л.Махновця).
Галицько-Волинський літопис (переклад Т. Коструби)
Галицько-Волинський літопис (розшифровка за Іпатським списком).

Ярослав Книш. Фрагменти невідомого списку Іпатіївського літопису
Омелян Пріцак. Вступ до видання Староруські київські і галицько-волинські літописи.
Антін Генсьорський. Галицько-Волинський літопис. Процес складання; редакції і редактори. Київ, 1958.
Антін Генсьорський. Галицько-Волинський літопис. Лексичні, фразеологічні та стилістичні особливості. Київ, 1961.



Лаврентіївський літопис (ПСРЛ, Т. I, 1926-28)
Феодосій Софонович. Кройніка о Русі. Кройніка о початку і назвиску Литви (1673).

«Літописи». З Енциклопедії Українознавства.
«Літописи». З енциклопедії «Українська мова».
«Повість временних літ». З енциклопедії «Українська мова».








‹‹   Головна     Переклад     Див. повний текст літопису за Іпатським списком




Вибрана сторінка

Арістотель:   Призначення держави в людському житті постає в досягненні (за допомогою законів) доброчесного життя, умови й забезпечення людського щастя. Останнє ж можливе лише в умовах громади. Адже тільки в суспільстві люди можуть формуватися, виховуватися як моральні істоти. Арістотель визначає людину як суспільну істоту, яка наділена розумом. Проте необхідне виховання людини можливе лише в справедливій державі, де наявність добрих законів та їх дотримування удосконалюють людину й сприяють розвитку в ній шляхетних задатків.   ( Арістотель )



Якщо помітили помилку набору на цiй сторiнцi, видiлiть мишкою ціле слово та натисніть Ctrl+Enter.

Iзборник. Історія України IX-XVIII ст.